8- ﺑﯚﻟﯜﻡ

15. ﺳﻮﺋﺎﻝ: ﺋﯩﻨﺘﯧﺮﻧﯧﺖ ﺧﻪﯞﯨﺮﯨﺪﻩ "ﺋﯘﻳﻐﯘﺭﻻﺭ ﺟﯘﯕﮕﻮﺩﺍ ﺋﯚﺯ ﺗﯩﻞ-ﻳﯧﺰﯨﻘﯩﺪﺍ ﺗﻮﺭ ﺑﯧﻜﻪﺗﻠﯩﺮﯨﻨﻰ ﺋﯩﺸﻠﯩﮕﻪﻥ، ﯞﯨﻨﺪﻭﯞﺱ ﻣﻪﺷﻐﯘﻻﺕ ﺳﯩﺴﺘﯧﻤﯩﺴﯩﻐﺎ ﺋﯚﺯ ﻳﯧﺰﯨﻘﯩﻨﻰ ﻛﯩﺮﮔﯜﺯﮔﻪﻥ 2-ﻣﯩﻠﻠﻪﺕ" ﺩﯦﻴﯩﻠﺪﻯ، ﺋﯘﻳﻐﯘﺭ ﺗﻮﺭ ﻣﻪﺩﻩﻧﯩﻴﯩﺘﻰ ﯞﻩ ﻛﻮﻣﭙﻴﯘﺗﯧﺮ ﺑﯩﻠﯩﻤﻠﯩﺮﯨﻨﻰ ﺋﻮﻣﯘﻣﻼﺷﺘﯘﺭﯗﺵ ﻫﻪﻗﻘﯩﺪﻩ ﻗﺎﻧﺪﺍﻕ ﺗﻪﻛﻠﯩﭙﻠﯩﺮﯨﯖﯩﺰ ﺑﺎﺭ؟

 ﺟﺎﯞﺍﺏ: ﻣﻪﻥ ﺑﯘ ﺧﻪﯞﻩﺭﻧﻰ ﺋﻮﻗﯘﻏﺎﻧﺪﺍ، ﺋﯩﻨﺘﺎﻳﯩﻦ ﻫﺎﻳﺎﺟﺎﻧﻼﻧﺪﯨﻢ، ﺗﻪﺳﯩﺮﻟﻪﻧﺪﯨﻢ ﻫﻪﻣﺪﻩ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺗﻮﺭ ﺑﯧﻜﻪﺗﻤﻪﺩﻩﻧﯩﻴﯩﺘﯩﻨﻰ ﺭﺍﯞﺍﺟﻼﻧﺪﯗﺭﯗﺵ، ﺋﯘﻧﻰ ﺧﻪﻟﻘﺌﺎﺭﺍﻟﯩﻖ ﻳﯘﻗﯩﺮﻯ ﺳﻪﯞﯨﻴﯩﮕﻪ ﻳﻪﺗﻜﯜﺯﯛﺵ، ﻫﻪﻣﺪﻩ ﺋﯘﻧﻰ ﺋﻮﻣﯘﻣﻼﺷﺘﯘﺭﯗﺵ ﺟﻪﻫﻪﺗﺘﻪ ﻫﺎﺯﯨﺮ ﺋﻪﯓ ﺋﺎﻟﺪﯨﻨﻘﻰ ﺳﻪﭘﺘﻪ ﯞﺍﻗﺘﯩﻨﻰ، ﻛﯜﭼﯩﻨﻰ ﯞﻩﺋﯩﻘﺘﯩﺴﺎﺩﯨﻨﻰ ﺋﺎﻳﯩﻤﺎﻱ، ﺋﯜﻥ-ﺗﯩﻨﺴﯩﺰ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﯟﺍﺗﻘﺎﻥ ﻗﯧﺮﯨﻨﺪﺍﺷﻼﺭﺩﯨﻦ ﺋﯩﻨﺘﺎﻳﯩﻦ ﭘﻪﺧﯩﺮﻟﻪﻧﺪﯨﻢ.

1991-1992-ﻳﯩﻠﻠﯩﺮﻯ ﻣﻪﻥ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺩﺍﯞﯨﺲ ﺷﯚﺑﯩﺴﯩﺪﻩ ﺋﺎﻟﯩﻲ ﻣﻪﻛﺘﻪﭖ ﺋﯩﻨﺠﯩﻨﯧﺮﻟﯩﻖ ﻛﻪﺳﭙﯩﻨﯩﯔ 1-ﻳﯩﻠﻠﯩﻘﺌﻮﻗﯘﻏﯘﭼﯩﻠﯩﺮﯨﻐﺎ «ﻛﻮﻣﭙﻴﯘﺗﯧﺮ ﭘﺮﻭﮔﺮﺍﻣﻤﯩﺴﯩﻨﻰ ﺗﻮﻧﯘﺷﺘﯘﺭﯗﺵ» ﺩﯦﮕﻪﻥ ﺩﻩﺭﺳﺘﻪ «Fortran» ﺑﯩﻠﻪﻥ «Unix» ﻧﻰ ﺋﯚﺗﯜﯞﺍﺗﻘﺎﻥ ﯞﺍﻗﺘﯩﻤﺪﺍ، ﺋﺎﻣﯧﺮﯨﻜﯩﺪﯨﻜﻰ ﺋﺎﻟﯩﻲ ﻣﻪﻛﺘﻪﭘﻠﻪﺭﺩﻩ ﺋﯩﻨﺘﯧﺮﻧﯧﺖ ﺗﻮﺭ ﺑﯧﻜﯩﺘﻰ ﭘﻪﻳﺪﺍ ﺑﻮﻟﯘﺷﻘﺎ ﺑﺎﺷﻠﯩﺪﻯ. ﺋﯘ ﭼﺎﻏﺪﺍ ﺑﯩﺰ ﺗﻮﺭ ﺑﯧﻜﯩﺘﯩﻨﻰ ﺋﺎﭼﯩﺪﯨﻐﺎﻥ ﭘﺮﻭﮔﺮﺍﻣﯩﻨﻰ «Mosaic» ﺩﻩﭖ ﺋﺎﺗﯩﻐﺎﻥ ﺑﻮﻟﯘﭖ، ﻣﻪﻥ ﺋﻮﻗﯘﻏﯘﭼﯩﻼﺭﻏﺎ ﺋﺎﻣﯧﺮﯨﻜﯩﻨﯩﯔ ﺳﺎﺑﯩﻖ ﻣﯘﺋﺎﯞﯨﻦ ﭘﺮﯦﺰﯨﺪﯦﻨﺘﻰ ﺋﺎﻟﮕﻮﺭﻧﯩﯔ ﺋﺎﯞﺍﺯﻟﯩﻖ ﻧﯘﺗﻘﻰ ﺑﺎﺭ  ﺑﯩﺮ  ﺗﻮﺭ  ﺑﯧﻜﯩﺘﯩﮕﻪ ﻛﯩﺮﯨﭗ ﺋﺎﯕﻼﭖ ﺑﯧﻘﯩﺸﻨﻰ ﺩﻩﺭﺱ ﯞﺍﻗﺘﯩﺪﯨﻜﻰ ﺑﯩﺮ ﯞﻩﺯﯨﭙﻪ ﻗﯩﻠﻐﺎﻧﯩﺪﯨﻢ.

ﺷﯘﻧﯩﯖﺪﯨﻦ ﺗﺎﺭﺗﯩﭗ، ﺋﺎﻣﯧﺮﯨﻜﯩﺪﺍ ﺋﯩﻨﺘﯧﺮﻧﯧﺖ ﺗﻮﺭ ﺑﯧﻜﯩﺘﯩﻨﯩﯔ ﻗﺎﻧﺪﺍﻕ ﺗﻪﺭﻩﻗﻘﯩﻲ ﻗﯩﻠﯩﭗ ﻣﺎﯕﻐﺎﻧﻠﯩﻘﯩﻨﻰ ﺋﯩﺰﭼﯩﻞ ﺗﯜﺭﺩﻩ ﻛﯚﺭﯛﭖ ﺗﯘﺭﺩﯗﻡ. ﻣﯘﺷﯘ ﺟﻪﺭﻳﺎﻧﺪﺍ ﻳﯘﺭﺗﯩﻤﯩﺰﺩﯨﻜﻰ ﺗﻮﺭ ﺑﯧﻜﻪﺕ ﺋﯩﺸﻠﯩﺮﯨﻨﯩﯔ ﻗﺎﻧﺪﺍﻕ ﺑﻮﻟﯘﯞﺍﺗﻘﺎﻧﻠﯩﻘﯩﻨﻰ ﺋﯩﻨﺘﺎﻳﯩﻦ ﺑﯩﻠﮕﯩﻢ ﺑﻮﻟﺴﯩﻤﯘ، ﻣﻪﻥ ﺋﯩﺸﻠﯩﮕﻪﻥ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﺷﯩﺮﻛﻪﺗﻠﻪﺭﺩﻩ ﺩﺍﯞﺍﻣﻠﯩﻖ ﻧﺎﻫﺎﻳﯩﺘﻰ ﻗﯩﺴﻘﺎ ﯞﺍﻗﯩﺖ ﺋﯩﭽﯩﺪﻩ ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﺋﯩﻠﻐﺎﺭ، ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ ﻣﻪﻫﺴﯘﻻﺗﻼﺭﻧﻰ ﭼﯩﻘﺎﺭﻣﯩﺴﺎﻕ ﺑﻮﻟﻤﯩﻐﺎﭼﻘﺎ، ﺋﺎﻟﺪﯨﺮﺍﺷﻠﯩﻘﺘﺎ ﻳﯘﺭﺗﯩﻤﯩﺰﻧﯩﯔ ﺗﻮﺭ ﺑﯧﻜﻪﺕ ﺋﯩﺸﻠﯩﺮﯨﺘﻮﻏﺮﯨﺴﯩﺪﺍ ﺋﺎﻧﭽﻪ ﺋﯘﭼﯘﺭﻏﺎ ﺋﯩﮕﻪ ﺑﯘﻻﻟﻤﯩﻐﺎﻥ ﺋﯩﺪﯨﻢ. ﺑﯘ ﻗﯧﺘﯩﻢ ﺑﯩﻠﯩﯟﺍﻝ ﺑﯩﻠﻪﻥ ﺑﯘﺳﯚﻫﺒﻪﺗﻨﻰ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﯞﻩﺗﻪﻧﺪﯨﻜﻰ ﺗﻮﺭ  ﺑﯧﻜﻪﺕ ﺋﯩﺸﻠﯩﺮﻯ ﺗﻮﻏﺮﯨﺴﯩﺪﺍ ﺳﻪﻝ ﭼﻮﯕﻘﯘﺭﺭﺍﻕ ﭼﯜﺷﻪﻧﭽﯩﮕﻪ ﺋﯩﮕﻪ ﺑﻮﻟﯘﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﺘﯩﻢ. ﻫﻪﻣﺪﻩ ﺋﯩﻨﺘﺎﻳﯩﻦ ﻫﻪﻳﺮﺍﻥ ﻗﺎﻟﺪﯨﻢ. ﺩﯗﻧﻴﺎﻧﯩﯔ ﺋﯩﻠﻐﺎﺭ ﺳﻪﯞﯨﻴﯩﺴﯩﺪﯨﻦ ﻫﯧﭻ ﻗﺎﻧﺪﺍﻕ ﻗﯧﻠﯩﺸﻤﺎﻳﺪﯨﻐﺎﻥ، ﺋﯘﻳﻐﯘﺭ ﻛﻮﻧﺎ ﻳﯧﺰﯨﻘﻰ ﺑﯩﻠﻪﻥ ﻻﺗﯩﻨﭽﻪ ﻳﯧﯖﻰ ﻳﯧﺰﯨﻘﺘﯩﻦ ﭘﺎﻳﺪﯨﻠﯩﻨﯩﭗ ﻳﺎﺳﺎﻟﻐﺎﻥ ﺑﯩﻠﯩﻚ، ﺑﯩﻠﯩﯟﺍﻝ، ﺩﯨﻴﺎﺭﯨﻢ، ﺋﯩﺰﺩﯨﻴﺎﺭﻯ، ﻣﻪﻳﯩﻨﺸﺎﻣﺎﻝ، ﻣﯩﺴﺮﺍﻥ، ﻧﻪﯞﺭﯗﺯ، ﺋﯘﻳﻐﯘﺭ ﻛﻮﻣﭙﯩﻴﯘﺗﯩﺮ ﺋﯩﻠﻤﯩﻲ ﺟﻪﻣﺌﯩﻴﯩﺘﻰ، ﺋﯘﻳﻐﯘﺭ ﻧﯘﻛﻪ، ، ﺋﯘﻳﻐﯘﺭﺳﻮﻓﺖ ﻗﺎﺗﺎﺭﻟﯩﻖ ﻳﯘﻗﯩﺮﻯ ﺳﯜﭘﻪﺗﻠﯩﻚ ﺗﻮﺭ ﺑﯧﻜﻪﺗﻠﯩﺮﻯ ﻣﻪﻳﺪﺍﻧﻐﺎ ﻛﯧﻠﯩﭙﺘﯘ. (ﻣﻪﻥ ﻳﯘﺭﺗﯩﻤﯩﺰﺩﯨﻜﻰ ﻳﯘﻗﯩﺮﻯ ﺳﯜﭘﻪﺗﻠﯩﻚ ﺗﻮﺭ ﺑﯧﻜﻪﺗﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ ﺑﯘ ﻳﻪﺭﺩﻩ ﺗﯩﻠﻐﺎ ﺋﯧﻠﯩﭗ ﺑﻮﻻﻟﻤﺎﻳﺪﯨﻜﻪﻧﻤﻪﻥ. ﺷﯘﯕﺎ ﺋﻮﻗﯘﺭﻣﻪﻧﻠﻪﺭﻧﯩﯔ ﺗﻮﻏﺮﺍ ﭼﯜﺷﯩﻨﯩﺸﯩﻨﻰ ﺳﻮﺭﺍﻳﻤﻪﻥ). ﺑﯩﺮ ﻗﯩﺴﯩﻢ ﺋﯘﻳﻐﯘﺭ ﺋﯩﻨﺘﯧﺮﻧﯧﺖ ﺷﯩﺮﻛﻪﺗﻠﯩﺮﯨﻤﯘ ﺑﺎﺭﻟﯩﻘﻘﺎ ﻛﯧﻠﯩﭙﺘﯘ. ﺑﻪﺯﻯ ﺋﯘﻳﻐﯘﺭ ﺷﯩﺮﻛﻪﺗﻠﯩﺮﻯ ﺋﯚﺯ ﺋﯩﮕﯩﻠﯩﻜﯩﻨﻰ ﺋﯜﻧﯜﻣﻠﯜﻙ ﻣﺎﯕﺪﯗﺭﯗﺷﺘﺎ ﺗﻮﺭ ﺑﯧﻜﯩﺘﯩﺪﯨﻦ ﭘﺎﻳﺪﯨﻠﯩﻨﯩﺪﯨﻐﺎﻥ ﺑﻮﻟﯘﭘﺘﯘ. ﻫﺎﺯﯨﺮﻗﻰ ﺯﺍﻣﺎﻧﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻣﺎﺳﻠﯩﺸﯩﺶ، ﺋﯘﻳﻐﯘﺭ ﺗﯩﻞ-ﻳﯧﺰﯨﻘﻰ ﺳﺎﻫﻪﺳﯩﺪﯨﻜﻰ ﻗﺎﻻﻳﻤﯩﻘﺎﻧﭽﯩﻠﯩﻘﻼﺭﻧﻰ ﺗﯜﮔﯩﺘﯩﺶ ﺋﯜﭼﯜﻥ ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﻰ ULYﺋﯜﭼﯜﻥ ﻗﺎﺭﺍﺭ ﺋﯧﻠﯩﺶ ﻗﺎﺗﺎﺭﻟﯩﻖ ﻧﺎﻫﺎﻳﯩﺘﻰ ﺋﯩﻠﻤﯩﻲ ﯞﻩ  ﺋﻪﻫﻤﯩﻴﻪﺗﻠﯩﻚ ﺋﯩﺸﻼﺭ ﻗﯩﻠﯩﻨﯩﭙﺘﯘ.

 http://www.ukij.org/uly/modules.php?name=Content&pa=showpage&pid=4

 ﻳﺎﻛﻰ

http://www.biliwal.com/modules.php?name=Forums&file=viewtopic&t=141

ﻫﻪﻣﺪﻩ ﺗﻮﺭ ﺑﯧﻜﻪﺗﺘﯩﻜﻰ ﺋﯘﻳﻐﯘﺭﭼﻪ-ﺋﯩﻨﮕﻠﯩﺰﭼﻪ ﺋﯩﻨﮕﻠﯩﺰﭼﻪ-ﺋﯘﻳﻐﯘﺭﭼﻪ ﻗﻮﺵ ﻳﯚﻧﯩﻠﯩﺸﻠﯩﻚ ﻟﯘﻏﻪﺗﻨﯩﯔ ﺩﻩﺳﻠﻪﭘﻜﻰ ﻧﯘﺳﺨﯩﺴﯩﻤﯘ  http://uighurdict.uni.cc/modules.php?name=NukeWrap&page=cgi-bin/eudict.pl ﻣﻪﻳﺪﺍﻧﻐﺎ ﻛﯧﻠﯩﭙﺘﯘ. ﺷﯘ ﺋﺎﺭﻗﯩﻠﯩﻖ، ﻳﯘﻗﯩﺮﯨﻘﻰ ﺳﻮﺋﺎﻟﺪﺍ ﺋﯧﻴﺘﯩﻠﻐﯩﻨﯩﺪﻩﻙ، ﺋﯘﻳﻐﯘﺭﻻﺭ ﻫﺎﺯﯨﺮ ﺟﯘﯕﮕﻮﺩﺍ ﺋﯚﺯ  ﺗﯩﻞ-ﻳﯧﺰﯨﻘﯩﺪﯨﻜﻰ ﺗﻮﺭ ﺑﯧﻜﯩﺘﻰ ﯞﻩ ﯞﯨﻨﺪﻭﯞﺱ ﻣﻪﻫﺴﯘﻻﺗﻠﯩﺮﯨﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺑﻮﻳﯩﭽﻪ 2-ﻣﯩﻠﻠﻪﺗﻠﯩﻚ ﺋﻮﺭﯗﻧﻨﻰ ﺋﯧﻠﯩﭙﺘﯘ. ﺋﯩﺠﺘﯩﻬﺎﺗﻠﯩﻖ ﻫﻪﻡ ﺷﻪﺧﺴﯩﻴﻪﺗﺴﯩﺰ ﺗﯚﻫﭙﻪ ﻗﻮﺷﯘﺵ ﺭﻭﻫﯩﻐﺎ ﺋﯩﮕﻪ ﻳﺎﺷﻠﯩﺮﯨﻤﯩﺰﻧﯩﯔ ﺋﯘﻳﻐﯘﺭﭼﻪ ﻣﻪﺷﻐﯘﻻﺕ ﺳﯩﺴﺘﯧﻤﯩﺴﯩﺪﯨﻦ ﺑﺎﺷﻘﺎ، ﺋﯘﻳﻐﯘﺭ ﺗﻮﺭ ﻣﻪﺩﻩﻧﯩﻴﯩﺘﯩﮕﻪ ﻗﻮﻻﻳﻠﯩﻖ ﺷﺎﺭﺍﺋﯩﺖ ﻳﺎﺭﯨﺘﯩﺶ ﺋﯜﭼﯜﻥ PHP-Nuke, POST-Nuke ﺗﻮﺭ ﺑﻪﺕ ﺳﯩﺴﺘﯧﻤﯩﺴﻰ، ULY ﯞﻩ  UEYﺑﯘ ﺧﯩﻠﺪﯨﻜﻰ ﺑﻪﺗﻠﻪﺭﻧﯩﯔ ﻳﯧﺰﯨﻘﯩﻨﻰ ﺑﯩﺮ-ﺑﯩﺮﯨﮕﻪ ﺋﺎﻳﻼﻧﺪﯗﺭﻏﯘﭺ، ﺋﯘﻳﻐﯘﺭ ﺋﯩﺪﯨﺖ، ﺋﯘﻳﻐﯘﺭﭼﻪ ﺗﻮﺭ ﻟﯘﻏﯩﺘﻰ ﯞﻩ SKYPE ﺋﯩﻨﺘﯧﺮﻧﯧﺖ ﺗﯧﻠﯧﻔﻮﻥ ﺳﯩﺴﺘﯧﻤﯩﺴﯩﻐﺎ ﺋﻮﺧﺸﺎﺷﺴﯩﺴﺘﯧﻤﯩﻼﺭﻧﻰ ﺗﻪﺭﺟﯩﻤﻪ ﻗﯩﻠﯩﭗ ﻳﺎﻛﻰ ﺗﯜﺯﯛﭖ ﺋﯩﺸﻠﻪﭖ ﻫﻪﻗﺴﯩﺰ ﺗﺎﺭﻗﯩﺘﯩﺸﺘﻪﻙ ﻣﻪﺩﻩﻧﯩﻴﯩﺘﯩﻤﯩﺰﮔﻪ ﺧﺎﻟﯩﺲ ﺗﯚﻫﭙﻪ ﻗﻮﺷﯘﺵ ﺭﻭﻫﻰ ﻛﯩﺸﯩﻨﻰ ﻫﻪﻗﯩﻘﻪﺗﻪﻧﻤﯘ ﻗﺎﻳﯩﻞ ﻗﯩﻠﯩﺪﯗ، ﺗﻪﺳﯩﺮﻟﻪﻧﺪﯛﺭﯨﺪﯗ.

