erkem

ﺋﻪﺳﺴﺎﻻﻣﯘ ﺋﻪﻟﻪﻳﻜﯘﻡ، ﮬﯚﺭﻣﻪﺗﻠﯩﻚ ﺗﻮﺭﺩﺍﺷﻼﺭ!
ﻳﯘﻗﯩﺮﯨﺪﯨﻜﻰ ﺑﯘ ﻣﺎﯞﺯﯗﺩﯨﻦ ﭘﯧﻘﯩﺮﻧﻰ ﻳﻪﻧﻪ ﻗﺎﻧﺪﺍﻗﺘﯘﺭ ﻗﺎﻗﺸﺎﺵ ﯞﻩ ﺋﺎﻏﺮﯨﻨﯩﺸﻘﺎ ﺗﻮﻟﻐﺎﻥ ﺑﯩﺮﻩﺭ ﻣﻪﺯﻣﯘﻧﺪﺍ ﺳﯚﺯﻟﻪﭖ ﺳﺎﻻﻣﺪﯨﻜﯩﻦ ﺩﻩﭖ ﺋﺎﻏﺮﯨﻨﯩﭗ ﻳﯜﺭﻣﯩﮕﻪﻳﺴﯩﺰ. ﺑﯘ ﻣﯧﻨﯩﯔ ﺑﯩﺮ ﻛﯩﺘﺎﺑﺘﯩﻦ ﻛﯚﭼﯜﺭﯛﭖ ﯸﻠﯩﭗ، ﺳﯩﺰﻟﻪﺭﮔﻪ ﺋﺎﺯﺭﺍﻕ ﺑﻮﻟﺴﯩﻤﯘ ﺭﻭﮬﯩﻲ ﺟﻪﮬﻪﺗﺘﯩﻦ ﭘﺎﻳﺪﯨﺴﻰ ﺗﯧﮕﯩﭗ ﻗﺎﻟﺴﺎ ﺋﻪﺟﻪﭖ ﺋﻪﻣﻪﺱ، ﺩﻩﭖ ﻳﻮﻟﻠﯩﻐﺎﻥ ﻛﯚﭼﯜﺭﯛﻟﻤﯩﺪﯗﺭ، ﺧﺎﻻﺱ.
ﻳﯧﻘﯩﻨﺪﺍ ﻣﺎﺗﯧﺮﯨﻴﺎﻟﻠﯩﺮﯨﻤﻨﻰ ﺭﻩﺗﻠﻪﯞﯦﺘﯩﭗ، ﻗﻮﻟﯘﻣﻐﺎ ﻳﺎﺵ ﻗﻪﻟﻪﻣﻜﻪﺵ ﺭﻭﺷﻪﻧﮕﯜﻝ ﻣﯘﮬﻪﻣﻤﻪﺩﺋﻪﻟﻰ ﻳﺎﺯﻏﺎﻥ <ﻗﯘﻳﺎﺵ ﻗﻮﻧﻐﺎﻥ ﭼﯩﻐﯩﺮ ﻳﻮﻝ> ﻧﺎﻣﻠﯩﻖ ﻛﯩﺘﺎﺑﻰ ﭼﯩﻘﯩﭗ ﻗﺎﻟﺪﻯ. ﺑﯘ ﻛﯩﺘﺎﺏ ﺧﻮﺗﻪﻥ ﯞﯨﻼﻳﻪﺗﻠﯩﻚ ﺳﻪﮬﯩﻴﻪ ﺋﯩﺪﺍﺭﯨﺴﻰ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﻠﻐﺎﻥ ﺑﻮﻟﯘﭖ، ﺋﯩﭽﻜﻰ ﻣﺎﺗﯧﺮﯨﻴﺎﻝ ﺋﯩﻜﻪﻥ (ﻧﻮﻣﯘﺭﻯ: 2006-039). ﻛﯩﺘﺎﺑﺘﺎ ﺧﻮﺗﻪﻥ ﺩﯨﻴﺎﺭﯨﺪﯨﻜﻰ ﻣﻪﺧﺴﯘﺳﻼﺷﻘﺎﻥ ﺩﻭﺧﺘﯘﺭﺧﺎﻧﯩﻼﺭ ﺗﻮﻧﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﺑﯘﻻﺭ: ﺧﻮﺗﻪﻥ ﺋﻮﺑﯘﻝ ﻣﻪﺧﺴﯘﺱ ﺳﯚﯕﻪﻙ ﻛﯧﺴﻪﻟﻠﯩﻜﻰ ﺩﻭﺧﺘﯘﺭﺧﺎﻧﯩﺴﻰ، ﭘﻮﻻﺕ ﻛﯚﺯ ﻛﯧﺴﻪﻟﻠﯩﻜﻠﯩﺮﻯ ﺩﻭﺧﺘﯘﺭﺧﺎﻧﯩﺴﻰ ﯞﻩ ﺧﻮﺗﻪﻥ ﺷﻪﮬﻪﺭ ﺩﺍﯞﺍﺋﯩﻲ ﺋﯘﻳﻐﯘﺭ ﺗﯧﺒﺎﺑﻪﺕ ﺩﻭﺧﺘﯘﺭﺧﺎﻧﯩﺴﻰ ﺋﯩﻜﻪﻥ. ﺗﯚﯞﻩﻧﺪﯨﻜﻰ ﻛﯩﺘﺎﺑﻨﯩﯔ ﻣﯘﻗﺎﯞﺍ ﺋﯩﭻ ﺑﯧﺘﯩﺪﻩ ﺑﯧﺮﯨﻠﮕﻪﻥ ﺋﺎﭘﺘﻮﺭﻧﯩﯔ ﺳﯚﺯﻟﯩﺮﻯ:

ﮬﺎﻳﺎﺕ ﻳﺎﺷﺎﯞﺍﺗﻘﺎﻥ ﮬﻪﺭﻗﺎﻧﺪﺍﻕ ﺑﯩﺮﺋﺎﺩﻩﻣﻨﯩﯔ ﻣﻪﻳﻠﻰ ﺋﯘﻟﯘﻏﯟﺍﺭ ﻏﺎﻳﯩﺴﻰ ﺑﻮﻟﺴﯘﻥ ﻳﺎﻛﻰ ﺗﯘﺭﻣﯘﺷﺘﯩﻜﻰ ﺋﻪﯓ ﺋﺎﺩﺩﯨﻲ ﺑﯩﺮ ﺗﻪﻟﯩﭙﻰ ﺑﻮﻟﺴﯘﻥ، ﺋﯘﻧﯩﯖﻐﺎ ﻳﯧﺘﯩﺶ ﺋﯜﭼﯜﻥ ﭼﻮﻗﯘﻡ ﺑﯩﺮ ﺗﯩﺮﯨﺸﯩﺶ ﻧﯩﺸﺎﻧﻰ ﺑﻮﻟﯩﺪﯗ. ﺋﯚﺯ ﺋﺎﺭﺯﯗﻳﯘﻡ ﺑﻮﻳﯩﭽﻪ ﻣﯘﺳﺘﻪﻗﯩﻞ ﺋﯩﮕﯩﻠﯩﻚ ﺗﯩﻜﻠﻪﺵ ﻳﻮﻟﯩﺪﺍ ﺗﯩﺮﯨﺸﯩﯟﺍﺗﻘﯩﻨﯩﻤﺪﺍ ﺋﯘﭼﺮﯨﻐﺎﻥ ﺑﻪﺯﻯ ﻣﻪﺳﯩﻠﯩﻠﻪﺭ ﻣﯧﻨﻰ ﺗﻪﻣﺘﯩﺮﯨﺘﯩﭗ ﻗﻮﻳﺪﻯ. ﻗﺎﻧﺪﺍﻕ ﮬﻪﻝ ﻗﯩﻠﯩﺸﻨﻰ ﺑﯩﻠﻪﻟﻤﻪﻱ ﮔﺎﯕﮕﯩﺮﺍﭘﻼ ﻗﺎﻟﺪﯨﻢ. ﺋﯚﺯﯨﻨﯩﯔ ﺩﺍﻧﺎ ﭘﯩﻜﯩﺮ-ﻣﻪﺳﻠﯩﮭﻪﺗﻠﯩﺮﻯ ﺑﯩﻠﻪﻥ ﻗﻪﻟﺒﯩﻤﺪﯨﻜﻰ ﻏﻪﻡ-ﻗﺎﻳﻐﯘ ﺗﯘﻣﺎﻧﻠﯩﺮﯨﻨﻰ ﭼﯩﻘﯩﺮﯨﭗ ﺗﺎﺷﻼﭖ، ﻳﻮﻝ ﺑﺎﺷﻼﻳﺪﯨﻐﺎﻥ ﻳﯧﺘﻪﻛﭽﯩﮕﻪ ﺑﻪﻛﻼ ﻣﯘﮬﺘﺎﺝ ﺋﯩﺪﯨﻢ. ﺩﻩﺳﻠﻪﭘﺘﻪ ﻏﺎﻳﯩﯟﻯ ﺋﯜﻟﮕﯩﻠﯩﻚ ﺷﻪﺧﺴﻠﻪﺭﻧﯩﯔ ﻧﻪﺯﻩﺭﯨﻴﯩﻠﯩﺮﯨﺪﯨﻦ ﭼﯩﻘﯩﺶ ﻳﻮﻟﻰ ﺋﯩﺰﺩﯨﺪﯨﻢ. ﺋﻪﻣﻤﺎ، ﻣﻪﻥ ﺋﯘﭼﺮﯨﻐﺎﻥ ﺋﻮﺑﻴﯧﻜﺘﯩﭗ ﻣﻪﺳﯩﻠﯩﻠﻪﺭ ﺋﺎﻟﺪﯨﺪﺍ ﺋﯘﻻﺭﻧﯩﯖﻤﯘ ﺋﺎﻣﺎﻟﺴﯩﺰ ﺋﯩﻜﻪﻧﻠﯩﻜﯩﻨﻰ ﮬﯧﺲ ﻗﯩﻠﯩﭗ، ﺋﯚﺯ ﺋﻪﺗﺮﺍﭘﯩﻤﻐﺎ ﺩﯨﻘﻘﻪﺕ ﻗﯩﻠﯩﺸﻘﺎ ﺑﺎﺷﻠﯩﺪﯨﻢ. ﺑﻮﻟﯘﯞﺍﺗﻘﺎﻥ ﺋﯩﺸﻼﺭ ﺗﻮﻏﺮﯗﻟﯘﻕ ﮬﻪﻡ ﺋﯚﺯﯛﻡ ﺗﻮﻏﺮﯗﻟﯘﻕ ﻗﺎﻳﺘﯩﺪﯨﻦ ﺋﻮﻳﻼﻧﺪﯨﻢ
ﺑﯩﺰﮔﻪ ﺯﺍﺩﻯ ﻧﯧﻤﻪ ﻛﻪﻡ؟
ﮬﺎﺯﯨﺮﻏﯩﭽﻪ ﺗﺎﻻﺵ-ﺗﺎﺭﺗﯩﺶ ﻗﯩﻠﯩﯟﺍﺗﯩﻤﯩﺰ، ﺋﯧﺮﯨﺸﻜﻪﻥ ﺟﺎﯞﺍﺑﻼﺭ ﮬﻪﺭﺧﯩﻞ. ﺑﻪﺯﯨﻤﯩﺰ ﺩﯨﺪﯗﻕ ﺑﯩﺰﺩﻩ ﺋﯧﺘﯩﻘﺎﺩ ﻛﻪﻡ، ﺑﻪﺯﯨﻤﯩﺰ ﺩﯦﺪﯗﻕ ﺋﯩﻘﺘﯩﺴﺎﺩ ﻛﻪﻡ، ﻳﻪﻧﻪ ﺑﻪﺯﯨﻤﯩﺰ ﺩﯦﺪﯗﻕ ﭘﯘﺭﺳﻪﺕ ﻛﻪﻡ.......
