7-ﺑﯚﻟﯜﻡ

14-ﺳﻮﺋﺎﻝ: ﭼﻪﺕ ﺋﻪﻟﻠﯩﻜﻠﻪﺭﻧﯩﯔ ﺗﯩﻞ ﺋﯚﮔﯩﻨﯩﺸﻰ ﻫﻪﻗﻘﯩﺪﻩ ﻛﯚﺯﻩﺗﻜﻪﻧﻠﯩﺮﯨﯖﯩﺰ ﻗﺎﻳﺴﯩﻼﺭ؟

ﺋﺎﻣﯧﺮﯨﻜﺎ ﻛﯚﭖ ﻣﯩﻠﻠﻪﺗﻠﯩﻚ ﺩﯙﻟﻪﺕ ﺑﻮﻟﯘﭖ، ﺋﯘﻧﯩﯖﺪﺍ ﺩﯗﻧﻴﺎﻧﯩﯔ ﻫﻪﻣﻤﻪ ﻳﯧﺮﯨﺪﯨﻦ ﻛﻪﻟﮕﻪﻥ ﻣﯩﻠﻠﻪﺗﻠﻪﺭ ﺗﯧﭙﯩﻠﯩﺪﯗ. 2000-ﻳﯩﻠﺪﯨﻜﻰ ﺋﻮﻣﯘﻣﯩﻲ ﻧﻮﭘﯘﺱ ﺳﺎﻧﺎﺵ ﻧﻪﺗﯩﺠﯩﺴﯩﮕﻪ ﺋﺎﺳﺎﺳﻼﻧﻐﺎﻧﺪﺍ، ﺋﺎﻣﯧﺮﯨﻜﯩﺪﯨﻜﻰ ﻳﻪﺭ ﺷﺎﺭﯨﻨﯩﯔ ﺋﻮﺧﺸﯩﻤﯩﻐﺎﻥ ﺟﺎﻳﻠﯩﺮﯨﺪﯨﻦ ﻛﯧﻠﯩﭗ ﭼﯩﻘﻘﺎﻥ ﻧﻮﭘﯘﺳﯩﻨﯩﯔ ﻧﯩﺴﺒﯩﺘﻰ ﻣﯘﻧﺪﺍﻕ ﺋﯩﻜﻪﻥ:

ﺋﺎﻕ ﺗﻪﻧﻠﯩﻜﻠﻪﺭ 75.1 ﭘﯩﺮﺳﻪﻧﺖ

ﻗﺎﺭﺍ ﺗﻪﻧﻠﯩﻜﻠﻪﺭ 12.3 ﭘﯩﺮﺳﻪﻧﺖ

ﺋﺎﻣﯧﺮﯨﻜﯩﺪﯨﻜﻰ ﺋﯩﻨﺪﯨﻴﺎﻧﻼﺭ ﯞﻩ ﺋﺎﻟﻴﺎﺳﻜﯩﻠﯩﻘﻼﺭ 0.9 ﭘﯩﺮﺳﻪﻧﺖ

ﺋﺎﺳﯩﻴﺎﻟﯩﻘﻼﺭ 3.6 ﭘﯩﺮﺳﻪﻧﺖ

ﻫﺎﯞﺍﻳﻠﯩﻘﻼﺭ 0.1 ﭘﯩﺮﺳﻪﻧﺖ

ﻗﺎﻟﻐﺎﻥ ﻣﯩﻠﻠﻪﺗﻠﻪﺭ 7.9 ﭘﯩﺮﺳﻪﻧﺖ

ﺋﺎﻣﯧﺮﯨﻜﯩﻨﯩﯔ ﺟﻪﻣﺌﯩﻲ ﻧﻮﭘﯘﺳﻰ، ﺋﺎﻟﺪﯨﻨﻘﻰ ﺑﯚﻟﯜﻣﺪﺍ ﺋﯧﻴﺘﯩﭗ ﺋﯚﺗﯜﭖ ﻛﻪﺗﻜﻪﻧﺪﻩﻙ ﺟﻪﻣﺌﯩﻲ 300 ﻣﯩﻠﻴﻮﻥ ﺋﻪﺗﺮﺍﭘﯩﺪﯨﺪﯗﺭ. ﺑﯘ ﻳﻪﺭﺩﻩ ﺋﻪﺳﻜﻪﺭﺗﯩﭗ ﺋﯚﺗﯜﺷﻜﻪ ﺗﯧﮕﯩﺸﻠﯩﻚ ﺑﯩﺮ ﺋﯩﺶ ﺷﯘﻛﻰ، ﻳﯘﻗﯩﺮﯨﻘﻰ "ﺋﺎﻕ ﺗﻪﻧﻠﯩﻜﻠﻪﺭ" ﺩﯦﮕﻪﻥ ﻛﺎﺗﯩﮕﻮﺭﯨﻴﻪﮔﻪ ﺩﯗﻧﻴﺎﺩﯨﻜﻰ ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﺘﯩﻦ ﻛﯧﻠﯩﭗ ﭼﯩﻘﻘﺎﻥ ﺋﺎﻕ ﺗﻪﻧﻠﯩﻜﻠﻪﺭﻧﯩﯔ ﻫﻪﻣﻤﯩﺴﻰ ﻛﯩﺮﯨﺪﯗ. ﺷﯘﯕﺎ ﺋﯘﻻﺭ ﺑﯩﺮ ﺋﺎﻕ ﺗﻪﻧﻠﯩﻚ ﺑﻮﻟﻐﯩﻨﻰ ﺑﯩﻠﻪﻥ، ﺗﯩﻠﻰ ﯞﻩ ﻣﯩﻠﻠﯩﺘﻰ ﺑﺎﺷﻘﺎ-ﺑﺎﺷﻘﺎ ﺑﻮﻟﻐﺎﻥ ﻣﯩﻠﻠﻪﺗﻠﻪﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ. ﻣﻪﺳﯩﻠﻪﻥ، ﺋﻪﻧﮕﻠﯩﻴﻪﻟﯩﻚ، ﺋﯩﺘﺎﻟﯩﻴﻪﻟﯩﻚ، ﮔﯧﺮﻣﺎﻧﻠﯩﻖ، ﻓﺮﺍﻧﺴﯩﻴﻪﻟﯩﻚ ﯞﻩ ﻣﯩﻜﺴﯩﻜﯩﻠﯩﻖ ﻗﺎﺗﺎﺭﻟﯩﻘﻼﺭ. 1999-ﻳﯩﻠﻰ ﻣﺎﺭﺗﺘﯩﻦ 2000-ﻳﯩﻠﻰ ﻣﺎﺭﺗﻘﯩﭽﻪ ﭼﻪﺕ ﺋﻪﻟﺪﯨﻦ ﺋﺎﻣﯧﺮﯨﻜﯩﻐﺎ ﻛﯚﭼﻤﻪﻥ ﺑﻮﻟﯘﭖ ﻛﻪﻟﮕﻪﻥ ﻧﻮﭘﯘﺳﻨﯩﯔ ﺳﺎﻧﻰ 1.7 ﻣﯩﻠﻴﻮﻥ ﺋﯩﻜﻪﻥ. ﻣﯧﻨﯩﯔ ﻣﯚﻟﭽﻪﺭﯨﻤﺪﻩ، ﻫﺎﺯﯨﺮ ﻛﯩﭽﯩﻚ ﺑﺎﻟﯩﻼﺭﻧﯩﻤﯘ ﻗﻮﺷﻘﺎﻧﺪﺍ، ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ 400 ﺑﯩﻠﻪﻥ 500 ﻧﯩﯔ ﺋﻪﺗﺮﺍﭘﯩﺪﺍ ﺑﻮﻟﯘﺷﻰ ﻣﯘﻣﻜﯩﻦ.

ﺋﺎﻣﯧﺮﯨﻜﯩﺪﺍ ﻳﯘﻗﯩﺮﯨﻘﯩﺪﻩﻙ ﻛﯚﭖ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺑﻮﻟﻐﺎﭼﻘﺎ، ﺋﻮﺧﺸﺎﺵ ﺑﯩﺮ ﻣﯩﻠﻠﻪﺗﺘﯩﻦ ﻛﯧﻠﯩﭗ ﭼﯩﻘﻘﺎﻥ ﻛﯩﺸﯩﻠﻪﺭ ﺋﯚﺯ-ﺋﺎﺭﺍ ﺳﯚﺯﻟﻪﺷﻜﻪﻧﺪﻩ ﺋﯚﺯ ﺗﯩﻠﻰ ﺑﯩﻠﻪﻥ ﺳﯚﺯﻟﯩﺸﯩﺪﯗ. ﺋﻮﺧﺸﯩﻤﯩﻐﺎﻥ ﻣﯩﻠﻠﻪﺗﺘﯩﻦ ﻛﯧﻠﯩﭗ ﭼﯩﻘﻘﺎﻥ ﻛﯩﺸﯩﻠﻪﺭ ﺋﯚﺯ-ﺋﺎﺭﺍ ﺳﯚﺯﻟﻪﺷﻜﻪﻧﺪﻩ، ﻫﻪﻣﻤﻪﻳﻠﻪﻥ ﺋﯩﻨﮕﻠﯩﺰ ﺗﯩﻠﯩﺪﺍ ﺳﯚﺯﻟﻪﻳﺪﯗ. ﺋﻪﮔﻪﺭ ﭼﻮﯕﺮﺍﻕ ﺑﯩﺮ ﺳﻮﺩﺍ ﺳﺎﺭﯨﻴﯩﻐﺎ ﻛﯩﺮﯨﭗ ﺑﯩﺮ ﺩﻩﻡ ﻣﺎﯕﺴﯩﯖﯩﺰ، ﻫﻪﺭ ﺧﯩﻞ ﻫﻪﺭ ﻳﺎﯕﺰﺍ ﺗﯩﻞ ﺑﯩﻠﻪﻥ ﺳﯚﺯﻟﯩﺸﯩﯟﺍﺗﻘﺎﻥ ﻛﯩﺸﯩﻠﻪﺭﻧﻰ ﺋﯘﭼﺮﯨﺘﯩﺴﯩﺰ.

ﻫﻪﻣﻤﻪﻳﻠﻪﻧﻨﯩﯔ ﺧﻪﯞﯨﺮﯨﺪﻩ ﺑﻮﻟﻐﯩﻨﯩﺪﻩﻙ، ﺑﯘ ﺩﯗﻧﻴﺎﺩﯨﻜﻰ ﺋﻪﯓ ﺋﯩﻠﻐﺎﺭ ﯞﻩ ﺋﻪﯓ ﻳﯧﯖﻰ ﻧﻪﺭﺳﯩﻠﻪﺭﻧﯩﯔ ﻫﻪﻣﻤﯩﺴﻰ، ﺋﯘﻧﯩﯔ ﻗﺎﻳﺴﻰ ﺩﯙﻟﻪﺗﺘﻪ ﯞﻩ ﻗﺎﻳﺴﻰ ﻣﯩﻠﻠﻪﺕ ﺗﻪﺭﯨﭙﯩﺪﯨﻦ ﺋﯩﺠﺎﺕ ﺑﻮﻟﺸﯩﻨﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﭼﻮﻗﯘﻡ ﺋﯩﻨﮕﻠﯩﺰ ﺗﯩﻠﯩﺪﺍ ﺋﯧﻼﻥ ﻗﯩﻠﯩﻨﯩﺪﯗ. ﻫﻪﻣﺪﻩ ﺋﯩﻨﮕﻠﯩﺰ ﺗﯩﻠﻰ ﺩﯗﻧﻴﺎﻧﯩﯔ ﻗﺎﻧﺪﺍﻕ ﻳﯧﺮﯨﮕﻪ ﺑﺎﺭﺳﺎ ﺋﺎﺳﺎﺳﻪﻥ ﺋﺎﻗﯩﺪﯗ. ﺋﻪﺷﯘ ﺳﻪﯞﻩﺑﺘﯩﻦ، ﺋﺎﻣﯧﺮﯨﻜﯩﻠﯩﻘﻼﺭ ﺋﯚﺯ ﻣﯩﻠﻠﯩﺘﯩﮕﻪ ﺗﻪﯞﻩ ﺑﻮﻟﻤﯩﻐﺎﻥ ﭼﻪﺕ ﺋﻪﻝ ﺗﯩﻠﯩﻨﻰ ﺋﯚﮔﯩﻨﯩﺶ ﺟﻪﻫﻪﺗﺘﻪ ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﺋﺎﺭﻗﯩﺪﺍ ﺗﯘﺭﯨﺪﯗ. ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ 10 ﻳﯩﻠﻨﯩﯔ ﻣﺎﺑﻪﻳﻨﯩﺪﻩ ﺩﯗﻧﻴﺎﺩﯨﻜﻰ ﺋﻮﺧﺸﯩﻤﯩﻐﺎﻥ ﺩﯙﻟﻪﺗﻠﻪﺭ ﺋﻮﺗﺘﯘﺭﯨﺴﯩﺪﯨﻜﻰ ﺧﻪﻟﻘﺌﺎﺭﺍﻟﯩﻖ ﻫﻪﻣﻜﺎﺭﻟﯩﻘﻨﯩﯔ ﻛﯜﭼﯩﻴﯩﺸﯩﮕﻪ ﺋﻪﮔﯩﺸﯩﭗ، ﺑﯘ ﻳﯧﯖﻰ ﺯﺍﻣﺎﻥ ﺗﻪﺭﻩﻗﻘﯩﻴﺎﺗﯩﻐﺎ ﻣﺎﺳﻠﯩﺸﯩﺶ ﻣﻪﺧﺴﯩﺘﯩﺪﻩ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﻣﻪﺧﺴﯘﺱ ﻣﻪﺑﻠﻪﻍ ﺋﺎﺟﺮﯨﺘﯩﭗ، ﺋﺎﻣﯧﺮﯨﻜﯩﺪﺍ ﭼﻪﺕ ﺋﻪﻝ ﺗﯩﻠﻰ ﺋﯚﮔﯩﻨﯩﺸﻨﻰ ﻗﺎﻧﺪﺍﻕ ﺋﻮﻣﯘﻣﻼﺷﺘﯘﺭﯗﺷﻨﻰ ﻣﻪﺧﺴﯘﺱ ﺗﻪﺗﻘﯩﻖ ﻗﯩﻠﺪﻯ. ﻫﻪﻣﺪﻩ 1996-ﻳﯩﻠﻰ ﺩﻩﺳﻠﻪﭘﻜﻰ ﻻﻳﯩﻬﻪﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ، 2000-ﻳﯩﻠﯩﻨﯩﯔ ﺋﺎﻟﺪﻯ-ﻛﻪﻳﻨﯩﺪﻩ ﺑﯘ ﻫﻪﻗﺘﻪ ﻣﻪﺧﺴﯘﺱ ﭘﯩﻼﻥ ﯞﻩ ﺑﻪﻟﮕﯩﻠﯩﻤﯩﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺷﯘﻧﺪﺍﻗﻼ ﺋﺎﻣﯧﺮﯨﻜﯩﺪﺍ 2005-ﻳﯩﻠﯩﻨﻰ "ﭼﻪﺕ ﺋﻪﻝ ﺗﯩﻠﻠﯩﺮﻯ ﻳﯩﻠﻰ" ﻗﯩﻠﯩﭗ ﺗﻪﺑﺮﯨﻜﻠﻪﺷﻨﻰ ﻗﺎﺭﺍﺭ ﻗﯩﻠﺪﻯ. ﺗﻪﺗﻘﯩﻘﺎﺗﭽﻰ ﺧﺎﺩﯨﻤﻼﺭ ﺋﯚﺯ ﺗﻪﺗﻘﯩﻘﺎﺗﻰ ﺟﻪﺭﻳﺎﻧﯩﺪﺍ ﺑﺎﻳﻘﯩﻐﺎﻥ ﻳﯧﯖﻰ ﺑﯩﺮ ﺋﯩﺶ ﻣﯘﻧﺪﺍﻕ ﺑﻮﻟﻐﺎﻥ: ﭼﻪﺕ ﺋﻪﻝ ﺗﯩﻠﻰ ﺋﯚﮔﯩﻨﯩﺶ ﺟﻪﺭﻳﺎﻧﯩﺪﺍ ﺋﻮﻗﯘﻏﯘﭼﯩﻼﺭﺩﺍ ﻳﯧﺘﯩﻠﯩﺪﯨﻐﺎﻥ ﻳﻪﻧﻪ ﺑﯩﺮ ﺋﯩﻘﺘﯩﺪﺍﺭ ﺷﯘﻛﻰ، ﺋﯘﻻﺭ ﺋﻮﻗﯘﺷﻨﻰ ﭼﻪﺕ ﺋﻪﻝ ﺗﯩﻠﻰ ﺋﯚﮔﻪﻧﻤﯩﮕﻪﻥ ﺋﻮﻗﯘﻏﯘﭼﯩﻼﺭﻏﺎ ﻗﺎﺭﯨﻐﺎﻧﺪﺍ ﻳﺎﺧﺸﯩﺮﺍﻕ ﺋﯧﻠﯩﭗ ﻣﺎﯕﯩﺪﯗ. ﺷﯘﻧﯩﯔ ﺑﯩﻠﻪﻥ، ﺋﺎﻣﯧﺮﯨﻜﯩﺪﯨﻜﻰ ﺗﻮﻟﯘﻗﺴﯩﺰ، ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭖ ﯞﻩ ﺋﺎﻟﯩﻲ ﻣﻪﻛﺘﻪﭖ ﺩﻩﺭﺳﻠﯩﻜﯩﮕﻪ ﭼﻪﺕ ﺋﻪﻝ ﺗﯩﻠﻰ ﺋﻮﻣﯘﻣﯩﻴﯜﺯﻟﯘﻙ ﻗﻮﺷﯘﻟﺪﻯ. ﻫﻪﻣﺪﻩ ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻜﻰ ﭼﻪﺕ ﺋﻪﻝ ﺗﯩﻠﻰ ﺩﻩﺭﺳﻰ ﺋﻮﻗﯘﻏﯘﭼﯩﻼﺭ ﭼﻮﻗﯘﻡ ﺋﻮﻗﯘﻣﯩﺴﺎ ﺑﻮﻟﻤﺎﻳﺪﯨﻐﺎﻥ ﻣﻪﺟﺒﯘﺭﻯ ﺩﻩﺭﺱ ﻗﯩﻠﯩﭗ ﺑﯧﻜﯩﺘﯩﻠﺪﻯ.