ﺗﻮﺭ ﺑﯧﻜﯩﺘﯩﻨﯩﯔ ﺋﯩﮕﯩﻠﯩﻚ ﯞﻩ ﻛﯩﺸﯩﻠﯩﻚ ﺗﯘﺭﻣﯘﺷﺘﺎ ﻗﺎﻧﭽﯩﻠﯩﻚ ﻣﯘﻫﯩﻢ ﺭﻭﻝ ﺋﻮﻳﻨﯩﻴﺎﻻﻳﺪﯨﻐﺎﻧﻠﯩﻘﯩﻨﻰ Biliwal.com ﺩﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻣﯘﺷﯘ ﺳﯚﻫﺒﻪﺗﺘﯩﻦ ﺋﯩﺒﺎﺭﻩﺕ ﺑﯩﺮﻣﯩﺴﺎﻝ ﺋﺎﺭﻗﯩﻠﯩﻘﻤﯘ ﺧﯧﻠﻰ ﭼﻮﯕﻘﯘﺭ ﭼﯜﺷﯩﻨﯩﯟﯦﻠﯩﺶ ﻣﯘﻣﻜﯩﻦ. ﻣﻪﻥ ﺑﯩﺮ ﺳﻮﺋﺎﻟﻨﯩﯔ ﺟﺎﯞﺍﺑﯩﻨﻰ ﻳﯧﺰﯨﭗ ﭘﯜﺗﺘﯜﺭﯛﭖ، ﺋﯘﻧﻰ ﺑﯩﻠﯩﯟﺍﻝ ﺑﺎﺷﻘﯘﺭﻏﯘﭼﯩﻠﯩﺮﯨﻐﺎ ﺑﯧﺮﯨﻤﻪﻥ. ﺋﯘﻻﺭ ﻣﯧﻨﯩﯔ ﻳﺎﺯﻏﯩﻨﯩﻤﻨﻰ ﺗﻪﻫﺮﯨﺮﻟﻪﭖ، ﺑﯩﻠﯩﯟﺍﻝ ﺗﻮﺭ ﺑﯧﻜﯩﺘﯩﮕﻪ ﭼﯩﻘﺎﺭﻏﺎﻥ ﻫﺎﻣﺎﻥ، ﺷﯩﻨﺠﺎﯓ ﯞﻩ ﺩﯗﻧﻴﺎﻧﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻜﻰ ﻫﻪﺭ ﻗﺎﻧﺪﺍﻕ ﺑﯩﺮ ﺋﯘﻳﻐﯘﺭ ﺋﯘﻧﻰ ﺩﻩﺭﻫﺎﻝ ﻛﯚﺭﻩﻟﻪﻳﺪﯗ. ﺋﯘ ﭘﻪﻗﻪﺕ ﺑﯩﺮ ﺋﺎﺩﻩﻣﺪﯨﻦ ﺋﯩﻨﺘﯧﺮﻧﯧﺖ ﺗﻮﺭ ﺑﯧﻜﯩﺘﯩﮕﻪ ﻛﯩﺮﯨﺶ ﯞﺍﺳﯩﺘﯩﺴﻰ ﺑﻮﻟﯘﺷﻨﯩﻼ ﺗﻪﻟﻪﭖ ﻗﯩﻠﯩﺪﯗ. ﺑﯘﻧﺪﺍﻕ ﻳﻮﻝ ﺑﯩﻠﻪﻥ ﺑﯩﺮﻩﺭ ﺋﯘﭼﯘﺭﻏﺎ ﺋﯧﺮﯨﺸﯩﺸﻨﯩﯔ ﺗﻪﻧﻨﻪﺭﺧﻰ ﺋﯩﻨﺘﺎﻳﯩﻦ ﺋﻪﺭﺯﺍﻥ، ﺳﯜﺭﺋﯩﺘﻰ ﺗﯩﺰ ﯞﻩ ﺋﯘﺳﯘﻟﻰ ﺋﯩﻨﺘﺎﻳﯩﻦ ﻗﻮﻻﻳﻠﯩﻖ ﯞﻩ ﺋﺎﺩﺩﯨﺪﯗﺭ. ﺷﯘﯕﺎ ﺋﯩﻨﺘﯧﺮﻧﯧﺖ ﺋﺎﻣﯧﺮﯨﻜﯩﺪﺍ ﻫﺎﺯﯨﺮ ﻧﺎﻫﺎﻳﯩﺘﻰ ﻳﯘﻗﯩﺮﻯ ﺩﻩﺭﯨﺠﯩﺪﻩ ﺋﻮﻣﯘﻣﻼﺷﺘﻰ. ﺋﺎﻣﯧﺮﯨﻜﯩﻨﯩﯔ 2003-ﻳﯩﻠﯩﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺗﻪﻛﺸﯜﺭﯛﺵ ﺩﻭﻛﻼﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺋﺎﻣﯧﺮﯨﻜﯩﺪﯨﻜﻰ ﻳﯧﺸﻰ 18 ﻳﺎﺷﺘﯩﻦ ﻳﯘﻗﯩﺮﻯ ﻛﯩﺸﯩﻠﻪﺭﻧﯩﯔ ﺋﯩﭽﯩﺪﯨﻜﻰ 58 ﭘﯩﺮﺳﻪﻧﺖ ﺋﺎﺩﻩﻡ ﺋﯩﻨﺘﯧﺮﻧﯧﺘﻜﻪ ﻛﯩﺮﯨﺶ ﯞﺍﺳﯩﺘﯩﺴﯩﮕﻪ ﺋﯩﮕﻪ ﺋﯩﻜﻪﻥ. ﻫﺎﺯﯨﺮ ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺩﯙﻟﻪﺗﻠﻪﺭﺩﻩ ﺋﯩﻨﺘﯩﺮﻧﯩﺘﺴﯩﺰ ﺧﯩﺰﻣﻪﺕ ﯞﻩ ﻫﺎﻳﺎﺗﻨﻰ ﺗﻪﺳﻪﯞﯞﯗﺭ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ.

 ﻣﻪﻥ ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺩﺍﯞﯨﺲ ﺷﯚﺑﯩﺴﯩﺪﻩ ﺋﯧﻠﯧﻜﺘﯩﺮ ﺗﻮﻙ ﻳﻮﻟﻰ ﺩﻩﺭﺳﯩﻨﻰ ﺋﯚﺗﻜﻪﻥ ﯞﺍﻗﯩﺘﺘﺎ ﺋﻮﻗﯘﻏﯘﭼﯩﻼﺭﻏﺎ ﺑﻪﺭﮔﻪﻥ ﺑﻪﺯﻯ ﺗﺎﭘﺸﯘﺭﯗﻕ ﯞﻩ ﭘﯩﺮﻭﺟﯧﻜﯩﺘﻼﺭ «SPICE» ﺩﻩﭖ ﺋﺎﺗﯩﻠﯩﺪﯨﻐﺎﻥ ﺗﻮﻙ ﻳﻮﻟﻰ ﻻﻫﯩﻴﯩﻠﻪﺵ ﻳﯘﻣﺸﺎﻕ ﺩﯦﺘﺎﻟﻰ ﺋﺎﺭﻗﯩﻠﯩﻖ ﺑﯩﺮﺋﻪﻣﻪﻟﯩﻲ ﺗﻮﻙ ﻳﻮﻟﻰ ﻻﻳﯩﻬﯩﻠﻪﺵ ﺑﻮﻟﯘﭖ، ﺋﻮﻗﯘﻏﯘﭼﯩﻼﺭ ﺋﯚﺯﻟﯩﺮﯨﻨﯩﯔ ﻻﻳﯩﻬﯩﺴﯩﻨﻰ ﻣﺎﯕﺎ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﻣﺎﯕﺪﯗﺭﺍﺗﺘﻰ. ﻣﻪﻥ ﺋﯘﻻﺭﻧﯩﯔ ﭘﺮﻭﮔﺮﺍﻣﻤﯩﺴﯩﻨﻰ ﻛﻮﻣﭙﻴﯘﺗﯧﺮﯨﻤﻐﺎ ﭼﯜﺷﯜﺭﯛﯞﯦﻠﯩﭗ، ﺋﯘﻻﺭﻧﯩﺌﯩﺠﺮﺍ ﻗﯩﻠﺪﯗﺭﯗﭖ، ﭼﯩﻘﻘﺎﻥ ﻧﻪﺗﯩﺠﯩﺴﯩﮕﻪ ﻗﺎﺭﺍﭖ ﻧﻪﺗﯩﺠﻪ ﺑﯧﺮﻩﺗﺘﯩﻢ. ﺑﯩﺰﻧﯩﯔ ﺷﯩﺮﻛﻪﺗﺘﯩﻜﻰ ﻧﯘﺭﻏﯘﻥ ﺋﺎﻻﻗﯩﻠﯩﺸﯩﺶ ﯞﻩ ﻫﯚﺟﺠﻪﺕ ﺋﺎﻟﻤﺎﺷﺘﯘﺭﯗﺵ ﺋﯩﺸﻠﯩﺮﯨﻤﯩﺰ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺑﻮﻟﯩﺪﯗ. ﻣﻪﻥ 2000-ﻳﯩﻠﯩﺪﯨﻦ ﺑﺎﺷﻼﭖ ﺋﯩﺸﻠﯩﮕﻪﻥ ﺷﯩﺮﻛﻪﺗﻠﻪﺭﻧﯩﯔ ﻫﻪﻣﻤﯩﺴﻰ ﻣﺎﯕﺎ ﺑﯩﺮﺩﯨﻦ ﺧﺎﺗﯩﺮﻩ ﻛﻮﻣﭙﻴﯘﺗﯧﺮ ﺋﯧﻠﯩﭗ ﺑﻪﺭﮔﻪﻥ ﺋﯩﺪﻯ، ﺋﯘﻻﺭﻧﻰ ﺷﯩﺮﻛﻪﺗﻜﻪ ﺑﺎﺭﻏﺎﻧﺪﺍ ﺋﺎﺩﻩﺗﺘﯩﻜﻰ ﻛﻮﻣﭙﻴﯘﺗﯧﺮﯨﻤﻐﺎ ﻗﻮﺷﯘﻣﭽﻪ ﻗﯩﻠﯩﭗ ﺋﯩﺸﻠﻪﺗﺴﻪﻡ، ﺋﺎﺧﺸﺎﻣﻠﯩﺮﻯ ﯞﻩ ﺷﻪﻧﺒﻪ، ﻳﻪﻛﺸﻪﻧﺒﻪ، ﺩﻩﻡ ﺋﯧﻠﯩﺶ ﻛﯜﻧﻠﯩﺮﻯ ﺋﯘﻧﯩﺌﯚﻳﮕﻪ ﻗﺎﻳﺘﯘﺭﯗﭖ ﻛﯧﻠﯩﭗ، ﺑﯩﺮ ﻗﺎﻧﭽﻪ ﻫﻪﺗﺘﺎ 10 ﻧﻪﭼﭽﻪ ﺳﺎﺋﻪﺕ ﻫﯧﺴﺎﺑﻼﺵ ﯞﺍﻗﺘﻰ ﺗﻪﻟﻪﭖ ﻗﯩﻠﯩﺪﯨﻐﺎﻥ ﻻﻳﯩﻬﯩﻠﻪﺵ ﺋﯩﺸﻠﯩﺮﯨﻨﻰ ﺋﯚﻳﺪﻩ ﺑﯩﺮ ﺗﻪﺭﻩﭘﺘﯩﻦ ﺩﻩﻡ ﺋﺎﻟﻐﺎﭺ ﺋﯩﺸﻠﯩﺪﯨﻢ. ﺷﯘﺋﺎﺭﻗﯩﻠﯩﻖ ﻧﯘﺭﻏﯘﻥ ﻻﻳﯩﻬﯩﻠﻪﺵ ﺋﯩﺸﻠﯩﺮﯨﻨﻰ ﺗﺎﻣﺎﻣﻠﯩﺪﯨﻢ. ﻫﺎﺯﯨﺮ ﺑﻪﺯﻯ ﻛﯜﻧﻠﯩﺮﻯ ﺋﯚﻳﺪﻩ ﺋﯩﺸﯩﻢ ﭼﯩﻘﯩﭗ ﻗﯧﻠﯩﭗ، ﺷﯩﺮﻛﻪﺗﻜﻪ ﺑﺎﺭﺍﻟﻤﺎﻱ ﻗﺎﻟﺴﺎﻡ، ﺋﯚﺯﯛﻣﻨﯩﯔ ﺧﺎﺗﯩﺮﻩ ﻛﻮﻣﭙﻴﯘﺗﯧﺮﯨﻤﻨﻰ ﻳﯘﻗﯩﺮﯨﺴﯜﺭﺋﻪﺗﻠﯩﻚ ﺋﯩﻨﺘﯧﺮﻧﯧﺖ ﺋﯘﻟﯩﻨﯩﺸﻰ ﺋﺎﺭﻗﯩﻠﯩﻖ ﺷﯩﺮﻛﻪﺗﻨﯩﯔ ﻣﯘﻻﺯﯨﻤﯩﺘﯩﺮ ﻛﻮﻣﭙﯩﻴﯘﺗﯩﺮﯨﻐﺎ ﺋﯘﻻﭖ، ﻫﻪﻣﻤﻪ ﺋﯩﺸﻼﺭﻧﻰ ﺧﯘﺩﺩﻯ ﺋﯚﺯﯛﻣﻨﯩﯔ ﺷﯩﺮﻛﻪﺗﺘﯩﻜﻰ ﺋﯩﺸﺨﺎﻧﯩﺴﯩﺪﺍ ﺋﻮﻟﺘﯘﺭﻏﺎﻧﺪﻩﻙ ﻗﯩﻼﻻﻳﻤﻪﻥ. ﺷﯘﯕﺎ ﺑﯩﺮ ﺗﻪﺭﻩﭘﺘﯩﻦ ﺋﯘﺯﯗﻥ ﯞﺍﻗﯩﺖ ﺗﻪﻟﻪﭖ ﻗﯩﻠﯩﺪﯨﻐﺎﻥ ﻫﯧﺴﺎﺑﻼﺵ ﯞﻩ ﻻﻳﯩﻬﯩﻠﻪﺵ ﭘﺮﻭﮔﺮﺍﻣﻤﯩﻠﯩﺮﯨﻨﻰ ﻣﺎﯕﺪﯗﺭﯗﭖ ﻗﻮﻳﯘﭖ، ﺑﯩﺮ ﺗﻪﺭﻩﭘﺘﯩﻦ ﺋﯚﺯﯛﻣﻨﯩﯔ ﺷﻪﺧﺴﯩﻲ ﺋﯩﺸﯩﻨﻰ ﻗﯩﻠﯩﻤﻪﻥ. ﺷﯩﺮﻛﯩﺘﯩﻢ ﺑﯘﻧﺪﺍﻗﺌﯩﺸﻼﺭﻏﺎ ﭘﯜﺗﯜﻧﻠﻪﻱ ﻳﻮﻝ ﻗﻮﻳﯩﺪﯗ. ﺑﺎﺷﻘﺎ ﺷﯩﺘﺎﺕ ﻫﻪﺗﺘﺎ ﭼﻪﺕ ﺋﻪﻟﮕﻪ ﻳﯩﻐﯩﻦ ﻳﺎﻛﻰ ﺧﯩﺰﻣﻪﺕ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﯧﺮﯨﭗ ﻗﺎﻟﺴﺎﻣﻤﯘ، ﺧﺎﺗﯩﺮﻩ ﻛﻮﻣﭙﻴﯘﺗﯧﺮﯨﻤﻨﻰ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺷﯩﺮﻛﻪﺗﻨﯩﯔ ﻣﯘﻻﺯﯨﻤﯩﺘﯩﺮ ﻛﻮﻣﭙﯩﻴﯘﺗﯩﺮﯨﻐﺎ ﺋﯘﻻﭖ، ﺷﯩﺮﻛﻪﺗﺘﻪ ﺑﻮﻟﯘﯞﺍﺗﻘﺎﻥ ﺋﯩﺸﻼﺭﺩﯨﻦ ﺗﻮﻟﯘﻕ ﺧﻪﯞﻩﺭ ﺗﯧﭙﯩﭗ ﺗﯘﺭﯨﻤﻪﻥ. ﺋﻪﮔﻪﺭ ﻣﺎﯕﺎ ﺟﯩﺪﺩﻯ ﯞﻩﺯﯨﭙﻪ ﭼﯜﺷﯜﭖ ﻗﺎﻟﺴﺎ، ﺋﯚﺯﯛﻣﻨﯩﯔ ﻧﻪﺩ ﻩﺋﯩﻜﻪﻧﻠﯩﻜﯩﻤﺪﯨﻦ ﻗﻪﺗﺌﯩﻴﻨﻪﺯﻩﺭ ﺩﻩﺭﻫﺎﻝ ﺋﯘﻧﻰ ﺋﯩﺸﻠﻪﭖ ﺑﯧﺮﯨﻤﻪﻥ. ﺋﺎﻳﺎﻟﯩﻢ ﺋﺎﻣﯧﺮﯨﻜﯩﺪﯨﻜﻰ ﺑﯩﺮ ﻣﻪﻣﻠﯩﻜﻪﺗﻠﯩﻚ ﭼﻮﯓ ﺩﻭﺧﺘﯘﺭﺧﺎﻧﯩﻨﯩﻨﯔ ﺳﺎﻧﻠﯩﻖ ﺋﯩﺴﻜﯩﻼﺗﯩﻨﻰ ﺑﺎﺷﻘﯘﺭﯗﺵ ﻳﯘﻣﺸﺎﻕ ﺩﯦﺘﺎﻟﯩﻨﯩﯔ ﺋﯩﺸﯩﻨﻰ ﻗﯩﻼﺗﺘﻰ، ﺑﻪﺯﻯ ﺷﻪﻧﺒﻪ ﯞﻩ ﻳﻪﻛﺸﻪﻧﺒﻪ ﻛﯜﻧﻠﯩﺮﻯ ﺷﯩﺮﻛﻪﺗﻨﯩﯔ ﺳﺎﻧﻠﯩﻖ ﺋﯩﺴﻜﯩﻼﺗﯩﺪﺍ ﻣﻪﺳﯩﻠﻪ ﻛﯚﺭﯛﻟﺴﻪ، ﺋﯚﺯﯨﻨﯩﯔ ﺧﺎﺗﯩﺮﻩ ﻛﻮﻣﭙﻴﯘﺗﯧﺮﯨﻨﻰ ﺷﯩﺮﻛﻪﺗﻨﯩﯔ ﻣﯘﻻﺯﯨﻤﯩﺘﯩﺮ ﻛﻮﻣﭙﯩﻴﯘﺗﯩﺮﯨﻐﺎ ﺋﯘﻻﭖ، ﭼﯩﻘﻘﺎﻥ ﭼﺎﺗﺎﻗﻨﻰ ﺋﻮﯕﺸﺎﭖ ﺑﯧﺮﯨﺪﯗ.

ﻣﻪﻥ ﻫﺎﺯﯨﺮ ﯞﯨﻨﺪﻭﯞﺱ ﺋﺎﺳﺎﺳﯩﺪﯨﻜﻰ ﻫﻮﺟﺠﻪﺕ ﺗﻪﻳﻴﺎﺭﻻﺵ ﭘﺮﻭﮔﺮﺍﻣﻤﯩﺴﯩﻨﯩﯔ ﻫﻪﻣﻤﻤﯩﺴﯩﻨﻰ، ZEMAX, Code V, BeamProp (RSoft), BBV (Kymata), TFCal, Film Wizard ﻗﺎﺗﺎﺭﻟﯩﻖ ﺋﻮﭘﺘﯩﻜﺎ ﻻﻳﯩﻬﯩﻠﻪﺵ ﻳﯘﻣﺸﺎﻕ ﺩﯦﺘﺎﻟﯩﻨﻰ، LabView ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﯧﻠﯧﻜﺘﯩﺮ ﺋﺎﭘﭙﺎﺭﺍﺗﻠﯩﺮﯨﻨﻰ ﺑﺎﺷﻘﯘﺭﯗﺵ ﻳﯘﻣﺸﺎﻕ ﺩﯦﺘﺎﻟﯩﻨﻰ، Ashlar CAD Drawing ﺩﯦﮕﻪﻥ ﻣﯧﺨﺎﻧﯩﻜﯩﻠﯩﻖ ﻻﻳﯩﻬﯩﻠﻪﺵ ﻳﯘﻣﺸﺎﻕ ﺩﯦﺘﺎﻟﯩﻨﻰ، ++MatLab, Fortran, C, Visual C ﻗﺎﺗﺎﺭﻟﯩﻖ Windows ﺗﺎ ﭘﺮﻭﮔﺮﺍﻣﻤﺎ ﻻﻳﯩﻬﯩﻠﻪﺵ ﯞﻩ ﻫﯧﺴﺎﺑﻼﺵ ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﻰ، UNIX ﻣﻪﺷﻐﯘﻻﺕ ﺳﯩﺴﺘﯧﻤﯩﺴﯩﻨﻰ، SPICE ﺩﻩﭖ ﺋﺎﺗﯩﻠﯩﺪﯨﻐﺎﻥ ﺋﯧﻠﯧﻜﺘﺮﻭﻧﻠﯘﻕ ﺗﻮﻙ ﻳﻮﻟﻰ ﻻﻳﯩﻬﯩﻠﻪﺵ ﻳﯘﻣﺸﺎﻕ ﺩﯦﺘﺎﻟﯩﻨﻰ ﯞﻩ HTML ﺩﯨﮕﻪﻧﺪﻩﻙ ﺗﻮﺭ ﺑﻪﺕ ﻻﻳﯩﻬﯩﻠﻪﺵ ﺗﯩﻠﻠﯩﺮﯨﻨﻰ ﺑﯩﻠﯩﻤﻪﻥ. ﺑﯘﻧﯩﯔ ﺋﯩﭽﯩﺪﻩ «Code V» ﺩﯦﮕﻪﻥ ﻳﯘﻣﺸﺎﻕ ﺩﯦﺘﺎﻟﻨﻰ ﺑﯩﺮ ﻫﻪﭘﺘﯩﻠﯩﻚ ﻣﻪﺧﺴﯘﺱ ﻛﯘﺭﺳﻘﺎ ﻗﺎﺗﻨﯩﺸﯩﭗ ﺋﯚﮔﻪﻧﮕﻪﻧﺪﯨﻦ ﺑﺎﺷﻘﺎ، ﻗﺎﻟﻐﺎﻧﻠﯩﺮﯨﻨﯩﯔ ﻫﻪﻣﻤﯩﺴﯩﻨﻰ ﻣﻪﻥ ﺋﯚﺯ ﺗﻪﺗﻘﯩﻘﺎﺕ ﯞﻩ ﺑﺎﺷﻘﺎ ﺧﯩﺰﻣﯩﺘﯩﻤﺪﻩ ﺋﯩﺸﻠﯩﺘﯩﺸﻜﻪ ﻣﻪﺟﺒﯘﺭﻯ ﺑﻮﻟﻐﺎﻧﺪﺍ ﺋﯚﺯ-ﺋﯚﺯﯛﻣﮕﻪ ﺗﺎﻳﯩﻨﯩﭗ ﺋﯚﮔﻪﻧﮕﻪﻥ. ﻫﺎﺯﯨﺮﻏﺎ ﻗﻪﺩﻩﺭ ﺋﯚﺯﯛﻡ ﻻﻳﯩﻬﯩﻠﻪﭖ ﻳﺎﺳﺎﭖ ﭼﯩﻘﻘﺎﻥ ﻳﯘﻗﯩﺮﻯ ﺗﯧﺨﻨﯩﻜﯩﻠﯩﻖ 3-4 ﺋﺎﭘﭙﺎﺭﺍﺗﻼﺭﻧﯩﯖﻬﻪﻣﻤﯩﺴﯩﺪﻩ ﺋﯧﻠﯧﻜﺘﯩﺮ ﺗﻮﻙ ﻳﻮﻟﻰ، ﺋﻮﭘﺘﯩﻜﯩﻠﯩﻖ ﻻﻳﯩﻬﻪ، ﻣﯧﺨﺎﻧﯩﻜﯩﻠﯩﻖ ﻗﯘﺭﯗﻟﻤﺎ ﯞﻩ ﺋﺎﭘﭙﺎﺭﺍﺗﻨﻰ ﺑﺎﺷﻘﯘﺭﯨﺪﯨﻐﺎﻥ ﻳﯘﻣﺸﺎﻕ ﺩﯦﺘﺎﻝ ﻗﺎﺗﺎﺭﻟﯩﻘﻼﺭﻧﯩﯔ ﻫﻪﻣﻤﯩﺴﯩﻨﻰ ﺋﯚﺯﯛﻡ ﺋﯩﺸﻠﯩﮕﻪﻥ. ﺋﯘﻧﯩﯖﺪﯨﻦ ﺑﺎﺷﻘﺎ ﺋﯚﺯﯛﻣﻨﯩﯔ ﻫﺎﺯﯨﺮﻗﻰ ﻛﯜﻧﺪﯨﻠﯩﻚ ﺗﻪﺗﻘﯩﻘﺎﺕ ﯞﻩ ﺑﺎﺷﻘﺎ ﺧﯩﺰﻣﻪﺗﻠﯩﺮﯨﻤﺪﻩ ﺋﻮﭘﺘﯩﻜﺎ، ﺋﯧﻠﯧﻜﺘﯩﺮ ﺋﯩﻨﺠﯩﻨﯧﺮﻟﯩﻘﻰ، ﻓﯩﺰﯨﻜﺎ، ﻣﺎﺗﯧﻤﺎﺗﯩﻜﺎ، ﺋﺎﺳﺘﯩﺮﻭﻧﻮﻣﯩﻴﻪ ﺑﻪﺯﯨﺪﻩ ﻫﻪﺗﺘﺎ ﺑﯩﺌﻮﻟﻮﮔﯩﻴﻪ ﻗﺎﺗﺎﺭﻟﯩﻘﻼﺭﻧﻰ ﺋﯩﺸﻠﯩﺘﯩﭗ ﺗﯘﺭﯨﻤﻪﻥ.

ﻣﻪﻥ ﺋﯩﻨﺘﯧﺮﻧﯧﺖ ﺗﻮﺭ ﺑﯧﻜﯩﺘﻰ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺗﯚﯞﻩﻧﺪﯨﻜﻰ ﺑﯩﺮ ﻗﺎﻧﭽﻪ ﻧﯘﻗﺘﺎ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﺋﯚﺗﯜﺷﻨﻰ ﻻﻳﯩﻖ ﻛﯚﺭﺩﯛﻡ.

1. ﺗﻮﺭ ﺑﯧﻜﻪﺕ ﺗﯧﺨﻨﯩﻜﯩﺴﻰ ﯞﻩ ﻣﻪﺩﻩﻧﯩﻴﯩﺘﯩﺌﯘﻳﻐﯘﺭﻻﺭ ﺋﯜﭼﯜﻥ ﻫﺎﺯﯨﺮﭼﻪ ﻳﻪﻧﯩﻼ ﺑﯩﺮ ﻳﯧﯖﻰ ﺷﻪﻳﺌﯩﺪﯗﺭ. ﺋﯘﻧﯩﯔ ﺋﯘﻳﻐﯘﺭﻻﺭﻧﯩﯔ ﺗﯘﺭﻣﯘﺷﻰ، ﺟﻪﻣﺌﯩﻴﯩﺘﻰ ﯞﻩ ﺋﯘﻳﻐﯘﺭﻻﺭ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺋﯩﮕﯩﻠﯩﻚ ﺳﺎﻫﻪﻟﯩﺮﯨﺪﻩ ﺗﯧﺰ ﺗﻪﺭﻩﻗﻘﯩﻲ ﻗﯩﻠﯩﭗ، ﺋﯘﻳﻐﯘﺭﻻﺭ ﺋﯜﭼﯜﻧﻤﯘ ﺋﯚﺯ ﺭﻭﻟﯩﻨﻰ ﺗﻮﻟﯘﻕ ﺟﺎﺭﻯ ﻗﯩﻠﺪﯗﺭﯨﺪﯨﻐﺎﻥ ﺑﯩﺮ ﯞﻩﺯﯨﻴﻪﺗﻨﻰ ﻗﯩﺴﻘﺎ ﻣﯘﺩﺩﻩﺕ ﺋﯩﭽﯩﺪﻩ ﺑﺎﺭﻟﯩﻘﻘﺎ ﻛﻪﻟﺘﯜﺭﯛﺷﺘﻪ، ﻛﯚﭘﻠﯩﮕﻪﻥ ﻛﯩﺸﯩﻠﻪﺭﻧﯩﯔ ﺋﯘﻳﻐﯘﺭ ﺋﻪﺭﻩﺏ ﻳﯧﺰﯨﻘﻰ (UEY) ﺑﯩﻠﻪﻥ ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﻰ (ULY) ﺩﯨﻦ ﺋﯩﺒﺎﺭﻩﺕ 2 ﺧﯩﻞ ﻳﯧﺰﯨﻘﺘﯩﻜﻰ، ﺋﻮﺧﺸﯩﻤﯩﻐﺎﻥ ﺷﻪﻛﯩﻞ ﯞﻩ ﻣﻪﺯﻣﯘﻧﺪﯨﻜﻰ ﺗﻮﺭ ﺑﯧﻜﻪﺗﻠﯩﺮﯨﻨﻰ ﻗﯘﺭﯗﺷﻰ ﻧﺎﻫﺎﻳﯩﺘﻰ ﻣﯘﻫﯩﻢ، ﺯﯙﺭﯛﺭ ﯞﻩ ﭘﺎﻳﺪﯨﻠﯩﻖ ﺋﯩﺸﺘﯘﺭ. ﺋﯘﻧﯩﯖﺴﯩﺰ ﺋﯘﻳﻐﯘﺭﻻﺭﻧﯩﯔ ﺗﻮﺭ ﺑﯧﻜﻪﺕ ﺋﯩﺸﻠﯩﺮﯨﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﻣﯘﻣﻜﯩﻦ ﺋﻪﻣﻪﺱ. ﻏﻪﺭﺏ ﺋﻪﻟﻠﯩﺮﯨﻨﯩﯔ ﻳﯧﻘﯩﻨﻘﻰ ﺯﺍﻣﺎﻧﺪﯨﻜﻰ ﻳﯧﯖﻰ ﺗﯧﺨﻨﯩﻜﯩﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺟﻪﺭﻳﺎﻧﯩﻐﺎ ﻗﺎﺭﺍﻳﺪﯨﻐﺎﻥ ﺑﻮﻟﺴﺎﻕ، ﻣﯘﻧﺪﺍﻕ ﺑﯩﺮ ﺋﯩﺸﻨﻰ ﺑﺎﻳﻘﺎﻳﻤﯩﺰ. ﻫﻪﺭ ﻗﯧﺘﯩﻢ ﺑﯩﺮ ﻳﯧﯖﻰ ﺗﯧﺨﻨﯩﻜﺎ ﻣﻪﻳﺪﺍﻧﻐﺎ ﭼﯩﻘﻘﺎﻧﺪﺍ، ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﺩﻩ ﺷﯘ ﺗﯧﺨﻨﯩﻜﯩﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯨﺪﯨﻐﺎﻥ ﻫﻪﻣﺪﻩ ﺋﯘﻧﯩﯖﺪﯨﻦ ﭘﺎﻳﺪﯨﻠﯩﻨﯩﭗ ﺑﯩﺮﻩﺭ ﻣﻪﻫﺴﯘﻻﺕ ﺋﯩﺸﻠﻪﭖ ﭼﯩﻘﯩﺮﯨﺪﯨﻐﺎﻥ ﺷﯩﺮﻛﻪﺗﻠﻪﺭﺩﯨﻦ ﻧﯘﺭﻏﯘﻧﻠﯩﺮﻯ ﻗﯘﺭﯗﻟﯩﺪﯗ. ﺋﯘﻧﯩﯖﺪﯨﻦ ﻛﯧﻴﯩﻦ 3 ﻳﯩﻠﺪﯨﻦ 5 ﻳﯩﻠﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ، ﺑﯘ ﺷﯩﺮﻛﻪﺗﻠﻪﺭﻧﯩﯔ ﺗﻪﺭﻩﻗﻘﯩﻲ ﻗﯩﻠﯩﺪﯨﻐﯩﻨﻰ ﺗﻪﺭﻩﻗﻘﯩﻲ ﻗﯩﻠﯩﭗ، ﺋﯚﺯ-ﺋﺎﺭﺍ ﻗﻮﺷﯘﻟﯩﺪﯨﻐﯩﻨﻰ ﻗﻮﺷﯘﻟﯘﭖ، ﻳﯩﻘﯩﻠﯩﺪﯨﻐﯩﻨﻰ ﻳﯩﻘﯩﻠﯩﭗ، ﺋﻪﯓ ﺋﺎﺧﯩﺮﯨﺪﺍ ﺋﯘﻧﯩﯔ ﺳﺎﻧﻰ ﺑﯩﺮ ﻗﺎﻧﭽﻪ 10 ﻏﺎ ﭼﯜﺷﯩﺪﯗ. ﻣﻪﻥ ﺑﯘ ﺧﯩﻞ ﺋﻪﻫﯟﺍﻟﻨﻰ 1997~2000-ﻳﯩﻠﻠﯩﺮﯨﺪﯨﻜﻰ «dot-com» (ﻳﯘﻣﺸﺎﻕ ﺩﯦﺘﺎﻝ ﺷﯩﺮﻛﻪﺗﻠﯩﺮﻯ) ﺗﯧﺨﻨﯩﻜﯩﺴﻰ ﺑﯩﻠﻪﻥ 2000-2003-ﻳﯩﻠﻠﯩﺮﯨﺪﯨﻜﻰ ﻧﯘﺭ ﺗﺎﻻ ﺧﻪﯞﻩﺭﻟﯩﺸﯩﺶ ﺗﯧﺨﻨﯩﻜﯩﺴﻰ ﺳﺎﻫﻪﺳﯩﺪﻩ ﺑﯩﺮ ﻗﻪﺩﻩﺭ ﺗﻪﭘﺴﯩﻠﯩﻲ ﻛﯚﺭﺩﯛﻡ. 2000-ﻳﯩﻠﻰ ﻣﻪﻥ ﺧﻪﻟﻘﺎﺭﺍﻟﯩﻖ ﻧﯘﺭ ﺗﺎﻻ ﺧﻪﯞﻩﺭﻟﯩﺸﯩﺶ ﻳﯩﻐﯩﻨﯩﻐﺎ ﺑﯧﺮﯨﭗ، ﻛﯚﺭﮔﻪﺯﻣﻪ ﺯﺍﻟﯩﻐﺎ ﻛﯩﺮﮔﯩﻨﯩﻤﺪﻩ، ﺋﯘ ﺯﺍﻟﻨﯩﯔ ﭼﻮﯕﻠﯘﻗﻰ، ﯞﻩ ﻛﯚﺭﮔﻪﺯﻣﯩﮕﻪ ﻗﺎﺗﻨﺎﺷﻘﺎﻥ ﺷﯩﺮﻛﻪﺕ ﺑﯩﻠﻪﻧﺌﺎﺩﻩﻣﻨﯩﯔ ﻛﯚﭘﻠﯜﻛﯩﺪﯨﻦ ﺑﯩﺮ ﻛﯚﺯ ﻳﻪﺗﻤﻪﺱ ﺟﺎﯕﮕﺎﻟﻐﺎ ﻛﯩﺮﯨﭗ ﻗﺎﻟﻐﺎﻧﺪﻩﻙ ﻫﯧﺲ ﻗﯩﻠﻐﺎﻧﯩﺪﯨﻢ. ﺋﯘﻧﯩﯖﻐﺎ ﻗﺎﺗﻨﺎﺷﻘﺎﻥ ﺷﯩﺮﻛﻪﺗﻠﻪﺭﻧﯩﯔ ﺳﺎﻧﻰ 3000 ﺩﯨﻦ، ﺋﺎﺩﻩﻣﻨﯩﯔ ﺳﺎﻧﻰ 30 ﻣﯩﯖﺪﯨﻦ ﺋﺎﺷﻘﺎﻥ ﺑﻮﻟﯘﭖ، ﻣﻪﻥ ﭘﯜﺗﯜﻥ ﺑﯩﺮ ﻛﯜﻥ ﯞﺍﻗﺘﯩﻤﻨﻰ ﻛﯚﺭﮔﻪﺯﻣﯩﻠﻪﺭﻧﻰ ﻛﯚﺭﯛﺷﻜﻪ ﺋﺎﺟﺮﺍﺗﻘﺎﻥ ﺑﻮﻟﺴﺎﻣﻤﯘ، ﺋﯘﻻﺭﻧﻰ ﺗﻮﻟﯘﻕ ﻛﯚﺭﯛﭖ ﺑﻮﻻﻟﻤﯩﻐﺎﻥ ﺋﯩﺪﯨﻢ. ﻫﺎﺯﯨﺮ ﻫﯧﻠﯩﻘﻰ 3000 ﻣﯩﯖﺪﯨﻦ ﺋﺎﺭﺗﯘﻕ ﺷﯩﺮﻛﻪﺗﺘﯩﻨﻤﻪﯞﺟﯘﺕ ﻗﺎﻻﻟﯩﻐﺎﻧﻠﯩﺮﯨﻨﯩﯔ ﺳﺎﻧﻰ 100 ﮔﯩﻤﯘ ﺑﺎﺭﻣﺎﺳﻠﯩﻘﻰ ﻣﯘﻣﻜﯩﻦ. ﻗﺎﻟﻐﺎﻧﻠﯩﺮﻯ ﻳﻮﻗﺎﭖ ﻛﻪﺗﺘﻰ. ﺑﯩﺰﻧﯩﯔ "Wave Splitter" ﺩﯦﮕﻪﻥ ﺷﯩﺮﻛﻪﺗﻤﯘ 4 ﻳﯩﻠﻨﯩﯔ ﺋﯩﭽﯩﺪﻩ 120 ﻣﯩﻠﻴﻮﻥ ﺩﻭﻟﻼﺭ ﺋﻪﺗﺮﺍﭘﯩﺪﯨﻜﻰ ﻣﻪﺑﻠﻪﻍ ﭘﯘﻟﯩﻨﻰ ﺗﯜﮔﯩﺘﯩﭗ، ﺋﺎﻣﯧﺮﯨﻜﯩﺪﯨﻜﻰ ﺋﯩﻨﺠﯩﻨﯧﺮﻟﯩﻖ ﺋﯩﮕﯩﻠﯩﻜﯩﻨﻰ ﺗﻮﺧﺘﯩﺘﯩﺸﻘﺎ ﻣﻪﺟﺒﯘﺭ ﺑﻮﻟﺪﻯ. ﻣﻪﻥ 2003-ﻳﯩﻠﻰ ﺋﺎﯕﻠﯩﻐﺎﻥ ﺑﯩﺮ ﺩﻭﻛﻼﺗﺘﯩﻦ ﺋﯧﺴﯩﻤﺪﻩ ﻗﯧﻠﯩﺸﯩﭽﻪ، ﻛﺎﻟﯩﻔﻮﺭﻧﯩﻴﻪﺩﻩ 2001-ﻳﯩﻠﯩﺪﯨﻦ 2003-ﻳﯩﻠﯩﻐﯩﭽﻪ ﺑﻮﻟﻐﺎﻥ 2 ﻳﯩﻞ ﺋﯩﭽﯩﺪﻩ، «dot-com» ﺷﯩﺮﻛﯩﺘﻰ ﺑﯩﻠﻪﻥ ﻧﯘﺭ ﺗﺎﻻ ﺧﻪﯞﻩﺭﻟﯩﺸﯩﺶ ﺷﯩﺮﻛﻪﺗﻠﯩﺮﯨﻨﯩﯔ ﯞﻩﻳﺮﺍﻥ ﺑﻮﻟﯘﺷﻰ ﺑﯩﻠﻪﻥ ﻳﻮﻗﺎﭖ ﻛﻪﺗﻜﻪﻥ ﺋﯩﻘﺘﯩﺴﺎﺩﯨﻲ ﻗﯩﻤﻤﻪﺕ 2.3 ﺗﯩﺮﻟﯩﻴﯘﻥ ﺩﻭﻟﻼﺭﺩﯨﻦ ﺋﺎﺷﯩﺪﯨﻜﻪﻥ. ﺋﺎﻣﯧﺮﯨﻜﺎ ﻣﯘﺷﯘﻧﺪﺍﻕ ﺯﯨﻴﺎﻧﻼﺭﻏﯩﻤﯘ ﺋﯘﻧﭽﯩﯟﺍﻻ ﺩﺍﺕ-ﭘﻪﺭﻳﺎﺕ ﺩﻩﭖ ﻛﻪﺗﻤﯩﺪﻯ. ﻳﯧﯖﻰ ﺗﯧﺨﻨﯩﻜﯩﻼﺭﻧﯩﯔ ﺑﺎﺯﺍﺭ ﺋﯩﮕﯩﻠﯩﻜﯩﺴﯩﺴﺘﯧﻤﯩﺴﯩﻐﺎ ﭼﻮﯕﻘﯘﺭ ﺳﯩﯖﯩﭗ ﻛﻪﺗﻜﻪﻥ ﻗﺎﺗﺘﯩﻖ ﺭﯨﻘﺎﺑﻪﺕ ﻣﯧﺨﺎﻧﯩﺰﯨﻤﻰ ﺋﯩﭽﯩﺪﻩ ﺗﻪﺭﻩﻗﻘﯩﻲ ﻗﯩﻠﯩﭗ ﻣﯧﯖﯩﺸﯩﻐﺎ ﻗﻮﻳﯘﭖ ﺑﯧﺮﯨﯟﺍﺗﯩﺪﯗ. ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﺑﯘﻳﺎﻥ ﻳﯘﻗﯩﺮﻯ ﺗﯧﺨﻨﯩﻜﯩﻨﯩﯖﻤﯘﻫﯩﻢ ﻧﯘﻗﺘﯩﺴﻰ ﺑﯩﺌﻮﻟﻮﮔﯩﻴﻪ ﺗﯧﺨﻨﯩﻜﯩﺴﯩﻐﺎ ﻳﯚﺗﻜﻪﻟﺪﻯ.

