|
2- ﺑﯚﻟﯜﻡ
7- ﺳﻮﺋﺎﻝ: ﺗﻮﺭ ﺑﯧﺘﯩﯖﯩﺰﺩﻩ ﻳﯘﺭﺗﺘﯩﻜﻰ ﻳﺎﺷﻼﺭ ﺑﯩﻠﯩﺸﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻥ
ﻧﯘﺭﻏﯘﻥ ﻣﻪﺳﯩﻠﯩﮕﻪ ﺟﺎﯞﺍﺏ ﺑﯧﺮﯨﭙﺴﯩﺰ. ﺑﯘ ﺗﻮﺭ ﺑﻪﺗﻨﻰ ﺋﯩﺸﻠﻪﺵ ﺋﺎﺭﺍﻡ
ﺋﯧﻠﯩﺸﯩﯖﯩﺰﻧﯩﯔ ﺑﯩﺮ ﻗﯩﺴﻤﯩﻤﯘ؟
ﺟﺎﯞﺍﺏ: ﻣﻪﻥ ﺑﺎﺷﻼﻧﻐﯘﭺ ﻣﻪﻛﺘﻪﭘﺘﻪ ﺋﻮﻗﯘﯞﺍﺗﻘﺎﻥ ﯞﺍﻗﺘﯩﻤﺪﯨﻦ ﺗﺎﺭﺗﯩﭙﻼ،
ﺳﺎﯞﺍﻗﺪﺍﺷﻠﯩﺮﯨﻤﻐﺎ ﺋﯚﮔﯩﻨﯩﺸﺘﻪ ﻳﺎﺭﺩﻩﻡ ﺑﯧﺮﯨﺸﻨﻰ ﺑﺎﺷﻠﯩﻐﺎﻥ ﺑﻮﻟﯘﭖ، ﺑﺎﺷﻘﯩﻼﺭﻏﺎ
ﻳﺎﺭﺩﻩﻡ ﺑﯧﺮﯨﺸﻨﻰ ﺋﯚﺯﯛﻡ ﺋﯜﭼﯜﻥ ﺷﻪﺭﻩﭘﻠﯩﻚ ﺋﯩﺶ، ﺩﻩﭖ ﻫﯧﺴﺎﺑﻼﺵ ﻣﺎﯕﺎ ﺷﯘ ﭼﺎﻏﺪﯨﻦ
ﺑﺎﺷﻼﭖ ﺋﺎﺩﻩﺕ ﺑﻮﻟﯘﭖ ﻗﺎﻟﻐﺎﻥ ﺋﯩﺪﻯ. ﺑﯘ ﺋﺎﺩﻩﺗﻨﻰ ﻣﻪﻥ ﺋﯩﺰﭼﯩﻞ ﺩﺍﯞﺍﻣﻼﺷﺘﯘﺭﯗﭖ
ﻛﻪﻟﺪﯨﻢ. ﺋﯩﻤﻜﺎﻧﯩﻴﻪﺗﻼ ﻳﺎﺭ ﺑﻪﺭﺳﻪ، ﻣﻪﻳﻠﻰ ﺑﯩﺮﻩﺭ ﺷﻪﺧﺴﻜﻪ ﻳﺎﻛﻰ ﭘﯜﺗﯜﻥ
ﻣﯩﻠﻠﻪﺗﻜﻪ ﺑﻮﻟﺴﯘﻥ، ﭘﺎﻳﺪﯨﻠﯩﻘﻼ ﺋﯩﺶ ﺑﻮﻟﯩﺪﯨﻜﻪﻥ، ﻣﻪﻥ ﺋﯘﻧﺪﺍﻕ ﺋﯩﺸﻨﻰ ﻗﯩﻠﯩﺸﺘﯩﻦ
ﺯﺍﺩﯨﻼ ﺑﺎﺵ ﺗﺎﺭﺗﻤﯩﺪﯨﻢ. ﻫﻪﻣﺪﻩ ﭘﯜﺗﯜﻥ ﯞﯗﺟﯘﺩﯗﻡ ﺑﯩﻠﻪﻥ ﺋﻪﺗﺮﺍﭘﯩﻤﺪﯨﻜﯩﻠﻪﺭﻧﻰ
ﺋﯚﺯﯛﻡ ﺑﯩﻠﻪﻥ ﺑﯩﺮﮔﻪ ﺋﯧﻠﯩﭗ ﻣﯧﯖﯩﺸﻘﺎ، ﺋﯘﻻﺭﻧﻰ ﺗﻮﻏﺮﺍ ﻳﻮﻟﻐﺎ ﺑﺎﺷﻼﺷﻘﺎ
ﺗﯩﺮﯨﺸﺘﯩﻢ. ﻗﻮﻟﯘﻣﺪﯨﻦ ﻛﻪﻟﺴﯩﻼ، ﻣﻪﻥ ﻫﯧﭽﻜﯩﻤﺪﯨﻦ ﻫﻪﺭ ﻗﺎﻧﺪﺍﻕ ﻳﺎﺭﺩﯨﻤﯩﻤﻨﻰ
ﺋﺎﻳﯩﻤﯩﺪﯨﻢ. 1976-1978-ﻳﯩﻠﻠﯩﺮﻯ ﻣﻪﻥ ﻗﺎﻳﺘﺎ ﺗﻪﺭﺑﯩﻴﻪ ﺋﯧﻠﯩﺶ ﺋﯜﭼﯜﻥ ﺑﺎﺭﻏﺎﻥ
ﻳﯧﺰﯨﺪﺍ، ﻏﺎﻟﯩﭗ ﺋﯩﺴﯩﻤﻠﯩﻚ ﺑﯩﺮ ﺑﺎﻻ ﺑﺎﺭ ﺋﯩﺪﻯ. ﺋﯘ ﻛﻮﻧﯩﺸﻪﻫﻪﺭ (ﻫﺎﺯﯨﺮﻗﻰ
ﺋﻮﻧﺴﯘ) ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﺑﺎﺷﻠﯩﻘﻨﯩﯔ ﺑﺎﻟﯩﺴﻰ ﺑﻮﻟﯘﭖ، ﺑﺎﺷﻘﯩﻼﺭ ﺑﯩﻠﻪﻥ
ﺋﯘﺭﯗﺷﯘﺷﺘﺎ ﺩﺍﯕﻖ ﭼﯩﻘﯩﺮﯨﭗ، "ﻏﺎﻟﯩﭗ ﺟﻮﺩﺍ"، ﺩﻩﭖ ﺋﺎﺗﯩﻠﯩﻜﻪﻧﺪﯗﻕ. ﻣﻪﻥ ﻳﯧﺰﯨﺪﺍ
ﺋﯘﻧﯩﯔ ﺑﯩﻠﻪﻥ ﺩﻭﺳﺖ ﺑﻮﻟﯘﭖ، ﻫﻪﺭ ﺟﻪﻫﻪﺗﺘﻪ ﺋﯘﻧﻰ ﻳﯧﺘﻪﻛﻠﯩﺪﯨﻢ. ﺑﯘﻧﯩﯔ
ﻧﻪﺗﯩﺠﯩﺴﯩﺪﻩ، ﺋﯘ ﺑﯩﺮ ﺋﯩﻨﺘﺎﻳﯩﻦ ﻣﯘﻻﻳﯩﻢ، ﻗﻮﻟﯩﺪﯨﻦ ﻛﯧﻠﯩﺸﯩﭽﻪ ﺑﺎﺷﻘﯩﻼﺭﻏﺎ
ﻳﺎﺭﺩﻩﻡ ﻗﯩﻠﯩﺪﯨﻐﺎﻥ ﻳﯧﯖﻰ ﺑﯩﺮ ﺋﺎﺩﻩﻣﮕﻪ ﺋﯚﺯﮔﻪﺭﺩﻯ. ﺋﯘ ﭼﺎﻏﺪﺍ ﺑﯩﺰﮔﻪ ﻳﯧﺰﯨﺪﺍ 2
ﻳﯩﻞ ﻳﺎﺧﺸﻰ ﺋﯩﺸﻠﻪﭖ، ﺷﯘ ﺋﺎﺭﻗﯩﻠﯩﻖ ﺑﯩﺮﻩﺭ ﻣﺎﺋﺎﺷﻠﯩﻖ ﺋﯩﺸﻘﺎ ﺋﯧﺮﯨﺸﯩﺸﺘﯩﻦ ﺑﺎﺷﻘﺎ
ﻫﯧﭽﻘﺎﻧﺪﺍﻕ ﭼﯩﻘﯩﺶ ﻳﻮﻟﻰ ﻳﻮﻕ ﺋﯩﺪﻯ. ﻳﯧﺰﯨﺪﺍ ﻳﺎﺧﺸﻰ ﺋﯩﺸﻠﯩﻤﯩﮕﻪﻧﻠﻪﺭ 2 ﻳﯩﻠﺪﯨﻦ
ﻛﯧﻴﯩﻨﻤﯘ ﺑﯩﺮﻩﺭ ﺧﯩﺰﻣﻪﺗﻜﻪ ﺋﯧﺮﯨﺸﻪﻟﻤﻪﻳﺘﺘﻰ. ﺷﯘﯕﺎ ﻣﯧﻨﯩﯔ ﺗﯘﺗﻘﺎﻥ ﻳﻮﻟﯘﻡ
ﺋﺎﺷﯘﻧﺪﺍﻕ ﺑﯩﺮ "ﭘﺎﺭﻻﻕ ﺋﯩﺴﺘﯩﻘﺒﺎﻝ ﻳﻮﻟﻰ" ﻏﺎ ﻣﺎﺳﻼﺷﻘﺎﻥ ﺋﯩﺪﻯ.
ﻣﯧﻨﯩﯔ ﭼﻪﺕ ﺋﻪﻟﮕﻪ ﭼﯩﻘﯩﭗ ﺋﻮﻗﯘﻣﺎﻗﭽﻰ ﺑﻮﻟﻐﺎﻥ ﺋﯘﻳﻐﯘﺭ ﻳﺎﺷﻼﺭﻏﺎ ﺑﯩﺮ ﺋﺎﺯ
ﻳﺎﺭﺩﻩﻡ ﻗﯩﻠﯩﺸﻨﻰ ﺑﺎﺷﻠﯩﺸﯩﻤﺪﺍ ﻳﯘﻗﯩﺮﯨﻘﯩﺪﯨﻦ ﺑﺎﺷﻘﺎ ﻳﻪﻧﻪ ﺑﯩﺮ ﺋﺎﻻﻫﯩﺪﻩ
ﺳﻪﯞﻩﺑﻤﯘ ﺑﺎﺭ. ﻣﻪﻥ 1988-ﻳﯩﻠﻰ ﺋﺎﭘﺮﯦﻠﺪﺍ ﻳﺎﭘﻮﻧﯩﻴﻪﺩﯨﻜﻰ ﺋﯚﮔﯩﻨﯩﺸﯩﻤﻨﻰ
ﺗﯜﮔﯩﺘﯩﭗ، ﻳﯘﺭﺗﻘﺎ ﻗﺎﻳﺘﯩﺸﺘﯩﻦ ﺑﯘﺭﯗﻥ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﺷﯩﻨﺠﺎﯓ
ﺋﯘﻧﯩﯟﯦﺮﺳﯩﺘﯧﺘﻰ ﯞﻩ ﺋﯘﺋﺎﺭ ﻟﯘﻕ ﻣﺎﺋﺎﺭﯨﭗ ﻛﻮﻣﯩﺘﯧﺘﯩﻨﯩﯔ ﺑﯩﺮ ﻗﺎﻧﭽﻪ ﭘﯧﺸﻘﻪﺩﻩﻡ
ﺋﯘﻳﻐﯘﺭ ﯞﻩ ﻗﺎﺯﺍﻕ ﺭﻩﻫﺒﯩﺮﻯ (ﺋﯘﻻﺭﻧﯩﯔ ﺑﯩﺮﺳﻰ ﺗﯜﮔﻪﭖ ﻛﻪﺗﺘﻰ؛ ﺋﯘ ﺋﺎﺗﯩﻤﯩﺰﻧﯩﯔ
ﻳﺎﺗﻘﺎﻥ ﻳﯧﺮﻯ ﺟﻪﻧﺌﻪﺗﺘﻪ ﺑﻮﻟﻐﺎﻱ. ﻣﻪﻥ ﺋﯘﻻﺭﻧﯩﯔ ﻳﺎﺭﺩﯨﻤﯩﻨﻰ ﻣﻪﯕﮕﯜ
ﺋﯘﻧﯘﺗﻤﺎﻳﻤﻪﻥ) ﻧﯩﯔ ﻳﺎﺭﺩﯨﻤﻰ ﺑﯩﻠﻪﻥ، ﺋﺎﻣﯧﺮﯨﻜﯩﺪﯨﻜﻰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ
ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ
Northridge
ﺷﯚﺑﯩﺴﻰ (CSUN)
ﺑﯩﻠﻪﻥ ﺋﺎﻻﻗﯩﻠﯩﺸﯩﭗ،
TOFLE
ﺋﯩﻤﺘﯩﻬﺎﻧﯩﺪﯨﻦ ﻳﺎﭘﻮﻧﯩﻴﻪﺩﻩ ﺋﯚﺗﯜﭖ، ﺋﯘ ﻣﻪﻛﺘﻪﭘﻜﻪ ﻗﻮﺑﯘﻝ ﻗﯩﻠﯩﻨﯩﭗ ﺑﻮﻟﻐﺎﻥ
ﺋﯩﺪﯨﻢ. ﺋﻮﻗﯘﺵ ﭘﯘﻟﯘﻣﻨﻰ ﻣﻪﻛﺘﻪﭖ ﺗﻮﻟﯘﻕ ﻛﯚﺗﯜﺭﯨﯟﻩﺗﻜﻪﻥ ﺑﻮﻟﯘﭖ، ﺗﯘﺭﻣﯘﺷﯘﻣﻨﻰ
ﻳﺎﺭﺩﻩﻣﭽﻰ ﺋﻮﻗﯘﺗﻘﯘﭼﯩﻠﯩﻖ ﻗﯩﻠﯩﭗ ﺗﺎﭘﯩﺪﯨﻐﺎﻥ ﻛﯩﺮﯨﻤﯩﻤﮕﻪ ﺗﺎﻳﯩﻨﯩﭗ ﺑﺎﻗﯩﺪﯨﻐﺎﻥ
ﺑﻮﻟﻐﺎﻥ ﺋﯩﺪﯨﻢ (ﺋﻪﻣﻤﺎ، ﻣﺎﮔﯩﺴﺘﯧﺮﻟﯩﻖ ﺋﻮﻗﯘﺷﯩﻨﻰ ﺗﯜﮔﯩﺘﯩﭗ، ﺩﻭﻛﺘﯘﺭﻟﯘﻕ
ﺋﻮﻗﯘﻳﺪﯨﻐﺎﻧﺪﺍ، ﻣﯧﻨﻰ ﻗﻮﺑﯘﻝ ﻗﯩﻠﻐﺎﻥ 5 ﺋﺎﻟﯩﻲ ﻣﻪﻛﺘﻪﭘﻨﯩﯔ ﻫﯧﭽﻘﺎﻳﺴﯩﺴﻰ
ﺋﯧﻠﯧﻜﺘﯩﺮ ﺋﯩﻨﮋﯦﻨﯧﺮﻟﯩﻘﻰ ﻛﻪﺳﭙﻰ ﺑﻮﻳﯩﭽﻪ ﭼﻪﺕ ﺋﻪﻟﻠﯩﻚ ﺋﻮﻗﯘﻏﯘﭼﯩﻼﺭﻏﺎ 1-ﻳﯩﻠﻰ
ﺋﻮﻗﯘﺵ ﻳﺎﺭﺩﻩﻡ ﭘﯘﻟﻰ ﺑﻪﺭﻣﻪﻳﺪﯨﻐﺎﻥ ﺑﻮﻟﻐﺎﭼﻘﺎ، ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ
ﺩﺍﯞﯨﺲ ﺷﯚﺑﯩﺴﻰ (UC
Davis)
ﮔﻪ 1-ﻳﯩﻠﻰ 13 ﻣﯩﯔ ﺩﻭﻟﻼﺭ ﺋﻮﻗﯘﺵ ﭘﯘﻟﻰ ﺗﯚﻟﯩﺪﯨﻢ. ﺑﯘﻧﭽﯩﻠﯩﻚ ﭘﯘﻟﻨﻰ ﺗﯧﭙﯩﺶ
ﺋﯜﭼﯜﻥ ﻣﻪﻥ ﺋﯚﺯﯛﻡ ﺋﯩﺸﻠﻪﭘﻼ ﻗﺎﻟﻤﺎﺳﺘﯩﻦ، ﺑﯩﺰ 2 ﺑﺎﻟﯩﻤﯩﺰﻧﻰ ﺋﯜﺭﯛﻣﭽﯩﺪﯨﻜﻰ
ﺗﯘﻗﻘﺎﻧﻼﺭﻏﺎ ﻗﺎﻟﺪﯗﺭﯗﭖ ﻗﻮﻳﯘﭖ، ﺑﯘﺭﯗﻥ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ
ﺋﻮﻗﯘﺗﻘﯘﭼﯩﺴﻰ ﺑﻮﻟﯘﭖ ﺋﯩﺸﻠﯩﮕﻪﻥ ﺋﺎﻳﺎﻟﯩﻢ ﺋﺎﻣﺎﻧﮕﯜﻟﻤﯘ ﺋﺎﻣﯧﺮﯨﻜﯩﺪﯨﻜﻰ ﺋﻪﯓ
ﺟﺎﭘﺎﻟﯩﻖ ﺋﯩﺸﻼﺭﻧﻰ ﻗﯩﻠﺪﻯ.
UCD
ﻧﯩﯔ ﺋﻮﻗﯘﻏﯘﭼﯩﻼﺭ ﺋﺎﺷﺨﺎﻧﯩﺴﯩﺪﺍ ﺋﯩﺸﻠﻪﯞﺍﺗﻘﺎﻥ ﻣﻪﺯﮔﯩﻠﺪﻩ، ﺋﯩﺸﺘﯩﻦ ﭼﯜﺷﯜﭖ،
ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﭗ، ﻣﺎﻳﻜﯩﺴﯩﻨﻰ ﺳﯧﻠﯩﭗ ﺳﯩﻘﺴﺎ، ﻣﺎﻳﻜﯩﺴﯩﮕﻪ ﻳﯩﻐﯩﻠﯩﭗ ﻗﺎﻟﻐﺎﻥ
ﺗﻪﺭ ﺳﯜﻳﻰ ﻳﻪﺭﮔﻪ ﺗﺎﻣﭽﯩﻼﭖ ﺋﺎﻗﺎﺗﺘﻰ). ﻳﯘﺭﺗﻘﺎ ﻗﺎﻳﺘﯩﭗ،
CSUN
ﻧﯩﯔ ﺋﻮﻗﺘﯘﺭﯗﺵ ﻗﻪﻏﯩﺰﯨﻨﻰ ﺗﺎﭘﺸﯘﺭﯗﭖ ﺋﯧﻠﯩﭗ ﻗﺎﺭﯨﺴﺎﻡ، ﺋﯘ ﻣﯧﻨﯩﯖﺪﯨﻦ 5-ﺋﺎﻳﻨﯩﯔ
ﺋﺎﺧﯩﺮﯨﻐﯩﭽﻪ ﻣﻪﻛﺘﻪﭘﻜﻪ ﺗﯩﺰﯨﻤﻠﯩﺘﯩﺸﯩﻤﻨﻰ ﺗﻪﻟﻪﭖ ﻗﯩﻠﯩﭙﺘﯘ. ﻣﻪﻥ ﻗﯩﺰﯨﻢ 3 ﺋﺎﻳﻠﯩﻖ
ﺑﻮﻟﻐﺎﻧﺪﺍ ﻳﺎﭘﻮﻧﯩﻴﯩﮕﻪ ﻛﻪﺗﻜﻪﻥ ﺑﻮﻟﯘﭖ، 3 ﻳﺎﺷﻘﺎ ﻛﯩﺮﻩﻱ ﺩﯦﮕﻪﻧﺪﻩ ﻗﺎﻳﺘﯩﭗ
ﻛﻪﻟﺪﯨﻢ (ﺋﯩﻜﻜﻰ ﻫﻪﭘﺘﯩﮕﯩﭽﻪ ﻗﯩﺰﯨﻢ ﻣﯩﻨﻰ "ﺩﺍﺩﺍ" ﺩﯦﮕﯩﻠﻰ ﺋﯘﻧﯩﻤﺎﻱ، ﻣﯩﻨﻰ
"ﺋﻪﺭﻛﯩﻦ ﺋﺎﻛﺎ" ﺩﻩﭖ ﭼﺎﻗﯩﺮﺩﻯ). ﺋﯘ ﭼﺎﻏﺪﺍ ﺋﺎﺋﯩﻠﯩﻤﯩﺰﺩﯨﻜﯩﻠﻪﺭﻧﻰ ﻳﺎﭘﻮﻧﯩﻴﻪﮔﻪ
ﭼﺎﻗﯩﺮﺗﯩﺸﻘﺎ ﻳﺎﻛﻰ ﺑﯩﺰﻧﯩﯔ ﻳﯘﺭﺗﻘﺎ ﺋﺎﺭﯨﻠﯩﻘﺘﺎ ﺗﯘﻗﻘﺎﻥ ﻛﯜﺭﯗﺵ ﺋﯘﭼﯘﻥ
ﻗﺎﻳﺘﯩﺸﯩﻤﯩﺰﻏﺎ ﺭﯗﺧﺴﻪﺕ ﻗﯩﻠﯩﻨﻤﯩﻐﺎﭼﻘﺎ، ﻳﯘﺭﺗﺘﯩﻦ ﺋﯩﻜﻜﻰ ﻳﯧﺮﯨﻢ ﻳﯩﻞ ﺋﺎﻳﺮﯨﻠﯩﭗ،
ﺋﯚﻳﻨﻰ ﻧﺎﻫﺎﻳﯩﺘﻰ ﺳﯧﻐﯩﻨﻐﺎﻥ ﺋﯩﺪﯗﻕ. ﺋﯘﻧﯩﯔ ﺋﯜﺳﺘﯩﮕﻪ، ﻣﻪﻥ ﻗﺎﻳﺘﯩﭗ
ﻛﯧﻠﯩﺸﯩﻤﮕﯩﻼ، ﻓﺎﻛﯘﻟﺘﯧﺘﺘﯩﻦ ﺋﯧﻐﯩﺮ ﻛﯧﺴﻪﻟﮕﻪ ﮔﯩﺮﯨﭙﺘﺎﺭ ﺑﻮﻟﯘﭖ ﻗﺎﻟﻐﺎﻥ ﺑﯩﺮ
ﺋﻮﻗﯘﺗﻘﯘﭼﯩﻨﯩﯔ ﺋﻮﻗﯘﺵ ﭘﯜﺗﺘﯜﺭﯛﺵ ﺋﺎﻟﺪﯨﺪﯨﻜﻰ 4 ﺋﻮﻗﯘﻏﯘﭼﯩﺴﯩﻨﻰ ﻣﺎﯕﺎ ﺗﺎﭘﺸﯘﺭﺩﻯ.
ﻣﻪﻥ ﺋﯘﻻﺭﻧﯩﯔ ﺋﻮﻗﯘﺵ ﭘﯜﺗﺘﯜﺭﯛﺵ ﻣﺎﻗﺎﻟﯩﺴﯩﻨﻰ ﻳﯧﺰﯨﺸﯩﻐﺎ ﺑﯩﺮ ﻳﯧﺮﯨﻢ ﺋﺎﻱ
ﻳﯧﺘﻪﻛﭽﯩﻠﯩﻚ ﻗﯩﻠﺪﯨﻢ. ﺑﯘﻻﺭﻧﻰ ﺋﺎﺯ ﺩﻩﭖ، ﻣﺎﯕﺎ ﺋﺎﻣﯧﺮﯨﻜﯩﺪﯨﻦ 1-ﻗﯧﺘﯩﻢ
ﻣﺎﯕﺪﯗﺭﻏﺎﻥ ﺋﻮﻗﯘﺵ ﭼﺎﻗﯩﺮﯨﻖ ﻗﻪﻏﯩﺰﻯ ﺋﯜﺭﯛﻣﭽﯩﮕﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ ﻳﻮﻗﺎﭖ
ﻛﯧﺘﯩﭗ، ﻣﻪﻥ ﭘﻮﭼﺘﯩﺨﺎﻧﯩﻤﯘ ﭘﻮﭼﺘﯩﺨﺎﻧﺎ ﺳﯜﺭﯛﺷﺘﻪ ﻗﯩﻠﯩﭗ، ﺋﯘﻧﯩﯔ ﺋﯜﭼﯜﻧﻤﯘ ﺧﯧﻠﻰ
ﺋﺎﯞﺍﺭﻩ ﺑﻮﻟﺪﯗﻡ. ﺷﯘ ﭼﺎﻏﺪﺍ ﻣﻪﻥ ﻫﯧﻠﯩﻘﻰ ﻣﻪﻛﺘﻪﭘﻜﻪ ﺗﯩﺰﯨﻤﻠﯩﺘﯩﺶ ﯞﺍﻗﺘﯩﻨﻰ
ﺋﺎﻳﺪﯨﯖﻼﺷﺘﯘﺭﯗﯞﯦﻠﯩﺶ ﺋﯜﭼﯜﻥ، ﺋﺎﻣﯧﺮﯨﻜﯩﺪﺍ ﺋﻮﻗﯘﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺗﻮﻧﯘﺷﯘﻣﻐﺎ
ﺧﻪﺕ ﻳﺎﺯﺩﯨﻢ. ﺋﻪﻣﻤﺎ، ﻣﺎﯕﺎ ﺋﯘﻧﯩﯖﺪﯨﻦ ﺧﻪﺕ ﻛﻪﻟﻤﯩﺪﻯ. ﻣﻪﻥ ﺋﺎﻣﺎﻟﺴﯩﺰ 7-ﺋﺎﻳﻨﯩﯔ
ﺋﻮﺗﺘﯘﺭﯨﺴﻰ ﻛﯧﻠﯩﺪﯨﻐﺎﻥ ﻗﯘﺭﺑﺎﻥ ﻫﯧﻴﺘﻘﯩﻤﯘ ﻗﺎﺭﯨﻤﺎﻱ، ﺑﯧﻴﺠﯩﯖﮕﻪ ﺑﯧﺮﯨﭗ ﯞﯨﺰﺍ
ﺋﯧﻠﯩﭗ، 7-ﺋﺎﻳﻨﯩﯔ ﺋﺎﺧﯩﺮﯨﻐﯩﭽﻪ ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﺑﻮﻟﺪﯗﻡ. ﻛﯧﻠﯩﭗ ﻗﺎﺭﯨﺴﺎﻡ،
ﻣﻪﻛﺘﻪﭘﻜﻪ 9-ﺋﺎﻳﻐﯩﭽﻪ ﺗﯩﺰﯨﻤﻼﺗﻘﯩﻠﻰ ﺑﻮﻟﻤﺎﻳﺪﯨﻜﻪﻥ. ﻫﯧﻠﯩﻘﻰ ﻣﯧﻨﯩﯔ ﺋﯘﻗﺘﯘﺭﯗﺵ
ﺧﯧﺘﯩﻤﺪﯨﻜﻰ ﺗﯩﺰﯨﻤﻠﯩﺘﯩﺶ ﯞﺍﻗﺘﻰ ﺋﻪﺳﻠﯩﺪﻩ ﺋﺎﻣﯧﺮﯨﻜﯩﺪﯨﻜﻰ ﺋﻮﻗﯘﻏﯘﭼﯩﻼﺭﻏﺎ
ﻗﺎﺭﯨﺘﯩﻠﻐﺎﻥ ﺋﯩﻜﻪﻥ. ﺷﯘﻧﺪﺍﻕ ﻗﯩﻠﯩﭗ، ﺋﺎﺷﯘ ﺑﯩﺮ ﻛﯩﭽﯩﻜﻜﯩﻨﻪ ﺋﯘﭼﯘﺭﻏﺎ
ﺋﯧﺮﯨﺸﻪﻟﻤﯩﮕﻪﻧﻠﯩﻜﯩﻢ ﺋﯜﭼﯜﻥ، ﻣﻪﻥ ﺋﯩﻜﻜﻰ ﻳﯧﺮﯨﻢ ﻳﯩﻞ ﺋﺎﻳﺮﯨﻠﯩﭗ ﻛﻪﺗﻜﻪﻥ ﺋﯚﻳﯜﻣﺪﻩ
ﺋﺎﺭﺍﻥ 3 ﺋﺎﻱ ﺗﯘﺭﯗﭖ، ﺋﺎﻣﯧﺮﯨﻜﯩﻐﺎ ﺑﯩﺮ ﺋﺎﻱ ﺑﺎﻟﺪﯗﺭ ﻛﯧﻠﯩﭗ، ﻳﺎﺗﺎﻕ ﭘﯘﻟﻰ
ﺗﯚﻟﻪﭖ، ﺑﯩﻜﺎﺭ ﻳﺎﺗﺘﯩﻢ. ﺑﯘ ﺋﯩﺶ ﻣﺎﯕﺎ ﻧﺎﻫﺎﻳﯩﺘﻰ ﻗﺎﺗﺘﯩﻖ ﺗﻪﺳﯩﺮ ﻗﯩﻠﺪﻯ.
ﻣﯧﻨﯩﯔ ﻏﺎﻳﻪﻡ ﺑﯘ ﺩﯗﻧﻴﺎﺩﺍ ﺑﺎﺭ ﺋﻮﻗﯘﺷﻨﯩﯔ ﻫﻪﻣﻤﯩﺴﯩﻨﻰ ﺋﻪﯓ ﻳﯘﻗﯩﺮﻯ ﭘﻪﻟﻠﯩﮕﯩﭽﻪ
ﺋﻮﻗﯘﺵ ﺋﯩﺪﻯ. ﻳﺎﭘﻮﻧﯩﻴﻪﮔﻪ ﺑﯧﺮﯨﺸﺘﺎ، ﺋﯜﺭﯛﻣﭽﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﯨﻜﻰ 50
ﻛﻪ ﻳﯧﻘﯩﻦ ﻳﺎﺵ ﺋﻮﻗﯘﺗﻘﯘﭼﯩﻼﺭﺩﯨﻦ 3 ﭘﻪﻥ ﺑﻮﻳﯩﭽﻪ ﺋﯩﻤﺘﯩﻬﺎﻥ ﺋﯧﻠﯩﻨﯩﭗ، ﺋﯘﻻﺭﺩﯨﻦ
15 ﻛﯩﺸﻰ ﺗﺎﻟﻠﯩﻨﯩﭗ، ﻳﺎﭘﻮﻧﯩﻴﻪﮔﻪ ﺋﻪﯞﻩﺭﺗﯩﻠﺪﻯ. ﻣﻪﻥ ﺋﯘ ﺋﯩﻤﺘﯩﻬﺎﻧﯩﻼﺭﺩﺍ
ﺟﻪﻣﺌﯩﻲ 240 ﻧﻮﻣﯘﺭ ﺋﯧﻠﯩﭗ، 1-ﺋﻮﺭﯗﻧﻐﺎ ﺋﯧﺮﯨﺸﺘﯩﻢ. ﺋﯩﭽﻜﯩﺮﻯ ﺋﯚﻟﻜﯩﺪﻩ ﺋﻮﻗﯘﻏﺎﻥ
ﺑﯩﺮ ﺋﻮﻗﯘﺗﻘﯘﭼﻰ 180 ﻧﻮﻣﯘﺭ ﺑﯩﻠﻪﻥ 2-ﺋﻮﺭﯗﻧﻐﺎ ﺋﯧﺮﯨﺸﺘﻰ. ﺋﺎﯕﻠﯩﺸﯩﻤﭽﻪ ﺋﺎﺧﯩﺮﯨﺪﺍ
40-50 ﻧﻮﻣﯘﺭ ﺋﺎﻟﻐﺎﻧﻼﺭﺩﯨﻨﻤﯘ ﻫﯧﻠﯩﻘﻰ 15 ﻛﯩﺸﯩﻨﯩﯔ ﺋﯩﭽﯩﮕﻪ ﻛﯩﺮﮔﻪﻧﻠﻪﺭ ﺑﺎﺭ
ﺋﯩﻜﻪﻥ. ﺋﻪﻣﻤﺎ، ﻣﻪﻥ ﺗﻪﻗﺴﯩﻢ ﺑﻮﻟﻐﺎﻥ ﻳﺎﭘﻮﻧﯩﻴﻪﺩﯨﻜﻰ ﻣﻪﻛﺘﻪﭘﺘﻪ ﺋﺎﺳﭙﯩﺮﺍﻧﺘﻠﯩﻖ
ﺋﻮﻗﯘﺷﻰ ﻳﻮﻕ ﺋﯩﻜﻪﻥ. ﺷﯘﻧﯩﯔ ﺑﯩﻠﻪﻥ ﻣﻪﻥ ﺑﯩﻠﻪﻥ ﺑﯩﺮ ﻗﺎﺭﺍﺭﺩﺍ ﻳﺎﭘﻮﻧﯩﻴﻪﮔﻪ
ﺑﺎﺭﻏﺎﻧﻼﺭﻧﯩﯔ ﺋﯩﭽﯩﺪﯨﻜﻰ ﺋﺎﺳﭙﯩﺮﺍﻧﺘﻠﯩﻘﺘﺎ ﺋﻮﻗﯘﺷﻨﻰ ﺧﺎﻻﻳﺪﯨﻐﺎﻧﻼﺭﻧﯩﯔ
ﻫﻪﻣﻤﯩﺴﻰ ﻣﺎﮔﯩﺴﺘﯧﺮﻟﯩﻖ ﺋﻮﻗﯘﺷﯩﻐﺎ ﻛﯩﺮﺩﻯ، ﻣﻪﻥ ﺑﯩﺮ ﻳﯘﻗﯩﺮﻯ ﺋﯘﻧﯟﺍﻥ ﺋﯜﭼﯜﻥ
ﺋﻮﻗﯘﻳﺎﻟﻤﯩﺪﯨﻢ. ﺑﯘﻧﯩﯔ ﺋﯜﭼﯜﻥ 2 ﻳﯩﻞ ﻗﺎﺗﺘﯩﻖ ﺋﺎﺯﺍﺏ ﻳﯩﺪﯨﻢ (ﻟﯧﻜﯩﻦ،
ﭼﯜﺷﻜﯜﻧﻠﻪﺷﻤﯩﺪﯨﻢ. ﺗﺎﺭﺗﻘﺎﻥ ﺩﻩﺭﺗﻠﯩﺮﯨﻤﻨﻰ ﻛﯜﭼﻜﻪ ﺋﺎﻳﻼﻧﺪﯗﺭﯗﭖ، ﺋﯩﻤﻜﺎﻥ ﻗﻪﺩﻩﺭ
ﻛﯚﭘﺮﻩﻙ ﺋﯩﻠﻤﯩﻲ ﻣﺎﻗﺎﻟﻪ ﭼﯩﻘﯩﺮﯨﺸﻘﺎ ﺗﯩﺮﯨﺸﺘﯩﻢ. ﺑﯘ ﻫﻪﻗﺘﯩﻤﯘ ﻧﯘﺭﻏﯘﻥ
ﻫﻪﻛﺎﻳﯩﻠﯩﺮﯨﻢ ﺑﺎﺭ. ﺋﻪﻣﻤﺎ، ﺑﯘ ﺳﯚﻫﺒﻪﺗﻨﯩﯔ ﻫﻪﺟﯩﻢ ﭼﻪﻛﻠﯩﻤﯩﺴﯩﻨﻰ ﻛﯚﺯﺩﻩ ﺗﯘﺗﯘﭖ،
ﺋﯘﻻﺭﻧﻰ ﺑﯘ ﻳﻪﺭﮔﻪ ﻳﺎﺯﻣﺎﻳﻤﻪﻥ. ﻳﺎﭘﻮﻧﯩﻴﻪﺩﯨﻜﻰ ﻣﻪﻥ ﺋﻮﻗﯘﻏﺎﻥ ﻣﻪﻛﺘﻪﭖ ﻣﯧﻨﻰ
ﻣﻪﻣﻠﯩﻜﻪﺕ ﺑﻮﻳﯩﭽﻪ 3-ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﻮﺳﺎﻛﺎ ﺋﯘﻧﯩﯟﯦﺮﺳﯩﺘﯧﺘﯩﮕﻪ ﻳﯚﺗﻜﻪﭖ
ﻗﻮﻳﻤﺎﻗﭽﻰ ﺑﻮﻟﻐﺎﻧﯩﺪﻯ، ﻣﻪﺳﺌﯘﻝ ﺋﻮﺭﮔﺎﻧﻠﯩﺮﯨﻤﯩﺰ ﺋﯘﻧﯩﯖﻐﺎ ﻗﻮﺷﯘﻟﻤﯩﺪﻯ. ﺑﯘ ﺋﯩﺶ
ﺋﯘ ﻣﻪﻛﺘﻪﭘﻜﻪ ﺑﻪﻙ ﺗﻪﺳﯩﺮ ﻗﯩﻠﺪﻯ، ﻣﻪﻥ ﻳﺎﭘﻮﻧﯩﻴﻪﺩﯨﻦ ﻗﺎﻳﺘﯩﭗ ﺋﯘﺯﯗﻥ ﺋﯚﺗﻤﻪﻱ،
ﺋﯘﻻﺭ ﻣﺎﮔﯩﺴﺘﯧﺮﻟﯩﻖ ﺋﯘﻧﯟﺍﻧﯩﻨﻰ ﺗﻪﺳﯩﺲ ﻗﯩﻠﯩﭙﺘﯘ--ﺋﺎﺷﯘ ﻣﻪﻛﺘﻪﭘﻨﯩﯔ ﻣﯘﺩﯨﺮﻯ
ﻣﺎﯕﺎ 1991-ﻳﯩﻠﻰ ﺋﯧﻴﺘﯩﭗ ﺑﯧﺮﯨﺸﯩﭽﻪ، ﺋﯘﻻﺭﻧﯩﯔ ﺑﯘ ﺋﯩﺸﻨﻰ ﺷﯘﻧﭽﻪ ﺗﯧﺰ
ﭘﯜﺗﺘﯜﺭﯛﺷﯩﮕﻪ ﻣﻪﻥ ﺳﻪﯞﻩﺑﭽﻰ ﺑﻮﻟﯘﭘﺘﯩﻤﻪﻥ. ﺋﯘﻧﯩﯖﺪﯨﻦ ﻛﯧﻴﯩﻦ ﺋﯘ ﻣﻪﻛﺘﻪﭘﺘﻪ ﻳﻪﻧﻪ
10 ﺋﻪﺗﺮﺍﭘﯩﺪﯨﻜﻰ ﺋﯘﻳﻐﯘﺭﻻﺭ ﺋﻮﻗﯘﺩﻯ). ﺗﻪﻟﯩﻴﯩﻤﮕﻪ ﻳﺎﺭﯨﺸﺎ، ﭘﯧﺸﻘﻪﺩﻩﻡ ﺋﯘﻳﻐﯘﺭ
ﺋﯘﺳﺘﺎﺯﻟﯩﺮﯨﻤﯩﺰﻧﯩﯔ ﻳﺎﺭﺩﯨﻤﻰ ﺑﯩﻠﻪﻥ، ﻣﻪﻥ ﺋﯜﭼﯜﻥ ﺑﯩﺮ ﻳﺎﻣﺎﻥ ﺋﯩﺶ ﻳﺎﺧﺸﻰ ﺋﯩﺸﻘﺎ
ﺋﺎﻳﻼﻧﺪﻯ. ﻣﻪﻥ ﻳﺎﭘﻮﻧﯩﻴﻪﺩﻩ ﺋﯘﻧﯟﺍﻥ ﺋﺎﻻﻟﻤﯩﻐﺎﻧﻠﯩﻘﯩﻢ ﺋﯜﭼﯜﻥ، ﺋﺎﻣﯧﺮﯨﻜﯩﻐﺎ
ﻛﯧﻠﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﺘﯩﻢ. ﻣﻪﻧﺪﻩ ﺋﯚﺯﯛﻣﮕﻪ ﺋﻮﺧﺸﺎﺵ ﺋﻮﻗﯘﺵ ﺋﺎﺭﺯﯗﺳﻰ ﺑﺎﺭ
ﻫﻪﻣﻤﻪ ﺋﯘﻳﻐﯘﺭ ﻳﺎﺷﻠﯩﺮﯨﻐﺎ ﭼﻮﯕﻘﯘﺭ ﻫﯧﺴﺪﺍﺷﻠﯩﻘﯩﻢ ﺑﺎﺭ. ﺷﯘﻻﺭﻏﺎ ﺑﯩﺮ ﺋﺎﺯ
ﺑﻮﻟﺴﯩﻤﯘ ﺋﺎﺳﺎﻧﻠﯩﻖ ﺗﯘﻏﺪﯗﺭﯗﭖ ﺑﯧﺮﯨﺶ ﺋﯜﭼﯜﻥ، 1994-ﻳﯩﻠﻰ ﻣﻪﻥ ﯞﻩﺗﻪﻧﺪﯨﻜﻰ
ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻏﺎ ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻨﯩﯔ ﺋﯘﭼﯘﺭﻟﯩﺮﯨﻨﻰ
ﻣﺎﯕﺪﯗﺭﯗﭖ ﺑﯧﺮﯨﺶ ﺋﯩﺸﯩﻨﻰ ﺑﺎﺷﻠﯩﺪﯨﻢ. ﭼﯩﻘﯩﻤﻨﻰ (ﻳﻪﻧﻰ ﻛﻮﭘﯩﻲ ﻗﯩﻠﯩﺶ ﺭﺍﺳﺨﻮﺩﻯ
ﺑﯩﻠﻪﻥ ﭘﻮﭼﺘﺎ ﺭﺍﺳﺨﻮﺩﯨﻨﻰ) ﺋﻪﻳﻨﻰ ﯞﺍﻗﯩﺘﺘﯩﻜﻰ ﺗﻪﯕﺮﯨﺘﺎﻍ ﺋﻮﻗﯘﻏﯘﭼﯩﻼﺭ
ﺋﯘﻳﯘﺷﻤﯩﺴﻰ (ﺋﯩﻨﮕﻠﯩﺰﭼﻪ ﻗﯩﺴﻘﺎﺭﺗﯩﻠﯩﭗ "TOSSA"
ﺩﻩﭖ ﺋﺎﺗﯩﻠﯩﺪﯗ) ﻛﯚﺗﯜﺭﺩﻯ. ﺋﯩﺸﻠﯩﺮﯨﻨﻰ ﻣﻪﻥ ﻗﯩﻠﺪﯨﻢ. ﺑﯩﺮ ﺋﻮﻗﯘﻏﯘﭼﯩﺪﯨﻦ ﻗﺎﻳﺴﻰ
ﻛﻪﺳﭙﺘﻪ ﺋﻮﻗﯘﻣﺎﻗﭽﻰ ﺑﻮﻟﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺑﯩﺮ ﺧﻪﺕ ﺗﺎﭘﺸﯘﺭﯗﭖ ﺋﺎﻟﻐﺎﻧﺪﯨﻦ
ﻛﯧﻴﯩﻦ، ﻣﻪﻥ
Peterson's Guide
" ﺩﯦﮕﻪﻥ ﺋﺎﻣﯧﺮﯨﻜﯩﺪﺍ ﭼﯩﻘﻘﺎﻥ ﻛﯩﺘﺎﺑﻨﯩﯔ ﺷﯘ ﻛﻪﺳﭙﻜﻪ ﺋﺎﺋﯩﺖ ﻗﯩﺴﻤﯩﻨﻰ ﻛﻮﭘﯩﻲ
ﻗﯩﻠﯩﭗ (ﻧﯘﺳﺨﯩﻼﭖ)، ﺋﺎﻣﯧﺮﯨﻜﯩﺪﯨﻜﻰ ﻣﻪﻛﺘﻪﭘﻠﻪﺭﮔﻪ ﺋﯩﻠﺘﯩﻤﺎﺱ ﻗﯩﻠﯩﺸﻨﯩﯔ
ﻗﻪﺩﻩﻡ-ﺑﺎﺳﻘﯘﭼﻠﯩﺮﯨﻨﻰ ﺗﻮﻧﯘﺷﺘﯘﺭﯗﭖ ﺑﯩﺮ ﭘﺎﺭﭼﻪ ﺧﻪﺕ ﻳﯧﺰﯨﭗ، ﺋﯘﻻﺭﻧﻰ ﻫﯧﻠﯩﻘﻰ
ﺋﻮﻗﯘﻏﯘﭼﯩﻐﺎ ﭘﻮﭼﺘﺎ ﺋﺎﺭﻗﯩﻠﯩﻖ ﺋﻪﯞﻩﺭﺗﯩﭗ ﺑﻪﺭﺩﯨﻢ. ﺑﯩﺮ ﺋﻮﻗﯘﻏﯘﭼﻰ ﺋﯜﭼﯜﻥ
ﻛﻮﭘﯩﻴﺨﺎﻧﯩﻐﺎ ﺑﯧﺮﯨﭗ ﻛﯩﺘﺎﺑﻨﻰ ﻛﻮﭘﯩﻲ ﻗﯩﻠﯩﺶ، ﺧﻪﺕ ﯞﻩ ﻟﯩﭙﺎﭘﻼﺭﻧﻰ ﺗﻪﻳﻴﺎﺭﻻﺵ،
ﯞﻩ ﭘﻮﭼﺘﯩﺨﺎﻧﯩﻐﺎ ﺑﯧﺮﯨﭗ ﺗﻪﻳﻴﺎﺭﻟﯩﻐﺎﻥ ﺧﻪﺗﻨﻰ ﺳﯧﻠﯩﺶ ﺋﯜﭼﯜﻥ ﻣﯧﻨﯩﯔ ﺑﯩﺮ ﺷﻪﻧﺒﻪ
ﻛﯜﻧﯩﺪﯨﻜﻰ ﻳﯧﺮﯨﻢ ﻛﯜﻥ ﯞﺍﻗﺘﯩﻢ ﻛﯩﺘﻪﺗﺘﻰ. 1998-ﻳﯩﻠﯩﺪﯨﻦ ﻛﯧﻴﯩﻦ، ﻣﻪﻟﯘﻡ
ﺳﻪﯞﻩﺑﻠﻪﺭ ﺗﯜﭘﻪﻳﻠﯩﺪﯨﻦ، ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﺩﯨﻦ ﻣﺎﯕﺎ ﺗﻪﻟﻪﭖ ﻳﺎﺯﯨﺪﯨﻐﺎﻧﻼﺭ،
ﻣﻪﻥ ﺑﯩﻠﻪﻥ ﺋﺎﻻﻗﯩﻠﯩﺸﯩﺪﯨﻐﺎﻧﻼﺭ ﻧﺎﻫﺎﻳﯩﺘﻰ ﺋﺎﺯﻻﭖ ﻛﻪﺗﺘﻰ. ﻣﻪﻥ ﺑﯘﻧﯩﯖﻐﺎ
ﺋﯩﻨﺘﺎﻳﯩﻦ ﺋﯚﻛﯜﻧﺪﯛﻡ.
ﻣﻪﻥ ﺋﺎﻣﯧﺮﯨﻜﯩﻐﺎ ﺋﻪﯓ ﺑﯘﺭﯗﻥ ﻛﻪﻟﮕﻪﻧﻠﻪﺭﻧﯩﯔ ﺑﯩﺮﻯ ﺑﻮﻟﻐﺎﭼﻘﺎ، ﺋﯘﻧﯩﯔ ﺋﯜﺳﺘﯩﮕﻪ
ﺋﺎﻣﯧﺮﯨﻜﯩﺪﯨﻜﻰ ﺗﯘﺭﻣﯘﺵ ﯞﻩﺗﻪﻧﺪﯨﻜﯩﮕﻪ ﻗﺎﺭﯨﻐﺎﻧﺪﺍ ﺧﯧﻠﻰ ﻛﯚﭖ ﻣﯘﺭﻩﻛﻜﻪﭖ
ﺑﻮﻟﻐﺎﭼﻘﺎ، ﻛﯧﻴﯩﻦ ﻛﻪﻟﮕﻪﻥ ﯞﻩﺗﻪﻧﺪﺍﺷﻼﺭ ﻣﻪﻧﺪﯨﻦ ﺋﻮﻗﯘﺵ، ﺧﯩﺰﻣﻪﺕ، ﺗﯘﺭﻣﯘﺵ، ﯞﻩ
ﺋﺎﺗﺎ-ﺋﺎﻧﯩﻼﺭﻧﻰ ﭼﺎﻗﯩﺮﺗﯩﺶ ﺗﻮﻏﺮﯨﺴﯩﺪﺍ ﺩﺍﯞﺍﻣﻠﯩﻖ ﻳﺎﺭﺩﻩﻡ ﯞﻩ ﻣﻪﺳﻠﯩﻬﻪﺕ ﺳﻮﺭﺍﭖ
ﺗﯘﺭﺩﻯ. ﯞﻩﺗﻪﻧﺪﯨﻜﻰ ﻳﺎﺷﻼﺭﺩﯨﻨﻤﯘ ﺧﻪﺕ-ﺗﻪﻟﻪﭘﻠﻪﺭ ﻛﯧﻠﯩﭗ ﺗﯘﺭﺩﻯ. ﺋﯚﺯﯛﻡ
ﻫﺎﺯﯨﺮﻏﯩﭽﻪ ﻳﯩﻐﻘﺎﻥ ﺗﻪﺟﺮﯨﺒﯩﻠﻪﺭﺩﯨﻦ ﻫﻪﻣﻤﻪﻳﻠﻪﻧﻨﯩﯔ ﭘﺎﻳﺪﯨﻠﯩﻨﯩﺸﻰ، ﻫﻪﻣﺪﻩ
ﯞﻩﺗﻪﻧﺪﯨﻜﻰ ﻳﺎﺷﻼﺭﻏﺎ ﻗﻮﻻﻳﻠﯩﻖ ﺑﻮﻟﺴﯘﻥ ﺋﯜﭼﯜﻥ، ﻣﻪﻥ 2004-ﻳﯩﻠﻰ ﻳﺎﺯﺩﺍ "http://www.meripet.com"
ﺩﯨﮕﻪﻥ ﺗﻮﺭ ﺑﯧﺘﯩﻨﻰ ﻳﺎﺳﺎﭖ، ﯞﻩﺗﻪﻧﺪﯨﻜﻰ ﯞﻩ ﭼﻪﺕ ﺋﻪﻟﺪﯨﻜﻰ ﻳﯘﺭﺗﺪﺍﺷﻼﺭﻏﺎ
ﭘﺎﻳﺪﯨﻠﯩﻖ ﺩﻩﭖ ﻗﺎﺭﯨﻐﺎﻥ ﺑﯩﺮ ﻗﯩﺴﯩﻢ ﺋﯘﭼﯘﺭﻻﺭﻧﻰ ﺷﯘﻧﯩﯖﻐﺎ ﻛﯩﺮﮔﯘﺯﯗﭖ ﻗﻮﻳﺪﯗﻡ.
ﻫﻪﻣﺪﻩ ﻣﺎﯕﺎ ﻛﻪﻟﮕﻪﻥ ﺳﻮﺋﺎﻟﻼﺭﻏﺎ ﻗﺎﺭﺍﭖ، ﻳﯧﯖﻰ ﻧﻪﺭﺳﯩﻠﻪﺭﻧﻰ ﺋﯘﻧﯩﯖﻐﺎ ﻛﯩﺮﮔﯜﺯﯛﭖ
ﺗﯘﺭﯗﯞﺍﺗﯩﻤﻪﻥ.
ﺑﯘ ﺗﻮﺭ ﺑﯧﺘﯩﺪﯨﻦ ﺑﺎﺷﻘﺎ، ﻣﻪﻥ ﺑﺎﺷﻘﺎ ﯞﻩﺗﻪﻧﺪﺍﺷﻼﺭ ﯞﻩ ﺗﻮﻧﯘﺵ-ﺑﯩﻠﯩﺸﻠﻪﺭﮔﻪ
ﺩﺍﯞﺍﻣﻠﯩﻖ ﻗﯩﻠﯩﭗ ﺑﯧﺮﯨﭗ ﺗﯘﺭﯨﺪﯨﻐﺎﻥ ﺋﯩﺸﻼﺭ ﺧﯧﻠﻰ ﺑﺎﺭ. ﻣﻪﺳﯩﻠﻪﻥ،
ﺋﺎﻟﺪﯨﻤﯩﺰﺩﯨﻜﻰ ﺑﯩﺮ ﻫﻪﭘﺘﻪ (2005-ﻳﯩﻠﻰ 13- ﺩﯨﻦ 19-ﻛﯘﻧﻠﯩﺮﯨﮕﯩﭽﻪ) ﺋﯩﭽﯩﺪﻩ
ﻣﯧﻨﯩﯔ ﺑﺎﺷﻘﯩﻼﺭﻏﺎ ﻗﯩﻠﯩﭗ ﺑﻪﺭﮔﻪﻥ ﺋﯩﺸﻠﯩﺮﯨﻢ ﻣﯘﻧﺪﺍﻕ:
(1) ﻫﻪﺭ ﻛﯜﻧﻰ ﯞﻩﺗﻪﻧﺪﯨﻦ ﯞﻩ ﺑﺎﺷﻘﺎ ﺟﺎﻳﻼﺭﺩﯨﻦ ﻛﻪﻟﮕﻪﻥ ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ
5 ﺋﯧﻠﺨﯧﺘﯩﮕﻪ ﺟﺎﯞﺍﭖ ﺑﯧﺮﯨﺶ.
(2) ﯞﻩﺗﻪﻧﺪﯨﻜﻰ ﺑﯩﺮ ﻗﺎﻧﭽﻪ ﺋﻮﻗﯘﻏﯘﭼﯩﻐﺎ ﺋﺎﻣﯧﺮﯨﻜﯩﺪﯨﻦ ﺋﻮﻗﯘﺵ ﺋﯩﻠﺘﯩﻤﺎﺳﻰ
ﻳﻮﻟﯩﺪﯨﻜﻰ ﻳﺎﺭﺩﻩﻣﭽﯩﻠﻪﺭﻧﻰ ﺗﯧﭙﯩﭗ ﺑﯧﺮﯨﺶ.
(3)
www.biliwal.com
ﺳﻮﺭﯨﻐﺎﻥ ﺳﻮﺋﺎﻟﻐﺎ ﺟﺎﯞﺍﺏ ﻳﯧﺰﯨﺶ.
(4) ﺋﺎﯞﯨﺴﺘﺮﺍﻟﯩﻴﻪﺩﯨﻜﻰ ﺑﯩﺮ ﺋﻮﻗﯘﻏﯘﭼﯩﻐﺎ "ﺗﻪﺷﻪﺑﺒﯘﺱ ﺧﯧﺘﻰ" (ﺋﯩﻨﮕﻠﯩﺰﭼﻪ "
Recommendation Letter
" ﺩﻩﻳﺪﯗ) ﻳﯧﺰﯨﭗ ﺑﯧﺮﯨﺶ.
(5) ﻳﺎﭘﻮﻧﯩﻴﻪﺩﯨﻜﻰ ﺑﯩﺮ ﺋﯘﻳﻐﯘﺭ ﺋﻮﻗﯘﻏﯘﭼﯩﻐﺎ ﺋﺎﻣﯧﺮﯨﻜﯩﻐﺎ ﯞﯨﺰﺍ ﺋﯧﻠﯩﺸﺘﺎ ﺗﻪﻟﻪﭖ
ﻗﯩﻠﯩﻨﻐﺎﻥ "ﺳﺎﻳﺎﻫﻪﺕ ﭘﯩﻼﻧﻰ" (Travel
Schedule)
ﻳﯧﺰﯨﭗ ﺑﯧﺮﯨﺶ.
(6) ﻳﺎﭘﻮﻧﯩﻴﻪﺩﯨﻜﻰ ﺑﯩﺮ ﺋﯘﻳﻐﯘﺭ ﺯﯨﻴﺎﻟﯩﻴﻨﯩﯔ ﻛﺎﻧﺎﺩﺍﺩﯨﻜﻰ ﺑﯩﺮ ﭘﺮﻭﻓﯧﺴﺴﻮﺭﻏﺎ
ﻳﺎﺯﻏﺎﻥ ﺋﯩﻨﮕﻠﯩﺰﭼﻪ ﺧﯧﺘﯩﻨﻰ ﺗﻪﻫﺮﯨﺮﻟﻪﭖ ﺑﯧﺮﯨﺶ.
(7) ﺋﻮﭘﺘﯩﻜﯩﺪﺍ ﺩﻭﻛﺘﯘﺭﻟﯘﻕ ﺋﯘﻧﯩﯟﺍﻧﻰ ﺋﺎﻟﻐﺎﻥ ﺑﯩﺮ ﺗﯜﺭﻙ ﺗﻮﻧﯘﺷﯘﻣﻨﯩﯔ
"ﻣﯘﺗﻪﺧﻪﺳﯩﺲ ﻛﺎﺗﯧﮕﻮﺭﯨﻴﻪﺳﻰ" ﺑﻮﻳﯩﭽﻪ ﺋﺎﻣﯧﺮﯨﻜﯩﺪﺍ ﻗﯧﻠﯩﭗ ﻗﯧﻠﯩﺸﻰ ﺋﯜﭼﯜﻥ، ﺋﯘﻧﯩﯔ
ﻛﻪﺳﭙﯩﻨﯩﯔ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﻧﭙﻪﺋﻪﺗﯩﮕﻪ ﺋﯩﻨﺘﺎﻳﯩﻦ ﺯﯙﺭﯛﺭ ﺋﯩﻜﻪﻧﻠﯩﻜﯩﻨﻰ
ﺋﯩﺴﭙﺎﺗﻼﻳﺪﯨﻐﺎﻥ "ﻣﯘﺗﻪﺧﻪﺳﯩﺴﻨﯩﯔ ﺑﺎﻫﺎﻻﺵ ﺧﯧﺘﻰ" ﻧﻰ ﻳﯧﺰﯨﭗ ﺑﯧﺮﯨﺶ.
(8) ﻓﺮﺍﻧﺴﯩﻴﻪﺩﻩ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺋﯧﻠﯩﭗ، ﺋﺎﻣﯧﺮﯨﻜﯩﻐﺎ ﻛﯧﻠﯩﭗ، ﺑﯘﺭﯗﻥ
ﻣﯧﻨﯩﯔ ﻗﻮﻟﯘﻣﺪﺍ ﺋﯩﺸﻠﯩﮕﻪﻥ ﺑﯩﺮ ﻓﺮﺍﻧﺴﯩﻴﻪﻟﯩﻚ ﺋﯩﻨﮋﯦﻨﯧﺮ ﻳﯧﯖﻰ ﺧﯩﺰﻣﻪﺗﻜﻪ ﻛﯩﺮﯨﺶ
ﺋﯜﭼﯜﻥ، ﻛﯚﺭﯛﺷﯜﺵ (job
interview)
ﻏﺎ ﺑﺎﺭﻣﺎﻗﭽﻰ ﺑﻮﻟﯘﭖ، ﻣﻪﻧﺪﯨﻦ 5 ﺧﯩﻞ ﺗﯧﺨﻨﯩﻜﯩﻠﯩﻖ ﺳﻮﺋﺎﻝ ﺳﻮﺭﺍﭖ ﺋﯧﻠﺨﻪﺕ ﻳﯧﺰﯨﭗ،
ﻣﯘﻣﻜﯩﻦ ﺑﻮﻟﺴﺎ ﺑﯩﺮ ﻛﯜﻧﻨﯩﯔ ﺋﯩﭽﯩﺪﻩ ﺟﺎﯞﺍﺏ ﺑﯧﺮﯨﺸﯩﻤﻨﻰ ﺳﻮﺭﺍﭘﺘﯘ. ﻣﻪﻥ ﺋﯘﻧﯩﯖﻐﺎ
ﺩﻩﺭﻫﺎﻝ ﺟﺎﯞﺍﺏ ﻳﯧﺰﯨﭗ ﻣﺎﯕﺪﯗﺭﺩﯗﻡ.
