9- ﺑﯚﻟﯜﻡ

16. ﺳﻮﺋﺎﻝ: ﺳﯩﺰ ﺗﯘﺭﯗﯞﺍﺗﻘﺎﻥ ﻫﻪﻗﯩﻘﯩﻲ ﺑﺎﺯﺍﺭ ﺋﯩﮕﯩﻠﯩﻜﯩﺸﺎﺭﺍﺋﯩﺘﯩﺪﯨﻜﻰ ﻛﯩﺸﯩﻠﻪﺭﻧﯩﯔ ﺗﯘﺭﻣﯘﺷﺘﺎ ﺋﯩﻘﺘﯩﺴﺎﺩﭼﯩﻞ ﺑﻮﻟﯘﺵ ﺋﯧﯖﻰ ﻫﻪﻗﻘﯩﺪﻩ ﻫﯧﺴﻘﯩﻠﻐﺎﻧﻠﯩﺮﯨﯖﯩﺰ ﻗﺎﻳﺴﯩﻼﺭ؟

ﺟﺎﯞﺍﺏ: ﺋﻮﻣﯘﻣﻼﺷﺘﯘﺭﯗﭖ ﺋﯧﻴﺘﻘﺎﻧﺪﺍ، ﺋﺎﻣﯧﺮﯨﻜﯩﻠﯩﻘﻼﺭ ﺟﯘﯕﮕﻮﻟﯘﻗﻼﺭﺩﯨﻦ، ﺟﯜﻣﻠﯩﺪﯨﻦ ﺋﯘﻳﻐﯘﺭﻻﺭﺩﯨﻦ، ﻛﯚﭖ ﺋﯩﻘﺘﯩﺴﺎﺗﭽﯩﻞ ﻛﯧﻠﯩﺪﯗ. ﻣﯧﻨﯩﯖﭽﻪ ﺑﯘﻧﻰ ﺑﯘ 2 ﺩﯙﻟﻪﺗﺘﯩﻜﻰ ﭘﯘﻟﺘﯧﭙﯩﺸﻨﯩﯔ ﺋﺎﺳﺎﻥ-ﻗﯩﻴﯩﻨﻠﯩﻖ ﺩﻩﺭﯨﺠﯩﺴﻰ ﺑﯩﻠﻪﻥ ﺋﯩﻠﻤﯩﻲ ﺋﺎﯓ ﺳﻪﯞﯨﻴﯩﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﯩﺒﻮﻳﯩﭽﻪ ﭼﯜﺷﻪﻧﺴﻪ ﺋﻪﻣﻪﻟﻴﻪﺗﻜﻪ ﺑﻪﻛﺮﻩﻙ ﺋﯘﻳﻐﯘﻥ ﻛﯧﻠﯩﺸﻰ ﻣﯜﻣﻜﯩﻦ. ﺋﺎﻣﯧﺮﯨﻜﯩﺪﺍ ﺋﯩﮕﯩﻠﯩﻜﻠﻪﺭﻧﯩﯖﻬﻪﻣﻤﯩﺴﻰ ﺩﯦﮕﯩﺪﻩﻙ ﺋﺎﺳﺎﺳﻪﻥ ﺷﻪﺧﺴﻨﯩﯔ ﻗﻮﻟﯩﺪﺍ. ﺷﯩﺮﻛﻪﺗﻜﻪ ﺑﯩﺮﻩﺭ ﺋﺎﺩﻩﻡ ﺋﺎﻟﻤﺎﻗﭽﻰ ﺑﻮﻟﺴﺎ، ﺷﯩﺮﻛﻪﺗﻨﯩﯔ ﺋﯩﮕﯩﻠﯩﺮﻯ ﺋﺎﻟﺪﻯ ﺑﯩﻠﻪﻥ ﺋﺎﻟﯩﺪﯨﻐﺎﻥ ﺋﺎﺩﻩﻣﻨﯩﯔ ﻛﻪﺳﭙﯩﻲ ﺳﺎﻫﻪﺳﻰ، ﺋﯘﻧﯟﺍﻧﺪﻩﺭﯨﺠﯩﺴﻰ، ﺋﻪﻣﻪﻟﯩﻲ ﺗﻪﺟﺮﯨﺒﻪ ﺗﻮﭘﻠﯩﻐﺎﻥ ﻳﯩﻞ ﺳﺎﻧﻰ، ﺋﯘ ﻛﯩﺸﯩﻨﯩﯔ ﺑﯘ ﺷﯩﺮﻛﻪﺗﺘﻪ ﻗﯩﻠﯩﺪﯨﻐﺎﻧﻜﻮﻧﻜﺮﯦﺖ ﺋﯩﺶ ﺗﻪﻗﺴﯩﻤﺎﺗﻰ، ﺋﯘﻧﯩﯔ ﻳﯩﻠﻠﯩﻖ ﻣﺎﺋﺎﺷﻰ ﯞﻩ ﺋﯘﻧﯩﯖﻐﺎ ﺑﯩﺮ ﻳﯩﻠﺪﺍ ﻛﯧﺘﯩﺪﯨﻐﺎﻧﻤﺎﺋﺎﺷﺘﯩﻦ ﺳﯩﺮﺗﻘﻰ ﺳﺎﻻﻣﻪﺗﻠﯩﻚ ﺳﯘﻏﯘﺭﺗﯩﺴﻰ ﻗﺎﺗﺎﺭﻟﯩﻖ ﻧﻪﺭﺳﯩﻠﻪﺭﮔﻪ ﻛﯧﺘﯩﺪﯨﻐﺎﻥ ﻗﻮﺷﯘﻣﭽﻪﭼﯩﻘﯩﻤﻰ ﻗﺎﺗﺎﺭﻟﯩﻘﻼﺭﻧﯩﯔ ﻫﻪﻣﻤﯩﺴﯩﻨﻰ ﺋﯩﻨﺘﺎﻳﯩﻦ ﺗﻪﭘﺴﯩﻠﯩﻲ ﻫﯧﺴﺎﺑﻼﭖ، ﺑﯘ ﺋﺎﺩﻩﻡ ﺷﯩﺮﻛﻪﺕ ﺋﯜﭼﯜﻧﻜﻪﻡ ﺩﯦﮕﻪﻧﺪﻩ ﺋﯚﺯ ﭼﯩﻘﯩﻤﯩﺪﯨﻦ ﺑﯩﺮ ﻫﻪﺳﺴﻪ ﺋﺎﺭﺗﯘﻕ ﺋﯩﻘﺘﯩﺴﺎﺩﯨﻲ ﻗﯩﻤﻤﻪﺕ ﻳﺎﺭﯨﺘﺎﻻﻳﺪﯨﻐﺎﻧﺒﻮﻟﺴﺎ ﺋﺎﻧﺪﯨﻦ ﺋﺎﺷﯘﻧﺪﺍﻕ ﺋﺎﺩﻩﻣﺪﯨﻦ ﺑﯩﺮﻧﻰ ﺷﯩﺮﻛﻪﺗﻜﻪ ﺋﺎﻟﯩﺪﯗ. ﺷﯘﯕﺎ ﺑﯩﺮ ﺋﺎﺩﻩﻡ ﺑﯘﺷﯩﺮﻛﻪﺗﻜﻪ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﺩﺍﯞﺍﻣﻠﯩﻖ ﺋﯚﺯ ﺋﯩﻘﺘﯩﺪﺍﺭﯨﻨﻰ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﺪﻩ ﺟﺎﺭﯨﻴﻘﯩﻠﺪﯗﺭﯗﺵ ﺋﺎﺭﻗﯩﻠﯩﻖ ﺋﺎﺭﺍﻥ ﺗﯜﮔﯩﺘﻪﻟﻪﻳﺪﯨﻐﺎﻥ ﺩﻩﺭﯨﺠﯩﺪﯨﻜﻰ ﺧﯩﺰﻣﻪﺗﻨﯩﯔ ﻫﯚﺩﺩﯨﺴﯩﺪﯨﻦ ﭼﯩﻘﯩﺪﯗ. ﺩﺍﯞﺍﻣﻠﯩﻖ ﻗﺎﺗﺘﯩﻖ ﺋﯩﺸﻠﻪﻳﺪﯗ. ﺑﯩﺮ ﺋﺎﺩﻩﻡ ﺷﯩﺮﻛﻪﺗﻜﻪ ﺑﯩﺮ ﻣﻪﺯﮔﯩﻞ ﻛﻪﻟﻤﯩﺴﻪ، ﺋﯘ ﻗﯩﻠﯩﯟﺍﺗﻘﺎﻧﺌﯩﺶ ﭘﯜﺗﯜﻧﻠﻪﻱ ﺗﻮﺧﺘﺎﭖ ﻗﺎﻟﯩﺪﯗ. ﺷﯘﯕﺎ ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﻫﻪﺭ ﻳﯩﻠﺪﺍ ﺋﯩﻜﻜﻰ ﻫﻪﭘﺘﯩﺪﯨﻦ 4-5 ﻫﻪﭘﺘﯩﮕﯩﭽﯩﻠﯩﻚ ﺩﻩﻡ ﺋﯧﻠﯩﺶ ﯞﺍﻗﺘﻰ ﺑﻮﻟﺴﯩﻤﯘ، ﺋﯘﻻﺭ ﺑﯩﺮ ﻗﯧﺘﯩﻤﻠﯩﻖ ﺩﻩﻡ ﺋﯧﻠﯩﺶ ﺋﯜﭼﯜﻥ ﺋﺎﺩﻩﺗﺘﻪ 10 ﻛﯜﻧﺪﯨﻦ ﺋﺎﺭﺗﯘﻕ ﺳﻮﺭﯨﻤﺎﻳﺪﯗ. ﺋﯚﺯﻯ ﻳﯩﻘﻘﺎﻥ ﺩﻩﻡ ﺋﯧﻠﯩﺶ ﯞﺍﻗﺘﯩﻨﻰ ﺑﯩﺮ ﻳﯩﻠﻨﯩﯔ ﺋﯩﭽﯩﺪﻩ ﺑﯩﺮﻗﺎﻧﭽﯩﮕﻪ ﺑﯚﻟﯜﭖ ﺋﯩﺸﻠﯩﺘﯩﺪﯗ. ﻛﺎﻟﯩﻔﻮﺭﻧﯩﻴﻪ ﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻟﯩﺮﻯ ﻫﻪﺭﻣﻪﯞﺳﯘﻣﺪﻩ 4 ﺗﯩﻦ 5 ﻛﯩﭽﻪ ﺑﯩﺮ-ﺑﯩﺮﯨﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﺩﻩﺭﺳﻠﻪﺭﻧﻰ ﺋﯚﺗﯩﺪﯗ. ﻛﺎﻟﯩﻔﻮﺭﻧﯩﻴﻪﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺑﯩﺮ ﭘﺮﻭﻓﯧﺴﺴﻮﺭﻯ ﻫﻪﺭ ﻣﻪﯞﺳﯘﻣﺪﻩ ﺑﯩﺮﺩﯨﻦ ﺋﯩﻜﻜﯩﮕﯩﭽﻪ ﺑﺎﻛﺎﻻﯞﺭ ﺑﯩﻠﻪﻧﺌﺎﺳﭙﯩﺮﺍﻧﺘﻨﯩﯔ ﺩﻩﺭﺳﯩﻨﻰ ﺋﯚﺗﯩﺪﯗ. ﺋﯘﻧﯩﯖﺪﯨﻦ ﺳﯩﺮﺕ 4-5 ﺗﯩﻦ ﺋﺎﺭﺗﯘﻕ ﻣﺎﮔﯩﺴﺘﯧﺮﻟﯩﻖ ﯞﻩﺩﻭﻛﺘﻮﺭﻟﯘﻕ ﺋﻮﻗﯘﻏﯘﭼﯩﻠﯩﺮﯨﻐﺎ ﻳﯧﺘﻪﻛﭽﯩﻠﯩﻚ ﻗﯩﻠﯩﺪﯗ. ﻫﻪﻣﺪﻩ ﺋﯚﺯﯨﻤﯘ ﻣﻪﻟﯘﻡ ﺑﯩﺮ ﺳﺎﻫﻪﺩﻩﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﭙﻼ ﻗﺎﻟﻤﺎﻱ، ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺗﻪﺗﻘﯩﻘﺎﺕ ﺧﯩﺮﺍﺟﯩﺘﯩﻨﻰ ﺗﯧﭙﯩﺶ ﺋﯜﭼﯜﻧﺘﻮﺧﺘﯩﻤﺎﻱ ﺋﯘ ﻳﻪﺭ ﺑﯘ ﻳﻪﺭﻟﻪﺭﻧﯩﯔ ﺗﻪﺗﻘﯩﻘﺎﺕ ﻓﻮﻧﺪﻟﯩﺮﯨﻐﺎ ﺋﯩﻠﺘﯩﻤﺎﺱ ﻳﻮﻟﻼﻳﺪﯗ. ﺷﯘﯕﺎ ﺋﯘﻻﺭﺩﺍﺋﺎﺋﯩﻠﻪ ﺗﯘﺭﻣﯘﺷﻰ ﺩﯦﮕﻪﻥ ﺋﯩﻨﺘﺎﻳﯩﻦ ﺋﺎﺯ ﺑﻮﻟﯩﺪﯗ. ﺑﯘﻻﺭﺩﯨﻦ ﺑﺎﺷﻘﺎ، ﺋﺎﻣﯧﺮﯨﻜﯩﺪﯨﻜﻰ ﻣﯘﺗﻠﻪﻗﻜﯚﭖ ﺳﺎﻧﻠﯩﻖ ﻛﯩﺸﯩﻠﻪﺭ ﭘﯘﻟﻨﻰ ﺋﯚﺯﻯ ﺋﯩﺸﻠﻪﭖ، ﻧﻮﺭﻣﺎﻝ ﻳﻮﻝ ﺑﯩﻠﻪﻥ ﺋﺎﺯﺭﺍﻕ-ﺋﺎﺯﺭﺍﻗﺘﯩﻦ ﺗﺎﭘﯩﺪﯗ.

ﺋﺎﻣﯧﺮﯨﻜﯩﺪﺍ ﺗﺎﭘﻘﺎﻥ ﭘﯘﻟﻨﯩﯔ ﻣﯩﻘﺘﺎﺭﻯ ﻳﯘﻗﯩﺮﻯ ﺑﻮﻟﻐﺎﻥ ﺑﯩﻠﻪﻥ، ﺗﯘﺭﻣﯘﺷﭽﯩﻘﯩﻤﯩﻤﯘ ﺟﯘﯕﮕﻮﻧﯩﯖﻜﻰ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﺟﯩﻖ ﻳﯘﻗﯩﺮﻯ ﯞﻩ ﻣﯘﺭﻩﻛﻜﻪﭖ. ﻣﻪﺳﯩﻠﻪﻥ، ﺑﯩﺰﮔﻪﻫﻪﺭ ﺋﺎﻳﺪﺍ ﻧﯘﺭﻏﯘﻥ ﻫﯧﺴﺎﺑﺎﺕ ﺗﺎﻟﻮﻧﻰ ﻛﯧﻠﯩﺪﯗ. ﺑﯘﻧﻰ ﺋﯩﻨﮕﻠﯩﺰﭼﻪ «Bill» ﺩﻩﭘﺌﺎﺗﺎﻳﺪﯗ. ﻫﻪﻣﺪﻩ ﻫﻪﺭ ﻗﯧﺘﯩﻤﻠﯩﻖ ﻣﺎﺋﺎﺷﯩﻤﯩﺰﻧﯩﯔ ﺧﯧﻠﻰ ﻛﯚﭖ ﻗﯩﺴﻤﯩﻨﻰ ﺑﺎﺝ ﯞﻩ ﺑﺎﺷﻘﺎﻧﻪﺭﺳﯩﻠﻪﺭﮔﻪ ﺗﯘﺗﯘﭖ ﻗﺎﻟﯩﺪﯗ. ﺑﯘﻻﺭ ﻣﯘﻧﯘﻻﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ:

ﺑﯩﺰ ﻫﻪﺭ ﺋﺎﻳﺪﺍ ﺗﯚﻟﻪﻳﺪﯨﻐﺎﻥ «Bill» ﻻﺭ:

ﺗﻮﻙ ﭘﯘﻟﻰ (ﺗﻪﺧﻤﯩﻨﻪﻥ 45 ﺩﻭﻟﻼﺭ)، ﺳﯘ ﭘﯘﻟﻰ (20ﺩﻭﻟﻼﺭ)، ﮔﺎﺯ ﭘﯘﻟﻰ (25ﺩﻭﻟﻼﺭ)، ﺋﻪﺧﻠﻪﺕ ﭘﯘﻟﻰ (18 ﺩﻭﻟﻼﺭ)، ﺳﯩﻤﻠﯩﻖ ﺗﯧﻠﯧﯟﯨﺰﯨﻴﻪ ﭘﯘﻟﻰ (55ﺩﻭﻟﻼﺭ)، ﺋﯚﻳﻨﯩﯔ ﺳﯩﻤﻠﯩﻖ ﺗﯧﻠﯧﻔﻮﻥ ﺑﯩﻠﻪﻥ ﺋﯩﻨﺘﯧﺮﻧﯧﺖ ﺋﯘﻟﯩﻨﯩﺶ ﭘﯘﻟﻰ (55ﺩﻭﻟﻼﺭ)، ﯞﻩﻳﺎﻧﻔﻮﻥ ﭘﯘﻟﻰ (60 ﺩﻭﻟﻼﺭ). ﺷﻪﺧﺴﯩﻲ ﺋﯚﻳﺪﻩ ﺋﻪﻣﻪﺱ، ﻳﺎﺗﺎﻕ ﺋﯩﺠﺎﺭﯨﮕﻪ ﺋﯧﻠﯩﭗ ﺋﻮﻟﺘﯘﺭﯞﺍﺗﻘﺎﻧﻼﺭﺳﯘ ﭘﯘﻟﻰ ﺑﯩﻠﻪﻥ ﺋﻪﺧﻠﻪﺕ ﭘﯘﻟﯩﻨﻰ ﺗﯚﻟﯩﻤﻪﻳﺪﯗ. ﻗﺎﻟﻐﺎﻧﻠﯩﺮﯨﻨﻰ ﺑﻮﻟﺴﺎ ﺋﻮﺧﺸﺎﺷﻼ ﺗﯚﻟﻪﻳﺪﯗ.

ﺋﯘﻧﯩﯖﺪﯨﻦ ﺑﺎﺷﻘﺎ، ﺑﯩﺮ ﻳﯩﻠﺪﺍ 2 ﻗﯧﺘﯩﻤﻤﺎﺷﯩﻨﺎ ﺳﯘﻏﯘﺭﺗﺎ ﭘﯘﻟﻰ (ﺑﯩﺰﺩﻩﻙ 4 ﻣﺎﺷﯩﻨﯩﺴﻰ ﺑﺎﺭﻻﺭ ﺑﯩﺮ ﻗﯧﺘﯩﻢ 1800 ﺩﻭﻟﻼﺭﺩﯨﻦ ﺋﺎﺭﺗﯘﻗﺘﯚﻟﻪﻳﻤﯩﺰ) ﯞﻩ ﻳﯩﻠﺪﺍ ﺑﯩﺮ ﻗﯧﺘﯩﻢ ﻣﺎﺷﯩﻨﯩﻨﻰ ﺗﯩﺰﯨﻤﻠﯩﺘﯩﺶ ﭘﯘﻟﻰ ﺗﯚﻟﻪﻳﻤﯩﺰ (ﺑﯩﺰ 600 ﺩﻭﻟﻼﺭﺋﻪﺗﺮﺍﭘﯩﺪﺍ ﺗﯚﻟﻪﻳﻤﯩﺰ). ﺑﯘﻻﺭﺩﯨﻦ ﺑﺎﺷﻘﺎ ﻣﺎﺷﯩﻨﺎ ﻣﺎﻱ ﭘﯘﻟﻰ ﺋﯜﭼﯜﻧﻤﯘ ﻫﻪﺭ ﺋﺎﻳﺪﺍ ﺧﯧﻠﻰ ﻛﯚﭘﭙﯘﻝ ﺧﻪﺟﻠﻪﻳﻤﯩﺰ.

ﺑﯩﺰﺩﻩﻙ ﺋﯚﻳﻰ ﺑﺎﺭﻻﺭ ﻳﯩﻠﺪﺍ 1 ﻗﯧﺘﯩﻢ ﺋﯚﻳﮕﻪﺋﻮﺕ ﺋﺎﭘﯩﺘﻰ ﺳﯘﻏﯘﺭﺗﺎ ﭘﯘﻟﻰ (950 ﺩﻭﻟﻼﺭ)، ﻳﯩﻠﯩﻐﺎ 2 ﻗﯧﺘﯩﻢ ﻳﻪﺭ ﺑﯧﺠﻰ ﭘﯘﻟﻰ (ﺑﯩﺰ ﻫﻪﺭ ﻗﯧﺘﯩﻢ 3000 ﺩﻭﻟﻼﺭ) ﺗﯚﻟﻪﻳﻤﯩﺰ. ﻛﺎﻟﯩﻔﻮﺭﻧﯩﻴﻪﺩﯨﻜﻰ ﺷﻪﺧﺴﯩﻲ ﺋﯚﻳﻠﻪﺭ ﯞﻩ ﻳﺎﺗﺎﻗﻼﺭﻧﯩﯔ ﻫﻪﻣﻤﯩﺴﯩﭙﯜﺗﯜﻧﻠﻪﻱ ﻳﺎﻏﺎﭺ ﺑﯩﻠﻪﻥ ﺳﯧﻠﯩﻨﯩﺪﯨﻐﺎﻥ ﺑﻮﻟﻐﺎﭼﻘﺎ، ﺋﻮﺕ ﺋﺎﭘﯩﺘﻰ ﻛﯚﭖ ﺑﻮﻟﯩﺪﯗ. ﺷﯘﯕﺎ ﺑﯩﺰﮔﻪﺋﯚﻱ ﺋﯧﻠﯩﺶ ﺋﯜﭼﯜﻥ ﭘﯘﻝ ﻗﻪﺭﺯ ﺑﯧﺮﯨﭗ ﺗﯘﺭﻏﺎﻥ ﺑﺎﻧﻜﺎ ﺑﯩﺰﺩﯨﻦ ﺋﯚﻳﯩﻤﯩﺰﮔﻪ ﺋﻮﺕ ﺋﺎﭘﯩﺘﯩﺴﯘﻏﯘﺭﺗﯩﺴﻰ ﺋﯧﻠﯩﺸﻨﻰ ﺗﻪﻟﻪﭖ ﻗﯩﻠﯩﺪﯗ. ﻳﻪﺭ ﺗﻪﯞﺭﻩﺵ ﺳﯘﻏﯘﺭﺗﯩﺴﯩﻤﯘ ﺑﺎﺭ، ﻫﻪﻣﺪﻩ ﺋﯘ ﺋﺎﻳﺮﯨﻤﺒﻮﻟﯘﭖ، ﺋﯘﻧﯩﯔ ﺑﯩﺮ ﻳﯩﻠﻠﯩﻖ ﭘﯘﻟﻰ ﺑﻪﻙ ﻳﯘﻗﯩﺮﻯ ﺑﻮﻟﻐﺎﭼﻘﺎ، ﻛﯚﭘﯩﻨﭽﻪ ﻛﯩﺸﯩﻠﻪﺭ ﺋﯘﻧﯩﺌﺎﻟﻤﺎﻳﺪﯗ.

ﻛﯚﭘﯩﻨﭽﻪ ﻛﯩﺸﯩﻠﻪﺭﮔﻪ ﻫﻪﺭ 2 ﻫﻪﭘﺘﯩﺪﻩ ﺑﯩﺮﻗﯧﺘﯩﻢ ﻣﺎﺋﺎﺵ ﺗﺎﺭﻗﯩﺘﯩﻠﯩﺪﯨﻐﺎﻥ ﺑﻮﻟﯘﭖ، ﺋﯘ ﭘﯘﻝ ﺑﯩﺰﻧﯩﯔ ﺑﺎﻧﻜﯩﻤﯩﺰﻏﺎ ﺑﯩﯟﺍﺳﯩﺘﻪ ﻛﯩﺮﯨﭙﻜﯧﺘﯩﺪﯗ. ﺷﯘﯕﺎ ﺑﯩﺰ ﻫﻪﺭﮔﯩﺰ ﻧﻪﻕ ﭘﯘﻝ ﻛﯚﺭﻣﻪﻳﻤﯩﺰ. ﺑﯩﺰﻧﯩﯔ ﻫﻪﺭ ﻗﯧﺘﯩﻤﻠﯩﻖ ﻣﺎﺋﺎﺷﯩﻤﯩﺰﺩﯨﻨﻤﯘﻧﺪﺍﻕ ﭘﯘﻟﻼﺭ ﺗﯘﺗﯘﯞﯦﻠﯩﻨﯩﺪﯗ:

-- ﺩﯙﻟﻪﺗﻠﯩﻚ ﻣﺎﺋﺎﺵ ﺑﯧﺠﻰ. ﺑﯘ ﭘﯘﻟﻜﻪﻣﺒﻪﻏﻪﻟﻠﻪﺭﺩﯨﻦ ﺋﯧﻠﯩﻨﻤﺎﻳﺪﯗ. ﻗﺎﻟﻐﺎﻧﻼﺭﻧﯩﯔ ﻳﯩﻠﻠﯩﻖ ﻛﯩﺮﯨﻤﯩﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﯩﮕﻪﻗﺎﺭﺍﭖ ﺋﯧﻠﯩﻨﯩﺪﯨﻐﺎﻥ ﺑﻮﻟﯘﭖ، ﺋﺎﺩﻩﺗﺘﻪ ﻛﯩﺮﯨﻤﻨﯩﯔ 15 ﭘﯩﺮﺳﻪﻧﺘﯩﺪﯨﻦ 35 ﭘﯩﺮﺳﻪﻧﺘﯩﮕﯩﭽﻪﺋﯧﻠﯩﻨﯩﺪﯗ.

-- ﺷﯩﺘﺎﺗﻠﯩﻖ ﻣﺎﺋﺎﺵ ﺑﯧﺠﻰ. ﺑﯘﻣﯘ ﻛﯩﺮﯨﻤﻨﯩﯖﺌﺎﺯ-ﻛﯚﭘﻠﯜﻛﯩﮕﻪ ﻗﺎﺭﺍﭖ ﺋﯧﻠﯩﻨﯩﺪﯨﻐﺎﻥ ﺑﻮﻟﯘﭖ، ﺑﯩﺰ 8 ﭘﯩﺮﺳﻪﻧﺖ ﺋﻪﺗﺮﺍﭘﯩﺪﺍ ﺗﯚﻟﻪﻳﻤﯩﺰ.