ﻣﻪﻥ ﺋﻮﻳﻼﻳﻤﻪﻥ، ﺑﯩﺰﮔﻪ ﻳﻪﻧﯩﻼ ﺋﯜﻟﮕﻪ ﻛﻪﻡ! ﭘﯘﻟﻨﯩﻤﯘ ﺗﺎﭘﺎﻻﻳﻤﯩﺰ، ﺑﻪﺯﻯ ﺋﯧﺰﯨﻘﺘﯘﺭﯗﺷﻼﺭﺩﯨﻦ ﺧﺎﺗﺎ ﻳﻮﻟﻐﺎ ﻣﯧﯖﯩﭗ ﺑﯧﻘﯩﭗ، ﺋﯚﺯ ﺋﯧﺘﯩﻘﺎﺩﯨﻤﯩﺰﻧﯩﻤﯘ ﺗﯧﭙﯩﯟﺍﻟﯩﻤﯩﺰ، ﺗﯩﺮﯨﺸﺴﺎﻗﻼ ﮬﻪﻣﻤﻪ-ﮬﻪﻣﻤﯩﮕﻪ ﺋﯧﺮﯨﺸﻪﻟﻪﻳﻤﯩﺰ. ﻟﯧﻜﯩﻦ ﻗﺎﻧﺪﺍﻕ ﻳﻮﻝ ﺑﯩﻠﻪﻥ ﺋﯧﺮﯨﺸﯩﺶ ﺑﯩﺰﻧﻰ ﮬﻪﺭﯞﺍﻗﯩﺖ ﺋﻮﻳﻠﯩﻨﯩﺸﻘﺎ ﻣﻪﺟﺒﯘﺭ ﻗﯩﻠﯩﺪﯗ. ﻛﯚﺯ ﺋﺎﻟﺪﯨﻤﯩﺰﺩﯨﻜﻰ ﺭﯦﺌﺎﻟﻠﯩﻖ ﺷﯘﻧﻰ ﺋﯩﺴﭙﺎﺗﻠﯩﺪﯨﻜﻰ، ﺑﯩﺰﮔﻪ ﺋﯚﺯﯨﻨﯩﯔ ﮬﺎﻻﻝ ﻗﺎﻥ-ﺗﻪﺭﯨﮕﻪ، ﺋﻪﻗﯩﻞ-ﭘﺎﺭﺍﺳﯩﺘﯩﮕﻪ ﺗﺎﻳﯩﻨﯩﭗ ﺋﯧﺮﯨﺸﻜﻪﻥ ﻧﻪﺗﯩﺠﯩﺴﻰ ﺑﯩﻠﻪﻥ ﻗﻪﻟﺒﯩﻤﯩﺰﻧﻰ ﻟﻪﺭﺯﯨﮕﻪ ﺳﯧﻠﯩﭗ، ﺭﻭﮬﯩﻤﯩﺰﻧﻰ ﺋﯘﺭﻏﯘﺗﺎﻻﻳﺪﯨﻐﺎﻥ، ﺋﯚﺯﯨﻤﯩﺰﮔﻪ ﻗﺎﻳﺘﯩﺪﯨﻦ ﻧﻪﺯﻩﺭ ﺳﯧﻠﯩﭗ ﺋﻮﻳﻼﻧﺪﯗﺭﺍﻻﻳﺪﯨﻐﺎﻥ، ﺋﺎﻟﻐﺎ ﺋﯩﻠﮕﯩﺮﯨﻠﯩﺸﯩﻤﯩﺰﮔﻪ ﻣﻪﺩﻩﺕ، ﺗﯩﺮﯨﺸﯩﺸﯩﻤﯩﺰﻏﺎ ﻧﯩﺸﺎﻥ ﺑﻮﻻﻻﻳﺪﯨﻐﺎﻥ ﺋﯜﻟﮕﻪ ﻛﻪﻡ.
