5-ﺑﯚﻟﯜﻡ

12-ﺳﻮﺋﺎﻝ: ﭼﻪﺕ ﺋﻪﻝ ﻳﺎﺷﻠﯩﺮﯨﻨﯩﯔ ﺋﯚﺯﻟﯜﻛﺴﯩﺰ ﺋﯚﮔﯩﻨﯩﺶ-ﺋﯩﺰﺩﯨﻨﯩﺶ ﺭﻭﻫﻰ ﻫﻪﻗﻘﯩﺪﻩ ﺳﯚﺯﻟﻪﭖ ﺑﻪﺭﺳﯩﯖﯩﺰ؟

   ﺟﺎﯞﺍﺏ: ﭼﻪﺗﺌﻪﻝ ﻳﺎﺷﻠﯩﺮﯨﻨﯩﯔ ﯙﺯﻟﯩﻜﺴﯩﺰ ﺋﯚﮔﯩﻨﯩﺶ-ﺋﯩﺰﺩﯨﻨﯩﺶ ﺭﯗﻫﻰ ﺗﻮﻏﺮﯨﺴﯩﺪﺍ ﺳﯚﺯ ﺋﯧﭽﯩﺸﺘﯩﻦ ﺑﯘﺭﯗﻥ،  ﻣﻪﻥ ﺋﺎﻟﺪﻯ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﺋﺎﻟﯩﻲ ﺩﻩﺭﯨﺠﯩﻠﯩﻚ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ، ﻫﻪﻣﺪﻩ ﺋﻮﻗﯘﺵ ﺑﯩﻠﻪﻥ ﻛﻪﻟﮕﯜﺳﯩﺪﯨﻜﻰ ﺧﯩﺰﻣﻪﺕ، ﻛﯩﺮﯨﻤﻨﯩﯔ ﻣﯘﻧﺎﺳﯩﯟﯨﺘﻰ ﺗﻮﻏﺮﯨﺴﯩﺪﺍ ﻗﯩﺴﻘﯩﭽﻪ ﺗﻮﺧﺘﯩﻠﯩﭗ ﺋﯚﺗﻪﻱ. ﻣﻪﻥ ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻥ 16 ﻳﯩﻠﺪﯨﻦ ﺑﯘﻳﺎﻥ ﭘﻪﻗﻪﺕ ﻛﺎﻟﯩﻔﻮﺭﻧﯩﻴﻪﺩﯨﻼ ﺗﯘﺭﻏﺎﻥ ﺑﻮﻟﻐﺎﭼﻘﺎ، ﻳﯘﻗﯩﺮﯨﻘﻰ ﺋﯩﺸﻼﺭﺩﺍ ﻛﺎﻟﯩﻔﻮﺭﻧﯩﻴﻪﻧﯩﯔ ﺋﻪﻫﯟﺍﻟﯩﻨﻰ ﺳﻪﻝ ﻳﺎﺧﺸﯩﺮﺍﻕ ﺑﯩﻠﯩﻤﻪﻥ. ﺷﯘﯕﺎ ﻣﻪﻥ ﻛﺎﻟﯩﻔﻮﺭﻧﯩﻴﻪﻧﻰ ﻣﯩﺴﺎﻟﻐﺎ ﺋﯧﻠﯩﺸﻨﻰ ﻻﻳﯩﻖ ﻛﯚﺭﺩﯛﻡ.
  ﺋﺎﻣﯧﺮﯨﻜﯩﻨﯩﯔ ﻧﻮﭘﯘﺳﻰ 300 ﻣﯩﻠﻴﻮﻥ ﺋﻪﺗﯩﺮﺍﭘﯩﺪﺍ ﺑﻮﻟﯘﭖ، ﺋﯘﻧﯩﯔ ﺋﯩﭽﯩﺪﻩ ﻛﺎﻟﯩﻔﻮﺭﻧﯩﻴﻪﻧﯩﯔ ﻧﻮﭘﯘﺱ ﺳﺎﻧﻰ ﺋﯘﻧﯩﯔ 10 ﺩﯨﻦ ﺑﯩﺮ ﻗﯩﺴﻤﯩﻐﺎ، ﻳﻪﻧﻰ 35 ﻣﯩﻠﻴﻮﻧﻐﺎ ﺗﻮﻏﺮﺍ ﻛﯧﻠﯩﺪﯗ. ﻟﯧﻜﯩﻦ، ﻛﺎﻟﯩﻔﻮﺭﻧﯩﻴﻪﻧﯩﯔ ﻳﯩﻠﻠﯩﻖ ﺋﯩﻘﺘﯩﺴﺎﺩﯨﻲ ﻛﯩﺮﯨﻤﻰ ﺋﺎﻣﯧﺮﯨﻜﯩﻨﯩﯔ ﺩﯙﻟﻪﺕ ﻳﯩﻠﻠﯩﻖ ﺋﯩﻘﺘﯩﺴﺎﺩﯨﻲ ﻛﯩﺮﯨﻤﯩﻨﯩﯔ 5 ﺗﯩﻦ ﺑﯩﺮ ﻗﯩﺴﻤﯩﻨﻰ ﺗﻪﺷﻜﯩﻞ ﻗﯩﻠﯩﺪﯗ. ﺋﺎﻣﯧﺮﯨﻜﯩﺪﺍ 50 ﺷﯩﺘﺎﺕ ﺑﻮﻟﻐﯩﻨﻰ ﺑﯩﻠﻪﻥ، ﭘﻪﻗﻪﺕ ﻛﺎﻟﯩﻔﻮﺭﻧﯩﻴﻪﻻ ﺋﺎﻣﯧﺮﯨﻜﺎ ﺋﯩﻘﺘﯩﺴﺎﺩﯨﻲ ﻛﯩﺮﯨﻤﯩﯔ 20 ﭘﻪﺭﺳﻪﻧﺘﺘﯩﻦ ﻛﯚﭘﯩﻨﻰ ﻳﺎﺭﯨﺘﯩﺪﯗ. ﻳﻪﻧﻰ، ﻛﺎﻟﯩﻔﻮﺭﻧﯩﻴﻪ ﺋﺎﻣﯧﺮﯨﻜﺎ ﺑﻮﻳﯩﭽﻪ ﺋﺎﻟﯩﻲ ﻣﺎﺋﺎﺭﯨﭗ ﯞﻩ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺳﺎﻧﺎﺋﻪﺕ ﻗﺎﺗﺎﺭﻟﯩﻘﻼﺭﻧﯩﯔ ﻫﻪﻣﻤﯩﺴﯩﺪﻩ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺋﻪﯓ ﺋﺎﻟﺪﯨﺪﺍ ﺗﯘﺭﯨﺪﯗ.
 ﻛﺎﻟﯩﻔﻮﺭﻧﯩﻴﻪﺩﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﻰ ﺟﻪﻣﺌﻰ 4 ﺗﯜﺭﮔﻪ ﺋﺎﻳﺮﯨﺶ ﻣﯘﻣﻜﯩﻦ:
1)  ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ. ﺑﯘ ﻣﻪﻛﺘﻪﭘﻨﯩﯔ ﺟﻪﻣﺌﯩﻲ 10 ﺷﯚﺑﯩﺴﻰ ﺑﺎﺭ ﺑﻮﻟﯘﭖ، ﻫﻪﺭ ﺑﯩﺮﺳﯩﺪﻩ 20 ﻣﯩﯔ ﺋﻪﺗﺮﺍﭘﯩﺪﺍ ﺋﻮﻗﯘﻏﯘﭼﻰ ﺑﺎﺭ. ﺑﯘ ﻣﻪﻛﺘﻪﭘﻠﻪﺭﮔﻪ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ ﺋﻮﻗﯘﻏﯘﭼﯩﻼﺭﻧﯩﯔ ﺋﯩﭽﯩﺪﯨﻜﻰ ﺋﻪﯓ ﻳﺎﺧﺸﻰ ﺋﻮﻗﯘﻏﺎﻥ 12.5 ﭘﯩﺮﺳﻪﻧﺖ ﺋﺎﺩﻩﻣﻨﻰ ﺋﺎﻟﯩﺪﯗ. ﺑﺎﻛﻼﯞﯨﺮ ، ﻣﺎﮔﯩﺴﺘﯧﺮﻟﯩﻖ ﯞﻩ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ ﺑﯧﺮﻩﻟﻪﻳﺪﯗ. ﺋﯘﻻﺭ ﺗﻪﺗﻘﯩﻘﺎﺕ ﺑﯩﻠﻪﻥ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺗﯧﺨﻨﯩﻜﯩﻠﯩﻖ ﺧﺎﺩﯨﻤﻼﺭﻧﻰ ﻳﯧﺘﯩﺸﺘﯜﺭﯛﺷﻨﻰ ﺋﯚﺯﯨﻨﯩﯔ ﺋﻮﺧﺸﺎﺵ ﻧﯩﺸﺎﻧﯩﺴﻰ ﻗﯩﻠﻐﺎﻥ ﻣﻪﻛﺘﻪﭘﻠﻪﺭﺩﯗﺭ.
2)  ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﻰ. ﺋﯘﻧﯩﯔ ﺟﻪﻣﺌﯩﻲ 22 ﺷﯚﺑﯩﺴﻰ ﺑﺎﺭ ﺑﻮﻟﯘﭖ، ﻫﻪﺭ ﺑﯩﺮﻧﯩﯔ ﺋﻮﻗﯘﻏﯘﭼﻰ ﺳﺎﻧﻰ 30 ﻣﯩﯔ ﺋﻪﺗﺮﺍﭘﯩﺪﺍ. ﺋﻪﯓ ﻳﺎﺧﺸﻰ ﺋﻮﻗﯘﻏﺎﻥ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ 33 ﭘﯩﺮﺳﻪﻧﺘﻰ ﺑﯘ ﻣﻪﻛﺘﻪﭘﻠﻪﺭﮔﻪ ﻛﯩﺮﻩﻟﻪﻳﺪﯗ. ﺑﺎﻛﻼﯞﯨﺮ ﯞﻩ ﻣﺎﮔﯩﺴﺘﯧﺮﻟﯩﻖ ﺋﯘﻧﯟﺍﻧﻠﯩﺮﯨﻨﻰ ﺑﯧﺮﻩﻟﻪﻳﺪﯗ. ﺋﯘﻻﺭ ﺋﻮﻗﯘﺗﯘﺷﻨﻰ ﺋﺎﺳﺎﺱ ﻗﯩﻠﻐﺎﻥ ﺑﻮﻟﯘﭖ، ﻛﺎﻟﯩﻔﻮﺭﻧﯩﻴﻪﻧﯩﯔ ﺋﺎﺳﺎﺳﻠﯩﻖ ﺋﻮﺗﺘﯘﺭﺍ ﯞﻩ ﻳﯘﻗﯘﺭﻯ ﺩﻩﺭﯨﺠﯩﻠﯩﻚ ﺗﯧﺨﻨﯩﻜﯩﻠﯩﻖ ﺧﺎﺩﯨﻤﻠﯩﺮﯨﻨﻰ ﻳﯧﺘﯩﺸﺘﯜﺭﯨﺪﯗ.
3)  ﺟﻪﻣﺌﯩﻴﻪﺕ ﺋﯩﻨﺴﺘﯩﺘﯘﺗﻠﯩﺮﻯ (ﺋﯩﻨﮕﻠﯩﺰﭼﻪ "Community College" ﺩﻩﭖ ﺋﺎﺗﯩﻠﯩﺪﯗ). ﺋﯘﻧﯩﯔ ﺟﻪﻣﺌﯩﻲ 106 ﺷﯚﺑﯩﺴﻰ ﺑﺎﺭ ﺑﻮﻟﯘﭖ، ﺋﯘﻧﯩﯖﺪﺍ ﺋﻮﻗﯘﻳﺎﻟﯩﻐﯩﺪﻩﻙ ﺋﯩﻘﺘﯩﺪﺍﺭﻯ ﺑﺎﺭ، ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﮔﻪﻧﻠﻪﺭﻧﯩﯔ ﻫﻪﻣﻤﯩﺴﻰ ﺑﯘ ﻣﻪﻛﺘﻪﭘﻠﻪﺭﮔﻪ ﻛﯩﺮﻩﻟﻪﻳﺪﯗ. ﺋﻮﻗﯘﺵ ﻣﯘﺩﺩﯨﺘﻰ 2 ﻳﯩﻞ ﺑﻮﻟﯘﭖ، 2 ﻳﯩﻠﺪﯨﻦ ﻛﯧﻴﯩﻦ ﺋﯩﻨﮕﻠﯩﺰﭼﯩﺪﻩ "Associate in Art" ﯞﻩ "Associate in Science" ﺩﻩﭖ ﺋﺎﺗﯩﻠﯩﺪﯨﻐﺎﻥ "ﻛﺎﻧﺪﯨﺪﺍﺕ ﺑﺎﻛﻼﯞﯨﺮ " ﺋﯘﻧﯟﺍﻧﻰ ﺑﯩﻠﻪﻥ ﺋﻮﻗﯘﺵ ﭘﯜﺗﺘﯜﺭﺳﯩﻤﯘ ﺑﻮﻟﯩﺪﯗ. ﻳﺎﻛﻰ ﺑﻮﻟﻤﯩﺴﺎ، ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ ﻳﺎﻛﻰ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﯩﻐﺎ ﻳﯚﺗﻜﯩﻠﯩﭗ، ﻳﻪﻧﻪ 2 ﻳﯩﻞ ﺋﻮﻗﯘﭖ، ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺋﺎﻟﺴﯩﻤﯘ ﺑﻮﻟﯩﺪﯗ. ﻫﻪﺭ ﺑﯩﺮ ﻣﻪﻛﺘﻪﭘﺘﯩﻜﻰ ﺋﻮﻗﯘﻏﯘﭼﯩﻨﯩﯔ ﺳﺎﻧﻰ 15 ﻣﯩﯔ ﺋﻪﺗﺮﺍﭘﯩﺪﺍ ﺑﻮﻟﯘﭖ، ﺋﻮﻗﯘﺵ ﭘﯘﻟﻰ ﻳﯘﻗﯩﺮﯨﻘﻰ ﻗﺎﻟﻐﺎﻥ 2 ﺗﯜﺭﮔﻪ ﻗﺎﺭﯨﻐﺎﻧﺪﺍ ﻛﯚﭖ ﺋﻪﺭﺯﺍﻥ. ﺷﯘﯕﺎ ﺋﯩﻘﺘﯩﺴﺎﺩﯨﻲ ﻗﯩﻴﯩﻨﭽﯩﻠﯩﻘﻰ ﺑﺎﺭ ﻧﯘﺭﻏﯘﻥ ﺋﻮﻗﯘﻏﯘﭼﻰ ﺩﻩﺳﻠﻪﭘﻜﻰ 2 ﻳﯩﻠﻨﻰ ﻣﯘﺷﯘ ﻣﻪﻛﺘﻪﭘﻠﻪﺭﻧﯩﯔ ﺑﯩﺮﯨﺪﻩ ﺋﻮﻗﯘﭖ، ﺋﺎﻧﺪﯨﻦ 4 ﻳﯩﻠﻠﯩﻖ ﺋﺎﻟﯩﻲ ﻣﻪﻛﺘﻪﭘﻜﻪ ﻳﯚﺗﻜﯩﻠﯩﺪﯗ.
4) ﺧﯘﺳﯘﺳﯩﻲ ﺋﺎﻟﯩﻲ ﻣﻪﻛﺘﻪﭘﻠﻪﺭ. ﺑﯘ ﺋﯩﻘﺘﯩﺴﺎﺩﯨﻲ ﺭﺍﺳﺨﻮﺩﻧﻰ ﺷﯩﺘﺎﺕ ﻳﺎﻛﻰ ﺩﯙﻟﻪﺗﺘﯩﻦ ﺋﺎﻟﻤﺎﻳﺪﯨﻐﺎﻥ ﻣﻪﻛﺘﻪﭘﻠﻪﺭ ﺑﻮﻟﯘﭖ، ﻛﺎﻟﯩﻔﻮﺭﻧﯩﻴﻪ ﺧﯘﺳﯘﺳﯩﻲ ﺋﺎﻟﯩﻲ ﻣﻪﻛﺘﻪﭘﻠﯩﺮﻯ ﺑﯩﺮﻟﻪﺷﻤﯩﺴﻰ ﻗﺎﺭﯨﻤﯩﻘﯩﺪﺍ 77 ﺋﺎﻟﯩﻲ ﻣﻪﻛﺘﻪﭖ ﺑﺎﺭ ﺋﯩﻜﻪﻥ. ﺑﯘ ﻣﻪﻛﺘﻪﭘﻠﻪﺭﻧﯩﯔ ﺋﯩﭽﯩﺪﻩ ﺩﯗﻧﻴﺎﻏﺎ ﺩﺍﯕﻠﯩﻖ ﻣﻪﻛﺘﻪﭘﻠﻪﺭﺩﯨﻦ Stanford, Caltech ﯞﻩ ﺟﻪﻧﯘﺑﯩﻲ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﻰ (ﺋﯩﻨﮕﻠﯩﺰﭼﻪ "University of Southern California" ﺩﻩﭖ ﺋﺎﺗﯩﻠﯩﺪﯗ) ﻗﺎﺗﺎﺭﻟﯩﻘﻼﺭ ﺑﺎﺭ.