-- ﺋﯩﺠﺘﯩﻤﺎﺋﯩﻲ ﻛﺎﭘﺎﻟﻪﺗﻠﯩﻚ ﺑﯧﺠﻰ.  ﺋﺎﻣﯧﺮﯨﻜﯩﺪﺍ ﭘﯧﻨﺴﯩﻴﻪﮔﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ ﻣﺎﺋﺎﺷﺒﯧﺮﯨﻠﻤﻪﻳﺪﯗ. ﻛﯩﺸﯩﻠﻪﺭﻧﯩﯔ 65 ﻳﺎﺷﺘﯩﻦ ﺋﺎﺷﻘﺎﻧﺪﺍ ﻛﯩﺮﯨﻤﺴﯩﺰ ﻗﯧﻠﯩﺸﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺌﯜﭼﯜﻥ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺑﯩﺰﻧﯩﯔ ﻣﺎﺋﺎﺷﯩﻤﯩﺰﻧﯩﯔ ﺗﻪﺧﻤﯩﻨﻪﻥ 5 ﭘﯩﺮﺳﻪﻧﺘﯩﻨﻰ ﺧﯩﺰﻣﻪﺗﺒﺎﺷﻠﯩﻐﺎﻥ 1-ﻛﯜﻧﯩﺪﯨﻦ ﺑﺎﺷﻼﭖ ﺗﯘﺗﯘﭖ ﻗﯧﻠﯩﭗ، ﺳﺎﻗﻼﭖ ﻗﻮﻳﯘﭖ، ﺑﯩﺰ ﭘﯧﻨﺴﯩﻴﻪﮔﻪ ﭼﯩﻘﻘﺎﻧﺪﺍ ﻫﻪﺭﺋﺎﻳﺪﺍ ﺋﺎﺯﺭﺍﻗﺘﯩﻦ ﺑﯧﺮﯨﺪﯗ. ﺋﯘ ﭼﺎﻏﺪﺍ ﺑﯧﺮﯨﻠﯩﺪﯨﻐﺎﻥ ﺋﺎﻳﻠﯩﻖ ﭘﯘﻟﻨﯩﯔ ﺋﺎﺯ-ﻛﯚﭘﻠﯜﻛﻰ ﻫﯚﻛﯜﻣﻪﺗﺴﯩﺰﺩﯨﻦ ﺗﯘﺗﯘﭖ ﻗﺎﻟﻐﺎﻥ ﭘﯘﻟﻨﯩﯔ ﺋﺎﺯ-ﻛﯚﭘﻠﯜﻛﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﺋﻪﮔﻪﺭ ﺋﺎﻣﺎﻧﮕﯜﻝ ﺑﯩﻠﻪﻧﺌﯩﻜﻜﯩﻤﯩﺰ ﻫﺎﺯﯨﺮﻻ ﺋﯩﺸﻠﻪﺷﻨﻰ ﺗﻮﺧﺘﺎﺗﺴﺎﻕ، ﺑﯩﺰ 65 ﻳﺎﺷﺘﯩﻦ ﺋﺎﺷﻘﺎﻧﺪﺍ ﻫﻪﺭ ﺑﯩﺮﯨﻤﯩﺰﮔﻪ ﻫﻪﺭﺋﺎﻳﺪﺍ 1200 ﺩﻭﻟﻼﺭ ﺋﻪﺗﺮﺍﭘﯩﺪﺍ ﭘﯘﻝ ﻛﯧﻠﯩﺸﻰ ﻣﯘﻣﻜﯩﻦ. ﺋﯘ ﭼﺎﻏﺪﺍ ﺑﯘﻧﺪﺍﻕ ﭘﯘﻝ ﻳﯧﺘﻪﻣﺪﯗ؟ ﺑﯩﺰﺋﯘﻧﯩﯖﻐﯩﭽﻪ ﺋﯚﻳﻨﯩﯔ ﭘﯘﻟﯩﻨﻰ ﺗﯚﻟﻪﭖ ﺑﻮﻟﯘﭖ، ﺋﯚﻳﻠﯜﻙ ﺑﻮﻟﯩﺪﯨﻐﺎﻥ ﺑﻮﻟﻐﺎﭼﻘﺎ ﺑﯩﺰﮔﻪ ﻳﯧﺘﯩﺸﯩﻤﯘﻣﻜﯩﻦ. ﻟﯧﻜﯩﻦ، ﻫﺎﺯﯨﺮﻗﻰ ﻛﯩﺮﯨﻤﻰ ﻳﯘﻗﯩﺮﻯ ﺋﻪﻣﻪﺱ ﻫﻪﻣﺪﻩ ﺋﯚﻱ ﺳﯧﺘﯩﭗ ﺋﺎﻻﻟﻤﯩﻐﺎﻧﻼﺭ ﺋﯜﭼﯜﻧﻬﯚﻛﯜﻣﻪﺗﺘﯩﻦ ﻛﯧﻠﯩﺪﯨﻐﺎﻥ ﺑﯘﻧﺪﺍﻕ ﭘﯘﻝ ﺋﺎﻧﭽﻪ ﻳﯧﺘﯩﭗ ﻛﻪﺗﻤﻪﺳﻠﯩﮕﻰ ﻣﯘﻣﻜﯩﻦ. ﭼﯜﻧﻜﻰ، ﺑﯩﺮﺋﺎﻳﻠﯩﻖ ﻳﺎﺗﺎﻕ ﺋﯩﺠﺎﺭﯨﺴﻰ ﺋﯜﭼﯜﻧﻼ 1000 ﺩﻭﻟﻼﺭﺩﯨﻦ ﺋﺎﺭﺗﯘﻕ ﭘﯘﻝ ﻛﯧﺘﯩﺪﯗ. ﻳﯘﻗﯩﺮﯨﺪﺍﺋﯧﻴﺘﯩﻠﻐﺎﻥ ﻗﺎﻟﻐﺎﻥ ﻧﻪﺭﺳﯩﻠﻪﺭﮔﯩﻤﯘ ﭘﯘﻝ ﺑﻮﻟﻤﯩﺴﺎ ﺑﻮﻟﻤﺎﻳﺪﯗ.

-- ﺩﻭﺧﺘﯘﺭﻟﯘﻕ ﺩﺍﯞﺍﻻﺵ ﺑﯧﺠﻰ. ﺋﺎﻣﯧﺮﯨﻜﯩﺪﺍ 65 ﻳﺎﺷﺘﯩﻦ ﺋﺎﺷﻘﺎﻥ ﻛﯩﺸﯩﻠﻪﺭﻧﯩﯔ ﺩﺍﯞﺍﻻﺵ ﭘﯘﻟﯩﻨﯩﯔ ﺋﺎﺳﺎﺳﯩﻲ ﻗﯩﺴﻤﯩﻨﻰ ﻫﯚﻛﯜﻣﻪﺕ ﻛﯚﺗﯜﺭﯨﺪﯗ. ﻟﯧﻜﯩﻦ، ﻫﯚﻛﯜﻣﻪﺕ ﺷﯘ ﭼﺎﻏﺪﺍ ﺳﯩﺰﮔﻪ ﺧﻪﺟﻠﻪﻳﺪﯨﻐﺎﻥ ﭘﯘﻟﻨﻰ ﺑﯩﺰﻧﯩﯔ ﻣﺎﺋﺎﺷﯩﯖﯩﺰﺩﯨﻦ ﻫﺎﺯﯨﺮﺩﯨﻨﺒﺎﺷﻼﭖ ﺗﯘﺗﯘﭖ ﻗﺎﻟﯩﺪﯗ. ﻣﯧﻨﯩﯔ ﭘﻪﺭﯨﺰﯨﻤﭽﻪ ﻣﺎﺋﺎﺷﻨﯩﯔ ﺗﻪﺧﻤﯩﻨﻪﻥ 1-2 ﭘﯩﺮﺳﻪﻧﺘﻰ ﻣﯘﺷﯘﻧﯩﯖﻐﺎﺗﯘﺗﯘﭖ ﻗﯧﻠﯩﻨﯩﺸﻰ ﻣﯘﻣﻜﯩﻦ.

-- ﭘﯧﻨﺴﯩﻴﻪ ﭘﯘﻟﻰ. ﻳﯘﻗﯩﺮﯨﻘﻰ 4 ﺧﯩﻞ ﺑﺎﺟﻤﻪﺟﺒﯘﺭﻯ ﺗﯘﺗﯘﭖ ﻗﯧﻠﯩﻨﯩﺪﯨﻐﺎﻥ ﭘﯘﻟﻼﺭ ﺑﻮﻟﯘﭖ، ﺋﯘﻧﯩﯖﺪﯨﻦ ﺑﺎﺷﻘﺎ «401K-ﭘﯩﻼﻧﻰ» ﺩﻩﭘﺌﺎﺗﯩﻠﯩﺪﯨﻐﺎﻥ، ﺋﯚﺯﯨﯖﯩﺰ ﺋﯩﺨﺘﯩﻴﺎﺭﯨﻲ ﺗﯚﻟﻪﻳﺪﯨﻐﺎﻥ ﺑﯩﺮ ﭘﯘﻝ ﺑﺎﺭ. ﻫﺎﺯﯨﺮ ﺑﯩﺮ ﺋﺎﺩﻩﻡ ﺑﯘ ﭘﯘﻟﺌﯜﭼﯜﻥ ﻳﯩﻠﯩﻐﺎ 13 ﻣﯩﯔ ﺩﻭﻟﻼﺭ ﻗﻮﻳﯘﭖ ﻗﻮﻳﺴﺎ ﺑﻮﻟﯩﺪﯗ. ﺋﻪﮔﻪﺭ ﺳﯩﺰﻧﯩﯔ ﻳﯩﻠﻠﯩﻖ ﻛﯩﺮﯨﻤﯩﯖﯩﺰ 50 ﻣﯩﯔ ﺩﻭﻟﻼﺭ ﺑﻮﻟﯘﭖ، ﺳﯩﺰ 20 ﭘﯩﺮﺳﻪﻧﺖ ﺩﯙﻟﻪﺕ ﺑﯧﺠﻰ ﺗﯚﻟﻪﻳﺪﯨﻐﺎﻥ ﺑﻮﻟﺴﯩﯖﯩﺰ، ﺋﯘ 50 ﻣﯩﯖﺪﻭﻟﻼﺭﻧﯩﯔ 10 ﻣﯩﯔ ﺩﻭﻟﻠﯩﺮﯨﻨﻰ ﺩﯙﻟﻪﺕ ﺑﯧﺠﯩﻐﺎ ﺗﯚﻟﻪﻳﺴﯩﺰ. ﻟﯧﻜﯩﻦ، ﺳﯩﺰ ﺑﯘ ﻛﯩﺮﯨﻤﯩﯖﯩﺰﺩﯨﻦ 13 ﻣﯩﯔ ﺩﻭﻟﻼﺭﻧﻰ ﭘﯧﻨﺴﯩﻴﻪ ﭘﯘﻟﯩﻐﺎ ﻗﻮﻳﺴﯩﯖﯩﺰ، ﺋﯘﻧﯩﯖﺪﯨﻦ ﺩﯙﻟﻪﺕ ﺑﯧﺠﻰ ﺋﯧﻠﯩﻨﻤﺎﻳﺪﯗ. ﺳﯩﺰ ﭘﻪﻗﻪﺕ ﻗﺎﻟﻐﺎﻥ 37 ﻣﯩﯔ ﺩﻭﻟﻼﺭﻏﺎ 37000 * 0.2 = 6700 ﻣﯩﯔ ﺩﻭﻟﻼﺭ ﺑﺎﺝ ﺗﯚﻟﻪﻳﺴﯩﺰ. ﺑﯘ ﻛﯩﺸﯩﻠﻪﺭﻧﻰ ﭘﯧﻨﺴﯩﻴﻪﮔﻪ ﭘﯘﻟﻴﯩﻐﯩﺸﻘﺎ ﺭﯨﻐﺒﻪﺗﻠﻪﻧﺪﯛﺭﯛﭖ ﻳﻮﻟﻐﺎ ﻗﻮﻳﻐﺎﻥ ﺑﯩﺮ ﺗﯜﺯﯛﻡ ﺑﻮﻟﯘﭖ، ﺳﯩﺰ ﺑﯘ 401K-ﭘﯩﻼﻧﯩﻐﺎﻗﻮﻳﻐﺎﻥ ﭘﯘﻟﻨﻰ 65 ﻳﺎﺷﻘﺎ ﻛﯩﺮﻣﯩﮕﯩﭽﻪ ﺋﯧﻠﯩﭗ ﺧﻪﺟﻠﯩﻴﻪﻟﻤﻪﻳﺴﯩﺰ. ﺋﻪﮔﻪﺭ ﺟﯩﺪﺩﯨﻲ ﺋﯩﺶ ﺑﻮﻟﯘﭘﻘﯧﻠﯩﭗ ﺋﯘﻧﻰ ﭼﻮﻗﯘﻡ ﺧﻪﺟﻠﯩﻤﯩﺴﯩﯖﯩﺰ ﺑﻮﻟﻤﯩﺴﺎ، ﺋﯘﻧﯩﯖﻐﺎ ﺟﻪﺭﯨﻤﺎﻧﻪ ﺗﯚﻟﻪﻳﺴﯩﺰ.

-- ﺑﯩﺰﺩﻩﻙ ﺑﺎﻧﻜﯩﺪﯨﻦ ﭘﯘﻝ ﻗﻪﺭﺯ ﺋﯧﻠﯩﭗ، ﺋﯚﻳﺌﺎﻟﻐﺎﻧﻼﺭ ﻫﻪﺭ ﺋﺎﻳﺪﺍ ﻗﻪﺭﺯﻧﯩﯔ ﺑﯩﺮ ﻗﯩﺴﻤﻰ ﺑﯩﻠﻪﻥ ﺋﯘﻧﯩﯔ ﺋﯚﺳﯜﻣﯩﻨﻰ ﺗﯚﻟﻪﻳﻤﯩﺰ. ﻣﻪﺳﯩﻠﻪﻥ، ﺑﯩﺮ ﺋﺎﺩﻩﻡ ﺑﺎﻧﻜﯩﺪﯨﻦ 30 ﻳﯩﻠﻠﯩﻖ ﻗﻪﺭﺯ ﺗﻪﺭﯨﻘﯩﺴﯩﺪﻩ، 6 ﭘﯩﺮﺳﻪﻧﺖ ﺋﯚﺳﯜﻣﻰ ﺑﯩﻠﻪﻥ 300 ﻣﯩﯖﺪﻭﻟﻼﺭ ﺋﺎﻟﻐﺎﻥ ﺑﻮﻟﺴﺎ، ﺋﯘ ﻛﯩﺸﻰ ﺑﺎﻧﻜﯩﻐﺎ ﻫﻪﺭ ﺋﺎﻳﺪﺍ 1800 ﺩﻭﻟﻼﺭ ﺗﯚﻟﯩﺸﻰ ﻛﯧﺮﻩﻙ. 1-ﺋﯧﻴﯩﺪﺍﺑﯘ ﭘﯘﻟﻨﯩﯔ 1500 ﺩﻭﻟﻠﯩﺮﻯ ﻗﻪﺭﺯﻧﯩﯔ ﺋﯚﺳﯜﻣﻰ ﺑﻮﻟﯘﭖ، 300 ﺩﻭﻟﻠﯩﺮﻯ ﻗﻪﺭﺯﻧﯩﯔ ﺑﯩﺮ ﻗﯩﺴﻤﯩﻐﺎﻣﺎﯕﯩﺪﯗ. ﺑﯘ ﻧﯩﺴﺒﻪﺕ ﻫﻪﺭ ﺋﺎﻳﺪﺍ ﺋﯚﺯﮔﯩﺮﯨﭗ ﻣﺎﯕﯩﺪﯗ ﻫﻪﻣﺪﻩ 21 ﻳﯩﻠﺪﯨﻦ ﻛﯧﻴﯩﻦ 1800 ﺩﻭﻟﻼﺭﻧﯩﯖﻴﯧﺮﯨﻤﻰ ﺋﯚﺳﯜﻣﮕﻪ، ﻗﺎﻟﻐﺎﻥ ﻳﯧﺮﯨﻤﻰ ﻗﻪﺭﺯﮔﻪ ﻣﺎﯕﯩﺪﯗ.

ﺑﯘ ﻣﺎﻗﺎﻟﯩﻨﻰ ﻣﯘﺷﯘ ﻳﻪﺭﮔﯩﭽﻪ ﺋﻮﻗﯘﻏﺎﻧﺪﺍ، ﺗﻮﻟﻪﻳﺪﯨﻐﺎﻥ ﭘﯘﻟﻼﺭﻧﯩﯔ ﻛﯚﭘﻠﯜﻛﯩﺪﯨﻨﺌﯧﻬﺘﯩﻤﺎﻝ ﺑﻪﺯﯨﻠﯩﺮﯨﯖﻼﺭﻧﯩﯔ ﺑﯧﺸﻰ ﻗﯧﻴﯩﭗ ﻛﻪﺗﻜﻪﻥ ﺑﻮﻟﯘﺷﻰ ﻣﯘﻣﻜﯩﻦ. ﻳﯘﻗﯩﺮﻗﻰ ﺳﺎﻥ-ﺳﯩﻔﯩﺮﻻﺭ ﻫﻪﻗﯩﻘﻪﺗﻪﻧﻤﯘﺷﯘﻧﺪﺍﻕ. ﻫﻪﺭ ﻗﯧﺘﯩﻢ ﺑﯘ ﭘﯘﻟﻼﺭﻧﻰ ﺋﻮﻳﻠﯩﻐﺎﻧﺪﺍ، ﺑﯩﺰﻧﯩﯔ ﺑﯧﺸﯩﻤﯩﺰﻣﯘ ﻗﯧﻴﯩﭗ ﻛﯧﺘﯩﺪﯗ. ﺷﯘﯕﺎﺋﯩﻤﻜﺎﻧﻘﻪﺩﻩﺭ ﺋﯘﻧﻰ ﺋﻮﻳﻠﯩﻤﺎﺳﻠﯩﻘﻘﺎ ﺗﯩﺮﯨﺸﯩﻤﯩﺰ. ﺋﺎﻣﯧﺮﯨﻜﯩﺪﺍ ﻛﯩﺸﯩﻠﻪﺭ ﭘﯘﻟﻨﻰ ﺟﯩﻖ ﺗﺎﭘﻘﺎﻧﺒﯩﻠﻪﻥ، ﭼﯩﻘﯩﻤﻨﯩﻤﯘ ﻛﯚﭖ ﺗﺎﺭﺗﯩﺪﯗ. ﺑﯘ ﻫﻪﺭﮔﯩﺰ ﺋﺎﻣﯧﺮﯨﻜﯩﻠﯩﻘﻼﺭ ﺟﯘﯕﮕﻮﻟﯘﻗﻼﺭﺩﯨﻦ ﺑﯩﭽﺎﺭﻩﺋﯩﻜﻪﻥ ﺩﯦﮕﻪﻧﻠﯩﻚ ﺋﻪﻣﻪﺱ. ﺋﺎﻣﯧﺮﯨﻜﺎ ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﺑﺎﻱ ﺩﯙﻟﻪﺕ. ﺋﺎﻣﯧﺮﯨﻜﯩﻠﯩﻘﻼﺭﻧﯩﯖﺘﯘﺭﻣﯘﺵ ﺳﻪﯞﯨﻴﯩﺴﻰ ﺩﯗﻧﻴﺎ ﺑﻮﻳﯩﭽﻪ ﺋﻪﯓ ﻳﯘﻗﯩﺮﻯ. ﻟﯧﻜﯩﻦ، ﺋﯘ ﻫﻪﺭﮔﯩﺰ ﺑﻪﺯﯨﻠﻪﺭ ﭘﻪﺭﻩﺯﻗﯩﻠﻐﺎﻧﺪﻩﻙ ﺑﯩﺮ ﺟﻪﻧﻨﻪﺗﻤﯘ ﺋﻪﻣﻪﺱ. ﻛﯚﭖ ﺳﺎﻧﻠﯩﻖ ﺋﺎﺩﻩﻣﻠﻪﺭ ﺩﻭﻟﻼﺭﻧﻰ ﺟﺎﭘﺎﻟﯩﻖ ﺋﯩﺸﻠﻪﭖ، ﻳﯜﺯﺩﻩ-ﻳﯜﺯ ﭘﯩﺮﺳﻪﻧﺖ ﻗﺎﻧﯘﻧﻠﯘﻕ ﻳﻮﻝ ﺑﯩﻠﻪﻥ ﺋﺎﺯﺭﺍﻕ-ﺋﺎﺯﺭﺍﻗﺘﯩﻦ ﺗﺎﭘﯩﺪﯗ. ﺷﯘﯕﺎ ﺑﯩﺰﺋﺎﻣﯧﺮﯨﻜﯩﺪﺍ ﭘﯘﻝ ﺗﯧﭙﯩﺸﻨﯩﯔ ﺟﯘﯕﮕﻮ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﻧﺎﻫﺎﻳﯩﺘﻰ ﺗﻪﺳﻠﯩﻜﯩﻨﻰ ﻫﯧﺴﻘﯩﻠﯩﻤﯩﺰ. ﭘﯘﻟﻨﻰ ﻳﯘﺭﺗﺘﯩﻜﻰ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﻛﯚﭖ ﺗﺎﭘﻘﺎﻥ ﺑﯩﻠﻪﻥ، ﻣﯘﺗﻠﻪﻕ ﻛﯚﭘﺴﺎﻧﺪﯨﻜﻰ ﺋﺎﻣﯧﺮﯨﻜﯩﻠﯩﻘﻼﺭ ﭘﯘﻝ ﺧﻪﺟﻠﻪﺷﺘﻪ ﺋﯩﻨﺘﺎﻳﯩﻦ ﺋﯧﻬﺘﯩﻴﺎﺗﭽﺎﻥ ﻛﯧﻠﯩﺪﯗ. ﺑﻮﻟﯘﭘﻤﯘﻛﯧﻴﯩﻢ-ﻛﯧﭽﻪﻙ ﯞﻩ ﻳﯧﻤﻪﻙ-ﺋﯩﭽﻤﻪﻙ ﺟﻪﻫﻪﺗﺘﻪ ﺋﯩﻨﺘﺎﻳﯩﻦ ﺋﯩﻘﺘﯩﺴﺎﺗﭽﯩﻞ ﻛﯧﻠﯩﺪﯗ. ﻳﯘﺭﺗﯩﻤﯩﺰﺩﺍﭼﯩﻘﯩﻤﻰ ﺑﯩﺮ ﺋﺎﻳﻠﯩﻖ ﻣﺎﺋﺎﺷﯩﻨﯩﯔ ﺑﯩﺮ ﻗﺎﻧﭽﻪ ﻫﻪﺳﺴﯩﺴﯩﮕﻪ ﺗﻮﻏﺮﺍ ﻛﯧﻠﯩﺪﯨﻐﺎﻥ ﺑﯩﺮﻛﯧﻴﯩﻢ-ﻛﯧﭽﻪﻛﻨﻰ ﺳﯧﺘﯩﯟﺍﻟﯩﺪﯨﻐﺎﻧﻼﺭ، 10 ﻧﻪﭼﭽﻪ ﺋﺎﻳﻠﯩﻖ ﻣﺎﺋﺎﺷﯩﻐﺎ ﺗﻮﻏﺮﺍ ﻛﯧﻠﯩﺪﯨﻐﺎﻧﻤﯩﻘﺘﺎﺭﺩﯨﻜﻰ ﭘﯘﻟﻨﻰ ﺧﻪﺟﻠﻪﭖ، ﺑﯩﺮ ﻗﯧﺘﯩﻢ ﺳﯜﻧﻨﻪﺕ ﺗﻮﻳﻰ ﻗﯩﻠﯩﺪﯨﻐﺎﻧﻼﺭ ﻛﯜﺭﻣﯩﯔ. ﻟﯧﻜﯩﻦ، ﺋﺎﻣﯧﺮﯨﻜﯩﺪﺍ ﺋﯘﻧﺪﺍﻕ ﺋﯩﺸﻼﺭﻧﻰ ﺗﻪﺳﻪﯞﯞﯗﺭ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﺑﯩﺮ ﺋﺎﻳﻠﯩﻖ ﻣﺎﺋﺎﺷﯩﯖﯩﺰﻧﯩﯖﻬﻪﻣﻤﯩﺴﯩﻨﻰ ﺋﺎﺷﯘﻧﺪﺍﻕ ﺧﻪﺟﻠﯩﯟﻩﺗﺴﯩﯖﯩﺰ، ﻳﯘﻗﯩﺮﯨﻘﻰ ﭼﯩﻘﯩﻤﻼﺭﻧﻰ ﻗﺎﻧﺪﺍﻕ ﻗﯩﻠﯩﺴﯩﺰ؟

