1-ﺑﯚﻟﯜﻡ

1-ﺳﻮﺋﺎﻝ:ﻳﯘﺭﺗﺘﯩﻜﻰ ﺗﻮﺭﺩﺍﺷﻼﺭ ﭼﻪﺕ ﺋﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﺗﯘﺭﻣﯘﺷﯩﻐﺎ ﺋﺎﻻﻫﯩﺪﻩ ﻗﯩﺰﯨﻘﯩﺪﯨﻜﻪﻥ، ﺋﯚﺯﯨﯖﯩﺰ ﯞﻩ ﺋﺎﺋﯩﻠﻪ ﺋﻪﻫﯟﺍﻟﯩﯖﯩﺰ ﺗﻮﻏﺮﯨﺴﯩﺪﺍ ﺳﯚﺯﻟﻪﭖ ﺑﻪﺭﺳﯩﯖﯩﺰ؟

ﺟﺎﯞﺍﺏ: ﺑﯩﺰﻧﯩﯔ ﺋﺎﺋﯩﻠﯩﺪﻩ 4 ﺟﺎﻥ ﻛﯩﺸﻰ ﺑﺎﺭ: ﺋﯘﻻﺭ ﻣﻪﻥ، ﺋﺎﻳﺎﻟﯩﻢ ﺋﺎﻣﺎﻧﮕﯜﻝ، 1985-ﻳﯩﻠﻰ ﺗﯘﻏﯘﻟﻐﺎﻥ ﻗﯩﺰﯨﻢ ﺩﯨﻠﻨﺎﺭﻩ ﯞﻩ 1989-ﻳﯩﻠﻰ ﺗﯘﻏﯘﻟﻐﺎﻥ ﺋﻮﻏﻠﯘﻡ ﺩﯨﻠﺸﺎﺗﺘﯩﻦ ﺋﯩﺒﺎﺭﻩﺕ. ﺑﯩﺰﻧﯩﯔ ﻫﺎﺯﯨﺮﻗﻰ ﺋﯚﻳﯩﻤﯩﺰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﯩﻨﯩﯔ LosAngeles ﺷﻪﻫﯩﺮﯨﮕﻪ 40 ﻛﯩﻠﻮﻣﯩﺘﯩﺮ ﻛﯧﻠﯩﺪﯨﻐﺎﻥ Santa Clarita ﺩﯦﮕﻪﻥ ﺷﻪﻫﻪﺭﺩﻩ ﺑﻮﻟﯘﭖ، ﺩﯨﻠﻨﺎﺭﻩﺩﯨﻦ ﺑﺎﺷﻘﯩﻼﺭ ﻣﯘﺷﯘ ﻳﻪﺭﺩﻩ ﺗﯘﺭﯨﻤﯩﺰ. ﺩﯨﻠﻨﺎﺭﻩ SanFrancisco ﺷﻪﻫﯩﺮﯨﮕﻪ 30 ﻛﯩﻠﻮﻣﯩﺘﯩﺮ ﻛﯧﻠﯩﺪﯨﻐﺎﻥ "ﻫﺎﻳﯟﺍﺭﺩ" ﺩﯦﮕﻪﻥ ﺷﻪﻫﻪﺭﺩﯨﻜﻰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯩﻘﺘﯩﺴﺎﺩ ﻛﻪﺳﭙﻰ ﺑﺎﻛﺎﻻﯞﺭﻟﯩﻘﯩﻨﯩﯔ 2-ﻳﯩﻠﻠﯩﻘﯩﺪﺍ ﺋﻮﻗﯘﻳﺪﯗ. ﺳﺎﻥ-ﻓﺮﺍﻧﯩﺴﻜﻮ ﺑﯩﻠﻪﻥ ﻟﻮﺱ-ﺋﺎﻧﮋﯨﻠﯩﺲ ﺷﻪﻫﺮﯨﻨﯩﯔ ﺋﺎﺭﯨﻠﯩﻘﻰ 500 ﻛﯩﻠﻮﻣﯩﺘﯩﺮ ﻛﯧﻠﯩﺪﯗ.

ﻣﻪﻥ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﺋﯩﺪﺍﺭﻩ ﺋﯚﻳﺪﯨﻦ 53ﻛﯩﻠﻮﻣﯩﺘﯩﺮ ﻳﯩﺮﺍﻗﻠﯩﻘﺘﯩﻜﻰ Pasadena ﺩﯦﮕﻪﻥ ﺷﻪﻫﻪﺭﮔﻪ ﺟﺎﻳﻼﺷﻘﺎﻥ. ﻣﻪﻥ ﻫﻪﺭ ﻛﯜﻧﻰ ﺋﻪﺗﯩﮕﻪﻥ ﺳﺎﺋﻪﺕ 5 ﺗﯩﻦ 45 ﻣﯩﻨﯘﺕ ﺋﯚﺗﻜﻪﻧﺪﻩ (5:45 ﺩﻩ) ﺋﻮﺭﻧﯘﻣﺪﯨﻦ ﺗﯘﺭﯨﻤﻪﻥ. ﺳﺎﺋﻪﺕ 6:15 ﺩﻩ ﺋﯚﻳﺪﯨﻦ ﻳﻮﻟﻐﺎ ﭼﯩﻘﯩﭗ، 5ﻛﯩﻠﻮﻣﯩﺘﯩﺮ ﻳﯩﺮﺍﻗﻠﯩﻘﺘﯩﻜﻰ ﺑﯩﺮ ﻳﯩﻐﯩﻠﯩﺶ ﺋﻮﺭﻧﯩﻐﺎ ﺑﺎﺭﯨﻤﻪﻥ. ﺋﯘ ﻳﻪﺭﺩﻩ ﺋﯩﺪﺍﺭﯨﻨﯩﯔ ﻛﯩﭽﯩﻚ ﺋﺎﭘﺘﻮﺑﯘﺳﯩﻐﺎ ﭼﯩﻘﯩﭗ، ﺳﺎﺋﻪﺕ 6:30 ﺩﻩ ﺋﯩﺪﺍﺭﯨﮕﻪ ﻗﺎﺭﺍﭖ ﻣﺎﯕﯩﻤﯩﺰ. ﺑﯘ 14 ﻛﯩﺸﯩﻠﯩﻚ ﺋﺎﭘﺘﻮﺑﯘﺱ ﺑﻮﻟﯘﭖ، ﺋﯩﺪﺍﺭﯨﮕﻪ ﺳﺎﺋﻪﺕ 7:15 - 7:30 ﺩﻩ ﻳﯧﺘﯩﭗ ﻛﯧﻠﯩﭗ، ﺩﻩﺭﻫﺎﻝ ﺋﯩﺸﻘﺎ ﭼﯜﺷﯜﭖ ﻛﯧﺘﯩﻤﯩﺰ. ﭼﯜﺵ ﯞﺍﻗﺘﻰ ﺳﺎﺋﻪﺕ 12 ﺩﻩ ﺑﯩﺮ ﺳﺎﺋﻪﺕ ﺩﻩﻡ ﺋﯧﻠﯩﺶ ﯞﺍﻗﺘﯩﻤﯩﺰ ﺑﺎﺭ ﺑﻮﻟﯘﭖ، ﻣﻪﻥ ﺗﺎﻣﯩﻘﯩﻤﻨﻰ ﺋﯚﺯﯛﻣﻨﯩﯔ ﺋﯩﺸﺨﺎﻧﯩﺴﯩﺪﺍ ﻳﻪﻳﻤﻪﻥ. ﻫﻪﺭ ﻛﯜﻧﻰ ﭼﯜﺷﻠﯜﻙ ﺗﺎﻣﯩﻘﯩﻤﻨﻰ ﺋﺎﻟﻐﺎﭺ ﻛﯧﻠﯩﭗ، ﺋﯘﻧﻰ 15 ﻣﯩﻨﯘﺕ ﺋﯩﭽﯩﺪﻩ ﻳﻪﭖ ﺑﻮﻟﯩﻤﻪﻥ. ﺋﯧﺸﯩﭗ ﻗﺎﻟﻐﺎﻥ ﯞﺍﻗﯩﺘﺘﺎ، ﻣﺎﯕﺎ ﻛﻪﻟﮕﻪﻥ ﺋﯧﻠﺨﻪﺗﻠﯩﺮﯨﻨﻰ ﻛﯚﺭﯛﭖ، ﺋﯘﻻﺭﻏﺎ ﺟﺎﯞﺍﺏ ﻳﺎﺯﯨﻤﻪﻥ. ﻛﻪﭼﺘﻪ ﺳﺎﺋﻪﺕ 4:25 ﺩﻩ ﺋﯩﺪﺍﺭﯨﺪﯨﻦ ﺋﯚﻳﮕﻪ ﻗﺎﺭﺍﭖ ﻳﻮﻟﻐﺎ ﭼﯩﻘﯩﻤﯩﺰ. ﻫﻪﻣﺪﻩ ﺳﺎﺋﻪﺕ  5:00 - 5:15 ﺩﻩ ﺋﯚﻳﮕﻪ ﻳﯧﺘﯩﭗ ﺑﯧﺮﯨﭗ ﺑﻮﻟﯩﻤﻪﻥ. ﺗﺎﻣﺎﻕ ﺋﯧﺘﯩﭗ ﻳﻪﭖ، ﺋﯚﻳﺪﻩ ﻳﻪﻧﻪ 1 - 1.5 ﺳﺎﺋﻪﺕ ﺋﯩﺸﻠﻪﻳﻤﻪﻥ. ﻛﯚﭘﯩﻨﭽﻪ ﯞﺍﻗﯩﺘﻼﺭﺩﺍ ﺋﯘﻳﻐﯘﺭﻻﺭﻧﯩﯔ ﺋﯩﺸﯩﻨﻰ، ﺑﻪﺯﯨﺪﻩ ﺋﯩﺪﺍﺭﯨﻨﯩﯔ ﺋﯩﺸﯩﻨﯩﻤﯘ ﻗﯩﻠﯩﻤﻪﻥ. ﺗﯧﻠﯧﯟﯨﺰﻭﺭﺩﺍ ﺋﺎﺯﺭﺍﻕ ﺧﻪﯞﻩﺭ ﻛﯚﺭﯛﭖ، ﻛﺎﺭﯨﯟﺍﺗﻘﺎ ﺳﺎﺋﻪﺕ 9:30 ﭼﯩﻘﯩﭗ، ﺷﯘ ﻛﯜﻧﻠﯜﻙ ﮔﯧﺰﯨﺘﻨﯩﯔ ﻣﻪﻣﻠﯩﻜﻪﺕ ﯞﻩ ﺧﻪﻟﻘﺎﺭﺍ ﺧﻪﯞﯨﺮﯨﻨﻰ ﯞﻩ ﺋﯩﻘﺘﯩﺴﺎﺩ ﻗﯩﺴﻤﯩﻨﻰ ﺗﻪﭘﺴﯩﻠﯩﻲ ﻛﯚﺭﯛﭖ، ﺳﺎﺋﻪﺕ 10:30 ﺋﯘﺧﻼﻳﻤﻪﻥ.

ﺋﺎﻳﺎﻟﯩﻢ ﺋﺎﻣﺎﻧﮕﯜﻟﻤﯘ Pasadena ﺷﻪﻫﯩﺮﯨﺪﯨﻜﻰ ﺑﯩﺮ ﭼﻮﯓ ﺩﻭﺧﺘﯘﺭﺧﺎﻧﯩﺪﺍ ﻛﻮﻣﭙﻴﯘﺗﯧﺮ ﭘﺮﻭﮔﺮﺍﻣﻤﯩﺴﻰ ﻳﯧﺰﯨﺶ ﯞﻩ ﺋﺎﻧﺎﻟﯩﺰ ﻗﯩﻠﯩﺶ ﺋﯩﺸﯩﻨﻰ ﺋﯩﺸﻠﻪﻳﺪﯗ. ﺋﯩﺸﻠﻪﻳﺪﯨﻐﺎﻥ ﺋﯩﺪﺍﺭﯨﺴﻰ ﺋﯚﻳﺪﯨﻦ 60ﻛﯩﻠﻮﻣﯩﺘﯩﺮ ﻳﯩﺮﺍﻗﺘﺎ ﺑﻮﻟﯘﭖ، ﺋﯚﺯﻯ ﻣﺎﺷﯩﻨﺎ ﻫﻪﻳﺪﻩﭖ ﺑﺎﺭﯨﺪﯗ. ﺋﯚﻳﺪﯨﻦ ﺳﺎﺋﻪﺕ 7:00 ﺋﻪﺗﺮﺍﭘﯩﺪﺍ ﻳﻮﻟﻐﺎ ﭼﯩﻘﯩﭗ، ﺳﺎﺋﻪﺕ 8:00 ﺋﻪﺗﯩﺮﺍﭘﯩﺪﺍ ﺋﯩﺪﺍﺭﯨﺴﯩﮕﻪ ﻳﯧﺘﯩﭗ ﺑﺎﺭﯨﺪﯗ. ﻛﻪﭼﺘﻪ ﺳﺎﺋﻪﺕ 5:00 ﺩﻩ ﻳﻮﻟﻐﺎ ﭼﯩﻘﯩﭗ، 6:00 ﺋﻪﺗﺮﺍﭘﯩﺪﺍ ﺋﯚﻳﮕﻪ ﻳﯧﺘﯩﭗ ﻛﯧﻠﯩﺪﯗ.

ﺋﻮﻏﻠﯘﻡ ﺩﯨﻠﺸﺎﺗﻨﯩﯔ ﻣﻪﻛﺘﯩﭙﻰ ﺋﯚﻳﺪﯨﻦ 8ﻛﯩﻠﻮﻣﯩﺘﯩﺮ ﻳﯩﺮﺍﻗﻠﯩﻘﺘﺎ ﺑﻮﻟﯘﭖ، ﻣﻪﻛﺘﻪﭘﻜﻪ ﺑﺎﻟﯩﺴﻰ ﺋﻮﺧﺸﺎﺵ ﻣﻪﻛﺘﻪﭘﺘﻪ ﺋﻮﻗﯘﻳﺪﯨﻐﺎﻥ ﺑﯩﺮ ﻗﻮﺷﻨﯩﻤﯩﺰﻧﯩﯔ ﻣﺎﺷﯩﻨﯩﺴﯩﺪﺍ ﺑﺎﺭﯨﺪﯗ. ﺑﯩﺰ ﺋﯘ ﻗﻮﺷﻨﯩﻤﯩﺰﻏﺎ ﻫﻪﺭ ﺋﺎﻳﺪﺍ 50 ﺩﻭﻟﻼﺭ ﭘﯘﻝ ﺗﯚﻟﻪﻳﻤﯩﺰ. ﺋﯚﻳﺪﯨﻦ ﺳﺎﺋﻪﺕ 7:00 ﺩﻩ ﻳﻮﻟﻐﺎ ﭼﯩﻘﯩﭗ، ﭼﯜﺷﺘﯩﻦ ﻛﯧﻴﯩﻦ ﺳﺎﺋﻪﺕ 4:00 ﻟﻪﺭﺩﻩ ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﺪﯗ. ﺋﺎﻟﺪﻯ ﺑﯩﻠﻪﻥ ﻫﻪﻣﻤﻪ ﺗﺎﭘﺸﯘﺭﯗﻗﻠﯩﺮﯨﻨﻰ ﺋﯩﺸﻠﻪﭖ ﺗﯜﮔﯩﺘﯩﭗ، ﺑﯩﺮ ﺗﯧﻠﯧﯟﯨﺰﻭﺭ ﻛﯚﺭﯛﭖ، ﻛﻪﭺ ﺳﺎﺋﻪﺕ 10 ﻻﺭﺩﺍ ﺋﯘﺧﻼﻳﺪﯗ. ﺩﯨﻠﺸﺎﺕ ﺑﯘ ﻳﯩﻞ 4-ﺋﺎﻳﺪﺍ ﻣﺎﺷﯩﻨﺎ ﻛﯧﻨﯩﺸﻜﯩﺴﻰ ﺋﺎﻟﯩﺪﯗ. ﺷﯘﻧﯩﯖﺪﯨﻦ ﻛﯧﻴﯩﻦ ﻣﻪﻛﺘﻪﭘﻜﻪ ﺋﯚﺯﻯ ﻣﺎﺷﯩﻨﺎ ﻫﻪﻳﺪﻩﭖ ﺑﺎﺭﯨﺪﯗ.

ﻗﯩﺰﯨﻢ ﺩﯨﻠﻨﺎﺭﻩﻧﯩﯖﻤﯘ ﺋﯚﺯ ﻣﺎﺷﯩﻨﯩﺴﻰ ﺑﺎﺭ. ﺋﯘ ﻣﻪﻛﺘﻪﭘﺘﯩﻦ 20ﻛﯩﻠﻮﻣﯩﺘﯩﺮ ﻳﯩﺮﺍﻗﻠﯩﻘﺘﯩﻜﻰ ﺑﯩﺮ ﺷﻪﻫﻪﺭﺩﻩ ﺋﯩﺠﺎﺭﯨﮕﻪ ﺋﺎﻟﻐﺎﻥ ﻳﺎﺗﺎﻗﺘﺎ ﺗﯘﺭﯗﭖ، ﻣﻪﻛﺘﻪﭘﻜﻪ ﺑﯧﺮﯨﭗ-ﻛﯧﻠﯩﭗ ﺋﻮﻗﯘﻳﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، ﻫﻪﺭ ﻫﻪﭘﺘﯩﺪﻩ 20 ﺳﺎﺋﻪﺕ ﺋﻪﺗﯩﺮﺍﭘﯩﺪﺍ ﺋﯩﺸﻠﻪﭖ، ﺋﯚﺯﯨﻨﯩﯔ ﭘﺎﺭﭼﻪ-ﭘﯘﺭﺍﺕ ﺗﯘﺭﻣﯘﺵ ﺧﯩﺮﺍﺟﯩﺘﻰ ﺑﯩﻠﻪﻥ ﻳﺎﺗﺎﻕ ﺋﯩﺠﺎﺭﯨﺴﯩﻨﻰ ﺋﯚﺯﻯ ﺋﯩﺸﻠﻪﭖ ﺗﺎﭘﯩﺪﯗ. ﺋﻮﻗﯘﺵ ﭘﯘﻟﯩﻨﻰ ﺑﯩﺰ ﭼﯩﻘﯩﺮﯨﭗ ﺑﯧﺮﯨﻤﯩﺰ.

2- ﺳﻮﺋﺎﻝ: ﻫﺎﺯﯨﺮ ﺋﺎﺳﺎﺳﻠﯩﻘﻰ ﻗﺎﻳﺴﻰ ﺳﺎﻫﻪ ﺑﻮﻳﯩﭽﻪ ﺗﻪﺗﻘﯩﻘﺎﺕ ﺑﯩﻠﻪﻥ ﺷﯘﻏﯘﻟﻠﯩﻨﯩﯟﺍﺗﯩﺴﯩﺰ؟

ﺟﺎﯞﺍﺏ: ﻣﻪﻥ ﻫﺎﺯﯨﺮ "JPL" ﺩﯦﮕﻪﻥ ﺋﯩﺪﺍﺭﯨﺪﻩ ﺑﯩﺮ "ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﻮﭘﺘﯩﻜﺎ ﺋﻨﮋﯨﻨﯧﺮﻯ" ﺑﻮﻟﯘﭖ ﺋﯩﺸﻠﻪﯞﺍﺗﯩﻤﻪﻥ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺋﺎﻟﻪﻡ ﺑﻮﺷﻠﯘﻗﻰ ﺗﯧﺨﻨﯩﻜﯩﺴﯩﻨﻰ ﺑﺎﺷﻘﯘﺭﯗﺵ ﻣﻪﺭﻛﯩﺰﻯ

(ﺋﯩﻨﮕﻠﯩﺰﭼﯩﺴﻰ"National Aeronautics and Space Administration" ﺑﻮﻟﯘﭖ (http://www.nasa.gov)، ﺋﯘﻧﻰ ﻗﯩﺴﻘﺎﺭﺗﯩﭗ "NASA" ﺩﻩﭖ ﻳﺎﺯﯨﺪﯗ) ﻧﯩﯔ ﻗﺎﺭﯨﻤﯩﻘﯩﺪﺍ 10 ﺗﻪﺗﻘﯩﻖ-ﺗﻪﺭﻩﻗﻘﯩﻴﺎﺕ ﻣﻪﺭﻛﯩﺰﻯ (Research and Development Center) ﺑﺎﺭ ﺑﻮﻟﯘﭖ، ﺋﯘﻧﯩﯔ ﺋﯩﭽﯩﺪﯨﻜﻰ ﺋﻪﯓ ﻳﯘﻗﯩﺮﻯ ﺗﯧﺨﻨﯩﻜﺎ ﻣﻪﺭﻛﯩﺰﻯ ﺋﯩﻨﮕﻠﯩﺰﭼﯩﺪﻩ "Jet Propulsion Laboratory" ﺩﻩﭖ ﺋﺎﺗﯩﻠﯩﭗ، ﺋﯘ ﻗﯩﺴﻘﺎﺭﺗﯩﻠﯩﭗ "JPL" ﺩﻩﭖ ﻳﯧﺰﯨﻠﯩﺪﯗ http://www.jpl.nasa.gov). jpl ﻣﻪﻣﯘﺭﯨﻲ ﺟﻪﻫﻪﺗﺘﯩﻦ ﻛﺎﻟﯩﻔﻮﺭﻧﯩﻴﻪ ﺗﯧﺨﻨﯩﻜﺎ ﺋﯩﻨﺴﺘﯩﺘﯘﺗﻰ (ﺋﯩﻨﮕﻠﯩﺰﭼﯩﺴﻰ "California Institute of Technology" ﺑﻮﻟﯘﭖ، ﻗﯩﺴﻘﺎﺭﺗﯩﻠﯩﭗ "Caltech" ﺩﻩﭖ ﻳﯧﺰﯨﻠﯩﺪﯗ) ﮔﻪ ﻗﺎﺭﺍﺷﻠﯩﻖ ﺑﻮﻟﯘﭖ، ﺋﯘﻧﯩﯔ ﺋﯩﻘﺘﯩﺴﺎﺩﯨﻲ ﭼﯩﻘﯩﻤﯩﻨﻰ NASAﭼﯩﻘﯩﺮﯨﭗ ﺑﯧﺮﯨﺪﯗJPL ﺧﯩﺰﻣﻪﺗﭽﯩﻠﯩﺮﯨﻨﯩﯔ ﺳﺎﻧﻰ 2004-ﻳﯩﻠﻰ 6000 ﺋﻪﺗﯩﺮﺍﭘﯩﺪﺍ، ﺋﯘﻧﯩﯔ ﺋﯩﭽﯩﺪﻩ 2000 ﺋﺎﺩﻩﻣﻨﯩﯔ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ، 2000 ﺋﺎﺩﻩﻣﻨﯩﯔ ﻣﺎﮔﯩﺴﺘﯧﺮﻟﯩﻖ ﺋﯘﻧﯟﺍﻧﻰ، ﻗﺎﻟﻐﺎﻥ 2000 ﻏﺎ ﻳﯧﻘﯩﻦ ﺋﺎﺩﻩﻣﻨﯩﯔ ﺑﺎﻛﺎﻻﯞﺭﻟﯩﻖ ﺋﯘﻧﯟﺍﻧﻰ ﺑﺎﺭ ﺑﻮﻟﯘﭖ، 2004-ﻳﯩﻠﻠﯩﻖ ﺋﯩﻘﺘﯩﺴﺎﺩﯨﻲ ﭼﯩﻘﯩﻤﻰ 1.6 ﻣﯩﻠﻴﺎﺭﺕ ﺩﻭﻟﻼﺭ ﺋﻪﺗﯩﺮﺍﭘﯩﺪﺍ ﺑﻮﻟﻐﺎﻥ. ﻳﯧﻘﯩﻨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺩﻭﻛﻼﺗﻘﺎ ﺋﺎﺳﺎﺳﻼﻧﻐﺎﻧﺪﺍ،  Caltech ﭘﯜﺗﯜﻥ ﺩﯗﻧﻴﺎﺩﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭ ﺋﯩﭽﯩﺪﻩ 3-ﺋﻮﺭﯗﻧﺪﺍ ﺗﯘﺭﯨﺪﯨﻜﻪﻥ (ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﻰ 1-ﺋﻮﺭﯗﻧﺪﺍ، ﺳﺘﺎﻧﻔﻮﺭﺩ ﺋﯘﻧﯩﯟﯦﺮﺳﯩﺘﯧﺘﻰ 2-ﺋﻮﺭﯗﻧﺪﺍ ﺋﯩﻜﻪﻥ Caltech ,ﺗﺎ ﻧﻮﺑﯧﻞ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﻪﻥ ﭘﺮﻭﻓﯧﺴﺴﻮﺭﻻﺭﻧﯩﯔ ﺳﺎﻧﻰ ﺟﻪﻣﺌﯩﻲ  30 ﺋﯩﻜﻪﻥ )

http://pr.caltech.edu/events/caltech_nobel /

ﻫﺎﺯﯨﺮ ﻣﻪﻥ 2 ﭼﻮﯓ ﺋﺎﻟﻪﻡ ﻗﯘﺭﯗﻟﯘﺷﯩﻨﯩﯔ ﺗﯧﺨﻨﯩﻜﯩﻠﯩﻖ ﻛﯚﺭﺳﻪﺗﻜﯜﭼﯩﻨﻰ ﻫﯧﺴﺎﺑﻼﭖ ﭼﯩﻘﯩﺶ ﺋﯩﺸﯩﻨﻰ ﻗﯩﻠﯩﯟﺍﺗﯩﻤﻪﻥ. ﺋﯘﻧﯩﯔ ﺑﯩﺮﯨﻨﭽﯩﺴﻰ 2006-ﻳﯩﻠﻰ ﻳﻪﺭ ﺷﺎﺭﻯ ﺗﯚﯞﻩﻥ ﺋﻮﺭﺑﯧﺘﯩﺴﯩﻐﺎ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻥ ﺑﯩﺮ ﻳﯧﯖﻰ ﺗﯩﭙﺘﯩﻜﻰ ﺋﺎﻟﻪﻡ ﺗﯧﻠﯧﺴﻜﻮﭘﻰ ﺑﻮﻟﯘﭖ، ﺋﯘﻧﯩﯖﻐﺎ ﺋﺎﺟﺮﯨﺘﯩﻠﻐﺎﻥ ﭘﯘﻝ 200 ﻣﯩﻠﻴﻮﻥ ﺩﻭﻟﻼﺭﺩﯨﻦ ﺋﺎﺷﯩﺪﯗ. ﻳﻪﻧﻪ ﺑﯩﺮﺳﻰ ﺋﺎﻟﻪﻡ ﺑﻮﺷﻠﯘﻗﯩﺪﯨﻦ ﻳﯧﯖﻰ ﭘﯩﻼﻧﯧﺘﺎ ﺗﺎﭘﻘﯘﭼﻰ (Terrestrial Planet Finder    ،  http://planetquest.jpl.nasa.gov/TPF/tpf_index.html) ﺩﻩﭖ ﺋﺎﺗﯩﻠﯩﭗ، ﻗﯩﺴﻘﺎﺭﺗﯩﻠﯩﭗ TPF ﺩﻩﭖ ﻳﯧﺰﯨﻠﯩﺪﯗ. ﻫﺎﺯﯨﺮ ﺋﺎﻣﯧﺮﯨﻜﺎ ﺗﺎﭘﻘﺎﻥ، ﻗﯘﻳﺎﺵ (ﺑﯩﺰﻧﯩﯔ ﻛﯜﻥ) ﺩﯨﻦ ﺑﺎﺷﻘﺎ 150 ﺋﻪﺗﺮﺍﭘﯩﺪﯨﻜﻰ ﺋﯚﺯﻯ ﻧﯘﺭ ﭼﯩﻘﯩﺮﯨﺪﯨﻐﺎﻥ ﻳﯘﻟﺘﯘﺯﻻﺭ ﺑﺎﺭ ﺑﻮﻟﯘﭖ، ﻛﯩﺸﯩﻠﻪﺭ ﺑﯘ ﻳﯘﻟﺘﯘﺯ (ﭘﯩﻼﻧﯧﺘﺎ)ﻻﺭﻧﯩﯔ ﺋﯩﭽﯩﺪﻩ ﺋﺎﺩﻩﻣﮕﻪ ﺋﻮﺧﺸﺎﺵ ﺟﺎﻧﻠﯩﻘﻼﺭ ﻳﺎﺷﺎﻳﺪﯨﻐﺎﻥ ﭘﯩﻼﻧﯧﺘﯩﻼﺭﻣﯘ ﺑﻮﻟﯘﺷﻰ ﻣﯘﻣﻜﯩﻦ، ﺩﻩﭖ ﭘﻪﺭﻩﺯ ﻗﯩﻠﯩﺸﯩﯟﺍﺗﯩﺪﯗ. TPFﻧﯩﯔ ﻣﻪﻗﺴﯩﺪﻯ ﺋﺎﺷﯘﻧﺪﺍﻕ ﭘﯩﻼﻧﯧﺘﯩﻼﺭﻧﯩﯔ ﺋﯩﭽﯩﺪﯨﻜﻰ 30 ﻧﻪﭼﭽﯩﺴﯩﻨﻰ ﺗﻪﻛﺸﯜﺭﯛﺷﺘﯩﻦ ﺋﯩﺒﺎﺭﻩﺕ . TPF 2014-ﻳﯩﻠﻰ ﻗﻮﻳﯘﭖ ﺑﯧﺮﯨﻠﻤﻪﻛﭽﻰ.

ﻣﻪﻥ ﺩﯗﻧﻴﺎﺩﯨﻜﻰ ﺋﻮﭘﺘﯩﻜﺎ ﺋﯧﻨﮋﯨﻨﯧﺮﻟﯩﺮﻯ ﺋﯩﭽﯩﺪﻩ ﺑﯩﺮ ﻗﻪﺩﻩﺭ ﺋﻮﻣﯘﻣﯩﻴﯜﺯﻟﯜﻙ ﺗﻪﺭﻩﻗﻘﯩﻲ ﻗﯩﻠﻐﺎﻥ ﻛﯩﺸﯩﻠﻪﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﻤﻪﻥ، ﺋﯚﺯﯛﻡ ﻫﻪﺭ ﺧﯩﻞ ﻛﻮﻣﭙﻴﯘﺗﯧﺮ ﺗﯩﻠﻠﯩﺮﯨﺪﺍ ﻣﯘﺭﻩﻛﻜﻪﭖ، ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﭘﺮﻭﮔﺮﺍﻣﻤﯩﻼﺭﻧﻰ ﻳﺎﺯﺍﻻﻳﻤﻪﻥ. ﻣﯘﺭﻩﻛﻜﻪﭖ ﺋﻮﭘﺘﯩﻜﯩﻠﯩﻖ ﺋﯜﺳﻜﯜﻧﻪ ﯞﻩ ﺯﺍﭘﭽﺎﺳﻼﺭﻧﻰ ﻻﻳﯩﻬﯩﻠﻪﻳﻤﻪﻥ. ﺋﯘﻻﺭﻧﻰ ﺗﻪﺟﺮﯨﺒﯩﺨﺎﻧﯩﺪﺍ ﺋﯚﺯﯛﻡ ﻳﺎﺳﺎﭖ ﭼﯩﻘﺎﻻﻳﻤﻪﻥ. ﻫﻪﻣﺪﻩ ﻫﻪﺭﺧﯩﻞ ﺋﻮﭘﺘﯩﻜﯩﻠﯩﻖ ﺯﺍﭘﭽﺎﺱ-ﺋﯜﺳﻜﯜﻧﯩﻠﻪﺭﻧﻰ ﺗﻪﺟﺮﯨﺒﯩﺨﺎﻧﯩﺪﺍ ﺳﯩﻨﺎﻕ ﻗﯩﻠﯩﭗ ﺗﻪﻛﺸﯜﺭﯛﭖ ﭼﯩﻘﺎﻻﻳﻤﻪﻥ. ﺷﯘﯕﻼﺷﻘﺎ ﻫﺎﺯﯨﺮﻏﯩﭽﻪ ﺋﯩﺸﻠﯩﮕﻪﻥ 3-4 ﺋﯩﺪﺍﺭﯨﻨﯩﯔ ﻫﻪﻣﻤﯩﺴﯩﺪﻩ ﺗﯧﺨﻨﯩﻜﺎ ﺟﻪﻫﻪﺗﺘﯩﻦ ﺋﻪﯓ ﺋﻪﺗﯩﺒﺎﺭﻟﯩﻖ ﺧﺎﺩﯨﻢ ﻗﺎﺗﺎﺭﯨﺪﺍ ﺋﻮﺭﯗﻥ ﺗﯘﺗﯘﭖ ﻛﻪﻟﺪﯨﻢ. ﻣﻪﻥ JPL ﮔﻪ 2004-ﻳﯩﻠﻰ 1-ﺋﺎﻳﺪﺍ ﻛﯩﺮﮔﻪﻥ ﺑﻮﻟﯘﭖ، ﺷﯘ ﻳﯩﻞ 8-ﺋﺎﻳﺪﺍ "ﺗﯚﻫﭙﯩﺴﻰ ﺋﺎﻻﻫﯩﺪﻩ ﺑﻮﻟﻐﺎﻥ ﺧﺎﺩﯨﻢ" ﺩﯦﮕﻪﻥ ﻣﯘﻛﺎﭘﺎﺗﻘﺎ ﺋﯧﺮﯨﺸﺘﯩﻢ.

JPL ﮔﻪ ﺧﯩﺰﻣﻪﺗﻜﻪ ﻛﯩﺮﯨﺶ ﺋﯩﻨﺘﺎﻳﯩﻦ ﻗﯩﻴﯩﻦ ﺑﻮﻟﯘﭖ، ﺑﻪﺯﯨﻠﻪﺭﻧﯩﯔ ﻣﯚﻟﭽﻪﺭﻟﯩﺸﯩﭽﻪ، ﺋﯘﻳﻐﯘﺭ، ﺗﯜﺭﻙ، ﻗﺎﺯﺍﻕ، ﻗﯩﺮﻏﯩﺰ ﻗﺎﺗﺎﺭﻟﯩﻖ ﺗﯜﺭﻛﯩﻲ ﻣﯩﻠﻠﻪﺗﻠﯩﺮﯨﻨﯩﯔ ﺋﯩﭽﯩﺪﻩ، ﺋﺎﻟﺪﯨﻨﻘﻰ 20 ﻳﯩﻞ ﺋﯩﭽﯩﺪﻩ JPL ﮔﻪ ﺋﯩﺸﻘﺎ ﻛﯩﺮﻩﻟﯩﮕﻪﻧﻠﻪﺭ ﻳﺎﻟﻐﯘﺯ ﻣﻪﻥ ﺋﯩﻜﻪﻧﻤﻪﻥ (ﻫﺎﺯﯨﺮﻣﯘ JPL ﺩﻩ ﻣﻪﻧﺪﯨﻦ ﺑﺎﺷﻘﺎ ﺗﯜﺭﻛﯩﻲ ﻣﯩﻠﻠﻪﺗﻠﻪﺭﺩﯨﻦ ﺋﺎﺩﻩﻡ ﻳﻮﻕ).

