11-ﺑﯚﻟﯜﻡ

18- ﺳﻮﺋﺎﻝ: ﺋﺎﻣﯧﺮﯨﻜﯩﺪﺍ ﻳﯧﯖﻰ ﺷﯩﺮﻛﻪﺕ ﻗﯘﺭﯗﺵ ﺋﯩﺸﻠﯩﺮﻯ ﻗﺎﻧﺪﺍﻕ ﺑﻮﻟﯩﺪﯗ؟ ﺋﯚﺯﯨﯖﯩﺰﻧﯩﯔ ﺳﻪﺭﮔﯜﺯﻩﺷﺘﻠﯩﺮﯨﮕﻪ ﺑﯩﺮﻟﻪﺷﺘﯜﺭﯛﭖ ﺳﯚﺯﻟﻪﭖ ﺑﻪﺭﮔﻪﻥ ﺑﻮﻟﺴﯩﯖﯩﺰ؟

ﺟﺎﯞﺍﺏ: ﻛﺎﻟﯩﻔﻮﺭﻧﯩﻴﻪﻧﯩﯔ San Francisco ﺷﻪﻫﯩﺮﻯ ﻗﯘﺭﯗﻗﻠﯘﻗﺘﯩﻦ ﺩﯦﯖﯩﺰ ﺋﯩﭽﯩﮕﻪ ﺳﻮﺯﯗﻟﻐﺎﻥ، ﺧﯘﺩﺩﻯ ﺑﯩﺮ ﻛﯩﭽﯩﻚ ﺋﺎﺭﺍﻟﺪﻩﻙ ﻳﻪﺭﮔﻪ ﺟﺎﻳﻼﺷﻘﺎﻥ ﺑﻮﻟﯘﭖ، ﺋﻪﮔﻪﺭ ﺋﯘ ﺷﻪﻫﻪﺭﻧﯩﯔ ﺋﯜﺳﺘﯩﺪﯨﻦ ﺋﺎﻳﺮﻭﭘﯩﻼﻥ ﺑﯩﻠﻪﻥ ﺋﯚﺗﺴﯩﯖﯩﺰ، ﺑﯩﺮ ﺗﻮﭖ ﺋﯩﻨﺘﺎﻳﯩﻦ ﻫﻪﻳﯟﻩﺗﻠﯩﻚ ﯞﻩ ﭼﯩﺮﺍﻳﻠﯩﻖ ﺋﯩﮕﯩﺰ ﺑﯩﻨﺎﻻﺭﻧﻰ ﻛﯚﺭﯨﺴﯩﺰ. ﺑﯘ ﺑﯩﻨﺎﻻﺭﺩﺍ ﺋﯩﺸﻠﻪﻳﺪﯨﻐﺎﻥ ﺋﺎﺩﻩﻣﻠﻪﺭﻧﯩﯔ ﺋﯩﭽﯩﺪﻩ ﺋﯩﻨﮕﻠﯩﺰﭼﻪ «Venture Capitalist» ﺩﻩﭖ ﺋﺎﺗﯩﻠﯩﺪﯨﻐﺎﻥ، ﻗﯩﺴﻘﺎﺭﺗﯩﭗ «VC» ﺩﻩﭖ ﻳﺎﺯﯨﺪﯨﻐﺎﻥ ﻛﻪﺳﭙﺘﯩﻜﯩﻠﻪﺭ ﺋﻪﯓ ﻛﯚﭖ. ﺋﯘﻧﯩﯖﺪﯨﻦ ﻗﺎﻟﺴﺎ ﺋﺎﺩﯞﻭﻛﺎﺗﻼﺭ ﻛﯚﭖ. ﺑﯘ ﻳﻪﺭﺩﯨﻜﻰ «Venture» ﺩﯦﮕﻪﻥ ﺳﯚﺯﻧﯩﯔ ﻣﻪﻧﯩﺴﯩﻨﻰ ﺋﯘﻳﻐﯘﺭﭼﯩﺪﻩ «ﺩﻩﺗﺘﯩﻜﺎﻡ ﺩﻩﭖ ﺋﻮﺗﺘﯘﺭﯨﻐﺎ ﭼﯜﺷﯜﭖ، ﺗﻪﻟﻪﻱ ﺳﯩﻨﺎﭖ ﺑﯧﻘﯩﺶ» ﺩﻩﭖ ﭼﯜﺷﻪﻧﺴﻪﻙ ﺋﺎﻧﭽﻪ ﺧﺎﺗﺎﻻﺷﻤﺎﻳﻤﯩﺰ. ﻳﻪﻧﻰ، ﺑﯘ ﻛﺎﭘﯩﺘﺎﻟﯩﺴﺘﻼﺭ ﻳﯧﯖﯩﺪﯨﻦ ﻗﯘﺭﯗﻟﯩﺪﯨﻐﺎﻥ ﺷﯩﺮﻛﻪﺗﻠﻪﺭﮔﻪ ﻣﻪﺑﻠﻪﻍ ﺳﺎﻟﯩﺪﯗ. ﺋﻪﮔﻪﺭ ﺋﯘ ﺷﯩﺮﻛﻪﺕ ﻳﺎﺧﺸﻰ ﻣﯧﯖﯩﭗ ﻗﺎﻟﺴﺎ، ﺋﯘﻻﺭ ﻣﻪﺑﻠﻪﻍ ﺳﺎﻟﻐﺎﻥ ﭘﯘﻟﯩﺪﯨﻦ 10 ﻫﻪﺳﺴﻪ ﻫﻪﺗﺘﺎ 100 ﻫﻪﺳﺴﯩﻠﻪﭖ ﭘﺎﻳﺪﺍ ﻛﯚﺭﯨﺪﯗ. ﺋﻪﮔﻪﺭ ﺋﯘ ﺷﯩﺮﻛﻪﺕ ﻣﻪﻏﻠﯘﭖ ﺑﻮﻟﯘﭖ ﻛﻪﺗﺴﻪ، ﺋﯘﻻﺭﻧﯩﯔ ﺳﺎﻟﻐﺎﻥ ﻣﻪﺑﻠﯩﻐﻰ ﻳﻮﻕ ﺑﻮﻟﯘﭖ ﻛﯧﺘﯩﺪﯗ. San Francisco ﺩﯨﻦ ﺑﺎﺷﻘﺎ، ﺳﯩﻠﯩﻜﻮﻥ ﺟﯩﻠﻐﯩﺴﯩﻨﯩﯔ ﺋﻮﺗﺘﯘﺭﯨﺴﯩﻐﺎ ﺟﺎﻳﻼﺷﻘﺎﻥ Palo Alto ﺩﯦﮕﻪﻥ ﺷﻪﻫﻪﺭﺩﯨﻤﯘ ﻛﯩﺸﯩﻠﻪﺭ VC» ﻻﺭ ﻛﻮﭼﯩﺴﻰ» ﺩﻩﭖ ﺋﺎﺗﺎﻳﺪﯨﻐﺎﻥ ﺑﯩﺮ ﻛﻮﭼﺎ ﺑﺎﺭ ﺑﻮﻟﯘﭖ، ﺑﯘ ﻛﻮﭼﯩﻨﯩﯔ ﺋﯩﻜﻜﻰ ﺗﻪﺭﯨﭙﯩﮕﻪ ﻧﯘﺭﻏﯘﻥ VC ﺷﯩﺮﻛﻪﺗﻠﯩﺮﻯ ﺟﺎﻳﻼﺷﻘﺎﻥ.

ﺋﻪﮔﻪﺭ ﺑﯩﺮ ﺋﺎﺩﻩﻣﺪﻩ ﺑﯩﺮﻩﺭ ﻳﯧﯖﻰ ﺗﯧﺨﻨﯩﻜﺎ ﻳﺎﻛﻰ ﻳﯧﯖﻰ ﺋﯩﺪﯨﻴﻪ ﺑﻮﻟﺴﺎ، ﺋﯘ ﺋﺎﺩﻩﻡ ﻛﻪﻡ ﺩﯦﮕﻪﻧﺪﻩ ﻳﻪﻧﻪ ﺑﯩﺮ ﺋﯩﻜﻜﻰ ﺋﺎﺩﻩﻣﻨﻰ ﻳﯧﻨﯩﻐﺎ ﻳﯩﻐﯩﭗ، ﺑﯩﺮ ﺷﯩﺮﻛﻪﺕ ﻗﯘﺭﯗﺵ ﺗﻮﻏﺮﯨﺴﯩﺪﺍ ﺋﯩﮕﯩﻠﯩﻚ ﭘﯩﻼﻧﻰ ﺗﯜﺯﯨﺪﯗ. ﺑﯘﻻﺭ ﺋﺎﺷﯘ ﺷﯩﺮﻛﻪﺗﻨﯩﯔ ﻗﯘﺭﻏﯘﭼﯩﻠﯩﺮﻯ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺋﻪﮔﻪﺭ ﺑﯩﺮ ﺷﯩﺮﻛﻪﺗﻨﻰ 2 ﺋﺎﺩﻩﻡ ﺑﺎﺷﻠﯩﺴﺎ، ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﺑﯩﺮﻯ ﺋﺎﺩﻩﺗﺘﻪ «ﺭﻩﺋﯩﺲ»، «ﺑﺎﺵ ﺋﯩﺠﺮﺍﻟﯩﻐﯘﭼﻰ ﺋﻪﻣﻪﻟﺪﺍﺭ» (ﺋﯩﻨﮕﻠﯩﺰﭼﻪ «Chief Executive Officer» ﺩﯦﻴﯩﻠﯩﭗ، ﻗﯩﺴﻘﺎﺭﺗﯩﻠﯩﭗ «CEO» ﺩﻩﭖ ﺋﺎﺗﯩﻠﯩﺪﯗ)، ﻳﺎﻛﻰ «Reis ﯞﻩ CEO» ﺩﯦﮕﻪﻥ ﯞﻩﺯﯨﭙﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ. ﺑﯘ ﻛﯩﺸﻰ ﺷﯩﺮﻛﻪﺗﻨﯩﯔ ﺋﻮﻣﯘﻣﯩﻲ ﺋﯩﮕﯩﻠﯩﻚ ﺋﯩﺸﻠﯩﺮﯨﻐﺎ، ﺑﻮﻟﯘﭘﻤﯘ ﺩﻩﺳﻠﻪﭘﻜﻰ ﻣﻪﺯﮔﯩﻠﻠﻪﺭﺩﻩ ﺷﯩﺮﻛﻪﺗﻜﻪ ﻣﻪﺑﻠﻪﻍ ﺋﯧﻠﯩﺶ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺑﻮﻟﯩﺪﯗ. ﻳﻪﻧﻪ ﺑﯩﺮ ﺋﺎﺩﻩﻡ «ﺑﺎﺵ ﺗﯧﺨﻨﯩﻜﺎ ﺋﻪﻣﻪﻟﺪﺍﺭﻯ» (ﺋﯩﻨﮕﻠﯩﺰﭼﻪ «Chief Technology Officer» ﺩﯦﻴﯩﻠﯩﭗ، ﻗﯩﺴﻘﺎﺭﺗﯩﻠﯩﭗ «CTO» ﺩﻩﭖ ﺋﺎﺗﯩﻠﯩﺪﯗ) ﺩﯦﮕﻪﻥ ﯞﻩﺯﯨﭙﯩﻨﻰ ﺋﯚﺗﻪﻳﺪﯗ. ﺑﯘ ﻛﯩﺸﻰ ﺷﯩﺮﻛﻪﺕ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﻣﻪﻫﺴﯘﻻﺗﻨﻰ ﻻﻳﯩﻬﯩﻠﻪﺵ، ﺋﯘ ﻣﻪﺷﯘﻻﺗﻨﻰ ﭼﯩﻘﯩﺮﯨﺸﻘﺎ ﺯﯙﺭﯛﺭ ﺑﻮﻟﻐﺎﻥ ﺋﺎﺩﻩﻡ، ﺋﻪﺳﯟﺍﺏ-ﺋﺎﭘﭙﺎﺭﺍﺕ ﯞﻩ ﯞﺍﻗﯩﺖ ﺟﻪﺩﯞﯨﻠﯩﻨﻰ ﭘﯩﻼﻧﻼﺵ، ﺋﯚﺯﻯ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ، ﺷﯘ ﯞﺍﻗﯩﺘﺘﺎ ﺑﺎﺷﻘﺎ ﺷﯩﺮﻛﻪﺗﻠﻪﺭ ﺗﻪﺭﻩﭘﯩﺪﯨﻦ ﻳﺎﺳﯩﻠﯩﭗ ﺳﯧﺘﯩﻠﯩﯟﺍﺗﻘﺎﻥ ﻣﻪﻫﺴﯘﻻﺗﻼﺭﻧﯩﯔ ﺋﯩﺸﻠﻪﺗﻜﻪﻥ ﺗﯧﺨﻨﯩﻜﯩﺴﯩﻨﻰ ﺗﻪﭘﺴﯩﻠﯩﻲ ﺗﻪﻛﺸﯜﺭﯛﭖ ﺗﻪﺗﻘﯩﻖ ﻗﯩﻠﯩﺶ ﺋﯩﺸﻠﯩﺮﯨﻐﺎ ﻣﻪﺳﺌﯘﻝ ﺑﻮﻟﯩﺪﯗ. ﻳﯧﯖﻰ ﻣﻪﻫﺴﯘﻻﺗﻨﻰ ﺗﻪﺗﻘﯩﻖ ﯞﻩ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﭖ ﺋﯩﺸﻠﻪﭖ ﭼﯩﻘﯩﺮﯨﺶ ﯞﻩﺯﯨﭙﯩﺴﻰ ﺋﺎﺳﺎﺳﻪﻥ ﻣﯘﺷﯘ ﻛﯩﺸﯩﮕﻪ ﻳﯜﻛﻠﻪﻧﮕﻪﻥ ﺑﻮﻟﻐﺎﭼﻘﺎ، ﺑﯘ ﻛﯩﺸﻰ ﺷﯩﺮﻛﻪﺗﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯘﺵ-ﺑﻮﻟﻤﺎﺳﻠﯩﻘﯩﺪﺍ ﺋﯩﻨﺘﺎﻳﯩﻦ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯗ. ﻛﯚﭘﯩﻨﭽﻪ ﺋﻪﻫﯟﺍﻟﺪﺍ 3-ﺑﯩﺮ ﻛﯩﺸﯩﻤﯘ ﺷﯩﺮﻛﻪﺗﻨﯩﯔ ﻗﯘﺭﯗﻟﯩﺸﯩﻐﺎ ﻗﺎﺗﻨﯩﺸﯩﺪﯨﻐﺎﻥ ﺑﻮﻟﯘﭖ، ﺋﯘ ﻛﯩﺸﻰ ﺷﯩﺮﻛﻪﺗﻨﯩﯔ ﺳﻮﺩﺍ-ﺳﯧﺘﯩﻘﯩﻐﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺭﻩﺋﯩﺴﻠﯩﻚ ﯞﻩﺯﯨﭙﯩﺴﯩﻨﻰ ﺋﯚﺯ ﺋﯜﺳﺘﯩﮕﻪ ﺋﺎﻟﯩﺪﯗ. ﺷﯩﺮﻛﻪﺗﻨﯩﯔ ﺋﻪﯓ ﺩﻩﺳﻠﻪﭘﻜﻰ ﺑﺎﺳﻘﯘﭼﯩﺪﯨﻼ ﻣﯘﺷﯘﻧﺪﺍﻕ ﺑﯩﺮ ﻛﯩﺸﯩﻨﯩﯔ ﺑﻮﻟﯘﺷﻰ ﺋﯩﻨﺘﺎﻳﯩﻦ ﻣﯘﻫﯩﻢ ﺑﻮﻟﯘﭖ، ﺑﯘ ﻛﯩﺸﻰ ﻣﻪﻣﻠﯩﻜﻪﺕ ﺋﯩﭽﻰ ﯞﻩ ﺧﻪﻟﻘﺌﺎﺭﺍﻟﯩﻖ ﺑﺎﺯﺍﺭﻧﯩﯔ ﺋﻪﻫﯟﺍﻟﻰ ﺗﻮﻏﺮﯨﺴﯩﺪﺍ ﺋﯩﻨﺘﺎﻳﯩﻦ ﻣﯘﻛﻪﻣﻤﻪﻝ ﺗﻪﻛﺸﯜﺭﯛﺵ ﯞﻩ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﭗ، ﺑﯘ ﺷﯩﺮﻛﻪﺕ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ ﻳﯧﯖﻰ ﻣﻪﻫﺴﯘﻻﺗﻨﯩﯔ ﻗﺎﻧﭽﯩﻠﯩﻚ ﺑﺎﺯﯨﺮﻯ ﺑﺎﺭﻟﯩﻘﻰ ﺗﻮﻏﺮﯨﺴﯩﺪﺍ ﺗﻪﭘﺴﯩﻠﯩﻲ ﺋﯘﭼﯘﺭﻏﺎ ﺋﯩﮕﻪ ﺑﻮﻟﯩﺪﯗ. ﺷﯘﻧﺪﺍﻗﻼ ﺩﻩﺳﻠﻪﭘﻜﻰ ﻣﻪﺯﮔﯩﻠﺪﯨﻼ ﺑﯘ ﺷﯩﺮﻛﻪﺕ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ ﻣﻪﻫﺴﯘﻻﺗﻘﺎ ﺧﯧﺮﯨﺪﺍﺭ ﺗﻮﭘﻼﺷﻨﻰ ﺑﺎﺷﻼﻳﺪﯗ. ﺑﯘﻣﯘ ﺷﯩﺮﻛﻪﺕ ﺋﯜﭼﯜﻥ ﻣﻪﺑﻠﻪﻍ ﺋﯧﻠﯩﺸﺘﺎ ﺋﯩﻨﺘﺎﻳﯩﻦ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯗ.

ﺷﯩﺮﻛﻪﺗﻨﯩﯔ ﻗﯘﺭﻏﯘﭼﯩﻠﯩﺮﻯ VC ﻛﺎﭘﯩﺘﺎﻟﯩﺴﺘﻼﺭﻧﯩﯔ ﺋﺎﻟﺪﯨﻐﺎ ﻣﻪﺑﻠﻪﻍ ﺗﻪﻟﻪﭖ ﻗﯩﻠﯩﭗ ﺑﯧﺮﯨﺸﺘﯩﻦ ﺑﯘﺭﯗﻥ، ﭼﻮﻗﯘﻡ ﺑﯩﺮ ﺗﻪﭘﺴﯩﻠﯩﻲ «ﺋﯩﮕﯩﻠﯩﻚ ﭘﯩﻼﻧﻰ» ﺗﯜﺯﯛﭖ ﭼﯩﻘﯩﺸﻰ ﻛﯧﺮﻩﻙ. ﺑﯘ ﭘﯩﻼﻥ ﻛﻪﻡ ﺩﯦﮕﻪﻧﺪﻩ ﺗﯚﯞﻩﻧﺪﯨﻜﯩﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ:

1) ) ﺑﯘ ﺷﯩﺮﻛﻪﺕ ﺋﯩﮕﻪ ﺑﻮﻟﻐﺎﻥ ﻳﯧﯖﻰ ﺋﯩﺪﯨﻴﻪ ﯞﻩ ﻳﯧﯖﻰ ﺗﯧﺨﻨﯩﻜﺎ ﻫﻪﻣﺪﻩ ﺑﯘ ﺷﯩﺮﻛﻪﺗﻨﯩﯔ ﺗﯧﺨﻨﯩﻜﯩﺴﯩﻨﻰ ﺑﺎﺷﻘﯩﻼﺭﻧﯩﯔ ﻛﯚﭼﯜﺭﯞﯦﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯨﻐﺎﻥ ﻣﯘﻫﯩﻢ ﺗﻮﺳﺎﻟﻐﯘﻻﺭ. ﺋﻪﮔﻪﺭ ﻣﯘﺷﯘ ﺷﯩﺮﻛﻪﺗﻨﯩﯔ ﻗﯘﺭﻏﯘﭼﯩﻠﯩﺮﯨﻐﺎ ﺗﻪﯞﻩ ﺑﯩﺮ ﻗﺎﻧﭽﻪ ﭘﺎﺗﯧﻨﺖ ﺑﻮﻟﺴﺎ ﺗﯧﺨﯩﻤﯘ ﻳﺎﺧﺸﻰ. ﺑﯘ ﻳﯧﯖﻰ ﺋﯩﺪﯨﻴﻪ ﯞﻩ ﺗﯧﺨﻨﯩﻜﯩﻨﯩﯔ ﺑﺎﺷﻘﺎ ﺗﯧﺨﻨﯩﻜﯩﻐﺎ ﺳﯧﻠﯩﺸﺘﯘﺭﻏﺎﻧﺪﯨﻜﻰ ﺋﺎﻻﻫﯩﺪﯨﻠﯩﻜﻠﯩﺮﻯ ﺗﻪﭘﺴﯩﻠﯩﻲ ﺑﺎﻳﺎﻥ ﻗﯩﻠﯩﻨﯩﺸﻰ ﻛﯧﺮﻩﻙ.

2) )ﻣﻪﻫﺴﯘﻻﺕ ﭼﯩﻘﯩﺮﯨﺶ ﯞﺍﻗﯩﺖ ﺟﻪﺩﯞﯨﻠﻰ. ﻣﻪﺳﯩﻠﻪﻥ، ﺷﯩﺮﻛﻪﺗﻜﻪ ﻣﻪﺑﻠﻪﻍ ﺑﯧﺮﯨﻠﯩﭗ ﺑﯩﺮ ﻳﯩﻠﺪﯨﻦ ﻛﯧﻴﯩﻦ ﻣﻪﻫﺴﯘﻻﺗﻨﯩﯔ 1-ﻧﯘﺳﺨﯩﺴﯩﻨﻰ، ﺑﯩﺮ ﻳﯧﺮﯨﻢ ﻳﯩﻠﺪﯨﻦ ﻛﯧﻴﯩﻦ 2-ﻧﯘﺳﺨﯩﺴﯩﻨﻰ، ﺋﯩﻜﻜﻰ ﻳﯩﻠﺪﯨﻦ ﻛﯧﻴﯩﻦ ﺭﻩﺳﻤﯩﻲ ﻧﯘﺳﺨﯩﺴﯩﻨﻰ ﺋﯩﺸﻠﻪﭖ ﭼﯩﻘﯩﺮﯨﭗ، ﻣﻪﻫﺴﯘﻻﺗﻨﻰ ﺑﺎﺯﺍﺭﻏﺎ ﺳﯧﻠﯩﺶ. ﺗﯚﺕ ﻳﯩﻠﺪﯨﻦ ﻛﯧﻴﯩﻦ ﻛﯩﺮﯨﻢ-ﭼﯩﻘﯩﻢ ﺗﻪﯕﻠﯩﺸﯩﺶ. ﺋﺎﻟﺘﻪ ﻳﯩﻠﺪﯨﻦ ﻛﯧﻴﯩﻦ ﭘﺎﻳﺪﺍ ﻛﯚﺭﯛﺵ ﻗﺎﺗﺎﺭﻟﯩﻘﻼﺭ.

3) ) ﻣﻪﻫﺴﯘﻻﺗﻨﻰ ﺋﯩﺸﻠﻪﭖ ﭼﯩﻘﯩﺮﯨﺸﻨﯩﯔ ﺋﻮﺧﺸﯩﻤﯩﻐﺎﻥ ﺑﺎﺳﻘﯘﭼﻠﯩﺮﯨﺪﺍ ﺋﯩﺸﻠﯩﺘﯩﻠﯩﺪﯨﻐﺎﻥ ﺋﺎﺩﻩﻣﻠﻪﺭﻧﯩﯔ ﻛﻪﺳﭙﯩﻲ ﺗﯜﺭﻟﯩﺮﻯ ﯞﻩ ﺳﺎﻧﻰ.

4) ) ﻣﻪﻫﺴﯘﻻﺗﻨﻰ ﺋﯩﺸﻠﻪﭖ ﭼﯩﻘﯩﺮﯨﺸﻨﯩﯔ ﺋﻮﺧﺸﯩﻤﯩﻐﺎﻥ ﺑﺎﺳﻘﯘﭼﻠﯩﺮﯨﺪﺍ ﺳﯧﺘﯩﭗ ﺋﯧﻠﯩﻨﯩﺪﯨﻐﺎﻥ ﺋﺎﭘﭙﺎﺭﺍﺕ-ﺋﯜﺳﻜﯜﻧﯩﻠﻪﺭ (ﺋﯩﻨﮕﻠﯩﺰﭼﻪ «capital equipment» ﺩﻩﭖ ﺋﺎﺗﯩﻠﯩﺪﯗ) ﻧﯩﯔ ﺗﯜﺭﻟﯩﺮﻯ، ﺳﺎﻧﻰ ﯞﻩ ﺑﺎﻫﺎﺳﻰ.

5) ) ﻣﻪﻫﺴﯘﻻﺗﻨﻰ ﺗﻪﺗﻘﯩﻖ ﯞﻩ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﭖ ﺋﯩﺸﻠﻪﭖ ﭼﯩﻘﯩﺮﯨﺶ ﺋﯜﭼﯜﻥ، ﻫﻪﻣﺪﻩ ﭘﺎﻳﺪﺍ ﻛﯚﺭﯛﺷﻜﯩﭽﻪ ﺑﻮﻟﻐﺎﻥ ﯞﺍﻗﯩﺖ ﺟﻪﺭﻳﺎﻧﯩﺪﺍ ﭼﯩﻘﯩﻢ ﺑﻮﻟﯩﺪﯨﻐﺎﻥ ﭘﯘﻟﻨﯩﯔ ﺗﻪﭘﺴﯩﻠﯩﻲ ﺳﺎﻧﻰ، ﭘﯩﻼﻧﻰ ﯞﻩ ﺟﻪﻣﺌﯩﻲ ﻣﻪﺑﻠﻪﻍ ﭘﯘﻟﯩﻨﯩﯔ ﺳﺎﻧﻰ.

ﺳﯩﺰ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﻧﻪﺭﺳﯩﮕﻪ ﺑﺎﺷﻘﺎ ﺷﯩﺮﻛﻪﺗﻨﯩﯔ ﺯﺍﭘﭽﺎﺳﻠﯩﺮﻯ ﺋﯩﺸﻠﯩﺘﯩﻠﯩﺪﯨﻐﺎﻥ ﺑﻮﻟﺴﺎ، ﺳﯩﺰ ﺋﯘﻻﺭ ﺑﯩﻠﻪﻥ ﺑﯩﺮ-ﺑﯩﺮﻟﻪﭖ ﻛﯚﺭﯛﺷﯜﭖ، ﺳﯩﺰﮔﻪ ﻛﯧﺮﻩﻛﻠﯩﻚ ﻧﻪﺭﺳﯩﻠﻪﺭﻧﯩﯔ ﺑﺎﺭ-ﻳﻮﻗﻠﯘﻗﻰ، ﺋﯘﻧﯩﯔ ﺑﺎﻫﺎﺳﻰ ﻗﺎﺗﺎﺭﻟﯩﻘﻼﺭﻧﯩﻤﯘ ﺗﻪﭘﺴﯩﻠﯩﻲ ﺗﻪﻛﺸﯜﺭﯛﭖ ﭼﯩﻘﯩﺴﯩﺰ.

ﻣﯘﺷﯘﻧﺪﺍﻕ ﺑﯩﺮ ﺋﯩﮕﯩﻠﯩﻚ ﭘﯩﻼﻧﯩﻨﻰ ﻳﯧﺮﯨﻢ ﻳﯩﻠﺪﻩﻙ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ، ﺷﯩﺮﻛﻪﺗﻨﯩﯔ ﻗﯘﺭﻏﯘﭼﯩﻠﯩﺮﻯ ﺋﯚﺯﻟﯩﺮﻯ ﺑﯩﻠﯩﺪﯨﻐﺎﻥ ﻳﺎﻛﻰ ﺑﯩﺮ ﺋﺎﺯ ﺋﯩﺸﻪﻧﭻ ﺑﺎﻏﻠﯩﻐﺎﻥ، ﻛﺎﭘﯩﺘﺎﻟﯩﺴﺘﻼﺭﻧﯩﯔ ﺋﺎﻟﺪﯨﻐﺎ ﺑﯧﺮﯨﭗ، ﺋﯘﻻﺭﻏﺎ ﺋﯚﺯ ﺋﯩﮕﯩﻠﯩﻚ ﭘﯩﻼﻧﯩﺪﯨﻦ ﺩﻭﻛﻼﺕ ﺑﯧﺮﯨﭗ، ﺋﯘﻻﺭﺩﯨﻦ ﻣﻪﺑﻠﻪﻍ ﺗﻪﻟﻪﭖ ﻗﯩﻠﯩﺪﯗ. ﺑﯘ ﻛﺎﭘﯩﺘﺎﻟﯩﺴﺘﻼﺭ ﻛﻪﻡ ﺩﯦﮕﻪﻧﺪﻩ ﺑﯩﺮﻩﺭ ﻛﻪﺳﭙﯩﻲ ﺳﺎﻫﻪﺩﻩ ﺑﺎﻛﺎﻻﯞﺭ ﺋﯘﻧﯟﺍﻧﻰ، ﻛﯚﭘﯩﻨﭽﻪ ﻫﺎﻟﻼﺭﺩﺍ ﻣﺎﮔﯩﺴﺘﯧﺮﻟﯩﻖ ﻫﻪﺗﺘﺎ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﺎﻟﻐﺎﻧﻼﺭ ﻫﻪﻣﺪﻩ ﺋﯚﺯﯨﻨﯩﯔ ﻛﻪﺳﭙﯩﻲ ﺳﺎﻫﻪﺳﯩﺪﻩ 10 ﻳﯩﻠﺪﯨﻦ ﺋﺎﺭﺗﯘﻕ ﺋﯩﺸﻠﻪﭖ ﺑﺎﻗﻘﺎﻧﻼﺭ ﺑﻮﻟﯘﭖ، ﺋﯘﻻﺭﻧﯩﯔ ﺋﺎﺳﺎﺳﻠﯩﻖ ﻗﯩﻠﯩﺪﯨﻐﺎﻥ ﺋﯩﺸﻰ ﻣﻪﻣﻠﯩﻜﻪﺗﻠﯩﻚ ﯞﻩ ﺧﻪﻟﻘﺌﺎﺭﺍﻟﯩﻖ ﺗﯧﺨﻨﯩﻜﺎ ﺑﺎﺯﯨﺮﯨﻨﻰ ﺗﻪﻛﺸﯜﺭﯛﭖ ﺗﻪﺗﻘﯩﻖ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ ﺑﻮﻟﯩﺪﯗ. ﺷﯘﯕﺎ ﺋﯘﻻﺭ ﺑﺎﺯﺍﺭ ﺋﻪﻫﯟﺍﻟﯩﺪﯨﻨﻤﯘ ﻫﻪﻣﺪﻩ ﺗﯧﺨﻨﯩﻜﺎ ﺋﻪﻫﯟﺍﻟﯩﺪﯨﻨﻤﯘ ﺗﻮﻟﯘﻕ ﺧﻪﯞﻩﺭﺩﺍﺭ ﺑﻮﻟﯘﭖ، ﺋﺎﻟﺪﯨﻐﺎ ﭘﯘﻝ ﺳﻮﺭﺍﭖ ﻛﻪﻟﮕﻪﻧﻠﻪﺭﻧﻰ ﺗﻪﺭﻩﭖ-ﺗﻪﺭﻩﭘﻠﻪﺭﺩﯨﻦ ﺳﯩﻘﯩﭗ ﺗﻪﺭﻟﯩﺘﯩﯟﻩﺗﯩﺪﯗ. ﺋﯘﻻﺭ ﺋﺎﻟﺪﯨﻐﺎ ﻛﻪﻟﮕﻪﻧﻠﻪﺭﻧﯩﯔ ﺩﻭﻛﻼﺗﯩﻨﻰ ﻗﺎﻳﺘﺎ-ﻗﺎﻳﺘﺎ ﺋﺎﯕﻼﭖ، ﺋﯚﺯﻟﯩﺮﻯ ﺑﯘ «ﺋﯩﮕﯩﻠﯩﻚ ﭘﯩﻼﻧﻰ» ﺩﯨﻜﻰ ﻫﻪﻣﻤﻪ ﻣﻪﺯﻣﯘﻧﻼﺭﻧﻰ ﺗﻪﭘﺴﯩﻠﯩﻲ ﺗﻪﻛﺸﯜﺭﯛﭖ، ﺋﯘﻧﯩﯖﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﻧﻪﺭﺳﯩﻠﻪﺭﻧﯩﯔ ﺭﺍﺳﺘﻠﯩﻘﯩﻐﺎ ﻫﻪﻣﺪﻩ ﺑﯘ ﺷﯩﺮﻛﻪﺗﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯩﺪﯨﻐﺎﻧﻠﯩﻘﯩﺪﺍ ﺋﯜﻣﯩﺪ ﺑﺎﺭﻟﯩﻘﯩﻐﺎ ﺗﻮﻟﯘﻕ ﺋﯩﺸﻪﻧﮕﻪﻧﺪﯨﻦ ﻛﯧﻴﯩﻦ، ﺋﺎﻧﺪﯨﻦ ﺑﯘ ﺷﯩﺮﻛﻪﺗﻜﻪ ﺋﯩﻨﺘﺎﻳﯩﻦ ﻗﺎﺗﺘﯩﻖ ﺷﻪﺭﺕ ﺋﺎﺳﺘﯩﺪﺍ ﻣﻪﺑﻠﻪﻍ ﺳﺎﻟﯩﺪﯗ. ﺑﯘ ﺷﻪﺭﺕ ﻣﯘﻧﺪﺍﻕ ﺑﻮﻟﯘﺷﻰ ﻣﯘﻣﻜﯩﻦ: ﺷﯩﺮﻛﻪﺗﻨﯩﯔ 50 ﭘﯩﺮﺳﻪﻧﺘﯩﻨﻰ ﺋﯚﺯﻟﯩﺮﯨﮕﻪ ﺑﯧﺮﯨﺶ. ﺑﯘ، ﺋﻪﮔﻪﺭ ﺋﯘﻻﺭ ﺑﯘ ﺷﯩﺮﻛﻪﺗﻜﻪ 5 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻍ ﺳﺎﻟﻐﺎﻥ ﺑﻮﻟﯘﭖ، 5 ﻳﯩﻠﺪﯨﻦ ﻛﯧﻴﯩﻦ ﺑﯘ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﻰ ﺑﺎﺯﺍﺭﻏﺎ ﺳﯧﻠﯩﻨﯩﭗ، ﺋﯘﻧﯩﯔ ﺑﺎﺯﺍﺭ ﻗﯩﻤﻤﯩﺘﻰ 100 ﻣﯩﻠﻴﻮﻥ ﺩﻭﻟﻼﺭﻏﺎ ﻳﺎﺭﯨﺴﺎ، ﺋﯘﻧﯩﯔ 50 ﻣﯩﻠﻴﻮﻥ ﺩﻭﻟﻼﺭ ﻗﯩﺴﻤﻰ ﻣﯘﺷﯘ ﻛﺎﭘﯩﺘﺎﻟﯩﺴﺘﻼﺭﻧﯩﯔ ﺑﻮﻟﯩﺪﯗ، ﺩﯦﮕﻪﻧﻠﯩﻜﺘﯘﺭ. ﺋﻪﮔﻪﺭ 5 ﻳﯩﻠﺪﯨﻦ ﻛﯧﻴﯩﻦ ﺑﯘ ﺷﯩﺮﻛﻪﺕ ﺋﻪﺳﻠﯩﺪﻩ ﭘﯩﻼﻧﻠﯩﻐﺎﻥ ﻣﻪﻫﺴﯘﻻﺗﻨﻰ ﭼﯩﻘﯩﺮﺍﻟﻤﺎﻱ ﻗﺎﻟﺴﺎ، ﺋﯘ ﻫﺎﻟﺪﺍ ﺑﯘ ﺷﯩﺮﻛﻪﺕ ﺗﺎﻗﯩﻠﯩﭗ، ﻫﯧﻠﯩﻘﻰ ﻛﺎﭘﯩﺘﺎﻟﯩﺴﺘﻼﺭ ﻣﻪﺑﻠﻪﻍ ﺳﺎﻟﻐﺎﻥ 5 ﻣﯩﻠﻴﻮﻥ ﺩﻭﻟﻼﺭ ﭘﯘﻟﯩﺪﯨﻦ ﭘﯜﺗﯜﻧﻠﻪﻱ ﻗﯘﺭﯗﻕ ﻗﺎﻟﯩﺪﯗ. ﺷﯩﺮﻛﻪﺗﻨﻰ ﻗﯘﺭﻏﯘﭼﯩﻼﺭ ﻫﻪﺭﮔﯩﺰ ﻗﺎﻧﯘﻥ ﺟﻪﻫﻪﺗﺘﯩﻦ ﺟﺎﯞﺍﺑﻜﺎﺭﻟﯩﻘﻘﺎ ﺗﺎﺭﺗﯩﻠﻤﺎﻳﺪﯗ. ﺋﺎﯕﻠﯩﺸﯩﻤﭽﻪ، ﺋﺎﺩﻩﺗﺘﻪ ﻛﺎﭘﯩﺘﺎﻟﯩﺴﺘﻼﺭ ﻣﻪﺑﻠﻪﻍ ﺳﺎﻟﻐﺎﻥ 10 ﺷﯩﺮﻛﻪﺗﻨﯩﯔ ﺋﯩﭽﯩﺪﻩ 3ﻯ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﭗ، ﻗﺎﻟﻐﺎﻥ ﻳﻪﺗﺘﯩﺴﻰ ﻣﻪﻏﻠﯘﭖ ﺑﻮﻟﯩﺪﯨﻜﻪﻥ. ﺷﯘﻧﺪﺍﻗﺘﯩﻤﯘ ﻳﺎﺧﺸﻰ ﻣﺎﯕﻐﺎﻥ 30 ﭘﯩﺮﺳﻪﻧﺖ ﺷﯩﺮﻛﻪﺗﺘﯩﻨﻼ ﺋﯚﺯﻟﯩﺮﯨﻨﯩﯔ ﻣﻪﺑﻠﻪﻍ ﺳﺎﻟﻐﺎﻥ ﻫﻪﻣﻤﻪ ﭘﯘﻟﯩﻨﯩﯔ 10 ﻫﻪﺳﺴﯩﺴﯩﺪﯨﻦ ﻛﯚﭘﺮﻩﻛﯩﮕﻪ ﺗﻪﯓ ﻛﯧﻠﯩﺪﯨﻐﺎﻥ ﭘﺎﻳﺪﺍ ﻛﯚﺭﯨﺪﯨﻜﻪﻥ. ﺷﯘﯕﺎ ﺑﯘ ﻛﻪﺳﭙﻜﻪ ﻛﯩﺮﯨﭗ ﻗﺎﻟﻐﺎﻧﻼﺭ ﻫﻪﺭﮔﯩﺰ ﺑﺎﺷﻘﺎ ﻛﻪﺳﭙﻨﻰ ﻗﯩﻠﻐﯘﺳﻰ ﻛﻪﻟﻤﻪﻳﺪﯨﻜﻪﻥ.

