10-ﺑﯚﻟﯘﻡ

17. ﺳﻮﺋﺎﻝ: ﻫﺎﺯﯨﺮ ﺟﻪﻣﺌﯩﻴﯩﺘﯩﻤﯩﺰﺩﻩ ﻛﯩﺸﯩﻠﯩﻚ ﻣﯘﻧﺎﺳﯩﯟﻩﺗﻨﯩﯔ ﻫﻪﻣﻤﯩﺴﯩﻨﻰ ﭘﯘﻝ ﺑﯩﻠﻪﻧﺌﯚﻟﭽﻪﻳﺪﯨﻐﺎﻥ ﻛﻪﻳﭙﯩﻴﺎﺕ ﻗﯩﺴﻤﻪﻥ ﺑﺎﺵ ﻛﯚﺗﯜﺭﯛﺷﻜﻪ ﺑﺎﺷﻠﯩﺪﻯ. "ﻏﻪﺭﺑﺠﻪﻣﺌﯩﻴﯩﺘﻰ"ﺩﯨﻤﯘ ﺷﯘﻧﺪﺍﻗﻤﯘ؟

ﺟﺎﯞﺍﺏ: ﻣﻪﻥ ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻥ 15 ﻳﯩﻠﺪﯨﻦ ﻛﯚﭘﺮﻩﻙ ﯞﺍﻗﯩﺘﺘﯩﻦ ﺑﯘﻳﺎﻥ ﺋﻪﯕﻜﻪﻡ ﺋﯘﭼﺮﺍﺗﻘﺎﻥ ﺋﯩﺸﻼﺭﻧﯩﯔ ﺑﯩﺮﻯ- ﻛﯩﺸﯩﻠﯩﻚ ﻣﯘﻧﺎﺳﯩﯟﻩﺗﻨﻰ ﭘﯘﻝ ﺑﯩﻠﻪﻥ ﺋﯚﻟﭽﻪﺷﺘﯩﻦ ﺋﯩﺒﺎﺭﻩﺕ. ﺑﯘ ﺋﯧﻬﺘﯩﻤﺎﻝ ﻣﻪﻥ ﻳﺎﺷﯩﻐﺎﻥ ﺟﻪﻣﺌﯩﻴﻪﺕ ﻗﺎﺗﻠﯩﻤﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﺷﯩﻤﯘ ﻣﯘﻣﻜﯩﻦ. ﻟﯧﻜﯩﻦ، ﺑﯩﺰ ﮔﯧﺰﯨﺖ، ﺭﺍﺩﯨﺌﻮ ﯞﻩ ﺗﯧﻠﯧﯟﯨﺰﻭﺭ ﺧﻪﯞﻩﺭﻟﯩﺮﯨﺪﯨﻤﯘ ﺑﯘ ﺟﻪﻫﻪﺗﺘﯩﻜﻰ ﻧﻪﺭﺳﯩﻠﻪﺭﻧﯩﺌﺎﻧﭽﻪ ﻛﯚﺭﻣﻪﻳﻤﯩﺰ.

ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﯩﺪﯨﻜﻰ ﺋﻪﯓ ﻛﯜﭼﻠﯜﻛﺌﯘﻗﯘﻣﻨﯩﯔ ﺑﯩﺮﻯ، «ﻛﻪﺳﭗ ﺋﻪﺧﻼﻗﻰ» ﺩﯨﻦ ﺋﯩﺒﺎﺭﻩﺕ. ﺋﺎﻣﯧﺮﯨﻜﯩﺪﯨﻜﻰ ﺷﯩﺮﻛﻪﺕ-ﺋﯩﺪﺍﺭﯨﻠﻪﺭﻧﯩﯖﻜﯚﭘﯩﻨﭽﯩﺴﻰ ﺷﻪﺧﺴﯩﻴﻨﯩﯔ ﻗﻮﻟﯩﺪﺍ ﺑﻮﻟﯘﭖ، ﭘﻪﻗﻪﺕ ﭘﻮﭼﺘﯩﺨﺎﻧﺎ ﯞﻩ ﺑﺎﺭﻟﯩﻖ ﻫﯚﻛﯜﻣﻪﺕ ﺋﻮﺭﮔﺎﻧﻠﯩﺮﯨﻼﻫﯚﻛﯜﻣﻪﺗﻨﯩﯔ ﻗﻮﻟﯩﺪﺍ. ﺑﯘ ﺋﯩﻜﻜﻰ ﺧﯩﻞ ﺋﯩﮕﯩﻠﯩﻜﻨﯩﯔ ﺑﯩﺮ ﺋﻮﺭﺗﺎﻕ ﺋﺎﻻﻫﯩﺪﯨﻠﯩﻜﻰ، ﺋﯘﻻﺭ ﻛﻪﺳﭙﺌﻪﺧﻼﻗﯩﻨﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺋﻮﺭﯗﻧﻐﺎ ﻗﻮﻳﯩﺪﯗ. ﺳﯩﺰ ﺑﯩﺮ ﻳﯧﯖﻰ ﺷﯩﺮﻛﻪﺗﻜﻪ ﺋﯩﺸﻘﺎ ﻛﯩﺮﺳﯩﯖﯩﺰ، ﺋﯘﻻﺭ ﺳﯩﺰ ﺋﯩﺸﻘﺎ ﭼﯜﺷﻜﻪﻥ 1-ﻛﯜﻧﯩﻼ ﺳﯩﺰﮔﻪ ﺑﯩﺮ «ﺧﯩﺰﻣﻪﺗﭽﯩﻠﻪﺭ ﻗﻮﻟﻼﻧﻤﯩﺴﻰ» ﺩﯦﮕﻪﻥ ﻫﯚﺟﺠﻪﺗﺘﻮﭘﻠﯩﻤﯩﻨﻰ ﺑﯧﺮﯨﺪﯗ. ﺑﯘ ﺗﻮﭘﻼﻣﺪﺍ ﺳﯩﺰ ﻣﯘﺷﯘ ﺷﯩﺮﻛﻪﺗﺘﯩﻜﻰ ﻫﺎﻳﺎﺗﯩﯖﯩﺰﺩﺍ ﺩﯗﭺ ﻛﯧﻠﯩﺪﯨﻐﺎﻧﻬﻪﻣﻤﻪ ﺋﯩﺸﻼﺭ ﺗﻮﻏﺮﯨﺴﯩﺪﯨﻜﻰ ﺷﯩﺮﻛﻪﺗﻨﯩﯔ ﻗﺎﺋﯩﺪﻩ-ﺗﯜﺯﯛﻣﻠﯩﺮﻯ ﺗﻪﭘﺴﯩﻠﯩﻲ ﻳﯧﺰﯨﻠﻐﺎﻥ ﺑﻮﻟﯘﭖ، ﺋﯘﻧﯩﯔ ﻧﺎﻫﺎﻳﯩﺘﻰ ﻣﯘﻫﯩﻢ ﺑﯩﺮ ﻗﯩﺴﻤﻰ ﻛﻪﺳﭗ ﺋﻪﺧﻼﻗﯩﺪﯨﻦ ﺋﯩﺒﺎﺭﻩﺕ. ﭼﻮﯕﺮﺍﻕ ﺷﯩﺮﻛﻪﺗﻠﻪﺭ ﻳﺎﻟﻐﯘﺯﺳﯩﺰﮔﻪ ﺋﺎﺷﯘﻧﺪﺍﻕ ﻗﻮﻟﻼﻧﻤﯩﺪﯨﻦ ﺑﯩﺮﻧﻰ ﺑﯧﺮﯨﭙﻼ ﻗﺎﻟﻤﺎﻱ، ﺷﯩﺮﻛﻪﺗﻜﻪ ﻳﯧﯖﻰ ﻛﯩﺮﮔﻪﻧﺨﯩﺰﻣﻪﺗﭽﯩﻠﻪﺭﻧﻰ ﻳﯩﻐﯩﭗ، ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﻛﻪﺳﭗ ﺋﻪﺧﻼﻗﻰ ﯞﻩ ﺷﯩﺮﻛﻪﺗﻨﯩﯔ ﻗﺎﺋﯩﺪﻩ-ﺗﯜﺯﯛﻣﻠﯩﺮﯨﺘﻮﻏﺮﯨﺴﯩﺪﺍ ﻣﻪﺧﺴﯘﺱ ﺗﻪﻟﯩﻢ-ﺗﻪﺭﺑﯩﻴﻪ ﺑﯧﺮﯨﺪﯗ. ﻣﻪﻥ ﻫﺎﺯﯨﺮ ﺋﯩﺸﻠﻪﯞﺍﺗﻘﺎﻥ JPL ﺩﯦﮕﻪﻧﺌﯩﺪﺍﺭﯨﺪﻩ ﺑﯘ ﺟﻪﻫﻪﺗﺘﯩﻜﻰ ﺗﻪﻟﯩﻢ-ﺗﻪﺭﺑﯩﻴﻪﻧﻰ ﻫﻪﺭ ﻳﯩﻠﻰ ﺑﯩﺮ ﻗﯧﺘﯩﻢ ﺋﯧﻠﯩﭗ ﺑﺎﺭﯨﺪﯗ. ﺋﯩﺪﺍﺭﯨﻤﯩﺰ ﻫﻪﻣﻤﻪ ﺋﺎﺩﻩﻣﺪﯨﻦ ﺋﯘﻧﯩﯖﻐﺎ ﻳﯩﻠﺪﺍ ﺑﯩﺮ ﻗﯧﺘﯩﻢ ﭼﻮﻗﯘﻡ ﻗﺎﺗﻨﯩﺸﯩﺸﻨﻰ ﺗﻪﻟﻪﭖ ﻗﯩﻠﯩﺪﯗ.

ﺋﺎﻣﯧﺮﯨﻜﯩﺪﯨﻜﻰ ﺷﯩﺮﻛﻪﺗﻠﻪﺭ ﺋﯜﭼﯜﻥ ﺋﯘﻻﺭ ﺧﯩﺰﻣﻪﺗﻘﯩﻠﯩﺪﯨﻐﺎﻥ ﻛﯩﺸﯩﻠﻪﺭ ﺋﯘﻻﺭﻧﯩﯔ ﺧﯧﺮﯨﺪﺍﺭﻟﯩﺮﻯ ﺑﻮﻟﯘﭖ، ﺋﻪﮔﻪﺭ ﺑﯩﺮﻩﺭ ﺧﯩﺰﻣﻪﺗﭽﯩﺴﻰ ﻛﻪﺳﭗ ﺋﻪﺧﻼﻗﯩﻘﺎﺋﯩﺪﯨﻠﯩﺮﯨﮕﻪ ﺑﻮﻱ ﺳﯘﻧﻤﺎﻱ، ﺋﯚﺯﯨﻨﯩﯔ ﺧﯩﺰﻣﻪﺕ ﻫﻮﻗﯘﻗﻰ ﻳﺎﻛﻰ ﺧﯩﺰﻣﻪﺕ ﺋﻮﺭﻧﯩﺪﯨﻦ ﭘﺎﻳﺪﯨﻠﯩﭙﺨﯧﺮﯨﺪﺍﺭﺩﯨﻦ ﺑﯩﺮﻩﺭ ﻣﻪﻧﭙﻪﺋﻪﺗﻜﻪ ﺋﯧﺮﯨﺸﻤﻪﻛﭽﻰ ﺑﻮﻟﺴﺎ، ﺑﯘ ﺑﯩﺮ ﭘﺎﺭﻩ ﻳﯧﻴﯩﺶ ﻫﯧﺴﺎﺑﻠﯩﻨﯩﭗ، ﺷﯩﺮﻛﻪﺗﺘﯩﻦ ﺩﻩﺭﻫﺎﻟﻼ ﻗﻮﻏﻼﭖ ﭼﯩﻘﯩﺮﯨﻠﯩﺪﯗ. ﺑﯩﺰ ﻣﯘﻻﺯﯨﻤﻪﺕ ﺋﻮﺭﯗﻧﻠﯩﺮﯨﻨﯩﯔ ﻫﻪﺭ ﻗﺎﻧﺪﺍﻕ ﺑﯩﺮﯨﮕﻪﺋﯩﺶ ﺑﯧﺠﯩﺮﯨﺶ ﺋﯜﭼﯜﻥ ﺑﺎﺭﺳﺎﻕ، ﻗﺎﺭﺷﻰ ﺗﻪﺭﻩﭖ ﺑﯩﺰﮔﻪ ﺧﯧﺮﯨﺪﺍﺭ ﺳﯜﭘﯩﺘﯩﺪﻩ ﻳﺎﺧﺸﻰ ﻣﯘﺋﺎﻣﯩﻠﻪﻗﯩﻠﯩﭗ، ﺑﯩﺰﻧﯩﯔ ﺋﯩﺸﯩﻤﯩﺰﻧﻰ ﻳﺎﺧﺸﻰ ﺑﯧﺠﯩﺮﯨﭗ ﺑﯧﺮﯨﺪﯗ. ﺋﯚﺯﯨﻨﯩﯔ ﻧﻮﺭﻣﺎﻝ ﺧﯩﺰﻣﻪﺗﻔﯘﻧﻜﺴﯩﻴﻪﺳﯩﻨﻰ ﺋﯩﺠﺮﺍ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺑﯩﺰﺩﯨﻦ ﺑﯩﺮﻩﺭ ﺷﻪﺧﺴﯩﻲ ﭘﺎﻳﺪﺍ ﺗﻪﻟﻪﭖ ﻗﯩﻠﯩﺶ ﺋﯘﻳﺎﻗﺘﺎ ﺗﯘﺭﺳﯘﻥ، ﺋﻪﮔﻪﺭ ﺑﯩﺰﮔﻪ ﻧﻮﺭﻣﺎﻝ ﻣﯘﺋﺎﻣﯩﻠﻪ ﻗﯩﻠﻤﺎﻳﺪﯨﻜﻪﻥ، ﺑﯩﺰ ﺩﻩﺭﻫﺎﻝ ﺋﯘ ﻛﯩﺸﯩﻨﯩﯖﺒﺎﺷﻠﯩﻘﯩﻨﻰ ﭼﺎﻗﯩﺮﯨﭗ ﻛﯧﻠﯩﭗ، «ﺳﻪﻥ ﻗﻮﻝ ﺋﺎﺳﺘﯩﯖﺪﯨﻜﻰ ﺋﺎﺩﯨﻤﯩﯖﻨﻰ ﻗﺎﻧﺪﺍﻕ ﺑﺎﺷﻘﯘﺭﯨﺴﻪﻥ؟ ﻣﺎﯕﺎﻣﯘﻧﺪﺍﻕ ﻣﯘﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﯟﺍﺗﯩﺪﺍ؟» ﺩﻩﭖ ﺋﯧﻴﺘﺎﻻﻳﻤﯩﺰ. ﺋﯘ ﺑﺎﺷﻠﯩﻘﻤﯘ ﺋﯚﺯﯨﻨﯩﯔ ﺧﯩﺰﻣﻪﺗﭽﯩﺴﯩﮕﻪﺩﻩﺭﻫﺎﻝ ﭼﺎﺭﻩ ﻛﯚﺭﯨﺪﯗ. ﺋﻪﮔﻪﺭ ﺋﯘ ﺑﺎﺷﻠﯩﻘﻤﯘ ﻳﻮﻟﺴﯩﺰﻟﯩﻖ ﻗﯩﻠﯩﭗ، ﺋﯘﻻﺭﻧﯩﯔ ﻗﯩﻠﻤﯩﺸﻠﯩﺮﻯ ﺑﯩﺮﻩﺭﻗﺎﻧﯘﻧﻐﺎ ﺧﯩﻼﭖ ﺑﻮﻟﺴﺎ، ﺳﯩﺰ ﺋﯘ ﺷﯩﺮﻛﻪﺗﻨﯩﯔ ﺋﯜﺳﺘﯩﺪﯨﻦ ﺋﻪﺭﺯ ﻗﯩﻼﻻﻳﺴﯩﺰ. ﻗﺎﻧﯘﻥ ﺋﻮﺭﯗﻧﻠﯩﺮﯨﺌﯩﺸﻨﯩﯔ ﺋﺎﻕ-ﻗﺎﺭﯨﺴﯩﻨﻰ ﺋﯧﻨﯩﻘﻼﭖ، ﺋﯘ ﺷﯩﺮﻛﻪﺗﺘﻪ ﻫﻪﻗﯩﻘﻪﺗﻪﻥ ﻣﻪﺳﯩﻠﻪ ﺑﺎﺭﻟﯩﻘﯩﻨﻰ ﺑﯧﻜﯩﺘﺴﻪ، ﺋﯘﻧﯩﯖﻐﺎ ﺋﯩﻨﺘﺎﻳﯩﻦ ﺋﯧﻐﯩﺮ ﺟﻪﺭﯨﻤﺎﻧﻪ ﻗﻮﻳﯩﯟﯦﺘﯩﺪﯗ. ﻣﯘﺷﯘﻧﺪﺍﻕ ﺑﻮﻟﻐﺎﭼﻘﺎ، ﺑﯩﺰ ﺋﺎﻣﯧﺮﯨﻜﯩﺪﺍﺋﺎﺭﻗﺎ ﺋﯩﺸﯩﻜﺘﻪ ﻣﯧﯖﯩﺸﻨﯩﯔ ﯞﻩ ﺑﺎﺷﻘﯩﻼﺭﻏﺎ ﭘﺎﺭﻩ ﺑﯧﺮﯨﺸﻨﯩﯔ ﺯﯙﺭﯛﺭﻳﯩﺘﯩﻨﻰ ﺋﺎﺯﺭﺍﻗﻤﯘ ﻫﯧﺴﻘﯩﻠﻤﺎﻳﻤﯩﺰ. ﻫﻪﻣﻤﻪ ﺋﯩﺸﻨﻰ ﻧﻮﺭﻣﺎﻝ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺑﯧﺠﯩﺮﯨﻤﯩﺰ.