3-ﺳﻮﺋﺎﻝ: ﻗﻮﻟﻐﺎ ﻛﻪﻟﺘﯜﺭﮔﻪﻥ ﻧﻪﺗﯩﺠﯩﻠﯩﺮﯨﯖﯩﺰ (ﺋﯧﻼﻥ ﻗﯩﻠﻐﺎﻥ ﺋﻪﺳﻪﺭﻟﯩﺮﯨﯖﯩﺰ، ﭼﻮﯓ ﺋﯩﻠﻤﯩﻲ ﻣﯘﻫﺎﻛﯩﻤﻪ ﻳﯩﻐﯩﻨﻠﯩﺮﯨﻐﺎ ﻗﺎﺗﻨﯩﺸﯩﺶ ﺋﻪﻫﯟﺍﻟﯩﯖﯩﺰ)ﺩﯨﻦ ﺧﻪﯞﻩﺭﺩﺍﺭ ﺑﻮﻟﻐﯩﻤﯩﺰ ﺑﺎﺭ.ﺑﯘ ﻫﻪﻗﺘﻪ ﺳﯚﺯﻟﻪﭖ ﺑﯩﺮﻩﻣﺴﯩﺰ؟

ﺟﺎﯞﺍﺏ: ﻣﻪﻥ 1986-ﻳﯩﻠﯩﺪﯨﻦ ﻫﺎﺯﯨﺮﻏﺎ ﻗﻪﺩﻩﺭ ﺧﻪﻟﻘﺌﺎﺭﺍﺩﯨﻜﻰ ﺋﻪﯓ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﯩﻠﻤﯩﻲ-ﺗﻪﺗﻘﯩﻘﺎﺕ ﮊﻭﺭﻧﺎﻟﻠﯩﺮﯨﺪﺍ ﺟﻪﻣﺌﯩﻲ 20 ﭘﺎﺭﭼﻪ ﺋﯩﻠﻤﯩﻲ ﻣﺎﻗﺎﻟﻪ ﺋﯧﻼﻥ ﻗﯩﻠﺪﯨﻢ. ﺋﻮﭘﺘﯩﻜﺎ ﺋﯩﻠﯩﻢ-ﺗﯧﺨﻨﯩﻜﯩﺴﻰ ﺳﺎﻫﻪﺳﯩﺪﻩ، ﺋﺎﻣﯧﺮﯨﻜﯩﺪﺍ 3 ﭘﺎﺭﭼﻪ ﻛﯩﺘﺎﭖ ﺑﺎﭘﻰ  (Book Chapter)ﭼﯩﻘﺎﺭﺩﯨﻢ. ﺑﯘ ﺭﯨﻘﺎﺑﯩﺘﻰ ﯞﻩ ﺷﺎﻥ-ﺷﻪﺭﯨﭙﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺑﻮﻟﻐﺎﻥ ﺋﯩﻠﻤﯩﻲ ﺋﻪﻣﮕﻪﻙ ﺑﻮﻟﯘﭖ، ﺋﺎﻣﯧﺮﯨﻜﯩﺪﯨﻜﻰ ﺑﯩﺮ ﻗﯩﺴﯩﻢ ﺋﯩﻠﯩﻢ-ﭘﻪﻥ ﺟﻪﻣﺌﯩﻴﻪﺗﻠﯩﺮﻯ ﺑﯩﺮﻧﻪﭼﭽﻪ ﺯﯨﻴﺎﻟﯩﻲ-ﻣﯘﺗﻪﺧﻪﺳﯩﺴﻠﻪﺭﺩﯨﻦ ﺗﻪﺷﻜﯩﻞ ﺗﺎﭘﻘﺎﻥ ﮔﯘﺭﯗﭘﭙﯩﻼﺭﻧﻰ ﺋﻮﺭﯗﻧﻼﺷﺘﯘﺭﯗﭖ، ﺑﯩﺮﺩﯨﻦ ﻛﯩﺘﺎﭖ ﺑﺎﭘﻰ ﻳﺎﺯﺩﯗﺭﯗﭖ، ﺑﯘ ﻳﯧﺰﯨﻠﻐﺎﻥ ﺑﺎﭘﻼﺭﻧﻰ ﺑﯩﺮﻟﻪﺷﺘﯜﺭﯛﭖ، ﺑﯩﺮ ﻳﯘﻗﯩﺮﻯ ﺳﻪﯞﯨﻴﻪﻟﯩﻚ ﺗﯧﺨﻨﯩﻜﯩﻠﯩﻖ ﻛﯩﺘﺎﭖ ﻗﯩﻠﯩﭗ ﭼﯩﻘﯩﺮﯨﺪﯗ. ﻣﻪﻥ ﻳﯘﻗﯩﺮﯨﺪﺍ ﺋﯧﻴﺘﻘﺎﻥ "ﻛﯩﺘﺎﭖ ﺑﺎﭘﻰ" ﺩﻩﻝ ﺋﻪﻧﻪ ﺷﯘ ﻧﻪﺭﺳﯩﺪﯨﻦ ﺋﯩﺒﺎﺭﻩﺕ. ﻣﻪﻥ ﻳﻪﻧﻪ ﺋﺎﻣﯧﺮﯨﻜﯩﺪﺍ 4 ﭘﺎﺭﭼﻪ ﻛﻪﺷﭙﯩﻴﺎﺕ ﭘﺎﺗﯧﻨﺘﻰ ﭼﯩﻘﺎﺭﺩﯨﻢ. ﻫﻪﻣﺪﻩ ﺧﻪﻟﻘﺌﺎﺭﺍﻟﯩﻖ ﺋﯩﻠﻤﯩﻲ-ﺗﻪﺗﻘﯩﻘﺎﺕ ﻳﯩﻐﯩﻨﻠﯩﺮﯨﺪﺍ ﺟﻪﻣﺌﯩﻲ 28 ﭘﺎﺭﭼﻪ ﺋﯩﻠﻤﯩﻲ ﻣﺎﻗﺎﻟﻪ ﺋﯧﻼﻥ ﻗﯩﻠﺪﯨﻢ. ﺑﯘ ﻣﺎﻗﺎﻟﯩﻨﯩﯔ ﺗﻪﭘﺴﯩﻼﺗﯩﻨﻰ  "http://www.meripet.com/Main/Erkin_Bio.htm" ﺩﯦﮕﻪﻥ ﺗﻮﺭ ﺑﯧﺘﯩﺪﯨﻦ ﻛﯚﺭﯛﺵ ﻣﯘﻣﻜﯩﻦ.

ﺑﯘﻻﺭﺩﯨﻦ ﺑﺎﺷﻘﺎ، ﻣﻪﻥ ﺩﯗﻧﻴﺎﺩﯨﻜﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻮﭘﺘﯩﻜﺎ ﺋﯩﻠﻤﯩﻲ-ﺗﻪﺗﻘﯩﻘﺎﺕ ﮊﻭﺭﻧﺎﻟﻠﯩﺮﻯ "Optics Letter"، "Journal of Optical Society of America" ﯞﻩ "Applied Optics" ﻗﺎﺗﺎﺭﻟﯩﻖ ﮊﻭﺭﻧﺎﻟﻼﺭﻏﺎ ﺗﻪﻫﺮﯨﺮ ﻫﻪﻳﺌﻪﺕ (ﻣﯘﻫﻪﺭﺭﯨﺮﺩﯨﻦ: ﺋﺎﻣﯧﺮﯨﻜﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﮊﻭﺭﻧﯩﻠﯩﻐﺎ ﻣﺎﻗﺎﻟﻪ ﺋﻪﯞﻩﺗﺴﯩﯖﯩﺰ، ﺋﯘﻻﺭ ﻣﺎﻗﺎﻟﯩﯖﯩﺰﻧﻰ ﺷﯘ ﺳﺎﻫﻪﺩﯨﻜﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻣﯘﺗﻪﺧﻪﺳﺴﯩﺴﺘﯩﻦ 3 ﻛﯩﺸﯩﮕﻪ ﻳﻮﻟﻼﭖ، ﺷﯘﻻﺭﻏﺎ ﺗﻪﺳﺘﯩﻘﻠﯩﺘﯩﺪﯗ. ﺋﻪﮔﻪﺭ ﺑﯘ 3 ﻛﯩﺸﯩﻨﯩﯔ ﺗﻪﺳﺘﯩﻘﯩﺪﯨﻦ ﺋﯚﺗﺴﻪ، ﻣﺎﻗﺎﻟﯩﯖﯩﺰ ﺋﺎﻧﺪﯨﻦ ﮊﻭﺭﻧﺎﻟﻐﺎ ﺑﯧﺴﯩﻠﯩﺪﯗ) ﺑﻮﻟﯘﭖ ﺋﯩﺸﻠﻪﭖ ﺑﻪﺭﺩﯨﻢ. ﺋﻮﭘﺘﯩﻜﺎ ﺳﺎﻫﻪﺳﯩﺪﯨﻜﻰ ﺑﯩﺮ ﻗﺎﻧﭽﻪ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺯﺍﭘﭽﺎﺱ ﯞﻩ ﺋﯜﺳﻜﯜﻧﻪ ﺑﻮﻳﯩﭽﻪ ﺩﯗﻧﻴﺎﻧﯩﺪﯨﻜﻰ ﺋﻪﯓ ﺋﺎﻟﺪﯨﻨﻘﻰ ﻣﯘﺗﻪﺧﻪﺳﯩﺴﻠﻪﺭ ﻗﺎﺗﺎﺭﯨﺪﺍ ﺋﻮﺭﯗﻥ ﺗﯘﺗﺘﯘﻡ. ﺋﺎﻣﯧﺮﯨﻜﺎ، ﮔﯧﺮﻣﺎﻧﯩﻴﻪ ﯞﻩ ﻳﺎﭘﻮﻧﯩﻴﻪﺩﯨﻜﻰ ﻛﯚﭘﻠﯩﮕﻪﻥ ﺋﯩﺪﺍﺭﻩ ﯞﻩ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺗﻪﻛﻠﯩﭗ ﺑﻮﻳﯩﭽﻪ ﺋﯩﻠﻤﯩﻲ ﺩﻭﻛﻼﺕ ﺑﻪﺭﺩﯨﻢ.

ﻳﯘﻗﯩﺮﯨﻘﯩﻼﺭﺩﯨﻦ ﺑﺎﺷﻘﺎ، ﻣﻪﻥ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﯩﻨﯩﯔ Sacramento ﺷﻪﻫﺮﯨﺪﯨﻜﻰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﻰ (California State University, Sacramento) ﺑﯩﻠﻪﻥ ﺩﺍﯞﯨﺲ ﺷﻪﻫﺮﯨﺪﯨﻜﻰ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ (University of California, Davis) ﺩﻩ ﻟﯧﻜﺘﻮﺭ ﺑﻮﻟﯘﭖ ﺋﯩﺸﻠﻪﭖ، ﺋﻮﻗﯘﺵ ﭘﯜﺗﺘﯜﺭﯛﺵ ﺋﺎﻟﺪﯨﺪﯨﻜﻰ ﺑﺎﻛﻼﯞﯗﺭ ﺋﻮﻗﯘﻏﯘﭼﯩﻠﯩﺮﯨﻐﺎ ﻛﻪﺳﭙﯩﻲ ﺩﻩﺭﺱ ﺋﯚﺗﯜﭖ، ﺋﻮﻗﯘﻏﯘﭼﯩﻼﺭﻧﯩﯔ ﻣﻪﯞﺳﯜﻣﻠﯜﻙ ﺋﻮﻗﯘﺗﻘﯘﭼﻰ ﺑﺎﻫﺎﻟﯩﺸﯩﺪﺍ ﺷﯘ ﻣﻪﻛﺘﻪﭘﻠﻪﺭﻧﯩﯔ ﺭﻩﺳﻤﯩﻲ ﭘﺮﻭﻓﺴﺴﻮﺭﻟﯩﺮﯨﺪﯨﻨﻤﯘ ﻛﯚﭖ ﻳﯘﻗﯩﺮﻯ ﺑﺎﻫﺎﻏﺎ ﺋﯧﺮﯨﺸﯩﭗ، 3 ﻗﯧﺘﯩﻢ ﻣﯘﻛﺎﭘﺎﺗﻼﻧﺪﯨﻢ.

4-ﺳﻮﺋﺎﻝ: ﺳﯩﺰ ﺋﻮﻗﯘﻏﯘﭼﯩﻠﯩﻖ ﯞﺍﻗﺘﯩﯖﯩﺰﺩﯨﻦ ﺗﺎﺭﺗﯩﭗ ﻫﺎﺯﯨﺮﻗﻰ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﯛﺷﻜﯩﭽﻪ ﺋﯩﺰﭼﯩﻞ ﺋﻪﻣﻪﻝ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﯚﮔﯩﻨﯩﺶ ﺋﺎﺩﯨﺘﯩﯖﯩﺰ ﻗﺎﻳﺴﻰ؟

ﺟﺎﯞﺍﺏ: ﻣﻪﻥ 4-5 ﻳﺎﺷﻼﺭﻏﺎ ﻛﯩﺮﮔﻪﻥ ﯞﺍﻗﯩﺘﺘﯩﻦ ﺗﺎﺭﺗﯩﭗ، ﭘﯜﺗﯜﻥ ﺟﻪﻣﺌﯩﻴﻪﺕ ﺋﯩﻨﺘﺎﻳﯩﻦ ﻛﻪﻣﺒﻪﻏﻪﻝ ﺑﻮﻟﯘﭖ، ﺋﺎﺷﻠﯩﻖ ﺋﯩﻨﺘﺎﻳﯩﻦ ﻗﯩﺲ ﺑﻮﻟﯘﭖ ﻛﻪﺗﻜﻪﻧﯩﺪﻯ. ﺩﺍﺩﺍﻡ ﺋﻮﻗﯘﺵ ﺑﯩﻠﻪﻥ ﺑﺎﺷﻘﺎ ﻳﻪﺭﮔﻪ ﻛﻪﺗﻜﻪﻥ، ﺋﺎﭘﺎﻡ ﺋﯩﺸﻠﻪﯞﺍﺗﻘﺎﻥ ﺑﻮﻟﯘﭖ، ﭼﯜﺷﻠﯜﻙ ﺗﺎﻣﯩﻘﯩﻤﯩﺰ ﺋﯜﭼﯜﻥ ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰﮔﻪ ﺑﯩﺮﺩﯨﻦ ﻛﯩﭽﯩﻚ ﺗﻮﻗﺎﭺ ﺗﻪﻳﻴﺎﺭﻻﭖ ﻗﻮﻳﺎﺗﺘﻰ. ﭼﯜﺵ ﺑﻮﻟﻐﯩﭽﻪ ﻣﯩﻨﯩﯔ ﻗﻮﺭﺳﯩﻘﯩﻢ ﺋﯧﭽﯩﭗ ﻛﯧﺘﯩﭗ، ﭼﯩﺪﯨﻴﺎﻟﻤﺎﻱ ﻣﻪﻛﺘﻪﭘﻨﯩﯔ ﺑﯩﺮ ﺑﯩﻨﺎﺳﯩﻐﺎ ﺋﯧﺴﯩﻘﻠﯩﻖ ﺳﺎﺋﻪﺗﻨﯩﯔ ﺋﺎﻟﺪﯨﻐﺎ ﭼﯜﺵ ﺑﻮﻟﻐﺎﻥ-ﺑﻮﻟﻤﯩﻐﺎﻧﻠﯩﻘﯩﻨﻰ ﺑﯩﻠﯩﺶ ﺋﯜﭼﯜﻥ ﻗﺎﻳﺘﺎ-ﻗﺎﺗﯩﻼﭖ ﺑﯧﺮﯨﭗ ﻗﺎﺭﺍﭖ ﻛﯧﻠﯩﺪﯨﻐﺎﻧﻠﯩﻘﯩﻢ ﻫﺎﺯﯨﺮﻣﯘ ﺋﯧﺴﯩﻤﺪﻩ. ﻣﻪﻥ ﺋﺎﻛﺎﻣﺪﯨﻦ "ﺳﺎﺋﻪﺗﻨﯩﯔ ﭼﻮﯓ ﺗﯩﻠﻰ ﻣﺎﻧﭽﯩﮕﻪ، ﻛﯩﭽﯩﻚ ﺗﯩﻠﻰ ﻣﺎﻧﭽﯩﮕﻪ ﻛﻪﭘﺘﯘ. ﺋﻪﻣﺪﻯ ﺗﻮﻗﺎﭼﻨﻰ ﻳﯧﺴﻪﻙ ﺑﻮﻻﻣﺪﯗ؟" ﺩﻩﭖ ﻫﻪﺭ ﻗﯧﺘﯩﻢ ﺳﻮﺭﺍﻳﺘﺘﯩﻢ. ﺩﺍﯞﺍﻣﻠﯩﻖ ﺋﺎﭺ ﻳﯜﺭﻩﺗﺘﯩﻢ. ﻧﯧﻤﻪ ﺳﻪﯞﻩﺏ ﺑﻮﻟﻐﺎﻧﻠﯩﻘﻰ ﻫﺎﺯﯨﺮ ﺋﯧﺴﯩﻤﺪﻩ ﻳﻮﻕ. ﺋﯩﺸﻘﯩﻠﯩﭗ ﻣﻪﻥ ﺑﺎﺷﻼﻧﻐﯘﭼﻨﯩﯔ 1-ﺳﯩﻨﯩﭙﯩﺪﯨﻦ ﺗﺎﺭﺗﯩﭙﻼ ﻣﻪﻛﺘﻪﭘﻜﻪ ﺋﯩﻨﺘﺎﻳﯩﻦ ﺋﺎﻣﺮﺍﻕ ﺋﯩﺪﯨﻢ. ﺋﻪﺧﻠﻪﺕ ﺩﯙﯞﯨﻠﯩﺮﯨﺪﻩ ﻳﺎﺗﻘﺎﻥ ﺋﺎﻟﻘﺎﻧﺪﻩﻙ ﻗﻪﻏﻪﺯﻧﻰ ﻛﯚﺭﺳﻪﻡ، ﺋﯘﻧﻰ ﺩﻩﺭﻫﺎﻝ ﺗﯧﺮﯨﭗ،  "ﻫﯧﺴﺎﺏ ﺋﯩﺸﻠﻪﺷﻜﻪ ﺋﯩﺸﻠﯩﺘﯩﻤﻪﻥ" ﺩﻩﭖ ﻳﺎﻧﭽﯘﻗﯘﻣﻐﺎ ﺳﯧﻠﯩﯟﺍﻻﺗﺘﯩﻢ. ﺋﯘ ﭼﺎﻏﺪﺍ ﻗﺎﺭﺍ ﻗﻪﻟﻪﻣﺪﯨﻦ ﺑﺎﺷﻘﺎ ﻗﻪﻟﻪﻡ ﻳﻮﻕ ﺑﻮﻟﯘﭖ، ﻫﻪﺭ ﺑﯩﺮ ﻗﻪﻟﻪﻣﻨﻰ ﺗﻪﻛﺮﺍﺭ ﺋﯘﭼﻼﭖ ﺋﯩﺸﻠﯩﺘﯩﭗ، ﺋﯘﻧﯩﯔ ﺋﯘﺯﯗﻧﻠﯘﻗﻰ ﺋﻪﯓ ﺋﺎﺧﯩﺮﯨﺪﺍ 1Cm  ﺋﻪﺗﯩﺮﺍﭘﯩﺪﺍ ﻗﯧﻠﯩﭗ، ﺑﺎﺭﻣﺎﻕ ﺑﯩﻠﻪﻥ ﺗﯘﺗﯘﺵ ﭘﯜﺗﯜﻧﻠﻪﻱ ﻣﯘﻣﻜﯩﻦ ﺑﻮﻟﻤﯩﻐﺎﻧﺪﺍ ﺋﺎﻧﺪﯨﻦ ﺗﺎﺷﻠﯩﯟﯨﺘﻪﺗﺘﯩﻢ. . ﺑﺎﺷﻼﻧﻐﯘﭼﻨﯩﯔ ﻳﯘﻗﯩﺮﻯ ﻳﯩﻠﻠﯩﻘﯩﻐﺎ ﭼﯩﻘﯩﭗ، ﺑﯩﺮ ﺋﺎﺯ ﺋﺎﻕ-ﻗﺎﺭﯨﻨﻰ ﭘﻪﺭﻕ ﻗﯩﻼﻻﻳﺪﯨﻐﺎﻥ ﺑﻮﻟﻐﺎﻥ ﯞﺍﻗﯩﺘﺘﺎ، ﻣﻪﻥ ﻳﺎﺧﺸﻰ ﺋﻮﻗﯘﭖ، ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﻪ ﺋﯚﺯ ﺗﻪﻗﺪﯨﺮﯨﻤﻨﻰ ﺋﯚﺯﮔﻪﺭﺗﯩﺶ ﺋﯩﺮﺍﺩﯨﺴﯩﮕﻪ ﻛﻪﻟﺪﯨﻢ. "ﻗﺎﻧﭽﯩﻠﯩﻚ ﺋﻮﻗﯘﺵ ﺑﻮﻟﺴﺎ، ﻫﻪﻣﻤﯩﺴﯩﻨﻰ ﺗﯜﮔﻪﺗﻜﯩﭽﻪ ﺋﻮﻗﯘﻳﻤﻪﻥ،" ﺩﻩﭖ ﺋﻮﻳﻼﻳﺘﺘﯩﻢ. ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ، ﺑﯩﻠﯩﻤﻨﯩﯔ ﻧﻪﻗﻪﺩﻩﺭ ﺯﯙﺭﯛﺭﻟﯩﻜﯩﻨﻰ ﭼﯜﺷﯩﻨﯩﭗ ﻳﻪﺗﺘﯩﻢ. ﺑﯘ ﺗﻮﻏﺮﯨﺴﯩﺪﺍ ﻣﯘﺷﯘ ﻗﯩﺴﯩﻤﻨﯩﯔ ﺋﺎﺧﯩﺮﯨﺪﺍ ﻳﻪﻧﻪ ﺑﯩﺮ ﺋﺎﺯ ﺗﻪﭘﺴﯩﻠﯩﻴﺮﻩﻙ ﺗﻮﺧﺘﯩﻠﯩﻤﻪﻥ. ﺋﻮﺗﺘﯘﺭﺍ ﻣﻪﻛﺘﻪﭖ ﯞﻩ ﻳﯧﺰﯨﺪﺍ "ﻗﺎﻳﺘﺎ ﺗﻪﺭﺑﯩﻴﻪ ﺋﯧﻠﯩﺶ" ﺟﻪﺭﻳﺎﻧﯩﺪﺍ ﺑﺎﺷﻘﺎ ﻣﯩﻠﻠﻪﺗﻠﻪﺭ ﺗﻪﺭﯨﭙﯩﺪﯨﻦ ﻗﺎﺗﺘﯩﻖ ﻛﻪﻣﺴﯩﺘﯩﻠﯩﺶ ﺋﯩﺸﻠﯩﺮﻯ ﺑﯧﺸﯩﻤﺪﯨﻦ ﺋﯚﺗﯜﻟﯜﭖ، ﺋﯘ ﻣﯧﻨﯩﯔ ﻳﺎﺵ ﻗﻪﻟﺒﯩﻤﮕﻪ ﻧﺎﻫﺎﻳﯩﺘﻰ ﻗﺎﺗﺘﯩﻖ ﺗﻪﺳﯩﺮ ﻗﯩﻠﺪﻯ. ﺷﯘﻧﯩﯖﺪﯨﻦ ﻛﯧﻴﯩﻦ، ﻫﻪﻣﻤﻪ ﺟﻪﻫﻪﺗﺘﯩﻦ ﺗﻮﻟﯘﻕ ﻗﺎﺑﯩﻠﯩﻴﻪﺕ ﻳﯧﺘﯩﻠﺪﯛﺭﯛﭖ، ﺑﺎﺷﻘﺎ ﻣﯩﻠﻠﻪﺗﻠﻪﺭ ﻗﯩﻼﻟﯩﻐﺎﻥ ﺋﯩﺸﻨﻰ ﺑﯩﺰ ﺋﯘﻳﻐﯘﺭﻻﺭﻧﯩﯖﻤﯘ ﻗﯩﻼﻻﻳﺪﯨﻐﺎﻧﻠﯩﻐﯩﻨﻰ ﺋﯩﺴﭙﺎﺗﻼﺵ ﺋﯩﺮﺍﺩﯨﺴﯩﮕﻪ ﻛﻪﻟﺪﯨﻢ. ﺷﯘﻧﺪﺍﻕ ﻗﯩﻠﯩﭗ، ﻣﻪﻥ ﺋﺎﻟﯩﻲ ﻣﻪﻛﺘﻪﭘﻜﻪ ﭼﯩﻘﯩﺸﺘﯩﻦ ﺑﯘﺭﯗﻥ، ﻳﺎﺧﺸﻰ ﺋﻮﻗﯘﭖ، ﺋﯚﺯﯛﻣﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﻗﺪﯨﺮﯨﻤﻨﻰ ﺋﯚﺯﮔﻪﺭﺗﯩﺶ؛ ﺑﯩﻠﯩﻤﻨﻰ ﺋﯩﻤﻜﺎﻧﯩﻴﻪﺕ ﺑﺎﺭ ﺋﻪﯓ ﻳﯘﻗﯘﺭﻯ ﺩﻩﺭﯨﺠﯩﮕﯩﭽﻪ ﺋﯩﮕﯩﻠﻪﺵ؛ ﻫﻪﻣﺪﻩ ﺋﯘﻳﻐﯘﺭﻻﺭﻧﯩﯖﻤﯘ ﺑﺎﺷﻘﯩﻼﺭ ﻗﯩﻼﻟﯩﻐﺎﻥ ﺋﯩﺸﻨﻰ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﭖ، ﺷﯘ ﺋﺎﺭﻗﯩﻠﯩﻖ ﻣﯩﻠﻠﻪﺗﺘﻪ ﺋﯜﻣﯩﺪ ﭘﻪﻳﺪﺍ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ ﺑﯩﺮ ﻗﺎﻧﭽﻪ ﻏﺎﻳﻪ ﯞﻩ ﺋﯩﺮﺍﺩﯨﻨﻰ ﺗﯘﺭﻏﯘﺯﻏﺎﻥ ﺋﯩﺪﯨﻢ. ﻣﺎﻧﺎ ﺑﯘﻻﺭ ﺋﯩﺰﭼﯩﻞ ﺗﯜﺭﺩﻩ ﻣﯧﻨﯩﯔ ﺋﯚﮔﯩﻨﯩﺶ ﺋﺎﺩﯨﺘﯩﻤﻨﯩﯔ ﺋﺎﺳﺎﺳﻰ ﺑﻮﻟﯘﭖ ﻛﻪﻟﺪﻯ: ﻣﻪﻥ ﻫﻪﺭﮔﯩﺰ ﯞﻩﺯﯨﭙﻪ ﺋﯜﭼﯜﻥ ﺋﯚﮔﻪﻧﻤﯩﺪﯨﻢ. ﻫﻪﺭﮔﯩﺰ ﺋﯩﻤﺘﯩﻬﺎﻧﺪﯨﻦ ﺋﯚﺗﯜﺵ ﺋﯜﭼﯜﻥ ﺋﯚﮔﻪﻧﻤﯩﺪﯨﻢ. ﻫﻪﺭﮔﯩﺰ ﻣﻪﻛﺘﻪﭖ ﭘﯜﺗﺘﯜﺭﯛﯞﯦﻠﯩﺶ ﺋﯜﭼﯜﻥ ﺋﯚﮔﻪﻧﻤﯩﺪﯨﻢ. ﺋﯚﺯﯛﻡ ﺋﯧﺮﯨﺸﻪﻟﯩﮕﻪﻥ ﭘﯘﺭﺳﻪﺗﻨﯩﯔ ﻫﻪﻣﻤﯩﺴﯩﺪﯨﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﭗ، ﺋﺎﻟﺪﯨﻤﻐﺎ ﻛﻪﻟﮕﻪﻥ ﻫﻪﻣﻤﻪ ﻧﻪﺭﺳﯩﻨﻰ ﺋﯚﮔﻪﻧﺪﯨﻢ.

ﺗﯚﯞﻩﻧﺪﻩ، ﻣﯧﻨﯩﯔ ﻳﯘﻗﯩﺮﯨﻘﯩﺪﻩﻙ ﺋﯩﺪﯨﻴﻪﻟﻪﺭﻧﯩﯔ ﺷﻪﻛﯩﻠﻠﯩﻨﯩﺸﯩﺪﯨﻜﻰ ﺗﺎﺭﯨﺨﯩﻲ ﺋﺎﺭﻗﺎ ﻛﯚﺭﯛﻧﯜﺷﻨﯩﯔ ﺑﯩﺮ ﻗﯩﺴﻤﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ. ﻣﻪﻥ ﻛﯩﭽﯩﻚ ﯞﺍﻗﺘﯩﻤﺪﺍ، ﺋﺎﺋﯩﻠﯩﻤﯩﺰﺩﻩ ﺟﺎﻥ ﺳﺎﻧﻰ ﻛﯚﭖ (ﺑﯩﺰ ﺟﻪﻣﺌﯩﻲ 6 ﺑﺎﻻ) ﺑﻮﻟﯘﭖ، ﺩﺍﺩﺍﻡ ﻳﺎﻟﻐﯘﺯ ﺋﯩﺸﻠﻪﻳﺘﺘﻰ (ﺋﺎﭘﺎﻡ ﻣﯧﻨﯩﯔ ﺋﯩﻨﯩﻢ ﺗﯘﻏﯘﻟﯘﭖ، ﺑﯩﺮ ﻗﺎﻧﭽﻪ ﻳﯩﻞ ﺋﯚﺗﻜﻪﻧﺪﻩ ﺑﺎﻟﯩﻼﺭﻧﻰ ﺑﯧﻘﯩﺸﺘﺎ ﺑﻪﻙ ﻗﯩﻴﻨﯩﻠﯩﭗ ﻛﯧﺘﯩﭗ، ﺋﯚﺯﯨﻨﯩﯔ ﺋﯩﺸﭽﯩﻠﯩﻖ ﺧﯩﺰﻣﯩﺘﯩﺪﯨﻦ ﭼﯧﻜﯩﻨﮕﻪﻥ ﺋﯩﺪﻯ). . ﺋﯩﻘﺘﯩﺴﺎﺩﯨﻲ ﻗﯩﻴﯩﻨﭽﯩﻠﯩﻖ ﺗﯜﭘﻪﻳﻠﯩﺪﯨﻦ، ﻣﻪﻧﺪﯨﻦ 2 ﻳﺎﺵ ﭼﻮﯓ ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰ ﺑﯩﺮ ﺋﺎﺯ ﭘﯘﻝ ﺗﯧﭙﯩﺸﻨﯩﯔ ﻫﻪﺭ ﺧﯩﻞ ﺋﺎﻣﺎﻟﻰ ﺋﯜﺳﺘﯩﺪﻩ ﻗﺎﺗﺘﯩﻖ ﺋﯩﺰﺩﻩﻧﺪﯗﻕ. ﻣﻪﻥ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ (ﺋﺎﻗﺴﯘ 1-ﺋﻮﺗﺘﯘﺭﺍ ﻣﻪﻛﺘﻪﭘﺘﻪ) ﺋﻮﻗﯘﯞﺍﺗﻘﺎﻥ ﯞﺍﻗﯩﺘﺘﺎ، ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰ ﺭﺍﺩﯨﺌﻮ ﻗﯘﺭﺍﺷﺘﯘﺭﯗﺷﻨﻰ ﺋﯚﮔﻪﻧﺪﯗﻕ. ﺋﯘ ﭼﺎﻏﺪﺍ ﺭﺍﺩﯨﺌﻮ ﺋﯩﻨﺘﺎﻳﯩﻦ ﻗﯩﺲ ﺑﯘﻟﯘﭖ، ﭘﻪﻗﻪﺕ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﻰ ﺋﺎﻻﻫﯩﺪﻩ ﻳﺎﺧﺸﻰ ﻛﯩﺸﯩﻠﻪﺭﻧﯩﯖﻼ ﺭﺍﺩﯨﺌﻮﺳﻰ ﺑﺎﺭ ﺋﯩﺪﻯ. ﺑﯩﺰ ﺩﻩﺳﻠﻪﭘﺘﻪ ﻳﯜﺯ ﺳﻮﭘﯘﻧﯩﻨﯩﯔ ﭘﻼﺳﺘﯩﻚ ﻗﯘﺗﯩﺴﻰ ﺋﯩﭽﯩﮕﻪ ﺑﯩﺮ ﻛﯜﭼﻪﻳﺘﻜﯜﭼﻠﯜﻙ، ﭘﻪﻗﻪﺕ ﺑﯩﺮﻻ ﺑﺎﺗﯧﺮﯨﻴﻪ ﺑﯩﻠﻪﻥ ﻣﺎﯕﯩﺪﯨﻐﺎﻥ ﺭﺍﺩﯨﺌﻮ ﻗﻮﺭﺍﺷﺘﯘﺭﺩﯗﻕ. ﺋﻪﺧﻠﻪﺗﺨﺎﻧﯩﻼﺭﺩﯨﻦ ﺗﯚﻣﯜﺭ-ﺗﻪﺳﻪﻙ ﯞﻩ ﺳﯚﯕﻪﻙ ﻗﺎﺗﺎﺭﻟﯩﻘﻼﺭﻧﻰ ﺗﯧﺮﯨﭗ، ﺋﯘﻧﻰ ﺗﯚﻣﯜﺭ، ﺳﯚﯕﻪﻙ ﻳﯩﻐﯩﺶ ﺩﯗﻛﺎﻧﻠﯩﺮﯨﻐﺎ ﺋﺎﭘﯩﺮﯨﭗ ﺳﯧﺘﯩﭗ، ﺗﺎﭘﻘﺎﻥ ﭘﯘﻟﯩﻤﯩﺰﻧﯩﯔ ﻫﻪﻣﻤﯩﺴﯩﮕﻪ ﺭﺍﺩﯨﺌﻮ ﺯﺍﭘﭽﺎﺳﻠﯩﺮﻯ ﺋﺎﻻﺗﺘﯘﻕ. ﺭﺍﺩﯨﺌﻮﺩﯨﻦ ﺋﺎﯞﺍﺯ ﭼﯩﻘﯩﺮﯨﺶ ﺋﯜﭼﯜﻥ، ﻛﯧﭽﻪ-ﻛﯧﭽﻪ ﺋﯘﺧﻠﯩﻤﺎﻱ ﺗﺎﯓ ﺋﺎﺗﻘﯘﺯﻏﺎﻥ ﻛﯧﭽﯩﻠﯩﺮﯨﻤﯩﺰﻣﯘ ﻛﯚﭖ ﺑﻮﻻﺗﺘﻰ. ﺋﯘ ﭼﺎﻏﺪﺍ ﺭﺍﺩﻭﺋﻰ ﻗﯘﺭﺍﺷﺘﯘﺭﯗﺵ ﺗﻮﻏﺮﯨﺴﯩﺪﺍ ﻫﯧﭻ ﻗﺎﻧﺪﺍﻕ ﺋﯘﻳﻐﯘﺭﭼﻪ ﻛﯩﺘﺎﺏ-ﻣﺎﺗﯧﺮﯨﻴﺎﻝ ﻳﻮﻕ ﺑﻮﻟﯘﭖ، ﺑﯩﺰ ﺧﻪﻧﺰﯗﭼﻪ ﻛﯩﺘﺎﺑﻼﺭﻧﻰ ﺋﻮﻗﯘﻳﺎﻟﻤﺎﻳﺘﯘﻕ. ﺑﯩﺮﺍﻕ، ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰ ﺑﺎﺭﺍ-ﺑﺎﺭﺍ ﺭﺍﺩﯨﺌﻮﻏﺎ ﺋﺎﺋﯩﺖ ﺧﻪﻧﺰﯗﭼﻪ ﻛﯩﺘﺎﺑﻼﺭﺩﯨﻜﻰ ﺗﻮﻙ ﻳﻮﻟﻰ ﺧﻪﺭﯨﺘﯩﺴﯩﻨﻰ ﻛﯚﺭﻩﻟﻪﻳﺪﯨﻐﺎﻥ ﺑﻮﻟﺪﯗﻕ. ﺋﯘﺯﺍﻕ ﺋﯚﺗﻤﻪﻱ ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰ ﺋﯘﻳﻐﯘﺭ ﺩﯦﻬﻘﺎﻧﻼﺭﻧﯩﯔ ﺑﯘﺯﯗﻟﯘﭖ ﻗﺎﻟﻐﺎﻥ ﺭﺍﺩﯨﺌﻮﺳﯩﻨﻰ ﺋﻮﯕﺸﺎﭖ، ﺑﯩﺮ ﺋﺎﺯ ﭘﯘﻝ ﺗﺎﭘﺎﯞﯨﺘﻰ ﻗﯩﻠﯩﺪﯨﻐﺎﻥ ﺑﻮﻟﺪﯗﻕ. ﻣﻪﻥ ﻫﻪﺭ ﻳﻪﻛﺸﻪﻧﺒﻪ ﻛﯜﻧﻰ ﺋﻪﺗﯩﮕﻪﻧﺪﯨﻼ ﺧﻪﻧﺰﯗﻻﺭﻧﯩﯔ ﺭﺍﺩﯨﺌﻮ ﺭﯦﻤﻮﻧﺘﺨﺎﻧﯩﻠﯩﺮﯨﻨﯩﯔ ﺋﺎﻟﺪﯨﻐﺎ ﺑﯧﺮﯨﭗ ﺳﺎﻗﻼﭖ ﺗﯘﺭﺍﺗﺘﯩﻢ. ﺋﯘﻳﻐﯘﺭ ﺩﯦﻬﻘﺎﻧﻼﺭ ﺭﺍﺩﯨﺌﻮﺳﯩﻨﻰ ﺋﻪﻛﻪﻟﮕﻪﻧﺪﻩ، ﻣﻪﻥ ﺋﯘﻻﺭﻏﺎ ﺑﯩﺰﻧﯩﯖﻤﯘ ﺭﺍﺩﯨﺌﻮ ﺋﻮﯕﺸﺎﻳﺪﯨﻐﺎﻧﻠﯩﻘﯩﻤﯩﺰﻧﻰ ﺋﯧﻴﺘﯩﭗ، ﺋﯘﻻﺭﻧﻰ ﺑﯩﺰﻧﯩﯔ ﺋﯚﻳﮕﻪ ﺑﺎﺷﻼﭖ ﻛﯧﻠﻪﺗﺘﯩﻢ. ﺋﯚﻳﺪﻩ ﺳﺎﻗﻼﭖ ﺗﯘﺭﻏﺎﻥ ﺋﺎﻛﺎﻡ ﺩﻩﺭﻫﺎﻝ ﺭﯦﻤﻮﻧﺘﭽﯩﻠﯩﻘﻨﻰ ﺑﺎﺷﻼﻳﺘﻰ. ﻣﻪﻥ ﻳﯧﯖﻰ ﺧﯧﺮﯨﺪﺍﺭ ﺗﯧﭙﯩﺶ ﺋﯜﭼﯜﻥ ﺑﺎﺯﺍﺭﻏﺎ ﻳﻪﻧﻪ ﻛﯧﺘﻪﺗﺘﯩﻢ. ﺑﯩﺰﻧﯩﯔ ﺋﺎﻟﯩﺪﯨﻐﺎﻥ ﺋﯩﺶ ﻫﻪﻗﻘﯩﻤﯩﺰ ﺧﻪﻧﺰﯗ ﺩﯗﻛﺎﻧﻠﯩﺮﯨﻨﯩﯔ 1/3 ﻗﯩﺴﻤﯩﺪﯨﻨﻤﯘ ﺋﺎﺯ، ﺋﯘﻧﯩﯔ ﺋﯜﺳﺘﯩﮕﻪ ﺋﯘﻳﻐﯘﺭ ﺩﯦﻬﻘﺎﻧﻼﺭ ﺑﯩﺰﮔﻪ ﻫﯧﭽﻘﺎﻧﭽﻪ ﻗﯩﻴﻨﺎﻟﻤﺎﻳﻼ ﻣﻪﻗﺴﯩﺪﯨﻨﻰ ﺋﯘﻗﺘﯘﺭﺍﻻﻳﺪﯨﻐﺎﻥ ﺑﻮﻟﻐﺎﭼﻘﺎ، ﺋﯘﻻﺭ ﺑﯩﺰﻧﻰ ﺗﺎﭘﻘﺎﻧﻠﯩﻘﻰ ﺋﯜﭼﯜﻥ ﺋﯩﻨﺘﺎﻳﯩﻦ ﺧﯘﺷﺎﻝ ﺋﯩﺪﻯ. ﺑﯩﺮ ﺋﺎﺯ ﭘﯘﻝ ﺗﺎﭘﻘﺎﻧﻐﺎ ﺑﯩﺰﻣﯘ ﻧﺎﻫﺎﻳﯩﺘﻰ ﺧﯘﺷﺎﻝ ﺋﯩﺪﯗﻕ. ﺑﯩﺰ ﺧﯧﺮﯨﺪﺍﺭﻟﯩﺮﯨﻤﯩﺰﻏﺎ ﭼﺎﻱ، ﺋﻪﮔﻪﺭ ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﻰ ﺑﻮﻟﯘﭖ ﻗﺎﻟﺴﺎ، ﺑﻪﺯﯨﺪﻩ ﭼﯜﺷﻠﯜﻙ ﺗﺎﻣﺎﻗﻤﯘ ﺑﯧﺮﻩﺗﺘﯘﻕ. ﺑﯩﺰ ﻣﻪﺯﮔﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺋﺎﻗﺴﯘ ﺷﻪﻫﯩﺮﻯ ﺋﻪﺗﺮﺍﭘﯩﺪﯨﻜﻰ ﺩﯦﻬﻘﺎﻧﻼﺭ ﺑﯩﺮ-ﺑﯩﺮﯨﺪﯨﻦ ﺋﺎﯕﻼﭖ، ﺑﯩﺰﻧﻰ ﺋﯚﺯﻟﯩﺮﻯ ﺋﯩﺰﺩﻩﭖ ﻛﯧﻠﯩﺪﯨﻐﺎﻥ ﺑﻮﻟﺪﻯ. ﺳﺎﻗﺎﻟﻠﯩﺮﯨﻐﺎ ﺋﺎﻕ ﻛﯩﺮﮔﻪﻥ ﭼﻮﯕﻼﺭﻣﯘ ﺑﯩﺰﻧﻰ "ﺋﯘﺳﺘﺎﻡ" ﺩﻩﭖ ﺋﺎﺗﯩﻐﺎﻧﺪﺍ، ﺑﯩﺰ ﻫﻪﻡ ﺋﻮﯕﺎﻳﺴﯩﺰﻟﯩﻨﺎﺗﺘﯘﻕ ﻫﻪﻡ ﺧﯘﺷﺎﻝ ﺑﻮﻻﺗﺘﯘﻕ.