ﻛﺎﭘﯩﺘﺎﻟﯩﺴﺘﻼﺭ ﺋﯚﺯﻟﯩﺮﻯ ﺗﯧﺨﻨﯩﻜﺎ ﯞﻩ ﺳﻮﺩﺍ ﺑﺎﺯﺍﺭﻟﯩﺮﯨﻨﻰ ﺋﯩﺰﭼﯩﻞ ﺗﯜﺭﺩﻩ ﺗﻪﻛﺸﯜﺭﯛﭖ، ﺗﻪﺗﻘﯩﻖ ﻗﯩﻠﻐﺎﻧﺪﯨﻦ ﺑﺎﺷﻘﺎ، ﺋﺎﻣﯧﺮﯨﻜﯩﺪﺍ ﻳﻪﻧﻪ ﻧﯘﺭﻏﯘﻥ ﻣﻪﺧﺴﯘﺱ ﻛﻪﺳﭙﻠﻪﺭ ﺑﻮﻳﯩﭽﻪ ﺋﻮﺧﺸﯩﻤﯩﻐﺎﻥ ﻣﻪﻫﺴﯘﻻﺗﻼﺭﻧﻰ ﺗﻪﻫﻠﯩﻞ ﻗﯩﻠﯩﭗ، ﺷﯘ ﺋﺎﺳﺎﺳﺘﺎ ﻳﯧﺰﯨﭗ ﭼﯩﻘﻘﺎﻥ ﺋﯩﻠﻤﯩﻲ ﺩﻭﻛﻼﺗﯩﻨﻰ ﺑﺎﺷﻘﺎ ﺷﻪﺧﺴﻠﻪﺭ ﯞﻩ ﺷﯩﺮﻛﻪﺗﻠﻪﺭﮔﻪ ﺳﯧﺘﯩﭗ ﺑﯧﺮﯨﺪﯨﻐﺎﻥ ﺷﯩﺮﻛﻪﺗﻠﻪﺭ ﺑﺎﺭ. ﺋﯘﻻﺭ ﺗﯧﺨﻨﯩﻜﺎ ﺳﺎﻫﻪﺳﯩﺪﯨﻜﻰ ﻳﯧﯖﻰ ﻳﯜﺯﻟﯩﻨﯩﺸﻠﻪﺭﻧﻰ ﺋﺎﻧﺎﻟﯩﺰ ﻗﯩﻠﯩﭗ، ﻛﻪﻟﮕﯜﺳﯩﺪﯨﻜﻰ ﺑﺎﺯﺍﺭ ﻫﻪﻗﻘﯩﺪﻩ ﺋﯩﻠﻤﯩﻲ ﻣﯚﻟﭽﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯩﺪﯗ. ﺋﯘﻻﺭﻧﯩﯔ ﺑﯩﺮ ﺩﻭﻛﻼﺗﯩﻨﻰ ﺋﺎﺩﻩﺗﺘﻪ 1500 ﺩﻭﻟﻼﺭﻏﺎ ﺳﯧﺘﯩﯟﺍﻟﻐﯩﻠﻰ ﺑﻮﻟﯩﺪﯗ.

ﺋﺎﻣﯧﺮﯨﻜﯩﺪﺍ ﺧﯘﺳﯘﺳﯩﻲ ﻣﻪﺑﻠﻪﻍ ﺳﺎﻟﯩﺪﯨﻐﺎﻥ ﻛﺎﭘﯩﺘﺎﻟﯩﺴﺘﻼﺭﺩﯨﻦ ﺑﺎﺷﻘﺎ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻤﯘ ﻛﯩﭽﯩﻚ ﺗﯩﭙﻠﯩﻖ ﺋﯩﮕﯩﻠﯩﻜﻠﻪﺭ ﺋﯜﭼﯜﻥ ﻫﻪﺭ ﻳﯩﻠﻰ ﺑﻪﻟﮕﯩﻠﯩﻚ ﭘﯘﻝ ﺋﺎﺟﺮﯨﺘﯩﭗ ﻣﻪﺑﻠﻪﻍ ﺳﺎﻟﯩﺪﯗ. ﻣﯧﻨﯩﯔ ﭘﻪﺭﯨﺰﯨﻤﭽﻪ ﻫﯚﻛﯜﻣﻪﺗﻨﯩﯔ ﻣﻪﺑﻠﻪﻍ ﺋﯜﭼﯜﻥ ﺋﺎﺟﺮﺍﺗﻘﺎﻥ ﭘﯘﻟﻰ ﭘﯜﺗﯜﻥ ﺋﺎﻣﯧﺮﯨﻜﺎ ﺑﻮﻳﯩﭽﻪ ﻫﻪﺭ ﻳﯩﻠﻰ ﻣﻪﺑﻠﻪﻍ ﺳﯧﻠﯩﻨﯩﺪﯨﻐﺎﻥ ﭘﯘﻟﻨﯩﯔ ﺗﻪﺧﻤﯩﻨﻪﻥ 10 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﯩﺸﻰ ﻣﯘﻣﻜﯩﻦ. ﻫﯚﻛﯜﻣﻪﺕ ﻣﻪﺑﻠﯩﻐﯩﻨﯩﯔ ﻛﯚﭖ ﻗﯩﺴﻤﻰ ﺩﯙﻟﻪﺕ ﻣﯘﺩﺍﭘﯩﺌﻪﺳﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﻣﻪﻫﺴﯘﻻﺕ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﺷﯩﺮﻛﻪﺗﻠﻪﺭﮔﻪ ﺑﯧﺮﯨﻠﯩﺪﯗ.

ﻣﻪﻥ ﺗﯧﺨﻰ ﻳﻪﻧﻪ ﺑﯩﺮ ﻣﯘﻫﯩﻢ ﻣﻪﺳﯩﻠﯩﻨﻰ ﭼﯘﺷﻪﻧﺪﯛﺭﻣﯩﺪﯨﻢ VC ﺩﻩﭖ ﺋﺎﺗﺎﻟﻐﺎﻥ ﻛﺎﭘﯩﺘﺎﻟﯩﺴﺘﻼﺭﻧﯩﯔ ﺋﻪﺳﻠﯩﺪﯨﻜﻰ ﭘﯘﻟﻰ ﻧﻪﺩﯨﻦ ﻛﯧﻠﯩﺪﯗ؟ ﺋﯘﻧﻰ ﻫﻪﺭﮔﯩﺰ ﺋﯘﻻﺭ ﺋﯚﺯﻟﯩﺮﯨﻨﯩﯔ ﺋﯩﺸﻠﻪﭖ ﺗﺎﭘﻘﺎﻥ ﻣﺎﺋﺎﺷﯩﺪﯨﻦ ﻳﯩﻐﻘﺎﻥ ﺋﻪﻣﻪﺱ. ﺋﺎﻣﯧﺮﯨﻜﯩﺪﺍ ﻣﺎﺋﺎﺷﻨﻰ ﻳﯩﻐﯩﭗ ﺋﯘﻧﭽﯩﻠﯩﻚ ﭘﯘﻝ ﺗﻮﭘﻼﺵ ﺋﺎﺳﺎﺳﻪﻥ ﻣﯘﻣﻜﯩﻦ ﺋﻪﻣﻪﺱ. ﺋﯘﻻﺭﻧﯩﯔ ﻛﯚﭘﯩﻨﭽﯩﺴﻰ ﺋﻪﻳﻨﻰ ﯞﺍﻗﯩﺘﺘﺎ ﻛﻪﻡ ﺩﯦﮕﻪﻧﺪﻩ ﺑﯩﺮ ﺷﯩﺮﻛﻪﺕ ﻗﯘﺭﯗﭖ، ﺋﯘﻧﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﻣﺎﯕﺪﯗﺭﯗﭖ، 5-10 ﻳﯩﻠﻨﯩﯔ ﺋﯩﭽﯩﺪﻩ ﺋﯚﺯ ﺷﯩﺮﻛﯩﺘﯩﻨﯩﯔ ﭘﺎﻱ ﭼﯧﻜﯩﻨﻰ ﺑﺎﺯﺍﺭﻏﺎ ﺳﯧﻠﯩﭗ، ﺷﯘ ﺋﺎﺭﻗﯩﻠﯩﻖ ﻧﻪﭼﭽﻪ ﻣﯩﻠﻴﻮﻥ ﺩﻭﻟﻼﺭﻟﯩﻖ ﺑﻮﻟﻐﺎﻧﻼﺭﺩﯗﺭ. ﻣﻪﻥ ﺳﯩﻠﯩﻜﻮﻥ ﺟﯩﻠﻐﯩﺴﯩﺪﯨﻜﻰ SDL ﺩﯦﮕﻪﻥ ﻳﯧﺮﯨﻢ ﺋﯚﺗﻜﯜﺯﮔﯜﭺ ﻻﺯﯦﺮ ﻧﯘﺭﻯ ﺯﺍﭘﭽﯩﺴﻰ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﺑﯩﺮ ﺷﯩﺮﻛﻪﺗﺘﯩﻜﻰ ﺳﻮﺩﺍ-ﺳﯧﺘﯩﻘﻘﺎ ﻣﻪﺳﺌﯘﻝ ﺑﯩﺮ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻚ ﺑﺎﺷﻠﯩﻘﯩﻨﻰ ﺗﻮﻧﯘﻳﺘﺘﯘﻡ. ﺋﯘ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﯩﻨﻰ 2000-ﻳﯩﻠﯩﻨﯩﯔ ﺋﺎﺧﯩﺮﻟﯩﺮﻯ 20 ﺩﻭﻟﻼﺭﺩﯨﻦ ﺑﺎﺯﺍﺭﻏﺎ ﺳﺎﻟﻐﺎﻧﯩﺪﻯ، 2001-ﻳﯩﻠﯩﻨﯩﯔ ﺋﺎﺧﯩﺮﻯ ﺑﯩﺮ ﭘﺎﻱ ﭼﯧﭽﻜﻨﯩﯔ ﺑﺎﻫﺎﺳﻰ 300 ﺩﻭﻟﻼﺭﻏﺎ ﭼﯩﻘﯩﭗ ﻛﻪﺗﺘﻰ. ﺷﯘﻧﯩﯔ ﺑﯩﻠﻪﻥ ﺋﯘ ﺷﯩﺮﻛﻪﺗﻜﻪ ﺑﺎﻟﺪﯗﺭ ﻛﯩﺮﮔﻪﻧﻠﻪﺭﻧﯩﯔ ﻫﻪﻣﻤﯩﺴﻰ ﻣﯩﻠﻴﻮﻧﯧﺮ ﺑﻮﻟﯘﭖ ﻛﻪﺗﺘﻰ. ﻣﻪﻥ ﻛﯧﻴﯩﻦ ﺑﯩﺮ ﺋﯩﺶ ﺑﯩﻠﻪﻥ ﻫﯧﻠﯩﻘﻰ ﺗﻮﻧﯘﺷﯘﻣﻨﻰ ﺋﯩﺰﺩﻩﭖ ﺑﺎﺭﺳﺎﻡ، ﺷﯩﺮﻛﻪﺗﺘﯩﻜﯩﻠﻪﺭ ﻣﺎﯕﺎ ﺋﯘ ﻛﯩﺸﯩﻨﯩﯔ ﺑﯘ ﺷﯩﺮﻛﻪﺗﺘﯩﻜﻰ ﺧﯩﺰﻣﯩﺘﯩﺪﯨﻦ ﺋﯩﺴﺘﯧﭙﺎ ﺑﯧﺮﯨﭗ، ﻛﺎﭘﯩﺘﺎﻟﯩﺴﺖ ﺑﻮﻟﯘﭖ ﻛﻪﺗﻜﻪﻧﻠﯩﻜﯩﻨﻰ ﺋﯧﻴﺘﺘﻰ. ﺋﻪﮔﻪﺭ ﺳﯩﺰ ﺑﯩﺮ ﻳﯧﯖﻰ ﻗﯘﺭﯗﻟﻐﺎﻥ ﺷﯩﺮﻛﻪﺗﻜﻪ ﻗﺎﻧﭽﻪ ﺑﺎﻟﺪﯗﺭ ﻛﯩﺮﺳﯩﯖﯩﺰ، ﺋﯘ ﺷﯩﺮﻛﻪﺕ ﺳﯩﺰﮔﻪ ﺋﯩﻨﮕﻠﯩﺰﭼﻪ «Option» ﺩﻩﭖ ﺋﺎﺗﯩﻠﯩﺪﯨﻐﺎﻥ ﭘﺎﻱ ﭼﻪﻛﺘﯩﻦ ﺷﯘﻧﭽﻪ ﻛﯚﭖ ﯞﻩ ﺷﯘﻧﭽﻪ ﺋﻪﺭﺯﺍﻥ ﺑﯧﺮﯨﺪﯗ. ﺋﯘﻧﻰ ﺳﯧﺘﯩﭗ ﺋﯧﻠﯩﺶ-ﺋﺎﻟﻤﺎﺳﻠﯩﻖ ﺋﯚﺯﯨﯖﯩﺰﻧﯩﯔ ﺋﯩﺨﺘﯩﻴﺎﺭﻟﯩﻘﯩﺪﺍ. ﺋﻪﮔﻪﺭ ﺷﯩﺮﻛﻪﺕ ﺋﻮﺑﺪﺍﻥ ﻣﯧﯖﯩﭗ، ﺋﯘﻧﯩﯔ ﭘﺎﻱ ﭼﯧﻜﯩﻨﻰ ﺑﺎﺯﺍﺭﻏﺎ ﺳﺎﻟﻐﺎﻧﺪﯨﻦ ﻛﯧﻴﯩﻦ ﺋﯘ ﭘﺎﻱ ﭼﻪﻛﻨﯩﯔ ﺑﺎﻫﺎﺳﻰ ﺷﯩﺮﻛﻪﺕ ﺳﯩﺰﮔﻪ ﺳﯧﺘﯩﭗ ﺑﻪﺭﮔﻪﻧﺪﯨﻜﻰ ﺑﺎﻫﺎﺩﯨﻦ ﻳﯘﻗﯩﺮﻯ ﺑﻮﻟﺴﺎ، ﺳﯩﺰ ﺋﯚﺯﯨﯖﯩﺰﮔﻪ ﺗﻪﯞﻩ ﭘﺎﻱ ﭼﻪﻛﻨﻰ ﺳﯧﺘﯩﯟﯦﻠﯩﭗ، ﺋﯘﻧﻰ ﺑﺎﺯﺍﺭﺩﺍ ﺳﺎﺗﯩﺴﯩﺰ. ﺷﯘﻧﯩﯔ ﺑﯩﻠﻪﻥ ﭘﺎﻳﺪﺍ ﻛﯚﺭﯨﺴﯩﺰ. ﺋﻪﮔﻪﺭ ﺷﯩﺮﻛﻪﺕ ﻳﺎﺧﺸﻰ ﻣﺎﯕﻤﯩﺴﺎ، ﺋﯘ ﭘﺎﻱ ﭼﻪﻛﻨﻰ ﺋﺎﻟﻤﺎﻳﺴﯩﺰ.

ﺳﯩﻠﯩﻜﻮﻥ ﺟﯩﻠﻐﯩﺴﯩﺪﺍ «Cisco» ﺩﯦﮕﻪﻥ ﺑﯩﺮ ﭼﻮﯓ ﺷﯩﺮﻛﻪﺕ ﺑﺎﺭ. ﭘﯜﺗﯜﻥ ﺩﯗﻧﻴﺎﺩﺍ ﺧﻪﯞﻩﺭﻟﯩﺸﯩﺶ ﺗﻮﺭﻟﯩﺮﻯ ﻳﺎﺳﺎﺵ ﺋﯜﭼﯜﻥ ﺋﯩﺸﻠﯩﺘﯩﯟﺍﺗﻘﺎﻥ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺋﻪﺳﯟﺍﺏ-ﺋﺎﭘﭙﺎﺭﺍﺗﻼﺭﻧﯩﯔ ﻳﯧﺮﯨﻤﯩﺪﯨﻦ ﺗﻮﻟﯩﺴﯩﻨﻰ ﻣﯘﺷﯘ ﺷﯩﺮﻛﻪﺕ ﺋﯩﺸﻠﻪﭖ ﭼﯩﻘﺎﺭﻏﺎﻥ ﺑﻮﻟﯘﺷﻰ ﻣﯘﻣﻜﯩﻦ. ﺑﯘ ﺋﺎﭘﭙﺎﺭﺍﺗﻼﺭ ﺑﯩﺮ ﺗﻪﺭﯨﭙﯩﻨﯩﯔ ﺋﯘﺯﯗﻧﻠﯘﻗﻰ ﻳﯧﺮﯨﻢ ﻣﯧﺘﺮﺩﯨﻦ ﺋﺎﺷﻤﺎﻳﺪﯨﻐﺎﻥ ﻗﻪﻟﻪﻱ ﺳﺎﻧﺪﯗﻗﻘﺎ ﻗﺎﭼﯩﻼﻧﻐﺎﻥ ﺑﻮﻟﯘﭖ، ﺋﯘﻧﯩﯔ ﺑﺎﻫﺎﺳﻰ ﺋﯩﻨﺘﺎﻳﯩﻦ ﻳﯘﻗﯩﺮﻯ. ﺑﻪﺯﯨﻠﻪﺭﻧﯩﯔ ﺋﯧﻴﺘﯩﺸﯩﭽﻪ، «Cisco» ﺋﯩﺸﻠﻪﭖ ﭼﯩﻘﺎﺭﻏﺎﻥ ﺑﯩﺮ ﺳﺎﻧﺪﯗﻕ ﺑﯩﻠﻪﻥ ﻫﻪﺟﻤﻰ ﺷﯘ ﺳﺎﻧﺪﯗﻕ ﺑﯩﻠﻪﻥ ﺋﻮﺧﺸﺎﺵ ﺑﻮﻟﻐﺎﻥ ﺋﺎﻟﺘﯘﻧﻨﯩﯔ ﺑﺎﻫﺎﺳﯩﻨﻰ ﺳﯧﻠﯩﺸﺘﯘﺭﻏﺎﻧﺪﺍ، «Cisco»ﻧﯩﯔ ﺳﺎﻧﺪﯗﻗﻰ ﺋﺎﻟﺘﯘﻧﺪﯨﻦ ﺟﯩﻖ ﻗﯩﻤﻤﻪﺕ ﺗﻮﺧﺘﺎﻳﺪﯨﻜﻪﻥ. ﺑﯘ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﯩﻨﯩﯔ ﺑﺎﻫﺎﺳﯩﻤﯘ 2001-ﻳﯩﻠﻰ ﺋﯩﻨﺘﺎﻳﯩﻦ ﺋﯚﺳﯜﭖ ﻛﯧﺘﯩﭗ، ﺷﯩﺮﻛﻪﺗﺘﻪ ﺑﯩﺮﻩﺭ ﺑﺎﺷﻠﯩﻖ ﺩﻩﺭﯨﺠﯩﺴﻰ ﺑﺎﺭ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﻰ ﺑﯩﺮ ﻳﯩﻠﻨﯩﯔ ﺋﯩﭽﯩﺪﯨﻼ ﻣﯩﻠﻴﻮﻧﯧﺮ ﺑﻮﻟﯘﭖ ﻛﻪﺗﺘﻰ. ﺷﯘ ﻳﯩﻠﻰ «Cisco» ﺩﯨﻜﻰ ﻣﯩﻠﻴﻮﻧﯧﺮ ﺑﻮﻟﻐﺎﻧﻼﺭﻧﯩﯔ ﺳﺎﻧﻰ 800 ﻛﯩﺸﯩﺪﯨﻦ ﺋﺎﺷﯩﺪﯨﻜﻪﻥ.

ﺷﯘﻧﻰ ﺋﻪﺳﻜﻪﺭﺗﯩﭗ ﻗﻮﻳﯘﺵ ﻛﯧﺮﻩﻛﻜﻰ، ﺋﺎﻣﯧﺮﯨﻜﯩﺪﺍ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﻰ ﺑﯩﻠﻪﻥ ﺑﺎﻱ ﺑﻮﻟﯘﭖ ﻛﯧﺘﯩﺪﯨﻐﺎﻧﻼﺭﻧﯩﯔ ﺑﻮﻟﻐﯩﻨﯩﺪﻩﻙ، ﺷﯘ ﭘﺎﻱ ﭼﻪﻙ ﺑﯩﻠﻪﻥ ﻛﻪﻣﺒﻪﻏﻪﻝ ﺑﻮﻟﯘﭖ ﻛﯧﺘﯩﺪﯨﻐﺎﻥ ﺋﻪﻫﯟﺍﻟﻼﺭﻣﯘ ﺑﺎﺭ. ﻳﻪﻧﻰ، ﺋﯩﻘﺘﯩﺴﺎﺩ ﻳﺎﺧﺸﻰ ﺑﻮﻟﻐﺎﻧﺪﺍ، ﺷﯩﺮﻛﻪﺗﻠﻪﺭﻧﯩﯔ ﺋﯩﻘﺘﯩﺴﺎﺩﯨﻲ ﻗﯩﻤﻤﯩﺘﻰ ﺋﯚﺳﯜﭖ، ﺋﺎﺩﻩﻣﻠﻪﺭ ﺑﺎﻱ ﺑﻮﻟﯩﺪﯗ. ﺋﯩﻘﺘﯩﺴﺎﺩ ﻳﺎﺧﺸﻰ ﺑﻮﻟﻤﯩﻐﺎﻧﺪﺍ، ﺷﯩﺮﻛﻪﺗﻨﯩﯔ، ﺟﯜﻣﻠﯩﺪﯨﻦ ﺷﯩﺮﻛﻪﺗﻠﻪﺭ ﭘﺎﻱ-ﭼﯧﻜﯩﻨﯩﯔ ﻗﯩﻤﻤﯩﺘﻰ ﭼﯜﺷﯜﭖ ﻛﯧﺘﯩﭗ، ﻛﯩﺸﯩﻠﻪﺭ ﻧﯘﺭﻏﯘﻥ ﺑﺎﻳﻠﯩﻘﺘﯩﻦ ﺋﺎﻳﺮﯨﻠﯩﭗ ﻗﺎﻟﯩﺪﯗ. ﻣﻪﻥ ﻣﯘﺷﯘ ﺳﯚﻫﺒﻪﺗﻨﯩﯔ ﺋﺎﻟﺪﯨﻨﻘﻰ ﺑﯩﺮ ﺑﯚﻟﯜﻣﯩﺪﻩ ﺋﯧﻴﺘﻘﺎﻧﺪﻩﻙ، 2001-ﻳﯩﻠﯩﺪﯨﻦ 2003-ﻳﯩﻠﯩﻐﺎ ﻗﻪﺩﻩﺭ 2 ﻳﯩﻞ ﺋﯩﭽﯩﺪﻩ، ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻨﯩﯔ، ﺟﯜﻣﻠﯩﺪﯨﻦ ﻛﺎﻟﯩﻔﻮﺭﻧﯩﻴﻪﻧﯩﯔ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺸﻨﻰ ﻣﻪﺭﻛﻪﺯ ﻗﯩﻠﻐﺎﻥ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺳﺎﻧﺎﺋﯩﺘﯩﻨﯩﯔ ﻧﺎﭼﺎﺭﻟﯩﺸﯩﭗ ﻛﯧﺘﯩﺸﻰ ﺳﻪﯞﻩﺑﯩﺪﯨﻦ، ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﯩﺪﺍ 2.3 ﺗﺮﯨﻠﻠﯩﻴﻮﻥ ﺩﻭﻟﻼﺭ ﻗﯩﻤﻤﯩﺘﯩﺪﯨﻜﻰ ﺋﯩﻘﺘﯩﺴﺎﺩ ﻳﻮﻗﯩﻠﯩﭗ ﻛﻪﺗﻜﻪﻥ. ﻣﺎﯕﺎ30 «WaveSplitter»  ﻣﯩﯔ ﭘﺎﻱ ﭼﯧﻜﯩﻨﻰ ﺑﯩﺮ ﺩﻭﻟﻼﺭﺩﯨﻦ ﺑﻪﺭﮔﻪﻧﯩﺪﻯ. ﺋﺎﺭﯨﻠﯩﻘﺘﺎ ﺷﯩﺮﻛﻪﺗﻨﻰ ﺑﺎﺯﺍﺭﻏﺎ ﺳﺎﻟﯩﺪﯨﻐﺎﻥ ﮔﻪﭖ-ﺳﯚﺯﻟﻪﺭ ﻛﯜﭼﯩﻴﯩﭗ ﻗﺎﻟﻐﺎﻧﺪﺍ، ﻣﻪﻥ ﺋﯘﻧﯩﯖﺪﯨﻦ 5 ﻣﯩﯖﯩﻨﻰ 5 ﻣﯩﯔ ﺩﻭﻟﻼﺭ ﺧﻪﺟﻠﻪﭖ ﺳﯧﺘﯩﯟﺍﻟﻐﺎﻧﯩﺪﯨﻢ. ﺩﻩﻝ ﺷﯘﻧﯩﯖﺪﯨﻦ ﻛﯧﻴﯩﻦ ﺋﺎﻣﯧﺮﯨﻜﯩﻨﯩﯔ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﺳﺎﻧﺎﺋﯩﺘﻰ ﭘﻪﺳﻜﻪ ﭼﯜﺷﯜﺷﻜﻪ ﻗﺎﺭﺍﭖ ﻣﯧﯖﯩﭗ، ﺑﯩﺮ ﭼﯜﺷﻜﻪﻧﭽﻪ ﺗﻮﺧﺘﯩﻤﯩﺪﻯ. ﺑﯩﺰﻧﯩﯔ ﺷﯩﺮﻛﻪﺗﻨﯩﯔ ﭘﺎﻱ ﭼﯧﻜﻰ ﺩﻩﭘﺘﻪﺭ ﺋﯜﺳﺘﯩﺪﻩ ﺑﯩﺮ ﺩﻭﻟﻼﺭﺩﯨﻦ 9 ﺩﻭﻟﻼﺭﻏﺎ ﺋﯚﺳﻜﻪﻥ ﺑﻮﻟﯘﭖ، ﺋﯩﻘﺘﯩﺴﺎﺩﻧﯩﯔ ﭼﯜﺷﯜﺷﻰ ﺑﯩﻠﻪﻥ ﺋﯘﻧﯩﯔ ﺑﺎﻫﺎﺳﯩﻤﯘ ﭼﯜﺷﯜﭖ، ﺋﺎﺧﯩﺮﯨﺪﺍ ﺑﯩﺮ ﭘﺎﻱ ﭼﯧﻜﯩﻨﯩﯔ ﻗﯩﻤﻤﯩﺘﻰ 3 ﺳﻪﻧﺖ (ﻳﻪﻧﻰ 0.03 ﺩﻭﻟﻼﺭ) ﺑﻮﻟﯘﭖ ﻗﺎﻟﺪﻯ. ﻣﯧﻨﯩﯔ 5 ﻣﯩﯔ ﺩﻭﻟﻼﺭ ﻣﻪﺑﻠﯩﻐﯩﻢ 150 ﺩﻭﻟﻼﺭﻏﺎ ﭼﯜﺷﯜﭖ ﻗﺎﻟﺪﻯ. ﺑﯘ 150 ﺩﻭﻟﻼﺭ ﭘﯘﻟﻤﯘ ﻣﺎﯕﺎ ﻗﺎﻳﺘﯩﭗ ﻛﯧﻠﻪﻣﺪﯗ-ﻳﻮﻕ، ﺋﯘﻧﯩﻤﯘ ﺑﯩﻠﻤﻪﻳﻤﻪﻥ. ﺑﯩﺰﻧﯩﯔ ﺷﯩﺮﻛﻪﺗﺘﯩﻜﻰ ﻳﻪﻧﻪ ﺑﯩﺮ ﺑﺎﻻ ﻣﯘﺷﯘﻧﺪﺍﻕ ﺋﯩﺶ ﺑﯩﻠﻪﻥ 10 ﻧﻪﭼﭽﻪ ﻳﯩﻞ ﻳﯩﻐﻘﺎﻥ 90 ﻣﯩﯔ ﺩﻭﻟﻼﺭ ﭘﯘﻟﯩﺪﯨﻦ ﻗﯘﺭﯗﻕ ﻗﺎﻟﺪﻯ. ﺋﺎﺷﯘ ﯞﺍﻗﯩﺘﺘﺎ ﻣﻪﻥ ﺭﺍﺩﯨﻴﻮ ﺧﻪﯞﻩﺭﻟﯩﺮﯨﺪﻩ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﯞﻩﻳﺮﺍﻥ ﺑﻮﻟﯘﭖ، ﻳﯩﻐﻼﭖ ﻛﻪﺗﻜﻪﻥ ﻛﯩﺸﯩﻠﻪﺭﻧﯩﯔ ﺋﺎﯞﺍﺯﯨﻨﻰ ﺧﯧﻠﻰ ﺋﺎﯕﻠﯩﺪﯨﻢ. ﻣﻪﺳﯩﻠﻪﻥ، ﺑﯩﺮ ﻛﯩﺸﻰ ﺷﯩﺮﻛﻪﺗﺘﯩﻦ ﺑﻪﺭﮔﻪﻥ ﭘﺎﻱ-ﭼﯧﻜﯩﻨﯩﯔ ﺩﻩﭘﺘﻪﺭﺩﯨﻜﻰ ﻗﯩﻤﻤﯩﺘﯩﻨﻰ ﻫﯧﺴﺎﺑﻼﭖ، ﭘﺎﻳﺪﺍ ﺗﯧﺨﻰ ﺋﯚﺯ ﻗﻮﻟﯩﻐﺎ ﺗﻪﮔﻤﯩﮕﻪﻥ ﺑﻮﻟﺴﯩﻤﯘ، 3 ﻣﯩﻠﻴﻮﻥ ﺩﻭﻟﻼﺭﻟﯩﻖ ﺋﯚﻳﺪﯨﻦ ﺑﯩﺮﻧﻰ ﻗﻪﺭﺯﮔﻪ ﺋﺎﻟﻐﺎﻥ ﭘﯘﻝ ﺑﯩﻠﻪﻥ ﺳﯧﺘﯩﯟﺍﭘﺘﯘ. ﻛﯧﻴﯩﻦ ﺋﯘ ﭘﺎﻱ ﭼﯧﻜﯩﻨﯩﯔ ﻗﯩﻤﻤﯩﺘﻰ ﻳﻮﻕ ﺑﻮﻟﯘﭖ ﻛﯧﺘﯩﭙﺘﯘ. ﺋﯚﻳﯩﻨﯩﯔ ﺑﺎﻫﺎﺳﯩﻤﯘ 2 ﻣﯩﻠﻴﻮﻥ ﺩﻭﻟﻼﺭﻏﺎ ﭼﯜﺷﯜﭖ ﻗﺎﭘﺘﯘ. ﺋﯚﻳﯩﻨﻰ ﺳﯧﺘﯩﭗ، ﻗﻪﺭﺯ ﺗﯚﻟﻪﭖ، ﺑﺎﻧﻜﯩﻐﺎ ﻳﻪﻧﻪ ﺑﯩﺮ ﻣﯩﻠﻴﻮﻥ ﺩﻭﻟﻼﺭ ﻗﻪﺭﺯ ﺑﻮﻟﯘﭖ ﻗﺎﭘﺘﯘ. ﺷﯩﺮﻛﯩﺘﻰ ﻳﻮﻗﺎﭖ ﻛﯧﺘﯩﭗ، ﺧﯩﺰﻣﯩﺘﯩﺪﯨﻨﻤﯘ ﻗﯘﺭﯗﻕ ﻗﺎﭘﺘﯘ. ﺋﻪﮔﻪﺭ ﺳﯩﺰﻧﯩﯔ ﺑﺎﻧﻜﯩﻐﺎ ﻳﯩﻠﻠﯩﻖ ﺋﯚﺳﯜﻣﻰ 6 ﭘﯩﺮﺳﻪﻧﺘﻠﯩﻚ ﺑﯩﺮ ﻣﯩﻠﻴﻮﻥ ﺩﻭﻟﻼﺭ ﻗﻪﺭﺯﯨﯖﯩﺰ ﺑﻮﻟﺴﺎ، ﺋﯘﻧﯩﯔ ﺋﯚﺳﯜﻣﻰ ﺋﯜﭼﯜﻧﻼ ﻫﻪﺭ ﺋﺎﻳﺪﺍ 5000 ﺩﻭﻟﻼﺭ ﺗﯚﻟﯩﺸﯩﯖﯩﺰ ﻛﯧﺮﻩﻙ. ﻳﯘﻗﯩﺮﯨﻘﯩﺪﻩﻙ ﺋﻪﻫﯟﺍﻟﺪﺍ، ﻛﯩﺸﯩﻠﻪﺭ ﻧﯘﺭﻏﯘﻥ ﺷﻪﺭﺗﻠﻪﺭ ﺋﺎﺳﺘﯩﺪﺍ ﺋﯩﻨﮕﻠﯩﺰﭼﯩﺪﻩ «bankruptcy» ﺩﻩﭖ ﺋﺎﺗﯩﻠﯩﺪﯨﻐﺎﻥ ﯞﻩﻳﺮﺍﻥ ﺑﻮﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﯩﭗ، ﻗﻪﺭﺯ ﭘﯘﻟﯩﺪﯨﻦ ﻗﯘﺗﯘﻻﻻﻳﺪﯗ. ﯞﻩﻳﺮﺍﻥ ﺑﻮﻟﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﯩﺸﻨﯩﯔ ﺧﯧﻠﻰ ﻛﯚﭖ ﺯﯨﻴﯩﻨﻰ ﺑﺎﺭ. ﻣﻪﺳﯩﻠﻪﻥ، ﺳﯩﺰ ﺋﯘﻧﯩﯖﺪﯨﻦ ﻛﯧﻴﯩﻨﻜﻰ 10 ﻳﯩﻞ ﺋﯩﭽﯩﺪﻩ ﺑﺎﻧﻜﯩﺪﯨﻦ ﻫﯧﭽﻘﺎﻧﺪﺍﻕ ﻗﻪﺭﺯ ﭘﯘﻝ ﺋﺎﻻﻟﻤﺎﻳﺴﯩﺰ.