ﺑﺎﻟﯩﻠﯩﺮﯨﻤﻨﯩﯔ ﻫﻪﺭ ﺋﯩﻜﻜﯩﻠﯩﺴﻰ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﯩﺴﭙﺎﻥ ﻳﯧﺰﯨﻘﯩﻨﻰ ﺋﯚﮔﻪﻧﺪﻯ. ﺋﻮﻏﻠﯘﻡ ﺋﯘﻧﻰ ﻫﺎﺯﯨﺮﻣﯘ ﺋﯚﮔﯩﻨﯩﯟﺍﺗﯩﺪﯗ. ﺋﯘﻻﺭ ﻫﺎﺯﯨﺮ ﺋﯚﺯ-ﺋﺎﺭﺍ ﺋﯩﺴﭙﺎﻥ ﺗﯩﻠﯩﺪﺍ ﻣﻪﻗﺴﯩﺘﯩﻨﻰ ﺋﯘﻗﺘﯘﺭﺍﻻﻳﺪﯨﻐﺎﻥ ﺳﻪﯞﯨﻴﯩﮕﻪ ﻳﻪﺗﻜﻪﻥ ﺑﻮﻟﯘﭖ، ﺑﻪﺯﯨﺪﻩ ﺋﺎﺋﯩﻠﯩﻤﯩﺰﺩﯨﻜﻰ ﺗﯚﺗﯩﻤﯩﺰ ﺑﯩﻠﻠﻪ ﻗﻪﺭﺕ ﺋﻮﻳﻨﯩﻐﺎﻥ ﯞﺍﻗﺘﯩﻤﯩﺰﺩﺍ، ﺋﯘ ﺋﯩﻜﻜﯩﺴﻰ ﺋﯩﺴﭙﺎﻧﭽﻪ ﺳﯚﺯﻟﯩﺸﯩﭗ، ﺋﺎﻳﺎﻟﯩﻢ ﺑﯩﻠﻪﻥ ﺋﯩﻜﻜﯩﻤﯩﺰﻧﻰ ﺑﻮﺯﻩﻙ ﻗﯩﻠﻐﺎﻥ ﯞﺍﻗﺘﯩﻤﯘ ﺑﺎﺭ. ﻣﻪﻥ ﺑﯘ ﻳﺎﺯﻣﺎﻣﺪﺍ ﺑﯩﺰﻧﯩﯔ ﺋﺎﺋﯩﻠﯩﺪﯨﻜﻰ ﺗﯚﺗﯩﻤﯩﺰﻧﯩﯔ ﻗﻪﺭﺕ ﺋﻮﻳﻨﺎﻳﺪﯨﻐﺎﻧﻠﯩﻘﯩﻤﯩﺰﻧﻰ ﺑﯩﺮ ﻗﺎﻧﭽﻪ ﻗﯧﺘﯩﻢ ﺗﯩﻠﻐﺎ ﺋﺎﻟﺪﯨﻢ. ﺋﻪﻣﯩﻠﯩﻴﻪﺗﺘﻪ ﺑﯩﺰ ﻗﻪﺭﺗﻨﻰ ﺑﯩﺮ ﻳﯩﻠﺪﺍ ﺑﯩﺮ ﻗﺎﻧﭽﻪ ﻗﯧﺘﯩﻢ ﺋﻮﻳﻨﺎﭖ ﺑﺎﻗﯩﻤﯩﺰ. ﻗﻪﺭﺕ ﺋﻮﻳﻨﺎﺵ ﺑﺎﻟﯩﻠﯩﺮﯨﻤﯩﺰﻧﯩﯔ ﻳﺎﺧﺸﻰ ﻛﯚﺭﯨﺪﯨﻐﺎﻥ ﭘﺎﺋﺎﻟﯩﻴﯩﺘﻰ ﺑﻮﻟﻐﺎﭼﻘﺎ، ﺋﯚﻳﺪﯨﻜﻰ ﻫﻪﻣﻤﯩﻤﯩﺰﻧﯩﯔ ﯞﺍﻗﺘﻰ ﻳﻪﺗﻜﻪﻥ ﯞﺍﻗﯩﺘﻼﺭﺩﺍ، ﺋﺎﺋﯩﻠﻪ ﭘﺎﺋﺎﻟﯩﻴﯩﺘﻰ ﺗﻪﺭﯨﻘﯩﺴﯩﺪﻩ ﺗﯚﺗﯩﻤﯩﺰ ﻗﻪﺭﺕ ﺋﻮﻳﻨﺎﻳﻤﯩﺰ. 1993-ﻳﯩﻠﻰ ﺋﻮﻏﻠﯘﻡ ﺋﺎﻣﯧﺮﯨﻜﯩﻐﺎ ﻳﯧﯖﻰ ﻛﻪﻟﮕﻪﻥ ﯞﺍﻗﯩﺘﺘﺎ، ﭘﯜﺗﯜﻥ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪﺩﻩ ﭘﻪﻗﻪﺕ ﺑﯩﺰﻧﯩﯔ ﺋﺎﺋﯩﻠﯩﺪﯨﻦ ﺋﯩﺒﺎﺭﻩﺕ ﺑﯩﺮﻻ ﺋﯘﻳﻐﯘﺭ ﺋﺎﺋﯩﻠﯩﺴﻰ ﺑﺎﺭ ﺋﯩﺪﻯ. ﺷﯘﯕﺎ ﺋﯘﻳﻐﯘﺭ ﻣﻪﺩﯨﻨﯩﻴﯩﺘﯩﻤﯘ ﺑﯩﺰ ﺋﯜﭼﯜﻥ ﭘﻪﻗﻪﺕ ﺑﯩﺰﻧﯩﯔ ﺋﯚﻳﻨﯩﯔ ﺋﯩﭽﯩﺪﯨﻼ ﺑﺎﺭ ﺋﯩﺪﻯ. ﺋﯘ ﭼﺎﻏﻼﺭﺩﺍ ﺑﯩﺰﺋﺎﺋﯩﻠﻪ ﭘﺎﺋﺎﻟﯩﻴﯩﺘﻰ ﻧﻰ ﻛﯚﭖ ﻗﯩﻼﺗﺘﯘﻕ. ﻫﺎﺯﯨﺮ ﺟﯩﻖ ﺋﺎﺯﻻﭖ ﻛﻪﺗﺘﻰ. ﺑﯘ ﻳﻪﺭﻧﻰ ﺋﻮﻗﯘﻏﺎﻧﺪﯨﻦ ﻛﯧﻴﯩﻦ، ﺑﻪﺯﻯ ﻗﯩﺮﯨﻨﺪﺍﺷﻼﺭ ﻣﯧﻨﯩﯔ ﺑﺎﻟﯩﻠﯩﺮﯨﻤﻨﯩﯔ ﻧﯧﻤﻪ ﺋﯜﭼﯜﻥ ﺋﯩﺴﭙﺎﻧﭽﯩﻨﻰ ﺋﯚﮔﻪﻧﮕﻪﻧﻠﯩﻜﯩﮕﻪ ﻫﻪﻳﺮﺍﻥ ﻗﯧﻠﯩﺸﻰ ﻣﯘﻣﻜﯩﻦ. ﻣﯧﻜﺴﯩﻜﺎ ﻛﺎﻟﯩﻔﻮﺭﻧﯩﻴﻪ ﺑﯩﻠﻪﻥ ﭼﯧﮕﺮﯨﺪﺍﺵ ﺑﻮﻟﻐﺎﭼﻘﺎ، ﺋﯘ ﺩﯙﻟﻪﺗﺘﯩﻦ ﻛﺎﻟﯩﻔﻮﺭﻧﯩﻴﻪﮔﻪ ﻫﻪﺭ ﺧﯩﻞ ﻳﻮﻟﻼﺭ ﺑﯩﻠﻪﻥ ﻛﯚﭼﻤﻪﻥ ﺑﻮﻟﯘﭖ ﻛﯧﻠﯩﺪﯨﻐﺎﻥ ﻣﯩﻜﺴﯩﻜﯩﻠﯩﻘﻼﺭﻧﯩﯔ ﺳﺎﻧﻰ ﺋﯩﻨﺘﺎﻳﯩﻦ ﻛﯚﭖ. ﺷﯘﯕﺎ ﻛﺎﻟﯩﻔﻮﺭﻧﯩﻴﻪﺩﯨﻜﻰ ﺋﯩﺴﭙﺎﻥ ﺗﯩﻠﯩﻨﻰ ﺋﺎﻧﺎ ﺗﯩﻠﻰ ﻗﯩﻠﻐﺎﻥ ﻣﯧﻜﺴﯩﻜﯩﻠﯩﻘﻼﺭﻧﯩﯔ ﻧﻮﭘﯘﺳﯩﻤﯘ ﺋﯩﻨﺘﺎﻳﯩﻦ ﻛﯚﭖ ﺑﻮﻟﯘﭖ، 2000-ﻳﯩﻠﻰ ﻛﺎﻟﯩﻔﻮﺭﻧﯩﻴﻪﻧﯩﯔ 35 ﻣﯩﻠﻴﻮﻥ ﻧﻮﭘﯘﺳﯩﻨﯩﯔ 11 ﻣﯩﻠﻴﻮﻧﻰ ﻣﯧﻜﺴﯩﻜﯩﻠﯩﻘﻼﺭ ﺋﯩﻜﻪﻧﺪﯗﻕ. ﻣﯘﺷﯘ ﺳﻪﯞﻩﺏ ﺗﯜﭘﻪﻳﻠﯩﺪﯨﻦ، ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺗﯩﺪﺍ ﺋﯩﺴﭙﺎﻥ ﺗﯩﻠﯩﻨﻰ ﺋﯚﮔﯩﻨﯩﺪﯨﻐﺎﻧﻼﺭ ﺋﯩﻨﺘﺎﻳﯩﻦ ﻛﯚﭖ. ﺑﻮﻟﯘﭘﻤﯘ ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﺗﻘﯘﭼﯩﻠﯩﺮﯨﻨﯩﯔ ﺋﯩﭽﯩﺪﻩ ﺋﯩﺴﭙﺎﻥ ﺗﯩﻠﯩﻨﻰ ﺑﯩﻠﯩﺪﯨﻐﺎﻧﻼﺭ ﺧﯧﻠﻰ ﭼﻮﯓ ﻣﯩﻘﺪﺍﺭﻧﻰ ﺋﯩﮕﯩﻠﻪﻳﺪﯗ. ﺑﯘ ﺋﻮﻗﯘﺗﻘﯘﭼﯩﻼﺭ ﺋﺎﻣﯧﺮﯨﻜﯩﻐﺎ ﻛﯚﭼﻤﻪﻥ ﺑﻮﻟﯘﭖ ﻛﻪﻟﮕﻪﻥ، ﺋﯩﻨﮕﻠﯩﺰ ﺗﯩﻠﯩﻨﻰ ﻳﺎﺧﺸﻰ ﺑﯩﻠﻤﻪﻳﺪﯨﻐﺎﻥ ﻣﯧﻜﺴﯩﻜﯩﻠﯩﻖ ﺋﯚﺳﻤﯜﺭﻟﻪﺭﻧﻰ ﻳﺎﺧﺸﻰ ﺋﻮﻗﯘﺗﯘﺵ ﺋﯜﭼﯜﻥ ﺋﯩﺴﭙﺎﻥ ﺗﯩﻠﯩﻨﻰ ﺋﯚﮔﻪﻧﮕﻪﻧﻠﻪﺭﺩﯗﺭ. ﺑﯘ ﺧﯘﺩﺩﻯ ﺋﯩﭽﻜﯩﺮﻛﻰ ﺋﯚﻟﻜﯩﻠﻪﺭﮔﻪ ﺋﻮﻗﯘﺷﻘﺎ ﺑﺎﺭﻏﺎﻥ ﺋﯘﻳﻐﯘﺭ ﺋﻮﻗﯘﻏﯘﭼﯩﻼﺭﻧﻰ ﻳﺎﺧﺸﯩﺮﺍﻕ ﺋﻮﻗﯘﺗﯘﺵ ﺋﯜﭼﯜﻥ، ﺋﯘ ﻳﻪﺭﻟﻪﺭﺩﯨﻜﻰ ﺧﻪﻧﺰﯗ ﺋﻮﻗﯘﺗﻘﯘﭼﯩﻼﺭ ﺋﯘﻳﻐﯘﺭ ﺗﯩﻠﻰ ﺋﯚﮔﻪﻧﮕﻪﻥ ﺑﯩﻠﻪﻥ ﺋﻮﺧﺸﺎﺵ ﺋﯩﺸﺘﯘﺭ.