ﺋﺎﻣﯧﺮﯨﻜﯩﻐﺎ ﺋﻮﺧﺸﺎﺵ ﺗﻪﺭﻩﻗﻘﯩﻲ ﺗﺎﭘﻘﺎﻥ ﺩﯙﻟﻪﺗﻠﻪﺭﺩﻩ ﺑﯩﺮ ﺋﺎﺩﻩﻡ ﻳﻪﻧﻪ ﺑﯩﺮﺋﺎﺩﻩﻣﻨﯩﯔ ﻗﺎﻧﭽﯩﻠﯩﻚ ﻣﺎﺋﺎﺵ ﺋﺎﻟﯩﺪﯨﻐﺎﻧﻠﯩﻘﯩﻨﻰ ﺳﻮﺭﺍﺵ ﺋﯩﻨﺘﺎﻳﯩﻦ ﺋﻪﺩﻩﭘﺴﯩﺰﻟﯩﻚ ﻫﯧﺴﺎﭘﻠﯩﻨﯩﺪﯗ. ﺋﻪﻣﻤﺎ، ﻳﯘﺭﺗﯩﻤﯩﺰﺩﯨﻜﻰ ﺋﯘﻳﻐﯘﺭﻻﺭ ﺋﯩﭽﯩﺪﻩ ﺑﯘﻧﺪﺍﻕ ﺋﯩﺶ ﺧﯧﻠﻰ ﻛﯚﭖ. ﺷﯘﻧﺪﺍﻗﺘﯩﻤﯘﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭ ﺑﺎﺷﻘﯩﻼﺭﻧﯩﯔ ﻗﺎﻧﭽﯩﻠﯩﻚ ﻣﺎﺋﺎﺵ ﺋﺎﻟﯩﺪﯨﻐﯩﻨﻰ ﺳﻮﺭﯨﺸﯩﻨﻰ ﻗﻪﺗﺌﯩﻴﻴﺎﺧﺸﻰ ﻛﯚﺭﻣﻪﻳﺪﯗ. ﺑﯩﺰ ﺋﺎﺩﻩﺗﺘﻪ ﺋﯚﺯ ﺋﺎﺗﺎ-ﺋﺎﻧﯩﻤﯩﺰ ﯞﻩ ﺋﯘﺭﯗﻕ-ﺗﯘﻏﻘﺎﻧﻠﯩﺮﯨﻤﯩﺰﻏﯩﻤﯘﻗﺎﻧﭽﯩﻠﯩﻚ ﻣﺎﺋﺎﺵ ﺋﺎﻟﯩﺪﯨﻐﺎﻧﻠﯩﻘﯩﻤﯩﺰﻧﻰ ﺩﻩﭖ ﺑﻪﺭﻣﻪﻳﻤﯩﺰ. ﺑﯘﻧﯩﯔ ﺋﻪﯓ ﻣﯘﻫﯩﻢ ﺳﻪﯞﻩﺑﻠﯩﺮﯨﻨﯩﯖﺒﯩﺮﻯ، ﺑﯩﺰ ﺋﯚﺯ ﻛﯩﺮﯨﻤﯩﻤﯩﺰﻧﻰ ﻣﺎﺋﺎﺵ ﺑﯩﻠﻪﻧﻼ ﺗﻮﻏﺮﺍ ﭼﯜﺷﻪﻧﺪﯛﺭﻩﻟﻤﻪﻳﻤﯩﺰ. ﺑﯩﺰ ﺋﯚﺯﻛﯩﺮﯨﻤﯩﻤﯩﺰﻧﻰ ﺗﻮﻏﺮﺍ ﭼﯜﺷﻪﻧﺪﯛﺭﯛﺵ ﺋﯜﭼﯜﻥ، ﻳﯘﻗﯩﺮﯨﻘﻰ ﺳﺎﻥ-ﺳﯩﻔﯩﺮﻻﺭﻧﻰ ﺑﯩﺮﺩﯨﻦ-ﺑﯩﺮﺩﯨﻨﭽﯜﺷﻪﻧﺪﯛﺭﯛﺷﯩﻤﯩﺰ ﻛﯧﺮﻩﻙ. ﺟﯘﯕﮕﻮﺩﺍ ﻫﯚﻛﯜﻣﻪﺕ ﺗﯘﺗﯩﺪﯨﻐﺎﻥ ﭘﯘﻟﻨﯩﯔ ﻫﻪﻣﻤﯩﺴﯩﻨﻰ ﺗﯘﺗﯘﭖ ﻗﯧﻠﯩﭗ، ﭘﯘﺧﺮﺍﻏﺎ ﺗﯧﮕﯩﺸﻠﯩﻜﯩﻨﻰ «ﻣﯘﺋﺎﺵ» ﺩﻩﭖ ﺋﺎﺗﺎﭖ ﺑﯧﺮﯨﺪﯗ. ﺋﺎﻣﯧﺮﯨﻜﯩﺪﺍ ﺑﻮﻟﺴﺎ «ﻣﯘﺋﺎﺵ»ﻧﯩﺌﺎﻟﺪﯨﺪﺍ ﺑﯧﺮﯨﯟﯦﺘﯩﭗ ﺋﺎﻧﺪﯨﻦ ﻳﯘﻗﯩﺮﯨﻘﯩﺪﻩﻙ ﻧﯘﺭﻏﯘﻧﻠﯩﻐﺎﻥ ﭘﯘﻟﻨﻰ ﺗﯘﺗﯘﭖ ﻗﺎﻟﯩﺪﯗ. ﺷﯘﯕﺎ ﺑﯩﺰﺋﯚﺯ ﻣﺎﺋﺎﺷﯩﻤﯩﺰﻧﻰ ﺋﻪﻳﻨﻪﻥ ﺩﻩﭖ ﺑﻪﺭﺳﻪﻙ، ﻧﯘﺭﻏﯘﻧﻼﺭﺩﺍ ﺧﺎﺗﺎ ﭼﯜﺷﻪﻧﭽﻪ ﭘﻪﻳﺪﺍ ﺑﻮﻟﯘﭖ ﻗﺎﻟﯩﺪﯗ.

ﺩﯗﻧﻴﺎﺩﯨﻜﻰ ﺑﺎﺷﻘﺎ ﺗﻪﺭﻩﻗﻘﯩﻲ ﺗﺎﭘﻘﺎﻧﺪﯙﻟﻪﺗﻠﻪﺭ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ، ﺋﺎﻣﯧﺮﯨﻜﯩﺪﺍ ﻳﯧﻤﻪﻛﻠﯩﻜﻠﻪﺭ ﻫﻪﻗﯩﻘﻪﺗﻪﻧﻤﯘ ﺋﻪﺭﺯﺍﻥ. 50 ﺟﯩﯔ (K25) ﮔﯜﺭﯛﭺ 8.50 ﺩﻭﻟﻼﺭ (ﻳﻪﻧﻰ، ﺳﺎﺋﯩﺘﯩﮕﻪ 10 ﺩﻭﻟﻼﺭ ﺗﺎﭘﯩﺪﯨﻐﺎﻥ ﺗﯚﯞﻩﻥ ﺩﻩﺭﯨﺠﯩﻠﯩﻚ ﺧﯩﺰﻣﻪﺗﭽﯩﻨﯩﯔ ﺑﯩﺮﺳﺎﺋﻪﺗﻠﯩﻚ ﺋﯩﺶ ﻫﻪﻗﻘﯩﮕﻪ 50 ﺟﯩﯔ ﮔﯜﺭﯛﭺ ﻛﯧﻠﯩﺪﯗ. ﺋﺎﻣﯧﺮﯨﻜﯩﺪﺍ ﺋﯧﻐﯩﺮﻟﯩﻖ ﺑﯩﺮﻟﯩﻜﻰ ﺋﯜﭼﯜﻧﻜﯩﻠﻮﮔﺮﺍﻡ ﺋﯩﺸﻠﻪﺗﻤﻪﻱ، «pound» ﺩﯦﮕﻪﻥ ﺑﯩﺮﻟﯩﻜﻨﻰ ﺋﯩﺸﻠﯩﺘﯩﺪﯗ. 1 ﭘﻮﺋﯘﻧﺪ ﺩﯦﮕﻪﻥ 454 ﮔﺮﺍﻡ ﺑﻮﻟﯘﭖ، ﺑﯩﺮﺟﯩﯖﻐﺎ ﻳﯧﻘﯩﻦ ﻛﯧﻠﯩﺪﯗ. ﻣﯧﻨﯩﯔ ﺑﯘ ﻳﻪﺭﺩﻩ «ﺟﯩﯔ» ﺩﯦﮕﯩﻨﯩﻢ ﺋﻪﻣﻪﻟﻴﻪﺗﺘﻪ «pound» ﺩﯦﮕﻪﻧﻨﻰ ﻛﯚﺯﺩﻩ ﺗﯘﺗﯩﺪﯗ). 25 ﺟﯩﯔ ﺑﯘﻏﺪﺍﻱ ﺋﯘﻧﻰ 3.50 ﺩﻭﻟﻼﺭ. ﻗﻮﻱ ﮔﯚﺷﻰ ﻗﯩﻤﻤﻪﺗﺮﻩﻙ ﺑﻮﻟﯘﭖ، ﺑﯩﺮ ﺟﯩﯔ ﻟﻮﻕ ﮔﯚﺵ 3.50-4.00 ﺩﻭﻟﻼﺭ ﺋﻪﺗﺮﺍﭘﯩﺪﺍ. ﺗﻮﺧﯘ ﮔﯚﺷﻰ 0.80 ﺩﯨﻦ 2 ﺩﻭﻟﻼﺭﻏﯩﭽﻪ. ﺋﯜﺯﯛﻣﻨﯩﯔ ﺑﯩﺮ ﺟﯩﯖﻰ ﺑﯩﺮ ﺩﻭﻟﻼﺭ، ﺗﺎﯞﯗﺯﻧﯩﯔ ﺑﯩﺮ ﺟﯩﯖﻰ 0.20-0.50 ﺩﻭﻟﻼﺭ، ﺋﺎﻟﻤﯩﻨﯩﯔ ﺑﯩﺮﺟﯩﯖﻰ 0.50 ﺩﻭﻟﻼﺭ، ﺷﺎﭘﺘﻮﻟﻨﯩﯔ ﺑﯩﺮ ﺟﯩﯖﻰ ﺑﯩﺮ ﺩﻭﻟﻼﺭ ﺋﻪﺗﺮﺍﭘﯩﺪﺍ. ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻜﺮﯦﺴﺘﯘﺭﺍﻧﻼﺭﺩﺍ ﺗﺎﻣﺎﻕ ﻳﯧﺴﻪ، ﺑﯩﺮ ﺋﺎﺩﻩﻣﮕﻪ 15 ﺩﻭﻟﻼﺭ ﺋﻪﺗﺮﺍﭘﯩﺪﺍ ﻛﯧﺘﯩﺪﯗ. ﺷﯘﯕﺎ، ﺑﯩﺰﮔﻪﺋﻮﺧﺸﺎﺵ ﭼﻪﺕ ﺋﻪﻟﺪﯨﻦ ﺋﺎﻣﯧﺮﯨﻜﯩﻐﺎ ﻳﯧﯖﯩﺪﯨﻦ ﻛﯚﭼﻤﻪﻥ ﺑﻮﻟﯘﭖ ﻛﻪﻟﮕﻪﻥ ﻛﯩﺸﯩﻠﻪﺭ ﺋﺎﺳﺎﺳﻪﻧﺮﯦﺴﺘﯘﺭﺍﻧﻐﺎ ﺗﺎﻣﺎﻕ ﻳﯧﮕﯩﻠﻰ ﺑﺎﺭﻣﺎﻳﺪﯗ. ﻫﻪﻣﻤﻪ ﺋﺎﺩﻩﻣﻠﻪﺭﺩﻩ ﺑﻮﻟﻤﯩﺴﺎ ﺑﻮﻟﻤﺎﻳﺪﯨﻐﺎﻧﻴﯧﻤﻪﻛﻠﯩﻜﻠﻪﺭ ﺋﺎﺷﯘﻧﺪﺍﻕ ﺋﻪﺭﺯﺍﻥ ﺑﻮﻟﻐﯩﻨﻰ ﺑﯩﻠﻪﻥ، ﺑﻮﻟﺴﯩﻤﯘ ﺑﻮﻟﯩﺪﯨﻐﺎﻥ، ﺑﻮﻟﻤﯩﺴﯩﻤﯘﺑﻮﻟﯩﺪﯨﻐﺎﻥ ﺑﺎﺷﻘﺎ ﻧﻪﺭﺳﯩﻠﻪﺭﻧﯩﯔ ﺑﺎﻫﺎﺳﻰ ﺋﯘﻧﺪﺍﻕ ﺋﻪﺭﺯﺍﻥ ﺋﻪﻣﻪﺱ. ﻣﻪﺳﯩﻠﻪﻥ، ﻣﻪﻥ ﻫﻮﻳﻠﯩﻐﺎ ﯞﻩﺗﻪﺷﺘﻪﻛﻜﻪ ﮔﯜﻝ ﺗﯩﻜﯩﺪﯨﻐﺎﻥ ﻳﻮﻗﯩﺮﻯ ﺳﯜﭘﻪﺗﻠﯩﻚ ﺗﻮﭘﯩﻨﯩﯔ 25 ﺟﯩﯔ ﺋﻪﺗﺮﺍﭘﯩﺪﯨﻜﻰ ﺑﯩﺮ ﺧﺎﻟﺘﯩﺴﯩﻨﻰ 12 ﺩﻭﻟﻼﺭﻏﺎ ﺳﯧﺘﯩﯟﺍﻟﯩﻤﻪﻥ. ﺋﯚﺯﯨﻤﯩﺰ ﻫﻪﻳﺪﻩﻳﺪﯨﻐﺎﻥ ﻣﺎﺷﯩﻨﯩﻼﺭﻧﯩﯔ ﺋﯩﭽﯩﺪﻩ Toyota Corolla  ﺋﻮﺗﺘﯘﺭﺍ ﻫﯧﺴﺎﺏ ﺑﯩﻠﻪﻥ 14 ﻣﯩﯔ ﺩﻭﻟﻼﺭ، Toyota Camry  18 ﻣﯩﯔ ﺩﻭﻟﻼﺭ، ﺗﻮﻳﻮﺗﺎ ﻣﯩﻨﺒﯘﺱ 28 ﻣﯩﯔ ﺩﻭﻟﻼﺭ ﯞﻩﭼﻮﯓ-ﻛﯩﭽﯩﻜﻠﯩﻜﻰ ﻣﯩﻨﺒﯘﺱ ﺑﯩﻠﻪﻥ ﺋﻮﺧﺸﺎﺵ ﻛﯧﻠﯩﺪﯨﻐﺎﻥ Toyota 4Runner  30 ﻣﯩﯔ ﺩﻭﻟﻼﺭﻏﺎ ﻛﯧﻠﯩﺪﯗ.

ﻛﯧﻴﯩﻢ-ﻛﯧﭽﻪﻙ، ﻳﯧﻤﻪﻙ-ﺋﯩﭽﻤﻪﻙ، ﺋﯚﻱ ﻳﺎﺳﺎﺷﻘﺎﺗﺎﺭﻟﯩﻖ ﻣﺎﺩﺩﯨﻲ ﺗﯘﺭﻣﯘﺷﺘﺎ ﺗﯘﺗﻘﺎﻥ ﻳﻮﻟﯩﻐﺎ ﻗﺎﺭﺍﭖ، ﺋﺎﺩﻩﻣﻠﻪﺭﻧﻰ 2 ﺧﯩﻠﻐﺎ ﺑﯚﻟﯜﺵ ﻣﯘﻣﻜﯩﻦ. ﺋﯘﻧﯩﯔ 1-ﺧﯩﻠﻰ ﺋﯚﺯﻟﯩﺮﻯ ﺋﯜﭼﯜﻥ ﻳﺎﺷﺎﻳﺪﯨﻐﺎﻥ ﺋﺎﺩﻩﻣﻠﻪﺭ. ﺋﯩﻜﻜﯩﻨﭽﻰ ﺧﯩﻠﻰ ﺑﻮﻟﺴﺎ ﺑﺎﺷﻘﯩﻼﺭﺋﯜﭼﯜﻥ ﻳﺎﺷﺎﻳﺪﯨﻐﺎﻧﻼﺭ. ﺋﯩﻜﻜﯩﻨﭽﻰ ﺧﯩﻠﺪﯨﻜﻰ ﺋﺎﺩﻩﻣﻠﻪﺭ ﻧﯘﺭﻏﯘﻥ ﺋﯩﺸﻼﺭﻧﻰ ﺑﺎﺷﻘﯩﻼﺭﻏﺎ ﻛﯚﺭﺳﯩﺘﯩﺸﺌﯜﭼﯜﻥ ﻗﯩﻠﯩﺪﯗ. ﺋﯚﺯﯨﮕﻪ ﻗﺎﻧﭽﯩﻠﯩﻚ ﭘﺎﻳﺪﯨﺴﻰ ﺗﻪﮔﻜﻪﻧﻠﯩﻜﻰ، ﺋﯚﺯﯨﮕﻪ ﻗﺎﻧﭽﯩﻠﯩﻚ ﻣﻪﻧﭙﻪﺋﻪﺗﻴﻪﺗﻜﯜﺯﮔﻪﻧﻠﯩﻜﻰ ﺑﯩﻠﻪﻥ ﺋﺎﻧﭽﻪ ﻛﺎﺭﻯ ﺑﻮﻟﻤﺎﻳﺪﯗ. ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﻣﯘﺗﻠﻪﻕ ﻛﯚﭖ ﻗﯩﺴﻤﻰ 1-ﺧﯩﻠﺪﯨﻜﻰ ﻛﯩﺸﯩﻠﻪﺭ ﺑﻮﻟﯘﭖ، ﺋﺎﻣﯧﺮﯨﻜﯩﺪﺍ ﻫﯧﭽﻜﯩﻤﻨﯩﯔ ﻫﯧﭻ ﻗﺎﻧﺪﺍﻕ ﺋﺎﺩﻩﻡ ﺑﯩﻠﻪﻥ ﻛﺎﺭﯨﺒﻮﻟﻤﺎﻳﺪﯗ. ﺧﯩﺰﻣﻪﺗﺪﺍﺷﻠﯩﺮﯨﯖﯩﺰ ﯞﻩ ﻗﻮﺷﻨﯩﻠﯩﺮﯨﯖﯩﺰ ﻫﯧﭻ ﻗﺎﻧﺪﺍﻕ ﯞﺍﻗﯩﺘﺘﺎ ﺳﯩﺰﻧﯩﯔ ﻛﯧﻴﯩﻤﯩﯖﯩﺰﮔﻪﺩﯨﻘﻘﻪﺕ ﻗﯩﻠﯩﭗ ﻗﻮﻳﻤﺎﻳﺪﯗ. ﺗﯘﺗﻘﺎﻥ ﺋﯚﻳﯩﯖﯩﺰﮔﻪ ﻗﺎﺭﺍﭖ ﻗﻮﻳﻤﺎﻳﺪﯗ. ﺋﯘﻻﺭﺩﺍ ﺋﯚﻳﯩﮕﻪ ﻣﯧﻬﻤﺎﻧﭽﺎﻗﯩﺮﯨﺪﯨﻐﺎﻥ ﺋﯩﺸﻼﺭﻣﯘ ﺋﺎﺳﺎﺳﻪﻥ ﻳﻮﻕ ﺩﯦﻴﻪﺭﻟﯩﻚ. ﺑﯩﺮ ﻗﺎﻧﭽﻪ ﭼﻮﯓ ﺑﺎﻳﺮﺍﻣﻠﯩﺮﯨﺪﺍﺋﯘﺭﯗﻕ-ﺗﯘﻏﻘﺎﻧﻠﯩﺮﻯ ﺑﯩﺮﯨﻨﯩﯔ ﺋﯚﻳﯩﮕﻪ ﺟﻪﻡ ﺑﻮﻟﯘﺷﺘﯩﻦ ﺑﺎﺷﻘﺎ، ﺋﯘﻳﻐﯘﺭﻻﺭﺩﻩﻙ ﭘﺎﺕ-ﭘﺎﺗﻤﯧﻬﻤﺎﻧﺪﺍﺭﭼﯩﻠﯩﻖ ﺋﻮﻳﻨﺎﻳﺪﯨﻐﺎﻥ ﺋﯩﺸﻼﺭ ﺋﺎﺳﺎﺳﻪﻥ ﻣﻪﯞﺟﯘﺕ ﺋﻪﻣﻪﺱ. ﺷﯘﯕﺎ ﺋﯘﻻﺭ ﻛﯧﻴﯩﻤﻨﯩﯖﭽﯩﺮﺍﻳﻠﯩﻘﻠﯩﺮﯨﻨﻰ ﺋﻪﻣﻪﺱ، ﺭﺍﻫﻪﺗﻠﯩﺮﯨﻨﻰ ﺗﺎﻟﻼﭖ ﻛﯧﻴﯩﺪﯗ. ﺋﻪﮔﻪﺭ ﺑﯩﺰﻧﯩﯔ ﺋﯩﺪﺍﺭﯨﮕﻪ ﻛﯧﻠﯩﭙﻘﺎﺭﯨﺴﯩﯖﯩﺰ، ﺋﯘﻧﯩﯔ ﺋﺎﻣﯧﺮﯨﻜﯩﺪﯨﻜﻰ ﺑﯩﺮ ﺋﯩﻨﺘﺎﻳﯩﻦ ﻣﯘﻫﯩﻢ ﺋﺎﻟﻪﻡ ﺗﯧﺨﻨﯩﻜﯩﺴﻰ ﺗﻪﺗﻘﯩﻘﺎﺗﻤﻪﺭﻛﯩﺰﻯ ﺋﯩﻜﻪﻧﻠﯩﻜﯩﮕﻪ ﺋﯩﺸﻪﻧﻤﻪﻱ ﻗﺎﻟﯩﺴﯩﺰ: ﻛﯩﺸﯩﻠﻪﺭﻧﯩﯔ ﻛﯧﻴﯩﯟﺍﻟﻐﯩﻨﻰ ﯞﻩ ﺑﺎﺷﻘﺎﻳﯜﺭﯛﺵ-ﺗﯘﺭﯗﺷﻰ ﺋﯩﻨﺘﺎﻳﯩﻦ ﺋﺎﺩﺩﻯ ﺑﻮﻟﯘﭖ، ﺋﻪﺭﻟﻪﺭﻧﯩﯔ ﺗﻪﯕﺪﯨﻦ ﺗﻮﻟﯩﺴﻰ ﻧﻴﯘﺯﻩﻳﻜﯘ ﺋﯩﺸﺘﺎﻥ ﻛﯧﻴﯩﯟﺍﻟﯩﺪﯗ. ﻣﻪﻥ ﺑﯘ ﺋﯩﺪﺍﺭﯨﮕﻪ ﻳﯧﯖﻰ ﺋﯩﺸﻘﺎ ﻛﯩﺮﮔﻪﻧﺪﻩ، ﺑﯩﺮﻩﻳﻠﻪﻥ ﻣﺎﯕﺎ ﭼﺎﻗﭽﺎﻗﻘﯩﻠﯩﭗ، «ﺑﯩﺰﻧﯩﯔ ﺋﯩﺪﺍﺭﯨﻨﯩﯔ ﻛﯧﻴﯩﻢ-ﻛﯧﭽﻪﻙ ﺟﻪﻫﻪﺗﺘﻪ ﭘﻪﻗﻪﺕ ﺑﯩﺮﻻ ﺗﯜﺯﯛﻣﻰ ﺑﺎﺭ. ﺋﯘ ﺑﻮﻟﺴﯩﻤﯘﺳﻪﻥ ﻛﺎﺳﺘﻴﯘﻡ-ﺑﯘﺭﯗﻟﻜﯩﺪﯨﻦ ﺑﺎﺷﻘﺎ ﻧﯧﻤﻪ ﻛﻪﻳﺴﻪﯓ ﺑﻮﻟﯩﯟﯦﺮﯨﺪﯗ»، ﺩﯦﮕﻪﻧﯩﺪﻯ. ﺋﯚﻳﻠﯩﺮﯨﻨﯩﭽﯩﺮﺍﻳﻠﯩﻖ ﺋﻪﻣﻪﺱ، ﺋﯚﺯ ﺗﯘﺭﻣﯘﺷﯩﻐﺎ ﻗﻮﻻﻳﻠﯩﻖ ﻗﯩﻠﯩﭗ ﻳﺎﺳﺎﻳﺪﯗ. ﺭﯦﺴﺘﯘﺭﺍﻧﻐﺎ ﺑﺎﺭﺳﯩﯖﯩﺰ، ﻫﻪﻣﻤﻪﺋﺎﺩﻩﻣﻨﯩﯔ ﺋﯚﺯﯨﮕﻪ ﭼﯘﺷﻠﯘﻕ ﺗﺎﻣﺎﻕ ﺑﯘﻳﺮﯗﺗﯩﺪﯨﻐﺎﻧﻠﯩﻘﯩﻨﻰ، ﺋﻪﮔﻪﺭ ﺋﺎﻟﻐﺎﻥ ﺗﺎﻣﯩﻘﻰ ﺋﯧﺸﯩﭙﻘﺎﻟﺴﺎ، ﺋﯘﻧﯩﯔ ﻗﺎﻧﭽﯩﻠﯩﻚ ﺋﺎﺯ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﭼﻮﻗﯘﻡ ﻗﻪﻏﻪﺯ ﻗﺎﭼﯩﻼﺭﻏﺎ ﺳﯧﻠﯩﭙﺌﯧﻠﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﺳﯩﺰ. ﺧﻪﻟﻘﺎﺭﺍﻟﯩﻖ ﭼﻮﯓ ﻳﯩﻐﯩﻦ، ﺷﯩﺮﻛﻪﺗﻠﻪﺭﻧﯩﯔ ﻳﯧﯖﻰ ﻳﯩﻠﻠﯩﻘﭽﻮﯓ ﺋﻮﻟﺘﯘﺭﯗﺷﻰ، ﺗﻮﻱ-ﺗﯚﻛﯜﻥ ﻗﺎﺗﺎﺭﻟﯩﻖ ﺯﯨﻴﺎﭘﻪﺗﻠﻪﺭﺩﯨﻤﯘ ﻫﻪﺭ ﺑﯩﺮ ﺋﺎﺩﻩﻣﮕﻪ ﺗﺎﻣﺎﻗﻨﯩﺌﺎﻳﺮﯨﻢ-ﺋﺎﻳﺮﯨﻢ ﺋﻪﭘﻜﯧﻠﯩﺪﯗ. ﺳﯩﺰﮔﻪ ﻛﻪﻟﺘﯜﺭﯛﻟﮕﻪﻥ ﻧﻮﺭﻣﯩﻠﯩﻖ ﺗﺎﻣﺎﻗﻘﺎ ﻗﻮﺭﺳﯩﻐﯩﯖﯩﺰ ﺋﺎﺭﺍﻧﻼﺗﻮﻳﯩﺪﯗ. ﺑﻪﺯﻯ ﺯﯨﻴﺎﭘﻪﺗﻠﻪﺭﺩﻩ ﺗﺎﻣﺎﻗﻼﺭﻧﯩﯔ ﻫﻪﻣﻤﯩﺴﯩﻨﻰ ﺑﯩﺮ ﻳﻪﺭﮔﻪ ﻗﻮﻳﯘﭖ ﻗﻮﻳﯘﭖ، ﻣﯧﻬﻤﺎﻧﻼﺭﺗﺎﻣﺎﻗﻨﻰ ﺋﯚﺯﻟﯩﺮﻯ ﺧﺎﻟﯩﻐﺎﻧﭽﻪ ﺋﯧﻠﯩﭗ ﺋﯩﺴﺘﯧﻤﺎﻝ ﻗﯩﻠﯩﺪﯗ. ﺋﺎﺷﯘﻧﺪﺍﻕ ﺳﻮﺭﯗﻧﻼﺭﺩﯨﻤﯘ ﻫﯧﭽﻘﺎﻧﺪﺍﻕ ﺋﯩﺴﺮﺍﭘﭽﯩﻠﯩﻘﻨﻰ ﻛﯚﺭﻣﻪﻳﺴﯩﺰ. ﻗﯩﺴﻘﯩﺴﻰ، ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﻳﯧﻤﻪﻛﻠﯩﻜﻜﻪ ﺑﻮﻟﻐﺎﻥ ﻛﯚﺯﻗﺎﺭﯨﺸﻰ ﺋﯚﻣﺮﯨﻨﻰ ﺋﯧﺘﯩﺰﻟﯩﻘﺘﺎ ﺋﺎﺷﻠﯩﻖ ﺗﯧﺮﯨﺶ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺋﯘﻳﻐﯘﺭ ﺩﯦﻬﻘﺎﻧﻠﯩﺮﯨﻨﯩﯖﻜﯩﮕﻪﺋﻮﺧﺸﺎﭖ ﻗﺎﻟﯩﺪﯗ.

ﻣﻪﻥ ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻠﻨﯩﯔ ﺋﯩﭽﯩﺪﻩ ﺋﯘﻳﻐﯘﺭﻻﺭ ﭼﻮﯓ ﺷﻪﻫﻪﺭﻟﻪﺭﺩﯨﻜﯩﺮﯦﺴﺘﯘﺭﺍﻧﺪﺍ ﺋﯚﺗﻜﯜﺯﯨﺪﯨﻐﺎﻥ ﺋﻮﻟﺘﯘﺭﯗﺷﻼﺭ ﺗﻮﻏﺮﯨﺴﯩﺪﺍ ﺧﯧﻠﻰ ﻛﯚﭖ ﺋﯩﺸﻼﺭﻧﻰ ﺋﺎﯕﻠﯩﺪﯨﻢ. ﻫﻪﻣﺪﻩﺋﯩﻨﺘﺎﻳﯩﻦ ﻫﻪﻳﺮﺍﻥ ﻗﺎﻟﺪﯨﻢ. ﺋﺎﺩﻩﻣﻨﯩﯔ ﺗﺎﻣﺎﻕ ﻳﯧﻴﯩﺸﯩﺪﻩ ﻣﯘﻧﺪﺍﻕ 2 ﺋﺎﺳﺎﺳﯩﻲ ﻣﻪﻗﺴﻪﺕ ﺑﻮﻟﯘﺷﯩﻤﯘﻣﻜﯩﻦ: 1) ﻫﺎﻳﺎﺗﻠﯩﻘﻨﻰ ﺳﺎﻗﻼﺵ. 2) ﺭﺍﻫﻪﺕ ﻳﯜﺭﯛﺵ.

 ﺑﯩﺮ ﺋﺎﺩﻩﻣﻨﯩﯔ ﻫﺎﻳﺎﺗﻠﯩﻘﯩﻨﯩﺴﺎﻗﻼﺵ ﺋﯜﭼﯜﻥ ﺯﯙﺭﯛﺭ ﺑﻮﻟﻐﺎﻥ ﻳﯧﻤﻪﻛﻠﯩﻜﻨﯩﯔ ﻣﯩﻘﺘﺎﺭﻯ ﺋﺎﻧﭽﻪ ﭼﻮﯓ ﺋﻪﻣﻪﺱ. ﺋﻪﮔﻪﺭ ﺗﺎﻣﺎﻗﻨﻰ ﺟﯩﻘﻴﻪﯞﺍﻟﺴﯩﯖﯩﺰ، ﺷﯘ ﯞﺍﻗﯩﺘﻨﯩﯔ ﺋﯚﺯﯨﺪﻩ ﺋﺎﻧﭽﻪ ﺭﺍﻫﻪﺕ ﻳﯜﺭﻩﻟﻤﻪﻳﺴﯩﺰ. ﺋﯘﻧﯩﯔ ﺋﯜﺳﺘﯩﮕﻪ ﺋﯘ ﺳﯩﺰﻧﯩﺴﻪﻣﺮﯨﺘﯩﯟﯦﺘﯩﺪﯗ. ﺳﻪﻣﺮﯨﭗ ﻛﻪﺗﺴﯩﯖﯩﺰ، ﻳﯧﺸﯩﯖﯩﺰ 45 ﻳﺎﺷﻼﺭﺩﯨﻦ ﺋﺎﺷﻘﺎﻧﺪﺍ ﻧﯘﺭﻏﯘﻥ ﺳﺎﻻﻣﻪﺗﻠﯩﻜﻤﻪﺳﯩﻠﯩﺴﯩﮕﻪ ﺩﯗﭼﺎﺭ ﺑﻮﻟﯘﭖ، ﺋﯘ ﭼﺎﻏﺪﺍ ﺳﺎﻻﻣﻪﺗﻠﯩﻜﯩﯖﯩﺰﻧﻰ ﻧﻮﺭﻣﺎﻟﻼﺷﺘﯘﺭﯗﺵ ﺋﯜﭼﯜﻥ ﻳﻪﻧﻪﻧﯘﺭﻏﯘﻥ ﺟﺎﭘﺎ ﭼﯩﻜﯩﺸﯩﯖﯩﺰ ﻣﯘﻣﻜﯩﻦ. ﺷﯘﯕﺎ ﺋﺎﻣﯧﺮﯨﻜﯩﻠﯩﻘﻼﺭ ﻳﯧﻤﻪﻙ-ﺋﯩﭽﻤﻪﻛﻨﯩﯔ ﺳﯜﭘﯩﺘﯩﮕﻪ ﯞﻩﺋﯘﻧﯩﯔ ﻣﯩﻘﺘﺎﺭﯨﻐﺎ ﺋﯩﻨﺘﺎﻳﯩﻦ ﺩﯨﻘﻘﻪﺕ ﻗﯩﻠﯩﺪﯗ. ﻛﯩﺸﯩﻠﻪﺭ ﺑﺎﻱ ﺑﻮﻟﻐﺎﻧﺴﯧﺮﻯ ﮔﯚﺷﻨﻰ ﺋﺎﺯ ﻳﻪﭖ، ﻣﯧﯟﻩ-ﻛﯚﻛﺘﺎﺗﻨﻰ ﻛﯚﭖ ﻳﻪﻳﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ. ﺑﯩﺮﻯ ﻣﺎﯕﺎ ﭼﺎﻗﭽﺎﻕ ﻗﯩﻠﯩﭗ، «ﻣﻪﻥ ﻛﻪﻣﺒﻪﻏﻪﻟﯟﺍﻗﺘﯩﻤﺪﺍ ﮔﯚﺵ ﯞﻩ ﺋﯧﺴﯩﻞ ﺗﺎﻣﺎﻗﻼﺭﻧﻰ ﻛﯚﭖ ﻳﻪﻳﺘﺘﯩﻢ. ﻫﺎﺯﯨﺮ ﺑﺎﻱ ﺑﻮﻟﯘﭖ ﻳﯧﻤﯩﺶ-ﻛﯚﻛﺘﺎﺗﻘﯩﻼﭼﯜﺷﯜﭖ ﻗﺎﻟﺪﯨﻢ»، ﺩﯦﮕﻪﻧﯩﺪﻯ. ﻣﻪﻥ ﻳﯘﺭﺗﯩﻤﯩﺰﺩﺍ ﺗﻪﻧﺘﻪﺭﺑﯩﻴﻪ ﻳﺎﻛﻰ ﺳﻪﻧﺌﻪﺕ ﻗﺎﺗﺎﺭﻟﯩﻖ ﺑﯩﺮﻩﺭﺳﺎﻫﻪﺩﻩ ﺋﺎﻻﻫﯩﺪﻩ ﻧﻪﺗﯩﺠﻪ ﻳﺎﺭﯨﺘﯩﭗ، ﺧﻪﻟﻖ ﺋﺎﺭﯨﺴﯩﺪﺍ ﻳﯘﻗﯩﺮﻯ ﻧﺎﻣﻐﺎ ﺋﯧﺮﯨﺸﯩﭗ، ﺑﯩﺮ ﻗﺎﻧﭽﻪﻳﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ ﺑﻪﺩﻩﻥ ﻗﯘﺭﯗﻟﯘﺷﻰ ﭘﯜﺗﯜﻧﻠﻪﻱ ﺋﯚﺯﮔﯩﺮﯨﭗ ﻛﻪﺗﻜﻪﻥ ﺋﯘﻳﻐﯘﺭ ﻳﺎﺷﻠﯩﺮﯨﺪﯨﻨﺒﯩﺮ ﻗﺎﻧﭽﯩﻨﻰ ﻛﯚﺭﺩﯛﻡ. ﺋﯘﻧﯩﯖﻐﺎ ﺋﯩﻨﺘﺎﻳﯩﻦ ﺋﯚﻛﯜﻧﺪﯛﻡ. ﺋﯘﻳﻐﯘﺭﻻﺭﻧﯩﯔ ﻣﯧﻬﻤﺎﻧﺪﺍﺭﭼﯩﻠﯩﻘﺌﯚﺭﭖ-ﺋﺎﺩﯨﺘﻰ ﯞﻩ ﺷﯘ ﻗﺎﺗﺎﺭﺩﯨﻜﻰ ﺑﺎﺷﻘﺎ ﻧﯘﺭﻏﯘﻥ ﻣﻪﺩﻩﻧﯩﻴﯩﺘﯩﻨﯩﯔ ﻗﻪﺩﯨﺮ-ﻗﯩﻤﻤﯩﺘﻰ ﯞﻩﺟﻪﻟﭙﻜﺎﺭﻟﯩﻘﻰ ﺋﯩﻨﺘﺎﻳﯩﻦ ﺋﯜﺳﺘﯜﻥ. ﺑﯩﺰﻧﯩﯔ ﻣﺎﻧﺎ ﺋﺎﺷﯘﻧﺪﺍﻕ ﺋﯚﺭﭖ-ﺋﺎﺩﯨﺘﯩﻤﯩﺰ ﯞﻩﻣﻪﺩﻩﻧﯩﻴﯩﺘﯩﻤﯩﺰ ﺑﻮﻟﻐﺎﻧﻠﯩﻘﺘﯩﻦ، ﺗﺎﺭﯨﺨﺘﺎ ﻫﻪﺭ ﻗﯧﺘﯩﻢ ﺑﺎﺷﻘﺎ ﺑﯩﺮ ﻣﯩﻠﻠﻪﺕ ﺋﯘﻳﻐﯘﺭﻧﯩﺌﺎﺳﺴﯩﻤﯩﻠﻴﺎﺗﺴﯩﻴﻪ ﻗﯩﻠﻤﺎﻗﭽﻰ ﺑﻮﻟﻐﺎﻧﺪﺍ، ﺋﯘﻻﺭﻧﯩﯔ ﺋﯚﺯﻟﯩﺮﻯ ﺋﯘﻳﻐﯘﺭﻻﺭ ﺗﻪﺭﯨﭙﯩﺪﯨﻨﺌﺎﺳﺴﯩﻤﯩﻠﻴﺎﺗﺴﯩﻴﻪ ﺑﻮﻟﯘﭖ ﻛﻪﺗﻜﻪﻥ. ﻟﯧﻜﯩﻦ، ﺑﯘ ﺋﯩﺸﻼﺭﺩﯨﻤﯘ ﺋﯩﻠﻤﯩﻴﻠﯩﻚ ﺑﻮﻟﯘﺷﻰ ﻛﯧﺮﻩﻙ. ﻣﯩﻠﻠﻪﺗﻜﻪ ﯞﻩ ﺋﯚﺯﯨﻤﯩﺰﮔﻪ ﻧﯧﻤﻪ ﭘﺎﻳﺪﯨﻠﯩﻖ، ﻧﯧﻤﻪ ﺯﯨﻴﺎﻧﻠﯩﻖ، ﺋﯘﻻﺭﻧﻰ ﻫﯧﺴﺎﺑﻼﭖ ﺗﯘﺭﯗﭖ ﺋﯩﺸﻘﯩﻠﯩﺸﯩﻤﯩﺰ ﻛﯧﺮﻩﻙ.

ﺗﯚﯞﻩﻧﺪﻩ ﻣﻪﻥ ﺋﯚﺯ ﺑﯧﺸﯩﻤﯩﺰﺩﯨﻦ ﺋﯚﺗﻜﯜﺯﮔﻪﻧﺒﯩﺮ ﻗﺎﻧﭽﻪ ﻫﯧﻜﺎﻳﯩﻨﻰ ﺳﯚﺯﻟﻪﭖ ﺑﯧﺮﻩﻱ.

ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺩﻭﻛﺘﻮﺭﻟﯘﻗﺌﯘﻧﯟﺍﻧﻰ ﺋﯧﻠﯩﺶ ﺋﯜﭼﯜﻥ ﻣﯘﻧﺪﺍﻕ 4 ﺋﯚﺗﻜﻪﻟﺪﯨﻦ ﺋﯚﺗﯜﺵ ﻛﯧﺮﻩﻙ.

1) ﻣﻪﻛﺘﻪﭘﻨﯩﯔ ﺩﻭﻛﺘﻮﺭﻟﯘﻕ ﭘﺮﻭﮔﺮﺍﻣﻤﯩﺴﯩﻐﺎﻗﻮﺑﯘﻝ ﻗﯩﻠﯩﻨﯩﺶ. ﺑﯘﻧﯩﯖﺪﺍ ﺳﯩﺰﻧﯩﯔ ﺑﯘﺭﯗﻧﻘﻰ ﺋﻮﻗﯘﺵ ﯞﻩ ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﯨﯖﯩﺰ، ﻫﻪﻣﺪﻩ TOEFL ﯞﻩ GRE ﺋﯩﻤﺘﯩﻬﺎﻧﻨﻪﺗﯩﺠﯩﻠﯩﺮﯨﯖﯩﺰ ﺋﯩﻨﺘﺎﻳﯩﻦ ﻣﯘﻫﯩﻢ ﺭﻭﻝ ﺋﻮﻳﻨﺎﻳﺪﯗ.

 2) ﺋﯩﻨﮕﻠﯩﺰﭼﻪ «comprehensive exam» ﺩﻩﭖ ﺋﺎﺗﯩﻠﯩﺪﯨﻐﺎﻥ، ﺋﻮﻣﯘﻣﯩﻲ ﺋﯩﻤﺘﯩﻬﺎﻧﺪﯨﻦ ﺋﯚﺗﯜﺵ. ﺑﯘ ﺋﯩﻤﺘﯩﻬﺎﻧﻨﻰ ﺋﺎﺩﻩﺗﺘﻪ ﻣﻪﻛﺘﻪﭘﻜﻪ ﻛﯩﺮﯨﭗ ﺑﯩﺮ ﻳﯩﻞ ﻳﺎﻛﻰ 2 ﻳﯩﻞ ﺋﯚﺗﻜﻪﻧﺪﻩ، ﺳﯩﺰﺩﯨﻦ ﺗﻪﻟﻪﭖ ﻗﯩﻠﯩﻨﻐﺎﻥ 10 ﺩﻩﻙ ﺋﺎﺳﭙﯩﺮﺍﻧﺘﻠﯩﻖ ﺩﻩﺭﺳﻠﯩﺮﯨﻨﻰ ﺋﻮﻗﯘﭘﺒﻮﻟﻐﺎﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﺑﯧﺮﯨﺴﯩﺰ. ﺋﺎﻣﯧﺮﯨﻜﯩﺪﺍ ﺋﺎﺳﭙﯩﺮﺍﻧﺘﻠﯩﻖ ﺩﻩﺭﺳﻠﯩﺮﯨﻨﯩﯔ ﺗﻪﻟﯩﭙﯩﻤﯘﺧﯘﺩﺩﻯ ﺑﺎﻛﺎﻻﯞﺭ ﺩﻩﺭﺳﻠﯩﺮﯨﻨﯩﯖﻜﯩﮕﻪ ﺋﻮﺧﺸﺎﺵ ﺑﻮﻟﯘﭖ، ﺑﺎﻛﺎﻻﯞﺭ ﺩﻩﺭﺳﻠﯩﺮﯨﮕﻪ ﺋﻮﺧﺸﺎﺷﻼ ﺋﯚﺗﯜﻟﯩﺪﯗﻫﻪﻣﺪﻩ ﻗﺎﺗﺘﯩﻖ ﺋﯩﻤﺘﯩﻬﺎﻥ ﺋﯧﻠﯩﻨﯩﺪﯗ. ﺑﯩﺰﺩﯨﻦ ﺋﯧﻠﯧﻜﺘﯩﺮ ﺋﯩﻨﮋﯨﻨﯩﺮﻟﯩﻘﯩﻨﯩﯔ 5 ﻛﻪﺳﭙﯩﻲ ﺳﺎﻫﻪﺳﯩﺌﯩﭽﯩﺪﯨﻜﻰ 3 ﺳﺎﻫﻪﻧﻰ ﺋﯚﺯﯨﻤﯩﺰ ﺗﺎﻟﻼﭖ ﺋﯩﻤﺘﯩﻬﺎﻥ ﺑﯧﺮﯨﺶ ﺗﻪﻟﻪﭖ ﻗﯩﻠﯩﻨﻐﺎﻥ. ﺑﯘ 3 ﺩﻩﺭﺱ ﺋﻪﻣﻪﺱ، 3 ﻛﻪﺳﭙﯩﻲ ﺳﺎﻫﻪ ﺑﻮﻟﻐﺎﭼﻘﺎ، ﻫﻪﺭ ﺑﯩﺮ ﺳﺎﻫﻪﺩﻩ ﺑﺎﻛﺎﻻﯞﺭﻟﯩﻘﻨﯩﯔ 2-3 ﺩﻩﺭﺳﯩﻨﻰ ﭘﯘﺧﺘﺎ ﺑﯩﻠﯩﺸﺘﻪﻟﻪﭖ ﻗﯩﻠﯩﻨﯩﺪﯗ. ﻫﻪﺭ ﺑﯩﺮ ﺋﯩﻤﺘﯩﻬﺎﻥ ﻳﯧﺮﯨﻢ ﺳﺎﺋﻪﺕ ﺑﻮﻟﯘﭖ، 3 ﭘﺮﻭﻓﯧﺴﺴﻮﺭ ﺳﯩﺰﻧﯩﺌﻮﻟﺘﯘﺭﻏﯘﺯﯗﭖ ﻗﻮﻳﯘﭖ، ﺗﻪﺭﻩﭖ-ﺗﻪﺭﻩﭘﺘﯩﻦ ﺳﻮﺋﺎﻝ ﺳﻮﺭﺍﻳﺪﯗ. ﺩﻭﻛﺘﻮﺭﻟﯘﻕ ﭘﺮﻭﮔﺮﺍﻣﻤﯩﺴﯩﻐﺎ ﻗﻮﺑﯘﻟﻘﯩﻠﯩﻨﻐﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺑﯩﺮ ﻗﯩﺴﻤﻰ ﻣﯘﺷﯘ ﺋﯩﻤﺘﯩﻬﺎﻧﯩﺪﯨﻦ ﺋﯚﺗﻪﻟﻤﻪﻱ ﻣﻪﻛﺘﻪﭘﺘﯩﻦ ﭼﯩﻘﯩﭙﻜﯧﺘﯩﺪﯗ.

 3) ﺋﯩﻨﮕﻠﯩﺰﭼﻪ «Qualifying exam» ﺩﻩﭖ ﺋﺎﺗﯩﻠﯩﺪﯨﻐﺎﻥ ﺳﺎﻻﻫﯩﻴﻪﺗﻨﻰ ﺑﯧﻜﯩﺘﯩﺸﺌﯩﻤﺘﯩﻬﺎﻧﻰ. ﺑﯘ ﺋﯩﻤﺘﯩﻬﺎﻧﻨﻰ ﺩﻭﻛﺘﻮﺭﻟﯘﻕ ﺩﯨﺴﺴﯧﺮﺗﺎﺗﺴﯩﻴﻪﺳﻰ ﺋﯜﭼﯜﻥ ﺋﯧﻠﯩﭗ ﺑﺎﺭﯨﺪﯨﻐﺎﻧﺘﻪﺗﻘﯩﻘﺎﺕ ﻣﻪﺯﻣﯘﻧﯩﻨﻰ ﺑﯧﻜﯩﺘﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺳﯩﺰ ﺑﯩﺮ ﺧﯧﻠﻰ ﭼﻮﯓ ﺩﺍﺋﯩﺮﯨﻠﯩﻚ ﺩﻭﻛﻼﺗﻴﯩﻐﯩﻨﻰ ﺋﯘﻳﯘﺷﺘﯘﺭﯗﭖ، «ﻣﻪﻥ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﯜﭼﯜﻥ ﻣﯘﻧﺪﺍﻕ-ﻣﯘﻧﺪﺍﻕ ﻣﻪﺯﻣﯘﻧﻼﺭﺩﺍﺗﻪﺗﻘﯩﻘﺎﺕ ﺋﯧﻠﯩﭗ ﺑﺎﺭﯨﻤﻪﻥ» ﺩﻩﭖ ﺩﻭﻛﻼﺕ ﺑﯧﺮﯨﺴﯩﺰ. ﺋﯘﻧﯩﯖﻐﺎ ﺳﯩﺰ ﺗﺎﻟﻠﯩﻐﺎﻥ ﯞﻩ ﺋﯚﺯﻟﯩﺮﯨﻘﻮﺷﯘﻟﻐﺎﻥ 3 ﭘﺮﻭﻓﯧﺴﺴﻮﺭﺩﯨﻦ ﺗﻪﺭﻛﯩﺐ ﺗﺎﭘﻘﺎﻥ «ﺩﻭﻛﺘﻮﺭﻟﯘﻕ ﺩﯨﺴﺴﯧﺮﺗﺎﺗﺴﯩﻴﻪﺳﯩﻨﻰ ﺑﺎﻫﺎﻻﺷﻜﻮﻣﯩﺘﯧﺘﻰ»ﻧﯩﯔ ﺋﻪﺯﺍﻟﯩﺮﻯ ﻫﻪﻣﺪﻩ ﻓﺎﻛﯘﻟﺘﯧﺘﺘﯩﻜﻰ ﺑﺎﺷﻘﺎ ﭘﺮﻭﻓﯧﺴﺴﻮﺭ ﯞﻩ ﺋﺎﺳﭙﯩﺮﺍﻧﺘﺌﻮﻗﯘﻏﯘﭼﯩﻼﺭ ﻗﺎﺗﻨﯩﺸﯩﺪﯗ. ﺋﻪﮔﻪﺭ ﺑﯘ 3 ﭘﺮﻭﻓﯧﺴﺴﻮﺭ ﺳﯩﺰﻧﯩﯔ ﻗﯩﻠﻤﺎﻗﭽﻰ ﺑﻮﻟﻐﺎﻧﺘﻪﺗﻘﯩﻘﺎﺗﯩﯖﯩﺰﻏﺎ ﻗﺎﺭﺍﭖ، «ﺑﯘ ﺋﻮﻗﯘﻏﯘﭼﻰ ﻣﯘﺷﯘ ﺗﻪﺗﻘﯩﻘﺎﺗﻨﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﭘﯜﺗﺘﯜﺭﺳﻪﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﺎﻻﻻﻳﺪﯗ» ﺩﻩﭖ ﺧﯘﻻﺳﻪ ﭼﯩﻘﺎﺭﺳﺎ، ﺳﯩﺰ ﺑﯘ ﺋﯩﻤﺘﯩﻬﺎﻧﺪﯨﻦ ﺋﯚﺗﯩﺴﯩﺰ. ﺋﯘﻧﺪﺍﻕ ﺩﻩﭖ ﺧﯘﻻﺳﻪ ﭼﯩﻘﺎﺭﻣﯩﺴﺎ ﺳﯩﺰ ﺋﯘﻧﯩﯖﺪﯨﻦ ﺋﯚﺗﻪﻟﻤﻪﻳﺴﯩﺰ. ﺳﯩﺰﮔﻪ ﻳﻪﻧﻪ ﺑﯩﺮ ﻗﯧﺘﯩﻤﻠﯩﻘﭙﯘﺭﺳﻪﺕ ﺑﯧﺮﯨﻠﯩﺪﯗ. ﺑﯩﺮ ﻳﯩﻠﺪﻩﻙ ﯞﺍﻗﯩﺘﺘﯩﻦ ﻛﯧﻴﯩﻦ ﺳﯩﺰ ﺑﯘ ﺋﯩﻤﺘﯩﻬﺎﻧﺪﯨﻦ ﻳﻪﻧﻪ ﺑﯩﺮ ﻗﯧﺘﯩﻤﺌﯚﺗﻪﻟﻤﯩﺴﯩﯖﯩﺰ، ﺳﯩﺰ ﻣﻪﻛﺘﻪﭘﺘﯩﻦ ﭼﯩﻘﯩﺮﯨﻠﯩﺴﯩﺰ. ﺋﺎﺩﻩﺗﺘﻪ ﺩﻭﻛﺘﻮﺭﻟﯘﻕ ﭘﺮﻭﮔﺮﺍﻣﻤﯩﺴﯩﻐﺎ ﻗﻮﺑﯘﻟﻘﯩﻠﯩﻨﻐﺎﻥ ﺋﻮﻗﯘﻏﯘﭼﯩﻼﺭﻧﯩﯔ ﺋﯩﭽﯩﺪﻩ 1/3 ﻗﯩﺴﻤﻰ ﻣﯘﺷﯘ 2 ﺋﯩﻤﺘﯩﻬﺎﻧﯩﺪﯨﻦ ﺋﯚﺗﻪﻟﻤﻪﻱ ﻣﻪﻛﺘﻪﭘﺘﯩﻨﭽﯩﻘﯩﺮﯨﻠﯩﺪﯗ.