1996-ﻳﯩﻠﻰ 6-ﺋﺎﻳﺪﺍ، ﻣﻪﻥ ﺳﺎﻧﺪﯨﺌﺎ ﺩﯙﻟﻪﺕ ﺗﻪﺟﺮﯨﺒﯩﺨﺎﻧﯩﺴﯩﺪﺍ ﺩﻭﻛﺘﯘﺭﺋﺎﺷﺘﯩﻠﯩﻖ ﻗﯩﻠﯩﯟﺍﺗﻘﺎﻥ ﯞﺍﻗﺘﯩﻤﺪﺍ، ﻣﯧﻨﯩﯔ ﺋﺎﺷﯘ ﺋﯩﺪﺍﺭﯨﺪﯨﻜﻰ ﺋﯘﺳﺘﺎﺯﯨﻤﻨﯩﯔ ﺗﻮﻧﯘﺷﺘﯘﺭﯗﺷﻰ ﺑﯩﻠﻪﻥ، ﺑﯩﺮ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﻳﯧﯖﻰ ﺷﯩﺮﻛﻪﺕ ﻗﯘﺭﻣﺎﻗﭽﻰ ﺑﻮﻟﻐﺎﻥ 3 ﻛﯩﺸﯩﻨﯩﯔ ﺑﯩﺮﻯ ﺑﻮﻟﺪﯗﻡ. ﺑﯩﺰﮔﻪ «CEO» ﺑﻮﻟﻐﺎﻥ ﻛﯩﺸﻰ ﻫﯩﻨﺪﯨﺴﺘﺎﻧﺪﯨﻦ 6 ﻳﯧﺸﯩﺪﺍ ﻛﻪﻟﮕﻪﻥ، ﺳﯩﻠﯩﻜﻮﻥ ﺟﯩﻠﻐﯩﺴﯩﺪﺍ ﺋﯘﺯﯗﻥ ﻳﯩﻞ ﺋﯩﺸﻠﻪﭖ، ﺋﯚﺯﻯ ﺑﯘﺭﯗﻥ 2 ﺷﯩﺮﻛﻪﺕ ﻗﯘﺭﯗﭖ ﺑﺎﻗﻘﺎﻥ، ﻳﯧﺸﻰ 60 ﻗﺎ ﻳﯧﻘﯩﻨﻠﯩﺸﯩﭗ ﻗﺎﻟﻐﺎﻥ ﺑﯩﺮ ﻛﯩﺸﻰ ﺋﯩﺪﻯ. ﺳﻮﺩﺍ-ﺳﯧﺘﯩﻘﻘﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺭﻩﺋﯩﺲ ﺑﻮﻟﺴﺎ ﺋﻪﻳﻨﻰ ﯞﺍﻗﯩﺘﺘﺎ ﺳﯩﻠﯩﻜﻮﻥ ﺟﯩﻠﻐﯩﺴﯩﺪﯨﻜﻰ ﻳﯩﻠﻠﯩﻖ ﺳﻮﺩﯨﺴﻰ ﺑﯩﺮ ﻗﺎﻧﭽﻪ ﻣﯩﻠﻴﺎﺭﺕ ﺩﻭﻟﻼﺭﻟﯩﻖ ﺑﯩﺮ ﭼﻮﯓ ﺷﯩﺮﻛﻪﺗﻨﯩﯔ ﺳﻮﺩﺍ-ﺳﯧﺘﯩﻘﯩﻐﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺭﻩﺋﯩﺴﻰ ﺑﻮﻟﯘﭖ، ﺑﯩﺰﻧﯩﯔ «CEO» ﺑﯩﻠﻪﻥ ﻳﯧﻘﯩﻦ ﺩﻭﺳﺖ ﺋﯩﺪﻯ. ﻣﻪﻥ ﺑﻮﻟﺴﺎﻡ «CTO» ﺑﻮﻟﺪﯗﻡ. ﺷﯩﺮﻛﯩﺘﯩﻤﯩﺰﻧﯩﯔ ﺋﯩﺴﻤﻰ «Telelase» ﺑﻮﻟﯘﭖ، ﺑﯘ ﻳﻪﺭﺩﯨﻜﻰ «Tele» ﺩﯦﮕﻪﻧﻨﯩﯔ ﻣﻪﻧﯩﺴﻰ ﺧﯘﺩﺩﻯ «ﺗﯧﻠﯧﮕﺮﺍﻡ»، «ﺗﯧﻠﯧﻔﻮﻥ» ﺩﯦﮕﻪﻧﺪﯨﻜﯩﮕﻪ ﺋﻮﺧﺸﺎﺵ «ﻳﯩﺮﺍﻕ» ﺩﯦﮕﻪﻥ ﻣﻪﻧﺎﻧﻰ ﺋﯘﻗﺘﯘﺭﺍﺗﺘﻰ. «Lase» ﺑﻮﻟﺴﺎ (ﺋﯩﻨﮕﻠﯩﺰﭼﻪ «Laser» ﻳﻪﻧﻰ ﻻﺯﯦﺮ ﻧﯘﺭﻯ) ﻧﯩﯔ ﺑﯩﺮ ﻗﯩﺴﻤﻰ ﺋﯩﺪﻯ. ﺑﯩﺰﻧﯩﯔ ﭼﯩﻘﺎﺭﻣﺎﻗﭽﻰ ﺑﻮﻟﻐﯩﻨﯩﻤﯩﺰ، ﻻﺯﯦﺮ ﻧﯘﺭﯨﻨﻰ ﻫﺎﯞﺍﺩﺍ ﻣﺎﯕﺪﯗﺭﯗﭖ، ﺋﺎﺭﯨﻠﯩﻘﻰ 1 ﻛﯩﻠﻮﻣﯧﺘﺮﺩﯨﻦ 4 ﻛﯩﻠﻮﻣﯧﺘﺮﻏﯩﭽﻪ ﺑﻮﻟﻐﺎﻥ ﺑﯩﻨﺎﻻﺭﻧﯩﯔ ﺋﺎﺭﯨﻠﯩﻘﯩﺪﺍ ﻳﯘﻗﯩﺮﻯ ﺳﯩﻐﯩﻤﻠﯩﻖ ﺧﻪﯞﻩﺭﻟﯩﺸﯩﺶ ﺗﻮﺭﻯ ﻗﯘﺭﯗﺵ ﺋﯜﭼﯜﻥ ﺋﯩﺸﻠﯩﺘﯩﺪﯨﻐﺎﻥ ﺋﺎﭘﭙﺎﺭﺍﺕ ﺋﯩﺪﻯ. ﺑﯘ ﺋﺎﭘﭙﺎﺭﺍﺗﻨﯩﯔ ﻛﯚﺭﯛﻧﯜﺷﻰ ﺑﯩﺮ ﺧﯩﻞ ﺗﯧﻠﯧﺴﻜﻮﭘﻘﺎ ﺋﻮﺧﺸﺎﺵ ﺑﻮﻟﯘﭖ، ﺋﯘﻧﯩﯔ ﺋﯩﭽﯩﺪﻩ ﺗﯧﻠﯧﺴﻜﻮﭘﺘﯩﻦ ﺑﺎﺷﻘﺎ ﻳﻪﻧﻪ ﻧﯘﺭ ﺳﯩﮕﻨﺎﻟﯩﻨﻰ ﺋﯧﻠﯧﻜﺘﯩﺮ ﺳﯩﮕﻨﺎﻟﯩﻐﺎ ﺋﺎﻳﻼﻧﺪﯗﺭﯨﺪﯨﻐﺎﻥ ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﺯﺍﭘﭽﺎﺳﻼﺭ ﻫﻪﻣﺪﻩ ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﺋﯧﻠﯧﻜﺘﯩﺮ ﺳﯩﮕﻨﺎﻟﯩﻨﻰ ﺑﺎﺷﻘﺎ ﺧﻪﯞﻩﺭﻟﯩﺸﯩﺶ ﺗﻮﺭﻟﯩﺮﯨﻐﺎ ﻳﻪﺗﻜﯜﺯﯛﭖ ﺑﯧﺮﯨﺪﯨﻐﺎﻥ ﺯﺍﭘﭽﺎﺳﻼﺭﻣﯘ ﺑﺎﺭ ﺋﯩﺪﻯ. . San Franciscoﻏﺎ ﺋﻮﺧﺸﺎﺵ ﭼﻮﯓ ﺷﻪﻫﻪﺭﻟﻪﺭ ﯞﻩ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺑﯩﻨﺎﻻﺭ ﺑﻪﻙ ﺯﯨﭻ ﺑﻮﻟﻐﺎﭼﻘﺎ، ﺋﻪﮔﻪﺭ ﻳﻪﺭﻧﻰ ﻛﻮﻻﭖ ﻧﯘﺭﻟﯘﻕ ﺗﺎﻻ ﻛﯚﻣﯜﭖ، ﺧﻪﯞﻩﺭﻟﯩﺸﯩﺶ ﺗﻮﺭﻯ ﻳﺎﺳﯩﻤﺎﻗﭽﻰ ﺑﻮﻟﺴﺎ، ﺋﯘﻧﯩﯖﻐﺎ ﯞﺍﻗﯩﺖ ﯞﻩ ﺋﯩﻘﺘﯩﺴﺎﺩ ﺋﯩﻨﺘﺎﻳﯩﻦ ﻛﯚﭖ ﻛﯧﺘﻪﺗﺘﻰ. ﺑﻪﺯﻯ ﺟﺎﻳﻼﺭﺩﺍ ﺑﻮﻟﺴﺎ ﺋﯘﻧﺪﺍﻕ ﻗﯩﻠﯩﺶ ﻣﯘﻣﻜﯩﻦ، ﭘﯜﺗﯜﻧﻠﻪﻱ ﻣﯘﻣﻜﯩﻦ ﺑﻮﻟﻤﺎﻳﻤﯘ ﻗﺎﻟﯩﺪﯗ. ﺋﻪﮔﻪﺭ ﺑﯩﺰﻧﯩﯔ ﺋﺎﭘﭙﺎﺭﺍﺗﺘﯩﻦ ﺋﯩﻜﻜﯩﻨﻰ ﺑﯩﺮ-ﺑﯩﺮﯨﮕﻪ ﻗﺎﺭﯨﺘﯩﭗ ﺋﻮﺭﻧﺎﺗﺴﺎ، ﺑﯩﺮ-ﺋﯩﻜﻜﻰ ﻫﻪﭘﺘﯩﻨﯩﯔ ﺋﯩﭽﯩﺪﯨﻼ ﺋﯩﻜﻜﻰ ﺑﯩﻨﺎﻧﻰ ﺑﯩﺮ-ﺑﯩﺮﯨﮕﻪ ﺋﯘﻟﯩﻐﯩﻠﻰ ﺑﻮﻻﺗﺘﻰ. ﻣﻪﻥ ﻣﯘﺷﯘﻧﺪﺍﻕ ﺋﺎﭘﭙﺎﺭﺍﺗﺘﯩﻦ 3 ﺧﯩﻠﻨﻰ ﻻﻳﯩﻬﯩﻠﯩﺪﯨﻢ. ﺋﯜﭼﯩﻤﯩﺰ ﺑﯩﺮﻟﯩﺸﯩﭗ ﺷﯩﺮﻛﯩﺘﯩﻤﯩﺰﮔﻪ ﺋﯩﮕﯩﻠﯩﻚ ﭘﯩﻼﻧﻰ ﺗﯜﺯﯛﭖ، ﻧﯘﺭﻏﯘﻥ «VC» ﻻﺭﻧﯩﯔ ﻗﯧﺸﯩﻐﺎ ﺋﺎﭘﺎﺭﺩﯗﻕ. ﻟﯧﻜﯩﻦ، ﺑﯩﺰﻧﯩﯔ ﺋﯩﮕﯩﻠﯩﻚ ﭘﯩﻼﻧﯩﻤﯩﺰ ﺋﯘﻻﺭﻧﻰ ﻗﺎﻧﺎﺋﻪﺗﻠﻪﻧﺪﯛﺭﻩﻟﻤﻪﻱ، ﺑﯩﺰ ﺯﺍﺩﯨﻼ ﭘﯘﻝ ﺋﺎﻻﻟﻤﯩﺪﯗﻕ. ﺑﯘ ﺟﻪﺭﻳﺎﻧﺪﺍ ﻣﻪﻥ ﺋﯚﺯ ﻳﯧﻨﯩﻤﺪﯨﻦ 5 ﻣﯩﯔ ﺩﻭﻟﻼﺭﺩﻩﻙ ﭘﯘﻟﻨﻰ ﻣﯘﺷﯘ ﺷﯩﺮﻛﻪﺕ ﺋﯜﭼﯜﻥ ﺧﻪﺟﻠﯩﺪﯨﻢ. ﺑﯩﺰﻧﯩﯔ ﻳﯧﯖﻰ ﻗﯘﺭﻏﺎﻥ ﺷﯩﺮﻛﯩﺘﯩﻤﯩﺰﻧﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯘﺷﻰ ﻫﯧﭻ ﻗﺎﻧﺪﺍﻕ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻟﻤﯩﻐﺎﭼﻘﺎ، ﻣﻪﻥ ﺑﯘ ﺷﯩﺮﻛﻪﺗﻜﻪ ﺋﯚﺯﯛﻣﻨﯩﯔ 2-ﻧﯩﺸﺎﻧﻰ ﺗﻪﺭﯨﻘﯩﺴﯩﺪﻩ ﻣﯘﺋﺎﻣﯩﻠﻪ ﻗﯩﻠﯩﭗ، ﺋﯚﺯﯛﻣﻨﯩﯔ ﺭﻩﺳﻤﯩﻲ ﺧﯩﺰﻣﯩﺘﯩﻨﻰ ﺯﺍﺩﯨﻼ ﺗﻮﺧﺘﺎﺗﻤﯩﺪﯨﻢ. ﭘﻪﻗﻪﺕ ﺑﯩﺰﻧﯩﯔ «CEO» ﻻ ﺑﯘ ﺷﯩﺮﻛﯩﺘﯩﻤﯩﺰ ﺋﯜﭼﯜﻥ ﭘﯜﺗﯜﻥ ﻛﯜﻥ ﺋﯩﺸﻠﯩﺪﻯ. 1996-ﻳﯩﻠﻰ 9-ﺋﺎﻳﺪﺍ، ﻣﻪﻥ «CVI» ﺩﯦﮕﻪﻥ ﻻﺯﯦﺮ ﺷﯩﺮﻛﯩﺘﯩﮕﻪ ﺧﯩﺰﻣﻪﺗﻜﻪ ﻛﯩﺮﺩﯨﻢ. ﺑﯩﺮ ﺗﻪﺭﻩﭘﺘﯩﻦ «CVI» ﺩﯨﻜﻰ ﺧﯩﺰﻣﯩﺘﯩﻤﻨﻰ ﻧﻮﺭﻣﺎﻝ ﺩﺍﯞﺍﻣﻼﺷﺘﯘﺭﯗﭖ، ﻫﻪﺭ ﻛﯜﻧﻰ ﺋﺎﺧﺸﯩﻤﻰ، ﺷﻪﻧﺒﻪ-ﻳﻪﻛﺸﻪﻧﺒﻪ ﯞﻩ ﺑﺎﺷﻘﺎ ﺩﻩﻡ ﺋﯧﻠﯩﺶ ﻛﯜﻧﻠﯩﺮﯨﻨﯩﯔ ﻫﻪﻣﻤﯩﺴﻰ «Telelase» ﻧﯩﯔ ﺋﯩﺸﯩﻨﻰ ﻗﯩﻠﺪﯨﻢ. ﺑﯩﺰ ﻣﻪﺑﻠﻪﻍ ﺋﯧﻠﯩﺶ ﺟﻪﻫﻪﺗﺘﻪ ﻗﺎﺗﻤﯘ-ﻗﺎﺕ ﻗﯩﻴﯩﻨﭽﯩﻠﯩﻘﻘﺎ ﺩﯗﭺ ﻛﻪﻟﺴﻪﻛﻤﯘ، ﻫﻪﺭﮔﯩﺰ ﺑﯘ ﺷﯩﺮﻛﻪﺗﺘﯩﻦ ﯞﺍﺯ ﻛﻪﭼﻤﯩﺪﯗﻕ. ﺋﻪﻣﻤﺎ، 1998-ﻳﯩﻠﻰ ﺋﺎﻣﯧﺮﯨﻜﯩﺪﯨﻜﻰ ﻏﺎﻳﻪﺕ ﭼﻮﯓ ﺷﯩﺮﻛﻪﺗﻨﯩﯔ ﺑﯩﺮﻯ ﺑﻮﻟﻐﺎﻥ «Lucent Technology» ﺷﯩﺮﻛﯩﺘﻰ ﯞﺍﺷﯩﻨﮕﺘﻮﻥ ﺷﯩﺘﺎﺗﯩﻨﯩﯔ Seattle ﺷﻪﻫﯩﺮﯨﺪﻩ ﻗﯘﺭﯗﻟﻐﺎﻥ «Terrabeam» ﺩﯦﮕﻪﻥ ﺑﯩﺮ ﺷﯩﺮﻛﻪﺗﻜﻪ 500 ﻣﯩﻠﻴﻮﻥ ﺩﻭﻟﻼﺭ ﻣﻪﺑﻠﻪﻍ ﺳﺎﻟﺪﻯ «Terrabeam» ﻧﯩﯔ ﭼﯩﻘﺎﺭﻣﺎﻗﭽﻰ ﺑﻮﻟﻐﯩﻨﯩﻤﯘ ﺑﯩﺰﻧﯩﯔ ﭼﯩﻘﺎﺭﻣﺎﻗﭽﻰ ﺑﻮﻟﻐﯩﻨﯩﻤﯩﺰ ﺑﯩﻠﻪﻥ ﺋﻮﭖ-ﺋﻮﺧﺸﺎﺵ ﺋﯩﺪﻯ. ﺑﯘ ﺋﯩﺸﺘﯩﻦ ﻛﯧﻴﯩﻦ ﺑﯩﺰﻧﯩﯔ ﻣﻪﺑﻠﻪﻍ ﺋﺎﻻﻟﯩﺸﯩﻤﯩﺰﺩﺍ ﺋﺎﺳﺎﺳﻪﻥ ﺋﯜﻣﯩﺪ ﻗﺎﻟﻤﯩﺪﻯ. ﺷﯘﻧﺪﺍﻕ ﺑﻮﻟﺴﯩﻤﯘ ﺑﯩﺰ ﺑﺎﺷﻘﺎ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﻧﻪﺭﺳﻪ ﭼﯩﻘﯩﺮﯨﺶ ﻳﻮﻟﯩﺪﺍ ﺋﯩﺰﺩﻩﻧﺪﯗﻕ. ﻣﯘﺷﯘ ﺟﻪﺭﻳﺎﻧﺪﺍ «Telelase» ﻧﯩﯔ ﺋﯧﻬﺘﯩﻴﺎﺟﻰ ﺑﯩﻠﻪﻥ ﻣﻪﻥ ﺋﯚﺯﻟﯜﻛﯩﻤﺪﯨﻦ ﯞﯨﻨﺪﻭﯞﺱ ﭘﺮﻭﮔﺮﺍﻣﻤﯩﺴﻰ ﯞﻩ SMNP ﻗﺎﺗﺎﺭﻟﯩﻖ ﻳﯘﻣﺸﺎﻕ ﺩﯦﺘﺎﻟﻼﺭﻧﻰ ﺋﯚﮔﻪﻧﺪﯨﻢ. 2001-ﻳﯩﻠﯩﻐﺎ ﻛﻪﻟﮕﻪﻧﺪﻩ ﻣﻪﻥ ﺋﯩﻨﺘﺎﻳﯩﻦ ﻫﺎﺭﻏﯩﻨﻠﯩﻖ ﻫﯧﺲ ﻗﯩﻠﯩﭗ، ﺑﯘ ﺷﯩﺮﻛﻪﺗﺘﯩﻜﻰ ﯞﻩﺯﯨﭙﻪﻣﺪﯨﻦ ﺋﯩﺴﺘﯧﭙﺎ ﺑﻪﺭﺩﯨﻢ. «Telelase» ﺑﯩﺮ ﺭﻩﺳﻤﯩﻲ ﺗﯩﺰﯨﻤﻐﺎ ﺋﺎﻟﺪﯗﺭﯗﻟﻐﺎﻥ ﺷﯩﺮﻛﻪﺕ ﺑﻮﻟﯘﭖ، ﺋﯘ ﻫﺎﺯﯨﺮﻣﯘ ﻣﻪﯞﺟﯘﺕ. ﻣﻪﻥ ﻳﻪﻧﯩﻼ ﺋﯘﻧﯩﯔ ﺑﯩﺮ ﺋﺎﺳﺎﺳﻠﯩﻖ ﭘﺎﻱ ﭼﻪﻙ ﺋﯩﮕﯩﺴﻰ. ﻫﺎﺯﯨﺮ ﺋﯘﻧﻰ ﺑﯩﺰﻧﯩﯔ ﺋﻪﻳﻨﻰ ﯞﺍﻗﯩﺘﺘﺎ «CEO» ﺑﻮﻟﻐﺎﻥ ﻛﯩﺸﻰ ﺋﯚﺯﻯ ﻳﺎﻟﻐﯘﺯ ﻣﺎﯕﺪﯗﺭﯗﯞﺍﺗﯩﺪﯗ. ﺑﺎﺷﻘﺎ ﺷﯩﺮﻛﻪﺕ-ﺋﯩﺪﺍﺭﯨﻠﻪﺭﮔﻪ ﻣﻪﺳﻠﯩﻬﻪﺗﭽﯩﻠﯩﻚ ﻗﯩﻠﯩﭗ ﺑﯧﺮﯨﭗ، ﺋﯩﺸﺨﺎﻧﯩﻨﯩﯔ ﺋﯩﺠﺎﺭﯨﺴﻰ ﺑﯩﻠﻪﻥ ﺋﯚﺯﯨﻨﯩﯔ ﻣﺎﺋﺎﺷﯩﻨﻰ ﺗﯧﭙﯩﭗ ﻳﺎﺷﺎﯞﺍﺗﯩﺪﯗ. ﻫﺎﺯﯨﺮ ﺑﯩﺰ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ ﻫﯧﻠﯩﻘﻰ ﺋﺎﭘﭙﺎﺭﺍﺗﻨﻰ ﭼﯩﻘﯩﺮﯨﺪﯨﻐﺎﻥ ﺷﯩﺮﻛﻪﺗﻠﻪﺭ ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ، ﺋﯩﺴﺮﺍﺋﯩﻠﯩﻴﻪ، ﺋﻪﻧﮕﻠﯩﻴﻪ ﻗﺎﺗﺎﺭﻟﯩﻖ ﻧﯘﺭﻏﯘﻥ ﺩﯙﻟﻪﺗﻠﻪﺭﺩﻩ ﻗﯘﺭﯗﻟﯘﭖ ﻛﻪﺗﺘﻰ. ﻫﺎﺯﯨﺮ ﻳﻪﺭ ﺷﺎﺭﻯ ﺑﯩﻠﻪﻥ ﺋﺎﻟﻪﻡ ﺑﻮﺷﻠﯘﻗﻰ ﺋﻮﺗﺘﯘﺭﯨﺴﯩﺪﯨﻜﻰ ﺧﻪﯞﻩﺭﻟﯩﺸﯩﺸﺘﻪ ﺋﯩﺸﯩﻠﺘﯩﺪﯨﻐﺎﻥ «Deep Space Network, DSN» ﺩﻩﭖ ﺋﺎﺗﯩﻠﯩﺪﯨﻐﺎﻥ(ﺋﯘﻳﻐﯘﺭﭼﻪ ﻣﻪﻧﯩﺴﻰ «ﭼﻮﯕﻘﯘﺭ ﺋﺎﻟﻪﻡ ﺑﻮﺷﻠﯘﻗﻰ ﺗﻮﺭﻯ» ﺩﯦﮕﻪﻧﮕﻪ ﻳﯧﻘﯩﻦ ﻛﯧﻠﯩﺪﯨﻐﺎﻥ) ﺑﯩﺮ ﻣﯩﻜﺮﻭ ﺩﻭﻟﻘﯘﻧﻠﯘﻕ ﺧﻪﯞﻩﺭﻟﯩﺸﯩﺶ ﺗﻮﺭﻯ ﺋﺎﺭﻗﯩﻠﯩﻖ ﺋﯧﻠﯩﭗ ﺑﯧﺮﯨﻠﯩﺪﯗ. ﻫﺎﺯﯨﺮ ﻣﺎﺭﺳﺘﯩﻜﻰ ﺋﯩﻜﻜﻰ ﺗﻪﻛﺸﯜﺭﮔﯜﭼﻰ ﻣﺎﺷﯩﻨﺎ ﺗﺎﺭﺗﻘﺎﻥ ﺭﻩﺳﯩﻤﻠﻪﺭﻧﯩﻤﯘ ﺋﺎﺷﯘ ﺗﻮﺭ ﺋﺎﺭﻗﯩﻠﯩﻖ ﻳﻪﺭ ﺷﺎﺭﯨﻐﺎ ﻣﺎﯕﺪﯗﺭﯗﭖ ﺗﯘﺭﯗﯞﺍﺗﯩﺪﯗ. ﺑﯘ ﺗﻮﺭﻧﯩﯔ ﺋﺎﻧﺘﯧﻨﻨﺎﺳﻰ ﻗﺎﺯﺍﻥ ﺷﻪﻛﻠﯩﺪﻩ ﺑﻮﻟﯘﭖ، ﺋﯘﻧﯩﯖﺪﯨﻦ ﺟﻪﻣﺌﯩﻲ 3 ﻯ ﺑﺎﺭ. ﺋﯘﻻﺭ ﻳﻪﺭ ﺷﺎﺭﯨﻨﯩﯔ ﺋﯜﺳﺘﯩﺪﯨﻜﻰ ﺋﯚﺯ-ﺋﺎﺭﺍ 120 ﮔﯩﺮﺍﺩﯗﺱ ﻳﺎﺳﯩﻐﺎﻥ ﺟﺎﻳﻼﺭﻏﺎ ﺋﻮﺭﯗﻧﻼﺷﺘﯘﺭﯗﻟﻐﺎﻥ ﺑﻮﻟﯘﭖ، ﺋﯘﻧﯩﯔ ﺑﯩﺮﻯ ﺋﺎﻣﯧﺮﯨﻜﯩﻨﯩﯔ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﯩﺪﺍ، ﺑﯩﺮﻯ ﺋﺎﯞﯨﺴﺘﺮﺍﻟﯩﻴﻪﺩﻩ، ﻳﻪﻧﻪ ﺑﯩﺮﻯ ﺋﯩﺴﭙﺎﻧﯩﻴﻪﺩﻩ. ﺑﯘ ﺋﺎﻧﺘﯧﻨﻨﺎﻧﯩﯔ ﺩﯨﺌﺎﻣﯧﺘﯩﺮﻯ 34 ﻣﯧﺘﺮ ﯞﻩ 70 ﻣﯧﺘﺮ ﭼﻮﯕﻠﯘﻗﺘﺎ ﺑﻮﻟﯘﭖ، ﺋﯩﮕﯩﺰﻟﯩﮕﻰ ﺑﯩﺮ 10 ﻗﻪﯞﻩﺗﻠﯩﻚ ﺑﯩﻨﺎ ﺑﯩﻠﻪﻥ ﺑﺎﺭﺍﯞﻩﺭ ﻛﯧﻠﯩﺪﯗ. ﻣﯩﻜﺮﻭ ﺩﻭﻟﻘﯘﻧﻠﯘﻕ ﺧﻪﯞﻩﺭﻟﯩﺸﯩﺸﻨﯩﯔ ﺳﯜﺭﺋﯩﺘﻰ ﺗﯧﺰ ﺑﻮﻟﻤﯩﻐﺎﭼﻘﺎ، ﻫﺎﺯﯨﺮ ﺋﺎﻣﯧﺮﯨﻜﺎ ﯞﻩ ﻏﻪﺭﺏ ﺋﻪﻟﻠﯩﺮﻯ ﻳﻪﺭ ﺷﺎﺭﻯ ﺑﯩﻠﻪﻥ ﺋﺎﻟﻪﻡ ﺑﻮﺷﻠﯘﻗﻰ ﺋﻮﺗﺘﯘﺭﯨﺴﯩﺪﯨﻜﻰ ﺧﻪﯞﻩﺭﻟﯩﺸﯩﺶ ﯞﻩ ﺋﺎﻟﻪﻡ ﺑﻮﺷﻠﯘﻗﯩﺪﯨﻜﻰ ﺋﯚﺯ ﺋﺎﺭﺍ ﺧﻪﯞﻩﺭﻟﯩﺸﯩﺸﻨﻰ ﻧﯘﺭ ﺩﻭﻟﻘﯘﻧﻰ ﺋﺎﺭﻗﯩﻠﯩﻖ ﺋﯧﻠﯩﭗ ﺑﯧﺮﯨﺶ ﺗﻮﻏﺮﯨﺴﯩﺪﺍ ﻧﯘﺭﻏﯘﻥ ﺗﻪﺗﻘﯩﻘﺎﺗﻼﺭﻧﻰ ﺋﯧﻠﯩﭗ ﺑﯧﺮﯨﯟﺍﺗﯩﺪﯗ.