ﺋﻪﻧﻪ ﺷﯘ ﯞﺍﻗﯩﺘﻼﺭﺩﺍ، ﺑﯩﺰ ﺑﻪﺯﯨﺪﻩ ﻛﺎﺷﯩﻠﯩﺴﻰ ﭼﻮﯕﺮﺍﻕ ﺭﺍﺩﯨﺌﻮﻻﺭﻧﻰ ﺗﯜﺯﻩﻟﻤﯩﺪﯗﻕ. ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰ "ﺋﻪﮔﻪﺭ ﺧﻪﻧﺰﯗﭼﻪ ﻛﯩﺘﺎﺏ ﺋﻮﻗﯘﻳﺎﻟﯩﻐﺎﻥ ﺑﻮﻟﺴﺎﻕ، ﻧﯧﻤﻪ ﺩﯦﮕﻪﻥ ﻳﺎﺧﺸﻰ ﺑﻮﻻﺗﺘﻰ؟" ﺩﻩﭖ ﺋﻮﻳﻼﻳﺘﺘﯘﻕ. ﻛﯚﭘﺮﻩﻙ ﺑﯩﻠﮕﻪﻧﺴﯧﺮﻯ، ﺑﯩﻠﯩﻤﯩﻤﯩﺰﻧﯩﯔ ﻗﺎﻧﭽﯩﻠﯩﻚ ﺋﺎﺯﻟﯩﻘﯩﻨﻰ ﻫﯧﺲ ﻗﯩﻼﺗﺘﯘﻕ. ﺑﯘ ﺋﯩﺸﻼﺭ ﻣﺎﯕﺎ ﺋﯩﻨﺘﺎﻳﯩﻦ ﭼﻮﯕﻘﯘﺭ ﺗﻪﺳﯩﺮ ﻗﺎﻟﺪﯗﺭﻏﺎﻧﯩﺪﻯ. ﺑﯩﻠﯩﻤﻨﯩﯔ ﻧﻪﻗﻪﺩﻩﺭ ﻗﻪﺩﯨﺮﻟﯩﻜﻠﯩﻜﯩﻨﻰ، ﺋﯘﻧﯩﯔ ﺋﺎﺩﻩﻡ ﺋﯜﭼﯜﻥ ﻧﻪﻗﻪﺩﻩﺭ ﻛﯧﺮﻩﻛﻠﯩﻜﯩﻨﻰ ﭼﻮﯕﻘﯘﺭ ﭼﯜﺷﯩﻨﯩﭗ ﻳﻪﺗﻜﻪﻧﯩﺪﯨﻢ. ﺷﯘﯕﻼﺷﻘﺎ، ﻣﻪﻥ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻮﻗﯘﯞﺍﺗﻘﺎﻥ ﭼﺎﻏﺪﺍ، ﻫﻪﻣﻤﻪﻳﻠﻪﻥ ﺩﯦﯔ ﺷﯩﻴﺎﯞﭘﯩﯖﻨﻰ ﭘﯩﭙﻪﻥ(ﺗﻪﻧﻘﯩﺪ) ﻗﯩﻠﯩﺶ ﻫﻪﺭﯨﻜﯩﺘﻰ، "ﺑﯩﻠﯩﻤﻨﯩﯔ ﻛﯧﺮﯨﻜﻰ ﻳﻮﻕ" ﻧﻪﺯﻩﺭﯨﻴﯩﺴﻰ ﻫﻪﻣﻤﻪ ﻳﻪﺭﻧﻰ ﺑﯧﺴﯩﭗ ﻛﻪﺗﻜﻪﻥ ﺑﻮﻟﺴﯩﻤﯘ، ﻣﻪﻧﺪﻩ "ﺑﯩﻠﯩﻤﻨﯩﯔ ﭼﻮﻗﯘﻡ ﻻﺯﯨﻤﻰ ﺑﺎﺭ" ﺩﯦﮕﻪﻥ ﻣﯘﺳﺘﻪﻫﻜﻪﻡ ﻛﯚﺯﻗﺎﺭﺍﺵ ﺑﻮﻟﻐﺎﭼﻘﺎ، ﻣﻪﻥ ﺋﯚﺯﯛﻣﻨﯩﯔ ﻛﯜﻧﺪﯨﻠﯩﻚ ﺩﻩﺭﺳﻠﯩﺮﯨﻤﻨﻰ ﭘﯘﺧﺘﺎ ﺋﯚﮔﯩﻨﯩﭙﻼ ﻗﺎﻟﻤﺎﻱ، ﺗﺎﭘﺎﻟﯩﻐﺎﻥ ﻫﻪﻣﻤﻪ ﺷﻪﺭﺕ-ﺷﺎﺭﺍﺋﯩﺘﺘﯩﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﭗ ﺋﯚﮔﻪﻧﺪﯨﻢ. ﻣﺎﺗﯧﻤﺎﺗﯩﻜﺎ ﯞﻩ ﻓﯩﺰﯨﻜﺎ ﺩﻩﺭﺳﻠﯩﺮﯨﺪﻩ، ﺋﻮﻗﯘﺗﻘﯘﭼﻰ ﺗﻪﻟﻪﭖ ﻗﯩﻠﻐﺎﻥ-ﻗﯩﻠﻤﯩﻐﺎﻧﻠﯩﻘﯩﺪﯨﻦ ﻗﻪﺗﺌﻰ ﻧﻪﺯﻩﺭ، ﻣﻪﻥ ﻛﯩﺘﺎﺑﺘﯩﻜﻰ ﻣﻪﺷﻘﻠﻪﺭﻧﯩﯔ ﻫﻪﻣﻤﯩﺴﯩﻨﻰ ﺑﯩﺮﻧﯩﻤﯘ ﻗﻮﻳﻤﺎﻱ ﺋﯩﺸﻠﯩﺪﯨﻢ. ﺋﯘ ﭼﺎﻏﺪﺍ ﺋﯘﻳﻐﯘﺭ ﺋﯚﺳﻤﯜﺭﻟﯩﺮﻯ ﺋﯜﭼﯜﻥ ﻫﯧﭻ ﻗﺎﻧﺪﺍﻕ ﺋﻮﻗﯘﺵ ﻛﯩﺘﺎﺑﻠﯩﺮﻯ ﻳﻮﻕ ﺑﻮﻟﯘﭖ، 1972- ﻳﺎﻛﻰ 1973-ﻳﯩﻠﻠﯩﺮﻯ ﺗﯘﻧﺠﻰ ﻗﯧﺘﯩﻢ "ﻗﯩﺰﯨﻞ ﭘﯚﭘﯜﻛﻠﯜﻙ ﻧﻪﻳﺰﻩ" ﺩﯦﮕﻪﻥ ﺧﻪﻧﺰﯗﭼﯩﺪﯨﻦ ﺗﻪﺭﺟﯩﻤﻪ ﻗﯩﻠﯩﻨﻐﺎﻥ ﻛﯩﺘﺎﺏ ﭼﯩﻘﺘﻰ. ﻣﻪﻥ ﺳﯩﻨﯩﭙﯩﻤﺪﯨﻜﻰ ﻫﻪﻣﻤﻪ ﺋﻮﻗﯘﻏﯘﭼﯩﻨﻰ ﺳﻪﭘﻪﺭﯞﻩﺭ ﻗﯩﻠﯩﭗ، ﺋﯘﻻﺭﺩﯨﻦ ﭘﯘﻝ ﻳﯩﻐﯩﭗ، ﺋﺎﻗﺴﯘ ﺷﻪﻫﻪﺭﻟﯩﻚ ﻛﯩﺘﺎﺑﺨﺎﻧﯩﻐﺎ ﺑﯧﺮﯨﭗ ﻫﯧﻠﯩﻘﻰ ﻛﯩﺘﺎﺑﻨﻰ ﺳﯧﺘﯩﯟﯦﻠﯩﭗ ﺋﻪﻛﯧﻠﯩﭗ، ﺳﯩﻨﯩﭙﺘﯩﻜﻰ ﺳﺎﯞﺍﻗﺪﺍﺷﻼﺭﻏﺎ ﺗﺎﺭﻗﯩﺘﯩﭗ ﺑﻪﺭﺩﯨﻢ. ﺑﯘ ﻣﻪﺯﮔﯩﻞ ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﯩﻨﯩﯔ ﺋﺎﺧﯩﺮﻗﻰ ﯞﺍﻗﯩﺘﻠﯩﺮﻯ ﺑﻮﻟﯘﭖ، ﭘﯜﺗﯜﻥ ﺟﻪﻣﺌﯩﻴﻪﺕ ﯞﻩ ﻣﻪﻛﺘﻪﭖ ﺋﻪﺧﻼﻗﻰ ﭘﯜﺗﯜﻧﻠﻪﻱ ﺋﺎﺳﺘﯩﻦ-ﺋﯜﺳﺘﯜﻥ ﻗﯩﻠﯩﯟﯦﺘﯩﻠﮕﻪﻧﯩﺪﻯ. ﺑﯩﺰﻧﯩﯔ ﺳﯩﻨﯩﭙﺘﯩﻜﻰ ﻛﻪﭘﺴﯩﺰ ﺋﻮﻗﯘﻏﯘﭼﯩﻼﺭ ﻛﯚﭘﯩﻨﭽﻪ ﯞﺍﻗﯩﺘﻼﺭﺩﺍ ﺑﯩﺮ ﺩﻩﺭﺳﻨﯩﯔ ﻧﻮﺭﻣﺎﻝ ﺋﯚﺗﯜﻟﯜﺷﯩﮕﻪ ﻳﻮﻝ ﻗﻮﻳﻤﺎﻳﺘﺘﻰ. ﻗﯩﺶ ﻛﯜﻧﻠﯩﺮﻯ ﻣﯘﺋﻪﻟﻠﯩﻢ ﺳﯩﻨﯩﭙﻘﺎ ﻛﯩﺮﯨﺸﺘﯩﻦ ﺑﯘﺭﯗﻥ، ﺋﻮﺕ ﻗﺎﻻﭖ ﺋﯩﺴﺴﯩﻨﯩﺪﯨﻐﺎﻥ ﻣﻪﺷﻨﯩﯔ ﺋﯜﺳﺘﯩﻨﻜﻰ ﻳﺎﭘﻘﯘﭼﯩﻨﻰ ﺋﯧﻠﯩﯟﯦﺘﯩﭗ، ﺳﯩﻨﯩﭙﻨﻰ ﺋﯩﺴﻘﺎ ﻟﯩﻖ ﺗﻮﻟﺪﯗﺭﯗﭖ، ﺋﺎﺩﻩﻡ ﺑﯩﺮ-ﺑﯩﺮﯨﻨﻰ ﻛﯚﺭﻩﻟﻤﻪﻳﺪﯨﻐﺎﻥ ﻫﺎﻟﻪﺗﻜﻪ ﺋﻪﻛﯧﻠﯩﭗ ﻗﻮﻳﺎﺗﺘﻰ، ﺷﯘ ﺳﻪﯞﻩﺑﺘﯩﻦ ﺳﯩﻨﯩﭙﻘﺎ ﻛﯩﺮﮔﻪﻥ ﺋﻮﻗﯘﺗﻘﯘﭼﻰ ﺩﻩﺭﺱ ﺋﯚﺗﻪﻟﻤﻪﻱ، ﺳﯩﻨﯩﭙﺘﯩﻦ ﻳﯩﻐﻼﭖ ﭼﯩﻘﯩﭗ ﻛﻪﺗﻜﻪﻧﻠﯩﻜﯩﻨﻰ ﻛﯚﭖ ﻗﯧﺘﯩﻢ ﺋﯚﺯ ﺳﯩﻨﯩﭙﯩﻤﺪﺍ ﺑﯧﺸﯩﻤﺪﯨﻦ ﺑﯩﯟﺍﺳﯩﺘﻪ ﺋﯚﺗﻜﯜﺯﮔﻪﻧﯩﺪﯨﻢ. ﺋﯘ ﻣﻪﺯﮔﯩﻞ ﺋﻮﻗﯘﺗﻘﯘﭼﯩﻼﺭﻣﯘ ﭘﯩﭙﻪﻧﮕﻪ ﺋﯘﭼﺮﺍﯞﺍﺗﻘﺎﻥ، ﻳﺎﺧﺸﻰ ﺋﻮﻗﯘﻏﺎﻧﻼﺭﻏﯩﻤﯘ ﻳﺎﺧﺸﻰ ﻛﯜﻥ ﻳﻮﻕ ﭼﺎﻏﻼﺭ ﺑﻮﻟﻐﺎﭼﻘﺎ، ﺋﻮﻗﯘﻏﯘﭼﯩﻼﺭ ﺋﻮﻗﯘﺷﺘﯩﻦ ﺋﺎﺳﺎﺳﻪﻥ ﯞﺍﺯ ﻛﻪﭼﻜﻪﻧﯩﺪﻯ. ﻣﻪﻥ ﺋﺎﺩﻩﺗﺘﺘﯩﻜﻰ ﯞﺍﻗﯩﺘﺘﺎ ﻫﻪﺭ ﺧﯩﻞ ﺯﻩﺭﺑﯩﮕﻪ ﺋﯘﭼﺮﯨﺴﺎﻣﻤﯘ، ﺋﻪﻣﻤﺎ ﺋﯩﻤﺘﯩﻬﺎﻧﻨﯩﯔ ﺋﺎﻟﺪﯨﺪﺍ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺧﯘﺷﺎﻣﯩﺘﯩﮕﻪ ﺋﯘﭼﺮﯨﻐﺎﻥ ﯞﺍﻗﺘﯩﻤﻤﯘ ﻛﯚﭖ ﺑﻮﻟﺪﻯ. ﺑﯩﺮ ﻗﯧﺘﯩﻢ ﻓﯩﺰﯨﻜﺎ ﺋﻮﻗﯘﺗﻘﯘﭼﯩﺴﻰ ﻳﯩﻠﻠﯩﻖ ﺋﯩﻤﺘﯩﻬﺎﻧﯩﻨﻰ ﺋﻮﭼﯘﻕ ﺋﯩﻤﺘﯩﻬﺎﻥ ﻗﯩﻠﯩﭗ، ﺳﯘﺋﺎﻟﻨﻰ ﺑﯩﺰﮔﻪ 3 ﻛﯜﻧﻠﯜﻙ ﺗﺎﺭﻗﯩﺘﯩﭗ ﺑﻪﺭﺩﻯ. ﺳﯩﻨﯩﭗ ﺑﻮﻳﯩﭽﻪ ﭘﻪﻗﻪﺕ ﻣﻪﻧﻼ ﻫﻪﻣﻤﻪ ﺳﯘﺋﺎﻟﻨﻰ ﺋﯚﺯﯛﻡ ﺋﯩﺸﻠﯩﺪﯨﻢ. ﻗﺎﻟﻐﺎﻥ ﺳﺎﯞﺍﻗﺪﺍﺷﻼﺭﻧﯩﯔ ﻫﻪﻣﻤﯩﺴﻰ ﺋﻪﺗﯩﺴﻰ ﺑﯩﺰﻧﯩﯔ ﺋﯚﻳﮕﻪ ﻛﯧﻠﯩﭗ، ﺟﺎﯞﺍﺑﻨﻰ ﻣﻪﻧﺪﯨﻦ ﺋﻪﻳﻨﻪﻥ ﻛﯚﭼﯜﺭﺩﻯ. ﺷﯘﻧﺪﺍﻕ ﻗﯩﻠﯩﭗ، ﺑﯘ ﺋﯩﻤﺘﯩﻬﺎﻧﯩﺪﯨﻜﻰ ﻫﻪﻣﻤﻪ ﺋﻮﻗﯘﻏﯘﭼﯩﻼﺭﻧﯩﯔ ﺟﺎﯞﺍﺑﻰ ﺋﻮﭖ-ﺋﻮﺧﺸﺎﺵ ﺑﻮﻟﺪﻯ. ﻧﯧﻤﻪ ﺋﯩﺶ ﺑﻮﻟﻐﺎﻧﻠﯩﻘﻰ ﺋﻮﭼﯘﻕ-ﺋﺎﺷﻜﺎﺭﻩ ﺑﻮﻟﯘﭖ، ﺋﯘﻧﻰ ﻫﻪﻣﻤﻪﻳﻠﻪﻥ "ﺗﻮﻏﺮﺍ" ﭼﯜﺷﯩﻨﻪﺗﺘﻰ. ﺷﯘﻧﯩﯔ ﺑﯩﻠﻪﻥ ﻓﯩﺰﯨﻜﺎ ﺋﻮﻗﯘﺗﻘﯘﭼﯩﺴﻰ ﻣﺎﯕﺎ 100 ﻧﻮﻣﯘﺭ ﺑﯧﺮﯨﭗ، ﻗﺎﻟﻐﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﻫﻪﻣﻤﯩﺴﯩﮕﻪ 50 ﻧﻮﻣﯘﺭ ﻗﻮﻳﺪﻯ. ﻣﻪﺩﻩﻧﯩﻴﻪﺕ ﺋﯩﻨﻘﯩﻼﺑﻰﻧﻰ ﺑﺎﺷﺘﯩﻦ ﻛﻪﭼﯜﺭﯛﭖ ﺑﺎﻗﻤﯩﻐﺎﻥ ﻳﺎﺷﻼﺭ ﺋﯜﭼﯜﻥ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﻪﻫﯟﺍﻟﻨﻰ ﻛﯚﺯ ﺋﺎﻟﺪﯨﻐﺎ ﺋﻪﻛﯧﻠﯩﺶ ﺋﺎﺳﺎﻥ ﺋﻪﻣﻪﺱ. ﻳﺎﺧﺸﻰ ﺋﻮﻗﯘﻏﺎﻧﻨﻰ ﭘﯩﭙﻪﻥ ﻗﯩﻠﯩﺪﯨﻐﺎﻥ ﺑﯩﺮ ﺩﻩﯞﺭﺩﻩ ﻳﺎﺧﺸﻰ ﺋﻮﻗﯘﺵ ﻧﺎﻫﺎﻳﯩﺘﻰ ﻳﯘﻗﯩﺮﻯ ﺩﻩﺭﯨﺠﯩﺪﻩ ﺷﯩﺠﺎﺋﻪﺕ ﺗﻪﻟﻪﭖ ﻗﯩﻼﺗﺘﻰ.

"ﺑﯩﻠﯩﻢ ﻣﻪﯕﮕﯜ ﻻﺯﯨﻢ ﺑﻮﻟﯩﺪﯗ" ﻣﺎﻧﺎ ﺑﯘ ﺷﯘ ﯞﺍﻗﯩﺘﺘﯩﻦ ﺑﺎﺷﻼﭖ ﺋﯚﺯﯛﻣﮕﻪ ﻫﻪﻣﺮﺍﻫ ﻗﯩﻠﯩﭗ ﻛﻪﻟﮕﻪﻥ ﺑﯩﺮﺩﯨﻦ- ﺑﯩﺮ ﺩﯗﻧﻴﺎ ﻗﺎﺭﯨﺸﻰ.  ﻣﻪﻥ ﺷﯘﻧﯩﯖﺪﯨﻦ ﺑﺎﺷﻼﭖ، ﺋﺎﻟﺪﯨﻤﻐﺎ ﻗﺎﻧﺪﺍﻕ ﺑﯩﻠﯩﻢ ﻛﻪﻟﺴﻪ، ﺷﯘﻧﻰ ﺋﻪﺳﺘﺎﻳﯩﺪﯨﻞ ﺋﯚﮔﻪﻧﺪﯨﻢ. ﺑﯩﺰ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﭼﯩﻘﻘﺎﻧﺪﺍ، "ﺋﯩﺸﯩﻜﻨﻰ ﺋﯧﭽﯩﭗ ﻗﻮﻳﯘﭖ، ﻣﻪﻛﺘﻪﭖ ﺑﺎﺷﻘﯘﺭﯗﺵ" ﺳﯩﻴﺎﺳﯩﺘﻰ ﺑﻮﻳﯩﭽﻪ، ﺑﯩﺰﻧﯩﯔ ﻣﻪﻛﺘﻪﭘﻨﯩﯔ ﺗﻮﻟﯘﻕ ﺋﻮﺗﺘﯘﺭﯨﻨﯩﯔ 3 ﺳﯩﻨﯩﭙﯩﻨﻰ "ﺩﯦﻬﻘﺎﻧﭽﯩﻠﯩﻖ ﻣﺎﺷﯩﻨﯩﺴﺎﺯﻟﯩﻖ ﺳﯩﻨﯩﭙﻰ"، "ﺩﯦﻬﻘﺎﻧﭽﯩﻠﯩﻖ ﺳﯩﻨﯩﭙﻰ"، ﯞﻩ "ﺩﻭﺧﺘﯘﺭﻟﯘﻕ ﺳﯩﻨﯩﭙﻰ" ﺩﻩﭖ 3 ﺋﺎﻳﺮﯨﺪﻯ. ﺑﯩﺰﻧﯩﯔ ﺳﯩﻨﯩﭙﺘﺎ 24 ﺋﻮﻏﯘﻝ ﺑﺎﻻ ﺑﺎﺭ ﺑﻮﻟﯘﭖ، ﺩﻭﺧﺘﯘﺭﻟﯘﻗﻨﯩﯔ ﻫﻪﻣﻤﯩﺴﻰ ﻗﯩﺰﻻﺭ، ﺩﯦﻬﻘﺎﻧﭽﯩﻠﯩﻘﻨﯩﯔ ﺑﻮﻟﺴﺎ ﻗﯩﺰ-ﺋﻮﻏﯘﻟﻼﺭ ﺋﺎﺭﯨﻼﺵ ﺋﯩﺪﻯ. ﺑﯩﺰ ﺋﺎﻗﺴﯘ ﺗﯩﺮﺍﻛﺘﯘﺭ ﭘﻮﻧﻜﯩﺘﯩﻐﺎ ﺑﯧﺮﯨﭗ ﻳﯧﺮﯨﻢ ﻳﯩﻞ ﺋﯩﺸﭽﻰ ﺑﻮﻟﯘﭖ ﺋﯩﺸﻠﯩﺪﯗﻕ. ﻣﻪﻥ ﺋﯘ ﻳﻪﺭﺩﻩ ﺗﯩﺮﺍﻛﺘﯘﺭ ﺭﯦﻤﻮﻧﺖ ﻗﯩﻠﯩﺸﻨﻰ، ﭼﻮﻳﯘﻧﺪﯨﻦ ﻳﺎﺳﯩﻠﯩﺪﯨﻐﺎﻥ ﻗﻮﺵ (ﺳﺎﭘﺎﻥ)ﻗﯘﻳﯘﺷﻨﻰ ﻧﺎﻫﺎﻳﯩﺘﻰ ﻳﺎﺧﺸﻰ ﺋﯚﮔﻪﻧﺪﯨﻢ. ﻫﻪﻣﺪﻩ ﺗﯩﺮﺍﻛﺘﯘﺭ ﻫﻪﻳﺪﻩﺷﻨﯩﻤﯘ ﺋﯚﮔﯩﻨﯩﯟﺍﻟﺪﯨﻢ (ﺳﯩﻨﯩﭗ ﺑﻮﻳﯩﭽﻪ ﭘﻪﻗﻪﺕ ﻣﻪﻧﻼ ﺷﯘﻧﺪﺍﻕ ﻗﯩﻠﻐﺎﻧﯩﺪﯨﻢ). ﻣﻪﻛﺘﻪﭘﻨﯩﯔ ﻳﯧﺰﺍ ﺋﯩﮕﯩﻠﯩﻚ ﻣﻪﻳﺪﺍﻧﯩﻐﺎ ﺑﯧﺮﯨﭗ، ﻳﯧﺮﯨﻢ ﺩﯦﻬﻘﺎﻧﭽﯩﻠﯩﻖ ﻗﯩﻠﺪﯗﻕ. ﻣﻪﻥ ﺋﯘ ﻳﻪﺭﺩﻩ ﻗﻮﻧﺎﻕ ﺗﯧﺮﯨﺸﻨﻰ، ﻛﯧﺴﻪﻙ ﻗﻮﻳﯘﺷﻨﻰ، ﻳﯧﻤﯩﺶ ﺩﻩﺭﯨﺨﯩﻨﻰ ﺋﯘﻻﺷﻨﻰ، ﯞﻩ ﺗﯩﺮﺍﻛﺘﯘﺭ ﺑﯩﻠﻪﻥ ﻳﻪﺭ ﻫﻪﻳﺪﻩﺷﻨﻰ ﻳﺎﺧﺸﻰ ﺋﯚﮔﻪﻧﺪﯨﻢ. ﺋﯘﻳﻐﯘﺭﻻﺭﻧﯩﯔ ﺋﻪﺩﻩﺑﯩﻲ ﺋﻪﺳﻪﺭﻟﯩﺮﯨﻨﻰ ﻛﯚﭖ ﺋﻮﻗﯘﭖ، ﺷﯧﺌﯩﺮ ﻳﺎﺯﺍﻻﻳﺪﯨﻐﺎﻥ ﺑﻮﻟﺪﯗﻡ. ﺋﺎﻗﺴﯘ 1-ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺑﯩﺮ ﻗﯧﺘﯩﻢ ﺋﯚﺯﯛﻡ ﺑﺎﺵ ﺗﻪﻫﺮﯨﺮ ﺑﻮﻟﯘﭖ، ﺋﻮﻗﯘﻏﯘﭼﯩﻼﺭﻧﯩﯔ ﺑﯩﺮ ﺷﯧﺌﯩﺮﻻﺭ ﺗﻮﭘﻠﯩﻤﯩﻨﻰ ﭼﯩﻘﺎﺭﺩﯨﻢ. ﺋﺎﻗﺴﯘ ﮔﯧﺰﯨﺘﯩﺪﻩ ﺑﯩﺮ ﻗﺎﻧﭽﻪ ﭘﺎﺭﭼﻪ ﺷﯩﺌﯩﺮ ﺋﯧﻼﻥ ﻗﯩﻠﺪﯨﻢ. ﻫﯧﻜﺎﻳﻪ ﻳﯧﺰﯨﺸﻘﯩﻤﯘ ﺗﻪﻳﻴﺎﺭﻟﯩﻖ ﻗﯩﻠﻐﺎﻥ ﺑﻮﻟﺴﺎﻣﻤﯘ، ﺋﯘﻧﻰ ﺑﺎﺷﻠﯩﻴﺎﻟﻤﺎﻱ ﻗﺎﻟﺪﯨﻢ. ﻟﯘﺷﯜﻥ ﻓﯧﻠﻴﻪﺗﻮﻧﻠﯩﺮﯨﻨﯩﯔ ﺋﯘﻳﻐﯘﺭﭼﻪ ﺗﻪﺭﺟﯩﻤﯩﺴﯩﻨﯩﯔ ﻫﻪﻣﻤﯩﺴﯩﻨﻰ ﺋﻮﻗﯘﭖ ﭼﯩﻘﯩﭗ، ﻓﯧﻠﻴﻪﺗﻮﻥ ﻳﺎﺯﺍﻻﻳﺪﯨﻐﺎﻥ ﺩﻩﺭﯨﺠﯩﮕﻪ ﻳﻪﺗﺘﯩﻢ. ﻣﻪﻛﺘﻪﭘﻨﯩﯔ ﺋﻪﻣﮕﻪﻙ ﻣﻪﻳﺪﺍﻧﯩﺪﺍ ﺗﯘﺭﯗﯞﺍﺗﻘﺎﻥ ﻣﻪﺯﮔﯩﻠﺪﻩ، ﺑﯩﺮ 5 ﻛﯩﺸﯩﻠﯩﻚ ﺋﻮﻗﯘﻏﯘﭼﻰ ﮔﯘﺭﯗﭘﭙﯩﺴﯩﻨﻰ ﻳﯧﺘﻪﻛﻠﻪﭖ ﺟﻪﻣﺌﯩﻴﻪﺕ ﺗﻪﻛﺸﯜﺭﺩﯛﻡ. ﺋﻪﺳﻠﻰ ﻣﻪﻗﺴﯩﺪﯨﻤﯩﺰ ﺧﯘﺩﺩﻯ ﻣﺎﯞ ﺯﯦﺪﻭﯕﻨﯩﯔ "ﺧﯘﻧﻪﻥ ﺟﻪﻣﺌﯩﻴﯩﺘﯩﻨﻰ ﺗﻪﻛﺸﯜﺭﯛﺷﺘﯩﻦ ﺩﻭﻛﻼﺕ" ﺩﯦﮕﻪﻧﮕﻪ ﺋﻮﺧﺸﺎﺵ ﺑﯩﺮ ﺩﻭﻛﻼﺕ ﻳﯧﺰﯨﺶ ﺑﻮﻟﺴﯩﻤﯘ، ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯔ ﺋﻪﻫﯟﺍﻟﻰ ﻣﺎﯞ ﺗﻪﺳﯟﯨﺮﻟﯩﮕﻪﻥ ﺋﻪﻫﯟﺍﻟﻐﺎ ﺋﯘﻳﻐﯘﻥ ﻛﻪﻟﻤﯩﮕﻪﭼﻜﻪ، ﺑﯩﺰ ﺭﻩﺳﻤﯩﻲ ﺩﻭﻛﻼﺕ ﻳﯧﺰﯨﺸﻨﻰ ﺭﻩﺕ ﻗﯩﻠﺪﯗﻕ.