ﻣﻪﻥ ﻫﺎﺯﯨﺮ ﻣﯘﺷﯘ ﻣﻪﺯﻣﯘﻧﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻧﺒﯩﺮ ﻗﺎﻧﭽﻪ ﻣﯩﺴﺎﻟﻼﺭﻧﻰ ﺳﯚﺯﻟﻪﭖ ﺑﯧﺮﻩﻱ. ﻣﻪﻥ ﺋﯚﺗﻜﻪﻥ ﻳﯩﻠﻰ ﻛﯜﺯﺩﻩ ﺋﯚﺯﯛﻣﻨﯩﯔ ﺑﺎﺷﻠﯩﻘﻰ (ﺋﯘﻧﯩﺌﯩﻨﮕﻠﯩﺰﭼﻪ «superviser» ﺩﻩﭖ ﺋﺎﺗﺎﻳﺪﯗ؛ ﻣﻪﻧﯩﺴﻰ «ﻧﺎﺯﺍﺭﻩﺗﭽﻰ» ﺩﯦﮕﻪﻧﮕﻪ ﻳﯧﻘﯩﻦ ﻛﯧﻠﯩﺪﯗ) ﺑﯩﻠﻪﻧﺌﯩﺪﺍﺭﯨﻤﯩﺰﻧﯩﯔ ﺋﯩﭽﯩﺪﯨﻜﻰ ﺑﯩﺮ ﻳﯩﻐﯩﻨﻐﺎ ﻗﺎﺗﻨﺎﺷﺘﯩﻢ. ﻳﯩﻐﯩﻦ ﺗﯜﮔﻪﭖ، ﺋﯩﺸﺨﺎﻧﯩﻤﯩﺰﻏﺎ ﻗﺎﻳﺘﯩﭙﻜﯧﺘﯩﯟﺍﺗﻘﺎﻧﺪﺍ، ﺋﯘ ﻣﺎﯕﺎ: «ﺋﻪﺭﻛﯩﻦ، ﺟﯜﺭ، ﻛﻮﻓﻰ ﺋﯧﻠﯩﭗ ﺋﯩﭽﻪﻳﻠﻰ» ﺩﯦﺪﻯ. ﻣﻪﻥ ﺋﯘﻧﯩﯖﻐﺎﻣﺎﻗﯘﻝ ﺑﻮﻟﯘﭖ، ﺋﯘﻧﯩﯔ ﻛﻮﻓﯩﺴﯩﻨﯩﯔ ﭘﯘﻟﯩﻨﻰ ﻣﻪﻥ ﺗﯚﻟﯩﯟﻩﺗﻤﻪﻛﭽﻰ ﺑﻮﻟﺴﺎﻡ، ﺋﯘ: «ﻳﺎﻕ، ﻫﻪﺭﮔﯩﺰﺑﻮﻟﻤﺎﻳﺪﯗ. ﺋﯘﻧﺪﺍﻕ ﻗﯩﻠﺴﺎﯓ ﻣﻪﻥ ﭘﺎﺭﻩ ﻳﯧﮕﻪﻥ ﺑﻮﻟﯘﭖ ﻗﺎﻟﯩﻤﻪﻥ. ﺑﯜﮔﯜﻥ ﺳﯧﻨﻰ ﻣﻪﻥ ﻣﯧﻬﻤﺎﻧﻘﯩﻼﻱ» ﺩﻩﭖ، ﻣﯧﻨﯩﯔ ﻛﻮﻓﯩﻴﯩﻤﻨﯩﯔ ﭘﯘﻟﯩﻨﻰ ﻣﯧﻨﯩﯔ ﺑﺎﺷﻠﯩﻘﯩﻢ ﺗﯚﻟﯩﯟﻩﺗﺘﻰ. ﻣﻪﻥ ﻣﯘﺷﯘﻧﺪﺍﻗﺴﻪﯞﻩﺑﺘﯩﻦ، « ﭘﺎﺭﻩ ﺑﯧﺮﯨﺶ، ﭘﺎﺭﻩ ﻳﯧﻴﯩﺶ» ﺧﺎﺭﺍﻛﺘﯧﺮﯨﺪﯨﻜﻰ ﺑﯩﺮ ﺋﯩﺸﻨﻰ ﻗﯩﻠﻤﺎﺳﻠﯩﻘﻴﯜﺯﯨﺴﯩﺪﯨﻦ، ﺑﺎﺷﻠﯩﻘﯩﻤﻨﻰ ﺋﯚﻳﯜﻣﮕﻪ ﺑﯩﺮﻩﺭ ﻗﯧﺘﯩﻤﻤﯘ ﻣﯧﻬﻤﺎﻧﺪﺍﺭﭼﯩﻠﯩﻘﻘﺎ ﭼﺎﻗﯩﺮﺍﻟﻤﺎﻳﻤﻪﻥ. ﻣﻪﻧﺌﯚﺯﯛﻣﻨﯩﯔ ﺑﯘﺭﯗﻧﻘﻰ ﺷﯩﺮﻛﻪﺗﺘﯩﻜﻰ ﺑﺎﺷﻠﯩﻘﻠﯩﺮﯨﻤﻨﯩﯔ ﺋﯩﭽﯩﺪﯨﻜﻰ ﺑﯩﺮ ﻗﺎﻧﭽﯩﺴﯩﻨﻰ ﺋﯚﻳﯜﻣﮕﻪﻣﯧﻬﻤﺎﻧﺪﺍﺭﭼﯩﻠﯩﻘﻘﺎ ﭼﺎﻗﯩﺮﯨﭗ ﺑﺎﻗﻘﺎﻥ. ﺋﻪﻣﻤﺎ، ﺋﯘﻻﺭﻧﯩﯔ ﻫﻪﻣﻤﯩﺴﯩﻨﻰ ﻣﻪﻥ ﺋﯘ ﺷﯩﺮﻛﻪﺗﻠﻪﺭﺩﯨﻨﻜﻪﺗﻜﻪﻧﺪﯨﻦ ﻛﯧﻴﯩﻦ ﭼﺎﻗﯩﺮﺩﯨﻢ. ﺑﯩﺮ ﻗﯧﺘﯩﻢ ﺑﯩﺰﻧﯩﯔ ﺋﯩﺪﺍﺭﯨﺪﯨﻜﻰ ﺑﯩﺮ ﮔﯘﺭﯗﭘﭙﺎ ﺋﺎﺩﻩﻣﺌﯩﺪﺍﺭﯨﻨﯩﯔ ﻗﯧﺸﯩﺪﯨﻜﻰ ﺑﯩﺮ ﺗﺎﻏﻘﺎ ﭼﯩﻘﯩﭗ، ﺑﯩﺮ ﻛﯜﻧﻠﯜﻙ ﻳﯩﻐﯩﻦ ﺋﺎﭼﺘﯘﻕ. ﺋﯘ ﺗﺎﻏﺪﺍ 1920-ﻳﯩﻠﻠﯩﺮﻯ ﻳﺎﺳﺎﻟﻐﺎﻥ، ﺋﻪﻳﻨﻰ ﯞﺍﻗﯩﺘﺘﺎ ﺩﯗﻧﻴﺎﻏﺎ ﺩﺍﯕﻠﯩﻖ ﻓﯩﺰﯨﻜﺎ ﺋﺎﻟﯩﻤﻰ ﺋﯧﻴﻨﯩﺸﺘﯧﻴﯩﻨﺌﯩﺸﻠﻪﭖ ﺑﺎﻗﻘﺎﻥ، ﻣﻪﺧﺴﯘﺱ ﺑﯩﺰﻧﯩﯔ ﻗﯘﻳﺎﺷﻨﻰ ﻛﯚﺯﯨﺘﯩﺪﯨﻐﺎﻥ ﺑﯩﺮ ﺗﯧﻠﯧﺴﻜﻮﭖ ﺑﺎﺭ ﺑﻮﻟﯘﭖ، ﺑﯩﺰﻧﯩﯖﺒﯩﺮ ﻛﯜﻧﻠﯜﻙ ﭘﺎﺋﺎﻟﯩﻴﯩﺘﯩﻤﯩﺰ ﺋﺎﺷﯘ ﺗﯧﻠﯧﺴﻜﻮﭘﻨﻰ ﺯﯨﻴﺎﺭﻩﺕ ﻗﯩﻠﯩﺸﻨﯩﻤﯘ ﺋﯚﺯ ﺋﯩﭽﯩﮕﻪﺋﺎﻟﻐﺎﻧﯩﺪﻯ. ﺷﯘ ﭘﺎﺋﺎﻟﯩﻴﻪﺕ ﺋﯜﭼﯜﻥ ﺑﯩﺰﻧﯩﯔ ﮔﯘﺭﯗﭘﭙﯩﻨﯩﯔ ﺑﺎﺷﻠﯩﻘﻰ ﺋﯚﺯﻯ ﭼﯩﻘﯩﻢ ﺗﺎﺭﺗﯩﭗ، ﺑﯩﺮ ﻗﺎﺗﺘﯩﻘﻘﻪﻏﻪﺯ ﻗﺎﭘﺘﺎ ﺑﯩﺮ ﻗﺎﭖ Starbucks ﻛﻮﻓﻰ ﺋﯧﻠﯩﭗ ﭼﯩﻘﯩﭙﺘﯘ. ﻣﯧﻨﯩﯔ ﭘﻪﺭﯨﺰﯨﻤﭽﻪ ﺋﯘﻧﯩﯖﻐﺎ 50 ﺩﻭﻟﻼﺭ ﺋﻪﺗﺮﺍﭘﯩﺪﺍﭘﯘﻝ ﻛﻪﺗﻜﻪﻥ ﺑﻮﻟﯘﺷﻰ ﻣﯘﻣﻜﯩﻦ. ﺋﯘﻧﯩﯖﺪﯨﻦ ﺑﺎﺷﻘﺎ، ﻣﻪﻥ ﺑﯘﺭﯗﻥ ﺑﯩﺮ ﮔﯘﺭﯗﭘﭙﺎ ﺋﺎﺩﻩﻡ ﺑﯩﺮﮔﻪﺗﺎﻣﺎﻗﻘﺎ ﺑﯧﺮﯨﭗ، ﺋﺎﺧﯩﺮﯨﺪﺍ ﺗﺎﻣﺎﻗﻨﯩﯔ ﭘﯘﻟﯩﻨﻰ ﺑﯩﺰﻧﯩﯔ ﺑﺎﺷﻠﯩﻘﯩﻤﯩﺰ ﺋﯚﺯ ﻳﯧﻨﯩﺪﯨﻨﺘﯚﻟﯩﯟﻩﺗﻜﻪﻥ ﺋﻪﻫﯟﺍﻟﻨﻰ ﻳﻪﻧﻪ ﺑﯩﺮ ﻗﺎﻧﭽﻪ ﻗﯧﺘﯩﻢ ﺋﯚﺯ ﺑﯧﺸﯩﻤﺪﯨﻦ ﺋﯚﺗﻜﯜﺯﺩﯗﻡ.

ﺑﯩﺮ ﻗﯧﺘﯩﻢ ﺋﺎﻣﺎﻧﮕﯜﻝ ﺑﯩﻠﻪﻥ ﺋﯩﻜﻜﯩﻤﯩﺰ ﺑﯩﺰﻳﯧﻤﻪﻛﻠﯩﻚ ﺩﯗﻛﯩﻨﯩﻐﺎ ﻛﯚﻛﺘﺎﺕ ﯞﻩ ﻳﯧﻤﯩﺶ ﺋﺎﻟﻐﯩﻠﻰ ﻛﯩﺮﺩﯗﻕ. ﺩﯗﻛﺎﻧﻨﯩﯔ ﺑﯩﺮ ﻳﻪﺭﯨﺪﻩ ﻛﯚﻛﺌﯜﺯﯛﻣﻨﯩﯔ ﺑﺎﻫﺎﺳﻰ ﺗﯘﺭﯗﭘﺘﯘ، ﺋﻪﻣﻤﺎ ﺋﯜﺯﯛﻡ ﻳﻮﻕ. ﺑﯩﺰ ﻗﯧﺸﯩﻤﯩﺰﺩﯨﻦ ﺋﯚﺗﯜﭖ ﻛﯧﺘﯩﭗ ﺑﺎﺭﻏﺎﻧﺌﯩﻜﻜﻰ ﺋﺎﻕ ﺗﻪﻧﻠﯩﻚ ﺋﻪﺭ ﺧﯩﺰﻣﻪﺗﭽﯩﺪﯨﻦ «ﺳﯩﻠﻪﺭﺩﻩ ﺋﯜﺯﯛﻡ ﻳﻪﻧﻪ ﺑﺎﺭﻣﯘ؟» ﺩﻩﭖ ﺳﻮﺭﯨﺪﯗﻕ. ﺋﯘﻻﺭﻧﯩﯔ ﺑﯩﺮﻯ «ﺑﯧﺮﯨﭗ ﭼﻮﯓ ﺋﺎﭘﺎﯕﺪﯨﻦ ﺳﻮﺭﺍﭖ ﺑﺎﻕ» ﺩﻩﭖ ﺟﺎﯞﺍﺏ ﺑﻪﺭﺩﻯ. ﻫﻪﻣﺪﻩ ﺋﯩﻜﻜﯩﺴﯩﻜﯜﻟﯜﺷﯜﭖ ﻛﻪﺗﺘﻰ. ﺋﺎﻕ ﺗﻪﻧﻠﯩﻜﻠﻪﺭﻧﯩﯔ ﺋﯩﭽﯩﺪﻩ ﻣﺎﻧﺎ ﻣﯘﺷﯘﻧﺪﺍﻕ ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻨﻜﻪﻟﮕﻪﻧﻠﻪﺭﻧﻰ ﻛﯚﺯﮔﻪ ﺋﯩﻠﻤﺎﻳﺪﯨﻐﺎﻥ، ﺋﯘﻻﺭﻧﻰ ﻛﻪﻣﺴﯩﺘﯩﺪﯨﻐﺎﻧﻼﺭﻣﯘ ﺑﺎﺭ. ﺑﯩﺰﻧﯩﯔ ﻏﻪﺯﻩﭘﺌﺎﭼﭽﯩﻘﯩﻤﯩﺰ ﻛﯧﻠﯩﭗ، ﺋﯘﻻﺭﻧﯩﯔ ﺑﺎﺷﻠﯩﻘﯩﻨﻰ ﺗﯧﭙﯩﭗ، ﺋﯘﻧﯩﯖﻐﺎ ﻧﯧﻤﻪ ﺑﻮﻟﻐﯩﻨﯩﻨﻰ ﺋﯧﻴﺘﺘﯘﻕ. ﺋﯘﻛﯩﺸﻰ ﺑﯩﺰﺩﯨﻦ ﻗﺎﻧﭽﯩﻠﯩﻚ ﺋﯜﺯﯛﻡ ﺋﺎﻟﻤﺎﻗﭽﻰ ﺋﯩﻜﻪﻧﻠﯩﻜﯩﻤﯩﺰﻧﻰ ﺳﻮﺭﯨﺪﻯ. ﻣﻪﻥ «ﺋﯩﻜﻜﻰ ﺟﯩﯔ» ﺩﻩﭘﺠﺎﯞﺍﺏ ﺑﻪﺭﺩﯨﻢ. ﺋﯘ ﻛﯩﺸﻰ ﺩﯗﻛﺎﻧﻨﯩﯔ ﺋﯩﺴﻜﯩﻼﺗﯩﻐﺎ ﻛﯩﺮﯨﭗ ﻛﯧﺘﯩﭗ، ﺑﯩﺮ ﺑﻮﻻﻕ ﺋﯜﺯﯛﻣﻨﻰ ﻛﯚﺗﯜﺭﯛﭘﭽﯩﻘﯩﭗ ﺑﯩﺰﮔﻪ ﺑﯧﺮﯨﭗ، ﺑﯩﺰﺩﯨﻦ ﺳﻪﻣﯩﻤﯩﻲ ﺋﻪﭘﯘ ﺳﻮﺭﯨﺪﻯ، ﻫﻪﻣﺪﻩ ﺑﯘ ﺋﯜﺯﯛﻣﮕﻪ ﭘﯘﻝ ﺗﯚﻟﯩﻤﻪﻳﺌﯧﻠﯩﭗ ﻛﯧﺘﯩﺸﯩﻤﯩﺰﻧﻰ ﺋﯧﻴﺘﺘﻰ. ﻣﻪﻥ: «ﺑﻮﻟﺪﻯ، ﻣﺎﯕﺎ ﺋﻪﻣﺪﻯ ﺳﯧﻨﯩﯔ ﺋﯜﺯﯛﻣﯩﯔ ﻛﯧﺮﻩﻙ ﺋﻪﻣﻪﺱ. ﺋﺎﺩﻩﻣﻠﯩﺮﯨﯖﻨﻰ ﻳﺎﺧﺸﻰ ﺑﺎﺷﻘﯘﺭﻏﯩﻦ» ﺩﯦﺪﯨﻢ. ﺋﯘ ﻛﯩﺸﻰ ﺷﯘ ﯞﺍﻗﯩﺘﺘﯩﻼ ﻫﯧﻠﯩﻘﻰ 2 ﺧﯩﺰﻣﻪﺗﭽﯩﺴﯩﻨﯩﺌﯚﺯﯨﻨﯩﯔ ﺋﯩﺸﺨﺎﻧﯩﺴﯩﻐﺎ ﺑﺎﺷﻼﭖ ﻛﯩﺮﯨﭗ ﻛﻪﺗﺘﻰ. ﺋﺎﻣﯧﺮﯨﻜﯩﻠﯩﻖ ﺧﯧﺮﯨﺪﺍﺭﻻﺭﻧﯩﯔ ﺋﯩﭽﯩﺪﻩ ﻣﯘﺷﯘﻧﺪﺍﻗﺒﯩﺮ ﯞﻩﻗﻪﮔﻪ ﺋﯘﭼﺮﯨﻐﺎﻧﺪﯨﻦ ﻛﯧﻴﯩﻦ، ﺑﯘ ﺳﻮﺩﺍ ﺩﯗﻛﯩﻨﯩﻐﺎ ﺋﯩﻜﻜﯩﻨﭽﻰ ﻛﯩﺮﻣﻪﻳﺪﯨﻐﺎﻧﻼﺭ ﺋﯩﻨﺘﺎﻳﯩﻨﻜﯚﭖ. ﺩﯗﻛﺎﻧﻨﯩﯔ ﻳﺎﻣﺎﻥ ﻧﺎﻣﻰ ﭼﯩﻘﯩﭗ ﻗﯧﻠﯩﺸﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ، ﺩﯗﻛﺎﻧﻨﯩﯔ ﺧﻮﺟﺎﻳﯩﻨﻠﯩﺮﯨﺌﯚﺯ ﺧﯩﺰﻣﻪﺗﭽﯩﻠﯩﺮﯨﮕﻪ ﺋﯩﻨﺘﺎﻳﯩﻦ ﻗﺎﺗﺘﯩﻖ ﺗﻪﻟﻪﭖ ﻗﻮﻳﯩﺪﯗ. ﺋﯘﻻﺭﻧﯩﯔ ﻫﻪﻣﻤﯩﺴﯩﻨﯩﯔ ﺷﯘﺋﺎﺭﻯ: «ﺧﻪﺭﯨﺪﺍﺭﻻﺭ ﻫﻪﻣﻤﻪ ﯞﺍﻗﯩﺖ ﺗﻮﻏﺮﺍ. ﺳﻪﻥ ﺋﯘﻻﺭﻧﯩﯔ ﺳﯚﺯﯨﮕﻪ ﻣﯘﺗﻠﻪﻕ ﻗﯘﻻﻕ ﺳﺎﻟﻤﯩﺴﺎﯓ ﺑﻮﻟﻤﺎﻳﺪﯗ» ﺩﯨﮕﻪﻧﺪﯨﻦ ﺋﯩﺒﺎﺭﻩﺕ.