ﺗﯚﯞﻩﻧﺪﻩ ﻳﺎﺯﯨﺪﯨﻐﺎﻥ ﻧﻪﺭﺳﯩﻨﻰ ﭼﯜﺷﯩﻨﯩﺶ ﺋﺎﺳﺎﻥ ﺑﻮﻟﺴﯘﻥ ﺋﯜﭼﯜﻥ، ﻧﯘﺭﻟﯘﻕ ﺗﺎﻻ (ﺋﯩﻨﮕﻠﯩﺰﭼﻪ «optical-fiber») ﺧﻪﯞﻩﺭﻟﯩﺸﯩﺸﯩﮕﻪ ﺋﺎﺋﯩﺖ ﺋﺎﺯﺭﺍﻕ ﺋﯘﻗﯘﻡ ﺑﯧﺮﯨﭗ ﺋﯚﺗﯜﭖ ﻛﯧﺘﻪﻱ. ﻫﺎﺯﯨﺮ ﻛﯚﭖ ﺳﺎﻧﻠﯩﻖ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺸﺘﻪ  ﺑﯩﺮ ﻛﺎﻧﺎﻟﯩﻨﯩﯔ ﺗﯧﺰﻟﯩﻜﻰ ﺑﯩﺮ ﺳﯧﻜﯘﻧﺘﯩﻐﺎ 10 ﮔﯩﮕﺎ ﺑﯩﺖ ﺑﻮﻟﯘﭖ، ﺋﯘﻧﻰ ﻗﯩﺴﻘﺎﺭﺗﯩﭗ 10 GBPS (ﺋﯩﻨﮕﻠﯩﺰﭼﻪ «10 giga bit per second») ﺩﻩﭖ ﺋﺎﺗﺎﻳﺪﯗ. ﺑﯩﺮ ﻧﯘﺭﻟﯘﻕ ﺗﺎﻻﺩﺍ ﻣﯘﺷﯘﻧﺪﺍﻕ ﻛﺎﻧﺎﻟﺪﯨﻦ ﺗﻪﺧﻤﯩﻨﻪﻥ 40 ﺑﻮﻟﯩﺪﯗ. ﺑﯩﺮ ﺋﺎﯞﺍﺯ ﻛﺎﻧﺎﻟﯩﻨﯩﯔ ﺋﯩﮕﯩﻠﻪﻳﺪﯨﻐﺎﻥ ﻣﯩﻘﺘﺎﺭﻯ (ﺑﻪﺯﻯ ﺑﯩﺮ ﻳﯧﯖﻰ ﺗﯧﺨﻨﯩﻜﯩﻨﯩﯔ ﻳﺎﺭﺩﯨﻤﻰ ﺑﯩﻠﻪﻥ) ﺗﻪﺧﻤﯩﻨﻪﻥ ﺳﯧﻜﯘﻧﺘﯩﻐﺎ 10 ﻛﯩﻠﻮ-ﺑﯩﺖ (10 Kbps)ﺑﻮﻟﻐﺎﭼﻘﺎ، ﺑﯩﺮ ﻧﯘﺭﻟﯘﻕ ﺗﺎﻻﺩﺍ 40 ﻣﯩﻠﻴﻮﻥ ﺋﺎﯞﺍﺯ (ﻳﻪﻧﻰ ﺗﯧﻠﯧﻔﻮﻥ) ﻛﺎﻧﺎﻟﻰ ﻣﺎﯕﺪﯗﺭﻏﯩﻠﻰ ﺑﻮﻟﯩﺪﯗ. 2001-ﻳﯩﻠﯩﻨﯩﯔ ﺋﺎﻟﺪﻯ ﻛﻪﻳﻨﯩﺪﻩ ﺑﯩﺮ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﻛﺎﻧﺎﻟﯩﻨﯩﯔ ﺳﯜﺭﺋﯩﺘﯩﻨﻰ 40Gbps ﻗﯩﻠﯩﺶ ﺗﻮﻏﺮﯨﺴﯩﺪﺍ ﻧﯘﺭﻏﯘﻥ ﮔﻪﭘﻠﻪﺭ ﺑﻮﻟﺪﻯ. ﺑﯘ ﺗﯧﺨﻨﯩﻜﯩﻐﺎ ﻛﯧﺮﻩﻛﻠﯩﻚ ﺑﻮﻟﻐﺎﻥ ﺯﺍﭘﭽﺎﺱ-ﺋﺎﭘﭙﺎﺭﺍﺗﻼﺭﻧﻰ ﻳﺎﺳﺎﻳﺪﯨﻐﺎﻥ ﻧﯘﺭﻏﯘﻥ ﺷﯩﺮﻛﻪﺗﻠﻪﺭ ﻗﯘﺭﯗﻟﺪﻯ. ﻟﯧﻜﯩﻦ، 2003-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺑﯘ ﺗﯧﺨﻨﯩﻜﯩﻨﯩﯔ ﺋﯩﻘﺘﯩﺴﺎﺩﯨﻲ ﺋﯜﻧﯜﻣﻰ ﻳﯘﻗﯩﺮﻯ ﺋﻪﻣﻪﺳﻠﯩﻜﻰ ﺑﺎﻳﻘﯩﻠﯩﭗ، ﺑﯘ ﺗﯧﺨﻨﯩﻜﯩﻨﻰ ﺋﻮﻣﯘﻣﻼﺷﺘﯘﺭﻣﺎﻳﺪﯨﻐﺎﻥ ﺑﻮﻟﯘﭖ، ﻳﯧﯖﯩﺪﯨﻦ ﻗﯘﺭﯗﻟﻐﺎﻥ ﻧﻪﭼﭽﻪ ﻣﯩﯔ ﺷﯩﺮﻛﻪﺕ ﯞﻩﻳﺮﺍﻥ ﺑﻮﻟﺪﻯ.

ﻛﺎﻧﺎﺩﺍﺩﺍ ﺑﯩﺮ ﺗﯜﺭﻛﯩﻴﻪﻟﯩﻚ ﺋﯚﻣﻪﺭ ﺋﯩﺴﯩﻤﻠﯩﻚ ﺗﯜﺭﻙ ﻗﯘﺭﻏﺎﻥ ﺑﯩﺮ ﺋﻮﭘﺘﯩﻜﺎ ﺷﯩﺮﻛﯩﺘﻰ ﺑﺎﺭ. ﺋﯘ ﺑﯩﺮ 200 ﻛﯩﺸﯩﻠﯩﻚ ﺷﯩﺮﻛﻪﺕ ﺑﻮﻟﯘﭖ، ﺋﯘﻧﯩﯔ ﻣﻪﻫﺴﯘﻻﺗﻰ ﺋﺎﻣﯧﺮﯨﻜﯩﺪﯨﻤﯘ ﻛﯚﭖ ﺳﯧﺘﯩﻠﯩﺪﯗ. ﻣﻪﻥ «CVI» ﯞﻩ «WaveSplitter» ﺩﯦﮕﻪﻥ ﺷﯩﺮﻛﻪﺗﻠﻪﺭﺩﻩ ﺋﯩﺸﻠﻪﯞﺍﺗﻘﺎﻥ ﯞﺍﻗﺘﯩﻤﺪﺍ، ﺑﯘ ﺷﯩﺮﻛﻪﺗﺘﯩﻦ ﻧﻪﭼﭽﻪ ﻗﯧﺘﯩﻢ ﺋﻮﭘﺘﯩﻜﺎ ﺯﺍﭘﭽﺎﺳﻠﯩﺮﻯ ﺳﯧﺘﯩﯟﺍﻟﻐﺎﻧﯩﺪﯨﻢ. 2001-ﻳﯩﻠﯩﻨﯩﯔ ﺑﯧﺸﯩﺪﺍ ﺑﯩﺮ ﺧﻪﻟﻘﺌﺎﺭﺍﻟﯩﻖ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﻳﯩﻐﯩﻨﯩﻐﺎ ﺑﯧﺮﯨﭗ، ﻛﯚﺭﮔﻪﺯﻣﻪ ﺯﺍﻟﯩﺪﺍ ﺑﯘ ﺷﯩﺮﻛﻪﺗﻨﯩﯔ ﻛﯚﺭﮔﻪﺯﻣﯩﺴﯩﻨﯩﻤﯘ ﺯﯨﻴﺎﺭﻩﺕ ﻗﯩﻠﯩﭗ، ﺋﯚﻣﻪﺭ ﺑﯩﻠﻪﻥ ﻛﯚﺭﯛﺷﺘﯜﻡ. ﻫﻪﻣﺪﻩ ﺑﯘ ﺷﯩﺮﻛﻪﺗﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﺑﯩﺮ ﺗﻪﺗﻘﯩﻘﺎﺕ ﺋﯩﺸﺨﺎﻧﯩﺴﯩﻐﺎ ﻣﻪﺳﺌﯘﻝ ﺑﯩﺮ ﻣﯘﺋﺎﯞﯨﻦ ﺭﻩﺋﯩﺴﻰ ﺑﯩﻠﻪﻧﻤﯘ ﺗﻮﻧﯘﺷﺘﯘﻡ. ﺋﯘ ﺑﯩﺮ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺑﺎﺭ، ﺯﻩﻳﻨﻪﭖ ﺋﯩﺴﯩﻤﻠﯩﻚ ﺋﺎﻳﺎﻝ ﻛﯩﺸﻰ ﺑﻮﻟﯘﭖ، ﺋﯘﻣﯘ ﺗﯜﺭﻛﯩﻴﻪﻟﯩﻚ ﺗﯜﺭﻙ ﻫﻪﻣﺪﻩ ﻳﯧﺸﻰ ﺋﯚﻣﻪﺭﻧﯩﯖﻜﯩﺪﯨﻦ 10 ﻳﺎﺷﻼﺭﭼﻪ ﭼﻮﯓ ﺋﯩﺪﻯ. ﺑﯩﺰ ﻛﻪﺳﭗ ﺗﻮﻏﺮﯨﺴﯩﺪﺍ ﻛﯚﭖ ﭘﺎﺭﺍﯕﻼﺷﺘﯘﻕ. ﭘﺎﺭﯨﯖﯩﻤﯩﺰﻧﯩﯔ ﺋﺎﺧﯩﺮﯨﺪﺍ ﺯﻩﻳﻨﻪﭖ ﻣﯧﻨﯩﯔ ﺋﯘﻻﺭﻧﯩﯔ ﺷﯩﺮﻛﯩﺘﯩﮕﻪ ﻳﯚﺗﻜﯩﻠﯩﭗ، ﺋﯘﻻﺭ ﺋﯜﭼﯜﻥ ﺋﯩﺸﻠﻪﭖ ﺑﯧﺮﯨﺸﯩﻤﻨﻰ ﺗﻪﻛﻠﯩﭗ ﻗﯩﻠﺪﻯ. ﮔﻪﺭﭼﻪ ﺷﯘ ﭼﺎﻏﺪﺍ ﺑﯘ ﺷﯩﺮﻛﻪﺕ «WaveSplitter»ﮔﻪ ﻗﺎﺭﯨﻐﺎﻧﺪﺍ ﻛﯚﭖ ﭘﯩﺸﯩﭗ ﻳﯧﺘﯩﻠﮕﻪﻥ ﺷﯩﺮﻛﻪﺕ ﺑﻮﻟﯘﭖ، ﺋﯩﺴﺘﯩﻘﺒﺎﻟﯩﻤﯘ ﻛﯚﭖ ﻳﺎﺧﺸﯩﺪﻩﻙ ﻛﯚﺭﯛﻧﮕﻪﻥ ﺑﻮﻟﺴﯩﻤﯘ، ﻣﻪﻥ ﺋﯘﻧﻰ ﺭﻩﺕ ﻗﯩﻠﺪﯨﻢ. ﺑﯘﻧﯩﯔ ﺳﻪﯞﻩﺑﻰ، ﻣﻪﻥ ﺯﻩﻳﻨﻪﭖ ﺑﯩﻠﻪﻥ ﭘﺎﺭﺍﯕﻠﯩﺸﯩﯟﺍﺗﻘﺎﻥ ﯞﺍﻗﺘﯩﻤﺪﺍ، ﺑﯩﺮ ﻗﯧﺘﯩﻢ ﺋﯚﻣﻪﺭ ﺑﯩﺰﻧﯩﯔ ﻗﯧﺸﯩﻤﯩﺰﻏﺎ ﻛﯧﻠﯩﭗ، ﺯﻩﻳﻨﻪﭘﻨﻰ «ﺋﯩﺸﻠﯩﻤﻪﻱ ﻛﻪﭼﻜﯩﭽﻪ ﭘﺎﺭﺍﯓ ﺳﺎﻻﻣﺴﻪﻥ؟» ﺩﯦﮕﻪﻧﺪﻩﻙ ﮔﻪﭘﻠﻪﺭ ﺑﯩﻠﻪﻥ ﺋﯩﻨﺘﺎﻳﯩﻦ ﺳﻪﺕ ﺳﯩﻠﻜﯩﺸﻠﯩﯟﻩﺗﺘﻰ. ﺯﻩﻳﻨﻪﭖ ﺋﯚﺯ ﺷﯩﺮﻛﯩﺘﯩﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﻛﯜﭼﻪﯞﺍﺗﻘﺎﻥ ﺑﻮﻟﯘﭖ، ﺋﯚﻣﻪﺭﻧﯩﯔ ﺋﯚﺯﯨﻨﯩﯔ ﻫﻪﺩﯨﺴﯩﺪﻩﻙ ﺑﯩﺮ ﻛﯩﺸﯩﮕﻪ ﺋﯘﻧﺪﺍﻕ ﻣﯘﺋﺎﻣﯩﻠﻪ ﻗﯩﻠﯩﺸﻰ ﻣﯧﻨﻰ ﺋﯩﻨﺘﺎﻳﯩﻦ ﺳﻪﺳﻜﯩﻨﺪﯛﺭﮔﻪﻧﯩﺪﻯ. ﺷﯘﯕﺎ ﻣﻪﻥ ﺋﯚﺯﯛﻣﻨﯩﯔ ﺋﻮﻳﻠﯩﻨﯩﻐﯩﻨﯩﻨﻰ ﺯﻩﻳﻨﻪﭘﻜﻪ ﺷﯘ ﭘﻪﻳﺘﺘﯩﻼ ﺋﯧﻴﺘﺘﯩﻢ.

2001-ﻳﯩﻠﯩﻨﯩﯔ ﺋﺎﺧﯩﺮﻯ ﺯﻩﻳﻨﻪﭖ ﻣﯧﻨﻰ ﺑﯩﺮ ﺋﺎﻳﺮﯨﻢ ﻛﯚﺭﯛﺷﯜﺷﻜﻪ ﭼﺎﻗﯩﺮﯨﭗ، ﺋﯚﺯﯨﻨﯩﯔ ﺑﯩﺮ ﻳﯧﯖﻰ ﺷﯩﺮﻛﻪﺕ ﻗﯘﺭﻣﺎﻗﭽﻰ ﺑﻮﻟﻐﺎﻥ ﺋﯩﺪﯨﻴﯩﺴﯩﻨﻰ ﺋﯧﻴﺘﺘﻰ. ﻫﻪﻣﺪﻩ ﻣﯧﻨﯩﯔ ﺋﯩﻨﮋﯨﻨﯧﺮﻟﯩﻘﻘﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺭﻩﺋﯩﺲ ﺑﻮﻟﯘﭖ ﺋﯩﺸﻠﻪﭖ ﺑﯧﺮﯨﺸﯩﻤﻨﻰ ﺗﻪﻟﻪﭖ ﻗﯩﻠﺪﻯ. ﺯﻩﻳﻨﻪﭖ ﻣﻪﻧﺪﯨﻦ ﺑﺎﺷﻘﺎ ﻳﯘﻣﺸﺎﻕ ﺩﯦﺘﺎﻝ ﻣﯘﺗﻪﺧﻪﺳﺴﯩﺴﯩﺪﯨﻦ ﺑﯩﺮﻧﻰ ﯞﻩ ﺋﯧﻠﯧﻜﺘﯩﺮ ﺋﯩﻨﮋﯨﻨﯧﺮﻟﯩﻖ ﻣﯘﺗﻪﺧﯩﺴﺴﯩﺴﯩﺪﯨﻦ ﺑﯩﺮﻧﯩﻤﯘ ﺋﯚﺯ ﻳﯧﻨﯩﻐﺎ ﻳﯩﻐﯩﭗ ﺑﻮﻟﻐﺎﻧﯩﻜﻪﻥ. ﺋﯘﻻﺭ ﺋﯚﻣﻪﺭﻧﯩﯔ ﺷﯩﺮﻛﯩﺘﻰ ﺳﯧﺘﯩﯟﺍﻟﻐﺎﻥ ﺑﯩﺮ ﻛﯩﭽﯩﻚ ﺷﯩﺮﻛﻪﺗﻨﯩﯔ ﺭﻩﺋﯩﺲ ﯞﻩ ﻣﯘﺋﺎﯞﯨﻦ ﺭﻩﺋﯩﺴﻠﯩﺮﻯ ﺑﻮﻟﯘﭖ، ﺯﻩﻳﻨﻪﭖ ﺑﯩﻠﻪﻥ ﺑﯩﺮﻟﯩﻜﺘﻪ ﺑﯘ ﻳﯧﯖﻰ ﺷﯩﺮﻛﻪﺗﻨﻰ ﻗﯘﺭﯗﺷﻘﺎ ﻣﺎﻗﯘﻝ ﺑﻮﻟﻐﺎﻧﯩﻜﻪﻥ. ﺑﯩﺰﻧﯩﯔ ﭼﯩﻘﺎﺭﻣﺎﻗﭽﻰ ﺑﻮﻟﻐﯩﻨﯩﻤﯩﺰ، ﺋﯘﺯﯗﻥ ﻳﻮﻟﻠﯘﻕ، 40Gbps ﻟﯩﻖ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺸﯩﮕﻪ ﺋﯩﺸﻠﯩﺘﯩﺪﯨﻐﺎﻥ ﺑﯩﺮ ﺋﺎﭘﭙﺎﺭﺍﺕ ﺑﻮﻟﯘﭖ، ﻣﯘﺷﯘﻧﺪﺍﻕ ﺧﻪﯞﻩﺭﻟﯩﺸﯩﺶ ﺗﻮﺭﯨﺪﺍ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ، ﺋﯩﻨﮕﻠﯩﺰ ﺗﯩﻠﯩﺪﺍ Polarization Mode Dispersion PMD» »ﺩﯦﮕﻪﻥ ﺑﯩﺮ ﺧﯩﻞ ﻫﺎﺩﯨﺴﯩﻨﯩﯔ ﻧﯘﺭ ﺳﯩﮕﻨﺎﻟﯩﻨﯩﯔ ﺳﯜﭘﯩﺘﯩﻨﻰ ﺑﯘﺯﯗﯞﯦﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯨﻐﺎﻥ ﺑﯩﺮ ﻳﯧﯖﻰ ﯞﻩ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺋﺎﭘﭙﺎﺭﺍﺕ ﺋﯩﺪﻯ. ﺋﯘ ﺑﯩﺮ ﻳﯧﯖﻰ ﻧﻪﺭﺳﻪ ﺑﻮﻟﻐﺎﭼﻘﺎ، ﺋﯘﻧﻰ ﺑﯘﺭﯗﻥ ﻫﯧﭽﻜﯩﻢ ﻗﯩﻠﯩﭗ ﺑﺎﻗﻤﯩﻐﺎﻧﯩﺪﻯ. ﺑﯩﺰﻧﯩﯔ «WaveSplitter» ﺩﯦﮕﻪﻥ ﺷﯩﺮﻛﯩﺘﯩﻤﯩﺰﺩﻩ ﻣﯘﺷﯘ PMD ﭘﺎﺭﺍﻣﯧﺘﯩﺮﯨﻨﻰ ﺋﯚﻟﭽﻪﻳﺪﯨﻐﺎﻥ ﺑﯩﺮ ﺋﺎﭘﭙﺎﺭﺍﺕ ﻻﺯﯨﻢ ﺑﻮﻟﯘﭖ ﻗﯧﻠﯩﭗ، ﺋﺎﺷﯘﻧﺪﺍﻕ ﺋﺎﭘﭙﺎﺭﺍﺗﻨﻰ ﭼﯩﻘﯩﺮﯨﺪﯨﻐﺎﻥ ﺑﯩﺮ ﺷﯩﺮﻛﻪﺗﻨﯩﯔ ﺋﺎﺩﻩﻣﻠﯩﺮﻯ ﺑﯩﺰﻧﯩﯔ ﺷﯩﺮﻛﻪﺗﻜﻪ ﻛﯧﻠﯩﭗ، ﺋﯚﺯ ﻣﻪﻫﺴﯘﻻﺗﯩﻨﻰ ﺗﻮﻧﯘﺷﺘﯘﺭﻏﺎﻧﺪﺍ، ﻣﻪﻥ ﺋﯘ ﺋﺎﭘﭙﺎﺭﺍﺗﻨﯩﯔ ﺋﯩﺸﻠﻪﺵ ﭘﺮﯨﻨﺴﯩﭙﯩﻨﻰ ﭘﯜﺗﯜﻧﻠﻪﻱ ﭼﯜﺷﯩﻨﯩﯟﺍﻟﻐﺎﻧﯩﺪﯨﻢ. ﻣﻪﻥ ﺋﯚﺯﯨﻤﯩﺰﻧﯩﯔ ﺷﯩﺮﻛﯩﺘﯩﮕﻪ «ﻣﺎﯕﺎ 6 ﺋﺎﻱ ﯞﺍﻗﯩﺖ ﺑﯧﺮﯨﯖﻼﺭ. ﺋﯘﻧﻰ ﻣﻪﻥ ﻻﻳﯩﻬﯩﻠﻪﭖ ﻳﺎﺳﺎﭖ ﭼﯩﻘﺎﻱ» ﺩﯦﮕﻪﻧﺪﻩ، ﺷﯩﺮﻛﻪﺗﺘﯩﻜﯩﻠﻪﺭ «ﺑﯩﺰﻧﯩﯔ 6 ﺋﺎﻱ ﯞﺍﻗﺘﯩﻤﯩﺰ ﻳﻮﻕ» ﺩﻩﭖ، ﺋﯘ ﺋﯚﻟﭽﻪﺵ ﺋﺎﭘﭙﺎﺭﺍﺗﯩﺪﯨﻦ ﺑﯩﺮﻧﻰ 120 ﻣﯩﯔ ﺩﻭﻟﻼﺭﻏﺎ ﺳﯧﺘﯩﯟﺍﻟﻐﺎﻧﯩﺪﻯ.

ﻣﻪﻥ ﺋﯚﺯﯛﻣﻨﯩﯔ «Telelase» ﺩﯨﻜﻰ ﺗﻪﺟﺮﯨﺒﻪﻣﮕﻪ ﺋﺎﺳﺎﺳﻪﻥ، ﺑﯩﺰﻧﯩﯔ ﺑﯘ ﺳﺎﻫﻪﺩﻩ ﺗﯧﺨﻰ ﺗﻪﺟﺮﯨﺒﯩﻤﯩﺰ ﻳﺎﻛﻰ ﺗﯧﺨﻨﯩﻜﯩﻤﯩﺰ ﻳﻮﻗﻠﯘﻗﯩﻨﻰ، ﺷﯘﯕﺎ ﻣﻪﺑﻠﻪﻍ ﺋﯧﻠﯩﺸﻨﯩﯔ ﺋﯩﻨﺘﺎﻳﯩﻦ ﺗﻪﺳﻠﯩﻜﯩﻨﻰ ﺋﯧﻴﺘﻘﺎﻧﺪﺍ، ﺯﻩﻳﻨﻪﭖ ﺋﯚﺯﯨﮕﻪ ﭘﯘﻝ ﺑﯧﺮﯨﺸﻜﻪ ﺗﻪﻳﻴﺎﺭ ﺑﻮﻟﯘﭖ ﻗﺎﻟﻐﺎﻥ ﺑﯩﺮ ﻗﺎﻧﭽﻪ «VC» ﻛﺎﭘﯩﺘﺎﻟﯩﺴﺘﻼﺭﻧﯩﯔ ﺑﺎﺭﻟﯩﻘﯩﻨﻰ ﺋﯧﻴﺘﺘﻰ. ﺷﯘﻧﯩﯔ ﺑﯩﻠﻪﻥ ﻣﻪﻧﺪﻩ ﺧﯧﻠﻰ ﻛﯜﭼﻠﯜﻙ ﺋﯩﺸﻪﻧﭻ ﭘﻪﻳﺪﺍ ﺑﻮﻟﺪﻯ، ﻣﻪﻥ ﺑﯘ ﻳﯩﯖﻰ ﺷﯩﺮﻛﻪﺕ ﻣﻪﺑﻠﻪﻍ ﺋﯧﻠﯩﭗ ﺑﻮﻟﻐﺎﻧﺪﯨﻼ ﺋﺎﻧﺪﯨﻦ ﺋﯘﻧﯩﯖﺪﺍ ﭘﯜﺗﯜﻥ ﻛﯜﻥ ﺋﯩﺸﻠﻪﻳﺪﯨﻐﺎﻧﻐﺎ، ﺋﯘﻧﯩﯖﻐﯩﭽﻪ «WaveSplitter»ﺩﯨﻜﻰ ﺧﯩﺰﻣﯩﺘﯩﻤﻨﻰ ﺗﺎﺷﻠﯩﻤﺎﻳﺪﯨﻐﺎﻧﻐﺎ ﺷﻪﺭﺕ ﻗﻮﻳﯘﭖ، ﺯﻩﻳﻨﻪﭘﻨﯩﯔ ﺗﻪﻟﯩﭙﯩﮕﻪ ﻣﺎﻗﯘﻝ ﺑﻮﻟﺪﯗﻡ. ﺑﯩﺰ ﺗﯚﺕ ﻛﯩﺸﻰ ﺑﯩﺮﻟﯩﺸﯩﭗ ﺋﯩﮕﯩﻠﯩﻚ ﭘﯩﻼﻧﻰ ﺗﯜﺯﮔﻪﻧﺪﻩ، ﺯﻩﻳﻨﻪﭖ ﭘﯩﻼﻧﻐﺎ «ﺑﯩﺰﻧﯩﯔ ﺑﯘ ﺳﺎﻫﻪﺩﻩ ﻳﯧﯖﻰ ﺗﯧﺨﻨﯩﻜﯩﻤﯩﺰ ﺑﺎﺭ» ﺩﻩﭖ ﻳﯧﺰﯨﭗ ﻗﻮﻳﯘﭘﺘﯘ. ﻣﻪﻥ ﺋﯘﻧﯩﯔ ﻧﯧﻤﯩﺸﻘﺎ ﺑﯘﻧﺪﺍﻕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﯩﻨﯩﻤﺪﺍ، ﺋﯘ ﺋﻪﮔﻪﺭ ﺑﯩﺰ ﺋﯘﻧﺪﺍﻕ ﻗﯩﻠﻤﯩﺴﺎﻕ، ﻛﺎﭘﯩﺘﺎﻟﯩﺴﺘﻼﺭ ﭘﯘﻝ ﺑﻪﺭﻣﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺋﯘﻧﺪﺍﻕ ﻗﯩﻠﯩﺶ ﻣﯧﻨﯩﯔ ﻛﻪﺳﭙﯩﻲ ﺋﻪﺧﻼﻗﯩﻤﻐﺎ ﯞﻩ ﻛﯩﺸﯩﻠﯩﻚ ﭘﺮﯨﻨﺴﯩﭙﯩﻤﻐﺎ ﭘﯜﺗﯜﻧﻠﻪﻱ ﺧﯩﻼﭖ ﺑﻮﻟﯘﭖ، ﻣﻪﻥ ﺑﯘ ﺋﯩﺸﻨﻰ ﺋﺎﺯﺭﺍﻗﻤﯘ ﻳﺎﻗﺘﯘﺭﻣﯩﺪﯨﻢ. ﺷﯘﻧﯩﯔ ﺑﯩﻠﻪﻥ ﻗﺎﻟﻐﺎﻥ 3 ﻛﯩﺸﯩﮕﻪ «ﻳﯧﯖﻰ ﺗﯧﺨﻨﯩﻜﯩﻤﯩﺰ ﺑﺎﺭ» ﺩﻩﭖ ﻳﺎﻟﻐﺎﻥ ﺋﯧﻴﺘﻤﺎﻱ، ﺑﯩﺰﺩﻩ ﺋﺎﺷﯘﻧﺪﺍﻕ ﺑﯩﺮ ﺋﺎﭘﭙﺎﺭﺍﺗﻨﻰ ﺋﯩﺸﻠﻪﭖ ﭼﯩﻘﯩﺮﺍﻻﻳﺪﯨﻐﺎﻥ ﺗﺎﻻﻧﺖ ﺋﯩﮕﯩﻠﯩﺮﻯ ﯞﻩ ﺑﯩﻠﯩﻢ ﺑﺎﺭﻟﯩﻘﯩﻨﻰ، ﺋﻪﮔﻪﺭ ﺑﯩﺰﮔﻪ ﻣﻪﺑﻠﻪﻍ ﺳﯧﻠﯩﻨﺴﺎ، ﺑﯩﺰ ﺋﯘ ﺋﺎﭘﭙﺎﺭﺍﺗﻨﻰ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﻻﻳﯩﻬﯩﻠﻪﭖ ﻳﺎﺳﺎﭖ ﭼﯩﻘﯩﺮﺍﻻﻳﺪﯨﻐﺎﻧﻠﯩﻘﯩﻤﯩﺰﻧﻰ ﺋﯧﻴﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﺪﯨﻢ. ﻟﯧﻜﯩﻦ ﻣﯧﻨﯩﯔ ﮔﯧﭙﯩﻤﻨﻰ ﻗﺎﻟﻐﺎﻧﻼﺭ ﺋﺎﯕﻠﯩﻤﯩﺪﻯ «VC» ﻛﺎﭘﯩﺘﺎﻟﯩﺴﺘﻼﺭﻧﯩﯔ ﺋﺎﻟﺪﯨﻐﺎ ﺩﻭﻛﻼﺕ ﺑﯧﺮﯨﺶ ﺋﯜﭼﯜﻥ ﺑﺎﺭﯨﺪﯨﻐﺎﻧﺪﺍ، ﺋﯘﻻﺭ ﺑﯩﺰﻧﯩﯔ ﺋﯩﮕﯩﻠﯩﻚ ﭘﯩﻼﻧﯩﻤﯩﺰﺩﯨﻜﻰ ﺋﻮﭘﺘﯩﻜﯩﻠﯩﻖ ﺗﯧﺨﻨﯩﻜﯩﻐﺎ ﺋﺎﺋﯩﺖ ﻣﻪﺯﻣﯘﻥ ﺗﻮﻏﺮﯨﺴﯩﺪﺍ ﻣﯧﻨﯩﯔ ﺩﻭﻛﻼﺕ ﺑﯧﺮﯨﺸﯩﻤﻨﻰ ﺗﻪﻟﻪﭖ ﻗﯩﻠﺪﻯ. ﻟﯧﻜﯩﻦ ﻣﻪﻥ ﺋﯘﻧﯩﯖﻐﺎ ﺋﯘﻧﯩﻤﯩﺪﯨﻢ. ﻣﻪﻥ ﺋﺎﺩﻩﺗﺘﯩﻜﻰ ﺋﯩﺸﻼﺭﺩﺍ ﻳﺎﻟﻐﺎﻥ ﮔﻪﭖ ﻗﯩﻼﻟﻤﺎﻳﺪﯨﻐﺎﻥ ﺑﯩﺮ ﺋﺎﺩﻩﻡ، ﺑﯘﻧﺪﺍﻕ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺋﯩﺸﻼﺭﺩﺍ ﺗﯧﺨﯩﻤﯘ ﻳﺎﻟﻐﺎﻥ ﺳﯚﺯﻟﯩﻴﻪﻟﻤﻪﻳﺘﺘﯩﻢ. ﺷﯘﻧﺪﺍﻕ ﺑﻮﻟﺴﯩﻤﯘ ﻣﻪﻥ ﺑﯘ ﮔﯘﺭﯗﭘﭙﯩﻨﯩﯔ ﺩﻭﻛﻼﺗﯩﻨﻰ ﺗﻪﻳﻴﺎﺭﻻﺷﻘﺎ ﭘﯜﺗﯜﻥ ﻛﯜﭼﯜﻡ ﺑﯩﻠﻪﻥ ﻳﺎﺭﺩﻩﻡ ﻗﯩﻠﺪﯨﻢ. ﺑﯩﺰ ﺑﯩﺮ ﻫﻪﭘﺘﯩﻨﯩﯔ ﺋﯩﭽﯩﺪﻩ ﺋﯩﻜﻜﻰ «VC» ﻛﺎﭘﯩﺘﺎﻟﯩﺴﺖ ﺷﯩﺮﻛﯩﺘﯩﮕﻪ ﺑﯧﺮﯨﭗ، ﺋﯘﻻﺭﻏﺎ ﺩﻭﻛﻼﺕ ﺑﻪﺭﺩﯗﻕ. ﺑﯩﺰﻧﯩﯔ ﺗﯧﺨﻨﯩﻜﯩﻤﯩﺰ ﺗﻮﻏﺮﯨﺴﯩﺪﯨﻜﻰ ﻣﻪﺯﻣﯘﻧﻼﺭﻧﻰ ﺯﻩﻳﻨﻪﭖ ﺋﯚﺯﻯ ﺩﻭﻛﻼﺕ ﻗﯩﻠﺪﻯ. ﺋﻪﻣﻤﺎ، ﺧﯘﺩﺩﻯ ﻣﻪﻥ ﭘﻪﺭﻩﺯ ﻗﯩﻠﻐﺎﻧﺪﻩﻙ، ﻫﻪﺭ ﺋﯩﻜﻜﯩﻠﯩﺴﯩﺪﯨﻼ ﻛﺎﭘﯩﺘﺎﻟﯩﺴﺘﻼﺭ «ﺳﯩﻠﻪﺭ ﺋﯚﺯﻩﯕﻼﺭﺩﺍ ﻳﯧﯖﻰ ﺗﯧﺨﻨﯩﻜﺎ ﺑﺎﺭﻟﯩﻘﯩﻨﻰ ﺩﯦﺪﯨﯖﻼﺭ. ﻛﯧﻠﻪﺭ ﻗﯧﺘﯩﻢ ﺷﯘ ﺗﯧﺨﻨﯩﻜﺎ ﺗﻮﻏﺮﯨﺴﯩﺪﺍ ﺑﯩﺰﮔﻪ ﺗﻪﭘﺴﯩﻠﯩﻲ ﺋﯘﭼﯘﺭ ﺑﯧﺮﯨﯖﻼﺭ» ﺩﻩﭖ، ﺑﯩﺰﻧﻰ ﭼﯩﺮﺍﻳﻠﯩﻖ ﻳﻮﻟﻐﺎ ﺳﺎﻟﺪﻯ. ﺑﯩﺰ ﺋﯚﺯﯨﻤﯩﺰﻧﯩﯔ ﭘﯘﺗﯩﻐﺎ ﺋﯚﺯﯨﻤﯩﺰ ﭘﺎﻟﺘﺎ ﭼﯧﭙﯩﭗ، ﺋﯘﻻﺭﻧﯩﯔ ﺋﺎﻟﺪﯨﻐﺎ ﻗﺎﻳﺘﺎ ﺑﯧﺮﯨﺸﻘﺎ ﺋﺎﻣﺎﻟﺴﯩﺰ ﻗﺎﻟﺪﯗﻕ. ﻳﻪﻧﻰ، ﺋﻪﮔﻪﺭ ﺑﯩﺰ ﺩﻭﻛﻼﺗﻨﻰ ﻣﻪﻥ ﻳﯘﻗﯩﺮﯨﺪﺍ ﺗﻪﺷﻪﺑﺒﯘﺱ ﻗﯩﻠﻐﺎﻧﺪﻩﻙ ﺑﻪﺭﮔﻪﻥ ﺑﻮﻟﺴﺎﻕ، ﺑﯩﺰﻧﯩﯔ «VC» ﻛﺎﭘﯩﺘﺎﻟﯩﺴﺘﻼﺭﻧﻰ ﺋﯚﺯﯨﻤﯩﺰﻧﯩﯔ ﺗﺎﻻﻧﺘﻰ ﺑﯩﻠﻪﻥ ﺗﻪﺟﺮﯨﺒﻪ-ﺑﯩﻠﯩﻤﻠﯩﺮﯨﮕﻪ ﺋﯩﺸﻪﻧﺪﯛﺭﯛﺵ ﺋﯧﻬﺘﯩﻤﺎﻟﻠﯩﻘﻰ ﺑﺎﺭ ﺋﯩﺪﻯ. ﺑﯩﺰ ﺋﯘﻧﺪﺍﻕ ﻗﯩﻠﻤﺎﻱ، ﻳﺎﻟﻐﺎﻥ ﮔﻪﭖ ﻗﯩﻠﯩﭗ، ﺋﯩﻨﺘﺎﻳﯩﻦ ﺋﻮﺳﺎﻝ ﺋﻪﻫﯟﺍﻟﻐﺎ ﻗﺎﻟﺪﯗﻕ. ﺷﯘ ﭼﺎﻏﺪﺍ ﻣﻪﻥ ﻗﺎﻟﻐﺎﻧﻼﺭﻧﯩﯔ ﺑﯘ ﺳﺎﻫﻪﺩﻩ ﺗﯧﺨﻰ ﻣﻪﻧﭽﯩﻠﯩﻚ ﺗﻪﺟﺮﯨﺒﯩﮕﻪ ﺋﯩﮕﻪ ﺋﻪﻣﻪﺳﻠﯩﻜﯩﻨﻰ ﻫﯧﺲ ﻗﯩﻠﺪﯨﻢ. ﺋﺎﺭﯨﻠﯩﻘﺘﺎ ﺑﯩﺮ ﺋﯩﻜﻜﻰ ﺋﺎﻱ ﯞﺍﻗﯩﺖ ﺋﯚﺗﯜﭖ، ﺑﯩﺰ ﻛﯧﻴﯩﻨﻜﻰ ﻗﻪﺩﻩﻣﻨﻰ ﻗﺎﻧﺪﺍﻕ ﺋﯧﻠﯩﺸﻨﻰ ﻣﯘﺯﺍﻛﯩﺮﻟﯩﺸﯩﯟﺍﺗﻘﺎﻥ ﻣﻪﺯﮔﯩﻠﺪﻩ، ﺋﺎﻣﯧﺮﯨﻜﯩﻨﯩﯔ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﺳﺎﻧﺎﺋﯩﺘﻰ 180 ﮔﺮﺍﺩﯗﺱ ﺑﯘﺭﯗﻟﯘﭖ، ﺋﯩﻨﺘﺎﻳﯩﻦ ﺗﯩﺰ ﺳﯜﺭﺋﻪﺗﺘﻪ ﺗﯚﯞﻩﻧﮕﻪ ﻗﺎﺭﺍﭖ ﻣﺎﯕﺪﻯ. ﺷﯘﻧﯩﯔ ﺑﯩﻠﻪﻥ ﺑﯩﺰﻧﯩﯔ ﻣﻪﺑﻠﻪﻍ ﺋﺎﻻﻟﯩﺸﯩﻤﯩﺰﺩﯨﻦ ﺋﯜﻣﯩﺪ ﻗﺎﻟﻤﺎﻱ، ﺑﯩﺰ ﺗﯚﺗﯩﻤﯩﺰ ﺗﺎﺭﻗﯩﻠﯩﭗ ﻛﯧﺘﯩﺸﻜﻪ ﻣﻪﺟﺒﯘﺭ ﺑﻮﻟﺪﯗﻕ.