ﺗﺎﺭﯨﺨﺘﺎ ﺋﯚﺗﻜﻪﻥ ﺩﯗﻧﻴﺎﺩﯨﻜﻰ ﺩﺍﯕﻠﯩﻖ ﺋﻪﺭﺑﺎﺑﻼﺭﻧﯩﯔ ﻛﯚﭘﯩﻨﭽﯩﺴﻰ ﻛﻪﻡ ﺩﯦﮕﻪﻧﺪﻩ 3~4 ﭼﻪﺕ ﺋﻪﻝ ﺗﯩﻠﯩﻨﻰ ﭘﯘﺧﺘﺎ ﺋﯚﮔﻪﻧﮕﻪﻥ. ﺑﯘ ﻫﻪﻗﺘﻪ ﻣﻪﻥ ﺗﻪﭘﺴﯩﻠﯩﻲ ﺗﻮﺧﺘﺎﻟﻤﯩﺴﺎﻣﻤﯘ، ﺋﻮﻗﯘﺭﻣﻪﻧﻠﻪﺭ ﺋﯚﺯ ﺋﯚﻣﺮﯨﺪﻩ ﻛﯚﭖ ﺋﺎﯕﻠﯩﻐﺎﻥ ﯞﻩ ﺋﻮﻗﯘﻏﺎﻧﻠﯩﻘﯩﻐﺎ ﺋﯩﺸﯩﻨﯩﻤﻪﻥ. ﻳﯩﻐﯩﻨﭽﺎﻗﻼﭖ ﺋﯧﻴﺘﻘﺎﻧﺪﺍ، ﺗﯩﻞ ﺑﯩﻠﯩﻢ ﺋﯩﺴﻜﯩﻼﺗﯩﻨﯩﯔ ﺋﺎﭼﻘﯘﭼﯩﺪﯗﺭ. ﺳﯩﺰ ﻗﺎﻧﭽﻪ ﻛﯚﭖ ﺧﯩﻠﺪﯨﻜﻰ ﺗﯩﻠﻼﺭﻧﻰ ﺑﯩﻠﺴﯩﯖﯩﺰ، ﺳﯩﺰ ﺷﯘ ﺗﯩﻠﻼﺭﺩﺍ ﻳﯧﺰﯨﭗ ﺗﻮﭘﻼﻧﻐﺎﻥ ﺑﯩﻠﯩﻤﻠﻪﺭﻧﯩﯔ ﻫﻪﻣﻤﯩﺴﯩﺪﯨﻦ ﭘﺎﻳﺪﯨﻠﯩﻨﺎﻻﻳﺴﯩﺰ. ﻳﺎﻟﻐﯘﺯ ﺋﯘﻧﺪﺍﻗﻼ ﺑﻮﻟﯘﭖ ﻗﺎﻟﻤﺎﻱ، ﺑﯜﮔﯜﻧﻜﻰ ﻛﯜﻧﺪﻩ ﺑﯩﺮ ﻗﺎﻧﭽﻪ ﺗﯩﻞ ﺑﯩﻠﯩﺶ، ﻧﻮﺭﻣﺎﻝ ﻫﺎﻳﺎﺕ ﻛﻪﭼﯜﺭﯛﺷﻨﯩﯔ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﺑﯩﺮ ﺷﻪﺭﺗﯩﮕﻪ ﺋﺎﻳﻼﻧﺪﻯ. ﻣﻪﻥ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﯞﺍﺗﻘﺎﻥ ﯞﺍﻗﯩﺘﺘﺎ، ﺑﯩﺰ ﻫﻪﺭ ﻳﯩﻠﻰ ﻳﯧﯖﻰ ﻗﻮﺑﯘﻝ ﻗﯩﻠﯩﻨﻐﺎﻥ ﺋﻮﻗﯘﻏﯘﭼﯩﻼﺭ ﺋﯜﭼﯜﻥ ﻣﻪﻛﺘﻪﭖ ﺑﻮﻳﯩﭽﻪ ﻳﯧﯖﻰ ﺋﻮﻗﯘﻏﯘﭼﯩﻼﺭﻧﻰ ﻗﺎﺭﺷﻰ ﺋﯧﻠﯩﺶ ﻳﯩﻐﯩﻨﻰ ﺋﯚﺗﻜﯜﺯﻩﺗﺘﯘﻕ. ﻣﯧﻨﯩﯔ ﺷﯘ ﭼﺎﻏﺪﺍ ﻣﻪﻛﺘﻪﭘﻜﻪ ﻳﯧﯖﻰ ﻛﯩﺮﮔﻪﻥ ﺋﻮﻗﯘﻏﯘﭼﯩﻼﺭﻏﺎ ﺩﻩﻳﺪﯨﻐﺎﻥ ﺑﯩﺮ ﮔﯧﭙﯩﻢ ﻣﯘﻧﺪﺍﻕ ﺋﯩﺪﻯ: ﻫﺎﺯﯨﺮﻗﻰ ﺯﺍﻣﺎﻧﺪﺍ ﺑﯩﺮ ﻣﯩﻠﻠﻪﺕ ﻳﻪﻧﻪ ﺑﯩﺮ ﻣﯩﻠﻠﻪﺗﻨﯩﯔ ﻗﯘﻟﻰ ﺑﻮﻟﯘﭖ ﻗﺎﻟﯩﺪﯨﻐﺎﻥ ﺋﯩﺸﻼﺭ ﺋﺎﻧﭽﻪ ﻛﯚﺭﯛﻟﻤﻪﻳﺪﯗ. ﻟﯧﻜﯩﻦ، ﺑﯩﺮ ﻣﯩﻠﻠﻪﺕ ﻳﻪﻧﻪ ﺑﯩﺮ ﻣﯩﻠﻠﻪﺕ ﺗﯩﻠﯩﻨﯩﯔ ﻗﯘﻟﻰ ﺑﻮﻟﯘﭖ ﻗﯧﻠﯩﺶ ﭘﯜﺗﯜﻧﻠﻪﻱ ﻣﯘﻣﻜﯩﻦ. ﺑﯩﺮ ﻣﯩﻠﻠﻪﺗﻨﯩﯔ ﺗﯩﻠﯩﻨﻰ ﺋﯚﮔﯩﻨﯩﺶ ﺑﯩﻠﻪﻥ ﺋﯘ ﻣﯩﻠﻠﻪﺗﻜﻪ ﻗﺎﺭﯨﺘﺎ ﻗﺎﻧﺪﺍﻕ ﻫﯧﺴﯩﻴﺎﺗﺘﺎ ﺑﻮﻟﯘﺵ ﭘﯜﺗﯜﻧﻠﻪﻱ ﺑﺎﺷﻘﺎ-ﺑﺎﺷﻘﺎ ﺋﯩﺶ. ﺋﻪﮔﻪﺭ ﺳﯩﻠﻪﺭ ﻛﻪﻟﮕﯜﺳﯩﺪﻩ ﻳﺎﺧﺸﯩﺮﺍﻕ ﻳﺎﺷﺎﻳﻠﻰ، ﺩﯦﺴﻪﯕﻼﺭ، ﺑﯘ ﺋﺎﻟﯩﻲ ﻣﻪﻛﺘﻪﭘﺘﯩﻜﻰ ﭘﯘﺭﺳﻪﺗﺘﯩﻦ ﺗﻮﻟﯘﻕ ﭘﺎﻳﺪﯨﻠﯩﻨﯩﭗ، ﺧﻪﻧﺰﯗﭼﯩﻨﻰ ﭼﻮﻗﯘﻡ ﻳﺎﺧﺸﻰ ﺋﯚﮔﯩﻨﯩﯖﻼﺭ. ﻣﻪﻥ ﺋﯘ ﭼﺎﻏﺪﺍ ﭼﻪﺗﻜﻪ ﭼﯩﻘﯩﺶ ﺋﯘ ﻳﺎﻗﺘﺎ ﺗﯘﺭﺳﯘﻥ، ﺷﯩﻨﺠﺎﯕﺪﯨﻦ ﺑﺎﺷﻘﺎ ﻳﻪﺭﻟﻪﺭﮔﯩﻤﯘ ﺗﯜﺯﯛﻛﺮﻩﻙ ﺑﯧﺮﯨﭗ ﺑﺎﻗﻤﯩﻐﺎﻥ ﺑﻮﻟﯘﭖ، ﻳﯘﻗﯩﺮﯨﻘﻰ ﺳﯚﺯﻟﯩﺮﯨﻢ ﺋﯚﺯﯛﻣﻨﯩﯔ ﺷﯘ ﯞﺍﻗﯩﺘﻘﯩﭽﻪ ﺑﻮﻟﻐﺎﻥ ﻫﺎﻳﺎﺗﯩﻤﻨﯩﯔ ﺑﯩﺮ ﺧﯘﻻﺳﯩﺴﻰ ﺋﯩﺪﻯ. ﻣﻪﻥ ﺋﯘﻧﯩﯖﺪﯨﻦ ﻛﯧﻴﯩﻦ ﺷﺎﯕﺨﻪﻱ، ﻳﺎﭘﻮﻧﯩﻴﻪ ﯞﻩ ﺋﺎﻣﯧﺮﯨﻜﯩﻼﺭﺩﺍ ﻳﺎﺷﺎﭖ ﺑﺎﻗﺘﯩﻢ. ﺑﯘ ﺟﻪﺭﻳﺎﻧﺪﺍ ﻳﯘﻗﯩﺮﯨﻘﻰ ﺳﯚﺯﻟﻪﺭﻧﯩﯔ ﻧﻪﻗﻪﺩﻩﺭ ﺗﻮﻏﺮﯨﻠﯩﻘﯩﻨﻰ ﺗﯧﺨﯩﻤﯘ ﻫﯧﺲ ﻗﯩﻠﺪﯨﻢ. ﻳﯧﻘﯩﻨﻘﻰ ﺑﯩﺮ ﻧﻪﭼﭽﻪ ﻳﯩﻠﻨﯩﯔ ﻣﺎﺑﻪﻳﻨﯩﺪﻩ، ﺩﯗﻧﻴﺎﻧﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﯨﻜﻰ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭ ﺋﺎﻣﯧﺮﯨﻜﯩﻐﺎ ﻛﯚﭼﻤﻪﻥ ﺑﻮﻟﯘﭖ ﻛﻪﻟﺪﻯ. ﺋﯘﻻﺭﻧﯩﯔ ﺋﯩﭽﯩﺪﻩ ﻳﯘﻗﯩﺮﻯ ﺋﯘﻧﯟﺍﻧﻐﺎ ﺋﯧﺮﯨﺸﯩﭗ، ﺋﻪﺳﻠﯩﺪﯨﻜﻰ ﺩﯙﻟﻪﺗﻠﻪﺭﺩﻩ ﻧﺎﻫﺎﻳﯩﺘﻰ ﻳﯘﻗﯩﺮﻯ ﻛﻪﺳﭙﯩﻲ ﺋﻮﺭﯗﻧﻼﺭﺩﺍ ﺋﯩﺸﻠﻪﭖ ﺑﺎﻗﻘﺎﻧﻼﺭﻣﯘ ﺧﯧﻠﻰ ﻛﯚﭖ. ﻟﯧﻜﯩﻦ، ﺋﺎﻣﯧﺮﯨﻜﯩﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺋﯩﻨﮕﻠﯩﺰ ﺗﯩﻠﯩﺪﺍ ﻳﺎﺧﺸﻰ ﺑﻮﻟﻤﯩﻐﺎﻧﻠﯩﻘﻰ ﺋﯜﭼﯜﻥ، ﺋﯚﺯﯨﻨﯩﯔ ﻛﻪﺳﭙﯩﻲ ﺋﯘﻧﯟﺍﻧﻰ ﯞﻩ ﺳﻪﯞﯨﻴﯩﺴﯩﮕﻪ ﻻﻳﯩﻖ ﺧﯩﺰﻣﻪﺗﻠﻪﺭﮔﻪ ﺋﻮﺭﯗﻧﻠﯩﺸﺎﻟﻤﺎﻱ، ﺋﺎﺩﻩﺗﺘﯩﻜﻰ ﺧﯩﺰﻣﻪﺗﻠﻪﺭ ﺑﯩﻠﻪﻥ ﻫﺎﻳﺎﺕ ﻛﻪﭼﯜﺭﯨﯟﺍﺗﯩﺪﯗ. ﺑﯩﺮ ﺗﯩﻠﻨﯩﯔ ﻗﯘﻟﻰ ﺑﻮﻟﯘﺵ ﺩﯦﮕﻪﻥ ﺋﻪﻧﻪ ﺷﯘ. ﺑﯩﺮ ﻗﺎﻧﭽﻪ ﻳﯩﻞ ﺟﺎﭘﺎﻟﯩﻖ ﺩﻩﯞﯨﺮﻧﻰ ﺋﯚﺯ ﺑﯧﺸﯩﺪﯨﻦ ﻛﻪﭼﯜﺭﯛﭖ، ﺷﯘ ﺟﻪﺭﻳﺎﻧﺪﺍ ﺋﯩﻨﮕﻠﯩﺰ ﺗﯩﻠﯩﻨﻰ ﭘﯘﺧﺘﺎ ﺋﯚﮔﯩﻨﯩﭗ، ﺋﺎﻧﺪﯨﻦ ﻫﻪﻗﯩﻘﯩﻲ ﺗﯜﺭﺩﻩ ﺋﯚﺯﯨﮕﻪ ﻻﻳﯩﻖ ﺧﯩﺰﻣﻪﺕ ﺗﺎﭘﻘﺎﻧﻼﺭﻣﯘ ﺑﺎﺭ.

ﻣﻪﻥ 1979-ﻳﯩﻠﻰ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺑﯩﺮ ﻳﯩﻠﻠﯩﻖ ﺧﻪﻧﺰﯗﭼﻪ ﺋﯚﮔﯩﻨﯩﺸﻨﻰ ﺗﺎﻣﺎﻣﻼﭘﻼ، ﺋﯚﺯﻟﯜﻛﯜﻣﺪﯨﻦ ﺋﯩﻨﮕﻠﯩﺰ ﺗﯩﻠﻰ ﺑﺎﺷﻠﯩﻐﺎﻧﺪﺍ، ﻣﯧﻨﯩﯖﺪﯨﻦ ﺑﯘﺭﯗﻥ ﺋﯘﻳﻐﯘﺭﭼﻪ ﻣﻪﻛﺘﻪﭘﺘﻪ ﺋﻮﻗﯘﻏﺎﻧﻼﺭﺩﯨﻦ ﺋﯩﻨﮕﻠﯩﺰ ﺗﯩﻠﻰ ﺋﯚﮔﻪﻧﮕﻪﻧﻠﻪﺭ ﺑﻮﻟﻤﯩﻐﺎﭼﻘﺎ، ﺑﻪﺯﯨﻠﻪﺭ ﻣﯧﻨﻰ ﻣﻪﺳﺨﯩﺮﻩ ﻗﯩﻠﻐﺎﻧﯩﺪﻯ. ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﭘﻪﺭﯨﺰﯨﺪﻩ، ﻣﻪﻧﺪﻩﻙ ﺑﯩﺮ ﺋﯘﻳﻐﯘﺭ ﻣﻪﻛﺘﻪﭘﻨﯩﯔ ﺋﻮﻗﯘﻏﯘﭼﯩﺴﯩﻨﯩﯔ ﭼﻪﺕ ﺋﻪﻝ ﺗﯩﻠﻰ ﺋﯚﮔﯩﻨﻪﻟﯩﺸﻰ ﻣﯘﻣﻜﯩﻦ ﺋﻪﻣﻪﺱ ﺋﯩﺪﻯ. ﻣﻪﻥ ﻳﯧﺮﯨﻢ ﻳﯩﻠﻐﺎ ﻗﺎﻟﻤﺎﻱ، ﺋﯘﻧﯩﯔ ﻣﯘﻣﻜﯩﻨﻠﯩﻜﯩﻨﻰ ﺋﯩﺴﭙﺎﺗﻠﯩﺪﯨﻢ. ﺷﯘﻧﯩﯖﺪﯨﻦ ﻛﯧﻴﯩﻦ ﻣﻪﻛﺘﻪﭖ ﺑﻮﻳﯩﭽﻪ ﺋﯘﻳﻐﯘﺭ ﻣﻪﻛﺘﻪﭘﺘﻪ ﺋﻮﻗﯘﻏﺎﻥ ﻧﯘﺭﻏﯘﻥ ﺋﻮﻗﯘﻏﯘﭼﯩﻼﺭ ﭼﻪﺕ ﺋﻪﻝ ﺗﯩﻠﻰ ﺋﯚﮔﯩﻨﯩﺸﻜﻪ ﺋﺎﺗﻼﻧﺪﻯ.

ﺟﯘﯕﮕﻮ ﺟﻪﻣﺌﯩﻴﯩﺘﯩﺪﻩ ﻳﯧﻘﯩﻨﺪﯨﻦ ﺑﯘﻳﺎﻥ ﻳﯜﺯ ﺑﯧﺮﯨﯟﺍﺗﻘﺎﻥ ﺩﻩﺭﯨﺠﯩﺪﯨﻦ ﺗﺎﺷﻘﯩﺮﻯ ﺗﯧﺰ ﺳﯜﺭﺋﻪﺗﻠﯩﻚ ﺋﯚﺯﮔﯩﺮﯨﺸﻠﻪﺭ ﺗﯜﭘﻪﻳﻠﯩﺪﯨﻦ، ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﻳﺎﺷﻼﺭ ﺑﯩﺮ ﻧﺎﻫﺎﻳﯩﺘﻰ ﻛﻪﺳﻜﯩﻦ ﻣﻪﺳﯩﻠﯩﮕﻪ ﺩﯗﭺ ﻛﯧﻠﯩﯟﺍﺗﯩﺪﯗ. ﺋﯘ ﺑﻮﻟﺴﯩﻤﯘ ﺋﻮﻗﯘﺵ ﭘﯜﺗﺘﯜﺭﮔﻪﻧﺪﯨﻦ ﻛﯧﻴﯩﻦ ﺧﯩﺰﻣﻪﺕ ﺗﯧﭙﯩﺶ. ﻣﯧﻨﯩﯔ ﺧﯩﺰﻣﻪﺕ ﻛﯜﺗﯜﭖ ﻳﺎﺗﻘﺎﻥ ﻫﻪﺭ ﺑﯩﺮ ﻳﺎﺷﻘﺎ ﭼﻮﯕﻘﯘﺭ ﻫﯧﺴﺪﺍﺷﻠﯩﻘﯩﻢ ﺑﺎﺭ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ، ﻫﺎﺯﯨﺮ ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺋﻮﻗﯘﯞﺍﺗﻘﺎﻥ ﯞﻩ ﺑﯘﻧﯩﯖﺪﯨﻦ ﻛﯧﻴﯩﻦ ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﻛﯩﺮﯨﺪﯨﻐﺎﻥ ﻳﺎﺵ ﺋﯚﺳﻤﯜﺭﻟﻪﺭﮔﻪ ﻣﯘﻧﺪﺍﻕ ﺗﻪﺷﻪﺑﺒﯘﺳﯘﻣﻤﯘ ﺑﺎﺭ:                                       ﺗﻮﻟﯘﻗﺴﯩﺰ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﯛﭖ ﺑﻮﻟﻐﯩﭽﻪ ﺋﯘﻳﻐﯘﺭ ﺗﯩﻠﯩﻨﻰ، ﺗﻮﻟﯘﻕ ﺋﻮﺗﺘﯘﺭﯨﻨﻰ ﭘﯜﺗﺘﯜﺭﯛﭖ ﺑﻮﻟﻐﯩﭽﻪ ﺧﻪﻧﺰﯗ ﺗﯩﻠﯩﻨﻰ ﯞﻩ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﯛﭖ ﺑﻮﻟﻐﯩﭽﻪ ﺋﯩﻨﮕﻠﯩﺰ ﺗﯩﻠﯩﻨﻰ ﭘﯘﺧﺘﺎ ﺋﯩﮕﯩﻠﻪﭖ ﺑﻮﻟﯘﯓ.

ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺟﺎﻧﻠﯩﻘﻼﺭﻧﯩﯔ ﺋﯩﭽﯩﺪﻩ، ﺋﯩﻨﺴﺎﻧﻼﺭﻧﯩﯔ ﻳﯧﯖﻰ ﻣﯘﻫﯩﺘﻘﺎ ﻣﺎﺳﻠﯩﺸﯩﺶ ﺋﯩﻘﺘﯩﺪﺍﺭﻯ ﺋﻪﯓ ﻛﯜﭼﻠﯜﻙ ﺑﻮﻟﯩﺪﯗ.

ﺳﯩﺰ ﻛﻪﻟﮕﯜﺳﯩﺪﻩ ﺋﻮﺗﺘﯘﺭﺍ ﻳﺎﻛﻰ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻧﺪﻩ ﺩﯗﭺ ﻛﯧﻠﯩﺪﯨﻐﺎﻥ ﻳﯧﯖﻰ ﻣﯘﻫﯩﺖ ﻗﺎﻳﺴﻰ؟

ﺑﯘ ﺳﻮﺋﺎﻟﻐﺎ ﺟﺎﯞﺍﺏ ﺗﯧﭙﯩﺶ ﺋﯜﭼﯜﻥ ﺳﯩﺰ ﺋﻮﺗﺘﯘﺭﺍ ﯞﻩ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﯩﭽﻪ ﺳﺎﻗﻼﭖ ﺗﯘﺭﯗﺷﻨﯩﯔ ﺯﯙﺭﯛﺭﯨﻴﯩﺘﻰ ﻳﻮﻕ. ﺋﯘﻧﯩﮕﻐﺎ ﻫﺎﺯﯨﺮﻻ ﺟﺎﯞﺍﺏ ﺗﯧﭙﯩﯔ. ﺑﯘ ﺟﺎﯞﺍﺑﻨﻰ ﺗﯧﭙﯩﺶ ﺋﯩﻨﺘﺎﻳﯩﻦ ﺋﺎﺳﺎﻥ. ﺋﯚﺯﯨﯖﯩﺰﻧﯩﯔ ﺋﻪﺗﺮﺍﭘﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻫﺎﺩﯨﺴﯩﻠﻪﺭﻧﻰ ﯞﻩ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﯩﻲ ﯞﻩ ﺋﯩﻘﺘﯩﺴﺎﺩﯨﻲ ﯞﻩﺯﯨﻴﻪﺗﻨﻰ ﺋﻮﺑﺪﺍﻥ ﻛﯚﺯﻩﺗﺴﯩﯖﯩﺰﻻ ﻛﯘﭘﺎﻳﻪ. ﻣﻪﻥ ﻳﯧﯖﻰ ﻣﯘﻫﯩﺘﻨﯩﯔ ﺑﯩﺮ ﻗﯩﺴﻤﯩﻨﻰ ﺳﯚﻫﺒﻪﺗﻨﯩﯔ ﺋﺎﻟﺪﯨﻨﻘﻰ ﻗﯩﺴﯩﻤﻠﯩﺮﯨﺪﺍ ﺑﺎﻳﺎﻥ ﻗﯩﻠﯩﭗ ﺋﯚﺗﺘﯜﻡ.