ﻣﻪﻥ ﻗﻮﺷﯘﻣﭽﻪ ﺋﯩﺸﻼﺭ ﺑﯩﻠﻪﻥ ﺩﺍﯞﺍﻣﻠﯩﻖ ﺋﺎﻟﺪﯨﻨﻘﻰ ﺑﯩﺮ ﻫﻪﭘﺘﯩﺪﯨﻜﯩﺪﻩﻙ ﺋﺎﻟﺪﯨﺮﺍﺵ
ﺑﻮﻟﯘﭖ ﻛﻪﺗﻤﻪﻳﻤﻪﻥ. ﺋﺎﻟﺪﯨﻨﻘﻰ ﻫﻪﭘﺘﻪ ﺑﯩﺮ ﺋﺎﺯ ﺋﺎﻻﻫﯩﺪﯨﺮﻩﻙ ﺑﻮﻟﯘﭖ، ﻣﻪﻥ ﺑﯩﺮ
ﻗﺎﻧﭽﻪ ﻛﯜﻥ ﻛﻪﭺ ﺳﺎﺋﻪﺕ 10 ﺩﯨﻦ ﺋﺎﺷﻘﯩﭽﻪ ﺋﯩﺸﻠﻪﺷﻜﻪ ﻣﻪﺟﺒﯘﺭ ﺑﻮﻟﺪﯗﻡ. ﻟﯧﻜﯩﻦ،
ﻣﺎﯕﺎ ﺋﺎﺷﯘﻧﺪﺍﻕ ﺗﻪﻟﻪﭘﻠﻪﺭ ﺩﺍﯞﺍﻣﻠﯩﻖ ﻛﯧﻠﯩﭗ ﺗﯘﺭﯨﺪﯗ.
ﻛﯩﺸﯩﻠﯩﻚ ﺗﯘﺭﻣﯘﺷﻨﯩﯔ 3 ﻗﯩﺴﻤﻰ ﺑﻮﻟﯩﺪﯗ:
1) ﻣﺎﺩﺩﯨﻲ ﺗﯘﺭﻣﯘﺵ (ﺗﺎﻣﺎﻕ ﻳﯧﻴﯩﺶ، ﻛﯩﻴﯩﻢ ﻛﯩﻴﯩﺶ، ﺋﯘﺧﻼﺵ ﻗﺎﺗﺎﺭﻟﯩﻘﻼﺭ)،
2) ﺭﻭﻫﯩﻲ ﺗﯘﺭﻣﯘﺵ (ﻣﻪﻫﻤﺎﻧﺪﺍﺭﭼﯩﻠﯩﻘﻘﺎ ﺑﯧﺮﯨﺶ، ﻛﻮﻧﺴﻪﺭﺕ-ﻛﯩﻨﻮﻻﺭﻏﺎ ﺑﯧﺮﯨﺶ،
ﺗﯧﻠﯧﯟﯨﺰﻭﺭ ﻛﯚﺭﯛﺵ، ﺋﺎﺭﺍﻡ ﺋﯧﻠﯩﺶ، ﻣﯘﻫﻪﺑﺒﯩﺘﻰ ﺑﯩﻠﻪﻥ ﺑﯩﺮﮔﻪ ﺑﻮﻟﯘﺵ
ﻗﺎﺗﺎﺭﻟﯩﻘﻼﺭ).
3) ﺋﯩﺠﺎﺩﯨﻴﻪﺕ ﺗﯘﺭﻣﯘﺷﻰ (ﺋﯚﮔﯩﻨﯩﺶ، ﺧﯩﺰﻣﻪﺕ ﻗﺎﺗﺎﺭﻟﯩﻘﻼﺭ). ﺑﺎﺷﻘﯩﻼﺭﻏﺎ
ﻳﺎﺭﺩﻩﻡ ﻗﯩﻠﯩﺶ، ﻣﻪﻥ ﺋﯜﭼﯜﻥ ﺭﻭﻫﯩﻲ ﺗﯘﺭﻣﯘﺵ ﺑﯩﻠﻪﻥ ﺋﯩﺠﺎﺩﯨﻴﻪﺕ ﺗﯘﺭﻣﯘﺷﯩﻨﯩﯔ
ﺑﯩﺮﻟﻪﺷﻤﯩﺴﯩﺪﯗﺭ. ﻣﻪﻥ ﺑﯩﺮ ﺋﺎﺩﻩﻣﮕﻪ ﺑﯩﺮ ﺋﯩﺸﺘﺎ ﻳﺎﺭﺩﻩﻡ ﻗﯩﻼﻟﯩﺴﺎﻡ، ﺑﯩﺮ
ﻧﻪﺗﯩﺠﯩﮕﻪ ﺋﯧﺮﯨﺸﻜﻪﻥ ﺑﯩﻠﻪﻥ ﺋﻮﺧﺸﺎﺵ ﺋﯚﺯ-ﺋﯚﺯﯛﻣﺪﯨﻦ ﺧﯘﺷﺎﻝ ﺑﻮﻟﯩﻤﻪﻥ. ﺑﯩﺮ
ﻛﯩﺸﯩﻨﯩﯔ ﻫﺎﻳﺎﺗﯩﻐﺎ ﭼﻮﯕﺮﺍﻕ ﺗﻪﺳﯩﺮ ﻛﯚﺭﺳﯩﺘﻪﻟﯩﺴﻪﻡ، ﺋﯚﺯﯛﻣﻨﻰ ﺋﯩﻨﺘﺎﻳﯩﻦ ﺑﻪﺧﺘﻠﯩﻚ
ﻫﯧﺲ ﻗﯩﻠﯩﻤﻪﻥ. ﺑﯩﺮ ﻫﻪﭘﺘﯩﻨﯩﯔ ﺋﯩﭽﯩﺪﻩ ﻳﯘﻗﯩﺮﯨﻘﻰ ﺋﯩﺸﻼﺭﻧﻰ ﻗﯩﻠﻤﯩﻐﺎﻥ ﺑﻮﻟﺴﺎﻡ،
ﺋﯧﻬﺘﯩﻤﺎﻝ ﺗﯧﻠﯧﯟﯨﺰﻭﺭﺩﺍ ﺑﯩﺮ ﻗﺎﻧﭽﻪ ﻛﯩﻨﻮﻧﻰ ﻳﺎﻛﻰ ﺑﯩﺮ ﻗﺎﻧﭽﻪ ﻧﺒﺎ ﯞﺍﺳﻜﯧﺘﺒﻮﻝ
ﻣﯘﺳﺎﺑﯩﻘﯩﺴﯩﻨﻰ (ﻣﻪﻥ ﺋﯘ ﻣﯘﺳﺎﺑﯩﻘﯩﻠﻪﺭﻧﻰ ﻛﯚﺭﯛﺷﻨﯩﻤﯘ ﻧﺎﻫﺎﻳﯩﺘﻰ ﻳﺎﺧﺸﻰ ﻛﯚﺭﯨﻤﻪﻥ)
ﻛﯚﭘﺮﻩﻙ ﻛﯚﺭﮔﻪﻥ ﺑﻮﻻﺗﺘﯩﻢ. ﻟﯧﻜﯩﻦ، ﻣﻪﻥ ﺋﯜﭼﯜﻥ ﻳﯘﻗﯩﺮﯨﻘﻰ ﺋﯩﺸﻼﺭ ﺑﯩﻠﻪﻥ
ﺳﯧﻠﯩﺸﺘﯘﺭﻏﺎﻧﺪﺍ، ﺗﯧﻠﯧﯟﯨﺰﻭﺭ ﻛﯚﺭﮔﻪﻧﻨﯩﯔ ﻗﯩﻤﻤﯩﺘﻰ ﻛﯚﭖ ﺗﯚﯞﻩﻧﺪﯗﺭ.
ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻥ 16 ﻳﯩﻠﺪﯨﻦ ﻛﯚﭘﺮﻩﻙ ﯞﺍﻗﯩﺘﺘﯩﻦ ﺑﯘﻳﺎﻥ، ﻣﻪﻥ ﺟﺎﯞﺍﭖ
ﻗﺎﻳﺘﯘﺭﻣﯩﻐﺎﻥ ﺑﯩﺮ ﭘﺎﺭﭼﻪ ﺧﻪﺕ ﻳﻮﻕ. ﻣﺎﯕﺎ ﭘﻮﭼﺘﺎ ﯞﻩ ﺋﯧﻠﺨﻪﺕ ﺋﺎﺭﻗﯩﻠﯩﻖ ﻛﻪﻟﮕﻪﻥ
ﺧﻪﺗﻠﻪﺭﮔﻪ ﺑﯩﺮﺳﯩﻨﯩﻤﯘ ﻗﻮﻳﻤﺎﻱ ﺟﺎﯞﺍﺏ ﻳﯧﺰﯨﭗ ﻛﻪﻟﺪﯨﻢ. (ﺋﻪﮔﻪﺭ ﺳﯩﺰ ﻣﺎﯕﺎ ﺋﯧﻠﺨﻪﺕ
ﻳﯧﺰﯨﭗ، ﻣﻪﻧﺪﯨﻦ ﺟﺎﯞﺍﺏ ﻛﻪﻟﻤﯩﮕﻪﻥ ﺑﻮﻟﺴﺎ، ﺋﯘ ﭼﻮﻗﯘﻡ ﺳﯩﺰﻧﯩﯔ ﺋﯧﻠﺨﯧﺘﯩﯖﯩﺰﺩﯨﻦ
ﭼﺎﺗﺎﻕ ﭼﯩﻘﻘﺎﻧﻠﯩﻘﯩﺪﯨﻦ ﺑﻮﻟﺪﻯ-ﻣﯧﻨﯩﯔ ﺑﻪﺯﻯ ﺟﺎﯞﺍﺑﻠﯩﺮﯨﻢ ﺋﯩﮕﯩﺴﯩﮕﻪ ﻳﯧﺘﯩﭗ
ﺑﺎﺭﺍﻟﻤﺎﻱ ﻗﺎﻳﺘﯩﭗ ﻛﻪﻟﺪﻯ. 3-4 ﻗﯧﺘﯩﻢ ﻣﺎﯕﺪﯗﺭﯗﭖ ﺑﺎﻗﺴﺎﻣﻤﯘ ﻗﺎﻳﺘﯩﭗ ﻛﻪﻟﺪﻯ.
ﺋﻪﮔﻪﺭ ﺳﯩﺰﮔﻪ ﻣﻪﻧﺪﯨﻦ ﺟﺎﯞﺍﺏ ﻛﻪﻟﻤﯩﮕﻪﻥ ﺑﻮﻟﺴﺎ، ﻣﺎﯕﺎ ﻗﺎﻳﺘﺎ ﺋﯧﻠﺨﻪﺕ ﻳﯧﺰﯨﯔ.
ﻣﻪﻥ ﭼﻮﻗﯘﻡ ﺟﺎﯞﺍﺏ ﻗﺎﻳﺘﯘﺭﯨﻤﻪﻥ.) ﺑﯩﺰ ﺩﺍﯞﺍﻣﻠﯩﻖ ﻣﯩﻠﻠﻪﺗﻠﻪﺭﻧﯩﯔ ﺳﯜﭘﯩﺘﻰ،
ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺳﯜﭘﯩﺘﻰ ﺗﻮﻏﺮﯨﺴﯩﺪﺍ ﮔﻪﭖ ﺋﺎﭼﯩﻤﯩﺰ. ﺑﯩﺮ ﻣﯩﻠﻠﻪﺗﻨﯩﯔ
ﺳﯜﭘﯩﺘﯩﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﯩﻨﯩﯔ ﻣﯘﻫﯩﻢ ﺑﯩﺮ ﻛﯚﺭﺳﻪﺗﻜﯜﭼﻰ، ﺷﯘ ﻣﯩﻠﻠﻪﺗﺘﻪ
"ﺭﺍﺳﺖ ﺋﺎﺩﻩﻡ" ﺑﯩﻠﻪﻥ "ﻳﺎﻟﻐﺎﻥ ﺋﺎﺩﻩﻡ" ﻧﯩﯔ ﻧﯩﺴﺒﯩﺘﯩﻨﯩﯔ ﻗﺎﻧﭽﯩﻠﯩﻚ
ﺋﯩﻜﻪﻧﻠﯩﻜﯩﺪﯗﺭ. ﻣﯧﻨﯩﯔ ﺑﯘ ﻳﻪﺭﺩﻩ "ﺭﺍﺳﺖ ﺋﺎﺩﻩﻡ" ﺩﯦﮕﯩﻨﯩﻢ، ﺳﯩﺰ ﺑﯩﺮ ﭘﺎﺭﭼﻪ ﺧﻪﺕ
ﻳﺎﺯﺳﯩﯖﯩﺰ، ﺳﯩﺰﻧﯩﯔ ﺧﯧﺘﯩﯖﯩﺰﮔﻪ ﺟﺎﯞﺍﺏ ﻗﺎﻳﺘﯘﺭﯨﺪﯨﻐﺎﻥ ﺋﺎﺩﻩﻡ؛ ﺳﯩﺰﮔﻪ "ﻣﯘﻧﺪﺍﻕ
ﻣﯘﻧﺪﺍﻕ ﺋﯩﺸﻨﻰ ﻗﯩﻠﯩﭗ ﺑﯧﺮﯨﻤﻪﻥ"، ﺩﻩﭖ، ﺩﺍﺳﺘﯩﺨﺎﻥ ﺋﯜﺳﺘﯩﺪﻩ ﻳﺎﻛﻰ ﻫﺎﺭﺍﻕ
ﺳﻮﺭﯗﻧﯩﺪﺍ ﯞﻩﺩﻩ ﺑﯧﺮﯨﭗ، ﺋﻪﻣﻪﻟﯩﻴﻪﺗﺘﻪ ﺑﻪﺭﮔﻪﻥ ﯞﻩﺩﯨﺴﯩﻨﻰ ﻫﻪﻗﯩﻘﻪﺗﻪﻧﻤﯘ
ﻗﯩﻠﯩﺪﯨﻐﺎﻥ ﺋﺎﺩﻩﻣﺪﯨﻦ ﺋﯩﺒﺎﺭﻩﺕ ﺑﻮﻟﯘﭖ، "ﺳﺎﺧﺘﺎ ﺋﺎﺩﻩﻡ" ﻟﻪﺭ ﺑﻮﻟﺴﺎ
ﻳﯘﻗﯩﺮﯨﻘﯩﻨﯩﯔ ﺋﻪﻛﺴﯩﭽﻪ ﻛﯩﺸﯩﻠﻪﺭﺩﯗﺭ.
2002-ﻳﯩﻠﻰ ﻓﯧﯟﺭﺍﻟﺪﺍ ﻣﻪﻥ ﻳﺎﭘﻮﻧﯩﻴﻪﮔﻪ ﺑﯩﺮ ﻗﯧﺘﯩﻢ ﺧﯩﺰﻣﻪﺕ ﺋﯩﺸﻰ ﺑﯩﻠﻪﻥ
ﺑﺎﺭﺩﯨﻢ. ﺷﯘ ﭼﺎﻏﺪﺍ، ﺋﯚﺯﯛﻣﮕﻪ ﻳﺎﭘﻮﻧﯩﻴﻪﺩﻩ ﺗﯩﻜﯩﻠﮕﻪﻥ ﻛﺎﺳﺘﻴﯘﻡ-ﺑﯘﺭﯗﻟﻜﯩﺪﯨﻦ
ﺑﯩﺮﻧﻰ ﺋﯧﻠﯩﯟﯦﻠﯩﺶ ﺋﯜﭼﯜﻥ ﺑﯩﺮ ﻛﯜﻧﻰ ﺑﺎﺯﺍﺭ ﭼﯚﮔﯩﻠﯩﺪﯨﻢ. ﺩﯗﻛﺎﻧﻼﺭﺩﯨﻜﻰ
ﻛﯧﻴﯩﻤﻠﻪﺭ ﺋﺎﺳﺎﺳﻪﻥ ﺟﯘﯕﮕﻮﺩﺍ ﺋﯩﺸﻠﻪﻧﮕﻪﻥ ﺑﻮﻟﯘﭖ، ﻣﯩﯔ ﺗﻪﺳﻠﯩﻜﺘﻪ ﻳﺎﭘﻮﻧﺪﺍ
ﺗﯩﻜﯩﻠﮕﻪﻥ ﻛﯧﻴﯩﻢ ﺑﺎﺭ ﺩﯗﻛﺎﻧﺪﯨﻦ ﺑﯩﺮﻧﻰ ﺗﺎﭘﺘﯩﻢ. ﺑﯩﺮﺍﻕ، ﻣﻪﻥ ﻳﺎﺧﺸﻰ ﻛﯚﺭﮔﻪﻥ
ﺑﯩﺮ ﻗﯘﺭ ﻛﯧﻴﯩﻤﻨﯩﯔ ﻧﻮﻣﯘﺭﻯ ﻣﻪﻥ ﺋﯜﭼﯜﻥ 1-2 ﻧﻮﻣﯘﺭ ﻛﯩﭽﯩﻚ ﺋﯩﻜﻪﻥ. ﻣﻪﻥ
ﺩﯗﻛﺎﻧﻨﯩﯔ ﺋﯩﮕﯩﺴﯩﺪﯨﻦ ﺋﯘ ﻛﯧﻴﯩﻤﻨﯩﯔ 1-2 ﻧﻮﻣﯘﺭ ﭼﻮﯕﻰ ﺑﺎﺭ-ﻳﻮﻗﻠﯘﻗﯩﻨﻰ ﺳﻮﺭﯨﺴﺎﻡ،
ﺋﯘ ﻛﯩﺸﻰ "ﻫﺎﺯﯨﺮ ﺩﯗﻛﯩﻨﯩﻤﺪﺍ ﻳﻮﻕ. ﺳﻪﻝ ﺗﯘﺭﯗﭖ ﺗﯘﺭﯗﯓ. ﻣﻪﻥ ﺑﯩﺮ ﺳﯜﺭﯛﺷﺘﻪ ﻗﯩﻠﯩﭗ
ﺑﺎﻗﺎﻱ"، ﺩﯦﺪﻯ. ﺑﻪﺵ ﻣﯩﻨﯘﺗﺘﯩﻦ ﻛﯧﻴﯩﻦ ﻣﯧﻨﻰ ﭼﺎﻗﯩﺮﯨﭗ، ﺋﯘ ﻛﯧﻴﯩﻤﻨﻰ 3 ﻛﯜﻧﺪﯨﻦ
ﻛﯧﻴﯩﻦ ﺩﯗﻛﺎﻧﻐﺎ ﻛﻪﻟﺘﯜﺭﻩﻟﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﻣﻪﻥ ﺋﺎﻣﯧﺮﯨﻜﯩﻐﺎ ﺋﻪﺗﯩﺴﻰ
ﻗﺎﻳﺘﯩﺪﯨﻐﺎﻧﻠﯩﻘﯩﻤﻨﻰ، ﺷﯘﯕﺎ ﺳﻪﻝ ﻛﯩﭽﯩﻜﺮﻩﻙ ﺑﻮﻟﺴﯩﻤﯘ ﻫﯧﻠﯩﻘﻰ ﺩﯗﻛﺎﻧﺪﺍ ﺑﺎﺭ
ﻛﯧﻴﯩﻤﻨﻰ ﺋﯧﻠﯩﺶ ﻗﺎﺭﺍﺭﯨﻤﻨﻰ ﺋﯧﻴﺘﺘﯩﻢ. ﻟﯧﻜﯩﻦ، ﺋﯘ ﺩﯗﻛﺎﻧﻨﯩﯔ ﺋﯩﮕﯩﺴﻰ، "ﺋﯘ
ﺳﯩﺰﮔﻪ ﺑﻪﻙ ﻛﯩﭽﯩﻚ ﺋﯩﻜﻪﻥ. ﺋﯘﻧﻰ ﺋﺎﻟﻤﺎﯓ" ﺩﻩﭖ ﺗﯘﺭﯗﯞﺍﻟﺪﻯ. ﺑﯘ ﺑﯩﺮ ﻛﯩﭽﯩﻚ
ﺩﯗﻛﺎﻥ ﺑﻮﻟﯘﭖ، ﺋﯘ ﭼﺎﻏﺪﺍ ﺑﯘ ﺩﯗﻛﺎﻧﺪﺍ ﻣﻪﻧﺪﯨﻦ ﺑﺎﺷﻘﺎ ﻫﯧﭻ ﻗﺎﻧﺪﺍﻕ ﺧﯧﺮﯨﺪﺍﺭ ﻳﻮﻕ
ﺋﯩﺪﻯ. ﺷﯘ ﺑﯩﺮ ﻛﯜﻧﻨﯩﯔ ﺋﯩﭽﯩﺪﻩ ﺋﯘ ﻛﯩﺸﯩﻨﯩﯔ ﻗﺎﻧﭽﯩﻠﯩﻚ ﺳﻮﺩﺍ ﻗﯩﻼﻟﯩﻐﺎﻧﻠﯩﻐﯩﻨﻰ
ﺑﯩﻠﻤﻪﻳﻤﻪﻥ. ﺋﻪﻣﻤﺎ، ﻣﻪﻥ ﺋﻪﺗﯩﺴﻰ ﺋﺎﻣﯧﺮﯨﻜﯩﻐﺎ ﻗﺎﻳﺘﯩﺪﯨﻐﺎﻧﻠﯩﻘﯩﻤﻨﻰ ﺋﯧﻨﯩﻖ
ﺋﯧﻴﺘﺴﺎﻣﻤﯘ، ﺋﯘ ﻛﯩﺸﻰ ﻣﺎﯕﺎ "ﺑﯘ ﻛﯧﻴﯩﻢ ﺳﯩﺰﮔﻪ ﻧﺎﻫﺎﻳﯩﺘﻰ ﻳﺎﺧﺸﻰ ﻛﻪﻟﺪﻯ.
ﺋﯘﻧﯩﯖﺪﯨﻦ 2-3 ﻧﻰ ﺋﯧﻠﯩﯟﯦﻠﯩﯔ"، ﺩﯦﻤﻪﻱ، ﺑﯩﺮﻧﻰ ﺋﺎﻟﯩﻤﻪﻥ، ﺩﯨﺴﻪﻣﻤﯘ، ﻣﺎﯕﺎ
ﺳﺎﺗﻤﯩﻐﯩﻠﻰ ﺗﺎﺱ ﻗﺎﻟﺪﻯ.
" ﺭﺍﺳﺖ ﺋﺎﺩﻩﻡ" ﺩﯦﮕﻪﻥ ﺋﻪﻧﻪ ﺷﯘ. ﻣﻪﻥ ﻛﯩﭽﯩﻜﯩﻤﺪﯨﻦ ﺗﺎﺭﺗﯩﭗ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ
ﻫﺎﻳﺎﺗﯩﻢ ﺟﻪﺭﻳﺎﻧﯩﺪﺍ ﺋﯘﭼﺮﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺋﯩﭽﯩﺪﻩ "ﻳﺎﻟﻐﺎﻥ ﺋﺎﺩﻩﻡ" ﮔﻪ
ﻗﺎﺭﯨﻐﺎﻧﺪﺍ،"ﺭﺍﺳﺖ ﺋﺎﺩﻩﻡ" ﻟﻪﺭﻧﯩﯔ ﺳﺎﻧﻰ ﺧﯧﻠﯩﻼ ﻛﯚﭖ. ﺋﻪﻣﻤﺎ، ﺑﯘ "ﺭﺍﺳﺖ
ﺋﺎﺩﻩﻡ"ﻟﻪﺭﻧﯩﯔ ﻛﯚﭘﯩﻨﭽﯩﺴﻰ ﻳﯧﺰﯨﻼﺭﺩﺍ. ﻣﻪﻥ ﺷﯘﻻﺭ ﺑﯩﻠﻪﻥ ﺑﯩﺮﮔﻪ ﺑﻮﻟﯘﭖ،
ﺋﯘﻻﺭﺩﯨﻦ ﻧﯘﺭﻏﯘﻥ ﺋﺎﻟﯩﻴﺠﺎﻧﺎﺏ ﺧﯩﺴﻠﻪﺗﻠﻪﺭﻧﻰ ﺋﯚﮔﻪﻧﺪﯨﻢ. 2004-ﻳﯩﻠﻰ ﻳﺎﺯﺩﺍ
ﻣﯧﻨﯩﯔ 2 ﺑﺎﻻﻡ ﻳﯘﺭﺗﻘﺎ ﺑﯧﺮﯨﭗ، ﻣﻪﻥ ﺑﯘﺭﯗﻥ ﺋﻮﻳﻨﺎﭖ ﭼﻮﯓ ﺑﻮﻟﻐﺎﻥ ﻳﯧﺰﯨﻼﺭﻏﺎ
ﺑﺎﺭﺩﻯ. ﺋﯘ ﻳﻪﺭﺩﻩ ﺑﯩﺰﻧﯩﯔ ﺩﯦﻬﻘﺎﻥ ﺗﯘﻗﻘﺎﻧﻼﺭﻧﯩﯔ ﺋﯚﻳﯩﺪﻩ ﻗﻮﻧﯘﭖ، ﺋﯘﻻﺭ
ﺋﻪﺗﻜﻪﻥ ﺗﺎﻣﺎﻗﻨﻰ ﯞﻩ ﺋﯘﻻﺭﻧﯩﯔ ﺑﯧﻐﯩﺪﯨﻜﻰ ﻳﯧﻤﯩﺸﻠﻪﺭﻧﻰ ﻳﻪﭖ، ﺋﯘﻻﺭ ﺋﯚﺗﻜﯜﺯﯛﭖ
ﺑﻪﺭﮔﻪﻥ، ﺩﺍﭖ ﺑﯩﻠﻪﻥ ﻟﯩﮕﻪﻧﻨﻰ ﺑﯩﺮﻟﻪﺷﺘﯜﺭﯛﭖ ﭼﯧﻠﯩﭗ، ﺟﯜﭖ-ﺟﯜﭖ ﺑﻮﻟﯘﭖ ﺋﯘﺳﺴﯘﻝ
ﺋﻮﻳﻨﺎﻳﺪﯨﻐﺎﻥ، ﻫﻪﻣﺪﻩ ﺑﯩﺮ-ﺑﯩﺮﯨﮕﻪ ﭘﻮﺗﺎ ﺳﺎﻟﯩﺪﯨﻐﺎﻥ، ﺑﯩﺰﻧﯩﯔ ﺋﻪﯓ ﺋﻪﻧﺌﻪﻧﯩﯟﻯ
ﻛﯚﯕﯜﻝ-ﺋﯧﭽﯩﺶ ﺋﻮﻳﯘﻧﯩﻤﯩﺰ "ﻣﻪﺷﺮﻩﭖ" ﻛﻪ ﻗﺎﺗﻨﺎﺷﺘﻰ. ﺷﯘ ﭼﺎﻏﺪﺍ ﻣﻪﻥ ﺑﯩﺮ ﻗﯧﺘﯩﻢ
ﺋﯘﻻﺭﻏﺎ ﺗﯧﻠﯧﻔﻮﻥ ﻗﯩﻠﻐﺎﻧﺪﺍ، ﺋﯘ ﺋﯩﻜﻜﯩﺴﻰ ﻣﺎﯕﺎ ﺋﺎﻳﺮﯨﻢ-ﺋﺎﻳﺮﯨﻢ ﻫﺎﻟﺪﺍ:
"ﺩﺍﺩﺍ، ﺑﯘ ﻳﻪﺭﺩﯨﻜﻰ ﺋﺎﺩﻩﻣﻠﻪﺭ ﺋﺎﺟﺎﻳﯩﭗ ﻳﺎﺧﺸﻰ ﺋﯩﻜﻪﻥ. ﻣﻪﻥ ﺑﯘ ﺩﯗﻧﻴﺎﺩﺍ
ﻣﯘﻧﺪﺍﻕ ﻳﺎﺧﺸﻰ ﺋﺎﺩﻩﻣﻠﻪﺭﻧﯩﯔ ﺑﺎﺭﻟﯩﻘﯩﻨﻰ ﺯﺍﺩﯨﻼ ﺑﯩﻠﻤﻪﭘﺘﯩﻜﻪﻧﻤﻪﻥ. ﺳﯩﺰﻧﯩﯔ
ﻗﺎﻧﺪﺍﻕ ﻗﯩﻠﯩﭗ ﻫﺎﺯﯨﺮﻗﯩﺪﻩﻙ ﺋﺎﺩﻩﻡ ﺑﻮﻟﯘﭖ ﭼﻮﯓ ﺑﻮﻟﻐﺎﻧﻠﯩﻘﯩﯖﯩﺰﻧﻰ ﺋﻪﻣﺪﻯ
ﭼﯜﺷﻪﻧﺪﯨﻢ"، ﺩﯦﺪﻯ.
ﻳﺎﭘﻮﻧﯩﻴﻪﮔﻪ ﺑﺎﺭﻏﺎﻧﺪﯨﻦ ﻛﯧﻴﯩﻦ، ﺧﯘﺩﺩﻯ ﻳﺎﭘﻮﻧﯩﻴﯩﮕﻪ ﺑﺎﺭﻏﺎﻥ ﺑﺎﺷﻘﺎ ﺋﯘﻳﻐﯘﺭ
ﯞﻩﺗﻪﻧﺪﺍﺷﻼﺭﻏﺎ ﺋﻮﺧﺸﺎﺵ، "ﻳﯘﻗﯩﺮﻯ ﺳﯜﭘﻪﺗﻠﯩﻚ ﻣﯩﻠﻠﻪﺕ" ﻧﯩﯔ ﻗﺎﻧﺪﺍﻕ
ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺗﯧﺨﯩﻤﯘ ﺗﻮﻟﯘﻕ ﭼﯜﺷﻪﻧﺪﯨﻢ. ﺋﺎﺷﯘﻧﺪﺍﻕ "ﺭﺍﺳﺖ ﺋﺎﺩﻩﻡ" ﻟﻪﺭﻧﯩﯔ
ﺳﺎﻧﯩﻨﻰ ﻛﯚﭘﻪﻳﺘﯩﭗ، ﻣﯩﻠﻠﯩﺘﯩﻤﯩﺰﻧﯩﯔ ﺳﯜﭘﯩﺘﯩﻨﻰ ﻳﯘﻗﯘﺭﻯ ﻛﯚﺗﯩﺮﯨﺶ ﻳﻮﻟﯩﺪﺍ ﻫﻪﺭ
ﺑﯩﺮ ﺋﺎﺩﻩﻡ ﺑﯩﺮ ﻛﯩﺸﯩﻠﯩﻚ ﺗﯚﻫﭙﻪ ﻗﻮﺷﺎﻻﻳﺪﯗ. ﻣﻪﻥ ﻫﻪﻣﻤﯩﻤﯩﺰ ﺋﻮﺭﺗﺎﻕ
ﺗﯩﺮﯨﺸﯩﺪﯨﻐﺎﻧﻼ ﺑﻮﻟﺴﺎﻕ، ﺑﯩﺰ ﺋﯘﻳﻐﯘﺭﻻﺭﻧﯩﯔ ﻛﻪﻟﮕﯜﺳﯩﺪﻩ ﺧﯘﺩﺩﻯ ﻳﺎﭘﻮﻧﻠﯘﻗﻼﺭ،
ﻳﻪﻫﯘﺩﯨﻴﻼﺭ ﯞﻩ ﮔﯧﺮﻣﺎﻧﻼﺭﻏﺎ ﺋﻮﺧﺸﺎﺵ ﺑﯩﺮ
ﺗﺎﻳﯩﻨﻰ
ﺑﺎﺭ
ﻣﯩﻠﻠﻪﺕ ﻗﺎﺗﺎﺭﯨﺪﺍ ﺩﯗﻧﻴﺎﻏﺎ ﺗﻮﻧﯘﻟﯩﺪﯨﻐﺎﻧﻠﯩﻘﯩﻐﺎ ﻗﻪﺗﺌﯩﻲ ﺋﯩﺸﯩﻨﯩﻤﻪﻥ.
