|
12-ﺑﯚﻟﯜﻡ
19- ﺳﻮﺋﺎﻝ: ﺑﯩﺰﻧﯩﯔ ﻫﺎﺯﯨﺮﭼﻪ ﺳﯩﺰﺩﯨﻦ ﺳﻮﺭﺍﻳﺪﯨﻐﺎﻥ ﺳﻮﺋﺎﻟﻠﯩﺮﯨﻤﯩﺰ ﻳﯘﻗﯩﺮﯨﻘﯩﻼﺭ
ﺑﯩﻠﻪﻥ ﺋﺎﺧﯩﺮﻻﺷﺘﻰ. ﺳﯩﺰﻧﯩﯔ ﺋﻪﯓ ﺋﺎﺧﯩﺮﯨﺪﺍ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ
ﯞﻩﺗﻪﻧﺪﺍﺷﻼﺭﻏﺎ ﺩﻩﻳﺪﯨﻐﺎﻥ ﻳﻪﻧﻪ ﻗﺎﻧﺪﺍﻕ ﺳﯚﺯﻟﯩﺮﯨﯖﯩﺰ ﺑﺎﺭ؟
ﺟﺎﯞﺍﺏ: 1976-ﻳﯩﻠﻰ 7-ﺋﺎﻳﺪﺍ، ﻣﻪﻥ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ ﻛﯜﻧﯩﻼ
ﺗﯩﺮﺍﻛﺘﻮﺭ ﯞﺍﮔﻮﻧﯩﺪﺍ ﺋﻮﻟﺘﯘﺭﯗﭖ، ﻳﻮﺗﻘﺎﻥ-ﻛﯚﺭﭘﯩﻠﯩﺮﯨﻢ ﺑﯩﻠﻪﻥ ﺑﯩﺮ ﻛﻪﺗﻤﻪﻧﻨﻰ
ﻛﯚﺗﯜﺭﯛﭖ، ﻳﯧﺰﯨﻐﺎ ﻗﺎﻳﺘﺎ ﺗﻪﺭﺑﯩﻴﻪ ﺋﯧﻠﯩﺸﻘﺎ ﻣﺎﯕﻐﺎﻧﺪﺍ، ﻣﯧﻨﯩﯔ ﻛﯚﺯ ﺋﺎﻟﺪﯨﻤﺪﺍ
ﻫﯧﭻ ﻗﺎﻧﺪﺍﻕ ﻧﯘﺭ ﻛﯚﺭﯛﻧﻤﯩﮕﻪﻧﯩﺪﻯ. ﻣﻪﻥ ﺋﯜﭼﯜﻥ ﺋﯩﺴﺘﯩﻘﺒﺎﻝ ﺩﯦﮕﻪﻥ ﺑﯩﺮ ﻗﺎﭘﻘﺎﺭﺍ
ﺋﯚﯕﻜﯜﺭﺩﯨﻦ ﺋﯩﺒﺎﺭﻩﺕ ﺋﯩﺪﻯ. ﺋﯩﭽﯩﻤﺪﻩ «ﻣﻪﻥ ﻗﺎﭼﺎﻧﻤﯘ ﺑﯩﺮ ﺋﯧﻴﯩﻐﺎ 25 ﺳﻮﻡ ﻣﺎﺋﺎﺵ
ﺑﯧﺮﯨﺪﯨﻐﺎﻥ ﺑﯩﺮ ﺋﯩﺸﭽﯩﻠﯩﻖ ﻳﺎﻛﻰ ﺑﺎﺷﻘﺎ ﺧﯩﺰﻣﻪﺗﻜﻪ ﺋﯧﺮﯨﺸﻪﻟﻪﺭﻣﻪﻥ؟» ﺩﻩﭖ
ﺋﻮﻳﻼﻳﺘﺘﯩﻢ. ﯞﻩﺗﻪﻧﺪﯨﻜﻰ ﻧﯘﺭﻏﯘﻥ ﻳﺎﺷﻠﯩﺮﯨﻤﯩﺰ ﻫﺎﺯﯨﺮ ﺩﻩﻝ ﺋﺎﺷﯘﻧﺪﺍﻕ ﺑﯩﺮ
ﺋﻪﻫﯟﺍﻟﻐﺎ ﺩﯗﭺ ﻛﯧﻠﯩﭗ، ﺋﻮﺗﺘﯘﺭﺍ ﻣﻪﻛﺘﻪﭖ ﻫﻪﺗﺘﺎ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﺷﯩﻨﻰ ﺑﯩﺮ
ﺧﯩﻞ ﻛﯚﯞﺭﯛﻛﺘﯩﻦ ﺋﯚﺗﯜﺵ ﺋﯩﺸﻰ ﻗﯩﻠﯩﯟﯦﻠﯩﺸﻘﺎ ﻳﯜﺯﻟﻪﻧﮕﯩﻠﻰ ﺗﯘﺭﻏﺎﻧﺪﻩﻙ ﻗﯩﻠﯩﺪﯗ.
ﻣﻪﻥ ﺑﯘ ﺋﯩﺸﻼﺭ ﺗﻮﻏﺮﯨﺴﯩﺪﺍ ﻛﯚﭖ ﺋﻮﻳﻠﯩﻨﯩﭗ، ﺋﯘﻻﺭﻏﺎ ﺋﯩﻨﺘﺎﻳﯩﻦ ﺋﯩﭻ
ﺋﺎﻏﺮﯨﺘﺘﯩﻢ. ﻣﯧﻨﯩﯔ ﻛﯚﯕﻠﯜﻡ ﺋﯘﻻﺭﻏﺎ ﻧﯩﺴﺒﻪﺗﻪﻥ ﭼﻮﯕﻘﯘﺭ ﻫﯧﺴﺪﺍﺷﻠﯩﻖ ﺗﯘﻳﻐﯘﺳﻰ
ﺑﯩﻠﻪﻥ ﺗﻮﻟﺪﻯ. ﻣﻪﻥ ﺋﺎﺯﺍﺑﻠﯩﻨﯩﺶ ﺋﯩﭽﯩﺪﻩ ﺋﯘﻻﺭﻏﺎ ﺑﯩﺮﻩﺭ ﺋﯩﺶ ﻗﯩﻠﯩﭗ ﺑﯧﺮﯨﺸﻜﻪ
ﻳﻮﻝ ﺗﺎﭘﺎﻟﻤﺎﻱ ﺗﯘﺭﻏﺎﻥ ﺑﯩﺮ ﯞﺍﻗﯩﺘﺘﺎ، ﺑﯩﻠﯩﯟﺍﻝ ﺗﻮﺭ ﺑﯧﻜﯩﺘﯩﻨﯩﯔ ﻗﯘﺭﻏﯘﭼﯩﺴﻰ
ﻗﯘﺭﺑﺎﻧﺠﺎﻥ ﺭﻭﺯﻯ ﺋﻪﭘﻪﻧﺪﯨﻢ ﺑﯩﻠﻪﻥ ﺋﯘﻧﯩﯔ ﻳﺎﺭﺩﻩﻣﭽﯩﺴﻰ «ﻣﯘﺧﺒﯩﺮ» ﺋﻪﭘﻪﻧﺪﯨﻢ
ﺋﯘﺷﺒﯘ ﺳﯚﻫﺒﻪﺗﻨﻰ ﺋﯧﻠﯩﭗ ﺑﯧﺮﯨﺸﻨﻰ ﻣﺎﯕﺎ ﺗﻪﻛﻠﯩﭗ ﻗﯩﻠﺪﻯ. ﻣﻪﻥ ﺋﯘﻻﺭﻧﯩﯔ
ﺗﻪﻛﻠﯩﭙﯩﮕﻪ ﺧﯘﺷﺎﻟﻠﯩﻖ ﺑﯩﻠﻪﻥ ﻗﻮﺷﯘﻟﺪﯗﻡ. ﺑﯩﺰ ﺑﯘ ﺳﯚﻫﺒﻪﺗﻨﻰ ﺑﺎﺷﻠﯩﻐﺎﻥ 3 ﺋﺎﻱ
ﺋﻪﺗﺮﺍﭘﺪﯨﻜﻰ ﯞﺍﻗﯩﺖ ﺟﻪﺭﻳﺎﻧﯩﺪﺍ، ﻗﯘﺭﺑﺎﻧﺠﺎﻥ ﺑﯩﻠﻪﻥ «ﻣﯘﺧﺒﯩﺮ» ﺋﻪﭘﻪﻧﺪﯨﻠﻪﺭ
ﺋﯚﺯﻟﯩﺮﯨﻨﯩﯔ ﻗﺎﻧﭽﯩﻠﯩﻚ ﺋﺎﻟﺪﯨﺮﺍﺷﻠﯩﻘﯩﻐﺎ ﻗﺎﺭﯨﻤﺎﻱ، ﺑﯘ ﺋﯩﺶ ﺋﯜﭼﯜﻥ ﻧﯘﺭﻏﯘﻥ
ﯞﺍﻗﯩﺖ ﯞﻩ ﻛﯜﭺ ﺳﻪﺭﭖ ﻗﯩﻠﺪﻯ. ﻣﯧﻨﯩﯔ ﻳﺎﺯﻣﺎﻣﻨﻰ ﺗﻪﻫﺮﯨﺮﻟﻪﭖ، ﺋﯘﻧﻰ ﺋﯚﺯ ﯞﺍﻗﺘﯩﺪﺍ
ﺋﻮﻗﯘﺭﻣﻪﻧﻠﻪﺭ ﺑﯩﻠﻪﻥ ﻳﯜﺯ ﻛﯚﺭﯛﺷﺘﯜﺭﯛﺵ ﺋﯜﭼﯜﻥ، ﺋﯘﻻﺭ ﻛﯧﭽﻪ ﺳﺎﺋﻪﺕ 2 ﮔﯩﭽﻪ
ﺋﯩﺸﻠﯩﮕﻪﻥ ﯞﺍﻗﯩﺘﻼﺭ ﺋﺎﺯ ﺋﻪﻣﻪﺱ. ﻣﻪﻥ ﻣﯘﺷﯘ ﭘﯘﺭﺳﻪﺗﺘﯩﻦ ﭘﺎﻳﺪﯨﻠﯩﻨﯩﭗ،
ﻗﯘﺭﺑﺎﻧﺠﺎﻥ ﺭﻭﺯﻯ ﺋﻪﭘﻪﻧﺪﯨﻢ ﺑﯩﻠﻪﻥ «ﻣﯘﺧﺒﯩﺮ» ﺋﻪﭘﻪﻧﺪﯨﻤﮕﻪ ﭼﯩﻦ ﻛﯚﯕﻠﯜﻣﺪﯨﻦ
ﺭﻩﻫﻤﻪﺕ ﺋﯧﻴﺘﯩﻤﻪﻥ. ﺑﯘ ﺋﯩﻜﻜﻰ ﺋﻮﺕ ﻳﯜﺭﻩﻙ ﻗﯧﺮﯨﻨﺪﯨﺸﯩﻤﯩﺰﺩﯨﻦ ﺑﺎﺷﻘﺎ، ﺑﯩﻠﯩﻚ ﺗﻮﺭ
ﺑﯧﺘﯩﻨﯩﯔ ﺑﺎﺷﻘﯘﺭﻏﯘﭼﯩﺴﻰ ﺋﻪﻟﻴﺎﺭ ﺋﻪﭘﻪﻧﺪﯨﻢ ﺑﯘ ﺳﯚﻫﺒﻪﺗﻨﻰ ﺋﻪﯓ ﺩﻩﺳﻠﯩﭙﯩﺪﯨﻦ
ﺗﺎﺭﺗﯩﭙﻼ ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﻰ (ULY)
ﺩﯨﻦ ﺋﯘﻳﻐﯘﺭ ﺋﻪﺭﻩﭘﭽﻪ ﻳﯧﺰﯨﻘﻰ (UEY)
ﻏﺎ ﺋﯚﺯﮔﻪﺭﺗﯩﭗ، ﺋﯘﻧﻰ ﺑﯩﻠﯩﻚ ﺗﻮﺭ ﺑﯧﺘﯩﮕﻪ ﻗﻮﻳﯘﭖ،
ULY
ﻧﻰ ﺑﯩﻠﻤﻪﻳﺪﯨﻐﺎﻥ ﺋﻮﻗﯘﺭﻣﻪﻧﻠﻪﺭﻧﯩﯔ ﺑﯘ ﺳﯚﻫﺒﻪﺕ ﺧﺎﺗﯩﺮﯨﺴﯩﺪﯨﻦ ﭘﺎﻳﺪﯨﻠﯩﻨﯩﺸﯩﻐﺎ
ﺋﻮﯕﺎﻳﻠﯩﻖ ﺗﯘﻏﺪﯗﺭﯗﭖ ﺑﯧﺮﯨﭗ ﻛﯧﻠﯩﯟﺍﺗﯩﺪﯗ. ﺑﯘ ﻳﻪﺭﺩﻩ ﻣﻪﻥ ﺋﻪﻟﻴﺎﺭ ﺋﻪﭘﻪﻧﺪﯨﻤﮕﯩﻤﯘ
ﭼﯩﻦ ﻛﯚﯕﻠﯜﻣﺪﯨﻦ ﺭﻩﻫﻤﻪﺕ ﺋﯧﻴﺘﯩﻤﻪﻥ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ، ﻣﻪﻳﯩﻦ ﺷﺎﻣﺎﻝ،