ﺑﯩﺮ ﺋﯘﻳﻐﯘﺭ ﺑﻮﻟﯘﺷﻨﯩﯔ ﻧﯘﺭﻏﯘﻥ ﺷﻪﺭﺗﻠﯩﺮﻯ ﺑﺎﺭ. ﺋﻪﯓ ﻣﯘﻫﯩﻢ ﺷﻪﺭﺗﻠﻪﺭﻧﯩﯔ ﺑﯩﺮﺳﻰ، ﺋﯘﻳﻐﯘﺭ ﺗﯩﻠﯩﻨﻰ ﻧﺎﻫﺎﻳﯩﺘﻰ ﭘﯘﺧﺘﺎ ﺑﯩﻠﯩﺶ. ﺋﯘﻳﻐﯘﺭ ﺑﯩﺮ ﻣﻪﺩﯨﻨﯩﻴﻪﺗﻠﯩﻚ ﻣﯩﻠﻠﻪﺕ. ﻣﻪﺩﯨﻨﯩﻴﻪﺗﻠﯩﻚ ﺑﯩﺮ ﻣﯩﻠﻠﻪﺗﻨﯩﯔ ﻫﻪﺭ ﺑﯩﺮ ﺋﻪﺯﺍﺳﻰ ﺋﯚﺯ ﺗﯩﻠﯩﻨﻰ ﭘﯘﺧﺘﺎ ﺑﯩﻠﯩﺸﻰ ﻛﯧﺮﻩﻙ. ﺋﯘﻧﯩﯖﺪﯨﻦ ﺑﺎﺷﻘﺎ، ﺳﯩﺰ ﺑﺎﺷﻘﺎ ﺗﯩﻠﻼﺭﻧﻰ ﺋﯜﻧﯜﻣﻠﯜﻙ ﻫﺎﻟﺪﺍ ﻫﻪﻗﯩﻘﯩﻲ ﺗﯜﺭﺩﻩ ﻳﺎﺧﺸﻰ ﺋﯩﮕﯩﻠﯩﺸﯩﯖﯩﺰ ﺋﯜﭼﯜﻥ، ﭼﻮﻗﯘﻡ ﺋﺎﻧﺎ ﺗﯩﻠﻐﺎ ﭘﯘﺧﺘﺎ ﺑﻮﻟﯘﺷﯩﯖﯩﺰ ﻛﯧﺮﻩﻙ. ﭼﻪﺕ ﺋﻪﻝ ﺗﯩﻠﯩﻨﻰ ﭘﻪﻗﻪﺕ ﺋﯚﺯﯨﻨﯩﯔ ﺋﺎﻧﺎ ﺗﯩﻠﯩﻐﺎ ﺳﯧﻠﯩﺸﺘﯘﺭﯗﭖ ﺋﯚﮔﻪﻧﮕﻪﻧﺪﻩ، ﺋﺎﻧﺪﯨﻦ ﻳﺎﺧﺸﻰ ﺋﯚﮔﻪﻧﮕﯩﻠﻰ ﺑﻮﻟﯩﺪﯗ. ﻣﻪﻥ ﻧﯘﺭﻏﯘﻥ ﺋﯘﻳﻐﯘﺭ ﯞﻩﺗﻪﻧﺪﺍﺷﻼﺭﻧﻰ ﻛﯚﺯﯨﺘﯩﭗ، ﺷﯘﻧﻰ ﭼﻮﯕﻘﯘﺭ ﻫﯧﺲ ﻗﯩﻠﺪﯨﻤﻜﻰ، ﻛﯚﭘﯩﻨﭽﻪ ﺋﻪﻫﯟﺍﻟﺪﺍ، ﺋﻪﮔﻪﺭ ﺑﯩﺮ ﻛﯩﺸﻰ ﺋﯚﺯﯨﻨﯩﯔ ﺋﺎﻧﺎ ﺗﯩﻠﻰ ﺑﻮﻟﻐﺎﻥ ﺋﯘﻳﻐﯘﺭ ﺗﯩﻠﯩﻨﻰ ﻳﺎﺧﺸﻰ ﺑﯩﻠﻤﯩﺴﻪ، ﺑﺎﺷﻘﺎ ﺗﯩﻠﻼﺭﻧﯩﻤﯘ ﻳﺎﺧﺸﻰ ﺋﯚﮔﯩﻨﻪﻟﻤﻪﻳﺪﯗ. ﻫﺎﺯﯨﺮ ﻧﯘﺭﻏﯘﻥ ﺋﺎﺗﺎ-ﺋﺎﻧﯩﻼﺭ ﺋﯚﺯ ﭘﻪﺭﺯﻩﻧﺘﻠﯩﺮﯨﻨﻰ ﺧﻪﻧﺰﯗ ﻣﻪﻛﺘﻪﭘﻜﻪ ﺑﯧﺮﯨﺪﯗ. ﺑﯘ ﺋﺎﺗﺎ-ﺋﺎﻧﯩﻼﺭ ﻣﯘﻧﺪﺍﻕ ﺑﯩﺮ ﺳﻮﺋﺎﻟﻨﻰ ﺋﯚﺯﯨﺪﯨﻦ ﺳﻮﺭﺍﭖ ﺑﯧﻘﯩﺸﻰ ﻛﺮﻩﻙ: ﻣﻪﻥ ﺑﺎﻻﻣﻐﺎ ﺋﯘﻳﻐﯘﺭ ﺗﯩﻠﯩﻨﻰ ﻗﺎﻧﺪﺍﻕ ﺋﯚﮔﯩﺘﯩﻤﻪﻥ؟ ﺋﯘﻳﻐﯘﺭ ﺩﯨﻴﺎﺭﯨﺪﺍ ﻫﻪﺭ ﺧﯩﻞ ﺷﻪﻛﯩﻠﺪﯨﻜﻰ ﭼﻪﺕ ﺋﻪﻝ ﺗﯩﻠﻰ ﺋﯚﮔﯩﻨﯩﺶ ﺳﯩﻨﯩﭙﻠﯩﺮﻯ ﺋﯧﭽﯩﻠﻐﯩﻠﻰ ﺗﯘﺭﯗﭘﺘﯘ. ﻣﯧﻨﯩﯖﭽﻪ ﺑﻮﻟﺴﺎ ﺋﯘﻳﻐﯘﺭ ﺗﯩﻠﻰ ﺳﯩﻨﯩﭙﻠﯩﺮﯨﻤﯘ ﺋﯧﭽﯩﻠﯩﺸﻰ ﻛﯧﺮﻩﻙ. ﺑﯘ ﻣﻪﺳﯩﻠﻪ ﺋﯜﺳﺘﯩﺪﻩ ﻫﻪﺭ ﺑﯩﺮ ﺋﯘﻳﻐﯘﺭ ﻧﺎﻫﺎﻳﯩﺘﻰ ﭼﻮﯕﻘﯘﺭ ﺋﻮﻳﻠﯩﻨﯩﭗ ﺑﯧﻘﯩﺸﻰ ﻛﯧﺮﻩﻙ. ﺑﯩﺮ ﺋﺎﺩﻩﻡ ﺋﯜﭼﯜﻥ ﺋﺎﻧﺎ ﺗﯩﻠﯩﻨﻰ ﻳﻮﻗﯩﺘﯩﭗ ﻗﻮﻳﯘﺵ ﺋﯩﻨﺘﺎﻳﯩﻦ ﺧﻪﺗﻪﺭﻟﯩﻚ ﺋﯩﺶ. ﺋﯘﻳﻐﯘﺭﻻﺭ ﺋﯜﭼﯜﻥ ﺋﯚﺯﯨﻨﯩﯔ ﺋﺎﻧﺎ ﺗﯩﻠﯩﻨﻰ ﭘﯘﺧﺘﺎ ﺑﯩﻠﯩﺶ ﻫﻪﺭﮔﯩﺰ ﺑﯩﺮ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﺎﻻﻫﯩﺪﻩ ﻧﻪﺗﯩﺠﻪ ﺋﻪﻣﻪﺱ. ﺋﯘ ﺑﯩﺮ ﺋﺎﺩﻩﻡ ﭼﻮﻗﯘﻡ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺶ.

ﺑﻪﺯﯨﻠﻪﺭ ﺋﯘﻳﻐﯘﺭ ﺩﯦﮕﻪﻥ ﻧﺎﭼﺎﺭ ﻣﯩﻠﻠﻪﺕ. ﻣﻪﻥ ﺋﯘﻧﯩﯖﺪﯨﻦ ﭘﯜﺗﯜﻧﻠﻪﻱ ﯞﺍﺯ ﻛﻪﭼﺘﯩﻢ، ﺩﯦﻴﯩﺸﻰ ﻣﯘﻣﻜﯩﻦ. ﺋﯘﻳﻐﯘﺭ ﺑﻮﻟﻤﺎﺳﻠﯩﻘﻘﺎ ﺗﯩﺮﯨﺸﯩﺸﻰ ﻣﯘﻣﻜﯩﻦ. ﻣﻪﻥ ﺋﺎﻟﺪﻯ ﺑﯩﻠﻪﻥ ﺋﯘﻧﺪﺍﻗﻼﺭﺩﯨﻦ ﻣﯘﻧﺪﺍﻕ ﺑﯩﺮ ﺳﻮﺋﺎﻟﻨﻰ ﺳﻮﺭﺍﭖ ﺑﺎﻗﺎﻱ: ﺳﯩﺰ ﺋﯘﻳﻐﯘﺭ ﺗﻪﻗﺪﯨﺮﯨﻨﯩﯔ ﻳﺎﺧﺸﯩﺮﺍﻕ ﺑﻮﻟﯘﺷﯩﻐﺎ، ﺋﯘﻳﻐﯘﺭﻻﺭﻧﯩﯔ ﻫﺎﻝ-ﺋﻪﻫﯟﺍﻟﯩﻨﯩﯔ ﻳﺎﺧﺸﯩﻠﯩﻨﯩﺸﯩﻐﺎ ﻧﯧﻤﻪ ﯞﻩ ﻗﺎﻧﭽﯩﻠﯩﻚ ﺗﯚﻫﭙﻪ ﻗﻮﺷﺘﯩﯖﯩﺰ؟ ﻣﻪﻥ ﭼﻪﺕ ﺋﻪﻟﺪﻩ 20 ﻳﯩﻠﺪﻩﻙ ﻳﺎﺷﯩﻐﺎﻥ ﺗﻪﺟﺮﯨﺒﻪﻣﮕﻪ ﺋﺎﺳﺎﺳﻪﻥ، ﺳﯩﺰﮔﻪ ﺷﯘﻧﻰ ﺋﯧﻴﺘﯩﭗ ﻗﻮﻳﺎﻱ: 

ﺋﯚﺯ ﺋﺎﺗﺎ-ﺋﺎﻧﯩﺴﯩﺪﯨﻦ ﻳﺎﺧﺸﻰ ﺋﻪﻣﻪﺳﻜﻪﻥ ﺩﻩﭖ ﯞﺍﺯ ﻛﻪﭼﻜﻪﻥ ﺋﯩﻨﺴﺎﻥ ﻳﺎﺧﺸﻰ ﺋﯩﻨﺴﺎﻥ ﺋﻪﻣﻪﺱ.  ﺋﯚﺯ ﻣﯩﻠﻠﯩﺘﯩﺪﯨﻦ ﯞﺍﺯ ﻛﻪﭼﻜﻪﻥ ﻛﯩﺸﻰ ﺋﯚﺯ ﺋﺎﺋﯩﻠﯩﺴﯩﮕﻪ ﺧﺎﺋﯩﻨﻠﯩﻖ ﻗﯩﻠﻐﺎﻥ ﻛﯩﺸﻰ ﺑﯩﻠﻪﻥ ﺑﺎﺭﺍﯞﻩﺭ ﺑﻮﻟﯩﺪﯗ. ﻫﻪﻗﯩﻘﯩﻲ ﺋﯘﻳﻐﯘﺭ ﺑﺎﻟﯩﺴﻰ ﻫﻪﺭﮔﯩﺰ ﺋﯚﺯ ﺩﺍﺩﯨﺴﯩﻐﺎ ﻣﯘﺵ ﻛﯚﺗﯜﺭﻣﻪﻳﺪﯗ. ﻫﻪﻗﯩﻘﯩﻲ ﺋﯘﻳﻐﯘﺭ ﻫﻪﺭﮔﯩﺰ ﺋﯚﺯ ﻗﯧﺮﯨﻨﺪﯨﺸﯩﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﻤﺎﻳﺪﯗ. ﺳﯩﺰ ﻛﯧﻴﯩﻢ-ﻛﯧﭽﻪﻙ، ﻳﯜﺭﯛﺵ-ﺗﯘﺭﯗﺵ ﯞﻩ ﺗﯩﻠﺪﺍ ﺑﺎﺷﻘﺎ ﻣﯩﻠﻠﻪﺗﻜﻪ ﻗﺎﻧﭽﯩﻠﯩﻚ ﺋﻮﺧﺸﺎﭖ ﻛﻪﺗﻜﻪﻧﻠﯩﮕﯩﯖﯩﺰﺩﯨﻦ ﻗﻪﺗﺌﯩﻲ ﻧﻪﺯﻩﺭ، ﺋﻪﮔﻪﺭ ﺳﯩﺰ ﺋﯘﻻﺭﻏﺎ ﺋﯚﺯﯨﯖﯩﺰﻧﻰ ﻣﻪﻥ ﺋﯘﻳﻐﯘﺭ ﺩﻩﭖ ﺗﻮﻧﯘﺷﺘﯘﺭﻣﯩﺴﯩﯖﯩﺰ، ﺋﯘﻻﺭ ﺳﯩﺰﻧﯩﯔ ﺋﯘﻳﻐﯘﺭﻟﯩﻘﯩﯖﯩﺰﻧﻰ ﺑﯩﻠﯩﯟﺍﻟﻐﺎﻥ ﻫﺎﻣﺎﻥ، ﺳﯩﺰﮔﻪ ﺑﻮﻟﻐﺎﻥ ﭘﯜﺗﯜﻥ ﻫﯚﺭﻣﯩﺘﯩﻨﻰ ﻳﻮﻗﯩﺘﯩﺪﯗ. ﺳﯩﺰﻧﯩﯔ ﻗﺎﻧﭽﯩﻠﯩﻚ ﺑﯩﻠﯩﻤﻠﯩﻚ، ﻗﺎﻧﭽﯩﻠﯩﻚ ﺋﯩﻘﺘﯩﺪﺍﺭﻟﯩﻖ ﯞﻩ ﻗﺎﻧﭽﯩﻠﯩﻚ ﺩﺍﯕﻠﯩﻖ ﺑﻮﻟﯘﭖ ﻛﯧﺘﯩﺸﯩﯖﯩﺰﺩﯨﻦ ﻗﻪﺗﺌﯩﻲ ﻧﻪﺯﻩﺭ، ﺑﺎﺷﻘﺎ ﻣﻪﺩﻩﻧﯩﻴﻪﺗﻠﯩﻚ ﺑﯩﺮ ﻣﯩﻠﻠﻪﺕ ﻳﯜﺯﯨﯖﯩﺰﺩﻩ ﻫﯩﺠﯩﻴﯩﭗ ﻗﻮﻳﻐﺎﻥ ﺑﯩﻠﻪﻥ، ﻛﯚﯕﻠﯩﺪﻩ ﺳﯩﺰﻧﻰ ﺋﺎﺯﺭﺍﻗﻤﯘ ﻛﯚﺯﮔﻪ ﺋﯩﻠﻤﺎﻳﺪﯗ. ﺷﯘﯕﺎ ﺳﯩﺰﻧﯩﯔ ﺗﻪﻗﺪﯨﺮﯨﯖﯩﺰ ﭘﯜﺗﯜﻥ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺗﻪﻗﺪﯨﺮﯨﮕﻪ ﺑﺎﻏﻼﻧﻐﺎﻥ. ﺷﯘﯕﺎ ﺳﯩﺰ ﺟﻪﻣﺌﯩﻴﻪﺗﺘﻪ ﺋﻮﺑﺪﺍﻧﺮﺍﻕ ﺋﻮﺭﯗﻥ ﺗﯘﺗﯘﭖ، ﻳﺎﺧﺸﯩﺮﺍﻕ ﻳﺎﺷﺎﻱ ﺩﯦﺴﯩﯖﯩﺰ، ﭘﯜﺗﯜﻥ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺳﺎﭘﺎﺳﯩﻨﻰ ﻳﯘﻗﯩﺮﻯ ﻛﯚﺗﯩﺮﯨﺶ ﺋﯜﭼﯜﻥ ﭘﯜﺗﯜﻥ ﯞﯗﺟﯘﺩﯨﯖﯩﺰ ﺑﯩﻠﻪﻥ ﻛﯜﭺ ﭼﯩﻘﯩﺮﯨﯔ. ﻫﺎﺯﯨﺮ ﭘﯜﺗﯜﻥ ﺩﯗﻧﻴﺎﻧﯩﯔ ﻫﻪﻣﻤﻪ ﺟﺎﻳﻠﯩﺮﯨﺪﺍ ﻳﺎﺷﺎﯞﺍﺗﻘﺎﻥ ﺧﻪﻧﺰﯗﻻﺭ ﺟﯘﯕﮕﻮﻧﯩﯔ ﺩﯗﻧﻴﺎﺩﯨﻜﻰ ﺋﺎﻟﺪﯨﻨﻘﻰ ﻗﺎﺗﺎﺭﯨﺪﯨﻜﻰ ﺩﻭﻟﻪﺗﻠﻪﺭﮔﻪ ﺑﺎﺭﺍﯞﻩﺭ ﻛﯧﻠﯩﺪﯨﻐﺎﻥ ﻛﯜﭼﻠﯜﻙ ﺩﯙﻟﻪﺕ ﺑﻮﻻﻟﯩﺸﻰ ﺋﯜﭼﯜﻥ ﻗﻮﻟﯩﺪﯨﻦ ﻛﯧﻠﯩﺸﯩﭽﻪ ﻳﺎﺭﺩﻩﻡ ﻗﯩﻠﯩﯟﺍﺗﯩﺪﯗ. ﺑﯘﻧﯩﯔ ﺳﻪﯞﻩﺑﻰ، ﺟﯘﯕﮕﻮ ﻛﯜﭼﻠﯜﻙ ﺩﯙﻟﻪﺗﻜﻪ ﺋﺎﻳﻼﻧﺴﺎ، ﺋﯘﻻﺭﻧﯩﯔ ﻛﯜﻧﯩﻤﯘ ﻫﺎﺯﯨﺮﻗﯩﺪﯨﻦ ﻳﺎﺧﺸﯩﺮﺍﻕ ﺑﻮﻟﯩﺪﯗ. ﭘﯜﺗﯜﻥ ﺋﯘﻳﻐﯘﺭ ﻣﯩﻠﻠﯩﺘﻰ ﻫﻪﻗﯩﻘﻰ ﻛﯜﭼﻪﻳﮕﻪﻥ ﻛﯜﻥ، ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﻫﻪﺭ ﺑﯩﺮ ﺋﻪﺯﺍﺳﻰ ﻫﻪﻗﯩﻘﯩﻲ ﻳﺎﺧﺸﻰ ﻳﺎﺷﺎﺷﻘﺎ ﺑﺎﺷﻠﯩﻐﺎﻥ ﻛﯜﻥ ﺑﻮﻟﯘﭖ ﻫﯧﺴﺎﭘﻠﯩﻨﯩﺪﯗ. ﺷﯘﯕﺎ ﺋﯚﺯ ﺗﻪﻗﺪﯨﺮﯨﮕﻪ ﻛﯚﯕﯜﻝ ﺑﻮﻟﯩﺪﯨﻐﺎﻥ ﻫﻪﺭ ﺑﯩﺮ ﺋﯘﻳﻐﯘﺭ ﭘﯜﺗﯜﻥ ﻣﯩﻠﻠﻪﺗﻨﯩﯔ ﻫﺎﻝ-ﺋﻪﻫﯟﺍﻟﯩﻨﯩﯔ ﻳﺎﺧﺸﯩﻠﯩﻨﯩﺸﯩﻐﺎ ﻗﯘﺩﺭﯨﺘﯩﻨﯩﯔ ﻳﯧﺘﯩﺸﯩﭽﻪ ﺗﯚﻫﭙﻪ ﻗﻮﺷﯘﺷﻰ ﻛﯧﺮﻩﻙ.