ﺑﯘﻻﺭﺩﯨﻦ ﺑﺎﺷﻘﺎ، ﺗﯘﺭﻣﯘﺵ ﺋﯧﻬﺘﯩﻴﺎﺟﻰ ﺗﯜﭘﻪﻳﻠﯩﺪﯨﻦ، ﺋﺎﻛﺎﻡ ﺑﯩﻠﻪﻥ ﺋﯩﻜﻜﯩﻤﯩﺰ ﺋﯚﻳﺪﻩ ﺗﺎﻣﭽﯩﻠﯩﻖ، ﻳﺎﻏﺎﭼﭽﯩﻠﯩﻖ ﯞﻩ ﺗﯚﻣﯜﺭﭼﯩﻠﯩﻜﯩﻤﯘ ﻗﯩﻠﯩﭗ ﺑﺎﻗﺘﯘﻕ. ﻣﻪﻥ ﺋﺎﭘﺎﻣﻐﺎ ﻳﺎﺭﺩﻩﻣﻠﯩﺸﯩﭗ، ﺋﺎﺭﺍﻡ ﯞﺍﻗﯩﺘﻠﯩﺮﯨﻤﺪﯨﻦ ﭘﺎﻳﺪﯨﻠﯩﻨﯩﭗ، ﺋﯚﻳﺪﻩ ﺑﯩﺮ ﻣﻪﺯﮔﯩﻞ ﮔﯩﻠﻪﻡ ﺗﻮﻗﯘﺩﯗﻡ. ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﭼﯩﻘﯩﺸﺘﯩﻦ ﺑﯘﺭﯗﻥ، ﻳﺎﺯﻟﯩﻖ ﯞﻩ ﻗﯩﺸﻠﯩﻖ ﺗﻪﺗﯩﻠﻠﻪﺭﻧﯩﯔ ﻫﻪﻣﻤﯩﺴﯩﺪﻩ ﻳﯧﺰﯨﺪﯨﻜﻰ ﺗﯘﻗﻘﺎﻧﻠﯩﺮﯨﻤﯩﺰﻧﯩﯔ ﻗﯧﺸﯩﻐﺎ ﺑﯧﺮﯨﭗ، ﺋﯘﻻﺭﻏﺎ ﻳﺎﺭﺩﻩﻣﻠﯩﺸﯩﭗ ﺋﻪﻣﮕﻪﻙ ﻗﯩﻠﺪﯨﻢ. 5 ﻳﺎﺷﻠﯩﻖ ﯞﺍﻗﯩﺘﻠﯩﺮﯨﻤﺪﺍ ﻛﺎﻟﯩﻐﺎ ﻣﯩﻨﯩﯟﯦﻠﯩﭗ ﺧﺎﻣﺎﻥ ﻫﻪﻳﺪﯨﺪﯨﻢ. ﺋﯘﻧﯩﯖﺪﯨﻦ ﻛﯧﻴﯩﻦ ﻛﺎﻻ ﻫﺎﺭﯞﯨﺴﻰ ﯞﻩ ﺋﯧﺸﻪﻙ ﻫﺎﺭﯞﯨﺴﻰ ﻫﻪﻳﺪﯨﺪﯨﻢ. ﺯﻩﻣﺒﯩﻞ ﯞﻩ ﻏﺎﻟﺘﻪﻙ ﺑﯩﻠﻪﻥ ﺋﻮﻏﯘﺕ ﺗﯘﺷﯘﺩﯗﻡ. ﺷﺎﻟﻠﯩﻘﺘﺎ ﺋﻮﺕ ﺗﻪﺭﺩﯨﻢ. ﺑﯘﻏﺪﺍﻱ ﯞﻩ ﻗﻮﻧﺎﻕ ﺋﻮﺭﺩﯗﻡ. ﺳﻪﻝ ﭼﻮﯕﺮﺍﻕ ﺑﻮﻟﻐﺎﻧﺪﺍ ﺳﯚﺭﻩﻡ ﺳﯚﺭﯨﺪﯨﻢ (ﻧﻪﭼﭽﻪ ﻗﯧﺘﯩﻢ ﺳﯚﺭﻩﻣﺪﯨﻦ ﻳﯩﻘﯩﻠﯩﭗ ﭼﯜﺷﯜﭖ، ﺳﯚﺭﻩﻣﻨﯩﯔ ﺋﺎﺳﺘﯩﺪﺍ ﻗﺎﻟﻐﺎﻥ ﯞﺍﻗﯩﺘﻠﯩﺮﯨﻤﻤﯘ ﺧﯧﻠﻰ ﻛﯚﭖ ﺑﻮﻟﻐﺎﻥ)، ﻗﻮﺵ ﻫﻪﻳﺪﯨﺪﯨﻢ ﻣﻪﻥ 7 ﻳﯧﺸﯩﻤﺪﺍ ﺗﺎﻣﺎﻕ ﺋﯧﺘﯩﺸﻨﻰ ﺋﯚﮔﻪﻧﺪﯨﻢ. ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﭼﯩﻘﻘﺎﻧﺪﺍ، ﺗﻮﻧﯘﺭﻏﺎ ﻧﺎﻥ ﻳﺎﻗﺎﻟﯩﻐﯩﺪﻩﻙ ﺑﻮﻟﻐﺎﻧﯩﺪﯨﻢ.

ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﻣﻪﻥ ﻛﻮﻧﯩﺸﻪﻫﻪﺭ (ﻫﺎﺯﯨﺮﻗﻰ ﺋﻮﻧﺴﯘ) ﻧﺎﻫﯩﻴﯩﺴﯩﻨﯩﯔ ﺷﺎﻝ ﺋﯘﺭﯗﻗﭽﯩﻠﯩﻖ ﻣﻪﻳﺪﺍﻧﯩﻐﺎ "ﻗﺎﻳﺘﺎ ﺗﻪﺭﺑﯩﻴﻪ" ﮔﻪ ﭼﯜﺷﻜﻪﻥ ﺑﻮﻟﯘﭖ، ﺋﯘ ﻳﻪﺭﺩﻩ ﻳﯧﺮﯨﻢ ﻳﯩﻠﻨﯩﯔ ﺋﯩﭽﯩﺪﯨﻼ ﻣﻪﻳﺪﺍﻥ ﺑﻮﻳﯩﭽﻪ ﺋﻪﯓ ﺋﺎﻟﺪﯨﻨﻘﻰ ﻗﺎﺗﺎﺭﺩﯨﻜﻰ ﺷﺎﻝ ﺗﯧﺮﯨﺶ ﺗﯧﺨﻨﯩﻜﻰ ﺑﻮﻟﯘﭖ ﻗﺎﻟﺪﯨﻢ. ﺑﯘ ﻳﯧﺰﯨﺪﺍ ﺋﯧﻠﯧﻜﺘﯩﺮ ﺗﻮﻛﻰ ﻳﻮﻕ ﺑﻮﻟﯘﭖ، ﺋﺎﺧﺸﯩﻤﻰ ﺋﯚﺯﯨﻤﯩﺰ ﻳﺎﺳﯩﯟﺍﻟﻐﺎﻥ ﻛﯩﺮﺳﯩﻦ ﭼﯩﺮﯨﻐﻰ ﺑﯩﻠﻪﻥ ﻳﺎﺗﯩﻘﯩﻤﯩﺰﻧﻰ ﻳﻮﺭﯗﺗﺎﺗﺘﯘﻕ. ﺳﺎﺋﻪﺗﻤﯘ ﻳﻮﻕ ﺑﻮﻟﯘﭖ، ﺗﺎﯓ ﺋﺎﺗﻘﺎﻧﺪﺍ ﺋﯩﺸﻘﺎ ﺑﯧﺮﯨﭗ، ﻛﯜﻥ ﺋﻮﻟﺘﯘﺭﻏﺎﻧﺪﺍ ﺋﯩﺸﺘﯩﻦ ﻗﺎﻳﺘﺘﺎﺗﺘﯘﻕ. ﻣﻪﻥ ﺑﯩﺮ ﻳﯩﻠﻨﯩﯔ ﺋﯩﭽﯩﺪﻩ 4-ﺋﺎﻳﺪﺍ ﺷﺎﻟﻠﯩﻘﻨﯩﯔ ﺳﯜﻳﯩﮕﻪ ﻛﯩﺮﯨﺸﻨﻰ ﺑﺎﺷﻠﯩﻐﺎﻥ ﺑﻮﻟﯘﭖ، 10-ﺋﺎﻳﻐﯩﭽﻪ ﺷﯘ ﺳﯘﺩﺍ ﺋﯩﺸﻠﯩﺪﯨﻢ. 4-ﺋﺎﻳﺪﺍ ﻳﻪﺭ ﺗﯧﺨﻰ ﺋﯧﺮﯨﻤﯩﮕﻪﻥ ﺑﻮﻟﯘﭖ، ﺑﯩﺰ ﺭﯦﺰﯨﻨﻜﻪ ﺋﯚﺗﯜﻙ ﻛﯧﻴﯩﯟﯦﻠﯩﭗ، ﻣﯘﺯﻧﯩﯔ ﺋﯜﺳﺘﯩﮕﻪ ﺩﻩﺳﺴﻪﭖ ﺗﯘﺭﯗﭖ ﺋﯩﺸﻠﻪﻳﺘﺘﯘﻕ. ﺷﯘ ﺟﻪﺭﻳﺎﻧﺪﺍ ﻣﻪﻥ ﻳﯧﺰﯨﻤﯩﺰﺩﺍ ﻗﺎﻳﺘﺎ ﺗﻪﺭﺑﯩﻴﻪ ﺋﯧﻠﯩﯟﺍﺗﻘﺎﻥ ﺋﯘﻳﻐﯘﺭ ﻳﺎﺷﻼﺭﻧﻰ ﻳﯩﻐﯩﭗ، ﺑﯩﺮ ﺋﻪﺩﻩﺑﯩﻴﺎﺕ-ﺳﻪﻧﺌﻪﺕ ﺋﻪﺗﺮﯨﺘﯩﻤﯘ ﺗﻪﺷﻜﯩﻠﻠﯩﺪﯨﻢ (ﺑﯩﺰﻧﯩﯔ ﺋﯚﻳﺪﻩ ﻫﯧﭽﻘﺎﻧﺪﺍﻕ ﺳﺎﺯ ﻳﻮﻕ ﺑﻮﻟﯘﭖ، ﻣﻪﻥ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﻳﯧﺰﺍ ﺋﯩﮕﯩﻠﯩﻚ ﻣﻪﻳﺪﺍﻧﯩﺪﺍ ﺋﯩﺸﻠﯩﮕﻪﻥ ﻣﻪﺯﮔﯩﻠﺪﻩ، ﺳﺎﯞﺍﻗﺪﺍﺷﻠﯩﺮﯨﻤﻨﯩﯔ ﺩﯗﺗﺘﯩﺮﻯ ﺑﯩﻠﻪﻥ ﺩﯗﺗﺘﺎﺭ ﭼﯧﻠﯩﺸﻨﻰ ﺋﯚﮔﯩﻨﯩﯟﺍﻟﻐﺎﻥ ﺋﯩﺪﯨﻢ). ﻣﻪﻥ ﺋﯚﺯﯛﻡ ﺗﯧﻜﯩﺴﺖ ﻳﺎﺯﻏﯘﭼﻰ، ﻣﯘﺯﯨﻜﺎ ﺭﻩﺗﻠﯩﮕﯘﭼﻰ، ﺳﺎﺯ ﭼﺎﻟﻐﯘﭼﻰ، ﯞﻩ ﺑﺎﺷﻘﯘﺭﻏﯘﭼﻰ ﺑﻮﻟﯘﭖ، ﻛﻮﻧﯩﺸﻪﻫﻪﺭ ﻧﺎﻫﯩﻴﯩﻠﯩﻚ ﻛﯩﻨﻮ ﻛﯘﻟﯘﺑﯩﺪﺍ ﺗﯧﺨﻰ ﺑﯩﺮ ﻗﯧﺘﯩﻢ ﺋﻮﻳﯘﻥ ﻗﻮﻳﺪﯗﻕ. ﻣﻪﻥ ﺑﯩﺮ ﺩﻩﻡ ﺩﺍﭖ ﭼﺎﻟﺴﺎﻡ، ﺑﯩﺮ ﺩﻩﻡ ﺭﺍﯞﺍﭖ، ﻳﻪﻧﻪ ﺑﯩﺮ ﺩﻩﻡ ﺩﯗﺗﺘﺎﺭ ﭼﺎﻻﺗﺘﯩﻢ. ﺋﻪﺗﺮﯨﺘﯩﻤﯩﺰﺩﻩ ﻣﻪﻧﺪﯨﻦ ﺑﺎﺷﻘﺎ ﺳﺎﺯﭼﻰ ﻳﻮﻕ ﺋﯩﺪﻯ. ﻳﯧﺰﯨﺪﯨﻜﻰ ﺑﯩﺮ ﻳﯧﺮﯨﻢ ﻳﯩﻞ ﺟﻪﺭﻳﺎﻧﯩﺪﺍ، ﻣﻪﻥ ﺑﯩﺮ ﺋﺎﻱ ﭘﺎﺩﯨﻤﯘ ﺑﺎﻗﺘﯩﻢ. ﻛﻪﯕﺮﻯ ﻛﻪﺗﻜﻪﻥ ﺟﺎﯕﮕﺎﻝ. ﻣﻪﻧﺪﯨﻦ ﺑﺎﺷﻘﺎ ﻫﯧﭻ ﻗﺎﻧﺪﺍﻕ ﺋﺎﺩﻩﻡ ﻗﺎﺭﯨﺴﻰ ﻛﯚﺭﯛﻧﻤﻪﻳﺪﯗ. ﻣﻪﻥ 30 ﺩﻩﻙ ﻗﻮﻱ، 4-5 ﻛﺎﻻ، ﯞﻩ ﺑﯩﺮ ﻗﺎﻧﭽﻪ ﺋﺎﺕ ﺑﯩﻠﻪﻥ ﺑﯩﺮﮔﻪ. ﻫﻪﺭ ﻛﯜﻧﻰ 10 ﻧﻪﭼﭽﻪ ﺳﺎﺋﻪﺕ ﯞﺍﻗﯩﺘﻨﻰ ﺋﺎﺷﯘ ﻫﺎﻳﯟﺍﻧﻼﺭ ﺑﯩﻠﻪﻥ ﺑﯩﺮﮔﻪ ﺋﯚﺗﻜﯜﺯﯛﺷﯜﻡ ﻛﯧﺮﻩﻙ. ﺋﻮﻗﯘﻳﺪﯨﻐﺎﻥ ﺑﺎﺷﻘﺎ ﻛﯩﺘﺎﺏ ﻳﻮﻕ. ﻣﻪﻥ ﺷﯘ ﺟﻪﺭﻳﺎﻧﺪﺍ ﻣﺎﯞ ﺯﯦﺪﻭﯕﻨﯩﯔ 5 ﻗﯩﺴﯩﻤﻠﯩﻖ ﺋﻪﺳﯩﺮﯨﻨﻰ ﺋﻮﻗﯘﭖ ﭼﯩﻘﺘﯩﻢ (ﺋﯘﻧﯩﯔ ﺑﯩﺮ ﻗﯩﺴﻤﯩﻨﻰ ﻣﻪﻥ ﺑﯘﺭﯗﻧﻤﯘ ﺋﻮﻗﯘﭖ ﭼﯩﻘﻘﺎﻥ ﺋﯩﺪﯨﻢ). ﻫﻪﻣﺪﻩ ﺑﯩﺮ ﺋﺎﺯ ﺧﻪﻧﺰﯗﭼﻪ ﺋﯚﮔﻪﻧﺪﯨﻢ. ﺋﺎﻟﯩﻲ ﻣﻪﻛﺘﻪﭖ ﺋﯩﻤﺘﯩﻬﺎﻧﻰ 1977-ﻳﯩﻠﻰ 12-ﺋﺎﻳﻨﯩﯔ 10-ﻛﯜﻧﯩﺪﯨﻦ ﺑﺎﺷﻼﭖ ﺋﯧﻠﯩﻨﻐﺎﻥ ﺑﻮﻟﯘﭖ، 12-ﺋﺎﻳﻨﯩﯔ 5-ﻛﯜﻧﻰ ﺗﯧﺨﯩﭽﻪ ﭘﯘﺗﯘﻣﻐﺎ ﺭﯦﺰﻩﻧﻜﻪ ﺋﯚﺗﯜﻙ ﻛﯧﻴﯩﯟﯦﻠﯩﭗ، ﻣﯘﺯﻧﯩﯔ ﺋﯜﺳﺘﯩﮕﻪ ﺩﻩﺳﺴﻪﭖ ﺗﯘﺭﯗﭖ، ﺯﻩﻳﻜﻪﺵ ﭼﯧﭙﯩﯟﺍﺗﺎﺗﺘﯩﻢ. ﺋﺎﻗﺴﯘ ﺷﻪﻫﯩﺮﯨﺪﯨﻜﻰ ﺋﻮﻗﯘﻏﺎﻥ ﻣﻪﻛﺘﯩﭙﯩﻤﮕﻪ ﻗﺎﻳﺘﯩﭗ، ﺋﯩﻤﺘﯩﻬﺎﻧﻐﺎ ﺗﻪﻳﻴﺎﺭﻟﯩﻖ ﻗﯩﻠﯩﺸﯩﻤﻐﺎ ﺭﯗﺧﺴﻪﺕ ﻗﯩﻠﯩﺸﻤﯩﺪﻯ. ﻫﻪﺭ ﻛﯜﻧﻰ ﺋﻪﻣﮕﻪﻛﺘﯩﻦ ﻗﺎﻳﺘﯩﭗ ﻛﯧﻠﯩﭗ، ﻛﯩﺮﺳﯩﻦ ﭼﯩﺮﯨﻐﻰ ( ﺟﯩﻦ ﭼﯩﺮﺍﻕ) ﻧﻰ ﻳﯧﻘﯩﭗ ﻗﻮﻳﯘﭖ، ﺋﯩﻤﺘﯩﻬﺎﻧﻐﺎ ﺗﻪﻳﻴﺎﺭﻟﯩﻖ ﻗﯩﻼﺗﺘﯩﻢ. ﺋﻪﺗﯩﮕﯩﻨﻰ ﺑﯘﺭﻧﯘﻣﻨﻰ ﺳﯩﻠﯩﺴﺎﻡ، ﺑﯘﺭﻧﯘﻣﻨﯩﯔ ﺗﯚﺷﯜﻛﯩﮕﻪ ﻳﯩﻐﯩﻠﯩﭗ ﻛﻪﺗﻜﻪﻥ  ﺋﯩﺲ ﻗﻮﻟﯘﻣﻨﻰ ﻗﺎﭘﻘﺎﺭﺍ ﻗﯩﻠﯩﯟﻩﺗﻪﺗﺘﻰ. ﻳﯧﺮﯨﻢ ﻛﯧﭽﻪ ﺑﻮﻟﯘﭖ، ﭘﯜﺗﯜﻥ ﺩﺍﻻﻥ ﺋﯘﻳﻘﯩﻐﺎ ﻛﻪﺗﻜﻪﻥ ﯞﺍﻗﯩﺘﺘﺎ، ﻳﺎﺗﯩﻘﯩﻤﻨﯩﯔ ﭘﯜﺗﯜﻥ ﺗﺎﻣﻠﯩﺮﻯ ﯞﻩ ﺗﻮﺭﯗﺳﻠﯩﺮﯨﺪﺍ ﺋﯘﯞﺍ ﺗﯘﺗﯘﭖ ﻳﺎﺷﺎﯞﺍﺗﻘﺎﻥ ﭼﺎﺷﻘﺎﻧﻼﺭ ﺋﯘﯞﯨﻠﯩﺮﯨﺪﯨﻦ ﭼﯩﻘﯩﭗ، ﻳﯧﯖﯩﺪﯨﻦ ﺗﯚﺷﯜﻙ ﻛﻮﻻﭖ، ﺑﻪﺯﯨﺪﻩ ﺋﻮﻗﯘﯞﺍﺗﻘﺎﻥ ﻛﯩﺘﺎﺑﯩﻤﻨﯩﯔ ﺋﯜﺳﺘﯩﮕﻪ ﭼﺎﻟﻤﺎ ﺗﺎﺷﻼﻳﺘﺘﻰ. ﻣﻪﻥ ﺋﺎﺷﯘﻧﺪﺍﻕ ﺷﺎﺭﺍﺋﯩﺘﺘﺎ، ﻛﻮﻧﯩﺸﻪﻫﻪﺭ ﻧﺎﻫﯩﻴﻪ ﺑﺎﺯﯨﺮﯨﺪﺍ ﺋﺎﻟﯩﻲ ﻣﻪﻛﺘﻪﭘﻜﻪ ﺋﯩﻤﺘﯩﻬﺎﻥ ﺑﻪﺭﺩﯨﻢ. ﺋﺎﺯ ﯞﺍﻗﯩﺘﺘﯩﻦ ﻛﯧﻴﯩﻦ، ﭘﯜﺗﯜﻥ ﺋﺎﻗﺴﯘ ﯞﯨﻼﻳﯩﺘﯩﮕﻪ "ﺑﯩﺮ ﺋﻮﻗﯘﻏﯘﭼﻰ ﺋﺎﭘﺘﻮﻧﻮﻡ ﺭﺍﻳﻮﻥ ﺑﻮﻳﯩﭽﻪ ﺋﺎﻻﻫﯩﺪﻩ ﻳﯘﻗﯩﺮﻯ ﻧﻪﺗﯩﺠﻪ ﺋﺎﭘﺘﯘ،" ﺩﯦﮕﻪﻥ ﮔﻪﭖ ﺗﺎﺭﻗﺎﻟﺪﻯ. ﻫﻪﻣﻤﻪ ﻛﯩﺸﯩﻠﻪﺭ ﺋﯘ ﺑﺎﻟﯩﻨﯩﯔ ﻛﯩﻤﻠﯩﻜﯩﻨﻰ ﺑﯩﻠﻤﻪﻛﭽﻰ ﺑﻮﻟﯘﺷﺎﺗﺘﻰ. ﺋﺎﺧﯩﺮﯨﺪﺍ ﻗﺎﺭﯨﺴﺎﻡ، ﺋﯘ ﻣﻪﻥ ﺋﯩﻜﻪﻧﻤﻪﻥ -- ﻣﻪﻥ ﺋﺎﭘﺘﻮﻧﻮﻡ ﺭﺍﻳﻮﻥ ﺑﻮﻳﯩﭽﻪ ﺋﯘﻳﻐﯘﺭ ﺗﯩﻠﯩﺪﺍ ﺋﯧﻠﯩﻨﻐﺎﻥ ﺋﯩﻤﺘﯩﻬﺎﻧﺪﺍ 2-ﺑﻮﻟﯘﭘﺘﯩﻤﻪﻥ.

ﺷﯘﻧﺪﺍﻕ ﻗﯩﻠﯩﭗ، ﻣﻪﻥ ﺋﺎﻟﯩﻲ ﻣﻪﻛﺘﻪﭘﻜﻪ ﺑﯧﺮﯨﺸﺘﯩﻦ ﺑﯘﺭﯗﻥ، ﺋﯚﺯﯛﻣﮕﻪ ﺋﯚﮔﯩﻨﯩﺸﺘﯩﻜﻰ ﻣﯘﻧﺪﺍﻕ ﻧﯩﺸﺎﻧﻨﻰ ﺗﯩﻜﻠﯩﺪﯨﻢ:

1) ﺑﯩﻠﯩﻤﻨﻰ ﺋﯩﻨﺘﯩﻬﺎﻧﺪﯨﻦ ﺋﯚﺗﯜﺵ، ﻣﻪﻛﺘﻪﭖ ﭘﯜﺗﺘﯜﺭﯛﺵ ﺋﯜﭼﯜﻥ ﺋﻪﻣﻪﺱ، ﺋﯚﺯﯛﻣﻨﯩﯔ ﺑﯩﻠﯩﻢ ﺩﺍﺋﯩﺮﯨﺴﯩﻨﻰ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ ﻛﯧﯖﻪﻳﺘﯩﭗ، ﺋﯩﻠﯩﻢ-ﭘﻪﻧﻨﯩﯔ ﺋﻪﯓ ﻳﯘﻗﯩﺮﻯ ﭘﻪﻟﻠﯩﺴﯩﮕﻪ ﭼﯩﻘﯩﺶ ﺋﯜﭼﯜﻥ ﺋﯚﮔﯩﻨﯩﺶ.

2) ﺑﯩﻠﯩﻤﻨﻰ ﺑﺎﺷﻘﯩﻼﺭ ﻗﯩﻼﻟﯩﻐﺎﻥ ﺋﯩﺸﻨﻰ ﺋﯘﻳﻐﯘﺭﻻﺭﻧﯩﯖﻤﯘ ﻗﯩﻼﻻﻳﺪﯨﻐﺎﻧﻠﯩﻐﯩﻨﻰ ﺋﯩﺴﭙﺎﺗﻼﺵ ﺋﯜﭼﯜﻥ ﺋﯚﮔﯩﻨﯩﺶ.

3) ﺑﯩﻠﯩﻤﻨﻰ ﺋﯚﺯﯛﻣﻨﯩﯔ ﺋﯩﻘﺘﯩﺴﺎﺩﯨﻲ ﺗﻪﻗﺪﯨﺮﯨﻨﻰ ﺋﯚﺯﮔﻪﺭﺗﯩﺶ ﺋﯜﭼﯜﻥ ﺋﯚﮔﯩﻨﯩﺶ.

ﺷﯘ ﭼﺎﻏﺪﯨﻦ ﺑﺎﺷﻼﭖ، ﻣﺎﻧﺎ ﻳﯘﻗﯩﺮﯨﻘﯩﻼﺭ ﻣﯧﻨﯩﯔ ﺋﯚﮔﯩﻨﯩﺶ ﺋﺎﺩﯨﺘﯩﻤﮕﻪ ﺋﺎﻳﻼﻧﺪﻯ.

5- ﺳﻮﺋﺎﻝ: ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺳﯩﺰﻧﯩﯔ "7 ﻣﯩﻨﯘﺗﺘﯩﻦ ﻛﯧﻴﯩﻦ ﻣﯧﻨﻰ ﺋﻮﻳﻐﯩﺘﯩﭗ ﻗﻮﻳﯘﯕﻼﺭ" ﺩﯨﮕﻪﻧﻠﯩﻜﯩﯖﯩﺰ ﻫﻪﻗﻘﯩﺪﻩ ﺋﻪﺳﻠﯩﻤﯩﻠﻪﺭ ﺑﺎﺭ ﺋﯩﻜﻪﻥ، ﺑﯘ ﯞﺍﻗﯩﺖ ﻗﺎﺭﯨﺸﯩﯖﯩﺰﻧﻰ ﺋﯩﺨﭽﺎﻡ ﺋﯩﭙﺎﺩﯨﻠﻪﭖ ﺑﯧﺮﯨﺪﯗ. ﺳﯩﺰ ﺩﻩﻡ ﺋﯧﻠﯩﺶ ﺑﯩﻠﻪﻥ ﺧﯩﺰﻣﻪﺕ، ﺋﯚﮔﯩﻨﯩﺸﻨﻰ ﻗﺎﻧﺪﺍﻕ ﺑﯩﺮﻟﻪﺷﺘﯜﺭﯨﺴﯩﺰ؟

ﺟﺎﯞﺍﺏ: ﻣﻪﻥ ﺋﺎﻗﺴﯘ 1-ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﯞﺍﻗﺘﯩﻤﺪﺍ ﺳﯩﻨﯩﭙﻨﯩﯔ ﺋﯚﮔﯩﻨﯩﺶ ﺑﺎﺷﻠﯩﻘﻰ، ﺳﯩﻨﯩﭗ ﺑﺎﺷﻠﯩﻘﻰ ﯞﻩ ﺋﺎﺧﯩﺮﻗﻰ 2 ﻳﯩﻞ ﻣﻪﻛﺘﻪﭖ ﺋﻮﻗﯘﻏﯘﭼﯩﻼﺭ ﺋﯘﻳﯘﺷﻤﯩﺴﯩﻨﯩﯔ ﺭﻩﺋﯩﺴﻰ ﺑﻮﻟﯘﭖ ﺋﯩﺸﻠﯩﮕﻪﻥ ﺋﯩﺪﯨﻢ. ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﮕﻪ ﻛﯧﻠﯩﭗ، 1-ﻳﯩﻠﻰ ﺧﻪﻧﺰﯗﭼﻪ ﺋﯚﮔﯩﻨﯩﺶ ﯞﺍﻗﺘﯩﺪﺍ، ﺳﯩﻨﯩﭗ ﺑﺎﺷﻠﯩﻘﯩﻠﯩﻖ ﺧﯩﺰﻣﯩﺘﯩﻨﻰ ﺋﯜﺳﺘﯜﻣﮕﻪ ﺋﯧﻠﯩﭗ ﺋﯩﺸﻠﯩﺪﯨﻢ. ﻣﻪﻥ ﻫﻪﻣﻤﻪ ﺋﯩﺸﺘﺎ ﺋﯚﺯﯛﻣﮕﻪ ﺋﻪﯓ ﻳﯘﻗﯘﺭﻯ ﺗﻪﻟﻪﭖ ﻗﻮﻳﯘﭖ، ﻫﻪﻣﻤﻪ ﺋﯩﺸﻨﻰ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ ﻳﯘﻗﯘﺭﻯ ﺋﯚﻟﭽﻪﻡ ﺑﯩﻠﻪﻥ ﺋﻪﺳﺘﺎﻳﯩﺪﯨﻞ ﺑﯩﺠﯩﺮﺩﯨﻐﺎﻧﻠﯩﻘﯩﻢ، ﻫﻪﻣﺪﻩ ﺋﯚﮔﯩﻨﯩﺸﻨﻰ ﺋﯩﺰﭼﯩﻞ ﻳﺎﺧﺸﻰ ﻗﯩﻠﯩﺪﯨﻐﺎﻧﻠﯩﻘﯩﻢ ﺋﯜﭼﯜﻥ، ﺑﯩﺮ ﻳﯩﻠﻠﯩﻖ ﺋﻮﻗﯘﺷﻨﻰ ﺗﯜﮔﻪﺗﻜﻪﻧﺪﯨﻦ ﻛﯧﻴﯩﻦ، ﻣﺎﯕﺎ ﺋﺎﺭﻗﺎ-ﺋﺎﺭﻗﯩﺪﯨﻦ ﻳﯧﯖﻰ ﯞﻩﺯﯨﭙﯩﻠﻪﺭ ﻳﯜﻛﻠﻪﻧﺪﻯ. ﻣﻪﻥ ﻣﻪﻛﺘﻪﭖ ﺋﯩﺘﺘﯩﭙﺎﻕ ﻛﻮﻣﯩﺘﯧﺘﯩﻨﯩﯔ ﺩﺍﺋﯩﻤﻰ ﻫﻪﻳﺌﯩﺘﻰ، ﻣﻪﻛﺘﻪﭖ ﺋﻮﻗﯘﻏﯘﭼﯩﻼﺭ ﺋﯘﻳﯘﺷﻤﯩﺴﻰ (ﺋﯘ ﭼﺎﻏﺪﺍ ﻫﺎﺯﯨﺮﻗﯩﺪﻩﻙ ﺋﻮﻗﯘﻏﯘﭼﯩﻼﺭ ﺑﯩﺮﻟﻪﺷﻤﯩﺴﻰ ﺩﯦﻴﯩﻠﻤﻪﻳﺘﺘﻰ--ﻣﯘﻫﻪﺭﺭﯨﺮﺩﯨﻦ)ﻧﯩﯔ ﺭﻩﺋﯩﺴﻰ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻥ (ﺋﯘﺋﺎﺭ) ﻟﯘﻕ ﻳﺎﺷﻼﺭ ﺑﯩﺮﻟﻪﺷﻤﯩﺴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ، ﺋﯘﺋﺎﺭ ﻟﯘﻕ ﺋﻮﻗﯘﻏﯘﭼﯩﻼﺭ ﺑﯩﺮﻟﻪﺷﻤﯩﺴﯩﻨﯩﯔ ﺭﻩﺋﯩﺴﻰ، ﯞﻩ ﻣﻪﻣﻠﯩﻜﻪﺗﻠﯩﻚ ﺋﻮﻗﯘﻏﯘﭼﯩﻼﺭ ﺑﯩﺮﻟﻪﺷﻤﯩﺴﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﻗﺎﺗﺎﺭﻟﯩﻖ ﯞﻩﺯﯨﭙﯩﻠﻪﺭﻧﻰ ﺋﯚﺯ ﺋﯜﺳﺘﯜﻣﮕﻪ ﺋﺎﻟﺪﯨﻢ. ﻫﻪﺭ ﻫﻪﭘﺘﯩﺪﻩ ﺑﯧﺠﯩﺮﯨﺪﯨﻐﺎﻥ، ﻳﯘﻗﯩﺮﯨﻘﻰ ﯞﻩﺯﯨﭙﯩﻠﻪﺭﮔﻪ ﺋﺎﺋﯩﺖ ﻧﯘﺭﻏﯘﻥ ﺋﯩﺸﻼﺭﺩﯨﻦ ﺑﺎﺷﻘﺎ، ﻣﻪﻥ ﻫﻪﺭ ﻫﻪﭘﺘﯩﺪﻩ ﺩﻩﺭﺳﺘﯩﻦ ﺋﺎﻳﺮﯨﻠﯩﭗ، ﺋﺎﺯ ﺩﯦﮕﻪﻧﺪﻩ 3 ﻗﯧﺘﯩﻢ ﻫﻪﺭ ﺧﯩﻞ ﻳﯩﻐﯩﻨﻼﺭﻏﺎ ﻗﺎﺗﻨﺎﺷﻤﯩﺴﺎﻡ ﺑﻮﻟﻤﺎﻳﺘﺘﻰ. ﺋﯘﻧﯩﯖﺪﯨﻦ ﺑﺎﺷﻘﺎ، 1-ﻳﯩﻠﯩﺪﯨﻜﻰ ﺧﻪﻧﺰﯗﭼﻪ ﺋﯚﻗﯩﺸﻨﻰ ﺗﯜﮔﯩﺘﯩﭙﻼ، ﻣﻪﻥ ﺧﻪﻧﺰﯗﭼﯩﮕﻪ ﺗﺎﻳﯩﻨﯩﭗ، ﺋﯩﻨﮕﻠﯩﺰ ﺗﯩﻠﻰ ﺋﯚﮔﯩﻨﯩﺸﻨﻰ ﺑﺎﺷﻠﯩﺪﯨﻢ. ﺩﻩﺳﻠﻪﭘﺘﻪ ﺋﯚﺯﯛﻡ ﺋﯚﮔﻪﻧﺪﯨﻢ. ﻛﯧﻴﯩﻨﭽﯩﺮﻩﻙ ﺋﯚﺯﯛﻣﻨﯩﯔ ﺩﻩﺭﺳﻠﯩﺮﯨﻨﯩﯔ ﺑﻪﺯﯨﻠﯩﺮﯨﮕﻪ ﻗﺎﺗﻨﺎﺷﻤﺎﻱ، ﻓﯩﺰﯨﻜﺎ ﻓﺎﻛﯘﻟﺘﯧﺘﯩﺪﯨﻜﻰ ﯞﻩ ﭼﻪﺕ ﺋﻪﻝ ﺗﯩﻠﻠﯩﺮﻯ ﻓﺎﻛﯘﻟﺘﯧﺘﯩﺪﯨﻜﻰ ﺧﻪﻧﺰﯗ ﺋﻮﻗﯘﻏﯘﭼﯩﻼﺭﻧﯩﯔ ﺋﯩﻨﮕﯩﻠﯩﺰ ﺗﯩﻠﻰ ﺩﻩﺭﺳﻠﯩﺮﯨﮕﯩﻤﯘ ﻗﻮﺷﯘﻣﭽﻪ ﻛﯩﺮﯨﺪﯨﻐﺎﻥ ﺑﻮﻟﺪﯗﻡ. ﺋﯚﺯﯛﻣﻨﯩﯔ ﺋﻮﻗﯘﺷﻰ، ﺋﻮﻗﯘﻏﯘﭼﯩﻼﺭ ﺧﯩﺰﻣﯩﺘﻰ ﯞﻩ ﺋﯩﻨﮕﻠﯩﺰ ﺗﯩﻠﻰ ﺋﯚﮔﯩﻨﯩﺸﻰ ﻗﺎﺗﺎﺭﻟﯩﻖ ﺋﯩﺸﻼﺭﻧﯩﯔ ﻫﻪﻣﻤﯩﺴﯩﻨﯩﯔ ﻫﯚﺩﺩﯨﺴﯩﺪﯨﻦ ﻣﯘﻛﻪﻣﻤﻪﻝ ﭼﯩﻘﯩﺶ ﺋﯜﭼﯜﻥ، ﻣﻪﻥ ﯞﺍﻗﯩﺘﺘﯩﻦ ﺋﻪﯓ ﻳﯘﻗﯘﺭﻯ ﺩﻩﺭﯨﺠﯩﺪﻩ ﺋﯜﻧﯜﻣﻠﯘﻙ ﭘﺎﻳﺪﯨﻼﻧﻤﯩﺴﺎﻡ ﺑﻮﻟﻤﺎﻳﺘﺘﻰ. ﻣﻪﻥ ﻫﻪﺭ ﻛﯜﻧﻰ 14 ﺳﺎﺋﻪﺗﺘﯩﻦ 16 ﺳﺎﺋﻪﺗﻜﯩﭽﻪ ﺋﯜﮔﯜﻧﯜﺵ ﻗﯩﻼﺗﺘﯩﻢ. ﺑﯩﺮ ﻫﻪﭘﺘﯩﺪﻩ 7 ﻛﯜﻥ ﺋﯩﺸﻠﻪﻳﺘﯩﻢ. ﻣﯧﻨﯩﯔ ﺩﻩﻡ ﺋﯧﻠﯩﺶ ﯞﺍﻗﺘﯩﻢ ﭘﻪﻗﻪﺕ ﻫﻪﺭ ﺷﻪﻧﺒﻪ ﻛﯜﻧﻰ ﻛﻪﭼﻠﯩﻜﻰ ﺑﻮﻟﯘﭖ، ﺋﯘ ﯞﺍﻗﯩﺘﺘﺎ ﻣﻪﻥ ﺋﯩﻤﻜﺎﻧﻘﻪﺩﻩﺭ ﺑﯩﺮﻩﺭ ﺋﻮﻟﺘﯘﺭﯗﺷﻘﺎ، ﺩﻭﺳﺖ ﻳﺎﻛﻰ ﺗﯘﻗﻘﺎﻧﻼﺭﻧﯩﯔ ﺋﯚﻳﯩﮕﻪ ﺑﺎﺭﺍﺗﺘﯩﻢ. ﻗﺎﻟﻐﺎﻥ ﯞﺍﻗﯩﺘﻨﯩﯔ ﻫﻪﻣﻤﯩﺴﯩﺪﻩ ﺋﯜﮔﯜﻧﯜﺵ ﻗﯩﻼﺗﺘﯩﻢ . ﻫﻪﺭ ﻛﯜﻧﻰ ﺋﻪﺗﯩﮕﻪﻧﻠﯩﻜﻰ ﺳﺎﺋﻪﺕ 6 ﺩﻩ ﺋﻮﺭﻧﯘﻣﺪﯨﻦ ﺗﯘﺭﯗﭖ، ﻛﻪﭼﺘﻪ ﺳﺎﺋﻪﺕ 11 ﺩﯨﻦ ﻛﯧﻴﯩﻦ ﺋﺎﻧﺪﯨﻦ ﺩﻩﻡ ﺋﺎﻻﺗﺘﯩﻢ. ﻳﯩﻐﯩﻨﻼﺭﻧﯩﯔ ﺋﺎﻟﺪﻯ-ﻛﻪﻳﻨﯩﺪﻩ، ﺗﺎﻣﺎﻗﻘﺎ ﺋﯚﭼﯩﺮﻩﺕ ﺗﯘﺭﻏﺎﻧﺪﺍ، ﺋﺎﭘﺘﻮﺑﯘﺳﺪﺍ ﻳﻮﻝ ﻣﺎﯕﻐﺎﻧﺪﺍ ﺋﯩﻨﮕﻠﯩﺰﭼﻪ ﺳﯚﺯﻟﯜﻙ ﻳﺎﺩﻻﻳﺘﺘﯩﻢ.