ﻳﻪﻧﻪ ﺑﯩﺮ ﻗﯧﺘﯩﻢ ﺋﺎﻣﺎﻧﮕﯜﻝ ﺋﺎﺋﯩﻠﻪﺩﻭﺧﺘﯘﺭﯨﻤﯩﺰﻧﯩﯔ ﺩﻭﺧﺘﯘﺭﺧﺎﻧﯩﺴﯩﻐﺎ ﻛﯧﺴﻪﻝ ﻛﯚﺭﺳﻪﺗﻜﯩﻠﻰ ﺑﺎﺭﻏﺎﻧﺪﺍ، ﺩﻭﺧﺘﯘﺭﻟﯘﻕ ﺳﯘﻏﯘﺭﺗﺎﻛﯧﻨﯩﺸﻜﯩﺴﯩﻨﻰ ﺋﯘﻧﺘﯘﻟﯘﭖ ﻗﺎﭘﺘﯘ. ﺋﺎﺩﻩﺗﺘﻪ ﺋﯘﻻﺭ ﺑﯘ ﻛﯧﻨﯩﺸﻜﯩﻨﻰ ﻫﻪﺭ ﻗﯧﺘﯩﻢ ﻛﯧﺴﻪﻟﻜﯚﺭﺳﻪﺗﻜﻪﻧﺪﻩ ﺗﻪﻛﺸﯜﺭﯛﭖ ﻳﯜﺭﻣﻪﻳﺘﺘﻰ. ﺑﯘ ﻗﯧﺘﯩﻢ ﺑﯩﺰ ﺳﯘﻏﯘﺭﺗﺎ ﺷﯩﺮﻛﯩﺘﯩﻨﻰ ﺋﺎﻟﻤﺎﺷﺘﯘﺭﻏﺎﻧﺒﻮﻟﻐﺎﭼﻘﺎ، ﺋﯘﻻﺭ ﻳﯧﯖﻰ ﻛﯧﻨﯩﺸﻜﯩﻨﻰ ﻛﻮﭘﯩﻲ ﻗﯩﻠﯩﯟﺍﻟﻤﯩﺴﺎ ﺑﻮﻟﻤﺎﻳﺪﯨﻜﻪﻥ. ﻧﯚﯞﻩﺕ ﺋﺎﻣﺎﻧﮕﯜﻟﮕﻪﻛﻪﻟﮕﻪﻧﺪﻩ، ﺑﯩﺮ ﻛﺎﺗﯩﭗ «ﻛﯧﻨﯩﺸﻜﻪﯓ ﺑﻮﻟﻤﯩﺴﺎ، ﺑﯩﺰ ﺳﯧﻨﻰ ﻛﯚﺭﻩﻟﻤﻪﻳﻤﯩﺰ» ﺩﻩﭖ، ﺋﺎﻣﺎﻧﮕﯜﻟﻨﯩﺪﻭﺧﺘﯘﺭﻧﯩﯔ ﻳﯧﻨﯩﻐﺎ ﻛﯩﺮﮔﯜﺯﻣﻪﭘﺘﯘ. ﺋﺎﻣﺎﻧﮕﯜﻝ ﺋﯘ ﻛﯜﻧﻰ ﺋﯩﺸﺘﯩﻦ ﺳﻮﺭﺍﭖ ﺑﺎﺭﻏﺎﻥ ﺑﻮﻟﻐﺎﭼﻘﺎ، ﺗﯩﺖ-ﺗﯩﺖ ﺑﻮﻟﯘﭖ، ﻣﯧﻨﯩﯔ ﺧﯩﺰﻣﻪﺕ ﺋﻮﺭﻧﯘﻣﻐﺎ ﺗﯧﻠﯧﻔﻮﻥ ﻗﯩﻠﺪﻯ. ﻣﻪﻥ ﺑﯘ ﺩﻭﺧﺘﯘﺭﺧﺎﻧﯩﻐﺎ ﺗﯧﻠﯧﻔﻮﻧﻘﯩﻠﯩﭗ، ﺩﻭﺧﺘﯘﺭ ﺑﯩﻠﻪﻥ ﺑﯩﯟﺍﺳﯩﺘﻪ ﻛﯚﺭﯛﺷﯩﺪﯨﻐﺎﻧﻠﯩﻘﯩﻤﻨﻰ ﺋﯧﻴﺘﺘﯩﻢ. ﺩﻭﺧﺘﯘﺭ ﺗﯧﻠﯧﻔﻮﻧﻨﯩﺌﺎﻟﻐﺎﻧﺪﺍ، ﺋﯘﻧﯩﯖﻐﺎ ﺋﻪﻫﯟﺍﻟﻨﻰ ﺩﻩﭖ، «ﺑﯩﺰ ﭘﯜﺗﯜﻥ ﺋﺎﺋﯩﻠﻪ ﺑﻮﻳﯩﭽﻪ ﺳﯧﻨﯩﯔ ﻗﻮﻟﯘﯕﺪﺍﺩﺍﯞﺍﻟﯩﻨﯩﯟﺍﺗﻘﯩﻠﻰ 4-5 ﻳﯩﻞ ﺑﻮﻟﺪﻯ. ﺑﯩﺰﺩﻩ ﻫﺎﺯﯨﺮﻏﯘ ﺳﯘﻏﯘﺭﺗﺎ ﺑﺎﺭ. ﻧﺎﯞﺍﺩﺍ ﺋﯘ ﺑﻮﻟﻤﯩﻐﺎﻧﺘﻪﻗﺪﯨﺮﺩﯨﻤﯘ ﺑﯩﺰﻧﯩﯔ ﺋﯘﻧﭽﯩﻠﯩﻚ ﺩﺍﯞﺍﻟﯩﻨﯩﺶ ﭼﯩﻘﯩﻤﯩﻨﻰ ﺋﯚﺯﯨﻤﯩﺰﻧﯩﯔ ﺗﯚﻟﯩﻴﻪﻟﯩﮕﯩﺪﻩﻛﺌﯩﻘﺘﯩﺴﺎﺩﯨﻲ ﺋﯩﻘﺘﯩﺪﺍﺭﯨﻤﯩﺰ ﺑﺎﺭ. ﺑﯩﺰ ﺋﻪﺗﯩﻼ ﺑﯩﺮ ﻳﻪﺭﮔﻪ ﻗﯧﭽﯩﭗ ﻛﯧﺘﯩﺪﯨﻐﺎﻥ ﺋﺎﺩﻩﻣﻠﻪﺭﺩﯨﻨﺒﻮﻟﻤﯩﻐﺎﻧﺪﯨﻜﯩﻦ، ﺑﯜﮔﯜﻥ ﺋﺎﻣﺎﻧﮕﯜﻟﻨﻰ ﻛﯚﺭﯛﯞﻩﺗﺴﻪﯓ ﺑﻮﻟﻤﺎﻣﺪﯗ؟» ﺩﯦﺪﯨﻢ. ﺋﯘ ﺩﻭﺧﺘﯘﺭ ﻣﺎﯕﺎﻧﯘﺭﻏﯘﻥ ﺋﯚﺯﯛﺭﺧﺎﻟﯩﻖ ﺋﯧﻴﺘﯩﭗ، ﺋﺎﻣﺎﻧﮕﯜﻟﻨﻰ ﺩﻩﺭﻫﺎﻟﻼ ﻛﯚﺭﺩﻯ. ﺑﯩﺰ ﻫﯧﻠﯩﻘﻰ ﻛﺎﺗﯩﭙﻨﻰ ﺋﯘﺩﻭﺧﺘﯘﺭﻧﯩﯔ ﺋﯩﺸﺨﺎﻧﯩﺴﯩﺪﺍ ﻗﺎﻳﺘﺎ ﻛﯚﺭﻣﯩﺪﯗﻕ. ﺩﻭﺧﺘﯘﺭ ﺋﯘﻧﻰ ﺋﯩﺸﺘﯩﻦ ﭼﯩﻘﯩﺮﯨﯟﻩﺗﺘﯩﻤﯘ، ﻳﺎﻛﯩﺪﻭﺧﺘﯘﺭﻧﯩﯔ ﺗﻪﻧﻘﯩﺪﯨﮕﻪ ﭼﯩﺪﯨﻤﺎﻱ ﺋﯚﺯﻯ ﭼﯩﻘﯩﭗ ﻛﻪﺗﺘﯩﻤﯘ ﯞﻩ ﻳﺎﻛﻰ ﺑﺎﺷﻘﺎ ﺳﻪﯞﻩﺏ ﺑﺎﺭﻣﯘﺑﯩﻠﻤﯩﺪﯗﻕ. ﺋﺎﻣﯧﺮﯨﻜﯩﺪﺍ ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﺩﻭﺧﺘﯘﺭﻻﺭﻧﯩﯔ ﺷﻪﺧﺴﯩﻲ ﺩﻭﺧﺘﯘﺭﺧﺎﻧﯩﺴﻰ ﺑﺎﺭﺑﻮﻟﯘﭖ، ﻫﻪﺭ ﺑﯩﺮﻯ ﻧﺎﻫﺎﻳﯩﺘﻰ ﻛﯜﭼﻠﯜﻙ ﺭﯨﻘﺎﺑﻪﺕ ﺋﺎﺳﺘﯩﺪﺍ ﺋﯚﺯﯨﮕﻪ ﺧﯧﺮﯨﺪﺍﺭ ﻳﯩﻐﯩﺪﯗ. ﺋﻪﮔﻪﺭﺑﯩﺰ ﺩﻭﺧﺘﯘﺭﻧﻰ ﺋﯚﺯﯨﻤﯩﺰﻧﯩﯔ ﺋﺎﺋﯩﻠﻪ ﺩﻭﺧﺘﯘﺭﻯ ﻗﯩﻠﯩﭗ ﺗﺎﻟﻼﭖ، ﺑﯩﺮ ﻗﺎﻧﭽﻪ ﻗﯧﺘﯩﻢ ﺋﯘﻧﯩﯖﻐﺎﻛﯚﺭﯛﻧﯜﭖ، ﺋﯘﻧﻰ ﻳﺎﻗﺘﯘﺭﻣﺎﻱ ﻗﺎﻟﺴﺎﻕ، ﺋﯚﺯﯨﻤﯩﺰﻧﯩﯔ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﺎ ﺷﯩﺮﻛﯩﺘﯩﮕﻪ ﺗﯧﻠﯧﻔﻮﻧﻘﯩﻠﯩﭗ، ﺋﺎﺋﯩﻠﻪ ﺩﻭﺧﺘﯘﺭﯨﻤﯩﺰﻧﻰ ﺷﯘ ﯞﺍﻗﯩﺘﺘﯩﻼ ﺑﺎﺷﻘﺎ ﺩﻭﺧﺘﯘﺭﻏﺎ ﺋﯚﺯﮔﻪﺭﺗﻪﻟﻪﻳﻤﯩﺰ. ﺷﯘﯕﻼﺷﻘﺎﻫﻪﺭ ﺑﯩﺮ ﺩﻭﺧﺘﯘﺭﺧﺎﻧﺎ ﺋﯚﺯﯨﻨﯩﯔ ﺧﯧﺮﯨﺪﺍﺭﻟﯩﺮﯨﻨﻰ ﻳﻮﻗﯩﺘﯩﭗ ﻗﻮﻳﻤﺎﻳﺴﻠﯩﻘﻘﺎ ﺋﯩﻨﺘﺎﻳﯩﻨﺘﯩﺮﯨﺸﯩﺪﯗ. ﺑﯩﺰﻧﯩﯔ ﭼﯩﺶ ﺩﻭﺧﺘﯘﺭﯨﻤﯩﺰ ﻣﯘﻻﺯﯨﻤﯩﺘﯩﻨﻰ ﻳﺎﺧﺸﻰ ﻗﯩﻠﯩﭗ ﻛﯚﺭﺳﯩﺘﯩﺶ ﺋﯜﭼﯜﻥ، ﺑﯩﺰ ﻫﻪﺭﻗﯧﺘﯩﻢ ﭼﯩﺸﯩﻤﯩﺰﻣﻰ ﺗﺎﺯﻟﯩﺘﯩﭗ ﺑﻮﻟﻐﺎﻧﺪﺍ (ﺑﯩﺰ ﺑﯩﺮ ﻳﯩﻠﺪﺍ ﭼﯩﺸﯩﻤﯩﺰﻧﻰ 2 ﻗﯧﺘﯩﻢ ﺗﺎﺯﻟﯩﺘﯩﻤﯩﺰ؛ ﺋﯘﻧﯩﯔ ﭼﯩﻘﯩﻤﯩﻨﻰ ﭼﯩﺶ ﺳﯘﻏﯘﺭﺗﺎ ﺷﯩﺮﻛﯩﺘﻰ ﻛﯚﺗﯜﺭﯨﺪﯗ)، ﺩﻭﺧﺘﯘﺭﯨﻤﯩﺰ ﺑﯩﺰﮔﻪ ﭼﯩﺶ ﭼﻮﺗﻜﯩﺴﻰ ﯞﻩﭼﯩﺶ ﻣﻪﻟﻬﯩﻤﻰ ﻗﺎﺗﺎﺭﻟﯩﻘﻼﺭﻧﻰ ﺑﯩﻜﺎﺭﻏﺎ ﺑﯧﺮﯨﺪﯗ. ﺑﯩﺮ ﻗﯧﺘﯩﻤﻠﯩﻖ ﭼﯩﺶ ﺗﺎﺯﯨﻼﺵ ﺗﻪﺧﻤﯩﻨﻪﻥ 30 ﻣﯩﻨﯘﺕ ﺩﺍﯞﺍﻡ ﻗﯩﻠﯩﺪﯨﻐﺎﻥ ﺑﻮﻟﯘﭖ، ﺷﯘ ﺋﯩﺶ ﺋﯜﭼﯜﻥ ﺋﯘﻻﺭ ﺳﯘﻏﯘﺭﺗﺎ ﺷﯩﺮﻛﯩﺘﯩﺪﯨﻦ ﻛﻪﻡ ﺩﯦﮕﻪﻧﺪﻩ 100 ﺩﻭﻟﻼﺭ ﭘﯘﻝ ﺋﯧﻠﯩﺸﻰ ﻣﯘﻣﻜﯩﻦ. ﺑﯩﺰﮔﻪ ﺑﯩﺮ ﻗﯧﺘﯩﻤﺪﺍ 5 ﺩﻭﻟﻼﺭﻟﯩﻖ ﻧﻪﺭﺳﯩﻨﻰ ﺑﯩﻜﺎﺭﻏﺎﺑﯧﺮﯨﭗ، ﺋﯚﺯﯨﮕﻪ 100 ﺩﻭﻟﻼﺭ ﻛﯩﺮﯨﻢ ﻗﯩﻠﺴﺎ، ﺑﯘ ﻳﻪﻧﯩﻼ ﺑﯩﺰﻧﻰ ﻗﺎﭼﯘﺭﯗﭖ ﻗﻮﻳﻐﺎﻧﻐﺎ ﻗﺎﺭﯨﻐﺎﻧﺪﺍﻣﯩﯔ ﻳﺎﺧﺸﻰ. ﺑﯘ ﻫﯧﺴﺎﺑﺎﺗﻨﻰ ﺋﯘﻻﺭ ﻧﺎﻫﺎﻳﯩﺘﻰ ﻳﺎﺧﺸﻰ ﺑﯩﻠﯩﺪﯗ.

ﻣﺎﺋﺎﺵ ﺗﯜﺯﯛﻣﻰ ﺑﻮﻳﯩﭽﻪ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﺋﺎﻣﯧﺮﯨﻜﺎ ﺷﯩﺮﻛﻪﺗﻠﯩﺮﯨﻨﯩﯔ ﺧﯩﺰﻣﻪﺗﭽﯩﻠﯩﺮﻯ ﻣﯘﻧﺪﺍﻕ 2 ﺧﯩﻠﻐﺎ ﺑﯚﻟﯜﻧﯩﺪﯗ: ﺋﺎﻳﻠﯩﻖ ﺋﺎﻟﯩﺪﯨﻐﺎﻧﺨﯩﺰﻣﻪﺗﭽﯩﻠﻪﺭ ﯞﻩ ﺋﯩﺸﻠﯩﮕﻪﻥ ﺳﺎﺋﻪﺗﯩﮕﻪ ﻗﺎﺭﺍﭖ ﻣﺎﺋﺎﺵ ﺋﺎﻟﯩﺪﯨﻐﺎﻥ ﺧﯩﺰﻣﻪﺗﭽﯩﻠﻪﺭ. ﻣﺎﺋﺎﺷﻠﯩﻘﺨﯩﺰﻣﻪﺗﭽﯩﻠﻪﺭ ﺑﯩﺮ ﻛﯜﻧﺪﻩ 6 ﺳﺎﺋﻪﺕ ﺋﯩﺸﻠﻪﻣﺪﯗ ﻳﺎﻛﻰ 10 ﺳﺎﺋﻪﺕ ﺋﯩﺸﻠﻪﻣﺪﯗ، ﻫﻪﺭ ﺋﺎﻳﺪﺍ ﻣﯘﻗﯩﻤﻤﺎﺋﺎﺵ ﺋﺎﻟﯩﺪﯗ. ﺳﺎﺋﻪﺗﻠﯩﻚ ﺧﯩﺰﻣﻪﺗﭽﯩﻠﻪﺭ ﺑﻮﻟﺴﺎ، ﻫﻪﺭ ﻛﯜﻧﻰ ﺋﯩﺸﻠﯩﮕﻪﻥ ﯞﺍﻗﺘﯩﻨﻰ ﺗﯩﺰﯨﻤﻼﭖ، ﺟﻪﻣﺌﯩﻲ ﺋﯩﺸﻠﯩﮕﻪﻥ ﯞﺍﻗﺘﯩﻐﺎ ﻗﺎﺭﺍﭖ ﻣﺎﺋﺎﺵ ﺋﺎﻟﯩﺪﯗ. ﺋﻪﮔﻪﺭ ﺑﯩﺮ ﻛﯜﻧﻰ 6 ﺳﺎﺋﻪﺕ ﺋﯩﺸﻠﯩﮕﻪﻧﺒﻮﻟﺴﺎ، ﺷﯘ 6 ﺳﺎﺋﻪﺗﻜﻪ ﭼﯘﺷﻠﯘﻕ ﭘﯘﻝ ﺋﺎﻟﯩﺪﯗ. ﺋﻪﮔﻪﺭ ﺑﯩﺮ ﻛﯜﻧﺪﻩ 10 ﺳﺎﺋﻪﺕ ﺋﯩﺸﻠﯩﮕﻪﻥ ﺑﻮﻟﺴﺎ، ﻛﺎﻟﯩﻔﻮﺭﻧﯩﻴﻪﺩﻩ 8 ﺳﺎﺋﻪﺕ ﺋﯜﭼﯜﻥ ﻧﻮﺭﻣﺎﻝ ﺋﯚﻟﭽﻪﻡ ﺑﻮﻳﯩﭽﻪ ﻣﺎﺋﺎﺵ ﺋﯧﻠﯩﭗ، ﺋﺎﺭﺗﯘﻕ ﺋﯩﺸﻠﯩﮕﻪﻥ 2 ﺳﺎﺋﻪﺕ ﺋﯜﭼﯜﻥ ﺋﺎﺩﻩﺗﺘﯩﻜﻰ ﻣﺎﺋﺎﺷﯩﻨﯩﯔ 1.5 ﻫﻪﺳﺴﯩﺴﯩﻨﻰ ﺋﺎﻟﯩﺪﯗ. ﻳﻪﻧﻰ ﺋﻪﮔﻪﺭ ﺋﺎﺩﻩﺗﺘﻪﺳﺎﺋﯩﺘﯩﮕﻪ 10 ﺩﻭﻟﻼﺭ ﺋﺎﻟﻐﺎﻥ ﺑﻮﻟﺴﺎ، ﻫﯧﻠﯩﻘﻰ ﺋﺎﺭﺗﯘﻕ ﺋﯩﺸﻠﯩﮕﻪﻥ 2 ﺳﺎﺋﻪﺗﻨﯩﯔ ﺑﯩﺮ ﺳﺎﺋﯩﺘﯩﮕﻪ 15 ﺩﻭﻟﻼﺭﺩﯨﻦ ﺑﯧﺮﯨﻠﯩﺪﯗ. ﺷﻪﻧﺒﻪ ﻛﯜﻧﯩﻤﯘ ﺳﺎﺋﯩﺘﯩﮕﻪ 15 ﺩﻭﻟﻼﺭ ﺑﯧﺮﯨﻠﯩﺪﯗ. ﻳﻪﻛﺸﻪﻧﺒﻪ ﻳﺎﻛﯩﺒﺎﻳﺮﺍﻡ ﻛﯜﻧﻠﯩﺮﻯ ﺋﯩﺸﻠﯩﺴﻪ ﺳﺎﺋﯩﺘﯩﮕﻪ 20 ﺩﻭﻟﻼﺭ (ﻳﻪﻧﻰ 2 ﻫﻪﺳﺴﻪ) ﻣﺎﺋﺎﺵ ﺑﯧﺮﯨﻠﯩﺪﯗ. ﺑﯘﻛﺎﻟﯩﻔﻮﺭﻧﯩﻴﻪﺩﻩ ﺑﯩﺮ ﻗﺎﻧﯘﻧﺪﯗﺭ.