ﺋﯘﻳﻐﯘﺭ ﻳﺎﺷﻠﯩﺮﯨﻐﺎ ﻫﺎﺯﯨﺮ ﺑﯩﺮ ﻳﺎﺷﺎﺵ ﻳﻮﻟﻰﻻﺯﯨﻢ. ﺑﯘﻧﻰ ﺋﯩﻨﮕﻠﯩﺰﭼﯩﺪﻩ "a path to survival" ﺩﻩﭖ ﺋﺎﺗﺎﻳﺪﯗ. ﻣﻪﻥ ﻳﯘﻗﯩﺮﯨﺪﺍ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯘﻳﻐﯘﺭ ﺗﯩﻠﻰ، ﺧﻪﻧﺰﯗ ﺗﯩﻠﻰ ﯞﻩ ﺋﯩﻨﮕﻠﯩﺰ ﺗﯩﻠﻰ ﺗﻮﻏﺮﯨﺴﯩﺪﯨﻜﻰ ﯞﺍﻗﯩﺖ ﺟﻪﺩﯞﯨﻠﻰ ﻣﺎﻧﺎ ﺷﯘ ﻳﺎﺷﺎﺵ ﻳﻮﻟﯩﻨﯩﯔ ﺋﻪﯓ ﻣﯘﻫﯩﻢ ﺑﯩﺮ ﺗﻪﺭﻛﯩﺒﯩﻲ ﻗﯩﺴﻤﻰ. ﺑﯘ ﻳﺎﺷﺎﺵ ﻳﻮﻟﻰﻧﯩﯔ ﺗﻮﻟﯘﻕ ﻣﻪﺯﻣﯘﻧﻰ ﻧﯩﻤﻪ؟ ﺑﯘ ﺗﻮﻏﺮﯨﺴﯩﺪﺍ ﺳﯩﻠﻪﺭ ﺋﯚﺯﯛﯕﻼﺭ ﺋﻮﺑﺪﺍﻥ ﺋﻮﻳﻠﯩﻨﯩﭗ ﺑﯧﻘﯩﯖﻼﺭ. ﻣﻪﻥ ﺑﯘ ﺳﯚﻫﺒﻪﺗﻨﯩﯔ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ ﻗﯩﺴﯩﻤﻠﯩﺮﯨﺪﺍ، ﺋﯚﺯﯛﻡ ﺑﯧﺴﯩﭗ ﺋﯚﺗﻜﻪﻥ ﻳﺎﺷﺎﺵ ﻳﻮﻟﻰ ﻧﻰ ﺋﯩﻤﻜﺎﻥ ﻗﻪﺩﻩﺭ ﺗﻪﭘﺴﯩﻠﯩﻲ ﺑﺎﻳﺎﻥ ﻗﯩﻠﯩﺸﻘﺎ ﺗﯩﺮﯨﺸﺘﯩﻢ. ﻫﻪﻣﻤﻪﻳﻠﻪﻧﻨﯩﯔ ﺧﻪﯞﯨﺮﯨﺪﻩ ﺑﻮﻟﻐﯩﻨﯩﺪﻩﻙ، ﻳﻪﻫﯘﺩﯨﻴﻼﺭ ﺑﯘ ﺩﯗﻧﻴﺎﺩﯨﻜﻰ ﺋﻪﯓ ﺋﯘﺯﯗﻥ ﯞﻩ ﺋﻪﯓ ﯞﻩﻫﺸﻰ ﺧﺎﺭﻻﻧﻐﺎﻥ ﻣﯩﻠﻠﻪﺗﻠﻪﺭﻧﯩﯔ ﺑﯩﺮﻯ. ﻣﻪﻥ ﺋﯘﻻﺭ ﺑﯩﻠﻪﻥ ﺧﯩﺰﻣﻪﺗﺪﺍﺵ ﯞﻩ ﺩﻭﺳﺖ ﺑﻮﻟﯘﺵ ﺋﺎﺭﻗﯩﻠﯩﻖ، ﺋﯘﻻﺭﻧﻰ ﺑﯩﺮ ﻗﻪﺩﻩﺭ ﭼﻮﯕﻘﯘﺭ ﭼﯜﺷﻪﻧﺪﯨﻢ. ﻫﺎﺯﯨﺮﻣﯘ ﺋﯚﺯﯛﻣﻨﯩﯔ ﺋﯩﺪﺍﺭﯨﺴﻰ ﺑﻮﻟﻐﺎﻥ ﺋﺎﻣﯧﺮﯨﻜﺎ ﺋﺎﻟﻪﻡ ﺑﻮﺷﻠﯘﻗﻰ ﺗﯧﺨﻨﯩﻜﯩﺴﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ--JPL ﺩﻩ ﺑﯩﺮ ﻳﺎﭘﻮﻧﻠﯘﻕ ﯞﻩ ﻳﻪﻫﯘﺩﯨﻲ ﺑﯩﻠﻪﻥ ﺑﯩﺮﮔﻪ ﺋﯩﺸﻠﻪﯞﺍﺗﯩﻤﻪﻥ. ﺑﯩﺰﻧﯩﯔ ﺑﯚﻟﯜﻣﺪﻩ 15 ﺋﻪﺗﺮﺍﭘﯩﺪﺍ ﺋﺎﺩﻩﻡ ﺑﺎﺭ ﺑﻮﻟﯘﭖ، ﺑﯩﺰ 2006-ﻳﯩﻠﻰ، 2009-ﻳﯩﻠﻰ ﯞﻩ 2016-ﻳﯩﻠﻰ ﻗﻮﻳﯘﭖ ﺑﯧﺮﯨﻠﯩﺪﯨﻐﺎﻥ 3 ﺩﺍﻧﻪ ﺋﺎﻟﻪﻡ ﺗﯧﻠﯧﺴﻜﻮﭘﯩﻨﯩﯔ ﺋﯩﺸﯩﻨﻰ ﻗﯩﻠﯩﯟﺍﺗﯩﻤﯩﺰ. ﻳﯘﻗﯩﺮﯨﺪﺍ ﺗﯩﻠﻐﺎ ﺋﺎﻟﻐﺎﻥ ﻳﺎﭘﻮﻥ، ﻳﻪﻫﯘﺩﯨﻲ ﯞﻩ ﻣﻪﻥ ﺑﻮﻟﯘﭖ ﻣﯘﺷﯘ ﺋﯜﭼﯩﻤﯩﺰ، ﻫﺎﺯﯨﺮ ﭘﯜﺗﯜﻥ ﺑﯚﻟﯜﻣﻨﯩﯔ ﺋﻪﯓ ﺟﯩﺪﺩﯨﻲ ﯞﻩ ﺋﻪﯓ ﻗﯩﻴﯩﻦ ﺋﯩﺸﻠﯩﺮﯨﻨﻰ ﻗﯩﻠﯩﯟﺍﺗﯩﻤﯩﺰ. ﻗﺎﻟﻐﺎﻧﻼﺭ ﺑﯩﺰﮔﻪ ﭼﻮﯕﻘﯘﺭ ﻫﯚﺭﻣﻪﺕ ﻗﯩﻠﯩﺪﯗ ﯞﻩ ﺑﯩﺰﺩﯨﻦ ﺋﻪﻳﻤﯩﻨﯩﺪﯗ. ﺷﯘﯕﺎ ﺑﯘ ﻳﻪﺭﺩﻩ، ﻣﻪﻥ ﺋﯚﺯﯛﻡ ﺧﯘﻻﺳﯩﻠﻪﭖ ﭼﯩﻘﺎﺭﻏﺎﻥ ﻳﻪﻫﯘﺩﯨﻴﻼﺭﻧﯩﯔﻳﺎﺷﺎﺵ ﻳﻮﻟﻰﻧﻰ ﺋﯧﻴﺘﯩﭗ ﺑﯧﺮﻩﻱ. ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺗﯚﯞﻩﻧﺪﯨﻜﻰ ﺑﯩﺮ ﺋﺎﺑﺰﺍﺱ ﺳﯚﺯﻧﻰ ﺑﯩﺮ ﺋﯚﻣﯜﺭ ﺋﯧﺴﯩﺪﯨﻦ ﭼﯩﻘﺎﺭﻣﺎﺳﻠﯩﻘﯩﻨﻰ ﺳﻮﺭﺍﻳﻤﻪﻥ:

ﻳﻪﻫﯘﺩﯨﻴﻼﺭ ﻗﺎﻳﺴﻰ ﺩﯙﻟﻪﺗﺘﻪ، ﻗﺎﻳﺴﻰ ﻣﯩﻠﻠﻪﺗﻨﯩﯔ ﺋﺎﺭﯨﺴﯩﺪﺍ ﻳﺎﺷﯩﺴﺎ، ﺷﯘ ﺩﯙﻟﻪﺕ ﻳﺎﻛﻰ ﺷﯘ ﻣﯩﻠﻠﻪﺗﻨﯩﯔ ﺗﯩﻠﯩﻨﻰ ﺷﯘ ﻣﯩﻠﻠﻪﺗﻨﯩﯔ ﺋﯚﺯﯨﺪﯨﻨﻤﯘ ﺑﻪﻛﺮﺍﻕ ﭘﯘﺧﺘﺎ ﺋﯩﮕﯩﻠﻪﻳﺪﯗ. ﺋﯚﺯﯨﻨﯩﯔ ﺋﺎﻧﺎ ﺗﯩﻠﯩﻨﻰ ﭘﯘﺧﺘﺎ ﺋﯩﮕﯩﻠﻪﭘﻼ ﻗﺎﻟﻤﺎﻱ، ﺩﯗﻧﻴﺎﻧﯩﯔ ﻗﺎﻧﺪﺍﻕ ﻳﯧﺮﯨﺪﻩ ﺑﻮﻟﯘﺷﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺋﯚﺯ ﻫﯧﻴﺖ-ﺑﺎﻳﺮﺍﻣﻠﯩﺮﯨﻨﻰ ﺋﯩﺸﻘﺎ ﺑﺎﺭﻣﺎﻱ ﭼﻮﻗﯘﻡ ﺗﻪﺑﺮﯨﻜﻠﻪﻳﺪﯗ -- ﺑﺎﺷﻘﯩﻼﺭﻧﻰ ﺋﯚﺯﻟﯩﺮﯨﻨﯩﯔ ﺋﯚﺭﭖ-ﺋﺎﺩﻩﺗﻠﯩﺮﯨﮕﻪ ﺑﻮﻱ ﺳﯘﻧﺪﯗﺭﯨﺪﯗ؛ ﺋﯚﺯﻟﯩﺮﯨﻨﻰ-ﺋﯚﺯﻟﯩﺮﻯ ﻗﺎﺗﺘﯩﻖ ﻫﯚﺭﻣﻪﺗﻠﻪﻳﺪﯗ. ﺑﺎﺷﻘﺎ ﻣﯩﻠﻠﻪﺗﻜﻪ ﻗﯩﻠﭽﻪ ﺧﻮﺷﺎﻣﻪﺕ ﻗﯩﻠﻤﺎﻳﺪﯗ ﻫﻪﻣﺪﻩ ﻫﻪﺭ ﻗﺎﻧﺪﺍﻕ ﺷﺎﺭﺍﺋﯩﺘﺘﺎ ﺋﯘﻻﺭﻧﯩﯔ ﺗﻪﺧﺴﯩﺴﯩﻨﻰ ﻛﯚﺗﯜﺭﻣﻪﻳﺪﯗ. ﭘﯜﺗﯜﻥ ﺋﯩﺸﺘﺎ ﺑﯩﺮ-ﺑﯩﺮﯨﻨﻰ ﺷﻪﺭﺗﺴﯩﺰ ﻳﯚﻟﻪﻳﺪﯗ. ﻫﻪﻣﻤﻪ ﺋﯩﺸﺘﺎ ﺋﯚﺯﻟﯩﺮﯨﮕﻪ ﻧﺎﻫﺎﻳﯩﺘﻰ ﻳﯜﻗﯩﺮﻯ ﺗﻪﻟﻪﭖ ﻗﻮﻳﯘﭖ، ﻫﻪﻣﻤﻪ ﺋﯩﺸﻨﻰ ﺋﯩﻠﻤﯩﻲ ﺋﯘﺳﯘﻝ ﺑﻮﻳﯩﭽﻪ، ﺋﻪﺧﻼﻕ ﺑﻮﻳﯩﭽﻪ، ﻗﺎﺋﯩﺪﻩ ﺑﻮﻳﯩﭽﻪ، ﺗﯜﺯﯛﻡ ﺑﻮﻳﯩﭽﻪ، ﭘﯩﺮﯨﻨﺴﯩﭗ ﺑﻮﻳﯩﭽﻪ ﯞﻩ ﻗﺎﻧﯘﻥ ﺑﻮﻳﯩﭽﻪ ﻳﺎﺧﺸﻰ ﻗﯩﻠﯩﺪﯗ. ﺑﺎﺷﻘﺎ ﻣﯩﻠﻠﻪﺗﺘﯩﻦ ﺑﻮﻟﻐﺎﻥ ﻛﯩﺸﯩﺪﯨﻦ ﺑﯩﺮﺳﻰ ﻗﺎﺋﯩﺪﻩ ﺑﻮﻳﯩﭽﻪ ﻳﺎﻛﻰ ﺋﯩﻠﻤﯩﻲ ﺋﯘﺳﯘﻝ ﺑﻮﻳﯩﭽﻪ ﺋﯩﺶ ﻗﯩﻠﻤﺎﻳﺪﯨﻜﻪﻥ، ﺋﯘﻧﯩﯔ ﺋﯚﺯﯨﻨﯩﯔ ﺳﻪﭘﺪﯨﺸﻰ ﻳﺎﻛﻰ ﺑﺎﺷﻠﯩﻘﻰ ﺑﻮﻟﯩﺸﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺋﯘﻧﯩﯔ ﻛﯚﺯﯨﮕﻪ ﻛﯩﺮﯨﯟﯦﻠﯩﭗ، ﻗﺎﺗﺘﯩﻖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﯨﺪﯗ؛ ﺑﯩﺮ ﻗﯧﺘﯩﻤﻤﯘ ﺋﯚﺗﻜﯜﺯﯞﻩﺗﻤﻪﻳﺪﯗ؛ ﺷﯘ ﺋﺎﺭﻗﯩﻠﯩﻖ ﺋﯚﺯﻯ ﻳﯧﯖﻪﻟﻤﯩﮕﻪﻥ ﺗﻪﻏﺪﯨﺮﺩﯨﻤﯘ، ﺋﯘ ﻛﯩﺸﯩﻨﻰ ﺋﯚﺯ ﺋﯩﭽﯩﺪﻩ ﺑﻮﻟﺴﯩﻤﯘ ﺧﯩﺠﯩﻞ ﻗﯩﻠﺪﯗﺭﯨﺪﯗ. ﺑﯩﻠﯩﻢ ﯞﻩ ﺋﯩﻘﺘﯩﺪﺍﺭ ﺟﻪﻫﻪﺗﺘﻪ ﺑﺎﺷﻘﯩﻼﺭﻧﯩﯔ ﻣﯜﺭﯨﺴﯩﮕﻪ ﺩﻩﺳﺴﻪﭖ، ﺋﯩﮕﯩﺰ ﺗﯘﺭﯨﺪﯗ. ﺧﯩﺰﻣﻪﺕ ﺋﻮﺭﻧﯩﺪﺍ ﺋﯚﺯ ﺧﯩﺰﻣﯩﺘﯩﮕﻪ ﻛﯧﺮﻩﻛﻠﯩﻚ ﺑﻮﻟﻐﺎﻥ ﻗﻮﺭﺍﻝ-ﺑﯘﻳﯘﻣﻼﺭﻧﯩﯔ (ﻣﻪﺳﯩﻠﻪﻥ، ﻛﻮﻣﭙﻴﯘﺗﯧﺮﻧﯩﯔ) ﺋﻪﯓ ﺋﯧﺴﯩﻞ، ﺋﻪﯓ ﻗﯩﻤﻤﯩﺘﯩﻨﻰ ﺋﺎﻟﻐﯘﺯﯨﺪﯗ (ﻗﻮﺭﺍﻝ-ﺑﯘﻳﯘﻣﻼﺭ ﻳﺎﺧﺸﻰ ﺑﻮﻟﺴﺎ، ﻗﯩﻠﻐﺎﻥ ﺋﯩﺸﯩﯖﯩﺰﻧﯩﯔ ﺋﯜﻧﯜﻣﯩﻤﯘ ﻳﯘﻗﯩﺮﻯ ﺑﻮﻟﯩﺪﯗ). ﺋﯚﺯﻯ ﺑﯩﻠﻪﻥ ﻳﻪﻧﻪ ﺑﯩﺮ ﺑﺎﺷﻘﺎ ﺑﯩﺮ ﻣﯩﻠﻠﻪﺗﺘﯩﻦ ﺑﻮﻟﻐﺎﻥ ﻛﯩﺸﯩﻨﯩﯔ ﺋﺎﻟﺪﯨﺪﺍ 10 ﭘﯘﺭﺳﻪﺕ ﺑﻮﻟﺴﺎ، ﺋﯘ 10 ﭘﯘﺭﺳﻪﺗﻨﯩﯔ ﻫﻪﻣﻤﯩﺴﯩﻨﻰ ﺋﯚﺯﻯ ﺋﯧﻠﯩﯟﯦﻠﯩﺸﻘﺎ ﺗﯩﺮﯨﺸﯩﺪﯗ -- ﺑﺎﺷﻘﯩﻼﺭﻏﺎ ﻗﯩﻠﭽﻪ ﺭﻩﻫﯩﻢ ﻗﯩﻠﻤﺎﻳﺪﯗ. ﺷﯘﯕﺎ ﺋﯘﻻﺭﻧﻰ ﺑﺎﺷﻘﺎ ﻧﯘﺭﻏﯘﻥ ﻣﯩﻠﻠﻪﺗﻠﻪﺭ ﻳﺎﺧﺸﻰ ﻛﯚﺭﻣﻪﻳﺪﯗ، ﺋﻪﻣﻤﺎ ﻳﻪﻫﯘﺩﯨﻴﻨﻰ ﻳﯩﻘﯩﺘﺎﻟﻤﺎﻳﺪﯗﻳﯩﻘﯩﺘﯩﺪﯨﻐﺎﻧﻐﺎ ﺋﺎﻣﺎﻝ ﺗﺎﭘﺎﻟﻤﺎﻳﺪﯗ.