8 - ﺳﻮﺋﺎﻝ: ﻫﺎﺯﯨﺮ ﻣﻪﻣﻠﯩﻜﻪﺗﻠﯩﻚ ﻣﻪﺗﺒﯘﺋﺎﺗﻼﺭﺩﺍ ﺩﯙﻟﯩﺘﯩﻤﯩﺰ ﻣﺎﺋﺎﺭﯨﭙﻨﯩﯔ
ﻳﯧﺘﻪﺭﺳﯩﺰﻟﯩﻜﻠﯩﺮﻯ، ﭼﻪﺕ ﺋﻪﻝ ﻣﺎﺋﺎﺭﯨﭙﯩﻨﯩﯔ ﺋﯩﻠﻐﺎﺭﻟﯩﻘﻠﯩﺮﻯ ﺗﻮﻏﺮﯨﺴﯩﺪﺍ
ﻣﯘﻻﻫﯩﺰﯨﻠﻪﺭ ﺑﻮﻟﯘﭖ ﺗﯘﺭﯨﺪﯗ. ﺳﯩﺰ ﭘﻪﺭﺯﻩﻧﺘﻠﯩﺮﯨﯖﯩﺰﻧﻰ ﺋﺎﻣﯧﺮﯨﻜﺎ ﺋﻮﺗﺘﯘﺭﺍ
ﻣﻪﻛﺘﻪﭘﻠﯩﺮﯨﺪﻩ ﺋﻮﻗﯘﺗﻘﺎﻥ ﺋﺎﺗﺎ ﺑﻮﻟﯘﺵ ﺳﯜﭘﯩﺘﯩﯖﯩﺰ ﺑﯩﻠﻪﻥ ﻗﺎﻧﺪﺍﻕ
ﺳﯧﻠﯩﺸﺘﯘﺭﯨﺴﯩﺰ؟
ﺟﺎﯞﺍﺏ: ﺟﯘﯕﮕﻮ ﻣﺎﺋﺎﺭﯨﭙﻰ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﻣﺎﺋﺎﺭﯨﭙﻰ ﺋﻮﺗﺘﯘﺭﯨﺴﯩﺪﺍ
ﻫﻪﻗﯩﻘﻪﺗﻪﻧﻤﯘ ﺧﯧﻠﻰ ﭼﻮﯓ ﭘﻪﺭﻕ ﺑﺎﺭ. ﺟﯘﯕﮕﻮ ﻣﺎﺋﺎﺭﯨﭙﯩﻨﻰ ﻳﯩﻐﯩﻨﭽﺎﻗﻼﭖ، ﺑﯩﺮ
ﺋﯧﻐﯩﺰ ﺳﯚﺯ ﺑﯩﻠﻪﻥ "ﻳﺎﺩﻻﺵ ﻣﺎﺋﺎﺭﯨﭙﻰ"، ﺋﺎﻣﯧﺮﯨﻜﯩﻨﯩﯖﻜﯩﻨﻰ ﺑﻮﻟﺴﺎ
"ﺋﻪﻣﻪﻟﯩﻴﻪﺗﻜﻪ ﺗﻪﺩﺑﯩﻘﻼﺵ ﻣﺎﺋﺎﺭﯨﭙﻰ"، ﺩﻩﭖ ﺋﯧﻴﺘﯩﺶ ﻣﯘﻣﻜﯩﻦ. ﺑﯘﻧﺪﺍﻕ ﺋﯩﻜﻜﻰ
ﻣﺎﺋﺎﺭﯨﭗ ﺳﯩﺴﺘﯧﻤﯩﺴﯩﺪﺍ ﺗﻪﺭﺑﯩﻴﯩﻠﻪﻧﮕﻪﻥ ﻛﯩﺸﯩﻠﻪﺭﻧﯩﯔ ﺋﯩﻘﺘﯩﺪﺍﺭﯨﺪﯨﻤﯘ ﺧﯧﻠﻰ ﭼﻮﯓ
ﭘﻪﺭﻕ ﺑﻮﻟﯩﺪﯗ. ﺗﯚﯞﻩﻧﺪﻩ ﻣﻪﻥ ﺑﯘ ﻣﻪﺳﯩﻠﯩﻨﻰ ﺋﯚﺯﯛﻡ ﺋﯘﭼﺮﺍﺗﻘﺎﻥ ﺋﻪﻫﯟﺍﻟﻼﺭ
ﺋﺎﺭﻗﯩﻠﯩﻖ ﭼﯜﺷﻪﻧﺪﯛﺭﯛﭖ ﺋﯚﺗﯩﻤﻪﻥ:
ﺋﺎﻣﯧﺮﯨﻜﯩﻨﯩﯔ ﺩﻩﺭﺱ ﺋﯚﺗﯜﺵ ﺋﯘﺳﯘﻟﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﺘﯩﻦ ﺗﺎﺭﺗﯩﭙﻼ
ﺟﯘﯕﮕﻮﻧﯩﯖﻜﻰ ﺑﯩﻠﻪﻥ ﺋﻮﺧﺸﯩﻤﺎﻳﺪﯗ. ﻣﻪﺳﯩﻠﻪﻥ، 1-ﺳﯩﻨﯩﭗ ﺑﺎﻟﯩﻠﯩﺮﯨﻐﺎ ﻫﯧﺴﺎﺏ
ﺋﯚﺗﻜﻪﻧﺪﻩ، ﺟﯘﯕﮕﻮﺩﺍ ﻛﯚﭘﯩﻨﭽﻪ ﺋﻪﻫﯟﺍﻟﺪﺍ "ﺑﯩﺮﮔﻪ ﺑﯩﺮﻧﻰ ﻗﻮﺷﺴﺎ 2"، "ﺋﯩﻜﻜﯩﮕﻪ
ﺑﯩﺮﻧﻰ ﻗﻮﺷﺎ ﺋﯜﭺ"، ﺩﻩﭖ ﻳﺎﺩﻟﯩﺘﯩﺪﯗ. ﺋﺎﻣﯧﺮﯨﻜﯩﺪﺍ ﺑﻮﻟﺴﺎ، ﺑﺎﻟﯩﻼﺭﻏﺎ ﻣﻪﻟﯘﻡ
ﺳﺎﻧﺪﯨﻜﻰ ﺭﻩﯕﻠﯩﻚ ﺑﯘﻳﯘﻣﻼﺭﻧﻰ ﺗﺎﺭﻗﯩﺘﯩﯩﭗ ﺑﯧﺮﯨﭗ، "ﻗﯩﺰﯨﻠﺪﯨﻦ 3 ﻧﻰ ﺑﯩﺮ ﻳﻪﺭﮔﻪ،
ﻳﯧﺸﯩﻠﺪﯨﻦ 4 ﻧﻰ ﺑﯩﺮ ﻳﻪﺭﮔﻪ ﻗﻮﻳﯘﯕﻼﺭ. ﺋﻪﻣﺪﻯ ﺋﯩﻜﻜﻰ ﺭﻩﯕﺪﯨﻜﯩﻠﻪﺭﻧﻰ
ﺑﯩﺮﻟﻪﺷﺘﯜﺭﯛﯕﻼﺭ. ﺋﻪﻣﺪﻯ ﻫﻪﻣﻤﯩﺴﯩﻨﻰ ﻗﻮﺷﯘﭖ ﺳﺎﻧﺎﭖ ﺑﯧﻘﯩﯖﻼﺭ"، ﺩﻩﭖ
ﻫﻪﻣﻤﻪﻳﻠﻪﻧﻨﻰ ﺋﯩﺸﻘﺎ ﺳﯧﻠﯩﭗ، ﻣﯘﺷﯘ ﺑﯩﺮ ﭘﺎﺋﺎﻟﯩﻴﻪﺕ ﺋﺎﺭﻗﯩﻠﯩﻖ "3 ﻛﻪ 4 ﻧﻰ
ﻗﻮﺷﺴﺎ، 7 ﺑﻮﻟﯩﺪﯗ"، ﺩﯦﮕﻪﻥ ﻧﻪﺭﺳﯩﻨﻰ ﺋﯚﮔﯩﺘﯩﺪﯗ. ﺑﯘ ﻳﻪﺭﺩﯨﻜﻰ ﺋﻪﯓ ﺗﯜﭖ
ﭘﺮﯨﻨﺴﯩﭗ، ﺑﺎﻟﯩﻼﺭﻧﯩﯔ ﻣﯧﯖﯩﺴﯩﮕﻪ ﺑﯧﺴﯩﻢ ﺋﯩﺸﻠﻪﺗﻤﻪﻱ، ﻳﯧﯖﻰ ﻧﻪﺭﺳﯩﻠﻪﺭﻧﻰ
ﺋﯚﺯﻟﯩﺮﻯ ﻗﻮﺑﯘﻝ ﻗﯩﻼﻻﻳﺪﯨﻐﺎﻥ ﺗﻪﺭﯨﻘﯩﺪﻩ ﺋﯚﮔﯩﺘﯩﺸﺘﯩﻦ ﺋﯩﺒﺎﺭﻩﺕ. ﺷﯘﯕﻼﺷﻘﺎ،
ﺋﺎﻣﯧﺮﯨﻜﯩﻨﯩﯔ ﺑﺎﺷﻼﻧﻐﯘﭺ ﻣﻪﻛﺘﯩﭙﯩﻨﯩﯔ ﺳﯩﻨﯩﭙﻠﯩﺮﯨﻐﺎ ﻗﺎﺭﯨﺴﯩﯖﯩﺰ، ﺳﺎﻧﺪﯗﻕ
ﺳﺎﻧﺪﯗﻗﺘﺎ، ﻫﻪﺭ ﺧﯩﻞ ﺭﻩﯕﺪﯨﻜﻰ ﺑﯘﻳﯘﻣﻼﺭﻧﻰ ﻛﯚﺭﯨﺴﯩﺰ.
ﺑﺎﺷﻼﻧﻐﯘﭼﺘﯩﻦ ﺑﺎﺷﻼﭘﻼ، ﺑﺎﻟﯩﻼﺭﻧﯩﯔ ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻞ ﺗﻪﭘﻪﻛﻜﯘﺭ
ﻗﯩﻠﯩﺶ، ﺋﯚﺯ ﺋﺎﻟﺪﯨﻐﺎ ﻣﯘﺳﺘﻪﻗﯩﻞ ﻳﯧﯖﻰ ﻧﻪﺭﺳﯩﻠﻪﺭﻧﻰ ﺋﯚﮔﯩﻨﯩﺶ، ﺋﯚﺯ ﺋﺎﻟﺪﯨﻐﺎ
ﻣﯘﺳﺘﻪﻗﯩﻞ ﻳﯧﯖﻰ ﻧﻪﺭﺳﯩﻠﻪﺭﻧﻰ ﺋﯩﺠﺎﺩ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﯩﯔ ﻳﯧﺘﯩﻠﯩﺸﯩﮕﻪ
ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﯜﻧﯩﺪﯗ. ﻣﻪﻥ ﺑﯘﺭﯗﻥ ﺋﻮﻗﯘﻏﺎﻥ ﺑﯩﺮ ﻣﺎﻗﺎﻟﯩﺪﻩ، ﺑﯩﺮ ﺯﯨﻴﺎﻟﯩﻲ
ﺑﯘ ﺋﯩﻜﻜﻰ ﺩﯙﻟﻪﺗﺘﯩﻜﻰ ﺑﺎﻻ ﺗﻪﺭﺑﯩﻴﯩﻠﻪﺵ ﺋﯘﺳﯘﻟﯩﺪﯨﻜﻰ ﭘﻪﺭﻕ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ،
ﻣﯘﻧﺪﺍﻕ ﺩﻩﭘﺘﯘ: "ﺟﯘﯕﮕﻮﺩﺍ ﻫﻪﻣﻤﻪﻳﻠﻪﻥ ﺑﺎﻟﯩﺴﯩﻐﺎ: ﺑﺎﺷﻘﯩﻼﺭﻧﯩﯔ ﺑﺎﻟﯩﺴﻰ ﻗﺎﻧﺪﺍﻕ
ﻗﯩﻠﻐﺎﻥ ﺑﻮﻟﺴﺎ، ﺳﻪﻧﻤﯘ ﺷﯘﻧﺪﺍﻕ ﻗﯩﻞ، ﺩﻩﭖ ﺗﻪﺭﺑﯩﻴﯩﻠﻪﻳﺪﯗ. ﺋﺎﻣﯧﺮﯨﻜﯩﻠﯩﻘﻼﺭ
ﺑﻮﻟﺴﺎ ﺑﺎﻟﯩﺴﯩﻐﺎ: ﺋﯩﻤﻜﺎﻥ ﺑﺎﺭ ﺑﺎﺷﻘﯩﻼﺭ ﻗﯩﻠﻤﯩﻐﺎﻧﻨﻰ ﻗﯩﻞ، ﺩﻩﭖ
ﺗﻪﺭﺑﯩﻴﯩﻠﻪﻳﺪﯗ". ﻣﯘﺷﯘﻧﺪﺍﻕ ﺑﺎﻻ ﺗﻪﺭﺑﯩﻴﯩﻠﻪﺵ ﺋﯘﺳﯘﻟﯩﻨﯩﯔ ﻧﻪﺗﯩﺠﯩﺴﯩﺪﻩ،
ﺋﺎﻣﯧﺮﯨﻜﯩﺪﺍ ﻫﻪﻣﻤﻪ ﻛﻪﺳﭗ ﺗﯜﺭﻟﯩﺮﻯ ﺑﻮﻳﯩﭽﻪ ﻳﯧﯖﻰ ﻛﻪﺷﭙﯩﻴﺎﺗﭽﯩﻼﺭ ﺩﯗﻧﻴﺎ ﺑﻮﻳﯩﭽﻪ
ﺋﻪﯓ ﻛﯚﭖ ﭼﯩﻘﯩﺪﯗ.
ﻣﯧﻨﯩﯔ ﺋﻮﻏﻠﯘﻡ ﺑﺎﺷﻼﻧﻐﯘﭼﻨﯩﯔ 5-ﺳﯩﻨﯩﭙﯩﺪﯨﻼ ﺋﯩﻠﻤﯩﻲ ﺗﻪﺟﺮﯨﺒﯩﻨﻰ ﻗﺎﻧﺪﺍﻕ
ﺋﯩﺸﻠﻪﺵ، ﺋﯘﻧﯩﯖﺪﯨﻦ ﭼﯩﻘﺎﺭﻏﺎﻥ ﺋﯩﻠﻤﯩﻲ ﻳﻪﻛﯜﻧﻨﻰ ﻗﺎﻧﺪﺍﻕ ﻗﯩﻠﯩﭗ ﺑﯩﺮ ﺋﯩﻠﻤﯩﻲ
ﺩﻭﻛﻼﺕ ﺷﻪﻛﻠﯩﺪﻩ ﺑﺎﺷﻘﯩﻼﺭﻏﺎ ﻳﻪﺗﻜﯜﺯﯛﺷﻨﻰ ﺋﯚﮔﻪﻧﺪﻯ. ﻣﻪﻥ ﻳﯘﻗﯩﺮﯨﻘﻰ ﺳﻮﺋﺎﻟﻨﻰ
(ﻳﻪﻧﻰ 8-ﺳﻮﺋﺎﻟﻨﻰ) ﻛﯚﺭﮔﻪﻧﺪﯨﻦ ﻛﯧﻴﯩﻦ، ﺋﻮﻏﻠﯘﻣﺪﯨﻦ "ﺳﻪﻥ 5-ﺳﯩﻨﯩﭙﺘﺎ
1-ﻗﯧﺘﯩﻤﻠﯩﻖ ﺋﯩﻠﻤﯩﻲ ﺗﻪﺟﺮﯨﺒﯩﻨﻰ ﺋﯩﺸﻠﻪﭖ، ﺋﯘﻧﯩﯖﺪﯨﻦ ﺩﻭﻛﻼﺕ ﻳﺎﺯﻏﺎﻥ ﺋﯩﺪﯨﯔ.
ﺳﻪﻥ ﺷﯘ ﭼﺎﻏﺪﺍ ﺋﯚﮔﻪﻧﮕﻪﻥ ﺋﯩﻠﻤﯩﻲ ﺗﻪﺟﺮﯨﺒﻪ ﺋﯘﺳﯘﻟﻠﯩﺮﻯ ﻗﺎﻳﺴﻰ؟" ﺩﻩﭖ ﺳﻮﺭﯨﺴﺎﻡ،
ﻣﺎﯕﺎ ﺗﯚﯞﻩﻧﺪﯨﻜﯩﻠﻪﺭﻧﻰ ﺋﯧﻴﺘﯩﭗ ﺑﻪﺭﺩﻯ:
1) ﺋﯩﻠﻤﯩﻲ ﭘﻪﺭﻩﺯﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺵ
2) ﺗﻪﺟﺮﯨﺒﻪ ﺋﯜﭼﯜﻥ ﺯﯙﺭﯛﺭ ﺑﻮﻟﻐﺎﻥ ﻣﺎﺗﯧﺮﯨﻴﺎﻟﻼﺭﻧﻰ ﺗﻪﻳﻴﺎﺭﻻﺵ ﯞﻩ ﺗﻪﺟﺮﯨﺒﻪ
ﺋﯘﺳﯘﻟﯩﻨﻰ ﻻﻳﯩﻬﯩﻠﻪﺵ
3) ﺗﻪﺟﺮﯨﺒﯩﻨﻰ ﺋﯩﺸﻠﻪﭖ، ﺳﺎﻥ-ﺳﯩﻔﯩﺮﻻﺭﻧﻰ ﺧﺎﺗﯩﺮﯨﻠﻪﺵ
4) ﺗﻪﺟﺮﯨﺒﻪ ﻧﻪﺗﯩﺠﯩﺴﯩﮕﻪ ﻗﺎﺭﺍﭖ، 1) ﻗﯩﺴﯩﻤﺪﯨﻜﻰ ﺋﯩﻠﻤﯩﻲ ﭘﻪﺭﻩﺯﻧﯩﯔ ﺗﻮﻏﺮﺍ ﻳﺎﻛﻰ
ﻧﺎﺗﻮﻏﺮﯨﻠﯩﻘﯩﻨﻰ، ﺋﯘﻧﺪﺍﻕ ﺑﻮﻟﯘﺷﯩﻨﯩﯔ ﺳﻪﯞﻩﺑﯩﻨﻰ، ﻫﻪﻣﺪﻩ ﺑﯘ ﺗﻪﺟﺮﯨﺒﻪ ﺋﺎﺭﻗﯩﻠﯩﻖ
ﻳﻪﻛﯜﻧﻠﻪﭖ ﭼﯩﻘﺎﺭﻏﺎﻥ ﺋﯩﻠﻤﯩﻲ ﺧﯘﻻﺳﯩﻨﻰ ﻳﯧﺰﯨﭗ ﭼﯩﻘﯩﺶ.
ﺋﯘﻻﺭ ﺋﺎﺷﯘ ﯞﺍﻗﯩﺘﺘﯩﻦ ﺑﺎﺷﻼﭘﻼ، ﺋﯚﺯﻯ ﺋﯩﺸﻠﯩﮕﻪﻥ ﺗﻪﺟﺮﯨﺒﯩﻨﯩﯔ ﻧﻪﺗﯩﺠﯩﻠﯩﺮﯨﻨﻰ
x-y
ﺭﻩﺳﯩﻤﻰ (ﺋﯩﻨﮕﻠﯩﺰﭼﻪ "x-y
plot
" ﺩﻩﭖ ﺋﺎﺗﯩﻠﯩﺪﯗ) ﺋﺎﺭﻗﯩﻠﯩﻖ ﺋﯩﭙﺎﺩﯨﻠﻪﺷﻨﻰ ﺑﺎﺷﻠﯩﺪﻯ. ﻣﯧﻨﯩﯔ ﺋﯧﺴﯩﻤﺪﻩ
ﻗﯧﻠﯩﺸﯩﭽﻪ، ﻣﻪﻥ ﻳﺎﭘﻮﻧﯩﻴﻪﮔﻪ ﻳﯧﯖﻰ ﺑﺎﺭﻏﺎﻧﺪﺍ، ﺋﯩﻠﻤﯩﻲ ﺗﻪﺗﻘﯩﻘﺎﺗﻨﻰ ﻗﺎﻧﺪﺍﻕ
ﺋﯩﺸﻠﻪﺵ ﺟﻪﻫﻪﺗﺘﻪ ﻳﯘﻗﯩﺮﯨﻘﯩﭽﯩﻠﯩﻚ ﺑﯩﻠﯩﻤﯩﻢ ﻳﻮﻕ ﺋﯩﺪﻯ (ﺋﯧﻬﺘﯩﻤﺎﻝ ﺑﯘ ﺧﯩﻞ
ﯞﻩﺯﯨﻴﻪﺕ ﻫﺎﺯﯨﺮ ﺋﯚﺯﮔﻪﺭﮔﻪﻥ ﺑﻮﻟﯘﺷﻰ ﻣﯘﻣﻜﯩﻦ)
ﺋﺎﻣﯧﺮﯨﻜﯩﺪﺍ ﺑﺎﺷﻼﻧﻐﯘﭼﻨﯩﯔ ﺋﺎﺧﯩﺮﻗﻰ ﻳﯩﻠﻠﯩﺮﯨﺪﯨﻦ ﺑﺎﺷﻼﭖ، ﺗﻮﻟﯘﻗﺴﯩﺰ
ﺋﻮﺗﺘﯘﺭﯨﻨﻰ ﭘﯜﺗﺘﯜﺭﮔﯩﭽﻪ، ﺋﻮﻗﯘﻏﯘﭼﯩﻼﺭﻏﺎ ﻫﻪﺭ ﻣﻪﯞﺳﯜﻣﺪﻩ ﺑﯩﺮ ﻗﯧﺘﯩﻢ ﺩﻩﺭﺱ
ﭘﺮﻭﺟﻪﻛﺘﯩﺴﻰ (ﺋﯩﻨﮕﻠﯩﺰﭼﻪ "
Class Project
" ﺩﻩﭖ ﺋﺎﺗﯩﻠﯩﺪﯗ) ﺋﻮﺭﯗﻧﻼﺷﺘﯘﺭﯨﺪﯗ. ﺑﻪﺯﻯ ﺋﻮﻗﯘﺗﻘﯘﭼﯩﻼﺭ ﺳﯩﻨﯩﭙﯩﺪﯨﻜﻰ 30 ﻏﺎ
ﻳﯧﻘﯩﻦ ﺋﻮﻗﯘﻏﯘﭼﯩﻐﺎ 15 ﺋﻪﺗﺮﺍﭘﯩﺪﯨﻜﻰ ﺑﯩﺮ-ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﭘﺮﻭﺟﻪﻛﺖ
ﻣﺎﯞﺯﯗﺳﯩﻨﻰ ﭼﯩﻘﯩﺮﯨﭗ ﺑﯧﺮﯨﭗ، ﺋﻮﻗﯘﻏﯘﭼﯩﻼﺭﻧﯩﯔ ﺋﯚﺯﻟﯩﺮﻯ ﻳﺎﺧﺸﻰ ﻛﯚﺭﮔﻪﻧﻠﯩﺮﯨﻨﻰ
ﺗﺎﻟﻠﯩﯟﯦﻠﯩﺸﺎ ﻗﻮﻳﯩﺪﯗ. ﺑﻪﺯﯨﻠﯩﺮﻯ ﺑﻮﻟﺴﺎ، ﭘﺮﻭﺟﻪﻛﺖ ﻣﺎﯞﺯﯗﺳﯩﻨﻰ ﺋﻮﻗﯘﻏﯘﭼﯩﻼﺭﻧﯩﯔ
ﺋﯚﺯﻟﯩﺮﯨﻨﯩﯔ ﺗﯧﭙﯩﺸﯩﻐﺎ ﻗﻮﻳﯘﭖ ﻗﻮﻳﯩﺪﯗ. ﻣﯘﺷﯘﻧﺪﺍﻕ ﭘﺮﻭﺟﻪﻛﺘﻼﺭ ﺋﺎﺳﺎﺳﯩﺪﺍ، ﻫﻪﺭ
ﻳﯩﻠﻰ ﻣﻪﻛﺘﻪﭖ ﺑﻮﻳﯩﭽﻪ ﺑﯩﺮ ﻗﯧﺘﯩﻢ ﺋﯩﻠﯩﻢ-ﭘﻪﻥ ﻛﯚﺭﮔﻪﺯﻣﯩﺴﻰ (ﺋﯩﻨﮕﻠﯩﺰﭼﻪ "
Science Fair
" ﺩﻩﭖ ﺋﺎﺗﯩﻠﯩﺪﯗ) ﺋﻮﺭﯗﻧﻼﺷﺘﯘﺭﯗﻟﯩﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، "ﺋﻮﭼﯘﻕ ﺋﯚﻱ"
(ﺋﯩﻨﮕﻠﯩﺰﭼﻪ "
Open House
" ﺩﻩﭖ ﺋﺎﺗﯩﻠﯩﺪﯗ) ﭘﺎﺋﺎﻟﯩﻴﻪﺗﻠﯩﺮﯨﻤﯘ ﺑﯩﺮ ﻳﯩﻠﺪﺍ ﺑﯩﺮ ﻗﺎﻧﭽﻪ ﻗﯧﺘﯩﻢ ﺑﻮﻟﯘﭖ
ﺗﯘﺭﯨﺪﯗ. ﺑﯘ ﻛﯚﺭﮔﻪﺯﻣﻪ ﯞﻩ ﺋﻮﭼﯘﻕ ﺋﯚﻱ ﺟﻪﺭﻳﺎﻧﯩﺪﺍ، ﺋﺎﺗﺎ-ﺋﺎﻧﯩﻼﺭ ﺑﻪﻟﮕﯩﻠﻪﻧﮕﻪﻥ
ﯞﺍﻗﯩﺖ ﻣﯘﺩﺩﯨﺘﻰ ﺋﯩﭽﯩﺪﻩ ﻣﻪﻛﺘﻪﭘﻜﻪ ﻛﯧﻠﯩﭗ، ﺋﯚﺯ ﭘﻪﺭﺯﻩﻧﺘﻠﯩﺮﯨﻨﯩﯔ ﯞﻩ ﺑﺎﺷﻘﺎ
ﺋﻮﻗﯘﻏﯘﭼﯩﻼﺭﻧﯩﯔ ﻗﯩﻠﻐﺎﻥ ﺋﯩﺸﻠﯩﺮﯨﻨﻰ ﻛﯚﺭﯨﺪﯗ. ﺑﯘ ﺋﺎﺩﻩﻣﻨﻰ ﺧﯧﻠﯩﻼ
ﻫﻮﺯﯗﺭﻻﻧﺪﯗﺭﯨﺪﯨﻐﺎﻥ ﭘﺎﺋﺎﻟﯩﻴﻪﺕ ﺑﻮﻟﯘﭖ، ﺑﺎﻟﯩﻼﺭﻧﯩﯔ ﻗﯩﻠﻐﺎﻥ ﺋﯩﺸﻠﯩﺮﻯ ﺋﺎﺩﻩﻣﻨﻰ
ﻧﺎﻫﺎﻳﯩﺘﻰ ﻫﻪﻳﺮﺍﻥ ﻗﺎﻟﺪﯗﺭﯨﺪﯗ. ﻣﻪﻥ ﻫﺎﺯﯨﺮﻏﺎ ﻗﻪﺩﻩﺭ ﺋﯚﺯ ﺑﺎﻟﯩﻠﯩﺮﯨﻤﻨﯩﯔ ﻣﯘﻧﺪﺍﻕ
ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﺑﯩﺮﻩﺭﺳﯩﮕﯩﻤﯘ ﺑﺎﺭﻣﯩﻐﺎﻥ ﯞﺍﻗﺘﯩﻢ ﻳﻮﻕ. ﻣﯧﻨﯩﯔ ﺋﻮﻏﻠﯘﻡ
ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﯩﺸﻠﯩﮕﻪﻥ ﭘﺮﻭﺟﻪﻛﺘﻨﯩﯔ ﺑﯩﺮﺳﻰ، ﺋﻮﺧﺸﯩﻤﯩﻐﺎﻥ
ﺭﻩﯕﻠﯩﻚ ﻧﯘﺭﻧﯩﯔ ﺗﯧﻤﭙﯧﺮﺍﺗﯘﺭﯨﺴﯩﻨﯩﯔ ﺋﻮﺧﺸﯩﻤﺎﻳﺪﯨﻐﺎﻧﻠﯩﻘﯩﻨﻰ ﺋﯚﻟﭽﻪﭖ ﺋﯩﺴﭙﺎﺗﻼﭖ
ﭼﯩﻘﯩﺸﺘﯩﻦ ﺋﯩﺒﺎﺭﻩﺕ ﺑﻮﻟﺪﻯ. ﺑﯩﺮ ﻗﯩﺴﯩﻢ ﻣﺎﺗﯧﺮﯨﻴﺎﻟﻼﺭﻧﻰ ﺑﺎﺯﺍﺭﺩﯨﻦ
ﺳﯧﺘﯩﯟﺍﻟﺪﯗﻕ. ﺗﯧﻤﭙﯧﺮﺍﺗﯘﺭﯨﻨﻰ ﺋﯚﻟﭽﻪﺵ ﺋﻪﺳﯟﺍﺑﯩﻨﻰ ﻣﻪﻥ ﺋﯚﺯﯛﻣﻨﯩﯔ ﺷﯩﺮﻛﯩﺘﯩﺪﯨﻦ
ﺋﺎﺭﯨﻴﻪﺕ ﺋﯧﻠﯩﭗ ﺋﻪﻛﻪﻟﺪﯨﻢ. ﻗﯩﺰﯨﻤﻨﯩﯔ ﺋﯩﺸﻠﯩﮕﻪﻥ ﺑﯩﺮ ﭘﺮﻭﺟﻪﻛﺘﯩﺴﻰ، ﻧﯘﺭ ﺋﯩﺴﺴﯩﻖ
ﻫﺎﯞﺍﺩﯨﻦ ﺋﯚﺗﻜﻪﻧﺪﻩ، ﺋﯩﺴﺴﯩﻖ ﻫﺎﯞﺍ ﺋﯘﻧﯩﯔ ﻳﯚﻧﯩﻠﯩﺸﯩﻨﻰ ﺑﯩﺮ ﺋﺎﺯ
ﺋﯚﺯﮔﻪﺭﺗﯩﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﺵ ﺑﻮﻟﺪﻯ. ﻣﻪﻥ ﻗﯩﺰﯨﻤﻨﻰ ﺋﯚﺯﯛﻣﻨﯩﯔ ﺷﯩﺮﻛﯩﺘﯩﮕﻪ
ﺋﺎﭘﯩﺮﯨﭗ، ﻗﯩﺰﯨﻞ ﺭﻩﯕﻠﯩﻚ ﻻﺯﯦﺮ (ﻗﻮﺯﻏﯩﺘﯩﻠﻐﺎﻥ ﻧﯘﺭ) ﺩﯨﻦ ﺑﯩﺮﯨﻨﻰ ﻣﺎﯕﺪﯗﺭﯗﭖ
ﻗﻮﻳﯘﭖ، ﺋﯘﻧﯩﯔ ﻧﯘﺭ ﻳﻮﻟﯩﻨﯩﯔ ﺋﺎﺳﺘﯩﻐﺎ ﺷﺎﻡ ﻳﯧﻘﯩﭗ ﻫﺎﯞﺍﻧﻰ ﺋﯩﺴﺴﯩﺘﯩﭗ، ﺷﯘ
ﺋﺎﺭﻗﯩﻠﯩﻖ ﻗﯩﺰﯨﻢ ﺋﯩﺴﭙﺎﺗﻠﯩﻤﺎﻗﭽﻰ ﺑﻮﻟﻐﺎﻥ ﻧﻪﺭﺳﯩﻨﻰ ﺋﯩﺴﭙﺎﺗﻼﭖ ﭼﯩﻘﺘﻰ.