ﻧﻪﯞﺭﯛﺯ ﯞﻩ ﺷﻪﻫﺮﯨﺰﺍﺕ، ﺋﯩﺰﺩﯨﻴﺎﺭﻯ ﯞﻩ ﺑﺎﺷﻘﺎ ﺑﯩﺮ ﻗﯩﺴﯩﻢ ﺗﻮﺭ ﺑﻪﺗﻠﯩﺮﻯ ﺑﯘ
ﻗﯧﺘﯩﻤﻘﻰ ﺳﯚﻫﺒﻪﺗﻨﻰ ﻫﻪﻣﺪﻩ ﻣﻪﻥ ﻳﯘﺭﺗﯩﻤﯩﺰﺩﯨﻜﻰ ﺋﯘﻳﻐﯘﺭ ﻳﺎﺷﻠﯩﺮﻯ ﺋﯜﭼﯜﻥ
ﺗﻪﻳﻴﺎﺭﻟﯩﻐﺎﻥ
http://www.meripet.com
ﺩﯦﮕﻪﻥ ﺗﻮﺭ ﺑﯧﺘﯩﻨﻰ ﺗﻪﺷﯟﯨﻖ ﻗﯩﻠﯩﺶ ﻳﻮﻟﯩﺪﺍ ﺋﯩﺰﭼﯩﻞ ﺗﯜﺭﺩﻩ ﻛﯜﭺ ﭼﯩﻘﯩﺮﯨﭗ
ﻛﯧﻠﯩﯟﺍﺗﯩﺪﯗ. ﻣﻪﻳﯩﻦ ﺷﺎﻣﺎﻝ ﺗﻮﺭ ﺑﯧﺘﻰ ﻣﯧﻨﻰ ﺋﯚﺯﻟﯩﺮﯨﻨﯩﯔ ﺋﺎﯞﺍﺯﻟﯩﻖ
ﭼﺎﻳﺨﺎﻧﯩﺴﯩﻐﺎ 2 ﻗﯧﺘﯩﻢ ﺗﻪﻛﻠﯩﭗ ﻗﯩﻠﯩﭗ، ﻣﯧﻨﻰ ﻳﯘﺭﺗﯩﻤﯩﺰﺩﯨﻜﻰ ﻳﺎﺷﻼﺭ ﺑﯩﻠﻪﻥ ﻳﯜﺯ
ﻛﯚﺭﯛﺷﺘﯜﺭﯛﺷﻰ ﺑﯩﻠﻪﻥ، ﻣﻪﻥ ﺧﯘﺩﺩﻯ ﺋﯚﺯﯛﻣﻨﻰ ﺋﯚﺯ ﺧﻪﻟﻘﯩﻤﻨﯩﯔ ﺋﺎﺭﯨﺴﯩﻐﺎ ﻗﺎﻳﺘﯩﭗ
ﺑﺎﺭﻏﺎﻧﺪﻩﻙ ﻫﯧﺲ ﻗﯩﻠﯩﭗ، ﭼﻪﻛﺴﯩﺰ ﺧﯘﺷﺎﻟﻠﯩﻖ ﯞﻩ ﻫﺎﻳﺎﺟﺎﻧﻐﺎ ﭼﯚﻣﺪﯛﻡ. ﻣﻪﻧﺪﻩ
ﺋﯘﻧﺪﺍﻕ ﺑﯩﺮ ﻫﯧﺴﺴﯩﻴﺎﺕ ﺑﻮﻟﯘﭖ ﺑﺎﻗﻤﯩﻐﯩﻠﻰ 15 ﻳﯩﻠﺪﯨﻦ ﺋﺎﺷﻘﺎﻧﯩﺪﻯ. ﻣﻪﻥ
ﻳﯘﻗﯩﺮﯨﻘﻰ ﺗﻮﺭ ﺑﻪﺗﻠﯩﺮﯨﻨﯩﯔ ﺑﺎﺷﻘﯘﺭﻏﯘﭼﯩﻠﯩﺮﯨﻐﯩﻤﯘ ﺋﯚﺯﯛﻣﻨﯩﯔ ﺳﻪﻣﯩﻤﯩﻲ
ﺗﻪﺷﻪﻛﻜﯜﺭﯨﻨﻰ ﺑﯩﻠﺪﯛﺭﯨﻤﻪﻥ.
ﺑﯩﺰ ﺑﯘ ﺳﯚﻫﺒﻪﺗﻨﻰ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﻧﯘﺭﻏﯘﻥ ﻛﯩﺸﯩﻠﻪﺭﺩﯨﻦ ﺋﯩﻨﻜﺎﺱ ﺗﺎﭘﺸﯘﺭﯗﭖ
ﺋﺎﻟﺪﯗﻕ. ﺋﯘﻻﺭ ﺋﯚﺯ ﺋﯩﻨﻜﺎﺳﻠﯩﺮﯨﺪﺍ ﻣﻪﻧﺪﯨﻦ ﺗﻪﻟﻪﭖ ﻗﯩﻠﻐﺎﻥ ﻧﻪﺭﺳﯩﻠﻪﺭﻧﯩﯔ ﺑﯩﺮﻯ،
ﺑﯘ ﺳﯚﻫﺒﻪﺗﻨﻰ ﺋﯩﻤﻜﺎﻥ ﻗﻪﺩﻩﺭ ﺋﯘﺯﯗﻧﺮﺍﻕ ﻳﯧﺰﯨﺶ. ﻣﺎﯕﺎ ﻛﻪﻟﮕﻪﻥ ﺑﯘ ﺋﯩﻨﻜﺎﺳﻼﺭ
ﻣﻪﻥ ﺋﯜﭼﯜﻥ ﺯﻭﺭ ﺋﯩﻠﻬﺎﻡ ﺑﻮﻟﺪﻯ. ﻣﺎﯕﺎ ﺯﻭﺭ ﻛﯜﭺ-ﻗﯘﯞﯞﻩﺕ ﺑﯧﻐﯩﺸﻠﯩﺪﻯ. ﺷﯘﻧﯩﯔ
ﺑﯩﻠﻪﻥ ﻣﻪﻥ ﻫﻪﺭ ﺑﯩﺮ ﺳﻮﺋﺎﻟﻨﯩﯔ ﺟﺎﯞﺍﺑﯩﻨﻰ ﺑﺎﺭﻏﺎﻧﺴﯧﺮﻯ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ
ﺋﯘﺯﯗﻧﺮﺍﻕ ﻗﯩﻠﯩﭗ ﻳﺎﺯﯨﺪﯨﻐﺎﻥ ﺑﻮﻟﯘﭖ ﻛﻪﺗﺘﯩﻢ. ﻣﻪﻥ ﯞﻩﺗﻪﻧﺪﯨﻜﻰ ﻗﯧﺮﯨﻨﺪﺍﺷﻼﺭﻏﺎ
ﺋﯧﻴﺘﯩﭗ ﺑﯧﺮﯨﺸﻨﻰ ﺋﺎﺭﺯﯗ ﻗﯩﻠﻐﺎﻥ ﺋﯩﺸﻼﺭﻧﯩﯔ ﻫﻪﻣﻤﯩﺴﻰ ﺗﻮﻏﺮﯨﺴﯩﺪﺍ ﺑﯩﺮﺩﯨﻦ ﺳﻮﺋﺎﻝ
ﭼﯩﻘﯩﺮﯨﺶ ﻣﯘﻣﻜﯩﻦ ﺑﻮﻟﻤﯩﻐﺎﭼﻘﺎ، ﻣﻪﻥ ﭼﯩﻘﯩﺮﯨﻠﻐﺎﻥ ﺳﻮﺋﺎﻟﻨﻰ ﭼﯚﺭﯨﺪﯨﮕﻪﻥ ﻫﺎﻟﺪﺍ،
ﺷﯘ ﭼﺎﻏﺪﺍ ﺋﯧﺴﯩﻤﮕﻪ ﻛﻪﻟﮕﻪﻥ ﻧﻪﺭﺳﯩﻠﻪﺭﻧﯩﯔ ﻫﻪﻣﻤﯩﺴﯩﻨﻰ ﻳﯧﺰﯨﺸﻘﺎ ﺗﯩﺮﯨﺸﺘﯩﻢ.
ﺑﻮﻟﯘﭘﻤﯘ ﭼﻪﺕ ﺋﻪﻟﮕﻪ ﭼﯩﻘﯩﺶ ﭘﯘﺭﺳﯩﺘﯩﮕﻪ ﺋﯩﮕﻪ ﺑﻮﻻﻟﻤﯩﻐﺎﻥ ﻛﻪﯓ ﺋﻮﻗﯘﺭﻣﻪﻧﻠﻪﺭﻧﯩﯔ
ﺋﻮﻗﯘﭖ ﭘﺎﻳﺪﯨﻠﯩﻨﯩﺸﻰ ﺋﯜﭼﯜﻥ، ﺋﺎﻣﯧﺮﯨﻜﯩﻨﯩﯔ ﻫﻪﺭ ﺳﺎﻫﻪﺩﯨﻜﻰ ﺋﻪﻫﯟﺍﻟﯩﻨﻰ
ﺗﻮﻧﯘﺷﺘﯘﺭﯨﺪﯨﻐﺎﻥ ﻫﻪﻣﺪﻩ ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﺑﺎﻟﯩﻨﻰ ﻗﺎﻧﺪﺍﻕ
ﺗﻪﺭﺑﯩﻴﯩﻠﻪﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﻣﻪﺯﻣﯘﻧﻼﺭﻧﻰ ﻛﯚﭘﻠﻪﭖ ﻗﻮﺷﯘﭖ ﻗﻮﻳﺪﯗﻡ. ﻣﻪﻥ
ﺋﯧﻠﯧﻜﺘﯩﺮ ﯞﻩ ﺋﻮﭘﺘﯩﻜﺎ ﺳﺎﻫﻪﺳﯩﺪﯨﻜﻰ ﻛﻪﺳﭗ ﺋﻪﻫﻠﻰ، ﺋﯩﻠﻤﯩﻲ ﺗﻪﺗﻘﯩﻘﺎﺗﭽﻰ ﯞﻩ
ﺋﯩﻨﮋﯨﻨﯧﺮ. ﺋﻪﻣﻤﺎ، ﺋﯩﺠﺘﯩﻤﺎﺋﯩﻲ ﭘﻪﻥ ﺳﺎﻫﻪﺳﯩﺪﯨﻜﻰ ﻛﻪﺳﭗ ﺋﻪﻫﻠﻰ ﻳﺎﻛﻰ
ﺗﻪﺗﻘﯩﻘﺎﺗﭽﻰ ﺋﻪﻣﻪﺱ. ﺋﯘﻧﯩﯔ ﺋﯜﺳﺘﯩﮕﻪ، ﻣﺎﯕﺎ ﯞﻩﺗﻪﻧﺪﯨﻦ، ﺋﯘﻳﻐﯘﺭ ﺗﯩﻠﯩﺪﺍ
ﺳﯚﺯﻟﯩﺸﯩﺪﯨﻐﺎﻥ ﻣﯘﻫﯩﺘﺘﯩﻦ ﺋﺎﻳﺮﯨﻠﻐﯩﻠﻰ 20 ﻳﯩﻠﺪﯨﻦ ﺋﺎﺷﺘﻰ. ﻣﻪﻥ ﺑﯘ ﺳﯚﻫﺒﻪﺗﻨﯩﯔ
ﺧﺎﺗﯩﺮﯨﺴﯩﻨﻰ ﺋﺎﺷﯘﻧﺪﺍﻕ ﺑﯩﺮ ﺳﺎﻻﻫﯩﻴﻪﺕ ﺑﯩﻠﻪﻥ ﻳﺎﺯﺩﯨﻢ. ﺋﯩﺠﺘﯩﻤﺎﺋﯩﻲ ﭘﻪﻥ
ﺳﺎﻫﻪﺳﯩﺪﯨﻜﻰ ﺑﻪﺯﻯ ﻛﻪﺳﭗ ﻧﯘﻗﺘﯩﺴﯩﺪﯨﻦ ﻗﺎﺭﯨﻐﺎﻧﺪﺍ، ﻳﺎﺯﻏﺎﻧﻠﯩﺮﯨﻤﻨﯩﯔ ﺑﻪﺯﻯ
ﻳﻪﺭﻟﯩﺮﻯ ﺩﯦﮕﻪﻧﺪﻩﻙ ﺗﻮﻏﺮﺍ ﺑﻮﻟﻤﺎﻱ ﻗﺎﻟﻐﺎﻥ ﺑﻮﻟﯘﺷﯩﻤﯘ ﻣﯘﻣﻜﯩﻦ. ﻣﻪﻥ
ﺋﻮﻗﯘﺭﻣﻪﻧﻠﻪﺭﻧﯩﯔ ﺗﻮﻏﺮﺍ ﭼﯜﺷﯩﻨﯩﺸﯩﻨﻰ ﺳﻮﺭﺍﻳﻤﻪﻥ. ﻫﻪﻣﺪﻩ ﻣﺎﯕﺎ ﺋﯩﻠﻬﺎﻡ ﺑﯧﺮﯨﭗ
ﻳﺎﺯﻏﺎﻥ ﺋﯧﻠﺨﻪﺕ ﯞﻩ ﺑﺎﺷﻘﺎ ﺋﯩﻨﻜﺎﺳﻠﯩﺮﻯ ﺋﯜﭼﯜﻥ، ﺑﺎﺭﻟﯩﻖ ﺋﻮﻗﯘﺭﻣﻪﻧﻠﻪﺭﮔﻪ ﭼﯩﻦ
ﻛﯚﯕﻠﯜﻣﺪﯨﻦ ﺭﻩﻫﻤﻪﺕ ﺋﯧﻴﺘﯩﻤﻪﻥ.