ﺟﯘﯕﮕﻮ ﻗﺎﻧﯘﻧﻠﯩﺮﻯ ﺋﯩﭽﯩﺪﻩ، ﺋﯘﻳﻐﯘﺭﻻﺭ ﭘﺎﻳﺪﯨﻼﻧﺴﺎ ﺑﻮﻟﯩﺪﯨﻐﺎﻥ ﻗﺎﻧﺪﺍﻕ ﻗﺎﻧﯘﻧﻼﺭ ﺑﺎﺭ؟

ﺋﯘﻻﺭﻧﻰ ﺋﯘﻳﻐﯘﺭ ﻧﻮﭘﯘﺳﯩﻨﯩﯔ ﻗﺎﻧﭽﻪ ﭘﯩﺮﺳﻪﻧﺘﻰ ﺋﻮﻗﯘﭖ ﺑﺎﻗﻘﺎﻥ؟

ﻗﺎﻧﭽﻪ ﭘﯩﺮﺳﻪﻧﯩﺖ ﺋﯘﻳﻐﯘﺭ ﺑﻮﻟﻤﯩﺶ ﻫﻮﻗﯘﻕ ﺋﯩﮕﯩﻠﯩﺮﻯ ﺋﻮﻗﯘﭖ ﺑﺎﻗﻘﺎﻥ؟

  ﺑﺎﻻ ﻳﯩﻐﻠﯩﻤﯩﺴﺎ، ﺋﺎﻧﺎ ﺋﻪﻣﭽﻪﻙ ﺳﺎﻟﻤﺎﻳﺪﯗ. ﻗﺎﻧﯘﻥ ﺑﻪﺭﮔﻪﻥ ﺋﯩﻤﻜﺎﻧﯩﻴﻪﺗﻠﻪﺭﺩﯨﻦ ﭘﺎﻳﺪﯨﻠﯩﻨﯩﺶ ﺋﯜﭼﯜﻥ ﻗﺎﻧﯘﻧﻨﻰ ﺑﯩﻠﯩﺶ ﻛﯧﺮﻩﻙ.

ﺋﻪﮔﻪﺭ ﺑﯩﺮ ﺑﺎﻟﯩﯖﯩﺰ ﺑﺎﺭ ﺑﻮﻟﯘﭖ، ﺋﯘﻧﯩﯖﻐﺎ ﺳﯩﺰ ﻫﯚﺭﻣﻪﺕ ﻗﯩﻠﻤﯩﺴﯩﯖﯩﺰ، ﺑﺎﺷﻘﯩﻼﺭ ﺗﯧﺨﯩﻤﯘ ﻫﯚﺭﻣﻪﺕ ﻗﯩﻠﻤﺎﻳﺪﯗ. ﺋﻪﮔﻪﺭ ﺋﯘﻳﻐﯘﺭ ﻣﯩﻠﻠﯩﺘﻰ ﺋﯚﺯ-ﺋﯚﺯﯨﻨﻰ ﻗﻪﺩﯨﺮﻟﯩﻤﯩﺴﻪ، ﺋﯚﺯ-ﺋﯚﺯﯨﻨﻰ ﻫﯚﺭﻣﻪﺗﻠﯩﻤﯩﺴﻪ، ﺋﯚﺯ-ﺋﺎﺭﺍ ﻳﺎﺭﺩﻩﻡ ﻗﯩﻠﻤﯩﺴﺎ، ﺑﯩﺮ-ﺑﯩﺮﯨﻨﻰ ﻫﯩﻤﺎﻳﻪ ﻗﯩﻠﻤﯩﺴﺎ، ﺑﺎﺷﻘﺎ ﻣﯩﻠﻠﻪﺗﺘﯩﻦ ﻫﯧﭻ ﻗﺎﻧﺪﺍﻕ ﻧﻪﺭﺳﯩﻨﻰ ﺋﯜﻣﯩﺪ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ.

ﺧﻪﻧﺰﯗ ﺗﯩﻠﯩﻨﯩﯔ ﺧﯧﺘﻰ ﻛﯚﭖ ﺑﻮﻟﻐﺎﻥ ﺑﯩﻠﻪﻥ، ﺋﯘﻧﯩﯔ ﮔﯩﺮﺍﻣﺎﺗﻜﯩﺴﻰ ﺋﯩﻨﺘﺎﻳﯩﻦ ﺋﺎﺩﺩﯨﻲ ﺑﻮﻟﯘﭖ، ﺷﯩﻨﺠﺎﯕﺪﺍ ﻳﺎﺷﺎﯞﺍﺗﻘﺎﻥ ﺑﯩﺮ ﺋﯘﻳﻐﯘﺭ ﺋﯚﺳﻤﯜﺭ ﺋﯜﭼﯜﻥ ﺋﯘﻧﻰ ﺋﯚﮔﯩﻨﯩﺶ ﺋﺎﻧﭽﻪ ﻗﯩﻴﯩﻦ ﺋﯩﺶ ﺋﻪﻣﻪﺱ. ﺷﯘﯕﺎ ﻣﻪﻥ ﻳﯘﻗﯩﺮﯨﺪﺍ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻧﯩﺸﺎﻧﻨﻰ ﺋﻪﻣﻪﻟﮕﻪ ﺋﺎﺷﯘﺭﯗﺵ، ﻫﻪﺭ ﺑﯩﺮ ﺋﯩﺮﺍﺩﯨﻠﯩﻚ ﺋﯘﻳﻐﯘﺭ ﻳﺎﺵ ﺋﯜﭼﯜﻥ ﺋﯧﻴﯩﺘﻘﺎﻧﺪﺍ، ﭘﯜﺗﯜﻧﻠﻪﻱ ﻗﯩﻠﻐﯩﻠﻰ ﺑﻮﻟﯩﺪﯨﻐﺎﻥ ﺋﯩﺶ. ﺋﯩﻨﮕﻠﯩﺰ ﺗﯩﻠﯩﻨﻰ ﺋﯚﮔﯩﻨﯩﺶ ﺋﺎﺳﺎﻥ ﺋﻪﻣﻪﺱ. ﺋﯘ ﻣﺎﺗﯧﻤﺎﺗﯩﻜﺎ، ﻓﯩﺰﯨﻜﺎ ﺩﯦﮕﻪﻧﺪﻩﻙ ﭘﻪﻧﻠﻪﺭﮔﻪ ﻗﺎﺭﯨﻐﺎﻧﺪﺍ ﺗﻪﺱ. ﯞﺍﻗﯩﺖ ﺟﻪﻫﻪﺗﺘﯩﻨﻤﯘ ﻛﻪﻡ ﺩﯦﮕﻪﻧﺪﻩ 2 ﻳﯩﻞ ﺗﻪﻟﻪﭖ ﻗﯩﻠﯩﺪﯗ. ﺧﻪﻧﺰﯗ ﺗﯩﻠﯩﻨﻰ ﭘﯘﺧﺘﺎ ﺋﯚﮔﯩﯟﺍﻟﺴﯩﯖﯩﺰ، ﭘﯜﺗﯜﻥ ﺟﯘﯕﮕﻮﻧﯩﯔ ﺩﻩﺭﯞﺍﺯﯨﺴﻰ ﺳﯩﺰﮔﻪ ﺋﯧﭽﯩﻠﯩﺪﯗ. ﺋﯩﻨﮕﻠﯩﺰ ﺗﯩﻠﯩﻨﻰ ﭘﯘﺧﺘﺎ ﺋﯚﮔﯩﯟﺍﻟﺴﯩﯖﯩﺰ، ﭘﯜﺗﯜﻥ ﺩﯗﻧﻴﺎﻧﯩﯔ ﺋﯩﺸﯩﮕﻰ ﺳﯩﺰﮔﻪ ﺋﯧﭽﯩﻠﯩﺪﯗ. ﻫﯩﻨﺪﯨﺴﺘﺎﻧﻨﻰ ﺋﻪﻳﻨﻰ ﯞﺍﻗﯩﺘﺘﺎ ﺋﻪﻧﮕﻠﯩﻴﻪ ﺑﯧﺴﯩﯟﯦﻠﯩﭗ، ﺋﯘﻻﺭﻏﺎ ﺋﯩﻨﮕﻠﯩﺰ ﺗﯩﻠﯩﻨﻰ ﻣﻪﺟﺒﯘﺭﻯ ﺋﯚﮔﯩﺘﯩﭙﺘﯩﻜﻪﻥ، ﻫﺎﺯﯨﺮ ﭘﯜﺗﯜﻥ ﻫﯩﻨﺪﯨﺴﺘﺎﻥ ﺩﯙﻟﯩﺘﻰ ﺋﯘﻧﯩﯔ ﭘﺎﻳﺪﯨﺴﯩﻨﻰ ﻛﯚﺭﯛﯞﺍﺗﯩﺪﯗ. ﺋﯘﻻﺭﻧﯩﯔ ﺋﺎﻟﯩﻲ ﻣﻪﻛﺘﻪﭘﻠﯩﺮﻯ ﺋﯩﻨﮕﻠﯩﺰ ﺗﯩﻠﯩﻨﻰ ﻗﻮﻟﻠﯩﻨﯩﺪﯗ. ﺷﯘﯕﺎ ﺋﯘﻻﺭ ﭘﯜﺗﯜﻥ ﻳﺎﯞﺭﻭﭘﺎ ﯞﻩ ﺋﺎﻣﯧﺮﯨﻜﺎ ﻛﻪﺳﭙﯩﻲ ﻛﯩﺘﺎﭘﻠﯩﺮﯨﺪﯨﻦ ﺷﯘ ﭘﯧﺘﯩﭽﻪ ﭘﺎﻳﺪﯨﻠﯩﻨﺎﻻﻳﺪﯗ. ﺋﺎﻣﯧﺮﯨﻜﯩﻐﺎ ﺋﻮﻗﯘﺷﻘﺎ ﺑﺎﺭﺳﺎ، ﺋﯩﻨﮕﻠﯩﺰ ﺗﯩﻠﯩﺪﯨﻦ ﺋﯩﻤﺘﯩﻬﺎﻥ ﺗﻪﻟﻪﭖ ﻗﯩﻠﻤﺎﻳﺪﯗ. ﻳﯧﻘﯩﻨﻘﻰ 5-10 ﻳﯩﻠﻨﯩﯔ ﺋﯩﭽﯩﺪﻩ، ﺋﺎﻣﯧﺮﯨﻜﯩﺪﯨﻜﻰ ﻧﯘﺭﻏﯘﻥ ﻳﯘﻣﺸﺎﻕ ﺩﯦﺘﺎﻝ ﻗﺎﺗﺎﺭﻟﯩﻖ ﺳﺎﻧﺎﺋﻪﺕ ﺷﯩﺮﻛﻪﺗﻠﯩﺮﻯ ﺋﯚﺯ ﺷﯩﺮﻛﯩﺘﯩﻨﻰ ﻫﯩﻨﺪﯨﺴﺘﺎﻧﻐﺎ ﻳﯚﺗﻜﻪﭖ، ﺋﯘﻻﺭﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﻨﻰ ﺑﯩﺮﺍﻗﻼ ﻳﯘﻗﯩﺮﻯ ﻛﯚﺗﯜﺭﯨﯟﻩﺗﺘﻰ. ﻫﺎﺯﯨﺮ ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﺋﻮﻟﺘﯘﺭﺍﻗﻼﺷﻘﺎﻥ ﻫﯩﻨﺪﯨﺴﺘﺎﻧﻠﯩﻘﻼﺭﻧﯩﯔ ﺳﺎﻧﻰ ﺧﻪﻧﺰﯗﻻﺭﺩﯨﻦ ﻗﺎﻟﺴﯩﻼ ﺋﻪﯓ ﻛﯚﭖ. ﻛﻮﻣﭙﻴﯘﺗﯧﺮﻧﯩﯔ CPU ﺳﯩﻨﻰ ﭼﯩﻘﯩﺮﯨﺪﯨﻐﺎﻥ Intel ﺩﯦﮕﻪﻥ ﺷﯩﺮﻛﻪﺗﻨﯩﯔ 30 ﭘﯩﺮﺳﻪﻧﺖ ﺧﯩﺰﻣﻪﺗﭽﯩﺴﻰ ﻫﯩﻨﺪﯨﺴﺘﺎﻧﻠﯩﻖ ﺑﻮﻟﯘﺷﻰ ﻣﯘﻣﻜﯩﻦ.

ﺑﺎﻟﯩﻼﺭﻧﯩﯔ ﺑﯩﺮ ﻧﻮﺭﻣﺎﻝ ﺋﯚﺳﯜﭖ ﻳﯧﺘﯩﻠﯩﺶ ﻗﺎﻧﯘﻧﯩﻴﯩﺘﻰ ﺑﺎﺭ. ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﺋﯚﻟﭽﯩﻤﻰ ﺑﻮﻳﯩﭽﻪ ﺋﯧﻠﯩﭗ ﺋﯧﻴﺘﻘﺎﻧﺪﺍ، ﺑﺎﻻ 18 ﻳﺎﺷﻘﺎ ﻛﯩﺮﮔﯩﭽﻪ، ﻳﻪﻧﻰ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﯩﭽﻪ، ﺑﺎﻟﯩﻨﻰ ﺋﺎﺗﺎ-ﺋﺎﻧﯩﻼﺭ ﺑﺎﻗﯩﺪﯗ. ﺑﺎﻟﯩﻨﯩﯔ ﺋﯚﺳﯜﭖ ﻳﯧﺘﯩﻠﯩﺶ ﺟﻪﺭﻳﺎﻧﯩﻨﻰ ﺋﯩﻨﺘﺎﻳﯩﻦ ﺗﻪﭘﺴﯩﻠﯩﻲ ﯞﻩ ﺋﻪﺳﺘﺎﻳﯩﺪﯨﻞ ﻛﯚﺯﯨﺘﯩﭗ، ﺑﺎﻟﯩﺴﻰ ﻗﺎﻳﺴﻰ ﺋﯩﺸﻼﺭﺩﺍ ﻛﯜﭼﻠﯜﻙ، ﻗﺎﻳﺴﻰ ﺋﯩﺸﻼﺭﺩﺍ ﺋﺎﺟﯩﺰﻟﯩﻘﯩﻨﻰ ﺗﻮﻟﯘﻕ ﭼﯜﺷﯩﻨﯩﭗ، ﺑﺎﻟﯩﺴﯩﻨﯩﯔ ﺋﺎﺟﯩﺰ ﺗﻪﺭﻩﭘﻠﯩﺮﯨﻨﻰ ﻛﯜﭼﻠﻪﻧﺪﯛﺭﯛﺷﻜﻪ ﻳﺎﺭﺩﻩﻡ ﻗﯩﻠﯩﺪﯗ. ﻣﯧﻨﯩﯔ ﻗﯩﺰﯨﻢ ﺑﺎﺷﻼﻧﻐﯘﭼﺘﺎ ﺋﻮﻗﯘﯞﺍﺗﻘﺎﻧﺪﺍ، ﺑﯩﺮ ﻗﯧﺘﯩﻤﻠﯩﻖ ﺗﻮﻏﯘﻟﻐﺎﻥ ﻛﯜﻥ ﺋﻮﻟﺘﯘﺭﯗﺷﯩﻐﺎ 15 ﺗﻪﻙ ﻗﯩﺰﻧﻰ ﭼﺎﻗﯩﺮﺩﻯ. ﺋﻮﻟﺘﯘﺭﯗﺵ ﺗﯜﮔﻪﭖ، ﺑﺎﻟﯩﻼﺭ ﺗﺎﺭﻗﺎﭖ ﺑﻮﻟﻐﺎﻧﺪﺍ، ﺑﯩﺮ ﻗﯩﺰﻧﯩﯔ ﺋﺎﭘﯩﺴﻰ ﺋﯚﻳﯩﻤﯩﺰﮔﻪ ﻛﯧﻠﯩﭗ،ﻣﯧﻨﯩﯔ ﻗﯩﺰﯨﻢ ﺑﻪﻙ ﻳﯘﯞﺍﺵ. ﻗﺎﺭﯨﺴﺎﻡ ﺳﯧﻨﯩﯔ ﻗﯩﺰﯨﯔ ﺋﯩﻨﺘﺎﻳﯩﻦ ﺋﺎﻛﺘﯩﭗ، ﺗﻪﺷﻜﯩﻠﻠﻪﺵ ﺋﯩﻘﺘﯩﺪﺍﺭﻯ ﺋﯩﻨﺘﺎﻳﯩﻦ ﻳﯘﻗﯩﺮﻯ ﺋﯩﻜﻪﻥ. ﺋﻪﮔﻪﺭ ﻣﺎﻗﯘﻝ ﻛﯚﺭﺳﻪﯓ ﻣﻪﻥ ﻫﻪﺭ ﻛﯜﻧﻰ ﻗﯩﺰﯨﻤﻨﻰ ﺋﻪﭘﻜﯧﻠﯩﭗ، ﺩﯨﻠﻨﺎﺭﻩ ﺑﯩﻠﻪﻥ ﺑﯩﺮ ﺳﺎﺋﻪﺕ ﺋﻮﻳﻨﯩﻐﯩﻠﻰ ﻗﻮﻳﺴﺎﻡ. ﺑﯘ ﺟﻪﺭﻳﺎﻧﺪﺍ ﺳﯧﻨﯩﯔ ﺑﺎﻻﯕﻐﯩﻤﯘ ﻣﻪﻥ ﻗﺎﺭﺍﭖ ﺑﻪﺭﺳﻪﻡ ، ﺩﻩﭖ ﺗﻪﻟﻪﭖ ﻗﯩﻠﺪﻯ. ﺑﯩﺰ ﻣﺎﻗﯘﻝ ﺑﻮﻟﺪﯗﻕ. ﺋﺎﻣﯧﺮﯨﻜﯩﻠﯩﻘﻼﺭ ﺋﻮﻗﯘﺵ ﻳﯧﺸﯩﺪﯨﻜﻰ ﺑﺎﻟﯩﺴﯩﻨﻰ ﺋﯚﺯﯨﺪﯨﻦ ﺋﻪﯓ ﺋﯘﺯﯗﻥ ﺑﻮﻟﻐﺎﻧﺪﯨﻤﯘ 4 ﻫﻪﭘﺘﯩﺪﯨﻦ ﺋﺎﺭﺗﯘﻕ ﺋﺎﻳﺮﯨﻤﺎﻳﺪﯗ. ﻳﺎﺯﻟﯩﻖ ﻛﺎﻧﯩﻜﻮﻝ ﺟﻪﺭﻳﺎﻧﯩﺪﺍ ﺋﻮﺗﺘﯘﺭﺍ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﻯ ﺋﯜﭼﯜﻥ ﺋﻮﺭﯗﻧﻼﺷﺘﯘﺭﯗﻟﻐﺎﻥ، ﺋﯩﻨﮕﻠﯩﺰﭼﻪ ﺳﯘﻣﻤﻪﺭ ﭼﺎﻣﭗ ﺩﻩﭖ ﺋﺎﺗﯩﻠﯩﺪﯨﻐﺎﻥ ﻳﺎﺯﻟﯩﻖ ﺩﺍﻻ ﭘﺎﺋﺎﻟﯩﻴﻪﺗﻠﯩﺮﻯ ﺋﯩﻨﺘﺎﻳﯩﻦ ﻛﯚﭖ ﺑﻮﻟﯘﭖ، ﺑﯘ ﭘﺎﺋﺎﻟﯩﻴﻪﺗﺘﻪ ﺑﺎﻟﯩﻼﺭ ﺋﯚﺯ ﺷﻪﻫﯩﺮﯨﺪﯨﻦ ﻳﯩﺮﺍﻗﺘﯩﻜﻰ ﺑﯩﺮ ﮔﯜﺯﻩﻝ ﻣﻪﻧﺰﯨﺮﯨﻠﯩﻚ ﻳﻪﺭﮔﻪ ﺑﯧﺮﯨﭗ، ﺗﻪﻟﯩﻢ-ﺗﻪﺭﺑﯩﻴﻪ ﯞﻩ ﻛﯚﯕﯜﻝ ﺋﯧﭽﯩﺶ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﯧﻠﯩﭗ ﺑﺎﺭﯨﺪﯗ. ﻣﯘﺩﺩﯨﺘﻰ ﺑﯩﺮ ﻫﻪﭘﺘﯩﺪﯨﻦ 4 ﻫﻪﭘﺘﯩﮕﯩﭽﻪ ﺑﻮﻟﯘﭖ، ﺋﯘﻧﯩﯔ ﭼﯩﻘﯩﻤﯩﻨﻰ ﺋﺎﺗﺎ-ﺋﺎﻧﯩﻼﺭ ﺋﯚﺯﻟﯩﺮﻯ ﺗﯚﻟﻪﻳﺪﯗ. ﺑﺎﻟﯩﻨﻰ ﺑﯘ ﭘﺎﺋﺎﻟﯩﻴﻪﺗﻜﻪ ﺋﻪﯞﻩﺗﯩﺸﺘﯩﻜﻰ ﺑﯩﺮ ﺷﻪﺭﺕ ﺷﯘﻛﻰ، ﺋﻪﮔﻪﺭ ﺑﺎﻻ ﺋﯚﻳﻨﻰ ﺳﯧﻐﯩﻨﯩﭗ، ﺋﯚﻳﯜﻣﮕﻪ ﻛﯧﺘﯩﻤﻪﻥ ﺩﯦﺴﻪ، ﺷﯘ ﯞﺍﻗﯩﺘﻨﯩﯔ ﺋﯚﺯﯨﺪﯨﻼ ﺋﯚﻳﯩﮕﻪ ﺋﻪﻛﯩﻠﯩﭗ ﻗﻮﻳﯩﺪﯗ. ﺑﯩﺮ ﺋﺎﺩﻩﻡ ﻧﻮﺭﻣﺎﻝ ﺋﻪﻫﯟﺍﻟﺪﺍ ﺋﯚﺯ ﺋﯚﻣﺮﯨﻨﯩﯔ ﭘﻪﻗﻪﺕ 18 ﻳﯩﻠﯩﻨﻰ ﺋﯚﺯﯨﻨﯩﯔ ﺋﺎﺗﺎ-ﺋﺎﻧﯩﺴﻰ ﺑﯩﻠﻪﻥ ﺑﯩﺮﮔﻪ ﺋﯚﺗﻜﯜﺯﯨﺪﯗ. ﻣﯘﺷﯘ 18 ﻳﯩﻞ ﺋﯩﭽﯩﺪﻩ "ﺑﺎﻻ" ﺑﻮﻟﯘﭖ ﻳﺎﺷﺎﻳﺪﯗ. ﻣﯧﻨﯩﯖﭽﻪ، ﻣﯘﺷﯘ 18 ﻳﯩﻞ ﺟﻪﺭﻳﺎﻧﯩﺪﺍ ﺋﯩﻤﻜﺎﻥ ﻗﻪﺩﻩﺭ ﺑﺎﻟﯩﻨﻰ ﺑﺎﻟﯩﺪﻩﻙ ﻳﺎﺷﯩﻐﯩﻠﻰ ﻗﻮﻳﻐﺎﻥ ﻳﺎﺧﺸﻰ. ﭘﻪﻗﻪﺕ ﺷﯘﻧﺪﺍﻕ ﻗﯩﻠﻐﺎﻧﺪﯨﻼ، ﺑﺎﻻ ﻫﻪﻣﻤﻪ ﺟﻪﻫﻪﺗﺘﯩﻦ ﻧﻮﺭﻣﺎﻝ ﭼﻮﯓ ﺑﻮﻟﯩﺪﯗ. ﻳﻪﻧﻪ ﺑﯩﺮ ﺋﯩﺶ، ﺑﯩﺮ ﻛﯩﺸﯩﻨﯩﯔ ﺋﯚﺯ ﻣﯩﻠﻠﯩﺘﻰ، ﺋﯚﺯ ﻳﯘﺭﺗﻰ، ﺋﯚﺯ ﺋﺎﺗﺎ-ﺋﺎﻧﺎ، ﺋﯘﺭﯗﻕ-ﺗﯘﻏﻘﺎﻧﻠﯩﺮﻯ ﯞﻩ ﺋﯚﺯﯨﻨﯩﯔ ﺋﺎﻧﺎ ﺗﯩﻠﻰ ﺗﻮﻏﺮﯨﺴﯩﺪﯨﻜﻰ ﻧﯘﺭﻏﯘﻥ ﺩﯗﻧﻴﺎ ﻗﺎﺭﯨﺸﻰ ﻣﯘﺷﯘ 18 ﻳﯩﻞ ﺟﻪﺭﻳﺎﻧﯩﺪﺍ ﺷﻪﻛﯩﻠﻠﯩﻨﯩﺪﯗ. ﺋﻪﮔﻪﺭ ﺑﺎﻻ ﺋﻮﺗﺘﯘﺭﺍ ﻣﻪﻛﺘﻪﭖ ﻳﯧﺸﯩﺪﯨﻼ ﺋﯚﺯ ﻳﯘﺭﺗﯩﺪﯨﻦ ﺋﺎﻳﺮﯨﻠﺴﺎ، ﺋﯚﺯﯨﻨﯩﯔ ﻛﯧﻴﯩﻨﻜﻰ ﻫﺎﻳﺎﺗﯩﺪﺍ ﻧﺎﻫﺎﻳﯩﺘﻰ ﻣﯘﻫﯩﻢ ﺑﻮﻟﻐﺎﻥ ﻧﯘﺭﻏﯘﻥ ﻧﻪﺭﺳﯩﻠﻪﺭﺩﯨﻦ ﻗﯘﺭﯗﻕ ﻗﯧﻠﯩﺸﻰ ﻣﯘﻣﻜﯩﻦ.