  ﻣﻪﻥ ﻳﯘﻗﯘﺭﯨﺪﺍ ﺗﯩﺰﻏﺎﻥ ﻣﻪﻛﺘﻪﭘﻠﻪﺭﻧﯩﯔ ﺳﺎﻧﯩﻨﻰ ﻗﻮﺷﻘﺎﻧﺪﺍ، ﺋﯘ ﺟﻪﻣﺌﻰ 215 ﺋﺎﻟﯩﻲ ﻣﻪﻛﺘﻪﭖ ﺑﻮﻟﯩﺪﯗ. ﻛﺎﻟﯩﻔﻮﺭﻧﯩﻴﻪﺩﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﻧﯩﯔ ﺋﻪﻣﻪﻟﯩﻲ ﺳﺎﻧﻰ ﺑﯘﻧﯩﯖﺪﯨﻨﻤﯘ ﻳﯘﻗﯩﺮﻯ ﺑﻮﻟﯘﺷﻰ ﻣﯘﻣﻜﯩﻦ. 35 ﻣﯩﻠﻴﻮﻥ ﻧﻮﭘﯘﺳﻰ ﺑﺎﺭ ﺑﯩﺮ ﺷﯩﺘﺎﺗﺘﺎ 215 ﺋﺎﻟﯩﻲ ﻣﻪﻛﺘﻪﭘﻨﯩﯔ ﺑﺎﺭﻟﯩﻘﻰ، ﻛﯩﺸﯩﻨﻰ ﻫﻪﻗﯩﻘﻪﺗﻪﻧﻤﯘ ﻫﻪﻳﺮﺍﻥ ﻗﺎﻟﺪﯗﺭﯨﺪﯗ. ﺩﯗﻧﻴﺎﺩﺍ ﺑﯘﻧﯩﯖﻐﺎ ﻳﯧﻘﯩﻦ ﻛﯧﻠﯩﺪﯨﻐﺎﻥ ﺑﺎﺷﻘﺎ ﺑﯩﺮ ﺩﯙﻟﻪﺕ ﻳﺎﻛﻰ ﺭﺍﻳﻮﻥ ﺑﻮﻟﻤﺎﺳﻠﯩﻘﻰ ﻣﯜﻣﻜﯩﻦ. ﺑﯘ ﭘﺎﻛﯩﺖ ﻫﺎﺯﯨﺮ ﻧﯧﻤﻪ ﺋﯜﭼﯜﻥ ﻛﺎﻟﯩﻔﻮﺭﻧﯩﻴﻪﻧﯩﯔ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺩﯙﻟﻪﺗﻠﻪﺭ ﯞﻩ ﺭﺍﻳﻮﻧﻼﺭ ﺋﯩﭽﯩﺪﯨﻜﻰ ﺋﯩﻘﺘﯩﺴﺎﺩﯨﻲ ﻛﯩﺮﯨﻤﻰ 5-ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺑﯩﺮ ﺭﺍﻳﻮﻥ ﺑﻮﻻﻟﯩﻐﺎﻧﻠﯩﻘﯩﻨﻰ ﻣﻪﻟﯘﻡ ﺩﻩﺭﯨﺠﯩﺪﻩ ﭼﯜﺷﻪﻧﺪﯛﺭﯛﭖ ﺑﯩﺮﻩﻟﻪﻳﺪﯗ.
  ﺋﺎﻣﯧﺮﯨﻜﯩﺪﺍ ﺋﻮﻗﯘﻏﺎﻥ ﺑﯩﻠﻪﻥ ﺋﻮﻗﯩﻤﯩﻐﺎﻧﻼﺭﻧﯩﯔ ﻣﺎﺋﺎﺷﻰ ﺋﯩﻨﺘﺎﻳﯩﻦ ﭼﻮﯓ ﭘﻪﺭﻗﻠﯩﻨﯩﺪﯗ. ﻛﺎﻟﯩﻔﻮﺭﻧﯩﻴﻪ ﺋﺎﻣﯧﺮﯨﻜﺎ ﺑﻮﻳﯩﭽﻪ ﻛﯩﺮﯨﻢ ﯞﻩ ﺗﯘﺭﻣﯘﺵ ﺳﻪﯞﯨﻴﯩﺴﻰ ﺋﻪﯓ ﻳﯘﻗﯩﺮﻯ ﺑﻮﻟﻐﺎﻥ ﺷﯩﺘﺎﺕ ﺑﻮﻟﯘﭖ، ﺑﯘ ﺷﯩﺘﺎﺗﺘﯩﻜﻰ ﻛﯩﺸﯩﻠﻪﺭﻧﯩﯔ ﻣﺎﺋﺎﺷﯩﻤﯘ ﻳﯘﻗﯩﺮﻯ، ﻧﻪﺭﺳﯩﻠﻪﺭﻧﯩﯔ، ﺑﻮﻟﯘﭘﻤﯘ ﺋﯚﻳﻨﯩﯔ ﺑﺎﻫﺎﺳﯩﻤﯘ ﻫﻪﻣﻤﯩﺪﯨﻦ ﻳﯘﻗﯩﺮﻯ. ﻣﻪﺳﯩﻠﻪﻥ، ﻳﯧﻘﯩﻨﻘﻰ ﺑﯩﺮ ﺩﻭﻛﻼﺗﻘﺎ ﺋﺎﺳﺎﺳﻼﻧﻐﺎﻧﺪﺍ، ﻟﻮﺱ-ﺋﺎﻧﮋﯨﻠﯩﺲ ﻧﺎﻫﯩﻴﯩﺴﯩﺪﯨﻜﻰ ﺋﯚﻳﻨﯩﯔ ﺋﻮﺗﺘﯘﺭﯨﭽﻪ ﺑﺎﻫﺎﺳﻰ 450 ﻣﯩﯔ ﺩﻭﻟﻼﺭ ﺋﻪﺗﺮﺍﭘﯩﺪﺍ ﺋﯩﻜﻪﻥ. ﺑﯘ ﺩﯦﮕﻪﻧﻠﯩﻚ ﻳﯧﻘﯩﻨﺪﺍ ﻟﻮﺱ -ﺋﺎﻧﮋﯨﻠﯩﺲ ﻧﺎﻫﯩﻴﯩﺴﯩﺪﻩ ﺳﯧﺘﯩﻠﻐﺎﻥ ﺋﯚﻳﻠﻪﺭﻧﯩﯔ ﻳﯧﺮﯨﻤﯩﻨﯩﯔ ﺑﺎﻫﺎﺳﻰ 450 ﻣﯩﯔ ﺩﻭﻟﻼﺭﺩﯨﻦ ﺗﯚﯞﻩﻥ، ﻗﺎﻟﻐﺎﻥ ﻳﯧﺮﯨﻤﯩﻨﯩﯔ ﺑﺎﻫﺎﺳﻰ 450 ﻣﯩﯔ ﺩﻭﻟﻼﺭﺩﯨﻦ ﻳﯘﻗﯩﺮﻯ ﺩﯦﮕﻪﻧﻠﯩﻜﺘﯩﻦ ﺋﯩﺒﺎﺭﻩﺕ. ﺋﯩﺠﺎﺭﯨﮕﻪ ﺑﯧﺮﯨﻠﯩﺪﯨﻐﺎﻥ 2ﺋﯧﻐﯩﺰﻟﯩﻖ ﻳﺎﺗﺎﻗﻨﯩﯔ ﺑﯩﺮ ﺋﺎﻳﻠﯩﻖ ﺋﯩﺠﺎﺭﯨﺴﯩﻤﯘ 1000-1800 ﺩﻭﻟﻼﺭ ﺩﺍﺋﯩﺮﯨﺴﯩﺪﻩ. ﺋﯧﻠﯧﻜﺘﯩﺮ، ﻳﯘﻣﺸﺎﻕ ﺩﯦﺘﺎﻝ، ﻣﯧﻬﺎﻧﯩﻜﺎ، ﺧﯩﻤﯩﻴﻪ، ﯞﻩ ﺑﯩﺌﻮﻟﻮﮔﯩﻴﻪ ﻗﺎﺗﺎﺭﻟﯩﻖ ﺳﺎﻫﻪﺩﯨﻜﻰ ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻣﯩﻐﺎﻥ ﺗﯧﺨﻨﯩﻜﻼﺭ ﯞﻩ ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﺋﯩﻨﮋﯨﻨﯩﺮﻻﺭﻧﯩﯔ ﻳﯧﯖﻰ ﺧﯩﺰﻣﻪﺗﻜﻪ ﻛﯩﺮﮔﻪﻥ ﯞﺍﻗﺘﯩﺪﯨﻜﻰ ﺋﻮﺗﺘﯘﺭﯨﭽﻪ ﺳﺎﺋﻪﺗﻠﯩﻚ ﻣﺎﺋﺎﺷﯩﻨﻰ ﺗﻪﺧﻤﯩﻨﻪﻥ ﻣﯘﻧﺪﺍﻕ ﺩﻩﭖ ﺋﯧﻴﺘﯩﺶ ﻣﯘﻣﻜﯩﻦ (ﺑﯘ ﺑﯩﺮ ﺋﻮﻣﯘﻣﻼﺷﺘﯘﺭﯗﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻣﯚﻟﭽﻪﺭ ﺑﻮﻟﯘﭖ، ﺋﺎﻳﺮﯨﻢ ﺷﻪﺧﺴﻠﻪﺭﻧﯩﯔ ﻣﺎﺋﺎﺷﻰ ﺑﯘﻧﯩﯖﺪﯨﻦ ﻛﯚﭖ ﭘﻪﺭﻗﻠﯩﻖ ﺑﻮﻟﯘﺷﻰ ﭘﯜﺗﯜﻧﻠﻪﻱ ﻣﯘﻣﻜﯩﻦ(: ﺋﺎﻟﯩﻲ ﻣﻪﻛﺘﻪﭖ ﭘﯜﺗﺘﯜﺭﻣﯩﮕﻪﻥ ﺗﯧﺨﻨﯩﻜﻼﺭ: 10 ﺩﻭﻟﻼﺭ؛ ﺑﺎﻛﻼﯞﯨﺮﻟﯩﻖ ﺋﺎﻟﻐﺎﻧﻼﺭ: 20 ﺩﻭﻟﻼﺭ؛ ﻣﺎﮔﯩﺴﺘﯧﺮﻟﯩﻖ ﺋﺎﻟﻐﺎﻧﻼﺭ: 25 ﺩﻭﻟﻼﺭ؛ ﺩﻭﻛﺘﯘﺭﻟﯘﻕ ﺋﺎﻟﻐﺎﻧﻼﺭ: 35 ﺩﻭﻟﻼﺭ ﯞﻩ ﺋﯘﻧﯩﯖﺪﯨﻦ ﻳﯘﻗﯩﺮﻯ.
  ﻣﻪﻥ ﻫﺎﺯﯨﺮ ﺳﯩﻠﻪﺭﮔﻪ ﺑﯩﺮ ﺋﺎﺩﺩﯨﻲ ﻫﯧﺴﺎﭖ ﺋﯩﺸﻠﻪﭖ ﺑﯧﺮﻩﻱ. ﺑﯘ ﻫﯧﺴﺎﺏ ﻣﻪﻥ ﺗﯚﯞﻩﻧﺪﻩ ﺑﺎﻳﺎﻥ ﻗﯩﻠﻤﺎﻗﭽﻰ ﺑﻮﻟﻐﺎﻥ ﺑﯩﺮ ﻗﯩﺴﯩﻢ ﻧﻪﺭﺳﯩﻠﻪﺭﻧﻰ ﭼﯜﺷﯩﻨﯩﺶ ﺋﯜﭼﯜﻥ ﺋﯩﻨﺘﺎﻳﯩﻦ ﭘﺎﻳﺪﯨﻠﯩﻖ.
  ﺳﺎﺋﻪﺗﯩﮕﻪ 10 ﺩﻭﻟﻼﺭ ﺋﺎﻟﯩﺪﯨﻐﺎﻥ، ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻣﯩﻐﺎﻥ ﺑﯩﺮ ﻳﺎﺵ 10 ﻳﯩﻠﺪﺍ ﻗﺎﻧﭽﯩﻠﯩﻚ ﭘﯘﻝ ﺗﺎﭘﯩﺪﯗ؟ ﻫﻪﺭ ﺑﯩﺮ ﻳﯩﻠﻨﯩﯔ ﺋﯩﭽﯩﺪﻩ 52 ﻫﻪﭘﺘﻪ ﺑﺎﺭ ﺑﻮﻟﯘﭖ، ﺋﺎﻣﯧﺮﯨﻜﯩﺪﺍ ﺑﯩﺮ ﻫﻪﭘﺘﯩﺪﻩ 5 ﻛﯜﻥ، ﺑﯩﺮ ﻛﯜﻥ 8 ﺳﺎﺋﻪﺕ ﺋﯩﺸﻠﻪﻳﺪﯨﻐﺎﻥ ﺑﻮﻟﻐﺎﭼﻘﺎ، ﺑﯩﺮ ﺋﺎﺩﻩﻡ ﺑﯩﺮ ﻫﻪﭘﺘﯩﺪﻩ 40 ﺳﺎﺋﻪﺕ ﺋﯩﺸﻠﻪﻳﺪﯗ. ﺷﯘﯕﺎ10

 ﻳﯩﻠﻠﯩﻖ ﻛﯩﺮﯨﻢ = 10 ﺩﻭﻟﻼﺭ * 10 (ﻳﯩﻞ) * 52 (ﻫﻪﭘﺘﻪ) * 40 (ﺳﺎﺋﻪﺕ) = 208 ﻣﯩﯔ ﺩﻭﻟﻼﺭ.
ﺳﺎﺋﻪﺗﯩﮕﻪ 20 ﺩﻭﻟﻼﺭ ﺋﺎﻟﯩﺪﯨﻐﺎﻥ، ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺑﺎﺭ ﺑﯩﺮ ﻳﺎﺵ 10 ﻳﯩﻠﺪﺍ ﻗﺎﻧﭽﯩﻠﯩﻚ ﭘﯘﻝ ﺗﺎﭘﯩﺪﯗ؟

 ﺋﻮﻥ ﻳﯩﻠﻠﯩﻖ ﻛﯩﺮﯨﻢ = ﻳﯘﻗﯩﺮﯨﻘﻰ ﭘﯘﻟﻨﯩﯔ ﺋﯩﻜﻜﻰ ﻫﻪﺳﺴﯩﺴﻰ = 416 ﻣﯩﯔ ﺩﻭﻟﻼﺭ. ﻟﯧﻜﯩﻦ، ﺑﯘ ﻳﺎﺵ ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺋﯧﻠﯩﺶ ﺋﯜﭼﯜﻥ 4 ﻳﯩﻞ ﺋﯩﺸﻠﯩﻴﻪﻟﻤﻪﻳﺪﯗ، ﻫﻪﻣﺪﻩ ﺑﯩﺮ ﻳﯩﻠﻠﯩﻖ ﻛﯩﺮﯨﻤﻰ 4 ﻳﯩﻠﻠﯩﻖ ﺋﻮﻗﯘﺷﻰ ﺋﯜﭼﯜﻥ ﻛﯧﺘﯩﺪﯗ، ﺩﯦﺴﻪﻙ، ﺑﯘ ﻳﺎﺷﻨﯩﯔ ﺩﻩﺳﻠﻪﭘﻜﻰ 10 ﻳﯩﻠﻠﯩﻖ ﻛﯩﺮﯨﻤﯩﻤﯘ 208 ﻣﯩﯔ ﺩﻭﻟﻼﺭ ﺑﻮﻟﯩﺪﯗ.