ﻣﻪﻥ WaveSplitter ﺩﯦﮕﻪﻥ ﺷﯩﺮﻛﻪﺗﺘﻪ ﺋﯩﺸﻠﻪﯞﺍﺗﻘﺎﻧﺪﺍ، ﻣﻪﻥ ﻣﻪﺳﺌﯘﻟﺒﻮﻟﻐﺎﻥ ﺑﯩﺮ ﮔﯘﺭﯗﭘﭙﯩﺪﺍ ﺋﺎﺷﯘﻧﺪﺍﻕ ﺳﺎﺋﻪﺗﻠﯩﻚ ﺋﯩﺸﻠﻪﻳﺪﯨﻐﺎﻥ، 30 ﻳﺎﺷﻼﺭﺩﯨﻜﻰ ﺑﯩﺮ ﺧﻪﻧﺰﯗﺋﺎﻳﺎﻝ ﺑﺎﺭ ﺋﯩﺪﻯ. ﺑﯩﺰﻧﯩﯔ ﯞﻩﺯﯨﭙﯩﻤﯩﺰ ﺑﯩﺮ ﻳﯩﻠﺪﯨﻦ ﺑﯩﺮ ﻳﯧﺮﯨﻢ ﻳﯩﻠﻐﯩﭽﻪ ﺑﻮﻟﻐﺎﻥ ﯞﺍﻗﯩﺘﺌﯩﭽﯩﺪﻩ، ﺋﯘﺯﯗﻥ ﻳﻮﻟﻠﯘﻕ ﻧﯘﺭ ﺗﺎﻻ ﺧﻪﯞﻩﺭﻟﯩﺸﯩﺸﯩﮕﻪ ﺋﯩﺸﻠﯩﺘﯩﻠﯩﺪﯨﻐﺎﻥ ﺑﯩﺮ ﺯﺍﭘﭽﺎﺳﻨﻰ ﺗﻪﺗﻘﯩﻘﻘﯩﻠﯩﭗ ﯞﻩ ﺗﻪﺭﻩﻗﻘﻰ ﻗﯩﻠﺪﯗﺭﯗﭖ ﺋﯩﺸﻠﻪﭖ ﭼﯩﻘﯩﺮﯨﺶ ﺋﯩﺪﻯ. ﺑﯘ ﺯﺍﭘﭽﺎﺳﻨﻰ ﭼﯩﻘﯩﺮﯨﺶ ﺋﯜﭼﯜﻥ ﻻﺯﯨﻤﺒﻮﻟﻐﺎﻥ ﻧﯘﺭ ﺗﺎﻻﻧﻰ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﻳﺎﭘﻮﻧﯩﻴﻪ ﺷﯩﺮﻛﯩﺘﻰ ﻓﯘﺟﯩﻜﯘﺭﺍ ﺑﯘ ﻣﻪﺷﯘﻻﺗﺌﯜﺳﺘﯩﺪﯨﻜﻰ ﺗﻪﺗﻘﯩﻘﺎﺗﻨﻰ ﺑﺎﺷﻠﯩﻐﯩﻠﻰ 10 ﻳﯩﻞ ﺑﻮﻟﻐﺎﻥ، ﻫﻪﻣﺪﻩ ﺋﯘ ﻣﻪﻫﺴﯘﻻﺗﻨﻰ ﺑﺎﺯﺍﺭﻏﺎﺋﺎﻟﻠﯩﻘﺎﭼﺎﻥ ﺳﯧﻠﯩﭗ ﺑﻮﻟﻐﺎﻥ ﺑﻮﻟﻐﺎﭼﻘﺎ، ﺑﯩﺰﻧﯩﯔ ﯞﻩﺯﯨﭙﯩﻤﯩﺰ ﺋﯩﻨﺘﺎﻳﯩﻦ ﺋﯧﻐﯩﺮ ﺋﯩﺪﻯ. ﺋﻪﮔﻪﺭﺑﯩﺰ ﺋﯘﻧﻰ ﺑﻪﻟﮕﯩﻠﯩﻚ ﯞﺍﻗﯩﺖ ﺋﯩﭽﯩﺪﻩ ﺋﯩﺸﻠﻪﭖ ﭼﯩﻘﯩﺮﺍﻟﻤﯩﺴﺎﻕ، ﺋﯘﻧﯩﯔ ﺑﺎﺯﯨﺮﻯ ﺋﯚﺗﯜﭖ ﻛﯧﺘﯩﺸﺌﯧﻬﺘﯩﻤﺎﻟﻠﯩﻘﻰ ﺑﺎﺭ ﺋﯩﺪﻯ. ﺷﯘ ﭼﺎﻏﺪﺍ ﻣﻪﻥ ﺟﯘﯕﮕﻮﺩﺍ ﻓﯩﺰﯨﻜﯩﺪﺍ ﺑﺎﻛﺎﻻﯞﺭ ﺋﯘﻧﯟﺍﻧﻰ ﺋﺎﻟﻐﺎﻧﺌﯘﻳﻐﯘﺭ ﺩﻭﺳﺘﯘﻣﺪﯨﻦ ﻳﻪﻧﻪ ﺋﯩﻜﻜﯩﺴﯩﻨﻰ ﻣﯘﺷﯘ ﺷﯩﺮﻛﻪﺗﻜﻪ ﺧﯩﺰﻣﻪﺗﻜﻪ ﺋﺎﻟﺪﯗﺭﻏﺎﻥ ﺑﻮﻟﯘﭖ، ﺷﯘﭼﺎﻏﺪﯨﻜﻰ ﺑﯘ ﺷﯩﺮﻛﻪﺕ ﺑﯩﺮ ﻣﻪﺯﮔﯩﻞ ﺋﺎﻣﯧﺮﯨﻜﺎ ﺑﻮﻳﯩﭽﻪ ﺋﯘﻳﻐﯘﺭﻻﺭ ﺋﻪﯓ ﻛﯚﭖ (ﻳﻪﻧﻰ ﺟﻪﻣﻰ 3 ﺋﯘﻳﻐﯘﺭ ﺑﺎﺭ) ﺑﻮﻟﻐﺎﻥ ﺑﯩﺮ ﻳﯘﻗﯘﺭﻯ ﺗﯧﺨﻨﯩﻜﯩﻠﯩﻚ ﺷﯩﺮﻛﻪﺕ ﺑﻮﻟﯘﭖ ﻗﺎﻟﻐﺎﻧﯩﺪﻯ. ﻣﻪﻥ ﻛﯚﭘﯩﻨﭽﻪﺷﻪﻧﺒﻪ ﻛﯜﻧﯩﻤﯘ ﺷﯩﺮﻛﻪﺗﻜﻪ ﺑﯧﺮﯨﭗ ﺋﯩﺸﻠﻪﻳﺘﺘﯩﻢ. ﺑﻪﺯﯨﺪﻩ ﻣﯧﻨﯩﯔ ﺑﯩﺮ ﺋﯘﻳﻐﯘﺭ ﺩﻭﺳﺘﯘﻡ ﻣﻪﻧﺒﯩﻠﻪﻥ ﺑﯩﺮﮔﻪ ﻛﯧﻠﻪﺗﺘﻰ. ﺑﯘ ﻣﻪﻫﺴﯘﻻﺗﻨﻰ ﺋﯩﺸﻠﻪﺵ ﺟﻪﺭﻳﺎﻧﯩﺪﺍ، ﻣﻪﻥ ﻳﯘﻗﯩﺮﯨﺪﺍ ﺗﯩﻠﻐﺎ ﺋﺎﻟﻐﺎﻧﺨﻪﻧﺰﯗ ﻗﯩﺰ ﺋﯩﻨﺘﺎﻳﯩﻦ ﻗﺎﺗﺘﯩﻖ ﺋﯩﺸﻠﻪﭖ ﺑﻪﺭﺩﻯ. ﺋﯘﻧﯩﯔ ﺋﻮﻗﯘﻏﺎﻥ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﻠﯩﻜﻤﻪﻛﺘﯩﭙﻰ ﺟﯘﯕﮕﻮﺩﯨﻜﻰ ﺑﯩﺮ ﺋﻮﺗﺘﯘﺭﺍ ﺗﯧﺨﻨﯩﻜﻮﻡ ﺑﻮﻟﯘﭖ، ﺑﯩﺰﻧﯩﯔ ﮔﯘﺭﯗﭘﭙﯩﻐﺎ ﻳﯧﯖﻰ ﻛﻪﻟﮕﻪﻧﺪﻩﺋﯘﻧﯩﯔ ﺳﺎﻻﻫﯩﻴﯩﺘﻰ «ﺗﯧﺨﻨﯩﻚ» ﺋﯩﻜﻪﻧﺪﯗﻕ. ﺋﯘ ﻳﺎﺧﺸﻰ ﺋﯩﺸﻠﯩﮕﻪﻧﻠﯩﻜﻰ ﺋﯜﭼﯜﻥ، ﺑﯩﺮ ﻳﯩﻠﻨﯩﯖﺌﯩﭽﯩﺪﻩ ﻣﻪﻥ ﺋﯘﻧﯩﯔ ﺧﯩﺰﻣﻪﺕ ﺩﻩﺭﯨﺠﯩﺴﯩﻨﻰ ﺋﯩﻜﻜﻰ ﺩﻩﺭﯨﺠﻪ ﺋﯚﺳﺘﯜﺭﯛﭖ، ﻛﺎﻧﺪﯨﺪﺍﺕ ﺋﯩﻨﮋﯨﻨﯩﺮ (ﺋﯩﻨﮕﻠﯩﺰﭼﻪ "associate engineer") ﮔﻪ ﻛﯚﺗﯜﺭﯛﭖ ﺑﻪﺭﺩﯨﻢ. ﺑﯩﺰ ﺑﯘ ﻣﻪﻫﺴﯘﻻﺗﻨﻰ ﭼﯩﻘﯩﺮﯨﭗ ﺑﻮﻟﻐﺎﻧﺪﺍ، ﺑﺎﺯﺍﺭﻧﯩﯔ ﺋﯘﻧﯩﯖﻐﺎ ﺑﻮﻟﻐﺎﻥ ﺋﯩﻬﺘﯩﻴﺎﺟﻰ ﺋﺎﺧﯩﺮﻟﯩﺸﯩﭗ، ﺋﯘ ﻣﻪﺳﻬﯘﻻﺗﻨﻰ ﺑﺎﺯﺍﺭﻏﺎ ﺳﺎﻟﻤﺎﻳﻼ ﺑﯘﭘﺮﻭﺟﻪﻛﺘﻨﻰ ﺗﻮﺧﺘﯩﺘﯩﺸﻘﺎ ﻣﻪﺟﺒﯘﺭ ﺑﻮﻟﺪﯗﻕ. ﺑﯩﺰﻧﯩﯔ ﺷﯩﺮﻛﻪﺗﺘﻪ ﺳﺎﺋﻪﺗﻠﯩﻚ ﺋﯩﺸﻠﻪﻳﺪﯨﻐﺎﻧﻼﺭﻧﯩﯖﭽﯜﺷﻠﯜﻙ ﺗﺎﻣﺎﻕ ﯞﺍﻗﺘﻰ 30 ﻣﯩﻨﯘﺕ ﺋﯩﺪﻯ. ﻣﻪﻥ ﺑﯘ ﭘﺮﻭﺟﻪﻛﺘﻨﯩﯔ ﺋﺎﺧﯩﺮﻗﻰ ﺑﺎﺷﻘﯘﭼﻠﯩﺮﯨﺪﺍ ﺑﯘﺋﺎﻳﺎﻟﻨﯩﯔ ﺷﯩﺮﻛﻪﺗﺘﯩﻜﻰ ﺑﯩﺮ ﻗﺎﻧﭽﻪ ﺋﯩﻨﮋﯨﻨﯩﺮﻻﺭ ﺑﯩﻠﻪﻥ ﺑﯩﺮﮔﻪ ﭼﯜﺷﻠﯜﻙ ﺗﺎﻣﺎﻗﻘﺎ ﻛﯧﺘﯩﭗ (ﺋﯩﻨﮋﯨﻨﯩﺮﻻﺭ ﻣﺎﺋﺎﺷﻠﯩﻖ ﺧﯩﺰﻣﻪﺗﭽﯩﻠﻪﺭﮔﻪ ﻛﯩﺮﯨﺪﯗ)، ﺑﯩﺮ ﺳﺎﺋﻪﺗﺘﯩﻦ 2 ﺳﺎﺋﻪﺗﻜﯩﭽﻪ ﻳﻮﻗﺎﭘﻜﯧﺘﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﻘﯩﺪﯨﻢ. ﻣﺎﺋﺎﺵ ﺑﯧﺮﯨﻠﯩﺪﯨﻐﺎﻧﺪﺍ ﺋﯘ ﺋﺎﻳﺎﻟﻨﯩﯔ ﯞﺍﻗﯩﺖ ﺗﯩﺰﯨﻤﻼﺷﻘﻪﻏﯩﺰﯨﮕﻪ ﻗﺎﺭﯨﺴﺎﻡ، ﭼﯜﺷﻠﯜﻙ ﺩﻩﻡ ﺋﯧﻠﯩﺸﻘﺎ ﭼﯩﻘﻘﺎﻥ ﯞﺍﻗﺘﻰ ﺑﯩﺮﻩﺭ ﻗﯧﺘﯩﻤﻤﯘ 30 ﻣﯩﻨﯘﺗﺘﯩﻨﺌﯧﺸﯩﭗ ﻛﻪﺗﻤﻪﭘﺘﯘ. ﻛﯧﻴﯩﻦ ﺑﯘ ﺋﺎﻳﺎﻝ ﻫﻪﺭ ﻛﯜﻧﻰ ﺋﯚﺯﻯ ﺗﺎﻣﺎﻗﻘﺎ ﻣﯧﯖﯩﺸﺘﯩﻦ ﺑﯘﺭﯗﻥ، ﺑﯩﺰﻧﯩﯖﮕﯘﺭﯗﭘﭙﯩﺪﯨﻜﻰ ﻳﻪﻧﻪ ﺑﯩﺮ ﺧﻪﻧﺰﯗ ﻗﯩﺰﻏﺎ ﺋﯧﻴﺘﯩﭗ ﻗﻮﻳﯘﭖ، ﺷﯘ ﻗﯩﺰ ﺋﯚﺯﯨﻨﯩﯔ ﯞﺍﻗﯩﺖ ﺟﻪﺩﯞﯨﻠﯩﺒﯩﻠﻪﻥ ﺑﯘ ﺋﺎﻳﺎﻟﻨﯩﯔ ﺟﻪﺩﯞﯨﻠﯩﮕﻪ ﺗﻪﯕﻼ ﯞﺍﻗﯩﺖ ﺗﺎﻣﻐﯩﺴﻰ ﺋﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯨﻢ. ﻣﯧﻨﯩﯖﻜﯚﯕﻠﯜﻡ ﺋﯩﻨﺘﺎﻳﯩﻦ ﻳﯧﺮﯨﻢ ﺑﻮﻟﺪﻯ. ﺑﻪﻙ ﺋﯧﭽﯩﻨﺪﯨﻢ. ﺑﯩﺮ ﻳﯩﻠﺪﻩﻙ ﯞﺍﻗﯩﺖ ﺟﻪﺭﻳﺎﻧﯩﺪﺍ، ﻣﻪﻧﺌﯘﻻﺭﻧﯩﯔ ﻫﻪﺭ ﻛﯜﻧﻰ 8 ﺳﺎﺋﻪﺗﺘﯩﻦ ﺋﺎﺭﺗﯘﻕ ﺋﯩﺸﻠﯩﺸﯩﮕﻪ ﻫﻪﻣﺪﻩ ﺑﻪﺯﻯ ﺷﻪﻧﺒﻪ ﻛﯜﻧﻠﯩﺮﯨﻤﯘﺋﯩﺸﻠﯩﺸﯩﮕﻪ ﻳﻮﻝ ﻗﻮﻳﻐﺎﻧﯩﺪﯨﻢ. ﺷﯘﻧﯩﯔ ﺑﯩﻠﻪﻥ ﺷﯘ ﺑﯩﺮ ﻳﯩﻠﺪﺍ ﺑﯘ ﺋﺎﻳﺎﻝ 50 ﻣﯩﯔ ﺩﻭﻟﻼﺭﺩﯨﻨﻴﯘﻗﯩﺮﻯ ﻛﯩﺮﯨﻤﮕﻪ ﺋﯧﺮﯨﺸﻪﻟﯩﮕﻪﻧﯩﺪﻯ. ﻟﯧﻜﯩﻦ، ﺑﯘ ﻣﻪﺳﯩﻠﻪ ﺗﻮﻏﺮﯨﺴﯩﺪﺍ ﺑﯩﺮ ﺋﯩﺶ ﻛﯚﺭﯛﺷﻨﻰ ﺧﺎﻟﯩﻤﯩﺪﯨﻢ. ﺑﯩﺰﻧﯩﯔ ﺷﯩﺮﻛﻪﺗﻨﯩﯔ ﻣﻪﺧﺴﯘﺱ ﻣﯘﺷﯘﻧﺪﺍﻕ ﺋﯩﺸﻼﺭﻏﺎ ﻣﻪﺳﺌﯘﻝ ﺑﯚﻟﯜﻣﻰ ﺑﺎﺭ ﺑﻮﻟﯘﭖ، ﺧﯩﺰﻣﻪﺗﭽﯩﻠﻪﺭﻧﯩﯔ ﺑﯘ ﺟﻪﻫﻪﺗﺘﯩﻜﻰ ﺗﻪﻟﯩﻢ-ﺗﻪﺭﺑﯩﻴﯩﺴﯩﮕﻪ ﺋﺎﺷﯘﻻﺭ ﻣﻪﺳﺌﯘﻝ ﺋﯩﺪﻯ. ﺷﯘﯕﺎ ﻣﯧﻨﯩﯔ ﺋﯘﺋﯩﺸﻘﺎ ﺋﺎﺭﯨﻼﺷﻘﯩﻢ ﻛﻪﻟﻤﯩﺪﻯ. ﺋﯘ ﺋﯩﺸﻨﻰ ﺑﺎﺷﻘﺎ ﻫﯧﭻ ﻛﯩﻤﮕﯩﻤﯘ ﺋﯧﻴﺘﻤﯩﺪﯨﻢ. ﻛﯧﻴﯩﻦ ﺑﯘ ﭘﺮﻭﺟﻪﻛﺘﺘﻮﺧﺘﯩﺘﯩﻠﻐﺎﻧﺪﯨﻦ ﻛﯧﻴﯩﻦ، ﺑﯩﺰﻧﯩﯔ ﮔﯘﺭﯗﭘﭙﯩﻤﯘ ﺗﺎﺭﻗﯩﺘﯩﯟﯦﺘﯩﻠﺪﻯ. ﺋﯘ ﺋﺎﻳﺎﻝ ﺑﺎﺷﻘﺎ ﺑﯩﺮﮔﯘﺭﯗﭘﭙﯩﻐﺎ ﻛﻪﺗﺘﻰ. ﺋﺎﺭﯨﻠﯩﻘﺘﺎ 2-3 ﺋﺎﻱ ﺋﯚﺗﻜﻪﻧﺪﯨﻦ ﻛﯧﻴﯩﻨﻜﻰ ﺑﯩﺮ ﻛﯜﻧﻰ، ﻣﻪﻥ ﺋﯘ ﺋﺎﻳﺎﻟﻨﯩﯖﺸﯩﺮﻛﻪﺗﺘﯩﻦ ﭼﯩﻘﯩﺮﯨﻠﻐﺎﻧﻠﯩﻘﯩﻨﻰ ﺑﯩﻠﺪﯨﻢ. ﺋﯘ ﺋﺎﻳﺎﻝ ﺋﯚﺯﻯ ﺷﯩﺮﻛﻪﺗﺘﯩﻦ ﭼﯩﻘﯩﺮﯨﻠﻐﺎﻥ ﻛﯜﻧﻰ ﻣﯧﻨﯩﺌﯚﺯﯨﻨﯩﯔ ﺑﯘﺭﯗﻥ ﻗﺎﻧﭽﯩﻠﯩﻚ ﻳﺎﺧﺸﻰ ﺋﯩﺸﻠﯩﮕﻪﻧﻠﯩﻜﯩﮕﻪ ﮔﯘﯞﺍﻫﭽﯩﻠﯩﻘﻘﺎ ﺗﺎﺭﺗﯩﭙﺘﯩﻜﻪﻥ. ﻣﻪﻧﺌﺎﺷﯘﻧﺪﺍﻕ ﮔﯘﯞﺍﻫﭽﻰ ﺑﻮﻟﯘﭖ ﺑﻪﺭﺩﯨﻢ. ﺋﻪﻣﻤﺎ، ﺋﯘ ﺋﺎﻳﺎﻟﻨﯩﯔ ﻗﯩﻠﻐﯩﻨﻰ ﺷﯩﺮﻛﻪﺗﻨﯩﯔ ﺗﯜﺯﯛﻣﯩﮕﻪﺧﯩﻼﭖ ﺑﻮﻟﻐﺎﭼﻘﺎ، ﺋﯘ ﺋﺎﻳﺎﻝ ﻳﻪﻧﯩﻼ ﺷﯩﺮﻛﻪﺗﺘﯩﻦ ﭼﯩﻘﯩﺮﯞﯦﺘﯩﻠﺪﻯ.