ﻧﯘﺭﻏﯘﻥ ﺋﯘﻳﻐﯘﺭ ﻳﺎﺷﻼﺭ ﻣﻪﻧﺪﯨﻦ ﺋﯩﻨﮕﯩﻠﯩﺰ ﺗﯩﻠﯩﻨﻰ ﺋﯜﻧﯜﻣﻠﯜﻙ ﺋﯚﮔﯩﻨﯩﺸﻨﯩﯔ ﺋﯘﺳﯘﻟﻰ ﻗﺎﻳﺴﻰ؟ ﺋﯩﻨﮕﯩﻠﯩﺰ ﺗﯩﻠﻰ ﮔﺮﺍﻣﻤﺎﺗﯩﻜﯩﺴﯩﻨﻰ ﺋﯚﮔﯩﻨﯩﺶ ﺋﯘﺳﯘﻟﯩﭽﯘ؟ ﺩﻩﭖ ﺳﻮﺭﯨﺪﻯ. ﻣﻪﻥ ﺑﯘ ﺳﻮﺋﺎﻟﻨﯩﯔ ﺟﺎﯞﺍﺑﯩﻨﻰ ﺗﻮﺭ ﺑﯧﺘﯩﮕﻪ ﻛﯩﺮﮔﯜﺯﯛﭖ ﻗﻮﻳﻐﺎﻥ ﺋﯩﺪﯨﻢ. ﺑﯘ ﺳﯚﻫﺒﻪﺗﻨﯩﯔ ﺑﯩﺮ ﭘﯜﺗﯜﻧﻠﯜﻛﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ، ﻣﻪﻥ ﺋﯘﻧﻰ ﺑﯘ ﻳﻪﺭﮔﯩﻤﯘ ﻛﯩﺮﮔﯜﺯﯛﭖ ﻗﻮﻳﺎﻱ.

ﺳﻮﺋﺎﻝ: ﺋﯩﻨﮕﯩﻠﯩﺰ ﺗﯩﻠﯩﻨﻰ ﺋﯜﻧﯜﻣﻠﯜﻙ ﺋﯚﮔﯩﻨﯩﺸﻨﯩﯔ ﺋﯘﺳﯘﻟﻰ ﻗﺎﻳﺴﻰ؟ ﺋﯩﻨﮕﯩﻠﯩﺰ ﺗﯩﻠﻰ ﮔﺮﺍﻣﻤﺎﺗﯩﻜﯩﺴﯩﻨﻰ ﺋﯚﮔﯩﻨﯩﺶ ﺋﯘﺳﯘﻟﯩﭽﯘ؟

ﺟﺎﯞﺍﺏ: ﺑﯩﺮ ﺋﺎﺩﻩﻣﻨﯩﯔ ﺋﯜﻧﯜﻣﻠﯜﻙ ﺋﯚﮔﯩﻨﯩﺶ ﺋﯘﺳﯘﻟﻰ ﻳﻪﻧﻪ ﺑﯩﺮ ﺋﺎﺩﻩﻣﻨﯩﯖﻜﯩﮕﻪ ﺋﻮﺧﺸﯩﻤﺎﻳﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، ﺗﯩﻞ ﺋﯚﮔﯩﻨﯩﺶ ﺑﯩﺮ ﺋﯘﺯﯗﻥ ﻣﯘﺩﺩﻩﺗﻠﯩﻚ، ﻣﯜﺷﻜﯜﻝ ﯞﻩﺯﯨﭙﻪ ﺑﻮﻟﯘﭖ، ﻧﺎﻫﺎﻳﯩﺘﻰ ﻳﯘﻗﯩﺮﻯ ﺋﯩﺮﺍﺩﻩ ﺑﯩﻠﻪﻥ ﻣﯘﺳﺘﻪﻫﻜﻪﻡ ﺑﻪﻝ ﺑﺎﻏﻠﯩﻤﺎﻱ ﺗﯘﺭﯗﭖ، ﺑﯩﺮ ﺗﯩﻠﻨﻰ ﻣﯘﻛﻪﻣﻤﻪﻝ ﺋﯚﮔﯩﻨﯩﺶ ﻣﯘﻣﻜﯩﻦ ﺋﻪﻣﻪﺱ. ﺗﯩﻞ ﺋﯚﮔﯩﻨﯩﺶ ﻫﯧﭻ ﻛﯩﻢ ﺋﯜﭼﯜﻥ ﺋﺎﺳﺎﻥ ﺋﻪﻣﻪﺱ. ﺷﯘﯕﺎ ﺑﺎﺷﺘﯩﻦ ﺗﺎﺭﺗﯩﭗ ﺑﯘ ﺗﻮﻏﺮﯨﺪﺍ ﻣﯘﺳﺘﻪﻫﻜﻪﻡ ﺋﯩﺪﯨﻴﯩﯟﻯ ﺗﻪﻳﻴﺎﺭﻟﯩﻖ ﺑﻮﻟﯘﺷﻰ ﻛﯧﺮﻩﻙ. ﻣﻪﻥ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﻏﺎﻥ ﯞﺍﻗﺘﯩﻤﺪﺍ، 1-ﻳﯩﻠﻰ ﺧﻪﻧﺰﯗ ﺗﯩﻠﯩﻨﻰ ﺋﯚﮔﯩﻨﯩﭗ، ﺋﯘﻧﯩﯖﺪﯨﻦ ﻛﯧﻴﯩﻨﻜﻰ 2 ﻳﯩﻞ ﺋﯩﭽﯩﺪﻩ ﺋﯩﻨﮕﯩﻠﯩﺰ ﺗﯩﻠﯩﻨﻰ ﻗﻮﺷﯘﻣﭽﻪ ﺋﯚﮔﯩﻨﯩﭗ، ﺗﻪﺑﺒﯩﺌﯩﻲ ﭘﻪﻥ ﺧﻪﻧﺰﯗ ﺋﻮﻗﯘﻏﯘﭼﯩﻠﯩﺮﯨﻨﯩﯔ 3 ﻳﯩﻠﻠﯩﻖ ﺩﻩﺭﺳﻠﯩﮕﯩﻨﻰ 2 ﻳﯩﻞ ﺋﯩﭽﯩﺪﻩ ﺋﯚﮔﯩﻨﯩﭗ ﺑﻮﻟﯘﭖ، ﺋﯩﻨﮕﯩﻠﯩﺰﭼﯩﻨﻰ ﺋﻮﻗﯘﭖ ﺗﯜﮔﻪﺗﻜﻪﻥ ﺧﻪﻧﺰﯗ ﺋﻮﻗﯘﻏﯘﭼﯩﻼﺭ ﺑﯩﻠﻪﻥ ﺑﯩﺮﮔﻪ ﺋﯩﻤﺘﯩﻬﺎﻧﻐﺎ ﻗﺎﺗﻨﯩﺸﯩﭗ، ﻳﯘﻗﯩﺮﻯ ﻧﻪﺗﯩﺠﯩﮕﻪ ﺋﯧﺮﯨﺸﻜﻪﻥ ﺋﯩﺪﯨﻢ. ﺋﻪﯓ ﺋﺎﺧﯩﺮﻗﻰ 2 ﻳﯩﻞ ﺟﻪﺭﻳﺎﻧﯩﺪﺍ ﻳﺎﭘﻮﻥ ﺗﯩﻠﯩﻨﯩﻤﯘ ﺋﯚﺯﻟﯜﻛﯩﻤﺪﯨﻦ ﺋﯚﮔﯩﻨﯩﭗ ﺑﻮﻟﺪﯗﻡ.

ﻣﻪﻥ ﻗﻮﻟﻼﻧﻐﺎﻥ ﺋﯘﺳﯘﻝ ﻣﯘﻧﺪﺍﻕ: (1) ﻫﻪﺭ ﻛﯜﻧﻰ ﻳﯧﯖﻰ ﺧﺎﻡ ﺳﯚﺯﺩﯨﻦ 20 ﺩﺍﻧﻪ ﺳﯚﺯ ﺋﯚﮔﯩﻨﯩﺶ.

(2)ﺑﯩﺮ ﺧﺎﻡ ﺳﯚﺯﻧﻰ 5 ﻛﯜﻥ، ﻫﻪﺭ ﻛﯜﻧﻰ 3 ﻗﯧﺘﯩﻤﺪﯨﻦ ﻳﯧﺰﯨﺶ.

(3)ﺗﯧﻜﯩﺴﺘﻨﻰ ﭘﯜﺗﯜﻧﻠﻪﻱ ﻳﺎﺩﻟﯩﯟﯦﻠﯩﺶ.

4) ) ﺗﺎﭘﺸﯘﺭﯗﻗﻨﻰ ﺑﯩﺮﻧﯩﻤﯘ ﻗﺎﻟﺪﯗﺭﻣﺎﻱ ﺋﯩﺸﻠﻪﺵ.