ﻣﺎﯕﺎ ﻧﯩﺴﺒﻪﺗﻪﻥ ﯞﺍﻗﯩﺘﻨﯩﯔ ﻗﯩﺲ ﺑﻮﻟﯘﭖ ﻛﻪﺗﻜﻪﻧﻠﯩﻜﯩﺪﯨﻦ، ﻣﻪﻥ ﻗﺎﻧﺪﺍﻕ ﻗﯩﻠﻐﺎﻧﺪﺍ ﯞﺍﻗﯩﺘﻨﯩﯔ ﺋﯜﻧﯜﻣﯩﻨﻰ ﻳﯘﻗﯩﺮﻯ ﻛﯚﺗﯜﺭﮔﯩﻠﻰ ﺑﻮﻟﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻤﯘ ﺋﯩﺰﺩﻩﻧﺪﯨﻢ. ﺷﯘﻧﯩﯔ ﻧﻪﺗﯩﺠﯩﺴﯩﺪﻩ، ﻣﯘﻧﺪﺍﻕ 2 ﻫﻪﻗﯩﻘﻪﺗﻨﻰ ﺗﯧﭙﯩﭗ ﭼﯩﻘﺘﯩﻢ. 1) ﯞﺍﻗﯩﺘﻨﻰ ﻣﯩﻨﯘﺕ ﺑﻮﻳﯩﭽﻪ ﻫﯩﺴﺎﺑﻼﻳﺪﯨﻐﺎﻥ ﺋﺎﺩﻩﻣﻨﯩﯔ ﯞﺍﻗﺘﻰ، ﯞﺍﻗﯩﺘﻨﻰ ﺳﺎﺋﻪﺕ ﺑﻮﻳﯩﭽﻪ ﻫﯩﺴﺎﺑﻼﻳﺪﯨﻐﺎﻥ ﺋﺎﺩﻩﻣﮕﻪ ﻗﺎﺭﯨﻐﺎﻧﺪﺍ 60 ﻫﻪﺳﺴﻪ ﻛﯚﭖ ﺑﻮﻟﯩﺪﯗ. 2) ﺋﺎﺩﻩﻡ ﺑﯩﺮ ﺧﯩﻞ ﺋﯩﺸﻨﻰ ﻗﯩﻠﯩﭗ ﭼﺎﺭﭼﯩﻐﺎﻧﺪﺍ، ﺑﺎﺷﻘﺎ ﺑﯩﺮ ﺧﯩﻞ ﺋﯩﺸﻨﻰ ﻗﯩﻠﺴﺎ، ﻳﻪﻧﯩﻼ ﺋﯜﻧﯜﻣﻠﯜﻙ ﺋﯩﺸﻠﯩﻴﻪﻟﻪﻳﺪﯗ. ﻣﻪﺳﯩﻠﻪﻥ، ﺳﯩﺰ ﺋﻪﮔﻪﺭ ﻣﺎﺗﯧﻤﺎﺗﯩﻜﺎ ﺋﯚﮔﯩﻨﯩﭗ ﭼﺎﺭﭼﯩﻐﺎﻧﺪﺍ، ﺋﯚﮔﯩﻨﯩﺸﻨﻰ ﺗﯩﻞ ﺋﯚﮔﯩﻨﯩﺸﻜﻪ ﺋﯚﺯﮔﻪﺭﺗﺴﯩﯖﯩﺰ، ﺋﯚﮔﯩﻨﯩﺸﯩﯖﯩﺰﻧﻰ ﻳﻪﻧﯩﻼ ﺋﯜﻧﯜﻣﻠﯜﻙ ﺩﺍﯞﺍﻣﻼﺷﺘﯘﺭﺍﻻﻳﺴﯩﺰ. ﺑﯘ ﺧﯘﺩﺩﻯ ﺩﻭﺳﻜﯩﻐﺎ ﺧﻪﺕ ﻳﺎﺯﻏﺎﻧﻐﺎ ﺋﻮﺧﺸﺎﺵ. ﺋﻪﮔﻪﺭ ﺳﯩﺰ ﺋﺎﻕ ﺭﻩﯕﻠﯩﻚ ﺑﻮﺭﺩﺍ ﺧﻪﺕ ﻳﯧﺰﯨﯟﻩﺭﺳﯩﯖﯩﺰ، ﺑﯩﺮ ﺋﺎﺯﺩﯨﻦ ﻛﯧﻴﯩﻦ ﺩﻭﺳﻜﯩﻐﺎ ﻧﯧﻤﻪ ﻳﯧﺰﯨﻠﻐﯩﻨﯩﻨﻰ ﻛﯚﺭﻩﻟﻤﻪﻱ ﻗﺎﻟﯩﺴﯩﺰ. ﺋﻪﻣﻤﺎ ﺋﯘﻧﯩﯔ ﺋﯜﺳﺘﯩﮕﻪ ﺳﯩﺰ ﻗﯩﺰﯨﻞ ﺑﻮﺭ ﺑﯩﻠﻪﻥ ﺧﻪﺕ ﻳﺎﺯﺳﯩﯖﯩﺰ، ﺧﻪﺗﻨﻰ ﻳﻪﻧﻪ ﺑﯩﺮ ﻣﻪﺯﮔﯩﻞ ﻛﯚﺭﮔﯩﻠﻰ ﺑﻮﻟﯩﺪﯗ.

ﺋﺎﺩﻩﻡ ﺑﯩﺮ ﺋﯩﺸﺘﺎ ﺋﺎﻻﻫﯩﺪﻩ ﻧﻪﺗﯩﺠﻪ ﻗﺎﺯﺍﻧﻤﺎﻗﭽﻰ ﺑﻮﻟﯩﺪﯨﻜﻪﻥ، ﭼﻮﻗﯘﻡ ﺑﺎﺷﻘﺎ ﺑﯩﺮ ﻗﯩﺴﯩﻢ ﺋﯩﺸﻼﺭﺩﯨﻦ ﯞﺍﺯ ﻛﯧﭽﯩﺸﻰ ﻛﯧﺮﻩﻙ. ﻫﻪﻣﻤﻪ ﺋﯩﺸﻼﺭﻧﻰ ﺗﻪﯓ ﺋﯧﻠﯩﭗ ﻣﯧﯖﯩﭗ، ﻫﻪﻣﻤﯩﺴﯩﺪﯨﻦ ﺋﺎﻻﻫﯩﺪﻩ ﻧﻪﺗﯩﺠﻪ ﻗﺎﺯﯨﻨﯩﺶ ﺋﺎﺳﺎﻥ ﺋﻪﻣﻪﺱ. ﻣﻪﻥ ﺋﯩﺰﭼﯩﻞ ﺋﻪﻣﻪﻝ ﻗﯩﻠﯩﭗ ﻛﻪﻟﮕﻪﻥ ﺋﺎﺩﻩﺗﻨﯩﯔ ﺑﯩﺮﺳﻰ ﺷﯘﻛﻰ، ﻣﻪﻥ ﺧﯩﺰﻣﻪﺗﻨﯩﯔ ﺋﯩﺸﻰ، ﺋﯘﻳﻐﯘﺭﻧﯩﯔ ﺋﯩﺸﻰ ﯞﻩ ﺋﺎﺋﯩﻠﯩﻨﯩﯔ ﺋﯩﺸﻰ ﻗﺎﺗﺎﺭﻟﯩﻖ 3 ﺗﯜﺭﻧﯩﯔ ﻫﻪﻣﻤﯩﺴﯩﺪﻩ، ﺋﯩﺸﻼﺭﻧﯩﯔ ﻣﯘﻫﯩﻤﻠﯩﻖ ﺩﻩﺭﯨﺠﯩﺴﯩﮕﻪ ﻗﺎﺭﺍﭖ، ﺑﯩﺮﺩﯨﻦ ﺗﯩﺰﯨﻤﻠﯩﻚ ﺗﯘﺗﯩﻤﻪﻥ. ﺷﯘ ﺗﯩﺰﯨﻤﻐﺎ ﻗﺎﺭﺍﭖ، ﺋﯩﺸﻨﻰ ﺋﻪﯓ ﻣﯘﻫﯩﻤﯩﺪﯨﻦ ﺑﺎﺷﻼﭖ، ﺑﯩﺮ-ﺑﯩﺮﻟﻪﭖ ﻗﯩﻠﯩﻤﻪﻥ. ﺑﯩﻜﺎﺭ ﻗﺎﻟﯩﺪﯨﻐﺎﻥ ﯞﺍﻗﺘﯩﻢ ﺋﺎﺳﺎﺳﻪﻥ ﻳﻮﻕ.

ﺑﻪﺯﻯ ﻳﺎﺵ ﺋﯚﺳﻤﯜﺭﻟﻪﺭ، "ﻳﺎﺷﻠﯩﻘﺘﺎ ﺗﺎﺯﺍ ﻗﺎﻧﻐﯩﭽﻪ ﺋﻮﻳﻨﯩﯟﯦﻠﯩﺶ ﻛﯧﺮﻩﻙ"، ﺩﻩﭖ ﺋﻮﻳﻼﻳﺪﯗ. ﺑﯘ ﺋﯩﻨﺘﺎﻳﯩﻦ ﺧﺎﺗﺎ. ﺳﯩﺰ ﻳﺎﺵ ﯞﺍﻗﺘﯩﯖﯩﺰﺩﺍ، ﻳﺎﺷﺎﺵ ﺋﯜﭼﯜﻥ ﭘﯜﺗﯜﻧﻠﻪﻱ ﺋﺎﺗﺎ-ﺋﺎﻧﯩﯖﯩﺰﻏﺎ ﺗﺎﻳﯩﻨﯩﺴﯩﺰ. ﺋﯚﺯﯨﯖﯩﺰﻧﯩﯔ ﻫﯧﭻ ﻧﯧﻤﯩﯖﯩﺰ ﺑﻮﻟﻤﺎﻳﺪﯗ. ﺋﺎﺷﯘﻧﺪﺍﻕ ﺗﯘﺭﯗﭖ، ﻗﺎﻧﺪﺍﻕ ﻳﺎﺧﺸﻰ ﺋﻮﻳﻨﯩﻴﺎﻻﻳﺴﯩﺰ؟ ﺋﯘﻧﯩﯖﺪﯨﻦ ﺑﺎﺷﻘﺎ، ﺋﻪﯓ ﻣﯘﻫﯩﻢ ﺑﯩﺮ ﻧﯘﻗﺘﺎ ﺷﯘﻛﻰ، ﺳﯩﺰﻧﯩﯔ ﺑﺎﺷﻼﻧﻐﯘﭺ ﻣﻪﻛﺘﻪﭘﺘﯩﻦ ﺗﺎﺭﺗﯩﭗ ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﮔﯩﭽﻪ ﺑﻮﻟﻐﺎﻥ 12 ﻳﯩﻞ ﺋﯚﻣﺮﯨﯖﯩﺰ ﺳﯩﺰﻧﯩﯔ ﻛﯧﻴﯩﻨﻜﻰ 50-60 ﻳﯩﻞ ﺋﯚﻣﺮﯨﯖﯩﺰﻧﯩﯔ ﻗﺎﻧﺪﺍﻕ ﺋﯚﺗﯜﺷﯩﻨﻰ ﺑﻪﻟﮕﯩﻠﻪﻳﺪﯗ. ﺷﯘﯕﺎ،ﺋﺎﺷﯘ 12 ﻳﯩﻠﺪﯨﻦ ﻧﺎﻫﺎﻳﯩﺘﻰ ﻳﺎﺧﺸﻰ ﭘﺎﻳﺪﯨﻠﯩﻨﯩﺸﯩﯖﯩﺰ ﻛﯧﺮﻩﻙ. ﺷﯘ ﻣﻪﺯﮔﯩﻠﺪﻩ ﻫﻪﻗﯩﻘﯩﻲ ﺑﯩﻠﯩﻢ ﯞﻩ ﻫﻪﻗﯩﻘﯩﻲ ﺗﯘﺭﻣﯘﺵ ﺋﯩﻘﺘﯩﺪﺍﺭﯨﻨﻰ ﺋﯩﮕﯩﻠﯩﺸﯩﯖﯩﺰ ﻛﯧﺮﻩﻙ. ﺑﯘ ﻣﻪﺯﮔﯩﻠﺪﻩ ﻫﻪﺭ ﺑﯩﺮ ﺋﺎﺗﺎ-ﺋﺎﻧﯩﻨﯩﯔ ﯞﻩﺯﯨﭙﯩﺴﻰ ﺋﯩﻨﺘﺎﻳﯩﻦ ﺋﯧﻐﯩﺮ ﯞﻩ ﻣﯘﻫﯩﻢ. ﺳﯩﺰ ﻳﯘﻗﯩﺮﯨﻘﻰ ﺋﯘﻗﯘﻣﻨﻰ ﭘﻪﺭﺯﻩﻧﺘﻠﯩﺮﯨﯖﯩﺰﮔﻪ ﺯﯦﺮﯨﻜﻤﻪﻱ  ﺩﺍﯞﺍﻣﻠﯩﻖ ﭼﯜﺷﻪﻧﺪﯛﺭﯛﺷﯩﯖﯩﺰ ﻛﯧﺮﻩﻙ. "ﺑﺎﻻﻡ، ﺳﻪﻥ ﭼﻮﯓ ﺑﻮﻟﻐﺎﻧﺪﺍ ﻗﺎﻧﺪﺍﻗﺮﺍﻕ ﻳﺎﺷﺎﻱ، ﺩﻩﭖ ﺋﻮﻳﻼﯞﺍﺗﯩﺴﻪﻥ؟"، "ﻫﺎﺯﯨﺮ ﻳﺎﺧﺸﻰ ﻳﺎﺷﺎﺷﻘﺎ ﺗﻪﻳﻴﺎﺭﻟﯩﻘﯩﯔ ﺑﺎﺭﻣﯘ؟" "ﺋﯘ ﻳﻮﻟﺪﺍ ﻫﺎﺯﯨﺮ ﻗﺎﻧﺪﺍﻕ ﺋﯩﺶ ﺗﯘﺗﺘﯘﯓ؟" ﺩﻩﭖ ﺳﻮﺭﺍﭖ ﺗﯘﺭﯗﺵ ﻛﯩﺮﻩﻙ. ﺑﺎﻟﯩﯖﯩﺰﺩﺍ ﺗﯘﺭﻣﯘﺷﻘﺎ ﻛﯩﺮﻩﻛﻠﯩﻚ ﺋﯩﻘﺘﯩﺪﺍﺭﻻﺭﻧﻰ ﻳﯩﺘﯩﺸﺘﯜﺭﯛﺷﯩﯖﯩﺰ، ﺋﯚﺯﯨﯖﯩﺰﻧﯩﯔ ﺗﯘﺭﻣﯘﺵ ﺗﻪﺟﺮﯨﺒﯩﯖﯩﺰﻟﯩﺮﯨﻨﻰ ﺋﯚﮔﯩﺘﯩﺸﯩﯖﯩﺰ ﻛﯧﺮﻩﻙ. ﺑﺎﻟﯩﯖﯩﺰﻧﯩﯔ ﻫﻪﻣﻤﻪ ﺋﯩﺸﯩﻨﻰ ﺳﯩﺰ ﻗﯩﻠﯩﭗ ﺑﻪﺭﺳﯩﯖﯩﺰ، ﺑﺎﻟﯩﯖﯩﺰﻧﻰ ﺋﻮﺭﯗﻧﺴﯩﺰ ﺋﻪﺭﻛﯩﻠﻪﺗﺴﯩﯖﯩﺰ، ﺋﯘ ﻫﻪﺭﮔﯩﺰ ﺑﺎﻟﯩﯖﯩﺰﻧﻰ ﺋﻪﺗﯩﯟﺍﺭﻟﯩﻐﺎﻧﻠﯩﻖ ﺑﻮﻟﻤﺎﻳﺪﯗ. ﺋﯚﻳﺪﻩ ﺑﺎﻟﯩﯖﯩﺰﻧﻰ ﺋﺎﺷﯘﻧﺪﺍﻕ ﺋﻪﺭﻛﯩﻠﻪﺗﻜﻪﻥ ﺑﯩﻠﻪﻥ، ﺑﺎﻟﯩﯖﯩﺰ ﭼﻮﯓ ﺑﻮﻟﻐﺎﻧﺪﺍ ﺟﻪﻣﺌﯩﻴﻪﺗﺘﻪ ﺧﺎﺭﻟﯩﻨﯩﭗ ﻗﯧﻠﯩﺸﻰ ﻣﯘﻣﻜﯩﻦ. ﻫﻪﺗﺘﺎ ﺋﯚﺯ ﺟﯧﻨﯩﻨﻰ ﻳﻮﻟﯩﺪﺍ ﺑﺎﻗﺎﻟﻤﺎﺳﻠﯩﻐﯩﻤﯘ ﻣﯘﻣﻜﯩﻦ. ﺷﯘﯕﺎ ﺑﺎﻟﯩﯖﯩﺰﻏﺎ، "ﺋﻪﮔﻪﺭ ﺑﺎﺷﻘﯩﻼﺭﺩﯨﻦ ﻳﺎﺧﺸﯩﺮﺍﻕ ﻳﺎﺷﺎﻳﻤﻪﻥ، ﺩﯦﺴﻪﯓ، ﺑﺎﺷﻘﯩﻼﺭﺩﯨﻦ ﺑﻪﻛﺮﻩﻙ ﺗﯩﺮﯨﺸﯩﺸﯩﯔ ﻛﯧﺮﻩﻙ. ﺑﺎﺷﻘﯩﻼﺭﺩﯨﻦ ﻛﯚﭘﺮﻩﻙ ﯞﺍﻗﯩﺘﻨﻰ ﺋﯚﮔﯩﻨﯩﺸﻜﻪ ﺳﻪﺭﭖ ﻗﯩﻠﯩﺸﯩﯔ ﻛﯧﺮﻩﻙ." ﺩﯨﮕﻪﻥ ﺋﯘﻗﯘﻣﻨﻰ ﻛﯩﭽﯩﮕﯩﺪﯨﻦ ﺗﺎﺭﺗﯩﭙﻼ ﺳﯩﯖﺪﯛﺭﯛﺷﯩﯖﯩﺰ ﻛﯧﺮﻩﻙ.

ﻣﻪﻥ ﯞﺍﻗﯩﺘﺘﯩﻦ ﻳﯘﻗﯩﺮﯨﻘﯩﺪﻩﻙ ﭘﺎﻳﺪﯨﻠﯩﻨﯩﭗ، ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺋﺎﺧﯩﺮﻗﻰ 4 ﻳﯩﻞ ﺟﻪﺭﻳﺎﻧﯩﺪﺍ، ﺋﯚﺯﯛﻣﻨﯩﯔ ﺋﻮﻗﯘﺷﻰ، ﺋﻮﻗﯘﻏﯘﭼﯩﻼﺭﻧﯩﯔ ﺧﯩﺰﻣﯩﺘﻰ ﯞﻩ ﭼﻪﺕ ﺋﻪﻝ ﺗﯩﻠﻰ ﺋﯚﮔﯩﻨﯩﺶ ﻗﺎﺗﺎﺭﻟﯩﻘﻼﺭﻧﯩﯔ ﻫﻪﻣﻤﯩﺴﯩﺪﻩ ﺋﺎﻻﻫﯩﺪﻩ ﻧﻪﺗﯩﺠﻪ ﻗﺎﺯﺍﻧﺪﯨﻢ. ﭘﻪﻗﻪﺕ ﺑﯩﺮ ﻗﯧﺘﯩﻤﻘﯩﻨﻰ ﻫﯩﺴﺎﺑﻘﺎ ﺋﺎﻟﻤﯩﻐﺎﻧﺪﺍ، 4 ﻳﯩﻠﻨﯩﯔ ﻣﻪﯞﺳﯜﻣﻠﯜﻙ ﯞﻩ ﻳﯩﻠﻠﯩﻖ ﺋﯩﻤﺘﯩﻬﺎﻧﯩﻼﺭﻧﯩﯔ ﻫﻪﻣﻤﯩﺴﯩﺪﻩ 100 ﺩﯨﻦ ﻧﻮﻣﯘﺭ ﺋﺎﻟﺪﯨﻢ. ﻛﻪﺳﭗ ﺋﻮﻗﯘﻏﺎﻥ 1- ﯞﻩ 2-ﻳﯩﻠﺪﯨﻦ ﺋﯩﺒﺎﺭﻩﺕ 2 ﻳﯩﻞ ﺋﯩﭽﯩﺪﻩ ﺋﯩﻨﮕﻠﯩﺰ ﺗﯩﻠﯩﺪﺍ ﺧﻪﻧﺰﯗ ﺗﻪﺑﯩﺌﻰ ﭘﻪﻥ ﺋﻮﻗﯘﻏﯘﭼﯩﻠﯩﺮﯨﻨﯩﯔ 3 ﻳﯩﻠﻠﯩﻖ ﺩﻩﺭﺳﯩﻨﻰ ﺗﯜﮔﯩﺘﯩﭗ، ﺧﻪﻧﺰﯗ ﺋﻮﻗﯘﻏﯘﭼﯩﻼﺭ ﺑﯩﻠﻪﻥ ﺋﻮﻗﯘﺵ ﺗﺎﻣﺎﻣﻼﺵ ﺋﯩﻤﺘﯩﻬﺎﻧﯩﺴﯩﻐﺎ ﻗﺎﺗﻨﯩﺸﯩﭗ، ﺳﯩﻨﯩﭗ ﺑﻮﻳﯩﭽﻪ 5-ﺑﻮﻟﺪﯗﻡ. ﻛﻪﺳﭗ ﺋﻮﻗﯘﻏﺎﻥ 3- ﯞﻩ 4-ﻳﯩﻠﻰ ﺟﻪﺭﻳﺎﻧﯩﺪﺍ ﺋﯚﺯﻟﯜﻛﯜﻣﺪﯨﻦ ﻳﺎﭘﻮﻥ ﺗﯩﻠﻰ ﺋﯚﮔﯩﻨﯩﭗ، ﺋﻮﻗﯘﺵ ﭘﯜﺗﺘﯜﺭﯛﺷﺘﯩﻦ ﺑﯘﺭﯗﻥ ﻳﺎﭘﻮﻥ ﺗﯩﻠﯩﻨﯩﯔ ﮔﯩﺮﺍﻣﺎﺗﻜﯩﺴﯩﻨﯩﻤﯘ ﺋﯚﮔﯩﻨﯩﭗ ﺗﯜﮔﻪﺗﺘﯩﻢ. 1983-ﻳﯩﻠﻰ ﺷﺎﯕﺨﻪﻱ ﻗﺎﺗﻨﺎﺵ ﺋﯘﻧﯩﯟﯦﺮﺳﯩﺘﯧﺘﯩﻐﺎ ﺑﯧﺮﯨﭗ، "ﻣﯩﻜﺮﻭ ﺩﻭﻟﻘﯘﻥ ﺗﯧﺨﻨﯩﻜﯩﺴﻰ" ﺑﻮﻳﯩﭽﻪ ﺑﯩﺮ ﻳﯩﻞ ﺑﯩﻠﯩﻢ ﺋﺎﺷﯘﺭﺩﯗﻡ. ﺑﯘ ﺋﯚﺯﯛﻡ ﺑﯘﺭﯗﻥ ﺋﻮﻗﯘﭖ ﺑﺎﻗﻤﯩﻐﺎﻥ ﻛﻪﺳﭗ ﺑﻮﻟﯘﭖ، ﺋﻪﻳﻨﻰ ﯞﺍﻗﯩﺘﺘﺎ ﭘﯜﺗﯜﻥ ﺋﯘﺋﺎﺭ ﺑﻮﻳﯩﭽﻪ ﺑﯘ ﺳﺎﻫﻪﺩﻩ ﺑﯩﺮﻣﯘ ﻛﻪﺳﭙﯩﻲ ﺧﺎﺩﯨﻢ ﻳﻮﻕ ﺋﯩﺪﻯ. ﻣﻪﻥ ﺋﯚﺯ ﯞﻩﺯﯨﭙﻪﻣﻨﯩﯔ ﺋﯧﻐﯩﺮﻟﯩﻘﯩﻨﻰ ﺗﻮﻟﯘﻕ ﺗﻮﻧﯘﭖ، ﻫﻪﺭ ﻛﯜﻧﻰ ﻛﻪﭺ ﺳﺎﺋﻪﺕ 11 ﺩﻩ ﭼﯩﺮﺍﻍ ﺋﯚﭼﯜﺭﯛﻟﮕﯩﭽﻪ ﻣﻪﻛﺘﻪﭖ ﻛﯘﺗﯘﭘﺨﺎﻧﯩﺴﯩﺪﺍ، ﭼﯩﺮﺍﻍ ﺋﯚﭼﯜﺭﯛﻟﮕﻪﻧﺪﯨﻦ ﻛﯧﻴﯩﻦ "ﺳﯘ ﺋﺎﺳﺘﻰ ﭘﺎﺭﺍﺧﻮﺩﻯ ﺭﺍﺩﺍﺭ ﺳﯩﺴﺘﯧﻤﯩﺴﻰ" ﺗﻪﺟﺮﯨﺒﯩﺨﺎﻧﯩﺴﯩﻐﺎ ﺑﯧﺮﯨﭗ ﺋﯚﮔﯩﻨﯩﺶ ﻗﯩﻠﺪﯨﻢ. ﻳﺎﺯﻟﯩﻖ ﺗﻪﺗﯩﻠﺪﯨﻜﻰ 2 ﺋﺎﻱ ﯞﺍﻗﯩﺖ ﺋﯩﭽﯩﺪﻩ ﻳﯘﺭﺗﻘﺎ ﻗﺎﻳﺘﻤﺎﻱ، ﺷﺎﯕﺨﻪﻳﻨﯩﯔ ﻫﻪﺩﺩﯨﺪﯨﻦ ﺗﺎﺷﻘﯩﺮﻯ ﺗﯩﻨﺠﯩﻖ ﺋﯩﺴﺴﯩﻘﯩﻐﺎ ﺑﻪﺭﺩﺍﺷﻠﯩﻖ ﺑﯧﺮﯨﭗ، ﻛﯜﻧﯩﮕﻪ 10 ﻧﻪﭼﭽﻪ ﺳﺎﺋﻪﺕ ﻣﯩﻜﺮﻭ ﺩﻭﻟﻘﯘﻧﻐﺎ ﺋﺎﺋﯩﺖ ﻛﻪﺳﭙﯩﻲ ﻛﯩﺘﺎﺑﻨﻰ ﺧﯘﺩﺩﻯ ﺭﻭﻣﺎﻥ ﺋﻮﻗﯘﻏﺎﻧﺪﻩﻙ ﺋﻮﻗﯘﺩﯗﻡ.