4) ﺳﯩﺰ ﺗﻪﺗﻘﯩﻘﺎﺗﯩﯖﯩﺰﻧﻰ ﺗﺎﻣﺎﻣﻼﭖ، ﺩﻭﻛﺘﻮﺭﻟﯘﻕ ﺩﯨﺴﺴﯧﺮﺗﺎﺗﺴﯩﻴﻪﺳﯩﻨﻰ ﻳﯧﺰﯨﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻳﯘﻗﯩﺮﯨﻘﻰ 3-ﺑﺎﺳﻘﯘﭺ ﺑﯩﻠﻪﻥ ﺋﻮﺧﺸﺎﭖ ﻛﯧﺘﯩﺪﯨﻐﺎﻥ ﺑﯩﺮ ﺩﻭﻛﻼﺕ ﻳﯩﻐﯩﻨﻰ ﺋﯘﻳﯘﺷﺘﯘﺭﯗﭖ، ﺋﯚﺯﯨﯖﯩﺰﻧﯩﯔ ﺗﻪﺗﻘﯩﻘﺎﺕ ﻧﻪﺗﯩﺠﯩﯖﯩﺰﺩﯨﻦ ﺩﻭﻛﻼﺕ ﺑﯧﺮﯨﺴﯩﺰ. ﺋﻪﮔﻪﺭ ﻫﯧﻠﯩﻘﻰ ﻛﻮﻣﯩﺘﯧﺘﻨﯩﯔ 3 ﺋﻪﺯﺍﺳﻰ ﺳﯩﺰﻧﯩﯔ ﺩﯨﺴﺴﯧﺮﺗﺎﺗﺴﯩﻴﯩﯖﯩﺰﻧﻰ ﺗﻪﺳﺘﯩﻘﻠﯩﺴﺎ، ﺳﯩﺰ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺑﯩﻠﻪﻥ ﺋﻮﻗﯘﺷﭙﯜﺗﺘﯜﺭﯨﺴﯩﺰ. ﺋﻪﮔﻪﺭ ﺳﯩﺰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺗﻪﺗﻘﯩﻘﺎﺕ ﻧﻪﺗﯩﺠﯩﻠﯩﺮﻯ ﻳﯧﺘﻪﺭﻟﯩﻚ ﺑﻮﻟﻤﯩﺴﺎ، ﻫﯧﻠﯩﻘﻰ ﻛﻮﻣﯩﺘﯧﺘﻨﯩﯔ ﺋﻪﺯﺍﻟﯩﺮﻯ ﺳﯩﺰﮔﻪ ﻗﺎﻳﺴﻰ ﺟﻪﻫﻪﺗﻠﻪﺭﻧﻰ ﺗﻮﻟﯘﻗﻼﺷﻨﻰ ﺋﯧﻴﺘﯩﭗ، ﺗﺎﻛﯩﺌﯚﺯﻟﯩﺮﻯ ﻗﺎﻧﺎﺋﻪﺗﻠﻪﻧﮕﯩﭽﻪ ﺳﯩﺰﻧﻰ ﺗﻪﺗﻘﯩﻘﺎﺕ ﺋﯧﻠﯩﭗ ﺑﯧﺮﯨﺸﻘﺎ ﻣﻪﺟﺒﯘﺭﻻﻳﺪﯗ. ﺋﺎﻣﯧﺮﻛﯩﻨﯩﯔ ﺋﯩﻨﮋﯨﻨﯩﺮﻟﯩﻖ ﻛﻪﺳﭙﯩﻲ ﺳﺎﻫﻪﺳﯩﺪﯨﻜﻰ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﯧﻠﯩﺶ ﺋﯜﭼﯜﻧﺴﻪﺭﭖ ﻗﯩﻠﯩﺪﯨﻐﺎﻥ ﺋﻮﺗﺘﯘﺭﯨﭽﻪ ﯞﺍﻗﺘﻰ 6-7 ﻳﯩﻞ ﺑﻮﻟﯘﭖ، ﻣﻪﻥ ﺋﻮﻗﯘﺷﯘﻣﻨﻰ 4 ﻳﯩﻠﺪﯨﻦ ﺳﻪﻟﺌﺎﺭﺗﯘﻗﺮﺍﻕ ﯞﺍﻗﯩﺖ ﺋﯩﭽﯩﺪﻩ ﺗﺎﻣﺎﻣﻠﯩﺪﯨﻢ. ﻫﻪﻣﺪﻩ ﺑﯘ ﺳﯚﻫﺒﻪﺗﻨﯩﯔ ﺋﺎﻟﺪﯨﻨﻘﻰ ﺑﯩﺮ ﻗﯩﺴﻤﯩﺪﺍﺗﯩﻠﻐﺎ ﺋﺎﻟﻐﯩﻨﯩﻤﺪﻩﻙ، ﺷﯘ ﻳﯩﻠﻰ ﺑﯩﺰﻧﯩﯔ ﻓﺎﻛﯘﻟﺘﯧﺘﺘﺎ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﯩﻐﺎ ﺋﯧﺮﯨﺸﻜﻪﻥ 15 ﺗﻪﻙ ﺋﺎﺩﻩﻣﻨﯩﯔ ﺋﺎﺭﯨﺴﯩﺪﺍ ﺭﯨﻘﺎﺑﻪﺗﺘﻪ ﺋﯘﺗﯘﭖ ﭼﯩﻘﯩﭗ، ﺑﯩﺮ ﻳﯩﻠﺪﺍ ﭘﻪﻗﻪﺕ ﺑﯩﺮﻻ ﻛﯩﺸﯩﮕﻪﺑﯧﺮﯨﻠﯩﺪﯨﻐﺎﻥ «ﺋﻪﯓ ﻳﺎﺧﺸﻰ ﺩﻭﻛﺘﻮﺭﻟﯘﻕ ﺩﯨﺴﺴﯧﺮﺗﺎﺗﺴﯩﻴﻪﺳﻰ» ﺩﯦﮕﻪﻥ ﻣﯘﻛﺎﭘﺎﺗﻘﺎ ﺋﯧﺮﯨﺸﺘﯩﻢ. ﺋﺎﻣﯧﺮﯨﻜﯩﺪﺍ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﯜﭼﯜﻥ ﻣﯘﺷﯘﻧﺪﺍﻕ ﺋﯘﺯﯗﻥ ﯞﺍﻗﯩﺖ ﻛﯧﺘﯩﺸﯩﻨﯩﯔ ﺑﯩﺮ ﺳﻪﯞﻩﺑﻰ، ﺑﯩﺰ ﻳﺎﻟﻐﯘﺯ ﺋﻮﻗﯘﭘﻼ ﻗﺎﻟﻤﺎﻱ، ﺋﯚﺯﯨﻤﯩﺰﻧﯩﯔ ﺗﯘﺭﻣﯘﺷﯩﻨﻰ ﺋﯩﻘﺘﯩﺴﺎﺩﯨﻲ ﻛﯩﺮﯨﻢ ﺑﯩﻠﻪﻥ ﺗﻪﻣﯩﻨﻠﻪﺵ ﺋﯜﭼﯜﻥ، ﻫﻪﺭ ﻫﻪﭘﺘﯩﺴﯩﺪﻩ ﻛﻪﻡ ﺩﯦﮕﻪﻧﺪﻩ 20 ﺳﺎﺋﻪﺕ ﺋﯩﺸﻠﻪﻳﻤﯩﺰ.

ﻣﻪﻥ ﺋﯚﺯﻩﻣﻨﯩﯔ ﺋﻮﻣﯘﻣﯩﻲ ﺋﯩﻤﺘﯩﻬﺎﻧﯩﻨﯩﯔ ﺑﯩﺮﯨﻨﻰ ﺑﻪﺭﮔﻪﻧﺪﻩ ﻣﯘﻧﺪﺍﻕ ﺑﯩﺮ ﯞﻩﻗﻪﺑﻮﻟﺪﻯ. 3 ﭘﺮﻭﻓﯧﺴﺴﻮﺭ ﻣﻪﻧﺪﯨﻦ ﻫﻪﺭ ﺑﯩﺮ ﻣﯩﻨﯘﺗﺘﺎ ﺑﯩﺮﺩﯨﻦ ﺳﻮﺋﺎﻝ ﺳﻮﺭﯨﺪﻯ. ﻣﻪﻥ ﻫﻪﻣﻤﯩﺴﯩﮕﻪﻧﺎﻫﺎﻳﯩﺘﻰ ﭼﺎﻗﻘﺎﻥ ﯞﻩ ﭘﯘﺧﺘﺎ ﺟﺎﯞﺍﺏ ﺑﻪﺭﺩﯨﻢ. ﺑﯘ 3 ﭘﺮﻭﻓﯧﺴﺴﻮﺭﻧﯩﯔ ﺑﯩﺮﻯ ﺋﺎﻣﯧﺮﯨﻜﯩﻠﯩﻖ ﺋﺎﻗﺘﻪﻧﻠﯩﻚ ﺑﻮﻟﯘﭖ، ﺑﯘ ﻳﯧﺮﯨﻢ ﺳﺎﺋﻪﺗﻠﯩﻚ ﺋﯩﻤﺘﯩﻬﺎﻥ ﺗﯜﮔﯩﮕﻪﻧﺪﯨﻦ ﻛﯧﻴﯩﻦ ﺋﯘ ﻣﻪﻧﺪﯨﻦ،

--ﺋﻪﺭﻛﯩﻦ، ﺳﻪﻥ ﻗﺎﻳﺴﻰ ﺩﯙﻟﻪﺗﺘﯩﻦ ﻛﻪﻟﺪﯨﯔ؟ ﺩﻩﭖ ﺳﻮﺭﯨﺪﻯ.

--ﻣﻪﻥ ﺟﯘﯕﮕﻮﻧﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﯨﻜﻰ ...

--ﺳﻪﻥ ﺋﯘﻳﻐﯘﺭﻣﺎ؟

--ﺷﯘﻧﺪﺍﻕ! ﺳﻪﻥ ﺋﯘﻳﻐﯘﺭﻧﻰ ﻗﺎﻧﺪﺍﻕ ﺑﯩﻠﯩﺴﻪﻥ؟

--ﻣﯧﻨﯩﯔ ﺑﯩﺮ ﻳﯧﻘﯩﻦ ﺩﻭﺳﺘﯘﻡ ﻫﺎﺯﯨﺮ ﺷﯩﻨﺠﺎﯕﺪﺍﺋﯩﻨﮕﻠﯩﺰ ﺗﯩﻠﻰ ﺩﻩﺭﺳﻰ ﺋﯚﺗﯜﯞﺍﺗﯩﺪﯗ. ﺋﯘ ﻣﺎﯕﺎ ﺩﺍﯞﺍﻣﻠﯩﻖ ﺋﯘﻳﻐﯘﺭﻻﺭ ﺗﻮﻏﺮﯨﺴﯩﺪﺍ ﺧﻪﺕ ﻳﯧﺰﯨﭙﺘﯘﺭﯨﺪﯗ.

ﺑﯘ 1992-ﻳﯩﻠﻰ ﺑﻮﻟﻐﺎﻥ ﯞﻩﻗﻪ ﺑﻮﻟﯘﭖ، ﻣﻪﻧﺌﺎﻣﯧﺮﯨﻜﯩﻐﺎ ﻛﻪﻟﮕﻪﻥ ﺋﺎﻟﺪﯨﻨﻘﻰ 4 ﻳﯩﻞ ﺟﻪﺭﻳﺎﻧﯩﺪﺍ ﺋﯚﺯﯛﻡ ﺑﯘﺭﯗﻥ ﺗﻮﻧﯘﺷﻤﺎﻳﺪﯨﻐﺎﻧﺌﺎﻣﯧﺮﯨﻜﯩﻠﯩﻘﻼﺭ ﺋﯩﭽﯩﺪﻩ ﺋﯘﻳﻐﯘﺭﻻﺭﻧﻰ ﺑﯩﻠﯩﺪﯨﻐﺎﻥ ﺑﯩﺮﻩﺭ ﺋﺎﺩﻩﻣﻨﻰ ﺗﯧﺨﻰ ﺋﯘﭼﺮﯨﺘﯩﭗ ﺑﺎﻗﻤﯩﻐﺎﻧﺌﯩﺪﯨﻢ. ﻣﯧﻨﯩﯔ ﺷﯘ ﭼﺎﻏﺪﺍ ﺑﯩﺰﻧﯩﯔ ﺑﯩﺮ ﺋﺎﻣﯧﺮﯨﻜﯩﻠﯩﻖ ﺩﻭﺳﺘﯩﻤﯩﺰﺩﯨﻦ ﺋﺎﺭﯨﻴﻪﺗﻜﻪ ﺋﺎﻟﻐﺎﻥ، ﻫﯧﭽﻘﺎﻧﺪﺍﻕ ﻧﻪﻗﯩﺸﻰ ﻳﻮﻕ ﺑﯩﺮ ﺋﺎﺩﺩﻯ ﺩﯗﺗﺘﯩﺮﯨﻤﯩﺰ ﺑﺎﺭ ﺑﻮﻟﯘﭖ، ﺋﻪﺗﺮﺍﭘﯩﻤﺪﯨﻜﯩﻠﻪﺭﮔﻪ ﺋﯘﻳﻐﯘﺭﻧﯩﺘﻪﺷﯟﯨﻖ ﻗﯩﻠﯩﺶ ﺋﯜﭼﯜﻥ، ﭘﯘﺭﺳﻪﺗﻼ ﺗﺎﭘﺴﺎﻡ ﺷﯘ ﺩﯗﺗﺘﺎﺭﻧﻰ ﭼﯧﻠﯩﭗ ﺑﯧﺮﯨﭗ، ﺋﯘﻧﯩﯔ ﺋﺎﻟﺪﻯ-ﻛﻪﻳﻨﯩﺪﻩﺋﯘﻳﻐﯘﺭ ﺗﻮﻏﺮﯨﺴﯩﺪﺍ ﺑﯩﺮ ﻗﺎﻧﭽﻪ ﻣﯩﻨﯘﺕ ﺳﯚﺯﻟﻪﭖ ﻳﯜﺭﮔﻪﻥ ﺋﯩﺪﯨﻢ. 1989-ﻳﯩﻠﻰ ﻛﺎﻟﯩﻔﻮﺭﻧﯩﻴﻪﺷﯩﺘﺎﺕ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯚﺗﻜﯜﺯﯛﻟﮕﻪﻥ ﺑﯩﺮ ﻗﯧﺘﯩﻤﻠﯩﻖ «ﺗﺎﻻﻧﺖ ﻛﯚﺭﺳﯩﺘﯩﺶ» ﻣﯘﺳﺎﺑﯩﻘﯩﺴﯩﮕﻪﻗﺎﺗﻨﯩﺸﯩﭗ، ﺳﻪﻫﻨﯩﺪﻩ ﺋﯚﺯﯛﻡ ﻳﺎﻟﻐﯘﺯ ﺩﯗﺗﺘﺎﺭ ﭼﺎﻟﺪﯨﻢ. ﺑﺎﺷﻘﯩﻼﺭ ﺋﻮﺭﯗﻧﻠﯩﻐﺎﻥ ﻣﯘﺯﯨﻜﺎﺳﺎﻳﻤﺎﻧﻠﯩﺮﯨﻐﺎ ﻗﺎﺭﯨﻐﺎﻧﺪﺍ، ﻣﯧﻨﯩﯔ ﺩﯗﺗﺘﯩﺮﯨﻢ ﺑﻪﻛﻼ ﺋﺎﺩﺩﯨﻲ ﺑﻮﻟﯘﭖ، ﻳﺎﻟﻐﯘﺯ ﺩﯗﺗﺘﺎﺭ ﺳﻪﻫﻨﯩﺪﻩﺑﯩﺮ ﺋﺎﺯ ﭼﺎﻧﺪﻯ. ﻟﯧﻜﯩﻦ، ﺋﻪﺗﯩﺴﻰ ﻣﻪﻛﺘﻪﭘﻨﯩﯔ ﮔﯧﺰﯨﺘﯩﮕﻪ ﻣﯧﻨﻰ «ﺋﯘﻳﻐﯘﺭ ﺩﯗﺗﺘﺎﺭﭼﯩﺴﻰ ﺋﻪﺭﻛﯩﻨﺴﯩﺪﯨﻖ ﺑﯩﺮ 2 ﺗﺎﺭﯨﻠﯩﻖ ﻣﯘﺯﯨﻜﺎ ﺋﻪﺳﯟﺍﺑﯩﻨﻰ ﭼﺎﻟﺪﻯ» ﺩﻩﭖ ﺧﻪﯞﻩﺭ ﻗﯩﻠﺪﻯ. ﻗﯩﺰﯨﻢ ﺩﯨﻠﻨﺎﺭﻩﺋﺎﻣﯧﺮﯨﻜﯩﻐﺎ ﺑﯜﮔﯜﻧﻰ ﻛﯧﻠﯩﭗ، ﺋﻪﺗﯩﺴﯩﻼ 1-ﺳﯩﻨﯩﭙﻘﺎ ﻛﯩﺮﯨﭗ ﻣﻪﻛﺘﻪﭖ ﺑﺎﺷﻠﯩﻐﺎﻧﯩﺪﻯ. ﺋﯘﻧﯩﯖﻤﻪﻛﺘﯩﭙﯩﺪﻩ ﻫﻪﺭ ﻗﯧﺘﯩﻢ ﺑﯩﺮﻩﺭ ﭘﺎﺋﺎﻟﯩﻴﻪﺕ ﺑﻮﻟﺴﺎ، ﺑﯩﺰ ﺋﯘﻧﯩﯖﻐﺎ ﻗﺎﺗﻨﯩﺸﯩﭗ، ﻣﻪﻥ ﺩﯗﺗﺘﺎﺭﭼﺎﻟﺪﯨﻢ، ﺩﯨﻠﻨﺎﺭﻩ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﯩﺪﻯ. ﺑﯩﺮ ﻧﻪﭼﭽﻪ ﻗﯧﺘﯩﻢ ﺑﯩﺰ ﺗﯘﺭﻏﺎﻥ Davis ﺩﯦﮕﻪﻥ ﺷﻪﻫﻪﺭﻧﯩﯔ ﺷﻪﻧﺒﻪ ﺑﺎﺯﯨﺮﯨﺪﯨﻤﯘ ﭘﺎﺋﺎﻟﯩﻴﻪﺕ ﺑﻮﻟﻐﺎﻧﯩﺪﻯ. ﺑﯩﺰ ﺋﯘ ﻳﻪﺭﺩﯨﻤﯘ ﺩﯗﺗﺘﺎﺭ ﺑﯩﻠﻪﻧﺌﯘﻳﻐﯘﺭ ﺋﯘﺳﺴﯘﻝ ﺋﻮﻳﯘﻧﻰ ﻛﯚﺭﺳﻪﺗﺘﯘﻕ. ﺑﯩﺰ ﺳﻪﻫﻨﯩﺪﯨﻦ ﭼﯜﺷﻜﻪﻧﺪﻩ ﺑﻪﺯﯨﻠﻪﺭ ﻣﯧﻨﯩﯔ ﻗﯧﺸﯩﻤﻐﺎﻛﯧﻠﯩﭗ، «ﺳﻪﻥ ﻗﯩﺰﯨﯖﻨﻰ ﻗﺎﻳﺴﻰ ﺋﯘﺳﺴﯘﻝ ﻣﻪﻛﺘﯩﭙﯩﺪﻩ ﺋﻮﻗﯘﺗﯩﯟﺍﺗﯩﺴﻪﻥ؟» ﺩﻩﭖ ﺳﻮﺭﯨﺪﻯ. ﺋﻪﻣﻪﻟﯩﻴﻪﺗﺘﻪ ﺑﻮﻟﺴﺎ، ﺩﯨﻠﻨﺎﺭﻩ ﺋﯘ ﭼﺎﻏﻘﯩﭽﻪ ﺋﯘﺳﺴﯘﻝ ﻣﻪﻛﺘﯩﭙﯩﻨﯩﯔ ﻗﺎﺭﯨﺴﯩﻨﯩﻤﯘ ﺑﯩﺮﻩﺭ ﻗﯧﺘﯩﻤﻜﯚﺭﯛﭖ ﺑﺎﻗﻤﯩﻐﺎﻧﯩﺪﻯ. ﭘﯜﺗﯜﻥ ﺷﯩﻤﺎﻟﯩﻲ ﻛﺎﻟﯩﻔﻮﺭﻧﯩﻴﻪ ﺑﻮﻳﯩﭽﻪ ﺑﯩﺰﺩﯨﻦ ﺑﺎﺷﻘﺎ ﺋﯘﻳﻐﯘﺭﺋﺎﺋﯩﻠﯩﺴﻰ ﺑﻮﻟﻤﯩﻐﺎﭼﻘﺎ، ﺋﯘﻳﻐﯘﺭﻻﺭﻧﯩﯔ ﺋﯘﺳﺴﯘﻝ ﺋﻮﻳﻨﺎﻳﺪﯨﻐﺎﻥ ﺋﻮﻟﺘﯘﺭﯗﺷﯩﻨﯩﻤﯘ ﺋﺎﻧﭽﻪ ﻛﯚﺭﯛﭘﺒﺎﻗﻤﯩﻐﺎﻧﯩﺪﻯ. ﺋﯘ ﭼﺎﻏﻼﺭﺩﺍ ﺋﯘﻳﻐﯘﺭﭼﻪ VCD ﻻﺭ ﺑﯘ ﻳﻪﺭﮔﻪ ﺗﯧﺨﻰ ﭼﯩﻘﻤﯩﻐﺎﻥ ﺑﻮﻟﯘﭖ، ﺋﻮﻗﯘﺷﺠﻪﺭﻳﺎﻧﯩﺪﺍ ﺋﯩﻘﺘﯩﺴﺎﺩﯨﻲ ﺋﻪﻫﯟﺍﻟﯩﻤﯩﺰ ﻧﺎﭼﺎﺭ ﺑﻮﻟﻐﺎﭼﻘﺎ ﻳﯘﺭﺗﻘﺎ ﺑﺎﺭﺍﻟﻤﺎﻱ، ﻳﯘﺭﺗﯩﻤﯩﺰﻧﻰ ﯞﻩﻳﯘﺭﺗﺘﯩﻜﯩﻠﻪﺭﻧﻰ ﺋﯩﻨﺘﺎﻳﯩﻦ ﺳﯧﻐﯩﻨﺎﺗﺘﯘﻕ. ﺑﻪﺯﻯ ﻳﻪﻛﺸﻪﻧﺒﻪ ﻛﯜﻧﻠﯩﺮﻯ ﺗﯧﻠﯧﯟﯨﺰﻭﺭﺩﺍﻫﯩﻨﺪﯨﺴﺘﺎﻧﻨﯩﯔ ﭘﺮﻭﮔﺮﺍﻣﻤﯩﺴﻰ ﭼﯩﻘﯩﭗ ﻗﺎﻟﺴﺎ، ﻣﻪﻥ «ﻣﯧﻨﯩﯔ ﺋﯘﺳﺴﯘﻟﻨﻰ ﺋﯘﻻﺭﺩﯨﻦ ﭼﯩﺮﺍﻳﻠﯩﻘﺮﺍﻗﺌﻮﻳﻨﺎﻳﺪﯨﻐﺎﻥ ﯞﻩ ﻧﺎﺧﺸﯩﻨﻰ ﺋﯘﻻﺭﺩﯨﻦ ﻳﺎﺧﺸﯩﺮﺍﻕ ﺋﯧﻴﺘﯩﺪﯨﻐﺎﻥ ﻣﯩﻠﻠﯩﺘﯩﻢ، ﻣﻪﻧﺰﯨﺮﯨﺴﯩﺌﯘﻻﺭﻧﯩﯖﻜﯩﺪﯨﻦ ﮔﯜﺯﻩﻝ ﻳﯘﺭﺗﯘﻡ ﺑﺎﺭ ﺋﻪﻣﻪﺳﻤﯘ؟» ﺩﻩﭖ ﺋﻮﻳﻼﭖ، ﺑﻪﺯﯨﺪﻩ ﺋﯚﺯﯛﻣﻨﻰ ﺗﯘﺗﯘﯞﺍﻻﻟﻤﺎﻳﻜﯚﺯﻟﯩﺮﯨﻤﺪﯨﻦ ﺗﺎﺭﺍﻡ-ﺗﺎﺭﺍﻡ ﻳﺎﺵ ﺋﯧﻘﯩﭗ ﻛﯧﺘﻪﺗﺘﻰ. 1992-ﻳﯩﻠﻰ ﺩﺍﯞﯨﺴﺘﯩﻜﻰ ﻣﻪﻛﺘﻪﭘﻨﯩﯔ ﺧﻪﻧﺰﯗﺋﻮﻗﯘﻏﯘﭼﯩﻼﺭ ﺋﯘﻳﯘﺷﻤﯩﺴﻰ (ﺑﯘ ﻣﻪﻛﺘﻪﭘﻨﯩﯔ 20 ﻣﯩﯖﻐﺎ ﻳﯧﻘﯩﻦ ﺋﻮﻗﯘﻏﯘﭼﯩﺴﻰ ﺋﯩﭽﯩﺪﯨﻜﻰ 1100 ﻧﻪﭘﯩﺮﻯ ﺟﯘﯕﮕﻮ، ﺷﺎﯕﮕﺎﯓ ﯞﻩ ﺗﻪﻳﯟﻩﻧﺪﯨﻦ ﻛﻪﻟﮕﻪﻥ ﺧﻪﻧﺰﯗﻻﺭ ﺋﯩﺪﻯ) ﭼﺎﻏﺎﻥ ﺑﺎﻳﺮﯨﻤﻰ ﻣﯘﻧﺎﺳﯩﯟﯨﺘﯩﺒﯩﻠﻪﻥ ﺑﯩﺮ ﻳﯩﻐﯩﻠﯩﺶ ﺋﯘﻳﯘﺷﺘﯘﺭﯗﭖ، ﺑﯩﺰﺩﯨﻦ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﺭﯗﻧﻼﭖ ﺑﯧﺮﯨﺸﻨﻰ ﺗﻪﻟﻪﭘﻘﯩﻠﺪﻯ. ﺑﯩﺰ ﻣﺎﻗﯘﻝ ﺑﻮﻟﯘﭖ، ﺩﯨﻠﻨﺎﺭﻩ، ﺋﺎﻣﺎﻧﮕﯜﻝ ﯞﻩ ﻣﻪﻥ ﺋﯜﭼﯩﻤﯩﺰ ﺑﯩﺮ ﺋﯘﻳﻐﯘﺭﭼﻪ ﻧﺎﺧﺸﺎﻟﯩﻨﺘﯩﺴﯩﻨﻰ ﻣﺎﯕﺪﯗﺭﯗﭖ، ﺷﯘﻧﯩﯖﻐﺎ ﺋﯘﻳﻐﯘﺭﭼﻪ ﺋﯘﺳﺴﯘﻝ ﺋﻮﻳﻨﯩﺪﯗﻕ. ﺩﯨﻠﻨﺎﺭﻩ ﺑﯩﺰﺩﯨﻦ ﺋﯘﺯﯗﻧﺮﺍﻗﺌﻮﻳﻨﯩﺪﻯ. ﺋﻪﺗﯩﺴﻰ Davisﻧﯩﯔ ﺷﻪﻫﻪﺭﻟﯩﻜﮕﯧﺰﯨﺘﯩﺪﻩ ﺑﯘ ﭘﺎﺋﺎﻟﯩﻴﻪﺕ ﺗﻮﻏﺮﯨﺴﯩﺪﺍ ﺧﻪﯞﻩﺭ ﺑﯧﺮﯨﭗ، 1-ﺑﻪﺗﻨﯩﯔ ﻳﯧﺮﯨﻤﯩﻐﺎ ﺩﯨﻠﻨﺎﺭﯨﻨﯩﯖﻴﺎﻟﻐﯘﺯ ﺋﯘﺳﺴﯘﻝ ﺋﻮﻳﻨﺎﯞﺍﺗﻘﺎﻥ ﭼﻮﯓ ﺑﯩﺮ ﭘﺎﺭﭼﻪ ﺭﻩﺳﯩﻤﯩﻨﻰ ﭼﯩﻘﯩﺮﯨﭗ ﻗﻮﻳﯘﭘﺘﯘ. ﻫﻪﻣﺪﻩﺭﻩﺳﯩﻤﻨﯩﯔ ﺋﺎﺳﺘﯩﻐﺎ «Davistiki ﻛﺎﻟﯩﻔﻮﺭﻧﯩﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺟﯘﯕﮕﻮﻟﯘﻕ ﺋﻮﻗﯘﻏﯘﭼﯩﻠﯩﺮﻯ ﭼﺎﻏﺎﻧﻤﯘﻧﺎﺳﯩﯟﯨﺘﻰ ﺑﯩﻠﻪﻥ ﻳﯩﻐﯩﻠﯩﺶ ﭘﺎﺋﺎﻟﯩﻴﯩﺘﻰ ﺋﯚﺗﻜﯜﺯﺩﻯ. ﺭﻩﺳﯩﻤﺪﻩ ﺑﺎﺷﻼﻧﻐﯘﭺ 1-ﺳﯩﻨﯩﭙﯩﻨﯩﯖﺌﻮﻗﯘﻏﯘﭼﯩﺴﻰ ﺩﯨﻠﻨﺎﺭﻩ ﺋﻪﺭﻛﯩﻦ ﺋﯘﻳﻐﯘﺭ ﻳﺎﻟﻐﯘﺯ ﺋﯘﺳﺴﯘﻟﯩﻨﻰ ﺋﻮﺭﯗﻧﻠﯩﻤﺎﻗﺘﺎ» ﺋﯩﺰﺍﻫﻼﭘﻘﻮﻳﯘﭘﺘﯘ.