ﺑﯩﻠﯩﯟﺍﻝ ﺑﯩﻠﻪﻥ ﻣﯧﻨﯩﯔ ﺑﯘ ﻗﯧﺘﯩﻤﻘﻰ ﺳﯚﻫﺒﻪﺗﻨﻰ ﺋﯧﻠﯩﭗ ﺑﯧﺮﯨﺸﯩﻤﯩﺰﺩﯨﻜﻰ
ﻣﻪﻗﺴﯩﺪﯨﻤﯩﺰ ﭘﻪﻗﻪﺕ ﺑﯩﺮﻻ: ﻳﯘﺭﺗﯩﻤﯩﺰﺩﯨﻜﻰ ﻳﺎﺵ ﺋﻮﻗﯘﻏﯘﭼﯩﻼﺭﻏﺎ ﻗﻮﻟﯩﻤﯩﺰﺩﯨﻦ
ﻛﯧﻠﯩﺸﯩﭽﻪ ﺭﻭﻫﯩﻲ ﺟﻪﻫﻪﺗﺘﯩﻦ ﺑﻮﻟﺴﯩﻤﯘ ﺑﯩﺮ ﺋﺎﺯ ﺋﯩﻠﻬﺎﻡ ﺑﯧﺮﯨﭗ، ﺋﯘﻻﺭﻧﯩﯔ
ﻛﻪﻟﮕﯜﺳﻰ ﺋﯜﭼﯜﻥ ﺑﯩﺮ ﺗﻮﻏﺮﺍ ﻳﻮﻝ ﺗﺎﻟﻠﯩﯟﯦﻠﯩﺸﯩﻐﺎ ﺋﺎﺯﺭﺍﻕ ﺑﻮﻟﺴﯩﻤﯘ ﻳﺎﺭﺩﻩﻡ
ﻗﯩﻠﯩﺶ. ﻣﯧﻨﯩﯖﭽﻪ، ﻣﺎﯕﺎ ﺋﻮﺧﺸﺎﺵ ﻫﻪﺭ ﺧﯩﻞ ﺋﯩﮕﯩﺰ-ﭘﻪﺱ، ﺋﻪﮔﺮﻯ-ﺗﻮﻗﺎﻳﻠﯩﻘﻨﻰ ﺋﯚﺯ
ﺑﯧﺸﯩﺪﯨﻦ ﻛﻪﭼﯜﺭﯛﭖ، ﻛﯩﺸﯩﻠﯩﻚ ﻫﺎﻳﺎﺗﻨﯩﯔ ﺑﯩﺮ ﻗﯩﺴﻤﯩﻨﻰ ﻳﺎﺷﺎﭖ ﺑﻮﻟﻐﺎﻥ ﻫﻪﻣﺪﻩ
ﺋﯚﺯﻯ ﺋﯜﭼﯜﻥ ﺑﯩﺮ ﻗﻪﺩﻩﺭ ﺗﻮﻏﺮﺍ ﻳﻮﻝ ﺗﯧﭙﯩﭗ، ﻛﯩﺸﯩﻠﯩﻚ ﯞﻩ ﻛﻪﺳﭙﯩﻲ ﻫﺎﻳﺎﺗﯩﻨﻰ ﺑﯩﺮ
ﻗﻪﺩﻩﺭ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺋﯧﻠﯩﭗ ﻣﺎﯕﺎﻟﯩﻐﺎﻥ ﻫﻪﺭ ﺑﯩﺮ ﺋﯘﻳﻐﯘﺭ
ﻗﯧﺮﯨﻨﺪﯨﺸﯩﻤﯩﺰﻧﯩﯔ، ﻳﯘﺭﺗﯩﻤﯩﻤﯩﺰﺩﯨﻜﻰ ﻳﺎﺵ ﺋﻮﻗﯘﻏﯘﭼﯩﻠﯩﺮﯨﻤﯩﺰﻏﺎ ﻣﯘﻧﺪﺍﻕ ﺑﯩﺮ
ﭼﯜﺷﻪﻧﭽﯩﻨﻰ ﺗﻪﺷﻪﺑﺒﯘﺱ ﻗﯩﻠﯩﺶ ﻣﻪﺟﺒﯘﺭﯨﻴﯩﺘﯩﻤﯩﺰ ﺑﺎﺭ: ﻫﺎﺯﯨﺮ ﺋﻮﺗﺘﯘﺭﺍ ﻣﻪﻛﺘﻪﭖ ﯞﻩ
ﺋﺎﻟﯩﻲ ﻣﻪﻛﺘﻪﭘﺘﯩﻜﻰ ﺋﻮﻗﯘﺷﻨﻰ ﻗﺎﻧﺪﺍﻕ ﺩﺍﯞﺍﻡ ﻗﯩﻠﯩﺸﺘﺎ، ﺟﯘﯕﮕﻮﻧﯩﯔ ﻧﯚﯞﻩﺗﺘﯩﻜﻰ
ﯞﻩﺯﯨﻴﯩﺘﯩﻨﻰ ﺋﻪﻣﻪﺱ، ﺑﯘﻧﯩﯖﺪﯨﻦ 10 ﻳﯩﻞ، 20 ﻳﯩﻞ ﻫﻪﺗﺘﺎ 30 ﻳﯩﻠﺪﯨﻦ ﻛﯧﻴﯩﻨﻜﻰ
ﯞﻩﺯﯨﻴﻪﺗﻨﻰ ﻛﯚﺯﺩﻩ ﺗﯘﺗﯘﺵ ﻛﯧﺮﻩﻙ. ﺟﯘﯕﮕﻮ ﻫﺎﺯﯨﺮ ﺋﯩﻨﺘﺎﻳﯩﻦ ﺗﯧﺰ ﺋﯚﺯﮔﯩﺮﯨﯟﺍﺗﯩﺪﯗ.
ﺑﯘﻧﯩﯖﺪﯨﻦ 10-20 ﻳﯩﻞ ﺑﯘﺭﯗﻧﻘﻰ "ﺧﯩﺰﻣﻪﺗﻨﻰ ﺑﯩﺮ ﺗﯘﺗﺎﺵ ﺗﻪﻗﺴﯩﻢ ﻗﯩﻠﯩﺶ" ﺗﯜﺯﯛﻣﻰ
ﻫﺎﺯﯨﺮ ﺭﯨﻘﺎﺑﻪﺕ ﺗﯜﺯﯛﻣﯩﮕﻪ ﺋﯚﺯﮔﻪﺭﺩﻯ. ﺋﻪﮔﻪﺭ ﻗﺎﻧﯘﻥ-ﺗﯜﺯﯛﻣﻠﻪﺭ ﻣﯘﻛﻪﻣﻤﻪﻟﻠﯩﺸﯩﭗ،
ﺭﯨﻘﺎﺑﻪﺕ ﯞﻩ ﺧﯩﺰﻣﻪﺕ ﭘﯘﺭﺳﯩﺘﻰ ﺋﺎﻟﺪﯨﺪﺍ ﻫﻪﻣﻤﻪ ﺋﺎﺩﻩﻡ ﺑﺎﺭﺍﯞﻩﺭ ﺑﻮﻟﯩﺪﯨﻐﺎﻥ ﺑﯩﺮ
ﯞﻩﺯﯨﻴﻪﺕ ﺷﻪﻛﯩﻠﻠﻪﻧﺴﻪ، ﻫﺎﺯﯨﺮ ﺋﯩﮕﯩﻠﯩﮕﻪﻥ ﺑﯩﻠﯩﻢ، ﺗﻪﺭﺑﯩﻴﯩﻠﻪﭖ ﻳﻪﺗﯩﺸﺘﯜﺭﮔﻪﻥ
ﺋﯩﻘﺘﯩﺪﺍﺭﻻﺭ ﺋﻪﯓ ﻗﯩﻤﻤﻪﺗﻠﯩﻚ ﮔﯚﻫﻪﺭﮔﻪ ﺋﺎﻳﻠﯩﻨﯩﺪﯗ. ﺋﯘﻳﻐﯘﺭ ﺧﻪﻟﻘﯩﻨﯩﯔ ﺑﯘ
ﺟﻪﻫﻪﺗﺘﯩﻜﻰ ﭼﯜﺷﻪﻧﭽﯩﺴﯩﻨﻰ ﺋﯚﺳﺘﯜﺭﯛﺵ ﺟﻪﻫﻪﺗﺘﻪ، ﻫﺎﺯﯨﺮﻏﯩﭽﻪ ﺋﯘﺯﯗﻥ ﻣﯘﺩﺩﻩﺕ
ﺗﯩﺮﯨﺸﯩﭗ، ﭼﻪﺕ ﺋﻪﻟﮕﻪ ﺋﻮﻗﯘﺷﻘﺎ ﭼﯩﻘﺎﻟﯩﻐﺎﻥ ﻫﻪﺭ ﺑﯩﺮ ﺋﯘﻳﻐﯘﺭ ﯞﻩﺗﻪﻧﺪﯨﺸﯩﻤﯩﺰ
ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺗﯚﻫﭙﻪ ﻗﻮﺷﺎﻻﻳﺪﯗ. ﻣﯧﻨﯩﯔ ﺑﯘ ﻗﯧﺘﯩﻢ ﻳﯧﺰﯨﭗ ﭼﯩﻘﻘﯩﻨﯩﻢ
ﺋﯚﺯﯛﻣﺪﯨﻦ ﺋﯩﺒﺎﺭﻩﺕ ﺑﯩﺮ ﺋﺎﺩﻩﻣﻨﯩﯔ ﻫﯧﻜﺎﻳﯩﺴﻰ. ﺋﯩﺸﯩﻨﯩﻤﻪﻧﻜﻰ، ﻫﺎﺯﯨﺮ ﭼﻪﺕ ﺋﻪﻟﺪﻩ
ﺋﻮﻗﯘﯞﺍﺗﻘﺎﻥ ﯞﻩ ﺋﯩﺸﻠﻪﯞﺍﺗﻘﺎﻥ ﻳﯘﺭﺗﺪﺍﺷﻼﺭﻧﯩﯔ ﺋﯩﭽﯩﺪﻩ ﻣﻪﻧﺪﻩﻙ ﻫﯧﻜﺎﻳﯩﺴﻰ
ﺑﺎﺭﻻﺭ ﺋﯩﻨﺘﺎﻳﯩﻦ ﻛﯚﭖ. ﻫﻪﺭ ﺧﯩﻞ ﺋﻪﮔﺮﻯ-ﺗﻮﻗﺎﻳﻠﯩﻘﻨﻰ ﺋﯚﺯ ﺑﯧﺸﯩﺪﯨﻦ ﻛﻪﭼﯜﺭﯛﭖ،
ﺋﻪﯓ ﺋﺎﺧﯩﺮﯨﺪﺍ ﺑﯩﺮ ﻣﯘﯞﻩﭘﭙﻪﻗﯩﻴﻪﺕ ﻳﻮﻟﯩﻐﺎ ﺋﯧﺮﯨﺸﻪﻟﯩﮕﻪﻧﻠﻪﺭ ﻫﻪﻣﺪﻩ ﺑﯘ ﻳﻮﻟﺪﺍ
ﺋﯚﺯ ﺋﺎﺋﯩﻠﯩﺴﻰ، ﺋﺎﺗﺎ-ﺋﺎﻧﺎ، ﺋﯘﺭﯗﻕ-ﺗﯘﻏﻘﺎﻧﻠﯩﺮﻯ ﯞﻩ ﺋﯘﻳﻐﯘﺭ ﻣﯩﻠﻠﯩﺘﻰ ﺋﯜﭼﯜﻥ
ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ ﺷﺎﻥ-ﺷﻪﺭﻩﭖ ﻛﻪﻟﺘﯜﺭﯛﯞﺍﺗﻘﺎﻥ، ﺋﯘﻳﻐﯘﺭ ﺩﯦﮕﻪﻥ ﺑﯩﺮ
ﻣﯩﻠﻠﻪﺗﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﺩﯗﻧﻴﺎﻏﺎ ﺑﯩﻠﺪﯛﺭﯛﺵ ﺟﻪﻫﻪﺗﺘﻪ ﺋﻮﺧﺸﯩﻤﯩﻐﺎﻥ ﺩﻩﺭﯨﺠﯩﺪﻩ
ﺗﯚﻫﭙﻪ ﻗﻮﺷﯘﯞﺍﺗﻘﺎﻧﻼﺭ ﺧﯧﻠﻰ ﻛﯚﭖ. ﻣﯘﯞﻩﭘﭙﻪﻗﯩﻴﻪﺕ ﺑﺎﻟﺪﯨﻘﯩﻨﯩﯔ ﺋﻪﯓ ﻳﯘﻗﯩﺮﯨﺴﯩﻐﺎ
ﺗﯧﺨﻰ ﭼﯩﻘﯩﭗ ﺑﻮﻻﻟﻤﺎﻱ، ﺗﯧﺨﯩﭽﻪ ﺟﺎﭘﺎ-ﻣﯘﺷﻪﻗﻘﻪﺗﻠﯩﻚ ﺩﻩﯞﺭﯨﻨﻰ ﺋﯚﺯ ﺑﯧﺸﯩﺪﯨﻦ