ﺑﯘﺭﯗﻥ ﺑﯩﺮ ﺩﺍﯕﻠﯩﻖ ﺋﺎﺩﻩﻡ ﺋﯚﺯﯨﻨﯩﯔ ﺟﺎﭘﺎﻏﺎ ﺑﻪﺭﺩﺍﺷﻠﯩﻖ ﺑﯧﺮﯨﺶ ﻗﺎﺑﯩﻠﻴﯩﺘﯩﻨﻰ ﺋﺎﺷﺮﯗﺵ ﺋﯜﭼﯜﻥ، ﺑﯩﺮ ﺗﺎﺧﺘﺎﻳﻨﯩﯔ ﺑﯩﺮ ﻳﯜﺯﯨﮕﻪ ﻧﯘﺭﻏﯘﻥ ﻣﯩﺦ ﻗﯧﻘﯩﭗ، ﺷﯘ ﻣﯩﺦ ﻗﯧﻘﯩﻠﻐﺎﻥ ﻳﯜﺯﯨﺪﻩ ﺋﯘﺧﻼﭘﺘﯩﻜﻪﻥ. ﻣﻪﻥ ﺋﯩﺴﺴﯩﻘﻘﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻤﯩﮕﻪﻧﺪﻩ، ﺋﻪﻧﻪ ﺷﯘ ﺋﺎﺩﻩﻣﻨﻰ ﺋﻮﻳﻠﯩﺪﯨﻢ. ﺑﯘ ﻣﻪﻛﺘﻪﭘﻨﯩﯔ ﺭﻩﻫﺒﻪﺭﻟﯩﺮﻯ ﻛﯧﻴﯩﻦ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻐﺎ ﺧﻪﺕ ﻳﯧﺰﯨﭗ، "ﺋﻪﮔﻪﺭ ﺋﻪﺭﻛﯩﻨﺪﻩﻙ ﺋﺎﺩﻩﻣﻠﯩﺮﯨﯖﻼﺭ ﺑﻮﻟﺴﺎ، ﻗﺎﻧﭽﯩﻨﻰ ﺋﻪﯞﻩﺗﺴﻪﯕﻼﺭ ﺷﯘﻧﭽﯩﻨﻰ ﻗﻮﺑﯘﻝ ﻗﯩﻠﯩﻤﯩﺰ،" ﺩﻩﭘﺘﯘ. 1985-ﻳﯩﻠﻰ 9-ﺋﺎﻳﺪﺍ ﻳﺎﭘﻮﻧﯩﻴﻪﮔﻪ ﺑﺎﺭﺩﯨﻢ. ﻳﯧﯖﻰ ﺑﺎﺭﻏﺎﻧﺪﺍ، ﻣﯧﻨﯩﯔ ﺋﯘﺳﺘﺎﺯﯨﻢ ﻣﺎﯕﺎ ﺋﺎﻧﭽﻪ ﻗﺎﺭﯨﻤﯩﺪﻯ. ﺋﻪﺗﯩﮕﻪﻧﻠﯩﻜﻰ ﻣﻪﻥ ﻳﺎﭘﻮﻥ ﺗﯩﻠﯩﺪﺍ ﺳﺎﻻﻡ ﺑﻪﺭﺳﻪﻡ، ﺋﯩﻠﯩﻚ ﺋﺎﻟﻤﺎﻱ ﺋﯚﺗﯜﭖ ﻛﻪﺗﺘﻰ. ﻣﻪﻥ ﺋﯘ ﻛﯩﺸﯩﻨﯩﯔ ﻣﯧﻨﻰ ﺑﯩﺮ ﻳﯜﻙ،  ﺩﻩﭖ ﻫﯩﺴﺎﺑﻼﯞﺍﺗﻘﺎﻧﻠﯩﻘﯩﻨﻰ ﻫﯧﺲ ﻗﯩﻠﺪﯨﻢ. ﻫﻪﺭ ﻛﯜﻧﻰ ﺋﻪﺗﯩﮕﯩﻨﻰ ﺳﺎﺋﻪﺕ 8 ﺩﻩ 1-ﺑﻮﻟﯘﭖ ﺗﻪﺟﺮﯨﺨﺎﻧﯩﻐﺎ ﺑﯧﺮﯨﭗ، ﻛﯧﭽﻪ ﺳﺎﺋﻪﺕ 12 ﮔﯩﭽﻪ ﺋﯩﺸﻠﯩﺪﯨﻢ. 3 ﺋﺎﻳﺪﯨﻦ ﻛﯧﻴﯩﻦ، ﻳﺎﭘﻮﻧﯩﻴﻪﻧﯩﯔ ﺑﯩﺮ ﻗﯧﺘﯩﻤﻠﯩﻖ ﻣﻪﻣﻠﯩﻜﻪﺗﻠﯩﻚ ﭘﻪﻥ ﺗﻪﺗﻘﯩﻘﺎﺕ ﻳﯩﻐﯩﻨﯩﻐﺎ ﺋﯚﺯﯛﻣﻨﯩﯔ 1-ﻣﺎﻗﺎﻟﯩﺴﯩﻨﻰ ﻳﻮﻟﻠﯩﺪﯨﻢ. ﻗﺎﺗﺘﯩﻖ ﺋﯩﺸﻠﻪﺷﺘﻪ ﺋﯚﺯﯛﻡ ﺗﯘﺭﻏﺎﻥ ﻣﻪﻛﺘﻪﭘﺘﯩﻜﯩﻠﻪﺭﻧﯩﯔ ﻫﻪﻣﻤﯩﺴﯩﻨﻰ ﻫﻪﻳﺮﺍﻥ ﻗﺎﻟﺪﯗﺭﺩﯗﻡ. ﻛﯧﻴﯩﻦ ﻫﻪﻣﻤﻪﻳﻠﻪﻥ ﻣﺎﯕﺎ ﺋﺎﻻﻫﯩﺪﻩ ﻗﺎﺭﺍﻳﺪﯨﻐﺎﻥ ﺑﻮﻟﯘﭖ ﻛﻪﺗﺘﻰ. ﻳﯧﻘﯩﻨﺪﺍ ﻣﺎﯕﺎ ﻣﯧﻨﯩﯔ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﯘﺳﺘﺎﺯﯨﻤﺪﯨﻦ ﺑﯩﺮ ﺧﻪﺕ ﻛﻪﻟﺪﻯ. ﺋﯘ ﻛﯩﺸﻰ ﻫﺎﺯﯨﺮ 80 ﻳﺎﺷﻘﺎ ﻳﯧﻘﯩﻨﻼﺷﻘﺎﻥ ﺑﻮﻟﯘﭖ، ﺧﯧﺘﯩﺪﻩ ﻣﯘﻧﺪﺍﻕ ﺩﻩﭘﺘﯘ: "ﺋﻪﺭﻛﯩﻦ، ﺳﯧﻨﻰ ﺋﺎﻣﯧﺮﯨﻜﯩﺪﯨﻜﻰ ﺋﻮﻗﯘﺷﯩﻨﻰ ﺗﯜﮔﯩﺘﯩﭗ، ﻳﺎﭘﻮﻧﯩﻴﻪﮔﻪ ﻛﻪﻟﺴﻪ، ﻳﻪﻧﻪ ﺑﯩﺮﮔﻪ ﺗﻪﺗﻘﯩﻘﺎﺕ ﺋﯧﻠﯩﭗ ﺑﺎﺭﺳﺎﻕ، ﺩﻩﭖ ﺋﻮﻳﻠﯩﻐﺎﻧﯩﺪﯨﻢ. ﺋﯘ ﻫﺎﺯﯨﺮ ﻣﯘﻣﻜﯩﻦ ﺋﻪﻣﻪﺱ ﺑﻮﻟﯘﭖ ﻗﺎﻟﺪﻯ. ﺑﯘﻧﯩﯖﺪﯨﻦ ﻛﯧﻴﯩﻦ ﻣﺎﯕﺎ ﺋﺎﻣﯧﺮﯨﻜﯩﻐﺎ ﺑﯧﺮﯨﺶ ﺋﯩﻤﻜﺎﻧﯩﻴﯩﺘﯩﻤﯘ ﻳﻮﻕ ﺋﻮﺧﺸﺎﻳﺪﯗ. ﻣﻪﻥ ﻳﯧﻘﯩﻨﺪﺍ ﺋﯚﺯﯛﻣﻨﯩﯔ ﺑﯘﺭﯗﻧﻘﻰ ﺋﯚﻣﺮﯨﻨﻰ ﺋﻪﺳﻠﻪﭖ ﭼﯩﻘﺘﯩﻢ. ﻗﺎﺭﯨﺴﺎﻡ، ﻣﯧﻨﯩﯔ ﺋﯩﻠﻤﯩﻲ ﺗﻪﺗﻘﯩﻘﺎﺗﺘﺎ ﺋﻪﯓ ﻛﯚﭖ ﯞﻩ ﺋﻪﯓ ﻣﯘﻫﯩﻢ ﻧﻪﺗﯩﺠﻪ ﭼﯩﻘﺎﺭﻏﺎﻥ ﯞﺍﻗﺘﯩﻢ ﺳﻪﻥ ﺑﯩﻠﻪﻥ ﺑﯩﺮﮔﻪ ﺋﯩﺸﻠﯩﮕﻪﻥ ﯞﺍﻗﺘﯩﻢ ﺑﻮﭘﺘﯘ...." . ﻣﻪﻥ ﺋﺎﻣﯧﺮﯨﻜﯩﺪﺍ ﻣﺎﮔﯩﺴﺘﯧﺮﻟﯩﻖ ﺋﻮﻗﯘﻏﺎﻧﺪﺍ ﻣﺎﯕﺎ ﺋﯘﺳﺘﺎﺯ ﺑﻮﻟﻐﺎﻥ ﻛﯩﺸﻰ ﺑﯩﺮ ﻳﺎﭘﻮﻧﻠﯘﻕ ﺑﻮﻟﯘﭖ، ﺋﯘ ﺩﻩﺭﺳﻨﻰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﻰ Northridge ﺷﯚﺑﯩﺴﯩﺪﻩ ﺋﯚﺗﯜﭖ، ﺗﻪﺗﻘﯩﻘﺎﺗﻨﻰ Caltech ﺗﻪ ﻗﯩﻠﯩﺪﯨﻐﺎﻥ ﺑﻮﻟﯘﭖ، ﺗﻪﺗﻘﯩﻘﺎﺕ ﺟﻪﻫﻪﺗﺘﻪ ﻓﺎﻛﯘﻟﺘﯧﺘﻨﯩﯔ ﺋﻪﯓ ﺋﺎﻟﺪﯨﺪﺍ ﺑﻮﻟﻐﺎﭼﻘﺎ، ﻣﻪﻥ ﺷﯘ ﻛﯩﺸﯩﮕﻪ ﺗﻪﻗﺴﯩﻢ ﺑﻮﻟﻐﺎﻥ ﺋﯩﻜﻪﻧﻤﻪﻥ. ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﻳﯩﻞ ﺑﯘﺭﯗﻥ ﺋﯘ ﻛﯩﺸﻰ ﻣﯧﻨﯩﯔ ﺗﻪﺗﻘﯩﻘﺎﺕ ﻧﻪﺗﯩﻨﺠﯩﻠﯩﺮﯨﻤﻨﻰ ﻛﯚﺭﯛﭖ، ﻣﺎﯕﺎ ﻳﺎﺯﻏﺎﻥ ﺋﯧﻠﺨﯧﺘﯩﺪﻩ ﻣﯘﻧﺪﺍﻕ ﺩﻩﭘﺘﯘ: "ﺋﻪﺭﻛﯩﻦ، ﺑﯩﺮ ﺋﻮﻗﯘﺗﻘﯘﭼﻰ ﺋﯜﭼﯜﻥ، ﺋﯚﺯ ﺋﻮﻗﯘﻏﯘﭼﯩﺴﯩﻨﯩﯔ ﺋﯚﺯﯨﺪﯨﻦ ﺋﯧﺸﯩﭗ ﻛﯧﺘﯩﺸﯩﺪﯨﻦ ﺑﻪﺧﺘﻠﯩﻚ ﺋﯩﺶ ﻳﻮﻕ. ﺳﻪﻥ ﺋﯜﭼﯜﻥ ﻣﻪﻥ ﺋﯚﺯﯛﻣﻨﻰ ﺋﯩﻨﺘﺎﻳﯩﻦ ﺑﻪﺧﺘﻠﯩﻚ  ﺑﻪﺧﺘﻠﯩﻚ ﻫﻪﺱ ﻗﯩﻠﯩﻤﻪﻥ...."

ﻗﯩﺴﻘﯩﺴﻰ، ﻣﻪﻥ ﺋﯚﮔﯩﻨﯩﺶ ﯞﻩ ﺧﯩﺰﻣﻪﺗﺘﻪ ﺋﯩﺰﭼﯩﻞ ﺗﯜﺭﺩﻩ "ﺋﺎﻕ ﺑﻮﺭﺩﺍ ﺧﻪﺕ ﻳﯧﺰﯨﭗ ﻛﯚﺭﮔﯩﻠﻰ ﺑﻮﻟﻤﯩﺴﺎ، ﻗﯩﺰﯨﻞ ﺑﻮﺭ ﺑﯩﻠﻪﻥ ﺧﻪﺕ ﻳﯧﺰﯨﺶ" ﺋﯘﺳﯘﻟﯩﻨﻰ ﻗﻮﻟﻼﻧﺪﯨﻢ. 1978-ﻳﯩﻠﯩﺪﯨﻦ 1995-ﻳﯩﻠﻰ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺋﯧﻠﯩﺸﻘﯩﭽﻪ ﻫﻪﺭ ﻛﯜﻧﻰ 14-16 ﺳﺎﺋﻪﺕ ﺋﯩﺸﻠﯩﺪﯨﻢ. ﻫﺎﺯﯨﺮﻣﯘ ﻫﻪﺭ ﻛﯜﻧﻰ 10 ﺳﺎﺋﻪﺗﺘﯩﻦ ﻛﯚﭘﺮﻩﻙ ﯞﺍﻗﯩﺘﻨﻰ ﺋﻪﻗﻠﯩﻲ ﺋﻪﻣﮕﻪﻛﻜﻪ ﺳﻪﺭﭖ ﻗﯩﻠﯩﻤﻪﻥ. ﺋﻮﻳﯘﻥ-ﺗﺎﻣﺎﺷﺎ ﯞﺍﻗﺘﯩﺪﯨﻤﯘ ﺋﯩﻨﺘﺎﻳﯩﻦ ﺋﺎﻛﺘﯩﭗ. ﻳﯩﻐﯩﻠﯩﺸﻘﺎ ﺑﺎﺭﺳﺎﻡ، ﺗﺎﻧﺴﺎ-ﺋﯘﺳﺴﯘﻟﻨﻰ ﻫﻪﻣﻤﻪﻳﻠﻪﻧﺪﯨﻦ ﻛﯚﭘﺮﻩﻙ ﺋﻮﻳﻨﺎﻳﻤﻪﻥ. ﺋﯘﻳﻐﯘﺭﭼﻪ ﻧﺎﺧﺸﺎ، ﻣﯘﺯﯨﻜﺎ، ﺳﺎﺯ، VCD ﻻﺭﻏﺎ ﺋﯩﻨﺘﺎﻳﯩﻦ ﺋﺎﻣﺮﺍﻕ. ﺋﯚﻳﯜﻣﺪﻩ ﺩﯗﺗﺘﺎﺭ، ﺗﻪﻣﺒﯘﺭ، ﮔﯩﺘﺘﺎﺭ ﯞﻩ ﭘﯩﻴﺎﻧﻮﻻﺭ ﺑﺎﺭ (ﻛﯚﭘﯩﻨﭽﻪ ﺋﯚﻳﮕﻪ ﻛﻪﻟﮕﻪﻥ ﻣﯧﻬﻤﺎﻧﻼﺭﻏﺎ ﭼﺎﻟﺪﯗﺭﯨﻤﻪﻥ). ﺋﯚﻳﯩﻤﯩﺰﺩﻩ ﭘﺎﺕ-ﭘﺎﺕ "ﺋﺎﺋﯩﻠﻪ ﯞﺍﻗﺘﻰ" ﺋﯚﺗﻜﯜﺯﯨﻤﯩﺰ. ﺋﯘ ﯞﺍﻗﯩﺘﺘﺎ ﺑﯩﺰ ﻳﺎﻛﻰ ﺋﺎﺋﯩﻠﻪ ﺑﻮﻳﯩﭽﻪ ﻛﯩﻨﻮ ﻛﯚﺭﯛﻣﯩﺰ، ﻳﺎﻛﻰ ﺗﯚﺗﯩﻤﯩﺰ ﺑﯩﺮﻟﯩﺸﯩﭗ ﻗﻪﺭﺕ ﺋﻮﻳﻨﺎﻳﻤﯩﺰ. ﺑﯩﺰﻧﯩﯔ ﺋﻪﺗﺮﺍﭘﯩﻤﯩﺰﺩﯨﻜﻰ ﯞﻩﺗﻪﻧﺪﺍﺷﻼﺭ ﺑﯩﻠﻪﻥ ﺑﯩﺮﮔﻪ ﺑﻮﻟﯘﺷﻨﯩﻤﯘ ﻧﺎﻫﺎﻳﯩﺘﻰ ﻳﺎﺧﺸﻰ ﻛﯚﺭﯨﻤﻪﻥ. ﺑﯩﺮﮔﻪ ﭘﺎﺭﺍﯕﻠﯩﺸﯩﺸﺘﯩﻦ ﺋﯩﻨﺘﺎﻳﯩﻦ ﻫﻮﺯﯗﺭﻟﯩﻨﯩﻤﻪﻥ. ﺋﻪﺗﺮﺍﭘﯩﻤﯩﺰﺩﯨﻜﻰ ﯞﻩﺗﻪﻧﺪﺍﺷﻼﺭ ﺑﯩﻠﻪﻥ ﺧﯘﺩﺩﻯ ﺋﯘﺭﯗﻕ-ﺗﯘﻗﻘﺎﻧﺪﻩﻙ ﺑﯧﺮﯨﺶ-ﻛﯧﻠﯩﺶ ﻗﯩﻠﯩﭗ، ﻳﯧﻘﯩﻦ ﺋﯚﺗﯩﻤﯩﺰ. ﻣﺎﻧﺎ ﺑﯘﻻﺭ ﻣﯧﻨﯩﯔ ﺋﻪﯓ ﻳﺎﺧﺸﻰ ﺩﻩﻡ ﺋﯧﻠﯩﺶ ﯞﺍﻗﯩﺘﻠﯩﺮﯨﻤﺪﯗﺭ.

6- ﺳﻮﺋﺎﻝ: ﺑﯩﺮ ﺋﺎﺩﻩﻡ ﺋﯜﭼﯜﻥ ﺋﺎﺋﯩﻠﻪ، ﺗﯘﺭﻣﯘﺵ، ﯞﻩ ﺧﯩﺰﻣﻪﺗﻠﻪﺭﻧﯩﯔ ﻣﯘﻧﺎﺳﯩﯟﯨﺘﯩﻨﻰ ﺗﻮﻏﺮﺍ ﺑﯩﺮ ﺗﻪﺭﻩﭖ ﻗﯩﻠﯩﺸﻤﯘ ﺋﯩﻨﺘﺎﻳﯩﻦ ﻣﯘﻫﯩﻢ. ﺳﯩﺰ ﺋﯚﺯﯨﯖﯩﺰﻧﯩﯔ ﺑﯘ ﺟﻪﻫﻪﺗﺘﯩﻜﻰ ﺗﻪﺟﺮﯨﺒﻪ-ﺳﺎﯞﺍﻕ ﺑﯩﻠﻪﻥ ﺋﻮﻱ-ﭘﯩﻜﯩﺮﻟﯩﺮﯨﯖﯩﺰﻧﻰ ﺳﯚﺯﻟﻪﭖ ﺑﻪﺭﮔﻪﻥ ﺑﻮﻟﺴﯩﯖﯩﺰ؟

ﺟﺎﯞﺍﺏ: ﺋﺎﺋﯩﻠﻪ، ﺗﯘﺭﻣﯘﺵ ﯞﻩ ﺧﯩﺰﻣﻪﺗﻨﯩﯔ ﻣﯘﻧﺎﺳﯩﯟﯨﺘﯩﻨﻰ ﺗﻮﻏﺮﺍ ﺑﯩﺮ ﺗﻪﺭﻩﭖ ﻗﯩﻠﯩﺶ ﻫﻪﻗﯩﻘﻪﺗﻪﻧﻤﯘ ﺋﯩﻨﺘﺎﻳﯩﻦ ﻣﯘﻫﯩﻢ. ﺋﯘ ﺑﯩﺮ ﺋﺎﺋﯩﻠﻪ ﺋﻪﻫﯟﺍﻟﯩﻨﯩﯔ ﻗﺎﻧﺪﺍﻕ ﺑﻮﻟﯘﺷﯩﻨﻰ، ﭘﻪﺭﺯﻩﻧﺘﻠﻪﺭﻧﯩﯔ ﻗﺎﻧﺪﺍﻕ ﻳﯧﺘﯩﻠﯩﭗ ﭼﯩﻘﯩﺸﯩﻨﻰ ﺑﻪﻟﮕﯩﻠﻪﻳﺪﯗ. ﺑﯘ ﻣﻪﺳﯩﻠﯩﻨﻰ ﻣﯘﯞﺍﭘﯩﻖ ﺑﯩﺮ ﺗﻪﺭﻩﭖ ﻗﯩﻠﯩﺸﺘﺎ، ﺑﯩﺰ ﺋﯘﻳﻐﯘﺭﻻﺭﺩﺍ ﺳﺎﻗﻠﯩﻨﯩﯟﺍﺗﻘﺎﻥ ﻣﻪﺳﯩﻠﻪ ﺧﯧﻠﻰ ﻛﯚﭖ.

ﺑﯘﻧﯩﯖﺪﯨﻦ 7-8 ﻳﯩﻞ ﺑﯘﺭﯗﻥ، ﺑﯩﺮ ﺩﺍﯕﻠﯩﻖ ﺋﯘﻳﻐﯘﺭ ﭘﻪﻟﺴﻪﭘﻪ ﻓﺮﺍﻓﻔﺴﺴﻮﺭﻯ ﻣﺎﯕﺎ ﻣﯘﻧﺪﺍﻕ ﺩﯦﮕﻪﻧﯩﺪﻯ: "ﺑﯩﺮ ﺋﻪﺭ ﺋﯜﭼﯜﻥ ﻣﯘﻧﺪﺍﻕ 3 ﻧﻪﺭﺳﻪ ﻫﻪﻣﻤﯩﺪﯨﻦ ﻣﯘﻫﯩﻢ: 1) ﺑﯩﻠﯩﻢ، 2) ﭘﯘﻝ، 3) ﺑﯩﺮ ﻳﺎﺧﺸﻰ ﻫﻮﺗﯘﻥ." ﻣﻪﻥ ﻫﺎﺯﯨﺮﻏﯩﭽﻪ ﺑﯩﺮ ﺋﺎﻳﺎﻝ ﺋﯜﭼﯜﻥ ﻗﺎﻧﺪﺍﻕ ﻧﻪﺭﺳﯩﻠﻪﺭﻧﯩﯔ ﺋﻪﯓ ﻣﯘﻫﯩﻤﻠﯩﻘﯩﻨﻰ ﺑﯩﺮ ﻛﯩﻤﺪﯨﻦ ﺋﺎﯕﻼﭖ ﺑﺎﻗﻤﯩﺪﯨﻢ. ﻳﺎﻛﻰ ﺑﯩﺮﻩﺭ ﻳﻪﺭﺩﻩ ﺋﻮﻗﯘﭖ ﺑﺎﻗﻤﯩﺪﯨﻢ. ﺷﯘﯕﺎ ﺋﯘ ﺟﻪﻫﻪﺗﺘﻪ ﺑﯩﺮ ﻧﻪﺭﺳﻪ ﻳﺎﺯﺍﻟﻤﺎﻳﻤﻪﻥ. ﺋﻮﺧﺸﯩﻤﯩﻐﺎﻥ ﺋﺎﺩﻩﻡ ﺋﺎﺋﯩﻠﻪ ﯞﻩ ﺧﯩﺰﻣﻪﺗﺘﯩﻜﻰ ﻣﯘﻧﺎﺳﯩﯟﻩﺗﻠﻪﺭﻧﯩﯔ ﻣﯘﻫﯩﻤﻠﯩﻖ ﺩﻩﺭﯨﺠﯩﺴﯩﻨﻰ ﺋﻮﺧﺸﯩﻤﯩﻐﺎﻥ ﺗﻪﺭﺗﯩﭙﺘﻪ ﺗﯩﺰﯨﺪﯗ. ﺋﯘﻧﻰ ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﻠﻪﺭﻣﯘ ﺋﻮﺧﺸﯩﻤﯩﻐﺎﻥ ﺗﻪﺭﺗﯩﭙﺘﻪ ﺗﯩﺰﯨﺪﯗ. ﺑﯩﺰ ﺋﯘﻳﻐﯘﺭﻻﺭ ﺋﯜﭼﯜﻥ، ﻫﻪﻣﻤﻪ ﺋﺎﺩﻩﻡ ﻗﻮﺑﯘﻝ ﻗﯩﻼﻻﻳﺪﯨﻐﺎﻥ ﺑﯩﺮ ﺗﻪﺭﺗﯩﭙﻨﻰ ﺗﯜﺯﯛﭖ ﭼﯩﻘﯩﺶ ﺋﺎﻧﭽﻪ ﺋﺎﺳﺎﻥ ﺋﯩﺶ ﺋﻪﻣﻪﺱ. ﻣﻪﻥ ﺑﯘ ﻳﻪﺭﺩﻩ ﭘﻪﻗﻪﺕ ﺋﯚﺯﯛﻡ ﻛﯚﭘﯩﻨﭽﻪ ﯞﺍﻗﯩﺘﻼﺭﺩﺍ ﺋﻪﻣﻪﻝ ﻗﯩﻠﯩﺪﯨﻐﺎﻥ ﺗﻪﺭﺗﯩﭙﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، ﺋﯘﻧﻰ ﻗﯩﺴﻘﯩﭽﻪ ﭼﯜﺷﻪﻧﺪﯛﺭﯛﭖ ﺋﯚﺗﯜﭖ ﻛﯧﺘﻪﻱ:

ﻣﻪﻥ ﺋﺎﺋﯩﻠﻪ، ﺗﯘﺭﻣﯘﺵ ﯞﻩ ﺧﯩﺰﻣﻪﺗﺘﯩﻜﻰ ﻫﻪﺭ ﺧﯩﻞ ﻣﯘﻧﺎﺳﯩﯟﻩﺗﻠﻪﺭﻧﯩﯔ ﻣﯘﻫﯩﻤﻠﯩﻖ ﺗﻪﺭﺗﯩﯟﯨﻨﻰ ﻣﯘﻧﺪﺍﻕ ﺗﯩﺰﯨﻤﻪﻥ:

1) ﺋﻪﺭ ﺋﯜﭼﯜﻥ ﺋﺎﻳﺎﻟﻰ، ﺋﺎﻳﺎﻝ ﺋﯜﭼﯜﻥ ﺋﯧﺮﻯ ﻫﻪﻣﻤﯩﺪﯨﻦ ﻣﯘﻫﯩﻢ.

2)  ﭘﻪﺭﺯﻩﻧﺘﻠﻪﺭ

3)  ﺋﺎﺗﺎ-ﺋﺎﻧﯩﻼﺭ

4)  ﺧﯩﺰﻣﻪﺕ

ﺑﯘﻻﺭﺩﯨﻦ ﻛﯧﻴﯩﻦ، ﻗﯧﺮﯨﻨﺪﺍﺵ، ﺋﯘﺭﯗﻕ-ﺗﯘﻗﻘﺎﻥ، ﯞﻩ ﺩﻭﺳﺖ-ﺑﯘﺭﺍﺩﻩﺭﻟﻪﺭ ﺗﯘﺭﯨﺪﯗ. ﺗﯚﯞﻩﻧﺪﻩ ﺑﯘﻧﯩﯔ ﺳﻪﯞﻩﺑﻰ ﺗﻮﻏﺮﯨﺴﯩﺪﺍ ﻗﯩﺴﻘﯩﭽﻪ ﭼﯜﺷﻪﻧﺪﯛﺭﯛﺵ ﺑﯧﺮﯨﻤﻪﻥ:

1)) ﻣﻪﻳﻠﻰ ﺭﯦﺌﺎﻟﻠﯩﻘﺘﺎ ﺑﻮﻟﺴﯘﻥ، ﻳﺎﻛﻰ ﻛﯩﻨﻮﻻﺭﺩﺍ ﺑﻮﻟﺴﯘﻥ، ﻳﺎﺷﯩﻨﯩﭗ ﻗﺎﻟﻐﺎﻥ ﺑﯩﺮ ﺟﯜﭖ ﺋﻪﺭ-ﺧﻮﺗﯘﻧﻨﯩﯔ ﺑﯩﺮ-ﺑﯩﺮﯨﻨﻰ ﻳﯚﻟﻪﭖ ﻛﯧﺘﯩﯟﺍﺗﻘﺎﻧﻠﯩﻐﯩﻨﻰ ﺑﯩﺰ ﺩﺍﯞﺍﻣﻠﯩﻖ ﺋﯘﭼﺮﯨﺘﯩﭗ ﺗﯘﺭﯨﻤﯩﺰ. ﺋﺎﺷﯘ ﻳﺎﺷﻘﺎ ﺑﺎﺭﻏﺎﻧﺪﺍ، ﺋﯘﻻﺭﻧﯩﯔ ﺋﺎﺗﺎ-ﺋﺎﻧﯩﻠﯩﺮﻯ ﺋﺎﻟﻠﯩﻘﺎﭼﺎﻥ ﺋﺎﻟﻪﻣﺪﯨﻦ ﺋﯚﺗﻜﻪﻥ. ﺑﺎﻟﯩﻠﯩﺮﻯ ﭼﻮﯓ ﺑﻮﻟﯘﭖ، ﻣﯘﺳﺘﻪﻗﯩﻞ ﻫﺎﻳﺎﺗﻨﻰ ﺑﺎﺷﻼﭖ ﻛﻪﺗﻜﻪﻥ ﺑﻮﻟﯩﺪﯗ. ﺋﯘﻻﺭ ﻧﯘﺭﻏﯘﻥ ﻗﯧﺘﯩﻢ ﺧﯩﺰﻣﻪﺕ، ﻧﯘﺭﻏﯘﻥ ﻗﯧﺘﯩﻢ ﺩﻭﺳﺖ-ﺑﯘﺭﻩﺩﻩﺭﻟﻪﺭﻧﻰ ﺋﺎﻟﻤﺎﺷﺘﯘﺭﯗﭖ ﺑﻮﻟﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﻟﯧﻜﯩﻦ، ﺑﯘ ﺋﯩﻜﻜﻪﻳﻠﻪﻥ ﻳﻪﻧﯩﻼ ﺑﯩﺮﮔﻪ. ﺑﯩﺮﺳﻰ ﻛﯧﺴﻪﻝ ﺑﻮﻟﯘﭖ ﻗﺎﻟﺴﺎ، ﻳﺎﻛﻰ ﻳﻪﻧﻪ ﺑﯩﺮﺳﯩﺪﯨﻦ ﺟﯩﻖ ﺋﺎﺟﯩﺰﻻﭖ ﻛﻪﺗﻜﻪﻥ ﺑﻮﻟﺴﺎ، ﻳﻪﻧﻪ ﺑﯩﺮﺳﻰ ﺋﯘﻧﯩﯔ ﺋﯧﻐﯩﺮﯨﻨﻰ ﺋﯜﻥ-ﺗﯩﻨﺴﯩﺰ ﻛﯚﺗﯜﺭﯨﺪﯗ. ﺳﺎﭖ ﺩﯨﻠﻠﯩﻖ، ﻫﻪﻗﯩﻘﯩﻲ ﺳﺎﺩﺍﻗﻪﺗﻠﯩﻚ، ﻫﻪﻗﯩﻘﯩﻲ ﺳﻪﻣﯩﻤﯩﻴﻠﯩﻚ ﯞﻩ ﻫﻪﻗﯩﻘﯩﻲ ﻣﯘﻫﻪﺑﺒﻪﺕ ﺋﺎﺳﺎﺳﯩﺪﺍ ﺗﯘﺭﻣﯘﺵ ﻗﯘﺭﻏﺎﻥ ﺑﯩﺮ ﺟﯜﭖ ﺋﻪﺭ-ﺧﻮﺗﯘﻥ ﺋﯜﭼﯜﻥ، ﺑﯘ ﺩﯗﻧﻴﺎﺩﺍ ﺑﯩﺮ-ﺑﯩﺮﯨﺪﯨﻦ ﺋﯜﺳﺘﯩﻦ ﺗﯘﺭﯨﺪﯨﻐﺎﻥ ﻣﯘﻫﯩﻢ ﺋﺎﺩﻩﻡ ﺑﻮﻟﻤﺎﻳﺪﯗ. ﺋﻪﺭ ﺋﯜﭼﯜﻥ ﺋﯘﻧﯩﯔ ﺧﻮﺗﯘﻧﻰ، ﺋﺎﻳﺎﻝ ﺋﯜﭼﯜﻥ ﺋﯘﻧﯩﯔ ﺋﯧﺮﻯ ﺑﯘ ﺩﯗﻧﻴﺎﺩﯨﻜﻰ ﻫﻪﻣﻤﯩﺪﯨﻦ ﻣﯘﻫﯩﻢ ﻧﻪﺭﺳﯩﺪﯗﺭ. ﺑﯘ ﺋﯩﻜﻜﯩﻴﻠﻪﻥ 20 ﻳﺎﺷﻼﺭﻏﺎ ﻛﯩﺮﮔﻪﻧﺪﯨﻦ ﻛﯧﻴﯩﻨﻜﻰ ﭘﯜﺗﯜﻥ ﺋﯚﻣﺮﯨﻨﻰ ﺑﯩﺮﮔﻪ ﺋﯚﺗﻜﯜﺯﯨﺪﯗ. ﺟﺎﭘﺎﺩﯨﻤﯘ ﯞﻩ ﻫﺎﻻﯞﻩﺗﺘﯩﻤﯘ ﺑﯩﺮﮔﻪ ﺑﻮﻟﯩﺪﯗ. ﺋﯚﺯﯨﻨﯩﯔ ﺑﺎﺭﻟﯩﻘﯩﻨﻰ ﺟﯚﺭﯨﺴﯩﮕﻪ ﺗﻪﻗﺪﯨﻢ ﻗﯩﻠﯩﺪﯗ. ﺷﯘﯕﺎ ﻳﯘﻗﯩﺮﯨﻘﻰ ﺗﯩﺰﯨﻤﺪﺍ ﺋﻪﺭ ﺋﯜﭼﯜﻥ ﺧﻮﺗﯘﻧﻰ، ﺋﺎﻳﺎﻝ ﺋﯜﭼﯜﻥ ﺋﯧﺮﻯ 1-ﺋﻮﺭﯗﻧﺪﺍ ﺗﯘﺭﯗﺷﻰ ﻛﯧﺮﻩﻙ. ﻣﻪﻥ ﺑﯘ ﻳﻪﺭﺩﻩ ﻣﯘﻧﺪﺍﻕ ﺑﯩﺮ ﻗﺎﻧﭽﻪ ﻧﯘﻗﺘﯩﻨﻰ ﺗﯩﻠﻐﺎ ﺋﯧﻠﯩﭗ ﺋﯚﺗﯜﭖ ﻛﯧﺘﯩﺸﻨﻰ ﻻﻳﯩﻖ ﻛﯚﺭﺩﯛﻡ. (1) ﻣﯘﻫﻪﺑﺒﻪﺗﻨﯩﯔ ﺋﯚﺯﯨﻤﯘ ﺑﯩﺮ ﺋﯩﻠﯩﻢ. ﺳﯩﺰ ﻣﯘﻫﻪﺑﺒﻪﺕ ﻳﻮﻟﯩﻐﺎ ﻗﻪﺩﻩﻡ ﺗﺎﺷﻼﺷﺘﯩﻦ ﺑﯘﺭﯗﻥ، ﭼﻮﻗﯘﻡ ﺑﯩﺮ ﺋﺎﺯ ﺋﯩﺰﺩﯨﻨﯩﭗ، ﺋﯘﻧﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ ﭼﯜﺷﯩﻨﯩﯟﯦﻠﯩﯔ.