ﺗﯚﯞﻩﻧﺪﻩ ﻫﻪﺭ ﺑﯩﺮ ﻣﻪﺳﯩﻠﻪ ﺋﯜﺳﺘﯩﺪﻩ ﻗﯩﺴﻘﯩﭽﻪ ﺗﻮﻫﺘﯩﻠﯩﭗ ﺋﯚﺗﻪﻱ؛

1)  ) ﺗﯩﻞ ﺋﯚﮔﯩﻨﯩﺸﺘﻪ ﺋﻪﯓ ﻗﯩﻴﯩﻨﻐﺎ ﺗﻮﺧﺘﺎﻳﺪﯨﻐﺎﻥ ﺑﯩﺮ ﻧﻪﺭﺳﻪ ﻳﯧﺘﻪﺭﻟﯩﻚ ﺳﺎﻧﺪﯨﻜﻰ ﺧﺎﻡ ﺳﯚﺯﻧﻰ ﻳﺎﺩﻻﭖ ﺋﯩﮕﯩﻠﻪﺷﺘﯩﻦ ﺋﯩﺒﺎﺭﻩﺕ. ﻳﯧﺘﻪﺭﻟﯩﻚ ﻣﯩﻘﺘﺎﺭﺩﯨﻜﻰ ﭼﻪﺕ ﺋﻪﻝ ﺗﯩﻠﻰ ﺳﯚﺯﻟﯜﻛﯩﻨﻰ ﻳﺎﺩﻟﯩﯟﯦﻠﯩﺶ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﻗﺎﺗﺘﯩﻖ ﺗﯘﺗﯘﭖ ﺋﯧﺮﯨﺸﻜﯩﻠﻰ ﺑﻮﻟﯩﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ. ﺋﯘﺯﯗﻥ ﻣﯘﺩﺩﻩﺕ ﺋﯩﺰﭼﯩﻞ ﺗﯩﺮﯨﺸﯩﺶ ﺋﺎﺭﻗﯩﻠﯩﻖ ﺋﯧﺮﯨﺸﻜﯩﻠﻰ ﺑﻮﻟﯩﺪﯨﻐﺎﻥ ﻧﻪﺭﺳﻪ. ﺷﯘﯕﺎ ﺋﯘﻧﻰ ﻛﯜﻧﺪﯨﻠﯩﻚ ﯞﻩﺯﯨﭙﻪ ﻗﯩﻠﯩﯟﯦﻠﯩﺶ ﻛﯧﺮﻩﻙ. ﻣﻪﻥ ﻫﻪﺭ ﻛﯜﻧﻰ ﺋﻪﺗﯩﮕﻪﻥ ﺳﺎﺋﻪﺕ 6 ﺩﻩ ﺋﻮﺭﻧﯘﻣﺪﯨﻦ ﺗﯘﺭﯗﭖ، ﺋﺎﻟﺪﯨﻨﻘﻰ ﻛﯜﻧﻰ ﺋﺎﺧﺸﯩﻤﻰ ﺗﻪﻳﻴﺎﺭﻻﭖ ﻗﻮﻳﻐﺎﻥ 20 ﺳﯚﺯﻟﯜﻛﻨﻰ ﻳﺎﺩﻟﯩﺪﯨﻢ. ﻳﻪﻧﻰ ﺧﻪﻧﺰﯗﭼﻪ ﻣﻪﻧﯩﺴﯩﮕﻪ ﻗﺎﺭﺍﭖ، ﺋﯩﻨﮕﯩﻠﯩﺰﭼﯩﺴﯩﻨﻰ ﺩﻩﭖ ﺑﯧﺮﻩﻟﻪﻳﺪﯨﻐﺎﻥ ﺑﻮﻟﺪﯗﻡ. ﺋﻪﺗﯩﮕﻪﻧﻠﯩﻚ ﺗﺎﻣﺎﻗﺘﯩﻦ ﻛﯧﻴﯩﻦ ﺳﯩﻨﯩﭙﻘﺎ 5-10 ﻣﯩﻨﯘﺕ ﺑﺎﻟﺪﯗﺭ ﺑﯧﺮﯨﭗ، ﺩﻩﺭﺱ ﺑﺎﺷﻠﯩﻨﯩﺸﺘﯩﻦ ﺑﯘﺭﯗﻥ، ﺑﯜﮔﯜﻥ ﺋﯚﮔﻪﻧﮕﻪﻥ 20 ﺳﯚﺯﻟﯜﻙ ﯞﻩ ﺋﺎﻟﺪﯨﻨﻘﻰ 4 ﻛﯜﻧﺪﻩ ﺋﯚﮔﻪﻧﮕﻪﻥ 80 ﺳﯚﺯﻟﯜﻙ ﺑﻮﻟﯘﭖ ﺟﻪﻣﺌﯩﻲ 100 ﺳﯚﺯﻟﯜﻛﻨﻰ ﺧﻪﻧﺰﯗﭼﯩﺴﯩﻐﺎ ﻗﺎﺭﺍﭖ ﺗﯘﺭﯗﭖ ﺋﯩﻨﮕﯩﻠﯩﺰﭼﯩﺴﯩﻨﻰ ﻳﺎﺯﺩﯨﻢ. ﺑﯘﻧﻰ ﭼﯜﺷﺘﯩﻦ ﻛﯧﻴﯩﻨﻜﻰ ﺩﻩﺭﺳﺘﯩﻦ ﺑﯘﺭﯗﻥ ﯞﻩ ﻛﻪﭼﻠﯩﻖ ﺗﻪﻛﺮﺍﺭﺩﯨﻦ ﺑﯘﺭﯗﻥ ﻳﻪﻧﻪ 2 ﻗﯧﺘﯩﻢ ﺗﻪﻛﺮﺍﺭﻟﯩﺪﯨﻢ. ﻳﻪﻧﻰ ﻫﻪﺭ ﻛﯜﻧﻰ 5 ﻛﯜﻧﻠﯜﻙ 100 ﺳﯚﺯﻟﯜﻛﻨﻰ 3 ﻗﯧﺘﯩﻢ ﻳﯧﺰﯨﭗ ﭼﯩﻘﺘﯩﻢ. ﻫﻪﺭ ﺑﯩﺮ ﺳﯚﺯﻟﯜﻛﻨﻰ ﻣﯘﺷﯘﻧﺪﺍﻕ 5 ﻛﯜﻥ ﺗﻪﻛﺮﺍﺭﻟﯩﺴﺎﻡ، ﺋﯘ ﻣﻪﯕﮕﯜ ﺋﯧﺴﯩﻤﺪﯨﻦ ﭼﯩﻘﻤﺎﻳﺪﯨﻐﺎﻥ ﺑﯩﺮ ﻧﻪﺭﺳﯩﮕﻪ ﺋﺎﻳﻼﻧﺪﻯ. ﺑﯘﻧﻰ ﺋﯚﺯﯛﻣﮕﻪ ﺋﯩﻨﺘﺎﻳﯩﻦ ﻗﺎﺗﺘﯩﻖ ﺗﯜﺯﯛﻡ ﻗﯩﻠﯩﯟﺍﻟﻐﺎﻥ ﺑﻮﻟﯘﭖ، ﺳﯚﺯﻟﯜﻛﻨﻰ ﻳﯧﺰﯨﭗ ﺑﻮﻟﻤﺎﻱ ﺗﯘﺭﯗﭖ ﻛﯩﻨﻮﻏﺎ ﺑﺎﺭﻣﯩﺪﯨﻢ. ﺳﯚﺯﻟﯜﻛﻨﻰ ﻳﺎﺯﻣﺎﻱ ﺗﯘﺭﯗﭖ ﺋﻮﻟﺘﯘﺭﯗﺷﻘﺎ ﺑﺎﺭﻣﯩﺪﯨﻢ. ﺋﻮﻳﯘﻥ-ﺗﺎﻣﺎﺷﯩﺪﯨﻦ ﯞﺍﺯ ﻛﻪﭼﺴﻪﻣﻤﯘ ﺑﯘ ﺗﯜﺯﯛﻣﻨﻰ ﻗﻪﺗﺌﯩﻲ ﺑﯘﺯﻣﯩﺪﯨﻢ.

2) )ﻳﯘﻗﯩﺮﯨﺪﺍ ﺋﯧﻴﺘﻘﺎﻧﺪﻩﻙ، ﻫﻪﺭ ﻗﯧﺘﯩﻢ 5 ﻛﯜﻧﻠﯜﻙ ﺳﯚﺯﻧﻰ (ﻳﻪﻧﻰ 100 ﺳﯚﺯﻧﻰ) ﻳﺎﺯﺩﯨﻢ. ﻫﻪﺭ ﻛﯜﻧﻰ 3 ﻗﯧﺘﯩﻢ ﻳﺎﺯﺩﯨﻢ: ﺋﻪﺗﯩﮕﻪﻧﻠﯩﻚ ﺩﻩﺭﺳﺘﯩﻦ ﺑﯘﺭﯗﻥ، ﭼﯜﺷﺘﯩﻦ ﻛﯧﻴﯩﻨﻜﻰ ﺩﻩﺭﺳﺘﯩﻦ ﺑﯘﺭﯗﻥ ﯞﻩ ﻛﻪﭼﻠﯩﻚ ﺗﺎﻣﺎﻗﺘﯩﻦ ﻛﯧﻴﯩﻦ.

3) ) ﻣﯧﻨﯩﯔ ﺋﯚﮔﻪﻧﮕﯩﻨﯩﻢ ﺗﻪﺑﺌﻲ ﭘﻪﻥ ﺧﻪﻧﺰﯗ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺩﻩﺭﺳﻠﯩﻚ ﻛﯩﺘﺎﺑﻰ ﺑﻮﻟﯘﭖ، ﻫﻪﺭ ﺑﯩﺮ ﺩﻩﺭﺳﻨﯩﯔ ﺑﯩﺮﺩﯨﻦ ﺭﻩﺳﻤﻰ ﺗﻪﻛﺴﺘﻰ ﯞﻩ ﺑﯩﺮﺩﯨﻦ "ﺋﯩﺨﺘﯩﻴﺎﺭﯨﻲ ﺋﻮﻗﯘﺵ ﺗﯧﻜﺴﺘﻰ" (Reading Text) ﺑﺎﺭ ﺋﯩﺪﻯ. ﻣﻪﻥ ﻫﻪﺭ ﻫﻪﭘﺘﯩﺪﻩ ﺑﯩﺮﺩﯨﻦ ﻳﯧﯖﻰ ﺩﻩﺭﺱ ﺋﯚﮔﻪﻧﮕﻪﻥ ﺑﻮﻟﯘﭖ، ﻫﻪﭘﺘﯩﻨﯩﯔ ﺋﺎﺧﯩﺮﯨﻐﯩﭽﻪ ﻫﻪﺭ ﻛﯘﻧﻰ ﺋﻪﺗﯩﮕﻪﻧﺪﻩ ﺗﯧﻜﯩﺴﺘﻨﯩﯔ ﺑﯩﺮ ﻗﯩﺴﻤﯩﻨﻰ ﻳﺎﺩﻻﭖ، ﻫﻪﭘﺘﻪ ﺋﺎﺧﯩﺮﯨﻐﯩﭽﻪ ﺗﯧﻜﯩﺴﺘﻨﻰ ﭘﯜﺗﯜﻧﻠﻪﻱ ﻳﺎﺩﻟﯩﯟﺍﻟﺪﯨﻢ. ﺑﯘﻧﯩﯔ ﭘﺎﻳﺪﯨﺴﻰ، ﺳﯚﺯﻟﯜﻛﻨﻰ ﭘﯘﺧﺘﺎ ﺋﯧﺴﯩﯖﯩﺰﮔﻪ ﺋﯧﻠﯩﯟﯦﻠﯩﭙﻼ ﻗﺎﻟﻤﺎﻱ، ﮔﺮﺍﻣﻤﺎﺗﯩﻜﺎ ﻗﺎﺋﯩﺪﯨﺴﯩﻨﯩﻤﯘ ﭘﯜﺗﯜﻧﻠﻪﻱ ﻳﺎﺩﻟﯩﯟﺍﻟﯩﺪﯨﻐﺎﻥ ﺑﻮﻟﻐﺎﭼﻘﺎ، ﻛﯧﻴﯩﻨﭽﻪ ﮔﺮﺍﻣﻤﺎﺗﻜﯩﻨﻰ ﺟﺎﻧﻠﯩﻖ ﺋﯩﺸﻠﯩﺘﯩﺸﯩﯖﯩﺰ ﺋﯜﭼﯜﻧﻤﯘ ﺋﯩﻨﺘﺎﻳﯩﻦ ﭘﺎﻳﺪﯨﺴﻰ ﺑﻮﻟﯩﺪﯨﻜﻪﻥ. ﻣﻪﻥ Reading Text ﻧﯩﻤﯘ ﻫﻪﺭ ﻛﯜﻧﻰ ﺋﻮﻗﯘﭖ، ﺋﺎﺳﺎﺳﻪﻥ ﺋﯧﺴﯩﻤﮕﻪ ﺋﯧﻠﯩﯟﺍﻟﺪﯨﻢ.

4)  ) ﺗﺎﭘﺸﯘﺭﯗﻗﻨﻰ ﺗﻮﻟﯘﻕ ﺋﯩﺸﻠﻪﺵ ﻫﻪﺭ ﻗﺎﻧﺪﺍﻕ ﭘﻪﻧﺪﻩ ﻳﯧﯖﻰ ﺋﯘﻗﯘﻣﻨﻰ ﭘﯩﺸﺸﯩﻖ ﺋﯩﮕﻪﻟﻪﺷﺘﻪ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﻧﻪﺭﺳﻪ. ﺷﯘﯕﺎ ﺑﯘ ﻳﻪﺭﺩﻩ ﺗﻪﭘﺴﯩﻠﯩﻲ ﺗﻮﺧﺘﺎﻟﻤﺎﻳﻤﻪﻥ.

ﻣﻪﻥ ﺑﯘ ﺳﯚﻫﺒﻪﺗﻨﯩﯔ ﺋﺎﻟﺪﯨﻨﻘﻰ ﺑﯚﻟﯜﻣﻠﯩﺮﯨﻨﯩﯔ ﺑﯩﺮﯨﺪﻩ، ﺑﯩﺮ ﺩﺍﯕﻠﯩﻖ ﺋﺎﺩﻩﻣﻨﯩﯔ ﻣﯘﻧﺪﺍﻕ ﺑﯩﺮ ﺳﯚﺯﯨﻨﻰ ﺗﯩﻠﻐﺎ ﺋﺎﻟﻐﺎﻧﯩﺪﯨﻢ: "ﯞﺍﻗﯩﺘﻨﻰ ﻣﯩﻨﯘﺕ ﺑﻮﻳﯩﭽﻪ ﻫﯧﺴﺎﺑﻼﻳﺪﯨﻐﺎﻥ ﺋﺎﺩﻩﻣﻨﯩﯔ ﯞﺍﻗﺘﻰ، ﯞﺍﻗﯩﺘﻨﻰ ﺳﺎﺋﻪﺕ ﺑﻮﻳﯩﭽﻪ ﻫﯩﺴﺎﺑﻠﻪﻳﺪﯨﻐﺎﻧﺌﺎﺩﻩﻣﻨﯩﯖﻜﯩﮕﻪ ﻗﺎﺭﯨﻐﺎﻧﺪﺍ 60 ﻫﻪﺳﺴﻪ ﻛﯚﭖ ﺑﻮﻟﯩﺪﯗ ."  ﺑﯘ ﺳﯚﺯﻧﻰ ﺗﯩﻞ ﺋﯚﮔﯩﻨﯩﺸﻜﻪ ﺗﻪﺩﺑﯩﻘﻠﯩﻐﺎﻧﺪﺍ ﻫﻪﻗﯩﻘﻪﺗﻪﻧﻤﯘ ﺷﯘﻧﺪﺍﻕ. ﻣﻪﻥ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﻮﻗﯘﯞﺍﺗﻘﺎﻥ ﻣﻪﺯﮔﯩﻠﺪﻩ، ﺗﺎﻣﺎﻗﻘﺎ ﺋﯚﭼﺮﻩﺕ ﺗﯘﺭﻏﺎﻥ ﯞﺍﻗﺘﯩﻤﺪﺍ، ﺋﺎﭘﺘﻮﺑﯘﺳﺘﺎ ﻳﻮﻝ ﻣﺎﯕﻐﺎﻥ ﯞﺍﻗﺘﯩﻤﺪﺍ، ﻳﯩﻐﯩﻨﻼﺭﻧﯩﯔ ﺋﺎﻟﺪﻯ-ﻛﻪﻳﻨﯩﺪﻩ ﺩﯦﮕﻪﻧﻠﻪﺭﻧﯩﯔ ﻫﻪﻣﻤﯩﺴﯩﺪﻩ ﺋﯩﻨﮕﯩﻠﯩﺰﭼﻪ ﺳﯚﺯﻟﯜﻙ ﻳﺎﺩﻟﯩﻐﺎﻥ ﺋﯩﺪﯨﻢ.

ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺑﺎﺷﻘﺎ ﺑﯩﺮ ﻣﯩﻠﻠﻪﺕ ﺗﻪﺭﯨﭙﯩﺪﯨﻦ ﻛﯚﺯﮔﻪ ﺋﯩﻠﯩﻨﯩﺸﻰ، ﻫﻪﺭﮔﯩﺰ ﺑﺎﺷﻘﺎ ﺑﯩﺮ ﻣﯩﻠﻠﻪﺕ ﺋﯚﺯﻟﯩﮕﯩﺪﯨﻦ ﺑﯧﺮﯨﺪﯨﻐﺎﻥ ﻧﻪﺭﺳﻪ ﺋﻪﻣﻪﺱ. ﺋﯘﻧﻰ ﺋﯘﻳﻐﯘﺭ ﻣﯩﻠﻠﯩﺘﻰ ﺋﯚﺯﻯ ﻗﻮﻟﻐﺎ ﻛﻪﻟﺘﯜﺭﯛﺷﻰ ﻛﯧﺮﻩﻙ. ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺳﯜﭘﯩﺘﯩﻨﻰ ﺋﯚﺳﺘﯜﺭﯛﭖ، ﺋﯘﻧﻰ ﺩﯗﻧﻴﺎﻏﺎ ﺑﯩﺮ ﺗﺎﻳﯩﻨﻰ ﺑﺎﺭ ﻣﯩﻠﻠﻪﺕ ﺳﯜﭘﯩﺘﯩﺪﻩ ﺗﻮﻧﯘﺗﯘﺷﺘﺎ، ﻫﻪﺭ ﺑﯩﺮ ﺋﯘﻳﻐﯘﺭ ﻧﺎﻫﺎﻳﯩﺘﻰ ﭼﻮﯓ ﺭﻭﻝ ﺋﻮﻳﻨﯩﻴﺎﻻﻳﺪﯗ. ﻣﯘﺷﯘﻧﺪﺍﻕ ﺭﻭﻟﻨﻰ ﺋﯜﻧﯜﻣﻠﯘﻙ ﺋﻮﻳﻨﺎﺷﻨﯩﯔ ﺑﯩﺮ ﺷﻪﺭﺗﻰ، ﻫﻪﺭ ﺑﯩﺮ ﺋﯩﺮﺍﺩﯨﻠﯩﻚ ﺋﯘﻳﻐﯘﺭﻧﯩﯔ ﺧﻪﻧﺰﯗ ﺗﯩﻠﻰ ﺑﯩﻠﻪﻥ ﺋﯩﻨﮕﻠﯩﺰ ﺗﯩﻠﯩﻨﻰ ﭘﯘﺧﺘﺎ ﺑﯩﻠﯩﺸﯩﺪﯨﻦ ﺋﯩﺒﺎﺭﻩﺗﺘﯘﺭ. ﺑﯘ ﺋﯩﻜﻜﻰ ﺗﯩﻠﻨﻰ ﭘﯘﺧﺘﺎ ﺑﯩﻠﯩﺶ، ﻫﺎﺯﯨﺮﻗﻰ ﺷﺎﺭﺍﺋﯩﺘﺘﺎ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﻳﺎﺷﺎﺵ ﻳﻮﻟﻰ ﻧﯩﯖﻤﯘ ﺑﯩﺮ ﻛﻪﻡ ﺑﻮﻟﺴﺎ ﺑﻮﻟﻤﺎﻳﺪﯨﻐﺎﻥ ﻣﯘﻫﯩﻢ ﺗﻪﺭﻛﯩﺒﯩﻲ ﻗﯩﺴﻤﻰ. ﻣﻪﻥ ﺋﺎﺗﺎ-ﺋﺎﻧﯩﻼﺭﻧﯩﯔ ﻳﯧﺘﻪﺭﻟﯩﻚ ﻳﻮﻝ ﻛﯚﺭﺳﯩﺘﯩﺸﻰ ﯞﻩ ﻳﺎﺭﺩﻩﻡ ﻗﯩﻠﯩﺸﻰ ﺑﯩﻠﻪﻥ، ﺑﯘﻧﯩﯖﺪﯨﻦ ﻛﯧﻴﯩﻦ ﺋﻮﺗﺘﯘﺭﺍ ﻣﻪﻛﺘﻪﭘﻜﻪ ﻛﯩﺮﯨﺪﯨﻐﺎﻥ ﺋﯘﻳﻐﯘﺭ ﻳﺎﺵ-ﺋﯚﺳﻤﯜﺭﻟﯩﺮﯨﻨﯩﯔ ﻛﯚﭖ ﻗﯩﺴﻤﯩﻨﯩﯔ ﻳﯘﻗﯘﺭﯨﻘﻰ ﺗﯩﻞ ﺋﯚﮔﯩﻨﯩﺶ ﻧﯩﺸﺎﻧﯩﻐﺎ ﻳﯧﺘﯩﺸﯩﻨﻰ ﺗﻮﻟﯩﻤﯘ ﺋﯜﻣﯩﺪ ﻗﯩﻠﯩﻤﻪﻥ.

ﺑﺎﺵ ﺑﻪﺗﻜﻪ ﻗﺎﻳﺘﯩﺶ