ﺋﯚﺗﻜﯜﺯﯛﯞﺍﺗﻘﺎﻥ ﺑﻮﻟﺴﯩﻤﯘ، ﯞﻩﺗﻪﻥ ﯞﻩ ﻣﯩﻠﻠﻪﺗﻨﯩﯔ ﻛﻪﻟﮕﯜﺳﻰ ﺋﯩﺴﺘﯩﻘﺒﺎﻟﯩﻨﻰ
ﻛﯚﺯﻟﻪﭖ، ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﻳﻮﻟﯩﺪﺍ ﻛﯧﭽﻪ-ﻛﯜﻧﺪﯛﺯ ﺑﻮﺷﺎﺷﻤﺎﻱ
ﺗﯩﺮﯨﺸﯩﯟﺍﺗﻘﺎﻧﻼﺭﻣﯘ ﺋﺎﺯ ﺋﻪﻣﻪﺱ. ﻣﻪﻥ ﺷﯘﻻﺭﺩﯨﻦ، ﺋﯚﺯ ﻫﯧﻜﺎﻳﯩﻠﯩﺮﯨﻨﻰ ﻣﺎﯕﺎ
ﺋﻮﺧﺸﺎﺵ ﻳﯧﺰﯨﭗ ﭼﯩﻘﯩﭗ، ﺋﯘﻧﯩﯖﺪﯨﻦ ﯞﻩﺗﻪﻧﺪﯨﻜﻰ ﻳﺎﺵ ﺋﻪﯞﻻﺩﻻﺭﻧﻰ ﺧﻪﯞﻩﺭﺩﺍﺭ
ﻗﯩﻠﯩﺸﯩﻨﻰ ﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﺳﻮﺭﺍﻳﻤﻪﻥ. ﺑﯩﺰ ﻫﻪﻣﻤﯩﻤﯩﺰ ﻗﯧﺮﯨﻴﻤﯩﺰ. ﺋﻪﯓ
ﺋﺎﺧﯩﺮﯨﺪﺍ ﺋﯚﻟﯜﭖ ﻛﯧﺘﯩﻤﯩﺰ. ﺷﯘﯕﺎ ﻳﯘﺭﺗﯩﻤﯩﺰﺩﯨﻜﻰ ﻳﯧﯖﻰ ﺋﻪﯞﻻﺩﻻﺭ ﺋﯜﭼﯜﻥ
ﭘﺎﻳﺪﯨﻠﯩﻖ ﻧﻪﺭﺳﯩﻠﻪﺭﻧﻰ ﺋﯘﻻﺭﻏﺎ ﻗﺎﻟﺪﯗﺭﯗﭖ ﻗﻮﻳﺎﻳﻠﻰ. ﺑﯘ ﻳﻪﺭﺩﻩ، ﻫﺎﺯﯨﺮﻏﯩﭽﻪ
ﺋﺎﺯﺭﺍﻕ ﺑﻮﻟﺴﯩﻤﯘ ﺋﯚﺯ ﻫﯧﻜﺎﻳﯩﺴﯩﻨﻰ ﯞﻩ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺑﻮﻟﻐﺎﻥ ﻛﯚﺯ
ﻗﺎﺭﯨﺸﯩﻨﻰ ﻳﯧﺰﯨﭗ، ﺋﯘﻧﻰ ﺑﯩﻠﯩﯟﺍﻝ ﺗﻮﺭ ﺑﯧﻜﯩﺘﻰ ﺋﺎﺭﻗﯩﻠﯩﻖ ﻛﻪﯓ ﺋﻮﻗﯘﺭﻣﻪﻧﻠﻪﺭﮔﻪ
ﺳﯘﻧﻐﺎﻥ ﻳﺎﭘﻮﻧﯩﻴﻪﺩﯨﻜﻰ ﺩﻭﻛﺘﻮﺭ ﺩﯨﻠﺸﺎﺕ ﺋﺎﺑﻼ ﺋﻪﭘﻪﻧﺪﯨﻢ ﻗﺎﺗﺎﺭﻟﯩﻖ
ﯞﻩﺗﻪﻧﺪﺍﺷﻼﺭﻏﯩﻤﯘ ﭼﯩﻦ ﻛﯚﯕﻠﯜﻣﺪﯨﻦ ﺭﻩﻫﻤﻪﺕ ﺋﯧﻴﺘﯩﻤﻪﻥ.
ﻣﻪﻥ ﺋﯚﺯﯛﻡ ﺑﯧﺴﯩﭗ ﺋﯚﺗﻜﻪﻥ ﻳﻮﻟﻨﻰ ﺧﯘﻻﺳﯩﻠﻪﭖ، ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﻨﯩﯔ
ﻣﯘﻧﺪﺍﻕ ﺑﯩﺮ ﻓﻮﺭﻣﯘﻻﺳﯩﻨﻰ ﺧﯘﻻﺳﯩﻠﻪﭖ ﭼﯩﻘﺘﯩﻢ:
ﻣﯘﯞﻩﭘﭙﻪﻗﯩﻴﻪﺕ = ﺗﺎﻻﻧﺖ + ﺗﯩﺮﯨﺸﭽﺎﻧﻠﯩﻖ + ﭘﯘﺭﺳﻪﺕ
ﻫﺎﺯﯨﺮﻏﯩﭽﻪ
http://www.meripet.com
ﺗﻮﺭ ﺑﯧﺘﯩﻨﻰ ﻛﯚﺭﯛﭖ ﺑﺎﻗﻘﺎﻥ ﻳﯘﺭﺗﺪﺍﺷﻼﺭ ﺋﯜﭼﯜﻥ ﺑﯘ ﻓﻮﺭﻣﯘﻻ ﻧﺎﺗﻮﻧﯘﺵ ﺋﻪﻣﻪﺱ.
ﺋﻪﻣﻪﻟﯩﻴﻪﺗﺘﻪ، ﺑﯘ ﺑﯩﺮ ﻳﯧﯖﻰ ﻓﻮﺭﻣﯘﻻ ﺑﻮﻟﻤﺎﺳﺘﯩﻦ، ﻣﻪﻥ ﺋﯘﻧﻰ ﺑﯘﻧﯩﯖﺪﯨﻦ 20
ﻧﻪﭼﭽﻪ ﻳﯩﻞ ﺑﯘﺭﯗﻥ، ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﯞﺍﺗﻘﺎﻥ ﯞﺍﻗﺘﯩﻤﺪﯨﻼ
ﺋﻮﺗﺘﯘﺭﯨﻐﺎ ﻗﻮﻳﻐﺎﻧﯩﺪﯨﻢ. ﺋﯧﺴﯩﻤﺪﻩ ﻗﯧﻠﯩﺸﯩﭽﻪ، ﻣﻪﻥ ﺋﯘﻧﻰ ﺑﯩﺮ ﻗﯧﺘﯩﻤﻠﯩﻖ ﻣﻪﻛﺘﻪﭖ
ﺑﻮﻳﯩﭽﻪ ﺋﯚﺗﻜﯜﺯﯛﻟﮕﻪﻥ «ﻳﯧﯖﻰ ﺋﻮﻗﯘﻏﯘﭼﯩﻼﺭﻧﻰ ﻗﺎﺭﺷﻰ ﺋﯧﻠﯩﺶ ﭼﻮﯓ ﻳﯩﻐﯩﻨﻰ» ﺩﺍ
ﺳﯚﺯﻟﯩﮕﻪﻥ ﺳﯚﺯﯛﻣﮕﻪ ﻛﯩﺮﮔﯜﺯﮔﻪﻧﯩﺪﯨﻢ. ﺋﻪﺳﻠﯩﺪﻩ ﺋﯘﻧﻰ ﺑﯩﺮ ﭼﻮﯓ ﻗﻪﻏﻪﺯﻏﻪ ﻳﯧﺰﯨﭗ،
ﻳﯩﻐﯩﻦ ﺯﺍﻟﯩﻨﯩﯔ ﺳﻪﻫﻨﯩﺴﯩﮕﻪ ﺋﯧﺴﯩﭗ ﻗﻮﻳﯘﭖ ﺗﯘﺭﯗﭖ ﭼﯜﺷﻪﻧﺪﯛﺭﯛﺷﻨﻰ ﺋﻮﻳﻠﯩﻐﺎﻥ
ﺑﻮﻟﺴﺎﻣﻤﯘ، ﺋﯘﻧﯩﯖﻐﺎ ﺋﯩﻤﻜﺎﻧﯩﻴﻪﺕ ﺑﻮﻟﻤﯩﻐﺎﻧﯩﺪﻯ. ﺑﯘ ﻗﯧﺘﯩﻤﻘﻰ ﺳﯚﻫﺒﻪﺗﻨﻰ ﺗﻮﻟﯘﻕ
ﺋﻮﻗﯘﻏﺎﻥ ﻛﯩﺸﻰ، ﻣﯧﻨﯩﯔ ﻧﯧﻤﻪ ﺋﯜﭼﯜﻥ ﻳﯘﻗﯩﺮﯨﻘﻰ ﻓﻮﺭﻣﯘﻻﺩﺍ ﻛﯚﺭﺳﯩﺘﯩﻠﮕﻪﻥ ﺑﯩﺮ
ﺧﯘﻻﺳﯩﮕﻪ ﻛﻪﻟﮕﻪﻧﻠﯩﻜﯩﻤﻨﻰ ﺋﺎﺳﺎﻧﻼ ﭼﯜﺷﯩﻨﻪﻟﻪﻳﺪﯗ. ﺑﯘ ﻓﻮﺭﻣﯘﻻﺩﯨﻜﻰ 3
ﺋﺎﻣﯩﻠﻨﯩﯔ ﻫﻪﺭ ﺑﯩﺮﯨﻨﻰ ﻣﻪﻥ
http://www.meripet.com
ﺗﻮﺭ ﺑﯧﺘﯩﺪﻩ ﺑﯩﺮ ﻗﻪﺩﻩﺭ ﺗﻪﭘﺴﯩﻠﯩﻲ ﭼﯜﺷﻪﻧﺪﯛﺭﺩﯛﻡ. ﺷﯘﯕﺎ ﺋﯘﻻﺭﻧﻰ ﺑﯘ ﻳﻪﺭﺩﻩ
ﺗﻪﻛﺮﺍﺭﻟﯩﻤﺎﻳﻤﻪﻥ. ﻣﻪﻥ ﺑﯘ ﻳﻪﺭﺩﻩ ﺗﯩﻠﻐﺎ ﺋﯧﻠﯩﭗ ﺋﯚﺗﯜﭖ ﻛﯧﺘﯩﺸﻨﻰ ﻣﯘﯞﺍﭘﯩﻖ
ﻛﯚﺭﮔﻪﻥ، ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﻣﯘﻧﺪﺍﻕ ﺑﯩﺮ ﻣﯩﺠﻪﺯﻯ ﺑﺎﺭ:
ﺋﺎﻣﯧﺮﯨﻜﯩﻠﯩﻘﻼﺭ ﻫﻪﺭﮔﯩﺰ ﺋﯧﺮﯨﺸﻜﻪﻥ ﻣﯘﯞﻩﭘﭙﻪﻗﯩﻴﯩﺘﻰ ﺋﯜﭼﯜﻧﻼ ﺋﻪﻣﻪﺱ، ﺑﯩﺮ ﭼﻮﯓ
ﻣﯘﯞﻩﭘﭙﻪﻗﯩﻴﻪﺗﻜﻪ ﺋﯧﺮﯨﺸﻪﻟﻤﯩﮕﻪﻥ ﺗﻪﻗﺪﯨﺮﺩﯨﻤﯘ، ﺋﯚﺯﯨﻨﯩﯔ ﺷﯘ ﻣﯘﯞﻩﭘﭙﻪﻗﯩﻴﻪﺗﻜﻪ
ﺋﯧﺮﯨﺸﯩﺶ ﻳﻮﻟﯩﺪﺍ ﻛﯚﺭﺳﻪﺗﻜﻪﻥ ﺗﯩﺮﯨﺸﭽﺎﻧﻠﯩﻘﯩﺪﯨﻦ ﭘﻪﺧﺮﻟﯩﻨﯩﺪﯗ.