ﻣﻪﻥ ﻣﯘﺷﯘ ﺳﯚﻫﺒﻪﺗﻨﯩﯔ ﺋﺎﻟﺪﯨﻨﻘﻰ ﻗﯩﺴﻤﯩﺪﺍ، ﺑﯩﺮ ﺷﯩﺮﻛﻪﺗﻜﻪ ﺑﯩﺮ ﺋﺎﺩﻩﻡ ﺋﯧﻠﯩﺸﺘﺎ، ﺋﯘ ﺷﯩﺮﻛﻪﺗﻨﯩﯔ ﻧﯧﻤﯩﻠﻪﺭﻧﻰ ﻛﯚﺯﺩﻩ ﺗﯘﺗﯩﺪﯨﻐﺎﻧﻠﯩﻘﯩﻨﯩﺘﻪﺳﯟﯨﺮﻟﻪﭖ ﺋﯚﺗﺘﯘﻡ. ﺋﺎﻣﯧﺮﻛﯩﺪﯨﻜﻰ ﺷﯩﺮﻛﻪﺗﻠﻪﺭﻧﯩﯔ ﻣﯘﺗﻠﻪﻕ ﻛﯚﭖ ﻗﯩﺴﻤﻰ ﺷﻪﺧﺴﯩﻨﯩﯔ ﻗﻮﻟﯩﺪﺍﺑﻮﻟﯘﭖ، ﺋﯘﻻﺭﻧﯩﯔ ﺑﯩﺮ ﻳﯧﯖﻰ ﺋﺎﺩﻩﻡ ﺋﯧﻠﯩﺸﯩﺪﯨﻜﻰ ﻣﻪﻗﺴﯩﺪﻯ ﺷﯩﺮﻛﻪﺕ ﺋﯩﮕﯩﻠﯩﻜﯩﻨﻰ ﺗﯧﺨﯩﻤﯘﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺋﯜﭼﯜﻥ ﺑﻮﻟﯘﭖ، ﻫﻪﺭﮔﯩﺰ ﺋﯚﺯﯨﻨﯩﯔ ﺗﯘﻏﻘﯩﻨﯩﻨﻰ ﺑﯧﻘﯩﯟﯦﻠﯩﺶ ﺋﯜﭼﯜﻥ ﺋﻪﻣﻪﺱ. ﺷﯘﯕﺎ ﺋﯘﻻﺭ ﺋﯚﺯ ﺷﯩﺮﻛﯩﺘﯩﮕﻪ ﺋﺎﺩﻩﻡ ﺋﺎﻟﻐﺎﻧﺪﺍ، ﺋﻪﮔﻪﺭ ﺑﯩﺮ ﺧﯩﺰﻣﻪﺗﻜﻪ ﺑﯩﺮ ﺗﯘﻏﻘﯩﻨﻰ ﺑﯩﻠﻪﻧﺒﯩﺮ ﻳﺎﺕ ﺋﺎﺩﻩﻡ ﺗﻪﯕﻼ ﺋﯩﻠﺘﯩﻤﺎﺱ ﻗﯩﻠﻐﺎﻥ ﺑﻮﻟﯘﭖ، ﺑﯘ ﺋﯩﻜﻜﯩﺴﯩﻨﯩﯔ ﺧﯩﺰﻣﻪﺕ ﺋﯩﻘﺘﯩﺪﺍﺭﻯ ﺋﻮﺧﺸﺎﺷﺒﻮﻟﯘﭖ ﻗﺎﻟﺴﺎ، ﺋﯚﺯﯨﻨﯩﯔ ﺗﯘﻏﻘﯩﻨﯩﻨﻰ ﺋﯧﻠﯩﺸﻰ ﻣﯘﻣﻜﯩﻦ. ﺋﻪﮔﻪﺭ ﻳﺎﺗﻨﯩﯔ ﻗﺎﺑﯩﻠﯩﻴﯩﺘﯩﺘﯘﻏﻘﯩﻨﯩﻨﯩﯔ ﻗﺎﺑﯩﻠﯩﻴﯩﺘﯩﺪﯨﻦ ﻳﯘﻗﯩﺮﯨﺮﺍﻕ ﺑﻮﻟﯘﭖ ﻗﺎﻟﺴﺎ، ﻛﯚﭘﯩﻨﭽﻪ ﻫﺎﻟﻼﺭﺩﺍ ﭼﻮﻗﯘﻡ ﻫﯧﻠﯩﻘﯩﻴﺎﺗﻨﻰ ﺋﺎﻟﯩﺪﯗ (ﻟﯧﻜﯩﻦ، ﺟﯘﯕﮕﻮﻟﯘﻗﻼﺭ ﻗﯘﺭﻏﺎﻥ ﺷﯩﺮﻛﻪﺗﻠﻪﺭﺩﻩ ﺟﯘﯕﮕﻮﺩﯨﻜﯩﮕﻪ ﺋﻮﺧﺸﺎﺵ ﺋﯩﺸﻼﺭﺋﯩﻨﺘﺎﻳﯩﻦ ﺋﯧﻐﯩﺮ، ﺩﻩﭖ ﺋﺎﯕﻠﯩﺪﯨﻢ). ﺋﺎﻣﯧﺮﯨﻜﯩﻠﯩﻘﻼﺭ ﺋﯚﺯﯨﻨﯩﯔ ﺗﯘﻏﻘﯩﻨﯩﻨﯩﯔ ﺷﯩﺮﻛﯩﺘﯩﺪﻩﺋﯩﺸﻠﻪﺷﻨﻰ، ﺋﻪﺭ-ﺧﻮﺗﯘﻥ ﺑﯩﺮ ﺷﯩﺮﻛﻪﺗﺘﻪ ﺋﯩﺸﻠﻪﺷﻨﻰ ﭘﻪﻗﻪﺕ ﻳﺎﺧﺸﻰ ﻛﯚﺭﻣﻪﻳﺪﯗ. ﺋﺎﻣﯧﺮﯨﻜﯩﺪﺍﺗﻮﻧﯘﺵ ﺋﺎﺭﻗﯩﻠﯩﻖ ﺧﯩﺰﻣﻪﺕ ﺗﺎﭘﯩﺪﯨﻐﺎﻥ ﺋﯩﺸﻼﺭﻣﯘ ﺋﺎﺯ ﺋﻪﻣﻪﺱ. ﻟﯧﻜﯩﻦ، ﻣﯧﻨﯩﯖﭽﻪ، ﻗﺎﻧﯘﻥ ﺑﻮﻳﯩﭽﻪﺋﺎﺩﻩﻡ ﺳﺎﻧﻰ ﺗﻪﺧﻤﯩﻨﻪﻥ 50 ﺗﯩﻦ ﺋﺎﺷﯩﺪﯨﻐﺎﻥ ﺷﯩﺮﻛﻪﺗﻠﻪﺭﻧﯩﯔ ﻫﻪﻣﻤﯩﺴﻰ ﺋﯚﺯﯨﻨﻰ «ﺋﻮﺧﺸﺎﺵ ﺧﯩﺰﻣﻪﺗﭙﯘﺭﺳﯩﺘﻰ ﺑﯧﺮﯨﺪﯨﻐﺎﻥ ﺋﻮﺭﯗﻥ» ﺩﻩﭖ ﺋﯧﻼﻥ ﻗﯩﻠﯩﺸﻰ ﻫﻪﻣﺪﻩ ﺷﯩﺮﻛﯩﺘﯩﮕﻪ ﺋﺎﺩﻩﻡ ﺋﺎﻟﻐﺎﻧﺪﺍ ﺑﯩﺮﺳﯩﻨﯩﻜﻪﻣﺴﯩﺘﻤﻪﺳﻠﯩﻜﻰ ﻛﯧﺮﻩﻙ. ﺋﺎﻣﯩﺮﻛﯩﺪﺍ ﺑﯘ ﺧﺨﻠﺪﯨﻜﻰ ﺷﯩﺮﻛﻪﺗﻠﻪﺭ ﻛﯚﭖ ﺑﯘﻟﯘﭖ،ﺑﯘﻧﺪﺍﻗﺸﯩﺮﻛﻪﺗﻠﻪﺭﻧﻰ ﺋﯩﻨﮕﻠﯩﺰﭼﻪ «Equal Opportunity Employer» ﺩﻩﭖ ﺋﺎﺗﺎﭖ، ﻗﯩﺴﻘﺎﺭﺗﯩﭗ «EOE» ﺩﻩﭘﻴﺎﺯﯨﺪﯗ. ﺷﯘﯕﺎ، ﮔﯧﺰﯨﺘﻜﺎ ﭼﯩﻘﯩﺮﯨﻠﻐﺎﻥ ﺧﯩﺰﻣﻪﺕ ﺋﯧﻼﻧﯩﻐﺎ ﻗﺎﺭﯨﺴﯩﯖﯩﺰ، ﻛﯚﭘﻠﯩﺮﯨﻨﯩﯔ ﺋﺎﺳﺘﯩﺪﺍ «EOE» ﺩﻩﭘﻴﯧﺰﯨﻠﻐﺎﻧﻠﯩﻘﯩﻨﻰ ﻛﯚﺭﯨﺴﯩﺰ. ﺳﯩﺰ ﺋﻪﮔﻪﺭ ﻣﯘﺷﯘﻧﺪﺍﻕ ﺑﯩﺮ ﺷﯩﺮﻛﻪﺗﻜﻪ ﺋﯩﻠﺘﯩﻤﺎﺱ ﻗﯩﻠﯩﭗ، ﺋﯚﺯﯨﯖﯩﺰﻧﯩﯔ ﻛﻪﻣﺴﯩﺘﯩﻠﮕﻪﻧﻠﯩﻜﯩﻨﻰ ﺋﯩﺴﭙﺎﺗﻠﯩﻴﺎﻟﯩﺴﯩﯖﯩﺰ، ﺋﯘ ﺷﯩﺮﻛﻪﺕ ﺋﯧﻐﯩﺮ ﺟﺎﺯﺍﻏﺎﺗﺎﺭﺗﯩﻠﯩﺪﯗ. ﺷﯘﯕﺎ، ﺗﻮﻧﯘﺷﻼﺭﻧﯩﯔ ﺧﯩﺰﻣﻪﺕ ﺗﯧﭙﯩﺸﺘﺎ ﺋﻮﻳﻨﺎﻳﺪﯨﻐﺎﻥ ﺋﺎﺳﺎﺳﻠﯩﻖ ﺭﻭﻟﻰ، ﺋﯚﺯﯨﻨﯩﯖﺸﯩﺮﻛﯩﺘﯩﺪﻩ ﻗﺎﻧﺪﺍﻕ ﺧﯩﺰﻣﻪﺗﻠﻪﺭﻧﯩﯔ ﺑﺎﺭﻟﯩﻘﯩﻨﻰ ﺗﻮﻧﯘﺷﯩﻐﺎ ﺋﯧﻴﺘﯩﭗ ﺑﯧﺮﯨﺶ ﻫﻪﻣﺪﻩ ﺋﯘﻧﯩﯖﻐﺎﺋﯩﻠﺘﯩﻤﺎﺱ ﻗﯩﻠﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻧﻪﺗﯩﺠﯩﺴﻰ ﻗﺎﻧﺪﺍﻕ ﺑﻮﻟﻐﺎﻧﻠﯩﻘﯩﻨﻰ ﺳﯜﺭﯛﺷﺘﻪ ﻗﯩﻠﯩﭙﺒﯧﺮﯨﺸﺘﯩﻦ ﺋﯩﺒﺎﺭﻩﺕ ﺑﻮﻟﯩﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، ﺋﻪﮔﻪﺭ ﺳﯩﺰﻧﯩﯔ ﺷﯩﺮﻛﻪﺗﺘﻪ ﺋﯩﻨﺎﯞﯨﺘﯩﯖﯩﺰﺑﻮﻟﺴﺎ، ﺳﯩﺰ ﺑﯩﺮ ﻛﯩﺸﯩﮕﻪ ﮔﯘﯞﺍﻫﭽﻰ ﺑﻮﻟﯘﭖ، ﺋﯘﻧﻰ ﺋﺎﺳﺎﻧﺮﺍﻕ ﺋﯩﺸﻘﺎ ﺋﺎﻟﺪﯗﺭﺍﻻﻳﺴﯩﺰ. ﻣﻪﻥ CVI ﺩﯦﮕﻪﻧﺸﯩﺮﻛﻪﺗﺘﯩﻜﻰ ﻣﯧﻨﯩﯔ ﺳﺎﺑﯩﻖ ﺑﺎﺷﻠﯩﻘﯩﻢ، ﺷﯩﺮﻛﻪﺗﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﯩﻨﻰ WaveSplitter ﺩﯦﮕﻪﻥ ﺷﯩﺮﻛﻪﺗﻜﻪ ﺋﻪﻧﻪ ﺷﯘﻧﺪﺍﻕ ﺋﯩﺸﻘﺎ ﺋﺎﻟﺪﯗﺭﻏﺎﻥ ﺋﯩﺪﯨﻢ. ﻳﯘﻗﯩﺮﯨﻘﻰ ﺋﯩﻜﻜﻰ ﺋﯘﻳﻐﯘﺭﺩﻭﺳﺘﯘﻣﻨﯩﻤﯘ ﺋﺎﺷﯘﻧﺪﺍﻕ ﺋﯩﺸﻘﺎ ﺋﺎﻟﺪﯗﺭﺩﯗﻡ. ﺋﯘﻻﺭﻧﻰ ﻣﻪﻥ ﺗﻮﻧﯘﺷﺘﯘﺭﻏﺎﻥ ﺑﻮﻟﺴﺎﻣﻤﯘ، ﻳﻪﻧﯩﻼﻧﻮﺭﻣﺎﻝ ﺭﻩﺳﻤﯩﻴﻪﺕ ﺑﻮﻳﯩﭽﻪ، ﺷﯩﺮﻛﻪﺗﺘﯩﻜﻰ ﺑﯩﺮ ﻗﺎﻧﭽﻪ ﻛﯩﺸﻰ ﺋﯘﻻﺭ ﺑﯩﻠﻪﻥ ﺋﺎﻳﺮﯨﻢ-ﺋﺎﻳﺮﯨﻤﻜﯚﺭﯛﺷﯜﭖ، ﻧﯘﺭﻏﯘﻥ ﺳﻮﺋﺎﻟﻼﺭﻧﻰ ﺳﻮﺭﺍﭖ، ﺋﯘﻻﺭ ﺋﯜﺳﺘﯩﺪﻩ «ﺑﻮﻟﯩﺪﯨﻜﻪﻥ» ﺩﯦﮕﻪﻥ ﺧﯘﻻﺳﯩﻨﯩﭽﯩﻘﺎﺭﻏﺎﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﺋﯘﻻﺭﻧﻰ ﺷﯩﺮﻛﻪﺗﻜﻪ ﺋﺎﻟﻐﺎﻧﯩﺪﻯ. ﺑﯘﻧﺪﺍﻕ ﺋﯩﺸﻼﺭ ﻛﯚﭘﺌﯘﭼﺮﯨﻤﺎﻳﺪﯗ. ﻟﯧﻜﯩﻦ ﺋﯘ ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﯩﺪﯨﻤﯘ ﻣﻪﯞﺟﯘﺕ. ﻛﯩﭽﯩﻜﺮﻩﻙ ﺷﯩﺮﻛﻪﺗﺘﻪ ﺋﺎﺷﯘﻧﺪﺍﻗﻘﯩﻠﻐﯩﻠﻰ ﺑﻮﻟﯩﺪﯗ. ﻟﯧﻜﯩﻦ، ﻣﻪﻥ ﻫﺎﺯﯨﺮ ﺋﯩﺸﻠﻪﯞﺍﺗﻘﺎﻥ ﺋﯩﺪﺍﺭﯨﮕﻪ ﺋﻮﺧﺸﺎﺵ ﭼﻮﯓ ﺷﯩﺮﻛﻪﺗﺘﻪ ﺑﻮﻟﺴﺎﺋﯘﻧﺪﺍﻕ ﻗﯩﻠﯩﺶ ﻣﯘﺗﻠﻪﻕ ﻣﯘﻣﻜﯩﻦ ﺋﻪﻣﻪﺱ.