ﻧﻮﺭﻣﺎﻝ ﺋﻮﻗﯘﻏﺎﻥ ﺑﯩﺮ ﻳﺎﺵ، 22 ﻳﯧﺸﯩﺪﺍ ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺋﯧﻠﯩﭗ ﺑﻮﻟﯩﺪﯗ. ﺑﯘﻧﯩﯖﻐﺎ ﻳﯘﻗﯩﺮﯨﻘﻰ 5 ﻳﯩﻠﻨﻰ ﻗﻮﺷﺴﺎﻕ، ﻳﯘﻗﯩﺮﯨﻘﻰ 10 ﻳﯩﻠﺪﯨﻦ ﻛﯧﻴﯩﻦ ﺑﯘ ﻳﺎﺷﻨﯩﯔ ﻳﯧﺸﻰ 27 ﻳﺎﺵ ﺑﻮﻟﯩﺪﯗ. ﺑﯘ ﭼﺎﻏﺪﺍ، ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺑﺎﺭ ﻳﺎﺷﻨﯩﯔ ﺳﺎﺋﻪﺗﻠﯩﻚ ﻣﺎﺋﺎﺷﻰ 30 ﺩﻭﻟﻼﺭﻏﺎ، ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻣﯩﻐﺎﻥ ﻳﺎﺷﻨﯩﯔ ﻣﺎﺋﺎﺷﻰ 15 ﺩﻭﻟﻼﺭﻏﺎ ﺋﯚﺳﻜﻪﻥ ﺑﻮﻟﯘﺷﻰ ﻣﯘﻣﻜﯩﻦ (ﺋﺎﻣﯧﺮﯨﻜﯩﺪﺍ ﺑﯘ ﭘﯜﺗﯜﻧﻠﻪﻱ ﻣﯘﻣﻜﯩﻦ. ﻛﺎﻟﯩﻔﻮﺭﻧﯩﻴﻪﻧﯩﯔ ﺳﯩﻠﯩﻜﻮﻥ ﺟﯩﻠﻐﯩﺴﯩﺪﺍ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺑﺎﺭ ﺋﯩﻨﮋﯨﻨﯧﺮﻻﺭﻧﯩﯔ ﺋﯩﭽﯩﺪﻩ ﺳﺎﺋﻪﺗﻠﯩﻚ ﻣﺎﺋﺎﺷﻰ 50-60 ﺩﻭﻟﻼﺭﺩﯨﻦ ﺋﺎﺷﯩﺪﯨﻐﺎﻧﻼﺭ ﻛﯜﺭﻣﯩﯔ). ﺋﻪﮔﻪﺭ ﺑﯘ ﺋﯩﻜﻜﻰ ﻳﺎﺵ 60 ﻳﺎﺷﻘﯩﭽﻪ ﺋﯩﺸﻠﯩﺴﻪ (ﺋﺎﻣﯧﺮﯨﻜﯩﺪﺍ 65 ﻳﺎﺷﻘﯩﭽﻪ ﺋﯩﺸﻠﻪﻳﺪﯨﻐﺎﻧﻼﺭ ﺋﯩﻨﺘﺎﻳﯩﻦ ﻛﯚﭖ)، ﺑﯘ ﻳﯧﯖﻰ ﻣﺎﺋﺎﺵ ﺑﯩﻠﻪﻥ ﻳﻪﻧﻪ 33 ﻳﯩﻞ ﺋﯩﺸﻠﯩﻴﻪﻟﻪﻳﺪﯗ. ﺋﯘﻻﺭ ﺑﯘ 33 ﻳﯩﻠﺪﺍ ﻗﺎﻧﭽﯩﻠﯩﻚ ﭘﯘﻝ ﺗﺎﭘﯩﺪﯗ؟ ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺑﺎﺭ ﻛﯩﺸﻰ 2 ﻣﯩﻠﻴﻮﻥ 59 ﻣﯩﯔ ﺩﻭﻟﻼﺭ، ﺋﺎﻟﯩﻲ ﻣﻪﻛﺘﻪﭘﺘﻪ ﺋﻮﻗﯘﻣﯩﻐﺎﻥ ﻛﯩﺸﻰ 1 ﻣﯩﻠﻴﻮﻥ 30 ﻣﯩﯔ ﺩﻭﻟﻼﺭ ﺗﺎﭘﯩﺪﯗ.ﺑﯘﻻﺭﺩﯨﻦ ﺑﺎﺷﻘﺎ، ﺋﻮﻗﯘﻣﯩﻐﺎﻥ ﺋﺎﺩﻩﻣﻨﯩﯔ ﻳﯧﯖﻰ ﻧﻪﺭﺳﯩﻠﻪﺭﻧﻰ ﺋﯜﮔﯩﻨﯩﺶ، ﻛﻪﺳﯩﭗ ﺟﻪﻫﻪﺗﺘﻪ ﺗﻮﺧﺘﯩﻤﺎﻱ ﺋﯩﻠﮕﯩﺮﻟﻪﺵ ﺋﯩﻘﺘﯩﺪﺍﺭﯨﻤﯘ ﺗﯚﯞﻩﻧﺮﻩﻙ ﺑﻮﻟﯩﺪﯨﻐﺎﻥ ﺑﻮﻟﻐﺎﭼﻘﺎ، ﻣﺎﺋﺎﺷﻰ ﺋﯚﺳﯜﭖ ﻣﻪﻟﯘﻡ ﺑﯩﺮ ﺳﻪﯞﯨﻴﻪﮔﻪ ﻳﻪﺗﻜﻪﻧﺪﯨﻦ ﻛﯧﻴﯩﻦ ﺗﻮﺧﺘﯩﺸﻰ ﻣﯜﻣﻜﯩﻦ. ﺋﻮﻗﯘﻏﺎﻧﻼﺭ ﺋﯜﭼﯜﻥ ﺑﻮﻟﺴﺎ، ﻛﻪﺳﯩﭙﺘﻪ ﯞﻩ ﺋﯩﻘﺘﯩﺴﺎﺩﯨﻲ ﻛﯩﺮﯨﻤﺪﻩ ﺋﯚﻣﯜﺭ ﺑﻮﻳﻰ ﺗﻮﺧﺘﯩﻤﺎﻱ ﺋﯩﻠﮕﯩﺮﻟﻪﺵ ﭘﯘﺭﺳﯩﺘﻰ ﺑﻮﻟﯩﺪﯗ.
 ﺋﻮﻗﯘﻏﺎﻥ ﺑﯩﻠﻪﻥ ﺋﻮﻗﯘﻣﯩﻐﺎﻧﻨﯩﯔ ﭘﻪﺭﻗﻰ ﻳﺎﻟﻐﯘﺯ ﺋﯩﻘﺘﯩﺴﺎﺩﯨﻲ ﻛﯩﺮﯨﻤﺪﯨﻼ ﺋﻪﻣﻪﺱ. ﺋﻮﻗﯘﻏﺎﻧﻼﺭﻧﯩﯔ ﻗﯩﻠﯩﺪﯨﻐﯩﻨﻰ ﻛﻪﺳﯩﭗ ﯞﻩ ﺗﯧﺨﻨﯩﻜﺎ ﺟﻪﻫﻪﺗﺘﻪ ﺑﯩﺮ ﺋﺎﺯ ﻳﻮﻗﯩﺮﻯ ﺩﻩﺭﯨﺠﯩﻠﯩﻚ ﺧﯩﺰﻣﻪﺕ ﺑﻮﻟﻐﺎﭼﻘﺎ، ﺋﯘﻻﺭﻧﯩﯔ ﺟﻪﻣﯩﻴﻪﺗﺘﯩﻜﻰ ﺋﻮﺭﻧﻰ، ﺋﯧﺮﯨﺸﯩﺪﯨﻐﺎﻥ ﻫﯚﺭﻣﯩﺘﯩﻤﯘ ﻳﻮﻗﯩﺮﻯ ﺑﻮﻟﯩﺪﯗ.
  ﻣﻪﻥ ﺑﯘ ﻫﯧﺴﺎﺑﻨﻰ ﻧﯧﻤﻪ ﺋﯜﭼﯜﻥ ﺋﯩﺸﻠﯩﺪﯨﻢ؟ ﭼﯜﻧﻜﻰ، ﺑﯘ ﺋﺎﻣﯧﺮﯨﻜﯩﺪﯨﻜﻰ ﻛﯚﭖ ﺳﺎﻧﻠﯩﻖ ﺋﺎﻕ ﺗﻪﻧﻠﯩﻜﻠﻪﺭ ﺋﯩﺸﻠﻪﻳﺪﯨﻐﺎﻥ ﻫﯧﺴﺎﭖ. ﺋﯘ ﻳﻪﻫﯘﺩﯨﻴﻼﺭ، ﻳﺎﭘﻮﻧﻠﯘﻗﻼﺭ، ﮔﯧﺮﻣﺎﻧﻼﺭ، ﯞﻩ ﻳﺎﯞﺭﻭﭘﺎﺩﯨﻜﻰ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﺩﯨﻜﻰ ﻧﯘﺭﻏﯘﻥ ﻛﯩﺸﯩﻠﻪﺭ ﺋﯚﻳﯩﺪﻩ ﭼﻮﻗﯘﻡ ﺋﯩﺸﻠﻪﭖ ﻛﯚﺭﯨﺪﯨﻐﺎﻥ ﻫﯧﺴﺎﺏ. ﻫﻪﺭ ﻗﺎﻧﺪﺍﻕ ﺑﯩﺮ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺋﻪﻟﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻛﯩﺸﻰ ﺑﯩﻠﻪﻥ ﭘﺎﺭﺍﯕﻼﺷﺴﯩﯖﯩﺰ، ﺳﯩﺰ ﺷﯘﻧﻰ ﭼﻮﯕﻘﯘﺭ ﻫﯧﺲ ﻗﯩﻠﯩﺴﯩﺰﻛﻰ، ﺋﯘﻻﺭ ﻣﻪﻳﻠﻰ ﺑﯩﺮ ﺋﯩﮕﯩﻠﯩﻚ ﭘﯩﻼﻧﻰ ﺗﻮﻏﺮﯨﺴﯩﺪﺍ ﺳﯚﺯﻟﯩﺴﯘﻥ، ﻣﻪﻳﻠﻰ ﺗﯘﺭﻣﯘﺷﺘﯩﻜﻰ ﺑﯩﺮﻩﺭ ﺋﺎﺩﺩﻯ ﺋﯩﺸﻼﺭ ﺗﻮﻏﺮﯨﺴﯩﺪﺍ ﺳﯚﺯﻟﯩﺴﯘﻥ، ﺋﯘﻻﺭﻧﯩﯔ ﺳﯚﺯﻟﯩﺮﯨﺪﻩ ﺳﺎﻧﻠﯩﻖ ﻣﻪﻟﯘﻣﺎﺗﻼﺭ ﺋﯩﻨﺘﺎﻳﯩﻦ ﻛﯚﭖ. ﺋﯘﻻﺭ ﻫﻪﻣﻤﻪ ﺋﯩﺸﻼﺭﻧﻰ ﻫﯧﺴﺎﺑﻼﭖ ﺗﯘﺭﯗﭖ ﻗﯩﻠﯩﺪﯗ. ﺗﻪﺑﯩﺌﯩﻲ ﭘﻪﻥ، ﺋﯩﻨﮋﯨﻨﯧﺮﻟﯩﻖ ﯞﻩ ﺋﯩﻘﺘﯩﺴﺎﺩﻻ ﺋﻪﻣﻪﺱ، ﺋﯩﺠﺘﯩﻤﺎﺋﯩﻲ ﭘﻪﻥ ﯞﻩ ﺳﯩﻴﺎﺳﻪﺗﺘﯩﻤﯘ ﺷﯘﻧﺪﺍﻕ. ﺑﻮﻟﯘﭘﻤﯘ، ﻣﻪﻥ ﺑﯩﺮ ﻗﻪﺩﻩﺭ ﭼﻮﯕﻘﯘﺭﺭﺍﻕ ﺋﺎﺭﯨﻠﯩﺸﯩﭗ ﺑﺎﻗﻘﺎﻥ ﻳﺎﭘﻮﻧﻠﯘﻗﻼﺭ ﯞﻩ ﻳﻪﻫﯘﺩﯨﻴﻼﺭ ﺋﻪﻧﻪ ﺷﯘﻧﺪﺍﻕ. ﺑﯘ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺋﻪﻟﻠﻪﺭﺩﯨﻜﻰ "ﺋﯩﻠﻤﯩﻲ ﺋﯘﺳﯘﻝ ﺑﯩﻠﻪﻥ ﺋﯩﺶ ﻗﯩﻠﯩﺶ" ﺩﯦﮕﻪﻥ ﺋﯘﻗﯘﻣﻨﻰ، "ﻫﯧﺴﺎﺑﻼﭖ ﺗﯘﺭﯗﭖ ﺋﯩﺶ ﻗﯩﻠﯩﺶ"، ﺩﻩﭖ ﺋﺎﺩﺩﯨﻼﺷﺘﯘﺭﯗﭖ ﭼﯜﺷﻪﻧﺴﯩﯖﯩﺰ، ﻫﻪﺭﮔﯩﺰ ﺧﺎﺗﺎﻻﺷﻤﺎﻳﺴﯩﺰ. ﻳﻪﻫﯘﺩﯨﻲ ﺋﺎﺗﺎ-ﺋﺎﻧﯩﻼﺭ ﻳﯘﻗﯩﺮﯨﻘﻰ ﻫﯧﺴﺎﺑﻨﻰ ﺑﻪﻙ ﻳﺎﺧﺸﻰ ﺑﯩﻠﮕﻪﭼﻜﻪ، ﺋﯚﺯﻟﯩﺮﻯ ﻗﺎﻧﭽﯩﻠﯩﻚ ﺟﺎﭘﺎ ﭼﯧﻜﯩﺸﯩﺪﯨﻦ، ﺧﺎﺭﻟﯩﻨﯩﺸﯩﺸﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﭘﯜﺗﯜﻥ ﻛﯜﭼﻰ ﺑﯩﻠﻪﻥ ﺑﺎﻟﯩﻠﯩﺮﯨﻨﻰ ﺋﻮﻗﯘﺗﯩﺪﯗ. ﻣﻪﻛﺘﻪﭘﻨﯩﯔ ﺋﻪﯓ ﻳﺎﺧﺸﯩﺴﯩﺪﺍ ﺋﻮﻗﯘﺗﯩﺪﯗ. ﺋﻪﯓ ﻗﯩﻴﯩﻦ ﻛﻪﺳﭙﻠﻪﺭﺩﻩ ﺋﻮﻗﯘﺗﯩﺪﯗ. ﺷﯘﯕﻼﺷﻘﺎ، ﺋﺎﻣﯧﺮﯨﻜﯩﺪﺍ ﻛﯩﺮﯨﻤﻰ ﺋﻪﯓ ﻳﯘﻗﯘﺭﻯ ﺑﻮﻟﻐﺎﻥ ﺩﻭﺧﺘﯘﺭﻟﯘﻕ (ﻣﯩﺪﯨﺘﺴﯩﻨﺎ) ﻛﻪﺳﭙﻰ، ﺋﺎﺩﯞﻭﻛﺎﺗﻠﯩﻖ ﻛﻪﺳﭙﻰ، ﺋﯩﻘﺘﯩﺴﺎﺩ ﻛﻪﺳﭙﻰ، ﺋﺎﻟﺘﯘﻥ-ﺑﯘﻳﯘﻡ، ﺳﻪﻧﺌﻪﺕ ﯞﻩ ﻛﯩﻨﻮ ﺋﯩﺸﻠﻪﺵ ﻗﺎﺗﺎﺭﻟﯩﻖ ﻛﻪﺳﭙﻠﻪﺭﺩﻩ ﻳﻪﻫﯘﺩﯨﻴﻼﺭﻧﯩﯔ ﻧﯩﺴﺒﯩﺘﻰ ﺋﯘﻻﺭﻧﯩﯔ ﻧﻮﭘﯘﺱ ﺳﺎﻧﻰ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﺋﯩﻨﺘﺎﻳﯩﻦ ﻳﯘﻗﯘﺭﻯ.
  ﺋﺎﻣﯧﺮﯨﻜﯩﺪﯨﻜﻰ ﻛﯚﭖ ﺳﺎﻧﻠﯩﻖ ﻳﺎﺷﻼﺭﻧﯩﯔ ﺋﯚﺯﻟﯜﻛﺴﯩﺰ ﺋﯚﮔﯩﻨﯩﺶ-ﺋﯩﺰﺩﯨﻨﯩﺶ ﺭﻭﻫﯩﻨﯩﯔ ﻛﯧﻠﯩﭗ ﭼﯩﻘﯩﺸﯩﺪﯨﻜﻰ ﺋﻪﯓ ﻣﯘﻫﯩﻢ ﻫﻪﺭﯨﻜﻪﺗﻠﻪﻧﺪﯛﺭﮔﯜﭼﻰ ﻛﯜﭺ ﻧﯧﻤﻪ؟ ﺑﯘ ﺳﻮﺋﺎﻟﻨﯩﯔ ﺟﺎﯞﺍﺑﯩﻨﻰ ﻳﯘﻗﯩﺮﯨﻘﻰ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﺩﯨﻦ ﻛﯚﺭﯛﯞﯦﻠﯩﺶ ﺗﻪﺱ ﺋﻪﻣﻪﺱ. ﻳﻪﻧﻰ، ﺋﻮﻣﯘﻣﻼﺷﺘﯘﺭﯗﭖ ﺋﯧﻴﺘﻘﺎﻧﺪﺍ، ﻳﯘﻗﯩﺮﯨﺮﺍﻕ ﺋﯩﻘﺘﯩﺴﺎﺩﯨﻲ ﻛﯩﺮﯨﻢ ﯞﻩ ﺷﯘ ﺋﺎﺭﻗﯩﻠﯩﻖ ﺋﻪﻣﻪﻟﮕﻪ ﺋﺎﺷﯩﺪﯨﻐﺎﻥ ﻳﺎﺧﺸﯩﺮﺍﻕ ﺗﯘﺭﻣﯘﺷﺘﯩﻦ ﺋﯩﺒﺎﺭﻩﺕ. ﺋﺎﻣﯧﺮﯨﻜﯩﺪﯨﻜﻰ ﻳﺎﺷﻼﺭﻧﯩﯔ ﻛﯚﭘﯩﻨﭽﯩﺴﻰ ﻛﻪﻟﮕﯜﺳﯩﺪﻩ ﺑﺎﺷﻘﯩﻼﺭﺩﯨﻦ ﻳﺎﺧﺸﯩﺮﺍﻕ ﻳﺎﺷﺎﺵ ﺋﯜﭼﯜﻥ ﺋﻮﻗﯘﻳﺪﯨﻐﺎﻧﻠﯩﻘﻰ، ﻫﻪﻣﺪﻩ ﻛﯚﭘﯩﻨﭽﯩﺴﻰ ﺋﻮﻗﯘﺵ ﭘﯘﻟﯩﻨﻰ ﺋﯚﺯ ﻳﺎﻧﭽﯘﻗﯩﺪﯨﻦ ﺗﯚﻟﻪﻳﺪﯨﻐﺎﻧﻠﯩﻐﻰ ﺋﯜﭼﯜﻥ، ﺋﯘﻻﺭﻧﻰ ﻫﯧﭻ ﻛﯩﻢ ﻣﻪﺟﺒﯘﺭﻟﯩﻤﯩﺴﯘ، ﻧﺎﻫﺎﻳﯩﺘﻰ ﺗﯩﺮﯨﺸﯩﭗ ﺋﻮﻗﯘﻳﺪﯗ.