ﻫﻪﺭ ﺑﯩﺮ ﺋﺎﺩﻩﻡ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﻳﯘﻗﯩﺮﯨﻘﻰ ﻓﻮﺭﻣﯘﻻﺩﯨﻜﻰ «ﺗﺎﻻﻧﺖ» ﺑﯩﻠﻪﻥ
«ﺗﯩﺮﯨﺸﭽﺎﻧﻠﯩﻖ»ﻧﯩﯔ ﻗﺎﻧﺪﺍﻕ ﺑﻮﻟﯘﺷﻰ ﺷﯘ ﺋﺎﺩﻩﻣﻨﯩﯔ ﺋﯚﺯﯨﮕﻪ ﺑﺎﻏﻠﯩﻖ. ﻟﯧﻜﯩﻦ،
«ﭘﯘﺭﺳﻪﺕ» ﺋﯘﻧﺪﺍﻕ ﺋﻪﻣﻪﺱ. ﻫﺎﺯﯨﺮ ﺯﻭﺭ ﻛﯚﭖ ﻣﯩﻘﺘﺎﺭﺩﯨﻜﻰ ﺋﯘﻳﻐﯘﺭﻻﺭ «ﭘﯘﺭﺳﻪﺕ»
ﺋﺎﻟﺪﯨﺪﺍ ﺋﯚﺯﻯ ﺋﯜﭼﯜﻥ ﺑﯩﺮ ﺋﯩﻨﺘﺎﻳﯩﻦ ﭘﺎﻳﺪﯨﺴﯩﺰ ﺋﻮﺭﯗﻧﺪﺍ ﻳﺎﺷﺎﯞﺍﺗﯩﺪﯗ. ﺋﻪﻣﻤﺎ،
ﺑﯩﺰ ﺑﯘﻧﯩﯔ ﺋﯜﭼﯜﻥ ﺋﺎﻫ ﺋﯘﺭﯗﭖ، ﺑﯩﺮ ﭼﯜﺷﻜﯜﻧﻠﯩﺸﯩﺶ، ﻳﻮﻗﯩﻠﯩﺶ ﻳﻮﻟﯩﻐﺎ ﻗﺎﺭﺍﭖ
ﻣﺎﯕﺴﺎﻕ، ﺋﯘ ﺋﯘﭼﯩﻐﺎ ﭼﯩﻘﻘﺎﻥ ﻧﺎﺩﺍﻧﻠﯩﻖ ﺑﻮﻟﯩﺪﯗ. ﭼﯜﺷﻜﯜﻧﻠﯩﺸﯩﺶ ﺋﯚﺯﯨﻤﯩﺰﻧﯩﯔ
ﺋﯚﻟﯜﻣﯩﻨﻰ ﺳﺎﻗﻼﭖ ﺗﯘﺭﻏﺎﻥ ﺑﯩﻠﻪﻥ ﺑﺎﺭﺍﯞﻩﺭ. ﺋﯘﻧﺪﺍﻕ ﻗﯩﻠﯩﺶ ﺑﯩﺰﻧﯩﯔ ﻫﺎﺯﯨﺮﻗﻰ
ﻫﺎﻟﯩﺘﯩﻤﯩﺰﻧﻰ ﺋﯚﺯﮔﻪﺭﺗﯩﺸﻜﻪ ﺋﯧﻠﯩﭗ ﺑﺎﺭﻣﺎﻳﺪﯗ. ﺋﯘﻧﺪﺍﻕ ﻗﯩﻠﯩﺸﻨﯩﯔ ﺑﯩﺰ ﺋﯜﭼﯜﻥ
ﻫﯧﭻ ﻗﺎﻧﺪﺍﻕ ﻗﯩﻤﻤﯩﺘﻰ ﻳﻮﻕ. ﺋﯘﻧﯩﯔ ﺋﻪﻛﺴﯩﭽﻪ، ﺑﯩﺰ ﭼﯜﺷﻜﯜﻧﻠﯜﻛﻨﻰ ﻛﯜﭼﻜﻪ
ﺋﺎﻳﻼﻧﺪﯗﺭﯗﭖ، ﺋﯚﺯ-ﺋﯚﺯﯨﻤﯩﺰﮔﻪ ﺑﯩﺮ ﻳﺎﺷﺎﺵ ﻳﻮﻟﻰ ﺋﯧﭽﯩﺶ ﺋﯜﭼﯜﻥ ﺗﯩﺮﯨﺸﯩﺸﯩﻤﯩﺰ
ﻛﯧﺮﻩﻙ. ﻳﯧﯖﻰ ﭘﯘﺭﺳﻪﺕ ﻳﺎﺭﯨﺘﯩﺶ ﺟﻪﻫﻪﺗﺘﻪ ﺋﻪﯓ ﻛﯜﭼﻠﯜﻙ ﺭﻭﻝ ﺋﻮﻳﻨﺎﻳﺪﯨﻐﯩﻨﻰ
ﺑﯩﻠﯩﻢ. ﻣﻪﻥ ﺑﯘ ﺳﯚﻫﺒﻪﺗﺘﻪ ﻣﯘﺷﯘﻧﺪﺍﻕ ﺑﯩﺮ ﻧﯘﻗﺘﯩﻨﻰ ﺗﻮﻟﯘﻕ ﻧﺎﻣﺎﻳﻪﻥ ﻗﯩﻠﯩﺶ
ﺋﯜﭼﯜﻥ ﺋﯩﻨﺘﺎﻳﯩﻦ ﻛﯚﭖ ﺗﯩﺮﯨﺸﺘﯩﻢ. ﺋﯚﺯﯛﻣﻨﯩﯔ ﺑﯘ ﺩﯗﻧﻴﺎﺩﯨﻜﻰ ﺋﻪﯓ ﺋﯩﻠﻐﺎﺭ
ﻣﯩﻠﻠﻪﺗﻠﻪﺭ ﺋﺎﺭﯨﺴﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺋﻪﯓ ﺋﯩﻠﻐﺎﺭ ﻛﯩﺸﯩﻠﻪﺭ ﺑﯩﻠﻪﻥ ﻗﺎﻧﺪﺍﻕ
ﺭﯨﻘﺎﺑﻪﺗﻠﻪﺷﻜﻪﻧﻠﯩﻜﯩﻤﻨﻰ ﻫﻪﻣﺪﻩ ﺑﯘ ﺭﯨﻘﺎﺑﻪﺕ ﺋﯩﭽﯩﺪﻩ ﻗﺎﻧﺪﺍﻕ ﻗﯩﻠﯩﭗ ﺋﯚﺯﯛﻣﮕﻪ
ﺗﻮﺧﺘﯩﻤﺎﻱ ﻳﯧﯖﻰ ﻳﻮﻝ ﺋﯧﭽﯩﭗ ﻣﺎﯕﻐﺎﻧﻠﯩﻘﯩﻤﻨﻰ ﺗﻪﭘﺴﯩﻠﯩﻲ ﻳﯧﺰﯨﭗ ﭼﯩﻘﺘﯩﻢ.
ﺑﯩﻠﯩﻤﻨﯩﯔ ﭘﯘﺭﺳﻪﺕ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﻰ ﺑﯩﺮ ﺩﯗﻧﻴﺎﯞﯨﻲ ﻫﻪﻗﯩﻘﻪﺕ ﺑﻮﻟﯘﭖ، ﺋﯘ
ﻫﻪﻣﻤﻪ ﻣﯩﻠﻠﻪﺕ ﺋﯜﭼﯜﻥ ﺋﻮﺭﺗﺎﻕ. ﻣﻪﻥ ﻣﯘﺷﯘ ﺳﯚﻫﺒﻪﺗﺘﻪ ﻧﻪﻗﯩﻞ ﻛﻪﻟﺘﯜﺭﮔﻪﻥ، ﺋﻮﻏﻠﯘﻡ
ﺩﯨﻠﺸﺎﺕ ﺋﯚﺯﯨﻨﯩﯔ ﻣﻪﻛﺘﯩﭙﯩﺪﯨﻜﻰ ﺑﯩﺮ ﭘﺎﺋﺎﻟﯩﻴﻪﺗﺘﻪ ﺋﻮﻗﯘﻏﺎﻥ، ﺋﺎﻣﯧﺮﻛﯩﻠﯩﻘﻼﺭﻧﯩﯔ
ﺑﯘ ﺟﻪﻫﻪﺗﺘﯩﻜﻰ ﻛﯚﺯ ﻗﺎﺭﯨﺸﻰ ﻣﯘﻧﺪﺍﻕ ﺋﯩﺪﻯ: «ﺑﯩﻠﯩﻢ ﻫﺎﻳﺎﺗﻠﯩﻘﻨﯩﯔ ﺋﻪﯓ ﺋﯘﻟﯘﻍ
ﺗﻪﺭﻛﯩﺒﯩﻲ ﻗﯩﺴﻤﻰ ﺑﻮﻟﯘﭖ، ﺋﯘ ﺑﯩﺮ ﺋﺎﺩﻩﻣﻨﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ
ﻣﯘﯞﻩﭘﭙﻪﻗﯩﻴﻪﺗﻜﻪ ﺋﯧﺮﯨﺸﺘﯜﺭﯨﺪﯗ. ﺋﯘﻧﻰ ﺋﯩﮕﯩﻠﻪﺷﻨﯩﯔ ﭘﻪﻗﻪﺕ ﺑﯩﺮﻻ ﻳﻮﻟﻰ ﺑﺎﺭ:
ﺳﻪﻣﯩﻤﯩﻴﻠﯩﻚ ﯞﻩ ﺗﯩﺮﯨﺸﭽﺎﻧﻠﯩﻖ. ﺋﯚﮔﯩﻨﯩﺶ ﺑﯩﺮ ﭼﯩﺮﺍﻕ ﺑﻮﻟﯘﭖ، ﺑﯩﺰ ﺋﯘ ﺋﺎﺭﻗﯩﻠﯩﻖ
ﺋﯚﺯﯨﻤﯩﺰﻧﯩﯔ ﺋﯚﺗﻤﯜﺷﯩﻨﻰ ﺋﻮﻗﯘﻳﺎﻻﻳﻤﯩﺰ، ﻫﻪﻣﺪﻩ ﺋﯚﺯﯨﻤﯩﺰﻧﯩﯔ ﻛﻪﻟﮕﯜﺳﯩﻨﻰ
ﻳﻮﺭﯗﺗﺎﻻﻳﻤﯩﺰ. ﻛﯩﺸﯩﻠﻪﺭ ﺑﯩﻠﯩﻢ ﺋﺎﺭﻗﯩﻠﯩﻖ ﺗﻪﻣﯩﻦ ﺋﯧﺘﯩﻠﯩﺪﯨﻐﺎﻥ ﭘﯘﺭﺳﻪﺗﻠﻪﺭ
ﺋﺎﺭﻗﯩﻠﯩﻖ ﺋﯚﺯ ﺩﯗﻧﻴﺎﺳﯩﻨﻰ ﻛﯧﯖﻪﻳﺘﻪﻟﻪﻳﺪﯨﻐﺎﻥ ﻛﯜﭺ-ﻗﯘﺩﺭﻩﺗﻜﻪ ﺋﯩﮕﯩﺪﯗﺭ». ﻣﻪﻥ
ﻳﯘﺭﺗﯩﻤﯩﺰﺩﯨﻜﻰ ﻫﻪﺭ ﺑﯩﺮ ﻳﺎﺵ-ﺋﯚﺳﻤﯜﺭﻧﯩﯔ ﺑﯘ ﺳﯚﺯﻟﻪﺭﻧﻰ ﺋﯧﺴﯩﺪﻩ ﭼﯩﯔ ﺗﯘﺗﯘﭖ،
ﺋﯚﺯﯨﻨﯩﯔ ﻳﺎﺷﻠﯩﻖ ﺩﻩﯞﺭﯨﻨﻰ ﺋﯩﺴﺮﺍﭖ ﻗﯩﻠﻤﺎﻱ، ﯞﺍﻗﺘﯩﻨﻰ ﻳﯜﺯﺩﻩ-ﻳﯜﺯ ﭘﯩﺮﺳﻪﻧﺖ
ﺑﯩﻠﯩﻢ ﺋﯩﮕﯩﻠﻪﺵ ﺋﯜﭼﯜﻥ ﺳﻪﺭﭖ ﻗﯩﻠﯩﺸﯩﻨﻰ ﺗﻮﻟﯩﻤﯘ ﺋﯜﻣﯩﺪ ﻗﯩﻠﯩﻤﻪﻥ.