ﺋﺎﻣﯧﺮﯨﻜﯩﺪﺍ ﺋﯩﺠﺘﯩﻤﺎﺋﯩﻲ ﭘﻪﻥ ﺳﺎﻫﻪﺳﯩﺪﯨﻤﯘ ﺋﻮﻗﯘﻏﯘﭼﯩﻼﺭ ﺋﯩﻨﺘﺎﻳﯩﻦ ﺟﺎﻧﻠﯩﻖ
ﺗﻪﺭﺑﯩﻴﯩﻠﯩﻨﯩﺪﯗ. ﻣﯧﻨﯩﯔ ﺋﯩﻜﻜﯩﻼ ﺑﺎﻻﻡ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﻫﺎﺯﯨﺮ
ﺩﯗﻧﻴﺎﺩﺍ ﻣﻪﯞﺟﯘﺕ ﺑﻮﻟﻐﺎﻥ 4 ﭼﻮﯓ ﺩﯨﻨﻨﻰ ﺋﯚﮔﯩﻨﯩﭗ ﭼﯩﻘﺘﻰ. ﻣﻪﻥ ﺋﯘﻻﺭﻧﯩﯔ ﺋﯩﺴﻼﻡ
ﺩﯨﻨﻰ ﺗﻮﻏﺮﯨﺴﯩﺪﯨﻜﻰ ﺩﻩﺭﺳﻠﯩﻚ ﻛﯩﺘﺎﺑﯩﻨﻰ ﺗﯘﻧﺠﻰ ﻗﯧﺘﯩﻢ ﻛﯚﺭﮔﻪﻧﺪﻩ ﺋﯩﻨﺘﺎﻳﯩﻦ
ﻫﻪﻳﺮﺍﻥ ﺑﻮﻟﺪﯗﻡ: ﻣﻪﻥ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﯞﺍﻗﺘﯩﻤﺪﺍ ﺩﯨﻦ ﺗﻮﻏﺮﯨﻠﯩﻖ
ﺑﯩﺮﻩﺭ ﺩﻩﺭﺳﻠﯩﻚ ﺋﻪﻣﻪﺱ، ﻫﺎﺯﯨﺮﻏﺎ ﻗﻪﺩﻩﺭ ﺑﯘﻧﺪﺍﻕ ﻳﺎﺧﺸﻰ ﻳﯧﺰﯨﻠﻐﺎﻥ ﺋﯩﺴﻼﻡ
ﺗﻮﻏﺮﯨﺴﯩﺪﯨﻜﻰ ﻛﯩﺘﺎﺑﻨﻰ ﻛﯚﺭﯛﭖ ﺑﺎﻗﻤﯩﻐﺎﻧﯩﺪﯨﻢ. ﻗﯩﺰﯨﻢ ﺗﻮﻟﯘﻗﺴﯩﺰﺩﯨﻜﻰ ﯞﺍﻗﺘﯩﺪﺍ،
ﺋﯩﺠﺘﯩﻤﺎﺋﻰ ﭘﻪﻥ ﺑﻮﻳﯩﭽﻪ ﺑﯩﺮ ﻗﯧﺘﯩﻢ ﺋﯧﻠﯩﭗ ﺑﺎﺭﻏﺎﻥ ﭘﺮﻭﺟﻪﻛﺘﯩﺴﻰ ﻣﯘﻧﺪﺍﻕ ﺑﻮﻟﺪﻯ:
3 ﺋﻮﻗﯘﻏﯘﭼﻰ ﺑﯩﺮ ﮔﯘﺭﯗﭘﭙﺎ ﺑﻮﻟﯘﭖ، ﺷﯘ ﯞﺍﻗﯩﺘﺘﺎ ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﯩﺪﻩ ﻣﻪﯞﺟﯘﺕ
ﺑﻮﻟﯘﭖ ﺗﯘﺭﻏﺎﻥ ﺋﻪﯓ ﭼﻮﯓ ﻣﻪﺳﯩﻠﯩﻠﻪﺭﺩﯨﻦ 5 ﻧﻰ ﺗﯩﺰﯨﭗ ﭼﯩﻘﯩﺶ. ﺋﺎﻧﺪﯨﻦ ﺑﯘ 3
ﻛﯩﺸﯩﺪﯨﻦ ﺑﯩﺮﯨﻨﻰ "ﺋﺎﻣﯧﺮﯨﻜﯩﻨﯩﯔ ﭘﺮﯦﺰﯨﺪﯦﻨﺘﻰ" ﻗﯩﻠﯩﭗ ﺗﺎﻟﻼﭖ، ﺑﯘ "ﭘﺮﯦﺰﯨﺪﯦﻨﺖ"
ﺋﯚﺯﯨﻨﯩﯔ ﻳﯘﻗﺎﺭﻗﻰ ﻣﻪﺳﯩﻠﯩﻠﻪﺭﻧﻰ ﻗﺎﻧﺪﺍﻕ ﻫﻪﻝ ﻗﯩﻠﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ
ﺋﯘﺳﯘﻝ ﻻﻫﯩﻴﯩﺴﯩﻨﻰ ﺗﯜﺯﯛﭖ ﭼﯩﻘﯩﺶ. (ﺷﯘ ﭼﺎﻏﺪﺍ ﻗﯩﺰﯨﻢ "ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ"
ﺑﻮﻟﯘﭖ ﺗﺎﻟﻠﯩﻨﯩﭗ، ﺑﯘ ﭘﺮﻭﺟﻪﻛﺖ ﯞﻩ ﻗﯩﺰﯨﻤﻨﯩﯔ "ﭘﺮﯦﺰﯨﺪﯦﻨﺖ" ﺑﻮﻟﻐﺎﻧﻠﯩﻖ ﺧﻪﯞﯨﺮﻯ
ﺑﯩﺰ ﺗﯘﺭﯗﯞﺍﺗﻘﺎﻥ ﺷﻪﻫﻪﺭﻧﯩﯔ ﻳﻪﺭﻟﯩﻚ ﮔﯧﺰﯨﺘﯩﮕﻪ ﺑﯧﺴﯩﻠﺪﻯ). ﺋﻪﯓ ﺋﺎﺧﯩﺮﯨﺪﺍ ﺑﯘ
"ﭘﺮﯦﺰﯨﺪﯦﻨﺖ" ﺋﯚﺯﯨﻨﯩﯔ ﺋﻮﻳﻠﯩﻐﺎﻧﻠﯩﺮﯨﻨﻰ ﺋﻪﻳﻨﻰ ﯞﺍﻗﯩﺘﺘﯩﻜﻰ ﺋﺎﻣﯧﺮﯨﻜﯩﻨﯩﯔ ﺭﺍﺳﺖ
ﭘﺮﯦﺰﯨﺪﯦﻨﺘﻰ ﺑﯧﻞ ﻛﻠﯩﻨﺘﻮﻧﻐﺎ ﻳﯧﺰﯨﭗ ﻣﺎﯕﺪﯗﺭﯗﺵ. ﺑﯘ ﺋﯩﺸﺘﯩﻦ ﺋﯘﺯﯗﻥ ﺋﯚﺗﻤﻪﻱ،
ﻗﯩﺰﯨﻢ ﺑﯧﻞ ﻛﻠﯩﻨﺘﻮﻧﻨﯩﯔ ﺋﯩﻤﺰﺍﺳﻰ ﺑﯧﺴﯩﻠﻐﺎﻥ، ﻛﻠﯩﻨﺘﻮﻧﻨﯩﯔ ﺋﯩﺸﺨﺎﻧﯩﺴﯩﺪﯨﻦ
ﻛﻪﻟﮕﻪﻥ ﻛﻠﯩﻨﺘﻮﻧﻨﯩﯔ ﻧﺎﻣﯩﺪﯨﻜﻰ ﺑﯩﺮ ﺟﺎﯞﺍﺏ ﺧﻪﺗﻨﻰ ﺗﺎﭘﺸﯘﺭﯞﺍﻟﺪﻯ. ﻳﻪﻧﻪ ﺑﯩﺮ
ﺋﯩﺠﺘﯩﻤﺎﺋﻰ ﭘﻪﻥ ﭘﺮﻭﺟﻪﻛﺘﯩﺴﯩﺪﻩ، ﻗﯩﺰﯨﻤﻐﺎ "ﺋﻪﮔﻪﺭ ﺳﻪﻥ
Haway
ﺷﯩﺘﺎﺗﯩﻨﯩﯔ ﺷﯩﺘﺎﺕ ﺑﺎﺷﻠﯩﻘﻰ ﺑﻮﻟﺴﺎﯓ، ﺋﯘ ﺷﯩﺘﺎﺗﻨﯩﯔ ﺳﺎﻳﺎﻫﻪﺕ ﺋﯩﺸﻠﯩﺮﯨﻨﻰ ﻗﺎﻧﺪﺍﻕ
ﻗﯩﻠﯩﭗ ﺗﻪﺭﻩﻗﻘﯩﻲ ﻗﯩﻠﺪﯗﺭﯨﺴﻪﻥ؟ ﺋﯚﺯﯛﯕﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺳﻮﺩﺍ ﭘﯩﻼﻧﯩﯖﻨﻰ
(ﺋﯩﻨﮕﻠﯩﺰﭼﻪ "
business plan
" ﺩﻩﭖ ﺋﺎﺗﯩﻠﯩﺪﯗ) ﻳﯧﺰﯨﭗ ﭼﯩﻘﻘﯩﻦ." ﺩﯨﻴﯩﻠﮕﻪﻧﯩﺪﻯ. ﯞﻩﺗﻪﻧﺪﻩ ﺑﯘﻧﺪﺍﻕ ﺋﯩﺸﻼﺭﻧﻰ
ﺗﻪﺳﻪﯞﯞﯗﺭ ﻗﯩﻠﯩﺶ ﻣﯘﻣﻜﯩﻦ ﺑﻮﻟﻤﯩﺴﺎ ﻛﯧﺮﻩﻙ. ﻣﻪﻥ "ﺳﻮﺩﺍ ﭘﯩﻼﻧﻰ" ﻳﯧﺰﯨﭗ ﺑﺎﻗﺘﯩﻢ:
1996-ﻳﯩﻠﻰ ﯞﻩ 2002-ﻳﯩﻠﻰ ﻣﻪﻥ ﺑﺎﺷﻘﺎ 2 ﻧﻪﭘﻪﺭ ﺋﯘﺯﯗﻥ ﻳﯩﻠﻠﯩﻖ ﺗﻪﺟﺮﯨﺒﯩﺴﻰ ﺑﺎﺭ،
ﭼﻮﯓ ﺷﯩﺮﻛﻪﺗﻠﻪﺭﺩﻩ ﺑﺎﺷﻠﯩﻖ ﺑﻮﻟﯘﭖ ﺑﺎﻗﻘﺎﻥ ﻛﯩﺸﯩﻠﻪﺭﮔﻪ ﺷﯧﺮﯨﻚ ﺑﻮﻟﯘﭖ، ﺋﯩﻜﻜﻰ
ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻚ ﺷﯩﺮﻛﻪﺕ ﻗﯘﺭﯗﺷﻘﺎ ﻗﺎﺗﻨﺎﺷﺘﯩﻢ. ﻣﺎﻧﺎ ﺷﯘ ﭼﺎﻏﺪﺍ، ﺑﯩﺰ
ﺋﺎﻣﯧﺮﯨﻜﯩﺪﯨﻜﻰ ﻛﺎﭘﯩﺘﺎﻟﯩﺴﺘﻼﺭﺩﯨﻦ ﻣﻪﺑﻠﻪﻍ ﺋﯧﻠﯩﺶ ﺋﯜﭼﯜﻥ، ﻧﺎﻫﺎﻳﯩﺘﻰ ﺗﻪﭘﺴﯩﻠﯩﻲ
"ﺳﻮﺩﺍ ﭘﯩﻼﻧﻰ" ﺗﻪﻳﻴﺎﺭﻻﭖ ﭼﯩﻘﻘﺎﻥ ﺋﯩﺪﯗﻕ (ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﺪﺍ ﻳﯜﺯ
ﺑﻪﺭﮔﻪﻥ ﺷﯩﺪﺩﻩﺗﻠﯩﻚ ﺋﯚﺯﮔﯩﺮﯨﺸﻠﻪﺭ ﺗﯜﭘﻪﻳﻠﯩﺪﯨﻦ، ﺑﯩﺰﻧﯩﯔ ﺑﯘ ﺷﯩﺮﻛﻪﺗﻠﻪﺭ ﻣﺎﯕﻤﺎﻱ
ﻗﺎﻟﺪﻯ. ﺋﯘﻻﺭﻧﯩﯔ ﺑﯩﺮﺳﻰ ﻫﺎﺯﯨﺮﻣﯘ ﺑﺎﺭ. ﻣﻪﻥ ﺑﯘ ﺋﯩﻜﻜﻰ ﺷﯩﺮﻛﻪﺗﺘﻪ "ﺑﺎﺵ
ﺗﯧﺨﻨﯩﻚ" ﺩﯦﮕﻪﻥ ﯞﻩﺯﯨﭙﯩﻨﻰ ﺋﯜﺳﺘﯜﻣﮕﻪ ﺋﺎﻟﻐﺎﻥ ﺋﯩﺪﯨﻢ. ﺑﯘ ﯞﻩﺯﯨﭙﻪ ﺋﯩﻨﮕﻠﯩﺰﭼﻪ "
Chief Technology Officer, CTO
" ﺩﻩﭖ ﺋﺎﺗﯩﻠﯩﺪﯗ.)
ﻣﺎﺋﺎﺭﯨﭙﺘﯩﻜﻰ ﺑﯘﻧﺪﺍﻕ ﭘﻪﺭﻗﺘﯩﻦ ﻛﯧﻠﯩﭗ ﭼﯩﻘﻘﺎﻥ ﻧﻪﺗﯩﺠﯩﻠﻪﺭﻧﯩﯔ ﺋﻮﺧﺸﯩﻤﺎﺳﻠﯩﻘﯩﻨﻰ
ﻣﻪﻥ ﺋﯚﺯﯛﻣﻨﯩﯔ ﺋﺎﻣﯧﺮﻛﯩﺪﯨﻜﻰ ﺧﯩﺰﻣﯩﺘﯩﻢ ﺟﻪﺭﻳﺎﻧﯩﺪﺍ ﺋﻮﺑﺪﺍﻥ ﻫﯧﺲ ﻗﯩﻠﺪﯨﻢ. ﻣﻪﻥ
ﻛﺎﻟﻔﻮﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺩﺍﯞﯨﺲ ﺷﯚﺑﯩﺴﯩﺪﻩ (UDC
ﺩﻩ) ﻳﯘﻗﯩﺮﻯ ﻳﯩﻠﻠﯩﻘﻼﺭﻏﺎ ﺩﻩﺭﺱ ﺋﯚﺗﯜﯞﺍﺗﻘﺎﻥ ﯞﺍﻗﺘﯩﻤﺪﺍ، ﺑﯩﺮ ﻗﯧﺘﯩﻤﻠﯩﻖ ﻳﯧﺮﯨﻢ
ﻣﻪﯞﺳﯘﻣﻠﯘﻕ ﺋﯩﻤﺘﯩﻬﺎﻧﻨﯩﯔ ﺋﻮﺭﻧﯩﺪﺍ، ﻣﯘﻧﺪﺍﻕ ﺑﯩﺮ ﻻﻳﯩﻬﯩﻠﻪﺵ ﭘﺮﻭﺟﻪﻛﺘﻰ
ﺋﻮﺭﯗﻧﻼﺷﺘﯘﺭﺩﯗﻡ: ﻫﻪﺭ ﺑﯩﺮ ﺋﻮﻗﯘﻏﯘﭼﻰ ﻣﯘﺳﺘﻪﻗﯩﻞ ﻫﺎﻟﺪﺍ ﻣﻪﻥ ﭼﯩﻘﯩﺮﯨﭗ ﺑﻪﺭﮔﻪﻥ
ﺗﯧﺨﻨﯩﻜﯩﻠﯩﻖ ﻛﯚﺭﺳﻪﺗﻤﻪ ﺑﻮﻳﯩﭽﻪ ﺑﯩﺮﺩﯨﻦ ﺋﯧﻠﯧﻜﺘﯩﺮ ﺗﻮﻙ ﻳﻮﻟﻰ ﻻﻳﯩﻬﯩﻠﻪﭖ
ﭼﯩﻘﯩﺪﯗ. ﺋﯩﻤﺘﯩﻬﺎﻥ ﻧﻪﺗﯩﺠﯩﺴﻰ، ﺑﯘ ﺗﻮﻙ ﻳﻮﻟﻰ ﺋﯩﺸﻠﯩﺘﯩﺪﯨﻐﺎﻥ ﺋﯧﻠﯧﻜﺘﯩﺮ ﺗﻮﻙ
ﻗﯘﯞﯞﯨﺘﯩﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﯩﮕﻪ (ﻗﺎﻧﭽﻪ ﺗﯚﯞﻩﻥ ﺑﻮﻟﺴﺎ، ﺷﯘﻧﭽﻪ ﻳﺎﺧﺸﻰ)،
ﺳﯩﮕﻨﺎﻝ ﻛﯜﭼﻪﻳﺘﯩﺶ ﺋﯩﻘﺘﯩﺪﺍﺭﯨﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﯩﮕﻪ (ﻗﺎﻧﭽﻪ ﻳﯘﻗﯩﺮﻯ ﺑﻮﻟﺴﺎ،
ﺷﯘﻧﭽﻪ ﻳﺎﺧﺸﻰ) ﯞﻩ ﭘﯘﻝ ﭼﯩﻘﯩﻤﯩﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﯩﮕﻪ (ﻗﺎﻧﭽﻪ ﺗﯚﯞﻩﻥ ﺑﻮﻟﺴﺎ،
ﺷﯘﻧﭽﻪ ﻳﺎﺧﺸﻰ) ﻗﺎﺭﺍﭖ، ﻣﯘﺷﯘ 3 ﻛﯚﺭﺳﻪﺗﻜﯜﭼﻨﻰ
argument
ﻗﯩﻠﻐﺎﻥ ﺑﯩﺮ ﺗﻪﯕﻠﯩﻤﯩﮕﻪ ﺋﺎﺳﺎﺳﻪﻥ ﺑﯧﺮﯨﻠﯩﺪﯗ. ﻧﻮﻣﯘﺭﻯ ﺋﻪﯓ ﻳﯘﻗﯩﺮﻯ ﺋﻮﻗﯘﻏﯘﭼﯩﻐﺎ
"ﺋﺎ+" ﺑﯧﺮﯨﻠﯩﺪﯗ. ﺋﻪﯓ ﺗﯚﯞﻩﻥ ﺋﻮﻗﯘﻏﯘﭼﯩﻐﺎ "ﻑ" ﺑﯧﺮﯨﻠﯩﺪﯗ (ﺋﯩﻤﺘﯩﻬﺎﻧﯩﺪﯨﻦ
ﺋﯚﺗﻪﻟﻤﻪﻳﺪﯗ). ﻗﺎﻟﻐﺎﻧﻼﺭ ﻣﯘﺷﯘ ﺋﯩﻜﻜﯩﺴﯩﻨﯩﯔ ﺋﺎﺭﻟﯩﻘﯩﺪﯨﻜﻰ ﻧﻮﻣﯘﺭﻻﺭﻧﻰ
ﺋﺎﻟﯩﺪﯗ. ﺋﻪﮔﻪﺭ 2 ﺋﻮﻗﯘﻏﯘﭼﯩﻨﯩﯔ ﻣﺎﯕﺎ ﺗﺎﭘﺸﯘﺭﻏﯩﻨﻰ ﺋﻮﭖ-ﺋﻮﺧﺸﺎﺵ ﺑﻮﻟﯘﭖ (ﻳﻪﻧﻰ
ﺑﯩﺮ-ﺑﯩﺮﯨﺪﯨﻦ ﻛﯚﭼﯜﺭﮔﻪﻥ ﺑﻮﻟﯘﭖ)، ﺋﯘﻻﺭ 100 ﺩﯨﻦ ﻧﻮﻣﯘﺭ ﺋﯧﻠﯩﺸﻘﺎ ﺗﯧﮕﯩﺸﻠﯩﻚ
ﺑﻮﻟﺴﺎ، ﺑﯘ ﺋﯩﻜﻜﻪﻳﻠﻪﻥ ﺑﯩﺮ 100 ﻧﻮﻣﯘﺭﻧﻰ ﺗﻪﯓ ﺑﯚﻟﯜﺷﯩﺪﯗ (ﻳﻪﻧﻰ، ﺋﯘﻻﺭﻏﺎ 50
ﺗﯩﻦ ﻧﻮﻣﯘﺭ ﺑﯧﺮﯨﻠﯩﺪﯗ). ﯞﺍﻗﺘﻰ ﺑﯩﺮ ﻫﻪﭘﺘﻪ (ﺩﻩﺭﺳﺘﯩﻦ ﺳﯩﺮﺗﻘﻰ ﯞﺍﻗﯩﺘﻼﺭﺩﺍ
ﺗﯜﮔﯩﺘﯩﺸﻰ ﻛﯧﺮﻩﻙ). ﺑﯘ ﺋﯧﻠﯧﻜﺘﯩﺮ ﺷﯩﺮﻛﯩﺘﯩﺪﻩ ﺋﯩﺸﻠﻪﻳﺪﯨﻐﺎﻥ ﺑﯩﺮ ﺋﯧﻠﯧﻜﺘﯩﺮ
ﺋﯩﻨﮋﯨﻨﯧﺮﯨﻨﯩﯔ ﯞﻩﺯﯨﭙﯩﺴﻰ ﺑﯩﻠﻪﻥ ﺋﻮﺧﺸﺎﺵ ﺋﯩﺶ ﺑﻮﻟﯘﭖ، ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﯩﻨﯩﯔ
ﻫﻪﻗﯩﻘﯩﻲ ﺭﯨﻘﺎﺑﻪﺗﻠﯩﻚ ﻫﺎﻟﯩﺘﯩﮕﻪ ﻣﺎﺳﻼﺷﻘﺎﻥ، ﻧﺎﻫﺎﻳﯩﺘﻰ ﺋﻪﻣﻪﻟﯩﻲ ﭘﺮﻭﺟﻪﻛﺖ
ﺋﯩﺪﻯ. ﺋﺎﻣﯧﺮﯨﻜﯩﻠﯩﻚ ﺋﻮﻗﯘﻏﯩﭽﯩﻼﺭ ﭘﺮﻭﺟﻪﻛﺖ ﺗﻪﻟﻪﭘﻠﯩﺮﯨﻨﻰ ﭼﯜﺷﯩﻨﯩﯟﺍﻟﻐﺎﻧﺪﯨﻦ
ﻛﯧﻴﯩﻦ ﻳﻮﻗﺎﭘﻼ ﻛﻪﺗﺘﻰ. ﺑﯩﺮﺍﻕ، ﻣﯧﻨﯩﯔ ﺳﯩﻨﯩﭙﯩﻤﺪﯨﻜﻰ 5 ﺋﻪﺗﺮﺍﭘﯩﺪﯨﻜﻰ ﯞﯦﺘﻨﺎﻡ،
ﺷﺎﯕﮕﺎﯓ، ﺗﻪﻳﯟﻩﻥ ﯞﻩ ﺟﯘﯕﮕﻮ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﺋﺎﺳﯩﻴﺎﻟﯩﻖ
ﺋﻮﻗﯘﻏﯘﭼﯩﻼﺭ ﺑﯘ ﺑﯩﺮ ﻫﻪﭘﺘﯩﻨﯩﯔ ﺋﯩﭽﯩﺪﯨﻜﻰ ﻫﻪﺭ ﺑﯩﺮ ﻛﯜﻧﻰ ﺋﯩﺸﺨﺎﻧﺎﻣﻐﺎ ﺳﻮﺋﺎﻝ
ﺳﻮﺭﺍﭖ ﻛﯩﺮﯨﯟﯦﻠﯩﭗ، ﻣﯧﻨﻰ ﺧﯧﻠﯩﻼ ﺋﺎﯞﺍﺭﻩ ﻗﯩﻠﺪﻯ (ﺋﺎﻣﯧﺮﯨﻜﯩﺪﺍ ﻛﯚﭘﯩﻨﭽﻪ
ﭘﺮﻭﻓﯧﺴﺴﻮﺭﻻﺭ ﺋﯩﺸﯩﻜﯩﻨﻰ ﺗﺎﻗﺎﭖ ﻗﻮﻳﯘﭖ، ﻣﻪﺧﺴﯘﺱ ﺑﻪﻟﮕﯩﻠﻪﭖ ﺑﻪﺭﮔﻪﻥ ﯞﺍﻗﯩﺘﺘﯩﻦ
ﺑﺎﺷﻘﺎ ﭼﺎﻏﻼﺭﺩﺍ ﺋﻮﻗﯘﻏﯘﭼﯩﻐﺎ ﺋﯩﺸﯩﻚ ﺋﯧﭽﯩﭗ ﺑﻪﺭﻣﻪﻳﺪﯗ. ﺋﻪﻣﻤﺎ، ﻣﻪﻥ ﺋﯩﺸﯩﻜﯩﻤﻨﻰ
ﻳﺎﭘﻤﺎﻳﺘﺘﯩﻢ.)