ﺑﯩﺰ ﻳﺎﺧﺸﻰ ﺩﻩﭖ ﻗﺎﺭﯨﻐﺎﻥ ﻧﻪﺭﺳﯩﻠﻪﺭﻧﻰ ﮬﺎﻣﺎﻥ ﻳﯩﺮﺍﻗﺘﯩﻦ ﺋﯩﺰﺩﯨﺪﯗﻕ. ﮬﻪﺗﺘﺎ ﮔﻪﭖ-ﺳﯚﺯ، ﺋﯩﺶ-ﻳﻪﻛﯜﻧﻠﯩﺮﯨﻤﯩﺰﮔﻪ ﺑﺎﺷﻘﯩﻼﺭﻧﯩﯔ ﻧﻪﺯﯨﺮﻯ ﺑﯩﻠﻪﻥ ﭘﺎﻛﯩﺖ ﺑﯧﺮﯨﺸﻜﻪ ﺗﯩﺮﯨﺸﺘﯘﻕ. ﺋﺎﻗﯩﯟﻩﺕ ﯞﺍﻗﺘﻰ ﺋﯚﺗﻜﻪﻥ ﻧﻪﺯﻩﺭﯨﻴﯩﻠﻪﺭ، ﻗﯧﻠﯩﭙﻼﺷﻘﺎﻥ ﺋﺎﺗﺎﻟﻐﯘﻻﺭ ﺷﯜﺑﮭﻰ ﭘﻪﻳﺪﺍ ﻗﯩﻠﯩﭗ، ﻛﯩﺸﯩﻨﯩﯔ ﺋﯩﺮﺍﺩﯨﺴﯩﻨﻰ ﺳﯘﻧﺪﯗﺭﯨﺪﯨﻐﺎﻥ ﺑﯩﺸﺎﺭﻩﺗﻠﻪﺭ ﺑﯩﺰﮔﻪ ﺑﻪﺯﯨﺪﻩ ﺋﯚﺯﯨﻤﯩﺰﻧﻰ ﭼﺎﻏﻠﯩﻤﺎﻱ ﺋﺎﺳﻤﺎﻧﺪﺍ ﻗﺎﻧﺎﺗﺴﯩﺰ ﺋﯘﭼﯘﺷﻨﻰ، ﺑﻪﺯﯨﺪﻩ ﻗﯘﺗﻘﯘﺯﻏﯘﺳﯩﺰ ﭼﯜﺷﻜﯜﻧﻠﯜﻛﻨﻰ ﺋﺎﺗﺎ ﻗﯩﻠﺪﻯ.
ﺋﯚﺯ ﺗﯘﭘﺮﯨﻘﯩﻤﯩﺰﺩﯨﻜﻰ ﮬﻪﺭﺳﺎﮬﻪﺩﻩ ﺋﯘﺗﯘﻕ ﻗﺎﺯﺍﻧﻐﺎﻥ ﺋﯜﻟﮕﯩﻠﻪﺭﻧﻰ ﺋﯘﭼﺮﺍﺗﻘﯩﻨﯩﻤﺪﺍ ﺩﯗﻧﻴﺎ ﺑﺎﺭﻏﺎﻧﺴﯧﺮﻯ ﮔﯜﺯﻩﻟﻠﯩﺸﯩﭗ ﻛﯧﺘﯩﯟﺍﺗﻘﺎﻧﺪﻩﻙ، ﮬﻪﻣﻤﻪ ﻧﻪﺭﺳﻪ ﺋﯜﻣﯩﺪﻛﻪ ﺗﻮﻟﯘﯞﺍﺗﻘﺎﻧﺪﻩﻙ ﺑﯩﻠﯩﻨﺪﻯ. ﺋﯘﻻﺭﻧﯩﯔ ﺋﯚﺯ ﺳﺎﮬﻪﺳﯩﺪﯨﻜﻰ ﺋﻮﺭﺗﺎﻕ ﻗﯩﻴﯩﻨﭽﯩﻠﯩﻘﻼﺭﻧﻰ ﻗﺎﻧﺪﺍﻕ ﻳﻪﯕﮕﻪﻧﻠﯩﻜﯩﻨﻰ، ﺋﯘﭼﺮﯨﻐﺎﻥ ﻣﻪﺳﯩﻠﯩﻠﻪﺭﻧﻰ ﻗﺎﻧﺪﺍﻕ ﮬﻪﻝ ﻗﯩﻠﻐﺎﻧﻠﯩﻘﯩﻨﻰ، ﻳﯜﺯ ﺑﻪﺭﮔﻪﻥ ﻛﺮﯨﺰﯨﺴﯩﻼﺭﺩﯨﻦ ﻗﺎﻧﺪﺍﻕ ﭼﺎﺭﻩ-ﺋﺎﻣﺎﻟﻼﺭ ﺋﺎﺭﻗﯩﻠﯩﻖ ﻗﯘﺗﯘﻟﻐﺎﻧﻠﯩﻘﯩﻨﻰ، ﺟﯜﻣﻠﯩﺪﯨﻦ ﻧﻪﺗﯩﺠﯩﻠﯩﺮﻯ ﺋﯜﭼﯜﻥ ﻗﺎﻧﭽﯩﻠﯩﻚ ﺑﻪﺩﻩﻝ ﺗﯚﻟﯩﮕﻪﻧﻠﯩﻜﯩﻨﻰ ﺑﻪﻛﻼ ﺑﯩﻠﮕﯜﻡ ﻛﻪﻟﺪﻯ. ﺷﯘ ﺳﻪﯞﻩﺑﺘﯩﻦ ﻛﯚﭖ ﯞﺍﻗﺘﯩﻤﻨﻰ ﮬﺎﻻﻝ ﻗﺎﻥ-ﺗﻪﺭﻯ ﺑﯩﻠﻪﻥ ﺋﯩﮕﯩﻠﯩﻚ ﺗﯩﻜﻠﻪﭖ، ﺋﻪﻝ-ﻳﯘﺭﺗﻨﯩﯔ ﺩﯗﺋﺎﺳﯩﻐﺎ ﺋﯧﺮﯨﺸﻜﻪﻥ ﮬﯚﺭﻣﻪﺕ ﺋﯩﮕﯩﻠﯩﺮﯨﻨﯩﯔ ﻛﻪﭼﯜﺭﻣﯩﺸﻠﯩﺮﯨﻨﻰ ﻳﯩﻐﯩﭗ، ﺗﻮﭘﻼﺷﻘﺎ ﺳﻪﺭﭖ ﻗﯩﻠﺪﯨﻢ. ﺋﻪﺗﺮﺍﭘﯩﻤﺪﯨﻜﻰ ﺋﯚﺯﯨﻨﯩﯔ ﻣﻪﯞﺟﯜﺗﻠﯩﻘﯩﻨﻰ، ﺋﯩﻨﺴﺎﻧﯩﻲ ﻗﻪﺩﯨﺮ-ﻗﯩﻤﻤﯩﺘﯩﻨﻰ ﺟﻪﯞﻻﻥ ﻗﯩﻠﺪﯗﺭﯗﺵ ﺋﺎﺭﺯﯗﺳﯩﺪﺍ ﻳﯧﻨﯩﯟﺍﺗﻘﺎﻥ ﭘﯩﻜﯩﺮﺩﺍﺷﻼﺭ ﺑﯩﻠﻪﻥ ﺋﻮﺭﺗﺎﻕ ﭘﺎﻳﺪﯨﻠﯩﻨﯩﺶ ﺋﯜﭼﯜﻥ ﮬﻪﺭﻗﺎﻳﺴﻰ ﺳﺎﮬﻪﺩﯨﻜﻰ ﺋﯜﻟﮕﻪ ﺑﻮﻻﻻﻳﺪﯨﻐﺎﻥ، ﺋﯩﺸﻪﻧﭽﯩﻤﯩﺰﻧﻰ ﺋﺎﺷﯘﺭﯗﭖ، ﺋﯩﻠﮭﺎﻡ ﺋﺎﺗﺎ ﻗﯩﻼﻻﻳﺪﯨﻐﺎﻥ ﺳﻪﺭﻛﯩﻠﻪﺭﻧﯩﯔ ﺋﯩﮕﯩﻠﯩﻚ ﺗﯩﻜﻠﻪﺵ ﺟﻪﺭﻳﺎﻧﻠﯩﺮﯨﻨﻰ ﺗﻮﻧﯘﺷﺘﯘﺭﯗﺷﻨﯩﯔ ﺗﯘﻧﺠﻰ ﻗﻪﺩﯨﻤﯩﻨﻰ ﺑﺎﺳﺘﯩﻢ.