ﻣﻪﻥ ﻳﺎﭘﻮﻧﯩﻴﻪﺩﻩ ﺗﯘﺭﻏﺎﻧﺪﺍ، ﻳﺎﭘﻮﻧﻠﯘﻗﻼﺭﻣﻪﻧﺪﯨﻦ ﺩﺍﯞﺍﻣﻠﯩﻖ، «ﺳﻪﻥ ﻗﺎﻳﺴﻰ ﺩﯙﻟﻪﺗﺘﯩﻦ؟»، ﺩﻩﭖ ﺳﻮﺭﺍﭖ ﺗﯘﺭﺍﺗﺘﻰ. ﻣﻪﻥ «ﻣﻪﻥ ﺑﻮﻟﺴﺎﻡ ﺑﯩﺮﺋﯘﻳﻐﯘﺭ»، ﺩﯦﺴﻪﻡ، ﺋﯘﻻﺭ ﺩﻩﺭﻫﺎﻝ ﭼﯜﺷﯩﻨﯩﭗ، «ﻫﻪ! ﺷﯘﻧﺪﺍﻗﻤﯘ؟»، ﺩﻩﭖ ﺋﯩﻨﺘﺎﻳﯩﻦ ﻛﯜﭼﻠﯜﻛﻘﯩﺰﯨﻘﯩﺶ ﻫﯧﺴﺴﯩﻴﺎﺗﯩﻨﻰ ﺑﯩﻠﺪﯛﺭﻩﺗﺘﻰ. ﺋﺎﻣﯧﺮﯨﻜﺎ ﻧﻮﭘﯘﺳﯩﻨﯩﯔ ﺋﺎﺳﺎﺳﻠﯩﻖ ﻗﯩﺴﻤﻰ ﺑﺎﺷﻘﺎﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﻛﯩﺸﯩﻠﻪﺭﺩﯨﻦ ﺗﻪﺭﻛﯩﺐ ﺗﺎﭘﻘﺎﻥ ﺑﻮﻟﻐﺎﭼﻘﺎ، ﺋﯘﻻﺭ ﺑﯩﺮ ﺋﺎﺩﻩﻣﻨﯩﯔ ﻗﺎﻳﺴﯩﻤﯩﻠﻠﻪﺕ ﯞﻩ ﻗﺎﻳﺴﻰ ﺩﯙﻟﻪﺗﻠﯩﻚ ﺋﯩﻜﻪﻧﻠﯩﻜﯩﮕﻪ ﺋﺎﻧﭽﻪ ﭘﻪﺭﯞﺍ ﻗﯩﻠﻤﺎﻳﺪﯨﻜﻪﻥ. ﺷﯘﯕﺎ ﺋﺎﻣﯧﺮﯨﻜﯩﻐﺎﻛﻪﻟﮕﻪﻥ ﺩﻩﺳﻠﻪﭘﻜﻰ ﻣﻪﺯﮔﯩﻠﺪﻩ ﻣﻪﻥ ﺋﯩﻨﺘﺎﻳﯩﻦ ﻫﻪﻳﺮﺍﻥ ﻗﺎﻟﻐﺎﻧﯩﺪﯨﻢ. ﻛﯧﻴﯩﻨﭽﻪ ﻛﯚﻧﯜﭖ ﻗﺎﻟﺪﯨﻢ. ﺋﺎﻣﺎﻧﮕﯜﻝ ﺑﯩﻠﻪﻥ ﺋﯩﻜﻜﯩﻤﯩﺰ ﺑﻪﺯﯨﺪﻩ ﭼﻮﯓ ﺳﻮﺩﺍ ﺳﺎﺭﺍﻳﻠﯩﺮﯨﺪﺍ ﭘﺎﺭﺍﯕﻠﯩﺸﯩﭗ ﻛﯧﺘﯩﯟﺍﺗﺴﺎﻕ، ﺑﻪﺯﯨﻠﻪﺭ ﺑﯩﺰﺩﯨﻦ «ﺳﯩﻠﻪﺭ ﻗﺎﻳﺴﻰ ﺩﯙﻟﻪﺗﺘﯩﻦ؟ ﺳﯚﺯﻟﻪﯞﺍﺗﻘﯩﻨﯩﯖﻼﺭ ﻣﻪﻥ ﺯﺍﺩﯨﻼ ﺋﺎﯕﻼﭖ ﺑﺎﻗﻤﯩﻐﺎﻧﺘﯩﻞ ﺋﯩﻜﻪﻥ. ﺑﻪﻙ ﭼﯩﺮﺍﻳﻠﯩﻖ ﺗﯩﻞ ﺋﯩﻜﻪﻥ»، ﺩﻩﭖ ﺳﻮﺭﺍﻳﺪﯗ. ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﺳﺎﻧﯩﺘﯧﺨﯩﭽﻪ 500 ﮔﻪ ﻳﻪﺗﻤﯩﺴﻪ، ﺋﺎﻣﯧﺮﯨﻜﯩﺪﯨﻜﻰ ﻣﯘﺗﻠﻪﻕ ﻛﯚﭖ ﺳﺎﻧﺪﯨﻜﻰ ﻛﯩﺸﯩﻨﯩﯔ ﺋﯘﻳﻐﯘﺭ ﻛﯚﺭﯛﭘﺒﺎﻗﻤﯩﻐﺎﻧﻠﯩﻘﻰ، ﺋﯘﻳﻐﯘﺭﭼﻪ ﺳﯚﺯﻧﻰ ﺋﺎﯕﻼﭖ ﺑﺎﻗﻤﯩﻐﺎﻧﻠﯩﻘﻰ ﺗﯘﺭﻏﺎﻧﻼ ﮔﻪﭖ-ﺩﻩ.

ﺋﻪﻣﺪﻯ ﺋﻪﺳﻠﯩﺪﯨﻜﻰ ﮔﻪﭘﻜﻪ ﻛﻪﻟﺴﻪﻙ، ﻳﯘﻗﯩﺮﯨﻘﯩﭙﺮﻭﻓﯧﺴﺴﻮﺭﻏﺎ ﻣﻪﻥ ﺋﯩﻨﺘﺎﻳﯩﻦ ﻫﻪﻳﺮﺍﻥ ﻗﺎﻟﺪﯨﻢ. ﺋﯘﻣﯘ ﻣﻪﻧﺪﯨﻦ ﺋﯩﻨﺘﺎﻳﯩﻦ ﻫﻪﻳﺮﺍﻥ ﺑﻮﻟﺪﻯ. ﺷﯘﻧﯩﯔ ﺑﯩﻠﻪﻥ ﺑﯘ ﺋﯩﻜﻜﻰ ﺋﺎﺋﯩﻠﻪ ﺩﻭﺳﺖ ﺑﻮﻟﯘﭖ ﻗﺎﻟﺪﯗﻕ. ﺑﯘ ﭘﺮﻭﻓﯧﺴﺴﻮﺭ ﻣﻪﻧﺪﯨﻦ 10 ﻳﺎﺷﺌﻪﺗﺮﺍﭘﯩﺪﺍ ﭼﻮﯓ ﺑﻮﻟﯘﭖ، ﺋﯘﻧﯩﯔ ﺋﯘ ﭼﺎﻏﺪﺍ 6 ﺑﺎﻟﯩﺴﻰ ﺑﺎﺭ ﺋﯩﻜﻪﻥ. ﺋﻪﯓ ﻛﯩﭽﯩﻜﯩﻨﯩﯔ ﺋﺎﻳﯩﻐﯩﺌﻪﻣﺪﯨﻼ ﭼﯩﻘﯩﭙﺘﯘ. ﺩﻩﺳﻠﻪﭘﺘﻪ ﺑﯩﺰ ﺋﯚﺯ ﺋﯚﺭﭖ-ﺋﺎﺩﯨﺘﯩﻤﯩﺰ ﺑﻮﻳﯩﭽﻪ ﺋﯘﻻﺭﻧﯩﯔ ﭘﯜﺗﯜﻥ ﺋﺎﺋﯩﻠﯩﺴﯩﻨﯩﺌﯚﻳﮕﻪ ﭼﺎﻗﯩﺮﺩﯗﻕ. ﺋﺎﻣﺎﻧﮕﯜﻝ ﭘﻮﻟﻮ، ﻣﺎﻧﺘﺎ، ﺳﺎﻣﺴﺎ، ﻧﺎﻥ ﯞﻩ ﺧﺎﻣﺴﻪﻱ ﻗﺎﺗﺎﺭﻟﯩﻖ ﺗﺎﻣﺎﻗﻼﺭﻧﯩﺘﻪﻳﻴﺎﺭﻟﯩﺪﻯ. ﺗﺎﻣﯩﻘﯩﻤﯩﺰ ﺋﯘﻻﺭﻏﺎ ﺋﯩﻨﺘﺎﻳﯩﻦ ﻳﺎﺭﺍﭖ ﻛﻪﺗﺘﻰ. ﺋﯘﻻﺭ ﺗﺎﻣﺎﻗﻨﻰ ﻗﻮﺭﺳﺎﻕ ﺗﻮﻳﻐﯩﭽﻪﻳﻪﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﭼﻮﯕﻼﺭ ﺋﯚﻳﺪﻩ ﭘﺎﺭﺍﯕﻼﺷﺘﯘﻕ. ﺑﺎﻟﯩﻼﺭ ﺳﯩﺮﺗﻘﺎ ﭼﯩﻘﯩﭗ ﺋﻮﻳﻨﯩﺪﻯ. ﺑﯩﺮﻩﺭﺳﺎﺋﻪﺗﺘﯩﻦ ﻛﯧﻴﯩﻦ ﺋﯘﻻﺭ ﻗﺎﻳﺘﯩﭗ ﻛﯩﺮﯨﭗ، ﺗﺎﻣﺎﻗﺘﯩﻦ ﻳﻪﻧﻪ ﺑﯩﺮ ﺋﺎﺯ ﻳﯧﺪﻯ. ﺋﺎﺧﯩﺮﯨﺪﺍﻗﺎﻳﺘﯩﺪﯨﻐﺎﻧﺪﺍ، ﺋﯘ ﭘﺮﻭﻓﯧﺴﺴﻮﺭﻧﯩﯔ ﺑﺎﻟﯩﻠﯩﺮﻯ «ﺑﯘ ﺗﺎﻣﺎﻗﻨﻰ ﺑﯩﺰ ﺋﯩﻨﺘﺎﻳﯩﻦ ﻳﺎﺧﺸﻰ ﻛﯚﺭﺩﯗﻕ. ﻣﺎﯞﯗ ﺋﯧﺸﯩﭗ ﻗﺎﻟﻐﯩﻨﯩﻨﻰ ﺑﯩﺰ ﺋﯚﻳﮕﻪ ﺋﯧﻠﯩﭗ ﻛﻪﺗﺴﻪﻙ ﺑﻮﻻﻣﺪﯗ؟» ﺩﻩﭖ ﺳﻮﺭﯨﺪﻯ. ﺑﯩﺰ ﺋﻪﻟﯟﻩﺗﺘﻪﻣﺎﻗﯘﻝ ﺑﻮﻟﺪﯗﻕ. ﺋﯘ ﭘﺮﻭﻓﯧﺴﺴﻮﺭ ﺋﻪﯓ ﻛﯩﭽﯩﻚ ﺑﺎﻟﯩﺴﻰ ﺋﯜﭼﯜﻥ ﺑﯩﺮ ﻗﯘﺗﺎ ﺳﯜﺕ ﺋﺎﻟﻐﺎﭺ ﻛﻪﻟﮕﻪﻧﺒﻮﻟﯘﭖ، ﻗﺎﻳﺘﯩﺪﯨﻐﺎﻧﺪﺍ ﺋﯧﺸﯩﭗ ﻗﺎﻟﻐﺎﻥ ﺳﯜﺗﻨﯩﻤﯘ ﺋﯚﺯﻟﯩﺮﻯ ﺑﯩﻠﻪﻥ ﺑﯩﻠﻠﻪ ﺋﯧﻠﯩﭗ ﻛﻪﺗﺘﻰ. ﺋﺎﺭﻟﯩﻘﺘﯩﻦ 2-3 ﻫﻪﭘﺘﻪ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺋﯘﻻﺭ ﺑﯩﺰﻧﻰ ﺋﯚﻳﯩﮕﻪ ﭼﺎﻗﯩﺮﺩﻯ. ﺩﺍﺳﺘﯩﺨﺎﻥ ﺭﺍﺳﻼﺷﯟﺍﻗﺘﯩﺪﺍ ﭘﯜﺗﯜﻥ ﺋﺎﺋﯩﻠﻪ ﺑﯩﺮ ﺗﯘﺗﺎﺵ ﻫﻪﺭﻛﻪﺗﻜﻪ ﺋﯚﺗﺘﻰ. ﺋﯩﺸﻠﯩﻤﯩﮕﻪﻥ ﺑﯩﺮﻣﯘ ﺋﺎﺩﻩﻡ ﻗﺎﻟﻤﯩﺪﻯ. ﻳﻮﻟﻨﻰ ﺩﻩﻟﺪﻩﯕﻠﻪﭖ ﺗﻪﺳﺘﻪ ﻣﺎﯕﯩﺪﯨﻐﺎﻥ ﺋﻪﯓ ﻛﯩﭽﯩﻚ ﻗﯩﺰﯨﻐﯩﻤﯘ ﻗﻮﺷﯘﻗﻼﺭﻧﻰ ﻛﯚﺗﻪﺭﺗﯩﭗ، ﺋﯜﺳﺘﻪﻟﮕﻪﺗﻮﺷﯘﻏﯘﺯﺩﻯ. ﻫﻪﺭ ﺑﯩﺮ ﺋﺎﺩﻩﻣﻨﯩﯔ ﻳﻪﻳﺪﯨﻐﺎﻥ ﺗﺎﻣﯩﻘﻰ ﺑﯩﺮﺩﯨﻦ ﺗﻪﺧﺴﯩﮕﻪ ﺳﯧﻠﯩﻨﻐﺎﻥ ﺑﻮﻟﯘﭖ، ﺋﯘﺑﯩﺮ ﺗﺎﻝ ﻗﺎﻳﻨﯩﺘﯩﭗ ﭘﯩﺸﯘﺭﯗﻟﻐﺎﻥ ﻗﻮﻧﺎﻕ، ﺑﯩﺮ ﭘﺎﺭﭼﻪ ﻛﺎﻻ ﮔﯚﺷﻰ (ﺋﯩﻨﮕﻠﯩﺰﭼﻪ «steak» ﺩﻩﭖ ﺋﺎﺗﯩﻠﯩﺪﯨﻐﺎﻥ، ﺋﺎﻣﯧﺮﻛﯩﭽﻪ ﻛﺎﯞﺍﭘﺪﺍﻧﺪﺍ ﻗﺎﻗﻼﭖ ﭘﯩﺸﯘﺭﯗﻟﻐﺎﻥ ﮔﯚﺵ)، ﺑﯩﺮ ﺩﺍﻧﻪ ﻛﯩﭽﯩﻜﺒﻮﻟﻜﺎ ﯞﻩ ﺑﯩﺮ ﺋﺎﺯ ﻛﯚﻛﺘﺎﺗﺘﯩﻦ ﺗﻪﺭﻛﯩﺐ ﺗﺎﭘﻘﺎﻥ. ﭘﺮﻭﻓﯧﺴﺴﻮﺭﻧﯩﯔ ﺑﯩﺮ ﺋﻮﻏﻠﻰ ﺩﺍﺩﯨﺴﯩﺪﯨﻦ، «ﺩﺍﺩﺍ، ﻣﻪﻥ ﻗﻮﻧﺎﻗﺘﯩﻦ ﻳﻪﻧﻪ ﺑﯩﺮﻧﻰ ﻳﯧﺴﻪﻡ ﺑﻮﻻﻣﺪﯗ؟»، ﺩﻩﭖ ﺳﻮﺭﯨﯟﯦﺪﻯ، ﺋﯘ «ﻳﺎﻕ، ﺳﻪﻥ ﻳﻪﻧﻪﺑﯩﺮﻧﻰ ﺋﯧﻠﯩﯟﺍﻟﺴﺎﯓ، ﺑﺎﺷﻘﯩﻼﺭﻏﺎ ﻗﻮﻧﺎﻕ ﻳﯧﺘﯩﺸﻤﻪﻳﺪﯗ»، ﺩﻩﭖ ﺟﺎﯞﺍﺏ ﺑﻪﺭﺩﻯ. ﺩﯦﻤﻪﻙ ﺑﯘ ﺗﺎﻣﺎﻗﺌﺎﺩﻩﻡ ﺑﯧﺸﯩﻐﺎ ﻫﯧﺴﺎﺑﻼﭖ ﺗﻪﻳﻴﺎﺭﻻﻧﻐﺎﻧﯩﺪﻯ. ﺷﯘﻧﯩﯖﺪﯨﻦ ﺑﺎﺷﻼﭖ، ﺗﺎﻛﻰ ﻣﻪﻥ ﺋﻮﻗﯘﺵ ﭘﯜﺗﺘﯜﺭﮔﯩﭽﻪﺑﯘ ﺋﯩﻜﻜﻰ ﺋﺎﺋﯩﻠﻪ ﺑﯩﺮ-ﺑﯩﺮﯨﻤﯩﺰﻧﻰ ﭼﺎﻗﯩﺮﯨﺸﯩﭗ ﺋﯚﺗﺘﯘﻕ. ﺋﯘ ﻣﯧﻨﻰ ﺑﯩﺮ ﻳﻪﺭﺩﻩ ﺋﯘﭼﺮﺍﺗﺴﺎ، «ﺋﻪﺭﻛﯩﻦ، ﺑﯘ ﻗﯧﺘﯩﻢ ﭼﺎﻗﯩﺮﯨﺶ ﻧﯚﯞﯨﺘﻰ ﻛﯩﻤﮕﻪ ﻛﻪﻟﺪﻯ؟» ﺩﻩﭖ ﺳﻮﺭﺍﻳﺘﺘﻰ.

 ﻳﯘﻗﯩﺮﯨﺪﺍ ﺗﯩﻠﻐﺎ ﺋﺎﻟﻐﺎﻥ ﻣﯘﻛﺎﭘﺎﺗﻨﻰ ﻛﯩﻤﮕﻪ ﺑﯧﺮﯨﺸﻨﯩﻘﺎﺭﺍﺭ ﻗﯩﻠﯩﺸﺘﺎ، ﺋﺎﻟﺪﻯ ﺑﯩﻠﻪﻥ ﻣﯘﺷﯘ ﻣﻪﻛﺘﻪﭘﺘﻪ ﺋﻮﻗﯘﺵ ﺟﻪﺭﻳﺎﻧﯩﺪﺍ ﺋﯧﻼﻥ ﻗﯩﻠﻐﺎﻧﻤﺎﻗﺎﻟﯩﻠﯩﺮﯨﻨﯩﯔ ﺋﻪﻫﯟﺍﻟﯩﻐﺎ ﻗﺎﺭﺍﭖ 3 ﻛﺎﻧﺪﯨﺪﺍﺗﻨﻰ ﺗﺎﻟﻼﭖ ﭼﯩﻘﯩﭗ، ﺋﺎﻧﺪﯨﻦ ﻓﺎﻛﯘﻟﺘﯧﺘﺘﯩﻜﯩﺒﺎﺭﻟﯩﻖ ﭘﺮﻭﻓﯧﺴﺴﻮﺭﻻﺭ ﺑﯩﺮﻟﯩﻜﺘﻪ ﺑﯘ 3 ﺋﻮﻗﯘﻏﯘﭼﯩﻨﯩﯔ ﺋﯩﭽﯩﺪﯨﻦ ﺑﯩﺮﯨﻨﻰ ﺗﺎﻟﻼﻳﺪﯨﻜﻪﻥ. ﺋﻪﺳﻠﯩﺪﻩﺑﯘ 3 ﻛﺎﻧﺪﯨﺪﺍﺗﻨﯩﯔ ﺋﯩﭽﯩﮕﻪ ﺑﯘ ﺩﻭﺳﺘﯩﻤﯩﺰﻧﯩﯔ ﺑﯘﺭﯗﻥ IBM ﺷﯩﺮﻛﯩﺘﯩﺪﻩ 7 ﻳﯩﻞ ﺋﯩﺸﻠﻪﭖ، ﺋﺎﻧﺪﯨﻦ ﺑﯘ ﻣﻪﻛﺘﻪﭘﺘﻪﺋﻮﻗﯘﻏﺎﻥ ﺑﯩﺮ ﺩﻭﻛﺘﻮﺭﻟﯘﻕ ﺋﻮﻗﯘﻏﯘﭼﯩﺴﯩﻤﯘ ﻛﯩﺮﮔﻪﻧﯩﻜﻪﻥ. ﺑﯘ ﻣﯘﻛﺎﭘﺎﺗﻨﻰ ﻣﻪﻥ ﺋﺎﻟﻐﺎﻧﺪﯨﻨﻜﯧﻴﯩﻦ، ﺋﯘ ﭘﺮﻭﻓﯧﺴﺴﻮﺭ ﻣﯧﻨﯩﯔ ﻗﯧﺸﯩﻤﻐﺎ ﻛﯧﻠﯩﭗ، «ﺋﻪﺭﻛﯩﻦ، ﻣﯧﻨﯩﯔ ﺋﻮﻗﯘﻏﯘﭼﯘﻣﺪﯨﻦ ﺑﯘﻣﯘﻛﺎﭘﺎﺗﻨﻰ ﺗﺎﺭﺗﯩﯟﺍﻟﺪﯨﯔ. ﺑﯘﻧﯩﯖﻐﺎ ﺑﻪﻙ ﻛﯚﯕﻠﯜﻡ ﻳﯧﺮﯨﻢ. ﺋﻪﻣﻤﺎ، ﻣﻪﻥ ﺳﻪﻥ ﺋﯜﭼﯜﻥ ﯞﻩﺋﯘﻳﻐﯘﺭﻻﺭ ﺋﯜﭼﯜﻥ ﺋﯩﻨﺘﺎﻳﯩﻦ ﺧﯘﺷﺎﻟﻤﻪﻥ» ﺩﯦﺪﻯ.