ﻣﻪﻥ ﺑﯘ ﺳﯚﻫﺒﻪﺗﺘﻪ ﻳﻪﻫﯘﺩﯨﻴﻼﺭﻧﯩﯔ ﺋﯩﺸﻠﯩﺮﯨﻨﻰ ﺧﯧﻠﻰ ﻛﯚﭖ ﺗﻪﺳﯟﯨﺮﻟﯩﺪﯨﻢ.
ﺋﯘﻻﺭﻧﯩﯔ «ﻳﺎﺷﺎﺵ ﻳﻮﻟﻰ» ﻧﯩﻤﯘ ﺧﯘﻻﺳﯩﻠﻪﭖ ﺋﻮﺗﺘﯘﺭﯨﻐﺎ ﻗﻮﻳﺪﯗﻡ. ﺷﯘ ﺧﯘﻻﺳﯩﻨﯩﯔ
ﺋﯩﭽﯩﮕﻪ ﺗﯧﺨﻰ ﻛﯩﺮﮔﯜﺯﯛﻟﻤﯩﮕﻪﻥ ﻳﻪﻧﻪ ﺑﯩﺮ ﺋﯩﺶ ﺑﺎﺭ. ﺋﯘ ﺑﻮﻟﺴﯩﻤﯘ، ﻳﻪﻫﯘﺩﯨﻴﻼﺭ
ﺩﺍﯞﺍﻣﻠﯩﻖ ﺋﯚﺯﻟﯩﺮﻯ ﺩﯗﭺ ﻛﯧﻠﯩﺶ ﺋﯧﻬﺘﯩﻤﺎﻟﻠﯩﻘﻰ ﺑﻮﻟﻐﺎﻥ ﺋﻪﯓ ﻧﺎﭼﺎﺭ ﺋﻪﻫﯟﺍﻟﻨﻰ
ﺗﻪﺳﻪﯞﯞﯗﺭ ﻗﯩﻠﯩﭗ، ﺷﯘﻧﯩﯖﻐﺎ ﻫﻪﺭ ﺗﻪﺭﻩﭘﻠﯩﻤﻪ ﺗﻪﻳﻴﺎﺭﻟﯩﻖ ﻛﯚﺭﯛﭖ ﺗﯘﺭﯗﭖ ﻳﺎﺷﺎﻳﺪﯗ.
ﺑﯘ ﺧﯘﺩﺩﻯ ﺑﯩﺮ ﻛﯚﭖ ﻳﻪﺭ ﺗﻪﯞﺭﻩﻳﺪﯨﻐﺎﻥ ﺭﺍﻳﻮﻧﺪﺍ ﻳﺎﺷﺎﯞﺍﺗﻘﺎﻥ ﻛﯩﺸﯩﻠﻪﺭ «ﺋﻪﮔﻪﺭ
ﻫﺎﺯﯨﺮﻻ 8 ﺑﺎﻝ ﻳﻪﺭ ﺗﻪﯞﺭﻩﭖ ﻗﺎﻟﺴﺎ، ﺑﯩﺰ ﻗﺎﻧﺪﺍﻕ ﻗﯩﻠﯩﻤﯩﺰ؟» ﺩﻩﭖ ﺳﻮﺭﺍﭖ
ﺗﯘﺭﻏﺎﻧﻐﺎ ﺋﻮﺧﺸﺎﺵ ﺋﯩﺶ. ﺷﯘﻧﺪﺍﻗﻼ، ﺑﯩﺮ ﺋﯘﺭﯗﺵ ﺑﻮﻟﯘﯞﺍﺗﻘﺎﻥ ﺭﺍﻳﻮﻧﺪﺍ
ﻳﺎﺷﺎﯞﺍﺗﻘﺎﻥ ﺑﯩﺮ ﺋﺎﺋﯩﻠﻪ ﻛﯩﺸﯩﻠﯩﺮﻯ «ﺋﻪﮔﻪﺭ ﻫﺎﺯﯨﺮﻻ ﺑﯩﺰﻧﯩﯔ ﺋﯚﻳﻨﯩﯔ ﺋﯜﺳﺘﯩﮕﻪ
ﺑﯩﺮ ﺑﻮﻣﺒﺎ ﭼﯜﺷﺴﻪ، ﺑﯩﺰ ﻗﺎﻧﺪﺍﻕ ﻗﯩﻠﯩﻤﯩﺰ؟» ﺩﻩﭖ ﺳﻮﺭﺍﭖ ﺗﯘﺭﻏﯩﻨﯩﻐﺎ ﺋﻮﺧﺸﺎﺵ
ﺋﯩﺶ. ﻫﺎﺯﯨﺮ ﺋﯘﻳﻐﯘﺭﻻﺭ ﺋﯩﻨﺘﺎﻳﯩﻦ ﻛﯚﭖ ﯞﻩ ﺋﯩﻨﺘﺎﻳﯩﻦ ﻛﻪﺳﻜﯩﻦ ﻣﻪﺳﯩﻠﯩﻠﻪﺭﮔﻪ ﺩﯗﭺ
ﻛﯧﻠﯩﯟﺍﺗﯩﺪﯗ. ﻣﯧﻨﯩﯖﭽﻪ ﺋﻪﻗﻠﻰ-ﻫﻮﺷﻰ ﺟﺎﻳﯩﺪﺍ، ﻫﻪﻗﯩﻘﯩﻲ ﯞﯨﺠﺪﺍﻧﻰ ﺑﺎﺭ ﺑﯩﺮ
ﻛﯩﺸﯩﻨﯩﯔ ﺑﯘﻧﺪﺍﻕ ﻛﻪﺳﻜﯩﻦ ﺋﻪﻫﯟﺍﻟﻼﺭﻧﻰ ﻛﯚﺭﻣﻪﺳﻠﯩﻜﻜﻪ ﺳﯧﻠﯩﭗ، ﻛﺎﻟﻠﯩﺴﯩﻨﻰ
ﭘﯜﺭﻛﯩﯟﯦﻠﯩﭗ ﻳﺎﺷﺎﭖ ﻣﺎﯕﺎﻟﯩﺸﻰ ﺋﺎﺳﺎﻥ ﺋﻪﻣﻪﺱ. ﺷﯘﯕﺎ ﺋﯘﻳﻐﯘﺭﻻﺭﻣﯘ
ﺋﺎﺭﯨﻼﭖ-ﺋﺎﺭﯨﻼﭖ، «ﺑﯩﺰ ﺩﯗﭺ ﻛﯧﻠﯩﺸﯩﻤﯩﺰ ﻣﯘﻣﻜﯩﻦ ﺑﻮﻟﻐﺎﻥ ﺋﻪﯓ ﻧﺎﭼﺎﺭ ﺋﻪﻫﯟﺍﻝ
ﻗﺎﻳﺴﻰ؟» ﺩﻩﭖ ﺋﯚﺯ-ﺋﯚﺯﯨﺪﯨﻦ ﺳﻮﺭﺍﭖ ﺗﯘﺭﻏﯩﻨﻰ ﻳﺎﺧﺸﻰ. ﺗﯧﺨﯩﻤﯘ ﻣﯘﻫﯩﻤﻰ، ﻳﺎﻟﻐﯘﺯ
ﺋﯚﺯ-ﺋﯚﺯﯨﺪﯨﻦ ﺳﻮﺋﺎﻝ ﺳﻮﺭﺍﭘﻼ ﻗﺎﻟﻤﺎﺳﺘﯩﻦ، ﺋﺎﺷﯘﻧﺪﺍﻕ ﻧﺎﭼﺎﺭ ﺋﻪﻫﯟﺍﻟﻨﯩﯔ ﻳﯜﺯ
ﺑﯧﺮﯨﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺋﯜﭼﯜﻥ، ﺗﻮﺧﺘﯩﻤﺎﻱ ﺗﯩﺮﯨﺸﯩﺸﻰ ﻛﯧﺮﻩﻙ. ﻳﻪﻫﯘﺩﯨﻴﻼﺭ
ﺩﻩﻝ ﺋﺎﺷﯘﻧﺪﺍﻕ ﻗﯩﻠﯩﺪﯗ. ﻳﻪﻫﯘﺩﯨﻴﻼﺭﻧﯩﯔ ﺋﺎﻧﭽﻪ ﻛﯚﭖ ﻛﯜﻟﻤﻪﻱ، ﻧﺎﺧﺸﺎ ﺋﯧﻴﺘﻤﺎﻱ،
ﺋﯘﺳﺴﯘﻝ ﺋﻮﻳﻨﯩﻤﺎﻱ، ﻛﯚﭘﯩﻨﭽﻪ ﯞﺍﻗﯩﺘﺘﺎ ﺑﯩﺮ ﺧﯩﻞ ﺟﯩﺪﺩﯨﻲ ﻫﺎﻟﻪﺗﺘﻪ ﺗﯘﺭﻏﺎﻧﺪﻩﻙ
ﻛﯚﺭﯛﻧﯩﺸﻰ، ﻣﺎﻧﺎ ﻣﯘﺷﯘﻧﺪﺍﻕ ﺳﻪﯞﻩﺑﺘﯩﻦ ﺑﻮﻟﯘﺷﻰ ﻣﯘﻣﻜﯩﻦ. ﺑﯘ ﺧﯘﺩﺩﻯ
ﺋﯘﻳﻐﯘﺭﻻﺭﻧﯩﯔ ﺑﯩﺮ ﺗﻪﻣﺴﯩﻠﯩﺪﻩ ﺋﯧﻴﺘﯩﻠﻐﺎﻧﺪﻩﻙ ﺋﯩﺶ: «ﻣﯩﺪﯨﺮﻻﭖ ﺗﯘﺭﻏﺎﻥ ﻗﯘﺭﯗﺕ
ﻛﯚﻣﯜﻟﯜﭖ ﻗﺎﻟﻤﺎﻳﺪﯗ». ﻣﻪﻥ ﻳﯘﻗﯩﺮﯨﻘﻰ ﺋﯩﺸﻨﻰ ﺋﯚﺯﯨﻨﯩﯔ ﺋﺎﺩﯨﺘﯩﮕﻪ ﺋﺎﻳﻼﻧﺪﯗﺭﯗﺷﻨﻰ
ﻫﺎﺯﯨﺮ ﺋﯚﺯ ﺋﯩﺴﺘﯩﻘﺒﺎﻟﯩﺪﯨﻦ ﺋﯜﻣﯩﺪﺳﯩﺰﻟﯩﻨﯩﭗ، ﺋﺎﻧﭽﻪ ﺗﯩﺮﯨﺸﻤﺎﻳﺪﯨﻐﺎﻥ ﺑﻮﻟﯘﭖ
ﻗﺎﻟﻐﺎﻥ ﻫﻪﺭ ﺑﯩﺮ ﺋﯘﻳﻐﯘﺭ ﻳﺎﺵ-ﺋﯚﺳﻤﯜﺭ ﺋﯜﭼﯘﻧﻤﯘ ﺗﻪﺷﻪﺑﺒﯘﺱ ﻗﯩﻠﯩﻤﻪﻥ.