ﺋﺎﻣﯧﺮﯨﻜﯩﺪﺍ ﻣﻪﻥ ﻳﯘﻗﯩﺮﯨﺪﺍ ﺋﯧﻴﺘﻘﺎﻧﺪﻩﻛﻜﯩﺸﯩﻠﻪﺭﻧﯩﯔ ﺧﯩﺰﻣﻪﺕ ﺋﻪﺧﻼﻗﻰ ﺗﻮﻏﺮﯨﺴﯩﺪﯨﻜﻰ ﺋﺎﯓ-ﺳﻪﯞﯨﻴﯩﺴﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺑﻮﻟﯘﭖ، ﻛﯩﺸﯩﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﻗﺎﻧﯘﻥ ﺑﻮﻳﯩﭽﻪ ﻧﻮﺭﻣﺎﻝ ﺧﯩﺰﻣﻪﺕ ﻣﯘﻧﺎﺳﯩﯟﯨﺘﯩﺘﻪﺭﯨﻘﯩﺴﯩﺪﻩ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﺑﻮﻟﻐﺎﭼﻘﺎ، ﻛﯩﺸﯩﻠﻪﺭ ﺋﯩﻨﺘﺎﻳﯩﻦ ﻛﯚﯕﯜﻝ ﺋﺎﺯﺍﺩﯨﻠﯩﻜﻰ ﺋﯩﭽﯩﺪﻩﻳﺎﺷﺎﻳﺪﯗ. ﺋﺎﺩﻩﻡ ﻛﻪﻣﺴﯩﺘﯩﺶ، ﻫﻪﻗﻘﺎﻧﯩﻴﻪﺗﺴﯩﺰﻟﯩﻚ، ﺋﻪﺧﻼﻗﺴﯩﺰﻟﯩﻖ، ﺋﺎﺩﺍﻟﻪﺗﺴﯩﺰﻟﯩﻚ ﺩﯦﮕﻪﻧﺪﻩﻛﻨﻪﺭﺳﯩﻠﻪﺭﻧﻰ ﺋﺎﻧﭽﻪ ﺋﯘﭼﺮﺍﺗﻤﺎﻳﻤﯩﺰ. ﺟﯘﯕﮕﻮﺩﯨﻜﯩﮕﻪ ﺋﻮﺧﺸﺎﺵ ﺑﯩﺮ ﺋﺎﺩﻩﻣﻨﯩﯔ ﻳﻪﻧﻪ ﺑﯩﺮ ﺋﺎﺩﻩﻣﮕﻪﻫﺎﺟﯩﺘﻰ ﭼﯜﺷﯩﺪﯨﻐﺎﻥ ﺋﯩﺶ ﺋﺎﺳﺎﺳﻪﻥ ﻣﻪﯞﺟﯘﺕ ﺋﻪﻣﻪﺱ. ﭘﯘﻟﻼ ﺑﻮﻟﺴﺎ، ﻫﻪﻣﻤﻪ ﺋﯩﺸﻨﻰ ﻗﺎﻧﯘﻧﻠﯘﻗﻴﺎﻛﻰ ﻧﻮﺭﻣﺎﻝ ﻣﯘﻧﺎﺳﯩﯟﻩﺕ ﺑﯩﻠﻪﻥ ﻫﻪﻝ ﻗﯩﻠﻐﯩﻠﻰ ﺑﻮﻟﯩﺪﯗ. ﻣﻪﻥ ﻣﯘﺷﯘ ﺳﻮﺋﺎﻟﻐﺎ ﺑﯩﺮﻩﺭ ﺳﻪﻟﺒﯩﻴﻤﯩﺴﺎﻝ ﺗﯧﭙﯩﺶ ﺋﯜﭼﯜﻥ ﺧﯧﻠﻰ ﺗﯩﺮﯨﺸﯩﭗ ﺑﺎﻗﻘﺎﻥ ﺑﻮﻟﺴﺎﻣﻤﯘ، ﺋﯚﺯ ﺳﻪﺭﮔﯜﺯﻩﺷﺘﻠﯩﺮﯨﻤﻨﯩﯔ ﺋﯩﭽﯩﺪﯨﻨﺒﯩﺮﻩﺭ ﻳﺎﺧﺸﻰ ﻣﯩﺴﺎﻝ ﺗﺎﭘﺎﻟﻤﯩﺪﯨﻢ. ﭘﻪﻗﻪﺕ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﻠﯩﻖ ﻫﯚﻛﯜﻣﯩﺘﯩﺪﻩ ﺑﯘﻧﯩﯖﺪﯨﻨﺒﯩﺮ ﻗﺎﻧﭽﻪ ﻳﯩﻞ ﺑﯘﺭﯗﻥ ﻳﯜﺯ ﺑﻪﺭﮔﻪﻥ ﻣﯘﻧﺪﺍﻕ ﺑﯩﺮ ﺋﯩﺶ ﺋﯧﺴﯩﻤﮕﻪ ﻛﻪﻟﺪﻯ. ﺩﯗﻧﻴﺎﺩﯨﻜﻰ ﺋﻪﯓ ﭼﻮﯕﺴﺎﻧﻠﯩﻖ ﺋﺎﻣﺒﺎﺭ ﺑﺎﺷﻘﯘﺭﯗﺵ ﻳﯘﻣﺸﺎﻕ ﺩﯦﺘﺎﻟﯩﻨﻰ ﭼﯩﻘﯩﺮﯨﺪﯨﻐﺎﻥ «Oracle» ﺩﯦﮕﻪﻥ ﺷﯩﺮﻛﻪﺕ ﺑﯩﺰﻧﯩﯔ ﺑﯘﺭﯗﻧﻘﻰ ﺋﯚﻳﯩﻤﯩﺰﺩﯨﻦ 10 ﻛﯩﻠﻮﻣﯧﺘﺮ ﻳﯩﺮﺍﻗﻠﯩﻘﺘﯩﻜﻰ ﺑﯩﺮ ﺷﻪﻫﻪﺭﺩﻩ ﺑﻮﻟﯘﭖ، ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﻠﯩﻖ ﻫﯚﻛﯜﻣﯩﺘﻰ ﺑﯩﺮﻗﯧﺘﯩﻢ ﺋﯘﻻﺭﺩﯨﻦ ﺗﻪﺧﻤﯩﻨﻪﻥ 30 ﻣﯩﻠﻴﻮﻥ ﺩﻭﻟﻼﺭ ﻗﯩﻤﻤﯩﺘﯩﺪﯨﻜﻰ ﻳﯘﻣﺸﺎﻕ ﺩﯦﺘﺎﻟﻨﻰ ﺳﯧﺘﯩﯟﺍﭘﺘﯘ. ﺑﯘﺋﯩﺸﻘﺎ ﻣﻪﺳﺌﯘﻝ ﺑﻮﻟﻐﺎﻥ ﻛﯩﺸﻰ «Oracle» ﺩﯦﮕﻪﻥ ﺷﯩﺮﻛﻪﺗﺘﯩﻜﻰ ﺳﻮﺩﺍ-ﺳﯧﺘﯩﻘﻘﺎ ﻣﻪﺳﺌﯘﻝ ﻛﯩﺸﻰ ﺑﯩﻠﻪﻥ ﻳﯧﻘﯩﻦ ﺑﻮﻟﯘﭖ، ﺳﻮﺩﺍ ﭘﯜﺗﻜﻪﻧﺪﯨﻦ ﻛﯧﻴﯩﻦ Oracle ﻫﯧﻠﯩﻘﻰ ﺋﻪﻣﻪﻟﺪﺍﺭﻏﺎ ﺑﯩﺮﻩﺭ ﻳﯜﺯﻣﯩﯔ ﺩﻭﻟﻼﺭ ﺋﻪﺗﺮﺍﭘﯩﺪﺍ «ﻣﯘﻛﺎﭘﺎﺕ ﭘﯘﻟﻰ» ﺑﯧﺮﯨﭙﺘﯘ. ﻛﯧﻴﯩﻦ ﺑﯘ ﺋﯩﺶ ﭘﺎﺵ ﺑﻮﻟﯘﭖ ﻗﺎﻟﺪﻯ. ﻫﯚﻛﯜﻣﻪﺕ ﺗﻪﻛﺸﯜﺭﯛﭖ ﻗﺎﺭﯨﺴﺎ، ﺋﺎﻟﻐﺎﻥ ﻳﯘﻣﺸﺎﻗﺪﯦﺘﺎﻟﻨﯩﯔ ﺳﺎﻧﻰ ﺋﯘﻧﻰ ﺋﯩﺸﻠﯩﺘﻪﻟﻪﻳﺪﯨﻐﺎﻥ ﺧﯩﺰﻣﻪﺗﭽﻰ ﺧﺎﺩﯨﻤﻼﺭﻧﯩﯔ ﺳﺎﻧﯩﺪﯨﻨﻤﯘ ﻛﯚﭖ ﺋﯩﻜﻪﻥ. ﺷﯘﻧﯩﯔ ﺑﯩﻠﻪﻥ، ﺷﯩﺘﺎﺗﻠﯩﻖ ﻫﯚﻛﯜﻣﻪﺕ ﻫﯧﻠﯩﻘﻰ ﺳﻮﺩﺍ ﺋﯘﺳﺘﯩﺪﯨﻦ « ﻗﺎﻧﯘﻧﺴﯩﺰ ﺋﯩﺶ» (ﺋﯩﻨﮕﻠﯩﺰﭼﯩﺪﻩ «illegal practice» ﺩﻩﭖ ﺋﺎﺗﺎﻳﺪﯗ) ﺩﯦﮕﻪﻥ ﺧﯘﻻﺳﯩﻨﻰ ﭼﯩﻘﯩﺮﯨﭗ، ﺋﯘ ﻳﯘﻣﺸﺎﻕ ﺩﯦﺘﺎﻟﻼﺭﻧﯩﯔ ﺑﯩﺮ ﻗﯩﺴﻤﯩﻨﻰ Oracle ﻏﺎ ﻗﺎﻳﺘﯘﺭﯗﭖ، ﻫﯧﻠﯩﻘﻰ ﺋﻪﻣﻪﻟﺪﺍﺭ ﺋﯧﺮﯨﺸﻜﻪﻥ ﻣﯘﻛﺎﭘﺎﺕ ﭘﯘﻟﯩﻨﻰ ﺗﺎﺭﺗﯩﯟﯨﻠﯩﭗ، ﺋﯘ ﺋﻪﻣﻪﻟﺪﺍﺭﻧﯩﺌﯩﺸﺘﯩﻦ ﺑﻮﺷﯩﺘﯩﯟﻩﺗﺘﻰ. ﺑﯘ ﻳﻪﺭﺩﯨﻤﯘ ﺑﯩﺮ ﺋﺎﺩﺩﯨﻲ ﻫﯧﺴﺎﺏ ﺑﺎﺭ. ﻫﯧﻠﯩﻘﻰ ﺋﻪﻣﻪﻟﺪﺍﺭﻧﯩﯔ ﻳﯩﻠﻠﯩﻘﻤﺎﺋﺎﺷﻰ ﭼﻮﻗﯘﻡ ﺑﯩﺮ ﻳﯜﺯ ﻣﯩﯔ ﺩﻭﻟﻼﺭﺩﯨﻦ ﺟﯩﻖ ﻳﯘﻗﯩﺮﻯ. ﻣﺎﻧﺎ ﺋﻪﻣﺪﻯ ﺋﯘ ﺧﯩﺰﻣﯩﺘﯩﺪﯨﻦ ﻗﯘﺭﯗﻗﻘﯧﻠﯩﺶ ﺑﯩﻠﻪﻥ ﺑﯘﻧﺪﺍﻕ ﻣﺎﺋﺎﺷﺘﯩﻨﻤﯘ ﻗﯘﺭﯗﻕ ﻗﺎﻟﺪﻯ، ﺩﯦﮕﻪﻥ ﺳﯚﺯ. ﺋﯘ ﻛﯩﺸﯩﻨﯩﯔ ﺑﺎﺷﻘﺎ ﺑﯩﺮ ﺧﯩﺰﻣﻪﺗﺘﯧﭙﯩﺸﻰ ﭘﯜﺗﯜﻧﻠﻪﻱ ﻣﯘﻣﻜﯩﻦ. ﻟﯧﻜﯩﻦ، ﺋﻪﮔﻪﺭ ﺋﺎﻣﯧﺮﯨﻜﯩﺪﺍ ﺑﯩﺮﻯ ﭘﺎﺭﻩ ﻳﯧﻤﻪﻛﭽﻰ ﺑﻮﻟﺴﺎ، ﺋﯘﭘﺎﺭﯨﻨﻰ ﺧﯧﻠﻰ ﻛﯚﭖ ﻳﯧﻤﯩﺴﻪ، ﺋﯘ ﻛﯩﺸﯩﻨﯩﯔ ﺗﯘﺭﻣﯘﺷﯩﻐﺎ ﺋﺎﻧﭽﻪ ﺗﻪﺳﯩﺮ ﻛﯚﺭﺳﻪﺗﻤﻪﺳﻠﯩﻜﻰ، ﻫﻪﺗﺘﺎﺋﯘﻧﯩﯔ ﻧﻪﺗﯩﺠﯩﺴﯩﺪﻩ ﭼﻮﯓ ﺯﯨﻴﺎﻧﻼﺭﻧﻰ ﺗﺎﺭﺗﯩﭗ ﻗﯧﻠﯩﺸﻰ ﻣﯘﻣﻜﯩﻦ. ﻣﯘﺷﯘﻧﺪﺍﻕ ﺑﯩﺮ ﺭﯨﻴﺎﻟﻠﯩﻘﺌﺎﻣﯧﺮﯨﻜﯩﺪﺍ ﻛﯩﺸﯩﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﻨﯩﯔ ﺑﯩﺮ ﺧﯩﻞ ﻧﻮﺭﻣﺎﻝ ﺧﯩﺰﻣﻪﺕ ﻣﯘﻧﺎﺳﯩﯟﯨﺘﯩﺒﻮﻟﯘﺷﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ ﺑﻮﻟﯘﺷﻰ ﻣﯘﻣﻜﯩﻦ.