ﻣﯧﻨﯩﯔ ﺩﻭﻛﺘﻮﺭﻟﯘﻕ ﺋﻮﻗﯘﺷﯘﻣﺪﯨﻜﻰ ﺋﯘﺳﺘﺎﺯﯨﻢ ﺑﯩﺮﺋﺎﻓﺮﯨﻘﯩﺪﯨﻦ ﻛﻪﻟﮕﻪﻥ ﺋﺎﻕ ﺗﻪﻧﻠﯩﻚ ﺑﻮﻟﯘﭖ، ﻳﯧﺸﻰ ﻣﯧﻨﯩﯔ ﻳﯧﺸﯩﻢ ﺑﯩﻠﻪﻥ ﺗﻪﯓ ﺋﯩﺪﻯ. ﺩﻩﺳﻠﻪﭘﻜﻰ 3 ﻳﯩﻠﻨﯩﯔ ﺋﯩﭽﯩﺪﻩ ﺋﯘﻧﯩﯔ ﺋﺎﻳﺎﻟﻰ ﺋﺎﻓﺮﯨﻘﯩﺪﯨﻦ ﺗﯧﺨﻰ ﻛﯧﻠﯩﭗ ﺑﻮﻻﻟﻤﯩﻐﺎﻥ ﺑﻮﻟﯘﭖ، ﺋﯘ ﺗﻪﻧﻬﺎﻳﺎﺷﯩﺪﻯ. ﺷﯘﯕﺎ ﺑﯩﺰ ﺋﯘﻧﻰ ﺋﯚﻳﯩﻤﯩﺰﮔﻪ ﻳﯩﻠﺪﺍ ﺑﯩﺮ ﻗﺎﻧﭽﻪ ﻗﯧﺘﯩﻢ ﭼﺎﻗﯩﺮﯨﭗ ﻗﻮﻳﺪﯗﻕ. ﻣﻪﻥ ﺋﻮﻗﯘﺷﭙﯜﺗﺘﯜﺭﮔﻪﻧﺪﻩ ﺋﯘﻻﺭ ﺑﯩﺰﻧﻰ ﺋﯚﻳﯩﮕﻪ ﺗﯘﻧﺠﻰ ﻗﯧﺘﯩﻢ ﭼﺎﻗﯩﺮﺩﻯ. ﺋﯘﻻﺭﻧﯩﯔ ﺗﻪﻳﻴﺎﺭﻟﯩﻘﯩﻨﯩﺌﯩﻨﮕﻠﯩﺰﭼﻪ «Spagatti» ﺩﻩﭖ ﺋﺎﺗﯩﻠﯩﺪﯨﻐﺎﻥ، ﺗﻪﻳﻴﺎﺭ ﭼﯚﭖ ﺑﯩﻠﻪﻥ ﺗﻪﻳﻴﺎﺭﻻﻧﻐﺎﻥ، ﺑﯩﺰﻧﯩﯔ ﻟﻪﻏﻤﻪﻧﮕﻪﺑﯩﺮ ﺋﺎﺯ ﺋﻮﺧﺸﺎﭖ ﻗﺎﻟﯩﺪﯨﻐﺎﻥ ﺑﯩﺮﻻ ﺗﺎﻣﺎﻕ ﺑﻮﻟﯘﭖ، ﻫﻪﺭ ﺑﯩﺮﯨﻤﯩﺰﮔﻪ ﺑﯩﺰﻧﯩﯔ ﺋﯚﻟﭽﯩﻤﯩﻤﯩﺰﺑﻮﻳﯩﭽﻪ ﻳﯧﺮﯨﻢ ﺗﻪﺧﺴﻪ ﻛﯧﻠﯩﺪﯨﻐﺎﻥ ﻣﯩﻘﺘﺎﺭﺩﺍ ﺗﺎﻣﺎﻕ ﺋﻪﭘﻜﻪﻟﺪﻯ. ﺋﯘ ﭘﺮﻭﻓﯧﺴﺴﻮﺭ ﻧﺎﻫﺎﻳﯩﺘﯩﺌﺎﻟﺪﯨﺮﺍﺵ ﺑﻮﻟﻐﺎﭼﻘﺎ، ﺑﯩﺰ ﺑﯩﺮ ﺳﺎﺋﻪﺗﺘﻪﻙ ﯞﺍﻗﯩﺘﻨﯩﯔ ﺋﯩﭽﯩﺪﻩ ﺗﺎﻣﺎﻗﻨﻰ ﻳﻪﭖ، ﺋﯘﻧﯩﯔ ﺋﯚﻳﯩﺪﯨﻨﺌﯘﺯﺍﭖ ﭼﯩﻘﯩﭗ ﺑﻮﻟﺪﯗﻕ.

ﺑﯩﺰﻧﯩﯔ ﺋﺎﺭﻣﯩﻦ ﺩﯦﮕﻪﻥ ﺑﯩﺮ ﻗﻮﺷﻨﯩﻤﯩﺰ ﺑﺎﺭﺑﻮﻟﯘﭖ، ﺋﯘﻧﯩﯔ ﺩﯨﻠﻨﺎﺭﻩ ﺑﯩﻠﻪﻥ ﺗﻪﯓ ﻳﺎﺷﺘﯩﻜﻰ ﻗﯩﺰﯨﻤﯘ ﺩﯨﻠﻨﺎﺭﯨﻨﯩﯖﻜﻰ ﺑﯩﻠﻪﻥ ﺋﻮﺧﺸﺎﺷﻤﻪﻛﺘﻪﭘﺘﻪ ﺋﻮﻗﯘﻳﺘﺘﻰ. ﺑﯩﺰ ﺑﺎﻟﯩﻠﯩﺮﯨﻤﯩﺰﻧﻰ ﺋﻪﺗﯩﮕﻪﻧﻠﯩﻜﻰ ﻣﻪﻛﺘﻪﭘﻜﻪ ﺋﯚﺯﯨﻤﯩﺰﻧﯩﯔ ﻣﺎﺷﯩﻨﯩﺴﯩﺪﺍﺋﺎﭘﯩﺮﯨﭗ، ﻛﻪﭼﺘﻪ ﻳﻪﻧﻪ ﺋﯚﺯﯨﻤﯩﺰ ﺋﯧﭙﻜﯧﻠﻪﺗﺘﯘﻕ. ﯞﺍﻗﯩﺖ ﺑﯩﻠﻪﻥ ﻣﺎﻱ ﭘﯘﻟﯩﻨﻰ ﺋﯩﻘﺘﯩﺴﺎﺩ ﻗﯩﻠﯩﺸﺌﯜﭼﯜﻥ، ﺑﯩﺰ ﺋﺎﺭﻣﯩﻦ ﺑﯩﻠﻪﻥ ﻫﻪﻣﻜﺎﺭﻻﺷﺘﯘﻕ. ﺑﯘﻧﺪﺍﻕ ﻫﻪﻣﻜﺎﺭﻟﯩﺸﯩﺸﻨﻰ (ﻳﻪﻧﻰ، ﺑﯩﺮﺳﻰ ﻳﻪﻧﻪﺑﯩﺮﺳﯩﻨﯩﯔ ﻣﺎﺷﯩﻨﯩﺴﯩﻐﺎ ﭼﯩﻘﯩﯟﯦﻠﯩﺸﻨﻰ) ﺋﯩﻨﮕﻠﯩﺰﭼﻪ «cariole» ﺩﻩﭖ ﺋﺎﺗﺎﻳﺪﯗ. ﺑﯩﺰ ﺑﯩﺮ ﻫﻪﭘﺘﻪ، ﺋﯘﻻﺭ ﺑﯩﺮ ﻫﻪﭘﺘﻪﺩﻩﻣﻠﯩﺸﯩﭗ ﺑﺎﻟﯩﻼﺭﻧﻰ ﺗﻮﺷﯘﻳﺘﺘﯘﻕ. ﺋﯘﻻﺭ ﺋﯩﻨﺘﺎﻳﯩﻦ ﺋﺎﻕ ﻛﯚﯕﯜﻝ ﻛﯩﺸﯩﻠﻪﺭ ﺑﻮﻟﯘﭖ، ﺑﯩﺰﻧﺎﻫﺎﻳﯩﺘﻰ ﻳﺎﺧﺸﻰ ﭼﯩﻘﯩﺸﯩﭗ ﻛﻪﺗﺘﯘﻕ. ﺑﯩﺮ ﻗﯧﺘﯩﻢ ﺑﯩﺰ ﺋﯘﻻﺭﻧﻰ ﺋﯚﻳﯩﻤﯩﺰﮔﻪ ﭼﺎﻗﯩﺮﺩﯗﻕ. ﺋﯚﺯﺋﯚﺭﭖ-ﺋﺎﺩﯨﺘﯩﻤﯩﺰ ﺑﻮﻳﯩﭽﻪ، ﻫﻪﺷﻪﻣﻪﺗﻠﯩﻚ ﺋﯘﻳﻐﯘﺭ ﺗﺎﻣﯩﻘﯩﺪﯨﻦ ﻧﻪﭼﭽﻪ ﺧﯩﻠﻨﻰ ﺗﻪﻳﻴﺎﺭﻟﯩﺪﯗﻕ. ﺋﯘﻻﺭﻣﯘ ﺗﺎﻣﯩﻘﯩﻤﯩﺰﻧﻰ ﺋﯩﻨﺘﺎﻳﯩﻦ ﻳﺎﺧﺸﻰ ﻛﯚﺭﺩﻯ. ﺋﺎﺭﯨﻠﯩﻘﺘﯩﻦ ﺑﯩﺮ ﻣﻪﺯﮔﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺋﯘﻻﺭ ﺑﯩﺰﻧﻰ ﺋﯚﻳﯩﮕﻪ ﭼﺎﻗﯩﺮﺩﻯ. ﺋﯘﻻﺭﻧﯩﯔ ﺗﻪﻳﻴﺎﺭﻟﯩﻘﯩﻨﻰ ﺩﯗﻛﺎﻧﺪﺍ ﺗﻪﻳﻴﺎﺭ ﺳﺎﺗﯩﺪﯨﻐﺎﻧﺪﻭﺭﺍ-ﺩﻩﺭﻣﻪﻙ ﺋﯘﻧﯩﺪﺍ ﻳﺎﺳﯩﻐﺎﻥ ﺷﻮﺭﭘﺎ ﺑﯩﻠﻪﻥ، ﺋﯚﺯﻟﯩﺮﻯ ﭘﯩﺸﯘﺭﻏﺎﻥ ﺑﯩﺮ ﺩﯛﮔﯩﻠﻪﻙ ﺑﻮﻟﻜﺎ ﻧﺎﻥ (ﺋﯩﻨﮕﻠﯩﺰﭼﻪ «bread» ﺩﻩﭖ ﺋﺎﺗﯩﻠﯩﺪﯗ) ﺑﻮﻟﯘﭖ، ﺑﯩﺰ ﺷﯘ ﺑﻮﻟﻜﯩﻨﻰ ﺷﻮﺭﭘﯩﻐﺎ ﭼﯩﻼﭖ ﻳﻪﭖ ﭼﯩﻘﺘﯘﻕ.

ﺋﻪﻟﯟﻩﺗﺘﻪ ﻫﻪﻣﻤﻪ ﺋﺎﻣﯧﺮﯨﻜﯩﻠﯩﻘﻼﺭﻳﯘﻗﯩﺮﯨﻘﯩﻼﺭﺩﻩﻙ ﺋﻪﻣﻪﺱ. ﻣﯧﻨﯩﯔ ﺑﯘ ﻳﻪﺭﺩﻩ ﻳﺎﺯﻏﯩﻨﯩﻢ ﺋﯚﺯﯨﻤﯩﺰ ﺋﯘﭼﺮﺍﺗﻘﺎﻥ ﺑﯩﺮ ﻗﺎﻧﭽﻪﻣﯩﺴﺎﻟﺪﯨﻨﻼ ﺋﯩﺒﺎﺭﻩﺕ. ﻛﺎﻟﯩﻔﻮﺭﻧﯩﻴﻪﺩﯨﻜﻰ ﺋﯘﻳﻐﯘﺭﻻﺭﻧﯩﯔ «Nancy» ﺑﯩﻠﻪﻥ «John» ﺋﯩﺴﯩﻤﻠﯩﻚ ﺩﻭﺳﺖ ﺋﺎﺋﯩﻠﯩﺴﻰ ﺑﺎﺭ. ﺋﯘﻻﺭ ﺷﯩﻨﺠﺎﯕﻐﺎ 3-4 ﻗﯧﺘﯩﻢ ﺑﯧﺮﯨﭗ ﺑﺎﻗﻘﺎﻥ ﻫﻪﻣﺪﻩ ﺷﯩﻨﺠﺎﯓ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯩﻨﮕﻠﯩﺰ ﺗﯩﻠﻰ ﺩﻩﺭﺳﯩﺌﯚﺗﻜﻪﻧﯩﺪﻯ. ﺋﯘﻻﺭ ﺑﯩﺰﻧﻰ ﺋﺎﺳﺎﺳﻪﻥ ﺋﯘﻳﻐﯘﺭﭼﻪ ﻛﯜﺗﯩﺪﯗ. ﺋﯘﻻﺭﻧﯩﯔ ﺋﯚﻳﻰ ﻫﺎﺯﯨﺮ ﺑﯩﺮ ﺩﺍﯕﻠﯩﻘﻘﺎﺭ ﺗﯧﻴﯩﻠﯩﺶ ﻣﻪﻳﺪﺍﻧﻰ ﺑﺎﺭ ﺗﺎﻏﺪﺍ ﺑﻮﻟﯘﭖ، ﺑﯩﺰ ﻫﻪﺭ ﻗﯧﺘﯩﻢ ﺋﯘﻻﺭﻧﯩﯖﻜﯩﮕﻪ ﺑﺎﺭﺳﺎﻕ، ﺋﯚﻳﯩﺪﻩﺑﯩﻜﺎﺭﻏﺎ ﺗﯘﺭﯗﭖ، ﺗﺎﻣﺎﻗﻨﻰ ﺑﯩﻜﺎﺭﻏﺎ ﻳﻪﭖ، ﻗﺎﺭ ﺗﯧﻴﯩﻠﯩﭗ ﺋﻮﻳﻨﺎﭖ ﻛﯧﻠﯩﻤﯩﺰ. ﺑﯩﺰﻧﯩﯔ ﺋﯩﻜﻜﯩﺒﺎﻟﯩﻤﯩﺰﻏﺎ ﯞﻩ ﻣﺎﯕﺎ ﺗﺎﻍ ﭼﻮﻗﻘﯩﺴﯩﺪﯨﻦ ﭘﻪﺳﻜﻪ ﻗﺎﺭﺍﭖ ﻗﺎﺭ ﺗﻪﻳﯩﻠﯩﺸﻨﻰ ﺷﯘ ﺟﻮﻫﯩﻦ ﺋﯚﮔﻪﺗﻜﻪﻧﯩﺪﻯ. ﻳﯘﻗﯩﺮﯨﻘﯩﻼﺭﻧﯩﯔ ﻫﻪﻣﻤﯩﺴﯩﻨﯩﯔ ﺑﯩﺮ ﺋﻮﺭﺗﺎﻕ ﺋﺎﻻﻫﯩﺪﯨﻠﯩﻜﻰ، ﺋﯘﻻﺭﻧﯩﯖﺘﻪﻳﻴﺎﺭﻟﯩﻐﺎﻥ ﺗﺎﻣﯩﻘﻰ ﺋﺎﺩﺩﯨﻲ ﺑﻮﻟﻐﯩﻨﻰ ﺑﯩﻠﻪﻥ، ﺋﯘﻻﺭ ﺋﯩﻨﺘﺎﻳﯩﻦ ﺳﻪﻣﯩﻤﯩﻲ. ﺋﯘﻻﺭ ﺋﺎﺩﻩﺗﺘﻪﺋﯚﻳﯩﮕﻪ ﻣﯧﻬﻤﺎﻥ ﭼﺎﻗﯩﺮﻣﺎﻳﺪﯨﻐﺎﻥ ﺑﻮﻟﻐﺎﭼﻘﺎ، ﭘﻪﻗﻪﺕ ﺑﯩﺰﻧﯩﯔ ﻫﯚﺭﻣﯩﺘﯩﻤﯩﺰ ﺋﯜﭼﯜﻧﻼ ﺑﯩﺰﻧﯩﺌﯚﻳﻠﯩﺮﯨﮕﻪ ﭼﺎﻗﯩﺮﺩﻯ. ﻫﻪﻣﺪﻩ ﺋﯚﺯﻯ ﻧﯧﻤﯩﻨﻰ ﻳﯧﺴﻪ، ﺑﯩﺰﻧﯩﻤﯘ ﺋﻮﺧﺸﺎﺵ ﺗﺎﻣﺎﻗﻘﺎ ﭼﺎﻗﯩﺮﺩﻯ. ﺑﯘﻳﻪﺭﺩﯨﻜﻰ ﺑﯩﺮ ﻛﯜﭼﻠﯜﻙ ﺳﯧﻠﯩﺸﺘﯘﺭﻣﺎ ﺷﯘﻛﻰ، ﺑﯩﺰ 5 ﺋﺎﺩﻩﻡ ﭼﺎﻗﯩﺮﯨﺶ ﺋﯜﭼﯜﻥ، ﻛﻪﻡ ﺩﯦﮕﻪﻧﺪﻩ 10 ﻛﯩﺸﯩﻠﯩﻚ ﺗﺎﻣﺎﻕ ﺗﻪﻳﻴﺎﺭﻻﻳﻤﯩﺰ. ﺋﯚﺯﯨﻤﯩﺰ ﺋﺎﺩﻩﺗﺘﻪ ﺋﯧﺘﯩﭗ ﻳﯧﻴﻪﻟﻤﻪﻳﺪﯨﻐﺎﻥ ﺗﺎﻣﺎﻗﻼﺭﻧﯩﻤﯧﻬﻤﺎﻧﻐﺎ ﺋﯧﺘﯩﭗ ﺋﯧﻠﯩﭗ ﭼﯩﻘﯩﻤﯩﺰ. ﻣﯧﻬﻤﺎﻧﻼﺭﻧﻰ ﺋﯚﺯﯨﻤﯩﺰﺩﯨﻦ ﻛﯚﭖ ﺋﻪﺯﯨﺰ ﻛﯚﺭﯨﻤﯩﺰ. ﺋﺎﻣﯧﺮﯨﻜﯩﻠﯩﻘﻼﺭ ﺑﻮﻟﺴﺎ، ﻫﻪﺭﮔﯩﺰ ﺋﯘﻧﺪﺍﻕ ﻗﯩﻠﯩﭗ ﻛﻪﺗﻤﻪﻳﺪﯗ. ﺑﯘ ﻣﻪﺩﻩﻧﯩﻴﻪﺕ ﯞﻩ ﺋﯚﺭﭖ-ﺋﺎﺩﻩﺗﺠﻪﻫﻪﺗﺘﯩﻜﻰ ﺑﯩﺮ ﭼﻮﯓ ﭘﻪﺭﻗﺘﯘﺭ.

ﺑﯩﺰ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﺋﯚﺯﯨﻤﯩﺰﻧﯩﯔ ﺗﻮﻱ-ﺗﯚﻛﯜﻧﻠﯩﺮﯨﻨﻰ ﯞﻩ ﺋﻮﻟﺘﯘﺭﯗﺷﻠﯩﺮﯨﻤﯩﺰﻧﻰ ﺋﯩﻨﺘﺎﻳﯩﻦ ﺳﯧﻐﯩﻨﯩﻤﯩﺰ. ﻣﻪﻧﺌﺎﻣﯧﺮﯨﻜﯩﻐﺎ ﻛﻪﻟﮕﻪﻥ 16 ﻳﯩﻠﺪﯨﻦ ﺑﯘﻳﺎﻥ ﺋﯘﻳﻐﯘﺭﻻﺭﻧﯩﯔ ﺗﻮﻳﯩﻐﺎ ﺋﺎﺭﺍﻥ 4 ﻗﯧﺘﯩﻢ ﻗﺎﺗﻨﯩﺸﯩﭙﺒﺎﻗﺘﯩﻢ. ﺑﯘ ﺗﻮﻳﻼﺭﻧﯩﯔ ﺋﯩﻜﻜﯩﺴﻰ ﻛﺎﻟﯩﻔﻮﺭﻧﯩﻴﻪﺩﻩ، ﺑﯩﺮﻯ ﯞﺍﺷﯩﻨﮕﺘﻮﻥ ﺷﯩﺘﺎﺗﯩﺪﺍ، ﻳﻪﻧﻪ ﺑﯩﺮﯨﺒﻮﻟﺴﺎ ﺋﺎﻣﯧﺮﯨﻜﯩﻨﯩﯔ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﺍ ﺑﻮﻟﺪﻯ. ﺑﯘ ﺗﻮﻳﻼﺭﻧﯩﯔ ﻫﯧﭻ ﻗﺎﻳﺴﯩﺴﯩﺪﺍ ﻗﯩﺰﻳﯚﺗﻜﻪﺵ ﺑﻮﻟﻤﯩﺪﻯ--ﺋﺎﻣﯧﺮﯨﻜﯩﺪﺍ ﺋﯘﻳﻐﯘﺭﻻﺭﻧﯩﯔ ﺋﺎﺯﻟﯩﻘﯩﺪﯨﻦ ﺋﯘﻧﺪﺍﻕ ﻗﯩﻠﯩﺶ ﻣﯘﻣﻜﯩﻦ ﺋﻪﻣﻪﺱ. ﺑﯘﻳﻪﺭﺩﯨﻜﻰ ﺗﻮﻳﻼﺭ ﻳﯘﺭﺗﯩﻤﯩﺰﺩﯨﻜﻰ ﺋﻮﻟﺘﯘﺭﯗﺷﻘﺎ ﺋﻮﺧﺸﺎﻳﺪﯗ. ﺋﺎﺩﻩﺗﺘﻪ ﺋﻪﯓ ﻛﯚﭖ ﺑﻮﻟﺴﺎ ﺑﯩﺮ ﺋﺎﻳﺪﺍﺑﯩﺮﻩﺭ ﻗﯧﺘﯩﻢ ﻳﯩﻐﯩﻠﯩﭗ ﺋﻮﻟﺘﯘﺭﺍﻻﻳﻤﯩﺰ. ﻗﺎﻟﻐﺎﻥ ﯞﺍﻗﯩﺘﺘﺎ ﻫﻪﻣﻤﯩﻤﯩﺰ ﺋﺎﻟﺪﯨﺮﺍﺵ ﺋﯩﺸﻠﻪﻳﻤﯩﺰﻳﺎﻛﻰ ﺋﻮﻗﯘﻳﻤﯩﺰ. ﺑﯘ ﻳﻪﺭﺩﻩ ﺟﯩﺪﺩﯨﻴﭽﯩﻠﯩﻚ ﺗﯜﭘﻪﻳﻠﯩﺪﯨﻦ ﯞﺍﻗﯩﺖ ﺋﯩﻨﺘﺎﻳﯩﻦ ﺗﯧﺰ ﺋﯚﺗﯩﺪﯨﻐﺎﻧﺒﻮﻟﯘﭖ، ﺑﯩﺰ ﺋﺎﺩﻩﺗﺘﻪ ﻛﯜﻧﻨﻰ ﺑﯩﺮ ﻛﯜﻥ، ﺑﯩﺮ ﻛﯜﻧﺪﯨﻦ ﺋﻪﻣﻪﺱ، ﺑﯩﺮ ﻫﻪﭘﺘﯩﺪﯨﻦ ﺳﺎﻧﺎﻳﻤﯩﺰ. ﻫﻪﺭﻗﯧﺘﯩﻢ ﺷﻪﻧﺒﻪ-ﻳﻪﻛﺸﻪﻧﺒﻪ ﺩﻩﻡ ﺋﯧﻠﯩﺶ ﻛﯜﻧﻰ ﻛﻪﻟﮕﻪﻧﺪﻩ، «ﺋﯘﻫ، ﻳﻪﻧﻪ ﺑﯩﺮ ﻫﻪﭘﺘﻪ ﺋﯚﺗﯜﭘﺘﯘ»، ﺩﻩﻳﻤﯩﺰ.