ﭼﯜﺷﻜﯜﻧﻠﯩﺸﯩﭗ ﻫﯧﭻ ﺑﯩﺮ ﺋﯩﺶ ﺧﻮﺵ ﻳﺎﻗﻤﯩﻐﺎﻥ ﯞﺍﻗﺘﯩﯖﯩﺰﺩﺍ، ﺋﯚﺯﯨﯖﯩﺰﺩﯨﻦ
ﻳﯘﻗﯩﺮﯨﻘﯩﺪﻩﻙ ﺑﯩﺮ ﺳﻮﺋﺎﻟﻨﻰ ﺳﻮﺭﺍﭖ ﺑﯧﻘﯩﯔ. ﭼﻮﻗﯘﻡ ﭼﯜﺷﻜﯜﻧﻠﯜﻛﻨﻰ ﻛﯜﭼﻜﻪ
ﺋﺎﻳﻼﻧﺪﯗﺭﺍﻻﻳﺴﯩﺰ. ﻫﯧﭻ ﺑﻮﻟﻤﯩﻐﺎﻧﺪﺍ، ﻣﻪﻥ ﺷﯘﻧﺪﺍﻕ ﺑﻮﻟﯘﺷﯩﻐﺎ ﺗﯩﻠﻪﻛﺪﺍﺷﻤﻪﻥ.
ﺋﺎﺩﻩﻡ ﺟﺎﭘﺎﻟﯩﻖ ﺋﯩﺸﻠﯩﮕﻪﻧﮕﻪ، ﺋﯩﺰﭼﯩﻞ ﺗﯜﺭﺩﻩ ﻗﺎﺗﺘﯩﻖ ﺗﯩﺮﯨﺸﻘﺎﻧﻐﺎ ﺋﯚﻟﯜﭖ
ﻗﺎﻟﻤﺎﻳﺪﯗ. ﻗﯩﻴﯩﻨﭽﯩﻠﯩﻘﻘﺎ ﺑﺎﺵ ﺋﻪﮔﻤﻪﻱ، ﺋﻪﯓ ﻗﯩﻴﯩﻦ ﺋﯩﺸﻼﺭﺩﺍ ﺑﺎﺷﻘﯩﻼﺭ
ﺋﺎﺳﺎﻧﻠﯩﻘﭽﻪ ﻗﯩﻼﻟﻤﯩﻐﺎﻥ ﺋﯩﺸﻼﺭﻧﻰ ﻗﯩﻠﯩﺸﻘﺎ ﺟﯜﺭﺋﻪﺕ ﻗﯩﻠﯩﺶ ﺋﺎﺭﻗﯩﻠﯩﻖ، ﺋﯚﺯﯨﮕﻪ
ﺑﺎﺭﻏﺎﻧﺴﯧﺮﻯ ﻛﯚﭖ ﻳﻮﻝ ﺋﯧﭽﯩﭗ ﻣﺎﯕﺎﻻﻳﺪﯗ. ﻣﻪﻥ ﻳﯘﻗﯩﺮﯨﻘﻰ ﻳﺎﺯﻣﺎﻣﺪﺍ ﺑﯘ ﻧﯘﻗﺘﯩﻨﻰ
ﺋﯩﻠﮕﯩﺮﻯ ﺳﯜﺭﯛﺷﻜﯩﻤﯘ ﻛﯚﭖ ﺗﯩﺮﯨﺸﺘﯩﻢ. ﺑﯘ ﻳﯩﻞ (ﻳﻪﻧﻰ 2005-ﻳﯩﻠﻰ) 6-ﻣﺎﺭﺕ ﻛﯜﻧﻰ،
20-ﺋﻪﺳﯩﺮﻧﯩﯔ ﺋﻪﯓ ﻣﻪﺷﻬﯘﺭ ﻓﯩﺰﯨﻜﺎ ﺋﺎﻟﯩﻤﯩﻨﯩﯔ ﺑﯩﺮﻯ ﺑﻮﻟﻐﺎﻥ
Bethe
ﺋﻪﭘﻪﻧﺪﯨﻢ ﺋﯚﻟﯜﭖ ﻛﻪﺗﺘﻰ. ﺋﯘ ﻛﯩﺸﻰ 2-ﺩﯗﻧﻴﺎ ﺋﯘﺭﯗﺷﻰ ﻣﻪﺯﮔﯩﻠﯩﺪﻩ ﺋﺎﻣﯧﺮﯨﻜﯩﻨﯩﯔ
ﻟﻮﺱ-ﺋﺎﻧﮋﯨﻠﯩﺲ ﺩﯙﻟﻪﺕ ﺗﻪﺟﺮﯨﺒﯩﺨﺎﻧﯩﺴﯩﻜﻰ ﻣﺎﻧﺨﺎﺗﺘﻮﻥ ﭘﺮﻭﺟﻪﻛﺘﯩﻨﯩﯔ ﻧﻪﺯﻩﺭﻳﯩﯟﯨﻲ
ﻓﯩﺰﯨﻜﺎ ﺑﯚﻟﯜﻣﯩﻨﯩﯔ ﺑﺎﺷﻠﯩﻘﻰ ﺑﻮﻟﯘﭖ، ﺋﺎﺗﻮﻡ ﺑﻮﻣﺒﯩﺴﯩﻨﯩﯔ ﻛﻪﺷﭗ ﻗﯩﻠﯩﻨﯩﺸﯩﺪﺍ
ﺋﺎﭼﻘﯘﭼﻠﯘﻕ ﺭﻭﻝ ﺋﻮﻳﻨﯩﻐﺎﻥ ﻫﻪﻣﺪﻩ ﻗﯘﻳﺎﺵ ﯞﻩ ﻳﯘﻟﺘﯘﺯﻻﺭﻧﯩﯔ ﺋﯩﺴﺴﯩﻘﻠﯩﻖ
ﺋﯧﻨﯧﺮﮔﯩﻴﻪﺳﯩﻨﯩﯔ ﭘﻪﻳﺪﺍ ﺑﻮﻟﯘﺵ ﺟﻪﺭﻳﺎﻧﯩﻨﻰ ﺑﺎﻳﻘﺎﺵ ﺋﺎﺭﻗﯩﻠﯩﻖ 1967-ﻳﯩﻠﻰ ﻧﻮﺑﯧﻞ
ﻣﯘﻛﺎﭘﯩﺘﯩﻐﺎ ﺋﯧﺮﯨﺸﻜﻪﻥ.Bethe
1906-ﻳﯩﻠﻰ
ﺗﯘﻏﯘﻟﻐﺎﻥ ﺑﻮﻟﯘﭖ، ﺋﺎﭘﯩﺴﻰ ﻳﻪﻫﯘﺩﯨﻲ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﺋﯚﺯﯨﻨﯩﯔ
ﮔﯧﺮﻣﺎﻧﯩﻴﻪﺩﯨﻜﻰ ﭘﺮﻭﻓﯧﺴﺴﻮﺭﻟﯘﻕ ﺧﯩﺰﻣﯩﺘﯩﺪﯨﻦ ﻗﯘﺭﯗﻕ ﻗﯧﻠﯩﭗ، 1933-ﻳﯩﻠﻰ
ﮔﯧﺮﻣﺎﻧﯩﻴﻪﺩﯨﻦ ﻗﯧﭽﯩﭗ ﻛﻪﺗﻜﻪﻥ. 1935-ﻳﯩﻠﻰ ﺋﺎﻣﯧﺮﯨﻜﯩﻨﯩﯔ
Cornell
ﺋﯘﻧﯩﯟﯦﺮﺳﯩﺘﯧﺘﯩﻐﺎ ﭘﺮﻭﻓﯧﺴﺴﻮﺭ ﺑﻮﻟﯘﭖ ﻛﯩﺮﮔﻪﻥ. ﺑﯘ ﻛﯩﺸﯩﻨﯩﯔ ﻳﯘﻗﯩﺮﯨﻘﯩﺪﻩﻙ ﺑﯩﺮ
ﻗﺎﻧﭽﻪ ﺟﯜﻣﻠﻪ ﺳﻪﺭﮔﯜﺯﻩﺷﺘﻠﯩﺮﯨﺪﯨﻦ ﺋﯘﻧﯩﯔ ﺋﯚﺯ ﺋﯚﻣﺮﯨﺪﻩ ﻗﺎﻧﭽﯩﻠﯩﻚ
ﺟﺎﭘﺎ-ﻣﯘﺷﻪﻗﻪﺗﻠﻪﺭﻧﻰ ﺋﯚﺯ ﺑﯧﺸﯩﺪﯨﻦ ﺋﯚﺗﻜﯜﺯﮔﻪﻧﻠﯩﻜﯩﻨﻰ، ﻗﺎﻧﭽﯩﻠﯩﻚ ﺗﯩﺮﯨﺸﭽﺎﻧﻠﯩﻖ
ﻛﯚﺭﺳﻪﺗﻜﻪﻧﻠﯩﻜﯩﻨﻰ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ. ﺷﯘﻧﺪﺍﻕ ﻗﯩﻠﯩﭗ ﺗﯘﺭﯗﭘﻤﯘ، ﺋﯘ ﻛﯩﺸﻰ 99
ﻳﯩﻞ ﺋﯚﻣﯜﺭ ﻛﯚﺭﯛﭘﺘﯘ. ﺷﯘﯕﺎ ﺑﯩﺮ ﺋﺎﺩﻩﻡ ﻫﻪﺭﮔﯩﺰ ﺋﯚﺯﯨﻨﯩﯔ ﻗﺎﺗﺘﯩﻖ ﺋﯩﺸﻠﻪﭖ،
ﺋﺎﺳﺎﻥ ﻗﯧﺮﯨﭗ ﻛﯧﺘﯩﺸﯩﺪﯨﻦ ﻳﺎﻛﻰ ﺑﺎﻟﺪﯗﺭ ﺋﯚﻟﯜﭖ ﻛﯧﺘﯩﺸﯩﺪﯨﻦ ﺋﻪﻧﺴﯩﺮﯨﻤﻪﺳﻠﯩﻜﻰ
ﻛﯧﺮﻩﻙ. ﺧﺎﺗﯩﺮﺟﻪﻡ ﻫﺎﻟﺪﺍ ﺋﯚﺯﯨﻨﯩﯔ ﺑﺎﺭﻟﯩﻖ ﺋﯩﻘﺘﯩﺪﺍﺭﯨﻨﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﺪﻩ
ﺋﯩﺸﻘﺎ ﺳﯧﻠﯩﭗ، ﺋﯚﺯﯨﻨﯩﯔ ﻳﻮﺷﯘﺭﯗﻥ ﻛﯜﭼﯩﺪﯨﻦ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﺪﻩ ﭘﺎﻳﺪﯨﻠﯩﻨﯩﺶ
ﺋﯜﭼﯜﻥ ﺑﯩﺮ ﺋﯚﻣﯜﺭ ﺗﯩﺮﯨﺸﯩﺸﻰ ﻛﯧﺮﻩﻙ. ﺑﺎﺷﻘﯩﻼﺭ ﻗﯩﻼﻟﻤﯩﻐﺎﻧﻨﻰ ﻗﯩﻠﯩﺶ،
ﺑﺎﺷﻘﯩﻼﺭﺩﯨﻦ ﻳﺎﺧﺸﯩﺮﺍﻕ ﻳﺎﺷﺎﺵ ﺋﯜﭼﯜﻥ، ﭼﻮﻗﯘﻡ ﺑﺎﺷﻘﯩﻼﺭﻏﺎ ﻗﺎﺭﯨﻐﺎﻧﺪﺍ ﺑﻪﻛﺮﻩﻙ
ﺗﯩﺮﯨﺸﯩﺶ ﻛﯧﺮﻩﻙ. ﺑﯘﻧﯩﯖﺪﯨﻦ ﺑﺎﺷﻘﺎ ﻳﻮﻝ ﻳﻮﻕ.