 ﻗﯩﺴﻘﯩﺴﻰ، ﻣﯧﻨﯩﯖﭽﻪ ﻫﺎﺯﯨﺮﭼﻪ ﻛﯚﭘﻠﯩﮕﻪﻥ ﺋﯘﻳﻐﯘﺭ ﺗﯩﻠﯩﺪﯨﻜﻰ ﺗﻮﺭ ﺑﯧﻜﻪﺗﻠﯩﺮﯨﻨﯩﯔ ﻣﻪﻳﺪﺍﻧﻐﺎ ﭼﯩﻘﯩﺸﻰ ﻫﻪﺭﮔﯩﺰ ﺯﯨﻴﺎﻧﻠﯩﻖ ﺋﯩﺶ ﺋﻪﻣﻪﺱ. ﺋﯘﻳﻐﯘﺭ ﺗﻮﺭ ﺑﯧﻜﻪﺗﭽﯩﻠﯩﻜﯩﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﻳﻮﻟﯩﺪﺍ ﻫﺎﺭﻣﺎﻱ-ﺗﺎﻟﻤﺎﻱ ﺧﺎﻟﯩﺴﺨﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﻫﻪﻣﻤﻪ ﺋﻮﺕ ﻳﯜﺭﻩﻙ ﻳﺎﺷﻠﯩﺮﯨﻤﯩﺰ ﺑﯩﺰﻧﯩﯔ ﻫﻪﻗﯩﻘﯩﻲ ﻣﯩﻠﻠﻪﺕ ﺳﯚﻳﻪﺭ ﺋﻪﺯﯨﻤﻪﺗﻠﯩﺮﯨﻤﯩﺰ ﺑﻮﻟﯘﭖ، ﺋﯘﻻﺭ ﻫﻪﻣﻤﯩﻤﯩﺰﻧﯩﯔ ﭼﻮﯕﻘﯘﺭ ﻫﯚﺭﻣﯩﺘﯩﮕﻪ، ﻗﻪﺩﯨﺮﻟﯩﺸﯩﮕﻪ ﯞﻩ ﻣﻪﺩﻫﯩﻴﯩﺴﯩﮕﻪ ﺳﺎﺯﺍﯞﻩﺭﺩﯗﺭ.

2. ﻫﺎﺯﯨﺮ ﺋﯘﻳﻐﯘﺭ ﺗﻮﺭ ﺑﯧﻜﻪﺗﻠﯩﺮﯨﺪﻩ ﺋﯩﺸﻠﯩﺘﯩﻠﯩﯟﺍﺗﻘﺎﻥ ﺋﯘﻳﻐﯘﺭ ﻻﺗﯩﻦ ﻳﯧﺰﯨﻘﻰ (ULY) ﻧﯩﯔ ﺗﯜﺭﻟﯩﺮﻯ ﺋﯩﻨﺘﺎﻳﯩﻦ ﻛﯚﭖ. ﺋﯘﻧﯩﯔ ﺷﯩﻨﺠﺎﯓ، ﺋﺎﻣﯧﺮﯨﻜﺎ، ﻳﺎﯞﺭﻭﭘﺎ، ﺗﯜﺭﻛﯩﻴﻪ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﮔﻪ ﻗﺎﺭﺍﭘﺌﻮﺧﺸﯩﻤﯩﻐﺎﻥ ﺷﻪﻛﻠﻰ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﻫﻪﺭ ﺑﯩﺮ ﺩﯙﻟﻪﺗﺘﯩﻤﯘ ﻳﻪﻧﻪ ﺑﯩﺮ ﻗﺎﻧﭽﻪ ﻛﯩﭽﯩﻚ ﺗﯩﭙﺘﯩﻜﻰ ﺋﻮﺧﺸﯩﻤﯩﻐﺎﻥ ﺗﯜﺭﻟﯩﺮﻯ ﻣﻪﯞﺟﯘﺕ ﺑﻮﻟﯘﭖ ﺗﯘﺭﻣﺎﻗﺘﺎ. ﺋﻪﮔﻪﺭ ﻫﺎﺯﯨﺮ ﺋﯘﻳﻐﯘﺭ ﺋﻪﻣﻪﺱ، ﺋﻪﻣﻤﺎ ﺋﯘﻳﻐﯘﺭﭼﯩﻨﻰ ﺑﯩﻠﯩﺪﯨﻐﺎﻥ ﺑﯩﺮ ﺋﺎﺩﻩﻡ ﭘﯜﺗﯜﻥ ﺋﯘﻳﻐﯘﺭ ﺗﻮﺭ ﺑﯧﻜﻪﺗﻠﯩﺮﻯ ﯞﻩ ﺋﯩﻨﺘﯧﺮﻧﯧﺖ ﻣﯘﻧﺒﻪﺭﻟﯩﺮﻯ ﺋﯜﺳﺘﯩﺪﻩ ﺗﻪﻛﺸﯜﺭﯛﺵ ﻗﯩﻠﯩﺪﯨﻐﺎﻥ ﺑﻮﻟﺴﺎ، ﺋﯘﻳﻐﯘﺭﻧﻰ «ﺳﺎﯞﺍﺩﻯ ﻳﺎﺧﺸﻰ ﭼﯩﻘﻤﯩﻐﺎﻥ، ﺗﺎﻳﯩﻨﻰ ﻳﻮﻕ، ﺋﯩﻨﺘﺎﻳﯩﻦ ﭼﯧﭽﯩﻼﯕﻐﯘ ﺑﯩﺮ ﻣﯩﻠﻠﻪﺕ ﺋﯩﻜﻪﻥ»، ﺩﯦﮕﻪﻥ ﺧﯘﻻﺳﯩﮕﻪ ﻛﯧﻠﯩﺸﻰ ﻣﯘﻣﻜﯩﻦ. ﺑﯘ ﺑﯩﺮ ﺋﯩﻨﺘﺎﻳﯩﻦ ﺋﯧﭽﯩﻨﯩﺸﻠﯩﻖ ﺋﻪﻫﯟﺍﻝ ﺑﻮﻟﯘﭖ، ﺋﯘ ﻫﻪﺭ ﺑﯩﺮ ﺋﯘﻳﻐﯘﺭﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﺸﯩﻜﯧﺮﻩﻙ. ﺋﯘﻳﻐﯘﺭ ﺗﻮﺭ ﺑﯧﻜﯩﺘﯩﻨﯩﯔ ﻛﯚﭘﯩﻨﭽﯩﺴﻰ ﺋﯘﻳﻐﯘﺭ ﺧﻪﻟﻘﯩﮕﻪ ﺧﯩﺰﻣﻪﺕ ﻗﯩﻠﯩﺶ ﺋﯜﭼﯜﻥ ﻗﯘﺭﯗﻟﻐﺎﻥ. ﺷﯘﻧﺪﺍﻕ ﺑﻮﻟﻐﺎﻥ ﺋﯩﻜﻪﻥ، ﺋﯘﻻﺭ ﻛﯚﭖ ﺳﺎﻧﻠﯩﻖ ﺋﯘﻳﻐﯘﺭﻻﺭﻧﯩﯔ ﻣﻪﻧﭙﻪﺋﯩﺘﯩﻨﻰ ﻛﯚﺯﺩﻩ ﺗﯘﺗﯘﭖ، ﻳﯧﺰﯨﻖ ﺟﻪﻫﻪﺗﺘﯩﻜﻰ ﺑﯩﺮﻟﯩﻜﻨﻰ ﻗﻮﻏﺪﯨﺸﻰ ﻛﯧﺮﻩﻙ. ﻣﻪﻥ ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﭗ ﺋﯚﺗﯜﭖ ﻛﻪﺗﻜﻪﻧﺪﻩﻙ، ﻳﯘﺭﺗﯩﻤﯩﺰﺩﯨﻜﻰ ﺑﯩﺮ ﻗﯩﺴﯩﻢ ﺗﯩﻞ ﻣﯘﺗﻪﺧﻪﺳﯩﺴﻠﯩﺮﻯ ﯞﻩ ﺋﻮﺕ ﻳﯜﺭﻩﻙ ﻳﺎﺷﻼﺭ 4-5 ﻳﯩﻠﺌﯩﻠﻤﯩﻲ ﻣﯘﻧﺎﺯﯨﺮﻩ، ﻣﯘﺯﺍﻛﯩﺮﻩ ﻳﯜﺭﮔﯜﺯﯛﺵ ﯞﻩ ﺋﯩﺰﺩﯨﻨﯩﺶ ﺋﺎﺭﻗﯩﻠﯩﻖ، ﻻﺗﯩﻨﭽﻪ ﺋﯘﻳﻐﯘﺭ ﻳﯧﺰﯨﻘﯩﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺵ ﻣﻪﻗﺴﯩﺘﯩﺪﻩ  (ULY) ﻧﻰ ﺑﺎﺭﻟﯩﻘﻘﺎ ﻛﻪﻟﺘﯜﺭﯛﭘﺘﯘ. ﻫﻪﻣﺪﻩ ﻳﯘﺭﺗﯩﻤﯩﺰﺩﯨﻜﻰ ﺑﯩﺮ ﻗﯩﺴﯩﻢ ﺗﻮﺭ ﺑﯧﻜﻪﺗﻠﯩﺮﻯ ﻣﯘﺷﯘ ﻳﯧﺰﯨﻘﻨﻰ ﻗﻮﻟﻠﯩﻨﯩﯟﯦﺘﯩﭙﺘﯘ. ﺑﯘ ﺗﻮﻏﺮﯨﺴﯩﺪﯨﻜﻰ ﺗﻪﭘﺴﯩﻠﯩﻤﻪﻟﯘﻣﺎﺗﻨﻰ

 http://www.ukij.org/uly/modules.php?name=Content&pa=showpage&pid=4  ﻳﺎﻛﻰ http://www.biliwal.com/modules.php?name=Forums&file=viewtopic&t=141

 ﺗﻮﺭ ﺑﯧﻜﻪﺗﻠﯩﺮﯨﺪﯨﻦ ﻛﯚﺭﯛﯞﯦﻠﯩﺶ ﻣﯘﻣﻜﯩﻦ. ﻣﻪﻥ ﺑﯘ ULY ﺗﻮﻏﺮﯨﺴﯩﺪﺍﻛﻪﻡ ﺩﯦﮕﻪﻧﺪﻩ ﻣﯘﻧﺪﺍﻕ 2 ﺋﺎﻻﻫﯩﺪﯨﻠﯩﻚ ﺑﺎﺭﻟﯩﻘﯩﻨﻰ ﻫﯧﺲ ﻗﯩﻠﺪﯨﻢ:

 1) ﺋﯘﻧﻰ ﺋﯩﻨﮕﻠﯩﺰ ﺗﯩﻠﯩﺪﺍ ﺳﯚﺯﻟﯩﺸﻪﻟﻪﻳﺪﯨﻐﺎﻥ ﻫﻪﻣﻤﻪﻣﯩﻠﻠﻪﺗﻠﻪﺭ ﺷﯘ ﭘﯧﺘﯩﭽﻪ ﺋﻮﻗﯘﻳﺎﻻﻳﺪﯨﻜﻪﻥ (ﻣﻪﺳﯩﻠﻪﻥ، «Qimengl» ﺑﯩﻠﻪﻥ «Cimengl» ﻧﻰ ﺋﯩﻨﮕﻠﯩﺰ ﺗﯩﻠﯩﺪﯨﻜﯩﻠﻪﺭ ﺗﻮﻏﺮﺍ ﺋﻮﻗﯘﻳﺎﻟﻤﺎﻳﺪﯗ، ﺋﻪﻣﻤﺎ «Chimengl» ﻧﻰ ﺋﻮﻗﯘﻳﺎﻻﻳﺪﯗ)، ﻫﻪﻣﺪﻩ ﺗﯧﺰ ﻳﯧﺰﯨﺸﻘﺎ ﺗﻮﻏﺮﺍ ﻛﻪﻟﮕﻪﻧﺪﻩ، ﭼﻪﺕ ﺋﻪﻟﺪﯨﻜﯩﺌﯚﻟﭽﻪﻣﻠﯩﻚ ﻛﻮﻣﭙﻴﯘﺗﯧﺮﻧﯩﯔ ﻫﻪﻣﻤﯩﺴﯩﺪﻩ ﭼﯧﻜﯩﺘﺴﯩﺰ ﻫﻪﺭﭘﻠﻪﺭ ﺑﯩﻠﻪﻥ ﺗﯧﺰ ﺳﯜﺭﺋﻪﺗﺘﻪ ﻳﺎﺯﻏﯩﻠﯩﺒﻮﻟﯩﺪﯨﻜﻪﻥ.