ﻛﺎﻟﯩﻔﻮﺭﻧﯩﻴﻪﻧﯩﯔ ﻟﻮﺱ-ﺋﺎﻧﮋﯨﻠﯩﺲ ﺷﻪﻫﯩﺮﯨﺌﻪﺗﺮﺍﭘﯩﺪﺍ ﻫﺎﺯﯨﺮ ﺋﯘﻳﻐﯘﺭﻻﺭﺩﯨﻦ 15 ﺋﺎﺋﯩﻠﻪ، ﺑﺎﻟﯩﻼﺭﻧﻰ ﻗﻮﺷﯘﭖ 49 ﻛﯩﺸﻰ ﺑﺎﺭ. ﺋﯘﻻﺭﻧﯩﯖﺌﯩﭽﯩﺪﯨﻜﻰ ﺑﯩﺰﮔﻪ ﺋﻪﯓ ﻳﯧﻘﯩﻦ ﺋﻮﻟﺘﯘﺭﯨﺪﯨﻐﯩﻨﯩﻨﯩﯔ ﺑﯩﺰ ﺑﯩﻠﻪﻥ ﺑﻮﻟﻐﺎﻥ ﺋﺎﺭﯨﻠﯩﻘﻰ 32 ﻛﯩﻠﻮﻣﯧﺘﺮ، ﺋﻪﯓ ﻳﯩﺮﺍﻗﯩﻨﯩﯔ ﺋﺎﺭﯨﻠﯩﻘﻰ 240 ﻛﯩﻠﻮﻣﯧﺘﺮ ﻛﯧﻠﯩﺪﯗ. ﺑﯩﺰ ﺑﯩﺮ ﻳﻪﺭﮔﻪ ﻳﯩﻐﯩﻠﯩﭙﺌﻮﻟﺘﯘﺭﯗﺵ ﺋﯜﭼﯜﻥ، ﭼﺎﻗﯩﺮﻏﺎﻥ ﻳﻪﺭﮔﻪ ﻣﺎﻧﺎ ﺋﺎﺷﯘﻧﺪﺍﻕ ﺋﺎﺭﻟﯩﻘﻼﺭﺩﯨﻦ ﻣﺎﺷﯩﻨﺎ ﻫﻪﻳﺪﻩﭖ ﺑﺎﺭﯨﻤﯩﺰ. 2004-ﻳﯩﻠﻰ 12-ﺋﺎﻳﻨﯩﯔ 31-ﻛﯜﻧﻰ، ﺑﯩﺰ ﻳﯧﯖﻰ ﻳﯩﻞ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺑﯩﺮ ﺗﺎﻳﻼﻧﺪ ﻣﯘﺳﯘﻟﻤﺎﻧﺮﯦﺴﺘﯘﺭﺍﻧﯩﺪﺍ ﺋﻮﻟﺘﯘﺭﯗﺵ ﺋﯚﺗﻜﯜﺯﺩﯗﻕ. ﺑﯘ ﺋﻮﻟﺘﯘﺭﯗﺵ ﺋﯜﭼﯜﻥ ﻫﻪﺭ ﺑﯩﺮ ﺋﺎﺋﯩﻠﻪ ﺑﯩﺮﺩﯨﻦ ﺗﺎﻣﺎﻗﺘﻪﻳﻴﺎﺭﻻﭖ ﺋﯧﭙﻜﻪﻟﺪﻯ. ﻳﯧﻤﯩﺶ ﯞﻩ ﺋﯩﭽﯩﻤﻠﯩﻚ ﻗﺎﺗﺎﺭﻟﯩﻖ ﻗﺎﻟﻐﺎﻥ ﻧﻪﺭﺳﯩﻠﻪﺭﻧﻰ ﺋﻮﭘﭽﻪ ﺋﯧﻠﯩﭗ، ﺋﯘﻧﯩﯔ ﭘﯘﻟﯩﻨﻰ ﻫﻪﻣﻤﻪﻳﻠﻪﻧﮕﻪ ﭼﺎﭼﺘﯘﻕ. 5 ﻳﺎﺷﺘﯩﻦ 10 ﻳﺎﺷﻘﯩﭽﻪ ﺑﻮﻟﻐﺎﻥ ﺑﺎﻟﯩﻼﺭﻧﻰ ﻳﯧﺮﯨﻤﺌﺎﺩﻩﻡ، 10 ﻳﺎﺷﺘﯩﻦ ﭼﻮﯕﻼﺭﻧﻰ ﭘﯜﺗﯜﻥ ﺋﺎﺩﻩﻡ ﻫﯧﺴﺎﺑﻼﭖ، 5 ﻳﺎﺷﺘﯩﻦ ﻛﯩﭽﯩﻜﻠﻪﺭﺩﯨﻦ ﭘﯘﻟﻴﯩﻐﻤﯩﺪﯗﻕ. ﺷﯘﻧﺪﺍﻕ ﻗﯩﻠﺴﺎﻕ، ﺑﻮﻟﻐﺎﻥ ﭼﯩﻘﯩﻢ ﺑﯩﺮ ﭼﻮﯓ ﺋﺎﺩﻩﻣﮕﻪ 10 ﺩﻭﻟﻼﺭ ﺋﻪﺗﺮﺍﭘﯩﺪﺍ ﺗﻮﻏﺮﺍﻛﻪﻟﺪﻯ. ﺋﺎﻟﺪﯨﻨﻘﻰ ﺷﻪﻧﺒﻪ ﻛﯜﻧﻰ (ﻳﻪﻧﻰ 2005-ﻳﯩﻠﻰ 16-ﺋﺎﭘﺮﯦﻞ ﻛﯜﻧﻰ) ﺑﯩﺰﻧﯩﯔ ﺋﯚﻳﺪﯨﻦ 7 ﻛﯩﻠﻮﻣﯧﺘﺮ ﻳﯩﺮﺍﻗﻠﯩﻘﺘﯩﻜﻰ ﺑﯩﺮ ﺗﻪﺑﺌﯩﻲ ﺑﺎﻏﭽﯩﺪﺍ ﺑﯩﺰ ﺑﯩﺮ ﺩﺍﻻ ﺋﻮﻟﺘﯘﺭﯗﺷﻰ ﻗﯩﻠﺪﯗﻕ. ﺑﯘﻧﺪﺍﻗﺌﻮﻟﺘﯘﺭﯗﺷﻨﻰ ﺋﯩﻨﮕﻠﯩﺰﭼﻪ  «picnic » ﺩﻩﭖ ﺋﺎﺗﺎﻳﺪﯗ. ﻛﺎﻟﯩﻔﻮﺭﻧﯩﻴﻪﻟﯩﻜﻠﻪﺭ ﻫﺎﯞﺍﻧﯩﯔ ﻳﺎﺧﺸﯩﻠﯩﻘﯩﺪﯨﻦ ﺑﯘﻧﺪﺍﻗﭙﺎﺋﺎﻟﯩﻴﻪﺗﻨﻰ ﻧﺎﻫﺎﻳﯩﺘﻰ ﻛﯚﭖ ﻗﯩﻠﯩﺪﯗ. ﺑﯩﺰ ﺑﯘ  ﻗﯩﺘﯩﻤﻘﻰ ﺩﺍﻻ ﺋﻮﻟﺘﯘﺭﯨﺸﯩﺪﺍ  ﻳﻪﻧﯩﻼﻫﻪﺭ ﺑﯩﺮ ﺋﺎﺋﯩﻠﻪ ﺑﯩﺮﺩﯨﻦ ﺗﺎﻣﺎﻕ ﺗﻪﻳﻴﺎﺭﻻﭖ ﺋﯧﭙﻜﻪﻟﺪﻯ. ﺋﯩﻜﻜﻰ ﺋﺎﺋﯩﻠﻪ ﻗﻮﺷﯘﻣﭽﻪ ﺋﯩﺸﻼﺭﻏﺎﻣﻪﺳﺌﯘﻝ ﺑﻮﻟﯘﭖ، ﺋﯩﭽﯩﻤﻠﯩﻚ ﯞﻩ ﻳﯧﻤﯩﺸﻠﻪﺭﻧﻰ ﺋﯧﻠﯩﭗ،  ﻛﺎﯞﺍﭘﻨﯩﯔ ﮔﯚﺷﯩﻨﻰ ﺗﻪﻳﻴﺎﺭﻟﯩﺪﻯ. ﻫﻪﻣﺪﻩ ﺋﻮﻟﺘﯘﺭﯗﺵ ﺟﻪﺭﻳﺎﻧﯩﺪﺍ ﻛﺎﯞﺍﭖ ﭘﯩﺸﯘﺭﯗﺷﻘﯩﻤﯘﻣﻪﺳﺌﯘﻝ ﺑﻮﻟﺪﻯ. ﭼﯜﺷﻠﯜﻙ ﯞﻩ ﻛﻪﭼﻠﯩﻚ ﺗﺎﻣﯩﻘﯩﻤﯩﺰﻧﻰ ﺩﺍﻻ ﺋﻮﻟﺘﯘﺭﯨﺸﯩﺪﺍ ﻳﻪﭖ، ﻗﻮﻱ ﮔﯚﺷﯩﻜﺎﯞﯨﭙﯩﻨﯩﻤﯘ ﻗﺎﻧﻐﯩﭽﻪ ﻳﻪﭖ، ﻛﻪﺗﻜﻪﻥ ﭼﯩﻘﯩﻢ ﺑﯩﺮ ﭼﻮﯓ ﺋﺎﺩﻩﻡ ﺋﯜﭼﯜﻥ 7 ﺩﻭﻟﻼﺭﺩﯨﻦ ﺗﻮﻏﺮﺍﻛﻪﻟﺪﻯ. ﺩﺍﻻ ﺋﻮﻟﺘﯘﺭﯨﺸﯩﺪﺍ ﺟﻪﺭﻳﺎﻧﯩﺪﺍ ﺑﯩﺰ ﺋﯘﺯﯗﻥ ﭘﺎﺭﺍﯓ ﯞﻩ ﭼﺎﻗﭽﺎﻗﻼﺭﻧﻰ ﻗﯩﻠﯩﺸﻘﺎﻧﺪﯨﻨﺒﺎﺷﻘﺎ، ﭼﻮﯕﻼﺭ ﯞﻩ ﭼﻮﯓ ﺑﺎﻟﯩﻼﺭ ﺑﯩﺮ ﺗﺎﻏﻘﺎ ﭼﯩﻘﯩﭗ ﭼﯜﺷﺘﯘﻕ. ﻛﯩﭽﯩﻚ ﺑﺎﻟﯩﻼﺭ ﺑﯩﺮ ﻛﯩﭽﯩﻜﺌﯚﺳﺘﻪﯕﺪﻩ ﺳﯘ ﻛﯧﭽﯩﭗ ﺋﻮﻳﻨﯩﺪﻯ ﻫﻪﻣﺪﻩ ﺑﯘ ﺑﺎﻏﭽﯩﻨﯩﯔ ﺑﯩﺮ ﻛﯩﭽﯩﻚ ﻫﺎﻳﯟﺍﻧﺎﺕ ﺯﺍﻟﯩﺪﯨﻜﯩﻬﺎﻳﯟﺍﻧﻼﺭﻧﻰ ﻛﯚﺭﺩﻯ. ﺑﯩﺰﻧﯩﯔ ﺑﺎﻟﯩﻠﯩﺮﯨﻤﯩﺰ ﺑﯘﻧﺪﺍﻕ ﭘﺎﺋﺎﻟﯩﻴﻪﺗﻨﻰ ﺋﯩﻨﺘﺎﻳﯩﻦ ﻳﺎﺧﺸﻰ ﻛﻮﺭﯨﺪﯗ. ﺋﯘﻻﺭ ﺋﯜﭼﯜﻥ ﺑﯘ ﺑﯩﺮﺩﯨﻦ-ﺑﯩﺮ ﺑﺎﺷﻘﺎ ﺋﯘﻳﻐﯘﺭ ﺑﺎﻟﯩﻠﯩﺮﻯ ﺑﯩﻠﻪﻥ ﺋﻮﻳﻨﺎﺵ ﭘﯘﺭﺳﯩﺘﯩﺪﯗﺭ. ﺑﯩﺰﺑﯘﻧﯩﯖﺪﯨﻦ ﻛﯧﻴﯩﻦ ﺑﯘﻧﺪﺍﻕ ﺩﺍﻻ ﺋﻮﻟﺘﯘﺭﯨﺸﯩﻨﻰ ﻫﻪﺭ ﺋﺎﻳﺪﺍ ﺑﯩﺮ ﻗﯧﺘﯩﻢ ﺋﯚﺗﻜﯜﺯﻣﻪﻛﭽﻰ. ﺋﺎﺷﯘﻧﺪﺍﻕ ﻗﯩﻠﺴﺎﻕ، ﺑﯩﺮ ﺋﺎﺋﯩﻠﯩﮕﻪ ﺑﯩﺮ ﻳﯩﻠﺪﺍ ﺋﺎﺭﺍﻥ ﺑﯩﺮ ﻗﯧﺘﯩﻢ ﺩﺍﻻ ﺋﻮﻟﺘﯘﺭﯨﺸﯩﺌﻮﺭﯗﻧﻼﺷﺘﯘﺭﯗﺵ ﻧﯚﯞﯨﺘﻰ ﻛﯧﻠﯩﭗ، ﺑﯩﺰ ﺗﺎﻛﻰ ﻧﻮﻳﺎﺑﯩﺮﻏﯩﭽﻪ ﺩﺍﻻ ﺋﻮﻟﺘﯘﺭﯨﺸﻰ ﻗﯩﻼﻻﻳﺪﯨﻜﻪﻧﻤﯩﺰ. ﻳﯘﻗﯩﺮﯨﻘﻰ ﺩﺍﻻ ﺋﻮﻟﺘﯘﺭﯨﺸﻰ ﭘﺎﺋﺎﻟﯩﻴﯩﺘﯩﻨﯩﯔ ﺑﯩﺮ ﻗﯩﺴﯩﻢ ﺭﻩﺳﯩﻤﻠﯩﺮﻯ  ﺑﯩﻠﯩﯟﺍﻝ ﺗﻮﺭﯨﻐﺎ ﭼﯩﻘﯩﺮﯨﻠﯩﭙﺘﯘ. ﺑﯩﺰ ﺑﻪﺯﯨﺪﻩﺋﯚﻳﮕﯩﻤﯘ ﻣﯧﻬﻤﺎﻥ ﭼﺎﻗﯩﺮﯨﺸﯩﭗ ﺋﯚﺗﯘﺷﯩﻤﯩﺰ. ﻫﻪﺭﮔﯩﺰ ﻳﯘﺭﺕ ﺋﺎﻳﺮﯨﻤﺎﻱ، ﻫﻪﻣﻤﯩﻤﯩﺰ ﺋﻮﺯ-ﺋﺎﺭﺍﺋﯘﺭﯗﻕ-ﺗﯘﻏﻘﺎﻧﺪﻩﻛﻼ ﺋﯚﻡ ﺑﻮﻟﯘﭖ ﺋﯚﺗﯩﻤﯩﺰ.

ﺋﺎﺧﯩﺮﯨﺪﺍ ﭘﯘﻝ ﺧﻪﺟﻠﻪﺵ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻜﺒﻮﻟﻐﺎﻥ، ﺋﺎﻣﯧﺮﯨﻜﯩﻠﯩﻘﻼﺭﻧﯩﯔ ﺑﺎﻻ ﺗﻪﺭﺑﯩﻴﯩﻠﻪﺷﺘﯩﻜﻰ ﺑﯩﺮ ﺋﯘﺳﯘﻟﻰ ﺗﻮﻏﺮﯨﺴﯩﺪﺍ ﻗﯩﺴﻘﯩﭽﻪﺗﻮﺧﺘﯩﻠﯩﭗ ﺋﯚﺗﯜﭖ ﻛﯧﺘﻪﻱ. ﺋﺎﻣﯧﺮﻛﯩﻠﯩﻘﻼﺭ ﺑﺎﻟﯩﻠﯩﺮﯨﻐﺎ ﻛﯩﭽﯩﻜﯩﺪﯨﻦ ﺗﺎﺭﺗﯩﭙﻼ ﺋﺎﺯ ﻣﯩﻘﺘﺎﺭﺩﺍ «ﻣﯘﺋﺎﺵ» ﺑﯧﺮﯨﺪﯗ. ﺋﯘﻧﻰ ﺋﯩﻨﮕﻠﯩﺰﭼﯩﺪﻩ «allowance» ﺩﻩﭖ ﺋﺎﺗﺎﻳﺪﯗ. ﺋﯘﻳﻐﯘﺭﭼﻪ ﻣﻪﻧﯩﺴﻰ «ﺋﺎﺟﺮﯨﺘﯩﻠﻐﺎﻧﭙﯘﻝ» ﺩﯦﮕﻪﻧﮕﻪ ﻳﯧﻘﯩﻦ ﻛﯧﻠﯩﺪﯗ. ﺑﯘ ﻫﻪﺭ ﺑﯩﺮ ﺋﺎﺗﺎ-ﺋﺎﻧﯩﻨﯩﯔ ﺋﯚﺯ ﺑﺎﻟﯩﺴﯩﻐﺎ ﻫﻪﺭ ﺋﺎﻳﺪﺍﺑﯧﺮﯨﺪﯨﻐﺎﻥ ﭘﯘﻝ ﺑﻮﻟﯘﭖ، ﺋﯘﻧﯩﯔ ﺋﺎﺯ-ﻛﯚﭘﻠﯜﻛﻰ ﺋﻮﺧﺸﯩﻤﯩﻐﺎﻥ ﺋﺎﺋﯩﻠﯩﺪﻩ ﺋﻮﺧﺸﯩﻤﺎﻳﺪﯗ. ﺑﯩﺰﺑﺎﻟﻠﯩﺮﯨﻤﯩﺰﻏﺎ 6 ﻳﺎﺷﺘﺎ ﭘﯘﻝ ﺑﯧﺮﯨﺸﻜﻪ ﺑﺎﺷﻠﯩﻐﺎﻥ ﺑﯘﻟﯘﭖ، ﺩﻩﺳﻠﻪﭘﺘﻪ ﺑﯩﺮ ﺋﺎﻳﺪﺍ ﻫﻪﺭ ﺑﯩﺮﻳﯧﺸﯩﻐﺎ ﺑﯩﺮ ﺩﻭﻟﻼﺭﺩﯨﻦ، ﻳﻪﻧﻰ 6 ﻳﺎﺵ ﯞﺍﻗﺘﯩﺪﺍ 6 ﺩﻭﻟﻼﺭ، 7 ﻳﺎﺵ ﯞﺍﻗﺘﯩﺪﺍ 7 ﺩﻭﻟﻼﺭﺩﯨﻦ ﭘﯘﻟﺒﻪﺭﺩﯗﻕ. 13 ﻳﺎﺷﺘﯩﻦ ﺋﺎﺷﻘﺎﻧﺪﺍ ﺋﯧﻴﯩﻐﺎ 20 ﺩﻭﻟﻼﺭﺩﯨﻦ ﺑﻪﺭﺩﯗﻕ. ﻣﻪﻛﺘﻪﭘﻜﻪ ﻣﯘﻧﺎﺳﯩﯟﻩﺗﻠﯩﻜﭙﺎﺋﺎﻟﯩﻴﻪﺗﻠﻪﺭ ﻫﻪﻣﺪﻩ ﭘﯘﻝ ﺳﻪﻝ ﺟﯩﻖ ﻛﯧﺘﯩﺪﯨﻐﺎﻥ ﭘﺎﺋﺎﻟﯩﻴﻪﺗﻠﻪﺭ ﺑﻮﻟﺴﺎ، ﺋﯘﻧﯩﯖﻐﺎ ﺋﺎﻳﺮﯨﻢ ﭘﯘﻟﺒﻪﺭﺩﯗﻕ. ﺑﯘﻧﯩﯔ ﺑﺎﻻ ﺗﻪﺭﺑﯩﻴﯩﻠﻪﺷﺘﻪ ﻛﻮﭖ ﺗﻪﺭﻩﭘﻠﯩﻚ ﭘﺎﻳﺪﯨﺴﻰ ﺑﺎﺭ. ﺋﯘ ﻛﯩﭽﯩﻚ ﺑﺎﻟﯩﺪﺍ ﺑﯩﺮﺋﯩﺶ ﺋﯜﺳﺘﯩﺪﻩ ﻣﯘﺳﺘﻪﻗﯩﻞ ﺗﻪﻫﻠﯩﻞ ﻳﯜﺭﮔﯜﺯﯛﺵ، ﻫﯚﻛﯜﻡ ﯞﻩ ﻗﺎﺭﺍﺭ ﭼﯩﻘﯩﺮﯨﺶ ﺋﯩﻘﺘﯩﺪﺍﺭﯨﻨﯩﺌﯚﺳﺘﯜﺭﯨﺪﯗ. ﻛﯩﭽﯩﻚ ﺑﺎﻟﯩﻨﯩﯔ ﺑﯘﻧﺪﺍﻕ ﻣﺎﺋﺎﺷﻰ ﭘﯜﺗﯜﻧﻠﻪﻱ ﺋﯚﺯﯨﮕﻪ ﺗﻪﯞﻩ ﭘﯘﻝ ﺑﻮﻟﯘﭖ، ﺋﯘ ﭘﯘﻟﻨﯩﻘﺎﻧﺪﺍﻕ ﺧﻪﺟﻠﻪﺵ ﭘﯜﺗﯜﻧﻠﻪﻱ ﺑﺎﻟﯩﻨﯩﯔ ﺋﯚﺯ ﺋﯩﺨﺘﯩﻴﺎﺭﯨﻐﺎ ﻗﻮﻳﯘﭖ ﺑﯧﺮﯨﻠﯩﺪﯗ. ﺷﯘﯕﺎ ﺋﯘﻻﺭ ﺑﯘﭘﯘﻟﻨﻰ ﺧﻪﺟﻠﯩﮕﻪﻧﺪﻩ ﺋﯩﻨﺘﺎﻳﯩﻦ ﺋﻪﺳﺘﺎﻳﯩﺪﯨﻞ ﺑﻮﻟﯘﭖ، ﺑﯩﺮ ﻧﻪﺭﺳﻪ ﺋﺎﻟﯩﺪﯨﻐﺎﻧﺪﺍ ﺧﯧﻠﻰ ﺋﻮﻳﻠﯩﻨﯩﭙﺌﺎﻟﯩﺪﯗ. ﺑﯩﺮ ﻧﻪﺭﺳﯩﻨﻰ ﺋﯧﻠﯩﺶ ﺋﯜﭼﯜﻥ ﺑﯘ ﺋﺎﻳﺪﺍ ﭘﯘﻟﻰ ﻳﻪﺗﻤﯩﺴﻪ، ﺑﯩﺮ ﻗﺎﻧﭽﻪ ﺋﺎﻳﻠﯩﻘﻤﺎﺋﺎﺷﯩﻨﻰ ﻳﯩﻐﯩﭗ ﺋﺎﻧﺪﯨﻦ ﺋﺎﻟﯩﺪﯗ. ﻧﻪﺭﺳﯩﻠﻪﺭﻧﯩﯔ ﻳﺎﺧﺸﯩﻠﯩﺮﯨﻨﻰ ﺗﺎﻟﻼﺵ ﺋﯜﺳﺘﯩﺪﻩ ﺑﺎﺷﻘﺎﺗﯘﺭﯨﺪﯗ. ﺋﺎﻟﻤﺎﻗﭽﻰ ﺑﻮﻟﻐﺎﻥ ﻧﻪﺭﺳﯩﻨﯩﯔ ﺑﯩﺮ ﻗﺎﻧﭽﻪ ﺗﯜﺭﻟﯩﺮﻯ ﺑﻮﻟﺴﺎ، ﺋﺎﺗﺎ-ﺋﺎﻧﯩﻼﺭ ﻫﻪﺭﮔﯩﺰ «ﺑﺎﻻﻡ، ﻣﺎﯞﯗﻧﻰ ﺋﺎﻟﻐﯩﻦ» ﺩﻩﭖ ﺑﯘﻳﺮﯗﻕ ﭼﯜﺷﯜﺭﻣﻪﻱ، ﺑﺎﻟﯩﺴﯩﻨﯩﯔ ﻗﯩﻠﻐﺎﻥ ﻗﺎﺭﺍﺭﯨﻨﻰ ﺋﻪﺳﺘﺎﻳﯩﺪﯨﻠﺌﺎﯕﻼﭖ، ﺋﺎﻧﺪﯨﻦ ﺋﯘﻻﺭﻏﺎ ﻗﺎﻳﺴﻰ ﺗﯜﺭﯨﻨﯩﯔ ﻗﺎﻧﺪﺍﻕ ﺋﯩﻜﻪﻧﻠﯩﻜﯩﻨﻰ ﭼﯜﺷﻪﻧﺪﯛﺭﯛﭖ، ﺋﻪﯓ ﺋﺎﺧﯩﺮﻗﯩﻘﺎﺭﺍﺭﻧﻰ ﭼﯩﻘﯩﺮﯨﺸﻨﻰ ﻳﻪﻧﯩﻼ ﺑﺎﻟﯩﺴﯩﻐﺎ ﻗﻮﻳﯘﭖ ﺑﯧﺮﯨﺪﯗ. ﺋﯘﻧﯩﯖﺪﯨﻦ ﺑﺎﺷﻘﺎ، ﺑﺎﻟﯩﻐﺎ ﻣﺎﺋﺎﺷﺒﯧﺮﯨﺶ ﺑﺎﻟﯩﺪﺍ ﻣﯘﺳﺘﻪﻗﯩﻞ ﭘﯘﻝ ﺧﻪﺟﻠﻪﺵ ﯞﻩ ﭘﯘﻝ ﺑﺎﺷﻘﯘﺭﯗﺵ ﺋﯩﻘﺘﯩﺪﺍﺭﯨﻨﻰ ﻳﯧﺘﯩﻠﺪﯛﺭﯨﺪﯗ. ﻫﻪﻣﺪﻩﺑﺎﻟﯩﻨﯩﯔ ﺋﯚﺯ-ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﻨﻰ ﺋﯚﺳﺘﯜﺭﯨﺪﯗ. ﻛﯩﭽﯩﻚ ﺑﺎﻟﯩﻼﺭ ﻫﻪﻣﻤﻪ ﺟﻪﻫﻪﺗﺘﻪﭼﻮﯕﻼﺭﺩﻩﻙ ﺭﻭﻝ ﺋﻮﻳﻨﺎﭖ ﺑﯧﻘﯩﺸﻨﻰ ﻳﺎﺧﺸﻰ ﻛﯚﺭﯨﺪﯗ. ﺋﯚﺯﯨﻨﯩﯔ ﺋﺎﺯﺭﺍﻕ ﭘﯘﻟﻰ ﺑﻮﻟﺴﺎ، ﺋﯘ ﭘﯘﻟﻐﺎﭘﯜﺗﯜﻧﻠﻪﻱ ﺋﯚﺯﻯ ﺋﯩﮕﯩﺪﺍﺭﭼﯩﻠﯩﻖ ﻗﯩﻠﺴﺎ، ﺋﯘﻻﺭﻧﯩﯔ ﺗﯘﻳﻐﯘﺳﻰ ﺋﯩﻨﺘﺎﻳﯩﻦ ﻳﺎﺧﺸﻰ ﺑﻮﻟﯩﺪﯗ. ﺋﯘﻻﺭﻧﯩﯔ ﺭﻭﻫﯩﻲ ﺩﯗﻧﻴﺎﺳﯩﻨﯩﯔ ﺋﻪﺗﺮﺍﭘﻠﯩﻖ ﯞﻩ ﺳﺎﻏﻼﻡ ﺋﯚﺳﯜﭖ ﻳﯧﺘﯩﻠﯩﺸﯩﮕﻪ ﻛﯚﭖ ﭘﺎﻳﺪﯨﺴﯩﺒﻮﻟﯩﺪﯗ. ﺳﯩﺰ ﺑﻪﺯﯨﺪﻩ ﺑﺎﻟﯩﯖﯩﺰﻧﯩﯔ ﺑﯩﺮ ﻧﻪﺭﺳﯩﻨﻰ ﺋﯧﻠﯩﺸﯩﻐﺎ ﺋﺎﺭﻻﺷﺴﯩﯖﯩﺰ، ﺑﺎﻟﯩﯖﯩﺰ ﺑﯘ ﭘﯘﻟﻨﯩﺴﯩﺰ ﺑﯧﺮﯨﯟﺍﺗﻘﯩﻨﯩﯖﯩﺰﻧﻰ ﭘﯜﺗﯜﻧﻠﻪﻱ ﺋﯘﻧﺘﯘﭖ ﻗﯧﻠﯩﭗ، «ﺋﯘ ﺩﯦﮕﻪﻥ ﻣﯧﻨﯩﯔ ﭘﯘﻟﯘﻡ. ﺋﯘﻧﻰ ﻗﺎﻧﺪﺍﻗﺨﻪﺟﻠﯩﺴﻪﻡ ﺋﯚﺯﯛﻣﻨﯩﯔ ﺋﯩﺨﺘﯩﻴﺎﺭﻯ. ﺳﻪﻥ ﺋﺎﺭﯨﻼﺷﻤﺎ» ﺩﯦﮕﻪﻧﺪﻩ، ﻛﯩﺸﯩﻨﯩﯔ ﺋﯩﻨﺘﺎﻳﯩﻦ ﻣﻪﺳﻠﯩﻜﯩﻨﯩﻜﻪﻟﺘﯜﺭﯨﺪﯗ. ﺑﺎﻟﯩﻨﻰ ﻣﯘﺷﯘﻧﺪﺍﻕ ﺗﻪﺭﺑﯩﻴﯩﻠﯩﮕﻪﻧﺪﻩ، ﺋﯘﻻﺭ ﺟﻪﻣﺌﯩﻴﻪﺗﻜﻪ ﭼﯩﻘﻘﯩﭽﻪ ﭘﯘﻟﻤﯘﻧﺎﺳﯩﯟﻩﺗﻠﯩﺮﯨﻨﯩﻤﯘ ﭘﯜﺗﯜﻧﻠﻪﻱ ﺋﯚﮔﯩﻨﯩﭗ ﺑﻮﻟﯩﺪﯗ.

ﺑﺎﺵ ﺑﻪﺗﻜﻪ ﻗﺎﻳﺘﯩﺶ