(2) ﻣﯘﻫﻪﺑﺒﻪﺕ ﻣﻪﺳﯩﻠﯩﺴﯩﺪﻩ ﻳﺎﺷﻼﺭ ﺑﯩﺮ-ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯗ. ﺑﻪﺯﯨﻠﻪﺭ ﺋﯘ ﻳﻮﻟﻐﺎ ﺑﺎﻟﺪﯗﺭﻻ ﻛﯩﺮﯨﭗ، ﻣﯘﻫﻪﺑﺒﻪﺗﺴﯩﺰ ﺑﺎﺷﻘﺎ ﺋﯩﺸﻼﺭﻧﻰ ﻳﺎﺧﺸﻰ ﺋﯧﻠﯩﭗ ﻣﺎﯕﺎﻟﻤﺎﻳﺪﯗ. ﺑﯘ ﺑﯩﺮ ﻧﻮﺭﻣﺎﻝ ﺋﻪﻫﯟﺍﻝ. ﺑﻪﺯﯨﻠﻪﺭ ﻣﯘﻫﻪﺑﺒﻪﺗﻨﻰ ﺧﯧﻠﻰ ﻛﻪﻳﻨﯩﮕﻪ ﻛﯧﭽﯩﻜﺘﯜﺭﯛﭖ، ﺋﯚﺯﯨﻨﯩﯔ ﺋﻮﻗﯘﺷﻰ ﯞﻩ ﺑﺎﺷﻘﺎ ﺋﯩﺸﻠﯩﺮﯨﻨﻰ ﻣﯘﻫﻪﺑﺒﻪﺗﺴﯩﺰﻣﯘ ﻳﺎﺧﺸﻰ ﺋﯧﻠﯩﭗ ﻣﺎﯕﺎﻻﻳﺪﯗ. ﺑﯘﻣﯘ ﺑﯩﺮ ﻧﻮﺭﻣﺎﻝ ﺋﻪﻫﯟﺍﻝ. ﻗﺎﻟﻐﺎﻧﻼﺭ ﻳﯘﻗﯩﺮﯨﻘﻰ 2 ﺗﯜﺭﻟﯜﻙ ﻛﯩﺸﯩﻨﯩﯔ ﺋﺎﺭﯨﻠﯩﻘﯩﺪﺍ ﺑﻮﻟﯩﺪﯗ. ﺳﯩﺰ ﺋﯚﺯﯨﯖﯩﺰﻧﯩﯔ ﻗﺎﻳﺴﻰ ﺧﯩﻠﺪﯨﻜﻰ ﻳﺎﺵ ﺋﯩﻜﻪﻧﻠﯩﮕﯩﯖﯩﺰﻧﻰ ﺩﻩﺳﻠﻪﭘﺘﯩﻼ ﺋﻮﺑﺪﺍﻥ ﭼﯜﺷﯩﻨﯩﭗ ﻳﯧﺘﻪﻟﯩﺴﯩﯖﯩﺰ، ﻛﯧﻴﯩﻨﻜﻰ ﺋﯩﺸﻠﯩﺮﯨﯖﯩﺰﻧﯩﯔ، ﻳﻪﻧﻰ ﺋﻮﻗﯘﺵ ﺑﯩﻠﻪﻥ ﻣﯘﻫﻪﺑﺒﻪﺕ ﺋﯩﺸﻠﯩﺮﯨﯖﯩﺰﻧﯩﯔ، ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯘﺷﯩﻐﺎ ﭘﺎﻳﺪﯨﺴﻰ ﺋﯩﻨﺘﺎﻳﯩﻦ ﻛﯚﭖ ﺑﻮﻟﯩﺪﯗ. (3) ﺋﯚﺯ ﻣﯘﻫﻪﺑﺒﯩﺘﯩﻨﻰ ﺋﯩﺰﺩﻩﺵ، ﻫﻪﺭﮔﯩﺰ ﺑﯩﺮ "ﻳﺎﺧﺸﻰ ﺋﺎﺩﻩﻡ" ﻧﻰ ﺗﯧﭙﯩﺶ ﺋﻪﻣﻪﺱ. ﺋﯘ ﺑﯩﺮ "ﻳﺎﺧﺸﻰ ﻛﯚﺭﮔﻪﻥ ﺋﺎﺩﻩﻡ" ﻧﻰ ﺗﯧﭙﯩﺶ ﺟﻪﺭﻳﺎﻧﻰ. "ﻳﺎﺧﺸﻰ" ﻧﯩﺴﺒﯩﻲ ﺑﻮﻟﯩﺪﯗ، ﻫﻪﻣﺪﻩ ﺋﯘﻧﯩﯔ ﭼﯧﻜﻰ ﺑﻮﻟﻤﺎﻳﺪﯗ. ﺑﯜﮔﯜﻥ "ﺋﻪﯓ ﻳﺎﺧﺸﻰ" ﺩﯨﻦ ﺑﯩﺮﻧﻰ ﺗﺎﭘﺴﯩﯖﯩﺰ، ﺑﯩﺮ ﻣﻪﺯﮔﯩﻠﺪﯨﻦ ﻛﯧﻴﯩﻦ "ﻳﺎﺧﺸﯩﺮﺍﻕ" ﻗﺎ ﻳﻪﻧﻪ ﺋﯘﭼﺮﺍﻳﺴﯩﺰ. ﺋﻪﻣﻤﺎ، ﻧﻮﺭﻣﺎﻝ ﺋﯩﻨﺴﺎﻧﻼﺭ ﺋﯜﭼﯜﻥ، ﻛﯚﭘﯩﻨﭽﻪ ﯞﺍﻗﯩﺘﻼﺭﺩﺍ "ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ" ﯨﺪﯨﻦ ﭘﻪﻗﻪﺕ ﺑﯩﺮﺳﯩﻼ ﺑﻮﻟﯩﺪﯗ. ﺷﯘﯕﺎ ﺳﯩﺰ ﻣﯘﻫﻪﺑﺒﻪﺗﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ، ﺋﯚﺯﯨﯖﯩﺰﻧﯩﯔ ﻗﺎﻳﺴﻰ ﺧﯩﻠﺪﯨﻜﻰ ﻳﺎﺵ ﺋﯩﻜﻪﻧﻠﯩﮕﯩﯖﯩﺰﻧﻰ ﻫﻪﻗﯩﻘﯩﻲ ﭼﯜﺷﯩﻨﯩﭗ ﻳﻪﺗﻜﻪﻧﺪﯨﻦ ﻛﯧﻴﯩﻦ، ﺋﯚﺯﯨﯖﯩﺰﮔﻪ ﻗﺎﻧﺪﺍﻕ ﺑﯩﺮ ﺟﯚﺭﯨﻨﯩﯔ ﻛﯧﺮﻩﻛﻠﯩﻜﯩﻨﻰ ﻛﯚﯕﻠﯩﯖﯩﺰﺩﻩ ﺗﻮﻟﯘﻕ ﺋﯧﻨﯩﻘﻠﯩﯟﯦﻠﯩﯔ. ﺋﺎﻧﺪﯨﻦ ﺳﯩﺰ "ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ" ﻧﻰ ﺋﯩﺰﺩﻩﺷﻜﻪ ﺑﺎﺷﻼﯓ. ﺑﯩﺮﻧﻰ ﺋﯘﭼﺮﺍﺗﻘﺎﻧﺪﺍ، ﺑﺎﺭﻟﯩﻖ ﺋﯩﻘﺘﯩﺪﺍﺭﯨﯖﯩﺰﻧﻰ ﺋﯩﺸﻘﺎ ﺳﯧﻠﯩﭗ، ﺋﯘﻧﯩﯔ ﺋﺎﺭﻗﯩﺴﯩﺪﯨﻦ ﻗﻮﻏﻠﯩﺸﯩﯔ. ﺑﻪﺯﯨﺪﻩ ﻗﺎﺭﺷﯩﻠﯩﻖ ﯞﻩ ﺗﻮﺳﺎﻟﻐﯘﻏﺎ ﺋﯘﭼﺮﺍﭖ ﻗﺎﻟﺴﯩﯖﯩﺰ، ﺋﻪﮔﻪﺭ ﺋﯚﺯﯨﻨﯩﯖﯩﺰﻧﯩﯔ ﻧﯧﻤﻪ ﺋﯩﺶ ﻗﯩﻠﯩﯟﺍﺗﻘﯩﻨﯩﯖﯩﺰﻧﻰ ﻫﻪﻗﯩﻘﯩﻲ ﺗﯜﺭﺩﻩ ﺑﯩﻠﺴﯩﯖﯩﺰ، ﺋﯚﺯﯨﯖﯩﺰﮔﻪ ﺗﻮﻟﯘﻕ ﺋﯩﺸﻪﻧﭽﯩﯖﯩﺰ ﺑﻮﻟﺴﺎ، ﺋﯘﻧﺪﺍﻕ ﻗﺎﺭﺷﯩﻠﯩﻖ ﯞﻩ ﺗﻮﺳﺎﻟﻐﯘﻻﺭﻏﺎ ﭘﻪﺭﯞﺍ ﻗﯩﻠﻤﺎﯓ . ﻳﺎﺧﺸﻰ ﻛﯚﺭﮔﻪﻥ ﻛﯩﺸﯩﯖﯩﺰ ﺑﯩﻠﻪﻥ ﺗﻮﻱ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺋﺎﺩﻩﻡ ﺩﻩﻝ ﺋﯜﺯﯨﯖﯩﺰ. ﺋﺎﺗﺎ-ﺋﺎﻧﯩﯖﯩﺰ، ﻗﯧﺮﯨﻨﺪﺍﺵ-ﺗﯘﻗﻘﺎﻧﻠﯩﺮﯨﯖﯩﺰ، ﯞﻩ ﻳﺎﻛﻰ ﺩﻭﺳﺖ-ﺋﺎﻏﯩﻨﯩﻠﯩﺮﯨﯖﯩﺰ ﺋﻪﻣﻪﺱ. ﺋﻪﮔﻪﺭ ﺳﯩﺰ ﺑﯩﺮﻯ ﺑﯩﻠﻪﻥ ﺋﯘﻧﻰ ﺋﻪﺧﻤﻪﻕ ﻗﯩﻠﯩﭗ، ﻛﯚﯕﯜﻝ ﺋﯧﭽﯩﯟﯦﻠﯩﺶ ﻣﻪﻗﺴﯩﺘﯩﺪﻩ ﻳﯜﺭﺳﯩﯖﯩﺰ، ﺋﯘ ﻛﯚﭘﯩﻨﭽﻪ ﻛﯧﻴﯩﻦ ﺋﯚﺯﯨﯖﯩﺰﮔﻪ ﻳﺎﻧﯩﺪﯗ: ﺋﯚﻣﺮﯨﯖﯩﺰﻧﯩﯔ ﻣﻪﻟﯘﻡ ﺑﯩﺮ ﻣﻪﺯﮔﯩﻠﯩﺪﻩ ﺳﯩﺰ ﺑﺎﺷﻘﯩﻼﺭﻧﯩﯔ ﺋﯚﺯﯨﯖﯩﺰﻧﻰ ﺑﻮﺯﻩﻙ ﻗﯩﻠﯩﺸﯩﻐﺎ ﺋﯘﭼﺮﺍﻳﺴﯩﺰ.

ﺑﻪﺯﯨﺪﻩ "ﻳﺎﺧﺸﻰ ﻛﯚﺭﯛﺵ" ﻧﯩﯔ ﺳﻪﯞﻩﺑﻰ ﺑﻮﻟﻤﺎﻳﺪﯗ. ﺑﯩﺮﺍﻕ، ﺋﻪﮔﻪﺭ ﻳﯘﻗﯩﺮﯨﻘﻰ ﺗﻪﻳﻴﺎﺭﻟﯩﻘﻼﺭﻧﻰ ﭘﯘﺧﺘﺎ ﻗﯩﻠﺴﯩﯖﯩﺰ، ﭼﻮﯓ ﺋﻮﯕﯘﺷﺴﯩﺰﻟﯩﻘﻨﯩﯔ ﺋﺎﻟﺪﯨﻨﻰ ﺋﺎﻻﻻﻳﺴﯩﺰ. ﻣﯘﻫﻪﺑﺒﻪﺗﻨﻰ ﺋﯩﻠﻤﯩﻲ ﻳﻮﺳﯘﻧﺪﺍ ﺗﻮﻏﺮﺍ ﭼﯜﺷﯩﻨﯩﭗ، ﺋﯘﻧﯩﯖﻐﺎ ﻣﯘﯞﺍﭘﯩﻖ ﻣﯘﺋﺎﻣﯩﻠﻪ ﻗﯩﻠﺴﯩﯖﯩﺰ، ﺋﯘ ﺳﯩﺰﻧﯩﯔ ﺋﻮﻗﯘﺵ ﯞﻩ ﺑﺎﺷﻘﺎ ﺋﯩﺸﻠﯩﺮﯨﯖﯩﺰﻧﻰ ﺗﯧﺨﯩﻤﯘ ﺋﯩﻠﮕﯩﺮﻯ ﺳﯜﺭﯨﺪﯗ. ﺋﯘﻧﺪﺍﻕ ﻗﯩﻠﻤﯩﺴﯩﯖﯩﺰ، ﺋﯘ ﺳﯩﺰﮔﻪ ﺯﻭﺭ ﺯﯨﻴﺎﻧﻼﺭﻧﻰ ﺋﯧﻠﯩﭗ ﻛﯧﻠﯩﺸﻰ ﻣﯘﻣﻜﯩﻦ. (4) ﺋﻪﺭ-ﺋﺎﻳﺎﻟﻼﺭ ﻫﻪﻣﻤﻪ ﺋﯩﺸﻨﯩﯔ ﺋﺎﻟﺪﯨﺪﺍ ﺑﺎﺭﺍﯞﻩﺭ ﻳﺎﺭﯨﺘﯩﻠﻤﯩﻐﺎﻥ. ﮔﻪﺭﭼﻪ ﻗﯩﻼﻻﻳﺪﯨﻐﺎﻥ ﺋﯩﺸﻠﯩﺮﯨﻨﯩﯔ ﺋﯚﺯ ﺋﺎﻟﺪﯨﻐﺎ ﺋﯩﺶ ﺗﻪﻗﺴﯩﻤﺎﺗﻰ ﺑﻮﻟﻤﯩﺴﯩﻤﯘ، ﺋﻮﻣﯘﻣﻼﺷﺘﯘﺭﯗﭖ ﺋﯧﻴﺘﻘﺎﻧﺪﺍ، ﺋﺎﻳﺎﻟﻼﺭ ﺋﻪﺭﻟﻪﺭﺩﯨﻦ ﺑﻪﻛﺮﻩﻙ ﺟﺎﭘﺎﻛﻪﺵ ﺑﻮﻟﯩﺪﯗ. ﺋﯘﻳﻐﯘﺭ ﺋﺎﻳﺎﻟﻠﯩﺮﻯ ﺋﯜﭼﯜﻥ ﺑﯘ ﺗﯧﺨﯩﻤﯘ ﺷﯘﻧﺪﺍﻕ. ﻣﻪﻥ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﯞﺍﻗﺘﯩﻤﺪﺍ، "ﺋﺎﻫ ﯞﻩﺗﻪﻥ، ﺋﯘﻟﯘﻕ ﺋﺎﻧﺎﻡ!" ﺩﯦﮕﻪﻥ ﺷﯧﺌﯩﺮﻻﺭﻧﻰ ﻛﯚﭖ ﺋﺎﯕﻼﻳﺘﺘﯩﻢ. ﺷﯘ ﭼﺎﻏﺪﺍ، "ﻧﯧﻤﻪ ﺋﯜﭼﯜﻥ ﺋﺎﻫ ﯞﻩﺗﻪﻥ، ﺋﯘﻟﯘﻍ ﺋﺎﺗﺎﻡ! ﺩﯦﻤﻪﻳﺪﯨﻐﺎﻧﺪﯗ؟" ﺩﻩﭖ ﺋﻮﻳﻼﻳﺘﺘﯩﻢ. ﺑﯘﻧﯩﯔ ﺳﻪﯞﻩﺑﯩﻨﻰ ﻗﯩﺰﯨﻢ ﺗﯘﻏﯘﻟﻐﺎﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﭼﯜﺷﻪﻧﺪﯨﻢ. ﻣﻪﻥ ﻳﺎﭘﻮﻧﯩﻴﻪﮔﻪ ﻣﯧﯖﯩﺸﺘﯩﻦ ﺑﯘﺭﯗﻥ، ﻗﯩﺰﯨﻢ ﺑﯩﻠﻪﻥ ﭘﻪﻗﻪﺕ 3 ﺋﺎﻳﻼ ﺑﯩﺮﮔﻪ ﺗﯘﺭﺍﻟﯩﻐﺎﻥ ﺑﻮﻟﺴﺎﻣﻤﯘ، ﺷﯘ ﻗﯩﺴﻘﯩﻐﯩﻨﺎ 3 ﺋﺎﻱ ﺋﯩﭽﯩﺪﻩ، ﺋﺎﻧﯩﻨﯩﯔ ﻧﻪﻗﻪﺩﻩﺭ ﺋﯘﻟﯘﻏﻠﯘﻗﯩﻨﻰ ﺗﻮﻟﯘﻕ ﺗﻮﻧﯘﭖ ﻳﻪﺗﺘﯩﻢ. ﻣﻪﻥ 1985-ﻳﯩﻠﻰ ﻳﺎﭘﻮﻧﯩﻴﻪﮔﻪ ﺑﺎﺭﻏﺎﻧﺪﺍ، ﺗﯧﻠﯧﻔﻮﻥ ﺗﯧﺨﻰ ﺋﺎﻧﭽﻪ ﺗﻪﺭﻩﻗﯩﻲ ﻗﯩﻠﻤﯩﻐﺎﻥ ﺑﻮﻟﯘﭖ، ﺋﯜﺭﯛﻣﭽﯩﺪﻩ ﺋﯘﺯﯗﻥ ﻳﻮﻟﻠﯘﻕ ﺗﯧﻠﯧﻔﻮﻥ ﻗﯩﻠﯩﺶ ﻳﺎﻛﻰ ﺗﯧﻠﯩﻔﻮﻥ ﺋﯧﻠﯩﺶ ﺋﯜﭼﯜﻥ ﭘﻮﭼﺘﯩﺨﺎﻧﯩﻐﺎ ﺑﺎﺭﻣﯩﺴﺎ ﺑﻮﻟﻤﺎﻳﺘﺘﻰ. ﻳﺎﭘﻮﻧﯩﻴﻪﮔﻪ ﻳﺎﻛﻰ ﻳﺎﭘﻮﻧﯩﻴﻪﺩﯨﻦ ﺧﻪﺕ ﻳﺎﺯﺳﯩﻤﯘ، 15 ﻛﯜﻥ ﺋﻪﺗﺮﺍﭘﯩﺪﺍ ﺋﺎﺭﺍﻥ ﺗﯧﮕﻪﺗﺘﻰ. ﻣﻪﻥ ﻳﺎﭘﻮﻧﯩﻴﻪﺩﻩ ﺗﯘﺭﻏﺎﻥ ﺋﯩﻜﻜﻰ ﻳﯧﺮﯨﻢ ﻳﯩﻠﻨﯩﯔ ﻫﻪﻣﻤﯩﺴﯩﺪﻩ، ﺋﺎﻣﺎﻧﮕﯜﻟﮕﻪ ﻫﻪﺭ ﻫﻪﭘﺘﯩﺪﻩ ﺑﯩﺮ ﭘﺎﺭﭼﻪ ﺧﻪﺕ ﻳﺎﺯﺩﯨﻢ. ﺑﯩﺮ ﺋﻪﺭ ﺋﯜﭼﯜﻥ، ﺋﯚﺯ ﺧﻮﺗﯘﻧﯩﻨﻰ ﺋﯚﺯﯨﺪﯨﻦ ﺑﯩﺮ ﺩﻩﺭﯨﺠﻪ ﺗﯚﯞﻩﻥ ﻛﯚﺭﯛﺵ، ﻫﻪﺗﺘﺎ ﺑﻪﺯﯨﺪﻩ ﺋﯘﺭﯗﺵ، ﺋﯚﺯﯨﻨﯩﯔ ﺩﯗﻧﻴﺎﺩﯨﻜﻰ ﺋﻪﯓ ﻗﻪﺩﯨﺮﻟﯩﻚ ﻧﻪﺭﺳﯩﺴﯩﻨﻰ ﺩﻩﭘﺴﻪﻧﺪﻩ ﻗﯩﻠﻐﯩﻨﻰ ﺑﯩﻠﻪﻥ ﺑﺎﺭﺍﯞﻩﺭ. ﺑﻮﻟﯘﭘﻤﯘ، ﺧﻮﺗﯘﻧﯩﻨﻰ ﺋﯘﺭﯗﺵ، ﺩﯗﻧﻴﺎﺩﯨﻜﻰ ﻫﻪﺭ ﻗﺎﻧﺪﺍﻕ ﺋﻪﺧﻼﻗﯩﻲ ﺋﯚﻟﭽﻪﻡ ﺑﯩﻠﻪﻥ ﻗﺎﺭﯨﻐﺎﻧﺪﯨﻤﯘ ﻫﻪﺭﮔﯩﺰ ﻗﻮﺑﯘﻝ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯩﺮ ﻧﺎﭼﺎﺭ ﻗﯩﻠﯩﻖ. ﺋﻪﮔﻪﺭ ﺳﯩﺰ ﺋﯚﺯﯨﯖﯩﺰﻧﯩﯔ ﺑﯘ ﺩﯗﻧﻴﺎﺩﯨﻜﻰ ﺋﻪﯓ ﻗﻪﺩﯨﺮﻟﯩﻚ ﻧﻪﺭﺳﯩﯖﯩﺰﻧﻰ ﺋﺎﺷﯘﻧﺪﺍﻕ ﺩﻩﭘﺴﻪﻧﺪﻩ ﻗﯩﻠﺴﯩﯖﯩﺰ، ﺳﯩﺰﻧﯩﯔ ﺋﺎﺗﺎ-ﺋﺎﻧﯩﯖﯩﺰ ﺳﯩﺰﺩﯨﻦ ﻧﯧﻤﯩﻨﻰ ﻛﯜﺗﻪﻟﻪﻳﺪﯗ؟ ﺳﯩﺰﻧﯩﯔ ﭘﻪﺭﺯﻩﻧﺘﻠﯩﺮﯨﯖﯩﺰ، ﻗﯧﺮﯨﻨﺪﺍﺷﻠﯩﺮﯨﯖﯩﺰ، ﺗﯘﻗﻘﺎﻧﻠﯩﺮﯨﯖﯩﺰ ﯞﻩ ﺩﻭﺳﺖ-ﺋﺎﻏﯩﻴﻨﯩﻠﯩﺮﯨﯖﯩﺰ ﺳﯩﺰﺩﯨﻦ ﻧﯧﻤﯩﻨﻰ ﺋﯜﻣﯩﺪ ﻗﯩﻼﻻﻳﺪﯗ؟ (5) ﻣﯘﻫﻪﺑﺒﻪﺕ- ﺗﻮﻱ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺋﯚﺯﻟﯜﻛﯩﺪﯨﻦ ﻣﻪﯕﮕﯜ ﺳﺎﻗﻠﯩﻨﯩﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ. ﺋﯘﻧﻰ ﺩﺍﺋﯩﻢ، ﺋﺎﯕﻠﯩﻖ ﻫﺎﻟﺪﺍ ﭘﻪﺭﯞﯨﺶ ﻗﯩﻠﯩﭗ ﺗﯘﺭﯗﺷﯩﯖﯩﺰ ﻛﯧﺮﻩﻙ. ﺷﯘﻧﺪﺍﻕ ﻗﯩﻠﺴﯩﯖﯩﺰ، ﺳﯩﺰﻟﻪﺭﻧﯩﯔ ﻳﯜﺭﮔﻪﻥ ﯞﻩ ﻳﯧﯖﻰ ﺗﻮﻱ ﻗﯩﻠﻐﺎﻥ ﯞﺍﻗﺘﯩﯖﻼﺭﺩﯨﻜﻰ ﺑﻪﺧﯩﺘﻠﯩﻚ ﺳﯩﺰﻟﻪﺭﮔﻪ ﻣﻪﯕﮕﯜ ﺋﻪﺳﺮﺍ ﺑﻮﻟﯩﺪﯗ. ﻫﻪﺗﺘﺎ ﺋﯘ ﻣﯘﻫﻪﺑﺒﻪﺕ ﺗﻪﺭﻩﻗﻘﯩﻲ ﻗﯩﻠﯩﭗ، ﻛﯜﭼﯩﻴﯩﭗ ﻣﺎﯕﯩﺪﯗ. ﭘﻪﺭﯞﯨﺶ ﻗﯩﻠﻤﯩﻐﺎﻥ ﻣﯘﻫﻪﺑﺒﻪﺗﻨﯩﯔ ﺋﯚﻣﺮﻯ ﭼﻪﻛﻠﯩﻚ ﺑﻮﻟﯩﺪﯗ.

2) ) ﭘﻪﺭﺯﻩﻧﺘﻠﻪﺭ. "ﻣﻪﻥ ﺑﺎﻻﻣﻨﻰ ﺑﺎﻗﯩﻤﻪﻥ. ﺑﺎﻻﻡ ﺑﺎﻟﯩﺴﯩﻨﻰ ﺑﺎﻗﯩﺪﯗ." ﺑﯘ ﺩﯗﻧﻴﺎﺩﯨﻜﻰ ﻫﻪﻣﻤﻪ ﻣﯩﻠﻠﻪﺗﻠﻪﺭ ﺋﻪﻣﻪﻝ ﻗﯩﻠﯩﺪﯨﻐﺎﻥ ﺑﯩﺮ ﺋﯩﻨﺴﺎﻧﯩﻲ ﻗﺎﺋﯩﺪﯨﺪﯨﻦ ﺋﯩﺒﺎﺭﻩﺕ. ﺋﺎﺗﺎ-ﺋﺎﻧﯩﻼﺭ ﭘﻪﺭﺯﻩﻧﺖ ﻛﯚﺭﯛﺷﻨﻰ ﻗﺎﺭﺍﺭ ﻗﯩﻠﻐﺎﻥ ﯞﺍﻗﯩﺘﻨﯩﯔ ﺋﯚﺯﯨﺪﯨﻼ ﺋﯚﺯ ﭘﻪﺭﺯﻩﻧﺘﻠﯩﺮﯨﻨﻰ ﻳﺎﺧﺸﻰ ﺗﻪﺭﺑﯩﻴﯩﻠﻪﺵ ﻣﻪﺳﺌﯘﻟﻴﯩﺘﯩﻨﯩﻤﯘ ﺋﯧﺘﯩﺮﺍﭖ ﻗﯩﻠﻐﺎﻥ ﯞﻩ ﺋﯘﻧﻰ ﺋﯚﺯ ﺋﯜﺳﺘﯩﮕﻪ ﺋﺎﻟﻐﺎﻥ ﺑﻮﻟﯩﺪﯗ. ﺑﯩﺰ ﺋﯘﻳﻐﯘﺭﻻﺭ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺷﻪﺭﺕ-ﺷﺎﺭﺍﺋﯩﺖ ﻳﻮﻝ ﻗﻮﻳﻐﺎﻥ ﺩﺍﺋﯩﺮﯨﻨﯩﯔ ﺋﯩﭽﯩﺪﻩ ﺋﯩﻤﻜﺎﻥ ﻗﻪﺩﻩﺭ ﻛﯚﭖ ﺑﺎﻟﯩﻠﯩﻖ ﺑﻮﻟﯘﺵ، ﺋﯘ ﻣﯩﻠﻠﻪﺕ ﺋﯜﭼﯜﻥ ﻗﻮﺷﻘﺎﻥ ﺑﯩﺮ ﺗﯚﻫﭙﻪ ﻫﯧﺴﺎﺑﻠﯩﻨﯩﺪﯗ. ﻟﯧﻜﯩﻦ، ﺑﺎﻟﯩﻨﻰ ﺗﯧﭙﯩﭗ ﻗﻮﻳﯘﭖ، ﺋﯘﻧﻰ ﻳﻮﻟﯩﺪﺍ ﺗﻪﺭﺑﯩﻴﯩﻠﻪﺵ ﻣﻪﺳﺌﯘﻟﻴﯩﺘﯩﺪﯨﻦ ﯞﺍﺯ ﻛﯧﭽﯩﺶ ﺟﻪﻣﺌﯩﻴﻪﺗﻜﻪ ﯞﻩ ﻣﯩﻠﻠﻪﺗﻜﻪ ﻗﯩﻠﯩﻨﻐﺎﻥ ﺟﯩﻨﺎﻳﻪﺗﺘﯩﻦ ﺋﯩﺒﺎﺭﻩﺕ. ﻣﻪﻥ ﭘﻪﺭﺯﻩﻧﺖ ﻣﻪﺳﯩﻠﯩﺴﯩﺪﻩ، ﺗﯚﯞﻩﻧﺪﯨﻜﻰ ﺑﯩﺮ ﻗﺎﻧﭽﻪ ﻧﯘﻗﺘﯩﻨﻰ ﺗﯩﻠﻐﺎ ﺋﯧﻠﯩﭗ ﺋﯚﺗﯜﭖ ﻛﯧﺘﯩﺸﻨﻰ ﻻﻳﯩﻖ ﻛﯚﺭﺩﯛﻡ. (1) "ﺑﺎﻻ" ﺩﯦﮕﻪﻧﻨﯩﯔ ﻣﻪﻧﯩﺴﻰ، "ﻛﯩﭽﯩﻚ، ﮔﯚﺩﻩﻙ، ﺳﺎﺩﺩﺍ، ﺋﯩﺶ ﺑﯩﻠﻤﻪﻳﺪﯗ" ﺩﯦﮕﻪﻧﻠﻪﺭﺩﯨﻦ ﺋﯩﺒﺎﺭﻩﺕ. ﺑﺎﻟﯩﻐﺎ ﺋﯩﺶ ﺋﯚﮔﯩﺘﯩﺶ، ﺋﯩﺶ ﻗﯩﻠﯩﺸﻨﯩﯔ ﺗﻮﻏﺮﺍ ﻳﻮﻟﯩﻨﻰ ﺋﯚﮔﯩﺘﯩﺶ، ﺑﯘ ﺋﺎﺗﺎ-ﺋﺎﻧﯩﻨﯩﯔ ﻣﯘﻗﻪﺩﺩﻩﺱ ﺑﯘﺭﭼﻰ. ﺳﯩﺰ ﺑﺎﻟﯩﯖﯩﺰﻧﯩﯔ ﻳﯧﺸﯩﻐﺎ ﻗﺎﺭﺍﭖ، ﻫﻪﺭ ﺑﯩﺮ ﺑﺎﺳﻘﯘﭼﺘﺎ ﺑﺎﻟﯩﯖﯩﺰﻏﺎ ﺋﯩﺸﻨﯩﯔ ﺗﻮﻏﺮﯨﺴﯩﻨﻰ ﺋﯚﮔﯩﺘﯩﯔ؛ ﻫﻪﺭﯨﻜﻪﺕ ﺩﺍﺋﯩﺮﯨﺴﯩﻨﯩﯔ ﭼﯧﮕﺮﯨﺴﯩﻨﻰ ﺳﯩﺰﯨﭗ ﺑﯧﺮﯨﯔ. ﺑﺎﻟﯩﯖﯩﺰ ﺳﯩﺰ ﺋﯚﮔﻪﺗﻜﻪﻥ ﺑﻮﻳﯩﭽﻪ ﺋﯩﺸﻨﻰ ﻳﺎﺧﺸﻰ ﻗﯩﻠﺴﺎ، ﺋﯘﻧﻰ ﻣﯘﻛﺎﭘﺎﺗﻼﯓ. ﺳﯩﺰﻧﯩﯔ ﺩﯦﮕﯩﻨﯩﯖﯩﺰﮔﻪ ﺧﯩﻼﭘﻠﯩﻖ ﻗﯩﻠﯩﭗ، ﺧﺎﺗﺎﻻﺷﺴﺎ، ﺋﯩﻠﻤﯩﻲ ﺋﯘﺳﯘﻟﺪﺍ ﺟﺎﺯﺍﻻﯓ. ﺋﻪﻣﻤﺎ، ﻫﻪﺭﮔﯩﺰ ﺋﯘﺭﻣﺎﯓ. ﺑﺎﻟﯩﻨﻰ ﺋﯘﺭﯗﺵ ﺋﯘﻧﻰ ﺟﺎﺯﺍﻻﺵ ﺋﯜﭼﯜﻧﺪﯗﺭ. ﺋﻪﻣﻤﺎ، ﺑﺎﻟﯩﻨﻰ ﺟﺎﺯﺍﻻﺷﻨﯩﯔ ﻧﯘﺭﻏﯘﻥ ﺋﯩﻠﻤﯩﻲ ﺋﯘﺳﯘﻟﻰ ﺑﺎﺭ. ﻣﻪﺳﯩﻠﻪﻥ، ﺑﯩﺮ ﺋﻮﺭﯗﻧﺪﺍﻗﻘﺎ ﭼﯩﻘﯩﺮﯨﭗ، 5-10 ﻣﯩﻨﯘﺕ ﺗﻮﺧﺘﯩﺘﯩﭗ ﻗﻮﻳﯘﺵ؛ ﺋﻪﯓ ﻳﺎﺧﺸﻰ ﻛﻮﺭﯨﺪﯨﻐﺎﻥ ﺋﻮﻳﯘﻧﭽﯘﻗﯩﻨﻰ ﺋﻮﻳﻨﺎﺵ ﻫﻮﻗﯘﻗﯩﺪﯨﻦ ﺑﯩﺮ ﻛﯜﻥ ﻳﺎﻛﻰ ﺑﯩﺮ ﻫﻪﭘﺘﻪ ﻣﻪﻫﺮﯗﻡ ﻗﺎﻟﺪﯗﺭﯗﺵ. ﺑﺎﻟﯩﯖﯩﺰﻧﻰ ﺋﯘﺭﺳﯩﯖﯩﺰ، ﺳﯩﺰ ﻳﺎﻟﻐﯘﺯ ﺋﯘﻧﻰ ﺟﺎﺯﺍﻻﭘﻼ ﻗﺎﻟﻤﺎﺳﺘﯩﻦ، ﺳﯩﺰ ﺋﯘﻧﯩﯔ ﺋﯚﺯ-ﺋﯚﺯﯨﮕﻪ ﺑﻮﻟﻐﺎﻥ ﻫﯚﺭﻣﯩﺘﻰ (ﺋﯩﻨﮕﻠﯩﺰﭼﻪ "self-esteem" ﺩﻩﻳﺪﯗ) ﯞﻩﻳﺮﺍﻥ ﻗﯩﻠﯩﺴﯩﺰ. ﺑﺎﻟﯩﯖﯩﺰ ﺟﻪﻣﺌﯩﻴﻪﺗﺘﻪ ﺋﯚﺯﯨﻨﻰ ﺗﯚﯞﻩﻥ ﺩﻩﺭﯨﺠﯩﻠﯩﻚ ﺋﺎﺩﻩﻡ ﻫﯩﺴﺎﭘﻼﻳﺪﯨﻐﺎﻥ ﺑﻮﻟﯘﭖ ﭼﻮﯓ ﺑﻮﻟﯩﺪﯗ. (2) ﺋﻪﮔﻪﺭ ﺑﺎﻟﯩﯖﯩﺰ ﺳﯩﺰ ﺗﯧﺨﻰ ﺋﯚﮔﻪﺗﻤﯩﮕﻪﻥ ﺑﯩﺮ ﺋﯩﺸﻨﻰ ﻗﯩﻠﯩﭗ، ﺋﯘﻧﻰ ﺧﺎﺗﺎ ﻗﯩﻠﯩﭗ ﻗﻮﻳﺴﺎ، ﺋﯘ ﺑﺎﻟﯩﯖﯩﺰﻧﯩﯔ ﺋﻪﻣﻪﺱ، ﺳﯩﺰﻧﯩﯔ ﻣﻪﺳﺌﯘﻟﻴﯩﺘﯩﯖﯩﺰ ﺑﻮﻟﯘﭖ، ﺑﯘﻧﺪﺍﻕ ﺋﻪﻫﯟﺍﻟﺪﺍ، ﺳﯩﺰﻧﯩﯔ ﺑﺎﻟﯩﯖﯩﺰﻧﻰ ﺟﺎﺯﺍﻻﺵ ﻫﻮﻗﯘﻗﯩﯖﯩﺰ ﻳﻮﻕ. (3) ﺩﺍﺩﯨﺴﯩﻨﯩﯔ ﻳﺎﻛﻰ ﺋﺎﭘﯩﺴﯩﻨﯩﯔ ﺧﺎﺗﺎﻟﯩﻐﻰ ﺋﯜﭼﯜﻥ ﺑﺎﻟﯩﺴﯩﻨﻰ ﺟﺎﺯﺍﻻﺵ، ﺑﯘ ﺩﯗﻧﻴﺎﺩﯨﻜﻰ ﺋﻪﯓ ﻗﺎﻻﻕ ﺋﺎﺩﻩﺗﻠﻪﺭﻧﯩﯔ ﺑﯩﺮﻯ؛ ﺳﯩﺰ ﺋﯘﻧﯩﯖﺪﯨﻦ ﻣﯘﺗﻠﻪﻕ ﺳﺎﻗﻠﯩﻨﯩﯔ. (4) ﺋﯧﺮﯨﯖﯩﺰ ﻳﺎﻛﻰ ﺧﻮﺗﯘﻧﯩﯖﯩﺰ ﺑﺎﻟﯩﻐﺎ ﺗﻪﺭﺑﯩﻴﻪ ﺑﯧﺮﯨﯟﺍﺗﻘﺎﻧﺪﺍ، ﻳﺎﻛﻰ ﺑﺎﻟﯩﻨﻰ ﺋﻪﺩﻩﭘﻠﻪﯞﺍﺗﻘﺎﻧﺪﺍ، ﺋﻪﮔﻪﺭ ﺳﯩﺰ ﺑﯘ ﺋﻪﺩﻩﭘﻠﻪﺷﻜﻪ ﻗﻮﺷﯘﻟﻤﯩﺴﯩﯖﯩﺰ، ﻫﻪﺭﮔﯩﺰ ﺑﺎﻟﯩﯖﯩﺰﻧﯩﯔ ﺋﺎﻟﺪﯨﺪﺍ ﺧﻮﺗﯘﻧﯩﯖﯩﺰﻧﻰ ﻳﺎﻛﻰ ﺋﯧﺮﯨﯖﯩﺰﻧﻰ ﺋﻪﻳﯩﺒﻠﯩﻤﻪﯓ--ﻣﻪﻥ ﻳﯘﻗﯘﺭﯨﺪﺍ ﺗﯩﺰﻏﺎﻧﺪﻩﻙ، ﺋﯧﺮﯨﯖﯩﺰ ﻳﺎﻛﻰ ﺧﻮﺗﯘﻧﯩﯖﯩﺰ ﺑﺎﻟﯩﯖﯩﺰﺩﯨﻦ ﺋﯜﺳﺘﯜﻥ ﺗﯘﺭﯨﺪﯗ. ﺑﯘ ﺋﯩﺶ ﺗﯜﮔﯩﮕﯩﭽﻪ ﺳﺎﻗﻼﭖ (ﺑﯘ ﺟﻪﺭﻳﺎﻧﺪﺍ ﺋﺎﺳﻤﺎﻥ ﺋﯚﺭﯛﻟﯜﭖ ﭼﯜﺷﻤﻪﻳﺪﯗ)، ﺋﺎﻧﺪﯨﻦ ﺟﯚﺭﯨﯖﯩﺰﻧﻰ ﺑﺎﻟﯩﯖﯩﺰ ﻳﻮﻕ ﺑﯩﺮ ﻳﻪﺭﮔﻪ ﭼﺎﻗﯩﺮﯨﭗ، ﺋﯚﺯ-ﺋﺎﺭﺍ ﭼﯜﺷﻪﻧﭽﻪ ﻫﺎﺳﯩﻞ ﻗﯩﻠﯩﯔ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ، ﺋﻪﮔﻪﺭ ﺑﺎﻟﯩﻨﻰ ﺋﻪﺩﻩﺑﻠﯩﮕﯩﻨﯩﯖﯩﺰ ﺧﺎﺗﺎ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﺎ، ﻗﯩﻠﭽﻪ ﺋﯩﻜﻜﯩﻠﻪﻧﻤﻪﻱ، ﺑﺎﻟﯩﯖﯩﺰﻧﯩﯔ ﺋﺎﻟﺪﯨﺪﺍ ﺋﯚﺯ ﺧﺎﺗﺎﻟﯩﻘﯩﯖﯩﺰﻧﻰ ﺋﯩﻘﺮﺍﺭ ﻗﯩﻠﯩﯔ. ﻫﻪﻣﺪﻩ ﺑﺎﻟﯩﯖﯩﺰﻏﺎ ﻛﯚﻳﯜﺩﯨﻐﺎﻧﻠﯩﻘﯩﯖﯩﺰﻧﻰ، ﺷﯘﯕﺎ ﻣﯘﺷﯘﻧﺪﺍﻕ ﺗﻪﺭﺑﯩﻴﻪ ﺑﯧﺮﯨﯟﺍﺗﻘﺎﻧﻠﯩﻘﯩﯖﯩﺰﻧﻰ ﻫﻪﺭ ﻗﯧﺘﯩﻢ ﺋﯩﺰﻫﺎﺭ ﻗﯩﻠﯩﯔ. (5) ﺑﺎﻟﯩﯖﯩﺰ ﺟﯚﺭﯨﯖﯩﺰﺩﯨﻦ ﻗﺎﻟﺴﯩﻼ ﻫﻪﻣﻤﯩﺪﯨﻦ ﻣﯘﻫﯩﻢ. ﺷﯘﯕﺎ ﺑﺎﻟﯩﯖﯩﺰﻧﯩﯔ ﺑﯩﺮ ﺋﯩﺸﻰ ﺳﯩﺰﻧﯩﯔ ﺑﯩﺮ ﻣﯧﻬﻤﺎﻧﺪﺍﺭﭼﯩﻠﯩﻘﯩﯖﯩﺰ ﺑﯩﻠﻪﻥ ﺗﻮﻗﯘﻧﯘﺷﯘﭖ ﻗﺎﻟﺴﺎ، ﭼﻮﻗﯘﻡ ﺋﯘ ﻣﯧﻬﻤﺎﻧﺪﺍﺭﭼﯩﻠﯩﻘﺘﯩﻦ ﯞﺍﺯ ﻛﯧﭽﯩﯔ. ﺋﻪﮔﻪﺭ ﺳﯩﺰﮔﻪ ﺑﯩﺮ ﺩﻭﺳﺘﯩﯖﯩﺰﻧﻰ 10-20 ﺳﻮﻣﻠﯘﻕ ﺑﯩﺮ ﻗﯘﺗﺎ ﻫﺎﺭﺍﻕ ﺋﯧﻠﯩﭗ ﻣﯧﻬﻤﺎﻥ ﻗﯩﻠﯩﺶ ﺑﯩﻠﻪﻥ ﺑﺎﻟﯩﯖﯩﺰ ﺋﯘﺯﯗﻧﺪﯨﻦ ﺑﯘﻳﺎﻥ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﺑﯩﺮ ﻗﻪﻟﻪﻡ، ﺩﻩﭘﺘﻪﺭ، ﻛﯩﺘﺎﺏ ﻳﺎﻛﻰ ﺋﻮﻳﯘﻧﭽﯘﻗﻨﻰ ﺋﯧﻠﯩﭗ ﺑﯧﺮﯨﺸﺘﯩﻦ ﺋﯩﺒﺎﺭﻩﺕ 2 ﻳﻮﻟﺪﯨﻦ ﺑﯩﺮﯨﻨﻰ ﺗﺎﻟﻼﺷﻘﺎ ﺗﻮﻏﺮﺍ ﻛﻪﻟﺴﻪ، ﺩﻭﺳﺘﯩﯖﯩﺰﻧﻰ ﻫﺎﺭﺍﻕ ﺑﯩﻠﻪﻥ ﻛﯜﺗﯜﺷﺘﯩﻦ ﯞﺍﺯ ﻛﯧﭽﯩﯔ. ﺋﻪﮔﻪﺭ ﺳﯩﺰﮔﻪ ﺑﯩﺮ ﭼﻮﯓ ﻣﯧﻬﻤﺎﻥ ﭼﺎﻗﯩﺮﯨﺶ ﺑﯩﻠﻪﻥ ﺑﺎﻟﯩﯖﯩﺰﻏﺎ ﺑﯩﺮ ﻛﻮﻣﭙﻴﯘﺗﯧﺮ ﺋﯧﻠﯩﭗ ﺑﯧﺮﯨﺸﺘﯩﻦ ﺋﯩﺒﺎﺭﻩﺕ 2 ﻳﻮﻟﺪﯨﻦ ﺑﯩﺮﯨﻨﻰ ﺗﺎﻟﻼﺷﻘﺎ ﺗﻮﻏﺮﺍ ﻛﻪﻟﺴﻪ، ﺑﺎﻟﯩﯖﯩﺰﻏﺎ ﻛﻮﻣﭙﻴﯘﺗﯧﺮ ﺋﯧﻠﯩﭗ ﺑﯧﺮﯨﯔ.