ﻣﻪﻥ ﺷﯘﻏﯘﻟﻠﯩﻨﯩﭗ ﻛﻪﻟﮕﻪﻥ ﺋﯧﻠﯧﻜﺘﺮﻭ-ﻣﺎﮔﻨﯧﺘﻠﯩﻖ ﺩﻭﻟﻘﯘﻥ، ﻣﯩﻜﺮﻭ-ﺩﻭﻟﻘﯘﻥ
ﺗﯧﺨﻨﯩﻜﯩﺴﻰ ﯞﻩ ﺋﻮﭘﺘﯩﻜﺎ ﻗﺎﺗﺎﺭﻟﯩﻖ ﻛﻪﺳﭙﻠﻪﺭ ﺋﯧﻠﯧﻜﺘﯩﺮ ﺋﯩﻨﮋﯨﻨﯧﺮﻟﯩﻘﻰ ﺑﻮﻳﯩﭽﻪ
ﺋﻪﯓ ﺗﻪﺱ ﻛﻪﺳﭗ. ﺷﯘﯕﻼﺷﻘﺎ ﺋﺎﻣﯧﺮﯨﻜﺎ ﮔﯩﺮﺍﮊﺩﺍﻧﻠﯩﺮﻯ ﺋﯩﭽﯩﺪﻩ ﺑﯘ ﻛﻪﺳﭙﺘﻪ
ﺋﻮﻗﯘﻳﺪﯨﻐﺎﻧﻼﺭ ﺋﺎﻧﭽﻪ ﻛﯚﭖ ﺋﻪﻣﻪﺱ ﺑﻮﻟﯘﭖ، ﺋﺎﻣﯧﺮﯨﻜﯩﺪﺍ ﺑﯘ ﻛﻪﺳﭙﺘﻪ ﺋﻮﻗﯘﻳﺪﯨﻐﺎﻥ
ﯞﻩ ﺋﯩﺸﻠﻪﻳﺪﯨﻐﺎﻥ ﺟﻮﯕﮕﻮﻟﯘﻕ ﺧﻪﻧﺰﯗﻻﺭ ﻧﺎﻫﺎﻳﯩﺘﻰ ﻛﯚﭖ. ﺑﻮﻟﯘﭘﻤﯘ، ﭼﯩﯖﺨﯘﺍ
ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺑﯘ ﻛﻪﺳﭙﻠﻪﺭ ﺋﯚﺗﯜﻟﯩﺪﯨﻐﺎﻥ ﺑﻮﻟﻐﺎﭼﻘﺎ، ﺋﯘ ﻣﻪﻛﺘﻪﭘﻨﯩﯔ
ﺑﺎﻛﺎﻻﯞﺭﻟﯩﻘﯩﻨﻰ ﭘﯜﺗﺘﯜﺭﮔﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﺗﻪﯓ ﻳﯧﺮﯨﻤﻰ ﺩﯦﮕﯩﺪﻩﻙ
ﺋﺎﻣﯧﺮﯨﻜﯩﻐﺎ ﻛﯧﻠﯩﭗ، ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻠﯩﺮﯨﻨﻰ ﺋﯧﻠﯩﭗ، ﺋﺎﻣﯧﺮﯨﻜﯩﺪﺍ ﺗﯘﺭﯗﭖ
ﻗﺎﻟﯩﺪﯨﻜﻪﻥ. ﺷﯘﯕﺎ ﻣﻪﻥ ﺋﯚﺯﯛﻣﻨﯩﯔ ﻛﻪﺳﭙﯩﻲ ﺳﺎﻫﻪﺳﯩﺪﻩ ﺑﯘﻧﺪﺍﻗﻼﺭﻧﻰ ﻧﺎﻫﺎﻳﯩﺘﻰ
ﻛﯚﭖ ﺋﯘﭼﺮﯨﺘﯩﭗ ﺗﯘﺭﯨﻤﻪﻥ. ﻣﻪﻥ "Wawesplitter"
ﺩﯦﮕﻪﻥ ﺷﯩﺮﻛﻪﺗﺘﻪ ﺋﯩﺸﻠﻪﯞﺍﺗﻘﺎﻧﺪﺍ، ﺑﯩﺮ ﻣﻪﺯﮔﯩﻞ ﺋﯩﻜﻜﻰ ﮔﯘﺭﯗﭘﭙﺎ ﻛﯩﺸﯩﮕﻪ ﻣﻪﺳﺌﯘﻝ
ﺑﻮﻟﺪﯗﻡ. ﺋﯘﻧﯩﯔ ﺑﯩﺮﺳﯩﺪﻩ، ﺟﯘﯕﮕﻮﻧﯩﯔ ﭼﯩﯖﺨﯘﺍ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺑﺎﻛﺎﻻﯞﺭﻟﯩﻖ
ﺋﯘﻧﯟﺍﻧﻰ ﺋﯧﻠﯩﭗ، ﺋﺎﻣﯧﺮﯨﻜﯩﺪﺍ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺋﺎﻟﻐﺎﻥ 2 ﺧﻪﻧﺰﯗ ﺋﯩﻨﮋﯨﻨﯧﺮ،
ﭼﯩﯖﺨﯘﺍﻧﻰ ﭘﯜﺗﺘﯜﺭﯛﭖ، ﺋﺎﻣﯧﺮﯨﻜﯩﺪﺍ ﻣﺎﮔﯩﺴﺘﯧﺮﻟﯩﻖ ﺋﺎﻟﻐﺎﻥ ﺑﯩﺮ ﺧﻪﻧﺰﯗ ﺋﯩﻨﮋﯨﻨﯧﺮ،
ﺋﺎﻣﯧﺮﯨﻜﯩﻠﯩﻖ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺑﺎﺭ 2 ﺋﯩﻨﮋﯨﻨﯧﺮ ﯞﻩ ﺑﺎﺷﻘﺎ ﺑﯩﺮ ﻗﺎﻧﭽﻪ
ﺗﯧﺨﻨﯩﻜﻼﺭ ﺑﺎﺭ ﺋﯩﺪﻯ. ﻳﻪﻧﻪ ﺑﯩﺮ ﮔﯘﺭﯗﭘﭙﯩﺪﺍ ﺑﻮﻟﺴﺎ، ﺗﻪﻳﯟﻩﻧﻨﯩﯔ ﭼﯩﯖﺨﯘﺋﺎ
ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺑﺎﻛﺎﻻﯞﺭﻟﯩﻘﻨﻰ ﺋﯧﻠﯩﭗ، ﺋﺎﻣﯧﺮﯨﻜﯩﺪﺍ ﺩﻭﻛﺘﯘﺭﻟﯘﻕ ﺋﺎﻟﻐﺎﻥ ﺑﯩﺮ
ﺋﯩﻨﮋﯨﻨﯧﺮ، ﺋﺎﻣﯧﺮﯨﻜﯩﻠﯩﻖ ﻣﺎﮔﯩﺴﺘﯧﺮﻟﯩﻖ ﺋﯘﻧﯟﺍﻧﻰ ﺑﺎﺭ ﺑﯩﺮ ﺋﯩﻨﮋﯨﻨﯩﺮ ﯞﻩ
ﺋﺎﻣﯧﺮﯨﻜﯩﻠﯩﻖ ﺑﯩﺮ ﺗﻪﺭﻩﭘﺘﯩﻦ ﺑﯩﺮ ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﭖ، ﺑﯩﺮ ﺗﻪﺭﻩﭘﺘﯩﻦ
ﺑﯩﺰﻧﯩﯔ ﺷﯩﺮﻛﻪﺗﺘﻪ ﺋﯩﺸﻠﻪﯞﺍﺗﻘﺎﻥ ﺑﯩﺮ ﻳﺎﺵ ﺑﺎﺭ ﺋﯩﺪﻯ. ﻣﻪﻥ ﺋﺎﻣﯧﺮﯨﻜﯩﻠﯩﻘﻼﺭﻏﺎ
ﺋﯩﺶ ﺗﺎﭘﺸﯘﺭﺳﺎﻡ، ﻣﻪﻳﻠﻰ ﺑﯩﯟﺍﺳﯩﺘﻪ ﺑﻮﻟﺴﯘﻥ ﻳﺎﻛﻰ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﺑﻮﻟﺴﯘﻥ،
ﺋﯘﻻﺭ ﻣﯧﻨﯩﯔ ﺗﻪﻟﯩﭙﯩﻤﻨﻰ ﺑﯩﺮ ﺩﻩﻣﺪﯨﻼ ﭼﯜﺷﯩﻨﯩﭗ، ﺗﯧﻠﯧﻔﻮﻥ ﻗﯩﻠﯩﺪﯨﻐﺎﻥ ﻳﻪﺭﮔﻪ
ﺗﯧﻠﯧﻔﻮﻥ ﻗﯩﻠﯩﭗ، ﻛﯚﺭﯛﺷﯩﺪﯨﻐﺎﻧﻼﺭﻧﻰ ﺋﯚﺯﻟﯩﺮﻯ ﺗﯧﭙﯩﭗ ﻛﯚﺭﯛﺷﯜﭖ، ﻧﺎﻫﺎﻳﯩﺘﻰ
ﻳﯘﻗﯩﺮﻯ ﺋﯜﻧﯜﻡ ﺑﯩﻠﻪﻥ ﺋﯩﺸﻠﻪﭖ، ﺋﯩﺶ ﭘﯜﺗﻜﻪﻧﺪﻩ ﻣﺎﯕﺎ ﺩﻭﻛﻼﺕ ﻗﯩﻼﺗﺘﻰ. ﻫﯧﻠﯩﻘﻰ
ﺟﯘﯕﮕﻮﻟﯘﻕ ﺋﯩﻨﮋﯨﻨﯧﺮﻻﺭ ﺑﻮﻟﺴﺎ، ﻣﯧﻨﯩﯔ ﻗﯧﺸﯩﻤﻐﺎ ﻛﯜﻧﺪﻩ ﻧﻪﭼﭽﻪ ﻗﯧﺘﯩﻢ ﻛﯧﻠﯩﭗ،
ﺋﯩﺸﻨﯩﯔ ﻫﻪﺭ ﺑﯩﺮ ﻗﻪﺩﻩﻡ-ﺑﺎﺳﻘﯘﭼﯩﻨﻰ ﻣﻪﻧﺪﯨﻦ ﺳﻮﺭﺍﻳﺘﺘﻰ. ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ
ﻣﻪﻛﺘﻪﭘﻠﻪﺭﺩﻩ ﺟﯘﯕﮕﻮﻟﯘﻕ ﺋﻮﻗﯘﻏﯘﭼﯩﻼﺭ ﺋﯩﻤﺘﯩﻬﺎﻥ ﻧﻮﻣﯘﺭﯨﺪﺍ ﺩﺍﯞﺍﻣﻠﯩﻖ ﺳﯩﻨﯩﭙﻨﯩﯔ
ﺋﺎﻟﺪﯨﺪﺍ ﺑﻮﻟﺴﯩﻤﯘ، ﺋﻪﻣﯩﻠﯩﻲ ﺧﯩﺰﻣﻪﺗﻜﻪ ﭼﯩﻘﯩﭗ ﺋﯩﺸﻠﻪﺷﻜﻪ ﺑﺎﺷﻠﯩﻐﺎﻧﺪﺍ ﺋﯚﺯﻟﯩﺮﻯ
ﺑﯩﻠﻪﻥ ﺋﻮﺧﺸﺎﺵ ﺋﻮﺭﯗﻧﺪﯨﻜﻰ ﺋﺎﻣﯧﺮﻛﯩﻠﯩﻘﻼﺭﻧﯩﯔ ﺋﺎﻟﺪﯨﺪﺍ ﺧﯧﻠﯩﻼ ﭼﺎﻧﯩﺪﯗ. ﻗﻮﻝ
ﺳﯧﻠﯩﭗ ﺋﯩﺸﻠﻪﺷﻜﻪ ﻛﻪﻟﮕﻪﻧﺪﻩ، ﺋﯘﻻﺭ ﺋﺎﻣﯧﺮﯨﻜﯩﻠﯩﻘﻼﺭﻏﺎ ﻗﺎﺭﯨﻐﺎﻧﺪﺍ ﻛﯚﭖ ﺋﺎﺟﯩﺰ
ﻛﯧﻠﯩﺪﯗ.
ﺷﯘﻧﯩﯔ ﺋﯜﭼﯜﻥ، ﺋﯩﻤﻜﺎﻧﯩﻴﻪﺗﻼ ﻳﺎﺭ ﺑﯧﺮﯨﺪﯨﻜﻪﻥ، ﺑﺎﻟﯩﯖﯩﺰﻧﻰ ﻗﻮﻝ ﺳﯧﻠﯩﭗ
ﺋﯩﺸﻠﻪﺷﻜﻪ ﺋﺎﺩﻩﺗﻠﻪﻧﺪﯛﺭﯛﯓ. ﻗﻮﻝ ﺳﯧﻠﯩﭗ ﺋﯩﺸﻠﻪﺷﻨﻰ ﺋﯚﮔﯩﺘﯩﺶ ﺩﯦﮕﻪﻧﻠﯩﻚ ﻫﻪﺭﮔﯩﺰ
ﺑﯩﺮ ﺗﻪﺟﺮﯨﺒﯩﺨﺎﻧﯩﺪﯨﻜﻰ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺋﯩﺸﻼﺭﻧﻰ ﻛﯚﺯﺩﻩ ﺗﯘﺗﻘﺎﻧﻠﯩﻖ
ﺋﻪﻣﻪﺱ. ﺋﻮﺗﯘﻥ ﻳﯧﺮﯨﺶ، ﮔﻪﻣﻪ ﻛﻮﻻﺵ، ﺗﺎﻡ ﺳﯧﻠﯩﺶ، ﻏﺎﻟﺘﻪﻙ ﻳﺎﺳﺎﺵ، ﯞﯦﻠﺴﯩﭙﯩﺘﻨﻰ
ﺭﯦﻤﻮﻧﺖ ﻗﯩﻠﯩﺶ ﻗﺎﺗﺎﺭﻟﯩﻘﻼﺭﻧﯩﯔ ﻫﻪﻣﻤﯩﺴﻰ ﻗﻮﻝ ﺳﯧﻠﯩﭗ ﺋﯩﺸﻠﻪﺷﻜﻪ ﻛﯩﺮﯨﺪﯗ. ﺑﯘ
ﺋﻪﺭﺯﯨﻤﻪﺱ ﺋﯩﺸﻼﺭﺩﻩﻙ ﻛﯚﺭﯛﻧﺴﯩﻤﯘ، ﺋﺎﺷﯘﻧﺪﺍﻕ ﺋﯩﺸﻼﺭﻧﻰ ﻗﯩﻠﯩﺶ ﺟﻪﺭﻳﺎﻧﯩﺪﺍ
ﻳﯧﺘﯩﻠﯩﺪﯨﻐﺎﻥ ﻗﻮﻝ ﺳﯧﻠﯩﭗ ﺋﯩﺸﻠﻪﺵ ﻗﺎﺑﯩﻠﯩﻴﯩﺘﻰ ﻛﯧﻴﯩﻨﻜﻰ ﻫﺎﻳﺎﺗﺘﺎ ﺋﯩﻨﺘﺎﻳﯩﻦ
ﺟﺎﻧﻐﺎ ﺋﻪﺳﻘﺎﺗﯩﺪﯗ. ﻣﻪﻥ ﺋﯚﺯﯛﻣﻨﯩﯔ ﻛﯩﭽﯩﻜﯩﺪﯨﻦ ﺑﺎﺷﻼﭖ ﺋﯚﮔﻪﻧﮕﻪﻥ
ﺋﯩﻘﺘﯩﺪﺍﺭﯨﻤﻨﯩﯔ ﻫﻪﻣﻤﯩﺴﻰ ﻣﯧﻨﯩﯔ ﻛﯧﻴﯩﻨﻜﻰ ﻛﻪﺳﭙﯩﻲ ﻫﺎﻳﺎﺗﯩﻤﻐﺎ ﺋﯩﻨﺘﺎﻳﯩﻦ ﺯﻭﺭ
ﭘﺎﻳﺪﺍ ﻳﻪﺗﻜﯜﺯﺩﻯ. ﻣﻪﻥ ﺋﯚﮔﻪﻧﮕﯩﻨﯩﻤﻨﯩﯔ ﻫﻪﻣﻤﯩﺴﯩﻨﻰ ﻫﺎﺯﯨﺮ ﺋﻪﻣﻪﻟﯩﻴﻪﺗﺘﻪ
ﺋﯩﺸﻠﯩﺘﯩﯟﺍﺗﯩﻤﻪﻥ. ﻗﻮﻟﯩﺪﯨﻦ ﺋﯩﺶ ﻛﻪﻟﻤﻪﻳﺪﯨﻐﺎﻥ ﺋﺎﺩﻩﻡ ﺩﺍﯞﺍﻣﻠﯩﻖ ﺑﯩﺮ ﺋﯩﺸﻨﯩﯔ
ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻼﻳﺪﯨﻐﺎﻥ ﺑﺎﻫﺎﻧﻪ ﺋﯩﺰﺩﻩﻳﺪﯗ. ﻗﻮﻟﯩﺪﯨﻦ ﺋﯩﺶ
ﻛﯧﻠﯩﺪﯨﻐﺎﻥ ﺋﺎﺩﻩﻡ ﺑﻮﻟﺴﺎ، ﺩﺍﯞﺍﻣﻠﯩﻖ ﺷﯘ ﺋﯩﺸﻨﻰ ﻗﯩﻠﯩﺸﺘﺎ ﻣﯘﻣﻜﯩﻨﭽﯩﻠﯩﻜﻰ ﺑﺎﺭ
ﺑﻮﻟﻐﺎﻥ ﻳﻮﻟﻨﻰ ﺋﯩﺰﺩﻩﻳﺪﯗ. ﺑﯩﺮ ﺑﺎﻟﯩﻨﯩﯔ ﻗﻮﻟﯩﺪﯨﻦ ﺋﯩﺶ ﻛﯧﻠﯩﺪﯨﻐﺎﻥ ﺑﻮﻟﯘﭖ
ﻳﯩﺘﯩﻠﯩﺸﯩﺪﻩ، ﺋﺎﺗﺎ-ﺋﺎﻧﯩﻼﺭ ﺋﯩﻨﺘﺎﻳﯩﻦ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯗ.
ﺋﺎﻣﯧﺮﯨﻜﯩﻨﯩﯔ ﺑﺎﻻ ﺗﻪﺭﺑﯩﻴﯩﻠﻪﺵ ﺳﯩﺴﺘﯧﻤﯩﺴﯩﺪﺍ، ﺋﺎﺗﺎ-ﺋﺎﻧﯩﻐﺎ ﺗﺎﻳﯩﻨﯩﺪﯨﻐﺎﻥ
ﺗﻪﺭﻛﯩﺐ ﺧﯧﻠﻰ ﭼﻮﯓ ﺳﺎﻟﻤﺎﻗﻨﻰ ﺋﯩﮕﯩﻠﻪﻳﺪﯗ. ﺗﯚﯞﻩﻧﺪﻩ ﻣﻪﻥ ﻣﯘﺷﯘ ﻧﯘﻗﺘﺎ ﺋﯜﺳﺘﯩﺪﻩ
ﺑﯩﺮ ﺋﺎﺯ ﺗﻮﺧﺘﯩﻠﯩﭗ ﺋﯚﺗﯩﻤﻪﻥ.
1) ﺑﺎﺷﻼﻧﻐﯘﭺ ﯞﻩ ﺗﻮﻟﯘﻗﺴﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻜﻰ ﺋﺎﺗﺎ-ﺋﺎﻧﺎ ﻳﯩﻐﯩﻨﻰ. ﻫﻪﺭ
ﺑﯩﺮ ﻣﻪﻛﺘﻪﭖ ﻫﻪﺭ ﻳﯩﻠﻰ ﻛﻪﻡ ﺩﯦﮕﻪﻧﺪﻩ ﺑﯩﺮ ﻗﯧﺘﯩﻢ ﻣﻪﺧﺴﯘﺱ ﯞﺍﻗﯩﺖ ﺋﺎﺟﺮﯨﺘﯩﭗ،
ﺋﺎﺗﺎ-ﺋﺎﻧﺎ ﻳﯩﻐﯩﻨﻰ ﺋﻮﺭﯗﻧﻼﺷﺘﯘﺭﯨﺪﯗ. ﺑﯘ ﻳﯩﻐﯩﻦ ﻫﻪﺭ ﺑﯩﺮ ﺋﻮﻗﯘﺗﻘﯘﭼﻰ ﻫﻪﺭ ﺑﯩﺮ
ﺋﻮﻗﯘﻏﯘﭼﯩﻨﯩﯔ ﺋﺎﺗﺎ-ﺋﺎﻧﯩﺴﻰ ﺑﯩﻠﻪﻥ ﺋﺎﻳﺮﯨﻢ-ﺋﺎﻳﺮﯨﻢ ﻛﯚﺭﯛﺷﯩﺪﯨﻐﺎﻥ ﻳﯩﻐﯩﻦ ﺑﻮﻟﯘﭖ،
ﺋﺎﺩﻩﺗﺘﻪ ﺑﯩﺮ ﻛﯩﺸﯩﮕﻪ ﺑﯧﺮﯨﻠﮕﻪﻥ ﯞﺍﻗﯩﺖ 15 ﻣﯩﻨﯘﺕ ﺋﻪﺗﺮﺍﭘﯩﺪﺍ ﺑﻮﻟﯩﺪﯗ. ﺑﯘ
ﯞﺍﻗﯩﺘﺘﺎ ﺋﻮﻗﯘﺗﻘﯘﭼﻰ ﺋﻮﻗﯘﻏﯘﭼﯩﻨﯩﯔ ﻣﯘﺷﯘ ﺑﯩﺮ ﺩﻩﺭﺳﺘﻪ ﺋﯩﺸﻠﯩﮕﻪﻥ ﺳﯩﻨﯩﭗ
ﭘﺮﻭﺟﻪﻛﺘﻰ، ﺗﺎﭘﺸﯘﺭﯗﻗﻠﯩﺮﻯ ﯞﻩ ﻳﺎﺯﻏﺎﻥ ﻣﺎﻗﺎﻟﯩﻠﯩﺮﯨﻨﻰ ﺑﯩﺮ-ﺑﯩﺮﻟﻪﭖ ﻛﯚﺭﺳﯩﺘﯩﭗ،
ﺑﯘ ﺋﻮﻗﯘﻏﯘﭼﯩﻨﯩﯔ ﻗﺎﻳﺴﻰ ﺗﻪﺭﻩﭘﺘﻪ ﻛﯜﭼﻠﯜﻙ، ﻗﺎﻳﺴﻰ ﺗﻪﺭﻩﭘﺘﻪ ﺋﺎﺟﯩﺰ ﺋﯩﻜﻪﻧﻠﯩﻜﻰ،
ﺑﯘﻧﯩﯖﺪﯨﻦ ﻛﯧﻴﯩﻦ ﻗﺎﻳﺴﻰ ﺗﻪﺭﻩﭘﺘﻪ ﻗﺎﻧﺪﺍﻕ ﺗﯩﺮﯨﺸﯩﺸﻰ ﺯﯙﺭﯛﺭﻟﯩﻜﯩﻨﻰ ﺗﻪﭘﺴﯩﻠﯩﻲ
ﺋﯧﻴﺘﯩﺪﯗ. ﺷﯘ ﺋﺎﺭﻗﯩﻠﯩﻖ ﺋﺎﺗﺎ-ﺋﺎﻧﯩﻼﺭ ﺋﯚﺯ ﺑﺎﻟﯩﺴﯩﻨﯩﯔ ﻣﻪﻛﺘﻪﭘﺘﯩﻜﻰ ﺋﯩﭙﺎﺩﯨﺴﻰ
ﺗﻮﻏﺮﯨﺴﯩﺪﺍ ﺋﻮﻣﯘﻣﻴﯜﺯﻟﯜﻙ ﯞﻩ ﯞﺍﻗﺘﻰ-ﯞﺍﻗﺘﯩﺪﺍ ﺧﻪﯞﻩﺭﺩﺍﺭ ﺑﻮﻟﯘﭖ ﺗﯘﺭﯨﺪﯗ. ﻣﯧﻨﯩﯔ
ﺋﻮﻏﻠﯘﻡ ﺑﺎﺷﻼﻧﻐﯘﭼﺘﯩﻜﻰ ﯞﺍﻗﺘﯩﺪﺍ، ﺑﯩﺮ ﻗﯧﺘﯩﻤﻠﯩﻖ ﻣﻪﻣﻠﯩﻜﻪﺗﻠﯩﻚ "Star"
ﺩﯦﮕﻪﻥ ﺋﯩﻤﺘﯩﻐﺎﻧﺪﺍ (ﻣﻪﻛﺘﻪﭘﻠﻪﺭﻧﯩﯔ ﺋﻮﻗﯘﺗﯘﺵ ﺳﻪﯞﯨﻴﯩﺴﯩﻨﻰ ﺗﻪﻛﺸﯜﺭﯛﭖ ﺗﯘﺭﯗﺵ
ﺋﯜﭼﯜﻥ، ﺑﯘ ﺋﯩﻤﺘﯩﻬﺎﻥ ﺋﺎﻣﯧﺮﯨﻜﺎ ﺑﻮﻳﯩﭽﻪ ﻳﯩﻠﯩﻐﺎ ﺑﯩﺮ ﻗﯧﺘﯩﻤﺪﯨﻦ ﺋﯧﻠﯩﻨﯩﺪﯗ)
ﻧﺎﻫﺎﻳﯩﺘﻰ ﻳﯘﻗﯩﺮﻯ ﻧﻮﻣﯘﺭ ﺋﯧﻠﯩﭙﺘﯘ. ﺗﻮﻗﻘﯘﺯ ﺳﺎﻫﻪﻧﯩﯔ ﺑﻪﺷﯩﺪﻩ٪
99 ﮔﻪ، ﺋﻪﯓ ﺗﯚﯞﻩﻥ ﺑﻮﻟﻐﯩﻨﯩﺪﺍ٪
87ﮔﻪ ﻛﯩﺮﯨﭙﺘﯘ (ﺋﺎﻣﯧﺮﯨﻜﯩﺪﺍ ﺑﯘﻧﺪﺍﻕ ﺋﯩﻤﺘﯩﻬﺎﻧﻼﺭﺩﺍ ﻫﻪﺭ ﺑﯩﺮ ﺋﻮﻗﯘﻏﯘﭼﯩﻨﻰ
ﻗﺎﻧﭽﻪ ﭘﯩﺮﺳﻪﻧﺖ ﺋﻮﻗﯘﻏﯘﭼﯩﻼﺭﺩﯨﻦ ﻳﯘﻗﯩﺮﻯ ﻧﻮﻣﯘﺭ ﺋﺎﻟﺪﻯ، ﺩﻩﭖ ﺗﯩﺰﯨﺪﯗ.
٪
99 ﺩﯦﮕﯩﻨﻰ ﺑﯘ ﺋﻮﻗﯘﻏﯘﭼﻰ ﺷﯘ ﻗﯧﺘﯩﻢ ﺋﯩﻤﺘﯩﻬﺎﻧﻐﺎ ﻗﺎﺗﻨﺎﺷﻘﺎﻧﻼﺭﻧﯩﯔ ﺋﯩﭽﯩﺪﻩ٪
99 ﺋﺎﺩﻩﻣﺪﯨﻦ ﻳﯘﻗﯩﺮﻯ ﺗﯘﺭﯨﺪﯗ، ﻳﻪﻧﻰ ﺋﻪﯓ ﻳﯘﻗﯩﺮﻯ ﻧﻮﻣﯘﺭ ﺋﺎﻟﻐﺎﻥ٪
1 ﺋﺎﺩﻩﻣﻨﯩﯔ ﺋﯩﭽﯩﮕﻪ ﻛﯩﺮﯨﺪﯗ، ﺩﯦﮕﯩﻨﻰ ﺑﻮﻟﯩﺪﯗ). ﺋﻮﻏﻠﯘﻣﻨﯩﯔ ﺋﻮﻗﯘﺗﻘﯘﭼﯩﺴﻰ
ﺋﯩﻨﺘﺎﻳﯩﻦ ﺧﯘﺷﺎﻝ ﺑﻮﻟﯘﭖ، ﺋﺎﻣﯧﺮﯨﻜﯩﻐﺎ ﻧﻪﺩﯨﻦ ﻛﻪﻟﮕﻪﻧﻠﯩﻜﯩﻨﻰ ﺳﻮﺭﺍﭘﺘﯘ. ﺋﻮﻏﻠﯘﻡ
"ﺟﯘﯕﮕﻮﻧﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﯨﻦ" ﺩﻩﭖ ﺟﺎﯞﺍﺏ ﺑﯧﺮﯨﭙﺘﯘ. ﺑﯘ ﺋﻮﻗﯘﺗﻘﯘﭼﻰ
ﺋﺎﻣﯧﺮﯨﻜﯩﺪﺍ ﺑﯧﺴﯩﻠﻐﺎﻥ ﺑﯩﺮ ﺧﻪﺭﯨﺘﯩﻨﻰ ﺋﺎﺧﺘﯘﺭﯗﭖ، ﺑﯘ ﻳﻪﺭﻧﻰ ﺗﺎﭘﺎﻟﻤﺎﻱ، ﺑﯩﺮ
ﻗﯧﺘﯩﻤﻠﯩﻖ ﺋﺎﺗﺎ-ﺋﺎﻧﺎ ﻳﯩﻐﯩﻨﯩﺪﯨﻦ ﻛﯧﻴﯩﻦ ﻣﯧﻨﻰ ﺋﻪﭘﻘﯧﻠﯩﭗ، ﺑﯩﺰﻧﯩﯔ ﻧﻪﺩﯨﻦ
ﻛﻪﻟﮕﻪﻧﻠﯩﻜﯩﻤﯩﺰﻧﻰ ﺳﻮﺭﯨﺪﻯ. ﺋﻪﺳﻠﯩﺪﯨﻜﻰ 15 ﻣﯩﻨﯘﺗﻠﯘﻕ ﻳﯩﻐﯩﻦ 45 ﻣﯩﻨﯘﺕ
ﺩﺍﯞﺍﻣﻠﯩﺸﯩﭗ، ﻣﻪﻥ ﺋﯘ ﻛﯩﺸﯩﮕﻪ ﺋﯘﻳﻐﯘﺭ ﺗﻮﻏﺮﯨﺴﯩﺪﺍ ﺗﻪﭘﺴﯩﻠﯩﻲ ﺳﯚﺯﻟﻪﭖ ﺑﻪﺭﺩﯨﻢ.