  ﺋﺎﻣﯧﺮﯨﻜﯩﻨﯩﯔ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ 4 ﻧﻮﻣﯘﺭﻟﯘﻕ ﺳﯩﺴﺘﯧﻤﺎ ﺑﻮﻟﯘﭖ، ﺩﻩﺭﺱ ﻧﻪﺗﯩﺠﯩﻠﯩﺮﻯ ﻣﯘﻧﺪﺍﻕ ﺑﯧﺮﯨﻠﯩﺪﯗ: A=4, B=3, C=2, D=1, ﯞﻩ. F=0 ﺷﯘﯕﺎ ﻫﻪﻣﻤﻪ ﺩﻩﺭﺳﻠﻪﺭﺩﻩ ﺗﻮﻟﯘﻕ ﻧﻮﻣﯘﺭ ﺋﺎﻟﻐﺎﻧﻼﺭﻧﯩﯔ ﺋﻮﺗﺘﯘﺭﯨﭽﻪ ﻧﻮﻣﯘﺭﻯ 4.0 ﺑﻮﻟﯘﭖ، ﺑﯘ ﺋﻮﺗﺘﯘﺭﯨﭽﻪ ﻧﻮﻣﯘﺭ ﺋﯩﻨﮕﻠﯩﺰﭼﯩﺪﻩ "Grade Point Average"، ﻳﺎﻛﻰ ﻗﯩﺴﻘﺎﺭﺗﯩﻠﯩﭗ "GPA" ﺩﻩﭖ ﺋﺎﺗﯩﻠﯩﺪﯗ (ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﺎﺭﯨﺴﯩﺪﯨﻜﻰ ﺋﻮﻗﯘﺷﺘﺎ ﺋﺎﻻﻫﯩﺪﻩ ﻳﺎﺧﺸﻰ ﺋﻮﻗﯘﻏﯘﭼﯩﻼﺭﻏﺎ ﺑﯩﺮ ﺧﯩﻞ ﺋﺎﻻﻫﯩﺪﻩ ﻛﺎﺗﯧﮕﻮﺭﯨﻴﻪ ﺑﻮﻳﯩﭽﻪ 4.0 ﺩﯨﻦ ﻳﯘﻗﯩﺮﻯ ﻧﻮﻣﯘﺭﻣﯘ ﺑﯧﺮﯨﻠﯩﺪﯗ). ﻣﻪﻥ ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ "Northridge" ﺑﯩﻠﻪﻥ "Sacramento" ﺩﯨﮕﻪﻥ ﺷﯚﺑﯩﺴﯩﺪﻩ، ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ "Davis" ﺩﯦﮕﻪﻥ ﺷﯚﺑﯩﺴﯩﺪﻩ ﺋﻮﻗﯘﺗﻘﯘﭼﯩﻠﯩﻖ ﻗﯩﻠﯩﭗ ﺑﺎﻗﺘﯩﻢ. ﻧﻮﺭﻣﺎﻝ ﺩﻩﺭﺳﻨﯩﻤﯘ، ﯞﻩ ﺗﻪﺟﺮﯨﺒﻪ ﺩﻩﺭﺳﻠﯩﺮﯨﻨﯩﻤﯘ ﺋﯚﺗﯜﭖ ﺑﺎﻗﺘﯩﻢ. ﺗﻪﺟﺮﯨﺒﻪ ﺩﻩﺭﺳﻠﯩﺮﯨﺪﻩ، ﺩﻩﺭﺳﻜﻪ ﻛﻪﻟﻤﯩﮕﻪﻥ ﺋﻮﻗﯘﻏﯘﭼﯩﻨﯩﯔ ﺗﻪﺟﺮﯨﺒﻪ ﺩﻭﻛﻼﺗﻰ ﻳﯧﺰﯨﭗ ﺗﺎﭘﺸﯘﺭﯗﺷﯩﻐﺎ ﻳﻮﻝ ﻗﻮﻳﻤﯩﺪﯨﻢ. ﺩﻩﺭﺳﻜﻪ ﻛﯧﻠﯩﭗ، ﺗﻪﺟﺮﯨﺒﻪ ﺋﯩﺸﻠﻪﭖ، ﺋﯘﻧﯩﯖﺪﯨﻦ ﺩﻭﻛﻼﺕ ﺗﺎﭘﺸﯘﺭﻏﺎﻧﻼﺭﻧﯩﯔ ﺩﻭﻛﻼﺗﯩﻨﻰ ﺗﻪﻛﺸﯜﺭﯛﭖ ﻧﻮﻣﯘﺭ ﺑﻪﺭﺩﯨﻢ. ﺩﻩﺭﺳﺨﺎﻧﯩﺪﺍ ﺋﯚﺗﯜﻟﯩﺪﯨﻐﺎﻥ ﻧﻮﺭﻣﺎﻝ ﺩﻩﺭﺳﻜﻪ ﻛﻪﻟﺴﻪﻙ، ﻣﯧﻨﯩﯔ ﻛﯩﻢ ﺩﻩﺭﺳﻜﻪ ﻛﻪﻟﺪﻯ، ﻛﯩﻢ ﻛﻪﻟﻤﯩﺪﻯ، ﺋﯘﻧﯩﯔ ﺑﯩﻠﻪﻥ ﻫﻪﺭﮔﯩﺰ ﻛﺎﺭﯨﻢ ﺑﻮﻟﻤﯩﺪﻯ. ﺋﻪﻣﯩﻠﻪﻳﺘﺘﻪ ﺋﯘ ﺋﯩﺸﻼﺭ ﺑﯩﻠﻪﻥ ﻛﺎﺭﻯ ﺑﻮﻟﯘﺷﻨﯩﯔ ﻫﻪﺭﮔﯩﺰﻣﯘ ﻫﺎﺟﯩﺘﻰ ﻳﻮﻕ. ﺳﯩﻨﯩﭙﺘﯩﻜﻰ ﺋﻮﻗﯘﻏﯘﭼﯩﻼﺭﻧﯩﯔ ﻛﯚﭘﯩﻨﭽﯩﺴﻰ ﻫﻪﻗﯩﻘﯩﻲ ﺑﯩﻠﯩﻢ ﺋﯧﻠﯩﺶ، ﻫﻪﻗﯩﻘﯩﻲ ﺋﯩﻘﺘﯩﺪﺍﺭ ﻳﯩﺘﯩﻠﺪﯛﺭﯛﺵ ﺋﯜﭼﯜﻥ ﺋﻮﻗﯘﻳﺪﯨﻐﺎﻥ ﺑﻮﻟﻐﺎﭼﻘﺎ، ﺋﯘﻻﺭ ﻫﻪﻣﻤﻪ ﯞﺍﻗﯩﺘﺘﺎ ﻛﯚﭘﺮﻩﻙ ﻧﻪﺭﺳﻪ ﺋﯚﮔﯩﻨﯩﯟﯦﻠﯩﺸﻘﺎ ﺗﯩﺮﯨﺸﯩﺪﯗ. ﺩﻩﺭﺳﻜﻪ ﺧﯘﺩﺩﻯ ﺋﻮﻗﯘﺗﻘﯘﭼﯩﺪﺍ ﻗﻪﺭﺯﻯ ﺑﺎﺭﺩﻩﻙ ﻛﯩﺮﯨﺪﯗ: ﻣﻪﻥ ﻣﻪﻛﺘﻪﭘﻜﻪ ﭘﯘﻝ ﺗﯚﻟﯩﺪﯨﻢ، ﺷﯘﯕﺎ ﺳﯩﺰ ﺩﻩﺭﺳﻨﻰ ﻳﺎﺧﺸﻰ ﺋﯚﺗﯜﺷﯩﯖﯩﺰ ﻛﯧﺮﻩﻙ ﺩﻩﭖ ﻗﺎﺭﺍﻳﺪﯗ.  ﺩﻩﺭﺱ ﺳﯚﺯﻟﻪﯞﺍﺗﻘﺎﻧﺪﺍ ﻛﯩﭽﯩﻜﻜﯩﻨﻪ ﺧﺎﺗﺎﻟﯩﻖ ﺑﻮﻟﯘﭖ ﻗﺎﻟﺴﯩﻤﯘ، ﺋﯘﻻﺭ ﺩﻩﺭﻫﺎﻝ ﺑﯩﻠﯩﯟﯦﻠﯩﭗ، ﻗﻮﻟﯩﻨﻰ ﻛﯚﺗﯜﺭﯛﭖ ﺳﻮﺋﺎﻝ ﺳﻮﺭﺍﻳﺪﯗ. ﺳﯩﺰ ﺷﯘ ﻧﻪﻕ ﻣﻪﻳﺪﺍﻧﺪﺍ ﺟﺎﯞﺍﭖ ﺑﯧﺮﯨﺴﯩﺰ. ﺋﻪﮔﻪﺭ ﺷﯘ ﭼﺎﻏﻨﯩﯔ ﺋﯚﺯﯨﺪﯨﻼ ﺟﺎﯞﺍﺏ ﺑﯧﺮﻩﻟﻤﯩﺴﯩﯖﯩﺰ، ﺋﻮﻗﯘﻏﯘﭼﯩﻼﺭﻏﺎ ﺩﻩﭖ ﻗﻮﻳﯘﭖ، ﻛﯧﻴﯩﻨﻜﻰ ﺩﻩﺭﺳﺘﻪ ﺟﺎﯞﺍﺏ ﺑﯧﺮﯨﺴﯩﺰ. ﻣﻪﻛﺘﻪﭖ ﺳﯩﺰﮔﻪ ﺑﯩﺮ ﺩﻩﺭﺳﻨﻰ ﺋﯚﺗﯜﺷﻨﻰ ﺗﺎﭘﺸﯘﺭﻏﺎﻧﺪﺍ، ﺳﯩﺰﮔﻪ ﺋﻮﻗﯘﻏﯘﭼﯩﻼﺭ ﻣﯘﺷﯘ ﺩﻩﺭﺳﻨﻰ ﺋﻮﻗﯘﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﻧﯧﻤﯩﻠﻪﺭﻧﻰ ﺑﯩﻠﯩﺸﻰ ﻛﯧﺮﻩﻙ، ﺷﯘﻧﻰ ﺑﻪﻟﮕﯩﻠﻪﭖ ﺑﯧﺮﯨﺪﯗ. ﻗﺎﻳﺴﻰ ﻛﯩﺘﺎﺑﻨﻰ ﺋﯚﺗﯩﺴﯩﺰ، ﻗﺎﻧﺪﺍﻕ ﺗﻪﺭﺗﯩﭗ ﺑﻮﻳﯩﭽﻪ ﺋﯚﺗﯩﺴﯩﺰ، ﻗﺎﻧﭽﯩﻠﯩﻚ ﺗﺎﭘﺸﯘﺭﯗﻕ ﺑﯧﺮﯨﺴﯩﺰ، ﻗﺎﻧﭽﻪ ﻗﯧﺘﯩﻢ ﺋﯩﻤﺘﯩﻬﺎﻥ ﺋﺎﻟﯩﺴﯩﺰ، ﻫﻪﻣﺪﻩ ﺋﻪﯓ ﺋﺎﺧﯩﺮﻗﻰ ﺩﻩﺭﺱ ﻧﻪﺗﯩﺠﯩﺴﯩﻨﻰ ﻗﺎﻧﺪﺍﻕ ﺑﯧﺮﯨﺴﯩﺰ، ﺑﯘ ﭘﯜﺗﯜﻧﻠﻪﻱ ﺋﯚﺯﯨﯖﯩﺰﻧﯩﯔ ﻫﻮﻗﯘﻗﻰ. ﺋﺎﺩﻩﺗﺘﻪ، ﺑﺎﻛﻼﯞﯨﺮ  ﺋﻮﻗﯘﻏﯘﭼﯩﻠﯩﺮﯨﻐﺎ ﺩﻩﺭﺱ ﻧﻪﺗﯩﺠﯩﺴﻰ ﻣﯘﻧﺪﺍﻕ ﺑﯧﺮﯨﻠﯩﺪﯗ: ﺗﺎﭘﺸﯘﺭﯗﻕ 30 ﭘﯩﺮﺳﻪﻧﺖ، ﻳﯧﺮﯨﻢ ﻣﻪﯞﺳﯘﻣﻠﯘﻕ ﺋﯩﻤﺘﯩﻬﺎﻥ 30 ﭘﯩﺮﺳﻪﻧﺖ، ﻣﻪﯞﺳﯘﻣﻠﯘﻕ ﺋﯩﻤﺘﯩﻬﺎﻥ 40 ﭘﯩﺮﺳﻪﻧﺖ. ﺳﯩﻨﯩﭙﻨﯩﯔ ﺋﻪﯓ ﺋﺎﻟﺪﯨﺪﯨﻜﻰ 10-15 ﭘﯩﺮﺳﻪﻧﺖ ﺋﻮﻗﯘﻏﯘﭼﯩﻐﺎ "A", ﺋﯘﻧﯩﯖﺪﯨﻦ ﻛﯧﻴﯩﻨﻜﻰ 30 ﭘﯩﺮﺳﻪﻧﺖ ﺋﻮﻗﯘﻏﯘﭼﯩﻐﺎ "B"، ﺋﯘﻧﯩﯖﺪﯨﻦ ﻛﯧﻴﯩﻦ 30 ﭘﯩﺮﺳﻪﻧﺖ ﺋﻮﻗﯘﻏﯘﭼﯩﻐﺎ "C"، ﻗﺎﻟﻐﺎﻧﻼﺭﻏﺎ "D" ﺑﯩﻠﻪﻥ "F" ﺑﯧﺮﯨﻠﯩﺪﯗ. ﻫﻪﺭﮔﯩﺰ ﺑﯩﺮﻩﺭ ﺋﯩﻤﺘﯩﻬﺎﻧﻨﯩﯔ ﻧﻪﺗﯩﺠﯩﺴﻰ ﺷﯘ ﺑﻮﻳﯩﭽﻪ ﺋﻮﻗﯘﻏﯘﭼﯩﻨﯩﯔ ﺩﻩﺭﺱ ﻧﻪﺗﯩﺠﯩﺴﻰ ﺑﻮﻟﯘﭖ ﻫﯧﺴﺎﺑﻼﻧﻤﺎﻳﺪﯗ. ﺋﻮﻣﯘﻣﻼﺷﺘﯘﺭﯗﭖ ﺋﯧﻴﺘﻘﺎﻧﺪﺍ، ﺋﺎﻣﯧﺮﯨﻜﯩﻠﯩﻖ ﺋﻮﻗﯘﻏﯘﭼﯩﻼﺭ ﻫﻪﻗﯩﻘﯩﻲ ﺑﯩﻠﯩﻢ ﺋﯩﮕﯩﻠﻪﺷﻨﻰ 1-ﺋﻮﺭﯗﻧﻐﺎ، ﺋﯩﻤﺘﯩﻬﺎﻧﺪﺍ ﻳﯘﻗﯩﺮﻯ ﻧﻮﻣﯘﺭ ﺋﯧﻠﯩﺸﻨﻰ 2-ﺋﻮﺭﯗﻧﻐﺎ ﻗﻮﻳﯩﺪﯗ. ﻣﻪﻥ ﻫﺎﺯﯨﺮﻏﯩﭽﻪ ﺋﯘﭼﺮﺍﺗﻘﺎﻥ ﺋﺎﺳﯩﻴﺎﻟﯩﻘﻼﺭ ﺑﻮﻟﺴﺎ، ﺑﯘﻧﯩﯔ ﻗﺎﺭﻣﯘ-ﻗﺎﺭﺷﯩﺴﯩﻨﻰ ﻗﯩﻠﯩﺪﯗ.