 2) ﺑﯩﺮ ﻗﯩﺴﯩﻢ ﺋﻮﺕ ﻳﯜﺭﻩﻙ ﺋﯘﻳﻐﯘﺭ ﻳﺎﺷﻠﯩﺮﻯ ﺧﺎﻟﯩﺴﺌﯩﺸﻠﻪﺵ ﺋﺎﺭﻗﯩﻠﯩﻖ، ﺑﯩﺮ ﺧﯩﻠﺪﯨﻜﻰ ﻳﯘﻣﺸﺎﻕ ﺩﯦﺘﺎﻟﻨﻰ ﺋﯩﺸﻠﻪﭖ ﭼﯩﻘﻘﺎﻥ ﺑﻮﻟﯘﭖ، ﺷﯘﻧﻰ ﺋﯩﺸﻠﯩﺘﯩﺶ ﺋﺎﺭﻗﯩﻠﯩﻖ ﺑﯩﺮ ULY ﯞﻩ UEY ﺩﯨﻜﻰ ﻫﯚﺟﺠﻪﺗﻠﻪﺭﻧﻰ ﺋﯚﺯ ﺋﺎﺭﺍ ﺋﺎﻳﻼﻧﺪﯗﺭﻏﯩﻠﻰ ﺑﻮﻟﯩﺪﯨﻜﻪﻥ (ﻣﻪﻥ ﺑﯘﻳﺎﺷﻼﺭﻏﺎ ﻫﻪﻣﺪﻩ ﺋﯚﺯﯨﻨﯩﯔ ﭘﯘﻟﻰ، ﯞﺍﻗﺘﻰ ﯞﻩ ﻛﯜﭼﻰ ﺑﯩﻠﻪﻥ ﻫﻪﺭ ﺧﯩﻞ ﺋﯩﻨﺘﯧﺮﻧﯧﺖ ﺗﻮﺭﺑﯧﻜﻪﺗﻠﯩﺮﯨﻨﻰ ﻳﺎﺳﺎﯞﺍﺗﻘﺎﻥ ﻫﻪﻣﺪﻩ ﺋﯘﻻﺭﻧﻰ ﺑﺎﺷﻘﯘﺭﯗﯞﺍﺗﻘﺎﻥ ﻳﯘﺭﺗﺪﺍﺷﻼﺭﻏﺎ ﭼﯩﻦ ﻛﯚﯕﻠﯜﻣﺪﯨﻦ ﻣﯩﻨﻨﻪﺗﺪﺍﺭﻟﯩﻘﯩﻤﻨﻰ ﺑﯩﻠﺪﯛﺭﯨﻤﻪﻥ. ﻫﻪﻗﯩﻘﯩﻲ ﻣﯩﻠﻠﻪﺗﭙﻪﺭﯞﻩﺭﻟﯩﻚ ﺩﯦﮕﻪﻥ ﻣﺎﻧﺎ ﻣﯘﺷﯘﻧﺪﺍﻕ ﺑﻮﻟﯘﺷﻰ ﻛﯧﺮﻩﻙ).

 ﺋﻪﻣﺪﻯ ﺑﯘ ﻳﯧﺰﯨﻖ ﺗﻮﻏﺮﯨﺴﯩﺪﺍ ﺋﺎﻣﯧﺮﯨﻜﺎ، ﻳﺎﯞﺭﻭﭘﺎ، ﺗﯜﺭﻛﯩﻴﻪ، ﺋﻮﺗﺘﯘﺭﺍ ﺋﺎﺳﯩﻴﺎ ﻗﺎﺗﺎﺭﻟﯩﻖ ﺟﺎﻳﻼﺭ ﺋﯚﺯ ﺋﺎﻟﺪﯨﻐﺎ ﺋﺎﻳﺮﯨﻢ-ﺋﺎﻳﺮﯨﻢ ﻣﯘﻧﺎﺯﯨﺮﻩ ﯞﻩ ﻣﯘﺯﺍﻛﯩﺮﻩ ﻗﯩﻠﯩﭗ، ﺋﯚﺯ ﺋﺎﻟﺪﯨﻐﺎ ﺑﯩﺮﺩﯨﻦ ULY ﻧﻰ ﺗﯜﺯﯛﭖ ﭼﯩﻘﯩﺸﯩﻨﯩﯔ ﻫﯧﭻ ﻗﺎﻧﺪﺍﻕ ﻫﺎﺟﯩﺘﻰ ﻳﻮﻕ. ﺋﯘﻧﺪﺍﻕ ﻗﯩﻠﯩﺶ ﺑﯩﺮ ﺋﯘﭼﯩﻐﺎ ﭼﯩﻘﻘﺎﻥ ﻧﺎﺩﺍﻧﻠﯩﻖ، ﺋﯘﻳﻐﯘﺭ ﻣﯩﻠﻠﯩﺘﯩﻨﻰ ﺩﯗﻧﻴﺎﻏﺎ ﺑﯩﺮ ﺗﺎﻳﯩﻨﻰ ﺑﺎﺭ ﻣﯩﻠﻠﻪﺕ ﺳﯜﭘﯩﺘﯩﺪﻩ ﺗﻮﻧﯘﺗﯘﺷﻘﺎ ﺋﯩﻨﺘﺎﻳﯩﻦ ﺯﯨﻴﺎﻧﻠﯩﻖ. ﺷﯘﯕﺎ ﻣﻪﻥ ﭼﻪﺕ ﺋﻪﻟﺪﻩ ﺋﻮﻗﯘﻏﺎﻥ، ﺋﯘﻳﻐﯘﺭ ﺗﯩﻠﺸﯘﻧﺎﺳﻠﯩﻘﯩﺪﺍ ﺑﯩﻠﯩﻤﻰ ﺑﺎﺭ، ﺋﻪﻣﻤﺎ ﻳﯘﺭﺗﯩﻤﯩﺰﺩﺍ ULY ﺗﻮﻏﺮﯨﺴﯩﺪﺍ ﻗﺎﺭﺍﺭ ﺋﯧﻠﯩﺶ ﺟﻪﺭﻳﺎﻧﯩﻐﺎ ﻗﺎﺗﻨﯩﺸﺎﻟﻤﯩﻐﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﻠﯩﺮﯨﻨﯩﯔ ﻫﺎﺯﯨﺮﭼﻪ ULY ﻗﺎﺭﺍﺭﯨﻐﺎ ﺑﻮﻱ ﺳﯘﻧﯘﺷﯩﻨﻰ، ﺋﯚﺯ ﺋﺎﻟﺪﯨﻐﺎ ﺋﺎﻳﺮﯨﻢ ULY ﺗﯜﺯﯛﭖ ﭼﯩﻘﯩﭗ ﺋﯩﺸﻠﻪﺗﻤﻪﺳﻠﯩﻜﯩﻨﻰ ﺗﻪﯞﺳﯩﻴﻪ ﻗﯩﻠﯩﻤﻪﻥ. ﺋﯘﻧﺪﺍﻕ ﻗﯩﻠﻤﺎﻳﺪﯨﻜﻪﻧﻤﯩﺰ ﺑﯩﺰ ﺋﯘﻳﻐﯘﺭﺋﯩﺸﻠﯩﺮﯨﻨﻰ ﺋﯩﻠﮕﯩﺮﻯ ﺳﯜﺭﮔﯜﭼﻰ ﺋﻪﻣﻪﺱ، ﺋﯘﻧﻰ ﺑﯘﺯﻏﯘﭼﻰ ﺑﻮﻟﯘﭖ ﻗﺎﻟﯩﻤﯩﺰ. ﺑﯩﺰ ﺑﺎﺵ ﻗﺎﺗﯘﺭﻣﯩﺴﺎﻕ ﺑﻮﻟﻤﺎﻳﺪﯨﻐﺎﻥ، ﻛﯚﯕﯜﻝ ﺑﯚﻟﻤﯩﺴﻪﻙ ﺑﻮﻟﻤﺎﻳﺪﯨﻐﺎﻥ، ﺋﯩﺰﺩﻩﻧﻤﯩﺴﻪﻙ ﺑﻮﻟﻤﺎﻳﺪﯨﻐﺎﻥ ﻧﯘﺭﻏﯘﻥ ﻣﯘﻫﯩﻢ ﯞﻩ ﺟﯩﺪﺩﯨﻲ ﺋﯩﺸﻼﺭ ﺑﺎﺭ. ﺋﯘﻳﻐﯘﺭ ﺑﯩﻠﯩﻢ ﺋﯩﮕﯩﻠﯩﺮﯨﻨﯩﯔ ﺋﯚﺯ ﺑﯩﻠﯩﻤﯩﻨﻰ ﺋﯩﺸﻠﯩﺘﻪﻟﻪﻳﺪﯨﻐﺎﻥ ﯞﻩﺋﯩﺸﻠﯩﺘﯩﺸﻜﻪ ﺗﯧﮕﯩﺸﻠﯩﻚ ﺋﯩﺸﻼﺭ ﯞﻩ ﺳﻮﺭﯗﻧﻼﺭ ﺋﯩﻨﺘﺎﻳﯩﻦ ﻛﯚﭖ. ﺋﻪﻣﻤﺎ، ﻣﯧﻨﯩﯖﭽﻪ ﻳﯧﯖﻰ ﺑﯩﺮ ULY ﻧﯩﺌﻮﺗﺘﯘﺭﯨﻐﺎ ﭼﯩﻘﯩﺮﯨﺶ ﺋﯘﻧﯩﯔ ﺑﯩﺮﻯ ﺑﻮﻟﻤﺎﺳﻠﯩﻘﻰ ﻛﯧﺮﻩﻙ. ﺑﯩﺮ ﻗﯧﺘﯩﻢ ﻗﺎﺭﺍﺭ ﻗﯩﻠﯩﻨﯩﭗ ﺑﻮﻟﻐﺎﻥ ﺋﯩﺸﻨﻰ ﻳﻪﻧﻪ ﻗﺎﻳﺘﺎ ﻣﯘﺯﺍﻛﯩﺮﻩ ﯞﻩ ﻗﺎﺭﺍﺭ ﻗﯩﻠﯩﺸﻨﯩﯔ ﺯﯙﺭﯛﺭﯨﻴﯩﺘﻰ ﻳﻮﻕ. ﺑﯩﺮ ﺋﯩﺶ ﺗﻮﻏﺮﯨﺴﯩﺪﺍ ﺋﺎﺧﯩﺮﻯ ﺋﯜﺯﯛﻟﻤﻪﻳﺪﯨﻐﺎﻥ ﻣﯘﻧﺎﺯﯨﺮﻩ ﯞﻩ ﻣﯘﺯﺍﻛﯩﺮﻩ ﻗﯩﻠﯩﺶ ﺑﯩﺰ ﺋﯘﻳﻐﯘﺭﻻﺭ ﺋﯜﭼﯜﻥ ﺋﯩﻨﺘﺎﻳﯩﻦ ﭘﺎﻳﺪﯨﺴﯩﺰ. ﺷﯘﯕﺎ ﻣﻪﻥ ﻫﻪﻣﻤﻪ ﺋﺎﺩﻩﻣﻨﯩﯔ ﺋﯘﻳﻐﯘﺭﻧﯩﯔ ﺗﯜﭖ ﻣﻪﻧﭙﻪﺋﯩﺘﯩﻨﻰ ﻛﯚﺯﺩﻩ ﺗﯘﺗﯘﭖ، ﻳﯧﯖﯩﻴﯧﺰﯨﻘﺘﺎ ﺗﯜﺯﯛﻟﮕﻪﻥ ﺗﻮﺭ ﺑﯧﻜﻪﺗﻠﯩﺮﯨﺪﻩ ﺑﯩﺮ ﺗﯘﺗﺎﺵ ULY ﻧﻰ ﺋﯩﺸﻠﯩﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﯩﻤﻪﻥ.

ﻣﻪﻥ ﺑﺎﺷﻼﻧﻐﯘﭺ 1-ﺳﯩﻨﯩﭙﺘﯩﻦ ﺗﺎﺭﺗﯩﭗ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﯩﭽﻪ ﺋﯘﻳﻐﯘﺭ ﻳﯧﯖﻰ ﻳﯧﺰﯨﻘﯩﺪﺍ ﺋﻮﻗﯘﻏﺎﻥ. ﻟﯧﻜﯩﻦ، ﺑﺎﺷﻼﻧﻐﯘﭼﺘﯩﻼ UEY ﺑﯩﻠﻪﻥ ﺋﯘﻳﻐﯘﺭ ﺳﯩﻼﯞﻳﺎﻥ ﻳﯧﺰﯨﻘﯩﻨﻰ ﺋﯚﮔﯩﻨﯩﯟﺍﻟﻐﺎﻥ ﺑﻮﻟﯘﭖ، ﺷﯘﻧﯩﯖﺪﯨﻦ ﻛﯧﻴﯩﻦ ﺋﯚﺯﯛﻣﻨﯩﯔ ﺗﯘﺭﻣﯘﺷﻰ ﺑﯩﻠﻪﻥ ﺋﻮﻗﯘﺷﯩﺪﺍ UEY ﻧﯩﻤﯘ ﺋﯩﺰﭼﯩﻞ ﺗﯜﺭﺩﻩ ﻗﻮﺷﯘﻣﭽﻪ ﻗﯩﻠﯩﭗ ﻗﻮﻟﻠﯩﻨﯩﭙﻜﻪﻟﺪﯨﻢ. ﺋﻪﻳﻨﻰ ﯞﺍﻗﯩﺘﺘﺎ ﺋﯘﻳﻐﯘﺭﻻﺭ ﺋﯩﭽﯩﺪﻩ ﻣﯘﺷﯘﻧﺪﺍﻕ ﻗﯩﻠﻐﺎﻧﻼﺭ ﺋﯩﻨﺘﺎﻳﯩﻦ ﻛﯚﭖ ﺋﯩﺪﻯ. ﻣﻪﻥ http://www.meripet.com  ﺗﻮﺭﺑﯧﺘﯩﻨﻰ ﺩﻩﺳﻠﻪﭘﺘﻪ ﻳﺎﺳﯩﻐﺎﻧﺪﺍ، ﺑﯩﺮﻟﯩﻜﻜﻪ ﻛﻪﻟﮕﻪﻥULY ﺩﯨﻦ ﺗﻮﻟﯘﻕ ﺧﻪﯞﯨﺮﯨﻢ ﺑﻮﻟﻤﯩﻐﺎﭼﻘﺎ، ﺑﯩﺰ ﺑﯘﺭﯗﻧﺌﻮﻗﯘﻏﺎﻥ ULY ﻧﻰ ﻗﻮﻟﻼﻧﻐﺎﻧﯩﺪﯨﻢ. ﻳﯧﻘﯩﻨﺪﯨﻦ ﺑﯘﻳﺎﻥ ﺑﯩﺮﻟﯩﻜﻜﻪ ﻛﻪﻟﮕﻪﻥ ULY ﻧﻰ ﺋﯩﺸﻠﯩﺘﯩﺸﻜﻪ ﺑﺎﺷﻠﯩﺪﯨﻢ. ﻫﺎﺯﯨﺮ Biliwal.com ﺋﯜﭼﯜﻥ ﺑﯧﺮﯨﯟﺍﺗﻘﺎﻥ ﺳﯚﻫﺒﻪﺗﻨﯩﯔ ﺟﺎﯞﺍﺑﻠﯩﺮﯨﻨﯩﺘﯜﮔﻪﺗﻜﻪﻧﺪﯨﻦ ﻛﯧﻴﯩﻦ، ﭼﻮﻗﯘﻡ ﯞﺍﻗﯩﺖ ﭼﯩﻘﯩﺮﯨﭗ،  http://www.meripet.com  ﻧﯩﯔ ﻳﯧﺰﯨﻘﯩﻨﻰ ﭘﯜﺗﯜﻧﻠﻪﻱ ﺑﯩﺮﻟﯩﻜﻜﻪ ﻛﻪﻟﮕﻪﻥ ULY ﮔﻪ ﺋﯚﺯﮔﻪﺭﺗﯩﺶ ﭘﯩﻼﻧﯩﻢ ﺑﺎﺭ. ﻣﯩﻠﻠﻪﺕ ﺋﯜﭼﯜﻥ ﻳﺎﺧﺸﻰ ﺋﯩﺶ ﻗﯩﻠﯩﭗ ﺑﯧﺮﯨﺸﻨﻰ ﺋﯩﺴﺘﻪﻳﺪﯨﻐﺎﻥ ﻫﻪﺭ ﺑﯩﺮ ﺋﺎﺩﻩﻡ ﺋﯜﭼﯜﻥ، ﻫﻪﻣﺪﻩ ﻛﻪﻟﮕﯜﺳﯩﺪﻩ ﭼﻮﯕﺮﺍﻕ ﺋﯩﺸﻼﺭﻧﻰ ﻗﯩﻠﯩﺸﻨﻰ ﻧﯩﺸﺎﻧﻠﯩﻐﺎﻥ ﻫﻪﺭ ﺑﯩﺮ ﻳﺎﺵ ﺋﯜﭼﯜﻥ ﺑﯩﺮﻟﯩﻜﻜﻪ ﻛﻪﻟﮕﻪﻥ ULY ﺩﻩﻙ 32 ﻫﻪﺭﭘﻠﯩﻚ ﻳﯧﺰﯨﻘﻨﻰ ﺋﯚﮔﯩﻨﯩﯟﯦﻠﯩﺶ ﻫﯧﭽﻘﺎﻧﭽﻪ ﺋﯩﺶ ﺋﻪﻣﻪﺱ. ﺋﯘ ﺑﯩﺮ ﻛﯩﺸﯩﻨﯩﯔ ﻗﻮﻟﻐﺎ ﻛﻪﻟﺘﯜﺭﮔﻪﻧﭽﻮﯓ ﻧﻪﺗﯩﺠﯩﺴﻰ ﺑﻮﻟﯘﭘﻤﯘ ﻫﯧﺴﺎﺑﻼﻧﻤﺎﻳﺪﯗ. ﺑﻪﻟﻜﻰ، ﻫﺎﺯﯨﺮﻗﻰ ﺯﺍﻣﺎﻧﺪﺍ ﺋﯘﻳﻐﯘﺭ ﺗﯩﻠﻰ، UEY ﯞﻩ ULY ﻧﻰ ﭘﯘﺧﺘﺎ ﺑﯩﻠﯩﺶ، ﻫﻪﻣﺪﻩ ﺋﯘﻻﺭﻧﻰ ﺗﻮﻏﺮﺍ ﺋﯩﺸﻠﯩﺘﯩﺶ، ﺋﯚﺯﯨﻨﻰ ﻣﯩﻠﻠﻪﺗﭙﻪﺭﯞﻩﺭ ﻫﯧﺴﺎﺑﻼﻳﺪﯨﻐﺎﻥ ﻫﻪﺭ ﺑﯩﺮ ﺋﯘﻳﻐﯘﺭﻧﯩﯔ ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﻣﻪﺟﺒﯘﺭﯨﻴﯩﺘﯩﺪﯗﺭ.