ﺑﯩﺮ ﺋﺎﺩﻩﻡ ﺋﯚﺯﯨﻨﯩﯔ ﺋﯩﺶ ﻫﻪﺭﯨﻜﯩﺘﯩﻨﻰ ﺑﯩﺮ ﻧﯩﺸﺎﻥ ﻳﺎﻛﻰ ﺑﺎﻳﺎﻧﻨﺎﻣﻪ (ﺋﯩﻨﮕﻠﯩﺰﭼﻪ
«declaration»
) ﺋﺎﺭﻗﯩﻠﯩﻖ ﻛﻮﻧﺘﺮﻭﻝ ﻗﯩﻠﻐﺎﻧﺪﺍ، ﺋﯘﻧﯩﯔ ﺋﯜﻧﯜﻣﻰ ﺋﻪﯓ ﻳﺎﺧﺸﻰ ﺑﻮﻟﯩﺪﯗ. ﻣﻪﻥ
ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﯚﺯﯛﻡ ﺋﯜﭼﯜﻥ ﺗﯜﺯﮔﻪﻥ ﺑﺎﻳﺎﻧﻨﺎﻣﯩﻠﻪﺭﻧﯩﯔ ﺑﯩﺮﻯ: «ﺑﺎﺷﻘﯩﻼﺭ
ﻗﯩﻼﻟﯩﻐﺎﻥ ﺋﯩﺸﻨﻰ ﺋﯘﻳﻐﯘﺭﻻﺭﻧﯩﯖﻤﯘ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﺵ»
ﺑﻮﻟﻐﺎﻧﯩﺪﻯ. ﻣﻪﻥ ﺑﯘ ﺑﺎﻳﺎﻧﻨﺎﻣﯩﻨﻰ ﻣﻪﻟﯘﻡ ﺩﻩﺭﯨﺠﯩﺪﻩ ﺋﻪﻣﻪﻟﮕﻪ ﺋﺎﺷﯘﺭﺩﯗﻡ. ﺋﯘﻧﻰ
ﻣﻪﻧﺪﯨﻦ ﺑﺎﺷﻘﺎ ﺟﯘﯕﮕﻮﺩﯨﻜﻰ ﯞﻩ ﭼﻪﺕ ﺋﻪﻟﺪﯨﻜﻰ ﻧﯘﺭﻏﯘﻥ ﺷﯩﺠﺎﺋﻪﺗﻠﯩﻚ ﺋﯘﻳﻐﯘﺭ
ﻳﺎﺷﻠﯩﺮﯨﻤﯘ ﺋﯩﺴﭙﺎﺗﻠﯩﺪﻯ. ﺋﯘﻧﻰ ﺑﯘﻧﯩﯖﺪﯨﻦ ﻛﯧﻴﯩﻦ ﻳﻪﻧﻪ ﻛﯚﭘﻠﯩﮕﻪﻥ ﺗﯩﺮﯨﺸﭽﺎﻥ
ﺋﯘﻳﻐﯘﺭ ﻳﺎﺷﻠﯩﺮﻯ ﺩﺍﯞﺍﻣﻠﯩﻖ ﺋﯩﺴﭙﺎﺗﻼﻳﺪﯗ.
ﻣﻪﻥ ﺑﯘ ﻳﻪﺭﺩﻩ ﺑﺎﺭﻟﯩﻖ ﺋﻮﺕ ﻳﯜﺭﻩﻙ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺋﯚﺯﻟﯩﺮﻯ ﺋﯜﭼﯜﻥ ﻣﯘﻧﺪﺍﻕ
ﺑﯩﺮ ﺑﺎﻳﺎﻧﻨﺎﻣﯩﻨﻰ ﺗﯜﺯﯛﺷﯩﻨﻰ ﺗﻪﻛﻠﯩﭗ ﻗﯩﻠﯩﻤﻪﻥ: «ﻣﻪﻥ ﺗﻮﺧﺘﯩﻤﺎﻱ ﺗﯩﺮﯨﺸﯩﭗ،
ﺋﯘﻳﻐﯘﺭﺩﯨﻦ ﺋﯩﺒﺎﺭﻩﺕ ﺑﯩﺮ ﻣﯩﻠﻠﻪﺗﻨﯩﯔ ﻣﻪﯞﺟﯘﺗﻠﯘﻗﯩﻨﻰ ﺩﯗﻧﻴﺎﻏﺎ ﺑﯩﻠﺪﯛﺭﯛﺵ ﺋﯜﭼﯜﻥ
ﺑﯩﺮ ﻛﯩﺸﯩﻠﯩﻚ ﺗﯚﻫﭙﻪ ﻗﻮﺷﯩﻤﻪﻥ». ﻫﺎﺯﯨﺮ ﺑﯘ ﺟﻪﻫﻪﺗﺘﻪ ﻧﯘﺭﻏﯘﻥ ﻛﯩﺸﯩﻠﻪﺭ ﺟﺎﭘﺎﻟﯩﻖ
ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﯟﺍﺗﯩﺪﯗ. ﻟﯧﻜﯩﻦ ﺑﯘ ﻗﻮﺷﯘﻥ ﻳﻪﻧﯩﻼ ﺋﯩﻨﺘﺎﻳﯩﻦ ﻛﯩﭽﯩﻚ.
ﻳﻪﻧﯩﻼ ﺋﯩﻨﺘﺎﻳﯩﻦ ﺋﺎﺟﯩﺰ. ﺑﯘ ﺟﻪﻫﻪﺗﺘﻪ ﺑﯩﺮ ﺋﺎﺯ ﻛﯚﺯﮔﻪ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﻪ
ﻳﺎﺭﯨﺘﯩﺶ ﺋﯜﭼﯜﻥ، ﻳﻪﻧﻪ ﻧﯘﺭﻏﯘﻥ ﺋﯘﻳﻐﯘﺭ ﻳﺎﺷﻠﯩﺮﻯ ﺑﯘ ﻗﻮﺷﯘﻧﻐﺎ ﻗﻮﺷﯘﻟﯩﺸﻰ ﻛﯧﺮﻩﻙ.
ﻣﻪﻥ ﺑﯘ ﻳﻪﺭﺩﻩ ﭘﯜﺗﯜﻥ ﺋﯘﻳﻐﯘﺭ ﺧﻪﻟﻘﯩﮕﯩﻤﯘ ﺋﯚﺯﻟﯩﺮﻯ ﺋﯜﭼﯜﻥ ﺑﯘﻧﯩﯖﺪﯨﻦ ﻛﯧﻴﯩﻦ
ﺋﻪﻣﻪﻟﮕﻪ ﺋﺎﺷﯘﺭﯨﺪﯨﻐﺎﻧﻐﺎ ﻣﯘﻧﺪﺍﻕ ﺑﯩﺮ ﺑﺎﻳﺎﻧﻨﺎﻣﯩﻨﻰ ﺗﺎﻟﻠﯩﯟﯦﻠﯩﺸﯩﻨﻰ ﺗﻪﻛﻠﯩﭗ
ﻗﯩﻠﯩﻤﻪﻥ: «ﻣﻪﻥ ﺗﻮﺧﺘﯩﻤﺎﻱ ﺗﯩﺮﯨﺸﯩﭗ، ﺋﯘﻳﻐﯘﺭﻧﯩﯔ ﻛﯩﻤﻠﯩﻜﯩﻨﻰ ﻣﻪﯕﮕﯜ ﺳﺎﻗﻼﭖ
ﻗﯧﻠﯩﺶ ﺋﯜﭼﯜﻥ ﺑﯩﺮ ﻛﯩﺸﯩﻠﯩﻚ ﺗﯚﻫﭙﻪ ﻗﻮﺷﯩﻤﻪﻥ». ﺑﯘ ﺑﺎﻳﺎﻧﻨﺎﻣﯩﻨﻰ ﺋﻪﻣﻪﻟﮕﻪ
ﺋﺎﺷﯘﺭﯗﺵ ﺑﯩﺮ ﺋﯘﺯﯗﻥ ﻣﯘﺩﺩﻩﺗﻠﯩﻚ ﻣﯜﺷﻜﯜﻝ ﯞﻩﺯﯨﭙﻪ. ﻫﻪﺭ ﺑﯩﺮ ﺋﯘﻳﻐﯘﺭﻧﯩﯔ ﺑﯘ
ﺳﺎﻫﻪﺩﻩ ﺋﻮﻳﻨﯩﻐﺎﻥ ﺭﻭﻟﯩﻨﯩﯔ ﻗﺎﻧﺪﺍﻕ ﺑﻮﻟﯘﺷﻰ ﭘﯜﺗﯜﻥ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ
ﻛﻪﻟﮕﯜﺳﯩﺪﯨﻜﻰ ﺗﻪﻗﺪﯨﺮﯨﻨﻰ ﺑﻪﻟﮕﯩﻠﻪﻳﺪﯗ. ﺋﯘﻳﻐﯘﺭﻧﯩﯔ ﺋﯩﺴﺘﯩﻘﺒﺎﻟﯩﻐﺎ، ﺋﯘﻳﻐﯘﺭﻧﯩﯔ
ﻛﯧﻴﯩﻨﻜﻰ ﺋﻪﯞﻻﺩﻟﯩﺮﯨﻐﺎ ﻛﯚﯕﯜﻝ ﺑﯚﻟﯩﺪﯨﻐﺎﻥ ﻫﻪﺭ ﻗﺎﻧﺪﺍﻕ ﺑﯩﺮ ﺋﺎﺩﻩﻡ، ﺑﯘﻧﺪﺍﻕ
ﺑﯩﺮ ﺑﺎﻳﺎﻧﻨﺎﻣﯩﺪﯨﻦ ﺋﯚﺯﯨﻨﻰ ﺋﯧﻠﯩﭗ ﻗﺎﭼﻤﺎﺳﻠﯩﻘﻰ ﻛﯧﺮﻩﻙ. ﺑﯩﺰ ﭘﻪﻗﻪﺕ ﺷﯘﻧﺪﺍﻕ
ﻗﯩﻠﯩﺶ ﺋﺎﺭﻗﯩﻠﯩﻘﻼ، ﺋﯚﺯﯨﻤﯩﺰﻧﯩﯔ ﻛﻪﻟﮕﯜﺳﻰ ﺋﻪﯞﻻﺩﻟﯩﺮﯨﻐﺎ ﻳﯜﺯ ﻛﯧﻠﻪﻟﻪﻳﻤﯩﺰ.
ﺑﯩﺰ ﭘﻪﻗﻪﺕ ﺷﯘﻧﺪﺍﻕ ﻗﯩﻠﻐﺎﻧﺪﯨﻼ، ﺋﯚﺯﯨﻤﯩﺰ ﺋﯚﻟﯩﺪﯨﻐﺎﻥ ﯞﺍﻗﯩﺘﺘﺎ: «ﻣﯧﻨﯩﯔ ﻫﯧﭻ
ﻗﺎﻧﺪﺍﻕ ﺋﺎﺭﻣﯩﻨﯩﻢ ﻳﻮﻕ. ﭼﯜﻧﻜﻰ، ﻣﻪﻥ ﺋﯚﺯﯛﻣﻨﯩﯔ ﭘﯜﺗﯜﻥ ﻫﺎﻳﺎﺗﯩﻨﻰ ﺋﯩﻨﺘﺎﻳﯩﻦ
ﻣﻪﻧﯩﻠﯩﻚ ﺋﯚﺗﻜﯜﺯﺩﯛﻡ» ﺩﻩﭖ ﺋﯧﻴﺘﺎﻻﻳﻤﯩﺰ. ﻳﺎﺧﺸﻰ ﺋﺎﺩﻩﻡ ﺋﻪﯓ ﺋﺎﺧﯩﺮﻯ ﭼﻮﻗﯘﻡ
ﺋﯘﺗﯘﭖ ﭼﯩﻘﯩﺪﯗ. ﺑﯩﺮ ﻳﺎﺧﺸﻰ ﻣﯩﻠﻠﻪﺗﻤﯘ ﺷﯘﻧﺪﺍﻕ. ﺑﯩﺰ ﻫﻪﻣﻤﯩﻤﯩﺰ ﺋﻮﺭﺗﺎﻕ
ﺗﯩﺮﯨﺸﯩﭗ، ﺋﯘﻳﻐﯘﺭﻧﯩﯔ ﺑﯩﺮ ﻳﺎﺧﺸﻰ ﻣﯩﻠﻠﻪﺗﻠﯩﻜﯩﺪﯨﻦ ﺋﯩﺒﺎﺭﻩﺕ ﺑﯩﺮ ﻫﻪﻗﯩﻘﻪﺗﻨﻰ
ﺋﯩﺴﭙﺎﺗﻼﭖ ﭼﯩﻘﺎﻳﻠﻰ.
ﺋﻪﺭﻛﯩﻦ ﺳﯩﺪﯨﻖ
2005-ﻳﯩﻠﻰ 19-ﻣﺎﻱ
ﺑﺎﺵ ﺑﻪﺗﻜﻪ ﻗﺎﻳﺘﯩﺶ | 