  ﻣﻪﻛﺘﻪﭖ ﭘﯜﺗﺘﯜﺭﯛﭖ ﺑﻮﻟﯘﭖ، ﺧﯩﺰﻣﻪﺕ ﺗﯧﭙﯩﺸﺘﺎ، ﺋﻮﺗﺘﯘﺭﯨﭽﻪ ﻣﻪﻛﺘﻪﭖ ﻧﻪﺗﯩﺠﯩﺴﻰ 2.5 ﻧﻮﻣﯘﺭﺩﯨﻦ ﻳﯘﻗﯩﺮﻯ ﺑﻮﻟﺴﺎ ﺑﻮﻟﯩﯟﯦﺮﯨﺪﯗ. ﻳﯧﯖﻰ ﺑﯩﺮ ﺷﯩﺮﻛﻪﺗﻜﻪ ﺧﯩﺰﻣﻪﺗﻜﻪ ﻛﯩﺮﮔﻪﻧﺪﻩ، ﺑﺎﻛﻼﯞﯨﺮ  ﺋﯘﻧﯟﺍﻧﻰ ﺑﺎﺭﻻﺭﻧﯩﯔ ﻣﻪﻛﺘﻪﭖ ﻧﻪﺗﯩﺠﯩﺴﻰ ﺗﻪﻛﺸﯜﺭﯛﻟﯩﺪﯗ. ﺋﺎﻟﯩﻲ ﻣﻪﻛﺘﻪﭘﻨﻰ 4.0 ﺋﻮﺭﺗﯘﭼﻪ ﻧﻮﻣﯘﺭ ﺑﯩﻠﻪﻥ ﭘﯜﺗﺘﯜﺭﮔﻪﻧﻠﻪﺭﻧﻰ ﺑﻪﺯﻯ ﺷﯩﺮﻛﻪﺗﻠﻪﺭ "ﺑﯩﺮ ﺋﺎﺯ ﭼﺎﺗﯩﻘﻰ ﺑﺎﺭ ﺋﻮﺧﺸﺎﻳﺪﯗ" ﺩﻩﭖ ﻗﺎﺭﺍﻳﺪﯨﻜﻪﻥ. ﻣﺎﮔﯩﺴﺘﯧﺮﻟﯩﻖ ﯞﻩ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺑﺎﺭﻻﺭﻧﯩﯔ ﻧﻪﺗﯩﺠﯩﺴﯩﮕﻪ ﺋﺎﻧﭽﻪ ﻗﺎﺭﺍﭖ ﻛﻪﺗﻤﻪﻳﺪﯗ. ﻟﯧﻜﯩﻦ، ﻣﺎﮔﯩﺴﺘﯧﺮﻟﯩﻖ ﯞﻩ ﺩﻭﻛﺘﯘﺭﻟﯘﻗﺘﺎ ﺋﻮﻗﯘﺵ ﺋﯜﭼﯜﻥ، ﺑﺎﻛﻼﯞﯨﺮ  ﻧﻪﺗﯩﺠﯩﺴﻰ ﻛﺎﻡ ﺩﯦﮕﻪﻧﺪﻩ 3.0، ﺋﻪﯓ ﻳﺎﺧﺸﯩﺴﻰ 3.5 ﺩﯨﻦ ﻳﯘﻗﯩﺮﻯ ﺑﻮﻟﯘﺷﻰ ﻛﯩﺮﻩﻙ.

ﺋﯩﺰﺍﻫﻼﭖ ﺋﯚﺗﯜﭖ ﻛﯧﺘﯩﺸﻜﻪ ﺗﯧﮕﯩﺸﻠﯩﻚ ﺑﯩﺮ ﺋﯩﺶ ﺷﯘﻛﻰ، ﺑﯩﺮ ﻛﯩﺸﯩﻨﯩﯔ ﺑﯩﺮﻩﺭ ﺋﯘﻧﯟﺍﻧﻰ ﺑﻮﻟﯘﺷﻰ، ﻫﻪﺭﮔﯩﺰ ﺋﯘ ﻛﯩﺸﯩﻨﯩﯔ ﭼﻮﻗﯘﻡ ﺑﯩﺮﻩﺭ ﺧﯩﺰﻣﻪﺗﻜﻪ ﺋﻮﺭﯗﻧﻠﯩﺸﯩﺸﻰ ﻛﺎﭘﺎﻟﻪﺗﻜﻪ ﺋﯩﮕﻪ، ﺩﯦﮕﻪﻧﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. ﻣﻪﻥ ﻳﯘﻗﯩﺮﯨﺪﺍ ﭼﯜﺷﻪﻧﺪﯛﺭﮔﻪﻥ ﻫﻪﺭ ﺧﯩﻞ ﺩﻩﺭﯨﺠﯩﺪﯨﻜﻰ ﻣﺎﺋﺎﺷﻨﻰ ﭼﻮﻗﯘﻡ ﺋﺎﻻﻻﻳﺪﯗ، ﺩﯦﮕﻪﻧﺪﯨﻨﻤﯘ ﺩﯦﺮﻩﻙ ﺑﻪﺭﻣﻪﻳﺪﯗ. ﺑﯘ ﺋﺎﻣﯩﻠﻼﺭ ﺑﯩﺮ ﻛﯩﺸﯩﻨﯩﯔ ﺋﯘﻧﯟﺍﻧﻰ ﺑﯩﻠﻪﻥ ﺋﯘﻧﯩﯔ ﻫﻪﻗﯩﻘﯩﻲ ﺑﯩﻠﯩﻤﻰ ﯞﻩ ﺧﯩﺰﻣﻪﺕ ﺋﯩﻘﺘﯩﺪﺍﺭﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﻫﻪﺭ ﺑﯩﺮ ﺷﯩﺮﻛﻪﺕ ﺳﯩﺰﻧﻰ ﺋﯚﺯ ﺋﯩﺨﺘﯩﻴﺎﺭﻟﯩﻘﻰ ﺑﯩﻠﻪﻥ ﺧﯩﺰﻣﻪﺗﻜﻪ ﺋﺎﻻﻟﯩﻐﺎﻧﯩﻜﻪﻥ، ﺳﯩﺰﻧﻰ ﻳﻪﻧﻪ ﺋﯚﺯ ﺋﯩﺨﺘﯩﻴﺎﺭﻟﯩﻘﻰ ﺑﯩﻠﻪﻥ ﺷﯩﺮﻛﻪﺗﺘﯩﻦ ﺑﻮﺷﯩﺘﺎﻻﻳﺪﯗ. 2000-ﻳﯩﻠﯩﻨﯩﯔ ﺋﺎﺧﯩﺮﻯ ﺑﯩﺰﻧﯩﯔ "WaveSplitter" ﺩﯦﮕﻪﻥ ﺷﯩﺮﻛﻪﺗﻜﻪ ﻓﯘﺩﻩﻥ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺑﺎﻛﻼﯞﯨﺮ ، ﺋﺎﻣﯧﺮﯨﻜﯩﻨﯩﯔ ﺧﯧﻠﻰ ﺩﺍﯕﻠﯩﻖ ﺑﻮﻟﻐﺎﻥ ﺧﯘﺳﯘﺳﯩﻲ ﻣﻪﻛﺘﻪﭖ Purdue ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺩﻭﻛﺘﯘﺭﻟﯘﻕ ﺋﯘﻧﯟﺍﻧﻰ ﺋﺎﻟﻐﺎﻥ ﺑﯩﺮ ﺧﻪﻧﺰﯗ ﻗﯩﺰﻧﻰ ﺋﺎﻟﺪﻯ. ﻟﯧﻜﯩﻦ، ﺋﯘ ﻗﯩﺰ ﺋﯩﺸﻨﻰ ﺯﺍﺩﯨﻼ ﻳﺎﺧﺸﻰ ﻗﯩﻼﻟﻤﯩﺪﻯ. ﻣﻪﻥ ﺑﯩﺮﻩﺭﺳﻰ ﺑﯩﻠﻪﻥ ﺗﯧﺨﻨﯩﻜﯩﻠﯩﻖ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﭘﺎﺭﺍﯕﻼﺷﺴﺎﻡ، ﺋﺎﺳﺘﺎ ﻗﯧﺸﯩﻤﻐﺎ ﻛﯧﻠﯩﭗ ﺋﻮﻏﺮﯨﻠﯩﻘﭽﻪ ﺋﺎﯕﻼﻳﺘﺘﻰ. ﺋﯩﻨﮋﯨﻨﯧﺮﻻﺭ ﻳﯩﻐﯩﻨﯩﺪﺍ ﭘﻪﻗﻪﺕ ﭘﯩﻜﯩﺮ ﻗﺎﺗﻨﺎﺷﺘﯘﺭﺍﻟﻤﺎﻳﺘﺘﻰ. ﻣﯧﻨﯩﯔ ﺋﯘ ﻗﯩﺰﻏﺎ ﺋﯩﭽﯩﻢ ﺋﺎﻏﺮﯨﭗ، ﺋﯚﺯﯛﻡ ﺷﯩﺮﻛﻪﺕ ﺋﯜﭼﯜﻥ ﺗﻪﻳﻴﺎﺭﻟﯩﻐﺎﻥ ﺑﺎﺭﻟﯩﻖ ﺗﯧﺨﻨﯩﻜﯩﻠﯩﻖ ﻣﺎﺗﯧﺮﯨﻴﺎﻟﻠﯩﺮﯨﻤﻨﻰ ﺋﯘﻧﯩﯖﻐﺎ ﻧﯘﺳﺨﯩﻼﭖ ﺑﻪﺭﺩﯨﻢ. "ﻫﻪﺭ ﻗﺎﻧﺪﺍﻕ ﯞﺍﻗﯩﺘﺘﺎ ﺳﻮﺋﺎﻟﯩﯔ ﺑﻮﻟﺴﺎ، ﻣﻪﻧﺪﯨﻦ ﺗﺎﺭﺗﯩﻨﻤﺎﻱ ﺳﻮﺭﺍ" ﺩﻩﭖ ﺗﯘﺭﺩﯗﻡ. ﻟﯧﻜﯩﻦ، ﺑﯘ ﻗﯩﺰ ﺧﯩﺰﻣﻪﺗﻨﻰ ﺯﺍﺩﯨﻼ ﻗﻮﻟﯩﻐﺎ ﺋﺎﻻﻟﻤﯩﻐﺎﻧﺪﯨﻦ ﻛﯧﻴﯩﻦ، ﺷﯩﺮﻛﻪﺗﻜﻪ ﻛﯩﺮﯨﭗ 5 ﺋﺎﻳﻼﺭﺩﯨﻦ ﻛﯩﻴﯩﻦ، ﺋﯘﻧﻰ ﺷﯩﺮﻛﻪﺗﺘﯩﻦ ﺑﻮﺷﺎﺗﺘﻰ. 2003-ﻳﯩﻠﻰ ﻣﻪﻥ "ﻧﯘﺭﻟﯘﻕ ﺗﺎﻻ ﺧﻪﯞﻩﺭﻟﯩﺸﯩﺶ" ﺧﻪﻟﻘﺎﺭﺍﻟﯩﻖ ﻳﯩﻐﯩﻨﯩﻐﺎ ﺑﺎﺭﻏﺎﻧﺪﺍ، ﺑﯘ ﻗﯩﺰﻧﻰ ﺷﯘ ﻳﯩﻐﯩﻦ ﺯﺍﻟﯩﻨﯩﯔ ﺧﯩﺰﻣﻪﺕ ﺋﯩﺰﺩﻩﺵ ﺋﻮﺭﻧﯩﺪﺍ ﺋﯘﭼﺮﯨﺘﯩﭗ ﻗﺎﻟﺪﯨﻢ. ﺋﯘ ﻗﯩﺰ ﺷﯘ ﭼﺎﻏﻘﯩﭽﻪ ﺑﺎﺷﻘﺎ ﺧﯩﺰﻣﻪﺕ ﺗﺎﭘﺎﻟﻤﺎﻱ ﻳﯜﺭﯛﭘﺘﯘ. ﭼﯩﯖﺨﯘﺩﺍ ﺑﺎﻛﻼﯞﯨﺮ ﻟﯩﻖ ﺋﯧﻠﯩﭗ، ﺋﺎﻣﯧﺮﯨﻜﯩﺪﯨﻜﻰ ﻳﻪﻧﻪ ﺑﯩﺮ ﺩﺍﯕﻠﯩﻖ ﻣﻪﻛﺘﻪﭖ ﺑﻮﻟﻐﺎﻥ Prinston ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺩﻭﻛﺘﯘﺭﻟﯘﻕ ﺋﺎﻟﻐﺎﻥ ﻳﻪﻧﻪ ﺑﯩﺮ ﺧﻪﻧﺰﯗ ﺑﺎﻻ ﺑﺎﺭ ﺑﻮﻟﯘﭖ، ﺋﯘﻧﯩﯔ ﺑﯘﺭﯗﻥ ﺋﻮﻗﯘﻏﯩﻨﻰ ﺋﺎﻛﺘﯩﭗ ﺋﻮﭘﺘﯩﻜﯩﻠﯩﻖ ﺯﺍﭘﭽﺎﺳﻼﺭ ﺋﯩﻜﻪﻥ. ﺑﯩﺰﻧﯩﯔ ﺷﯩﺮﻛﻪﺗﺘﻪ ﻗﯩﻠﯩﺪﯨﻐﯩﻨﻰ ﭘﺎﺳﺴﯩﭗ ﺯﺍﭘﭽﺎﺳﻼﺭ ﺑﻮﻟﯘﭖ، ﺋﯘ ﺑﺎﻻ ﺋﯩﻨﮋﯨﻨﯧﺮﻻﺭ ﮔﯘﺭﯗﭘﭙﯩﺴﯩﺪﺍ ﺯﺍﺩﯨﻼ ﺋﯩﺸﻠﯩﻴﻪﻟﻤﯩﮕﻪﻧﺪﯨﻦ ﻛﯧﻴﯩﻦ، ﺋﯘﻧﻰ ﺷﯩﺮﻛﻪﺗﻨﯩﯔ ﺳﻮﺩﺍ-ﺳﯧﺘﯩﻖ ﺑﯚﻟﯜﻣﻰ

(ﺋﯩﻨﮕﻠﯩﺰﭼﻪ "Sales and Marketing Deparment" ﺩﻩﻳﺪﯗ) ﮔﻪ ﻳﯚﺗﻜﻪﭖ ﻗﻮﻳﺪﻯ. ﻟﯧﻜﯩﻦ، ﺋﯘ ﻳﻪﺭﺩﯨﻤﯘ ﻳﺎﺧﺸﻰ ﺋﯩﺸﻠﯩﻴﻪﻟﻤﯩﮕﻪﭼﻜﻪ، ﺋﯘﺯﯗﻥ ﺋﯚﺗﻤﻪﻱ ﺋﯘﻧﯩﻤﯘ ﺋﯩﺸﺘﯩﻦ ﺑﻮﺷﯩﺘﯩﯟﻩﺗﺘﻰ. ﻣﻪﻥ ﺑﯘ ﻳﻪﺭﺩﻩ ﻫﻪﺭﮔﯩﺰ ﺧﻪﻧﺰﯗ ﺑﺎﻟﯩﻼﺭﻧﯩﯔ ﻫﻪﻣﻤﯩﺴﻰ ﻳﺎﺧﺸﻰ ﺋﯩﺸﻠﯩﻴﻪﻟﻤﻪﻳﺪﯗ، ﺩﯦﻤﻪﻛﭽﻰ ﺋﻪﻣﻪﺳﻤﻪﻥ. ﻳﯘﻗﯩﺮﯨﻘﯩﻼﺭ ﻧﺎﻫﺎﻳﯩﺘﻰ ﺩﺍﯕﻠﯩﻖ ﻣﻪﻛﺘﻪﭘﻠﻪﺭﺩﻩ ﺋﯘﻧﯟﺍﻥ ﺋﺎﻻﻟﯩﻐﺎﻥ ﺑﻮﻟﺴﯩﻤﯘ، ﺧﯩﺰﻣﻪﺕ ﺋﯩﻘﺘﯩﺪﺍﺭﻯ ﺗﯚﯞﻩﻥ، ﻫﻪﻣﺪﻩ ﻳﯧﯖﻰ ﺷﺎﺭﺍﺋﯩﺘﻘﺎ ﺗﯧﺰ ﻣﺎﺳﻠﯩﺸﯩﺶ ﻗﺎﺑﯩﻠﯩﻴﯩﺘﻰ ﻳﻮﻗﻼﺭﻧﯩﯔ ﺑﯩﺮ ﻗﺎﻧﭽﻪ ﻣﯩﺴﺎﻟﻠﯩﺮﯨﺪﯨﻨﻼ ﺋﯩﺒﺎﺭﻩﺕ. ﺋﺎﻣﯧﺮﯨﻜﯩﺪﺍ ﻳﺎﺧﺸﻰ ﺋﯩﺸﻠﻪﭖ، ﺋﯚﺯ ﻛﯜﻧﯩﻨﻰ ﻳﺎﺧﺸﻰ ﺋﯧﻠﯩﭗ ﻛﯧﺘﯩﯟﺍﺗﻘﺎﻥ ﺧﻪﻧﺰﯗﻻﺭ ﺋﯩﻨﺘﺎﻳﯩﻦ ﻛﯚﭖ. ﺋﯚﺯﻟﯩﺮﻯ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺷﯩﺮﻛﻪﺕ ﻗﯘﺭﻏﺎﻧﻼﺭﻣﯘ ﺧﯧﻠﻰ ﺑﺎﺭ. ﻣﻪﻥ ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﻳﯩﻞ ﺑﯘﺭﯗﻥ ﺋﻮﻗﯘﻏﺎﻥ ﺑﯩﺮ ﻣﺎﺗﯧﺮﯨﻴﺎﻟﻐﺎ ﺋﺎﺳﺎﺳﻼﻧﻐﺎﻧﺪﺍ، ﻛﺎﻟﯩﻔﻮﺭﻧﯩﻴﻪﻧﯩﯔ ﺳﯩﻠﯩﻜﻮﻥ ﺟﯩﻠﻐﯩﺴﯩﺪﺍ ﺟﯘﯕﮕﻮ، ﺷﺎﯕﮕﺎﯓ ﯞﻩ ﺗﻪﻳﯟﻩﻧﺪﯨﻦ ﻛﻪﻟﮕﻪﻥ، ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺷﯩﺮﻛﻪﺗﺘﻪ ﺋﯩﺸﻠﻪﻳﺪﯨﻐﺎﻥ ﺧﻪﻧﺰﯗ ﺧﺎﺩﯨﻤﻼﺭﺩﯨﻦ 50 ﻣﯩﯖﺪﯨﻦ ﻛﯚﭖ ﺋﺎﺩﻩﻡ ﺑﺎﺭ ﺋﯩﻜﻪﻥ.