.(ﺭﻭﺷﻪﻧﮕﯜﻝ ﻣﯘﮬﻪﻣﻤﻪﺩﺋﻪﻟﯩﻨﯩﯔ ﺋﺎﻻﻗﻪ ﺋﯩﺨﻪﺕ ﺋﺎﺩﺭﯦﺴﻰ:maktup321@yahoo.com.cn ).

ﺋﺎﭘﺘﻮﺭ ﺭﻭﺷﻪﻧﮕﯜﻝ ﻣﯘﮬﻪﻣﻤﻪﺩﺋﻪﻟﯩﻨﯩﯔ ﻛﯩﺮﯨﺶ ﺳﯚﺯ ﺋﻮﺭﻧﯩﺪﯨﻜﻰ ﺑﯘ ﻳﺎﺯﻣﯩﻠﯩﺮﯨﻨﻰ ﻛﯚﺭﯛﯞﯦﺘﯩﭗ، ﻛﯚﺯﺋﺎﻟﺪﯨﻤﺪﺍ ﺑﺎﺭﻟﯩﻖ ﺋﻪﺳﻠﻰ-ﯞﻩﺳﻠﻰ ﺑﯩﻠﻪﻥ ﺗﯩﺮﯨﺸﯩﯟﺍﺗﻘﺎﻥ، ﭘﯜﺗﯜﻥ ﺗﯩﺮﯨﺸﭽﺎﻧﻠﯩﻘﻠﯩﺮﻯ ﺑﯩﻠﻪﻥ ﻣﯘﻛﻪﻣﻤﻪﻝ ﺑﯩﺮ ﻛﻪﺳﯩﭗ ﺋﻪﮬﻠﻰ ﺑﻮﻟﯘﺵ ﺋﯜﭼﯜﻥ ﺋﯩﺰﺩﯨﻨﯩﯟﺍﺗﻘﺎﻥ ﺗﻮﻧﯘﺵ ﻳﯧﻘﯩﻨﻠﯩﺮﯨﻢ، ﺳﺎﯞﺍﻗﺪﺍﺷﻠﯩﺮﯨﻢ، ﺩﻭﺳﺘﻠﯩﺮﯨﻢ ﭘﻪﻳﺪﺍ ﺑﻮﻟﺪﻯ... ﻗﺎﻧﭽﻪ ﻗﯧﺘﯩﻤﻼﭖ ﭘﯩﻜﯩﺮﻟﯩﺸﯩﺶ، ﺳﯚﮬﺒﻪﺗﻠﯩﺸﯩﺶ ﺟﻪﺭﻳﺎﻧﻠﯩﺮﯨﺪﺍ، ﺋﯘﻻﺭﻧﯩﯖﻤﯘ ﺋﻮﺧﺸﺎﺷﻼ ﮬﻪﺭﺧﯩﻞ ﺗﻮﺳﺎﻟﻐﯘ، ﻗﯩﻴﯩﻨﭽﻠﯩﻘﻼﺭﻏﺎ ﺋﯘﭼﺮﺍﭖ ﺗﯘﺭﯨﺪﯨﻐﺎﻧﻠﯩﻘﻰ، ﺷﯘ ﺑﯩﺮ ﻛﻪﺳﭗ ﺩﺍﺋﯩﺮﯨﺴﯩﺪﻩ ﺯﺍﺩﻯ ﻛﯩﻤﻨﯩﯔ ﺑﯘ ﻣﻪﺳﯩﻠﯩﻠﻪﺭﻧﻰ ﻗﺎﻧﺪﺍﻕ ﮬﻪﻝ ﻗﯩﻠﻐﺎﻧﻠﯩﻘﻠﯩﺮﯨﻨﻰ ﺑﯩﻠﯩﺶ ﺋﺎﺭﺯﯗﺳﯩﻨﯩﯔ ﻛﯜﭼﻠﯜﻛﻠﯩﻜﻰ ﺋﻪﻣﺪﯨﻠﻪﺗﯩﻦ ﻣﯧﻨﻰ ﺳﻪﻝ ﺋﻮﻳﻐﺎﺗﻘﺎﻧﺪﻩﻙ ﺑﻮﻟﺪﻯ... ﺷﯘﻧﺪﺍﻕ، ﺗﯩﺮﯨﻜﻠﻪﺭﻧﻰ ﻳﯧﺰﯨﺶ ﻛﯧﺮﻩﻙ ﺋﯩﻜﻪﻥ... ﺋﯘﻻﺭﻧﻰ ﻳﯧﺰﯨﺶ ﺋﺎﺭﻗﯩﻠﯩﻖ ﺗﯧﺨﯩﻤﯘ ﻛﯚﭖ ﺗﯩﺮﯨﻜﻠﻪﺭﮔﻪ ﺋﯩﻠﮭﺎﻡ-ﺋﯜﻣﯩﺪ ﺋﺎﺗﺎ ﻗﯩﻠﯩﺶ ﻛﯧﺮﻩﻛﻜﻪﻥ...ﺋﯘﻻﺭﻧﯩﯔ ﺋﺎﺯﺍﺑﻠﯩﺮﻯ، ﻗﯩﻴﯩﻨﭽﯩﻠﯩﻘﻠﯩﺮﻯ، ﺗﻪﺟﺮﯨﺒﯩﻠﯩﺮﻯ، ﺳﺎﯞﺍﻗﻠﯩﺮﯨﻨﻰ ﻳﯧﺰﯨﺶ ﺋﺎﺭﻗﯩﻠﯩﻖ، ﻛﯧﻴﯩﻨﻜﯩﻠﻪﺭﻧﯩﯔ ﺑﯘ ﺋﻪﮔﺮﻯ ﻳﻮﻟﻼﺭﻧﻰ ﺑﺎﺳﻤﺎﺳﻠﯩﻘﻰ، ﺋﻪﮔﯩﭗ ﺋﯚﺗﯜﺷﯩﮕﻪ ﺋﺎﺳﺎﻧﻠﯩﻖ ﻳﺎﺭﯨﺘﯩﺶ ﻛﯧﺮﻩﻛﻜﻪﻥ... ﻳﻮﻝ ﺑﻪﺭﮔﻪﻧﻠﻪﺭ، ﻳﻮﻝ ﻛﯚﺭﺳﻪﺗﻜﻪﻧﻠﻪﺭ ﻳﺎﺷﯩﺴﯘﻥ!!!

Jewlaniy

ياخشى يىزىلىپتۇ.
بىزگە ئۈلگىلەر بەكمۇ كەم ئەمەس لىكىن بىزدە ئۈلگە ئالىدىغان روھ كەمىرەك.
كۆپ قىسمىمىز باشقىلارنىڭ قىلغانلىرىنى ماختايمىز، لىكىن بىزمۇ شۇنداق يولدا مېڭىپ بىقىشنى ئويلىمايمىز. بەلىكىم بۇنى دورامچىلىق دەپ قارىساق كىرەك.
بۇكىتابنىڭ ئىچكى قىسىمدا تارقىتىلغىنىدىن بەك ئەپسۇسلاندىم.