3) ﻣﻪﻥ ﺋﺎﻟﺪﯨﻨﻘﻰ 14-ﺳﻮﺋﺎﻟﻨﯩﯔ ﺟﺎﯞﺍﺑﯩﺪﺍ، ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﻛﻪﻟﮕﯜﺳﯩﺪﯨﻜﻰ «ﻳﺎﺷﺎﺵ ﻳﻮﻟﻰ» ﻧﯩﯔ ﺑﯩﺮ ﻣﯘﻫﯩﻢ ﺗﻪﺭﻛﯩﺒﯩﻲ ﻗﯩﺴﻤﻰ ﺋﯘﻳﻐﯘﺭﺗﯩﻠﻰ، ﺧﻪﻧﺰﯗ ﺗﯩﻠﻰ ﯞﻩ ﺋﯩﻨﮕﻠﯩﺰ ﺗﯩﻠﯩﻨﻰ ﭘﯘﺧﺘﺎ ﺑﯩﻠﯩﺶ ﺋﯩﻜﻪﻧﻠﯩﻜﯩﻨﻰ ﻫﻪﻣﺪﻩ ﺑﯘ ﺗﯩﻠﻼﺭﻧﻰ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﯩﭽﻪ ﺋﯚﮔﯩﻨﯩﭗ ﺑﻮﻟﯘﺷﯩﻨﯩﯔ ﻛﯧﺮﻩﻛﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﯩﺪﯨﻢ. ﺑﯘ «ﻳﺎﺷﺎﺵ ﻳﻮﻟﻰ» ﻧﯩﯔ ﻳﻪﻧﻪ ﺑﯩﺮ ﺋﯩﻨﺘﺎﻳﯩﻦ ﻣﯘﻫﯩﻢ ﺗﻪﺭﻛﯩﺒﯩﻲ ﻗﯩﺴﻤﻰ ﺑﺎﺭ. ﺋﯘ ﺑﻮﻟﺴﯩﻤﯘ، ﻛﻮﻣﭙﻴﯘﺗﯧﺮﻧﻰ ﺑﯩﻠﯩﺸﺘﯩﻦ ﺋﯩﺒﺎﺭﻩﺕ. ﻣﻪﻥ ﺑﯘ ﻧﯘﻗﺘﯩﻨﻰ ﻗﺎﻧﭽﯩﻠﯩﻚ ﺗﻪﻛﯩﺘﻠﯩﺴﻪﻣﻤﯘ ﺋﺎﺯﻟﯩﻖ ﻗﯩﻠﯩﺪﯗ. ﻫﺎﺯﯨﺮ ﺋﺎﻣﯧﺮﯨﻜﺎ ﯞﻩ ﺑﺎﺷﻘﺎ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺋﻪﻟﻠﻪﺭﺩﻩ ﻛﻮﻣﭙﻴﯘﺗﯧﺮ ﺑﯩﻠﻤﻪﻱ ﺗﯘﺭﯗﭖ، ﻳﻪﺭ ﯞﻩ ﺑﯩﻨﺎ ﺗﺎﺯﯨﻼﺵ، ﻗﯘﺭﯗﻟﯘﺷﺘﺎ ﺋﯩﺸﻠﻪﺷﺘﻪﻛﻠﻪﺭﺩﯨﻦ ﺑﺎﺷﻘﺎ ﺋﻪﻗﻠﯩﻲ ﺋﻪﻣﮕﻪﻙ ﺗﻪﺭﻛﯩﺒﻰ ﺑﺎﺭ ﺑﯩﺮﻩﺭ ﺧﯩﺰﻣﻪﺕ ﺗﯧﭙﯩﺶ ﺋﺎﺳﺎﺳﻪﻥ ﻣﯘﻣﻜﯩﻦ ﺋﻪﻣﻪﺱ. ﺷﯘﯕﺎ ﻛﯩﺸﯩﻠﻪﺭ ﻛﻮﻣﭙﻴﯘﺗﯧﺮ ﺋﯚﮔﯩﻨﯩﺸﻨﻰ ﺋﯩﻨﺘﺎﻳﯩﻦ ﻛﯩﭽﯩﻚ ﻳﯧﺸﯩﺪﯨﻼ ﺑﺎﺷﻼﻳﺪﯗ. ﺋﻮﺗﺘﯘﺭﺍ ﻣﻪﻛﺘﻪﭘﻨﻰ ﭘﯜﺗﺘﯜﺭﯛﭖ ﺑﻮﻟﻐﯩﭽﻪ ﻛﻮﻣﭙﻴﯘﺗﯧﺮﻏﺎ ﻧﺎﻫﺎﻳﯩﺘﻰ ﺋﯘﺳﺘﺎ ﺑﻮﻟﯘﭖ ﻛﯧﺘﯩﺪﯗ. ﺋﺎﻣﯧﺮﯨﻜﯩﻨﯩﯔ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﯩﺮﯨﺪﯨﻼ ﻛﻮﻣﭙﻴﯘﺗﯧﺮ ﺗﻪﺟﺮﯨﺒﯩﺨﺎﻧﯩﺴﻰ ﺑﺎﺭ ﺑﻮﻟﯘﭖ، 1-ﺳﯩﻨﯩﭗ ﺑﺎﻟﯩﻠﯩﺮﯨﻨﯩﻤﯘ ﻫﻪﭘﺘﯩﺪﻩ ﺑﯩﺮ ﻗﺎﻧﭽﻪ ﻗﯧﺘﯩﻢ ﻛﻮﻣﭙﻴﯘﺗﯧﺮ ﺋﻮﻳﯘﻧﻰ ﺋﻮﻳﻨﺎﺷﻘﺎ ﺋﻮﺭﯗﻧﻼﺷﺘﯘﺭﯨﺪﯗ. ﺋﻮﺗﺘﯘﺭﺍ ﻣﻪﻛﺘﻪﭘﺘﻪ ﺑﻮﻟﺴﺎ ﻛﻮﻣﭙﻴﯘﺗﯧﺮ ﺋﯩﻨﺘﺎﻳﯩﻦ ﺋﻮﻣﯘﻣﻠﯩﺸﯩﭗ ﻛﻪﺗﻜﻪﻥ ﺑﻮﻟﯘﭖ، ﻫﻪﺭ ﺑﯩﺮ ﺳﯩﻨﯩﭙﺘﺎ ﻛﻪﻡ ﺩﯦﮕﻪﻧﺪﻩ 5 ﺩﯨﻦ ﺋﻪﯓ ﻳﯧﯖﻰ ﺗﯩﭙﺘﯩﻜﻰ ﻛﻮﻣﭙﻴﯘﺗﯧﺮﻧﻰ ﻛﯚﺭﮔﯩﻠﻰ ﺑﻮﻟﯩﺪﯗ. ﺋﻮﻗﯘﺗﻘﯘﭼﯩﻼﺭ ﺑﯩﺮ ﻗﯩﺴﯩﻢ ﺗﺎﭘﺸﯘﺭﯗﻗﻨﻰ (ﻣﻪﺳﯩﻠﻪﻥ: ﻣﺎﻗﺎﻟﻪ ﻳﯧﺰﯨﺶ ﺗﺎﭘﺸﯘﺭﯗﻗﯩﻨﻰ) ﺗﻮﺭ ﺑﯧﻜﯩﺘﻰ ﺋﺎﺭﻗﯩﻠﯩﻘﻼ ﺗﺎﺭﻗﯩﺘﯩﭗ، ﺋﯩﺸﻠﻪﻧﮕﻪﻥ ﺗﺎﭘﺸﯘﺭﯗﻗﻨﯩﻤﯘ ﺋﯧﻠﺨﻪﺕ ﺋﺎﺭﻗﯩﻠﯩﻖ ﻳﯩﻐﯩﺪﯗ. ﻣﻪﻥ 1993-ﻳﯩﻠﯩﻼ ﺋﯚﻳﮕﻪ ﺷﻪﺧﺴﯩﻲ ﻛﻮﻣﭙﻴﯘﺗﯧﺮ ﺋﯧﻠﯩﺸﻨﻰ ﺑﺎﺷﻠﯩﻐﺎﻧﺒﻮﻟﯘﭖ، ﻫﺎﺯﯨﺮ ﺋﯚﻳﺪﻩ 2 ﺩﺍﻧﻪ ﺋﺎﺩﻩﺗﺘﯩﻜﻰ ﯞﻩ ﺑﯩﺮ ﺩﺍﻧﻪ ﺧﺎﺗﯩﺮﻩ ﻛﻮﻣﭙﻴﯘﺗﯧﺮ ﻫﻪﻣﺪﻩ 2 ﺩﺍﻧﻪﻣﺎﺷﯩﻨﻜﺎ ﺑﺎﺭ. ﺋﯘﻧﯩﯖﺪﯨﻦ ﺑﺎﺷﻘﺎ ﻣﯧﻨﯩﯔ ﺷﯩﺮﻛﻪﺗﺘﯩﻦ ﺑﻪﺭﮔﻪﻥ ﺑﯩﺮ ﺧﺎﺗﯩﺮﻩ ﻛﻮﻣﭙﻴﯘﺗﯧﺮﯨﻢ، ﺋﺎﻣﺎﻧﮕﯜﻟﻨﯩﯖﻤﯘ ﺷﯩﺮﻛﯩﺘﯩﺪﯨﻦ ﺑﻪﺭﮔﻪﻥ ﺑﯩﺮ ﺧﺎﺗﯩﺮﻩ ﻛﻮﻣﭙﻴﯘﺗﯧﺮﻯ ﺑﺎﺭ ﺑﻮﻟﯘﭖ، ﻫﻪﺭ ﺑﯩﺮﺳﯩﻨﯩﯔ ﺧﯩﺮﺍﺟﯩﺘﻰ 3 ﻣﯩﯔ ﺩﻭﻟﻼﺭ ﺋﻪﺗﺮﺍﭘﯩﺪﺍ. ﺑﯘ 5 ﻛﻮﻣﭙﻴﯘﺗﯧﺮﻧﯩﯔ ﻫﻪﻣﻤﯩﺴﻰ ﺋﯚﻳﯩﻤﯩﺰﺩﯨﻜﻰ ﺋﯚﺯﺧﯩﺮﺍﺟﯩﺘﯩﻤﯩﺰ ﺑﯩﻠﻪﻥ ﺋﻮﺭﯗﻧﻼﺷﺘﯘﺭﻏﺎﻥ ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﺋﯩﻨﺘﯧﺮﻧﯧﺘﻘﺎ ﺳﯩﻤﻠﯩﻖ ﯞﻩ ﺳﯩﻤﺴﯩﺰ ﻳﻮﻟﻼﺭ ﺑﯩﻠﻪﻥ ﺩﺍﯞﺍﻣﻠﯩﻖ ﺋﯘﻻﻗﻠﯩﻖ ﺗﯘﺭﯨﺪﯗ. ﺋﯩﻜﻜﻰ ﺑﺎﻟﯩﻤﯩﺰ ﺋﻮﺗﺘﯘﺭﺍ ﻣﻪﻛﺘﻪﭘﺘﯩﻜﻰ ﻧﯘﺭﻏﯘﻥ ﺗﺎﭘﺸﯘﺭﯗﻕ ﯞﻩ ﭘﺮﻭﺟﻪﻛﺘﻼﺭﻧﻰ ﻛﻮﻣﭙﻴﯘﺗﯧﺮﺩﺍ ﺋﯩﺸﻠﯩﮕﻪﻧﻠﯩﻜﻰ ﺋﯜﭼﯜﻥ، ﻫﯚﺟﺠﻪﺕ ﺗﻪﻳﻴﺎﺭﻻﺷﻘﺎ ﺋﯩﺸﻠﯩﺘﯩﻠﯩﺪﯨﻐﺎﻥ Windows ﻳﯘﻣﺸﺎﻕ ﺩﯦﺘﺎﻟﻠﯩﺮﯨﻨﯩﯔ ﻛﯚﭘﯩﻨﭽﯩﺴﯩﻨﻰ ﻧﺎﻫﺎﻳﯩﺘﻰ ﭘﯘﺧﺘﺎ ﺑﯩﻠﯩﺪﯗ. ﺗﯚﺗﯩﻤﯩﺰﻧﯩﯔ ﻫﻪﻣﻤﯩﻤﯩﺴﻰ ﻛﯘﻧﯘﭘﻜﯩﻐﺎ ﻗﺎﺭﯨﻤﺎﻱ، 10 ﺑﺎﺭﻣﺎﻕ ﺑﯩﻠﻪﻥ ﺧﻪﺕ ﺋﯘﺭﺍﻻﻳﻤﯩﺰ. ﺋﺎﻣﯧﺮﯨﻜﯩﺪﺍ ﻛﯘﻧﯘﭘﻜﯩﻐﺎ ﻗﺎﺭﯨﻤﺎﻱ، 10 ﺑﺎﺭﻣﺎﻕ ﺑﯩﻠﻪﻥ ﺧﻪﺕ ﺋﯘﺭﯗﺷﻨﻰ ﺋﯚﮔﯩﺘﯩﺪﯨﻐﺎﻥ ﻣﻪﺧﺴﯘﺳﻴﯘﻣﺸﺎﻕ ﺩﯦﺘﺎﻝ ﺑﺎﺭ ﺑﻮﻟﯘﭖ، ﭘﻪﺭﯨﺰﯨﻤﭽﻪ ﺑﯘ ﭘﺎﺕ ﻳﯧﻘﯩﻨﺪﺍ ﻳﯘﺭﺗﯩﻤﯩﺰﻏﯩﻤﯘ ﺑﯧﺮﯨﺸﻰ (ﻫﻪﺗﺘﺎﺋﺎﻟﻠﯩﻘﺎﭼﺎﻥ ﺑﯧﺮﯨﭗ ﺑﻮﻟﻐﺎﻥ ﺑﻮﻟﯘﺷﻰ) ﻣﯘﻣﻜﯩﻦ. ﺋﺎﺷﯘﻧﺪﺍﻕ ﺧﻪﺕ ﺋﯘﺭﯗﺷﻨﻰ ﺋﯚﮔﯩﻨﯩﯟﺍﻟﻐﺎﻧﺪﺍ، ﻫﻪﺭ ﺑﯩﺮ ﻣﯩﻨﯘﺗﺘﺎ ﺗﻪﺧﻤﯩﻨﻪﻥ 55 ﺩﺍﻧﻪ ﺋﯩﻨﮕﻠﯩﺰﭼﻪ ﺳﯚﺯﻧﻰ ﺋﯘﺭﯗﭖ ﻛﯩﺮﮔﯜﺯﮔﯩﻠﻰ ﺑﻮﻟﯩﺪﯗ. ﻣﯧﻨﯩﯔ ULY ﺩﯨﻜﻰ ﺳﯚﺯﺋﯘﺭﯗﺵ ﺳﯜﺭﺋﯩﺘﯩﻤﻤﯘ ﺋﯩﻨﮕﻠﯩﺰﭼﻪ ﺳﯜﺭﺋﯩﺘﯩﻤﮕﻪ ﺋﻮﺧﺸﺎﭖ ﻛﯧﺘﯩﺪﯗ. ﺋﻮﻏﻠﯘﻡ ﻛﻮﻣﭙﻴﯘﺗﯧﺮﻏﺎ ﺋﯚﺯﻟﯜﻛﯩﺪﯨﻦ ﺋﯩﻨﺘﺎﻳﯩﻦ ﻗﯩﺰﯨﻘﯩﺪﯨﻐﺎﻥ ﺑﻮﻟﻐﺎﭼﻘﺎ، ﻫﺎﺯﯨﺮ ﻛﻮﻣﭙﻴﯘﺗﯧﺮ ﺗﻮﻏﺮﯨﺴﯩﺪﺍ ﺧﯧﻠﻰ ﻣﯘﺭﻩﻛﻜﻪﭖ ﺋﯩﺸﻼﺭﻧﻰ ﺑﯩﻠﯩﺪﯗ. ﺋﯘﻳﻐﯘﺭ ﯞﻩﺗﻪﻧﺪﺍﺷﻼﺭﻧﯩﯔ ﺋﯚﻳﯩﮕﻪ ﻣﯩﻬﻤﺎﻧﺪﺍﺭﭼﯩﻠﯩﻘﻘﺎ ﺑﺎﺭﻏﺎﻧﺪﺍ، ﺋﯘ ﺑﯩﺮﻗﺎﻧﭽﻪ ﻗﯧﺘﯩﻢ ﺑﺎﺷﻘﯩﻼﺭﻧﯩﯔ ﻛﻮﻣﭙﻴﯘﺗﯧﺮﯨﻐﺎ ﻛﯩﺮﯨﯟﺍﻟﻐﺎﻥ "virus" ﻻﺭﻧﻰ ﺗﯧﭙﯩﭗ ﺗﺎﺯﯨﻼﭖ ﺑﻪﺭﺩﻯ. ﺑﯘﻧﯩﯖﺪﯨﻦ ﺑﯩﺮ ﻳﯩﻞ ﺑﯘﺭﯗﻥ ﺋﯘ ﺋﯚﺯﻟﯜﻛﯩﺪﯨﻦ CPU ﻧﯩﯔ ﺗﯧﺰﻟﯩﻜﯩﻨﻰ ﺋﻪﺳﻠﯩﺪﯨﻜﻰ ﺋﯚﻟﭽﯩﻤﯩﺪﯨﻨﻤﯘ ﻳﯘﻗﯩﺮﻯ (ﺋﯩﻨﮕﻠﯩﺰﭼﻪ «over clocked CPU» ﺩﻩﭖ ﺋﺎﺗﯩﻠﯩﺪﯗ)، ﺗﯘﺭﯗﺑﺒﯩﻠﯩﻖ ﺳﯘ ﺑﯩﻠﻪﻥ ﺳﻮﯞﯗﺗﯩﺪﯨﻐﺎﻥ ﺑﯩﺮ ﻛﻮﻣﭙﻴﯘﺗﯧﺮ ﻻﻳﯩﻬﯩﻠﻪﭖ، ﺋﯘﻧﯩﯖﻐﺎ ﻛﯧﺘﯩﺪﯨﻐﺎﻥ ﺯﺍﭘﭽﺎﺳﻼﺭﻧﯩﯔ ﺗﯩﺰﯨﻤﯩﻨﯩﻤﯘ ﺗﯜﺯﯛﭖ ﭼﯩﻘﻘﺎﻥ ﺑﻮﻟﯘﭖ، ﺋﯘﻧﻰ ﻳﺎﺳﺎﭖ ﭼﯩﻘﯩﺶ ﺋﯜﭼﯜﻥ ﺷﯘﻧﯩﯖﺪﯨﻦ ﺑﯘﻳﺎﻥ ﻣﻪﻧﺪﯨﻦ 3 ﻣﯩﯔ ﺩﻭﻟﻼﺭ ﭘﯘﻝ ﺗﻪﻟﻪﭖ ﻗﯩﻠﯩﯟﺍﺗﯩﺪﯗ. ﻣﻪﻥ ﺋﯘﻧﯩﯖﻐﺎ 2 ﺷﻪﺭﺕ ﻗﻮﻳﺪﯗﻡ: 1) ﺋﺎﻟﺪﻯ ﺑﯩﻠﻪﻥ ﺑﯩﺮ ﻧﻮﺭﻣﺎﻝ ﺋﯩﺸﻠﯩﻤﻪﻳﺪﯨﻐﺎﻥ ﻛﻮﻧﺎ ﻛﻮﻣﭙﻴﯘﺗﯧﺮﻧﻰ ﭼﯘﯞﯗﭖ، ﻗﺎﻳﺘﯩﺪﯨﻨﻘﯘﺭﺍﺷﺘﯘﺭﯗﭖ، ﺋﯘﻧﻰ ﺋﯩﺸﻠﻪﻳﺪﯨﻐﺎﻥ ﻗﯩﻠﯩﺶ. 2) ﻳﺎﺯﻟﯩﻖ ﻛﺎﻧﯩﻜﻮﻟﺪﺍ ﺋﯩﺸﻠﻪﭖ، 1500 ﺩﻭﻟﻼﺭﻧﯩﺌﯚﺯﻯ ﺗﯧﭙﯩﺶ، ﻗﺎﻟﻐﺎﻥ 1500 ﺩﻭﻟﻼﺭﻧﻰ ﻣﻪﻥ ﭼﯩﻘﯩﺮﯨﭗ ﺑﯧﺮﯨﺶ.