  ﺋﺎﻣﯧﺮﯨﻜﯩﺪﯨﻜﻰ ﺷﯩﺮﻛﻪﺗﻠﻪﺭ ﻫﻪﻗﯩﻘﯩﻲ ﺋﯩﻘﺘﯩﺪﺍﺭﻯ ﻳﻮﻕ، ﺷﯩﺮﻛﻪﺗﻨﯩﯔ ﺋﯩﺸﻠﯩﺮﯨﻐﺎ ﺋﯚﺯ ﺳﺎﻻﻫﯩﻴﯩﺘﯩﮕﻪ ﭼﯘﺷﻠﯘﻕ ﺗﯚﻫﭙﻪ ﻗﻮﺷﺎﻟﻤﺎﻳﺪﯨﻐﺎﻧﻼﺭﻧﻰ ﺋﯩﺸﺘﯩﻦ ﺗﯧﺰﻻ ﺑﻮﺷﯩﺘﯩﯟﻩﺗﻜﻪﻥ ﺑﯩﻠﻪﻥ، ﺷﯩﺮﻛﻪﺕ ﺋﯜﭼﯜﻥ ﻣﯘﻫﯩﻢ ﻛﯩﺸﯩﻠﻪﺭﻧﻰ ﭘﯜﺗﯜﻥ ﻛﯜﭼﻰ ﺑﯩﻠﻪﻥ ﻗﻮﻏﺪﺍﻳﺪﯗ. ﻣﻪﻥ ﺑﯘﻧﯩﯖﺪﯨﻦ ﺑﯩﺮ ﻗﺎﻧﭽﻪ ﻳﯩﻞ ﺑﯘﺭﯗﻥ، ﺳﯩﻠﯩﻜﻮﻥ ﺟﯩﻠﻐﯩﺴﯩﺪﯨﻜﻰ ﻳﻪﻧﻪ ﺑﯩﺮ ﺷﯩﺮﻛﻪﺗﻜﻪ ﺗﯧﻠﯧﻔﻮﻥ ﻗﯩﻠﯩﭗ، ﺋﯘﻧﯩﯔ ﺋﺎﺳﺎﺳﻠﯩﻖ ﺗﯧﺨﻨﯩﻜﺎ ﺧﺎﺩﯨﻤﯩﻨﻰ ﺋﯩﺰﺩﯨﺪﯨﻢ. ﺋﯘﻻﺭ ﻣﺎﯕﺎ ﺋﺎﺭﯨﺰﻭﻧﺎ ﺷﯩﺘﺎﺗﯩﻨﯩﯔ ﺑﯩﺮ ﺗﯧﻠﯧﻔﻮﻥ ﻧﻮﻣﯘﺭﯨﻨﻰ ﺑﯧﺮﯨﭗ، ﺷﯘﻳﻪﺭﮔﻪ ﺗﯧﻠﯧﻔﻮﻥ ﻗﯩﻠﯩﺸﯩﻤﻨﻰ ﺋﯧﻴﺘﺘﻰ. ﻣﻪﻥ "ﺳﯩﻠﻪﺭﻧﯩﯔ ﺋﺎﺭﯨﺰﻭﻧﺎﺩﯨﻤﯘ ﺑﯩﺮﻩﺭ ﺷﯚﺑﻪﯕﻼﺭ ﺑﺎﺭﻣﯘ؟" ﺩﻩﭖ ﺳﻮﺭﯨﺴﺎﻡ، ﺋﯘﻻﺭ "ﻳﺎﻕ. ﺑﯩﺰﻧﯩﯔ ﺷﯩﺮﻛﻪﺕ ﺑﯘﺭﯗﻥ ﺋﺎﺭﯨﺰﻭﻧﺎﺩﺍ ﺑﻮﻟﯘﭖ، ﻛﯧﻴﯩﻦ ﻛﺎﻟﯩﻔﻮﺭﻧﯩﻴﻪﮔﻪ ﻳﯚﺗﻜﻪﭖ ﻛﻪﻟﮕﻪﻥ. ﻟﯧﻜﯩﻦ ﺋﯘ ﻛﯩﺸﻰ ﻛﺎﻟﯩﻔﻮﺭﻧﯩﻴﻪﮔﻪ ﻛﻪﻟﮕﯩﻠﻰ ﺋﯘﻧﯩﻤﯩﻐﺎﭼﻘﺎ، ﺋﯘﻧﯩﯖﻐﺎ ﺋﺎﺭﯨﺰﻭﻧﺎﺩﺍ ﺑﯩﺮ ﺋﺎﻳﺮﯨﻢ ﺋﯩﺸﺨﺎﻧﺎ ﺋﯧﭽﯩﭗ ﺑﻪﺭﺩﯗﻕ"، ﺩﯦﺪﻯ. ﻣﻪﻥ 2003-ﻳﯩﻠﻰ Wave Splitter  ﺩﯨﻦ ﭼﯩﻘﯩﭗ ﻛﯧﺘﯩﺪﯨﻐﺎﻧﻐﺎ ﺋﺎﺯ ﻗﺎﻟﻐﺎﻧﺪﺍ، ﺋﯚﺯﯛﻣﻨﯩﯔ ﻫﻪﻣﻤﻪ ﺗﻮﻧﯘﺷﻠﯩﺮﯨﻐﺎ ﻳﯧﯖﻰ ﺋﯩﺶ ﺋﯩﺰﺩﻩﯞﺍﺗﻘﺎﻧﻠﯩﻘﯩﻢ ﺗﻮﻏﺮﯨﺴﯩﺪﺍ ﺋﯧﻠﺨﻪﺕ ﻳﺎﺯﺩﯨﻢ. ﻣﯧﻨﯩﯔ ﺑﯘﺭﯗﻧﻘﻰ ﺳﺎﻧﺪﯨﺌﺎ(Sandia ) ﺩﯙﻟﻪﺕ ﺗﻪﺟﺮﯨﺒﯩﺨﺎﻧﯩﺴﯩﺪﯨﻜﻰ ﺋﯘﺳﺘﺎﺯﯨﻢ، ﻫﺎﺯﯨﺮ Georgia ﺗﯧﺨﻨﯩﻜﯩﻠﯩﻖ ﺋﯩﻨﺴﺘﯩﺘﯘﺗﻰ ﻓﯩﺰﯨﻜﺎ ﻓﺎﻛﯘﻟﺘﯧﺘﯩﻨﯩﯔ ﻣﯘﺩﯨﺮﻯ ﻣﯧﻨﻰ ﺋﯚﺯ ﻣﻪﻛﺘﯩﭙﯩﻨﯩﯔ ﺗﺎﺭﻣﯩﻘﯩﺪﺍ ﺋﻪﻣﺪﯨﻼ ﻗﯘﺭﯗﻟﻐﺎﻥ، ﭘﻪﻗﻪﺕ ﺑﯩﺮ ﺭﻩﺋﯩﺴﻰ ﺑﯩﻠﻪﻥ ﺑﯩﺮ ﻣﯘﺋﺎﯞﯨﻦ ﺭﻩﺋﯩﺴﯩﺪﯨﻦ ﺋﯩﺒﺎﺭﻩﺕ ﺋﯩﻜﻜﯩﻼ ﺋﺎﺩﯨﻤﻰ ﺑﺎﺭ، ﺷﯩﺮﻛﻪﺕ ﺋﯜﭼﯜﻥ ﺋﯩﻘﺘﯩﺴﺎﺩﯨﻲ ﻣﻪﺑﻠﻪﻏﻨﻰ ﻫﻪﻝ ﻗﯩﻠﯩﭗ ﺑﻮﻟﻐﺎﻥ ﺑﯩﺮ ﺷﯩﺮﻛﻪﺗﻨﻰ ﺗﻮﻧﯘﺷﺘﯘﺭﯗﭖ ﻗﻮﻳﺪﻯ. ﺑﯘ ﺷﯩﺮﻛﻪﺗﻨﯩﯔ ﺋﯩﺸﻠﻪﭖ ﭼﯩﻘﺎﺭﻣﺎﻗﭽﻰ ﺑﻮﻟﻐﯩﻨﻰ، ﻫﻪﺭ ﺧﯩﻞ ﺩﻭﺭﺍ ﯞﻩ ﻳﯧﻤﻪﻛﻠﯩﻜﻠﻪﺭ ﺷﯩﺮﻛﯩﺘﻰ ﺩﻭﺭﺍ ﺑﯩﻠﻪﻥ ﻳﯧﻤﻪﻛﻠﯩﻜﺘﻪ ﻣﯩﻜﺮﻭﭖ ﺑﺎﺭ-ﻳﻮﻗﻠﯘﻗﯩﻨﻰ ﺗﻪﻛﺸﯜﺭﯨﺪﯨﻐﺎﻥ ﺑﯩﺮ ﺋﻮﭘﺘﯩﻜﯩﻠﯩﻖ ﺋﺎﭘﭙﺎﺭﺍﺕ ﺑﻮﻟﯘﭖ، ﺋﻪﺳﻠﯩﺪﻩ ﺋﯘ ﻣﯧﻨﯩﯔ ﺋﯘﺳﺘﺎﺯﯨﻤﻨﯩﯔ ﺑﯩﺮ ﻗﺎﻧﭽﻪ ﭘﺎﺗﯧﻨﺘﯩﻐﺎ ﺋﺎﺳﺎﺳﻼﻧﻐﺎﻥ ﺑﻮﻟﯘﭖ، ﻣﯧﻨﻰ ﺷﯩﺮﻛﻪﺗﻨﯩﯔ ﺑﺎﺵ ﺗﯧﺨﻨﯩﻜﻰ ﻗﯩﻠﯩﭗ ﺋﺎﻟﻤﺎﻗﭽﻰ ﺑﻮﻟﺪﻯ. ﻣﻪﻥ ﻛﺎﻟﯩﻔﻮﺭﻧﯩﻴﻪﻧﯩﯔ ﻳﯘﻗﯘﺭﻯ ﻣﺎﺋﺎﺷﯩﻐﺎ ﻛﯚﻧﯜﭖ ﻗﺎﻟﻐﺎﻥ ﺑﻮﻟﻐﺎﭼﻘﺎ، ﺋﯘﻻﺭﻧﯩﯔ ﻣﺎﯕﺎ ﺑﻪﺭﮔﻪﻥ ﻣﺎﺋﺎﺷﯩﻨﻰ ﺋﺎﺯ ﻛﯚﺭﺩﯛﻡ. ﺷﯘﻧﯩﯔ ﺑﯩﻠﻪﻥ ﺋﯘﻻﺭ ﻣﺎﯕﺎ ﻣﺎﺋﺎﺵ ﻗﻮﺷﯘﭖ ﺑﻪﺭﮔﻪﻧﯩﺪﻯ، ﻣﯧﻨﯩﯔ ﻣﺎﺋﺎﺷﯩﻢ ﻗﺎﻟﻐﺎﻥ 2 ﻛﯩﺸﯩﻨﯩﯖﻜﯩﺪﯨﻦ ﻳﯘﻗﯩﺮﻯ ﺑﻮﻟﯘﭖ ﻛﻪﺗﺘﻰ (ﺋﺎﺗﻼﻧﺘﺎﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﻰ ﻛﺎﻟﯩﻔﻮﺭﻧﯩﻴﻪﻧﯩﯖﻜﯩﺪﯨﻦ ﺟﯩﻖ ﺗﯚﯞﻩﻥ ﺑﻮﻟﯘﭖ، ﻛﺎﻟﯩﻔﻮﺭﻧﯩﻴﻪﺩﻩ ﺑﯩﺮ ﺋﯚﻱ ﺋﺎﻟﻐﺎﻥ ﭘﯘﻟﻐﺎ ﺋﯘ ﻳﻪﺭﺩﻩ ﻛﺎﻡ ﺩﯦﮕﻪﻧﺪﻩ 2 ﺋﯚﻱ ﺋﺎﻟﻐﯩﻠﻰ ﺑﻮﻟﯩﺪﯗ). ﻣﺎﯕﺎ ﺷﯩﺮﻛﻪﺗﻨﯩﯔ 3 ﭘﯩﺮﺳﻪﻧﺘﯩﻨﻰ ﺑﻪﺭﮔﻪﻧﯩﺪﻯ، ﺋﯘﻧﯩﻤﯘ ﺋﺎﺯ ﻛﯚﺭﺩﯛﻡ. ﺷﯘﻧﯩﯔ ﺑﯩﻠﻪﻥ ﺋﯘﻧﻰ 7 ﭘﯩﺮﺳﻪﻧﺘﻜﻪ ﻛﯚﺗﯜﺭﯛﭖ ﺑﻪﺭﺩﻯ. ﺋﻪﯓ ﺋﺎﺧﯩﺮﯨﺪﺍ ﺑﯩﺰﻧﯩﯔ ﺋﯚﻳﻨﻰ Georgia ﺷﯩﺘﺎﺗﯩﻨﯩﯔ ﺋﺎﺗﻼﻧﺘﺎ ﺷﻪﻫﯩﺮﯨﮕﻪ ﻳﯚﺗﻜﻪﭖ ﺑﯧﺮﯨﺸﺘﯩﻦ ﺑﯘﺭﯗﻥ، ﻣﻪﻥ ﻫﻪﺭ 4 ﻫﻪﭘﺘﻪ ﺋﺎﺗﻼﻧﺘﺎﺩﺍ ﺋﯩﺸﻠﻪﭖ، 5-ﻫﻪﭘﺘﯩﺴﻰ ﺋﯚﻳﮕﻪ ﻗﺎﻳﺘﯩﭗ ﻛﯧﻠﯩﭗ، ﺋﯚﻳﺪﻩ ﺑﯩﺮ ﻫﻪﭘﺘﻪ ﺋﯩﺸﻠﻪﻳﻤﻪﻥ، ﺩﯦﮕﻪﻥ ﺷﻪﺭﺗﻨﻰ ﻗﻮﻳﺪﯗﻡ. ﺋﯘﻻﺭ ﺑﯘﻧﯩﯖﻐﯩﻤﯘ ﻣﺎﻗﯘﻝ ﺑﻮﻟﺪﻯ. ﻟﯧﻜﯩﻦ، ﺩﻩﻝ ﺷﯘ ﭼﺎﻏﺪﺍ، ﺑﯩﺰ ﺗﯘﺭﯗﯞﺍﺗﻘﺎﻥ ﺷﻪﻫﻪﺭﻧﯩﯔ ﻗﯧﺸﯩﺪﯨﻜﻰ ﺷﻪﻫﻪﺭﮔﻪ ﺟﺎﻳﻼﺷﻘﺎﻥ، ﺑﯩﺮ ﺑﯩﺌﻮﻟﻮﮔﯩﻴﻪ ﺗﯧﺨﻨﯩﻜﯩﺴﻰ ﺷﯩﺮﻛﯩﺘﯩﺪﯨﻦ ﻣﺎﯕﺎ ﺧﯩﺰﻣﻪﺕ ﭼﯩﻘﯩﭗ ﻗﺎﻟﺪﻯ. ﺷﯘﻧﯩﯔ ﺑﯩﻠﻪﻥ ﻣﻪﻥ ﺋﺎﺗﻼﻧﺘﺎﺩﯨﻜﻰ ﺷﯩﺮﻛﻪﺗﻜﻪ ﺑﺎﺭﻣﯩﺪﯨﻢ. ﺑﯘﻧﺪﺍﻕ ﺩﯦﺴﻪﻡ، ﺑﻪﺯﯨﻠﻪﺭ ﺋﯜﭼﯜﻥ ﻣﻪﻥ ﺋﺎﺟﺎﻳﯩﭗ ﻳﯜﺯﺳﯩﺰﺩﻩﻙ ﺗﻮﻳﯘﻟﯘﺷﯘﻡ ﻣﯘﻣﻜﯩﻦ. ﺑﯘ ﺋﺎﻣﯧﺮﯨﻜﯩﺪﺍ ﺑﯩﺮ ﺋﯩﻨﺘﺎﻳﯩﻦ ﻧﻮﺭﻣﺎﻟﻨﻰ ﺋﯩﺶ. ﻣﻪﻥ ﺑﯩﺮ ﺷﯩﺮﻛﻪﺕ ﺋﯜﭼﯜﻥ ﺋﺎﺷﯘﻧﺪﺍﻕ ﻗﯩﻼﻻﻳﻤﻪﻥ. ﺑﯩﺮ ﺷﯩﺮﻛﻪﺕ ﻣﻪﻥ ﺋﯜﭼﯜﻧﻤﯘ ﺋﺎﺷﯘﻧﺪﺍﻕ ﻗﯩﻼﻻﻳﺪﯗ. 2001-ﻳﯩﻠﻰ ﻣﯧﻨﯩﯔ ﺋﺎﻳﺎﻟﯩﻤﻨﯩﯔ ﻳﯘﻣﺸﺎﻕ ﺩﯦﺘﺎﻟﻼﺭ ﺷﯩﺮﻛﯩﺘﻰ ﺋﺎﺯﺭﺍﻕ ﺋﺎﺩﻩﻡ ﻗﻮﺑﯘﻝ ﻗﯩﻠﺪﻯ. ﻳﯧﯖﻰ ﻗﻮﺑﯘﻝ ﻗﯩﻠﯩﻨﻐﺎﻧﻼﺭﻧﯩﯔ ﺋﯩﭽﯩﺪﯨﻜﻰ ﺑﻪﺯﯨﻠﯩﺮﻯ، ﺑﯘ ﻳﯧﯖﻰ ﺧﯩﺰﻣﻪﺗﻨﻰ ﺑﺎﺷﻼﺷﺘﯩﻦ ﺑﯘﺭﯗﻥ، ﻳﺎﯞﺭﻭﭘﺎﻏﺎ ﺑﯧﺮﯨﭗ، ﺑﯩﺮ-ﺋﯩﻜﻜﻰ ﺋﺎﻱ ﺗﺎﻣﺎﺷﺎ ﻗﯩﻠﻤﺎﻗﭽﻰ ﺑﻮﻟﯘﭖ ﻛﯧﺘﯩﭙﺘﯘ. ﺩﻩﻝ ﺷﯘ ﭼﺎﻏﺪﺍ ﺷﯩﺮﻛﻪﺗﻨﯩﯔ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﯩﺪﺍ ﭼﻮﯓ ﺋﯚﺯﮔﯩﺮﯨﺶ ﺑﻮﻟﯘﭖ، ﻫﯧﻠﯩﻘﻰ ﺋﯩﺸﻘﺎ ﺋﯧﻠﯩﭗ ﺑﻮﻟﻐﺎﻥ، ﺋﻪﻣﻤﺎ ﺗﯧﺨﻰ ﺧﯩﺰﻣﻪﺕ ﺑﺎﺷﻠﯩﻤﯩﻐﺎﻧﻼﺭﺩﯨﻦ ﺑﯩﺮ ﻗﺎﻧﭽﯩﺴﯩﻨﻰ ﺷﯩﺮﻛﻪﺗﻜﻪ ﺋﺎﻟﻤﺎﺳﻠﯩﻘﻨﻰ ﻗﺎﺭﺍﺭ ﻗﯩﻠﯩﭙﺘﯘ. ﺷﯘﻧﯩﯔ ﺑﯩﻠﻪﻥ ﺷﯩﺮﻛﻪﺕ ﻳﺎﯞﺭﻭﭘﺎﺩﺍ ﺗﺎﻣﺎﺷﺎ ﻗﯩﻠﯩﯟﺍﺗﻘﺎﻧﻼﺭﻏﺎ "ﺳﯩﺰﻧﻰ ﺋﯩﺸﺘﯩﻦ ﺑﻮﺷﺎﺗﺘﯘﻕ. ﺋﻪﻣﺪﻯ ﺑﯩﺰﻧﯩﯔ ﺷﯩﺮﻛﻪﺗﻜﻪ ﻛﻪﻟﻤﯩﺴﯩﯖﯩﺰﻣﯘ ﺑﻮﻟﯩﺪﯗ" ﺩﻩﭖ ﺧﻪﺕ ﻣﺎﯕﺪﯗﺭﯗﭘﺘﯘ.