3) ﺋﺎﺗﺎ-ﺋﺎﻧﺎ. ﺋﯘﻳﻐﯘﺭﻻﺭ ﺋﺎﺗﺎ-ﺋﺎﻧﯩﻐﺎ ﻣﯧﻬﺮﯨﺒﺎﻧﻠﯩﻖ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺸﺘﺎ ﺩﯗﻧﻴﺎﺩﯨﻜﻰ ﺋﻪﯓ ﺋﯩﻠﻐﺎﺭ ﻣﯩﻠﻠﻪﺗﻠﻪﺭﻧﯩﯔ ﺑﯩﺮﻯ. ﺷﯘﯕﺎ ﻣﻪﻥ ﺑﯘ ﻣﻪﺳﯩﻠﯩﺪﻩ ﺗﻪﭘﺴﯩﻠﻰ ﺗﻮﺧﺘﺎﻟﻤﺎﻳﻤﻪﻥ. ﺗﯩﻠﻐﺎ ﺋﯧﻠﯩﭗ ﺋﯚﺗﯜﺷﻜﻪ ﺗﯧﮕﯩﺸﻠﯩﻚ ﺑﯩﺮ ﻣﻪﺳﯩﻠﻪ ﺷﯘﻛﻰ، ﻧﻮﺭﻣﺎﻝ ﺋﻪﻫﯟﺍﻟﺪﺍ، ﺑﺎﻟﯩﯖﯩﺰﺩﯨﻦ ﻳﺎﺧﺸﻰ ﺧﻪﯞﻩﺭ ﺋﯧﻠﯩﺶ ﺋﺎﺗﺎ-ﺋﺎﻧﯩﯖﯩﺰﺩﯨﻦ ﻳﺎﺧﺸﻰ ﺧﻪﯞﻩﺭ ﺋﯧﻠﯩﺸﺘﯩﻦ ﻣﯘﻫﯩﻢ. ﺑﯘﻧﻰ ﻫﻪﺭ ﺩﺍﺋﯩﻢ ﺋﻪﺳﺘﻪ ﺗﯘﺗﯘﺵ ﻛﯧﺮﻩﻙ. ﺑﯘﻧﯩﯔ ﺳﻪﯞﻩﺑﻰ، ﺋﺎﺗﺎ-ﺋﺎﻧﯩﯖﯩﺰ ﻧﻮﺭﻣﺎﻝ ﺋﻪﻫﯟﺍﻟﺪﺍ ﺋﯚﺯ-ﺋﯚﺯﯨﺪﯨﻦ ﺧﻪﯞﻩﺭ ﺋﺎﻻﻻﻳﺪﯗ، ﺋﻪﻣﻤﺎ ﺑﺎﻟﯩﯖﯩﺰ ﺗﯧﺨﻰ ﺋﯘﻧﺪﺍﻕ ﻗﯩﻼﻟﻤﺎﻳﺪﯗ (ﺋﯘﻻﺭ ﺗﯧﺨﻰ ﻛﯩﭽﯩﻚ-ﺩﻩ).

4)ﺧﯩﺰﻣﻪﺕ. ﺋﯩﻨﺴﺎﻧﻼﺭ ﺋﯚﻣﯩﺮﯨﻨﯩﯔ ﻛﯚﭘﯩﻨﭽﯩﺴﯩﻨﻰ ﺧﯩﺰﻣﻪﺕ ﺑﯩﻠﻪﻥ ﺋﯚﺗﻜﯜﺯﯨﺪﯗ. ﺧﯩﺰﻣﻪﺕ ﺑﯩﻠﻪﻥ ﻛﯩﺮﯨﻢ ﺗﯧﭙﯩﺶ ﻳﯘﻗﯩﺮﯨﺪﺍ ﺗﯩﺰﻏﺎﻥ ﺑﺎﺷﻘﺎ ﺋﯩﺸﻼﺭﻧﯩﯔ ﻫﻪﻣﻤﯩﺴﯩﻨﻰ ﻳﻮﻟﯩﺪﺍ ﻗﯩﻠﯩﺸﻨﯩﯔ ﺋﺎﻟﺪﯨﻨﻘﻰ ﺷﻪﺭﺗﻰ. ﻟﯧﻜﯩﻦ، ﺧﯩﺰﻣﻪﺕ ﺑﯩﺮ-ﺋﯩﻜﻜﻰ ﻛﯜﻧﺪﻩ ﺗﯜﮔﻪﻳﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ. ﺧﯘﯕﺎ، ﺟﯩﺪﺩﻯ ﺋﻪﻫﯟﺍﻟﺪﺍ، ﻣﻪﺳﯩﻠﻪﻥ، ﺋﺎﻳﺎﻟﯩﯖﯩﺰ، ﺑﺎﻟﯩﯖﯩﺰ ﻳﺎﻛﻰ ﺋﺎﺗﺎ-ﺋﺎﻧﯩﯖﯩﺰ ﺋﺎﻏﺮﯨﭗ ﻗﺎﻟﻐﺎﻧﺪﺍ، ﭼﻮﻗﯘﻡ ﺋﺎﻟﺪﻯ ﺑﯩﻠﻪﻥ ﺋﯘﻻﺭﺩﯨﻦ ﺧﻪﯞﻩﺭ ﺋﯧﻠﯩﺸﯩﯖﯩﺰ ﻛﯧﺮﻩﻙ. ﻣﻪﻥ ﻛﺎﻟﯩﻔﻮﺭﻧﯩﻴﻪﻧﯩﯔ ﺳﯩﻠﯩﻜﻮﻥ ﺟﯩﻠﻐﯩﺴﻰ (ﺋﯩﻨﮕﻠﯩﺰﭼﻪ " Silicon Valley " ﺩﻩﭖ ﺋﺎﺗﯩﻠﯩﺪﯗ. ﺋﺎﻣﯧﺮﯨﻜﺎ ﺑﻮﻳﯩﭽﻪ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺷﯩﺮﻛﻪﺗﻠﻪﺭ ﺋﻪﯓ ﻛﯚﭖ ﻳﯩﻐﯩﻠﻐﺎﻥ ﺋﻮﺭﯗﻥ ﺑﻮﻟﯘﭖ، ﺑﻪﺯﯨﻠﻪﺭ ﺋﯘ ﻳﻪﺭﻧﻰ "ﺋﺎﻣﯧﺮﯨﻜﯩﻨﯩﯔ ﺋﺎﻣﯧﺮﻛﯩﺴﻰ"، ﺩﻩﭘﻤﯘ ﺋﺎﺗﺎﻳﺪﯗ. ﺋﻮﺭﻧﻰ ﺳﺎﻥ ﻓﺮﺍﻧﭽﯩﺴﭽﻮ ﺷﻪﻫﯩﺮﯨﻨﯩﯔ ﻳﯧﻨﯩﺪﺍ) ﺩﺍ 7 ﻳﯩﻠﺪﯨﻦ ﻛﯚﭘﺮﻩﻙ ﺋﯩﺸﻠﯩﺪﯨﻢ. ﺋﯘ ﻳﻪﺭﻧﯩﯔ ﺷﯩﺮﻛﻪﺕ ﻣﻪﺩﻩﻧﯩﻴﯩﺘﻰ "ﺋﯩﺸﻘﺎ ﺋﺎﺩﻩﻡ ﺋﯧﻠﯩﺶ، ﺋﯩﺸﺘﯩﻦ ﺋﺎﺩﻩﻡ ﺑﻮﺷﯘﺗﯘﺵ" ﺑﻮﻟﯘﭖ، ﻫﻪﺭ ﻗﯧﺘﯩﻢ ﭘﻪﻥ-ﺗﯧﺨﻨﯩﻜﯩﺪﺍ ﺑﯩﺮ ﭼﻮﯓ ﺋﯩﻠﮕﯩﺮﯨﻠﻪﺵ ﺑﻮﻟﻐﺎﻧﺪﺍ، ﺑﯘ ﺟﺎﻳﺪﺍ ﺑﯩﺮ-ﺋﯩﻜﻜﻰ ﻳﯩﻠﻨﯩﯔ ﺋﯩﭽﯩﺪﯨﻼ 2-3 ﻣﯩﯔ ﻳﯧﯖﻰ ﺷﯩﺮﻛﻪﺕ ﻗﯘﺭﯗﻟﯘﭖ ﻛﯧﺘﯩﺪﯗ. ﺋﯘﻧﯩﯖﺪﯨﻦ 3-5 ﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺗﺎﻗﯩﻠﯩﺪﯨﻐﯩﻨﻰ ﺗﺎﻗﯩﻠﯩﭗ، ﺳﯧﺘﯩﻠﯩﺪﯨﻐﯩﻨﻰ ﺳﯧﺘﯩﻠﯩﭗ، ﻫﯧﻠﯩﻘﻰ ﺷﯩﺮﻛﻪﺗﺘﯩﻦ ﺑﯩﺮ ﻧﻪﭼﭽﻪ ﻳﺎﻛﻰ ﺑﯩﺮ ﻗﺎﻧﭽﻪ ﺋﻮﻧﯩﻼ ﻗﺎﻟﯩﺪﯗ. ﺋﻪﮔﻪﺭ ﺳﯩﺰﻧﯩﯔ ﻗﺎﺑﯩﻠﯩﻴﻪﺕ-ﺗﻪﺟﺮﯨﺒﯩﯖﯩﺰ ﺋﯘﻻﺭﻏﺎ ﺯﯙﺭﯛﺭ ﺑﻮﻟﯘﭖ ﻗﺎﻟﺴﺎ، ﺳﯩﺰﻧﻰ ﻳﺎﻟﯟﯗﺭﯗﭖ ﺑﻮﻟﺴﯩﻤﯘ ﺋﯩﺸﻘﺎ ﺋﺎﻟﯩﺪﯗ. ﺋﻪﮔﻪﺭ ﺷﯩﺮﻛﻪﺕ ﺋﻮﺑﺪﺍﻥ ﻣﺎﯕﻤﺎﻱ ﻗﺎﻟﺴﺎ، ﺳﯩﺰﻧﻰ ﺭﻩﻫﯩﻤﺴﯩﺰﻟﯩﻚ ﺑﯩﻠﻪﻥ ﺋﯩﺸﺘﯩﻦ ﺑﻮﺷﯩﺘﯩﺪﯗ. 2001-ﻳﯩﻠﻰ ﺩﯦﻜﺎﺑﯩﺮﺩﺍ ﻣﻪﻥ ﺑﯩﺰﻧﯩﯔ "Wawesplitter" ﺩﯦﮕﻪﻥ ﺷﯩﺮﻛﻪﺗﻜﻪ ﻳﺎﺭﺩﻩﻣﻠﯩﺸﯩﭗ، ﺑﯩﺮ ﺷﻪﻧﺒﻪ ﻛﯜﻧﻰ ﺑﯩﺮ ﻛﯜﻧﻨﯩﯔ ﺋﯩﭽﯩﺪﯨﻼ 30 ﺋﺎﺩﻩﻡ ﺋﺎﻟﻐﺎﻥ ﺋﯩﺪﯗﻕ. 2002-ﻳﯩﻠﻰ 3-ﺋﺎﻳﺪﺍ ﺷﯩﺮﻛﻪﺗﺘﯩﻜﻰ ﺧﺎﺩﯨﻤﻼﺭﻧﯩﯔ% 30 ﺗﯩﻨﻰ ﺋﯩﺸﺘﯩﻦ ﺑﻮﺷﺎﺗﺘﯘﻕ (ﺋﯧﻠﯧﻜﺘﯩﺮ ﺋﯩﻨﮋﯨﻨﯩﺮﻟﯩﻘﻰ ﻛﻪﺳﭙﻰ ﺑﻮﻳﯩﭽﻪ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺑﺎﺭ ﺋﺎﺩﻩﻣﻠﻪﺭﺩﯨﻨﻤﯘ 10 ﻧﻪﭼﭽﯩﺴﻰ ﺑﺎﺭ ﺋﯩﺪﻯ. ﺑﯩﺮ ﯞﺍﻗﯩﺘﺘﺎ ﺋﺎﺷﯘﻻﺭﻧﯩﯔ ﺋﯩﭽﯩﺪﯨﻜﻰ 6 ﻛﯩﺸﯩﺪﯨﻦ ﺗﻪﺭﻛﯩﺐ ﺗﺎﭘﻘﺎﻥ "ﻻﻳﯩﻬﯩﻠﻪﺵ ﮔﯘﺭﯗﭘﭙﯩﺴﻰ" ﻧﻰ ﺑﺎﺷﻘﯘﺭﺍﺗﺘﯩﻢ. ﻛﯧﻴﯩﻦ ﺋﺎﻣﯧﺮﯨﻜﯩﻨﯩﯔ ﻧﯘﺭﻟﯘﻕ-ﺗﺎﻻ ﺧﻪﯞﻩﺭﻟﯩﺸﯩﺶ ﺗﯧﺨﻨﯩﻜﯩﺴﻰ ﺗﻮﻏﺮﯨﺴﯩﺪﯨﻜﻰ ﻣﯚﻟﭽﻪﺭ ﺧﺎﺗﺎ ﭼﯩﻘﯩﭗ ﻗﯧﻠﯩﭗ، ﻳﯧﯖﻰ ﻗﯘﺭﯗﻟﻐﺎﻥ ﺷﯩﺮﻛﻪﺗﻠﻪﺭﺩﯨﻦ 2000-3000 ﺋﻰ ﺋﺎﺭﻗﺎ-ﺋﺎﺭﻗﯩﺪﯨﻦ ﺗﺎﻗﯩﻠﯩﺸﻘﺎ ﺑﺎﺷﻠﯩﺪﻯ. ﺑﯩﺰﻧﯩﯔ ﺷﯩﺮﻛﻪﺗﻤﯘ 125 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻏﯩﻨﻰ 4 ﻳﯩﻠﺪﺍ ﺧﻪﺟﻠﻪﭖ ﺗﯜﮔﯩﺘﯩﭗ، ﺋﺎﻣﺎﻟﺴﯩﺰﻟﯩﻘﺘﯩﻦ ﺷﯩﺮﻛﻪﺗﻨﯩﯔ ﺗﻪﺗﻘﯩﻘﺎﺕ، ﺗﻪﺭﻩﻗﻘﯩﻴﺎﺕ ﯞﻩ ﺋﯩﺸﻠﻪﭘﭽﯩﻘﯩﺮﯨﺶ ﺋﯩﺸﻠﯩﺮﯨﻨﯩﯔ ﻫﻪﻣﻤﯩﺴﻨﻰ ﺗﻪﻳﯟﻩﻧﮕﻪ ﻳﯚﺗﻜﻪﺷﻜﻪ ﻣﻪﺟﺒﯘﺭ ﺑﻮﻟﺪﻯ. ﻫﯧﻠﯩﻘﻰ 10 ﻧﻪﭼﭽﻪ ﺩﻭﻛﺘﻮﺭﻧﯩﻤﯘ ﺋﯩﺸﺘﯩﻦ ﺑﻮﺷﯩﺘﯩﭗ، ﺋﯘﻻﺭﻧﯩﯔ ﺋﯩﭽﯩﺪﻩ ﻣﻪﻥ ﻳﺎﻟﻐﯘﺯ ﻗﺎﻟﺪﯨﻢ. ﺷﯩﺮﻛﻪﺕ ﻣﯧﻨﯩﯔ ﺗﻪﻳﯟﻩﻧﮕﻪ ﺑﯧﺮﯨﺸﯩﻤﻨﻰ، ﺋﻪﮔﻪﺭ ﺑﺎﺭﺳﺎﻡ، ﻣﺎﯕﺎ ﺑﯘ ﺷﯩﺮﻛﻪﺗﻨﯩﯔ% 1 ﺗﯩﻨﻰ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻣﻪﻥ ﺋﯘﻧﻰ ﺭﻩﺕ ﻗﯩﻠﯩﭗ، 2003-ﻳﯩﻠﻰ 4-ﺋﺎﻳﺪﺍ ﺑﯘ ﺷﯩﺮﻛﻪﺗﺘﯩﻦ ﭼﯩﻘﯩﭗ ﻛﯧﺘﯩﭗ، FBI ﺋﯜﭼﯜﻥ ﺑﯩﺌﻮﻟﻮﮔﯩﻴﻪ ﯞﻩ ﺧﯩﻤﯩﻴﻪﻟﯩﻚ ﻗﻮﺭﺍﻟﻼﺭﻧﻰ ﺗﻪﻛﺸﯜﺭﯛﭖ ﺑﯧﺮﯨﺪﯨﻐﺎﻥ ﺋﯜﺳﻜﯜﻧﯩﻨﯩﯔ ﺗﻪﺗﻘﯩﻘﺎﺗﯩﻨﻰ ﻗﯩﻠﯩﺪﯨﻐﺎﻥ ﻳﻪﻧﻪ ﺑﯩﺮ ﺑﯩﺌﻮﻟﻮﮔﯩﻴﻪ ﺗﯧﺨﻨﯩﻜﯩﺴﻰ ﺷﯩﺮﻛﯩﺘﯩﮕﻪ ﺋﯩﺸﻘﺎ ﻛﯩﺮﺩﯨﻢ). ﺑﯘﻧﺪﺍﻕ ﺑﯩﺮ ﻣﻪﺩﻩﻧﯩﻴﻪﺕ ﺋﺎﺳﺘﯩﺪﺍ، ﺳﯩﺰ ﺑﯩﺮ ﺷﯩﺮﻛﻪﺕ ﺑﯩﻠﻪﻥ "ﻣﯘﻫﻪﺑﺒﻪﺕ ﺑﺎﻏﻼﺵ"، ﺋﯘﻧﯩﯖﻐﺎ ﺋﯚﻣﯘﺭ ﺑﻮﻳﻰ ﺳﺎﺩﯨﻖ ﺑﻮﻟﯘﺷﯩﯖﯩﺰ ﻣﯘﻣﻜﯩﻦ ﺋﻪﻣﻪﺱ. ﺧﯩﺰﻣﻪﺕ ﺑﯩﺮ ﺋﺎﺩﻩﻡ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ. ﻟﯧﻜﯩﻦ ﺋﯘ ﺋﯚﻣﯜﺭﻟﯜﻙ ﺋﻪﻣﻪﺱ. ﺳﯩﺰﻧﯩﯔ ﺑﺎﻟﯩﯖﯩﺰ، ﺋﺎﺗﺎ-ﺋﺎﻧﯩﯖﯩﺰ ﯞﻩ ﺋﯘﺭﯗﻕ-ﺗﯘﻗﻘﺎﻧﻠﯩﺮﯨﯖﯩﺰ ﺳﯩﺰ ﺋﯜﭼﯜﻥ ﺋﯚﻣﯜﺭﻟﯜﻛﺘﯘﺭ.

ﺋﯘﻻﺭﺩﯨﻦ ﺑﺎﺷﻘﺎ، ﻗﯧﺮﯨﻨﺪﺍﺵ، ﺋﯘﺭﯗﻕ-ﺗﯘﻗﻘﺎﻥ، ﯞﻩ ﺩﻭﺳﺖ-ﺑﯘﺭﻩﺩﻩﺭﻟﻪﺭ ﺑﺎﺭ. ﺑﯩﺮ ﻛﯩﺸﯩﻨﯩﯔ ﺑﯘ ﻛﺎﺗﯧﮕﻮﺭﯨﻴﻪﺩﯨﻜﻰ ﺋﺎﺩﻩﻣﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﻰ ﺋﯧﻨﯩﻖ ﺗﻪﺳﯟﯨﺮﻟﻪﺵ ﺋﺎﻧﭽﻪ ﺋﺎﺳﺎﻥ ﺋﻪﻣﻪﺱ. ﺋﯘﻧﯩﯔ ﺋﯜﺳﺘﯩﮕﻪ، ﺳﯩﺰ ﭼﻪﺕ ﺋﻪﻟﺪﻩ ﺑﻮﻟﺴﯩﯖﯩﺰ، ﺑﯘ ﺋﺎﺩﻩﻣﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﯖﯩﺰ ﺳﯩﺰ ﯞﻩﺗﻪﻧﺪﻩ ﺑﻮﻟﻐﺎﻥ ﯞﺍﻗﺘﯩﯖﯩﺰﺩﯨﻜﻰ ﺑﯩﻠﻪﻥ ﻣﯘﺗﻠﻪﻕ ﺋﻮﺧﺸﯩﻤﺎﻳﺪﯗ. ﺷﯘﯕﺎ ﺑﯘﻧﯩﯔ ﺗﻪﭘﺴﯩﻼﺗﯩﻨﻰ ﻫﻪﺭ ﺑﯩﺮ ﺋﺎﺩﻩﻡ ﺋﯚﺯﻯ ﺋﻮﻳﻠﯩﻨﯩﺸﯩﯟﯦﻠﯩﺸﯩﻨﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ.

ﻣﻪﻥ ﺟﺎﯞﺍﺑﯩﻤﻨﯩﯔ ﺋﻪﯓ ﺋﺎﻟﺪﯨﺪﺍ ﺋﯧﻴﺘﯩﭗ ﺋﯚﺗﯜﭖ ﻛﻪﺗﻜﻪﻧﺪﻩﻙ، ﻳﯘﻗﯩﺮﯨﻘﻰ ﻣﯘﻧﺎﺳﯩﯟﻩﺕ ﺋﻮﺧﺸﯩﻤﯩﻐﺎﻥ ﺋﺎﺋﯩﻠﯩﻠﯩﻠﻪﺭ ﺋﯜﭼﯜﻥ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻟﯧﻜﯩﻦ، ﻣﯧﻨﯩﯔ ﻛﯚﺯﯨﺘﯩﺸﯩﻤﭽﻪ، ﺋﯩﻨﺎﻕ ﺋﯚﺗﯜﺩﯨﻐﺎﻥ، ﭘﻪﺭﺯﻩﻧﺘﻠﯩﺮﯨﻨﯩﯔ ﺳﺎﻏﻼﻡ ﯞﻩ ﺋﻪﺗﺮﺍﭘﻠﯩﻖ ﺋﯚﺳﯜﭖ ﻳﯧﺘﯩﻠﯩﺸﯩﮕﻪ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯩﺪﯨﻐﺎﻥ ﺋﺎﺗﺎ-ﺋﺎﻧﯩﻼﺭﻧﯩﯔ ﻫﻪﻣﻤﯩﺴﻰ ﻣﯘﻧﺎﺳﯩﯟﻩﺗﺘﯩﻜﻰ ﻣﯘﻫﯩﻤﻠﯩﻖ ﺗﻪﺭﺗﯩﭙﯩﻨﻰ ﻣﻪﻥ ﻳﯘﻗﯩﺮﯨﺪﺍ ﺗﯩﺰﻏﺎﻧﻐﺎ ﺋﻮﺧﺸﺎﺵ ﺗﯩﺰﯨﺪﯗ. ﻫﻪﺭ ﺑﯩﺮ ﺋﺎﺋﯩﻠﻪ ﺋﯜﭼﯜﻥ ﺋﻪﺭ-ﺧﻮﺗﯘﻥ ﻫﻪﺭ ﺋﯩﻜﻜﯩﻠﯩﺴﻰ ﻣﺎﻗﯘﻝ ﻛﯚﺭﮔﻪﻥ ﻣﯘﺷﯘﻧﺪﺍﻕ ﺑﯩﺮ ﺗﻪﺭﺗﯩﭙﻨﯩﯔ ﺑﻮﻟﯘﺷﻰ ﺗﻮﻟﯩﻤﯘ ﻣﯘﻫﯩﻢ. ﺋﻪﮔﻪﺭ ﺳﯩﺰﻟﻪﺭﺩﻩ ﺋﺎﺷﯘﻧﺪﺍﻕ ﺑﯩﺮ ﺗﻪﺭﺗﯩﭗ ﺑﻮﻟﺴﺎ، ﻧﯘﺭﻏﯘﻥ ﯞﺍﻗﯩﺘﻼﺭﺩﺍ ﻗﺎﻳﺴﻰ ﺋﯩﺸﻨﻰ ﻗﯩﻠﯩﺶ، ﻗﺎﻳﺴﻰ ﻳﻮﻟﻨﻰ ﺗﺎﻟﻼﺵ ﻣﻪﺳﯩﻠﯩﺴﯩﺪﯨﻜﻰ ﭘﯩﻜﯩﺮ ﺋﯩﺨﺘﯩﻼﭘﯩﺪﯨﻦ ﺳﺎﻗﻼﻧﻐﯩﻠﻰ، ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﯩﺪﯨﻐﺎﻥ ﺋﻪﺭ-ﺧﻮﺗﯘﻥ ﻣﯘﻧﺎﺳﯩﯟﯨﺘﯩﺪﯨﻜﻰ ﻛﯚﯕﯜﻟﺴﯩﺰﻟﯩﻜﻠﻪﺭﻧﻰ ﺯﻭﺭ ﺩﻩﺭﯨﺠﯩﺪﻩ ﺋﺎﺯﺍﻳﺘﻘﯩﻠﻰ ﺑﻮﻟﯩﺪﯗ. ﻳﯘﻗﯩﺮﯨﻘﻰ ﺗﻪﺭﺗﯩﭗ ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﻠﻪﺭ ﺋﯜﭼﯜﻧﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻣﻪﺳﯩﻠﻪﻥ، ﻳﺎﭘﻮﻧﻠﯘﻕ ﺋﻪﺭﻟﻪﺭ ﺋﯜﭼﯜﻥ ﺧﯩﺰﻣﻪﺕ 1-ﺋﻮﺭﯗﻧﺪﺍ، ﺷﯩﺮﻛﻪﺗﺘﯩﻜﻰ ﺑﺎﺷﻠﯩﻖ 2-ﺋﻮﺭﯗﻧﺪﺍ ﺗﯘﺭﯨﺪﯗ. ﻳﺎﭘﻮﻧﻠﯘﻕ ﺋﺎﻳﺎﻟﻼﺭ ﺋﯜﭼﯜﻥ ﺋﯧﺮﻯ 1-ﺋﻮﺭﯗﻧﺪﺍ، ﺑﺎﻟﯩﻠﯩﺮﻯ 2-ﺋﻮﺭﯗﻧﺪﺍ ﺗﯘﺭﯨﺪﯗ (ﺋﯘﻻﺭ ﺋﺎﺳﺎﺳﻪﻥ ﺧﯩﺰﻣﻪﺕ ﻗﯩﻠﻤﺎﻱ ﺋﺎﺷﯘ ﺋﯩﻜﻜﻪﻳﻠﻪﻧﺪﯨﻦ ﺧﻪﯞﻩﺭ ﺋﺎﻟﯩﺪﯗ). ﺋﺎﻣﯧﺮﯨﻜﯩﺪﯨﻜﻰ ﺋﺎﻕ ﺗﻪﻧﻠﯩﻜﻠﻪﺭ ﺋﯜﭼﯜﻥ، ﺋﯩﺮﻯ ﻳﺎﻛﻰ ﺧﻮﺗﯘﻧﻰ 1-ﺋﻮﺭﯗﻧﺪﺍ، ﺑﺎﻻ ﯞﻩ ﺋﺎﺋﯩﻠﻪ 2-ﺋﻮﺭﯗﻧﺪﺍ، ﺧﯩﺰﻣﻪﺕ 3-ﺋﻮﺭﯗﻧﺪﺍ ﺗﯘﺭﯨﺪﯗ. ﺋﻪﻣﻤﺎ، ﺋﯘﻻﺭﻧﯩﯔ ﻛﯚﭘﯩﻨﭽﯩﺴﯩﻨﯩﯔ ﺗﯘﻗﻘﺎﻥ ﺑﯩﻠﻪﻥ ﺋﺎﻧﭽﻪ ﻛﺎﺭﻯ ﺑﻮﻟﻤﺎﻳﺪﯗ. ﺩﻭﺳﺖ-ﺋﺎﻏﯩﻨﻪ، ﺧﻮﻟﯘﻡ-ﺧﻮﺷﻨﺎ ﯞﻩ ﺧﯩﺰﻣﻪﺗﺪﺍﺷﻼﺭﻏﺎ ﺋﯧﺘﯩﺒﺎﺭ ﺑﯧﺮﯨﭗ ﻛﻪﺗﻜﻪﻧﻠﯩﻜﯩﻨﯩﻤﯘ ﺋﺎﻧﭽﻪ ﻛﯚﺭﻣﯩﺪﯨﻢ. ﻣﯧﻨﯩﯔ ﻣﻪﻥ ﺩﻭﻛﺘﯘﺭﻟﯘﻕ ﺋﻮﻗﯘﻏﺎﻧﺪﺍ ﺑﯩﺮ ﺋﯘﺳﺘﺎﺯﻧﯩﯔ ﻗﻮﻟﯩﺪﺍ ﺋﯩﺸﻠﯩﮕﻪﻥ 4-5 ﺑﺎﻟﯩﻼﺭ ﺑﯩﻠﻪﻥ ﭼﯜﺷﻜﻪﻥ ﺑﯩﺮ ﭘﺎﺭﭼﻪ ﺭﻩﺳﯩﻤﯩﻢ ﻳﻮﻕ (ﺋﺎﻣﯧﺮﯨﻜﯩﻠﯩﻘﻼﺭ ﺋﯘﻧﺪﺍﻕ ﻗﯩﻠﻤﺎﻳﺪﯨﻜﻪﻥ)؛ ﻫﺎﺯﯨﺮ ﺑﯩﺮ-ﺑﯩﺮﯨﻤﯩﺰ ﺑﯩﻠﻪﻧﻤﯘ ﻫﯩﭽﻘﺎﻧﺪﺍﻕ ﺋﺎﻻﻗﻪ ﻗﯩﻠﻤﺎﻳﻤﯩﺰ. ﺑﯩﺮ ﺷﯩﺮﻛﻪﺗﺘﻪ 3-4 ﻳﯩﻞ ﺋﯩﺸﻠﯩﮕﻪﻥ، ﻫﻪﻣﺪﻩ ﺧﯧﻠﻰ ﻳﯧﻘﯩﻦ ﺋﯚﺗﻜﻪﻥ ﻛﯩﺸﯩﻠﻪﺭﻣﯘ، ﺑﯘ ﺷﯩﺮﻛﻪﺗﺘﯩﻦ ﺋﺎﻳﺮﯨﻠﯩﺪﯨﻜﻪﻥ، ﭘﯜﺗﯜﻧﻠﻪﻱ ﻳﻮﻕ ﺑﻮﻟﯘﭖ ﻛﯧﺘﯩﺪﯨﻜﻪﻥ. ﺑﯘ ﺟﻪﻫﻪﺗﺘﻪ ﺑﯩﺰ ﺋﯘﻳﻐﯘﺭﻻﺭ ﺋﯘﻻﺭﻏﺎ ﻫﻪﺭﮔﯩﺰ ﺋﻮﺧﺸﯩﻤﺎﻳﻤﯩﺰ.

ﺑﺎﺵ ﺑﻪﺗﻜﻪ ﻗﺎﻳﺘﯩﺶ