ﺋﺎﻣﯧﺮﯨﻜﯩﺪﺍ ﻳﯧﺸﻰ 16 ﺩﯨﻦ ﻳﯘﻗﯩﺮﻯ ﺑﺎﻟﯩﻼﺭ ﻗﺎﻧﯘﻧﻠﯘﻕ ﺋﯩﺸﻠﯩﻴﻪﻟﻪﻳﺪﯗ. ﺋﯘﻻﺭﻧﯩﯔ ﻗﯩﻠﯩﺪﯨﻐﯩﻨﻰ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺭﻩﺳﻤﯩﻲ ﺧﯩﺰﻣﻪﺕ ﺋﻪﻣﻪﺱ ﺑﻮﻟﯘﭖ، ﻳﺎﺯﻟﯩﻖ ﺗﻪﺗﯩﻠﺪﻩ ﻫﻪﭘﺘﯩﺴﯩﮕﻪ 40 ﺳﺎﺋﻪﺕ، ﻣﻪﻛﺘﻪﭘﺘﻪ ﺋﯘﻗﯘﺵ ﺑﺎﺷﻼﻧﻐﺎﻧﺪﯨﻦ ﻛﯧﻴﯩﻦ ﻫﻪﭘﺘﯩﺴﯩﮕﻪ 20 ﺳﺎﺋﻪﺗﻜﯩﭽﻪ ﺋﯩﺸﻠﯩﺴﻪ ﺑﻮﻟﯩﺪﯗ. ﺋﯩﺸﻘﺎ ﺋﺎﻟﯩﺪﯨﻐﺎﻥ ﺋﻮﺭﯗﻧﻼﺭ ﻛﯚﭘﯩﻨﭽﻪ ﻫﺎﻟﺪﺍ McDonald ﻏﺎﺋﻮﺧﺸﺎﺵ ﺗﯧﺰ ﺗﺎﻣﺎﻕ ﭼﯩﻘﯩﺮﯨﺪﯨﻐﺎﻥ ﺭﯨﺴﺘﯘﺭﺍﻧﻼﺭ ﯞﻩ ﺑﻪﺯﻯ ﺳﻮﺩﺍ ﺩﯗﻛﺎﻧﻠﯩﺮﻯ ﻗﺎﺗﺎﺭﻟﯩﻘﻼﺭﺩﯗﺭ. ﻣﯧﻨﯩﯔ ﺋﻮﻏﻠﯘﻡ ﺑﯘ ﻳﯩﻞ 3-ﺋﺎﻳﺪﺍ NASA ﻧﯩﯔ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭﺩﯨﻦ ﻛﯧﻠﯩﭗ ﭼﯩﻘﻘﺎﻥ ﺋﻮﺗﺘﯘﺭﺍ ﻣﻪﻛﺘﻪﭘﺌﻮﻗﯘﻏﯘﭼﯩﻠﯩﺮﻯ ﺋﯜﭼﯜﻥ ﺑﻪﺭﭘﺎ ﻗﯩﻠﻐﺎﻥ ﺑﯩﺮ ﻳﺎﺯﻟﯩﻖ ﺗﻪﺗﯩﻞ ﭘﺮﻭﮔﺮﺍﻣﻤﯩﺴﯩﻐﺎ ﺋﯩﻠﺘﯩﻤﺎﺱ ﻗﯩﻠﻐﺎﻧﯩﺪﻯ. ﺧﯩﺰﻣﻪﺕ ﺋﻮﺭﻧﻰ ﺑﯩﺰﻧﯩﯔ ﺋﯩﺪﺍﺭﯨﻤﯩﺰ JPL ﺩﻩ ﺑﻮﻟﯘﭖ، ﺋﯘﻧﯩﯖﻐﺎ ﺋﯩﻠﺘﯩﻤﺎﺱ ﻗﯩﻠﻐﺎﻧﻼﺭ ﺋﻮﻗﯘﺷﺘﺎ ﺋﺎﻻﻫﯩﺪﻩ ﻳﺎﺧﺸﻰ ﺑﻮﻟﯘﺷﻰ، 3 ﺋﻮﻗﯘﺗﻘﯘﭼﯩﻨﯩﯔ ﮔﯘﯞﺍﻫﻠﯩﻖ ﺧﯧﺘﻰ ﯞﻩ ﺋﯚﺯﯨﻨﯩﯔ ﻧﯧﻤﻪ ﺋﯜﭼﯜﻥ ﺑﯘﺋﯩﺸﻨﻰ ﻗﯩﻠﻤﺎﻗﭽﻰ ﺑﻮﻟﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺑﯩﺮ ﻣﺎﻗﺎﻟﯩﺴﯩﻨﻰ ﻳﻮﻟﻼﺵ ﺷﻪﺭﺕ ﺋﯩﻜﻪﻧﺪﯗﻕ. ﻣﻪﻥ 4-ﺋﺎﻳﻨﯩﯔ ﺑﯧﺸﯩﺪﺍ ﺳﯜﺭﯛﺷﺘﻪ ﻗﯩﻠﺴﺎﻡ، ﭘﻪﻗﻪﺕ 10 ﺋﻮﻗﯘﻏﯘﭼﻰ ﺋﺎﻟﯩﺪﯨﻐﺎﻥ ﺑﯘ ﭘﺮﻭﮔﺮﺍﻣﻤﯩﻐﺎ 170 ﺗﯩﻦ ﺋﺎﺭﺗﯘﻕ ﻛﯩﺸﻰ ﺋﯩﻠﺘﯩﻤﺎﺱ ﻗﯩﻠﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﺑﻪﺭﮔﻪﻧﯩﺪﻯ (ﺋﺎﻣﯧﺮﯨﻜﯩﺪﺍ ﻣﯘﺷﯘﻧﺪﺍﻗﺴﯜﺭﯛﺷﺘﻪ ﻗﯩﻠﯩﺸﻘﺎ ﺑﻮﻟﯩﺪﯗ، ﻟﯧﻜﯩﻦ ﺋﺎﺭﻗﺎ ﺋﯩﺸﯩﻜﺘﻪ ﻣﯧﯖﯩﺸﻘﺎ ﻗﻪﺗﺌﯩﻲ ﺑﻮﻟﻤﺎﻳﺪﯗ. ﺋﻪﮔﻪﺭ ﺑﯩﺮﺳﯩﻨﯩﯔ ﺋﺎﺭﻗﺎ ﺋﯩﺸﯩﻜﺘﻪ ﻣﺎﯕﻐﺎﻧﻠﯩﻘﻰ ﺑﯩﻠﯩﻨﯩﭗ ﻗﺎﻟﺴﺎ، ﺋﯘ ﺷﻪﺧﺴﯩﻤﯘ ﯞﻩ ﺋﯩﺪﺍﺭﯨﻤﯘ ﻗﺎﻧﯘﻥ ﺑﻮﻳﯩﭽﻪ ﺋﯧﻐﯩﺮ ﺟﺎﺯﺍﻏﺎ ﺗﺎﺭﺗﯩﻠﯩﺪﯗ.) ﺋﺎﻟﺪﯨﻨﻘﻰ ﻫﻪﭘﺘﻪ (2005-ﻳﯩﻠﻰ 14-ﺋﺎﭘﺮﯨﻞ ﻛﯜﻧﻰ) ﺩﯨﻠﺸﺎﺗﻘﺎ ﺧﻪﺕ ﻛﻪﻟﺪﻯ. ﺋﯘ ﻗﻮﺑﯘﻝ ﻗﯩﻠﯩﻨﻤﺎﭘﺘﯘ. ﺋﺎﻣﯧﺮﯨﻜﯩﺪﺍ «ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ» ﺩﯦﮕﻪﻧﺪﻩ ﻛﯚﭘﯩﻨﭽﻪ ﻗﺎﺭﺍ ﺗﻪﻧﻠﯩﻜﻠﻪﺭ، ﻣﻪﻛﺴﯩﻜﯩﻠﯩﻘﻼﺭ ﯞﻩ ﻻﺗﯩﻦ ﺋﺎﻣﯧﺮﯨﻜﯩﺴﯩﺪﯨﻦ ﻛﻪﻟﮕﻪﻧﻠﻪﺭ ﻛﯚﺯﺩﻩ ﺗﯘﺗﯘﻟﯩﺪﯨﻐﺎﻥ ﺑﻮﻟﻐﺎﭼﻘﺎ، ﺑﯩﺰﻧﯩﯔ ﺳﺎﻧﯩﻤﯩﺰ ﻗﺎﻧﭽﯩﻠﯩﻚ ﺋﺎﺯ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﺑﯘﻧﺪﺍﻕ ﺋﯩﺸﻼﺭﺩﺍ ﺑﯩﺰ ﻳﻪﻧﯩﻼ ﭘﺎﻳﺪﯨﺴﯩﺰ ﺋﻮﺭﯗﻧﺪﺍ ﻗﺎﻟﯩﺪﯨﻜﻪﻧﻤﯩﺰ.

ﺋﯚﺯﯨﻨﯩﯔ ﺑﺎﻟﯩﺴﯩﻐﺎ ﻛﻮﻣﭙﻴﯘﺗﯧﺮ ﺋﯧﻠﯩﭗ ﺑﯧﺮﯨﺶ ﺑﺎﻟﯩﻨﯩﯔ ﺋﻪﻗﻠﯩﻲ ﺋﯩﻘﺘﯩﺪﺍﺭﯨﻨﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻘﺎ ﻣﻪﺑﻠﻪﻍ ﺳﯧﻠﯩﺶ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺋﯘ ﺧﯘﺩﺩﻯ ﭘﯘﻝ ﺗﯚﻟﻪﭖ ﺑﺎﻟﯩﻨﻰ ﻳﺎﺧﺸﻰ ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﺩﻩ ﻫﻪﻣﺪﻩ ﺋﺎﻟﯩﻴﻤﻪﻛﺘﻪﭘﺘﻪ ﺋﻮﻗﯘﺗﻘﺎﻥ ﺑﯩﻠﻪﻥ ﺋﻮﺧﺸﺎﺵ. ﺷﯘﯕﺎ ﺑﯩﺮﻩﺭ ﻛﻮﻣﭙﻴﯘﺗﯧﺮﻧﯩﯔ ﭘﯘﻟﯩﻐﺎ ﭼﯩﻘﯩﻨﺎﻻﻳﺪﯨﻐﺎﻥ ﺋﺎﺗﺎ-ﺋﺎﻧﯩﻼﺭ ﭘﻪﺭﺯﻩﻧﺘﻠﯩﺮﯨﮕﻪ ﺋﯩﻤﻜﺎﻧﻘﻪﺩﻩﺭ ﺑﺎﻟﺪﯗﺭﺭﺍﻕ ﻛﻮﻣﭙﻴﯘﺗﯧﺮ ﺋﯧﻠﯩﭗ ﺑﻪﺭﮔﯩﻨﻰ ﻳﺎﺧﺸﻰ. ﻛﻮﻣﭙﻴﯘﺗﯧﺮﻧﯩﯔ ﻧﯘﺭﻏﯘﻥ ﻧﻪﺭﺳﯩﻠﯩﺮﯨﻨﻰ ﺩﻩﺭﺳﺨﺎﻧﯩﺪﺍ ﺋﻪﻣﻪﺱ، ﺋﯚﺯﯨﮕﻪ ﺗﺎﻳﯩﻨﯩﭗ، ﺋﯘﻧﻰ ﺋﯩﺸﻠﯩﺘﯩﺸﺠﻪﺭﻳﺎﻧﯩﺪﺍ ﺋﯚﮔﯩﻨﯩﯟﺍﻟﻐﯩﻠﻰ ﺑﻮﻟﯩﺪﯗ. ﺑﯘ ﻛﯩﭽﯩﻚ ﺑﺎﻟﯩﻼﺭ ﺋﯜﭼﯜﻥ ﺗﯧﺨﯩﻤﯘ ﺷﯘﻧﺪﺍﻕ. ﺋﺎﻣﯧﺮﯨﻜﯩﺪﯨﻜﻰ ﺋﯚﺳﻤﯜﺭﻟﻪﺭﻧﯩﯔ ﻛﯚﭘﯩﻨﭽﯩﺴﻰ ﻣﺎﻧﺎ ﺷﯘﻧﺪﺍﻕ ﻗﯩﻠﯩﺪﯗ.

  ﺑﯘ ﻳﻪﺭﺩﻩ ﺋﻪﺳﻜﻪﺭﺗﯩﭗ ﺋﯚﺗﯜﺷﻜﻪ ﺗﯧﮕﯩﺸﻠﯩﻚ ﺑﯩﺮ ﻣﻪﺳﯩﻠﻪ، ﺑﺎﻟﯩﻨﯩﯔ ﻛﻮﻣﭙﻴﯘﺗﯧﺮ ﺋﻮﻳﯘﻧﻰ ﺋﻮﻳﻨﯩﺸﯩﻨﻰ ﻗﺎﻧﺪﺍﻕ ﻛﻮﻧﺘﺮﻭﻝ ﻗﯩﻠﯩﺶ.