ﺋﺎﺧﯩﺮﯨﺪﺍ ﺋﯘ ﻛﯩﺸﻰ ﻣﺎﯕﺎ: "ﺩﯨﻠﺸﺎﺕ ﺋﺎﻣﯧﺮﯨﻜﯩﻐﺎ 4.5 ﻳﯧﺸﯩﺪﺍ ﻛﯧﻠﯩﭗ،
ﺋﯩﻤﺘﯩﻬﺎﻧﺪﺍ ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﻫﻪﻣﻤﯩﺴﯩﺪﯨﻦ ﻳﯘﻗﯩﺮﻯ ﻧﻮﻣﯘﺭ ﺋﯧﻠﯩﯟﺍﺗﺴﺎ، ﻣﻪﻥ
ﺋﯚﺯﯨﻤﯩﺰ ﺋﯜﭼﯜﻥ ﻧﻮﻣﯘﺱ ﻫﯩﺲ ﻗﯩﻠﯩﻤﻪﻥ"، ﺩﯦﺪﻯ. ﻳﻪﻧﻪ ﺑﯩﺮ ﺋﺎﺗﺎ-ﺋﺎﻧﺎ ﻳﯩﻐﯩﻨﯩﺪﺍ،
ﺋﻮﻏﻠﯘﻣﻨﯩﯔ ﺋﯩﻨﮕﻠﯩﺰﭼﻪ ﻳﯧﺰﯨﻘﭽﯩﻠﯩﻖ ﺋﻮﻗﯘﺗﻘﯘﭼﯩﺴﻰ ﺋﯘﻧﯩﯔ ﻳﺎﺯﻏﺎﻥ ﺑﯩﺮ
ﻣﺎﻗﺎﻟﯩﺴﯩﻨﻰ ﻣﺎﯕﺎ ﻛﯚﺭﺳﯩﺘﯩﭗ، "ﻣﻪﻥ ﺑﯘ ﻣﻪﻛﺘﻪﭘﺘﻪ ﺋﻮﻗﯘﺗﻘﯘﭼﯩﻠﯩﻖ ﻗﯩﻠﯩﯟﺍﺗﻘﯩﻠﻰ
20 ﻳﯩﻠﺪﯨﻦ ﺋﺎﺷﺘﻰ. ﻟﯧﻜﯩﻦ، ﺑﯘﻧﯩﯖﭽﯩﻠﯩﻚ ﺗﻪﺳﯩﺮﻟﯩﻚ ﻳﯧﺰﯨﻠﻐﺎﻥ ﻣﺎﻗﺎﻟﯩﻨﻰ ﻛﯚﺭﯛﭖ
ﺑﺎﻗﻤﯩﻐﺎﻧﯩﺪﯨﻢ. ﻣﻪﻥ ﺋﯘﻧﻰ ﺋﯩﺮﯨﻤﮕﯩﻤﯘ ﺋﻮﻗﯘﭖ ﺑﻪﺭﺩﯨﻢ. ﺋﯩﻜﻜﯩﻠﯩﻤﯩﺰ ﻳﯩﻐﻼﭖ
ﻛﻪﺗﺘﯘﻕ. ﻣﻪﻥ ﺑﯘ ﻣﺎﻗﺎﻟﯩﻨﻰ ﺑﯩﺮ ﺭﻩﺳﯩﻢ ﺭﺍﻣﻜﯩﺴﯩﻐﺎ ﺋﯧﻠﯩﭗ، ﺋﯚﻳﯜﻣﮕﻪ ﺋﯧﺴﯩﭗ
ﻗﻮﻳﺪﯗﻡ"، ﺩﯦﺪﻯ. ﺑﯘ ﻣﺎﻗﺎﻟﯩﻨﯩﯔ ﺋﯩﺴﻤﻰ "ﺑﯩﺮﺗﺎﻟﻤﯘ ﺋﻮﻳﯘﻧﭽﯘﻗﻰ ﻳﻮﻕ ﺑﯩﺮ ﻛﯩﭽﯩﻚ
ﺑﺎﻻ" (ﺋﯩﻨﮕﻠﯩﺰﭼﻪ "
A Boy without a Toy
") ﺑﻮﻟﯘﭖ، ﺋﻮﻏﻠﯘﻡ ﺋﻪﺳﻠﯩﺪﻩ ﻣﯧﻨﯩﯔ ﻛﯩﭽﯩﻚ ﯞﺍﻗﺘﯩﻤﻨﻰ ﻳﺎﺯﻏﺎﻥ ﺋﯩﻜﻪﻥ. ﺑﯩﺰﻧﯩﯔ
ﻳﯘﺭﺗﯩﻤﯩﺰﺩﺍ ﺋﻮﻳﯘﻧﭽﯘﻗﻰ ﺑﺎﺭ ﺑﺎﻟﯩﻼﺭﻏﺎ ﻗﺎﺭﯨﻐﺎﻧﺪﺍ، ﺋﻮﻳﯘﻧﭽﯘﻗﻰ ﻳﻮﻗﻼﺭﻧﯩﯔ
ﺳﺎﻧﻰ ﺟﯩﻖ ﻛﯚﭖ. ﺋﻪﻣﻤﺎ، ﺋﺎﻣﯧﺮﯨﻜﯩﻠﯩﻘﻼﺭ ﺋﯜﭼﯜﻥ، ﺑﯩﺮ ﺑﺎﻟﯩﻨﯩﯔ ﻫﻪﭺ ﻗﺎﻧﺪﺍﻕ
ﺋﻮﻳﯘﻧﭽﯘﻗﻰ ﺑﻮﻟﻤﺎﺳﻠﯩﻖ، ﺋﯘﻻﺭﻧﻰ ﺋﯩﻨﺘﺎﻳﯩﻦ ﻫﻪﻳﺮﺍﻥ ﻗﺎﻟﺪﯗﺭﯨﺪﯨﻐﺎﻥ، ﺋﯘﻻﺭﻏﺎ
ﻗﺎﺗﺘﯩﻖ ﺗﻪﺳﯩﺮ ﻗﯩﻠﯩﺪﯨﻐﺎﻥ ﺑﯩﺮ ﺋﯩﺶ ﺋﯩﻜﻪﻥ.
2) ﺋﺎﻣﯧﺮﯨﻜﯩﺪﺍ ﻛﯩﭽﯩﻚ ﺑﺎﻟﯩﻠﯩﺮﻯ ﺑﺎﺭ ﺋﺎﻕ ﺗﻪﻧﻠﯩﻜﻠﻪﺭﻧﯩﯔ ﻛﯚﭘﯩﻨﭽﯩﺴﻰ ﺋﯚﻳﯩﺪﻩ
ﻛﻪﻡ ﺩﯦﮕﻪﻧﺪﻩ ﺑﯩﺮﺩﯨﻦ ﺋﯩﺖ، ﻣﯜﺷﯜﻙ، ﻳﺎﻛﻰ ﺷﯘﻧﯩﯖﻐﺎ ﺋﻮﺧﺸﯩﻐﺎﻥ ﺋﺎﺋﯩﻠﻪ ﻫﺎﻳﯟﯨﻨﻰ
(ﺋﯩﻨﮕﻠﯩﺰﭼﻪ "
Pet
" ﺩﻩﭖ ﺋﺎﺗﺎﻳﺪﯗ) ﺑﺎﻗﯩﺪﯗ. ﺑﯘ ﺋﺎﻣﯧﺮﯨﻜﺎ ﺟﻪﻣﺌﯩﻴﯩﺘﯩﮕﻪ ﻧﺎﻫﺎﻳﯩﺘﻰ ﺋﻮﻣﯘﻣﻠﯩﺸﯩﭗ
ﻛﻪﺗﻜﻪﻥ ﺑﻮﻟﻐﺎﭼﻘﺎ، ﻣﻪﺧﺴﯘﺱ ﺋﺎﺋﯩﻠﻪ ﻫﺎﻳﯟﺍﻧﻠﯩﺮﯨﻨﻰ ﺳﺎﺗﯩﺪﯨﻐﺎﻥ ﺳﻮﺩﺍ
ﺩﯗﻛﺎﻧﻠﯩﺮﯨﻤﯘ ﺋﯩﻨﺘﺎﻳﯩﻦ ﻛﯚﭖ. ﻫﻪﻣﺪﻩ ﺋﺎﺩﻩﻣﻠﻪﺭﻧﯩﯔ ﻳﯧﻤﻪﻙ-ﺋﯩﭽﻤﻪﻛﻠﯩﺮﯨﻨﻰ
ﺳﺎﺗﯩﺪﯨﻐﺎﻥ ﺳﻮﺩﺍ ﺩﯗﻛﺎﻧﻠﯩﺮﯨﻨﯩﯔ ﻫﻪﻣﻤﯩﺴﯩﺪﻩ ﺋﺎﺋﯩﻠﻪ ﻫﺎﻳﯟﺍﻧﻠﯩﺮﯨﻨﯩﯔ
ﻳﯧﻤﻪﻛﻠﯩﺮﯨﻨﯩﻤﯘ ﺳﺎﺗﯩﺪﯗ. ﻛﯩﭽﯩﻚ ﺑﺎﻟﯩﻼﺭﻧﯩﯔ ﻫﺎﻳﯟﺍﻥ ﺑﯧﻘﯩﺸﻰ، ﺋﺎﺋﯩﻠﻪ
ﻫﺎﻳﯟﺍﻧﻠﯩﺮﻯ ﺑﯩﻠﻪﻥ ﺑﯩﻠﻠﻪ ﺋﻮﻳﻨﯩﺸﻰ، ﺋﯘﻻﺭﻧﯩﯔ ﺭﻭﻫﯩﻲ ﺩﯗﻧﻴﺎﺳﯩﻨﯩﯔ ﺳﺎﻏﻼﻡ
ﺋﯚﺳﯜﭖ ﻳﯧﺘﯩﻠﯩﺸﯩﺪﻩ ﺋﺎﻻﻫﯩﺪﻩ ﺭﻭﻝ ﺋﻮﻳﻨﺎﻳﺪﯗ. ﺷﯘﯕﺎ ﺋﯩﻤﻜﺎﻧﯩﻴﯩﺘﻰ ﻳﺎﺭ
ﺑﯧﺮﯨﺪﯨﻐﺎﻥ ﺋﯘﻳﻐﯘﺭ ﺋﺎﺋﯩﻠﯩﻠﯩﺮﻯ ﺑﯘ ﺋﯩﺸﻘﺎ ﻫﻪﺭﮔﯩﺰ ﺳﻪﻝ ﻗﺎﺭﯨﻤﺎﺳﻠﯩﻘﻰ ﻛﯧﺮﻩﻙ.
ﻣﻪﻥ ﻛﯩﭽﯩﻚ ﯞﺍﻗﺘﯩﻤﺪﺍ ﺋﯩﺖ، ﺗﻮﺷﻘﺎﻥ، ﺗﯘﺭﻣﯘﻧﭽﯘﻕ ﯞﻩ ﺟﯩﯖﺴﯩﺮﻻﺭﻧﻰ ﺑﺎﻗﻘﺎﻥ
ﺋﯩﺪﯨﻢ. ﺗﻮﺷﻘﺎﻧﻨﻰ ﺳﯧﺘﯩﺶ ﺋﯜﭼﯜﻥ ﺑﺎﻗﻘﺎﻥ ﺑﻮﻟﺴﺎﻣﻤﯘ، ﺗﻮﺷﻘﯩﻨﯩﻢ ﻫﻪﺭ ﻗﯧﺘﯩﻢ
ﺗﯘﻏﯘﭖ، ﺑﺎﻟﻠﯩﺮﯨﻨﻰ ﺳﺎﺗﻘﯩﺪﻩﻙ ﺑﻮﻟﻐﯩﭽﻪ، ﺋﯘﻻﺭ ﺑﯩﻠﻪﻥ ﻧﺎﻫﺎﻳﯩﺘﻰ ﻛﯚﭖ
ﺋﻮﻳﻨﯩﯟﺍﻻﺗﺘﯩﻢ. ﺗﯘﺭﻣﯘﻧﭽﯘﻕ ﯞﻩ ﺟﯩﯖﺴﯩﺮﻻﺭ ﺑﻮﻟﺴﺎ، ﭘﯜﺗﯜﻥ ﺋﺎﺋﯩﻠﯩﻤﯩﺰﮔﻪ
ﺋﯩﻨﺘﺎﻳﯩﻦ ﭼﯩﺮﺍﻳﻠﯩﻖ ﺳﺎﻳﺮﺍﭖ ﺑﯧﺮﻩﺗﺘﻰ. ﺑﯩﺮ ﻗﯧﺘﯩﻢ ﻣﻪﻥ ﺑﯩﺮ ﺋﯩﮕﯩﺰ ﺩﻩﺭﻩﺧﻘﻪ
ﻳﺎﻣﯩﺸﯩﭗ ﭼﯩﻘﯩﭗ، ﺑﯩﺮ ﻗﺎﺭﺍ ﻗﯘﺷﻘﺎﭼﻨﯩﯔ ﺋﯘﯞﯨﺴﯩﺪﯨﻦ ﺋﻪﻣﺪﯨﻼ ﻛﯚﺯﻯ ﺋﯧﭽﯩﻠﻐﺎﻥ
ﺑﯩﺮ ﻗﯘﺷﻘﺎﭺ ﺑﺎﻟﯩﺴﯩﻨﻰ ﺗﯘﺗﯘﭖ ﭼﯜﺷﺘﯜﻡ. ﻫﻪﻣﺪﻩ ﺋﯘﻧﯩﯖﻐﺎ ﺋﺎﻏﺰﯨﻨﻰ ﻗﺎﻳﺮﯨﭗ ﺋﯧﭽﯩﭗ
ﻳﯧﻤﻪﻙ ﻳﯩﮕﯜﺯﯛﭖ، ﺋﺎﻏﺰﯨﻨﻰ ﻗﺎﻳﺮﯨﭗ ﺋﯧﭽﯩﭗ ﺳﯘ ﺋﯩﭽﯜﺭﯛﭖ، ﺋﺎﺷﯘ ﻳﻮﻝ ﺑﯩﻠﻪﻥ ﺑﯧﻘﯩﭗ
ﭼﻮﯓ ﻗﯩﻠﺪﯨﻢ. ﺑﯘ ﻗﺎﺭﺍ ﻗﯘﺷﻘﺎﭺ ﻣﯧﻨﯩﯔ ﺋﺎﺷﯘﻧﺪﺍﻕ ﺑﯧﻘﯩﺸﯩﻢ ﺑﯩﻠﻪﻥ ﺋﯘﭼﯘﺭﯗﻡ
ﺑﻮﻟﺪﻯ. ﺋﻪﺗﯩﮕﯩﻨﻰ ﺋﯚﻳﻨﯩﯔ ﺋﺎﻟﺪﯨﺪﺍ ﺋﺎﻳﺎﻗﺘﺎ ﺋﯘﻣﺎﭺ ﺋﯩﭽﯩﯟﺍﺗﺴﺎﻡ، ﺋﯘ ﻗﯘﺷﻘﺎﭺ
ﺑﻪﺯﯨﺪﻩ ﺋﯘﭼﯘﭖ ﻛﯧﻠﯩﭗ، ﺋﺎﻳﺎﻗﻨﯩﯔ ﻗﯩﺮﻏﯩﻘﯩﻐﺎ ﻗﻮﻧﯘﯞﺍﻻﺗﺘﻰ. ﺑﻪﺯﯨﺪﻩ ﻣﻪﻥ
ﺳﯩﺮﺗﺘﺎ ﻣﺎﯕﻐﺎﻧﺪﺍ، ﺋﯘ ﻗﯘﺷﻘﺎﭺ ﺋﯘﭼﯘﭖ ﺩﻩﺭﻩﺧﻘﻪ ﻗﻮﻧﯘﭖ، ﺋﺎﻧﺪﯨﻦ ﺋﯘﭼﯘﭖ ﻛﯧﻠﯩﭗ
ﻣﯜﺭﻩﻣﮕﻪ ﻗﻮﻧﺎﺗﺘﻰ. ﺑﯘﻧﺪﺍﻕ ﯞﺍﻗﯩﺘﻼﺭﺩﺍ ﻣﻪﻥ ﺋﯩﻨﺘﺎﻳﯩﻦ ﻫﺎﻳﺎﺟﺎﻧﻠﯩﻨﯩﭗ
ﻛﯧﺘﻪﺗﺘﯩﻢ. ﻣﻪﻥ ﺋﯜﭼﯜﻥ ﺑﯘ ﺑﯩﺮ ﻗﻮﻟﻐﺎ ﻛﻪﻟﺘﯜﺭﮔﻪﻥ ﭼﻮﯓ ﻏﻪﻟﯩﺒﻪ ﺋﯩﺪﻯ. ﻣﻪﻥ
ﺩﻭﻛﺘﯘﺭﻟﯘﻕ ﺋﻮﻗﯘﯞﺍﺗﻘﺎﻧﺪﺍ ﺑﯩﺰ ﻣﻪﻛﺘﻪﭘﻨﯩﯔ ﺋﻮﻗﯘﻏﯘﭼﯩﻼﺭ ﻳﺎﺗﯩﻘﯩﺪﺍ ﺗﯘﺭﺩﯗﻕ.
ﺑﯩﺰﻧﯩﯔ ﺋﯘ ﻳﺎﺗﺎﻗﻼﺭﺩﺍ ﺋﺎﺋﯩﻠﻪ ﻫﺎﻳﯟﯨﻨﻰ ﺑﯧﻘﯩﺸﯩﻤﯩﺰﻏﺎ ﻳﻮﻝ ﻗﻮﻳﯘﻟﻤﺎﻳﺘﺘﻰ. ﺑﯩﺮ
ﻛﯜﻧﻰ ﻗﯩﺰﯨﻢ 3 ﺩﺍﻧﻪ ﭼﯚﺟﻪ ﻛﯚﺗﯩﺮﯨﭗ ﻛﻪﭘﺘﯘ. ﺑﯩﺮ ﺳﺎﯞﺍﻗﺪﯨﺸﻰ ﺑﻪﺭﮔﻪﻥ ﺋﯩﻜﻪﻥ.
ﺋﯘﻧﻰ ﺑﺎﻗﯩﻤﻪﻥ، ﺩﻩﭖ ﭼﯩﯔ ﺗﯘﺭﯨﯟﺍﻟﺪﻯ. ﺑﯩﺰ ﺋﯘﻧﯩﯖﻐﺎ ﻳﻮﻝ ﻗﻮﻳﺪﯗﻕ. ﺑﯘ ﭼﯚﺟﯩﻠﻪﺭ
ﺑﯩﺮ ﺋﺎﻳﻐﯩﭽﻪ ﺑﯩﺰﻧﯩﯔ ﭘﯜﺗﯜﻥ ﺋﺎﺋﯩﻠﯩﮕﻪ ﻧﯘﺭﻏﯘﻥ ﺧﯘﺷﺎﻟﻠﯩﻖ ﺋﯧﻠﯩﭗ ﻛﻪﻟﺪﻯ.
1997-ﻳﯩﻠﻰ ﺑﯩﺰ ﺋﯚﻱ ﺋﯧﻠﯩﭗ ﺋﯘﺯﯗﻥ ﺋﯚﺗﻤﻪﻳﻼ، ﺑﺎﻟﻠﯩﺮﯨﻤﯩﺰﻏﺎ ﺑﯩﺮ ﺟﯜﭖ ﺗﻮﺷﻘﺎﻥ
ﺋﯧﻠﯩﭗ ﺑﻪﺭﺩﯗﻕ. ﻧﻪﭼﭽﻪ ﺋﺎﻳﺪﯨﻦ ﻛﯧﻴﯩﻦ ﺑﯘ ﺗﻮﺷﻘﺎﻧﻼﺭ 2 ﻗﯧﺘﯩﻢ ﺗﯘﻏﯘﭖ، ﺟﻪﻣﺌﯩﻲ
18 ﺗﻮﺷﻘﺎﻥ ﺑﻮﻟﺪﻯ. ﺋﯚﻳﻨﯩﯔ ﺋﺎﺭﻗﺎ ﻫﻮﻳﻠﯩﺴﯩﻨﯩﯔ ﻧﻪﺭﯨﮕﻪ ﻗﺎﺭﯨﺴﺎﻕ ﺗﻮﺷﻘﺎﻥ.
ﺋﯘﻻﺭ ﺋﯚﺭﻩ ﺗﯘﺭﯗﭖ ﻳﻪﭖ، ﺋﺎﺭﻗﺎ ﻫﻮﻳﻠﯩﺪﯨﻜﻰ ﺧﺎﺩﯨﺴﯩﻤﺎﻥ ﻗﺎﺭﯨﻐﺎﻱ ﺩﻩﺭﯨﺨﯩﻨﯩﯔ
ﺋﺎﺳﺘﯩﻨﻘﻰ ﻗﯩﺴﻤﯩﻨﻰ ﭘﺎﻙ-ﭘﺎﻛﯩﺰ ﻳﻪﭖ ﺑﻮﻟﺪﻯ. ﺑﯩﺰﻧﯩﯔ ﻗﻮﻟﯩﻤﯩﺰﺩﯨﻜﻰ ﺳﻪﯞﺯﯨﻨﻰ
ﻳﯧﻴﯩﺸﻜﯩﻤﯘ ﺋﯚﮔﯩﻨﯩﭗ ﻛﻪﺗﺘﻰ. ﺳﻪﯞﺯﯨﻨﻰ ﻛﯩﭽﯩﻚ ﺗﺎﻳﭽﻪ ﻗﯩﻠﯩﭗ، ﺋﯩﻜﻜﻰ ﻗﻮﻟﯩﻤﯩﺰﺩﺍ
ﺗﯘﺗﯘﭖ ﺑﻪﺭﺳﻪﻙ، ﺗﻮﺷﻘﺎﻧﻨﯩﯔ 16 ﺑﺎﻟﯩﺴﯩﻨﯩﯔ ﻫﻪﻣﻤﯩﺴﻰ ﺑﯩﺮ-ﺑﯩﺮﯨﻨﻰ ﺋﯩﺘﺘﯩﺮﯨﭗ
ﻳﯜﺭﯛﭖ ﻳﻪﻳﺘﺘﻰ. ﻫﻪﺭ ﻛﯜﻧﻰ ﻣﻪﻛﺘﻪﭘﺘﯩﻦ ﯞﻩ ﺋﯩﺸﺘﯩﻦ ﻗﺎﻳﺘﯩﭗ ﻛﯧﻠﯩﭗ، ﺗﻮﺷﺎﻧﻐﺎ
ﺳﻪﯞﺯﻩ ﻳﺎﻛﻰ ﻟﻪﺗﯩﺲ (ﺋﯩﻨﮕﻠﯩﺰﭼﻪ "
Lettuce
" ﺑﻮﻟﯘﭖ، ﺗﻮﺧﻤﺎﻗﺴﻪﻱ ﺗﯜﺭﯨﺪﯨﻜﻰ ﻛﯚﻛﺘﺎﺕ) ﺑﻪﺭﮔﯩﭽﻪ ﻫﻪﻣﻤﯩﻤﯩﺰ ﺋﺎﻟﺪﯨﺮﺍﭖ
ﻛﯧﺘﻪﺗﺘﯘﻕ. ﺋﯘﻻﺭ ﭼﻮﯓ ﺑﻮﻟﻐﺎﻧﺪﺍ، ﺋﺎﻣﯧﺮﯨﻜﯩﺪﺍ ﺑﯘ 18 ﺗﻮﺷﻘﺎﻧﻨﻰ ﺑﯩﺮ ﺗﻪﺭﻩﭖ
ﻗﯩﻠﯩﺶ ﺋﯩﻨﺘﺎﻳﯩﻦ ﻗﯩﻴﯩﻨﻐﺎ ﺗﻮﺧﺘﯩﺪﻯ. ﺋﯘﻻﺭﻧﯩﯔ ﻫﯧﻜﺎﻳﯩﺴﯩﻨﻰ ﻳﯧﺰﯨﺶ ﺋﯜﭼﯜﻥ ﺑﯩﺮ
ﻛﯩﺘﺎﺏ ﻳﯧﺰﯨﺸﯩﻢ ﻛﯧﺮﻩﻙ. ﺋﯩﺸﻘﯩﻠﯩﭗ ﺑﯩﺰ ﺋﯘ ﺗﻮﺷﻘﺎﻧﻼﺭﻧﯩﯔ ﺋﻪﯓ ﺋﺎﺧﯩﺮﻗﯩﺴﯩﻨﻰ
2004-ﻳﯩﻠﻰ ﻳﺎﺯﺩﺍ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪﺩﯨﻦ ﺟﻪﻧﯘﺑﯩﻲ ﻛﺎﻟﯩﻔﻮﺭﻧﯩﻴﻪﮔﻪ ﻛﯚﭼﯜﭖ
ﻛﻪﻟﮕﯩﭽﻪ ﺑﺎﻗﺘﯘﻕ.
3) ﺑﺎﻟﯩﻼﺭﻧﻰ ﺋﯚﺯﻟﯩﺮﻯ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺗﻪﻧﺘﻪﺭﺑﯩﻴﻪ ﻗﺎﺗﺎﺭﻟﯩﻖ
ﭘﺎﺋﺎﻟﯩﻴﻪﺗﻜﻪ ﻗﺎﺗﻨﺎﺷﺘﯘﺭﯗﺵ. ﺋﺎﻣﯧﺮﯨﻜﯩﻨﯩﯔ ﻫﻪﺭ ﺑﯩﺮ ﻧﺎﻫﯩﻴﯩﺴﯩﺪﻩ 10-20 ﺷﻪﻫﻪﺭ
ﺑﺎﺭ. ﻫﻪﺭ ﺑﯩﺮ ﺷﻪﻫﻪﺭﻧﯩﯔ ﺋﯚﺯ ﺋﺎﻟﺪﯨﻐﺎ ﺑﯩﺮﺩﯨﻦ ﻛﻮﻟﻠﯧﻜﺘﯩﭗ ﺑﺎﻏﭽﯩﺴﻰ ﯞﻩ
ﻛﯘﺗﯘﭘﺨﺎﻧﯩﺴﻰ ﺑﺎﺭ. ﺑﯘ ﺷﻪﻫﻪﺭ ﺑﺎﻏﭽﯩﺴﯩﺪﺍ ﻳﺎﺵ ﺋﯚﺳﻤﯜﺭﻟﻪﺭ ﺋﯜﭼﯜﻥ ﻳﺎﺳﺎﻟﻐﺎﻥ ﻫﻪﺭ
ﺧﯩﻞ ﺗﻪﻧﺘﻪﺭﺑﯩﻴﻪ ﻣﻪﻳﺪﺍﻧﻠﯩﺮﻯ ﺑﺎﺭ. ﺋﯘﻧﯩﯖﺪﯨﻦ ﺑﺎﺷﻘﺎ، ﺷﻪﻫﻪﺭ ﯞﻩ ﺷﻪﺧﺴﯩﻲ
ﺷﯩﺮﻛﻪﺗﻠﻪﺭ ﻫﻪﺭ ﻳﯩﻠﻨﻰ ﺋﻪﺗﯩﻴﺎﺯ، ﻳﺎﺯ، ﯞﻩ ﻛﯜﺯ ﭘﻪﺳﻠﻰ ﻗﺎﺗﺎﺭﻟﯩﻖ 3 ﻣﯘﺩﺩﻩﺗﻜﻪ
ﺑﯚﻟﯜﭖ، ﺑﺎﻟﯩﻼﺭ ﺋﯜﭼﯜﻥ ﻫﻪﺭ ﺧﯩﻞ ﺗﻪﻧﺘﻪﺭﺑﯩﻴﻪ ﮔﯘﺭﯗﭘﭙﯩﺴﯩﻨﻰ ﺗﻪﺷﻜﯩﻠﻠﻪﻳﺪﯗ. ﺑﯩﺮ
ﻣﯘﺩﺩﻩﺗﻨﯩﯔ ﺋﯘﺯﯗﻧﻠﯩﻐﻰ 3 ﺋﺎﻱ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﺋﯘﻧﯩﯖﻐﺎ ﻗﺎﺗﻨﯩﺸﯩﺶ ﺋﯜﭼﯜﻥ
ﺑﯩﺮ ﺋﺎﺯ ﭘﯘﻝ ﺗﯚﻟﻪﺵ ﻛﯧﺮﻩﻙ. ﭘﯘﻟﻼ ﺗﯚﻟﯩﺴﻪ، ﺑﯘﻧﺪﺍﻕ ﺗﻪﻧﺘﻪﺭﺑﯩﻴﻪ ﺗﯜﺭﻟﯩﺮﯨﮕﻪ
ﻫﻪﺭ ﻗﺎﻧﺪﺍﻕ ﺋﺎﺩﻩﻡ ﻗﺎﺗﻨﯩﺸﺎﻻﻳﺪﯗ. ﻣﯧﻨﯩﯔ ﺋﻮﻏﻠﯘﻡ ﺑﯘﺭﯗﻥ
Hockey
(ﻣﯘﺯﻧﯩﯔ ﺋﯜﺳﺘﯩﺪﻩ ﺋﻮﻳﻨﺎﻳﺪﯨﻐﺎﻥ ﺗﻮﭖ ﺗﯜﺭﻯ) ﯞﻩ ﯞﺍﺳﻜﯧﺘﺒﻮﻝ ﺋﻮﻳﻨﯩﻐﺎﻥ. ﻫﺎﺯﯨﺮ
ﺑﯩﺮ ﺗﻪﻧﺘﻪﺭﺑﯩﻴﻪ ﺳﺎﺭﯨﻴﯩﻨﯩﯔ ﺋﻪﺯﺍﺳﻰ ﺑﻮﻟﯘﭖ، ﺋﯧﻐﯩﺮﻟﯩﻖ ﻛﯚﺗﯩﺮﯨﺶ، ﺗﯧﺰ
ﺳﯘﺭﺋﻪﺗﺘﻪ ﻳﯜﮔﯜﺭﯛﺵ ﯞﻩ ﺳﯘ ﺋﯜﺯﯛﺵ ﻗﺎﺗﺎﺭﻟﯩﻘﻼﺭﻧﻰ ﻗﯩﻠﯩﯟﺍﺗﯩﺪﯗ. ﻗﯩﺰﯨﻢ ﺑﯘﺭﯗﻥ
ﺑﺎﻟﯧﺖ ﺋﯘﺳﺴﯘﻟﻰ، ﭘﯩﻴﺎﻧﻮ ﯞﻩ ﺋﺎﻣﯧﺮﯨﻜﯩﭽﻪ ﻣﻪﻛﺘﻪﭖ ﺋﯘﺳﺴﯘﻟﻰ ﻗﺎﺗﺎﺭﻟﯩﻘﻼﺭﻏﺎ
ﻗﺎﺗﻨﺎﺷﻘﺎﻥ. ﻫﺎﺯﯨﺮ ﺗﺎﻏﺪﺍ ﻗﺎﺭ ﺗﯧﻴﯩﻠﯩﺶ (ﺋﻮﻏﻠﯘﻣﻤﯘ ﺗﺎﻏﺪﺍ ﻗﺎﺭ
ﺗﯧﻴﻠﯩﻴﺎﻻﻳﺪﯗ)، ﺗﺎﻏﻘﺎ ﭼﯩﻘﯩﺶ ﯞﻩ ﻣﯘﺷﺘﻠﯩﺸﯩﺶ ﻫﻪﺭﯨﻜﻪﺗﻠﯩﺮﯨﮕﻪ ﻗﺎﺗﻨﯩﺸﯩﯟﺍﺗﯩﺪﯗ.