 ﻣﯧﻨﯩﯔ ﺋﺎﺗﻼﻧﺘﺎﺩﯨﻜﻰ ﺑﯘﺭﯗﻧﻘﻰ ﺋﯘﺳﺘﺎﺯﯨﻢ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻢ ﻫﺎﺯﯨﺮﻣﯘ ﺋﯩﻨﺘﺎﻳﯩﻦ ﻳﺎﺧﺸﻰ. ﻳﯘﻗﯩﺮﯨﻘﻰ ﺷﯩﺮﻛﻪﺗﺘﯩﻜﻰ ﺋﯘ ﺋﯩﻜﻜﻰ ﺋﺎﺩﻩﻡ ﺑﯩﻠﻪﻧﻤﯘ ﻫﯧﭻ ﻗﺎﻧﺪﺍﻕ ﻳﺎﻣﺎﻧﻠﯩﺸﯩﭗ ﻗﺎﻟﻤﯩﺪﯨﻢ. ﻣﻪﻥ ﺑﺎﺭﻣﺎﻳﺪﯨﻐﺎﻧﻠﯩﻘﯩﻤﻨﻰ ﺋﯧﻴﺘﻘﺎﻧﺪﺍ، ﺋﯘﻻﺭ "ﺑﯩﺰﮔﻪ ﺑﯩﺮﻩﺭ ﺋﺎﺩﻩﻡ ﻛﯚﺭﺳﯩﺘﯩﭗ ﺑﻪﺭﺳﻪﯓ"، ﺩﻩﭖ ﺋﯩﻠﺘﯩﻤﺎﺱ ﻗﯩﻠﯩﯟﯦﺪﻯ، ﻣﻪﻥ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺋﯘﺳﺘﺎﺯﯨﻤﻨﯩﯔ ﺋﻮﻗﯘﺵ ﭘﯜﺗﺘﯜﺭﯛﺵ ﺋﺎﻟﺪﯨﺪﯨﻜﻰ ﺑﯩﺮ ﺋﻮﻗﯘﻏﯘﭼﯩﺴﯩﻨﻰ ﻛﯚﺭﺳﯩﺘﯩﭗ ﺑﻪﺭﺩﯨﻢ. ﻛﯧﻴﯩﻦ ﺋﯘﻗﺴﺎﻡ، ﺋﯘﻻﺭ ﺋﯚﺯﻟﯩﺮﯨﻨﯩﯔ ﺷﯩﺮﻛﯩﺘﯩﮕﻪ ﺟﻪﻧﯘﺑﯩﻲ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﻳﯧﯖﻰ ﭘﯜﺗﺘﯜﺭﮔﻪﻥ ﺑﯩﺮ ﻳﺎﺷﻨﻰ ﺋﯧﻠﯩﭙﺘﯘ.

  ﻣﻪﻥ ﻳﯘﻗﯩﺮﯨﺪﺍ ﺋﺎﻣﯧﺮﯨﻜﺎ ﺗﻮﻏﺮﯨﺴﯩﺪﺍ ﺧﯧﻠﻰ ﻛﯚﭖ ﺳﯚﺯﻟﯩﺪﯨﻢ. ﻣﻪﻥ ﺗﻪﺳﯟﯨﺮﻟﯩﮕﻪﻥ ﺑﯘ ﺋﯩﺸﻼﺭﻧﻰ ﺑﯩﺰﻧﯩﯔ ﻳﯘﺭﺗﻘﺎ ﻗﺎﻧﺪﺍﻕ ﺗﻪﺩﺑﯩﻘﻼﺵ ﻣﯘﻣﻜﯩﻦ؟
ﻳﯘﺭﺗﯩﻤﯩﺰﺩﺍ ﺑﯘ ﺋﯩﺸﻼﺭ ﺑﯩﻠﻪﻥ ﺋﺎﻻﻗﯩﺪﺍﺭ ﻣﯘﻧﺪﺍﻕ 3 ﺗﻪﺭﻩﭖ ﺑﺎﺭ. 1) ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﻯ. 2) ﺋﻮﻗﯘﺗﻘﯘﭼﻰ، ﯞﻩ ﺋﺎﺗﺎ-ﺋﺎﻧﯩﻼﺭ. 3) ﺋﻮﺗﺘﯘﺭﺍ ﯞﻩ ﺋﺎﻟﯩﻲ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ.

 ﺋﺎﻣﯧﺮﯨﻜﯩﻨﯩﯔ ﺑﯘ ﺩﯗﻧﻴﺎﺩﯨﻜﻰ ﻧﯘﺭﻏﯘﻥ ﺗﺎﻻﻧﺖ ﺋﯩﮕﯩﻠﯩﺮﯨﻨﻰ ﺋﯚﺯﯨﮕﻪ ﺟﻪﻟﭗ ﻗﯩﻠﯩﭗ، ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﻪ ﺑﯘ ﺩﯗﻧﻴﺎﺩﯨﻜﻰ ﺋﻪﯓ ﻛﯜﭼﻠﯜﻙ ﺩﯙﻟﻪﺕ ﺑﻮﻟﯘﭖ ﺗﯘﺭﺍﻟﯩﺸﯩﺪﯨﻜﻰ ﺋﻪﯓ ﺗﯜﭖ ﺳﻪﯞﻩﺑﻠﻪﺭﻧﯩﯔ ﺑﯩﺮﻯ، ﺋﺎﻣﯧﺮﯨﻜﯩﺪﺍ ﻫﻪﻣﻤﻪ ﺋﺎﺩﻩﻡ ﺋﯜﭼﯜﻥ ﺋﯚﺯﻯ ﺧﺎﻟﯩﻐﺎﻥ، ﺋﯚﺯﯨﻨﯩﯔ ﻛﯘﺩﺭﯨﺘﻰ ﻳﯧﺘﯩﺪﯨﻐﺎﻥ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﺪﻩ ﺑﯩﻠﯩﻢ ﯞﻩ ﺋﯩﻘﺘﯩﺪﺍﺭ ﺋﯩﮕﯩﻠﻪﻳﺪﯨﻐﺎﻥ، ﻫﻪﻣﺪﻩ ﺑﯘ ﺑﯩﻠﯩﻢ ﺑﯩﻠﻪﻥ ﺋﯩﻘﺘﯩﺪﺍﺭﻧﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﺪﻩ ﺋﯩﺸﻠﯩﺘﻪﻟﻪﻳﺪﯨﻐﺎﻥ ﭘﯘﺭﺳﻪﺕ ﺑﺎﺭ. ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻠﻼﺭﺩﯨﻦ ﺑﯘﻳﺎﻥ، ﺷﯩﻨﺠﺎﯕﺪﯨﻜﻰ "ﺧﯩﺰﻣﻪﺗﻨﻰ ﺑﯩﺮ ﺗﯘﺗﺎﺵ ﺗﻪﻗﺴﯩﻢ ﻗﯩﻠﯩﺶ" ﺩﯨﮕﻪﻥ ﺳﯩﻴﺎﺳﻪﺕ، "ﺧﯩﺰﻣﻪﺗﻨﻰ ﺋﯚﺯﻯ ﺗﯧﭙﯩﺶ" ﺩﯦﮕﻪﻥ ﻳﯧﯖﻰ ﺑﯩﺮ ﺳﯩﻴﺎﺳﻪﺗﻜﻪ ﺋﯚﺯﮔﯩﺮﯨﭙﺘﯘ. ﺑﯘ ﺟﻪﻣﺌﯩﻴﻪﺕ ﺗﻪﺭﻩﻗﻘﯩﻴﺎﺗﯩﻨﯩﯔ ﺑﯩﺮ ﻣﯘﻗﻪﺭﺭﻩﺭ ﻳﯜﺯﻟﯩﻨﯩﺸﯩﺪﯗﺭ. ﺋﺎﻣﯧﺮﯨﻜﯩﺪﺍ ﺋﻪﻳﻨﻰ ﯞﺍﻗﯩﺘﺘﺎ ﻣﯘﺷﯘﻧﺪﺍﻕ ﺑﯩﺮ ﺋﯚﺗﻜﯜﻧﭽﻰ ﺩﻩﯞﺭ ﺑﻮﻟﻐﺎﻧﻤﯘ-ﻳﻮﻕ، ﻣﯧﻨﯩﯔ ﺑﯘ ﺟﻪﻫﻪﺗﺘﯩﻜﻰ ﺗﺎﺭﯨﺨﺘﯩﻦ ﺧﻪﯞﯨﺮﯨﻢ ﻳﻮﻕ. ﻟﯧﻜﯩﻦ، ﻫﺎﺯﯨﺮ ﺋﺎﻣﯧﺮﯨﻜﯩﺪﺍ "ﻫﻪﻣﻤﻪ ﺋﺎﺩﻩﻡ، ﺋﯘﻧﯩﯔ ﻗﺎﻳﺴﻰ ﻣﯩﻠﻠﻪﺗﯩﻦ ﺑﻮﻟﯘﺷﻰ، ﻗﺎﻳﺴﻰ ﺩﯨﻨﻐﺎ ﺋﯩﺸﯩﻨﯩﺸﻰ، ﺋﻪﺭ ﻳﺎﻛﻰ ﺋﺎﻳﺎﻝ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺧﯩﺰﻣﻪﺕ ﭘﯘﺭﺳﯩﺘﻰ ﺋﺎﻟﺪﯨﺪﺍ ﭘﯜﺗﯜﻧﻠﻪﻱ ﺑﺎﺭﺍﯞﻩﺭ" ﺩﯦﮕﻪﻥ ﺋﯩﻨﺘﺎﻳﯩﻦ ﻗﺎﺗﺘﯩﻖ ﻗﺎﻧﯘﻥ ﺑﺎﺭ. ﺧﯩﺰﻣﻪﺕ ﺗﯧﭙﯩﺸﺘﺎ ﺑﯩﺮ ﺋﺎﺩﻩﻡ ﺋﺎﺯﺭﺍﻕ ﻛﻪﻣﺴﯩﺘﯩﺸﻜﻪ ﺋﯘﭼﺮﺍﭖ ﻗﺎﻟﺴﺎ، ﺋﯘ ﺋﺎﺩﻩﻡ ﺷﯩﺮﻛﻪﺕ ﺋﯜﺳﺘﯩﺪﯨﻦ ﺋﻪﺭﺯ ﻗﯩﻼﻻﻳﺪﯗ. ﺋﻪﮔﻪﺭ ﺷﯩﺮﻛﻪﺗﻨﯩﯔ ﺋﺎﺩﻩﻡ ﻛﻪﻣﺴﻪﺗﻜﻪﻧﻠﯩﻜﻰ ﺭﺍﺳﺖ ﺑﻮﻟﯘﭖ ﭼﯩﻘﺴﺎ، ﺑﯘ ﺷﯩﺮﻛﻪﺕ ﺋﯩﻨﺘﺎﻳﯩﻦ ﺋﯧﻐﯩﺮ ﺟﺎﺯﺍﻏﺎ ﺗﺎﺭﺗﯩﻠﯩﺪﯗ. ﺋﺎﺩﻩﻡ ﻛﻪﻣﺴﯩﺘﯩﺪﯨﻐﺎﻥ ﺋﯩﺶ-ﻫﻪﺭﯨﻜﻪﺗﻠﻪﺭ ﺋﯘ ﻳﺎﻗﺘﺎ ﺗﯘﺭﺳﯘﻥ، ﮔﻪﭖ-ﺳﯚﺯﻧﻰ ﻗﯩﻠﯩﺸﻤﯘ ﻗﺎﺗﺘﯩﻖ ﭼﻪﻛﻠﻪﻧﮕﻪﻥ. ﺋﻪﮔﻪﺭ ﺷﯩﻨﺠﺎﯕﺪﺍ "ﺧﯩﺰﻣﻪﺗﻨﻰ ﺋﯚﺯﻯ ﺗﯧﭙﯩﺶ" ﺗﯜﺯﯛﻣﻰ ﻳﻮﻟﻐﺎ ﻗﻮﻳﯘﻟﯘﭖ، "ﺧﯩﺰﻣﻪﺕ ﭘﯘﺭﺳﯩﺘﻰ ﯞﻩ ﺭﯨﻘﺎﺑﻪﺕ ﺋﺎﻟﺪﯨﺪﺍ ﻫﻪﻣﻤﻪ ﺋﺎﺩﻩﻡ، ﻫﻪﻣﻤﻪ ﻣﯩﻠﻠﻪﺕ ﺑﺎﺭﺍﯞﻩﺭ" ﺩﯦﮕﻪﻥ ﺑﯩﺮﻩﺭ ﻗﺎﻧﯘﻥ ﺗﯜﺯﯛﭖ ﭼﯩﻘﯩﺮﯨﻠﻤﯩﺴﺎ، ﻫﻪﻣﺪﻩ ﺑﯘ ﻗﺎﻧﯘﻥ ﻗﺎﺗﺘﯩﻖ ﺋﯩﺠﺮﺍ ﻗﯩﻠﯩﻨﻤﯩﺴﺎ، ﺧﯘﺩﺩﻯ ﻫﺎﺯﯨﺮﻗﯩﺪﻩﻙ، ﺷﯩﻨﺠﺎﯕﺪﯨﻜﻰ ﺷﯘ ﺋﯩﻜﻜﻰ ﺗﻮﻙ-ﺗﻮﻙ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ ﺋﯘﻳﻐﯘﺭ ﻳﺎﺷﻠﯩﺮﻯ ﺧﯩﺰﻣﻪﺕ ﺗﺎﭘﺎﻟﻤﺎﻳﺪﯗ. ﺳﯩﺰ ﺋﯩﻘﺘﯩﺪﺍﺭﻟﯩﻖ ﻛﯩﺸﯩﻠﻪﺭﻧﻰ ﻳﯩﺘﯩﻠﺪﯛﺭﯛﭖ، ﺋﯘﻻﺭﻧﯩﯔ ﺋﯚﺯ ﺋﯩﻘﺘﯩﺪﺍﺭﯨﻨﻰ ﺋﻪﯓ ﻳﯘﻗﯘﺭﻯ ﺩﻩﺭﯨﺠﯩﺪﻩ ﺟﺎﺭﯨﻲ ﻗﯩﻠﺪﯗﺭﯨﺸﯩﻐﺎ ﺷﻪﺭﺕ-ﺷﺎﺭﺍﺋﯩﺖ ﻫﺎﺯﯨﺮﻻﭖ ﺑﻪﺭﻣﯩﺴﯩﯖﯩﺰ، ﺑﯘ ﻫﯧﭻ ﺑﻮﻟﻤﯩﻐﺎﻧﺪﺍ ﺑﯩﺮ ﺋﯩﻘﺘﯩﺴﺎﺩﯨﻲ ﺯﯨﻴﺎﻥ ﯞﻩ ﺋﯩﺴﺮﺍﭘﭽﯩﻠﯩﻖ ﺋﻪﻣﻪﺳﻤﯘ؟ ﺑﯘ "ﺩﯗﻧﻴﺎﻧﯩﯔ ﺋﯩﻠﻐﺎﺭ ﺗﯧﺨﻨﯩﻜﯩﻠﯩﻖ ﺳﻪﯞﯨﻴﯩﺴﯩﮕﻪ ﻳﯧﺘﯩﯟﯦﻠﯩﺶ"، "ﻣﺎﺩﺩﯨﻲ ﯞﻩ ﻣﻪﻧﯩﯟﯨﻲ ﻣﻪﺩﻩﻧﯩﻴﻪﺕ ﺑﻪﺭﭘﺎ ﻗﯩﻠﯩﺶ" ﯞﻩ "ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺵ" ﺩﯦﮕﻪﻧﺪﻩﻙ ﺷﯘﺋﺎﺭﻻﺭﻧﯩﯔ ﺋﻪﻣﻪﻟﮕﻪ ﺋﯧﺸﯩﺸﯩﻐﺎ ﺯﻭﺭ ﺩﻩﺭﯨﺠﯩﺪﻩ ﺯﯨﻴﺎﻧﻠﯩﻖ ﺋﻪﻣﻪﺳﻤﯘ؟

ﺋﯘﻳﻐﯘﺭ ﻳﺎﺷﻠﯩﺮﯨﻨﻰ ﺋﯚﺯﻟﯜﻛﯩﺪﯨﻦ ﺗﯩﺮﯨﺸﯩﭗ، ﻫﻪﻗﯩﻘﯩﻲ ﺑﯩﻠﯩﻢ ﺋﯩﮕﯩﻠﯩﺸﯩﮕﻪ ﺋﯜﻧﺪﻩﺷﺘﻪ ﺋﻮﻗﯘﺗﻘﯘﭼﯩﻼﺭ ﯞﻩ ﺋﺎﺗﺎ-ﺋﺎﻧﯩﻼﺭﻧﯩﯔ ﺭﻭﻟﻰ ﺋﯩﻨﺘﺎﻳﯩﻦ ﭼﻮﯓ ﺑﻮﻟﯩﺪﯗ. ﺑﯘﻧﯩﯖﺪﯨﻦ 10 ﻳﯩﻞ ﺑﯘﺭﯗﻥ، ﺟﯘﯕﮕﻮﺩﺍ ﺑﯜﮔﯜﻧﻜﯩﺪﻩﻙ ﺯﻭﺭ ﺋﯚﺯﮔﯩﺮﯨﺸﻠﻪﺭﻧﯩﯔ ﺑﻮﻟﯘﺷﯩﻨﻰ ﻛﯚﭘﯩﻨﭽﻪ ﺋﺎﺩﻩﻣﻠﻪﺭ ﭘﻪﺭﻩﺯ ﻗﯩﻼﻟﻤﺎﻳﺘﺘﻰ. ﺑﯘﻧﯩﯖﺪﯨﻦ ﻛﯧﻴﯩﻨﻜﻰ 10 ﻳﯩﻞ، 20 ﻳﯩﻞ، 30 ﻳﯩﻠﺪﯨﻦ ﻛﯧﻴﯩﻦ ﻗﺎﻧﺪﺍﻕ ﺋﯚﺯﮔﯩﺮﯨﺸﻠﻪﺭ ﺑﻮﻟﯩﺪﯗ؟ ﺳﯩﺰ ﺋﻮﻗﯘﻏﯘﭼﯩﯖﯩﺰﻏﺎ ﻳﺎﻛﻰ ﭘﻪﺭﺯﻩﻧﺘﻠﯩﺮﯨﯖﯩﺰﮔﻪ ﻳﻮﻝ ﻛﯚﺭﺳﻪﺗﻜﻪﻧﺪﻩ، ﻧﻪﺯﻩﺭﯨﯖﯩﺰﻧﻰ ﺋﺎﺷﯘﻧﺪﺍﻕ ﻛﻪﻟﮕﯜﺳﯩﺪﻩ ﻛﯧﻠﯩﺪﯨﻐﺎﻥ ﺑﯩﺮ ﺩﻩﯞﺭﮔﻪ ﺳﯧﻠﯩﯔ. ﻫﯧﭻ ﺑﻮﻟﻤﯩﻐﺎﻧﺪﺍ، ﻫﺎﺯﯨﺮﻗﻰ ﯞﻩﺯﯨﻴﻪﺗﻜﻪ ﻗﺎﺭﺍﭖ، ﺳﯩﺰﻧﯩﯔ ﺭﻭﻫﯩﯖﯩﺰ ﺋﯚﺯﯨﯖﯩﺰﻧﯩﯔ ﺋﻮﻗﯘﻏﯘﭼﯩﺴﻰ ﻳﺎﻛﻰ ﺑﺎﻟﯩﯖﯩﺰﻧﯩﯖﻜﯩﺪﯨﻦ ﺑﻪﻛﺮﺍﻕ ﭼﯜﺷﯜﭖ ﻛﻪﺗﻤﯩﺴﯘﻥ. ﺋﯚﺯﯨﯖﯩﺰﻧﯩﯔ ﺭﻭﻫﻰ ﭼﯜﺷﯜﭖ ﻛﻪﺗﺴﻪ، ﻳﺎﺷﻼﺭﻏﺎ ﻫﻪﺭﮔﯩﺰﻣﯘ ﻳﻮﻝ ﻛﯚﺭﺳﯩﺘﻪﻟﻤﻪﻳﺴﯩﺰ.
ﺑﯩﺮ ﺋﺎﺩﻩﻣﻨﯩﯔ ﺋﯘﻟﯘﻏﻠﯘﻗﻰ، ﺋﯘﻧﯩﯔ ﺑﯘﺭﯗﻥ ﺑﻮﻟﯘﭖ ﺋﯚﺗﯜﭖ ﻛﻪﺗﻜﻪﻥ ﺋﯩﺸﻼﺭ ﺗﻮﻏﺮﯨﺴﯩﺪﺍ ﺗﻮﻏﺮﺍ ﻳﻪﻛﯜﻥ ﭼﯩﻘﯩﺮﺍﻟﯩﻐﺎﻧﻠﯩﻘﯩﺪﺍ ﺋﻪﻣﻪﺱ. ﺑﯩﺮ ﺋﺎﺩﻩﻣﻨﯩﯔ ﺋﯘﻟﯘﻏﻠﯘﻗﻰ، ﺋﯘﻧﯩﯔ ﻛﻪﻟﮕﯜﺳﯩﺪﻩ ﺑﻮﻟﯩﺪﯨﻐﺎﻥ ﺋﯩﺸﻼﺭﻧﻰ ﺗﻮﻏﺮﺍ ﻣﯚﻟﭽﻪﺭﻟﯩﻴﻪﻟﯩﺸﯩﺪﻩ.
  ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﻧﯩﯔ ﺟﻪﻣﺌﯩﻴﯩﺘﯩﻨﯩﯔ ﻫﻪﻣﻤﯩﺴﻰ ﺧﯘﺩﺩﻯ ﺑﯩﺮ ﭘﺎﺭﭼﻪ ﮔﯚﺷﻨﻰ ﺗﺎﻟﯩﺸﯩﯟﺍﺗﻘﺎﻥ ﺑﯚﺭﻩ-ﻳﻮﻟﯟﺍﺳﻼﺭﻧﯩﯔ ﺋﯘﯞﯨﺴﯩﻐﺎ ﺋﻮﺧﺸﺎﻳﺪﯗ. ﺟﯘﯕﮕﻮ ﺟﻪﻣﺌﯩﻴﯩﺘﯩﻤﯘ ﻫﺎﺯﯨﺮ ﺩﻩﻝ ﺋﺎﺷﯘﻧﺪﺍﻕ ﺑﯩﺮ ﺟﻪﻣﺌﯩﻴﻪﺕ ﺑﻮﻟﯘﺷﻘﺎ ﻗﺎﺭﺍﭖ ﻳﯜﺯﻟﯩﻨﯩﯟﺍﺗﯩﺪﯗ. ﺋﻪﮔﻪﺭ ﺳﯩﺰ ﻫﺎﺯﯨﺮ ﯞﺍﻗﯩﺘﻨﻰ ﺯﺍﻳﺎ ﻗﯩﻠﻤﺎﻱ، ﺋﯚﺯﯨﯖﯩﺰﺩﻩ ﻫﻪﻗﯩﻘﯩﻲ ﺑﯩﻠﯩﻢ ﺑﯩﻠﻪﻥ ﻫﻪﻗﯩﻘﯩﻲ ﺋﯩﻘﺘﯩﺪﺍﺭﻧﻰ ﻳﯧﺘﯩﻠﺪﯛﺭﺳﯩﯖﯩﺰ، ﻛﻪﻟﮕﯜﺳﯩﺪﻩ ﭘﯘﺭﺳﻪﺕ ﯞﻩ ﺭﯨﻘﺎﺑﻪﺕ ﺋﺎﻟﺪﯨﺪﺍ ﻫﻪﻣﻤﻪ ﺋﺎﺩﻩﻡ ﺑﺎﺭﺍﯞﻩﺭ ﺑﻮﻟﯩﺪﯨﻐﺎﻥ ﺑﯩﺮ ﺟﻪﻣﺌﯩﻴﻪﺕ ﺷﻪﻛﯩﻠﻠﻪﻧﻤﻪﻱ ﻗﺎﻟﻐﺎﻧﺪﯨﻤﯘ، ﻫﻪﭺ ﺑﻮﻟﻤﯩﻐﺎﻧﺪﺍ ﺳﯩﺰﮔﻪ ﻫﯧﭻ ﻗﺎﻧﺪﺍﻕ ﺯﯨﻴﯩﻨﻰ ﺑﻮﻟﻤﺎﻳﺪﯗ. ﺋﻪﮔﻪﺭ ﭘﯘﺭﺳﻪﺕ ﯞﻩ ﺭﯨﻘﺎﺑﻪﺕ ﺋﺎﻟﺪﯨﺪﺍ ﻫﻪﻣﻤﻪ ﺋﺎﺩﻩﻡ، ﻫﻪﻣﻤﻪ ﻣﯩﻠﻠﻪﺕ ﺑﺎﺭﺍﯞﻩﺭ ﺑﻮﻟﯩﺪﯨﻐﺎﻥ ﺑﯩﺮ ﺟﻪﻣﺌﯩﻴﻪﺕ ﺷﻪﻛﯩﻠﻠﯩﻨﯩﭗ ﻗﺎﻟﺴﺎ، ﺳﯩﺰ ﻫﺎﺯﯨﺮ ﺋﯩﮕﯩﻠﯩﮕﻪﻥ ﺑﯩﻠﯩﻢ ﺑﯩﻠﻪﻥ ﺋﯩﻘﺘﯩﺪﺍﺭ ﺳﯩﺰ ﺋﯜﭼﯜﻥ ﺑﯩﺮ ﺑﯩﺒﺎﻫﺎ ﮔﯚﻫﻪﺭﮔﻪ ﺋﺎﻳﻠﯩﻨﯩﺪﯗ. ﺋﯚﺗﯜﭖ ﻛﻪﺗﻜﻪﻥ ﯞﺍﻗﯩﺖ ﺧﯘﺩﺩﻯ ﺑﯩﺮ ﺋﺎﺩﻩﻣﻨﯩﯔ ﺋﯚﻟﯜﭖ ﻛﻪﺗﻜﻪﻥ ﺗﯘﻗﻘﯩﻨﯩﻐﺎ ﺋﻮﺧﺸﺎﻳﺪﯗ. ﺋﯘ ﺑﯩﺮ ﻛﻪﺗﻜﻪﻧﺪﯨﻦ ﻛﯧﻴﯩﻦ، ﻣﻪﯕﮕﯜ ﻗﺎﻳﺘﯩﭗ ﻛﻪﻟﻤﻪﻳﺪﯗ. "ﺋﻪﮔﻪﺭ ﻳﻪﻧﻪ ﺑﯩﺮ ﻛﯜﻥ ﻫﺎﻳﺎﺕ ﺑﻮﻟﻐﺎﻥ ﺑﻮﻟﺴﺎ، ﻣﺎﯞﯗﻧﻰ ﻗﯩﻠﯩﭗ ﺑﻪﺭﮔﻪﻥ ﺑﻮﻟﺴﺎﻡ"، "ﺋﻪﮔﻪﺭ ﻳﻪﻧﻪ ﺑﯩﺮ ﺋﺎﻱ ﻫﺎﻳﺎﺕ ﺑﻮﻟﻐﺎﻥ ﺑﻮﻟﺴﺎ، ﺋﺎﯞﯗﻧﻰ ﻗﯩﻠﯩﭗ ﺑﻪﺭﮔﻪﻥ ﺑﻮﻟﺴﺎﻡ"، ﺑﯘﻻﺭﻧﯩﯔ ﻫﻪﻣﻤﯩﺴﻰ ﻣﯘﻣﻜﯩﻦ ﺋﻪﻣﻪﺱ. ﺋﯘ ﭼﺎﻏﺪﺍ ﺳﯩﺰ ﻣﯩﯔ ﻳﯩﻐﻠﯩﺴﯩﯖﯩﺰﻣﯘ، ﺗﯘﻗﻘﯩﻨﯩﯖﯩﺰ ﺗﯩﺮﯨﻠﯩﭗ ﺑﻪﺭﻣﻪﻳﺪﯗ. ﺷﯘﯕﺎ، ﺗﯘﻗﻘﯩﻨﯩﯖﯩﺰ ﻫﺎﻳﺎﺕ ﯞﺍﻗﺘﯩﺪﺍ، ﺳﯩﺰ ﻗﯩﻠﯩﭗ ﺑﻪﺭﯨﺸﻜﻪ ﺗﯧﮕﯩﺸﻠﯩﻚ ﯞﻩ ﺳﯩﺰ ﻗﯩﻠﯩﭗ ﺑﯧﺮﻩﻟﻪﻳﺪﯨﻐﺎﻥ ﺋﯩﺸﻼﺭﻧﯩﯔ ﻫﻪﻣﻤﯩﻨﻰ ﻗﯩﻠﯩﭗ ﺑﯧﺮﯨﯔ. ﻫﺎﺯﯨﺮﺩﯨﻦ ﺑﺎﺷﻼﭖ ﻗﯩﻠﯩﭗ ﺑﻪﺭﮔﻪﭺ ﺗﯘﺭﯗﯓ. ﺋﺎﺷﯘﻧﺪﺍﻕ ﻗﯩﻠﺴﯩﯖﯩﺰ، ﺗﯘﻗﻘﯩﻨﯩﯖﯩﺰ ﺋﯚﻟﯜﭖ ﻛﻪﺗﻜﻪﻧﺪﻩ ﻫﻪﭺ ﻗﺎﻧﺪﺍﻕ ﻳﯩﻐﻠﯩﻤﯩﺴﯩﯖﯩﺰﻣﯘ ﺑﻮﻟﯩﯟﯦﺮﯨﺪﯗ--ﻣﯧﻨﯩﯖﭽﻪ، ﺳﯩﺰ ﺋﯘ ﭼﺎﻏﺪﺍ ﭘﻪﻗﻪﺗﻼ ﻳﯩﻐﻠﯩﻤﯩﺴﯩﯖﯩﺰﻣﯘ، ﺗﯘﻗﻘﯩﻨﯩﯖﯩﺰ ﭼﻮﻗﯘﻡ ﺳﯩﺰﺩﯨﻦ ﺭﺍﺯﻯ ﺑﻮﻟﯩﯟﯦﺮﯨﺪﯗ .

ﺑﺎﺵ ﺑﻪﺗﻜﻪ ﻗﺎﻳﺘﯩﺶ