Jighan

ئائىلىدە كۆپ ئۇچرايدىغان بىرقانچە كۆكتاتلاردىن ساۋات

.1پالەك:ھۆل سوغۇق،قىزىتما پەسەيتىش،ھەزىمگە ياردەم بېرىش،كۆكرەك ۋە ئۆپكىنىڭ
ئىسسىقتىن بولغان ياللۇغىنى ياندۇرۇش،سۈيدۈك ھەيدەش ھەمدە ئىچىنى يۇمشىتىش قاتارلىق روللىرى بار.
سەي قورۇغاندا ،سۇيۇقئاش ئەتكەندە ۋە ياكى سوغۇق سەي تەييارلىغانلاردا ئىشلەتسىڭىز بولىدۇ.

2. چامغۇر:ھۆل ئىسسق،ئۆپكىنى ياخشىلاپ بەلغەم بوشىتىش،ئوزۇق بولۇش،ئىشتىھانى ئېچىش،مەنىي
كۆپەيتىش،كۆزنى قۇۋۋەتلەش،سۈيدۈك ھەيدەش روللىرى بار.
كۆپىنچە كىشىلەر تاماققا ياڭيۇ ئىشلىتىدۇ،ياڭيۇ يەللىك،ئۇنىڭ ئورنىغا چامغۇرنى ئىشلىتىڭ! سەي
قورۇغاندا چامغۇر بىلەن قورۇسىڭىز شۇنداق ئوخشايدۇ،ئۇنىڭدىن باشقا شورپىغا ،سۇيۇقئاشقا سېلىشىنى
دېمىسەممۇ كۆپچىللىك بىلىشى مۇمكىن.

3. قىزىلچا:ھۆل ئىسسىق،بەلغەم بوشىتىش،بۆرەكنى كۈچەيتىش،ئىششق قايتۇرۇش،پەي چىڭىتىشەك
روللىرى بار.
نان ياققاندا قىزىلچىنى چاقماق شەكلىىدە)ياكى باشقا شەكىلدە بولسىمۇ بولىدۇ( توغراپ ناننىڭ
ئىچىگە سېلىپ يېقىلسا بولىدۇ،ياخشىسى ئىسسىق پېتى ئىستىمال قىلىڭ.ئۇنىڭدىن باشقا چوققا
كۆمۈپ يېسىڭىزمۇ بولىدۇ.

4. سېمىز ئوت:ھۆل سۇغۇق،ھارارەتنى پەسەيتىش،سۈيدۈك ماڭدۇرۇش،ئاغرىق پەسەيتىش،قان
تازىلاشتەك روللىرى بار.
سەي قۇرۇپ يېسىڭىزمۇ،مانتا،چۆچۈرە تۈگۈپ يېسىڭىزمۇ بولىدۇ،ياكى ئۆزىڭىز ئىجاد قىلىپ
قىيمىلىق تاماق قىلىپ يېسىڭىزمۇ بولىدۇ.يەنە بىر ئىشلىلىتىلىشى:ئايال كىشىنىڭ ئاسانلا
پۇتى بېلى ئاغرىيدۇ،شۇنداق چاغلاردا سېمىز ئوتنى چاناپ داكىغا ئېلىپ ئاغرىغان
ئورۇنغا بېسىپ بىردەم تۇرۇڭ)ئىلگىرى ئاپامنىڭ پۇتى ئاغرىغان چاغلاردا ئىشلىتىپ باققان.(

bvra

ناھايىتى نۇرغۇن بىلىملەرگە ئىگە قىلغىنىڭىزغا رەخمەت!

sonic

داۋامىغا تەشنامىز ... بولسا مۇشۇنداق ھەممە كۆكتات ئىسىملىرىنى ئۇيغۇرچەيىزىڭ ... رەھمەت.

aynori

رەھمەت سىزگە، قازان بىشىدىكى بىلىمىمدە ئىلگىرلەش بولدى. بولسا داۋاملىق يوللاپ بېرىڭ.

sadir

بۇ ھەقىقەتەن ياخشى تېما بوپتۇ ، داۋامىغا ئىنتىزارمىز، يانا بىر گەپ ئەگەر سارائىتىڭىز يەتسە سېمىز ئوت نىڭ رەسىمىنى چىقىرىپ قويغان بولسىڭىز ، مىنىڭمۇ ئاپامنىڭ پۇتى ئاغرىيتى ، بۇ سوزنى باشقىلاردىنمۇ ئاڭلىغان لىكىن سېمىز ئوت نى تونالمىغانلىق سەۋەبىدىن ئىشلىتەلمەي كېلىۋاتىمەن. ئاۋار قىلىدىغان بولدۇم، رەخمەت سىزگە!!

Jighan

نەقىل:

ئەسلى يوللىغۇچى: sadir ، ۋاقتى: 2006-11-19 01:08
بۇ ھەقىقەتەن ياخشى تېما بوپتۇ ، داۋامىغا ئىنتىزارمىز، يانا بىر گەپ ئەگەر سارائىتىڭىز يەتسە سېمىز ئوت نىڭ رەس ...

بولىدۇ،لېكىن ئۇنىڭغا بەك ئۇزۇن ۋاقىت كېتەمدىكىن،مەن كېلەر يىلى يازدا ئۆيگە قايتقاندا
ئاندىن چىقىرىپ قويسام بولىدۇ،بۇ يەردە ئۇچرىتىپ باقمىدىم،لېكىن شىخەنزىدە چىملىقنىڭ
ئارىسىدا كۆرگەن ئىدىم،بەلكىم ئۈرۈمچىنىڭ چىملىقلىرىدىمۇ بار بولىشى مۇمكىن.

Jighan

5.پىياز:قۇرۇق ئىسسىق،ھەزىمنى ياخشىلاش،ئىشىق تارقىتىش،پارچىلاش،بەلغەم بوشىتىش،
پارقىرىتىش،باھنى قۇۋۋەتلەش،چىرىشكە قارشى تۇرۇش،سۈيدۈك ۋە ھەيز ماڭدۇرۇشتەك
روللىرى بار.(كۆپ ئىستىمال قىلىنسا مېڭىگە يەل پەيدا قىلىپ ئۇنۇتقاق قىلىپ قويىدۇ)
ھەرقانداق تاماققا ئىشلەتسىڭىز بولىدۇ،سوغۇق سەيگە ئاز مىقداردا سېلىۋەتسىڭىزمۇ بولىدۇ،
خام يېگەندە ئازىراق يەڭ،مايلىق گۆش قورۇغاندا پىيازدىن كۆپرەك سېلىۋەتسىڭىز كۆڭۈلنى
تۇتۇۋالمايدۇ.

6.قاپاق:ھۆل سوغۇق،ئىچىنى يۇمشىتىش ،سوۋۇتۇش،ئۇيقۇ كەلتۈرۈش(دېققەت!ئۇيقۇم
كەلمىدى دەپ قاقشاپ يۈرگەنلەر كۆپرەك يەرسىلەر ھە!) سۈيدۈك ھەيدەش،ھۆللۈك
پەيدا قىلىش(بەدىنى قۇرغاقلار كۆپ ئىستىماك قىلىڭلار)،ئىچ سۈرۈشىنى توختىتىشتەك
روللىرى بار.قاپاق ئۇرۇقىنىڭ قىزىتما پەسەيتىش رولىمۇ بار.
قوي گۆشى بىلەن قورۇپ يېسىڭىزمۇ،مانتا ،خوشاڭ تۈگۈپ يېسىڭىزمۇ ،سۇيۇقئاشقا سالسڭىزمۇ
بولىدۇ.

Jighan

7.سەۋزە:
ھۆل ئىسسىق،رەئىس ئەزالار(يۈرەك،بۆرەك قاتارلىقلار) ۋە ئاشقازاننى كۈچەيتىش،مەنىي كۆپەيتىش،ئىچىنى يۇمشىتىش،سۈيدۈك ھەيدەش،بەلغەم بوشىتىشتەك روللىرى بار.
سەۋزىنى ئاچچىقسۇ بىلەن خام سەي قىلىپ يېسە ئاشقازاننى بۇزىدۇ،ئاستا ھەزىم بولىدۇ،ئىسقلىق دورىلارنى قوشۇپ گۆش بىلەن قايناتسا ئەڭ ياخشى بولىدۇ.سەي قورىغاندا ياڭيۇنىڭ ئورنىغا ئىشلەتسىڭىز ياخشىراق.

Jighan

8.يۇمغاقسۇت :
تەبئىتى قۇرۇق سوغۇق ، سۈيدۈك ھەيدەش ، ئىشتىھا ئېچىش ،توسالغۇلارنى ئېچىش ، ئاغرىق پەسەيتىش ، قان توختىتىش ، ئۇيقۇ كەلتۈرۈش ، ئۇسسۇزلىقىنى قاندۇرۇشتەك روللىرى بار .
باھقا زىيان قىلىدۇ .
شورپا سالغاندا ، چۆچۈرە-سۇيۇقئاش ئەتكەندە ، لەڭپۇڭ ئۇيۇتقاندا ، يۇمغاقسۇت ئىشلەتسىڭز بولىدۇ .

sonic

داۋامىغا تەشنامىز ... رەھمەت