2000-ﻳﯩﻠﯩﻨﯩﯔ ﺑﯧﺸﯩﺪﺍ، ﻣﻪﻥ «CVI» ﺩﯨﻦ ﭼﯩﻘﯩﭗ ﻛﯧﺘﯩﭗ، ﻳﯧﯖﻰ ﺧﯩﺰﻣﻪﺕ ﺗﺎﭘﯩﺪﯨﻐﺎﻧﺪﺍ ﺟﻪﻣﺌﯩﻲ 3 ﺷﯩﺮﻛﻪﺗﻜﻪ ﺗﻪﯕﻼ ﺋﯩﻠﺘﯩﻤﺎﺱ ﻗﯩﻠﺪﯨﻢ. ﺋﯘ 3 ﺷﯩﺮﻛﻪﺗﻨﯩﯔ ﻫﻪﻣﻤﯩﺴﯩﻤﯘ ﻣﯧﻨﻰ ﻗﻮﺑﯘﻝ ﻗﯩﻠﺪﻯ. ﺋﯘﻧﯩﯔ ﺑﯩﺮﻯ «WaveSplitter» ﺑﻮﻟﯘﭖ، ﻳﻪﻧﻪ ﺑﯩﺮﻯ «KLA-Tencor» ﺩﻩﭖ ﺋﺎﺗﯩﻠﯩﺪﯨﻐﺎﻥ، ﻳﯩﻠﻠﯩﻖ ﺳﻮﺩﯨﺴﻰ 4 ﻣﯩﻠﻴﺎﺭﺕ ﺩﻭﻟﻼﺭﺩﯨﻦ ﺋﺎﺷﯩﺪﯨﻐﺎﻥ، ﻳﯧﺮﯨﻢ ﺋﯚﺗﻜﯜﺯﮔﯜﭺ ﺋﯩﺸﻠﻪﭘﭽﯩﻘﯩﺮﯨﺶ ﺋﯜﭼﯜﻥ ﺋﯩﺸﻠﯩﺘﯩﻠﯩﺪﯨﻐﺎﻥ ﭼﻮﯓ ﺗﯩﭙﻠﯩﻖ ﺋﯜﺳﻜﯜﻧﯩﻠﻪﺭﻧﻰ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﺑﯩﺮ ﺧﻪﻟﻘﺌﺎﺭﺍﻟﯩﻖ ﭼﻮﯓ ﺷﯩﺮﻛﻪﺕ ﺋﯩﺪﻯ. ﺑﯘ ﺷﯩﺮﻛﻪﺗﺘﯩﻜﻰ ﻣﯧﻨﻰ ﻗﻮﺑﯘﻝ ﻗﯩﻠﻐﺎﻥ ﻛﯩﺸﻰ ﻣﻪﻧﺪﯨﻦ 5 ﻳﺎﺵ ﺋﻪﺗﺮﺍﭘﯩﺪﺍ ﭼﻮﯓ، ﺋﻪﻧﮕﻠﯩﻴﻪﻧﯩﯔ ﺋﻮﻛﺴﻔﻮﺭﺩ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﯩﻐﺎ ﺋﯧﺮﯨﺸﻜﻪﻥ، ﺑﯘ ﺷﯩﺮﻛﻪﺗﺘﻪ ﺋﯩﺸﻠﯩﮕﯩﻠﻰ 10 ﻳﯩﻠﺪﻩﻙ ﺑﻮﻟﻐﺎﻥ، ﺷﯩﺮﻛﻪﺗﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺑﻮﻟﯘﭖ، ﺷﯩﺮﻛﻪﺗﻨﯩﯔ ﭘﯜﺗﯜﻥ ﻳﯧﯖﻰ ﺗﯜﺭﻟﻪﺭﻧﻰ ﺗﻪﺗﻘﯩﻖ ﻗﯩﻠﯩﺪﯨﻐﺎﻥ ﺑﯚﻟﯜﻣﯩﮕﻪ ﻣﻪﺳﺌﯘﻝ ﻛﯩﺸﻰ ﺋﯩﻜﻪﻧﺪﯗﻕ. ﺋﯘ ﺋﻪﺳﻠﯩﺪﻩ ﺋﯩﺮﺍﻧﻠﯩﻖ ﺑﻮﻟﯘﭖ، ﭼﯩﺮﺍﻳﻰ ﺋﯘﻳﻐﯘﺭﻏﯩﻼ ﺋﻮﺧﺸﺎﻳﺘﺘﻰ. ﻣﻪﻧﻤﯘ ﺑﯩﯟﺍﺳﯩﺘﻪ ﺷﯘ ﻛﯩﺸﯩﻨﯩﯔ ﻗﻮﻟﯩﺪﺍ ﺋﯩﺸﻠﻪﻳﺪﯨﻐﺎﻥ ﺑﻮﻟﯘﭖ، ﺋﯘ ﻣﻪﻧﺪﯨﻦ ﻫﻪﺭ ﺧﯩﻞ ﺋﯩﻤﺘﯩﻬﺎﻧﻼﺭﻧﻰ ﺋﯧﻠﯩﭗ ﺑﯧﻘﯩﭗ، ﻣﯧﻨﻰ ﺋﯩﻨﺘﺎﻳﯩﻦ ﻳﺎﻗﺘﯘﺭﯗﭖ ﻗﺎﻟﺪﻯ ﻫﻪﻣﺪﻩ ﻣﯧﻨﻰ ﺋﺎﻟﻐﺎﻥ 3 ﺷﯩﺮﻛﻪﺗﻨﯩﯔ ﺋﯩﭽﯩﺪﻩ ﻣﺎﺋﺎﺷﻨﯩﻤﯘ ﺋﻪﯓ ﻛﯚﭖ ﺑﻪﺭﺩﻯ. ﻟﯧﻜﯩﻦ، ﺋﺎﺧﯩﺮﯨﺪﺍ ﻗﺎﺭﺍﺭ ﻗﯩﻠﯩﺪﯨﻐﺎﻧﺪﺍ، ﻣﻪﻥ ﻳﻪﻧﯩﻼ «WaveSplitter»ﻧﻰ ﺗﺎﻟﻠﯩﺪﯨﻢ. ﺳﻪﯞﻩﺑﻰ «WaveSplitter» ﭘﺎﻱ ﭼﯧﻜﻰ ﺗﯧﺨﻰ ﺑﺎﺯﺍﺭﻏﺎ ﺳﯧﻠﯩﻨﻤﯩﻐﺎﻥ ﻳﯧﯖﻰ ﺷﯩﺮﻛﻪﺕ ﺑﻮﻟﻐﺎﭼﻘﺎ، ﭘﺎﻱ ﭼﯧﻜﻰ ﺋﺎﺭﻗﯩﻠﯩﻖ ﺑﯩﺮﺍﻗﻼ ﺑﺎﻱ ﺑﻮﻟﯘﺵ ﺋﯧﻬﺘﯩﻤﺎﻟﻠﯩﻘﻰ ﺑﺎﺭ ﺋﯩﺪﻯ. ﻣﻪﻥ «KLA-Tencor»ﻏﺎ ﺑﺎﺭﻣﯩﻐﺎﻥ ﺑﻮﻟﺴﺎﻣﻤﯘ، ﺷﯘﻧﯩﯖﺪﯨﻦ ﻛﯧﻴﯩﻦ ﻣﯧﻨﻰ ﺋﺎﻟﻐﺎﻥ ﻫﯧﻠﯩﻘﻰ ﺋﯩﺮﺍﻧﻠﯩﻖ ﺑﯩﻠﻪﻥ ﺩﻭﺳﺖ ﺑﻮﻟﯘﭖ ﻗﺎﻟﺪﯨﻢ. ﺋﯘﻧﻰ ﺑﯩﺮ ﻗﯧﺘﯩﻢ ﺋﯚﻳﯜﻣﮕﻪ ﭼﺎﻗﯩﺮﺩﯨﻢ. ﺋﯘ ﺑﯩﺰﻧﯩﯔ ﺋﯚﻱ ﺗﯘﺗﯩﺸﯩﻤﯩﺰ ﯞﻩ ﺩﯗﺗﺘﯩﺮﯨﻤﯩﺰﻧﯩﯔ ﺋﯚﺯﻟﯩﺮﯨﻨﯩﯖﻜﻰ ﺑﯩﻠﻪﻥ ﻗﺎﻧﭽﯩﻠﯩﻚ ﺋﻮﺧﺸﺎﻳﺪﯨﻐﺎﻧﻠﯩﻘﯩﻐﺎ ﺋﯩﻨﺘﺎﻳﯩﻦ ﻫﻪﻳﺮﺍﻥ ﻗﺎﻟﺪﻯ. ﺑﯩﺰ ﺋﺎﺩﻩﺗﺘﻪ ﭘﺎﺕ-ﭘﺎﺕ ﺗﯧﻠﯧﻔﻮﻧﺪﺍ ﻛﯚﺭﯛﺷﯜﭖ ﺗﯘﺭﺩﯗﻕ. ﺋﯘ ﺋﺎﻟﻠﯩﻘﺎﭼﺎﻥ ﻣﯩﻠﻴﻮﻧﯧﺮ ﺑﻮﻟﯘﭖ ﺑﻮﻟﻐﺎﻥ ﺑﻮﻟﯘﭖ، 2002-ﻳﯩﻠﻰ ﺋﯘ ﺧﯩﺰﻣﯩﺘﯩﺪﯨﻦ ﺋﯩﺴﺘﯧﭙﺎ ﺑﯧﺮﯨﭗ، ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﺳﺎﻫﻪﺳﯩﺪﻩ ﺷﯩﺮﻛﻪﺕ ﻗﯘﺭﻣﺎﻗﭽﻰ ﺑﻮﻟﯘﭖ، ﻣﯧﻨﯩﯔ ﺋﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺋﯩﺸﻠﯩﺸﯩﻤﻨﻰ ﺗﻪﻟﻪﭖ ﻗﯩﻠﺪﻯ. ﺑﯘ ﭼﺎﻏﺪﺍ ﺋﺎﻣﯧﺮﯨﻜﯩﻨﯩﯔ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﺳﺎﻧﺎﺋﯩﺘﻰ ﻫﻪ ﺩﻩﭖ ﺗﯚﯞﻩﻧﮕﻪ ﻗﺎﺭﺍﭖ ﻣﯧﯖﯩﯟﺍﺗﻘﺎﻧﯩﺪﻯ. ﻣﻪﻥ ﺋﯘﻧﯩﯖﻐﺎ ﭘﯘﻝ ﺋﯧﻠﯩﺸﻨﯩﯔ ﺋﯩﻨﺘﺎﻳﯩﻦ ﺗﻪﺳﻠﯩﻜﯩﻨﻰ، ﻫﻪﺗﺘﺎ ﺋﺎﺳﺎﺳﻪﻥ ﻣﯘﻣﻜﯩﻦ ﺋﻪﻣﻪﺳﻠﯩﻜﯩﻨﻰ ﺋﯧﻴﺘﻘﺎﻧﺪﺍ، ﺋﯘﻣﯘ ﺋﯚﺯﯨﻨﯩﯔ «VC» ﻛﺎﭘﯩﺘﺎﻟﯩﺴﺘﻼﺭﺩﯨﻦ ﻳﯧﻘﯩﻦ ﺗﻮﻧﯘﺷﻠﯩﺮﯨﻨﯩﯔ ﺑﺎﺭﻟﯩﻘﯩﻨﻰ، ﺷﯘﯕﺎ ﭘﯘﻝ ﺋﺎﻻﻻﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺷﯘﻧﯩﯔ ﺑﯩﻠﻪﻥ ﻣﻪﻥ ﺷﯩﺮﻛﻪﺗﻜﻪ ﭘﯘﻝ ﺋﯧﻠﯩﺸﺘﯩﻦ ﺑﯘﺭﯗﻥ «WaveSplitter»ﺩﯨﻜﻰ ﺋﯩﺸﯩﻤﻨﻰ ﺩﺍﯞﺍﻣﻼﺷﺘﯘﺭﯨﯟﯦﺮﯨﺪﯨﻐﺎﻧﻐﺎ، ﭘﯘﻝ ﺋﺎﻟﻐﺎﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﺭﻩﺳﻤﯩﻲ ﺋﯩﺸﻠﻪﻳﺪﯨﻐﺎﻧﻐﺎ ﻣﺎﻗﯘﻝ ﺑﻮﻟﺪﯗﻡ. ﺷﯩﺮﻛﻪﺗﻜﻪ ﺋﯘ ﺋﯚﺯﻯ ﺭﻩﺋﯩﺲ، ﻣﻪﻥ ﺋﯩﻨﮋﯨﻨﯧﺮﻟﯩﻘﻘﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺭﻩﺋﯩﺲ ﺑﻮﻟﺪﯗﻡ.

ﺑﯩﺰﻧﯩﯔ ﺩﻩﺳﻠﻪﭘﺘﻪ ﭼﯩﻘﺎﺭﻣﺎﻗﭽﻰ ﺑﻮﻟﻐﯩﻨﯩﻤﯩﺰ ﺋﯘﺯﯗﻥ ﻳﻮﻟﻠﯘﻕ ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ ﺗﻮﺭﯨﻐﺎ ﺑﯩﺮ ﻛﺎﻧﺎﻟﻨﻰ ﻗﻮﺷﯘﭖ، ﺑﯩﺮ ﻛﺎﻧﺎﻟﻨﻰ ﭼﯜﺷﯜﺭﯨﺪﯨﻐﺎﻥ، ﺋﯩﻨﮕﻠﯩﺰﭼﻪ «Optical Add/Drop Multiplexer, OADM» ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﺎﭘﭙﺎﺭﺍﺕ ﺋﯩﺪﻯ. ﻣﻪﺳﯩﻠﻪﻥ، ﺟﻪﻧﯘﺑﯩﻲ ﺷﯩﻨﺠﺎﯕﺪﯨﻦ ﺑﯧﻴﺠﯩﯖﻐﯩﭽﻪ ﺑﻮﻟﻐﺎﻥ ﺧﻪﯞﻩﺭﻟﯩﺸﯩﺶ ﺗﯜﺭﯨﻨﻰ ﺋﯧﻠﯩﭗ ﺋﯧﻴﺘﺴﺎﻕ، ﺑﯘ ﺗﻮﺭ ﺋﯜﺭﯛﻣﭽﯩﮕﻪ ﻛﻪﻟﮕﻪﻧﺪﻩ ﺋﯘﻧﯩﯖﺪﯨﻜﻰ ﺑﯩﺮ ﻛﺎﻧﺎﻟﻨﻰ ﭼﯜﺷﯜﺭﯛﭖ، ﺋﯘﻧﯩﯖﻐﺎ ﻳﯧﯖﻰ ﺑﯩﺮ ﻛﺎﻧﺎﻟﻨﻰ ﻗﻮﺷﯘﺵ ﻛﯧﺮﻩﻙ. ﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﻗﻪﺷﻘﻪﺭﺩﯨﻦ ﺋﯜﺭﯛﻣﭽﯩﮕﻪ ﻣﺎﯕﺪﯗﺭﻏﺎﻥ ﺋﯧﻠﺨﻪﺕ ﺋﯜﺭﯛﻣﭽﯩﮕﻪ، ﻗﻪﺷﻘﻪﺭﺩﯨﻦ ﺑﯧﻴﺠﯩﯖﻐﺎ ﻣﺎﯕﺪﯗﺭﻏﺎﻥ ﺋﯧﻠﺨﻪﺕ ﺑﯧﻴﺠﯩﯖﻐﺎ، ﯞﻩ ﺋﯜﺭﯛﻣﭽﯩﺪﯨﻦ ﺑﯧﻴﺠﯩﯖﻐﺎ ﻣﺎﯕﺪﯗﺭﻏﺎﻥ ﺋﯧﻠﺨﻪﺕ ﺑﯧﻴﺠﯩﯖﻐﺎ ﻳﯧﺘﯩﭗ ﺑﺎﺭﺍﻻﻳﺪﯗ. ﻣﻪﻥ ﭘﯜﺗﯜﻥ ﺩﯗﻧﻴﺎﺩﯨﻜﻰ ﻣﯘﺷﯘﻧﺪﺍﻕ ﻧﻪﺭﺳﻪ ﭼﯩﻘﯩﺮﯨﺪﯨﻐﺎﻥ ﺷﯩﺮﻛﻪﺗﻠﻪﺭﻧﯩﯔ ﺗﯧﺨﻨﯩﻜﯩﺴﯩﻨﻰ ﺗﻪﻛﺸﯜﺭﯛﭖ، ﺋﯚﺯﯛﻣﻨﯩﯔ «WaveSplitter»ﺩﻩ ﻗﯩﻠﯩﯟﺍﺗﻘﺎﻥ ﻧﻪﺭﺳﯩﻠﯩﺮﯨﻤﺪﯨﻨﻤﯘ ﭘﺎﻳﺪﯨﻠﯩﻨﯩﭗ، ﭼﯩﻘﯩﺮﯨﺪﯨﻐﺎﻥ ﻧﻪﺭﺳﯩﻨﻰ ﻻﻳﯩﻬﯩﻠﻪﭖ ﭼﯩﻘﺘﯩﻢ. ﺋﯩﮕﯩﻠﯩﻚ ﭘﯩﻼﻧﯩﻨﻰ ﺗﯜﺯﯛﭖ، ﺑﯩﺰ «VC» ﻛﺎﭘﯩﺘﺎﻟﯩﺴﺘﻼﺭ ﺑﯩﻠﻪﻥ ﻛﯚﺭﯛﺷﯜﺷﻨﻰ ﺑﺎﺷﻠﯩﺪﯗﻕ. ﻣﯧﻨﯩﯔ ﻫﻪﻳﺮﺍﻥ ﻗﺎﻟﻐﯩﻨﯩﻢ، ﺋﺎﻣﯧﺮﯨﻜﯩﻨﯩﯔ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺳﺎﻧﺎﺋﯩﺘﯩﺪﻩ ﻧﺎﻫﺎﻳﯩﺘﻰ ﻣﯘﻫﯩﻢ ﺋﻮﺭﯗﻧﻼﺭﺩﺍ ﺋﯩﺸﻠﻪﻳﺪﯨﻐﺎﻥ ﺋﯩﺮﺍﻧﻠﯩﻘﻼﺭ ﺧﯧﻠﻰ ﻛﯚﭖ ﺋﯩﻜﻪﻥ. ﻣﻪﺳﯩﻠﻪﻥ، ﻣﻪﻥ ﻳﯘﻗﯩﺮﯨﺪﺍ ﺗﻪﺳﯟﯨﺮﻟﻪﭖ ﺋﯚﺗﯜﭖ ﻛﻪﺗﻜﻪﻥ «Cisco» ﺷﯩﺮﻛﯩﺘﯩﻨﯩﯔ ﺳﻮﺩﺍ-ﺳﯧﺘﯩﻘﻘﺎ ﻣﻪﺳﺌﯘﻝ ﻣﯘﺋﺎﯞﯨﻦ ﺭﻩﺋﯩﺴﻰ ﺋﯩﺮﺍﻧﻠﯩﻖ ﺋﯩﻜﻪﻥ. ﻳﺎﭘﻮﻧﯩﻴﻪﻧﯩﯔ« Hitachi» ﺧﯩﺘﺎﭼﻰ ﺷﯩﺮﻛﯩﺘﯩﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﻣﻪﺑﻠﻪﻍ ﺳﯧﻠﯩﺶ ﺋﯩﺸﺨﺎﻧﯩﺴﯩﻨﯩﯔ ﻣﻪﺳﺌﯘﻟﯩﻤﯘ ﺋﯩﺮﺍﻧﻠﯩﻖ ﺋﯩﻜﻪﻥ. ﻣﻪﻥ ﺋﯘ ﺋﯩﺮﺍﻧﻠﯩﻖ ﺷﯩﺮﯨﻜﯩﻤﮕﻪ ﺋﯘﺯﯗﻥ ﻳﻮﻟﻠﯘﻕ ﺧﻪﯞﻩﺭﻟﯩﺸﯩﺶ ﺗﻮﺭﻯ ﺋﺎﭘﭙﺎﺭﺍﺗﻰ ﭼﯩﻘﯩﺮﯨﺪﯨﻐﺎﻥ، «OADM» ﻧﻰ ﺋﯩﺸﻠﯩﺘﯩﺶ ﺋﯧﻬﺘﯩﻤﺎﻟﻠﯩﻘﻰ ﺑﺎﺭ ﺑﯩﺮ ﺷﯩﺮﻛﻪﺗﻨﻰ ﺗﻮﻧﯘﺷﺘﯘﺭﯗﭖ ﻗﻮﻳﺴﺎﻡ، ﺋﯘﻧﯩﯔ ﺋﺎﺳﺎﺳﻠﯩﻖ ﻗﯘﺭﻏﯘﭼﯩﺴﻰ ﯞﻩ 1-ﻗﻮﻝ ﺑﺎﺷﻠﯩﻘﯩﻤﯘ ﺋﯩﺮﺍﻧﻠﯩﻖ ﭼﯩﻘﯩﭗ ﻗﺎﻟﺪﻯ. ﻣﯘﺷﯘﻧﺪﺍﻕ ﺗﻮﻧﯘﺷﻠﯩﺮﯨﻤﯩﺰ ﺑﻮﻟﻐﺎﻥ ﺑﻮﻟﺴﯩﻤﯘ، ﺋﺎﻣﯧﺮﯨﻜﯩﻨﯩﯔ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺑﯩﺰﮔﻪ ﭘﺎﻳﺪﯨﺴﯩﺰ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﻰ ﺗﯜﭘﻪﻳﻠﯩﺪﯨﻦ، ﺑﯩﺰ ﺑﯘ ﺷﯩﺮﻛﻪﺗﻜﯩﻤﯘ ﭘﯘﻝ ﻫﻪﻝ ﻗﯩﻼﻟﻤﯩﺪﯗﻕ. ﺷﯘﻧﯩﯔ ﺑﯩﻠﻪﻥ ﺋﯘﻧﯩﯖﺪﯨﻦ ﯞﺍﺯ ﻛﯧﭽﯩﺸﻜﻪ ﻣﻪﺟﺒﯘﺭ ﺑﻮﻟﺪﯗﻕ. ﺋﺎﻣﯧﺮﯨﻜﯩﺪﺍ ﺋﯚﺯﯨﻨﯩﯔ ﺩﯙﻟﯩﺘﻰ ﺑﺎﺭ ﻫﻪﺭ ﻗﺎﻧﺪﺍﻕ ﺑﯩﺮ ﻣﯩﻠﻠﻪﺗﻨﻰ ﺳﯜﺭﯛﺷﺘﯜﺭﺳﻪ، ﺋﯘﻻﺭﻧﯩﯔ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﺎﺩﻩﻡ ﻧﻮﭘﯘﺳﯩﻨﯩﯔ ﺧﯧﻠﻰ ﻛﯚﭘﻠﯜﻛﻰ ﺑﺎﻳﻘﯩﻠﯩﺪﯗ. ﻣﯧﻨﯩﯔ ﭘﻪﺭﯨﺰﯨﻤﭽﻪ، ﺋﺎﻣﯧﺮﯨﻜﯩﺪﺍ ﺋﯘﻳﻐﯘﺭﺩﻩﻙ ﻧﻮﭘﯘﺳﻰ ﺋﺎﺯ ﺋﯩﻜﻜﯩﻨﭽﻰ ﺑﯩﺮ ﻣﯩﻠﻠﻪﺕ ﺑﻮﻟﻤﯩﺴﺎ ﻛﯧﺮﻩﻙ.