ﺋﺎﺧﯩﺮﯨﺪﺍ، ﮔﻪﺭﭼﻪ ﻳﯘﻗﯩﺮﻗﻰ ﺳﻮﺋﺎﻝ ﺑﯩﻠﻪﻧﺒﯩﯟﺍﺳﯩﺘﻪ ﻣﯘﻧﺎﺳﯩﯟﯨﺘﻰ ﺑﻮﻟﻤﯩﺴﯩﻤﯘ، ﻣﻪﻥ ﺋﺎﻣﯧﺮﯨﻜﯩﻨﯩﯔ ﻳﺎﺵ ﺋﯚﺳﻤﯜﺭﻟﻪﺭﻧﻰ ﺗﻪﺭﺑﯩﻴﯩﻠﻪﺷﺘﯩﻜﯩﻴﻪﻧﻪ ﺑﯩﺮ ﺋﯩﺸﯩﻨﻰ ﺳﯚﺯﻟﻪﭖ ﺑﯧﺮﻩﻱ. ﺋﺎﻟﺪﯨﻨﻘﻰ ﭘﻪﻳﺸﻪﻧﺒﻪ (2005-ﻳﯩﻠﻰ 28-ﺋﺎﭘﺮﯦﻞ) ﻛﯜﻧﯩﻜﺎﻟﯩﻔﻮﺭﻧﯩﻴﻪﺩﻩ «ﺑﺎﻟﯩﺴﯩﻨﻰ ﺋﺎﺗﺎ-ﺋﺎﻧﯩﺴﯩﻨﯩﯔ ﺋﯩﺪﺍﺭﯨﺴﯩﮕﻪ ﺋﺎﭘﯩﺮﯨﺶ ﻛﯜﻧﻰ» ﺑﻮﻟﺪﻯ. ﻳﺎﺵ-ﺋﯚﺳﻤﯜﺭﻟﻪﺭ ﺩﺍﯞﺍﻣﻠﯩﻖ ﺋﺎﺗﺎ-ﺋﺎﻧﯩﺴﯩﺪﯨﻦ ﺋﯚﺯﯨﻨﯩﯔ ﺧﯩﺰﻣﯩﺘﯩﮕﻪ ﺋﺎﺋﯩﺖ ﻧﻪﺭﺳﯩﻠﻪﺭﻧﻰ ﺋﺎﯕﻼﭘﺘﯘﺭﯨﺪﯗ. ﻫﻪﻣﺪﻩ ﺋﯚﺯﯨﻨﯩﯔ ﭼﻮﯓ ﺑﻮﻟﻐﺎﻧﺪﺍ ﻗﯩﻠﯩﺪﯨﻐﺎﻥ ﺧﯩﺰﻣﯩﺘﯩﻨﯩﯔ ﻗﺎﻧﺪﺍﻕ ﺑﻮﻟﯩﺪﯨﻐﺎﻧﻠﯩﻘﯩﻨﯩﺒﯩﻠﮕﯜﺳﻰ ﻛﯧﻠﯩﺪﯗ. ﺷﯘﯕﻼﺷﻘﺎ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻳﯘﻗﯩﺮﻗﻰ ﻛﯜﻧﻨﻰ ﺑﺎﻟﯩﻼﺭﻧﯩﯔ ﺩﺍﺩﯨﺴﻰ ﻳﺎﻛﯩﺌﺎﭘﯩﺴﯩﻨﯩﯔ ﺋﯩﺪﺍﺭﯨﺴﯩﮕﻪ ﺑﯧﺮﯨﭗ، ﺑﯩﺮ ﻛﯜﻥ ﺋﯘﻻﺭ ﻗﯩﻠﯩﺪﯨﻐﺎﻥ ﺧﯩﺰﻣﻪﺗﻨﯩﯔ ﭘﯜﺗﯜﻥ ﺟﻪﺭﻳﺎﻧﯩﻨﯩﻜﯚﺭﯛﭖ ﺑﺎﻗﯩﺪﯨﻐﺎﻥ ﻛﯜﻥ ﻗﯩﻠﯩﭗ ﺑﯧﻜﯩﺘﻜﻪﻥ ﺋﯩﻜﻪﻥ. ﻣﻪﻛﺘﻪﭘﻠﻪﺭﻣﯘ ﺋﯘ ﻛﯜﻧﻰ ﻣﯘﺷﯘ ﺋﯩﺸﻤﯘﻧﺎﺳﯩﯟﯨﺘﻰ ﺑﯩﻠﻪﻥ ﻣﻪﻛﺘﻪﭘﮕﻪ ﻛﻪﻟﻤﻪﻳﺪﯨﻐﺎﻧﻼﺭﻏﺎ ﻳﻮﻝ ﻗﻮﻳﯩﺪﯗ. ﻣﻪﻥ ﺋﻮﻏﻠﯘﻣﻨﻰ ﺋﯚﺯﯛﻣﻨﯩﯖﺌﯩﺪﺍﺭﯨﺴﯩﮕﻪ ﺋﺎﭘﺎﺭﺩﯨﻢ. ﺋﺎﺩﻩﺗﺘﯩﻜﯩﮕﻪ ﺋﻮﺧﺸﺎﺷﻼ ﺑﯩﺰ ﺋﻪﺗﯩﮕﻪﻥ ﺳﺎﺋﻪﺕ 5:45 ﺩﻩ ﺋﻮﺭﻧﯩﻤﯩﺰﺩﯨﻨﺘﯘﺭﯗﭖ، ﺳﺎﺋﻪﺕ 6:15 ﺩﻩ ﺋﯚﻳﺪﯨﻦ ﻳﻮﻟﻐﺎ ﭼﯩﻘﯩﭗ، ﺳﺎﺋﻪﺕ 6:30ﺩﻩ ﺋﯩﺪﺍﺭﯨﻨﯩﯔ ﻣﯩﻨﯩﺒﯘﺳﻰ ﺑﯩﻠﻪﻧﻴﯩﻐﯩﻠﯩﺶ ﺋﻮﺭﻧﯩﺪﯨﻦ ﻳﻮﻟﻐﺎ ﭼﯩﻘﯩﭗ ﺋﯩﺸﻘﺎ ﺑﺎﺭﺩﯗﻕ. ﺋﯘ ﻛﯜﻧﻰ ﺑﯩﺰﻧﯩﯔ ﺋﯩﺪﺍﺭﯨﮕﻪ 400-500 ﮔﻪﻳﯧﻘﯩﻦ ﺑﺎﻻ ﺑﯧﺮﯨﭙﺘﯘ. ﻫﻪﻣﻤﻪ ﻳﻪﺭﺩﻩ ﺑﺎﻟﯩﺴﯩﻨﻰ ﻳﯧﺘﯩﻠﻪﭖ ﻛﯧﺘﯩﭗ ﺑﺎﺭﻏﺎﻧﻼﺭﻧﻰ ﺋﯘﭼﺮﺍﺗﺘﯘﻕ. ﭼﯜﺳﺘﯩﻦ ﺑﯘﺭﯗﻥ ﺑﺎﻟﯩﻼﺭﻧﻰ 4 ﭼﻮﯓ ﮔﯘﺭﯗﭘﭙﯩﻐﺎ ﺑﯚﻟﯜﭖ، ﻧﯚﯞﻩﺕ ﺑﻮﻳﯩﭽﻪ ﺑﯩﺮ ﭼﻮﯓ ﺯﺍﻟﻨﯩﯔ ﺋﯩﭽﯩﺪﻩﺑﯘ ﺋﯩﺪﺍﺭﯨﺪﻩ ﺋﺎﺗﺎ-ﺋﺎﻧﯩﻼﺭ ﻧﯧﻤﻪ ﺧﯩﺰﻣﻪﺗﻠﻪﺭﻧﻰ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﺋﯚﺯ ﺋﺎﺭﺍﻗﺎﻧﺪﺍﻕ ﺑﺎﻏﻠﯩﻨﯩﺸﻠﯩﻖ ﺋﯩﻜﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﺩﻯ. ﺋﻮﻟﺘﯘﺭﻏﺎﻥ ﺋﺎﺗﺎ-ﺋﺎﻧﯩﻼﺭﺩﯨﻦ 4-5 ﻧﻰ ﺋﯚﺯﺋﯩﺨﺘﯩﻴﺎﺭﻟﯩﻘﻰ ﺑﯩﻠﻪﻥ ﺳﻪﻫﻨﯩﮕﻪ ﭼﺎﻗﯩﺮﯨﭗ ﭼﯩﻘﯩﭗ، ﺋﯘﻻﺭﻧﯩﯔ ﻧﯧﻤﻪ ﺋﯩﺶ ﻗﯩﻠﯩﺪﯨﻐﯩﻨﯩﻨﻰ ﺳﻮﺭﺍﭖ، ﺋﺎﻧﺪﯨﻦ ﺋﯘﻻﺭﺩﯨﻦ ﻫﻪﺭﯨﻜﻪﺕ ﺑﯩﻠﻪﻥ ﺋﯚﺯ ﺧﯩﺰﻣﯩﺘﯩﻨﻰ ﻗﺎﻧﺪﺍﻕ ﺋﯩﺸﻠﻪﻳﺪﯨﻐﺎﻧﻠﯩﻘﯩﻨﯩﻜﯚﺭﺳﻪﺗﻜﯜﺯﺩﻯ. ﺑﯩﺮ ﻗﯩﺴﯩﻢ ﺑﺎﻟﯩﻼﺭﻧﯩﻤﯘ ﺳﻪﻫﻨﯩﮕﻪ ﺋﯧﻠﯩﭗ ﭼﯩﻘﯩﭗ، ﺋﯘﻻﺭﻧﯩﻤﯘ ﺋﺎﺗﺎ-ﺋﺎﻧﯩﻼﺭﻏﺎﻳﺎﺭﺩﻩﻣﻠﻪﺷﺘﯜﺭﯛﭖ، ﺑﻪﺯﻯ ﻫﻪﺭﯨﻜﻪﺗﻠﻪﺭﻧﻰ ﻗﯩﻠﻐﯘﺯﺩﻯ. ﻳﯩﻐﯩﻦ ﺑﺎﺷﻘﯘﺭﻏﯘﭼﻰ ﺋﯩﻨﺘﺎﻳﯩﻦ ﻗﯩﺰﯨﻘﭽﯩﺌﺎﺩﻩﻡ ﺑﻮﻟﯘﭖ، ﺋﯘﻧﯩﯔ ﺳﯚﺯﻯ ﯞﻩ ﻗﯩﻠﯩﻘﯩﻨﯩﯔ ﻗﯩﺰﯨﻘﻠﯩﻘﯩﺪﯨﻦ ﺑﯘ ﭘﺎﺋﺎﻟﯩﻴﻪﺗﻨﯩﯔ ﺑﯧﺸﯩﺪﯨﻨﺘﺎﺭﺗﯩﭗ ﺋﺎﺧﯩﺮﻏﯩﭽﻪ ﻫﻪﻣﻤﻪ ﺋﺎﺩﻩﻣﻠﻪﺭ ﻗﺎﻗﺎﻗﻼﭖ ﻛﯜﻟﯜﺷﯜﭖ ﺗﯘﺭﺩﻯ. ﺑﯘ ﭘﺎﺋﺎﻟﯩﻴﻪﺗﺘﯩﻦ ﻛﯧﻴﯩﻦ، ﺑﺎﻟﯩﻼﺭﻧﻰ ﺋﺎﻟﺪﯨﻦ ﺗﻪﻳﻴﺎﺭﻻﭖ ﻗﻮﻳﻐﺎﻥ 3-4 ﺗﻪﺟﺮﯨﺒﯩﺨﺎﻧﯩﻐﺎ ﺋﺎﭘﺎﺭﺩﯗﻕ. ﺋﯘ ﻳﻪﺭﺩﻩ Robot (ﻣﺎﺷﯩﻨﺎ ﺋﺎﺩﻩﻡ) ﻗﺎﺗﺎﺭﻟﯩﻖ ﻧﻪﺭﺳﯩﻠﻪﺭﻧﯩﯔ ﻗﺎﻧﺪﺍﻕ ﺋﯩﺸﻠﻪﻳﺪﯨﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﭗ ﺑﻪﺭﺩﻯ. ﺋﯩﺪﺍﺭﯨﺪﯨﻦ ﻫﻪﺭ ﺑﯩﺮ ﺑﺎﻟﯩﻐﺎ ﺑﯩﺮ ﺧﺎﻟﺘﺎ ﺳﻮﯞﻏﺎﺗﻤﯘ ﺗﻪﻳﻴﺎﺭﻻﭖ ﻗﻮﻳﯘﭘﺘﯘ. ﺑﯩﺰﺩﯨﻦ ﺑﺎﻟﯩﻼﺭﺩﯨﻨﺒﯩﺮ ﻗﻪﺩﻩﻣﻤﯘ ﺋﺎﻳﺮﯨﻠﻤﺎﺳﻠﯩﻖ ﺗﻪﻟﻪﭖ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯩﺰ ﭘﯜﺗﯜﻥ ﺑﯩﺮ ﻛﯜﻥ ﺑﺎﻟﯩﻤﯩﺰ ﺑﯩﻠﻪﻧﺒﯩﺮﮔﻪ ﻳﯜﺭﺩﯗﻕ. ﭼﯜﺷﺘﯩﻦ ﻛﯧﻴﯩﻦ ﺑﯩﺰﻧﯩﯔ ﮔﯘﺭﯗﭘﭙﯩﻨﯩﯔ ﺑﯩﺮ ﺗﯧﺨﻨﯩﻜﯩﻠﯩﻖ ﻳﯩﻐﯩﻨﻰ ﺑﺎﺭ ﺑﻮﻟﯘﭖ، ﻣﻪﻥ ﺋﯘﻧﯩﯖﻐﺎ ﻗﺎﺗﻨﺎﺷﻤﯩﺴﺎﻡ ﺑﻮﻟﻤﺎﻳﺘﺘﻰ. ﺋﯘ ﺑﯩﺮ ﻧﺎﻳﺎﻫﯩﺘﻰ ﻣﻪﺧﭙﯩﻲ ﻳﯩﻐﯩﻦ ﺑﻮﻟﯘﭖ، ﺋﺎﺩﻩﺗﺘﻪﺳﯩﺮﺗﺘﯩﻜﯩﻠﻪﺭﻧﻰ ﻫﻪﺭﮔﯩﺰﻣﯘ ﻛﯩﺮﮔﯜﺯﻣﻪﻳﺘﺘﻰ. ﻣﻪﻥ ﺑﺎﺷﻠﯩﻘﯩﻤﺪﯨﻦ ﺋﻮﻏﻠﯘﻣﻨﻰ ﺋﯧﻠﯩﭗ ﻛﯩﺮﺳﻪﻣﺒﻮﻟﯩﺪﯨﻐﺎﻥ-ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﺴﺎﻡ، ﺋﯘ ﻛﯩﺸﻰ: «ﺋﯧﻠﯩﭗ ﻛﯩﺮﯨﯟﻩﺭ» ﺩﯦﺪﻯ. ﺷﯘﻧﯩﯔ ﺑﯩﻠﻪﻧﺌﻮﻏﻠﯘﻣﻤﯘ ﺑﯘ ﻳﯩﻐﯩﻨﻐﺎ ﺑﺎﺷﺘﯩﻦ-ﺋﺎﺧﯩﺮ ﻗﺎﺗﻨﺎﺷﺘﻰ. ﺋﯚﺯﻯ ﭼﯜﺷﻪﻧﮕﻪﻥ ﺑﻪﺯﻯ ﮔﻪﭘﻠﻪﺭﻧﻰ ﻣﻪﻧﺪﯨﻨﭙﯩﭽﯩﺮﻻﭖ ﺳﻮﺭﺍﭖ ﺋﻮﻟﺘﯘﺭﺩﻯ. ﺑﯩﺰﻧﯩﯔ ﺑﺎﺵ ﺋﯩﺪﺍﺭﯨﻤﯩﺰ ﺑﻮﻟﻐﺎﻥ ﻛﺎﻟﯩﻔﻮﺭﻧﯩﻴﻪ ﺗﯧﺨﻨﯩﻜﯩﻠﯩﻘﺌﯩﻨﺴﺘﯩﺘﯘﺗﻰ ﺑﯩﺰﻧﯩﯔ ﺋﯩﺪﺍﺭﯨﺪﯨﻦ 10 ﻛﯩﻠﻮﻣﯧﺘﺮ ﻳﯩﺮﺍﻗﻠﯩﻘﺘﺎ ﺑﻮﻟﯘﭖ، ﺩﯨﻠﺸﺎﺕ ﺑﯩﻠﻪﻥ ﺋﯩﻜﻜﯩﻤﯩﺰﺋﯘ ﺋﯩﺪﺍﺭﯨﮕﯩﻤﯘ ﺑﯧﺮﯨﭗ، ﺑﯩﺮ ﺳﺎﺋﻪﺕ ﺋﯘ ﻣﻪﻛﺘﻪﭘﻨﻰ ﺋﺎﻳﻠﯩﻨﯩﭗ ﻛﻪﻟﺪﯗﻕ. ﺑﯘ ﺑﯩﺮ ﻛﯜﻥ ﺋﯩﭽﯩﺪﻩﺧﯩﺰﻣﯩﺘﯩﻤﻨﯩﯔ ﺋﺎﺳﺎﺳﻪﻥ ﻫﯧﭻ ﺋﯜﻧﯜﻣﻰ ﺑﻮﻟﻤﯩﺪﻯ. ﻣﯘﺷﯘﻧﺪﺍﻕ ﺑﻮﻟﺴﯩﻤﯘ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﺒﺎﻟﯩﻼﺭﻧﯩﯔ ﺳﺎﻏﻼﻡ ﺋﯚﺳﯜﭖ-ﻳﯧﺘﯩﻠﯩﺸﻰ ﺋﯜﭼﯜﻥ، ﻣﯘﺷﯘﻧﺪﺍﻕ ﺋﯩﻘﺘﯩﺴﺎﺩﯨﻲ ﺯﯨﻴﺎﻧﻐﯩﻤﯘ ﭼﯩﺪﺍﭖ، ﻳﯩﻠﺪﺍ ﺑﯩﺮ ﻛﯜﻧﻨﻰ ﺑﺎﻟﯩﻼﺭ ﺋﯜﭼﯜﻥ ﺋﺎﺟﺮﺍﺗﻘﺎﻥ. ﺑﯘ ﭘﺎﺋﺎﻟﯩﻴﻪﺗﻨﯩﯔ ﻳﻪﻧﻪ ﺑﯩﺮ ﭘﺎﻳﺪﯨﺴﻰ ﺑﺎﻟﯩﻼﺭﺋﺎﺗﺎ-ﺋﺎﻧﯩﻼﺭﻧﯩﯔ ﻫﻪﺭ ﺋﺎﻳﺪﺍ ﺋﯚﻳﮕﻪ ﺋﻪﻛﯩﺮﯨﺪﯨﻐﺎﻥ ﭘﯘﻟﻨﻰ ﻗﺎﻧﺪﺍﻕ ﺋﯩﺸﻠﻪﭖ ﺗﺎﭘﯩﺪﯨﻐﺎﻧﻠﯩﻘﯩﻨﻰ ﺋﯚﺯﻛﯚﺯﻯ ﺑﯩﻠﻪﻥ ﻛﯚﺭﯛﺷﺘﯘﺭ. ﺷﯘ ﺋﺎﺭﻗﯩﻠﯩﻖ ﺑﺎﻟﯩﻼﺭ ﻛﯩﭽﯩﻜﯩﺪﯨﻦ ﺗﺎﺭﺗﯩﭗ ﭘﯘﻟﻨﻰ ﻗﻪﺩﯨﺮﻟﻪﺷﻨﯩﺌﯚﮔﯩﻨﯩﺪﯗ. ﺑﯩﺰﻧﯩﯔ ﺋﺎﺋﯩﻠﯩﺪﻩ ﻣﻪﻥ ﺑﺎﻟﯩﻼﺭﻧﯩﯔ ﺑﯩﺮ ﻧﻪﺭﺳﯩﻨﯩﯔ ﺑﺎﻫﺎﺳﯩﻨﻰ «ﺋﺎﺭﺍﻥ ﻣﯘﻧﭽﯩﻠﯩﻚ ﭘﯘﻝ ﺋﯩﻜﻪﻥ» ﺩﯦﻴﯩﺸﯩﻨﻰ ﭘﯜﺗﯜﻧﻠﻪﻱ ﻣﻪﻧﺌﯩﻲ ﻗﯩﻠﻐﺎﻥ ﺑﻮﻟﯘﭖ، ﺋﯘﻻﺭ ﻗﯩﻤﻤﯩﺘﻰ ﺑﯩﺮ ﺩﻭﻟﻼﺭﺩﯨﻨﻴﯘﻗﯩﺮﻯ ﻧﻪﺭﺳﯩﻠﻪﺭﮔﻪ ﺑﯘ ﺳﯚﺯﻧﻰ ﻫﻪﺭﮔﯩﺰ ﺋﯩﺸﻠﻪﺗﻤﻪﻳﺪﯗ. ﺋﯘﻻﺭﻧﯩﯔ ﭘﯘﻟﻨﻰ ﻗﻪﺩﯨﺮﻟﻪﺵ ﺋﺎﺩﯨﺘﯩﻨﯩﻴﯧﺘﯩﻠﺪﯛﺭﯛﺵ ﺋﯜﭼﯜﻥ ﻣﯘﺷﯘﻧﺪﺍﻕ ﻗﺎﺋﯩﺪﯨﻨﻰ ﭼﯩﻘﺎﺭﻏﺎﻧﯩﺪﯨﻢ.

ﺑﯩﺮ ﻗﯧﺘﯩﻢ ﺑﯩﺰ ﺑﺎﻟﯩﻠﯩﺮﯨﻤﯩﺰﻧﻰ ﺋﯚﻳﯩﻤﯩﺰﺩﯨﻦ 40 ﻛﯩﻠﻮﻣﯧﺘﺮ ﻳﯩﺮﺍﻗﻠﯩﻘﺘﯩﻜﻰ ﺑﯩﺮ ﻫﺎﯞﺍ ﺋﺎﺭﻣﯩﻴﻪ ﺑﺎﺯﯨﺴﯩﺪﺍ ﺋﯚﺗﻜﯜﺯﯛﻟﮕﻪﻥ ﻫﻪﺭﺑﯩﻲ ﺋﺎﻳﺮﻭﭘﯩﻼﻧﺌﯘﭼﯘﺭﯗﺵ ﺋﻮﻳﯘﻧﯩﻐﺎ ﺋﺎﭘﺎﺭﻏﺎﻥ ﺋﯩﺪﯗﻕ. ﺑﯘﻣﯘ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﺋﯚﺯ ﭘﯘﺧﺮﺍﻟﯩﺮﯨﻐﺎﻳﯩﻠﺪﺍ ﺑﯩﺮ ﻗﯧﺘﯩﻢ ﺋﯚﺗﻜﯜﺯﯛﭖ ﺑﯧﺮﯨﺪﯨﻐﺎﻥ ﭘﺎﺋﺎﻟﯩﻴﻪﺕ ﺑﻮﻟﯘﭖ، ﺋﯘﻧﯩﯖﻐﺎ ﻫﯧﭻ ﻛﯩﻤﺪﯨﻦ ﭘﯘﻟﺌﯧﻠﯩﻨﻤﺎﻳﺪﯗ. ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﻧﯘﺭﻏﯘﻧﻠﯩﺮﻯ ﻫﻪﺭ ﻳﯩﻠﻰ ﺑﯘ ﭘﺎﺋﺎﻟﯩﻴﻪﺗﻜﻪ ﺑﺎﻟﯩﻠﯩﺮﯨﻨﯩﺌﺎﭘﯩﺮﯨﺪﯗ. ﺑﯩﺰ ﺑﺎﺭﻏﺎﻥ ﺑﺎﺯﯨﻐﯩﻤﯘ ﺋﯘ ﻛﯜﻧﻰ 5 ﻣﯩﯔ ﺋﻪﺗﺮﺍﭘﯩﺪﯨﻜﻰ ﺋﺎﺩﻩﻡ ﺑﺎﺭﻏﺎﻥ ﺑﻮﻟﯘﭖ، ﻛﯩﭽﯩﻚ ﺑﺎﻟﯩﻼﺭﻣﯘ ﺋﯩﻨﺘﺎﻳﯩﻦ ﻛﯚﭖ ﺋﯩﻜﻪﻥ. ﻫﻪﺭﺑﯩﻲ ﺋﺎﻳﺮﻭﭘﯩﻼﻥ ﺋﯘﭼﯘﺭﯗﺵ ﺋﻮﻳﯘﻧﯩﺪﯨﻦ ﻛﯧﻴﯩﻦ، ﺑﯩﺰ ﻗﺎﺗﺎﺭﻯ ﺗﯩﺰﯨﭗ ﻗﻮﻳﯘﻟﻐﺎﻥ ﻫﻪﺭ ﺧﯩﻞ ﺋﺎﻳﺮﻭﭘﯩﻼﻧﻼﺭﻧﻰ ﻛﯚﺭﺩﯗﻕ. ﺑﯩﺮ ﺗﯩﻚ ﺋﯘﭼﺎﺭ ﺋﺎﻳﺮﻭﭘﻼﻧﺒﯩﻠﻪﻥ ﺑﯩﺮ ﭼﻮﯓ ﺗﯩﭙﻠﯩﻖ ﻫﻪﺭﺑﯩﻲ ﺗﻮﺷﯘﻏﯘﭼﻰ ﺋﺎﻳﺮﻭﭘﻼﻧﻐﺎ ﺗﺎﻣﺎﺷﯩﭽﯩﻼﺭﻧﻰ ﻛﯩﺮﮔﯩﻠﻰ ﻗﻮﻳﯩﺪﯨﻜﻪﻥ. ﺑﯩﺰﻣﯘ ﺋﯘﻻﺭﻧﯩﯔ ﺋﯩﭽﯩﮕﻪ ﻛﯩﺮﯨﭗ، ﻛﯚﺭﯛﭖ ﭼﯩﻘﺘﯘﻕ. ﺋﺎﻣﯧﺮﯨﻜﯩﻨﯩﯔ ﺋﻪﯓ ﻳﯧﯖﻰ ﺗﯩﭙﺘﯩﻜﯩﭽﺎﺷﻘﺎﻥ-ﺷﻪﭘﻪﺭﻩﯓ ﺷﻪﻛﻠﯩﺪﯨﻜﻰ، ﺭﺍﺩﺍﺭ ﻛﯚﺭﻩﻟﻤﻪﻳﺪﯨﻐﺎﻥ ﺋﺎﻳﺮﻭﭘﯩﻼﻧﻠﯩﺮﯨﺪﯨﻦ ﺗﺎﺭﺗﯩﭗ ﺑﺎﺭﺋﯩﻜﻪﻥ. ﺋﯘﻧﯩﯔ ﺋﯩﭽﯩﮕﻪ ﻛﯩﺮﯨﺶ ﻣﻪﻧﺌﯩﻲ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯩﺰ 3-4 ﻣﯧﺘﺮ ﻳﯧﻘﯩﻨﻠﯩﻘﻘﺎ ﻛﯧﻠﯩﭙﻜﯚﺭﺩﯗﻕ. ﺋﺎﻣﯧﺮﯨﻜﯩﺪﺍ ﺋﯩﺸﻠﻪﭖ ﭼﯩﻘﯩﺮﯨﻠﻐﺎﻥ ﺋﺎﻳﺮﻭﭘﯩﻼﻧﻼﺭﻧﯩﯔ ﻫﻪﻣﻤﯩﺴﯩﺪﯨﻦ ﺑﯩﺮﻩﺭﺳﻰ ﺑﺎﺭﺩﻩﻙ ﻫﯩﺲ ﻗﯩﻠﺪﯗﻕ. ﺑﯩﺰ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪﺩﻩ ﺗﯘﺭﯞﺍﺗﻘﺎﻥ ﯞﺍﻗﺘﯩﻤﯩﺰﺩﺍ، ﺑﯩﺮ ﻗﯧﺘﯩﻤﺌﺎﻣﯧﺮﯨﻜﯩﻨﯩﯔ ﺑﯩﺮ ﭼﻮﯓ ﺗﯩﭙﻠﯩﻖ ﻫﻪﺭﺑﯩﻲ ﺋﺎﻳﺮﻭﭘﯩﻼﻥ ﺗﻮﺷﯘﻏﯘﭼﻰ ﭘﺎﺭﺍﺧﻮﺗﻰ San Francisco ﺩﯦﯖﯩﺰ ﺑﻮﻏﯘﺯﯨﺪﺍ ﺗﻮﺧﺘﯩﺪﻯ. ﺋﯘ ﭘﺎﺭﺍﺧﻮﺩ Francisco San ﺩﺍ ﺗﯘﺭﻏﺎﻥ ﻛﯜﻧﻠﻪﺭﺩﻩ ﺋﯘﻣﯘ ﭘﯘﺧﺮﺍﻻﺭﻧﯩﯔ ﻛﯚﺭﯛﺷﯩﮕﻪﺋﯧﭽﯩﭗ ﺑﯧﺮﯨﻠﺪﻯ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺋﯚﺯ ﭘﯘﺧﺮﺍﺳﻰ ﯞﻩ ﺋﺎﻣﯧﺮﯨﻜﯩﻠﯩﻖ ﻳﺎﺵ-ﺋﯚﺳﻤﯜﺭﻟﻪﺭ ﺋﯜﭼﯜﻧﺒﯘﻧﺪﺍﻕ ﭘﺎﺋﺎﻟﯩﻴﻪﺗﻠﻪﺭﻧﻰ ﻧﺎﻫﺎﻳﯩﺘﻰ ﻛﯚﭘﺌﯘﺭﯗﻧﻼﺷﺘﯘﺭﯗﭖ ﺑﯧﺮﯨﺪﯗ. ﺋﺎﻣﯧﺮﻛﯩﻠﯩﻘﻼﺭﻣﯘﺑﺎﻟﯩﻠﯩﺮﯨﻨﻰ ﻣﯘﺷﯘﻧﺪﺍﻕ ﭘﺎﺋﺎﻟﯩﻴﻪﺗﻠﻪﺭﮔﻪ ﺋﯩﺮﯨﻨﻤﻪﻱ ﺋﺎﭘﯩﺮﯨﭗ ﺗﯘﺭﯨﺪﯗ. ﻳﺎﺵ-ﺋﯚﺳﻤﯜﺭﻟﻪﺭﻣﯘﺷﯘﻧﺪﺍﻕ ﺋﯩﺸﻼﺭﻏﺎ ﻗﺎﺗﻨﯩﺸﯩﺶ ﺋﺎﺭﻗﯩﻠﯩﻖ ﻛﯚﺯﻯ ﺋﯧﭽﯩﻠﯩﭗ، ﭼﻮﯓ ﺑﻮﻟﻐﯩﭽﻪ ﺩﯗﻧﻴﺎﺩﯨﻜﻰ ﻧﯘﺭﻏﯘﻧﻴﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﻧﻪﺭﺳﯩﻠﻪﺭﻧﻰ ﺑﯩﻠﯩﺪﯨﻐﺎﻥ ﺑﻮﻟﯘﭖ ﻛﯧﺘﯩﺪﯗ.