1997-ﻳﯩﻠﻰ ﺑﯩﺰ ﺋﻪﻣﺪﯨﻼ ﺋﯚﻱ ﺋﯧﻠﯩﭗ (ﺋﺎﻣﯧﺮﯨﻜﯩﺪﺍ ﺋﯚﻳﻨﻰ ﺑﺎﻧﻜﯩﺪﯨﻦ ﻗﻪﺭﺯ
ﺋﯧﻠﯩﭗ ﺋﺎﻟﯩﻤﯩﺰ. ﺷﯘﻧﺪﺍﻗﺘﯩﻤﯘ، ﻗﻪﺭﺯ ﺋﯧﻠﯩﺶ ﺋﯜﭼﯜﻥ ﺋﯚﻱ ﭘﯘﻟﯩﻨﯩﯔ ﺩﻩﺳﻠﻪﭘﻜﻰ٪
5-20 ﺗﯩﻨﻰ ﺋﯚﺯﯨﻤﯩﺰ ﺗﯚﻟﯩﺸﯩﻤﯩﺰ ﻛﯧﺮﻩﻙ)، ﺑﺎﻧﻜﯩﺪﯨﻜﻰ ﭘﯘﻟﯩﻤﯩﺰ ﻗﯘﺭﯗﻗﺪﯨﻠﯩﭗ
ﻛﻪﺗﻜﻪﻧﺪﻩ، ﻗﯩﺰﯨﻢ ﺳﺎﻥ ﻓﺮﺍﻧﺴﯧﺴﻜﻮ ﺷﻪﻫﯩﺮﯨﺪﯨﻜﻰ ﺑﯩﺮ ﺷﯩﺮﻛﻪﺗﻨﯩﯔ ﺗﯧﻠﯧﯟﯨﺰﯨﻴﻪ
ﺋﺎﺭﺗﯩﺴﻠﯩﻜﯩﮕﻪ ﺋﻮﻗﯘﻏﯘﭼﻰ ﻗﻮﺑﯘﻝ ﻗﯩﻠﯩﺪﯨﻐﺎﻧﻠﯩﻖ ﺧﻪﯞﯨﺮﯨﻨﻰ ﺋﺎﯕﻼﭖ ﻛﯧﻠﯩﭗ،
ﺋﯘﻧﯩﯖﻐﺎ ﻗﺎﺗﻨﯩﺸﯩﺸﺘﺎ ﭼﯩﯔ ﺗﯘﺭﯗﯞﺍﻟﺪﻯ. ﺑﯩﺮ ﺷﻪﻧﺒﻪ ﻛﯜﻧﻰ ﻣﻪﻥ ﻗﯩﺰﯨﻤﻨﻰ ﺋﯧﻠﯩﭗ،
ﺗﻪﭘﺴﯩﻠﯩﻲ ﺋﻪﻫﯟﺍﻟﻨﻰ ﺋﯘﻗﯘﺵ ﺋﯜﭼﯜﻥ ﺳﺎﻥ ﻓﺮﺍﻧﺴﯧﺴﻜﻮﻏﺎ ﺑﺎﺭﺩﯨﻢ. ﺋﯘﻻﺭ ﻗﯩﺰﯨﻤﻨﻰ
ﺗﯧﺨﯩﻤﯘ ﻗﯩﺰﯨﻘﺘﯘﺭﯗﭖ، ﺷﯘ ﯞﺍﻗﯩﺘﻨﯩﯔ ﺋﯚﺯﯨﺪﯨﻼ 2600 ﺩﻭﻟﻼﺭ ﺗﺎﭘﺸﯘﺭﯗﺷﻨﻰ ﺗﻪﻟﻪﭖ
ﻗﯩﻠﺪﻯ. ﻣﻪﻥ ﺋﯘ ﭘﯘﻟﻨﻰ ﺗﺎﭘﺸﯘﺭﺩﯗﻡ. ﺳﻪﯞﻩﺑﻰ، ﺋﻪﮔﻪﺭ ﺑﯩﺮ ﺋﺎﺩﻩﻡ ﺑﯩﺮ ﺋﯩﺸﻨﻰ
ﻗﯩﻠﯩﭗ ﺳﯩﻨﺎﭖ ﺑﺎﻗﻤﯩﺴﺎ، ﺋﯚﺯﯨﻨﯩﯔ ﺋﯘ ﺋﯩﺸﺘﺎ ﻗﺎﻧﺪﺍﻕ ﺋﯩﻜﻪﻧﻠﯩﻜﯩﻨﻰ ﺑﯩﻠﻪﻟﻤﻪﻳﺪﯗ.
ﺋﻪﮔﻪﺭ ﺑﯩﺮ ﺋﯩﺸﻨﻰ ﻗﯩﻠﯩﭗ ﻛﯚﺭﻣﻪﻳﺪﯨﻜﻪﻥ، ﺋﯘ ﺋﯩﺸﻨﻰ ﻗﯩﻠﯩﺶ ﺋﯧﻬﺘﯩﻤﺎﻟﻠﯩﻐﻰ ﻧﯚﻝ
ﭘﯩﺮﺳﻪﻧﺖ ﺑﻮﻟﯩﺪﯗ. ﻣﻪﻥ ﻗﯩﺰﯨﻤﻨﻰ 2 ﺋﺎﻱ ﯞﺍﻗﯩﺖ ﻫﻪﺭ ﻫﻪﭘﺘﯩﻨﯩﯔ ﭘﻪﻳﺸﻪﻧﺒﻪ ﻛﯜﻧﻰ
ﻛﻪﭼﺘﻪ ﯞﻩ ﺷﻪﻧﺒﻪ ﻛﯜﻧﻰ ﭼﯜﺷﺘﯩﻦ ﺑﯘﺭﯗﻥ ﺑﻮﻟﯘﭖ 2 ﻗﯧﺘﯩﻢ ﺋﺎﺷﯘ ﻣﻪﻛﺘﻪﭘﻜﻪ
ﺋﺎﭘﺎﺭﺩﯨﻢ. ﺋﻮﻗﯘﺵ ﺗﺎﻣﺎﻣﻼﻧﻐﺎﻧﺪﺍ، ﻗﯩﺰﯨﻤﻨﻰ ﺭﻩﺳﻤﯩﻲ ﺗﯧﻠﯧﯟﯨﺰﯨﻴﻪ ﺋﺎﺭﺗﯩﺴﻰ
ﺗﺎﻟﻼﺷﻘﯩﻤﯘ ﺑﯩﺮ ﻗﺎﻧﭽﻪ ﻗﯧﺘﯩﻢ ﺋﺎﭘﺎﺭﺩﯨﻢ. ﺋﻪﻣﻤﺎ، ﻗﯩﺰﯨﻢ ﺗﺎﻟﻠﯩﻨﺎﻟﻤﯩﺪﻯ.
ﺋﺎﻣﯧﺮﯨﻜﯩﺪﺍ ﺗﯧﻠﯧﯟﯨﺰﯨﻴﻪ ﺋﯧﻼﻧﻠﯩﺮﯨﻐﺎ ﻗﺎﺗﻨﺎﺷﺘﯘﺭﯗﻟﯩﺪﯨﻐﺎﻧﻼﺭ ﺋﺎﺳﺎﺳﻪﻥ ﺋﺎﻕ
ﺗﻪﻧﻠﯩﻚ، ﻗﺎﺭﺍ ﺗﻪﻧﻠﯩﻚ ﯞﻩ ﺧﻪﻧﺰﯗ، ﻛﻮﺭﯨﻴﻪﻟﯩﻚ ﻗﺎﺗﺎﺭﻟﯩﻖ ﺋﺎﺳﯩﻴﺎﻟﯩﻘﻼﺭ ﺑﻮﻟﯘﭖ،
ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﺋﺎﻧﭽﻪ ﺗﺎﻟﻠﯩﻤﺎﻳﺪﯨﻜﻪﻥ. ﻟﯧﻜﯩﻦ، ﺷﯘﻧﯩﯖﺪﯨﻦ ﻛﯧﻴﯩﻦ
ﻗﯩﺰﯨﻤﻨﯩﯔ ﻛﯚﯕﻠﯩﺪﻩ ﺑﯘ ﺟﻪﻫﻪﺗﺘﻪ ﺑﯩﺮ ﺋﺎﺭﻣﺎﻥ ﻗﺎﻟﻤﯩﺪﻯ. ﺋﯘ ﺑﯩﺮ ﻗﯧﺘﯩﻢ ﺳﯩﻨﺎﭖ
ﺑﺎﻗﺘﻰ. ﺋﺎﻣﯧﺮﯨﻜﯩﺪﯨﻜﻰ ﺋﺎﻕ ﺗﻪﻧﻠﯩﻜﻠﻪﺭ ﻧﻪﭼﭽﻪ ﺑﺎﻟﯩﺴﻰ ﺑﻮﻟﺴﺎ ﺷﯘﻧﭽﻪ ﺑﺎﻟﯩﺴﯩﻨﻰ
ﻫﻪﺭ ﺧﯩﻞ ﺗﻪﻧﺘﻪﺭﺑﯩﻴﻪ ﺗﯜﺭﻟﯩﺮﯨﮕﻪ ﻗﺎﺗﻨﺎﺷﺘﯘﺭﯨﺪﯗ. ﺑﺎﺷﻼﻧﻐﯘﭼﺘﺎ ﺑﺎﻟﯩﻠﯩﺮﻯ ﺑﺎﺭ
ﺋﺎﻧﯩﻼﺭ ﺋﺎﺳﺎﺳﻪﻥ ﺋﯩﺸﻠﯩﻤﻪﻱ، ﺑﺎﻟﯩﻠﯩﺮﯨﻨﻰ ﻣﻪﻛﺘﻪﭘﻜﻪ، ﻣﻪﻛﺘﻪﭘﺘﯩﻦ ﻛﯧﻴﯩﻦ
ﻳﯘﻗﯩﺮﯨﻘﯩﺪﻩﻙ ﺗﻪﻧﺘﻪﺭﺑﯩﻴﻪ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺗﻮﺷﯘﺵ ﺑﯩﻠﻪﻥ ﺋﯚﺗﯩﺪﯗ. ﻫﻪﺭ ﺷﻪﻧﺒﻪ
ﯞﻩ ﻳﻪﻛﺸﻪﻧﺒﻪ ﻛﯜﻧﻠﯩﺮﻯ ﺑﺎﻟﯩﻠﯩﺮﯨﻨﻰ ﻳﯘﻗﯩﺮﯨﻘﻰ ﺗﻪﻧﺘﻪﺭﺑﯩﻴﻪ ﮔﯘﺭﯗﭘﭙﯩﻠﯩﺮﻯ
ﺋﺎﺭﯨﺴﯩﺪﺍ ﺋﯚﺗﻜﯜﺯﯛﻟﮕﻪﻥ ﻣﯘﺳﺎﺑﯩﻘﯩﻠﻪﺭﮔﻪ ﺋﺎﭘﯩﺮﯨﺪﯗ. ﺑﺎﻟﯩﻠﯩﺮﻯ ﻣﯘﺳﺎﺑﯩﻘﻪ
ﺋﻮﻳﻨﺎﻳﺪﯗ. ﺋﯚﺯﻟﯩﺮﻯ ﺑﻮﻟﺴﺎ ﺗﺎﻣﺎﺷﺎ ﻛﯚﺭﯨﺪﯗ. ﺑﯘ ﺋﯩﺶ ﺋﺎﻕ ﺗﻪﻧﻠﯩﻜﻠﻪﺭ ﺋﺎﺭﯨﺴﯩﺪﺍ
ﺧﯧﻠﯩﻼ ﺋﻮﻣﯘﻣﻼﺷﻘﺎﻥ. ﺋﯘﻧﯩﯖﺪﯨﻦ ﺑﺎﺷﻘﺎ، ﺋﺎﻕ ﺗﻪﻧﻠﯩﻜﻠﻪﺭ ﺋﯚﺯﻟﯩﺮﯨﻨﯩﯔ
ﺑﺎﻟﯩﻠﯩﺮﻯ 10 ﻧﻪﭼﭽﻪ ﻳﺎﺷﻘﺎ ﻛﯩﺮﮔﻪﻧﺪﻩ، ﺋﯘﻻﺭﻧﻰ ﺋﯩﻨﺘﺎﻳﯩﻦ ﭼﯩﯔ ﺗﯘﺗﯩﺪﯗ. ﺩﻩﻡ
ﺋﯧﻠﯩﺶ ﻛﯜﻧﻠﯩﺮﻯ ﻛﻪﭼﺘﻪ ﺩﻭﺳﺘﯩﻨﯩﯔ ﺋﯚﻳﯩﮕﻪ ﺑﺎﺭﻣﺎﻗﭽﻰ ﺑﻮﻟﺴﺎ، ﺋﺎﺗﺎ-ﺋﺎﻧﯩﻼﺭ
"ﻛﯩﻤﯩﯔ ﺋﯚﻳﯩﮕﻪ ﺑﺎﺭﯨﺴﻪﻥ؟ ﻧﯩﻤﻪ ﺋﯩﺶ ﻗﯩﻠﯩﺴﯩﻠﻪﺭ؟ ﺋﯘ ﺩﻭﺳﺘﯘﯕﻨﯩﯔ ﺗﯧﻠﯧﻔﻮﻥ
ﻧﻮﻣﯘﺭﻯ ﻗﺎﻧﭽﻪ؟ ﺳﺎﺋﻪﺕ ﻗﺎﻧﭽﯩﺪﻩ ﻗﺎﻳﺘﯩﭗ ﻛﯧﻠﯩﺴﻪﻥ؟ ﻛﻪﭺ ﺳﺎﺋﻪﺕ 10 ﻳﺎﻛﻰ 11 ﺩﯨﻦ
ﻛﯧﻴﯩﻦ ﻗﺎﻟﺴﺎﯓ ﻗﻪﺗﺌﯩﻲ ﺑﻮﻟﻤﺎﻳﺪﯗ" ﺩﯦﮕﻪﻥ ﺳﻮﺋﺎﻟﻼﺭﻧﻰ ﺳﻮﺭﺍﻳﺪﯗ ﯞﻩ ﺋﯚﺯﻯ
ﺑﻪﻟﮕﯩﻠﯩﮕﻪﻥ ﺗﯜﺯﯛﻣﻨﻰ ﺑﺎﻟﯩﺴﯩﻐﺎ ﺗﺎﭘﯩﻼﻳﺪﯗ. ﺋﺎﺭﯨﻠﯩﻘﺘﺎ ﺑﺎﻟﯩﺴﯩﻨﯩﯔ ﺩﻭﺳﺘﯩﻨﯩﯔ
ﺋﯚﻳﯩﮕﻪ ﺗﯧﻠﯧﻔﻮﻥ ﻗﯩﻠﯩﭗ، ﺑﺎﻟﯩﺴﯩﻨﯩﯔ ﺋﯘ ﻳﻪﺭﺩﻩ ﺭﺍﺳﺖ ﺑﺎﺭ-ﻳﻮﻗﻠﯘﻗﯩﻨﻰ ﺳﯜﺭﯛﺷﺘﻪ
ﻗﯩﻠﯩﺪﯗ. ﺑﺎﻟﯩﺴﻰ ﺋﯘ ﻳﻪﺭﺩﻩ ﻳﺎﻛﻰ ﻛﯩﻨﻮﺧﺎﻧﯩﺪﺍ ﻛﯩﻨﻮ ﻛﯚﺭﻣﻪﻛﭽﻰ ﺑﻮﻟﺴﺎ، ﻗﺎﻳﺴﻰ
ﻛﯩﻨﻮﻧﻰ ﻛﯚﺭﺳﻪ ﺑﻮﻟﯩﺪﯗ، ﻗﺎﻳﺴﯩﻨﻰ ﻛﯚﺭﺳﻪ ﺑﻮﻟﻤﺎﻳﺪﯗ، ﺋﯘﻧﻰ ﺑﻪﻟﮕﯩﻠﻪﭖ ﺑﯧﺮﯨﺪﯗ.
ﺩﻭﺳﺘﯩﻨﯩﯔ ﺋﯚﻳﯩﻨﯩﯔ ﺋﯩﮕﯩﺴﯩﻤﯘ ﺑﯘ ﺋﯩﺸﻨﻰ ﻧﺎﺯﺍﺭﻩﺕ ﻗﯩﻠﯩﺪﯗ. ﻣﻪﺳﯩﻠﻪﻥ، ﻣﯧﻨﯩﯔ
ﻗﯩﺰﯨﻢ ﺑﯩﺰﻧﯩﯔ ﺋﯚﻳﮕﻪ ﺑﯩﺮ ﺩﻭﺳﺘﯩﻨﻰ ﺑﺎﺷﻼﭖ ﻛﯧﻠﯩﭗ، ﺑﯩﺮﻩﺭ
DVD
ﻛﯩﻨﻮﺳﯩﻨﻰ ﺑﯩﺮﮔﻪ ﻛﯚﺭﻣﻪﻛﭽﻰ ﺑﻮﻟﺴﺎ، ﺑﯩﺰ ﺋﯘ ﻗﯩﺰﺩﯨﻦ "ﺋﺎﺗﺎ-ﺋﺎﻧﯩﯖﯩﺰﺩﯨﻦ ﺑﯘ
ﻛﯩﻨﻮﻧﻰ ﻛﯚﺭﯛﺷﻜﻪ ﺭﯗﺧﺴﻪﺕ ﺋﺎﻟﺪﯨﯖﯩﺰﻣﯘ؟" ﺩﻩﭖ ﺳﻮﺭﺍﭖ ﺑﺎﻗﯩﻤﯩﺰ. ﺑﯘ ﺟﻪﻫﻪﺗﺘﻪ
ﻳﯘﺭﺗﯩﻤﯩﺰﺩﯨﻜﻰ ﺋﯘﻳﻐﯘﺭ ﺟﻪﻣﺌﯩﻴﯩﺘﻰ ﻧﺎﻫﺎﻳﯩﺘﻰ ﺋﺎﺭﻗﯩﺪﺍ ﻗﺎﻟﻐﺎﻥ. ﺳﯩﺰ
ﻫﻪﭘﺘﯩﻤﯘ-ﻫﻪﭘﺘﻪ، ﺋﺎﻳﻤﯘ-ﺋﺎﻱ، ﻳﯩﻠﻤﯘ-ﻳﯩﻞ ﻫﻪﺭ ﺷﻪﻧﺒﻪ ﯞﻩ ﻳﻪﻛﺸﻪﻧﺒﻪ ﻛﯜﻧﻠﯩﺮﻯ
ﺗﻮﻱ، ﻧﻪﺯﯨﺮ، ﺋﻮﻟﺘﯘﺭﯗﺵ ﻗﺎﺗﺎﺭﻟﯩﻘﻼﺭﺩﺍ ﻳﯜﺭﮔﻪﻧﺪﻩ، ﺋﯚﻳﺪﻩ ﻗﺎﻟﻐﺎﻥ ﺑﺎﻟﯩﯖﯩﺰﻧﯩﯔ
ﻧﻪﺩﻩ، ﻛﯩﻢ ﺑﯩﻠﻪﻥ، ﻧﯧﻤﻪ ﺋﯩﺶ ﻗﯩﻠﯩﯟﺍﺗﻘﯩﻨﯩﻨﻰ ﺑﯩﻠﻪﻣﺴﯩﺰ؟ ﺑﯩﺮ ﻳﯩﻠﻨﯩﯔ ﺋﯩﭽﯩﺪﻩ
ﺋﯚﺯﯨﯖﯩﺰﻧﯩﯔ ﺑﺎﻟﯩﻠﯩﺮﻯ ﺑﯩﻠﻪﻥ ﻗﺎﻧﭽﻪ ﺷﻪﻧﺒﻪ ﯞﻩ ﻳﻪﻛﺸﻪﻧﺒﻪ ﻛﯜﻧﻠﯩﺮﯨﻨﻰ ﺑﯩﺮﮔﻪ
ﺋﯚﺗﻜﯜﺯﯛﭖ ﺑﺎﻗﺘﯩﯖﯩﺰ؟ ﻫﻪﻗﯩﻘﻪﺗﻪﻥ ﺗﻮﻱ-ﺋﻮﻟﺘﯘﺭﯗﺷﻼﺭ ﻛﯚﭘﯩﻨﭽﻪ ﯞﺍﻗﯩﺘﻼﺭﺩﺍ
ﺋﯚﻳﯩﯖﯩﺰﺩﻩ ﺑﺎﻟﯩﻠﯩﺮﯨﯖﯩﺰ ﺑﯩﻠﻪﻥ ﺑﯩﺮﮔﻪ ﺑﻮﻟﻐﺎﻥ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﻛﯚﭖ
ﻛﯚﯕﯜﻟﻠﯜﻙ ﺑﻮﻟﯩﺪﯗ. ﺗﻮﻱ-ﺋﻮﻟﺘﯘﺭﯗﺷﻼﺭ ﻛﯚﯕﯜﻝ ﺋﯧﭽﯩﺶ ﭘﺎﺋﺎﻟﯩﻴﻪﺗﻠﯩﺮﻯ. ﺑﺎﻻ
ﺗﻪﺭﺑﯩﻴﯩﻠﻪﺵ ﺑﯩﺮ ﺟﺎﭘﺎﻟﯩﻖ ﺋﯩﺶ. ﻟﯧﻜﯩﻦ، ﺑﺎﻟﯩﻐﺎ ﺋﻮﺑﺪﺍﻥ ﻗﺎﺭﯨﻤﺎﻱ، ﺑﺎﻟﯩﻨﻰ
ﺋﻮﺑﺪﺍﻥ ﺗﻪﺭﺑﯩﻴﯩﻠﯩﻤﻪﻱ، ﺑﺎﻻ ﻳﻮﻟﺪﯨﻦ ﺋﯧﺰﯨﭗ، ﺋﺎﻕ ﭼﯧﻜﯩﻤﻠﯩﻜﻜﻪ ﺋﯚﮔﯩﻨﯩﭗ ﻗﯧﻠﯩﭗ
ﻳﺎﻛﻰ ﺟﯩﻨﺎﻳﻪﺕ ﺋﯚﺗﻜﯜﺯﯛﭖ، ﺗﯜﺭﻣﯩﮕﻪ ﻛﯩﺮﯨﭗ ﻗﺎﻟﻐﺎﻧﺪﺍ، ﻳﻪﻧﯩﻼ ﻫﯧﻠﯩﻘﻰ
ﺗﻮﻱ-ﺋﻮﻟﺘﯘﺭﯗﺷﺘﯩﻜﻰ ﯞﺍﻗﯩﺘﻼﺭﺩﯨﻜﯩﺪﻩﻙ ﺧﯘﺷﺎﻝ-ﺧﻮﺭﺍﻡ، ﺑﻪﺧﺘﻠﯩﻚ ﺋﯚﺗﻪﻟﻪﻳﺪﯨﻐﺎﻥ
ﺋﺎﺗﺎ-ﺋﺎﻧﯩﻼﺭﺩﯨﻦ ﺑﯩﺮﻩﺭﻧﻰ ﻛﯚﺭﯛﭖ ﺑﺎﻗﺘﯩﯖﯩﺰﻣﯘ؟ ﺑﯘ ﺩﯗﻧﻴﺎﺩﺍ ﺋﯘﻧﺪﺍﻕ
ﺋﺎﺗﺎ-ﺋﺎﻧﯩﻨﻰ ﺋﺎﺳﺎﺳﻪﻥ ﺗﺎﭘﺎﻟﻤﺎﻳﺴﯩﺰ. ﻣﯩﻠﻠﻪﺗﻨﯩﯔ ﺳﯜﭘﯩﺘﯩﻨﻰ ﺋﯚﺳﺘﯜﺭﯛﺷﻨﻰ
ﺑﺎﻟﯩﻼﺭﻧﻰ ﻳﺎﺧﺸﻰ ﺗﻪﺭﺑﯩﻴﯩﻠﻪﺷﺘﯩﻦ ﺑﺎﺷﻼﺵ ﻛﯧﺮﻩﻙ. ﺑﺎﻟﯩﻼﺭﻧﻰ ﻳﺎﺧﺸﻰ
ﺗﻪﺭﺑﯩﻴﯩﻠﻪﺵ ﺋﯜﭼﯜﻥ، ﻫﺎﺯﯨﺮ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﺪﻩ ﺋﻪﯞﺝ ﺋﯧﻠﯩﭗ ﻛﻪﺗﻜﻪﻥ
ﻫﻪﺷﻪﻣﻪﺗﻠﯩﻚ ﺗﻮﻱ-ﺗﯚﻛﯜﻥ، ﭼﺎﻱ-ﺋﻮﻟﺘﯘﺭﯗﺷﻼﺭﻧﯩﯔ ﺳﺎﻧﯩﻨﻰ ﺯﻭﺭ ﺩﻩﺭﯨﺠﯩﺪﻩ
ﺋﺎﺯﺍﻳﺘﯩﺶ ﻛﯧﺮﻩﻙ. ﻣﻪﻥ ﻳﯘﻗﯩﺮﯨﺪﺍ ﺋﯧﻴﺘﯩﭗ ﺋﯚﺗﯜﭖ ﻛﻪﺗﻜﻪﻧﺪﻩﻙ، ﺋﺎﺗﺎ-ﺋﺎﻧﯩﻼﺭ
ﺋﯜﭼﯜﻥ ﺑﺎﻟﯩﻼﺭ ﺋﻪﯓ ﻣﯘﻫﯩﻢ. ﺑﺎﻻ ﺳﯩﻠﻪﺭﻧﯩﯔ ﺑﺎﺭﻟﯩﻘﯩﯖﻼﺭ. ﻣﯧﻨﯩﯔ ﺑﯩﺮ ﻳﯧﻘﯩﻦ
ﻳﻪﻫﯘﺩﯨﻲ ﺩﻭﺳﺘﯘﻡ ﺑﺎﺭ. ﺋﯘ ﻛﯩﭽﯩﻚ ﯞﺍﻗﺘﯩﺪﺍ، ﺩﺍﺩﯨﺴﻰ ﻣﺎﺋﺎﺷﻰ ﻳﯘﻗﯩﺮﻯ ﺋﻪﻣﻪﺱ
ﺧﯩﺰﻣﻪﺗﺘﯩﻦ ﺋﯩﻜﻜﯩﻨﻰ ﺋﯩﺸﻠﻪﭖ، ﺋﻮﻏﻠﯩﻨﻰ ﺑﺎﻛﺎﻻﯞﺭﻟﯩﻖ ﺋﯜﭼﯜﻥ ﻳﯩﻠﯩﻐﺎ 30-40 ﻣﯩﯔ
ﺩﻭﻟﻼﺭ ﺋﻮﻗﯘﺵ ﭘﯘﻟﻰ ﺗﯚﻟﻪﻳﺪﯨﻐﺎﻥ، ﺩﯗﻧﻴﺎ ﺑﻮﻳﯩﭽﻪ 4-5- ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ
MIT
ﺋﯘﻧﯩﯟﯦﺮﯨﺴﯩﺘﯧﺘﯩﺪﺍ ﺋﻮﻗﯘﺗﯘﭘﺘﯘ. ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺋﯜﭼﯜﻥ ﻛﺎﻟﻔﻮﺭﻧﯩﻴﻪ
ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ
Berkeley
ﺷﯚﺑﯩﺴﯩﺪﻩ ﺋﻮﻗﯘﺗﯘﭘﺘﯘ. ﻳﻪﻫﯘﺩﯨﻴﻼﺭ ﺋﯚﺯﻟﯩﺮﻯ ﻫﻪﻣﻤﻪ ﻫﺎﻻﯞﻩﺗﺘﯩﻦ ﯞﺍﺯ ﻛﯧﭽﯩﭗ،
ﺑﺎﻟﯩﻠﯩﺮﯨﻨﻰ ﺋﻪﯓ ﻳﯘﻗﯩﺮﻯ ﺳﻪﯞﯨﻴﻪﻟﯩﻚ ﻣﻪﻛﺘﻪﭘﻠﻪﺭﺩﻩ ﻫﻪﻣﺪﻩ ﺩﯗﻧﻴﺎﺩﯨﻜﻰ ﺋﻪﯓ
ﻗﯩﻴﯩﻦ ﻛﻪﺳﭙﻠﻪﺭﺩﻩ ﺋﻮﻗﯘﺗﻘﺎﭼﻘﺎ، ﺋﯘﻻﺭ ﻫﺎﺯﯨﺮ ﻣﻪﻟﯘﻡ ﻣﻪﻧﯩﺪﯨﻦ ﺋﯧﻠﯩﭗ
ﺋﯧﻴﺘﻘﺎﻧﺪﺍ ﺑﯘ ﺩﯗﻧﻴﺎﻧﻰ ﺳﻮﺭﺍﯞﺍﺗﯩﺪﯗ. ﻫﺎﺯﯨﺮ ﺋﯩﺴﺮﺍﻟﯩﻴﻪ ﺋﺎﻫﺎﻟﯩﺴﯩﻨﯩﯔ٪
25 ﺗﻰ ﺋﯩﻨﮋﯨﻨﯧﺮ ﺋﯩﻜﻪﻥ. ﻳﺎﭘﻮﻧﻠﯘﻕ ﺋﺎﻳﺎﻟﻼﺭﻧﯩﯔ ﺧﯩﺰﻣﻪﺕ ﻗﯩﻠﻤﺎﻱ، ﺑﺎﻟﯩﻠﯩﺮﯨﻨﻰ
ﻗﺎﻧﺪﺍﻕ ﺑﺎﻗﯩﺪﯨﻐﺎﻧﻠﯩﻘﯩﻨﻰ ﻫﻪﻣﻤﯩﻤﯩﺰ ﺑﯩﻠﯩﻤﯩﺰ. ﺷﯘﯕﺎ ﺋﯘﻻﺭ ﻫﺎﺯﯨﺮ ﺋﯩﻘﺘﯩﺴﺎﺩﯨﻲ
ﺟﻪﻫﻪﺗﺘﻪ ﺩﯗﻧﻴﺎﻧﻰ ﺳﻮﺭﺍﯞﺍﺗﯩﺪﯗ. ﺋﯘﻳﻐﯘﺭﻻﺭ ﺑﯘ ﺟﻪﻫﻪﺗﺘﻪ ﺋﻮﻳﻠﯩﻨﯩﺸﻰ ﻛﯧﺮﻩﻙ.
ﻗﺎﺗﺘﯩﻖ ﺋﻮﻳﻠﯩﻨﯩﺸﻰ ﻛﯩﺮﻩﻙ. ﻫﻪﻣﺪﻩ ﺩﻩﺭﻫﺎﻝ ﺋﻮﻳﻐﯩﻨﯩﺸﻰ ﻛﯧﺮﻩﻙ.
ﺑﺎﺵ ﺑﻪﺗﻜﻪ ﻗﺎﻳﺘﯩﺶ | 