ﺑﯘ ﺋﯩﺸﺘﯩﻦ ﻛﯧﻴﯩﻦ، ﻣﻪﻥ ﺳﯩﻠﯩﻜﻮﻥ ﺟﯩﻠﻐﯩﺴﯩﺪﯨﻜﻰ 15 ﺗﻪﻙ ﺋﺎﺩﯨﻤﻰ ﺑﺎﺭ ﺑﯩﺮ ﻳﯧﯖﻰ ﻗﯘﺭﯗﻟﻐﺎﻥ ﺷﯩﺮﻛﻪﺗﻜﻪ ﺧﯩﺰﻣﻪﺕ ﺗﯧﭙﯩﺶ ﻛﯚﺭﯛﺷﯜﺷﯩﮕﻪ ﺑﺎﺭﺩﯨﻢ. ﻣﻪﻥ ﺷﯩﺮﻛﻪﺗﻨﯩﯔ 5-6 ﺑﺎﺷﻠﯩﻖ ﯞﻩ ﺋﯩﻨﮋﯨﻨﯧﺮﻟﯩﺮﯨﻐﺎ ﺋﯚﺯﯛﻣﻨﯩﯔ ﺑﯘﺭﯗﻥ ﻗﯩﻠﻐﺎﻥ ﺋﯩﺸﻠﯩﺮﯨﻢ ﯞﻩ «OADM» ﺗﻮﻏﺮﯨﺴﯩﺪﯨﻜﻰ ﺑﯩﻠﯩﺪﯨﻐﺎﻧﻠﯩﺮﯨﻢ ﺗﻮﻏﺮﯨﺴﯩﺪﺍ ﺑﯩﺮ ﺳﺎﺋﻪﺕ ﺩﻭﻛﻼﺕ ﺑﻪﺭﺩﯨﻢ. ﺩﻭﻛﻼﺕ ﺟﻪﺭﻳﺎﻧﯩﺪﺍ ﺋﯘﻻﺭ ﻣﻪﻧﺪﯨﻦ ﺋﯜﺯﯛﻟﺪﯛﺭﻣﻪﻱ ﺳﻮﺋﺎﻝ ﺳﻮﺭﺍﭖ ﺗﯘﺭﺩﻯ. ﺑﯘﻣﯘ «OADM» ﺋﺎﭘﭙﺎﺭﺍﺗﻰ ﭼﯩﻘﺎﺭﻣﺎﻗﭽﻰ ﺑﻮﻟﻐﺎﻥ ﺑﯩﺮ ﺷﯩﺮﻛﻪﺕ ﺑﻮﻟﯘﭖ، ﺗﯧﺨﻰ ﻗﺎﻳﺴﻰ ﺗﯧﺨﻨﯩﻜﯩﻨﻰ ﺋﯩﺸﻠﯩﺘﯩﺸﻨﻰ ﻗﺎﺭﺍﺭ ﻗﯩﻠﯩﭗ ﺑﻮﻻﻟﻤﯩﻐﺎﻥ ﺋﯩﻜﻪﻥ. ﺩﻭﻛﻼﺗﻨﯩﯔ ﺋﺎﺧﯩﺮﯨﺪﺍ ﺷﯩﺮﻛﻪﺗﻨﯩﯔ «CEO» ﺑﺎﺷﻠﯩﻘﻰ ﻣﻪﻧﺪﯨﻦ: «ﺋﻪﮔﻪﺭ ﺑﯩﺰ ﻗﺎﻳﺴﻰ ﺗﯧﺨﻨﯩﻜﯩﻨﻰ ﺋﯩﺸﻠﯩﺘﯩﺸﻨﻰ ﺳﯧﻨﯩﯔ ﺋﯚﺯ ﺋﯩﺨﺘﯩﻴﺎﺭﯨﯖﻐﺎ ﻗﻮﻳﺴﺎﻕ، ﺳﻪﻥ ﺑﯩﺮ OADM ﻧﻰ ﻗﺎﻧﭽﻪ ﭘﯘﻟﻐﺎ ﭘﯜﺗﺘﯜﺭﻩﻟﻪﻳﺴﻪﻥ؟» ﺩﻩﭖ ﺳﻮﺭﯨﺪﻯ. ﻣﻪﻥ «4500 ﺩﻭﻟﻼﺭﺩﯨﻦ 6000 ﺩﻭﻟﻼﺭﻏﯩﭽﻪ» ﺩﻩﭖ ﺟﺎﯞﺍﺏ ﺑﻪﺭﺩﯨﻢ. ﺋﯘ ﻛﯩﺸﻰ: «ﺳﺎﯕﺎ ﺑﯩﺮ ﻫﻪﭘﺘﻪ ﯞﺍﻗﯩﺖ ﺑﯧﺮﯨﻤﯩﺰ. ﺋﻪﮔﻪﺭ ﻣﯘﺷﯘ ﺑﯩﺮ ﻫﻪﭘﺘﻪ ﺋﯩﭽﯩﺪﻩ 2500 ﺩﻭﻟﻼﺭﻏﺎ ﭘﯜﺗﯩﺪﯨﻐﺎﻥ OADM ﺩﯨﻦ ﺑﯩﺮﻧﻰ ﻻﻳﯩﻬﻪﻟﯩﺴﻪﯓ، ﺑﯩﺮ ﻫﻪﭘﺘﯩﺪﯨﻦ ﻛﯧﻴﯩﻦ ﺑﯩﺰﻧﯩﯔ ﺷﯩﺮﻛﻪﺗﻜﻪ ﻛﯧﻠﯩﭗ ﺋﯩﺸﻘﺎ ﭼﯜﺷﻜﯩﻦ. ﺋﻪﮔﻪﺭ ﻻﻳﯩﻬﻪﻟﯩﻤﯩﺴﻪﯓ، ﺑﯩﺰ ﺑﯩﻠﻪﻥ ﺋﯩﻜﻜﯩﻨﭽﻰ ﺋﺎﻻﻗﯩﻠﻪﺷﻤﻪ» ﺩﻩﭖ ﻣﯧﻨﻰ ﻳﻮﻟﻐﺎ ﺳﺎﻟﺪﻯ. ﻣﻪﻥ ﺑﯘﺭﯗﻥ ﻗﺎﻧﺪﺍﻕ ﻗﯩﻠﯩﭗ ﻗﺎﺗﺘﯩﻖ ﺭﯨﻘﺎﺑﻪﺗﺘﻪ ﺋﯘﺗﯘﭖ ﭼﯩﻘﻘﯩﻠﻰ ﺑﻮﻟﯩﺪﯨﻐﺎﻥ «OADM» ﺗﻮﻏﺮﯨﺴﯩﺪﺍ ﻛﯚﭖ ﺋﯩﺰﺩﻩﻧﮕﻪﻥ ﺑﻮﻟﻐﺎﭼﻘﺎ، 2500 ﺩﻭﻟﻼﺭﻏﺎ «OADM» ﺩﯨﻦ ﺑﯩﺮ ﭘﯜﺗﺘﯜﺭﮔﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺑﺪﺍﻥ ﺑﯩﻠﻪﺗﺘﯩﻢ. ﺷﯘﯕﺎ ﺑﯘ ﻛﯚﺭﯛﺷﯜﺷﺘﯩﻦ ﭼﯩﻘﯩﭙﻼ ﺑﯘ ﺷﯩﺮﻛﻪﺗﻨﻰ ﭘﯜﺗﯜﻧﻠﻪﻱ ﺋﯘﻧﺘﯘﭖ ﻛﻪﺗﺘﯩﻢ. ﺑﯘﻧﯩﯖﺪﯨﻦ 2-3 ﺋﺎﻱ ﯞﺍﻗﯩﺖ ﺋﯚﺗﻜﻪﻧﺪﻩ، ﺑﯘ ﺷﯩﺮﻛﻪﺗﺘﯩﻜﻰ ﻣﻪﻥ ﺋﺎﻻﻗﯩﻠﻪﺷﻜﻪﻥ ﻛﯩﺸﯩﮕﻪ ﺗﯧﻠﯧﻔﻮﻥ ﻗﯩﻠﺴﺎﻡ، ﺷﯩﺮﻛﻪﺗﻨﯩﯔ ﺗﯧﻠﯧﻔﻮﻧﻰ ﺋﯩﺸﻠﯩﻤﯩﺪﻯ. ﻗﺎﺭﯨﻐﺎﻧﺪﺍ ﺋﯘﻻﺭ «OADM» ﻧﯩﯔ 2500 ﺩﻭﻟﻼﺭﻏﺎ ﭘﯜﺗﯩﺪﯨﻐﺎﻥ ﻻﻳﯩﻬﯩﺴﯩﻨﻰ ﺗﺎﭘﺎﻟﻤﺎﻱ، «VC» ﻛﺎﭘﯩﺘﺎﻟﯩﺴﺘﻼﺭ ﻳﯧﯖﻰ ﭘﯘﻝ ﺑﻪﺭﻣﻪﻱ، ﺷﯘﻧﯩﯔ ﺑﯩﻠﻪﻥ ﺋﯩﺸﯩﻜﻨﻰ ﺗﺎﻗﺎﭖ ﺋﯚﻳﻠﯩﺮﯨﮕﻪ ﻛﻪﺗﻜﻪﻥ ﺋﻮﺧﺸﺎﻳﺪﯗ. ﺳﯩﻠﯩﻜﻮﻥ ﺟﯩﻠﻐﯩﺴﯩﺪﺍ ﺑﯘﻧﺪﺍﻕ ﺋﯩﺸﻼﺭ ﺋﯩﻨﺘﺎﻳﯩﻦ ﻛﯚﭖ. ﺋﻪﮔﻪﺭ ﻫﺎﺯﯨﺮ ﺳﯩﺰ ﺋﯘ ﻳﻪﺭﮔﻪ ﺑﯧﺮﯨﭗ، ﻣﺎﺷﯩﻨﺎ ﺑﯩﻠﻪﻥ ﺋﺎﻳﻼﻧﺴﯩﯖﯩﺰ، ﺋﯘ ﻳﻪﺭﺩﯨﻜﻰ ﺷﯩﺮﻛﻪﺕ ﺑﯩﻨﺎﻟﯩﺮﯨﻨﯩﯔ ﻳﯧﺮﯨﻤﯩﻨﯩﯔ ﺋﯩﭽﻰ ﻗﯘﺭﯗﻕ ﺋﯩﻜﻪﻧﻠﯩﻜﯩﻨﻰ ﻛﯚﺭﯨﺴﯩﺰ. 2003-ﻳﯩﻠﻠﻠﯩﺮﻯ ﻧﯘﺭﻏﯘﻥ ﺷﯩﺮﻛﻪﺗﻠﻪﺭ ﺗﺎﻗﯩﻠﯩﭗ ﻛﯧﺘﯩﭗ، ﻧﯘﺭﻏﯘﻥ ﻛﯩﺸﯩﻠﻪﺭ ﺳﯩﻠﯩﻜﻮﻥ ﺟﯩﻠﻐﯩﺴﯩﺪﯨﻦ ﺑﺎﺷﻘﺎ ﺟﺎﻳﻼﺭﻏﺎ، ﻫﻪﺗﺘﺎ ﺑﺎﺷﻘﺎ ﺷﯩﺘﺎﺗﻼﺭﻏﺎ ﻛﯚﭼﯜﭖ ﻛﻪﺗﺘﻰ. ﺋﺎﻟﺪﯨﻨﻘﻰ ﺑﯩﺮ ﺑﯚﻟﯜﻣﺪﻩ ﺗﯩﻠﻐﺎ ﺋﺎﻟﻐﯩﻨﯩﻤﺪﻩﻙ، ﺑﯩﺰﻣﯘ ﺟﻮﺭﺟﯩﺌﺎ ﺷﯩﺘﺎﺗﯩﻨﯩﯔ ﺋﺎﺗﻼﻧﺘﺎ ﺷﻪﻫﯩﺮﯨﮕﻪ ﻛﯚﭼﯜﭖ ﻛﻪﺗﻜﯩﻠﻰ ﺗﺎﺱ ﻗﺎﻟﺪﯗﻕ.

2003-ﻳﯩﻠﻰ ﺋﻪﺗﯩﻴﺎﺯﺩﺍ، ﻣﻪﻥ «WaveSplitter»ﺩﯨﻦ ﭼﯩﻘﯩﭗ ﻛﯧﺘﯩﭗ، ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺑﯩﺮ ﻛﯩﭽﯩﻚ، ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺑﯩﺌﻮﻟﻮﮔﯩﻴﻪ ﺷﯩﺮﻛﯩﺘﯩﻨﻰ ﺗﯧﭙﯩﭗ، ﺷﯘﻧﯩﯖﻐﺎ ﻳﯧﯖﻰ ﺋﯩﺸﻘﺎ ﻛﯩﺮﺩﯨﻢ. ﻣﻪﻥ ﻛﯩﺮﯨﺸﺘﯩﻦ ﺑﯘﺭﯗﻥ ﺑﯘ ﺷﯩﺮﻛﻪﺗﺘﻪ ﺟﻪﻣﺌﯩﻲ 7 ﺋﺎﺩﻩﻡ ﺑﺎﺭ ﺑﻮﻟﯘﭖ، ﺋﯘﻻﺭﻧﯩﯔ ﺋﯜﭼﯩﻨﯩﯔ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ، ﺑﯩﺮﯨﻨﯩﯔ ﻣﺎﮔﯩﺴﺘﯧﺮﻟﯩﻖ ﺋﯘﻧﯟﺍﻧﻰ، ﻗﺎﻟﻐﺎﻧﻠﯩﺮﯨﻨﯩﯔ ﺑﺎﻛﺎﻻﯞﺭ ﺋﯘﻧﯟﺍﻧﻰ ﺑﺎﺭ ﺋﯩﻜﻪﻥ. ﻣﻪﻥ 4-ﺩﻭﻛﺘﻮﺭ ﺋﯘﻧﯟﺍﻧﻠﯩﻖ ﺧﺎﺩﯨﻢ ﺑﻮﻟﺪﯗﻡ. ﺑﯘﻻﺭﻧﯩﯔ ﺋﯩﭽﯩﺪﻩ ﺑﯩﺮ ﺋﺎﻕ ﺗﻪﻧﻠﯩﻚ ﺩﻭﻛﺘﻮﺭﻧﯩﯔ ﻛﻪﺳﭙﻰ ﺑﯩﺌﻮﻟﻮﮔﯩﻴﻪ (ﺷﯩﺮﻛﻪﺗﻨﯩﯔ ﺭﻩﺋﯩﺴﻰ)، ﺑﯩﺮ ﺋﺎﻕ ﺗﻪﻧﻠﯩﻚ ﺩﻭﻛﺘﻮﺭﻧﯩﯔ ﻛﻪﺳﭙﻰ ﺧﯩﻤﯩﻴﻪ، ﻳﻪﻧﻪ ﺑﯩﺮ ﺋﯩﺮﺍﻧﻠﯩﻖ ﺩﻭﻛﺘﻮﺭﻧﯩﯔ ﻛﻪﺳﭙﻰ ﻣﯧﺨﺎﻧﯩﻜﺎ ﺑﻮﻟﯘﭖ، ﻣﯧﻨﯩﯔ ﻛﻪﺳﭙﯩﻢ ﺋﯧﻠﯧﻜﺘﯩﺮ ﺑﯩﻠﻪﻥ ﺋﻮﭘﺘﯩﻜﺎ ﺋﯩﺪﻯ. ﻗﺎﻟﻐﺎﻥ 3 ﺩﻭﻛﺘﻮﺭ ﻛﺎﻟﯩﻔﻮﺭﻧﯩﻴﻪﺩﯨﻜﻰ «Livermore» ﺩﯙﻟﻪﺗﻠﯩﻚ ﺗﻪﺟﺮﯨﺒﯩﺨﺎﻧﯩﺴﻰ ﯞﻩ ﻳﻪﻧﻪ ﺑﯩﺮ ﺷﻪﺧﺴﯩﻲ ﺷﯩﺮﻛﻪﺗﺘﻪ ﺑﯩﺮﮔﻪ ﺋﯩﺸﻠﯩﮕﻪﻥ ﺩﻭﺳﺘﻼﺭﺩﯨﻦ ﺑﻮﻟﯘﭖ، ﻫﻪﻣﻤﯩﺴﻰ ﺋﯚﺯ ﻛﻪﺳﭙﯩﻲ ﺳﺎﻫﻪﺳﯩﺪﻩ ﻛﯚﺯﮔﻪ ﻛﯚﺭﯛﻧﮕﻪﻥ، ﻣﻪﻣﻠﯩﻜﻪﺗﻠﯩﻚ ﻣﯘﻛﺎﭘﺎﺗﻼﺭﻏﺎ ﺋﯧﺮﯨﺸﯩﭗ ﺑﺎﻗﻘﺎﻥ ﻛﯩﺸﯩﻠﻪﺭ ﺋﯩﻜﻪﻥ. ﺷﯩﺮﻛﻪﺗﻨﯩﯔ ﺭﻩﺋﯩﺴﻰ 2003-ﻳﯩﻠﻠﯩﻖ ﻣﯩﻜﺮﻭ ﺋﯧﻘﯩﻤﻠﯩﻖ ﺋﯚﻟﭽﻪﺵ ﺋﻪﺳﯟﺍﺑﻠﯩﺮﻯ ﺑﻮﻳﯩﭽﻪ ﺋﯧﭽﯩﻠﻐﺎﻥ ﺑﯩﺮ ﺧﻪﻟﻘﺌﺎﺭﺍﻟﯩﻖ ﻳﯩﻐﯩﻨﻨﯩﯔ ﺭﻩﺋﯩﺴﻠﯩﻜﯩﻨﻰ ﺋﯚﺗﯩﺪﻯ. ﺋﯘﻻﺭ ﻗﯩﻠﯩﯟﺍﺗﻘﺎﻥ ﺋﯩﺸﻼﺭﺩﯨﻦ ﺑﯩﺮ ﻗﺎﻧﭽﯩﺴﻰ ﺑﻮﻟﯘﭖ، ﺋﯘﻧﯩﯔ ﺑﯩﺮﻯ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﮕﻪ ﺑﯩﺮ ﻛﯩﭽﯩﻚ ﺗﯩﭙﻠﯩﻖ، ﻫﺎﯞﺍﺩﯨﻜﻰ ﺑﯩﺌﻮﻟﻮﮔﯩﻴﻪﻟﯩﻚ ﯞﻩ ﺧﯩﻤﯩﻴﻪﻟﯩﻚ ﻗﻮﺭﺍﻟﻨﻰ ﺗﻪﻛﺸﯜﺭﯛﭖ ﺋﯧﻨﯩﻘﻼﻳﺪﯨﻐﺎﻥ ﺋﺎﭘﭙﺎﺭﺍﺕ ﻳﺎﺳﺎﭖ ﺑﯧﺮﯨﺶ ﺋﯩﻜﻪﻥ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻫﻪﺭ ﺑﯩﺮ ﺗﯧﺨﻨﯩﻜﯩﻠﯩﻖ ﺳﺎﻫﻪﺩﻩ ﻣﯘﺷﯘﻧﺪﺍﻕ ﺷﯩﺮﻛﻪﺗﻠﻪﺭﺩﯨﻦ ﻫﻪﺭ ﻳﯩﻠﻰ ﺑﯩﺮ ﻗﺎﻧﭽﯩﺴﯩﮕﻪ ﻣﻪﺑﻠﻪﻍ ﺳﯧﻠﯩﭗ، ﺋﯘﻻﺭﻧﻰ ﺭﯨﻘﺎﺑﻪﺗﻜﻪ ﺳﯧﻠﯩﭗ، ﻗﺎﻳﺴﻰ ﺷﯩﺮﻛﻪﺗﻨﯩﯔ ﻣﻪﻫﺴﯘﻻﺗﻰ ﺋﯘﺗﯘﭖ ﭼﯩﻘﺴﺎ، ﺷﯘﻧﻰ ﺋﯩﺸﻠﯩﺘﯩﺪﯗ. ﺑﯘ ﺋﯩﺶ ﺋﯜﭼﯜﻥ ﺑﯘ ﺷﯩﺮﻛﻪﺗﻜﻪ ﻫﯚﻛﯜﻣﻪﺗﺘﯩﻦ 1.5 ﻣﯩﻠﻴﻮﻥ ﺩﻭﻟﻼﺭ ﭘﯘﻝ ﺑﻪﺭﮔﻪﻥ ﺋﯩﻜﻪﻥ. ﺋﻪﮔﻪﺭ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﺴﺎ، ﻳﺎﺳﺎﻟﻐﺎﻥ ﻧﻪﺭﺳﯩﻨﯩﯔ ﺋﯩﺮﺍﻕ ﺋﯘﺭﯗﺷﯩﻐﺎ ﺋﯧﻠﯩﭗ ﺑﯧﺮﯨﻠﯩﺶ ﺋﯧﻬﺘﯩﻤﺎﻟﻠﯩﻘﯩﻤﯘ ﺑﺎﺭ ﺋﯩﻜﻪﻧﺪﯗﻕ. ﺑﯘ ﺋﺎﭘﭙﺎﺭﺍﺕ ﻫﺎﯞﺍﺩﯨﻜﻰ ﺯﻩﺭﺭﯨﭽﯩﻠﻪﺭﻧﻰ ﻳﯩﻐﯩﭗ، ﺋﯘﻧﻰ ﻛﯚﭘﻪﻳﺘﯩﭗ، DNA ﺋﺎﺭﻗﯩﻠﯩﻖ ﺋﯘﻧﯩﯔ ﺗﻪﺭﻛﯩﺒﯩﻨﻰ ﺋﺎﻧﺎﻟﯩﺰ ﻗﯩﻠﯩﭗ، ﺷﯘ ﺋﺎﺭﻗﯩﻠﯩﻖ ﻫﺎﯞﺍﺩﺍ ﺑﯩﺌﻮﻟﻮﮔﯩﻴﻪﻟﯩﻚ ﯞﻩ ﺧﯩﻤﯩﻴﻪﻟﯩﻚ ﻗﻮﺭﺍﻟﻨﯩﯔ ﺑﺎﺭ-ﻳﻮﻗﻠﯘﻗﯩﻨﻰ ﺋﯧﻨﯩﻘﻼﭖ ﭼﯩﻘﯩﺪﯨﻜﻪﻥ. ﺑﯘ ﺯﻩﺭﺭﯨﭽﯩﻨﯩﯔ ﺗﻪﺭﻛﯩﺒﯩﻨﻰ ﺋﺎﻧﺎﻟﯩﺰ ﻗﯩﻠﯩﺪﯨﻐﺎﻥ ﻧﻪﺭﺳﻪ ﺑﯩﺮ ﺋﻮﭘﺘﯩﻜﯩﻠﯩﻖ ﺋﺎﭘﭙﺎﺭﺍﺕ ﺑﻮﻟﯘﭖ، ﻣﯧﻨﯩﯔ ﺋﯩﺸﯩﻢ ﺋﻪﻧﻪ ﺷﯘﻧﻰ ﻻﻳﯩﻬﯩﻠﻪﭖ ﺋﯩﺸﻠﻪﭖ ﭼﯩﻘﯩﺮﯨﺶ ﺋﯩﺪﻯ. ﻣﻪﻥ ﺑﯘ ﺋﻮﭘﺘﯩﻜﯩﻠﯩﻖ ﻗﯩﺴﻤﯩﻨﯩﯔ ﺋﻮﭘﺘﯩﻜﺎ، ﺋﯧﻠﯧﻜﺘﯩﺮ، ﻣﯧﺨﺎﻧﯩﻜﺎ ﯞﻩ ﻳﯘﻣﺸﺎﻕ ﺩﯦﺘﺎﻟﻼﺭﻧﯩﯔ ﻫﻪﻣﻤﯩﺴﯩﻨﻰ ﺋﯚﺯﯛﻡ ﻻﻳﯩﻬﯩﻠﻪﭖ ﻫﻪﻣﺪﻩ ﻳﺎﺳﺎﭖ ﭼﯩﻘﺘﯩﻢ. ﻫﻪﻣﺪﻩ ﺋﯘﻧﻰ ﺋﺎﻣﯧﺮﯨﻜﯩﺪﺍ ﺳﯧﺘﯩﻠﯩﯟﺍﺗﻘﺎﻥ، ﭘﻪﻗﻪﺕ ﺑﯩﺮﻻ ﺋﯩﺸﻨﻰ ﻗﯩﻼﻻﻳﺪﯨﻐﺎﻥ ﻳﻪﻧﻪ ﺑﯩﺮ ﺋﺎﭘﭙﺎﺭﺍﺕ ﺑﯩﻠﻪﻥ ﺳﯧﻠﯩﺸﺘﯘﺭﯗﭖ، ﻣﻪﻥ ﻳﺎﺳﯩﻐﺎﻥ ﺋﺎﭘﭙﺎﺭﺍﺗﻨﯩﯔ ﻓﯘﻧﻜﺴﯩﻴﻪﺳﻰ ﺑﺎﺷﻘﯩﻼﺭﻧﯩﯖﻜﯩﺪﯨﻦ ﺳﻪﻝ ﻳﺎﺧﺸﯩﺮﺍﻕ ﺋﯩﻜﻪﻧﻠﯩﻜﯩﻨﻰ ﺋﯩﺴﭙﺎﺗﻼﭖ ﭼﯩﻘﺘﯩﻢ. ﺷﯩﺮﻛﻪﺗﺘﯩﻜﯩﻠﻪﺭ ﻣﻪﻧﺪﯨﻦ ﺋﯩﻨﺘﺎﻳﯩﻦ ﺭﺍﺯﻯ ﺑﻮﻟﺪﻯ. ﺑﯘ ﺋﻮﻣﯘﻣﯩﻲ ﻣﻪﻫﺴﯘﻻﺗﻨﻰ ﻫﯚﻛﯜﻣﻪﺗﻜﻪ 2003-ﻳﯩﻠﻰ ﻧﻮﻳﺎﺑﯩﺮﺩﺍ ﺗﺎﭘﺸﯘﺭﯨﺪﯨﻐﺎﻥ ﺑﻮﻟﯘﭖ، ﯞﺍﻗﯩﺖ ﺗﻮﺷﻘﺎﻧﺪﺍ ﺋﯘﻧﯩﯔ ﻣﯩﻜﺮﻭ ﺋﯧﻘﯩﻤﻠﯩﻖ ﺯﻩﺭﺭﯨﭽﯩﻠﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﻗﯩﺴﻤﻰ ﺋﯩﺸﻠﯩﻤﯩﺪﻯ. ﺷﯘﻧﺪﺍﻕ ﺑﻮﻟﺴﯩﻤﯘ، ﺷﯩﺮﻛﻪﺕ ﺑﯘ ﺋﺎﭘﭙﺎﺭﺍﺗﺘﯩﻦ ﺑﯩﺮﻧﻰ ﺋﺎﻣﯧﺮﯨﻜﯩﻨﯩﯔ ﭘﺎﻳﺘﻪﺧﺘﯩﮕﻪ ﻣﺎﯕﺪﯗﺭﺩﻯ. ﺑﯘ ﺋﺎﭘﭙﺎﺭﺍﺕ ﮔﻪﺭﭼﻪ ﺋﯩﻨﮕﻠﯩﺰ ﺗﯩﻠﯩﺪﺍ «portable» ﻳﻪﻧﻰ «ﻛﯚﺗﯜﺭﯛﭖ ﻳﯜﺭﮔﯩﻠﻰ ﺑﻮﻟﯩﺪﯨﻐﺎﻥ» ﺩﻩﭖ ﺋﺎﺗﺎﻟﻐﺎﻥ ﺑﻮﻟﺴﯩﻤﯘ، ﺋﯘﻧﻰ ﺑﯩﺮ ﺑﯩﺮ ﺗﻮﻧﻨﯩﻠﯩﻖ ﻣﺎﺷﯩﻨﺎ ﺋﺎﺭﺍﻥ ﺳﯚﺭﯨﺪﻯ. ﺑﯘ ﺋﺎﭘﭙﺎﺭﺍﺗﻨﻰ ﻣﺎﯕﺪﯗﺭﯗﭖ ﺑﻮﻟﯘﭘﻼ، ﺷﯩﺮﻛﻪﺗﻨﯩﯔ ﺑﺎﺷﻠﯩﻘﻠﯩﺮﻯ ﺑﯩﺰﻧﯩﯔ ﻣﺎﮔﯩﺴﺘﯧﺮﻟﯩﻖ ﺋﯘﻧﯟﺍﻧﻰ ﯞﻩ ﻛﯚﭖ ﻳﯩﻠﻠﯩﻖ ﺗﻪﺟﺮﯨﺒﯩﺴﻰ ﺑﺎﺭ ﻣﯧﺨﺎﻧﯩﻜﯩﻠﯩﻖ ﺋﯩﻨﮋﯨﻨﯧﺮﯨﻤﯩﺰﻧﻰ ﺋﯩﺸﺘﯩﻦ ﺑﻮﺷﺎﺗﺘﻰ. ﺋﻪﮔﻪﺭ ﺑﯩﺮ ﺷﯩﺮﻛﻪﺕ ﺋﯚﺯﯨﻨﯩﯔ ﺧﯧﺮﯨﺪﺍﺭﻟﯩﺮﯨﻐﺎ ﺋﯩﺸﻠﯩﻤﻪﻳﺪﯨﻐﺎﻥ ﻳﺎﻛﻰ ﺳﯜﭘﯩﺘﻰ ﻧﺎﭼﺎﺭ ﻣﻪﻫﺴﯘﻻﺗﻨﻰ ﻣﺎﯕﺪﯗﺭﺳﺎ، ﺋﯘ ﺑﯘ ﺷﯩﺮﻛﻪﺗﻨﯩﯔ ﺋﯚﻣﺮﯨﻨﯩﯔ ﺋﯘﺯﯗﻧﻐﺎ ﺑﺎﺭﻣﺎﻳﺪﯨﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ. ﺷﯘﯕﺎ، ﻣﻪﻥ ﺑﯘ ﺷﯩﺮﻛﻪﺗﺘﻪ ﺩﺍﯞﺍﻣﻠﯩﻖ ﺗﯘﺭﯗﺷﻨﯩﯔ ﻳﺎﺧﺸﻰ ﺋﯩﺴﺘﯩﻘﺒﺎﻟﻰ ﻳﻮﻗﻠﯘﻗﯩﻨﻰ ﻫﯧﺲ ﻗﯩﻠﯩﭗ، ﻳﯧﯖﻰ ﺋﯩﺶ ﺗﯧﭙﯩﺶ ﻗﺎﺭﺍﺭﯨﻐﺎ ﻛﻪﻟﺪﯨﻢ. ﺑﯘ ﺷﯩﺮﻛﻪﺕ ﻫﺎﺯﯨﺮﻣﯘ ﻣﻪﯞﺟﯘﺕ. ﺋﯘﻧﯩﯔ ﻗﯘﺭﻏﯘﭼﯩﻠﯩﺮﻯ ﻛﻪﺳﭙﯩﻲ ﺟﻪﻫﻪﺗﺘﻪ ﻧﺎﻫﺎﻳﯩﺘﻰ ﻧﻮﭘﯘﺯﻟﯘﻕ ﻛﯩﺸﯩﻠﻪﺭ ﺑﻮﻟﻐﺎﭼﻘﺎ، ﺋﯘﻻﺭ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﺪﯨﻦ ﺋﺎﻟﯩﺪﯨﻐﺎﻥ ﻣﻪﺑﻠﻪﻍ ﺋﯜﺯﯛﻟﯜﭖ ﻗﺎﻟﻤﺎﻱ، ﺷﯩﺮﻛﻪﺕ ﻫﺎﺯﯨﺮﻣﯘ ﻣﯧﯖﯩﯟﺍﺗﯩﺪﯗ.