ﻣﻪﻥ ﺋﺎﻟﺪﯨﻨﻘﻰ ﺑﯚﻟﯜﻣﻠﻪﺭﺩﯨﻤﯘ ﺗﯩﻠﻐﺎﺋﺎﻟﻐﺎﻧﺪﻩﻙ، ﺑﺎﻟﯩﻼﺭﻧﯩﯔ ﺳﺎﻏﻼﻡ ﺋﯚﺳﯜﭖ-ﻳﯩﺘﯩﻠﯩﺸﻰ ﻣﯘﻧﺪﺍﻕ 3 ﺗﻪﺭﻩﭘﻜﻪ ﺑﺎﻏﻠﯩﻖ: 1) ﺋﺎﺗﺎ-ﺋﺎﻧﺎ؛ 2) ﻣﻪﻛﺘﻪﭖ؛ 3) ﺟﻪﻣﺌﯩﻴﻪﺕ.

ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻫﻪﻣﻤﻪ ﻣﻪﻛﺘﻪﭘﻠﻪﺭﮔﻪ ﺋﻮﺧﺸﺎﺵ ﻣﯩﻘﺪﺍﺭﺩﺍ ﻣﻪﺑﻠﻪﻏﺌﺎﺟﺮﯨﺘﯩﭗ، ﻫﻪﻣﻤﻪ ﻣﻪﻛﺘﻪﭘﻜﻪ ﺋﻮﺧﺸﺎﺵ ﻗﺎﺭﺍﻳﺪﯨﻐﺎﻥ ﺑﻮﻟﺴﯩﻤﯘ، ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﻠﻪﺭﺩﯨﻨﻜﯧﻠﯩﭗ ﭼﯩﻘﻘﺎﻥ ﺋﺎﺗﺎ-ﺋﺎﻧﯩﻼﺭ ﺑﯩﻠﻪﻥ ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﻨﯩﯔ ﺟﻪﻣﺌﯩﻴﯩﺘﻰ ﺋﻮﺧﺸﺎﺷﺒﻮﻟﻤﯩﻐﺎﭼﻘﺎ، ﺑﺎﻟﯩﻼﺭﻧﯩﯔ ﺗﻪﺭﺑﯩﻴﯩﻠﯩﻨﯩﺸﯩﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻣﻪﺳﯩﻠﻪﻥ، ﻣﻪﻳﻠﯩﻜﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﻩ ﺑﻮﻟﺴﯘﻥ ﻳﺎﻛﻰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﯩﺪﺍﺑﻮﻟﺴﯘﻥ، ﻣﻪﻥ ﻣﯩﻜﺴﯩﻜﯩﻠﯩﻖ ﯞﻩ ﻗﺎﺭﺍ ﺗﻪﻧﻠﯩﻚ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﻰ ﺋﯩﻨﺘﺎﻳﯩﻦ ﺋﺎﺯﻛﯚﺭﺩﯛﻡ. ﺋﺎﺳﭙﯩﺮﺍﻧﺘﻼﺭﻧﯩﯔ ﺋﯩﭽﯩﺪﻩ ﺑﻮﻟﺴﺎ ﺗﯧﺨﯩﻤﯘ ﺷﯘﻧﺪﺍﻕ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ 2000-ﻳﯩﻠﯩﺌﯧﻼﻥ ﻗﯩﻠﻐﺎﻥ ﺑﯩﺮ ﺩﻭﻛﻼﺗﻘﺎ ﺋﺎﺳﺎﺳﻼﻧﻐﺎﻧﺪﺍ، ﮔﻪﺭﭼﻪ ﺋﺎﻣﯧﺮﯨﻜﯩﺪﯨﻜﻰ ﻗﺎﺭﺍ ﺗﻪﻧﻠﯩﻜﻠﻪﺭﻧﯩﯔ ﺳﺎﻧﯩﻨﻮﭘﯘﺳﻨﯩﯔ ﺋﺎﺭﺍﻥ 12 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﯩﺴﯩﻤﯘ، ﺋﺎﻣﯧﺮﯨﻜﺎ ﺗﯜﺭﻣﯩﻠﯩﺮﯨﺪﯨﻜﻰ ﺟﯩﻨﺎﻳﻪﺗﭽﯩﻠﻪﺭﻧﯩﯔ 44 ﭘﯩﺮﺳﻪﻧﺘﻰ ﻗﺎﺭﺍ ﺗﻪﻧﻠﯩﻜﻠﻪﺭ ﺋﯩﻜﻪﻥ. ﻣﺎﻧﺎ ﺑﯘ ﺋﺎﺗﺎ-ﺋﺎﻧﺎ ﯞﻩ ﺟﻪﻣﯩﻴﻪﺗﻨﯩﯔ ﺑﺎﻻﺗﻪﺭﺑﯩﻴﯩﻠﻪﺷﺘﯩﻜﻰ ﺭﻭﻟﯩﻨﯩﯔ ﺑﻮﺷﻠﯘﻗﯩﻨﯩﯔ ﻧﻪﺗﯩﺠﯩﺴﯩﺪﯗﺭ. ﺋﯘﻳﻐﯘﺭﻻﺭﭼﯘ؟ ﻳﯘﺭﺗﯩﻤﯩﺰﺩﺍ ﺋﺎﻗﭽﯧﻜﯩﺶ، AIDS ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﯘﺵ، ﺋﺎﺩﻩﺗﺘﯩﻜﻰ ﺟﯩﻨﺎﻳﻰ ﺋﯩﺸﻼﺭ ﺗﯜﭘﻪﻳﻠﯩﺪﯨﻦ ﺗﯜﺭﻣﯩﮕﻪ ﻛﯩﺮﯨﺶ، ﺑﯘﺟﻪﻫﻪﺗﺘﻪ ﺋﯘﻳﻐﯘﺭﻻﺭﻧﯩﯔ ﻧﯩﺴﺒﯩﺘﻰ ﻗﺎﻧﺪﺍﻕ؟ ﻣﯧﻨﯩﯔ ﺋﺎﯕﻠﯩﺸﯩﻤﭽﻪ ﺋﯘﻳﻐﯘﺭﻻﺭﻧﯩﯔ ﻧﯩﺴﺒﯩﺘﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺋﯩﻜﻪﻥ. ﺋﺎﻣﯧﺮﯨﻜﯩﻠﯩﻘﻼﺭ ﺋﯚﺯ ﭘﻪﺭﺯﻩﻧﺘﻠﯩﺮﯨﻨﻰ ﺳﯩﺮﺗﻘﻰ ﻣﯧﻬﻤﺎﻧﻼﺭﺩﯨﻦ، ﻫﻪﺗﺘﺎ ﺋﯚﺯﯨﻨﯩﯔ ﻳﯧﻘﯩﻨﺌﯘﺭﯗﻕ-ﺗﯘﻏﻘﺎﻧﻠﯩﺮﯨﺪﯨﻦ ﻣﯘﺗﻠﻪﻕ ﺋﯜﺳﺘﯜﻥ ﻛﯚﺭﯨﺪﯗ. ﺋﯚﺯ ﺑﺎﻟﯩﻠﯩﺮﯨﻨﯩﯔ ﺋﯧﻬﺘﯩﻴﺎﺟﯩﻨﻰ ﺗﻮﻟﯘﻗﻘﺎﻧﺪﯗﺭﯗﭖ، ﺋﯘﻧﯩﯖﺪﯨﻦ ﺋﯧﺸﯩﻨﺴﺎ ﺋﺎﻧﺪﯨﻦ ﺑﺎﺷﻘﯩﻼﺭﻏﺎ ﻳﺎﺭﺩﻩﻡ ﻗﯩﻠﯩﺪﯗ. ﺋﯘﻳﻐﯘﺭﻻﺭﭼﯘ؟ ﺑﯩﺮﺋﺎﺩﻩﻣﮕﻪ 5 ﻛﯩﺸﯩﻠﯩﻚ ﺗﺎﻣﺎﻕ ﺑﯘﻳﺮﯗﺗﯘﭖ، ﺗﺎﻣﺎﻗﻨﻰ ﯞﻩﻫﺸﯩﻴﻠﻪﺭﭼﻪ ﺋﯩﺴﺮﺍﭖ ﻗﯩﻠﯩﭙﻜﻪﻳﭙﻰ-ﺳﺎﭘﺎﻟﯩﻖ ﺗﯘﺭﻣﯘﺵ ﻛﯚﭼﯜﺭﯛﯞﺍﺗﻘﺎﻥ ﺋﺎﺷﯘ ﻛﯩﺸﯩﻠﯩﺮﯨﻤﯩﺰ ﺋﯚﺯ ﺑﺎﻟﯩﻠﯩﺮﯨﺪﯨﻦ ﻗﺎﻧﭽﯩﻠﯩﻜﺨﻪﯞﻩﺭ ﺋﯧﻠﯩﯟﺍﺗﯩﺪﯗ؟ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﺋﯘﻳﻐﯘﺭ ﺑﺎﻟﯩﻠﯩﺮﻯ ﺋﯜﺳﺘﯩﺪﯨﻦ ﺋﺎﺯﺭﺍﻕ ﻧﺎﺯﺍﺭﻩﺗﻘﯩﻠﯩﺶ ﺭﻭﻟﯩﻨﻰ ﺋﯚﺗﻪﻣﺪﯗ؟ ﺋﻪﮔﻪﺭ ﺋﯘﻳﻐﯘﺭﻻﺭ ﺋﯚﺯ-ﺋﯚﺯﯨﮕﻪ ﻛﯚﻳﯜﻧﻤﻪﻳﺪﯨﻜﻪﻥ، ﺑﺎﺷﻘﯩﻼﺭ ﺗﯧﺨﯩﻤﯘﻛﯚﻳﯜﻧﻤﻪﻳﺪﯗ. ﺋﻪﮔﻪﺭ ﺋﯘﻳﻐﯘﺭﻻﺭ ﺋﯚﺯ-ﺋﯚﺯﯨﺪﯨﻦ ﺧﻪﯞﻩﺭ ﺋﺎﻟﻤﺎﻳﺪﯨﻜﻪﻥ، ﺑﺎﺷﻘﯩﻼﺭﻧﯩﯔ ﺗﯧﺨﯩﻤﯘﻛﺎﺭﻯ ﻳﻮﻕ. ﺷﯘﯕﺎ ﺋﻮﻳﻠﯩﻨﯩﺶ ﻛﯧﺮﻩﻙ.

ﻣﻪﻥ ﺑﯘ ﺑﯚﻟﯜﻣﻨﻰ 2 ﻫﻪﭘﺘﯩﺪﯨﻦ ﺋﯩﻠﮕﯩﺮﯨﻴﯘﺭﺗﯩﻤﯩﺰﺩﯨﻦ ﻛﻪﻟﮕﻪﻥ ﺑﯩﺮ ﭘﺎﺭﭼﻪ ﺧﻪﺕ ﺑﯩﻠﻪﻥ ﺋﺎﺧﯩﺮﻻﺷﺘﯘﺭﺍﻱ:

 «ﻣﻪﻥ ﺑﯩﺮ ﻳﯧﺰﺍ ﺋﻮﺗﺘﯘﺭﺍ ﻣﻪﻛﺘﯩﭙﯩﻨﯩﯔ ﺋﻮﻗﯘﺗﻘﯘﭼﯩﺴﻰ. ﺑﯘ ﻳﻪﺭﺩﻩ ﻛﯩﺘﺎﺏ ﭘﯘﻟﻠﯘﻕ. ﻫﻪﺭ ﺩﺍﺋﯩﻢ ﻛﯩﺘﺎﺏ ﭘﯘﻟﯩﻴﯩﻐﯩﺪﯨﻐﺎﻥ ﯞﺍﻗﺘﯩﻤﺪﺍ ﺑﯩﺮ ﻗﯧﺘﯩﻢ ﻛﯚﺯﻳﯧﺸﻰ ﻗﯩﻠﯩﻤﻪﻥ. ﻧﯘﺭﻏﯘﻥ ﺑﺎﻟﯩﻼﺭ ﻛﯩﺘﺎﺏ ﭘﯘﻟﻰ ﺋﯜﭼﯜﻥ 2-3 ﺩﺍﻧﻪ ﺗﯘﺧﯘﻡ ﻳﺎﻛﻰ ﺗﻮﺷﻘﺎﻥ، ﺗﻮﺧﯘﻛﯚﺗﯜﺭﯛﭖ ﻛﯧﻠﯩﭗ، ﻛﯩﺘﺎﺏ ﺑﯧﺮﯨﺸﯩﻤﻨﻰ ﻗﺎﭘﻘﺎﺭﺍ ﻛﯚﺯﻟﯩﺮﻯ ﺑﯩﻠﻪﻥ ﺗﻪﻟﻤﯜﺭﯛﭖ ﺗﯘﺭﯗﭖ ﺳﻮﺭﺍﻳﺪﯗ. ﻧﯘﺭﻏﯘﻥ ﻗﯧﺘﯩﻢ ﻣﺎﺋﺎﺷﯩﻤﻨﻰ ﺑﺎﻟﯩﻼﺭ ﺋﯜﭼﯜﻥ ﺗﯚﻟﻪﭖ، ﺋﯚﺯﯛﻣﮕﻪ ﭘﯘﻝ ﺋﺎﺷﻤﯩﺪﻯ. ﺑﺎﻟﯩﻼﺭﻧﯩﯖﺌﺎﺗﺎ-ﺋﺎﻧﯩﺴﻰ ﺑﺎﻟﯩﺴﯩﻨﻰ ﻣﻪﻛﺘﻪﭘﻜﻪ ﺋﻪﯞﻩﺗﻤﻪﻳﺪﯗ. ﺑﯘ ﭼﺎﻏﺪﺍ ﺑﯩﺰ ﺋﯚﻳﯩﮕﻪ ﺑﯧﺮﯨﭗ، ﭼﺎﻗﯩﺮﯨﭙﻜﯧﻠﯩﻤﯩﺰ. ﺑﻪﺯﻯ ﺋﺎﺗﺎ-ﺋﺎﻧﯩﻼﺭ ﺑﯩﺰﻧﻰ ﺗﯩﻠﻼﭖ ﻳﻮﻟﻐﺎ ﺳﺎﻟﯩﺪﯗ. ﺋﯘﻻﺭﻧﯩﯔ ﺩﯦﻴﯩﺸﯩﭽﻪ ﻳﻪﻳﺪﯨﻐﺎﻧﻐﺎﻧﻪﺭﺳﻪ ﻳﻮﻕ، ﻣﻪﻛﺘﻪﭘﻜﻪ ﻧﻪﺩﻩ ﭘﯘﻝ؟ ﺋﯘﻧﯩﯖﺪﯨﻦ ﺋﯚﻳﺪﻩ ﺋﯩﺶ ﻗﯩﻠﺴﯘﻥ، ﺩﻩﭖ ﻗﻮﭘﺎﻝ ﮔﻪﭖ ﻗﯩﻠﯩﺪﯗ. ﻳﻪﻧﻪ ﺑﻪﺯﯨﻠﻪﺭ ﺑﯩﺮ ﻳﯩﻠﺪﺍ ﺑﯩﺮ ﻗﯧﺘﯩﻢ ﺗﻮﻳﻐﯘﺩﻩﻙ ﮔﯚﺵ ﻳﯧﻴﻪﻟﻤﯩﮕﻪﻧﻠﯩﻜﯩﻨﻰ، ﺑﺎﻟﯩﻼﺭﻧﯩﺌﻮﻗﯘﺗﯘﺷﻨﻰ ﺗﻮﻟﯩﻤﯘ ﺧﺎﻻﻳﺪﯨﻐﺎﻧﻠﯩﻘﯩﻨﻰ، ﺋﻪﻣﻤﺎ ﺋﺎﻣﺎﻝ ﻳﻮﻕ ﺋﯩﻜﻪﻧﻠﯩﮕﯩﻨﻰ ﺩﻩﭖ، ﻛﯚﺯ ﻳﯧﺸﯩﻘﯩﻠﯩﺸﯩﭗ ﻛﯧﺘﯩﺪﯗ. ﻧﯘﺭﻏﯘﻥ ﺑﺎﻟﯩﻼﺭ ﺋﻮﻗﯘﺷﺴﯩﺰ ﻗﯧﻠﯩﯟﺍﺗﯩﺪﯗ. ﺋﺎﻟﯩﻲ ﻣﻪﻛﺘﻪﭘﻜﻪ ﺋﯚﺗﻜﻪﻧﺘﻪﻗﺪﯨﺮﺩﯨﻤﯘ، ﺋﻮﻗﯘﺵ ﭘﯘﻟﻰ ﺗﺎﭘﺸﯘﺭﺍﻟﻤﺎﻱ، ﺗﺎﺭﺍﻡ-ﺗﺎﺭﺍﻡ ﻳﯩﻐﻼﭖ ﻛﻪﻟﮕﻪﻥ ﺋﻮﻏﯘﻝ-ﻗﯩﺰﻻﺭﻧﯩﻜﯚﺭﯛﭖ، ﭼﯩﺪﯨﻴﺎﻟﻤﺎﻱ ﻗﺎﻟﯩﻤﻪﻥ. ﺑﯩﺰﻧﯩﯖﻤﯘ ﺗﯘﺭﻣﯘﺷﯩﻤﯩﺰ ﺋﺎﺭﺍﻧﻼ ﻛﯧﺘﯩﭗ ﺑﺎﺭﻏﺎﭼﻘﺎ، ﺟﯩﻖ ﺋﺎﻣﺎﻟﻘﯩﻼﻟﻤﺎﻳﻤﯩﺰ».

ﺑﺎﺵ ﺑﻪﺗﻜﻪ ﻗﺎﻳﺘﯩﺶ