 ﻛﯩﭽﯩﻚ ﺑﺎﻟﯩﻼﺭ ﻛﻮﻣﭙﻴﯘﺗﯧﺮ ﺑﯩﻠﻪﻥ ﺗﯧﻠﯧﯟﯨﺰﻭﺭ ﺋﺎﻟﺪﯨﺪﺍ ﺑﻪﻙ ﺋﯘﺯﯗﻥ ﺋﻮﻟﺘﯘﺭﯗﭖ ﻛﻪﺗﺴﻪ، ﺋﯘﻻﺭﻧﯩﯔ ﺟﯩﺴﻤﺎﻧﯩﻲ ﯞﻩ ﺋﻪﻗﻠﯩﻲ ﺟﻪﻫﻪﺗﺘﯩﻦ ﻧﻮﺭﻣﺎﻝ ﺋﯚﺳﯜﭖ-ﻳﯧﺘﯩﻠﯩﺸﯩﮕﻪ ﺋﯧﻐﯩﺮ ﺩﻩﺭﯨﺠﯩﺪﻩ ﺗﻪﺳﯩﺮ ﻳﯧﺘﯩﺪﯗ. ﺑﯘ ﺟﻪﻫﻪﺗﺘﻪ ﺋﺎﻣﯧﺮﯨﻜﯩﺪﺍ ﻧﯘﺭﻏﯘﻥ ﻗﯧﺘﯩﻤﻼﭖ ﺋﯩﻠﻤﯩﻲ ﺗﻪﺗﻘﯩﻘﺎﺗﻼﺭ ﺋﯩﺸﻠﻪﻧﺪﻯ. ﺋﺎﻣﯧﺮﯨﻜﯩﺪﺍ ﺋﺎﺷﯘﻧﺪﺍﻕ ﺋﻪﻫﯟﺍﻟﺪﯨﻦ ﺳﺎﻗﻠﯩﻨﯩﺸﻬﻪﻣﺪﻩ ﺑﺎﻟﯩﻠﯩﺮﯨﻨﯩﯔ ﺗﯧﻠﯧﯟﯨﺰﻭﺭﺩﯨﻦ ﻳﺎﻣﺎﻥ ﺗﻪﺳﯩﺮ ﻳﯘﻗﺘﯘﺭﯗﯞﯦﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺌﯜﭼﯜﻥ، ﺋﯚﻳﯩﮕﻪ ﺑﯩﺮﻣﯘ ﺗﯧﻠﯧﯟﯨﺰﻭﺭ ﺋﺎﻟﻤﯩﻐﺎﻥ ﺋﺎﺋﯩﻠﯩﻠﻪﺭﻣﯘ ﺧﯧﻠﻰ ﻛﯚﭖ. ﺷﯘﯕﻼﺷﻘﺎ ﻛﯩﭽﯩﻚ ﺑﺎﻟﯩﻼﺭﻧﯩﯔ ﻛﻮﻣﭙﻴﯘﺗﯧﺮﻏﺎ ﭼﯩﻘﯩﺶ ﯞﻩ ﺋﯘﻧﯩﯖﺪﺍ ﺋﻮﻳﯘﻥ ﺋﻮﻳﻨﺎﺵ ﯞﺍﻗﺘﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﺌﯩﻨﺘﺎﻳﯩﻦ ﻣﯘﻫﯩﻢ. ﻣﯧﻨﯩﯔ ﺋﻮﻏﻠﯘﻣﻤﯘ ﻛﻮﻣﭙﻴﯘﺗﯧﺮ ﺋﻮﻳﯘﻧﯩﻐﺎ ﺋﯩﻨﺘﺎﻳﯩﻦ ﺋﺎﻣﺮﺍﻕ ﺑﻮﻟﯘﭖ، ﺋﺎﻣﯧﺮﯨﻜﯩﺪﺍ ﺳﯧﺘﯩﻠﻐﺎﻥ ﺋﻪﯓ ﺋﯩﻠﻐﺎﺭ ﺋﻮﻳﯘﻧﻼﺭﻧﯩﯔ ﻫﻪﻣﻤﯩﺴﯩﻨﻰ ﺳﯧﺘﯩﯟﯦﻠﯩﭗ ﺋﻮﻳﻨﺎﻳﺪﯗ. ﺑﯩﺮﻗﯧﺘﯩﻢ ﺋﺎﻣﯧﺮﯨﻜﯩﺪﯨﻜﻰ ﺋﯚﺯ-ﺋﺎﺭﺍ ﻗﯩﻠﭽﻪ ﺗﻮﻧﯘﺷﻤﺎﻳﺪﯨﻐﺎﻥ ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺋﯩﻨﺘﯧﺮﻧﯧﺖ ﺋﺎﺭﻗﯩﻠﯩﻖ ﺑﻮﻟﻐﺎﻥ ﻛﻮﻣﭙﻴﯘﺗﯧﺮ ﺋﻮﻳﯘﻧﻰ ﻣﯘﺳﺎﺑﯩﻘﯩﺴﯩﺪﻩ ﺋﯘﺗﯘﭖ ﭼﯩﻘﯩﭗ، ﺋﺎﺯﺭﺍﻕ ﭘﯘﻝ ﻣﯘﻛﺎﭘﯩﺘﯩﻤﯘ ﺋﺎﻟﺪﻯ. ﺑﯘ ﺋﯩﺸﺘﺎ ﺑﺎﻟﯩﻨﻰ ﺗﯜﺯﯛﻡ ﺑﯩﻠﻪﻥ ﻛﻮﻧﺘﺮﻭﻝ ﻗﯩﻠﯩﺶ ﻛﯧﺮﻩﻙ. ﺑﯘﻧﺪﺍﻕ ﺗﯜﺯﯛﻡ ﺗﯘﺭﻏﯘﺯﯗﺷﻨﻰ ﺋﯩﻨﮕﻠﯩﺰﭼﯩﺪﻩ «setting a discipline» ﻳﺎﻛﻰ «setting a boundary (ﭼﯧﮕﺮﺍ ﺑﯧﻜﯩﺘﯩﭙﺒﯧﺮﯨﺶ)» ﺩﻩﭖ ﺋﺎﺗﺎﻳﺪﯗ. ﺷﯘﻧﺪﺍﻕ ﻗﯩﻠﻐﺎﻧﺪﺍ ﺋﺎﺗﺎ-ﺋﺎﻧﺎ ﺑﯩﻠﻪﻥ ﺑﺎﻻ ﺋﻮﺗﺘﯘﺭﯨﺴﯩﺪﯨﻜﻰ ﻣﺎﺟﺮﺍﺩﯨﻦ ﺳﺎﻗﻼﻧﻐﯩﻠﻰ، ﻛﻮﻣﭙﻴﯘﺗﯧﺮ ﺋﻮﻳﯘﻧﻰ ﺋﻮﻳﻨﺎﺷﻨﻰ ﺑﺎﻟﯩﻨﯩﯔ ﺋﻪﻗﻠﯩﻲ ﺋﯩﻘﺘﯩﺪﺍﺭﯨﻨﯩﯔ ﺗﯧﺨﯩﻤﯘ ﻳﺎﺧﺸﯩﺘﻪﺭﻩﻗﻘﯩﻲ ﻗﯩﻠﯩﺸﯩﻐﺎ ﺧﯩﺰﻣﻪﺕ ﻗﯩﻠﺪﯗﺭﻏﯩﻠﻰ ﺑﻮﻟﯩﺪﯗ. ﺑﯩﺰﻧﯩﯔ ﭼﯩﻘﺎﺭﻏﺎﻥ ﺗﯜﺯﯛﻣﯩﻤﯩﺰ ﻣﯘﻧﺪﺍﻕ: ﺩﯛﺷﻪﻧﺒﯩﺪﯨﻦ ﭘﻪﻳﺸﻪﻧﺒﯩﮕﯩﭽﻪ ﻛﻮﻣﭙﻴﯘﺗﯧﺮ ﺋﻮﻳﯘﻧﻰ ﺋﻮﻳﻨﺎﺷﻘﺎ ﻗﻪﺗﺌﻰ ﺑﻮﻟﻤﺎﻳﺪﯗ. ﺟﯜﻣﻪ ﻛﯜﻧﻰ ﻣﻪﻛﺘﻪﭘﺘﯩﻦ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﻫﻪﻣﺪﻩ ﺷﻪﻧﺒﻪ ﻛﯜﻧﻰ ﯞﻩ ﻳﻪﻛﺸﻪﻧﺒﻪ ﻛﯜﻧﻰ ﺋﯘﻧﯩﺌﻮﻳﻨﯩﺴﺎ ﺑﻮﻟﯩﺪﯗ. ﻟﯧﻜﯩﻦ ﺑﯩﺮ ﻛﯜﻥ ﻛﻮﻣﭙﻴﯘﺗﯧﺮ ﺋﻮﻳﯘﻧﻰ ﺋﻮﻳﻨﯩﻐﺎﻥ ﯞﺍﻗﺘﻰ 3 ﺳﺎﺋﻪﺗﺘﯩﻦ ﺋﯧﺸﯩﭗ ﻛﻪﺗﻤﻪﺳﻠﯩﻜﻰ ﻛﯧﺮﻩﻙ. ﺩﯨﻠﺸﺎﺗﻤﯘ ﺑﯘ ﺗﯜﺯﯛﻣﮕﻪ ﺋﯩﻨﺘﺎﻳﯩﻦ ﺋﺎﯕﻠﯩﻖ ﺑﻮﻱ ﺳﯘﻧﯩﺪﯨﻐﺎﻥ ﺑﻮﻟﻐﺎﭼﻘﺎ، ﺑﯩﺰﻧﯩﯔ ﺋﺎﺋﯩﻠﯩﺪﻩ ﺑﯘ ﺟﻪﻫﻪﺗﺘﻪ ﺋﺎﺳﺎﺳﻪﻥ ﻛﯚﯕﯜﻟﺴﯩﺰﻟﯩﻚ ﻳﯜﺯ ﺑﻪﺭﻣﻪﻳﺪﯗ. ﻫﺎﺯﯨﺮﻏﺎ ﻗﻪﺩﻩﺭﺋﯘﻳﻐﯘﺭ ﺋﺎﺗﺎ-ﺋﺎﻧﯩﻠﯩﺮﯨﻨﯩﯔ ﺋﯚﺯ ﭘﻪﺭﺯﻩﻧﺘﻠﯩﺮﯨﻨﯩﯔ ﺋﻪﻗﻠﯩﻲ ﺋﯩﻘﺘﯩﺪﺍﺭﯨﻨﯩﯔ ﺗﻪﺭﻩﻗﻘﯩﻴﺎﺗﯩﺌﯜﭼﯜﻥ ﻣﻪﺑﻠﻪﻍ ﺳﯧﻠﯩﺸﻰ ﺩﯦﮕﻪﻧﺪﻩﻙ ﻳﯧﺘﻪﺭﻟﯩﻚ ﺑﻮﻟﻤﺎﻱ ﻛﻪﻟﺪﻯ. ﺑﯘ ﺧﯩﻞ ﺋﻪﻫﯟﺍﻝ ﺑﯘﻧﯩﯖﺪﯨﻦ ﻛﯧﻴﯩﻦ ﺋﯚﺯﮔﻪﺭﺗﯩﻠﯩﺸﻰ ﻛﯧﺮﻩﻙ. ﺋﯘﻧﺪﺍﻕ ﺑﻮﻟﻤﺎﻳﺪﯨﻜﻪﻥ ﻫﺎﺯﯨﺮﻗﻰ ﺯﺍﻣﺎﻧﻨﯩﯔ ﺗﻪﺭﻩﻗﻘﯩﻴﺎﺗﯩﻐﺎ ﻣﺎﺳﻼﺷﻘﯩﻠﻰ ﺑﻮﻟﻤﺎﻳﺪﯗ. ﺑﺎﻟﯩﻼﺭﻧﻰ ﻫﺎﺯﯨﺮﻗﻰ ﺯﺍﻣﺎﻧﻐﺎ ﻣﯘﯞﺍﭘﯩﻖ ﻛﯧﻠﯩﺪﯨﻐﺎﻥ ﻳﺎﺷﺎﺵ ﺋﯩﻘﺘﯩﺪﺍﺭﯨﻐﺎ ﺗﻮﻟﯘﻕ ﺋﯩﮕﻪ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ.

ﺑﯘ ﻳﻪﺭﺩﻩ ﻣﯧﻨﯩﯔ ﻳﯘﻗﯩﺮﯨﻘﻰ ﺳﻮﺋﺎﻝ ﺑﯩﻠﻪﻥ ﺋﺎﻧﭽﻪ ﻣﯘﻧﺎﺳﯩﯟﯨﺘﻰ ﺑﻮﻟﻤﯩﻐﺎﻥ ﺑﯩﺮ ﺋﯩﺸﻨﻰ ﺳﯚﺯﻟﻪﭖ ﺑﻪﺭﮔﯩﻢ ﻛﯧﻠﯩﯟﺍﺗﯩﺪﯗ. ﺋﻮﻏﻠﯘﻡ ﺩﯨﻠﺸﺎﺕ ﻫﺎﺯﯨﺮ ﺋﻮﻗﯘﯞﺍﺗﻘﺎﻥ ﺋﻮﺗﺘﯘﺭﺍ ﻣﻪﻛﺘﻪﭘﻨﯩﯔ ﺋﯩﺴﻤﻰ ﺋﺎﻟﺘﯘﻥ ﺟﯩﻠﻐﺎ ﺗﻮﻟﯘﻕ ﺋﻮﺗﺘﯘﺭﺍ ﻣﻪﻛﺘﯩﭙﻰ (ﺋﯩﻨﮕﻠﯩﺰﭼﻪ «Golden Valley High School») ﺑﻮﻟﯘﭖ، ﺋﯘﻻﺭ ﺋﺎﻟﺪﯨﻨﻘﻰ ﭘﻪﻳﺸﻪﻧﺒﻪ ﻛﯜﻧﻰ (ﻳﻪﻧﻰ، 2005-ﻳﯩﻠﻰ 14-ﺋﺎﭘﺮﯦﻞ ﻛﯜﻧﻰ) ﻣﻪﻣﻠﯩﻜﻪﺗﻠﯩﻚ ﺷﺎﻥ-ﺷﻪﺭﻩﭖ ﺟﻪﻣﺌﯩﻴﯩﺘﻰ (ﺋﯩﻨﮕﻠﯩﺰﭼﻪ «National Honor Society») ﻧﯩﯔ ﺋﺎﻟﺘﯘﻥ ﺟﯩﻠﻐﺎ ﺷﯚﺑﯩﺴﻰ ﻗﯘﺭﯗﻟﯘﺵ ﻣﯘﺭﺍﺳﯩﻤﻰ ﺑﻮﻟﺪﻯ. ﻳﯩﻐﯩﻨﺪﺍ ﺑﯘ ﺷﯚﺑﯩﻨﯩﯔ ﻗﯘﺭﯗﻟﯘﺷﯩﻐﺎ ﺩﯨﻠﺸﺎﺗﻨﯩﯔ ﺗﯜﺭﺗﻜﻪ ﺑﻮﻟﻐﺎﻧﻠﯩﻘﻰ ﻫﻪﻣﺪﻩ ﺋﯘﻧﯩﯔ ﺭﻩﺋﯩﺲ ﺑﻮﻟﻐﺎﻧﻠﯩﻘﻰ ﺋﯧﻼﻥ ﻗﯩﻠﯩﻨﺪﻯ. ﺳﺎﻧﺘﺎﭼﻼﺭﯨﺘﺎ ﺷﻪﻫﻪﺭﻟﯩﻚ ﻣﻪﻛﺘﻪﭘﻠﻪﺭ ﺗﺎﺭﻣﯩﻘﯩﺪﺍ 22 ﻣﯩﯔ ﺋﻮﻗﯘﻏﯘﭼﻰ ﺑﺎﺭ ﺑﻮﻟﯘﭖ، ﺑﯘ ﻣﻪﻛﺘﻪﭘﺘﯩﻦ ﻳﯘﻗﯩﺮﯨﻘﻰ ﺟﻪﻣﺌﯩﻴﻪﺗﻜﻪ ﺗﺎﻟﻼﻧﻐﺎﻧﻼﺭ 28 ﻧﻪﭘﻪﺭ ﺋﯩﻜﻪﻥ. ﻳﯩﻐﯩﻨﺪﺍ ﺑﯘ ﺟﻪﻣﺌﯩﻴﻪﺗﻨﯩﯔ 4 ﺭﻩﻫﺒﯩﺮﯨﻨﯩﯔ ﻫﻪﻣﻤﯩﺴﻰ ﺳﯚﺯﮔﻪ ﭼﯩﻘﺘﻰ. ﺩﯨﻠﺸﺎﺗﻤﯘ ﺳﯚﺯﮔﻪ ﭼﯩﻘﺘﻰ. ﺩﯨﻠﺸﺎﺗﻨﯩﯔ ﺳﯚﺯﻟﯩﮕﯩﻨﯩﻤﯘﻧﺪﺍﻕ ﺑﻮﻟﺪﻯ: (ﺋﯘﻧﻰ ﺋﯚﺯﻯ ﻳﺎﺯﻣﯩﻐﺎﻥ ﺑﻮﻟﯘﭖ، ﻳﯘﻗﯩﺮﯨﻘﻰ ﻣﻪﻣﻠﯩﻜﻪﺗﻠﯩﻚ ﺷﺎﻥ-ﺷﻪﺭﻩﭖ ﺟﻪﻣﺌﯩﻴﯩﺘﯩﻨﯩﯔ ﺑﯩﺮﻩﺭ ﻫﯚﺟﺠﯩﺘﯩﺪﯨﻦ ﺋﺎﻟﻐﺎﻥ ﺋﻮﺧﺸﺎﻳﺪﯗ): «ﺋﯚﮔﻪﻧﮕﯜﭼﻰ ﺩﯦﮕﻪﻧﻠﯩﻚ ﺋﯚﮔﯩﻨﯩﺸﻜﻪ ﺑﻪﻝ ﺑﺎﻏﻠﯩﻐﺎﻥ ﺑﯩﺮ ﺋﺎﺩﻩﻣﻨﻰ ﻛﯚﺭﺳﯩﺘﯩﺪﯗ. ﺑﯩﺮ ﺋﻮﻗﯘﻏﯘﭼﻰ ﺳﺎﺋﻪﺗﻠﻪﭖ-ﺳﺎﺋﻪﺗﻠﻪﭖ ﻛﯩﺘﺎﺑﺌﻮﻗﯘﺷﻨﻰ ﯞﻩ ﺋﻮﮔﯩﻨﯩﺸﻨﻰ ﺧﺎﻻﻳﺪﯗ، ﻫﻪﻣﺪﻩ ﻳﺎﺧﺸﻰ ﺗﻪﺭﺑﯩﻴﯩﻠﻪﻧﮕﻪﻥ ﺭﻭﻫﯩﻲ ﺩﯗﻧﻴﺎﻧﯩﯔ ﻣﻪﯕﮕﯜ ﺗﯜﮔﯩﻤﻪﺱ ﭘﺎﻳﺪﯨﺴﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻮﺑﺪﺍﻥ ﺑﯩﻠﯩﺪﯗ. ﺑﯩﺰﻧﯩﯔ ﻣﻪﻛﺘﻪﭘﺘﯩﻜﻰ ﺋﻮﻗﯘﺷﯩﻤﯩﺰ ﺗﺎﻣﺎﻣﻼﻧﻐﺎﻧﺪﯨﻦ ﻛﯧﻴﯩﻨﻤﯘ ﺑﯩﺰ ﺋﯚﮔﯩﻨﯩﺸﻨﻰ ﺩﺍﯞﺍﻣﻼﺷﺘﯘﺭﯗﺷﯩﻤﯩﺰ ﻛﯧﺮﻩﻙ، ﭼﯜﻧﻜﻰ، ﺑﯩﺮ ﺋﺎﺩﻩﻣﻨﯩﯖﺘﻪﻟﯩﻢ ﺋﯧﻠﯩﺶ ﺟﻪﺭﻳﺎﻧﻰ ﺋﯘﻧﯩﯔ ﻫﺎﻳﺎﺗﻰ ﺋﺎﺧﯩﺮﻻﺷﻘﺎﻧﺪﯨﻼ ﺋﺎﻧﺪﯨﻦ ﺋﺎﺧﯩﺮﻟﯩﺸﯩﺪﯗ. ﺑﯩﻠﯩﻢ ﻫﺎﻳﺎﺗﻠﯩﻘﻨﯩﯔ ﺋﻪﯓ ﺋﯘﻟﯘﻍ ﺗﻪﺭﻛﯩﺒﯩﻲ ﻗﯩﺴﻤﻰ ﺑﻮﻟﯘﭖ، ﺋﯘ ﺑﯩﺮ ﺋﺎﺩﻩﻣﻨﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻣﯘﯞﺍﭘﭙﯩﻘﯩﻴﻪﺗﻜﻪ ﺋﯧﺮﯨﺸﺘﯜﺭﯨﺪﯗ. ﺋﯘﻧﻰ ﺋﯩﮕﯩﻠﻪﺷﻨﯩﯔ ﭘﻪﻗﻪﺕ ﺑﯩﺮﻻ ﻳﻮﻟﻰ ﺑﺎﺭ: ﺳﻪﻣﯩﻤﯩﻴﻪﺗﻠﯩﻚ ﯞﻩ ﺗﯩﺮﯨﺸﭽﺎﻧﻠﯩﻖ. ﺋﯚﮔﯩﻨﯩﺶ ﺑﯩﺮ ﭼﯩﺮﺍﻕ ﺑﻮﻟﯘﭖ، ﺑﯩﺰ ﺋﯘ ﺋﺎﺭﻗﯩﻠﯩﻖ ﺋﯚﺯﯨﻤﯩﺰﻧﯩﯔ ﺋﯚﺗﻤﯜﺷﯩﻨﯩﺌﻮﻗﯘﻳﺎﻻﻳﻤﯩﺰ، ﻫﻪﻣﺪﻩ ﺋﯚﺯﯨﻤﯩﺰﻧﯩﯔ ﻛﻪﻟﮕﯜﺳﯩﻨﻰ ﻳﻮﺭﯗﺗﺎﻻﻳﻤﯩﺰ. ﻛﯩﺸﯩﻠﻪﺭ ﺑﯩﻠﯩﻢ ﺋﺎﺭﻗﯩﻠﯩﻖ ﺗﻪﻣﯩﻦ ﺋﯧﺘﯩﻠﯩﺪﯨﻐﺎﻥ ﭘﯘﺭﺳﻪﺗﻠﻪﺭ ﺋﺎﺭﻗﯩﻠﯩﻖ ﺋﯚﺯ ﺩﯗﻧﻴﺎﺳﯩﻨﻰ ﻛﯧﯖﻪﻳﺘﻪﻟﻪﻳﺪﯨﻐﺎﻥ ﻛﯜﭺ-ﻗﯘﺩﺭﻩﺗﻜﻪ ﺋﯩﮕﻪﺩﯗﺭ».

ﺑﺎﺵ ﺑﻪﺗﻜﻪ ﻗﺎﻳﺘﯩﺶ