2003-ﻳﯩﻠﻰ ﻧﻮﻳﺎﺑﯩﺮﺩﺍ ﻣﻪﻥ ﺋﯚﺯﯛﻣﻨﯩﯔ ﻫﺎﺯﯨﺮﻗﻰ ﺋﯩﺪﺍﺭﻩﻡ ﺑﻮﻟﻐﺎﻥ JPL ﺑﯩﻠﻪﻥ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺋﺎﻻﻗﯩﻠﯩﺸﯩﭗ، ﺑﯩﺮ ﻛﯜﻧﻠﯜﻙ ﺧﯩﺰﻣﻪﺕ ﺗﯧﭙﯩﺶ ﻛﯚﺭﯛﺷﯜﺷﯩﮕﻪ ﺋﯧﺮﯨﺸﺘﯩﻢ ﻫﻪﻣﺪﻩ ﻣﻪﻥ ﺋﯩﺸﻠﻪﯞﺍﺗﻘﺎﻥ ﻳﯘﻗﯩﺮﯨﺪﯨﻜﻰ ﺷﯩﺮﻛﻪﺗﺘﯩﻦ ﺋﯩﻜﻜﻰ ﻛﯜﻧﻠﯜﻙ ﺗﻪﺗﯩﻞ ﺭﯗﺧﺴﯩﺘﻰ ﺋﯧﻠﯩﭗ، «JPL» ﺑﯩﻠﻪﻥ ﻛﯚﺭﯛﺷﯜﭖ ﻛﻪﻟﺪﯨﻢ. ﺑﯘ ﻛﯚﺭﯛﺷﯜﺷﻨﯩﯔ ﺭﻩﺳﻤﯩﻲ ﻧﻪﺗﯩﺠﯩﺴﻰ ﭼﯩﻘﻘﯩﭽﻪ ﻣﻪﻥ ﺋﯩﻠﺘﯩﻤﺎﺱ ﻗﯩﻠﻐﺎﻥ، ﺳﯩﻠﯩﻜﻮﻥ ﺟﯩﻠﻐﯩﺴﯩﺪﯨﻜﻰ ﻳﻪﻧﻪ ﺑﯩﺮ ﻳﯧﯖﻰ ﻗﯘﺭﯗﻟﻐﺎﻥ ﺷﯩﺮﻛﻪﺕ ﻣﯧﻨﻰ ﻛﯚﺭﯛﺷﯜﺷﻜﻪ ﭼﺎﻗﯩﺮﺩﻯ. ﺑﯘ ﺷﯩﺮﻛﻪﺕ ﻳﺎﭘﻮﻧﯩﻴﻪﻧﯩﯔ «Fuji-Xerox», «Hitachi» ﻗﺎﺗﺎﺭﻟﯩﻖ 3 ﭼﻮﯓ ﺷﯩﺮﻛﯩﺘﯩﺪﯨﻦ ﭼﯩﻘﻘﺎﻥ 3 ﺋﺎﺩﻩﻡ ﺑﯩﺮﻟﯩﺸﯩﭗ ﻗﯘﺭﻏﺎﻥ ﺷﯩﺮﻛﻪﺕ ﺑﻮﻟﯘﭖ، ﺋﯘﻧﯩﯔ ﺑﯩﺮ ﻗﯩﺴﯩﻢ ﻣﻪﺑﻠﯩﻐﯩﻨﻰ ﻳﺎﭘﻮﻥ ﻫﯚﻛﯜﻣﯩﺘﻰ ﺳﺎﻟﻐﺎﻥ ﺋﯩﻜﻪﻥ. ﺷﯩﺮﻛﻪﺗﻨﯩﯔ ﺗﻪﺗﻘﯩﻘﺎﺕ ﯞﻩ ﺗﻪﺭﻩﻗﻘﯩﻴﺎﺕ ﺑﯚﻟﯜﻣﻰ ﺋﺎﻣﯧﺮﯨﻜﯩﺪﺍ ﺑﻮﻟﯘﭖ، ﻣﻪﻥ ﻛﯩﺮﺳﻪﻡ ﺋﺎﺷﯘ ﺑﯚﻟﯜﻣﺪﻩ «ﺋﻮﭘﺘﯩﻜﺎ ﻻﻳﯩﻬﯩﻠﻪﺵ ﺩﯨﺮﯦﻜﺘﻮﺭﻯ» ﺑﻮﻟﯘﭖ ﺋﯩﺸﻠﻪﻳﺪﯨﻜﻪﻧﻤﻪﻥ. ﺷﯩﺮﻛﻪﺗﻨﯩﯔ ﺋﯩﺸﻠﻪﭘﭽﯩﻘﯩﺮﯨﺶ ﻓﺎﺑﺮﯨﻜﯩﺴﻰ ﻳﺎﭘﻮﻧﯩﻴﻪﺩﻩ ﺑﻮﻟﯘﭖ، ﻣﻪﻥ ﺩﻩﺳﻠﻪﭘﺘﻪ ﻳﺎﭘﻮﻧﻐﺎ ﺑﯧﺮﯨﭗ، 6 ﺋﺎﻱ ﯞﺍﻗﯩﺖ ﺋﯩﭽﯩﺪﻩ ﺑﯩﺮ ﺗﻪﺟﺮﯨﺒﯩﺨﺎﻧﺎ ﻗﯘﺭﯨﺪﯨﻜﻪﻧﻤﻪﻥ. ﻣﻪﻥ ﺋﯘﻻﺭ ﺑﯩﻠﻪﻥ ﻛﯚﺭﯛﺷﯜﺷﻜﻪ ﻛﯧﻠﯩﺸﺘﯩﻦ ﺑﯘﺭﯗﻥ، ﺋﯘﻻﺭﻧﯩﯔ ﺋﯧﻼﻥ ﻗﯩﻠﻐﺎﻥ ﻣﺎﺋﺎﺷﯩﻨﯩﯔ ﺋﺎﺯﻟﯩﻘﯩﻨﻰ، ﻣﺎﯕﺎ ﻳﯩﻠﻠﯩﻖ ﻣﺎﺋﺎﺵ ﺋﯜﭼﯜﻥ ﻳﻪﻧﻪ 5000 ﺩﻭﻟﻼﺭ ﻗﻮﺷﯘﭖ ﺑﯧﺮﯨﺸﯩﻨﻰ ﺋﯧﻴﺘﺘﯩﻢ. ﺋﯘﻻﺭ ﻣﺎﻗﯘﻝ ﺑﻮﻟﺪﻯ. ﻫﻪﻣﺪﻩ 45 ﻣﯩﻨﯘﺗﻠﯘﻕ ﺩﻭﻛﻼﺕ ﯞﺍﻗﺘﻰ ﺑﻪﺭﺩﻯ. ﻟﯧﻜﯩﻦ، ﻣﯧﻨﯩﯔ ﺩﻭﻛﻼﺗﯩﻢ ﺑﺎﺷﻼﻧﻐﺎﻧﺪﯨﻦ ﻛﯧﻴﯩﻦ، ﻳﯩﻐﯩﻨﻐﺎ ﻛﯩﺮﮔﻪﻧﻠﻪﺭ ﻳﺎﻟﻐﯘﺯ ﺗﯧﺨﻨﯩﻜﺎ ﺋﻪﻣﻪﺱ، ﻣﻪﻧﺪﯨﻦ ﺷﯩﺮﻛﻪﺕ ﺑﺎﺷﻘﯘﺭﯗﺵ، ﺧﯧﺮﯨﺪﺍﺭ ﺗﯧﭙﯩﺶ، ﻳﯧﯖﻰ ﺷﯩﺮﻛﻪﺕ ﻗﯘﺭﯗﺵ ﺗﻮﻏﯩﺮﯨﺴﯩﺪﺍ ﻫﻪﺭ ﺧﯩﻞ ﺳﻮﺋﺎﻟﻼﺭﻧﻰ ﺳﻮﺭﺍﭖ ﻛﻪﺗﺘﻰ. ﺷﯘﻧﯩﯔ ﺑﯩﻠﻪﻥ ﺑﯩﺰﻧﯩﯔ ﺩﻭﻛﻼﺕ ﻳﯩﻐﯩﻨﯩﻤﯩﺰ 3 ﺳﺎﺋﻪﺗﺘﻪ ﺋﺎﺭﺍﻥ ﺗﯜﮔﯩﺪﻯ. ﺷﯩﺮﻛﻪﺗﻨﯩﯔ ﻳﺎﭘﻮﻧﻠﯘﻕ ﺑﺎﺷﻠﯩﻘﻠﯩﺮﻯ ﻣﯧﻨﻰ ﺋﯩﻨﺘﺎﻳﯩﻦ ﻳﺎﻗﺘﯘﺭﺩﻯ. ﺩﻭﻛﻼﺗﺘﯩﻦ ﻛﯧﻴﯩﻦ ﻣﻪﻥ ﺑﯩﻠﻪﻥ ﻳﻪﻧﻪ ﺋﺎﻳﺮﯨﻢ-ﺋﺎﻳﺮﯨﻢ ﻛﯚﺭﯛﺷﺘﻰ. ﺑﻪﺯﯨﺪﻩ ﻳﺎﭘﻮﻧﭽﯩﻼ ﺳﯚﺯﻟﻪﺷﺘﯘﻕ. ﺋﯘﻻﺭ ﻣﯧﻨﻰ ﺋﯩﺸﻘﺎ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺷﯘ ﭼﺎﻏﺪﯨﻼ ﻗﺎﺭﺍﺭ ﻗﯩﻠﯩﭗ، ﻣﯧﻨﯩﯔ ﻗﺎﺭﺍﺭ ﻗﯩﻠﯩﺸﯩﻢ ﺋﯜﭼﯜﻥ ﺳﺎﻕ ﺑﯩﺮ ﻫﻪﭘﺘﻪ ﯞﺍﻗﯩﺖ ﺑﻪﺭﺩﻯ. ﻣﻪﻥ ﺋﯘﻻﺭﺩﯨﻦ ﺋﺎﻳﺮﯨﻠﯩﺸﺘﯩﻦ ﺑﯘﺭﯗﻥ، ﺋﯚﺯﯛﻣﻨﯩﯔ «JPL» ﺑﯩﻠﻪﻧﻤﯘ ﻛﯚﺭﯛﺷﯜﭖ ﺑﻮﻟﻐﺎﻧﻠﯩﻘﯩﻤﻨﻰ، ﺋﻪﮔﻪﺭ «JPL» ﻣﯧﻨﻰ ﺧﯩﺰﻣﻪﺗﻜﻪ ﺋﯧﻠﯩﭗ ﻗﺎﻟﺴﺎ، ﭼﻮﻗﯘﻡ «JPL»ﮔﻪ ﻛﯧﺘﯩﺪﯨﻐﺎﻧﻠﯩﻘﯩﻤﻨﻰ ﺋﯧﻴﺘﺘﯩﻢ. ﺋﯘﻻﺭ ﻣﯧﻨﯩﯔ ﺑﯘ ﻗﯩﻠﻐﯩﻨﯩﻤﺪﯨﻦ ﺋﯩﻨﺘﺎﻳﯩﻦ ﺗﻪﺳﯩﺮﻟﯩﻨﯩﭙﺘﯘ. ﻣﺎﯕﺎ «ﻫﻪﻗﯩﻘﻪﺗﻪﻧﻤﯘ ﺋﻪﺧﻼﻗﻰ ﻳﯘﻗﯩﺮﻯ، ﺳﻪﻣﯩﻤﯩﻲ ﻛﯩﺸﻰ ﺋﯩﻜﻪﻥ» ﺩﻩﭖ ﺑﺎﻫﺎ ﺑﯧﺮﯨﭙﺘﯘ. ﺋﺎﺭﯨﻠﯩﻘﺘﺎ ﺑﯩﺮ ﻫﻪﭘﺘﻪ ﺑﻮﻟﻤﺎﻳﻼ ﺋﯘﻻﺭﺩﯨﻦ ﻣﺎﯕﺎ ﺗﯧﻠﯧﻔﻮﻥ ﻛﻪﻟﺪﻯ:

-- ﺋﻪﮔﻪﺭ ﻣﺎﺋﺎﺷﯩﯖﻨﻰ ﻳﻪﻧﻪ ﺋﯚﺳﺘﯜﺭﯛﭖ ﺑﻪﺭﺳﻪﻙ، ﺑﯩﺰﻧﯩﯔ ﺷﯩﺮﻛﻪﺗﻜﻪ ﻛﯧﻠﻪﻣﺴﻪﻥ؟

-- ﺭﻩﻫﻤﻪﺕ. ﻣﻪﻥ «JPL»ﻧﻰ ﺑﺎﻫﺎﻧﻪ ﻗﯩﻠﯩﭗ ﺗﯘﺭﯗﭖ، ﺑﯘ ﺷﯩﺮﻛﻪﺗﺘﯩﻜﻰ ﻣﺎﺋﺎﺷﯩﻤﻨﻰ ﺋﯚﺳﺘﯜﺭﯛﯞﯦﻠﯩﺸﻨﻰ ﺧﺎﻟﯩﻤﺎﻳﻤﻪﻥ. ﻣﻪﻥ ﺋﯘﻧﺪﺍﻕ ﺋﺎﺩﻩﻡ ﺋﻪﻣﻪﺱ. ﺋﻪﮔﻪﺭ ﺳﯩﻠﻪﺭﻧﯩﯔ ﺷﯩﺮﻛﻪﺗﻜﻪ ﺑﺎﺭﺳﺎﻡ، ﻫﺎﺯﯨﺮﻗﻰ ﻣﺎﺋﺎﺵ ﺑﯩﻠﻪﻧﻼ ﺑﺎﺭﯨﻤﻪﻥ. ﺑﯩﺮ ﻣﻪﺯﮔﯩﻞ ﺋﯩﺸﻠﯩﮕﻪﻧﺪﯨﻦ ﻛﯧﻴﯩﻦ، ﻣﯧﻨﯩﯔ ﺋﯩﭙﺎﺩﻩﻣﮕﻪ ﻗﺎﺭﺍﭖ ﺑﯧﻘﯩﭗ ﺋﺎﻧﺪﯨﻦ ﻣﺎﺋﺎﺷﯩﻤﻨﻰ ﺋﯚﺳﺘﯜﺭﯛﭖ ﺑﻪﺭﺳﻪﯕﻼﺭ ﺑﻮﻟﯩﯟﯦﺮﯨﺪﯗ. ﻣﻪﻥ «JPL» ﻧﯩﯔ ﺟﺎﯞﺍﺑﯩﻨﻰ ﭼﻮﻗﯘﻡ ﻛﯜﺗﻤﯩﺴﻪﻡ ﺑﻮﻟﻤﺎﻳﺪﯗ.

-- «JPL» ﺳﺎﯕﺎ ﻗﺎﻧﭽﯩﻠﯩﻚ ﻣﺎﺋﺎﺵ ﺑﻪﺭﺳﻪ، ﺑﯩﺰﻣﯘ ﺷﯘﻧﭽﯩﻠﯩﻚ ﻣﺎﺋﺎﺵ ﺑﯧﺮﻩﻳﻠﻰ. ﺷﯘﻧﺪﺍﻗﺘﺎ ﻛﯧﻠﻪﻣﺴﻪﻥ؟

-- ﺭﻩﻫﻤﻪﺕ. ﺋﻪﻣﻤﺎ، ﻣﻪﻥ ﺋﯘﻧﺪﺍﻕ ﻗﯩﻼﻟﻤﺎﻳﻤﻪﻥ. ﺑﯘ ﭘﻪﻗﻪﺕ ﭘﯘﻟﻨﯩﯖﻼ ﺋﯩﺸﻰ ﺋﻪﻣﻪﺱ.

ﺋﯘﻧﯩﯖﺪﯨﻦ ﻛﯧﻴﯩﻦ ﺋﯘﻻﺭ ﻣﺎﯕﺎ «JPL» ﺩﻩﻙ ﭼﻮﯓ ﺋﯩﺪﺍﺭﯨﻨﯩﯔ ﺋﯘﻻﺭﻧﯩﯖﻜﯩﺪﻩﻙ ﻛﯩﭽﯩﻚ ﺷﯩﺮﻛﻪﺕ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﻗﺎﻧﺪﺍﻕ ﻳﯧﺘﻪﺭﺳﯩﺰﻟﯩﻜﻰ ﺑﺎﺭﻟﯩﻘﯩﻨﻰ ﺗﻪﭘﺴﯩﻠﯩﻲ ﭼﯜﺷﻪﻧﺪﯛﺭﺩﻯ. ﺋﯘﻻﺭﻧﯩﯔ ﻣﺎﯕﺎ ﺩﯦﮕﻪﻧﻠﯩﺮﻯ ﺗﻮﻏﺮﺍ ﺑﻮﻟﯘﭖ، ﻣﻪﻥ ﺋﯘﻧﯩﯔ ﻫﻪﻣﻤﯩﺴﯩﮕﻪ ﻗﻮﺷﯘﻟﺪﯗﻡ. ﻟﯧﻜﯩﻦ، «JPL» ﻛﯩﻤﻼ ﺑﻮﻟﺴﺎ ﻛﯩﺮﻩﻟﻪﻳﺪﯨﻐﺎﻥ ﺋﻮﺭﯗﻥ ﺋﻪﻣﻪﺱ، ﺋﯘﻧﯩﯔ ﺋﯜﺳﺘﯩﮕﻪ ﺋﯘ ﺋﺎﻟﻪﻡ ﺗﯧﺨﻨﯩﻜﯩﺴﻰ ﺑﯩﻠﻪﻥ ﺷﯘﻏﯘﻟﻠﯩﻨﯩﺪﯨﻐﺎﻥ ﺩﯗﻧﻴﺎﺩﯨﻜﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻫﻪﻡ ﺋﯩﻨﺘﺎﻳﯩﻦ ﻣﯘﻗﯩﻢ ﺑﯩﺮ ﺋﻮﺭﯗﻥ ﺑﻮﻟﻐﺎﭼﻘﺎ، «JPL» ﻧﻰ ﺋﯘ ﺷﯩﺮﻛﻪﺕ ﺑﯩﻠﻪﻥ ﺳﯧﻠﯩﺸﺘﯘﺭﻏﯩﻠﻰ ﺑﻮﻟﻤﺎﻳﺘﺘﻰ. ﺷﯘﯕﺎ ﻣﻪﻥ «JPL» ﻧﯩﯔ ﺟﺎﯞﺍﺑﯩﻨﻰ ﻛﯜﺗﺘﯜﻡ. ﺋﯘﻻﺭﻣﯘ ﺋﻪﺳﻠﯩﺪﯨﻜﻰ ﻣﯧﻨﯩﯔ ﺑﯩﺮ ﻫﻪﭘﺘﻪ ﺋﯩﭽﯩﺪﻩ ﺟﺎﯞﺍﺏ ﺑﯧﺮﯨﺸﯩﻢ ﻛﯧﺮﻩﻛﻠﯩﮕﻰ ﺗﻮﻏﺮﯨﺴﯩﺪﯨﻜﻰ ﺷﻪﺭﺗﯩﻨﻰ ﺋﯚﺯﮔﻪﺭﺗﯩﭗ، ﺋﯘﻻﺭﻣﯘ «JPL» ﻧﯩﯔ ﺟﺎﯞﺍﺑﯩﻨﻰ ﺳﺎﻗﻠﯩﺪﻯ. ﻣﺎﯕﺎ «JPL» ﺩﯨﻦ ﺭﻩﺳﻤﯩﻲ ﺧﯩﺰﻣﻪﺗﻜﻪ ﻗﻮﺑﯘﻝ ﻗﯩﻠﯩﺶ ﺧﯧﺘﻰ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﻣﻪﻥ ﺋﯘﻻﺭ ﺑﯩﻠﻪﻥ ﺗﯧﻠﯧﻔﻮﻧﺪﺍ ﻳﻪﻧﻪ ﺑﯩﺮ ﺋﺎﺯ ﭘﺎﺭﺍﯕﻠﯩﺸﯩﭗ، ﭼﯩﺮﺍﻳﻠﯩﻖ ﺧﻮﺷﻼﺷﺘﯩﻢ. ﻣﻪﻥ ﺑﯜﮔﯜﻥ ﻣﯘﺷﯘ ﻗﯩﺴﯩﻤﻨﻰ ﻳﯧﺰﯨﯟﺍﺗﻘﺎﻧﺪﺍ، ﺋﯘ ﺷﯩﺮﻛﻪﺗﻨﯩﯔ ﺗﻮﺭ ﺑﯧﺘﯩﮕﻪ ﻛﯩﺮﯨﭗ ﻗﺎﺭﺍﭖ ﺑﺎﻗﺘﯩﻢ. ﺋﯘﻻﺭﻧﯩﯔ ﺗﻮﺭ ﺑﯧﺘﻰ ﺋﯧﭽﯩﻠﺪﻯ. ﻟﯧﻜﯩﻦ، «ﺷﯩﺮﻛﻪﺗﻨﯩﯔ ﺗﺎﺭﯨﺨﻰ» ﺩﯦﮕﻪﻥ ﺑﻪﺗﺘﻪ ﭘﻪﻗﻪﺕ 2003-ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﯘﭼﯘﺭ ﺑﺎﺭ ﺋﯩﻜﻪﻥ. ﻗﺎﺭﯨﻐﺎﻧﺪﺍ ﺑﯘ ﺷﯩﺮﻛﻪﺗﻤﯘ 2004-ﻳﯩﻠﯩﻨﻰ ﭼﯩﻘﯩﺮﺍﻟﻤﯩﻐﺎﻥ ﺋﻮﺧﺸﺎﻳﺪﯗ.

ﻣﻪﻥ ﻳﯘﻗﯩﺮﯨﺪﺍ ﺋﺎﻣﯧﺮﯨﻜﯩﺪﺍ ﻳﯧﯖﻰ ﺋﯩﮕﯩﻠﯩﻚ ﻳﺎﺭﯨﺘﯩﺸﺘﯩﻜﻰ ﺳﻪﻟﺒﯩﻲ ﻧﻪﺭﺳﯩﻠﻪﺭﻧﻰ ﻛﯚﭘﺮﻩﻙ ﺳﯚﺯﻟﯩﺪﯨﻢ. ﺑﯘ ﻫﻪﺭﮔﯩﺰ ﺋﺎﻣﯧﺮﯨﻜﺎ ﺑﯩﺮ ﻧﺎﭼﺎﺭ ﻣﻪﻣﻠﯩﻜﻪﺕ ﺩﯦﮕﻪﻧﻠﯩﻚ ﺋﻪﻣﻪﺱ. ﻣﻪﻥ ﺑﯧﺸﯩﻤﺪﯨﻦ ﺋﯚﺗﻜﯜﺯﮔﻪﻥ ﺑﯩﺮ ﻗﺎﻧﭽﻪ ﻳﯩﻞ ﺋﯩﭽﯩﺪﻩ، ﺋﺎﻣﯧﺮﯨﻜﯩﺪﺍ ﺋﻪﻧﻪ ﺋﺎﺷﯘﻧﺪﺍﻕ ﺋﯩﺸﻼﺭ ﺑﻮﻟﯘﭖ ﺋﯚﺗﻜﻪﻧﯩﺪﻯ. ﻣﻪﻥ ﺋﯘﻻﺭﻧﻰ ﺷﯘ ﭘﯧﺘﯩﭽﻪ ﻳﺎﺯﺩﯨﻢ. ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﯨﻦ ﺋﯧﻴﺘﻘﺎﻧﺪﺍ، ﺋﺎﻣﯧﺮﯨﻜﺎ ﻳﻪﻧﯩﻼ ﻳﯧﯖﻰ ﺋﯩﮕﯩﻠﯩﻚ ﻳﺎﺭﯨﺘﯩﺸﺘﯩﻜﻰ ﺋﻪﯓ ﺋﯩﻠﻐﺎﺭ، ﺋﻪﯓ ﻳﺎﺧﺸﻰ ﺩﯙﻟﻪﺗﺘﯘﺭ. ﺩﯗﻧﻴﺎﺩﯨﻜﻰ ﻳﻪﯕﻰ ﺋﯩﻠﯩﻢ-ﭘﻪﻥ ﯞﻩ ﻳﯧﯖﻰ ﺗﯧﺨﻨﯩﻜﯩﻨﯩﯔ ﻛﯚﭘﯩﻨﭽﯩﺴﯩﻤﯘ ﻳﻪﻧﯩﻼ ﺋﺎﻣﯧﺮﯨﻜﯩﺪﺍ ﺋﯩﺠﺎﺕ ﻗﯩﻠﯩﻨﯩﺪﯗ. ﺋﺎﻣﯧﺮﯨﻜﯩﺪﺍ ﺷﯩﺮﻛﻪﺗﻠﻪﺭ ﺩﻩﺳﻠﻪﭘﺘﻪ ﻛﯩﭽﯩﻚ ﻗﯘﺭﯗﻟﯘﭖ، ﺳﯧﺘﯩﯟﯦﻠﯩﺶ ﯞﻩ ﻗﻮﺷﯘﻟﯘﺵ ﺋﺎﺭﻗﯩﻠﯩﻖ ﺋﯘ ﺑﺎﺭﻏﺎﻧﺴﯧﺮﻯ ﭼﻮﯕﯩﻴﯩﭗ ﻣﺎﯕﯩﺪﯗ ﻫﻪﻣﺪﻩ ﻳﯧﯖﻰ ﺋﯩﮕﯩﻠﯩﻚ ﻳﺎﺭﯨﺘﯩﺶ ﭘﯘﺭﺳﯩﺘﻰ ﻫﻪﻣﻤﻪ ﻣﯩﻠﻠﻪﺗﻠﻪﺭ ﺋﯜﭼﯜﻥ ﺋﻮﺧﺸﺎﺵ. ﻣﻪﺳﯩﻠﻪﻥ، ﻛﻮﻣﭙﻴﯘﺗﯧﺮﻧﯩﯔ «CPU» ﺳﯩﻨﻰ ﭼﯩﻘﯩﺮﯨﺪﯨﻐﺎﻥ ﺋﯩﻨﺘﯧﻞ  ﺷﯩﺮﻛﯩﺘﯩﻨﻰ ﺋﻪﺳﻠﯩﺪﻩ ﺑﯩﺮ ﯞﯦﻨﮕﯩﺮﯨﻴﯩﻠﯩﻚ ﺋﯩﻨﮋﯨﻨﯧﺮ ﻗﯘﺭﻏﺎﻥ. ﻣﯧﻨﯩﯔ ﺑﯩﻠﯩﺸﯩﻤﭽﻪ، ﺋﯘ ﺋﺎﺩﻩﻡ ﻫﺎﺯﯨﺮﻣﯘ ﺋﯩﻨﺘﯩﻠﻨﯩﯔ «CEO» ﺳﻰ ﺑﻮﻟﯘﭖ ﺋﯩﺸﻠﻪﯞﺍﺗﯩﺪﯗ. ﺋﯩﮕﯩﻠﯩﻚ ﻳﺎﺭﯨﺘﯩﺸﺘﺎ، ﺑﯩﺰ ﺋﯘﻳﻐﯘﺭﻻﺭﺩﺍ ﻧﯘﺭﻏﯘﻥ ﺋﺎﺟﯩﺰﻟﯩﻖ ﺑﺎﺭ. ﻣﻪﻥ ﺑﯘﺭﯗﻥ ﻳﯘﺭﺗﯩﻤﯩﺰﻏﺎ ﺑﯧﺮﯨﭗ ﻛﯧﻠﯩﭗ ﻳﯜﺭﮔﻪﻥ ﯞﺍﻗﺘﯩﻤﺪﺍ، ﺋﺎﺗﺎ-ﺑﺎﻻ ﺋﯩﻜﻜﻪﻳﻠﻪﻧﻤﯘ ﺑﯩﺮ-ﺑﯩﺮﻯ ﺑﯩﻠﻪﻥ ﻛﯧﻠﯩﺸﻪﻟﻤﻪﻱ، ﺩﯗﻛﺎﻥ ﺋﺎﻳﺮﯨﻐﯩﻨﯩﻨﻰ ﻛﯚﺭﮔﻪﻧﯩﺪﯨﻢ. ﺑﯩﺰ ﺑﯩﺮﻟﻪﺷﻤﻪﻱ، ﺑﯚﻟﯜﻧﯩﻤﯩﺰ. ﺑﯘﻧﯩﯔ ﺯﯨﻴﯩﻨﻰ ﺋﯩﻨﺘﺎﻳﯩﻦ ﭼﻮﯓ. ﻣﻪﺳﯩﻠﻪﻥ، ﺋﯜﺭﯛﻣﭽﯩﺪﻩ 100 ﺋﯘﻳﻐﯘﺭ ﺩﯗﻛﺎﻥ ﺋﺎﭼﻘﺎﻥ ﺑﻮﻟﺴﺎ، ﺋﯘﻻﺭ ﺑﯧﻴﺠﯩﯖﻐﺎ ﻛﻪﻡ ﺩﯦﮕﻪﻧﺪﻩ 100 ﺋﺎﺩﻩﻡ ﻣﺎﯕﺪﯗﺭﯗﭖ، ﺷﯩﻨﺠﺎﯕﻐﺎ ﻣﺎﻝ ﺗﻮﺷﯘﻳﺪﯗ. ﺋﻪﮔﻪﺭ ﻣﯘﺷﯘ 100 ﺋﺎﺩﻩﻡ ﺑﯩﺮﻟﯩﺸﯩﭗ، ﺑﯩﺮ ﭼﻮﯓ ﺩﯗﻛﺎﻥ ﺋﺎﭼﻘﺎﻥ ﺑﻮﻟﺴﺎ، ﺑﯧﻴﺠﯩﯖﺪﯨﻦ ﻣﺎﻝ ﺗﻮﺷﯘﺵ ﺋﯜﭼﯜﻥ ﺑﯩﺮ ﻗﺎﻧﭽﻪ ﺋﺎﺩﻩﻡ ﻣﺎﯕﺪﯗﺭﯗﻟﺴﯩﻼ ﻛﯘﭘﺎﻳﻪ ﻗﯩﻼﺗﺘﻰ. ﺋﯘﻧﯩﯖﺪﯨﻦ ﺑﺎﺷﻘﺎ، ﺋﺎﻣﯧﺮﯨﻜﯩﻨﯩﯔ ﺋﯩﮕﯩﻠﯩﻜﻰ ﺯﻩﻧﺠﯩﺮﺳﯩﻤﺎﻥ ﯞﻩ ﺋﻮﻣﯘﻣﻼﺷﻘﺎﻥ ﺑﻮﻟﯩﺪﯗ. ﺑﯘ ﻳﻪﺭﺩﯨﻜﻰ «ﺯﻩﻧﺠﯩﺮﺳﯩﻤﺎﻥ» ﺩﯦﮕﯩﻨﯩﻤﯩﺰ، ﺋﻪﮔﻪﺭ ﺑﯩﺮﻯ «ﺭﺍﺑﯩﻴﻪ ﺳﻮﺩﺍ ﺳﺎﺭﯨﻴﻰ» ﺩﯦﮕﻪﻥ ﺑﯩﺮ ﺷﯩﺮﻛﻪﺗﻨﻰ ﻗﯘﺭﻏﺎﻥ ﺑﻮﻟﺴﺎ، 6 ﺷﻪﻫﻪﺭﻧﯩﯔ ﻫﻪﻣﻤﯩﺴﯩﺪﻩ ﺑﯘ ﺷﯩﺮﻛﻪﺗﻨﯩﯔ ﺳﻮﺩﺍ ﺳﺎﺭﯨﻴﯩﺪﯨﻦ ﺑﯩﺮﻧﻰ ﺋﺎﭼﯩﺪﯗ («ﺋﺎﺭﻣﺎﻥ» ﺷﯩﺮﻛﯩﺘﯩﺪﻩﻙ). «ﺋﻮﻣﯘﻣﻠﯩﺸﯩﺶ» ﺩﯦﮕﯩﻨﯩﻤﯩﺰ، ﺋﻪﮔﻪﺭ ﺑﯩﺮ ﺋﺎﺩﻩﻡ ﻗﻪﺷﻘﻪﺭ ﺑﯩﻠﻪﻥ ﺋﯜﺭﯛﻣﭽﯩﻨﯩﯔ ﺋﺎﺭﯨﻠﯩﻘﯩﺪﺍ ﻗﺎﺗﻨﺎﻳﺪﯨﻐﺎﻥ ﺑﯩﺮ ﻳﻮﻟﯘﭼﻰ ﺗﻮﺷﯘﺵ ﺷﯩﺮﻛﯩﺘﻰ ﺋﺎﭼﻘﺎﻥ ﺑﻮﻟﺴﺎ، ﺑﯘ 1500 ﻛﯩﻠﻮﻣﯧﺘﺮ ﺋﺎﺭﯨﻠﯩﻘﺘﺎ ﻳﻮﻟﯘﭼﯩﻼﺭ ﻛﯧﭽﯩﺴﻰ ﭼﯜﺷﯩﺪﯨﻐﺎﻥ ﻣﯧﻬﻤﺎﻧﺴﺎﺭﺍﻱ، ﻳﻮﻝ ﺑﻮﻳﻰ ﺗﺎﻣﺎﻕ ﻳﻪﻳﺪﯨﻐﺎﻥ ﺋﺎﺷﺨﺎﻧﺎ ﻗﺎﺗﺎﺭﻟﯩﻘﻼﺭﻧﯩﻤﯘ ﻣﯘﺷﯘ ﺋﺎﺩﻩﻡ ﺋﯚﺯﻯ ﻗﯘﺭﯨﺪﯗ. ﺯﻩﻧﺠﯩﺮﺳﯩﻤﺎﻥ ﺋﯩﮕﯩﻠﯩﻚ ﺑﯩﻠﻪﻥ ﺋﻮﻣﯘﻣﻼﺷﻘﺎﻥ ﺋﯩﮕﯩﻠﯩﻜﻨﯩﯔ ﺑﺎﺷﻘﯘﺭﻏﯘﭼﯩﻠﯩﺮﻯ، ﻣﺎﻟﯩﻴﻪﺳﻰ، ﺗﻪﺷﯟﯨﻘﺎﺗﻰ، ﻣﺎﻝ ﻳﯚﺗﻜﯩﺸﻰ ﻗﺎﺗﺎﺭﻟﯩﻖ ﺋﯩﺸﻠﯩﺮﻯ ﺑﯩﺮ ﺗﯘﺗﺎﺵ ﺑﻮﻟﯩﺪﯨﻐﺎﻥ ﺑﻮﻟﻐﺎﭼﻘﺎ، ﺋﺎﻳﺮﯨﻢ-ﺋﺎﻳﺮﯨﻢ ﺋﯩﺶ ﺋﯧﻠﯩﭗ ﺑﺎﺭﯨﺪﯨﻐﺎﻥ ﻛﯩﭽﯩﻚ ﺷﯩﺮﻛﻪﺗﻠﻪﺭﮔﻪ ﻗﺎﺭﯨﻐﺎﻧﺪﺍ، ﻧﯘﺭﻏﯘﻥ ﭼﯩﻘﯩﻤﻨﻰ ﺋﺎﺯﺍﻳﺘﯩﭗ، ﭘﺎﻳﺪﯨﻨﯩﻤﯘ ﺷﯘﻧﯩﯖﻐﺎ ﺋﻮﯓ ﺗﺎﻧﺎﺳﯩﭗ ﻫﺎﻟﺪﺍ ﻛﯚﭘﻪﻳﺘﻜﯩﻠﻰ ﺑﻮﻟﯩﺪﯗ.

ﺋﯘﻳﻐﯘﺭﻻﺭﻧﯩﯔ ﺑﯘ ﺋﯩﺸﻼﺭﺩﺍ ﺋﺎﺟﯩﺰ ﺑﻮﻟﯘﭖ ﻗﯧﻠﯩﺸﯩﻨﯩﯔ ﺳﻪﯞﻩﺑﻠﯩﺮﻯ ﺋﯩﻨﺘﺎﻳﯩﻦ ﻛﯚﭖ. ﺋﯘﻧﯩﯔ ﺋﯩﭽﯩﺪﯨﻜﻰ 3 ﺳﻪﯞﻩﭖ ﻣﯘﻧﺪﺍﻕ ﺑﻮﻟﯘﺷﻰ ﻣﯘﻣﻜﯩﻦ: 1) ﺋﯘﻳﻐﯘﺭﻻﺭﻧﯩﯔ ﻣﻪﺩﻩﻧﯩﻴﻪﺕ ﺳﺎﭘﺎﺳﻰ ﺗﯚﯞﻩﻥ؛ 2) ﺋﯘﻳﻐﯘﺭﻻﺭﺩﺍ ﺋﯚﺯ ﺷﯩﺮﯨﻜﻠﯩﺮﯨﮕﻪ ﺑﻮﻟﻐﺎﻥ ﺳﻪﻣﯩﻤﯩﻴﻪﺕ ﻳﯧﺘﻪﺭﻟﯩﻚ ﺋﻪﻣﻪﺱ؛ 3) ﺋﯘﻳﻐﯘﺭﻻﺭ ﻫﺎﺯﯨﺮﻗﻰ ﺯﺍﻣﺎﻧﺪﺍ ﺑﯩﺮ ﻧﻮﺭﻣﺎﻝ ﻫﺎﻟﻪﺗﺘﻪ ﻳﺎﺷﺎﭖ ﻣﯧﯖﯩﺸﻰ ﺋﯜﭼﯜﻥ، ﭼﻮﻗﯘﻡ ﺑﯩﺮ-ﺑﯩﺮﯨﻨﻰ ﺷﻪﺭﺗﺴﯩﺰ ﻳﯚﻟﻪﭖ ﻣﯧﯖﯩﺸﻰ ﻛﯧﺮﻩﻛﻠﯩﻜﯩﻨﻰ ﺗﯧﺨﻰ ﺗﻮﻧﯘﭖ ﻳﻪﺗﻤﯩﮕﻪﻥ.

 ﻣﻪﻥ ﺑﯩﺮ ﺩﻭﺳﺘﯘﻣﺪﯨﻦ ﻣﯘﻧﺪﺍﻕ ﺑﯩﺮ ﻫﯧﻜﺎﻳﯩﻨﻰ ﺋﺎﯕﻠﯩﻐﺎﻥ. ﺋﯘﻧﯩﯔ ﺭﺍﺳﺖ-ﻳﺎﻟﻐﺎﻧﻠﯩﻘﯩﻨﻰ ﺑﯩﻠﻤﻪﻳﻤﻪﻥ، ﻟﯧﻜﯩﻦ، ﺋﯘ ﻫﺎﺯﯨﺮ ﺋﯘﻳﻐﯘﺭﻻﺭ ﺋﯩﭽﯩﺪﻩ ﺳﺎﻗﻠﯩﻨﯩﯟﺍﺗﻘﺎﻥ ﺑﯩﺮ ﮔﻪﯞﺩﯨﻠﯩﻚ ﻣﻪﺳﯩﻠﯩﻨﻰ ﻧﺎﻫﺎﻳﯩﺘﻰ ﺟﺎﻧﻠﯩﻖ ﭼﯜﺷﻪﻧﺪﯛﺭﯛﭖ ﺑﻪﺭﮔﻪﻥ. ﺋﯘ ﻫﯧﻜﺎﻳﯩﺪﻩ ﻣﯘﻧﺪﺍﻕ ﺩﯦﻴﯩﻠﮕﻪﻥ:

ﭼﯩﯔ ﺳﯘﻻﻟﯩﺴﻰ ﻣﻪﺯﮔﯩﻠﯩﺪﻩ، ﭼﯩﯔ ﺋﻪﺳﻜﻪﺭﻟﯩﺮﻯ ﺋﯘﻳﻐﯘﺭﻻﺭﻧﻰ ﺯﺍﺩﯨﻼ ﺑﯧﺴﯩﯟﺍﻻﻟﻤﺎﻱ، ﭘﺎﺩﯨﺸﺎﻫ ﺋﯚﺯﯨﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻟﯩﺮﯨﺪﯨﻦ ﺑﯩﺮ ﻗﺎﻧﭽﯩﻨﻰ ﺋﯘﻳﻐﯘﺭﻏﺎ ﺋﻮﺧﺸﯩﺘﯩﭗ ﻳﺎﺳﺎﭖ، ﺋﯘﻳﻐﯘﺭ ﺩﯨﻴﺎﺭﯨﻐﺎ ﻣﺎﯕﺪﯗﺭﯗﭘﺘﯘ. ﺋﯘﻻﺭ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻛﯧﻠﯩﭗ ﻗﺎﺭﯨﺴﺎ، ﻫﻪﻣﻤﻪ ﺋﺎﺩﻩﻡ ﺋﯩﻨﺘﺎﻳﯩﻦ ﻗﺎﯞﯗﻝ ﯞﻩ ﺟﻪﯕﮕﯩﯟﺍﺭ ﺑﻮﻟﯘﭖ، ﻛﯩﭽﯩﻚ ﺑﺎﻟﯩﻼﺭﻣﯘ ﺑﯩﺮ ﻳﺎﻏﺎﭼﻨﻰ ﺋﺎﺕ ﻗﯩﻠﯩﭗ ﻣﯩﻨﯩﭗ، ﻳﻪﻧﻪ ﺑﯩﺮ ﺗﺎﻳﺎﻗﻨﻰ ﻗﯧﻠﯩﭻ ﻗﯩﻠﯩﭗ، ﺋﯘﺭﯗﺵ ﻗﯩﻠﯩﺸﻨﻰ ﻣﻪﺷﻖ ﻗﯩﻠﯩﭗ ﺋﻮﻳﻨﺎﻳﺪﯨﻜﻪﻥ. ﺑﯘﻻﺭﻧﻰ ﻛﯚﺭﮔﻪﻥ ﭼﯩﯔ ﭘﺎﺩﯨﺸﺎﻫﯩﻨﯩﯔ ﺋﺎﺩﻩﻣﻠﯩﺮﻯ «ﺋﯘﻳﻐﯘﺭﻻﺭﻧﻰ ﺋﯘﺭﯗﺵ ﺑﯩﻠﻪﻥ ﻳﯧﯖﯩﺶ ﻣﯘﻣﻜﯩﻦ ﺋﻪﻣﻪﺱ ﺋﯩﻜﻪﻥ» ﺩﯦﮕﻪﻥ ﺧﯘﻻﺳﯩﮕﻪ ﻛﯧﻠﯩﭙﺘﯘ. ﺩﻩﻝ ﺷﯘ ﭼﺎﻏﺪﺍ ﺋﯘﻻﺭﻧﯩﯔ ﺑﯩﺮﻯ ﺑﯩﺮ ﻗﻮﻏﯘﻧﭽﻰ ﺋﯘﻳﻐﯘﺭﻧﯩﯔ ﻗﯧﺸﯩﻐﺎ ﺑﯧﺮﯨﭗ، ﺋﯘﻧﯩﯔ ﻗﻮﻏﯘﻧﻠﯩﺮﯨﻨﻰ ﻛﯚﺭﯛﭖ، ﺑﺎﻫﺎﺳﯩﻨﻰ ﺳﻮﺭﺍﭘﺘﯘ. ﺋﯘﻧﯩﯖﺪﯨﻦ ﻛﯧﻴﯩﻦ ﻣﯘﺷﯘ ﻗﻮﻏﯘﻧﭽﯩﻨﯩﯔ ﻳﯧﻨﯩﺪﯨﻜﻰ ﻳﻪﻧﻪ ﺑﯩﺮ ﻗﻮﻏﯘﻥ ﺩﯙﯞﯨﺴﯩﮕﻪ ﻗﺎﺭﺍﭖ ﻣﺎﯕﺴﺎ، ﺑﯘ ﻗﻮﻏﯘﻧﭽﻰ «ﺋﯘﻧﯩﯔ ﻗﻮﻏﯘﻧﯩﻨﻰ ﺋﺎﻟﻤﺎ. ﺋﯘﻧﯩﯔ ﻳﺎﺧﺸﻰ ﺋﻪﻣﻪﺱ. ﺳﯘﻧﻰ ﺟﯩﻖ ﻗﻮﻳﯘﭖ، ﭼﯩﺮﺍﻳﻠﯩﻖ ﻗﻮﻏﯘﻧﻼﺭﻧﻰ ﭼﯜﺷﯜﺭﮔﻪﻥ ﺑﯩﻠﻪﻥ، ﺋﯘﻧﯩﯔ ﻗﻮﻏﯘﻧﻰ ﺗﺎﺗﻠﯩﻖ ﺋﻪﻣﻪﺱ. ﻣﯧﻨﯩﯖﻜﻰ ﻛﯚﭖ ﻳﺎﺧﺸﻰ». ﺩﻩﭘﺘﯘ. ﺑﯘﻧﻰ ﻛﯚﺭﮔﻪﻥ ﭼﯩﯔ ﭘﺎﺩﯨﺸﺎﻫﯩﻨﯩﯔ ﺋﺎﺩﯨﻤﻰ «ﺋﯘﻳﻐﯘﺭﻻﺭﻧﻰ ﺋﯘﺭﯗﺵ ﺑﯩﻠﻪﻥ ﺋﻪﻣﻪﺱ، ﻫﯧﻠﻪ ﺑﯩﻠﻪﻥ، ﺑﯩﺮ-ﺑﯩﺮﯨﻨﻰ ﺋﯘﺭﯗﺷﻘﺎ ﺳﯧﻠﯩﭗ، ﺋﺎﺳﺎﻧﻼ ﻳﻪﯕﮕﯩﻠﻰ ﺑﻮﻟﯩﺪﯨﻜﻪﻥ. ﭼﯜﻧﻜﻰ ﺋﯘﻻﺭﺩﺍ ﺋﯚﺯ-ﺋﺎﺭﺍ ﻫﯧﭽﻘﺎﻧﺪﺍﻕ ﺳﺎﺩﺍﻗﻪﺗﻠﯩﻚ ﻳﻮﻕ ﺋﯩﻜﻪﻥ» ﺩﯦﮕﻪﻥ ﺧﯘﻻﺳﯩﮕﻪ ﻛﯧﻠﯩﭗ، ﻗﺎﻳﺘﯩﭗ ﻛﯧﺘﯩﭙﺘﯘ. ﺷﯘﻧﺪﺍﻗﻼ، ﺭﺍﺳﺘﺘﯩﻨﻼ ﻛﯧﻴﯩﻨﻠﯩﻜﺘﻪ ﻫﯧﻠﻪ-ﻣﯩﻜﯩﺮ ﺑﯩﻠﻪﻥ ﺋﯘﻳﻐﯘﺭﻻﺭﻧﻰ ﻳﯧﯖﯩﯟﺍﭘﺘﯘ.

ﻣﻪﻥ 1991-ﻳﯩﻠﻰ ﻳﯘﺭﺗﻘﺎ ﺑﯧﺮﯨﺶ ﺋﯜﭼﯜﻥ ﺑﯧﻴﺠﯩﯖﻐﺎ ﺑﯧﺮﯨﭗ، ﺷﯩﻨﺠﺎﯓ ﺋﯩﺶ ﺋﻮﺭﻧﯩﻐﺎ ﭼﯜﺷﻜﻪﻧﺪﻩ، ﺑﯩﺮ ﻗﯧﺘﯩﻢ ﮔﻪﻧﺠﻴﺎﻛﻮﻏﺎ ﭼﯜﺷﻠﯜﻙ ﺗﺎﻣﺎﻕ ﻳﯧﮕﯩﻠﻰ ﺑﺎﺭﺩﯨﻢ. ﻳﺎﺗﺎﻗﻘﺎ ﺋﻪﯓ ﻳﯧﻘﯩﻦ ﺑﯩﺮ ﺋﯘﻳﻐﯘﺭ ﺋﺎﺷﺨﺎﻧﯩﺴﯩﻐﺎ ﻛﯩﺮﯨﭗ، ﻳﯧﺮﯨﻢ ﺳﺎﺋﻪﺕ ﺳﺎﻗﻠﯩﺴﺎﻡ، ﺋﺎﺷﭙﻪﺯ ﺋﯘﺳﺘﺎﻡ ﻣﺎﯕﺎ ﺯﺍﺩﯨﻼ ﺗﺎﻣﺎﻕ ﻛﻪﻟﺘﯜﺭﻣﯩﺪﻯ. ﻣﻪﻧﺪﯨﻦ ﻛﯧﻴﯩﻦ ﻛﯩﺮﮔﻪﻥ ﺧﻪﻧﺰﯗﻻﺭﺩﯨﻦ ﻧﻪﭼﭽﻪ ﮔﯘﺭﯗﭘﭙﺎ ﻛﯩﺸﯩﻠﻪﺭﮔﻪ ﺗﺎﻣﺎﻕ ﻛﻪﻟﺘﯜﺭﯛﭖ ﺑﻮﻟﺪﻯ. ﻣﯧﻨﯩﯔ ﻗﻮﺭﺳﯩﻘﯩﻢ ﺑﻪﻙ ﺋﯧﭽﯩﭗ ﻛﯧﺘﯩﭗ ﻫﻪﻡ ﺑﯘ ﺋﯩﺸﻼﺭﻏﺎ ﻗﻮﺭﺳﯩﻘﯩﻢ ﻛﯚﭘﯜﭖ، ﺋﺎﺷﭙﻪﺯ ﺋﯘﺳﺘﺎﻣﺪﯨﻦ ﻧﯧﻤﯩﺸﻘﺎ ﻣﻪﻧﺪﯨﻦ ﻛﯧﻴﯩﻦ ﻛﻪﻟﮕﻪﻧﻠﻪﺭﮔﻪ ﻣﻪﻧﺪﯨﻦ ﺑﯘﺭﯗﻥ ﺗﺎﻣﺎﻕ ﺑﯧﺮﯨﺪﯨﻐﺎﻧﻠﯩﻘﯩﻨﻰ ﺳﻮﺭﯨﺴﺎﻡ، ﺋﯘ ﻛﯩﺸﻰ «ﺋﯘﻛﺎﻡ، ﺳﯩﺰ ﺗﺎﻣﺎﻗﺘﯩﻦ ﺋﺎﺭﺍﻥ ﺑﯩﺮ ﻛﯩﺸﯩﻠﯩﻚ ﺑﯘﻳﺮﯗﺗﯩﺪﯨﻜﻪﻧﺴﯩﺰ. ﻣﺎﯞﯗﻻﺭ ﺩﯦﮕﻪﻥ ﺑﯩﺮ ﻗﯧﺘﯩﻤﺪﯨﻼ 40-50 ﻛﻮﻳﻠﯘﻕ ﺗﺎﻣﺎﻕ ﺑﯘﻳﺮﯗﻳﺪﯗ. ﺷﯘﯕﺎ ﺋﺎﻟﺪﻯ ﺑﯩﻠﻪﻥ ﺷﯘﻻﺭﻧﻰ ﻛﯜﺗﻤﯩﺴﻪﻙ ﺑﻮﻟﻤﺎﻳﺪﯗ. ﻳﻪﻧﻪ ﺳﻪﻝ ﺳﺎﻗﻼﭖ ﺗﯘﺭﯗﯓ» ﺩﯦﺪﻯ. ﻣﯧﻨﯩﯔ ﻏﻪﺯﻩﭖ ﺋﺎﭼﭽﯩﻘﯩﻢ ﻛﯧﻠﯩﭗ، ﺑﯘ ﺋﺎﺷﺨﺎﻧﯩﺪﯨﻦ ﭼﯩﻘﯩﭗ ﻛﻪﺗﺘﯩﻢ. ﻳﻪﻧﻪ ﺑﯩﺮ ﺋﺎﺷﺨﺎﻧﯩﻐﺎ ﺑﯧﺮﯨﭗ، ﺋﯘ ﻳﻪﺭﺩﻩ ﻳﻪﻧﻪ ﺑﯩﺮ ﺋﺎﺯ ﺳﺎﻗﻼﭖ، ﺋﺎﺭﺍﻥ ﺗﺎﻣﺎﻕ ﺋﯧﻠﯩﭗ، ﺑﯩﺮ ﯞﺍﻕ ﻗﻮﺭﺳﯩﻘﯩﻤﻨﻰ ﺗﻮﻳﻐﯘﺯﺩﯗﻡ. ﻳﻪﻫﯘﺩﯨﻴﻼﺭ ﺋﺎﺭﯨﺴﯩﺪﺍ ﺑﯘﻧﺪﺍﻕ ﺋﻪﻫﯟﺍﻟﻨﻰ ﺗﻪﺳﻪﯞﯞﯗﺭ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﻣﻪﻥ ﺋﺎﻟﺪﯨﻨﻘﻰ ﺑﯩﺮ ﺑﯚﻟﯜﻣﺪﻩ، ﻳﻪﻫﯘﺩﯨﻴﻼﺭﻧﯩﯔ «ﻳﺎﺷﺎﺵ ﻳﻮﻟﻰ» ﻧﻰ ﺧﯘﻻﺳﯩﻠﯩﮕﻪﻧﺪﻩ، «ﺑﯩﺮ-ﺑﯩﺮﯨﻨﻰ ﺷﻪﺭﺗﺴﯩﺰ ﻳﯚﻟﻪﻳﺪﯗ» ﺩﯦﮕﻪﻧﯩﺪﯨﻢ. ﺑﯘﻧﯩﯔ ﻣﻪﻧﯩﺴﯩﻨﯩﯔ ﻧﯧﻤﻪ ﺋﯩﻜﻪﻧﻠﯩﻜﯩﻨﻰ ﺑﯩﻠﻪﻣﺴﯩﺰ؟ ﺋﺎﻣﯧﺮﯨﻜﺎ ﻧﯩﻴﯘ-ﻳﻮﺭﻙ ﺷﻪﻫﯩﺮﯨﻨﯩﯔ ﻣﺎﻧﺨﺎﺗﺘﻮﻥ ﺩﯦﮕﻪﻥ ﺭﺍﻳﻮﻧﯩﺪﺍ ﻳﻪﻫﯘﺩﯨﻴﻼﺭ ﺋﯩﻨﺘﺎﻳﯩﻦ ﻛﯚﭖ ﺋﻮﻟﺘﯘﺭﺍﻗﻼﺷﻘﺎﻥ ﺑﻮﻟﯘﭖ، ﺋﯘﻻﺭ ﺑﯩﺮ ﻧﻪﺭﺳﻪ ﺋﺎﻟﻤﺎﻗﭽﻰ ﺑﻮﻟﺴﺎ، ﭘﻪﻗﻪﺕ ﻳﻪﻫﯘﺩﯨﻴﻼﺭﻧﯩﯔ ﺩﯗﻛﯩﻨﯩﺪﯨﻨﻼ ﺋﺎﻟﯩﺪﯨﻜﻪﻥ. ﻣﯧﻨﯩﯔ ﺋﺎﯕﻠﯩﺸﯩﻤﭽﻪ، ﻳﻪﻫﯘﺩﯨﻴﻼﺭﻧﯩﯔ ﻣﺎﻟﻠﯩﺮﻯ ﺑﺎﺷﻘﺎ ﻳﻪﺭﺩﯨﻦ ﻗﯩﻤﻤﻪﺕ ﻫﻪﻣﺪﻩ ﺑﺎﺷﻘﺎ ﺩﯗﻛﺎﻧﻼﺭﺩﺍ ﻳﻮﻕ ﺑﯩﺮ ﺧﯩﻞ ﺋﺎﻻﻫﯩﺪﻩ ﺑﺎﺝ ﭘﯘﻟﯩﻤﯘ ﺑﺎﺭ ﺋﯩﻜﻪﻥ. ﺑﻪﺯﻯ ﻳﻪﻫﯘﺩﯨﻴﻼﺭﻧﯩﯔ ﺋﯚﻳﯩﻨﯩﯔ ﻳﯧﻨﯩﺪﯨﻼ ﺑﺎﺷﻘﺎ ﺩﯗﻛﺎﻧﻼﺭ ﺑﺎﺭ ﺑﻮﻟﯘﭖ، ﻳﻪﻫﯘﺩﯨﻴﻨﯩﯔ ﺩﯗﻛﯩﻨﻰ ﻧﻪﭼﭽﻪ ﻛﯩﻠﻮﻣﯧﺘﺮ ﻳﯩﺮﺍﻗﻠﯩﻘﺘﺎ ﺑﻮﻟﺴﯩﻤﯘ، ﻳﻪﻫﯘﺩﯨﻴﻼﺭ ﺋﺎﺷﯘ ﻳﯩﺮﺍﻕ ﻳﻪﺭﮔﻪ ﺋﯧﺮﯨﻨﻤﻪﻱ ﺑﯧﺮﯨﭗ، ﻧﻪﺭﺳﻪ-ﻛﯧﺮﻩﻛﻨﻰ ﺷﯘ ﻳﻪﺭﺩﯨﻦ ﺋﺎﻟﯩﺪﯨﻜﻪﻥ. ﺑﯩﺰ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪﺩﻩ ﺗﯘﺭﯗﯞﺍﺗﻘﺎﻥ ﯞﺍﻗﺘﯩﻤﯩﺰﺩﺍ، ﺗﺎﻟﻠﯩﻐﺎﻥ ﺋﺎﺋﯩﻠﻪ ﺩﻭﺧﺘﯘﺭﯨﻤﯩﺰ ﺑﯩﺮ ﻳﻪﻫﯘﺩﯨﻲ ﺩﻭﺧﺘﯘﺭ ﺋﯩﻜﻪﻥ. ﻛﯧﻴﯩﻦ ﺋﯘ ﺑﯩﺰﻧﻰ ﺑﻪﻝ ﺋﺎﻏﺮﯨﻘﻰ ﺩﻭﺧﺘﯘﺭﻯ، ﻛﯚﺯ ﺩﻭﺧﺘﯘﺭﻯ ﯞﻩ ﺑﺎﻟﯩﻼﺭ ﺩﻭﺧﺘﯘﺭﻯ ﻗﺎﺗﺎﺭﻟﯩﻖ ﺑﺎﺷﻘﺎ ﺩﻭﺧﺘﯘﺭﻏﺎ ﻣﺎﯕﺪﯗﺭﻏﺎﻧﺪﺍ، ﺋﯚﺯ ﺷﻪﻫﯩﺮﯨﻤﯩﺰﺩﯨﻜﻰ ﺩﻭﺧﺘﯘﺭﻧﻰ ﻛﻮﺭﺳﯩﺘﯩﭗ ﺑﻪﺭﻣﻪﻱ، ﻧﻪﭼﭽﻪ ﺷﻪﻫﻪﺭ ﻳﯩﺮﺍﻗﻠﯩﻘﺘﯩﻜﻰ ﺩﻭﺧﺘﯘﺭﻻﺭﻧﻰ ﻛﯚﺭﺳﯩﺘﯩﭗ ﺑﻪﺭﺩﻯ. ﺑﯩﺰ ﺩﻩﺳﻠﻪﭘﺘﻪ ﺑﯘﻧﯩﯔ ﻧﯧﻤﯩﺸﻘﯩﻠﯩﻘﯩﻨﻰ ﺑﯩﻠﻤﻪﭘﺘﯩﻤﯩﺰ. ﻛﯧﻴﯩﻦ ﺋﯘﻗﺴﺎﻕ، ﺑﯩﺰﻧﻰ ﺩﺍﯞﺍﻟﯩﻐﺎﻥ ﺑﯘ ﺩﻭﺧﺘﯘﺭﻻﺭﻧﯩﯔ ﻫﻪﻣﻤﯩﺴﻰ ﻳﻪﻫﯘﺩﯨﻲ ﺋﯩﻜﻪﻥ. «ﺑﯩﺮ-ﺑﯩﺮﯨﻨﻰ ﺷﻪﺭﺗﺴﯩﺰ ﻳﯚﻟﻪﺵ» ﺩﯦﮕﻪﻥ ﻣﺎﻧﺎ ﺷﯘ. ﺑﯘﻻﺭ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ، ﺋﯚﺯﯨﻨﯩﯔ ﺋﺎﺯﺭﺍﻕ ﻣﺎﺩﺩﯨﻲ ﻣﻪﻧﭙﻪﺋﻪﺗﯩﻨﻰ ﺩﻩﭖ، ﺋﯚﺯ ﻣﯩﻠﻠﯩﺘﯩﮕﻪ ﺯﯨﻴﺎﻥ ﺳﺎﻟﯩﺪﯨﻐﺎﻥ، ﺋﯚﺯ ﻣﯩﻠﻠﯩﺘﯩﻨﻰ ﺧﺎﺭﻻﻳﺪﯨﻐﺎﻥ، ﺋﯚﺯ ﻣﯩﻠﻠﯩﺘﯩﺪﯨﻦ ﻳﯜﺯ ﺋﯚﺭﯛﻳﺪﯨﻐﺎﻥ ﺋﯘﻳﻐﯘﺭﻻﺭﻧﻰ ﺑﯩﺰ ﻧﯧﻤﻪ ﺩﻩﭖ ﺋﺎﺗﯩﺴﺎﻕ ﺑﻮﻟﯩﺪﯗ؟ ﻣﻪﻥ ﺋﯘﻧﻰ ﺑﯩﻠﻤﻪﻳﻤﻪﻥ. ﻣﯧﻨﯩﯖﭽﻪ، ﻛﯚﭖ ﺳﺎﻧﻠﯩﻖ ﺋﯘﻳﻐﯘﺭﻻﺭ «ﻣﯩﻠﻠﻪﺕ»ﻧﯩﯔ ﻣﻪﻧﭙﻪﺋﻪﺗﯩﻨﻰ ﺋﯚﺯﯨﻨﯩﯔ ﺷﻪﺧﺴﯩﻲ ﻣﻪﻧﭙﻪﺋﻪﺗﯩﺪﯨﻦ ﻳﺎﻟﻐﯘﺯ ﺋﯧﻐﯩﺰﺩﯨﻼ ﺋﻪﻣﻪﺱ، ﺋﻪﻣﻪﻟﯩﻴﻪﺗﺘﯩﻤﯘ ﺋﯜﺳﺘﯜﻥ ﻗﻮﻳﯘﭖ، ﻗﯩﻠﻐﺎﻥ ﻫﻪﺭ ﺑﯩﺮ ﺋﯩﺸﯩﺪﺍ ﺋﺎﯕﻠﯩﻖ ﻫﺎﻟﺪﺍ ﺋﯚﺯ-ﺋﺎﺭﺍ ﺑﯩﺮ-ﺑﯩﺮﯨﻨﻰ ﻳﯚﻟﯩﺸﯩﺪﯨﻐﺎﻥ ﺑﯩﺮ ﯞﻩﺯﯨﻴﻪﺗﻨﻰ ﺷﻪﻛﯩﻠﻠﻪﻧﺪﯛﺭﮔﻪﻧﺪﯨﻼ، ﺋﯘﻳﻐﯘﺭﻧﯩﯔ ﻛﯜﻧﻰ ﻫﺎﺯﯨﺮﻗﯩﺪﯨﻦ ﻛﯚﭖ ﻳﺎﺧﺸﯩﻠﯩﻨﯩﺸﻘﺎ ﻗﺎﺭﺍﭖ ﻣﯧﯖﯩﺸﻰ ﻣﯘﻣﻜﯩﻦ.

ﻫﺎﺯﯨﺮ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﺩﻩ ﺧﻪﻧﺰﯗ ﺗﯩﻠﯩﺪﺍ ﺋﻮﻗﯘﺗﯘﺷﻨﻰ ﺋﻮﻣﯘﻣﻼﺷﺘﯘﺭﯗﺵ ﺋﯩﺸﻠﯩﺮﻯ ﻧﺎﻫﺎﻳﯩﺘﻰ ﭼﯩﯔ ﺗﯘﺗﯘﻟﯩﯟﯦﺘﯩﭙﺘﯘ. ﺑﯘ ﺋﯩﺶ ﺋﻪﻣﻪﻟﮕﻪ ﺋﺎﺷﻘﺎﻧﺪﯨﻦ ﻛﯧﻴﯩﻦ، ﺧﻪﻧﺰﯗ ﺗﯩﻠﯩﺪﺍ ﺋﻮﻗﯘﻏﺎﻥ ﻳﺎﺵ-ﺋﯚﺳﻤﯜﺭﻟﻪﺭ ﺑﺎﺭﺍ-ﺑﺎﺭﺍ ﺋﯘﻳﻐﯘﺭ ﺗﯩﻠﯩﺪﺍ ﻳﯧﺰﯨﻠﻐﺎﻥ ﻛﯩﺘﺎﺑﻼﺭﻧﻰ ﺋﻮﻗﯘﻣﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. ﺋﯘ ﭼﺎﻏﺪﺍ ﺗﻪﺑﺒﯩﺌﻰ ﭘﻪﻥ ﺋﯜﭼﯜﻥ ﭘﯜﺗﯜﻧﻠﻪﻱ ﺧﻪﻧﺰﯗﭼﻪ ﻛﯩﺘﺎﺑﻼﺭﻧﻰ ﻗﻮﻟﻠﯩﻨﯩﺪﯨﻐﺎﻥ ﺑﻮﻟﯘﭖ، ﺋﻪﮔﻪﺭ ﺋﯩﺠﺘﯩﻤﺎﺋﯩﻲ ﭘﻪﻥ ﯞﻩ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻐﺎ ﺋﺎﺋﯩﺖ ﻛﯩﺘﺎﺑﻼﺭﻣﯘ ﺋﺎﻧﭽﻪ ﺋﻮﻗﯘﻟﻤﺎﻳﺪﯨﻐﺎﻥ ﺑﯩﺮ ﻫﺎﻟﻪﺕ ﺷﻪﻛﯩﻠﻠﻪﻧﺴﻪ، ﺋﯘﻳﻐﯘﺭ ﻣﯩﻠﻠﯩﻲ ﻧﻪﺷﺮﯨﻴﺎﺗﭽﯩﻠﯩﻘﻰ ﺋﯩﻨﺘﺎﻳﯩﻦ ﺋﯧﻐﯩﺮ ﺗﻪﻫﺪﯨﺪﻛﻪ ﺋﯘﭼﺮﯨﺸﻰ ﻣﯘﻣﻜﯩﻦ. ﺋﻪﮔﻪﺭ ﺋﯘﻳﻐﯘﺭ ﻣﯩﻠﻠﯩﻲ ﻧﻪﺷﯩﺮﻳﺎﺗﭽﯩﻠﯩﻘﻰ ﯞﻩﻳﺮﺍﻥ ﺑﻮﻟﺴﺎ، ﺷﯧﺌﯩﺮ، ﻫﯧﻜﺎﻳﻪ، ﺭﻭﻣﺎﻥ ﻗﺎﺗﺎﺭﻟﯩﻖ ﺋﯘﻳﻐﯘﺭ ﺋﻪﺩﻩﺑﯩﻲ ﺋﻪﺳﻪﺭﻟﯩﺮﯨﻨﻰ ﺑﺎﺷﻘﺎ ﺗﯩﻠﺪﺍ ﻳﺎﺯﻏﯩﻠﻰ ﺑﻮﻟﻤﯩﻐﺎﭼﻘﺎ، ﺋﯘﻳﻐﯘﺭ ﺋﻪﺩﻩﺑﯩﻴﺎﺗﯩﻤﯘ ﺑﯩﺮ ﺋﯧﭽﯩﻨﯩﺸﻠﯩﻖ ﺗﻪﻗﺪﯨﺮﮔﻪ ﺩﯗﭺ ﻛﯧﻠﯩﺸﻰ ﻣﯘﻣﻜﯩﻦ. ﺋﻪﻣﻤﺎ، ﺋﺎﺷﯘﻧﺪﺍﻕ ﺑﯩﺮ ﺷﺎﺭﺍﺋﯩﺘﺘﺎ، ﺋﻪﮔﻪﺭ ﺑﯩﺮ ﻣﯩﻠﻴﻮﻥ ﺋﯘﻳﻐﯘﺭ ﺋﺎﺋﯩﻠﯩﺴﻰ ﻫﻪﺭ ﻳﯩﻠﻰ ﺑﯩﺮ-ﺋﯩﻜﻜﻰ ﻣﯩﻬﻤﺎﻧﺪﺍﺭﭼﯩﻠﯩﻘﺘﯩﻦ ﯞﺍﺯ ﻛﯧﭽﯩﭗ، ﺑﯩﺮ ﻳﯩﻠﺪﺍ 100 ﺳﻮﻡ ﭘﯘﻟﻨﻰ ﺋﯘﻳﻐﯘﺭ ﺗﯩﻠﯩﺪﯨﻜﻰ ﻛﯩﺘﺎﺑﻼﺭﻧﻰ ﺳﯧﺘﯩﯟﯦﻠﯩﺸﻘﺎ ﺧﻪﺟﻠﯩﺴﻪ، ﺋﯘﻳﻐﯘﺭ ﻣﯩﻠﻠﯩﻲ ﻧﻪﺷﺮﯨﻴﺎﺗﭽﯩﻠﯩﻘﯩﻨﻰ، ﺷﯘﻧﯩﯔ ﺑﯩﻠﻪﻥ ﺑﯩﺮﻟﯩﻜﺘﻪ ﺋﯘﻳﻐﯘﺭ ﺋﻪﺩﻩﺑﯩﻴﺎﺗﻰ ﯞﻩ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﯩﻤﯘ ﻳﻪﻧﻪ ﺑﯩﺮ ﻣﻪﺯﮔﯩﻞ ﻗﻮﻏﺪﺍﭖ ﻗﯧﻠﯩﺶ ﻣﯘﻣﻜﯩﻦ. ﻣﯘﺷﯘ ﺋﯩﺸﻨﻰ ﺑﯩﺰ ﺋﯘﻳﻐﯘﺭﻻﺭ ﻗﯩﻼﻻﺭﻣﯩﺰﻣﯘ؟

ﺑﺎﺵ ﺑﻪﺗﻜﻪ ﻗﺎﻳﺘﯩﺶ